تحميل رواية «انت عمري» PDF

١٢ سنة حب ولا مرة فكرت للحظة واحدة إني أتخيل حياتي من غير عمار ابن عمي.

من قبل حتى ما أفهم يعني إيه حب كانت كل حاجة بتجذبني له، مع إننا ولا مرة اتكلمنا. ودائمًا كان شايفني البنت الهبلة اللي بتعيط لو حد فكر بس يشيلها وهي طفلة. كان مسميني أم نص لسان عشان مكنتش بعرف أتكلم وأنا صغيرة.

من أسبوع بس عرفت إنه قرر يسبني ويسافر. ما هو لما يمشي ويسيبهم يبقى هيسيبني أنا. معرفش إيه اللي حصل لي أول ما عرفت من خديجة أخته إنه قرر يسافر ويستقر في ألمانيا. للحظة في حاجة نخرت جوا قلبي واتخنقت مقدرتش آخد نفسي.

نزلت من السطوح مع البنات وقعدت على السلم أبكي قدام باب بيتهم. فجأة لاقيته طالع من تحت وواقف قدامي وعلى وشه ابتسامة سخرية.

مالك يا أم نص لسان؟ وقعتي ولا إيه؟

أخدت بعضي ونزلت بيتنا من غير ما أرد عليه. ودخل شقتهم ورزع الباب. حسيت كأنه بيرزع الباب اللي بينه وبيني كأنه بيقول لي انسي مفيش بينا طريق عمرنا ما هنتجمع.

فات أسبوع على آخر مرة شفته فيها. لاقيت فاتن أختي داخلة تقولي لي:

كلمي جدك عثمان بسرعة حد شكله فتن عليكِ!

قمت لبست الإسدال ونزلت عند جدي. أول ما دخلت عنده المضيفة فكيت الحجاب وقعدت جنبه. كان بيصلي. أول ما خلص صلاة قعد مكان قعدته ومسك السبحة. لاقيت نفسي قعدت في الأرض ونمت على حجره وبدأت عنيا تدمع وثواني وبدأت أعيط.

مين اللي بكاكِ يا بنت عليّ؟

تعطيني الأمان يا جدي بجاه حبيبك النبي عليه الصلاة والسلام؟

عليه أفضل الصلاة والسلام عطيت الأمان يا بنت عليّ، بس احكي الأول. مش بتروحي كُليتك ليه؟ ولا بتنزلي الصبح تصلي الفجر معانا؟ ولا نزلتي امبارح تتغدي معانا زي كل أسبوع؟

ما هو ده نفس السبب اللي طلبت تعطيني الأمان عشانه يا جدي.

عمار؟

جدي عرفت منين إنه....

عمار يا بنت عليّ؟

ايوه هو، هيسافر يا جدي هيسافر ويسيبنا.

وإنتِ تكرهي له الخير؟

أنا ؟ لا والله أبدًا.

ريداه يا بنت عليّ؟

.. جاوبي..

طب اطلعي على بيتك وذاكري كويس وخدي بالك من دراستك لحسن أسيبه يسافر والله وما هسأل فيكِ.

هتعمل إيه يا جدي؟

على فوق يا بنت عليّ روحي.

لسه جاية أخرج لاقيته مسك تليفونه وبيتصل بِـ عمار. لافيت من الباب التاني ودخلت أوضة جدي ووقفت عشان أعرف هيقول له إيه. لاقيته بيقول له:

تجييني طوالي على المضيفة!

حسيت قلبي هيخرج من مكانه. دقيتين وكان عند جدي واقف قدامه.

خير يا جدي؟

هتسافر إمتى؟

لما استلم الفيزا يا جدي يعني ٣ أو ٤ شهور بالكتير.

تكتب على بنت عمك عليّ الأسبوع الجاير.

و قاله..

لسه جاية أخرج لاقيته مسك تليفونه وبيتصل بعمار. لافيت من الباب التاني ودخلت أوضة جدي ووقفت عشان أعرف هيقول له إيه. لاقيته بيقول له تجيني طوالي على المضيفة! حسيت قلبي هيخرج من مكانه.

دقيتين وكان عند جدي واقف قدامه.

"خير يا جدي؟"

"هتسافر إمتى؟"

"لما استلم الفيزا يا جدي يعني ٣ أو ٤ شهور بالكتير."

"هتكتب على بنت عمك علي الأسبوع الجاي."

"مين؟ أنا؟ حضرتك بتقول إيه يا جدي؟ أنا مش فاهم حاجة!"

"إيه اللي مش مفهموم؟ كل عيال الدار اتزوجوا إلا إنت وهي وخلاص هتتخرج من كليتها بعد أسبوعين. وهي مخطوبة لك من ساعة ما كنتوا عيال وإنت عارف."

"يا جدي كنا عيال. دلوقت كل واحد كبر ومن حقه يختار شريك حياته. وأنا مش هرتبط بواحدة شايفها زي اخواتي!"

"متشوفهاش زي أ"

"اخواتك شوفها زي مراتك. أنا حكيت اللي عندي. هتكسر كلام جدك؟"

"ما عاش ولا كان. بس الجواز مفيهوش غصبانية يا جدي وهي أكيد مش هتقبل بكده."

"ملكش حق تتكلم بلسانها. طلبت منك طلب هتنفذه ولا لأ؟"

"يا جدي اسمعني الله يرضى عليك. أنا مبحبهاش. احنا مش في الصعيد هنا عشان تقولوا الولد لبنت عمه."

"صعيد ولا غيره. إنتوا لبعض من زمن. وأنا حكيت اللي عندي. لو عندك رأي تاني احكيه هنا!"

"يا جدي مبحبهاش."

"المرة الزينة تخلي جوزها يحبها."

"هو بالعافية يا جدي؟"

"لا مش عافية. معاك فرصة تحبها لحد ما تسافر. هتخطبها ولما تسافر تاخدها معاك."

"يا جدي حضرتك كده خلاص يعني خططت وقررت كل حاجة؟"

"هاااا موافق ولا عندك رأي تاني؟"

"حضرتك عارف إني مقدرش أكسر لك كلمة بس الموضوع صعب علي جدا لو حضرتك اللي مكاني هتعمل إيه؟"

"لو مكانك مش هفضل أرازي في جدي وأقاوح فيه وأقول له أمرك على رأسي يا جدي خصوصا لما أعرف إنه مختار لي زينة البنات."

".."

"ساكت يعني؟"

"بفكر يا جدي بفكر!"

"متفكرش يا ولدي بكرا تقول الله يرحمك يا جدي عطيتني زينة البنات."

"أنا مش عارف زينة البنات اللي حضرتك بتقول عليها دي شايفها زينة البنات على أساس إيه. بس حاضر يا جدي حاضر."

"بعد العشاء اطلع مع أبوك طوالي هنا عشان تطلبوها من عمك علي."

"طيب."

"روح لحالك."

".."

كنت حاسة إني نايمة وبحلم ورجلي مش شيلاني. هو وافق بجد؟ قومت بسرعة اتسحب خرجت من أوضة جدي ونزلت على بيتنا. لسه جاية أدخل سمعت صوت عمار عندنا.

"استني يا جويرية."

"ايوه يا عبد الرحمن؟"

"تعالي عمار عايز يكلمك."

حسيت إن هيجيلي ساكتة قلبية. فردت ضهري ومشيت ورا عبد الرحمن أخويا ووقفت جنبه. عمار كان متعصب جدا ومش طايق نفسه. كان باين عليه حتى لو هو بيحاول يخبي.

"اقعدي يا جويرية هروح أجيب الشاي وجاي عمار عايز يقول لك حاجة."

واول ما اخويا خرج عمار قرب لي وقال.

كنت حاسة إني نايمة وبحلم، ورجلي مش شيلاني، هو وافق بجد؟ قمت بسرعة اتسحب، خرجت من أوضة جدي ونزلت على بيتنا.

لسه جاية أدخل سمعت صوت عمار عندنا.

"استني يا جويرية."

"ايوه يا عبد الرحمن؟"

"تعالي عمار عايز يكلمك."

حسيت إن هيجيلي ساكتة قلبية، فردت ضهري ومشيت ورا عبد الرحمن أخويا ووقفت جنبه. عمار كان متعصب جداً ومش طايق نفسه، كان باين عليه حتى لو هو بيحاول يخبي.

"اقعدي يا جويرية هروح أجيب الشاي وجاي، عمار عايز يقول لك حاجة."

"كنت فين؟"

"كنت عند جـ... كنت فوق، فوق السطوح."

"بتعملي إيه؟"

"كنت قاعدة."

"طب بعد كده شباك أوضتك اللي ع الشارع ده ميتفتحش، سامعة؟"

"ليه؟"

"من غير ليه؟"

"فهمني طيب!"

"امممم واضح إنها زينة فعلاً يا جدي، هي مرافعة ولا إيه الكلمة اللي اقولها تتسمع؟ بدل ما أجيب خشب ومسامير واقفل الشباك خالص."

"طيب حاضر."

"اتفضلي اخرجي."

"هاااا يا عمار قولت لها؟"

"اقول إيه يا عبد الرحمن؟ اقول لها النهاردة هتقدم لك وروحي قولي لجدك إنك مش موافقة؟"

"مش أحسن ما تتجوز أختي وإنتوا مش عايزين بعض يا عمار؟ طب أفرض اتعلقت بيك؟ أنا مش موافق ولا هسمح لحد يأذي أختي أو يجبرها على حاجة مش عايزاها. احنا فين هنا؟"

"دا اللي حولت افهمه لجدك بس هو رافض حتى يسمعني وبيكلمني بتهديد، يا إما أوافق يا إما يتبرى مني. معرفش بس حسيت كده من كلامه!"

"كمان!"

..

دخلت أوضتي وأنا عمالة أراجع تاني كلامه وحاطة إيدي على قلبي. مفهمتش هو ليه طلب مني كده! بيغير عليّ مثلاً ولا إيه؟ مفهمتش. تاني يوم عرفت إنهم اتجمعوا بليل عند جدي وطلبوني منه وجدي وافق. وبابا رجع من عند جدي مبسوط وفرحان. وأنا كالعادة مكنتش عارفة استوعب. هو اللي بيحصل ده جد وحقيقي ولا حلم وهفوق منه مكسورة؟ كان خلاص فاضل أسبوعين على التخرج. فاضل أسبوعين وأودع كليتي.

سمعت بابا وماما بيتكلموا عن كتب كتابي. يوم الجمعة الجاية. كنت عايزة اطلع اقول لهم بعيد يوم الجمعة لو ينفع خلوه النهاردة. حاولت أكون متزنة وامسك أعصابي. خرجت عادي من الأوضة كأني رايحة أشرب ومسمعتش حاجة. لاقيت بابا بينادي عليّ.

"أنا عايز افهم حاجة، جواز إيه اللي محدش سألك فيه عن رأيك ولا حتى فكرتي تعترضي؟"

"يا علي مش أبوك قال لك متفتحش معاها كلام في الموضوع ده."

"ماهي حاجة تجنن العاقل دي. ماقلتش أي حاجة ولا حتى أدنى اعتراض."

"طب وإنت زعلان ليه؟"

"مش زعلان بس مستغرب. ما تتكلمي يا بنتي."

"أنا هعمل شاي تشربوا معايا؟"

"شاي!"

"أيوه، عشان هدخل اذاكر."

"يا بنتي كتب كتابك الأسبوع الجاي مش عايزة تشاركي برأيك في حاجة؟"

كنت حاسة إني هقول لبابا إني معترضة على يوم الجمعة، وعيزاه النهاردة. استعنت بالله وهديت أعصابي.

"لأ، مش عايزة أقول حاجة بعد جدي."

"أموت وأعرف إيه اللي بينك وبين جدك؟"

"بعد الشر عنك يا بابا، هتشرب شاي؟"

"شاي إيه؟ اعملي كركديه عشان دمي فاير منك ومن جدك."

"من عنيا يا أحلى بابا."

"بنتك شكلها بتحب عمار يا علي!"

"بس هو شكله مبيحبهاش ومغصوب عليها يا أم عبد الرحمن!"

"ربنا يستر."

..

مكنتش مصدقة إن لمة الرجالة دي كلها عشاني أنا وعمار عشان كتب كتابنا. جدي رفض تكون خطوبة من غير عقد. عمار حاول معاه بس هو رفض. على قدر فرحتي بكل حاجة كانت بتحصل حوالي، على قدر الرعب والخوف اللي كنت فيه إن عمار يفضل رافضني كده، وميحاولش حتى يعرفني من جوايا ويكتشف قدر حبي له! بعد ما بقيت خلاص مراته، مش مجرد خطيبة ممكن يفسخ معاها في أي وقت!

"مبروك."

"الله يبارك فيك."

"هتروحي تنامي؟"

"مش هنخرج!"

"نخرج ليه؟"

"أقصد يعني تخرجني نتعشى سوا زي ما عبد الرحمن خرج هو وخديجة يوم كتب كتابهم!"

"عبد الرحمن وخديجة خرجوا يوم كتب كتابهم، عشان كانوا بيحبوا بعض. خرجوا عشان هما عايزين يخرجوا فعلاً، مش خارجين تمثيل!"

..

حسيت إن في حاجة بتحرقني في عنيا. لما دموعي نزلت على خدي واكتشفت إني ببكي ومش قادرة أرد عليه حسيت بوجع أكبر. حسيت إن كلامه انغرس في قلبي. مقدرتش اسمع منه ولا كلمة. قومت وسيبته دخلت أوضتي وقفلت الباب بالمفتاح. وعرفت إني محتاجة وقت كبير جداً عشان اخلي عمار يحس بي، ويعرف إني بحبه وهو كمان يبدأ يحبني!

تاني يوم كان عندي كلية. نزلت بدري قبل ميعادي بكتير. كنت عايزة اتمشى شوية وافكر في حياتي الجديدة. وقفت قدام النيل على الكورنيش. أول ما عنيا لمحت دبلة عمار نسيت أي حاجة كانت مزعلاني ومسببة لي ألم. مفتكرتش غير عمار حبيبي اللي امبارح بس بقى جوزي. حضنت إيدي اللي فيها دبلته وأنا بيتجدد جوايا أمل جديد إن ربنا هيساعدني مش هيسبني لوحدي وهيخلي عمار يحبني عشان هو وحده اللي بإيده قلوب العباد. رميت ورا ضهري أي خوف واستعنت بالله وأخدت بعضي ومشيت عشان ألحق اللي هعمله في الكلية لأن امتحاناتي كانت خلاص قربت تخلص.

بعدها بحوالي خمس ساعات رجعت البيت. مكنش فيه حد تقريباً. كان بابا وأخويا في شغلهم وماما وأخواتي كانوا في بيت جدي تحت كالعادة. دخلت أوضتي فكيت الحجاب وغيرت هدومي وروحت المطبخ أدور على حاجة آكلها. لاقيت طبق السيريلاك بتاع عبيدة ابن عبد الرحمن اخويا في التلاجة. كنت لسه هحضر أكل واسخن كسلت جداً. لاقيت الباب بيخبط جامد. من اللبخة خرجت افتح الباب والطبق في إيدي. عمار!

"في إيه؟"

"إنت متخلفة؟ رايحة تفتحي الباب بشكلك ده؟"

حسيت إني جالي فقدان في الذاكرة وحاولت افتكر أنا لابسة إيه. افتكرت وياريتني ما افتكرت. طلعت اجري على الأوضة. أو كنت لسه هجري لاقيته شدني من دراعي و..

في إيه؟

إنت متخلفة، رايحة تفتحي الباب بشكلك ده؟

حسيت إني جالي فقدان في الذاكرة وحاولت افتكر أنا لابسة إيه. افتكرت وياريتني ما افتكرت، طلعت أجري على الأوضة. أو كنت لسه هجري، لاقيته شدني من دراعي.

"اِتهببي اقعدي هنا، ما إنت فتحتي الباب خلاص. إيه اللي في الطبق ده؟"

"ده أكل."

"بتأكلي إيه يعني؟"

"لا لا مش أكلي، دا أكل عبيدة."

"بأمارة ما شفايفك ملحوسة، امسحي امسحي. رايحة فين؟"

"مفيش حد هنا!"

"عارف مامتك وأخواتك تحت. أنا جاي عايز أكلمك، شوفتك وإنت طالعة. عايز رقمك صحيح، خدي سجليه هنا ورني علي عشان رقمي يظهر عندك وأبقى أسجله."

تليفوني كان على الكرسي جنبه، خوفت لو رنيت يعرف إني مسجلاه عندي بإيه.

"حاضر هسجله."

"رني كده، تليفونك اللي هناك ده، هاتيه."

"خلاص سجلته، خد."

"مرنتيش ليه؟"

"رن أهو معاك."

"خلاص هبقى أرن بعدين. المهم أنا كنت عايز أقول لك إني مكنتش أقصد أزعلك امبارح، يعني كنت بتكلم عادي، مكنتش أعرف إن الكلام هيضايقك بالشكل ده ويخليك تبكي."

"طول عمرك أصلًا مش فالح غير في كده."

"نعم قولتي إيه مش سامع؟"

"بقول لك محصلش حاجة عادي، كنت مضايقة بس شوية."

"طيب عايز أقول لك على حاجة تانية. أنا عارف إن الموضوع حصل فجأة وإن كل واحد فينا مخطط لحياته. واحنا عملنا كده عشان جدي اللي طلب مننا. إحنا ممكن نفضل مخطوبين لحد بس ما الفيزا تطلع ولما أقرب أسافر نفسخ الخطوبة وتقولي إنك مرتحتيش معايا عشان جدي ميزعلش مني."

"بس إحنا مش مخطوبين، إحنا كتبنا الكتاب امبارح ولا حضرتك نسيت؟"

"لا حضرتي منسيتش يا أم نص لسان. أنا حاولت أقنع جدي بخطوبة بس، لكن هو رفض ورأسه وألف سيف نكتب الكتاب. قال إيه عشان ناخد على بعض ونحب بعض."

"مش شايف إننا نستاهل فرصة؟"

"مين؟ أنا وإنت! خالص، مفيش أي كيميا بينا أصلًا."

"صح عندك حق. لو كان الأمر بإيدي أصلًا مكنتش أوافق حتى على خطوبة مش كتب كتاب. لكن المشكلة إن جدي اللي طلب ومقدرتش أرفض. لو سمحت أخرج عشان جاية من الكلية تعبانة وعايزة أنام."

"مش هتنزلي تتغدي معانا؟"

"لأ، نفسي انسدت."

"ما لازم تنسد في واحدة في سنك تأكل سيريلاك يا أم نص لسان."

"لو سمحت كفاية إهانة وأخرج بقى."

"إهانة مرة واحدة! أنا بهزر معاك على فكرة."

"ده ولا وقته ولا مكانه ولا حتى وضع هزار. لو بابا ولا عبد الرحمن شافوني وأنا واقفة معاك كده ومفيش حد في البيت هيقولوا إيه؟"

"عشان لابسة لبس قصير وشعرك مفرود ووشك ملحوس سيريلاك! لا متقلقيش مش هيقولوا حاجة، واقفة مع جوزك عادي."

"بتعمل إيه؟"

"استني متخافيش، كان فيه سيريلاك هنا بمسحه. امممم طعمه حلو."

"لو سمحت امشي."

"خلاص ماشي. بس انزلي اتغدي، عاملين أكل حلو جدًا تقريبًا بيحتفلوا بينا."

"لأ مش هنزل، أنا هدخل أنام."

"اسمعي الكلام. لو منزلتيش هجيب الأكل هنا وأكلك غصب عنك قدام عمي وعبد الرحمن. يلا أنا هنزل."

فضلت أراجع كل الأحداث اللي كانت بتحصل في اليومين اللي فاتوا، مكنتش عارفة أستوعب ولا أتخيل، هو حقيقة فعلًا ولا بتخيل؟

دخلت أوضتي وحاولت أنام شوية معرفتش. بعدها بثواني سمعت صوت رسالة على تليفوني، كانت منه. "عمار حبيبي". كنت مرعوبة يشوف أنا مسجلة اسمه بإيه. لاقيته كاتب لي: "لو منزلتيش تأكلي هنفذ كلامي وأكسفك يا جويرية، إنت حرة."

في ثواني كنت قايمة من على السرير ولبست هدومي ونزلت. مكنتش هستحمل أي موقف احتكاك تاني معاه. ممكن أقع وأعترف له بكل حاجة.

أول ما نزلت تحت في بيت جدي ودخلت الصالة لقيت..

أول ما نزلت تحت في بيت جدي ودخلت الصالة لاقيته في وشي وبيبتسم بإنتصار عشان خلاني أنزل لأنه عارف إني خوفت ينفذ تهديده.

حاولت إني أصرف نظري عنه وأنسى إن الابتسامة الفظيعة دي مش لي.

أنا بس مقدرتش، لاقيتني ببتسم له بمنتهى الرضا كأن بينا حاجات كتير خاصة محدش يعرف عنها حاجة.

وكأن هو كمان حس بنفس الإحساس، فـ بطل يبتسم لي ورسم على وشه الجدية ومسك تليفونه يبص فيه.

لاقيت خديجة أخت عمار بتقول لي: "لابسة لبس خروج ليه؟ مفيش حد غريب هنا، روحي غيري وإلبسي لبس مريح ولا فكي حجابك يابنتي خلاص عمار مبقاش غريب ده جوزك!"

لسه جاية أرد عليها، لاقيت عمار وقف جنبي وسند بدراعه على كتفي، وحوط بيه الناحية التانية وقرصني في خدي وهو بيضحك وبيقول لي: "متسمعيش كلام أختي دي بالله لحسن بعد كده تنسي نفسك وتروحي تفتحي الباب لأي حد بلبس البيت زي واحدة صاحبتنا."

حسيت إن وشي بيخرج نار، وخديجة واقفة تبص لنا ومش فاهمة حاجة.

"على فكرة الهانم دي أكلت أكل ابنك."

"بالك على مين يا عمار؟"

"مراتي يا بنتي، أكلت السيريلاك بتاع عبيدة."

شدت منها الطبق بالعافية وأنا كمان دوقته، طعمها كان حلو على فكرة.

افتكرت هو يقصد إيه. بقيت واقفة محتارة فيه مش عارفة أفهم هو عايزنا مع بعض ولا مش عايزنا. كلامه معناه حاجة وتصرفاته بتقول حاجة تانية خالص.

لاقيت خديجة بتشاور بإيديها وبتقول: "مجانين والله، ربنا يستر." ومشيت وسابتنا.

وأنا تعصبت منه وشيلت دراعه من على كتفي، فضل ماسك إيدي ومش راضي يسبها.

"لو سمحت بطل هزارك ده لأنه بايخ جدا."

"أنا عملت حاجة؟"

"تقصد إيه من كلامك وتصرفاتك دي؟"

"أنا معملتش حاجة، إنتِ اللي مسكتي دراعي الأول."

حسيت بإهانة وكنت متعصبة منه. ولو كنت رديت عليه وقتها كنت هتكلم بصوت عالي وكلهم كانوا هيسمعوني. سيبت البيت وجريت. كنت هطلع شقتنا بس خوفت ألاقي بابا هناك ويشوفني وأنا بعيط.

طلعت على السطوح وقعدت أعيط.

لاقيتو طلع ورايا.

"أنا مش واقف بكلمك، بتسيبيني وتمشي ليه؟"

"أنا مش عايزة أتكلم معاك."

"يعني إيه مش عايزة أتكلم معاك؟"

"ومش عاجبني أسلوب معاملتك ده ولا هزارك. منين بتقول عايزنا نسيب بعض قبل ما تسافر، ومنين كل شوية تتكلم معايا وتضحك وتهزر وتخليني أتعلق بيك؟ ولا إنت بتتسلى لحد ما تسافر حاجة ببلاش يعني!"

رد وقال:

أنا مش واقف بكلمك بتمشي وتسبيني ليه؟

أنا مش عايزة أتكلم معاك.

يعني إيه مش عايزة أتكلم معاك؟

ومش عاجبني أسلوب معاملتك ده ولا هزارك. منين بتقول عايزنا نسيب بعض قبل ما تسافر، ومنين كل شوية تتكلم معايا وتضحك وتهزر وتخليني أتعلق بيك، ولا إنت بتتسلى لحد ما تسافر؟ حاجة ببلاش يعني!

احترمي نفسك. أنا لو مش عامل خاطر لجدي وعمي وأبويا وعبد الرحمن أخوك، أنا كنت كسرت عضمك دلوقتي على الكلمة اللي إنتِ قولتيها دي. أنا مقصدش كل القرف اللي إنتِ فهمتيه ده، أنا بهزر معاك زي ما بهزر مع أخواتي.

وأنا مش أختك. وقبل ما نكتب الكتاب مكنتش بتهزر معايا أصلًا. إيه اللي اتغير عشان تهزر دلوقتي؟

عادي، بس مش لدرجة إنك تفسري الموضوع بالشكل المقزز ده.

ملهوش معنى غير كده. واللي اتغير إني بقيت مراتك. وأنا مش هقبل باللعبة السخيفة دي. أنا مشاعري مش لعبة. مش عايزني يبقى نسيب بعض، مش تفضل تتسلى لحد ما تقرب تسافر على حسابي.

قولت لك اخرسي، متكرريش الكلام ده تاني. إنتِ شيفاني كده فعلًا؟

تصرفاتك بتقول كده.

وإنتِ عبقرية وبتفهمي أوي. حاضر يا ست المحامية المحللة العميقة، هنسيب بعض بس مش دلوقتي. شهر واحد بس عشان لما نسيب بعض يصدقوا إن فيه سبب سيبنا بعض عشانه. اتفضلي انزلي.

مش عايزة أنزل، أنا حرة. ومن هنا ورايح يبقى أحسن لو كل واحد بقى في حاله وملهوش دعوة بالتاني.

يبقى أحسن حاجة عملتيها. أنا غلطان إني كلمتك أصلًا.

***

قعدت أبكي على غبائي بدل ما كنت بحاول إننا نقرب من بعض ونكون أصحاب، بهدلت كل حاجة وبوظت حتى صورته في عنيا. دلوقت أو بعدين كان لازم ده اللي يحصل. فات حوالي شهر من غير ما نتكلم، وكنا بنتجنب نشوف بعض حتى لو صدفة. اتقابلنا كان كل واحد فينا بيلف عكس التاني. خلصت امتحانات ونتيجتي طلعت ونجحت، وحفلة التخرج قربت. الحلم اللي عشت عمري كله بحلم بيه إني بحضر حفلة التخرج وعمار معايا ماسك إيدي في إيده. حسيت إنه مستحيل، مش ممكن يحصل.

تاني يوم كان الجمعة، وكلنا كان متجمعين في بيت جدي تحت. لاقيت بابا بيبتسم وبيقول لي: "مش تباركوا لـ جويرية نجحت وحفلة التخرج كمان أسبوع؟"

"أحلى متر اسمها جويرية."

"لأ يا عبد الرحمن، قول إن شاء الله دكتورة."

"حبيبتك دي يا ست خديجة، طول عمرك تدافعي عنها حتى لما كان عمار يقول عنها بنص لسان كنتِ بتقفي له."

***

لاقيتني ببص ناحيته. كان باصص قدامه في الطبق كأنه مش واخد باله. لاقيته بيبص لي وبيقول لي: "مبروك."

"مبروك كده بس؟ ليه مش هتاخدها توديها حفلة التخرج؟ تروح معاها تحضرها وتجيبها؟"

"أنا عندي شغل يا جدي."

"تفضي نفسك يا ابن ياسر وتروح مع مراتك."

"حاضر يا جدي."

***

لاقيت فاتن أختي قرصتني في رجلي وغمزت لي وقعدت تضحك. بصيت لجدي وأنا في منتهى السعادة. لاقيته ابتسم لي في لمح البصر وابتسامته اختفت. كنت عايزة أقوم أحضنه وأقول له: "شكرًا يا جدي إنك موجود في حياتي." جدي كان هو أكتر إنسان غالي على قلبي. اتولدت على إيده، هو أول واحد شالني وسماني على اسم جدتي من حبه فيها. هو أكتر واحد فاهمني وعارف يعني إيه حب. أنا أخدت رزقي كله في جدي. ربنا ما يحرمني منه.

بعدها بأسبوع كان عمار واقف تحت البيت منتظرني. نزلت ركبت جنبه العربية. من كتر ما قلبي كان بيدق جامد، كنت خايفة يسمعه ويعرف حالتي. فجأة لاقيته قرب ناحيتي. قلبي كان هيقف. مد إيده وفتح طابلوه العربية كأنه كان قاصد يعمل الحركة دي عشان يغيظني. بس حاولت أفضل هادية ومبصيتش ناحيته. لاقيته ماسك علبة طويلة ومتغلفة كانت...

بعدها بأسبوع كان عمار واقف تحت البيت منتظرني.

نزلت ركبت جنبه العربية من كتر ما قلبي كان بيدق جامد كنت خايفة يسمعه ويعرف حالتي.

فجأة لاقيته قرب ناحيتي قلبي كان هيقف.

مد إيده وفتح طابلوه العربية كأنه كان قاصد يعمل الحركة دي عشان يغيظني.

بس حاولت أفضل هادية ومبصيتش ناحيته.

لاقيتـه ماسك علبة طويلة ومتغلفة كانت علبة هدية.

"اتفضلي."

"إيه دي؟"

"هديتك. مبروك على النجاح والتخرج. ودي هدية عادية جدا لبنت عمي ملهاش أي تفسير عشان دماغك متروحش لبعيد وتقعدي تفكري تفكير قذر."

"لو سمحت."

"أسف والله مقصدش. خديها بقى بدل ما هحدفها من الشباك."

"خلاص خلاص شكرًا."

"مش هتفتحيها؟"

"طيب."

"طب افتحيها. عمومًا خلاص براحتك متفتحيهاش."

"شكرًا على الهدية."

"عفوًا."

..

بعد حفلة التخرج رجعنا ركبنا تاني العربية عشان نرجع البيت.

لاقيتـه بيقول لي: "هااا بقى تحبي نروح نتغدى فين؟"

"مين؟"

"أنا وإنت يا جويرية!"

"ليه؟"

"عادي مش جعانة؟ إيه يا بنتي نروح نتغدى ونحتفل بيك كده بما إنك اتخرجتي وبقيتي متر على رأي عبد الرحمن أخوك."

"عايز تخرج معايا يعني؟"

"إنت مش عايزة تخرجي نتغدى سوا؟"

"لأ مش عايزة ياريت نرجع البيت."

"أنا غلطان إني سألتك أصلًا."

"رايح فين ده مش طريق البيت؟"

"هنروح نتغدى عشان أنا جعان."

"مش عايزة."

"بس أنا عايز اروح اتغدى عندك مانع!"

"خلاص بس أنا مش هاكل حاجة."

...

"بتهزر!! مطعم سوشي؟"

"لسه برضو مش هتاكلي؟!"

"إنت قاصد تجيبنا هنا بقى."

"بصراحة آه. مش بتحبي السوشي برضو؟"

"آه."

"يبقى انزلي بقى نتغدى وبلاش رخامة."

"طيب."

..

نزلنا المطعم اتغدينا وخلصنا وكان كل واحد سرحان ومحدش فينا اتكلم.

رجعنا ركبنا العربية تاني ومحدش فينا برضو فكر يتكلم.

وصلنا قدام البيت.

عمار ركن العربية وأنا نزلت ودخلت البيت.

لاقيتـه بيرن علي.

وقفت استنيته جوا لاقيته داخل وفي إيده العلبة.

"إيه مش عايزاها؟"

"أسفة نسيتها."

"مش هتفتحيها؟"

"ثواني هفتحها."

"إيه رأيك في السلسة؟"

"مفتاح!"

"آه. وحشة؟"

"لأ جميلة بس غريبة شوية أول مرة أشوف سلسلة على شكل مفتاح! هو فيه آه طبعًا منها بس أول مرة اشوفها وحد يهديها لي يعني."

"عجبتك؟"

"ايوه جميلة بس معناها إيه؟"

"وطلع وراها سر غريب."

بسم الله الرحمن الرحيم  السبيل الثامن ❤️‍🔥الحُب…هل هو شعورٌ مُطلق، أم عقدٌ مشروط؟وما مفهوم الحُب:ـ أنـا أحبك ما دمتَ تُسعدني؟ـ أم أحبك حتى حين ينهكنا الحزن، ولكننا معًا؟كثيرون ظنّوا أن الحُب هو مفتاح السعادة،واستنكروا كيف للمرء أن يهوى من يُؤلمه.غير أن الحقيقة أعمق من ذلك.." فالحُب هو الشعور الوحيد الذي يولد حرًّا،لا يساوم، ولا يُقايض، ولا يعترف بلغة الشروط.إما يُمنَح كاملًا أو لا يُمنَح أبدًا. وحين تتوهّج نيرانه في القلوب، لا يفلح رماد العقل في إخمادها.ومهما بلغ الألم، لا يفر الحب أبدًا بل على العكس، فهو يتصدى له، و كأنه خُلق لينتصر لا ليخسر.وحين نقرن الحُب بالسعادة، نكون قد أخطأنا فهم جوهره. فالسعادة قد تكون ثمرته. لكنها أبدًا لا تصلح أن تكون شرطًا له، ولا فرضًا يُقاس به مدى صدقه.نورهان العشري ✍️ 🍁🍁🍁🍁🍁🍁🍁🍁ـ زينة! هكذا هتف خالد باندهاش وهو ينظر إلى تلك المرأة الثلاثينية التي تضاعف جمالها منذ آخر مرة رآها بها لتبدو بهيئة رائعة مصحوبة بابتسامة لازالت تخطف أنفاس كل من رآها.ـ حمد لله على السلامة رجعتي من السفر أمتى؟هكذا تحدث خالد وهو يصافح زينة شقيقة زوجته الراحلة التي ابتسمت بدورها و أجابته بنبرة رقيقة ولكنها تحمل الثقة كما هي عادتها:ـ الله يسلمك. أنا راجعة بقالي تلت أيام. ـ اخس عليكِ. تلت أيام ولسه فاكرة تيجي تزورينا النهاردة! هكذا تحدثت نبيلة بود زائف لتنظر إليها زينة بابتسامة هادئة قبل أن تقول بنبرة تحمل السخرية بين طياتها:ـ صدقيني يا بلبلة لو اعرف انك هتستقبليني الاستقبال الحار دا كنت نزلت من الطيارة على هنا على طول.ارتسمت ابتسامة بسيطة على ثغر خالد الذي يعلم المعنى المبطن خلف كلماتها، ولكن نبيلة تجاهلت ما ترمي إليه وهي تقول بنبرة ودودة:ـ ازاي بقى؟ دا أنتِ حبيبتنا. أنتِ ناسية انك متربية وسطنا ولا أيه؟ لم تُعلق زينة ليلتفت خالد ناظرًا إلى أشجان التي كانت تقف أسفل الدرج بأعيُن يتماوج بهم الغضب ليقول بنبرة خشنة:ـ حبيبي. تعالي سلمي على زينة.اقتربت أشجان بخطوات هادئة و عينيها لم تغفل عن نظرات نبيلة الخبيثة لتتفاجيء حين طوق كتفها خالد وهو يقوم بتعريفها إلى هذه الضيفة الجميلة:ـ اعرفك يا زينة. أشجان مراتي. و دي زينة خالة رنا..تبادل كُلًا من أشجان و زينة النظرات المصدومة حين علمت كلتاهما هوية الآخرى لتستفهم زينة بجمود:ـ معقول اتجوزت! هذه المرة كانت المفاجأة من نصيب خالد حين وجد أشجان تمد يدها و تصافح زينة وهي تُجيبها بنبرة قوية:ـ أه معقول. نورتينا..شعر بالغبطة من فعلتها لتبتهج عينيه فمن الرائع أن الأمر حين يصل عنده يتبدل سكونها و تشتعل جذوة النيران بداخلها كما هو واضح في نظراتها لتندفع زينة بلهفة:ـ على فكرة والله انا مقصدش. أنا بس اتفاجئت. ألف مبروك..شعرت أشجان باحراجها و بعفويتها في التعامل لذا ابتسمت بلُطف وهي تقول باختصار:ـ الله يبارك فيكِ.ـ يالا ندخل أنتِ واقفة على الباب ليه؟ و فين شنطك عشان الخدم يطلعوها فوق..تصلب جسد أشجان أسفل ذراعه من حديث نبيلة المسموم ليتحدث خالد بنبرة جافة:ـ نبيلة. أدي فرصة للناس تاخد نفسها، أنا مُقدر طبعًا أن زينة وحشاكي! بس الدور اللي أنتِ قايمة بيه دا دور أشجان بما أن دا بيتها. قال جملته الأخيرة بنبرة ذات مغزى، فشعرت نبيلة بالإهانة خاصةً أمام زينة التي شعرت بالحرج، فهتفت الأخيرة بارتباك:ـ سوري يا خالد. أنا اللي جيت من غير ميعاد، و نبيلة اكيد متقصدش.تدخلت أشجان قائلة بنبرة يغمرها الثقة النابعة من دعمه لها، و تعزيز مكانتها علنًا دون تهاون:ـ مفيش داعي للإعتذار. أنتِ نورتينا حقيقي، وكلنا مبسوطين أننا شفناكِ مش نبيلة بس، و اللي هيفرح أكتر و أكتر بقى لما يشوفك هي رنا.ابتسم برضا من حديثها ليستمع إلى صوت زينة تقول:ـ ميرسي لذوقك. أنا فعلًا نفسي أشوف رنا دي وحشاني أوي.أشجان بهدوء:ـ دقيقتين و هتلاقيها نازله. اتفضلوا نقعد في الصالون..تقدمت نبيلة في المقدمة وكأنها تعلن كونها فردًا أساسيًا في هذا المنزل، و خلفها زينة، لتتبعهم أشجان و بجانبها خالد الذي جذبها مختلسًا قبلة استقرت فوق جبهتها كتعبير غير منطوق لما قامت به منذ دقائق ثم توجهوا إلى الصالون الكبير ليستقر الجميع في مقاعدهم لتبدأ نبيلة في استجوابها قائلة:ـ قوليلي يا زينة يا حبيبتي. هو جوزك اتوفى بقاله قد أيه؟ خالد باستفهام:ـ أيه دا هو سامح اتوفى امتى؟ انا فاكرك جايه زيارة عادية؟زينة بهدوء:ـ لا للأسف. سامح اتوفى بقاله أربع شهور و نص، و أنا راجعة استقر في مصر. مش ناوية اسافر تاني.التمع الفرح في أعيُن نبيلة من حديث زينة، على عكس أشجان التي دق ناقوس الخطر في قلبها لا تعلم السبب ولكنها لم تُعلق ليقطع الصمت الدائر دخول رنا التي ما أن سمعت بوجود خالتها حتى هرولت من الأعلى لتحتضنها بشوق و فرحة عارمين. ★★★★★★★★★★كان كمال يجلس حول الطاولة في مواجهة سوزان و ملامحه مُكفهرة بشكل يبعث على الرهبة، منذ أن رآى تلك الغبية تقف في شرفة الشقة وهي ترتدي هذه المنامة البيتية التي تكشف عن اكتافها البيضاء و خصلاتها البنية تتماوج حرة طليقة حولها وكأنها قاصدة استفزازه بينما هي كانت تنظر إلى البحر وهي تحمل كوبّا ترتشف منه على مهل غافلة عن الأعيرة النارية التي تندفع من نظراتهـ نورتني النهاردة يا كمال. هكذا تحدثت سوزي بلُطف وهي تنظر إلى ملامح كمال التي تُنذر بالسوء و كذلك كانت لهجته الجافة حي أجابها:ـ أي مكان بتكوني فيه بينور بوجودك يا سوزي..التفتت سوزان ناظره إلى عمر الذي كان يجلس بجوار كمال و قد بدا عليه التحفظ لتقول بنبرة ودودة:ـ و اللي أحلى و أحلى كمان انك جبت معاك الدكتور عمر. سمعت عنه كتير..كمال بحنق:ـ أنا لا جبته ولا شفته أصلًا. أنا اتكعبلت فيه وأنا داخل..اغتاظ عمر من كلمات كمال ليُتمتم بحنق:ـ أصيل طول عمرك..سرعان ما تبدد حنقه ليُجيب على سوزان قائلًا بمرح:ـ الصراحة أنا كنت بتمشى بالعربيه و لفت نظري المكان. فقولت ادخل اقعد شوية واتفاجأت بكمال، و بعدين بحضرتك. مكنتش اعرف ان دا المطعم بتاعك. يعني الموضوع كله صدفة.كانت ترى الكذب بوضوح في عينيه، ولكنها اكتفت بالقول بابتسامة بشوشة:ـ يا محاسن الصُدف والله. علق كمال ساخطًا:ـ هي محاسن فعلًا.ـ سوزي يا سوززززي.هكذا هتفت آسيا و من خلفها شروق ليتنبه كُلًا من كمال وعمر إلى وجودهم الطاغي، و بالمقابل تفاجئت الاثنتين من وجودهم لتشتعل النظرات لثوان بين الجميع، خاصةً حين شاهد كمال ذلك الفستان الذي ترتديه آسيا و الذي لم يكُن كاشفًا كتلك المنامة التي كانت ترتديها في الشرفة، ولكنه كان يبرز منحنياتها بدقة و يتلائم لونه الزيتي مع لون بشرتها، فبدت صارخة الجمال حتى بدون مساحيق تجميل.أما عن عمر، فقد افلتت نظراته المُشتاقة تحتوي شروق التي كانت ترتدي ملابس بسيطة، مكونه من تيشيرت أبيض اللون بنصف أكمام، و بنطلون أسود يعانق ساقيها بأغواء. تاركة العنان لخصلاتها الرائعة لتتماوج خلفها بحرية و خاصةً وقد ازداد طولها عن السابق، فهاجمته ذكرى بعيدة وهو يقوم بتصفيف هذه الخصلات المتمردة و يستنشق عبيرها و يغرز أصابعه بين طيات نعومتها.ـ أهلًا بالحلوين. تعالوا يا بنات..كانت شروق كعادتها سرعان ما تحسن ارتداء قناع الجمود قبل أن يظهر عليها أي شيء على عكس آسيا التي كانت تعرف مُسبقًا بأنه قادم، ولكن بدا عليها التأثر حين تذكرت تلك الصفعة التي نالت من كرامتها لتغيم عينيها بحزن تبدد حالما لمحت نظرات سوزان المُحذرة لتتدراك الأمر حين رأت شروق التي أرادت النيل من عمر هذه المرة أيضًا حين تقدمت من كمال قائلة بنبرة ودودة:ـ ازيك يا كمال عامل ايه؟صافحها كمال وهو يجيبها بنبرة ودودة:ـ الحمد لله ازيك يا شروق..كان يتفرسها رغمًا عنه، فقد اشتعلت جذوة الشوق بصدره و ود لو يعانقها حتى تتكسر عظامها، فلن يكفيه مجرد مصافحة، والحقيقة أن لشروق رأيًا آخر أفزع كبريائه بقوة حين ضنت عليه بالمصافحة التي لم تكن ترضيه واكتفت بإيماءة بسيطة من رأسها كتحية له، وقد تبدلت نيران شوقه إلى غضبًا حين رآها تلتفت ناظرة إلى سوزان وهي تقول بمرح:ـ شوفتيني وأنا منضبطة و جاية آخد الشيفت بتاعي في معاده!سوزان بحـب:ـ لا شوفتك وأنتِ زي القمر. يالا على المطبخ.شروق بمُزاح:ـ عنيا يا فندم. أنهت جملتها ثم التفتت إلى كمال قائلة بنفس نبرتها المرحة:ـ كان نفسي أوجب معاك والله. بس المديرة بتاعتنا شديدة شوية. ابتسم كمال الذي كان يتقن لعبة التجاهل هو الآخر ليقول بنبرة خشنة:ـ كفاية أن أنا شوفتك. دا أحلى واجب.اقتربت آسيا مُزعنة لتقوم بالترحيب بعمر الذي كان الغضب بادٍ على محياه:ـ أهلًا يا دكتور عمر. نورتنا. صافحها عمر وهو يحاول التغلب على غضبه من تجاهلها له قائلاً بنبرة جامدة:ـ ازيك يا آسيا عاملة أي؟ آسيا باختصار و هي تحاول تجاهل هذا الذي لم يعير وجودها حتى التفاتة:ـ الحمد لله. ثم التفتت إلى سوزان قائلة بجمود:ـ وأنا هجهز الشواية عشان ابتدي الشوي على ما خالد و أشجان يوصلوا. ناظرتها سوزان بلوم يتناقض مع نبرتها المُعتزة حين قالت:ـ حظكوا من السما هتاكلوا احلى مشويات من إيد آسيا النهاردة. كان باردًا إلى الحد الذي يظن المرأ بأن براكين الغيرة لم تطأ أرضه يومًا، ولم يحترق مناخه بنيران العشق أبدًا، لينهض من مكانه وهو يضع نظراته الشمسية لتكتمل صورة نموذجية لرجل وسامته و الهلاك وجهان لعملة واحدة، ليقول بنبرة خشنةـ أنا همشي عشان ورايا حاجات مهمة، و بعدين أنا ماليش في المشاوي، تقيلة على معدتي. مابحبهاش.غادرت بهدوء وكأن داخلها لم يتحطم منذ لحظات لتحدجه سوزان بنظر لأئمة قبل أن تقول بنبرة مُعاتبة:ـ على فكرة أن قايله لخالد يقولك انك هتتغدى معانا النهاردة. كمال موضحًا:ـ قالي والله، و مردتش أقوله يعتذرلك جيت بنفسي عشان متزعليش.مد يده يصافحها فربتت على كفه بيدها الأخرى وهي تقول بنبرة ذات مغزى:ـ هيفوتك كتير. كمال بجمود:ـ محدش بياخد أكتر من نصيبه.لم تُطيل في الأمر لتوميء برأسها، فتدخل عمر قائلًا بنبرة جافة:ـ أنا كمان همشي، مبسوط اني شوفت حضرتك و اتعرفت عليكِ.سوزان بنبرة ودودة:ـ أنا اكتر، و اتمنى اشوفك كتير هنا. المكان مكانك. عمر بجمود:ـ أن شاء الله. ما أن غادر الرجلان حتى هتفت سوزان بنبرة ساخطة:ـ أنتِ يا مقصوفة الرقبة ياللي اسمك آسيا. جاءت آسيا بخطوات غاضبة و نبرة تشبة الصراخ:ـ أنا مقصوفة الرقبة ليه أن شاء الله ؟!سوزان بتقريع:ـ بقى يا بت أنتِ دا اللي اتفقنا عليه؟ الراجل داخل عليا هيطق من جنابه!آسيا بحنق:ـ يستاهل. تدخلت شروق محاولة تخفيف الأمر:ـ اهدي شوية يا آسيا و اسمعي سوزي. سوزان بحنق:ـ ليه تسمع الشر بره و بعيد! هي لازم تجود من عندها.آسيا بحدة:ـ مش هو عاملي فيها مجروح و مد إيده عليه يستاهل بقى..هتفت سوزان موبخة:ـ عشانك غبية. مفروض شوفتيه متعصب متقفيش قدامه. آسيا باستنكار:ـ دا ليه أن شاء الله! حد قالك إن أنا جبانه!سوزان بتقريع:ـ لا مش جبانه بس غبية. لما الواحدة تلاقي اللي قدامها متعصب مفروض تنسحب حتى لو عندها الف حق. عشان ميحصلش اللي حصلك. وعلى رأي أدهم الحسيني الله يمسيه بالخير دا الجري نص الجدعنة.شروق و آسيا في آنٍ واحد:ـ مين أدهم الحسيني دا؟سوزان بشجن:ـ دا واحد حكيم كدا. كان في رواية اسمها للعشق وجوه كثيرة أنا بحبها اوي. عقبت شروق قائلة باعتراض:ـ ما علينا. بس على فكرة يا سوزي اللي عيزاها تعمله دا يبقى اسمه هروب.سوزان بتوضيح:ـ اسمه هروب تكتيكي يا هبلة. هو لما يتهور مين اللي هيتعور ! شروق بإقرار:ـ هي.تدخلت آسيا بغضب:ـ بصي بقى أنا السبب هو السبب. المهم أنه جه عليا و قوي، و مفكر أني هجري وراه اترجاه! دا بعينه! أنا أموت ولا اني اتذلل لحد. سوزان بحدة:ـ يابت تتذللي أيه ؟ أنتِ هتجننيني! عارفة ؟ انا مش تاعب قلبي غيرك! شايفة البت اللي عاملة فيها رضوى الشربيني دي ميتخافش عليها. حتى الهبلة أشجان انا متطمنة عليها. انما أنتِ دماغك مسوحاكي و شيطانك عفي. تجمعت سحب الغضب بعينيها لتمطر ألمًا تجلى في نبرتها حين قالت:ـ أنتِ اللي بتقولي كدا! رق قلب سوزان لعبراتها لتهتف بحنو:ـ يا بنتي الله يهديكِ. بلاش تصبي الزيت على النار. قولنا أن دا ابننا و غلط، و مجروح، قلبه واجعه. كمال لسه باديء يفوق من الصدمة. منضغطش عليه. نتجنب غضبه. دا الحزن معشش جوا عنيه.اقتربت آسيا تجلس بجانبها واضعه رأسها فوق صدر سوزان لتهتف من بين عبراتها: ـ عارفة أن القلم اللي ضربهولي موجعنيش قد كلامه! لما سمعته بيتكلم مع خالد و قد أيه هو مجروح حسيت اني كرهت نفسي. اتمنيت لو كنت موت ولا كنت وجعته كدا. سوزان بحنو وهي تمحو عبراتها بحنو تجلى في نبرتها حين قالت:ـ يا حبيبتي اللي حصل حصل، واحنا بنحاول نصحح الغلط دا. بلاش تستفزيه احنا عايزين نقرب بطريقة متبينش اننا قاصدين. بنحاول نخلق صدف عشان نقرب المسافات بينكوا. آسيا بنبرة تئن وجعًا:ـ بروده و تجاهله ليا دول بيجننوني. شوفتي شكله كان عامل ازاي لما دخلت؟ اللي يشوفه و ميعرفش اللي كان بيننا يقول إني شفافة بالنسباله. غصب عني الموضوع مؤلم و مُهين أنتِ متعرفيش كمال دا كان بيتعامل معايا ازاي!سوزان بتوضيح:ـ على قد حبه على قد وجعه. اصبري و اهمدي و اسمعي الكلام. عايزينه يرجع زي الأول و أكتر بس بعقل.اومأت برأسها بإذعان لترفع سوزان رأسها و تنظر إلى شروق التي كانت في وادٍ آخر لتهتف قائلة:ـ والله ما مريحني إلا العاقلة الراسية دي. جابته على ملا بوزه  قال أيه كان معدي من هنا بالصدفة و لفت انتباهه المطعم!انتفضت دقات قلبها إثر حديث سوزان لترتسم ابتسامة ساخرة فوق شفتيها قبل أن تقول بمرارة:ـ والله لو بيموت يا سوزي وروحه معايا هيستكبر ياخدها، وانا هستكبر أردهاله. أنا غير آسيا. أنا عارفة و متأكدة أن قضيتي خسرانه معاه.مدت سوزان يدها إلى شروق التي كانت في أمس الحاجة لعناقها لتحتل الجانب الآخر من صدرها في مقابلة آسيا لتقول سوزان بحنو:ـ مفيش خسارة يا حبيبتي. هو بس محتاج يتقرص عشان يفوق.شروق بتهكم:ـ عُمر عمره ما هيفوق أبدًا.سوزان برزانة:ـ بكره تشوفي. اللي بيتكبر على الحب. زي بالظبط اللي بيقف يرتجف في البرد عشان خايف لا النار تلسعه. ولما يحس أنه قرب يموت من البرد هيجري على اللي كان خايف منه. الإنسان لما بيلاقي نفسه بيقع بيدور على أي حبل يتمسك بيه حتى لو كان الحبل دا شوك. مش قلب زي قلبك. خرج استفهام مؤلم من بين طيات قلبها الموجوع:ـ وهل يفلح مع من ارتكب جُرمه الغفران؟!سوزان بحنو:ـ بكرة كل حاجة هتتصلح بإذن الله و هتقولوا سوزان قالت.أنهت جملتها و قامت بتوجيه ضربة خفيفة لجبهة آسيا وهي تقول بتقريع:ـ دا لو الهانم طبعًا سمعت الكلام، و متسببتش في كارثة بعنادها.رفعت رأسها تناظره سوزي بتأثر وهي تقول بتعب:ـ تفتكري في أمل كمال يرجعلي تاني؟!سوزان بحنو:ـ في بدل الأمل ألف. بس احنا نتصرف بعقل و نبطل نبني في السور اللي بيبعدك عنه بدل ما نهده. آسيا بلهفة:ـ حاضر هسمع كلامك في كل اللي تقوليه. تدخلت شروق التي قالت بتخابُث:ـ و الخطوة الجاية من عندي. يالا يا سيسو أن شالله ما حد حوش.اللهم إني أعوذ بك من الهم والحزن والعجز والكسل والجبن والبخل وضلع الدين وغلبة الرجال"♥️★★★★★★★★★زينة بنبرة رقيقة:ـ خالد ممكن اتكلم معاك في موضوع ؟نظر خالد إلى ساعته قبل أن يقول بنبرة خشنة:ـ معلش يا زينة خلينا نأجل كلامنا النهاردة لأننا للأسف عندنا معاد مهم و اتأخرنا عليه و مضطرين نمشي. البيت بيتك طبعًا.لا تعلم لما شعرت بأنه يتهرب من الحديث معها لتوميء برأسها قبل أن تقول بخفوت:ـ لا طبعًا ولا يهمك اتفضل. أنا بس هستأذنك اخد رنا تبات معايا النهاردة عشان هي وحشاني أوي..هذه المرة تدخلت أشجان عن عمد حين قالت:ـ وليه تاخديها وتمشي؟! خليكِ معاها هنا. و باتي كمان معاها. هتفت رنا بحبور:ـ ياريت يا خالتو. أنا نفسي بجد اقعد معاكِ. أنتِ وحشاني أوي..اندهشت زينة حين تولت أشجان الإجابة بدلًا عن خالد، وكأنها تخبرها بأن ابنة أختها تحت تصرفها هي ولكنها لم تُفصِح عما يجول بخاطرها بل تحدثت بهدوء:ـ خلاص تمام. أنا بس محتاجة اروح الفندق عشان اجيب هدومي و حاجات ليا.ـ مفيش مشكلة وأنا هبعت السواق معاكِ يوديكي و يجيبك.هكذا تحدث خالد لتبتسم زينة بامتنان لتلتفت أشجان ناظرة إلى رنا بحُب قبل أن ان تقول بهدوء:ـ متنسيش تكلمي سُهيلة تقوليلها انك مش هتخرجي معانا. رنا بأدب:ـ حاضر يا مامي. و بوسيلي نانا سوزي وقوليلها سوري عشان مش هعرف اجي معاكوا..قبلتها أشجان فوق جبهتها قبل أن تقول بحنو:ـ حاضر ياروحي. اتبسطي مع خالتو و نبقى نروح لنانا سوزي في وقت تاني.أخيرًا توجه كُلًا من خالد برفقة أشجان و أطفالها إلى الخارج وما إن كاد يستقل السيارة حتى تفاجيء من هذا الصوت خلفهم:ـ خالد..التفت خالد فصُدِم حين وجد هيام التي كانت تقف على مقربة منهم، ولكن كانت الدهشة من نصيب اشجان التي هتفت قائلة:ـ هيام!ـ أهلًا يا هيام. واقفة بعيد ليه؟ تعالي.هكذا تحدث خالد لتتوجه هيام تجاه سيارة خالد لتمد يدها و تصافح أشجان ثم التفتت لتصافح خالد وهي تقول بحرج:ـ حقك عليا جيت من غير معاد. بس الموضوع اللي جايه فيه مهم أوي. شعرت أشجان بأنها لا تريد الحديث أمامها لذا التفتت إلى خالد قائلة:ـ خالد أنا نسيت حاجة هطلع اجبها و اجي.اومأ خالد برأسه قبل أن يلتفت إلى هيام قائلاً:ـ تعالي احنا نقعد نتكلم هنا. توجهت معه إلى أحد الطاولات بالحديقة لتجلس وهي تحاول ترتيب حديثها، وإذا بها تفاجئه حين قالت:ـ أنا جيالك يا ابن عمي لما الدنيا ضاقت بيا وملقتش حد أروحله.كانت تتحدث و العبرات تتحدث عنها أيضًا ليتفاجيء خالد الذي هتف بقلق:ـ حصل ايه يا هيام؟ و ليه بتعيطي كدا؟هيام بنبرة حزينة:ـ مخنوقة شوية، و كنت عايزة اطلب منك تكلم رحيم عشان استلم ورثي من أبويا الله يرحمه.يَا حَيُّ يَا قَيُّومُ، بِرَحْمَتِكَ أَسْتَغِيثُ، أَصْلِحْ لِي شَأْنِي كُلَّهُ، وَلَا تَكِلْنِي إِلَى نَفْسِي طَرْفَةَ عَيْنٍ ♥️★★★★★★★★★كان يجلس في القاعة الكبيرة التي تحتل جزءً كبيرًا من مقدمة البيت يفض أحد النزاعات بين الفلاحين، والتي انتهت أخيرًا بالتراضي ليتفاجيء بصوتٍ صراخ أحد الفتيات داخل البيت، فهب من مكانه يندفع إلى الداخل ليرى ماذا حدث، فإذا بأحد الخادمات تصرخ بذِعر:ـ الست نچاة غميت.و كأن قلبه انشق إلى نصفين حالما رآها تتوسط الأرض وهي ساكنة كجثة هامدة ليندفع كالممسوس تجاهها يتفحص نبضها بيدين ترتعش من فرط القلق، فإذا به يشعر بالراحة حين أدرك بأنها على قيد الحياة ولكنها فاقدة للوعي ليقوم بوضع ذراعه أسفل ركبتها و الآخر خلف ظهرها وهو يصرخ في الخدم بصوته الجهوري:ـ شيعوا للحكيمة بسرعة. هرول بها إلى الأعلى وهو يدعو الله أن تفتح عينيها الجميلة و ترفرف برموشها الطويل التي تلقي بشباكها حول قلبه، فيقع بعشقها بكل مرة يقف أمامها، ولكن آخر مرة تحدث معها كان الحديث شوكًا بينهم، ولكن كيف يحنو وهو المذبوح بسكينة الهجر!وضعها فوق مخدعه وهو ينتظر مجيء الطبيبة لتطمئنه على حالها، والتي لم تتأخر بل جاءت على الفور لتقوم بالكشف عليها لتخبره بأنها أُصيبت بهبوط في الدورة الدموية نتيجة الضعف و عدم التغذية، ليلعن تحت أنفاسه، فهي منذ ثلاثة أيام لا تجلس على مائدة الطعام معه، و تحديدًا منذ تلك المواجهة المروعة بينهم.عودة إلى وقتٍ سابق ـ أنت اللي جتلك مَرتك!ناظرها رحيم بصدمة تجلت في نبرته حين قال:ـ بتجولي اي؟ نجاة بنبرة حاولت جعلها قوية:ـ بجولك انت اللي جتلت مَرتك؟! و ياريت تچاوبني بصراحة من غير لف ولا دوران. كان حديثها أهانة بالنسبة إليه، فهل تتهمه بالجُبن و الخوف من قول الحقيقة أمامها! أسدل الغضب ستائره على ملامح رحيم و تبدلت نظراته من الصدمة إلى الغضب الذي احتل نبرته حين قال بجهامة:ـ أنتِ بتتحدتي أكده ويا مين! مچنونة أنتِ ولا اي؟ رحيم الوتيدي عيخاف من مرا! الخوف احتل تقاسيمها و نظراتها للحد الذي جعلها تتراجع خطوة للخلف، وهي تهتف بنبرة مُرتجفة:ـ مجصديش. أني بس عايزة اعرِف الحجيجة. رحيم بفظاظة:ـ وهي الحجيجة دي أني هخاف أجولها جدامك! كان يقترب منها بخطوات وئيده كفيلة ببث الذُعر في أوصالها، ولكنها عاندته وهي تقول بنبرة حاولت جعلها ثابتة:ـ يبقى تجولها. توقف أمامها وعينيه رغم القسوة كان بها عتاب كبير، ولكنه لم يُفصِح عنه إذ قال بجفاء:ـ مجتلتش حد. رغمًا عنها خرج استفهامها مندفعًا كالإعصار :ـ ازاي الحديت دا!ـ زي الناس. لما أجول مجتلتهاش يوبجى مجتلتهاش. هكذا هتف رحيم بنبرة غاضبة ألجمت الكلمات فوق شفتيها ولكنه تابع بنبرة خطرة:ـ بس جتلت غيرها!شهقت بصدمة ليُتابع رحيم بمرارة لم تُخطيء في فهمها:ـ عارفة جتلته ليه؟ عشان غلط غلطة كبيرة جوي، و بسبب غلطته دي اني ارتكبت أكبر ذنب في حياتي. غافلتها الكلمات و خرجت مندفعة حين قالت:ـ ذنب ايه؟تنهيدة قوية خرجت من جوفه قبل أن يقول بنبرة يفوح منها الوجع:ـ أذيتك!كانت عينيه تخاطب عينيها بعتب و اعتذار ولكن ألمها كان أكبر من كليهما لتهتف بلوم:ـ أذيتني بس! أنت دبحتني! يمكن لو كنت موتني كنت هرتاح لكن اني بسببك كنت بعيش نفس الخوف و الوچع كل يوم. اقترب ممسكًا ذراعيها يهزها بقوة جاءت من عمق الوجع الكامن بداخله وهو يقول بنبرة مُلتاعة:ـ فكرِك أني متوچعتش! فكرك اني مكنتش مدبوح جبلك! همست بنبرة مذبوحة من فرط الوجع:ـ أني ذنبي أيه في وچعك ده! غامت عينيه بالقسوة قبل أن يقول بنبرة قاسية:ـ اللي وچعني دمه بيچري في عروقك، بس اني مش ظالم، و مخدتكيش بذنب حد. مشيلتكيش شيلة مش شيلتك.نزعت نفسها منه وهي تهتف باستنكار:ـ كل حديتك عن ابوي أني مش مصدجاه. استحالة يكون بالقسوة دي! و بعدين ما يمكن انت عملت فيا أكده عشان تنتقم منيه!برقت عينيه من حديثها ليهتف مُستنكرًا:ـ انتقم منيه فيكِ! و لما دي نيتي مكملتش في انتقامي للآخر ليه؟ و ليه اتچوزتك بعد أكده! و ليه لما بقيتي في داري عِملتك هانم عالكل، ومحدش يقدر يتنيلك كلمة! لا تعلم كيف خرجت الكلمات من فمها كالرصاص حين قالت:ـ ما دا انتقام بردك. لما تكون مبتچيبش عيال و تتچوزني يوبقى عشان عايز تنتقم مني!سددت سهم كلماتها في منتصف صدره ببراعة ليجتاحه نوبة ألم قاسية أفقدته النطق للحظات، شعر بها بأن العالم يدور من حوله، فقد تعرى أمام محبوبته، ولم يقتصر الأمر على هذا فقط. بل وقد استغلت هي الأمر لتطعنه بقوة في أضعف نقطة بقلبه، ولكنه لم يعتد على الانحناء يومًا، فقد كان يتلقى الرصاص كرذاذ المطر، هل يقع الآن من مجرد طعنة حتى و إن كانت نافذة!شعرت بغباء ما تفوهت به، و انتفض قلبها يُعنفها على ما اقترفته بحقه، ولكنه لم يُمهلها الفرصة لكي تتراجع أو تصلح الأمر بل وجدته يتراجع شامخًا برأسه وهو يشبك يده خلف ظهره و قد خيمت القسوة على نظراته و نبرته حين قال:ـ صوح. حديتك صوح. اتجوزتك عشان انتقم عشان اني مبخلفش. و لو كنت بخلف. عمري ماكنت هتچوز من بنت رماح الهلالي! الدم النچس ده مينفعش واصل أنه يختلط بدم الوتايدة.شعرت بالألم يقطر من بين كلماته التي آلمتها هي الآخرى، ولكن الأعظم من الألم هو أن تضطر للتماسك بينما داخلك ينهار وقد كان هذا حاله عندما غادر الغرفة ليتركها فريسة للندم و الوجع والقهر.عودة إلى الوقت الحالي كانت عينيه تمر على ملامحها بشوق، فمنذ ذلك اليوم حُرِمت عليه رؤيتها، فقد انقطعت عن مشاركته الطعام، وقد كان هو يختار البقاء طوال اليوم في الخارج ليبتر نوبات الحنين التي تجره إليها خاصةً وأن كلماتها كانت كالسرطان الذي يأكل روحه بصمت مروع، فقد نالت من كرامته و كبريائه و رجولته حين ذكرته بنقصه. ولكنه لا يقدر على أيذائها، فقط تجاهل مؤلم من جانبه كان الشيء الوحيد الذي استطاع فعله.عبرة متمردة غادرت جفنيه يبدو أن الألم قد فاق حدود احتمالها لتمحوها أنامله بقوة حين شاهدها ترفرف برموشها و تبدأ في الاستيقاظ ليهب من مكانه ويتوجه إلى المقعد المقابل لمخدعها، فما أن فتحت جفونها بتثاقُل حتى وجدته يجلس أمامها بهدوء و عينين لا تفصحان عن شيء وملامح جامدة لتعود رويدًا رويدًا إلى الواقع و يبدأ قلبها بالأنين فقد تغزى الندم على روحها الايام الماضية و سلبها طاقتها حتى لم تعد تحتمل أكثر من ذلك فسقطت، ولكنها قررت الحديث، فلم تعُد تطيق هذا الثُقل بداخلها.حاولت الاعتدال تبغي الجلوس ولكن الدوار داهمها مرة أخرى ليسقط رأسها على الوسادة مما جعله يندفع لا إراديًا ليساعدها معدلًا من وضع الوسادة خلف رأسها قبل أن يجعل رأسها يستند عليها برفق لامس قلبها، فبالرغم من كل شيء ولكنه يهُب لمساعدتها وكأنها ليست من قتلته منذ أيام! حين أراد النهوض من جانبها أوقفته حين قالت بخفوت:ـ رحيم.اخترقت حروف اسمه قلبه حين نطقتها بتلك الطريقة ولكنه حاول الثبات قائلاً بجفاء:ـ نعم..شعرت بجفاءه ولكنها لم تستسلم بل قالت بخفوت:ـ عايزة اتحدت وياك.رحيم بجفاء ولازال عازفًا عن النظر إليها:ـ جولي اللي عندك. جفائه مؤلم، أو أنها غير معتادة عليه لذا أرادت تبديده حين قالت بجرأة:ـ ينفع تمسك يدي عشان اجعد! رغمًا عنه التفت يناظرها بصدمة طالت للحد الذي جعلها تتمتم بحزن:ـ خلاص هجعد أني…حين حاولت الحركة تفاجئت حين اقترب يُحيط خصرها بذراعه القوي لتصطدم بصدره و تتعانق نظراتها مع خاصته في قربٍ مُهلِك لكليهما جعلتهم يتشاركا الهواء سويّا لتمر لحظات من الصمت المشحون بضجيج لا يسمع صوته ولكن صداه كان شيئا لا يمكن نكرانه! قطع رحيم تواصلهم البصري حين تركها فجأة بعد أن اسندها على ظهر السرير ليتراجع ينوي تركها ولكنها لم تتركه بل مدت يدها لتمسك خاصته حتى توقفه عن المغادرة، فخيم الاندهاش على ملامحه والذي تضاعف حين قالت بخفوت:ـ أني آسفة.ارفقت اعتذارها بعبرات غزيرة تلاها كلمات مؤثرة خرجت من شفتيها المُرتعشة حين قالت:ـ أني معرُفش قولت اللي قولته دا ازاي! بس الوچع اللي في جلبي معدتش جادرة اتحمله.لم يحتمل التطرق إلى هذا الحديث ليجذب يده من يدها و ينهض من جوارها وهو يقول بقسوة:ـ متبرريش حاچة. الحديث اللي جولناه مفيهوش حاچة غلط. كل واحد قال اللي في جلبه، و انتهينا..عاندته حين قالت باندفاع وهي تحاول الوقوف على قدميها:ـ لا منتهيناش يا عمدة. ولازمن تعرِف أني عارفة غلطي، و ندمانه عليه كمان. ـ ممنوش فايدة الحديت ده. خدي دواكي و ريحي، و أنا هخليهم يطلعولك الوكل اهنه.هكذا تحدث رحيم بجفاء وهو يحاول الهرب من أمامها، فالأمر كان موجعًا بالنسبة إليه، لتهتف نجاة بنبرة حادة:ـ أني عارفة موضوع الخلف ده من اول يوم سبوع ليا اهنية. قبل ما يحصول بيننا أي حاچة.خيمت الصدمة على ملامحه من كلماتها ليلتفت ناظرًا إليها بعدم فهم لتُتابع بنبرة مُتحشرجة:ـ ولو أنت مكنتش عايز من بنت رماح الهلالي ولاد، فبنت رماح الهلالي مكنش يفرج معاها لو قعدت العمر كله چنبك من غير ولاد. الحُب…هل هو شعورٌ مُطلق، أم عقدٌ مشروط؟وما مفهوم الحُب:ـ أنـا أحبك ما دمتَ تُسعدني؟ـ أم أحبك حتى حين ينهكنا الحزن، ولكننا معًا؟كثيرون ظنّوا أن الحُب هو مفتاح السعادة،واستنكروا كيف للمرء أن يهوى من يُؤلمه.غير أن الحقيقة أعمق من ذلك.." فالحُب هو الشعور الوحيد الذي يولد حرًّا،لا يساوم، ولا يُقايض، ولا يعترف بلغة الشروط.إما يُمنَح كاملًا أو لا يُمنَح أبدًا. وحين تتوهّج نيرانه في القلوب، لا يفلح رماد العقل في إخمادها.ومهما بلغ الألم، لا يفر الحب أبدًا بل على العكس، فهو يتصدى له، و كأنه خُلق لينتصر لا ليخسر.وحين نقرن الحُب بالسعادة، نكون قد أخطأنا فهم جوهره. فالسعادة قد تكون ثمرته. لكنها أبدًا لا تصلح أن تكون شرطًا له، ولا فرضًا يُقاس به مدى صدقه.نورهان العشري ✍️ 🍁🍁🍁🍁🍁🍁🍁🍁كان الأمر يبدو و كأنها اختارت كلماتها بعناية حتى تجعله يقع في عشقها للمرة التي لا يعرف عددها. فتتنحى كل شيء في هذه اللحظة ما عدا صورتها المُرتجفة أمامه ليقترب منها بخطٍ سُلحفية وهو يقول بنبرة خطرة:ـ جولتي ايه؟ارتجفت الحروف فوق شفتيها وهي تقول:ـ جولت اني مكنش فارج معاي اي حاچة من اللي سمعتها. مكنش فارج معاي غيرك. وقف أمامها يُطالعها بأعيُن يتماوج بهم الشعور، فلم تُمهله فرصة للتفكير إذ قالت بخفوت:ـ أني طول عمري بكرة الأذى، وعمري ما كنت ولا هكون شخص مؤذي. حتى لو اني بنت رماح الشيطان اللي انت بتكرهه، فأني  مش زيه، وآسفة على الحديت اللي خرچ مني يومها….لم يُمهلها الوقت للحديث إنما قام بجذبها لتستقر في منتصف حضنه وكأنه يرفض أي شيء قد تقوله يمنعه من فعل ذلك، فقد فاق الوجع كل شيء داخله يبغي قربها حتى يتخدر ذلك الألم العظيم ولو لثوان، و يبدو أنها تشاركه نفس الأمنية إذ ارتمت بداخله بعجز دون مقاومة أو اعتراض..أخرجهم رنين الهاتف من تلك اللحظة الرائعة ليتراجع عنها على مضض، ولكن حين رآى رقم المتصل أجاب على الفور ليقع هذا الخبر فوق رأسه وقوع الصاعقة حين سمع الحديث على الطرف الآخر:ـ رماح رجع مصر النهارده الصبح يا عمدة! اللهم إن كان رزقي في السماء فأنزله، وإن كان في الأرض فأخرجه، وإن كان بعيداً فقربه، وإن كان قريباً فيسره، وإن كان قليلاً فكثره، وإن كان كثيراً فبارك لي فيه وارزقني من حيث احتسب ومن حيث لا احتسب يا رب العالمين♥️★★★★★★★★الحقد كالظلام الذي يسكن الروح، فيُطفيء بصيرتها، ويعميها عن رؤية البياض ولو كان متوهجًا ساطعًا. هو صدأ يغشى القلوب يحجب قدرتها على التمييز، فيختلط عليها كل شيء و يصبح النقاء شيئّا مُنفرًا، و الجمال صفة لم تخلق أبدًا. فتُصبِح العتمة ملاذًا للقلوب لأن الأنفس المظلمة بالحقد لا تحتمل وهج الحق.نورهان العشري ✍️ 🍁🍁🍁🍁🍁🍁🍁🍁🍁🍁ـ  هيام الكلام اللي أنتِ بتقوليه دا مينفعش. يعني أيه مقولش لياسر على الموضوع دا!هكذا تحدث خالد باستنكار لتُجيبه هيام بحزن:ـ ياسر قطع علاقته بيا عشان مراته، باعني عشان الهانم بتاعته ويزيد مشي وراه. بدل هما خالص باعوني يبقى يعرفوا عني حاجة ليه؟ خالد بعدم تصديق:ـ هو أنتِ بتتكلمي عن ياسر و يزيد اللي انا اعرفهم؟!هيام بسخرية:ـ أيوا هما. هو في غيرهم!خالد بنفاذ صبر:ـ أنا لازم اتكلم مع ياسر، و اوعي تقوليلي لا. الكلام اللي أنتِ بتقوليه دا مش داخل دماغي، وحتى لو اللي بتقوليه فعلًا صح يبقى ياسر محتاج اللي يرده لعقله. اخفضت هيام رأسها وهي تقول بجمود:ـ اعمل اللي تعمله المهم اني عايزة أخد حقي في اقرب وقت. شعر خالد بأن هناك خطبًا ما ليستفهم قائلًا:ـ أنتِ في عندك مشكلة؟!تناثرت العبرات من مقلتيها قبل أن تقول بخفوت:ـ اتخانقت مع جابر و سيبت البيت..خالد باستنكار:ـ سبتي البيت؟! ليه حصل ايه؟ هيام بحرقة:ـ الناس كلها بقت وحشة يا ابن عمي. مفيش حد بيفتكرلك حاجة حلوة عملتهاله. بيهدوك و يدبحوا فيك أول ما حاجتهم عندك تخلص.على الجانب الآخر كانت أشجان تغلي من الغضب في الغرفة حالما تذكرت كلمات نبيلة المسمومة حين وجدتها تدلف إلى الداخل ـ أيه دا انتوا مش كنتوا خارجين! تسمرت أشجان في مكانها، فقد كانت غاضبة بقوة من هذه المرأة لما حدث منذ قليل لذا خرجت الكلمات حادة من فمها حين قالت:ـ شيء ميخصكيش..اغتاظت من ردها الذي لم تكن تتوقعه لتصعد الدرج خلفها هاتفه بتهكم:ـ هو أنتِ متعصبة ليه كدا؟ أحسن يكون خالد غير رأيه في موضوع الخروج دا بعد ما شاف زينة! شوفتي زينة عاملة ازاي يا أشجان! قالت جملتها الأخيرة بنبرة مُبطنة بالتحقير ولكن أشجان عكفت عن الرد لتُتابع نبيلة قاصدة إذلالها:ـ زي القمر، و أرملة، و حلوة، و دكتورة و من عيلة محترمة. لا و التقيلة بقى من ريحة سهام الله يرحمها.نالت منها كلمات نبيلة للحد الذي أعماها مما جعلها تهتف بغضب:ـ قصدك سهام اللي أنتِ قتلتيها!برقت عيني نبيلة و جمدت ملامحها للحد الذي كان مُخيفًا ثم التفتت تنظر حولها قبل أن تقوم بجر أشجان من يدها بقسوة لدلف الى داخل غرفتها التي كانت على بعض خطوتين منهما ثم أغلقت الباب لتلتفت ناظرة إلى تلك التي كانت ترتجف من فعلتها لتلون ابتسامة خبيثة ثغرها قبل أن تقول بنبرة مسمومة:ـ سمعيني بقى قولتي أيه تاني كدا! تذكرت كلمات خالد البارحة لتحاول تنحى خوفها جانبًا وهي تقول بنبرة حاولت جعلها ثابتة:ـ أنتِ سمعتي أنا قولت أيه، و خلي بالك انا لولا خايفة على خالد لا يتصدم أن أخته بالبشاعة دي كنت قولتله على اللي قولتيه من زمان..توسعت عيني نبيلة من فرط الصدمة، و سرعان ما احتل الخوف زاوية عيناها ولكنها نحته جانباً و حاولت رد الهجوم بآخر مُضاد حين قالت:ـ أيه دليلك! تبقي مجنونة لو فكرتي أن ممكن خالد يصدقك. عارفة ليه؟ عشان خالد حتى لو مبيعجبهوش تصرفاتي فهو واثق و متأكد أن أخته ضعيفة و منقدرش تعمل كدا. كبيرها تضرب إسفين بينه وبين مراته. عاندتها أشجان قائلة:ـ هيصدق لما اقوله هيصدق!نبيلة بخُبث:ـ وحتى لو صدق! تفتكري هيبلغ عني! هيسجنني! هيقتلني! هيعمل أي! هيقاطعني لا هيقدر يخرجني من بيتي، ولا هيقدر يخرج من بيت أبوه. هيزعق و هيكسر، و مش بعيد يضربني، وقتها لا عز ولا عمر هيسكتوا، و هيقفوا كلهم لبعض. و لما يحصل دا انا اكيد مش هقف ساكتة! دانا هحسرك على ولادك زي مانتِ خسرتيني أخويا. لم تكُن تتخيل كل هذا الحقد الذي تحمله تلك المرأة داخلها لتهتف بلا وعي:ـ أنتِ ايه؟! أنتِ مش طبيعية! دا ابليس مش كدا! أنت ِ أبشع إنسانة شفتها في حياتي.نبيلة بتهديد:ـ أنتِ لسه مشوفتيش حاجة من بشاعتي.أشجان بحدة:ـ ربنا شايف. و صدقيني مهما كان جبروتك ربنا قادر يخسف بيكِ سابع أرض. لم تتأثر بالحديث ولكنها تأكدت من أنها أخافتها على النحو المطلوب، لتقول بنبرة ناعمة:ـ مش هرد عليكِ. عارفة ليه؟ عشان أنا واثقة انك مش في حالتك الطبيعية من وقت ما شوفتي زينة. يا حرام الله يكون في عونك. ماهي عرتك و بينت قد ايه أنتِ قليلة. اتوقع أن خالد هيشوف دا قريب جدًا و هيرجعك لمقلب الزبالة اللي جابك منه.آلمتها الإهانة بقوة ولكنها الآن أدركت كم كان مُحقًا في حديثه عنها، لذا حاولت جعل نبرتها ثابتة حين قالت:ـ اللي خلى جوزك يعيش معاكِ العمر دا كله من غير ما يشوف بشاعتك. يخلي خالد ميشوفش ست غيري. اخرجي بره أوضتي. نجحت في تهديد إهانة قاتلة في مرماها، ولكنها حاولت التظاهر باللامُبالاة حين قالت:ـ بردو صعبانه عليه. عشان كدا مش هرد عليكِ. كفاية اللي أنتِ فيه.أنهت جملتها و خرجت تتهادى في مشيتها إلى أن غادرت لترتمي أشجان فوق مخدعها وهي تشهق بقوة، فقد تخطت هذه المخلوقة كل الحدود في تجبرها و شرها.اللهم يا رزاق السائلين، يا قاضي الحاجات، اقض حاجتي، وفرج كربتي، وارزقني من حيث لا أحتسب" ♥️بِسْمِ اللَّهِ، تَوَكَّلْتُ عَلَى اللَّهِ، وَلاَ حَوْلَ وَلاَ قُوَّةَ إِلاَّ بِاللَّهِ، اللَّهُمَّ إِنِّي أَعُوذُ بِكَ أَنْ أَضِلَّ أَوْ أُضَلَّ، أَوْ أَزِلَّ أَوْ أُزَلَّ، أَوْ أَظْلِمَ أَوْ أُظْلَمَ، أَوْ أَجْهَلَ أَوْ يُجْهَلَ عَلَيَّ ( دا دعاء حلو أوي بقوله وانا خارجة من البيت♥️)★★★★★★★★ـ اهدي يا هيام و امسحي دموعك، وانا ليا كلام تاني مع الحاج جابر و مع ياسر. هكذا تحدث خالد مواسيًا لتُجيبه هيام ساخرة:ـ خلاص مبقاش له لأزمة للكلام. كل واحد عقله في راسه يعرف خلاصه.ضاق ذرعًا من حديثها ليقول بنبرة خشنة:ـ أنتِ قاعدة فين دلوقتي ؟ زاد بكائها وهي تُجيبه:ـ أنا مفروض أني كنت اروح بيت أبويا بس طبعًا ياسر هناك و معاه الهانم مراته، روحت قعدت عند واحدة اعرفها لحد ما اخد فلوسي و اشتريلي بيت يلمني انا و ابني. استشاط خالد غضبًا ليهتف مُستنكرًا:ـ دا كلام يا هيام! ازاي مجتيش هنا على طول. طب ياسر و في مشكلة بينك وبينه. أنما احنا مش اخواتك ولا أيه؟ ـ مش حابة أشيلك همي يا خالد. قاطعها بنبرة حادة:ـ بطلي عبط و اعملي حسابك انك هتقعدي هنا لحد ما نشوف هنعمل ايه..هيام بلهفة:ـ مش هينفع يا خالد سيبني على راحتي…خالد بنبرة صارمة:ـ مفيش حاجة اسمها سيبني على راحتي.. في حاجة اسمها أصول. تقدري تقوليلي لو جوزك فكر يصالحك و جالي ولا راح لياسر نقوله منعرفش هي فين؟حاولت الحديث فحدجها بنظرة مُحذرة قبل أن يقول بصرامة:ـ  عيب يا هيام. أنتِ ليكِ رجالة، وانا هخلص الموضوع دا مع ياسر النهاردة. يالا تعالي جوا، وأنا هخلي أشجان تقول للخدم يجهزولك اوضة.لم يترك أمامها مجال للرفض لتسير بجانبه مُذعنة إلى الداخل، فوجد نبيلة أمامه التي بدورها صُدِمت من وجود هيام، ليتجاهلها خالد وهو ينادي على أشجان التي كانت قد غسلت وجهها حتى تُهديء من غضبها قليلًا لتهرول إلى الخارج حالما سمعت ندائهـ نعم يا خالد.دقق النظر في ملامحها وهي تتوجه إليه فحاولت رسم ابتسامة فوق ثغرها حتى لا تثير قلقه، فمن الواضح أن هناك خطبًا ما لينظر إلى هيام وهي يقول:ـ معلش يا حبيبي هتعبك. بس عايزك تقولي للخدم يجهزوا أوضة لهيام. عشان هتقعد معانا شوية.صُدِم الجميع من حديثه و كان أول المُتحدثين هي نبيلة التي هتفت باستنكار:ـ بتقول ايه يا خالد ! مين دي اللي تقعد هنا! اغتاظ من وقاحتها ليناظرها شكرًا قبل أن يقول بنبرة قاسية:ـ أنا موجهتش كلامي ليكِ عشان أعيده تاني! لأول مرة تشعر بالسعادة حين ترى شخصًا يُهان أمامها لتتسع ابتسامتها قبل أن تقول برقة:ـ عيوني يا روحي. دي هيام دي حبيبتي و عشرة عمر. هيام بامتنان:ـ تسلمي يا أشجان. دا العشم بردو.اندهش من حديثها خاصةً حين تخلت عن خجلها لأول مرة أمامهم بهذا الشكل، و ذلك اللفظ التحبُبي الذي خرج كالعسل من بين شفتيها، ولكن من ملامح نبيلة أدرك أن هناك شيئًا ما، فنادى على أحد الخدم ليرشد هيام إلى غرفة الجلوس حتى يتم تجهيز أحد الغرف لها، وما إن غادرت حتى هتفت نبيلة بحنق:ـ مش لازم كل ما يكون في حد موجود تحرجني بالشكل دا يا خالد! ماهو أنا أختك بردو، وكرامتي من كرامتك، ولا عادي تدوس على كرامتي قدم الناس كل شوية!ارفقت عتابها بعبرات زائفة لتؤثر عليه أمام تلك التي تنظر إليهم بترقب لردة فعل خالد الذي خرجت الكلمات منه جريحة حين قال:ـ ياريت تقولي الكلام دا لنفسك. أنا حقيقي نفسي ولو لمرة واحدة تجبريني اتعامل معاكِ كويس. أنهى جملته و لازالت عينيه تعاتبها ولكن اي عتاب قد تفهمه وهي مصابه بكل هذا الحقد داخلها، ليُدرك من مظهرها أنه ليس هناك أمل، وحين وجدها توشك على الحديث مد يده يجذب يد أشجان ويتوجه إلى الخارج.ما أن لفح الهواء النقي وجهه حتى التفت ينظر إليها بحُب قبل أن يقول باعتذار:ـ حبيبي احنا للأسف مضطرين نلغي خروجة النهاردة.أشجان بلهفة:ـ ليه كدا؟ حصل أيه ؟ هيام شكلها ميطمنش. قربها منه يضمها إلى صدره قبل أن يتمتم بحنق:ـ الأوضاع مش متظبطة بينها وبين أخواتها، و لازم ادخل.كان في أمس الحاجة لدعمها وقد شعرت بذلك لتضمه بقوة قبل أن تقول بحنو: ـ ولا يهمك يا حبيبي. روح شوف اللي وراك، وانا هكلم سوزي اعتذرلها ونبقى نعوضها وقت تاني. أساسًا مكناش هنعرف ننبسط من غير رنا.تراجع ينظر الى داخل عينيها قبل أن يقول بنبرة خشنة:ـ كويس انك فكرتيني. بخصوص زينة هيكون عندك مشكلة لو قعدت معانا فترة بسيطة على ما تظبط أمورها.شعرت بأن دقات قلبها تهتاج داخلها و تأمرها بالرفض، ولكنها لن تسمح لتلك المشاعر التي بداخلها أن تعميها ولا لتلك الكلمات الحقيرة التي سمعتها من نبيلة أن تُخيفها فهي تثق به لذا قالت بابتسامة هادئة:ـ لا يا حبيبي. معنديش اي مشكلة. تقعد زي ماهي عايزة.اقترب خالد يكوب وجهها بين يديه قبل أن يقول بنبرة حنونة:ـ اسمعيني كويس. لو الموضوع مش على هواكي قوليلي واتأكدي أني مش هعمل غير اللي يريحك. شعرت بمدى صدقه و أيضًا كان حنانه مُغريًا، ولكنها أشفقت على رنا، فهذه المرأة هي الذكرى الوحيدة من والدتها و لا يجب أن تكون أنانية لذا أجابته بنبرة رقيقة:ـ عارفة دا كويس، و مقدرة انك مخدتش قرار غير لما سألتني. و معنديش مشكلة.ابتسم خالد على طيبتها و حنانها الذي لا حدود له، فأراد أن يضع كل شيء نُصب عينيها حين قال:ـ حتى لو دا رأيك. بس أنا حابب تعرفي وجهة نظري، زينة مسافرة بره بقالها اكتر من عشر سنين، و أنا مش حابب أنها لما ترجع تتبهدل خصوصًا أن أنا تقريبًا اللي مربيها، وكمان دي خالة رنا والحاجة الوحيدة اللي باقية من والدتها الله يرحمها.اهتز قلبها حين وجدته يتعمد عدم ذكر اسمه زوجته أمامها ولو كان في حديث عارض، وقد أبرز هذا كم هو مراعيًا لمشاعرها مما جعل ابتسامة رائعة تُضيء ملامحها حين قالت:ـ وأنا فاهمة كل الكلام دا من غير ما تقوله و معنديش فيه اي مشكلة. تضخم قلبه من فرط العشق الذي يتضاعف كل دقيقة تمر عليه بجانبها، فهذه المرأة هي الملاك الذي هبط من السماء ليحول حياته إلى جنة:ـ طب أنا هحبك أكتر من كدا ايه؟اغرورقت عينيها بالدموع قبل أن تقول بنبرة خافتة:ـ حبني كتير أوي يا خالد. أنا مش محتاجة حاجة في الدنيا دي غير حبك.خالد بنبرة تقطر عشقًا:ـ وأنا بحبك اكتر من حاجة في الدنيا دي." أي حد هيدخل يقولي عندنا جفاف عاطفي، والقلب اشتكى من قلة الهشتكة و ارحمينا و الذي منه، هطربقها على دماغ أشجان البارت الجاي. اه انا أساسًا بتلكك 🙂🥱" اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي فاغفر لي فإنه لا يغفر الذنوب إلا أنت" ♥️★★★★★★★★★ـ يعني أنت نويت تدفع فلوس العملية كلها يا ياسر!هكذا تحدث يزيد الى ياسر الذي أجاب باختصار:ـ أيوا.يزيد بتحذير:ـ خلي بالك انت كدا هتحط كل اللي حوشته الفترة اللي فاتت دي، وكأنك معملتش حاجة طول السنة اللي فاتت دي.زمجر ياسر غاضبًا:ـ أسيب الراجل يموت يعني .تراجع يزيد عن حديثه قائلًا بلهفة:ـ اللي تشوفه يا ريس. لو عايز تاخد كليتي تديهاله متغلاش عليك. دا أبو نسب بردو.ابتسم ياسر لا إراديًا على مُزاح يزيد ليقول الأخير بمرح:ـ أيوا يا عم اضحك كدا وفكها مش ناقصين نكد. لم يكد ينهي يزيد جملته حتى اندفعت غنى من الداخل هاتفه باعتراض:ـ بس أنا مش موافقة يا ياسر..غصب ياسر من تدخلها في هذا الأمر و تذكر كلماتها في المشفى ليهتف بحدة:ـ و أنتِ مين طلب رأيك؟!غنى بانفعال:ـ مش لازم حد يطلب رأيي. دا ظلم يا ياسر، وأنا مش هقبل تدفع كل اللي معاك وتبدأ تاني من الصفر. أنت محدش قدملك حاجة عشان تضحي بالشكل دا.ياسر بنبرة حاسمة:ـ وأنا مطلبتش حاجة من حد، ولا عايز حاجة من حد، وبعدين ايه الأوفر دا تضحية أيه! دا والدك و مريض أسيبه يموت يعني! دا لو حد معرفوش و سمعت بحالته هساعده. تعلم كم هو نبيل، ولكنها تشعر بالأسف لأجله، فهي سبب كل هذه المصائب التي ألمت به، فبسببها ترك كل شيء لذا قالت بنبرة مُلتاعة:ـ يا ياسر افهمني. قاطعها ياسر بنبرة قاطعة:ـ اعمليلك قفلة يا غنى.قاطع حديثهم صوت رنين هاتف ياسر الذي أجاب حين رأى أن المتصل خالد:ـ أيه يا وحش عامل ايه؟ خالد باختصار:ـ كويس انت فين؟ ياسر بقلق:ـ أنا في الحارة. رجعت بقالي حوالي أسبوع. في حاجة؟خالد بنبرة خشنة:ـ أيوا في. هيام عندي في البيت. زعلانه من جوزها و منكوا، و عايز اعرف حصل ايه؟تفاجيء ياسر من حديثه ليهتف بعدم تصديق:ـ بتقول ايه يا خالد؟ـ اللي سمعته يا ياسر. هيام زعلانه اوي و كلامها زعلني. لازم نتقابل و افهم منك حصل ايه.قمع غضبه بشق الانفُس قبل أن يقول بجفاء:ـ طيب أنا دلوقتي عندي حوار كدا هخلصه و هكلمك نتقابل. خالد باستفهام:ـ في حاجة؟ ياسر بجمود:ـ والد غنى تعبان اوي، و لازم يعمل عملية نقل كلية في أسرع وقت و بندور على متبرع و مش لاقيين.خالد بخشونة:ـ طب ليه مكلمتش عمر!ـ كنت هلجأله آخر حل. هكذا تحدث ياسر ليُجيبه خالد بتقريع:ـ والله عيب عليك. هو انتوا أيه اللي حصلكوا يا وتايدة ؟ كل واحد خيبته اكبر من التاني ايه كدا؟! ياسر بحنق:ـ خلاص يا خالد أنا مش طايق نفسي أصلًا. خالد بفظاظة:ـ كلم عمر رسيه على حوار حماك و أنا نص ساعة و هكون عندك.اغلق ياسر الهاتف والتفت ناظرًا إلى غنى التي كانت تتشاجر مع يزيد قائلة:ـ عاجبك اخوك وعنده!يزيد بحنق:ـ يعني أنت عاجبك اقتراحاتك اللي شبه وشك دي!غنى بحدة:ـ الحق عليا اني خايفة عليه. هتف يزيد ساخطًا:ـ الله يخربيت دي كلمة. هو كل واحدة تعمل فيه مصيبة تقول خايفة عليه! شحط زي دا خايفين عليه من ايه؟ لم يمنحها ياسر الفرصة للحديث بل هتف بنبرة جافة:ـ خالد هيجيلي و هنخرج، و متقلقيش عليا من اي حاجة. هكلم عمر يشوف متبرع عنده في المستشفى وان شاء الله خير.ارتاحت حين سمعت حديثه لتبتسم براحة ليتدخل يزيد ساخرًا:ـ شوف ياخي ضحكتي دلوقتي و بتسبلي ياما كان نفسي يمسكك يدور فيكِ الضرب.غنى بحدة:ـ ضربة في قلبك دا بعينك.قالت جملتها قبل أن تتوجه لتستقر بين أحضانه ليقوم بوضع قبلة حانية فوق خصلاتها و يشدد من احتضانها ليُتمتم يزيد بحنق:ـ ياما نفسي حد يمسكك أنتِ وهيام اختي يدور فيكوا الضرب لحد ما يبانلكوا صاحب.ياسر باستفهام:ـ بتقول أيه باد أنت! يزيد بسخط:ـ بكح! مر بعض الوقت ليلتقي كُلًا من ياسر و خالد الذي قال بخشونة:ـ مزعل هيام ليه يا ياسر!ياسر بتهكم:ـ مزعل هيام! تخيل بقى أن هيام قهرتني يا خالد؟!خالد باستفهام:ـ لا وضح عشان مش فاهم.زفر ياسر بتعب قبل أن يقُص عليه ما حدث بداية من جريمتها التي ارتكبتها في حقه مرورًا بكل ما حدث إلى أن أنهى حديثه قائلًا:ـ تخيل أنها بعد كل دا مفكرتش تقولي أنا آسفة أو أنا غلطت! كانت الصدمة تحتل ملامحه بقوة من حديث ياسر ليحاول التغلب عليها قبل أن يقول ساخرًا:ـ غلطت! هو اللي عملته دا مجرد غلط! أيه التهريج دا! هي هيام خابت على كبر ولا ايه؟!ياسر بتعب:ـ والله يا خالد أنا عن نفسي مصدوم ومش عارف اعمل أيه؟! تعبت فعلًا.صمت خالد لثوان قبل أن يقول بعتب قاسي:ـ أنا زعلان منك يا ياسر . ماشي حقك تزعل و تثور و تغضب لكن مفروض أن ليك اخوات كُبار تتكلم معاهم و تاخد رأيهم. انما تروح تتبهدل في البلاد عشان تعاقب هيام! و نشتغل عند الناس وانت صاحب ملايين! أيه المنطق دا! ياسر بانفعال:ـ أنا مش هاخد ولا جنية من الفلوس دي. قبل ما الناس كلها تعرف أن أبويا اتظلم يا خالد. الفلوس دي عمرها ما هتمحي العار اللي حسينا بيه ولا هترد كرامتنا.خالد بخشونة:ـ أنت عارف كويس اوي أننا بنسعى لدا و حق والدك دين في رقابتنا، و اول خطوة كانت رجوع صافية..استفهم ياسر بيأس:ـ مفيش أخبار بردو!خالد بحزن:ـ للأسف لا. الدكاترة بتقول أن الغيبوبة دي اوقات كتير بتطول، ووارد ممكن تفوق في أي وقت. تحدث ياسر بإرهاق:ـ أنا تعبت يا خالد.خالد بنبرة مُشجعة: ـ دا مش وقت تعب. أنت لازم تقعد هيام قدامك و تحطها قدام غلطها. دي بتتكلم و كأنها مظلومة قلباً و قالبًا لدرجة اني زعلت عشانها!ياسر بنبرة مُشجبة:ـ أنا نفسي مصدوم. مش مصدق أنها تعمل كدا. بس للأسف هي عملت كدا و أكتر من كدا. دي بتكابر لدرجة تخليك تتجنن. خالد باستياء:ـ دي كارثة. أنها تعمل كل دا و متكونش متخيلة أنها غلطانه. بقولك ايه مش يمكن تكون غيرانه عليك! قال خالد جملته الأخيرة باستفهام ليُجيبه ياسر ساخطًا:ـ اهو دا بقى اللي غايظني! و دا اللي بيقوله يزيد. الموضوع كدا مش غيرة يا خالد. لما توصل أنها تأذي بالشكل دا يبقى مش مجرد غيرة دا بقى مرض.خالد بامتعاض:ـ يعني هو جديد على ستات العيلة دي كلهم كدا. المهم. عمر هيتولى موضوع والد غنى، وانت تشوفلك حل مع هيام..ياسر بنبرة حازمة:ـ خالد يكون في علمك أن انا اللي هدفع كل جنية لعملية أبو غنى. زجره خالد بغضب قبل أن يقول بتقريع:ـ حاضر لما نوديه مستشفى تانية مش عليها اسم الوتيدي هنبقى ندفعك. عيب دا انت ريس. متزعلنيش منك.  يعلم كم أنه شهم، فهو مثله تمامًا كلاهما يجري في عروقهم نفس الدماء ليقول ياسر بامتنان: ـ تسلم يا خالد. خالد موضحًا:ـ للمرة المليون دا حقك للمرة. وانت مأجله لكن مش رافضه. المهم شوف مع جابر دا هو مزعل هيام ليه، وأنا هخليها عندي كام يوم لحد ما نشوف هنعمل أي؟ياسر بجمود:ـ حاضر. هشوف و هكلمك.اللهم إني أستغفرك لكل ذنب يعقب الحسرة، ويورث الندامة ويحبس الرزق ويرد الدعاء، اللهم إني أستغفرك من كل ذنب تبت منه ثم عدت إليه…♥️★★★★★★★★مر يومين حافلين بالكثير مما لم يكُن يعنيها، ما يُعنيها أن اليوم هو ميعاد الاجتماع الثاني لهم مع شركة الوتيدي، و قد تراه هذا أن تخلى عن قراره في تجنبها، وهنا قد بدأ الصراع يحتدم بين توقها لرؤيته و بين خوفها من عواقب ما يحدُث، و على الرغم من ذلك فقد تأنقت لتبدو من الخارج حورية هاربة من أحد الأساطير بينما في داخلها هي عجوز تجاهد حتى تحيا الباقي من أيامها دون ألم.ـ تفتكري هييجي؟هكذا استفهمت شروق بخفوت لتحاول آسيا تضمين اللامُبالاة في نبرتها حين قالت:ـ جه أو مجاش النتيجة واحدة، فمش هتفرق.لاحظت آسيا جمود راجي و تحفظه في الحديث مع شروق لتستفهم بخفوت:ـ هو أنتوا لسه زعلانين ولا ايه؟تمتمت شروق بحزن:ـ واخد جنب مني بسبب موضوع عمر، و زعلان اني خبيت عليه انه كان جوزي. زمت شفتيها بحنق لتسمع صوت خالد يقول نبرته الخشنة:ـ يالا بينا نبدأ..استفهم راجي قائلًا:ـ مش هنستنى كمال ولا ايه؟ لم يكد خالد يُجيبه حتى تفاجئوا من كمال الذي دلف إلى داخل الغرفة وهو يقول بجفاء:ـ صباح الخير. رد الجميع تحية الصباح بينما هي كانت في وادٍ آخر حين استمعت إلى صوته الجاف الذي جعل حفنة من الوخزات الموترة تتفشى في جسدها، فبللت حلقها و جذبت كفوفها المرتعشة لتخفيهم أسفل الطاولة، وقد شعرت بتوتر بالغ جعل الألم يزحف إلى جسدها. ـ أظن كدا نبدأ؟راجي باختصار:ـ يالا بينا..بدؤوا طرح الاقتراحات و نقل جميع التطورات في الموقع ليأتي دور آسيا التي حاولت التعامل وكأنه غير موجود لتشرح الميزانية اللازمة التي جهزتها لوحدات العلاج و المعدات التي سيجلبوها من الخارج، وقدمت شروق قائمة بالبلاد التي سيجلبون منها المعدات، ليقطع انغماسهم في العمل دخول فتاة البوفية لتدوين طلباتهم، فطلب راجي قهوة سوداء و كذلك خالد و كمال و طلبت شروق كوب من القهوة سريعة الذوبان ليأتي دور آسيا التي قالت وعينيها على الأوراق أمامها:ـ عايزة اسبريسو..ـ لا. هكذا جاء صوت شروق المندفع لترفع آسيا رأسها من الأوراق و تناظرها بغضب لم تلتفت له شروق التي قالت بحزم:ـ هاتيلها عصير فريش.غضبت من هذا الموقف المُحرج ليتطاير الشرر من عينها تجا شروق ولكنه سرعان ما تبدد ليتحول إلى صدمة حين سمعت خالد يقول بنبرة جافة:ـ هاتيلها عصير. تفرقت نظراتها بينهم بحرج، ولكن كان الترقب والريبة من جانب كمال الذي لاحظ حرب النظرات الدائرة، فشعر بأن هُناك خطبًا ما ليتذكر ذلك المشهد حين رآها في غرفة المشروبات الذي جعله يسأل عمر بدون التطرق إلى تفاصيل ـ بقولك ايه يا عمر هي أيه أضرار القهوة؟! عمر باختصار:ـ بالعكس دي مفيدة. كان الأمر يؤرقه لا يعلم السبب لذا استفهم بإلحاح قائلًا:ـ يعني في كل الحالات مفيدة مفيش منها ضرر!ـ أكيد لا. بس الإفراط فيها غلط، و كمان لو اتشربت على الريق غلط جدًا على المعدة.لم تروي إجابته فضوله ولكنه عنف نفسه على هذا الاهتمام الغبي ليأتيه سخرية عمر حين قال:ـ متقوليش انك خايف على نفسك من القهوة! دي القهوة اللي تخاف على نفسها منك. دانت عايز فدان بن عشان يأثر في التراي بس..التفت له كمال هاتفًا بسخط:ـ دمك يلطش..أخذت نظراته تستقر على ملامحها الغاضبة و من الواضح أنها أعلنت الإضراب عن شرب كل شيء فهاهو كوب القهوة لم يُمس، فاحتار في تفسير الأمر ،و استبعد فكرة أن يسأل عنه بطريقة مُباشرة لينفض عنه تلك الأفكار، و يمتثل لنداء عقله بالابتعاد عنها وعن كل ما يخصها ليصب اهتمامه بالعمل. ليمر بعض الوقت قبل أن يقول خالد بجمود:ـ أنا بقول ناخد استراحة و نكمل كمان شوية. أكيد البنات تعبت. لم تتحدث آسيا بل انتظرت حتى وافق الجميع على اقتراحه لتنسحب من المكان وهي ترغي و تزبد من الغضب، وقد كانت شروق تنوي اللحاق بها ولكن رنين هاتفها أوقفها لتخرج حتى يتثنى لها الإجابة عليه، وقد كان هناك من يقرضه الشوق، ويفترسه القلق، و رغمًا عنه توجه إلى ذلك المكان الذي توقع أن تكون موجودة به، وقد صح ظنه، فقد وجدها تقف أمام ماكينة صنع القهوة تقوم بإعداد القهوة السوداء التي منعتها شروق من تناولها في الداخل، فشعر بحاجة مُلحة داخله تخبره بأن يمنعها. لذا هتف بنبرة قاسية:ـ هو أنتِ مفيش حاجة غلط مبتعمليهاش! 

في مكانٍ آخر...

كان مراد لا يترك "روان" لحظة منذ الشهور الماضية، بل أصبح كظلها، لا يفارقها إلا عند دخولها لجلسات الأشعة أو العمليات. كان يموت حرفيًا من الخوف كلما تألمت، ويشعر بألمها كأنّه يعيشه.

لم تتخيّل "روان" أنّ للحبّ هذا الشكل، تلك النظرة في عيونه كانت تخفف أوجاعها. اقترابه منها لحظة بكائها، وضمّه ليدها بين كفّيه، كان ينزع عنها كلّ الخوف والقلق.

أما "غادة"، فكانت تشعر أخيرًا بالراحة والطمأنينة على أولادها. حب مراد لروان كان واضحًا كوضوح الشمس، وكذلك أدهم، الذي لم يكن نصيبه منها بأقلّ حظًا، لذلك ظلّت تسجد لله شكرًا، ترجوه أن يديم الفرح في قلوب أبنائها.

---

في المساء...

استيقظ أدهم على طرقاتٍ خافتة على باب الغرفة. نادت "عشق" بنعاس:

– مين؟

ردّت الخادمة:

– أنا يا ست عشق، سيدي الكبير بيقول بيستناكم علشان العشاء.

– حاضر، ثواني ونازلين.

التفتت إلى أدهم بخجل، وسألته:

– ننزل ولا نكمل نوم؟

نظر إليها وهو يتأمّل هيئتها بشغف، وتمتم:

– بالنسبالي أنا... عايز حاجات كتير.

وقبل أن تفهم قصده، كان قد احتواها بين ذراعيه، وهمس بشوق:

– خلّيكِ في حضني شويّة، لأني مسافر الفجر.

رفع يده ليميل شعرها إلى كتفها، واقترب ليقبّل عنقها بلطف، فأغمضت عينيها. كانت تعيش معه مشاعر جديدة لم تعرفها من قبل. لكن قبل أن يتعمّق أكثر، أبعدها وهو يزفر بقوة، محاولًا السيطرة على نفسه، وقال بأنفاسٍ متقطعة:

– يلا ننزل... لو طولت مش ضامن نفسي، ومش هسيبك غير وإنتي مراتي!

قامت بتوتر، وارتدت عباءة سماوية وحجابًا بدرجة أفتح، فأصبحت كالملاك، يتناسب اللون مع عينيها تمامًا. شعر بالغيرة، فقد كانت تخطف الأنفاس، رغم أن عباءتها طويلة وواسعة، لكنها لافتة جدًا، فسألها بضيق:

– هو مافيش غير العباءة دي؟

نظرت لنفسها في المرآة ثم إليه وسألته:

– لو مش عاجباك أغيّرها؟

هتف بصدق:

– عاجباني جدًا... بس مش حابب حد غيري يشوفك بيها.

أومأت بهدوء:

– حاضر، ثواني وأغيّرها.

دخلت وغيرت عباءتها، ثم خرجت إليه. وحين أطلّت عليه، استغفر في سرّه:

(أعمل إيه أنا؟ الوقت مش مناسب! أنتي منوّرة، مش محتاجة تلبسي فاتح أصلاً!)

تمتمت "عشق" بحيرة:

– مفيش غيرهم يا وقت!

جذبها من يدها وتحرّك خارج الغرفة وهو يتمتم:

– ربنا يستر، ويعدّي اليوم ده على خير، بدل ما أرتكب جناية! وبدل ما حبل الود يتصل بينك وبين أهلك، أولّع فيه وأخفيه!

لم تفهم مقصده، ففضّلت الصمت وتحركت جواره.

نزل وهو يحتضن يدها بين يديه، جميلة تخطف القلوب. الجميع كان يتأملها، ما جعلها تشعر بالخجل، أما هو، فشعر بغيرة قاتلة، ولعن نفسه لأنه أتى بها وسط هذا العدد من الرجال.

هتف الجد بلهفة:

– تعالي يا جلب جدّك، تعالي جاري!

جلست بجواره، وأدهم بجانبها.

قال فهد:

– جهّزت لك نصيبك من ورث أبوكي، شوفي عايزة كيف.

أجابت بهدوء:

– ماجيت هنا علشان مال، أنا كل اللي بتمناه العيلة بس. مش عايزة ورث، عايزاك إنت وعمامي... عايزة دفء وحماية وبس. الفلوس آخر همي، بتدبّر بأي حاجة.

رفض الجد بشدة وقال بإصرار:

– بس ده حقك، ومافيش حد يكسر كلمتي يا بنت محمود!

تنهدت محاولة كسب رضاه:

– خلاص يا جدي، لو مصمم... ممكن نعمل مشغل يفتح بيوت للناس اللي محتاجة. والمكسب نكفّل بيه أُسر اليتامى والمحتاجين، ودي تبقى صدقة جارية على روح بابا وأخواتي، أو نعمل مستوصف لعلاج غير المقتدرين. لكن أنا مش هاخد فلوس.

انبهر الجد بتفكيرها غير المتوقع، وقال بفخر:

– نعمل كل اللي نفسك فيه، بس ورثك زي ما هو، مش هتيجي ناحيته. ونسمي المستوصف باسم ابني وأحفادي.

أُعجب أدهم بالفكرة وقال:

– وأنا عايز أشارك، سواء في ده أو ده.

أما فهد، الصخرة التي يُهاب حضورها، فتحدث بفخر حقيقي:

– يا عشق، أنا فخور بيكِ. كنت خايف يكون تفكيرك زي بنات البندر، اللي بيحبوا المظاهر ويجروا ورا شهوة المال. أكيد مش كلهم كده، بس الأغلبية... والحمد لله إنك طلعتِ إنسانة. وجودك شرف لأي مكان تدخليه.

ردّت بابتسامة امتنان:

– دي شهادة أعتز بيها يا أبيه.

تدخلت "قمر" بفضول:

– ممكن تحكي لنا عرفتي البشمهندس أدهم إزاي؟

نظرت "عشق" وأدهم لبعضهما وابتسما بتلك البسمة الحنونة التي تعيدهم لأول لقاء رغم صعوبته، وبدأت بسرد ما حدث ذلك اليوم...

استمع الجميع باهتمام.

– في ناس بتجري ورايا علشان تأذيني، وهو خلّصني منهم.

قاطع كلامها صوت مروان المتعجّب:

– يجروا وراكي ليه؟

– بعد وفاة بابا، الراجل صاحب المحل سحبه مني، لأني كنت صغيرة ومش هعرف أديره. بس اتصرّف في البضاعة، وعطاني حقها.

ومع مرور الوقت، الفلوس خلصت، والمعاش كان بالكاد يكفي مع الإيجار والدراسة، فاضطريت أخرج أشتغل علشان أقدر أتكفل بنفسي. كنت بشتغل بعد الكلية.

نظر الجميع لبعضهم بخزي، فهم أصحاب ملايين، وابنتهم تعمل حتى تحصل على قوت يومها.

لم تلاحظ تأثرهم بكلامها وهي تكمل:

– اشتغلت سكرتيرة في مكتب استيراد وتصدير، بس صاحب الشغل كانت عينه زايغة.

حاول بكل الطرق إنه يقرب مني، وأنا كنت بصد بعنف.

حاولت كتير وأنا شغالة معاه أشوف شغل في مكان تاني، بس للأسف مرتبه كان مغري.

اتاريه عامل كده علشان يجذب البنات ويستغل احتياجهم. وأنا كنت مضطرة أتحمّل، علشان المرتب كان كويس، وفي نفس الوقت مش مأثر على الكلية.

وفي يوم، اتصل بيا الساعة بليل، عايز ملفات مهمة بتاعة مزاد.

اعتذرت، ووصفت له مكانها، غضب، واتحجّج إنه مش لاقيها، ولو ما رُحتش، أعتبر نفسي مرفودة.

بصراحة، أنا ماكنتش حمل أخسر الشغل ده.

المهم، قال إنه عايز يرجّعها في الوقت ده، وأنا الصبح بكون في الكلية.

أونكل ناجي وطنط فتون خافوا عليا وقالوا: "سيبي الشغل أحسن."

فهمتهم إن المرتب ما أقدرش أعوّضه.

روحت وجبت الملفات، بس طريقته وضّحت ليّا الوضع، وإنه مش عايز الملف... كان ليه غرض تاني، ومجهّز كل حاجة، ورجّالته كانوا واقفين برّه لأي طارئ.

لقيته قريب مني، ونظرته مش مريحة.

سحبت تمثال نحاس كان على مكتبه، وضربته على راسه.

صفيت دمه، وخرجت بهدوء علشان رجّالته ما يشكوش في حاجة.

بلغتهم إنه مش عايز إزعاج، بصّوا لبعض، وطبعًا استغربوا، بس أنا مثّلت الدور كويس، خوفت لو حسّ بحاجة يمسكني لحد ما يفوق.

خرجت أجري بأقصى سرعة، بس لقيتهم ورايا.

فضلت أجري لحد ما لاقيت نفسي واقعة قدام عربيات الحرس بتاعة أدهم.

ودي كانت أول مقابلة بينا، ومن يومها وإحنا مع بعض.

شعر أولاد أعمامها بالغضب، وتمنوا لو يخلعوا عيونه وقلبه.

أما الجد، فكان شعوره مختلفًا.

غزاه ألم شديد في قلبه، وشعر كأن روحه تُسحب منه.

قام وطلب من عشق أن تأتي خلفه إلى غرفته.

دلفت خلفه وأغلقت الباب، وقبل أن تتحرّك، كان قد جذبها في حضنه وظل يبكي بحزن وتأنيب ضمير، فلو سامح ابنه على فعلته، ما حدث كل ذلك.

ظل يعتذر منها حتى تسامحه، لأنه قصّر في حق ابنه وحقها.

لم تتحمّل انهياره وهو بهذا السن، لذلك هتفت بدموع:

– كل ده نصيب يا جدي، أنت مالكش ذنب فيه، صدقني.

– هو برفضه، لا ليّا، إيه اللي حصل؟ اتجوّز عادي، عندنا الراجل يتجوّز واحدة واتنين.

كنت خايف تاخده مني، وهددته بحرمانه من الميراث.

مافيش حاجة خلّيته يفرّط فيها، لحد تهديدي إني أدور عليها وأقتلها، خلاه يبعد عن عيوني، وساب كل حاجة، لأني خُفت عليها.

ما عدتش عرفت طريقه، خفت تأخده مني، ضيّعته بإيدي.

جاه وطلب السماح لما عرف إنها حامل، وتحايل عليا يرجع علشان ولده يتربّى وسطنا، ووعدني إنه يعدل بينها وبين نعمة، بس الشيطان كان واقف قدامي.

هددت تاني بقتلها.

جالي لما ولدت، وكان نفس ردّي.

ودي كانت آخر مرة أشوف ولدي... اختفى من يومها.

كان حريص جدًا، بعت ناس وراه علشان أعرف مكانه، بس كل مرة يختفي كأنه فص ملح وداب.

وتقولي ماليش يد؟!

إزاي؟ ده أنا دم ابني ومراته وولاده على إيدي ليوم الدين.

كأن ربنا انتقم مني على ظلمي لابني ومراته، لأني كنت فعلًا ناوي أذيها، لأنها سحرت لابني وخلّته يعصاني.

وهو الأقرب لقلبي.

جالي يا منشاوي: مش أنت رافض ولدك وأحفادك؟ أنا خدتهم منك... موت بحسرتك عليهم.

قالت عشق بعقل وهدوء:

– أنت مؤمن يا جدي، وعارف إن كل شيء نصيب.

وأنت كنت مجرد سبب في حكمة ربنا وتدبيره.

ربنا اسمه "الحق"... استغفر كتير يا جدي على سوء ظنك بيه.

وأنا الحمد لله راضية بنصيبي، وبعد الضيق فرج، وربنا فرّجها بزوج مافيش زيه في الكون، وعيلة كبيرة وجميلة، وأنا حبيتكُم قوي.

اهدأ، واستغفر ربنا، وادعيله بالرحمة.

*********

---

عرض فهد على أدهم أن يخرجا لرؤية إسطبلات الخيل،

لكنه رفض، وعلت وجهه نظرة قلق وهو يقول:

– "لا... عايز أطّمن على عشق الأول."

فهد طمأنه وهو يربت على كتفه:

– "ما تقلقش، بس جدي متألم من اللي حصل معاها، وإحنا موجودين على وش الدنيا. تعال نمشي شوية، ولما نرجع يكونوا اتصافوا."

ذهبا إلى الإسطبل، واختار كلٌّ منهما حصانًا. تسابقا، وتبادلا الحديث حول الأعمال.

أخذ كلٌّ منهما فكرة عن عمل الآخر، وبرغم قِصر الوقت، شعر كلاهما بألفة تقرّب بينهما.

يشتركان في الشخصية القوية، والذكاء، والهيبة.

عاد أدهم بعد ساعة، فوجد عشق جالسة بين زوجات أعمامه.

حرّك شفتيه بصمت وهو يهمس:

"وحشتيني."

فتورد وجهها من الخجل.

لاحظ فهد ما حدث، فقال ممازحًا:

– "سيب البنت في حالها."

رد أدهم بغمزة:

– "اللي غيران مننا... يعمل زينا."

ضحك فهد برجولة وقال:

– "أنت رايدني أتقطّع تقطيع يا ولد؟ عندنا العشق عيب!"

لكن قبل أن يرد عليه، سمع أدهم صوت المنشاوي الكبير يناديه، يطلب الحديث معه على انفراد.

وبعد مرور نصف ساعة، استأذن أدهم لأنه سيسافر فجرًا.

وقفت عشق، وتوجهت معه إلى الأعلى في صمت، شاردة الذهن، تفكر:

"على أي وضع ستنتهي قصتهم؟"

---

عند أذان الفجر، قامت عشق لتؤدي فرضها، فوجدت أدهم جالسًا على الفراش.

سألته بقلق:

– "مالك صاحي؟ ليه الوقت؟"

تأملها بحب، وكأنه ينقل مشاعره بعينيه وهمس:

– "هتوحشيني يا عشق... أنا هصلّي الفجر ومسافر."

قالت بخوف:

– "أدهم، أوعى تنساني."

اقترب منها، وحرك أنامله على وجهها بحنان:

– "عمري ما أقدر أنساكي. أنتي النفس اللي بتنفسه، والدم اللي بيجري في وريدي، والقلب اللي بينبض بين ضلوعي."

صلّيا الفجر، وارتدى ملابسه، وهي تنظر له بشوق واضح.

ابتسم وهو يقول:

– "لا... عشق هانم كده خطر! ونظرتك دي ليها معاني كتير، وأنا أضعف من إني أقاومها."

ارتمت على صدره تحتضنه، فرفعها بين ذراعيه وضمها بقوة، وهمس:

– "متخافيش يا حبيبتي... أنا ما صدّقت لاقيتك، ومش ممكن أفرّط فيكي أبدًا."

اقتربت من أذنه وهمست:

– "أنا بحبك."

نظر في عينيها بصدق وقال:

– "وأنا بعشقك."

ثم تركها، يشعر وكأن روحه تُسحب من جسده.

أما هي، فكان قلبها منقبضًا بشكل غريب.

---

نزلت نعمة، فوجدت عشق تجلس شاردة، وعلى وجهها علامات الحزن.

– "مالك يا عشق؟ ليه قاعدة كده؟"

وقفت عشق فجأة، وارتمت في حضنها، وظلت تبكي.

ضمّتها نعمة بكل حب وسعادة؛ لطالما تمنت هذا الشعور، أن يكون لها أبناء يرتمون في حضنها وقت الضعف.

جميع أبناء العائلة يعاملونها كأم، لكن إحساسها الآن مختلف، فهي تحتضن قطعة من عشقها التي رفضت الزواج بعد ترك أدهم لها.

مسحت على ظهرها وسألتها برفق:

– "إيه يا حبيبتي؟ ليه كل ده؟ إيه حصل؟"

ردت عشق ببكاء:

– "أدهم وحشني... وخايفة ينساني."

ضحكت نعمة على طفولتها، وضمّتها أكثر:

– "كل ده علشان سافر؟! بكرة يرجع بالسلامة."

أزالت دموعها بيدها وقالت:

– "وبعدين، مين يقدر ينسى القمر ده؟ الكل حبك من أول يوم!

تخيلي اللي معاكي من شهور... اهدي كده، وادعي له ربنا يرجّعه بالسلامة."

ثم جذبت يدها بحنان وقالت:

– "يلا نشوف، الخدم جهزوا الفطار ولا لسه؟"

---

كان أدهم يجلس في سيارته، شاردًا... يفكر في من ملكت روحه.

"مش قادر... دي وحشتني، وأنا لسه سايبها من ساعتين! إزاي أقدر أتحمل أسبوع؟"

صوت عقله:

– "لا، اجمد! أنت عمرك ما كنت ضعيف، متخليش حاجة زي دي تأثر فيك. خليك عقلاني، متخليش قلبك يتحكم فيك."

وصوت قلبه يرد:

– "برفض! لا... عشق مش زي أي بنت! لو كانت زي فرح، ما كانتش هتسيب ورث بالملايين، وتفكر في الأيتام."

رفع هاتفه، واتصل بصديقه، ليفضفض له عمّا يجول بخاطره ويعكر صفو حياته...

علّه ينتشله من دوامة قلبه، ويدلّه على طريق الصواب.

*****

---

في مستشفى ألمانيا

كان يتابع دكتورة العلاج الطبيعي وهي تقوم بجلسات لروان، التي تألمت كثيرًا؛ فالعلاج الطبيعي كان أشد إيلامًا من العملية التي أجرتها.

قفز مراد بسرعة عندما بكت من الألم، ورفضت إكمال الجلسة:

– كفاية، أنا خلاص تعبت!

اقترب منها يضمها، وهو يردف بعشق وتملُّك:

– هش، خلاص يا قلبي... كفاية، بس بلاش دموع.

وطلب من الطبيبة أن تكتفي بهذا القدر لهذا اليوم. نظرت إلى انهيار روان، فوافقت وخرجت من الغرفة بصمت.

قالت روان ببكاء:

– أنا تعبت يا مراد... مش قادرة والله أكمل، غصب عني، الوجع فوق احتمالي.

حملها مراد بين يديه وتوجّه بها إلى غرفتها:

– خلاص يا قلب مراد، براحتك، ولو مش عايزة تكمّلي، مش هنكمّل. أهم حاجة عندي إنك تكوني مرتاحة.

وضعت رأسها على صدره من التعب، وأغمضت عينيها وهي تشعر بالأمان.

"ماذا فعلتُ حتى يكون مراد نصيبي؟" تساءلت داخلها، وهو نعم الزوج والحبيب الذي يحتويها بحبه وحنانه.

ولو كانت حكمة الله من تلك الحادثة هي ترك وائل لها لتصبح من نصيب مراد، فنِعْمَ تدابير الخالق عزّ وجلّ.

(تحسبه تدميرًا، وهو تدبير).

تحدّثت روحها بحزن على ما فات:

"كنتُ عمياء... إزاي عن العشق اللي في عيونه ليا لوحدي؟"

لقد رأت نظرات الممرضات له؛ فوسامة مراد شرقية، بشرته قمحية، عيناه عسليّتان، جسده رياضي.

هو وأخوها دومًا يهتمّان بصحتهما، ويمارسان رياضات مختلفة، ولم يقتربا من التدخين يومًا.

ورغم جمال الممرضات، لم يهتم بنظراتهن، وكانت عيونه لا ترى سواها.

أجلسها على السرير بهدوء، ودثّرها جيدًا، ثم انحنى وقبّل رأسها.

رنّ هاتفه باسم "أدهم".

غطّاها جيدًا، وقال:

– ارتاحي الوقت، وأنا هخرج أردّ على أدهم وراجع.

هتفت بتعب:

– سلّم عليه كتير... هو وعشق.

---

فتح الخط وهو يردف بسعادة:

– أدهم باشا! فينك يا راجل؟! أنت نسيتنا خلاص؟

أتاه صوت أدهم متعبًا وحزينًا:

– حد ينسى أهله؟ بس مشغول شوية... أنت عارف.

تسلّل القلق إلى قلب مراد، وسأله بلهفة:

– مالك يا أدهم؟ صوتك متغيّر ليه؟ فيك إيه يا صاحبي؟

أجاب أدهم بتنهيدة حارقة:

– تعبان يا صاحبي... ومش عارف آخد قرار.

– بعشقها... وكل ما أقرب منها، أشوف أحمد بينا.

نفسي أكمل حياتي معاها، نفسي أحب وأتحب، وأكوّن أسرة زي الناس الطبيعية...

كل ما أسمع صراخ أحمد ووعدنا ليه، أحسّ إني خاين.

قال مراد بحزن على حال صديقه:

– وبعدين معاك يا أدهم؟!

قولنا عشق غير فرح، وده نصيب.

ولو كان أحمد عايش، كان هو أول واحد يشجعك ويفرح علشانك.

– قلوبنا مش بإيدينا. سيب نفسك يا صاحبي... البنت تستاهل إنك تديها فرصة تانية، وتعيش حياتك.

أوعي تظلمها، هي مالهاش ذنب في أي حاجة.

ثم تذكر ظهور أهلها وسأله باهتمام:

– عملت إيه مع أهلها؟

تنهد أدهم وهو يتذكر ما حدث:

– متخيل تعمل إيه؟!

قابلتهم كأنهم مش غلطانين في حقها، ولو كنت شوفتها... تقول طفلة.

مافيش جوه قلبها حقد ولا كره، قلبها أبيض، حتى ورثها رفضته رغم إنه ملايين!

مراد:

– بالتأكيد! شوفت؟! مش قولتلك؟

قال أدهم بحيرة:

– جدها عايز يعمل لها فرح في البلد علشان الناس تعرف إنهم جوزوا حفيدتهم، وأنا لسه مش قادر آخد الخطوة دي.

وفي نفس الوقت، خايف رفضي يكسرها.

تكلم مراد بسعادة:

– خلاص كده... ماعُدش عندك حجة.

ابتسم أدهم على حماس صديقه:

– أنا مستناك... مش هعمل حاجة من غير وجودكم.

هانت يا صاحبي... كلها أسبوعين ونرجع ونكون مع بعض زي الأول.

أراد أن يوصيه على أمه وأخته، رغم ثقته التامة في رجولة ونخوة صديقه:

– إن شاء الله... أمي وأختي أمانة معاك.

عارف إن روان ممكن تكون زعلانة مني، لأني مزرتهاش في الفترة دي غير كام مرة، بس قولها تسامحني.

تحدّث مراد بهيام:

– دول في عيون قلبي يا أدهم.

روان عمرها ما تزعل منك... أنت مش أخ، أنت كنت ليها أب وأخ.

---

في غرفة نعمة

كانت تتحدث مع صورة زوجها، التي تحتل ركنًا كبيرًا على حائط غرفتها:

– أنا مش زعلانة منك يا محمود.

بعد ما شوفت بنتك، تأكدت إن كان ليك حق تجري وراها، وإن ده غصب عنك.

إذا كنا كلنا اتعلّقنا بيها من يوم واحد، أنا مش قصدي الشكل خالص، رغم إنها تبارك الخالق فيما خلق،

بس أنا أقصد روحها... طيبة قلبها.

– حاسة إني أعرفها من سنين... يمكن لأنك موجود بروحها.

سمعت طرقًا على الباب، فأذنت بالدخول بعد أن مسحت دموعها.

وجدت عشق تقف أمامها بخجل:

– ممكن أنام معاكي النهاردة؟

– طبعًا يا حبيبتي... دي غرفة محمود، يعني غرفتك.

دخلت عشق تتأمل كل شبر بها، وهي تسألها:

– دي غرفة جوازك إنتي وبابا، مش كده؟

مرّت عينا نعمة شوقًا لتلك الأيام، وهي تهتف:

– آه يا حبيبتي...

وقفت عشق أمامها تسألها:

– كنتِ بتحبيه؟

أجابت نعمة بخجل:

– كان حب الطفولة والمراهقة والشباب.

– يااه... كل ده؟!

جلسوا سويًا على الفراش، وبدأت نعمة تقصّ عليها قصة حبها لوالدها:

– كنت بحب أشوفه وهو ماشي بالفرس بتاعه. كنت طفلة صغيرة، معرفش حاجة غيره.

وقتها، كنت تحت رحمة ربنا.

رفعت أناملها على وجنتي عشق:

– إنتِ واخدة حنيته وطيبة قلبه.

كان يهتم بالكل، رغم إنه أصغر إخواته، لكنه كان خدوم جدًا.

مافيش حد يقصده في حاجة ويتأخر عليه أبدًا.

– عمي كان متعلق بيه أكتر من الكل، وكان بيخاف عليه من حنيته الزايدة، علشان محدش يستغله أو يأذيه.

– كل يوم كان بيعدي عليا، بتعلق بيه أكتر.

ولأني كنت لسه طفلة، فهمت اهتمامه وحنيته عليا على إنه حب،

وفضلت أرسم وأتخيل حياتي معاه لما أكبر.

– لما جه يدخل الجامعة، عمي صمّم يكتب كتابه عليا.

كنت أسعد واحدة في الدنيا، رغم إني لسه صغيرة، وماوصلتش سن كتب الكتاب،

بس ده كان منتشر وقتها.

البنت اللي تجيب 18 سنة من غير جواز، يقال عليها "قطر الجواز فاتها".

– لكن عمي حب يربطه بالبلد، خاف عليه من الدنيا الواسعة والبنات الحلوة ياخدوه منّي.

– في سنة تانية جامعة، عمي طلب نعمل الفرح والدخلة، لكن محمود رفض بقوة.

وكانت دي أول مرة يوقف فيها في وش عمي، وأول مسمار في فراقهم.

محمود في الأول رفض، بس وافق بعد محايلة الكل.

وهو في تالتة كلية، رجع وقال لعمي إنه بيحب واحدة وعايز يتجوزها.

عمي اتعامل مع طلبه كأنه احتلال اليهود لمصر! غضب، واتخانق معاه من الأول، وعاند جدًا قصاده.

ولما لاقاه مصمم، قاله:

ـ "هحرمك من الميراث!"

محمود رد عليه بهدوء:

ـ "عادي، ما تفرقش، هشتغل وأصرف عليها وعلى كليتي."

عمي قاله:

ـ "هتبرى منك! ولا أنت ابني، ولا أعرفك."

ورغم صعوبة ده على عمي، بس كان كل غرضه إن ابنه يخاف على زعله ويرجع لحضنه تاني.

لكن أبوكِ كان متعلق بيها جدًا.

وكلنا قلنا: "سحرتله المصراوية، علشان يوقف في وش أبوه، وهو روحه فيه!"

غاب عن البلد سنة بحالها، وبعدين رجع علشان جدك يتقبل مراته.

عمي رفض، وهدده إنه لو شافها "هيجتّلها" ويخلص من سحرها.

ومن يومها، ماحدش شافه ولا سمع عنه خبر، غير من كام شهر...

مسحت دموعها، فليس من السهل أن تعيد أحداث رفض زوجها لها، وتفضيله لأخرى عليها.

عشق: طب ليه ما طلبتيش الطلاق وشوفتي حياتك؟

الأم: (بحزن) وِإيه عيشتي وحياتي من غيره؟

عشق (وهي تحتضنها بحنان): أنا بنته، ومن ريحته... وياريت تعتبريني بنتك.

أمل مصطفى

ضمتها نعمة بحب أمومي:

ـ "طبعًا، أنا بشوف روحه فيكي."

عشق: يعني ممكن أقولك "ماما نعمة"؟

ـ "أنا اللي بتمنى تقوليها... وعايزة أسمعها منك على طول."

عشق: طيب يا ماما، ممكن أنام في حضنك النهارده؟

ضمتها نعمة بحب:

ـ "طبعًا يا روح ماما."

وناموا بهدوء...

بعد ساعتين، سمعت عشق أزيز تليفونها، قامت بهدوء علشان ما تصحيش نعمة، اللي قلقت فعلًا من حركتها، وتوجهت لباب البلكونة.

ردت بصوت ناعم ورقيق:

ـ "ألو؟"

وصلها صوت تنهيدة حارة، وتلاها صوته:

ـ "وحشتيني يا عشق... وحشتيني لدرجة إني عايز أركب طيارة وأجيلك، آخدك في حضني علشان أهدا وأعرف أنام."

سكت لحظة، وبعدين كمل:

ـ "كام ساعة وهتجنن، مش عارف أعمل إيه... أول مرة أحس بالضعف والعجز ده."

ولما ما ردتش، ناداها:

ـ "عشق؟"

حاولت تسترد نفسها من حالة التيه اللي دخلتها بسبب كلماته المليانة شوق.

هي ما كانتش متوقعة إنه يتذكرها أصلًا.

ـ "آه، آه... أنا سمعاك، بس مش مصدقة إنك بتقول الكلام ده ليا! كأن حلمي أخيرًا اتحقق وبقى واقع."

ـ "حلم إيه؟" (سألها بحب)

تمتمت بتوتر، لأنها ما كانتش ناوية تكشف سرها الكبير:

ـ "بعدين أحكيلك..."

ـ "أنا عارف إنك اندمجتي مع عيلتك ونستيني، لأنك لاقيتي حد يعوضك غيابي." (قالها بحزن)

قالت في سرها: "ألم يعلم حتى الآن مكانته في قلبي؟ هل قصّرت في إظهار مشاعري؟"

بحثت في تليفونها، وهو لسه على الخط، وبعتت له أغنية (نسيت أنساك) لفضل شاكر.

ـ "الأغنية دي تعرفك مشاعري إيه في غيابك."

سمع كلمات الأغنية، وابتسم:

ـ "بجد يا عشق؟ يعني مفيش حد قدر يعوض غيابي؟"

ـ "أبدًا، لو بين مليون شخص، مفيش حد يعوض غيابك يا حبيبي."

أرسل لها أغنية (أنا اشتقتلك)، وسمعتها عشق وهي بتلف بتليفونها في سعادة كبيرة، وحضنت التليفون بقوة.

يجب عليه توضيح كل شيء، وإخبارها بحقيقة مشاعره... فهو يتظاهر باللامبالاة، لكنه ينصهر من شدة انجرافه نحوها.

ـ "عشق، لما أرجع... عايز أتكلم معاكي كتير."

ابتسمت بحب، كأنه شايفها:

ـ "أنا كمان يا أدهم... عايزة أحكيلك حاجات كتير جدًا، وتعرف حقيقية مشاعري ناحيتك."

ـ "أشوفك على خير."

ـ "وإنت من أهل الخير."

---

عادت عشق لأحضان نعمة، نامت زي الأطفال... بلا هموم.

استيقظت في الصباح، وما لقيتش نعمة جنبها.

قامت، اتوضّت، وصلت فرضها، ونزلت بسعادة تنادي:

ـ "ماما نعمة! يا ماما... إنتي فين؟"

خرجت نعمة من المطبخ، وقلبها بيطير من السعادة.

الجميع بيناديها باللقب ده، لكن لأول مرة تحسه من عشق...

عشق اللي هي قطعة من قلبها، ومن زوجها المرحوم.

ـ "أنا هنا يا قلب أمك... تعالي."

اقتربت منها عشق، وقبلتها:

ـ "صباح الخير يا ماما."

ـ "صباح النور يا قلب ماما."

ـ "ليه يا ماما نزلتي من غير ما تصحيني؟"

ـ "قلت أسيبك ترتاحي... وضحكت، لأنك طولتي في السهر امبارح."

ـ "هو حضرتك كنتي صاحية؟" (قالتها بإحراج)

ضحكت على خجلها، وردّت:

ـ "ربنا يسعدك يا حبيبتي."

ـ "طيب يا ماما، شوفي محتاجة أساعدك في إيه؟"

ـ "روحي صبّحي على جدك."

---

توجهت إلى غرفة جدها، طرقت الباب، فأذن لها بالدخول. دخلت بابتسامة وقالت: "صباح الخير يا جدي".

رد الجد بفرحة كبيرة، إذ لم تزرْه منذ سنوات طويلة: "صباح الورد والياسمين على قمر عائلة المنشاوي". اقتربت منه، وانحنت لتقبّل يده، فضَمّها إلى حضنه بحب وحنان قائلاً: "نورتي بيتك وأهلك، ورجعتي لجدك روحه".

قالت: "منور بيك يا جدي، أنت وعمامي. ما تتخيلش أنا فرحانة قد إيه بوجودي بينكم. الأهل والعزوة حاجة جميلة جدًا، حرمت منها سنين طويلة، بس الحمد لله ربنا عوضني أخيرًا".

مدّت يدها تساعده على الخروج، فقال ضاحكًا: "هو أنتِ فاكرة جدك خلاص عجز؟ لا والله، أنا بقيت شباب بشوفتك".

أضاف: "بس ده ما يمنعش أني أمسك القمر بيدي".

ابتسمت له وهي تهتف: "ربنا يعطيك الصحة والعافية يا جدي".

توجهت للخارج، فوجدت الجميع يتابع خروجهما بعيون مخدّرة من صوته الذي ارتفع بالضحك لأول مرة منذ وفاة ابنه، الذي كان دائمًا سبب ضحكته. كان قويًا، حادًا، صارمًا مع الجميع، إلا مع ابنه محمود؛ كان يتغير ليصبح لينًا، حنونًا.

وكان الكل يتعجب من شخصيته تلك التي لا تظهر لغيره. لذلك، كل من أراد شيئًا يطلبه من محمود، لعلمهم بتأثيره على والده.

جلس الجد على طاولة الطعام، ه الجميع باحترام.

قالت عشق: "صباح الخير".

رد الجميع: "صباح النور".

وجهت سؤالها لابنة عمها: "ها يا خلود، مستعدة نبدأ النهاردة؟".

أجابت خلود: "موافقة طبعًا، خليني أرتاح من عذاب المادة دي".

قالت عشق: "خلاص، بعد الفطار جهزي نفسك إنتِ وياسمين".

قال زين: "إيه رأيك يا شوشو أفسّحك النهارده في البلد؟".

قالت عشق: "بجد؟".

رد زين: "بجد طبعًا".

صفقت بيديها تحت صدمة الجميع من تصرفها، وقالت: "وأنا موافقة". لكن ملامحها تغيرت بتفكير.

تحدث فهد بسؤال: "مالك يا عشق؟ شكلك اتغير، ليه؟ في حاجة؟".

هتفت بحيرة: "مش عارفة، أدهم يوافق ولا لا".

دخلت قمر في الحوار تعطيها فكرة: "مش هو عارف إنك موجودة، وجدك يعطيكي الإذن؟ عادي، مش مهم تبليغه".

شهقت عشق بتعجب من حديث ابنة عمها عن الأمر كأنه هين، وهتفت برفض: "إزاي يا قمر؟ ده جوزي، وكل خطوة أخطيها من غير إذنه ذنب. تخيلي بقى بلدكم دي كام خطوة؟ ضحكت، ده أنا هروح جهنم حدف".

نظر لها الجميع باحترام.

قال زين بلهفة: "طب لو رفض، مش هنخرج؟".

قالت عشق: "للأسف، تبقى ضاعت الفسحة".

كانت نعمة تريد التحدث، ولكن قاطعها رنين هاتف عشق، التي تأملت هاتفها بحب عندما رأت اسم زوجها.

اعتذرت من جدها للخروج حتى ترد على أدهم، تحركت بسرعة إلى الخارج، وفتحت الخط بلهفة: "صباح الخير يا حبيبي".

هتف بوله: "صباح النور يا قلب حبيبك، وحشتيني. قولت أكلمك قبل ما أروح الشركة وأتلبخ في زحمة الشغل. صاحيتك؟".

قالت: "لا، أنا صاحيه بدري. أنت كويس؟ حاسة في حاجة!".

يشعر بغربة غريبة دونها، رغم أن وجودها في حياته لم يتعد الثلاثة شهور. كيف يحدث ذلك؟ فكرة عدم رؤيتها تسحب أنفاسه وتلقي به في بحر الشوق.

قال: "عمري ما أكون كويس وأنتِ بعيدة عن حضني. آه، كنا بنام كل واحد في غرفة، بس وجودك معايا في نفس المكان مريح جدًا ليا. إيه رأيك أجي أخدك النهارده؟ ده لو مش حابة تفضلي".

قالت: "وأنت كمان يا أدهم، وحشتني جدًا، رغم إنك ما فرقتنيش. أرجوك يا أدهم، بلاش تشرب قهوة قبل الفطار، علشان خاطري. أفطر واشرب عصير، وخلي القهوة لما توصل المكتب".

تحدث بحب: "خايفة عليا؟".

قالت: "مافيش عندي أغلى منك أخاف عليه".

قال: "آه يا عشق، لو كنتي قدامي الوقت".

قالت: "كنت هتعمل إيه؟".

قال: "كنت خدتك في حضني وما سبتكش غير وأنتِ مراتي".

خجلت ولم ترد.

قال: "مش بتردي ليه؟ مش أنتي اللي بتدوبيني بكلامك العسل ده؟ بذمتك، أعمل إيه لما أشوف الدلع والدلال والحنية دي كلها؟".

قالت: "وأنا عملت إيه بس؟".

قال: "كلامك، خوفك عليا، جنني. بيخليني أندم لأني ما قابلتكش قبل كده، وندمان على عمري اللي ضاع من غير وجودك. بتجنن من المشاعر اللي بجربها لأول مرة معاكي، أنتي بس. نفسي أحبسك في غرفتي، ما أخرجكش منها أبدًا، بس هانت، كلها أسبوع".

قالت بخجل: "أدهم، بلاش الكلام ده، عشانك بتكسفني".

قال: "قولي لي أعمل إيه بس؟ أنا عمري ما كنت أتخيل أني أقول الكلام ده لواحدة أبدًا".

قالت بهروب: "ينفع أخرج أتمشى في البلد شوية؟ مع زين ابن عمي".

قال أدهم بغيرة: "نعم؟ وليه مش حد من عمامك؟ وليه مش واحدة من بنات عمامك؟".

قالت: "هو اللي عرض عليا، لكن لو أنت مش موافق، خلاص، مش مهم. لما ترجع بالسلامة، أخرج معك".

قال أدهم بحيرة، فالكلامها يطيب خاطره دائمًا: "خلاص يا حبيبتي، أخرجي وتفسحي براحتك، بس خدي حد من بنات عمك، ولما ترجعي احكيلي عملتي إيه، روحتي فين".

ردت بسعادة: "طبعًا، كل حاجة أبلغها لك بالتفصيل الممل".

قال: "خلاص يا روحي، خلي بالك من نفسك، وأنا هكلمك بالليل".

تحول صوتها من فرحة لشغف: "أدهم، عيون أدهم، أنت هتيجي إمتى؟ أنت وحشتني قوي".

قال: "أنتي وحشتيني أكتر والله. ولولا السعادة اللي كانت بعيونك، ولولا خوفي على زعلك وكسر فرحتك بأهلك، كان مستحيل أمشي من غيرك. بس ما حبيتش أضيع فرحتك بعد حرمانك منهم كل السنين دي".

أغلق معها الخط وهو يتنهد ويطلب من الله الصبر على الكام يوم الفاضلين.

ركب سيارته وقام بالاتصال عليه فيديو. فتح الخط وقابله وجه مراد المبتسم وهو يهتف بمرح:

---

أخبارك يا عريس؟ عامل إيه؟

ضحك أدهم بفرحة وهو يهتف بمرح:

ـ أحسن منك طبعًا.

غمز مراد بشقاوة:

ـ إيه ده؟ بقينا نهزر ونفسنا مفتوحة! يا رب أوعدنا.

ـ مش كان الأصول أنا اللي أتجوز أول؟ حرام عليك... أنا بحب على نفسي من سنين، ولسه عايزني أستنى كمان شهرين!

قال أدهم بعناد كالأطفال:

ـ مليش فيه، إنت سايب الشغل على دماغي من ٣ شهور. تيجي تستلم وأنا أرتاح شوية، وبعد ما أقضي شهر العسل.

رد مراد بغلب:

ـ على أساس إنك كنت بتفسح، مش كده؟ دول كانوا أصعب وأسوأ أيام عمري!

---

يعلم جيدًا أنها لم تكن سهلة على مراد، رؤيتها تتألم بتلك الطريقة كانت تفتك به.

هو يعلم كم يعشقها، يعذر حالته، ويحسده على قوّته في الوقت نفسه.

فهو يعرف العشق منذ فترة بسيطة، ورغم ذلك لا يتحمل أن يراها تتألم، ولو مجرد خدش بسيط.

كيف لشخص في قوته أن يكون بهذا الضعف أمام ألم من يحب؟

كيف يتحول ذئب شرس بنظرة من عينيها إلى حمل وديع؟

حاول الخروج من عاصفة مشاعره وهو يستعيد مرحه:

ـ لو مش عاجبك قراري... نلغي الجوازة خالص!

رد مراد بسرعة:

ـ لا، عاجبني يا باشا! هو أنا أقدر أقول حاجة بعد كلام معاليك؟! ده رقبتي في إيدك!

ضحك أدهم:

ـ أيوه كده، اتعدل أحسن! إنت عارف قلبي، هاا... الفستان وصلك؟

ـ آه، أنا استلمت إمبارح. قدامنا أسبوع ونكون عندكم.

ـ كل اللي أنا طلبته جهز.

هتف مراد بحب:

ـ أنا وروان ومامتك جبنا كل حاجة، ما تتخيلش فرحتهم بالخبر ده! كان عندهم أهم من إن روان تمشي.

هتف أدهم بحنان:

ـ ربنا يخليكم ليا وما يحرمنيش منكم أبدًا.

---

دخلت ووجهها يبشر بالسعادة، وجدَتهم في انتظار ردّها.

ـ عملتي إيه؟

وقفت وهي تهتف بمرح:

ـ وافق طبعًا! إنت بتشك في قدراتي؟

لم يتوقع محمد موافقته، لقد سخر من زين وكان يستعد لمضايقته.

وعندما سمع كلام عشق، هتف بتعجب:

ـ يظهر إن تأثيرها قوي!

نفت عشق:

ـ أبدًا والله، ده أنا مسكينة! هو أدهم بيعمل حاجة مش عايزها؟

هتف محمد موضحًا:

ـ علشان كده بقول تأثيرك قوي عليه، لأن اللي سمعناه عنه القوة والجبروت، وكل السوق بيخاف منه وبيعمل له حساب.

هتفت حميدة بتعجب:

ـ للدرجة دي؟

تولّى مروان الرد:

ـ أكتر... الإنسان اللي كان هنا حاجة تانية خالص غير اللي عرفناه عنه لما كنا بندوَّر على عشق.

اعترضت عشق برفض:

ـ أبدًا، ده مافيش في حنية أدهم عليّ أنا وماما وروان.

رد فهد بهدوء:

ـ إحنا مش قصدنا إنه وحش، الطبيعي إنه يكون حنين مع أهل بيته.

لكن السوق محتاج القوة علشان يثبت نفسه ويفضل واقف على رجليه.

واللي يغفل لحظة... يقع ويداس! عالم الأعمال مافيش فيه رحمة، زي الغابة بالضبط: البقاء للأقوى.

بس أنا مش بحب الحياة دي.

قال فهد:

ـ دورنا نحميكم ونبعدكم عن الحياة دي.

زين:

ـ خلاص يا عشق، ساعتين وأعدي عليكي... تكوني جاهزة.

أوقفته بتوضيح:

ـ استنى بس، هو ليه شرط؟ حد من البنات ييجي معايا، لأن ماينفعش أمشي معاك لوحدي.

---

في مكان جديد، داخل أحد المنازل الفخمة المبنية على الطراز الحديث...

وقف يتحدث بقسوة وحقد، تفوح من كلماته سموم كأفعى سامّة تبخّ سمها في كل مكان:

ـ أخيرًا جه الوقت عشان آخد فيه حق ابني!

تحدث ابنه بعدم تصديق:

ـ مازال بيفكر في الانتقام من أجل ابنه الغلط بعد السنين دي؟

حق إيه يا بوي؟ ابنك كان غلطان! التاني كان بيدافع عن شرف بنت غلبانة!

صرخ فيه، وهو يعتبره عارًا عليه وعلى العائلة؛ لأنه رفض أخذ ثأر أخيه:

ـ اسكت يا ولد! جبر يلمّك! كيف تتكلم على أخوك كده؟

يا ريت كان عايش وجتلوك إنت! على الأقل كنت لاقيت راجل ياخد بتارك، مش زيك!

تحدث إبراهيم بعدم رضا:

ـ يا بوي، إنت مش عايز تقول الحق ليه؟

لو كان ده حصل مع أختي أو بنتي، ماكنتش اشتكيت زي ما عملوا، أنا كنت جتلتُه بإيدي!

كيف نرضاها لبنات الناس، حتى لو كانوا غلابة؟

رمقه والده بنظرة اشمئزاز ونفور:

ـ طول عمرك جبان، علشان كده مافيش حد هياخد حق أخوك مصطفى غير سالم!

هتف إبراهيم بخوف:

ـ لا يا بوي! حرام عليك! سالم لسه صغير، كفاية اللي راح بسبب دلعك لمصطفى!

ليه عايزنا كلنا ندفع ثمن دلعك وس...اخته؟!

إحنا مش جدّ عيلة المنشاوي!

ليه تفتح بحور دم يروح قصادها ناس مالهاش ذنب؟

ـ ابنك مات يا بوي... وغسل عاره!

ده لو فهد علِم، يخلص على عيلتنا كلها قصاد بنت عمّه!

وإنت خبرة... زين قلبه ميت، ومابيعملش حساب لحد!

هتف الأب الحاقد بعناد:

ـ والله لو العيلة كلها تتقتل، قصاد إني أقتل بنت محمود، وأحرق قلوبهم، وآخد تار ولدي، ما يهمني! وأعملها!

رغم إن مش هتبرد ناري زي قتل محمود نفسه... بس حظّه إنه اختفى وغار في داهية، قبل ما أفشّ غليلي فيه!

ونظر لابنه وهو يكمل:

ـ أنا بعتبرك ميت أنت كمان!

تابع إبراهيم خروجه وهو يستغفر ربه:

ـ استر يا رب من الجاي، ونجّي بنتي وأخويا من شرّه!

ولا أحد يعلم أسوأ مصير تم تجهيزه للانتقام من تلك الملاك... دون وجه حق