تحميل رواية «مُقيد أجنحتي» PDF

الحلـقة الاولى..

مُشاهـدة مُمتِعة ، ولا تنسوا التصويت ، والتعليق على كل فقرة .. احبكُم ♥️

\\\|||||||||||||||||||||||||||||||||||\\\\\

_ اغسل بالطرمة وادردم بكلبي عليّ ، ضخونة مال حمار كون .. حارمني من كل شي ..

يبوي على الضوجة شيصير هسة لو اطلع اغسل البـاب ، قابل اموت شبيج سُـحاب . خل اطلع وشنو يصير خل يصير . هي كفخة ﯠ راشدي وابوية الله يرحمـة .

رُفعت البچامة مالتي وشمرت الـشال الي معلكتة اُمي مال خُبز على راسي وفتحت البـاب بدون ٲي تـردد ..

فتحت الماطور مديت راسي اشوف منهو بالشارع شنهي ما شنهي..

بدون ما اباوع على بيتهم ، رشيت نص الشارع تقريبا ، دخلت اجيب الماسحة شني خما يضل الشارع مبلل لاااع فشلة من الودام

اخذت الماسحة بالبوگة وطلعت . نزلت البچامة وعدلت الربطة . وامسح بالمي بدون شحاطتي ( مكرم القارئ ) واغني بصوت ناصي ..

مدري ليش اجاني شعور رُفعي راسج هو موجود هسة ، رفعت راسي على كيف متأملة عدم وجودة ..

وارفع راسي هذا الحلو ، واشوفة واكف وبصفة ولد حليو.. وجهت نظري لوجهة.. يبوييي وجهة صاير احمر دم . عزة العزاج سـحُاب اليوم تنذبحين على القبلة يثولـة ..

يحجي وي هذا الولد ، والولد عينة علية كل شوي يكول الة.. بالك يمي  خلي

ما بقت اية بالقرآن حافظتهة ما قريتها..

كُـبل فتت للبيت وركعت بـاب الحوش وراي ..

اول ما دخلت لكيت اُمي علـى نفس گعدتها ، حاطة هالفرشة المعفنة بالمطبخ وگاعدة عليها ..گلبها ما ينطيها تطلع من النضد الجديد

خالة دشداشتي الوردية بحضنهة وتخيط بالزرف الي يم الاُبط ..

من لمحت خيال فوك راسها كالت ..

_ ها يم المُصايب شمسوية ؟ شعندج فايتة تتراچفين احجي لان اذا ما اسمع منج اسمع من عندة ..

_ سُحـاب .. هاي شبيج يُمة يبعد الروح ، اني الفقيرة الي مالي لاحس ولا نفس الطيبة . اسوي مُصـايب ، عيب عليج هاي الحجاية ..

قوست شفايفي. وقلصت عيوني عود ابين صُدك اني فقيرة .. له له ما توقعتها منج يا ست الحبايب ..

_ كريمة: بالعباس مسوية سالفة ادري بيج ، ولج يمة كعدي راحة راح تجلطين الولد

فتحت زيجي. ورفعت ايدي للسماء ادعي ..

اه يوم عيد يمة ، الة اركص بالـشارع

دخلت لجوة وعفتهة تحجي وحدها ادري بيها تحبة وتدافع الة..

فتحت باب الغرفة لكيت ، بتول كاعدة على الكُتب ، زفرت نفس بضجر وركعت الباب قوي ..

نزت هي من مكانها وحجت..

ولج سُحـاب شبيج وجع ، اكو واحد هيج يركع الباب والله فد يوم يوكع باب على راسج ونخلص ..

_ خاب دسُكتي انتِ ، ضايجة ورحي صايرة بخشمي..

_ بتول : لعد ديري بالج لاتعطسين..

_ سُحـاب : بتول بروح ابوية سدي حلگج واقري ..

مددت على الچرباية ، رفعت عيني لسگـُف الغرفة. صدري بي خَـنكة من كعدت البيت ..

كعدت صفح وخليت ايدي تحت راسي ، من جهة بتول وحجيت..

اكُلج بتول شنو جاي تقرين ، مو عطلة هسة ؟

رفعت نظرها ونزعت النظارات ، وخرت الشعر من عيونها وكالت .

— بتول : شسمة مو ، الرياضيات كالو صعب مال ثالث فكلت ابدي بي على كيفي حتى اسيطر على هاي المادة..

_ سُحـاب : اهاااا ، زين تسوين اريد ارجع للدوام بتول ونبي طكت روحي..

_ بتول : سُحـاب انتِ ما تُگعدي راحة مو جان يخليج تداومين بس انتِ ماتبطلين سوالفج..

ونبي حيل بيج ولا انقهر عليج ..

_ سُحـاب: زفرت بضجر وحجيت

شني انتِ وياي عليّ ولج..

_ بتـول : بس فهميني انتِ ليش ما تقبلين بي ، اشو هيبة وظيفة ، وبيت ومو غريب وبنفس الوقت قريبة علينة ..

_ سُحـاب : شبيج انتِ بتـول اني اموت من عندة شلون اصير مرتة ، يعني اني ما معرسة غير اخذ ما معرس .

يعني شوفة عيونج بعدني ما صرت مرتة يُضرب بية هنوب اصير مرتة ، لا عيني لا .. وبعدني صغيرة يابة كل عُمري 16 سنة طفلة اني..

_ بتول : ونبي يجي يوم يطيح حظج ، وياخذج غصب عنج ويكسر راسج.. صــٰۨار سنين الولد متحمل عليج ، بس اخخخ من عنادج..طفلة ام الوصخ انت من عُمرج ١٢ سنة جسمج طك طكة خلتة يتخبـل عليج ..

_ والله محد كلة هيج يسوي ، يدري بية ما اطيقة شني هي گوة ..

بعدنة نسولف سمعت صوتة بالبيت ، اجذب اذا كلت ما اخاف  .. اصلا متت خوف بس ابين قوية كبالهم ،

بلعت ريچي وكمت توجهت للباب جان اكو فتحة صغيرة بالباب من يجي اباوع علية منها..

اسمعة يحجي وي امي :-

.. باجي صُـدك تحجين ، اني مو محرم عليها الطلعة من سالفتهة الاخيرة ، شنو اليوم الگاهة غاسلة الشارع الي يشوفها يكول راح تصب غداها بالشارع وتكعد تاكل..

_ ولك يُمة احسبهة علية ، هي ضايجة وين تروح رشت الباب مابيها شي غير حاطة الربطة على راسها..

_ وهم هذول الكواويد الي بالشارع يعرفون حُجاب ، بس هي تعاند خل تستطبرلي صار الهة هواي ما مكتولة..

_ احلفك بعمك يُمة لا تاذيها بعدهي طفلة ..

:-

عاط بأعلى صوتة لان يكره هاي الكلمة ../

رحمةةة لمحمد يااا طفلة مرة شكبرها شطولها لحددد يكلللي.  طفلةةةة يا طفلة ..

مسح وجهة بغضب وكال ..

اعذريني باجي صارت بوجهج بس دمرت اعصابي تتقصد تسوي هيج ..

هي وين هسة ؟

_ روح بالغرفة يمة ..

_ سُحـاب : من كالت الة بالغرفة ، كلبي وكف احس ملامحي بهتت ضليت اتراجف ما اعرف شسوي هذا ما يسمع كلمة هسة يضُربني والله

اني راسي بعدة يوجعني من هذيج الضربة.. شكِثُر جنت محضرة حجي واطلع لساني هذا المترة. مدري ليش من اشوف وجهة تضيع كل علومي ، هيبتة بالزي العكسري لو ملامح وجهة الحادة

بعدني احجي وي روحي ، تحركت اليدة مالّ الباب..

دخل هو بهيبتة ، لابس تيشيرت چويتي وبنطرون بيجي عسكري..

والسلاح معلگ بخاصرتة. بلعت ريچي يخوف ..

اباوع على ملامح وجهة ما تتفسر  ، العيون حمر الحجاب مرفووع

حسيت نفسي ضاق ، الغرفة صارت خنكة تمنيت الكاع صدك تنشك وتبلعني..

بديت ارتل سورة يس هالحافظتة منهة ..

وجه نظرة على جرباية بتول وكال

_ بتول اطلعي برة..

_ سُحـاب : كال هالكلمات الاخيرة وهو يتقدم علية واني ارجع بخوات للخلف خايفة لحد ما .....

**********************

Stop ✋..

هذا البارت الاول بسسس . اخلـص القُصة ألي بأيدي ابلـش بيهة ، واذا شفت تفاعل حلو

انـشُـر مرة بالاسبوع

احبكُـم🥺💙

الحلقة الثـانية ..

بقلمـي مَــريـِم عـلاء ♥️..

ملاحظة ⛔️.. / شبـاب لا تنسوا التـصويت والتعليق على كل فقرة ، لان القُصة هاي راح اكتب بيهة البـارت يوم بيومة 'يعني "تفاعلكم يسوي الي واهسة"

وبـس يُبـا احبكُـم 😍♥️

£££££££££££££££££££££££££££

سُحـاب..

اول ما طلعت بتول ، رگ البـاب قويي .

نزت روحي..

حجيت بگلبي ،عفية عائلة اختصاص ترگيع بوب ،.

رفُعت وجهي الة ، بـلكت هدأ ..

وجهة مايبـشر بخير ابدا ، هو مكتولة اليـوم يعني مكتولة ..

اردف بصوتـه الجمهوري ..

_ اييي ست سُحـاب . اليـوم غاسلة البـاب خير يا طير

يحجي ويتقدم بأتجاهي ..

واني ارجع للخلف ، وسنوني سن يطـك بـسن

مو ضعف بس هو هيبتة وصـوته ومـشيتة ، والاهم من كل هذا السـلاح الي بخاصرتة خايفة يتفرغ براسـي ..

لحد ما طخيت بالمراية الي معلگيها بالحايط ..حط ايدناتـه  على الحايط .. حتى يقَيد حركتـي .

صفن بعيوني ، نظراتـة الحـادة تخلي گلَبي يصير دمام ..

همس بصوت ناصي ..

_ اني مو كلت ، طلعة ماكو لو لا .. ليش تحبين العناد .. لااا ومو بـس هيج بالتراكسود هم ..

بلـعت ريچي بـخوف وكلت ..

_ ما معاندة ، جنت ضايجة وطلعت ..

صـرخ بأعلى صـوته ..

_ بيتنة مو بعيد عنج ، واخترعوا شي اسمو

جهاز تشيلي وتكولين الووو مو صعبة ..اجي اخذج وين ما تحبين

صـد وجهة عني جان اكو ميز حاطة علّي عُطر احبة ..

ضربة بطرف ايدة  ، تناثرت بقايا على الارض ..

ضرب ايدة بالميز قوي ..

خليت ايدي وحضنت بيهة راسي ، صوتة من يصرخ علية كُلش يرعبنـي .. وغمضت عيوني .

ماحسيت غير  ، لـف ايدي على خُصري  فتحت عيوني وجهة كُلـش قريب من وجهي ، ملامـح وجهة الحـادة ترعبني..   شدني لصدرة واردف

_انت ليش تحبين العناد سحـُابي ؟

.. دفـعتة من صدرة بأيدي.. لزم ايدي النـاعمة بايديناته الخـشنات  ..

اردفت بصـوت يرجف

_ سُحـاب : لا تصرخ علـيّ ..

لوى ايدي  الي على صدرة ، ورى ضهري

ﯠ فرني على صدرة.. بحـيث صار ضهري على صدرة ، اخاف من هذا قُـربة واتوتر..

قرب شفايفة يم اذني وهمس.. وهو يناظر علـيّ بالمرايـة

_انتِ الي سُحـاب ، هذا الوجه النـاعم وهذا الشعـر الي چنة ليل محد يشوفة غيري ..

_ سُحـاب : جسمـي كزبر من صوتـه التـرس اذني ..

رِدّت أَفلـت ايدة منـي ، بـس هو مقيد حركتي ..

مشـة اصبع ايدة على وجهي بحـنان واردف ..

_.. اليـوم طلعتي بالتراكـسود ، والحجاب نُصة مو على راسـج وصاحبي يناظر على طولج ..

مرة ثانية يا سـحُابي تصير مو حلوة ، تمام ؟

_ سُحـاب: دفعتة من عندي وتوجهت للچـرباية .. اخذت الربطة وخليتها على راسي وحجيت.

انت هم مُحـرم علية حالك حال ٲي غريب . هذا قُربك من عندي حرام  تفهم لو لا ..ورفعت  أصبعي السبابة بوجهة ..

بعـدني  احجيي ، تقدم ناحيتي وعيونة تطافـر شـرار من العصبية .. تقرب من عندي بحركة سريعة ، عّـت الربـطة قوي من شعري ، صارت خُصلات كفشتي تتناثر بالهوى ،

حرام حسيت روحي سحارة..

ولـوى ايدي ورى ضهري ولمني لصـدرة ، عيوني صارت بعيونة.. لفحـتني ريحتة  الممزوجة بـريحة الچگاير ، الي تدوخ اكبر بنت ..

كال بنبرة عصبية ..

_ انييي مو غريب ، انت حلالي اكدر هسة اخليج تصيرين مرتي ، بس اني احب الحلال .. واحـب يكون الـج صيّت گبـال الكُـل ..

شمرني على الجرباية وطلع ورگع البـاب ورا ..

خيلت ايدي على كلبي ، يـدك سريع يبوي .

دخلت امي وبتول وجوهن تخوف..

كريمة : ها ولج ضربج مو ؟

_ بتـول: احجي شي ولج شسوالج ما نسـمع بس عياطة.. وصوتج الي يلعلع..

_ سُحـاب : لا ياب هاي شبيكم هو يكدر علّي بعدين أنت يمة. صـدك تحجين شلون تكوليلة بالغرفة ؟

..

_ كريمة: ولج يمة هو اني اخاف من عندة ، اخاف اذا اكلة لا ، يخلي طلقة براسي ..

_ هههههههه ، والله فشلة يمة انت تخافين منة..

.....

_ سُحـاب : واگفة بالمطبخ استطعم طعم الركية

مكيفة اجت تركض جايبة الكم ركي ، واني العوبة كيفت عبن احب الركي بالشتاء وقليل يصير بهذا الموسم .. تاليها طلعت فطيرة جنها بتـول..

اخخخ شلون ركية ، اكل وامطگ ..

فززني صوت بتـول..

_ بتـول : ياااع ولج سحيبة.. ولج اكو طلعة ..

_ غَصيت بالركية من الفرحة ..اردفت

وين وعليج العباس صدك موش شقة ؟

_ ههههه ، ٲي والعباس . باعي بيت عمي ايهب عازمينة على غدة مادري شنهي المناسبة يمكن عندهم اكل زايد..

لا وشنهي هو خابر اُمي ، وطلب جيتنة بالاسم ..

_ يااعع عليج العباس ، يبوي هذا عمج جاي يراهق تالي عمرة ، عاد نروح هناك ومرتة تتناطح وي اُمي ويصير اكشن. الله.. كومي نروح هسة ..

_ دگعدي وسكتي هي بدون شي تحبنة..

_ سُحـاب : حبها برص كون ، اييي ونروح نشوف حاتم.احجي واغمـز ..

_ انجبي سُحـاب ، لا تحجين هيج كبال الولد ياخذ علية نظرة مو حلوة ..

_ اييييي ، حتومة حنين ، شكد احبة ابو النسب ..هذا ياخذ كلبج موش بـس نظرة ..

_ بتـول : اصلا اني عندي ألج مفاجأة. صخر

معزوم يعني بيت عمي سعد هم معزومين هههاي ..

_ سُحـاب : يبووووو هم هذا الثور ، اكُلج ذاك اليوم ماكلة من عندة رزالة ، هو هيج بي حالة نفسية من يشوفني فرحانة يجي يخرب علية لحضاتي الجميلة..

جريت حسرة واردفت .

ما اروح اني ...

_ بتـول : بالحسين اذا ما شافج هناك يجي للبيت يعتج من شعراتج ، هي نعالة

گضيتيها علية ضايجة وضايجة ومن يقبل تطلعين ما تجين..

سُحـاب : شنووو شنوو ، ليش انتو اخذتوا رأية ؟

_ بتـول : ايي طبعا امي مرة تخاف ، اول ما خصلـت من عمو . خابرت علية وكال الهة خل تجي باجر اني هم هناك ..

_ ثوررر والعباس ثوررر بس يزاكط على الفاضي..

اخخخ لو بس عمـي ينطيني رخصة امُطلة وانام على خوانيگة . اخخخ بس اخخخ ...

—

_ سُحـاب: صار وقت العزيمة ساعة ١٢ اول ما خلصت صلاة ، رحت لغرفة اُمي على أطراف اصابعي اريد ابوك كحلتهة..

بسرعة خُمطتها ورحت للغرفة . طلعت بنطرون وعليّ قميص طويل .. مو طويل بس " يغطي المفضوح" ..

توني خلصت توجهت للمراية اخط كحلتي دخل علية يونس محمود بهجماتة المُردتة..

_  سُحـاب : هَـّي حيوانة ليش   هيج تفتحين البـاب هيج ..

_ بتـول : عود افوت اشوفج شتسوين ، بس كل مرة مالزم شي عليج ..

شهكت  بتـول بصوت عالي وكالت ..

ولج سُحـاب ، طركاعة على راسج هذا الشكبرة.. ولج شلابسة انتِ وين رايحة حفلة رحمة للخلقج..

_ سُحـاب : شبيج ، بنية مراهقة واحب ادلل نفسي . بعدين انت شعليج هـَي حيوانة....

_ ونبي اذا يشوفج صخر ما يخلي بيج عظمة صاحية ..

_ سُحـاب : روحييي بابا ، انـي ما أخاف بس من الخلقني..

__

لبسنة العِبي وتوجهنا لبيت عمي الطريق كلة ادعي عليـه عبن هيج بلاني بالعـباية مال راس ، هيج كون يصير عندك تبول لا إرادي يا صخر

بيت عـمي ايهب ما يبعد عن بيتنة غير فـرع .. نتمشى اني وامي و بتـول العوبة..وحسن اخوي

اول ما وصلنا ، استلمني البنات ضحك ﯠ تحشيش واحنة بالبـاب ،،

لفيت عباتي على خصري المجعمر..

وفتحت شالي عود چرواية ( عگال )

فتحت قراصة شعري ، تناثر شعري الي سرحتة قبل ما اجي ..

شديت الشال على شكل جرواية ، ودخلت لباب الديوان مال زلم

ادري ماكو احد فـدخلت بزودي..

دخلت ووصرت امـشي مثل الزلمة عود انة شيخ وهجّي .. حجيت بصوت رجولي ..

_ يلاااا ولك يحمد جيب الكهوة خلنا نشرب ونحجي شوي عن سالفة هالمصكوع اخيك..

يبووو الفواين وينككك..

دخلت بنت عمتي بيدها الدلة والفنجان وهم شادة شالهة نفسي كالت

_ تفضل شيخنا تفضل..

_ يُـبا احنـة اليوم جايين ، نطلب منكُم الصُلح لان ما عندنة ملـيون .. يا نشمـر الزعل جوة رجلك

لو نشـمر ابني جوة السيارات ، عبـن انـه منين اجيبن مليون ..

_ شهگت بنـت عمي عود هي اهل الي ابني اعتدى عليهم ..واردفت وهي تضم ضحكتهة حتى نكمل تمثيل

_ ـلا يشيخ ، هذا ولـدك ، عجل شلون تَحجي هجّي ..

_ چاااا انـه اخلف الولد ينطوني مليون ، او انـه انطي ..

_ والله بعدنا نمثل واشوف عمي واكف بباب الديوان وخربان ضحك وياه حاتم وكاظم وعامر ولدة يضحكون..

بسـرعة عدلت شالي وكمت اسلم عليه ..

_ سُحـاب : هلااا بعمي شيال همـييي هلااا

وجهت نضري للشٌباب . ورُفعت ايدي اسلم عليهم بالهوى..

شلونكم شباب ، ؟؟

رَدّو هـمَ : هلا ببـنت العـَم ..

_ ضحك عمي وكال ...

يول بعدج على سوالفج مال جهال يبوي صرتي مرة ..

_ سُحـاب : له له عمو ، تدري شوكت ابطل هاي السوالف ..

_ شوكت ؟

_ من يوكعن سنوني كلهم ، واكوم احجي بدون ثـنون ،،

ضحك عمي من كل كلبة..

عـفت عمي واخذت البنات ورحت للمطبخ ، اول ما دخلت هفتني ريحة الاكل ، خرب يومها صحيح خبيثة بس اكلها يموتت..

حسيت على ضربة بزري ، دنكت راسي اشوفة شنهو ، واشوف الصخل ابن عامر واكف جوة رجلي ويضرب بية ...

حجيت بصوت يخوف ..

ليش ولك حيوان انت ؟

_ انتِ حيوانة ولج..

_شهكت ، ولكككك اني حيوانة ؟

وينجن ولجن وينجننن ..

اجن بنات عمي وعماتي يمي

_ باعن ولجن هسة اني لازمة هذا الفرخ امشن وحدة تجيب الي كحلة خضرة وحدة تجيب فوطة سودة بسرعةةة..

لزمتة من  ياخة الدشداشة مالتة واخذتة للجرار طلعت طُبر وفتحت عيني كتلة..

شايف هذا ، اليوم اخلي يستفتح بدمك موش بدم الطلي يا ضخل يا ابن الضخل..

_ شهك وكال .. ما تخوفين جلبي ولج..

_ كفختة على راسة قوي ،، عفية موش طفل بلوة انت ، الله يساعد امك عليك ..

جابن البنات الفوطة وصيتهن يلزمن عدل بس اللبس..

لبست فوطة جدتي ، لفيتها مال عجايز  حنكت وجهي تحنك..

اخذت الكحلة كحلت بيها حنجي.. وسويت رسمة مثل الشامة بوجهي ، طلعت جني ام ستوري ..

لزمت الطُبر بايدة وحجيت بصوت يخوف..

:- ايها القوممم اجطلـووو ، انه من قوم فرعون..

جطلنة البنات بالكاع .. تقدمت يمة وحجيت..

اهـااا ايها الفاسق ، هل تريد الذبح ام التطهير ؟

رد هو بصوته الطفولي..

_كبر جنج ابو طبر تخوفين بينة..

_ عصبت اكثر يربييي شني هذا الطفل ،. قربت الطبر من يم بطنة وحجيت.. يعني ما خايف ..

كال .. لاااا ما خايف ، اني مثل عمي  صَخّر .. ما اخاف بس من الله..

_   سُحـاب : خــب طيح الله حظك وحظ عمككك كوم من عنديي

-عوفيني سُحـاب حبابة عوفيني .

صار صوتة برة ، اشو هذا عاطط

_ الله عليج سحاب عوفينييي ..الحگنييي عميي .

_ على هذا  صوتة

صرخ هو بصوتة الجمهوري المميز.  الي شكلة توة دخل للبيت ..

_ .. هاييي شكووو هنا ..

_ اني الثولة من الخوف وكعت الطبر من ايدي وكع على كرم

لو ما الله ستر وسحبة صخر بسـرعة جان مات الطفل ..

صرخ صخر ..

_ ولج انت صدك تحجين ، بس كليلي انت اكو عقل براسج رحمة للكعبة ..

طلع من المطبخ يدردم.. وكفت اقلد علية.. هذا شبي وياي ..

و صار الي محد يتوقعة ..او بالأحرى المُصيبة الي سويتهة

Stopp ✋

عزلنة يلا لمن جهالجن وكل وحدة على بيتهة ..

شسمة ليش نشرتي وخليتي قفلة قوية .

لان كلامكم جُبر قلببي 🥺

لهذاا اعتذر عن هاي القفلة ..

وشسمة . عود انشر اذا شفت التفاعل 

احبكُـم يبوييي 🥺🙈♥️

الحَـلقة الثالـثة

بقلمـي .. مريم علاء ..♥️

هذا البارت ، اكو كاتبة لطيفة مُبدعة ، وكُلش قريبة على قلبي ساعدتني بمـشهد من اناملهة الجميلة ♥️🫂

( fto_me14 )

اشكرج كُلش هواي

مُلاحضة ⛔️.. / شبـاب لا تنسوا التـصويت والتعليق على كل فقرة ، لان القُصة هاي راح اكتب بيهة البـارت يوم بيومة 'يعني "تفاعلكم يسوي الي واهسة"

وبـس يُبـا احبكُـم

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عفت كل شي ونسيت حتى الزرالة ، اخذت خمس طوس و١٠ كرص خبز وكعدت يم جدر التشريب ..

ثردت الخبز على السريع ، وصبيت التشريب فوكاهم

العباية ضايقتني نزعتها وشمرتها حّـدي ..

كمت اخلي الكاسات بالصينية حتى يجون الولد ياخذوها..

توني مشيت خطوتين ، وسمعت صوته الي رج البيت من كال ..

_ صخر : ولج سُحـاب شنووو هاااي ..

_ سُحـاب : نسيت اني وين واني ليش وعقلي وكف ، وكعت الكاسات من ايدي ..

وهو وجهة ما يتفسر صار ، احمررر... بلعت ريچي بخوف ..

بحركة سريعة صار يمي لزمني قوي من كوع ايدي وكال بصوت عالي

_ بسرررعة وحدة تجيب عبايتها..

امي جانت قويبة على عباتي شمرتها الة

كمطني بيها تكمط ، وسحلني من المطبخ لغرفة ابن عمي المتزوج سحـل ..

اول ما فتح الباب شمرني داخل الغرفة

باوعلي بغضب واضح وگال:-

_ أنتِ شنو من بنية رحمه المحمد ، هذااا لبس ينلبس بشرفچ؟؟ ، لچ أنتِ متشوفيننن شلـون معاني جسمج ومفاتنچ واضحه!!

فرك وجهة بعصبيه ورجع گال:-

_هذا لبس وحده مترباية وبت بيوووت... ، بس تعرفين شنو مو صوچچ صوچييي اني الي خليتچ تطلعين مِـن البيت اصلاً...

مافتحت حلگي بحرف بس واگفه ومنزله راسي ..

لزم راسه بقوة وعصرة بأيده وگال:-

_يجي يوم يا سُحاب وتجلطيني والله

تقدم بتجاهي وصار گبالي حط عيونة الحاده بعيوني واردف بذوبان:-

_كُل هذا الحسـن اذا احد شافة غيري اذبحچ...

جرني اله ومد ايده ولزم القميص من جهة الصدر... ، وشگه من بدايته النهايتة !! ، لكن مِـن حُسن حضي چنت لابسة فانيلة نـص...

ما تحملت دموعي نزلت ،، دنكت راسي وبچيت بأعلى صوتي ..

رفعت عيني لكيتة صافن علية ، عيطت بي

اطلع برةةة ، اطلععع..

طلع وركع الباب ورا ، خليت راسي بين ايدي وابجي مادري ليش هيج يسوي وياي ،، هذا مو حب انتقام . كرهني بشـي اسمة حُب ..

دخلت عليّ اسماء زوجة ابن عمي ..

_يا سُحـاب. يعني انت جسمج ما شاء الله بارز

وهو بدون شي يتخبل عليج نوب تلبسين الة هيج .. يعني حقة محد يلومة..

_ اسماء رحمة الله انت وياي علية ما تشوفوا شلون يتصرف وياي ليش محد يحجي لا عمي لا واحد من الولد ..

_ بصراحة غير ، كلها ادري انت مرتة ، وكلها تدري انت تتدلين علية .. يعني من يصيحوج او يجبون سيرتج يكولون مرت صخر موش سُحـاب..

_ اسماء جاية تهونين عليه آو تزيدها ؟

_ ههههه لا حبيبي اسفة ، هو كال روحي انطيها شي تلبسـة ..

توجهت لكنتورها طلعت دشاشة .. لبستها وطلعت اشتغل وياهم .. محد حجة وياي شي ، لان متعودة علية كل ما يضربني لو يرزل بية .. يطلع يكول الهم لحد يحجي وياها ..

كعدت حد امي اتغدة ، بس ما الي نفس .. بقيت ادعي عليه بكلبي ..

.. كمت الم وياهم المواعين.. وكفت افرغ واخلي بالسنگ .. واحس مخنوكة بس اريـد ارجع للبيـت ..

دخل هو بأيدي صينية كبيرة ، عندة استعداد يشيل عشـر صواني ولا خيلي واحد يدخل للمطبخ غـيرة ..

حسيت نظراتة علية ، بس اني ما باوعت سويت روحي امسح بالكاونتر..

اردف .. بنات جاي سوو..

هو الجاي جان على النار بس كلها تشتغل.. خليت استكاين الجاي وصبيت. توجهت اودي للديوان بعدني توني وصلت يم البـاب سمعت صوتة وهو يكول

..

هيووو وين تعالي ، شبيج انتِ بابا موش زلم جوا ؟

_ انطيتة الصينية ، وصديت وجهي اريد امشـي .. لزمني من ايدي وكال ..

شني بوية زعلانة مني ؟ المفروض انة ازعل ..

_ سُحـاب : لا ما زعلانة ، وانت منو حتى ازعل منك او ازعل عليك ...

قرب وجهي لعند وجهة. بجرة من ايدي وهمس ..

اني روحج ، اني سندج.. اني زوجج...

_ توترت وبعدت وجهي..

ابتسم هو وكال ..

يبوي اذا الحـلو زعلان .. فإني اسف يبعد عيني انتِ ..

_ ما رديت علّـي ، بكُل مرة هيـج يكول ..

عفتة ورحت للمطبخ مو صاحي ، يكسر راسي بعدين يكلـي ٲسف .. تهي بهـي ..

رجعنا للبيت بس اني روحي طافرة من ورا ساعة السـودة الي عرفتك بيهة يا صخر..

انتظرتهم ينامون حتى اصعد للسطح واكعد الكعدة الحلوة مالتي ..

صرت احسب الخرفان ، الناس تحسب الخرفان حتى تنام اني احسبهم حتى اصحصح..

شي خروف اتخيلة صخر .. شي خروف اتخيلة اختة سمية شي خروف اتخلية مرت عمي..

واضحك علىهم..

صارت ساعة  ٢:٠٠ ضبط كمت من فراشي متوجهة للسطح بس خايفة ..

فتحت باب السطح لفحتني نسمة هوى باردة جانت اكو نضدة سحبت منها بطانية.. ﯠفراش .. الله امي لو تدري بالفراش هذا تشمرني منا ..

فرشت النضدة وخليت نعالي ( مكرم القارىء ) عود مخدة.. تمددت وغطيت روحي..

يمة تكص كص بس اني وحدة عرمة لازم كل يوم اصعد للسطح ما انزل الى يصيح اللــه اكبر ..

رفعت عيني للسماء نجوم والسمة صافية وشكلها حلو .. القمر كامل ومضوي عتمة السطح منظر كلش حلوو

صرت احجي وي النجوم اتخليهم صديقاتي الي حرمني منهم هالثور .

بدت تخلخل ذكريات الايام القديمة في بالـي

لحد هسة اذكر من جنت طفلة اللعب بالشـارع وي البنات .. سمعت صوت امي تصرخ.. توجهت بدون نعالي اركض للبيت الى بالي حسن اخوي بس شي ...

ومـن وصلت شفت ابوي وجهة ازرك وامي نايمة يمة تبجي وتصيح..

كوم حارث كوممم وين اروح بعدك حارث مو اني حبيبتك كومم احلفك بحسـن

الجهال ماشافوا منك شيي كومم حارث

هنا فهمت الي صـار ، فهمت ان بعد ماكو اب بحياتي..

بعـد ماكو ابوية.. بعد منو يرجع من السـوك كل يوم بيدة لعبة شكل ..

بعد محد يجيب الي موز ويصيح سُحـاب القـردة ..بعد من امي تريد تضربني وين اروح اختل ،، لان بعد ماكو ضهر ابوية حتى اختل ورا ..

بعـد رجل منو ادوس حتى ينـام .. بعد المن اكول اريد ربع..واذا امي تمرضت منو يسويلي  ثريد صمون وجاي

بعـد منو يسـوي الي ربطة حذائي لان ما اعرف اشدهة..

بعد منو يغني الي ولبتـول يمة البنات عشرة واكول كليلات..

توجهت يم جسمة .. بستة من عيوني وكصتة وراسة..

بست ايدة ورجلة.. الايد الي نكسرت علينة.. حضنتة واشم بريحتة الي ما اشبع منهة..

ودعت ابوية واني طفلة كل شـي ما فهمت من عندة ..

البـارحة جان يرزل بية لان اللعب بالمي مال مبردة وزعلت من عندة ..

دخل علية بليل ،،

_ بنيتي سُحـاب ، اني اسف يروحي ، چا انة غير اخاف عليج اذا رحتي منو يدوس رجلي بعدج ..

باس راسي واخذني بذاك الليل الاظلم ، اشترالي بـ٣ دينار. رجعـت للبيت مكيفة..

الصُبح من كعدت سوالي طاستين مو وحدة ثريد صمون وجاي يعرفني احبة..

وطلعت اللعب بالشـارع .. وصار الي صار ..

اخوية الي توة اجة للدنيا ، ما صار ٣ اشهـر ما شبع من عندة ..

٣ اطفال عاف ورا وراح ، بأيد مرة لا حول ولا قوة هي عافت اهلهة والعز والدلال علمود ابوية ..

خابرت امي على جدي على امل يحن كلبة عليها ويسحبها يمة للخارج..

بس جان ردة ..

_ اني بنتي ماتت من يوم ما ماتت امهة.. ما عندي مكان الج هنوب الج ولجـهالج .. سد الخط بوجه امي ..

احتارت امي وين تبقى ، ضلت معيشتنة تخبز وتبيع بس النـاس اكلت وجهة.. شلون مرة عايشة وحدج وغنج بنات حديثات..

فخالتي أقترحت على امي نعيش وياها وتبيع هذا البيت

وفعلا بعد مرور كم شهر أنتقلنا لبيت خالتي ..صار الي ما كان بالحُسبان ،

><><><><><><><><><><><><><

على قفلة البارحة ، خفت اليوم اخلي قفلة قـَوية ..

البـارت الجاي احلى ، ومن هسة اكول مُصايب سُحـاب هواييي ، لهذا تعودوا ♥️

احبكم

الحلقـة الرابـعة ..

بقلـمي .. مريم علاء ..♥️

مُلاحضة ⛔️.. / شبـاب لا تنسوا التـصويت والتعليق على كل فقرة ، لان القُصة هاي راح اكتب بيهة البـارت يوم بيومة 'يعني "تفاعلكم يسوي الي واهسة"

وبـس يُبـا احبكُـم 😍♥️

£££££££££££££££££££££££

الحياة عند خالتي جانت عادية ، امي قليل تطلع من الغرفة تستحي من زوج اختها .. واحنة هم ماتخلينا نطلع

فد يوم كاعدة بالغرفة اقرة قواعد جنت خامس ابتدائي دخلت علية بتـول ..

سُحـاب جوعانة عفية ..

_ليش امي وين ؟

_ تفتر بالكراج تسكت حسـن جاي يبجي..

_ ديلا تعالي اشوف شكو بالثلاجة ، لان اني هم جوعانة ..

فتحت باب الثلاجة بيها موزتين بعلاكة زركة.. سحبتها من الثلاجة ..

اريد اطلع الموز من الجيس انحسب الجيس من ايدي قوي

رفعت نظري واشوف زوج خالـتي واكف وجهة مليان حقارة..

كال .. منو سمح الكم تفتحون الثلاجة بكيفكم ؟

_ سُحـاب : جوعانين شنو حرام ناكل ؟

_ لا مو حرام بس عندي شرط ..

_ سُحـاب : شنو شرطك..

وجه نظرة لبتول وادرف..

بتول عمو اوكفـي بباب المطبخ..

راحت بتـول باب المطبخ ..

تقرب من يمي همس قريب على اذني وكال

اريد بـوسة  من حلكج العسل هذا ..

_ سُحـاب. : مادري شصار بس اذكر رفعت ايدي علية ضربتة راشدي قوي ، وطلعت من المطبخ اركض وجريت بتـول وياي ..

لعبت روحي ، بكد ابنة اني حسبي الله عليك يا حقير ابنة المراهق ما سوى سوايتة..

من هذا اليوم صرت ما اطلع من الغرفة اني وبتول الة امي ويانة لان نخاف ..

تقريبًا مر ٦ اشهر على هالسالفة..

هو هواي تغير ، صار حباب ويصيح النة بابة ودوم يشتري النة.. ومن نروح للدوام يوصي بينة..

اني كلت هذا الراشدي مالتي صحى على زمانة صار هيج..

بيوم من الايام.، توجهت خالتي وامي يلـقحون حسـن .. وبتـول طلعت تلعب بالشـارع ..

ضليت وحدي ، صليت وكمت اعزل البيت ..محد بالبيت اخذت راحتي بالتنظيف ..

توني وصلت للمطبخ امسح بي ، دخل زوج خالتي سلم علية وكال

ها يا بعد عمج ،، فدوة جوعان حميلي اكل ،

كتلة صــٰۨار

نزلت دشداشتي وعدلت شالي وبديت احمي الاكل الة..

خلصت ما لكيتة بالصالة ، عفت الاكل ورجعت اكمل شغلي ..

والله اغسـل بالمواعين واسمع صوت طكة وصاح زرج خالتي الحكونننيييي..

يُمة كلبي وكف رجليناتي بادن.. ما بية حتى امشي كلت اكيد احترك..

توجهت اسمع صوت صراخة وين .. توجهت لغرفته

فتحت الباب ودخلت ما شفت احد

توني اطلع من الغرفة .. نسحبت من ايدي بحركة سريعة ..

شمرني على الجرباية وقفل البـاب ..

ضحك وكال .. هـا يحلوة ، وكعتي بين ايدين الاسد ..

صار يتقرب عليّ واني ارجع لورى..

_ سُحـاب : عوفنيي ابوس ايدك ، عمووو اني بكد ابنك عيب عليك ،، حباب عوفني الله يخليك عمو ..

_هههههه ، عمو شنو ولج بعدني بعز شبابي هي خالتج عجوز .. فمااترتاح وياهة اريد وياج..

بنت الكلب عليج جسم ، اخخخ يموتت..

_ الله عليك عوفني الله يخليك..

- تتذكرين الرشـدي ما نسيتة ، واني طلبت بس بوسة من هالشفايف الحلوة شنو ردت قابل ..وهسة جاي اخذ حقي مربع..

_ صــٰۨار يتقرب عليّ واني ارد لورى احمى نفسي ، لزمني من دشداشتي شكها وشمرني وصار فوكاي على الجرباية ..

باسني بإمكان ممقرززة لعبت روحي واصرخ بأعلى صوتي واستنجد بالائمة المعصومين صرت اصرخ ياااعليييي ،، يا حسينن ،،

ولكم يا ناس خلصونييي..

توة اجة ينزع انفتحت البـاب دخلت خالتي وجهة احمر ،، وراهة امي

جان بأيد خالتي بوري ،، هو ما حس عليهن من فاتن..

مستمر بالقذارة الي يسيوها بية ..

ضربتة خالتي ودموعها على خدهة.. براسة

هو عاط .. اخخخخخ ولك منو انت ..

بدون ما يصد وجهة عليهة ، وكع بالكاع ..

اجت امي. لعندي تصرخ وتنزع بعبايتهة وتبجي..

_كريمة :احجي يمة سوالج شي ..

حضنتهة بدون ما احجي شي ..

كعدت خالتي بالكاع تبجي من كل كلبهة ..

وتهذي وي روحهة .. ليش ولك قصرت وياك بشي ليششش ، بعت ذهبي وكل شي عندي حتى احذلك السايبة الي ردتها ليسشش هيح سويت ..

راحت امي يمهة حضنتها ،،

ولا يهمج اطلكج من عندة وننهزم من العراق ..

_لا كريمة .. مو اني الي اعوفة هيج ،، لا تعذبت عذاب من ورا مو سهلة اعوفة ..

اخذي جهالج ونهزمي من بغداد كلهااا سمعتي.. لان اذا يكعد يذبحجن والله ،،

ضلت امي تجادلهة ، وما قبلت تطلع الة وياهة يس خالتي تهسترت وصارت تصرخ اطلعوااا من بيتي ..

لمينا ملابسنة وتوجهنا للمجهول ..

ما ندري ين نروح ، لا بيت ، لا امان لا رجال يسندنة..

وكل هذا بكوم وامي الي خايفة علية من الي صار..

هي تحجي وياي بس اني ما حس بشـي غير اني كارهة هذا جسمي اللعين

_ كريمة : ياربي ساعدني ، ما عندي غير هذا الحل ..

شالت جهازهة وسجلت رقم ،، واردفت

_ شلونك ابو صخر ،، اني كريمة مرت حارث الله يرحمة.. خوية اني هسة بالشـارع وبأمس الحاجة الكم ما عندي غيركم خوية ،، احنى بغداد شارع ****

هلا بيك منتظريك احنة يخوية..

_ سدت التيلفون ومسحت دموعها واردفت..

يُمة سُحـاب من اليوم راح نعيش يم عمامج بين ما نلكة ملجأ النة..

_ ليـش يُمة ، خل نـرجع لبيتنـة ، اكٰيد عمامي عندهم ولد ..

_ لا تخافين يُمة ، اني يمج ما عندي غيرحل ، لا تصعبيهـة علية سُحـاب..

ضلينا كاعدين بالـشارع وكل شوي نكوم نكعد بمكان حتى ما تصير علينة شُبهة ..

صار المغرب وهم ماكو ..

حجيت اني

_ يمة وينهم , هسة هم يطلعون نفس جدو ؟

لمتني لحضنها وكالت : لا بنيتي مكانهم بعيد هسة يجون لا تخافين.. بس ردي علية تقرب عليج ..

_ حضنتهاوبجيت كل ما انذكر الي صــار اختنك..

هي هم من شافتي هيج سكت بس دموعها تحجي هواي

شوي ودك تليفونهة..

اييي خوية يم لافتة كاعدين ايي جايين..

_كريمة : يلا كومو يمة اجة عمكم..

مشينا على مكان قريب نزل منهة رجال و ٣شباب كاعدين ورة وشاب واحد لكيدام..

سلمو على اُمي واخذوا حسن يبوسون بي ..

وجه عمي نظرة علي وكال .. شلونج بنيتي ..

_الحمد لله..

_العـم ايهب :يلا عمي صعدوا وانتو الشـباب تعالو ورانة لان ماكو مكان ..

اجينا نصعد نزل هذا الولد الي جان كاعد بالصدر ، لابـس الزـي العكسـري كال وعيونة علية ..

_شلونج باچـي اخبارج ؟

_زين ييمة صخر ،، انت شلونك ..

_ بنعمـة اني الحمد لله..

_ سُحـاب: تقرب من يمي ، دنگ شال حسن وهمس

_ ضمي شعرج ..

ركبنا بالسيارة اباوع على هذا الشـاب يلعب وي حسن وينطي جهازهة وحسن كل شوي يشمرة بالكـاع عود عصبي

انصـدمت من شفت لوحة بغداد السـلام تودعكُم

وجهت نظري لامي الي ملامح وجهة مابيهة اي اتسغراب

قربت راسي ليمها وحجيت ، يُمة .. احنة وين رايحين ..

باوعت علية وكالت ..

للسماوة بنيتي يم بـيبيتـج ..

ودعدت العاصمة بغـداد وكلبي بس غصة..

وبعـد وقت وصلنا وكفنة كبال بيت ٣ طوابق

يعني طابقين والثالث بيتونة جبيرة

اول ما دخلنا جانت واكفة مرة يم البـاب مال حوش ..

من شافـت اُمي بجت وكالت ..

_ مروة : وين جانت الج هاي ياكريمة ..

_ الحمد لله على كل حال خيتي .. انت شلونج

- على الله..

_ سُحـاب: دخلنا لتحت اخذونا لغرفة صايرة ليجوة.. اول ما دخلنا لكينة حجية كاعدة بالكاع تسبح والحزن والتعب مبيـن على ملامح وجهة..

رفعت راسهة النة وكالت ..

يمة هلا بريحة وليدي تعالو حدي ..

_ اول ما كربت يمها بتـول حضنتها وصارت تشم بيهة

واني هم هيج لمتني بحضنها وصارت تبجي

الي عرفتة ان هاي الحجية بيـبيتي ..

صارت باجي ام صخر تسألنة عن الاحوال ببغداد . جدا لطيفة هاي المرأة.. واحنة نسولف دخلت علينة بنت تطلع عمرها بالعشرينات سلمت وطلعت ..

ضحكت ام صخر وكالت ..

_ ها جنتي ام حسن .. زهراء زوجة صخر

_ كريـمة : حيل ليش صخر تزوج ؟

_ ٲي يخيتي ، اول ما خلص العسكرية تزوج..

_ فدوةة يستاهل كل الخيـر صخر

حجية وام صخر عندي موضوع وياكم ، وبصراحة لو ما خوفي على بنتي ، والعوز كان ضل وما حجيت..

بس اني ما عنـدي غير الله وانتو ..

_ مروة: كولي يختي ..

_ سُحـاب : بدت امُي تحجي لبيبي و باجي مروة عن الي صار وياي في بيت خالتـي ..

هي تحجي واني ارجف.. بداخلي خوف لا يذبحوني ..

ابـاوع بالوجوه ما تبشـر بخير جدتي شبعت قهر

وباجي مروة كل شوي تلطم على خدها ..

_ كريـمة : وهسة شلون يخيتي ، بالي يم هاي البنت الي اخاف انكسرت وبعد محد يصدك بيهة ..

_ مروة : اسمعيني كريـمة. انت تعرفين هنا شيوخ ومحد يخلينا نطلع وحدنة.. عندي حل بس بي اشكال واحد ..

_ وهو ؟

_ لازم نكول لصخـر لان ما عندنة وسيلة وحل غيرة ..

_ سُحـاب: كلبي رجف من سمعت عمامـي راح يعرفون..

بجيت واردفت .. لا باچي فدوة لا تكولين لاحد والله ما سويت شي ..

من شافتي بهـاي الحالة من الانهيار.. اتقدمت لعنـدي وكالت بصـوت حنين ..

_ مروة : لا يبعد خالتج لا تخافين .. صخر رجال وراح يضم سـرج ويأمن عليج ..

باعيلي احنا لازم نكول الى حتى هو ياخذنة وما نخـاف من احد ..

_ سُحـاب : بـس اخـاف يذبحني ..

_ لا ما تخافي ابدا ، تمام ؟

_ هزيت راسي بأي .. كالت جدتي

_ تعالي حدي سحابة..

_ توجهت لعندها ، ضمنتي بين ذراعهة.. وكـالت ..

محد يجيس قطعة منج دام اني عايشة واشم الهوى بنيتي ..

_ كلش حنينات ويانة.. كالت باجي مروة بليل تحجي وي ابنهة..

افكر وي ياهو راح تحجي منهم .. هذول الي لحكونة ، لو لهذا الي جان بالصـدر

انطونا غرفة اني وامي و بتـول وحسن بيهة ..

بلشت باجي وامي ينظفن بالغرفة وفرشنهة..

نقلنة كل غرضنا بهاي للغرفة ..

جانت كل شوي تجي مرت صخر تباوع صفح وتروح ..

راحت باجي مروة تسوي عشة وي جناينهة ، توجهت للمطبخ اساعدهم..

وي طلعتي ، نزل شاب من فوك ، ينطي شبـه جبير لهذا الشـاب الي كان بالصدر ..

بس هذا ما شفتة وياهم من اجوي اخذونة ..

هو من شافنـي واكفة تقدم علية بوجه ضحوك وكال ..

_ هاي ياهـي ، ولج انت سُحـاب ؟

_ ابتسمت ورديت ،، ٲي اني . انت منو ؟

_ يااا ولج يا بذاتـه ما عرفتيني ، اني الي خصل الرباعة مالتة عليج . كل ما يصير عندي فلس تصحين اشتري الي ..

_ ههههه ، ياهو انت ؟

_ اني ابن عمج المروحوم  حيدر ..

مو اني المرحوم هو ..

_ هههههه ، والله ما عرفتك ولا صغرا بيك ..

_ ابستم وكال ، حقج بوية اذا انت من جنت طفلة وروحتوا لبـغداد ..

_ نزلت وحـدة من فـوك ، تطربك برجلها على الدرج وتغني.. هيـلاا يا رمانة .. هيـلااا يُمة..

من هـي الزعلانة ،، هيـلا يُمة.. حدورة الزعلانة ..

ضحكت وكالت .. تعال حيدر والله بعد ما اسويهة..

تطلع تقـريبا بكد مرة ضخر . او اصغر ..

وصلت حيدر صّـد عيلها وكال ..

شنو الي يثبت الي بعد ما تعيديها ؟

_ زينب : هاييي شبيك يمعود . هي كرصة من الخشـم قابل شسويت..

_ حيدر : ولج  موش كدام الوادم يغبرااا ،

يعنـي عمي وصخر كاعدين هجّـي تسوين ؟

_ زينب : يلا ، والعـباس بعد ما اعيدنهة..

واثناء ما هي تحجي ، صـّدت وجهة عليّ وعبالك توهة انتبهت الي ..

ضربت على گصتها بچف ايدهة

وكالـت .. يبوييي ، من هاي الحلوة ، اعذريني حبيبة ما شفتج عبن جنت مشغولة بحيدر ..

_ابتسـمت ورديت ، اني بنت عمكم سُحـاب..

_ زينب : يمة هلا ومية هلا . توة نور البيت

لعد وين باقي اهلج ..

البقية بحياتج بوفـاة والدج ، ما صــار النى وقت نعزيكم حبيبتي..

_  بنورج يروحي ، حياتج الباقـية .

سُحـاب :كلش حبيت البنت ، تدخل الكلب بدون أستاذان..

كال حيدر : سُحـاب اعرفج ، هاي يكولون عليهة زوجتي بس الي ما يعرفنة

عبالـة صاحبتي .. شلون صاحبة ..

ضربتة هي بعكسة قوي وكالت .

_ شبيهة ولك ، رُفعـت الحاجب ..

رَد حيدر وايدي على مكان الكرصة وملامح وجهة اتعقجت..

: اخخخ ،شبيج قصدي شلون صاحبة صاكـة ..

_ ضحكت وكالت

: اييي حسـبالي غـير شي .

وجهت نظرهة الي وكالت ..

_ حبيبي ، سُحـاب محتاجة شي ؟

_ ايي اريد اروح المبطخ اساعد باجي مروة ..

_ زينب ؛ ولج بابا امـشي اكعدي زوجة صخر اذا شافتج تشتغلين ، بعد ما اتهدج الة تخلص حيلج ..

روحي اكعدي وهسة احنا نسوي اكل.  روحي افلتـي بجلدج..

_ اوكي ، اذا احتجاجيتي شـي حاچيني ..

_ سُحـاب: شوي وفرشوا السـُفرة ، كلها كعدت .. بس باجي مروة مدري شبيهة حسيتهة متوترة ..

لازمة التيلفون وتتمشى رايحة جاية

حجة حيدر ..

_ حيدر : بـس شوفوا التفرقة ، باعوا شلون تفتر ومتوترة علمود استـاذ صخر

، واني حتى ما تسألني جوعان يُمة...

يمة حرام عليج هذا الـي تسوي ترى..

_ مروة : خاب دسكت انتِ ، مو هاي هياتك مفرش كرعاتك على السـُفرة .. انت بدون ما نصيح عليك على الاكل . تسكـن الصـالة بس تسمع صوت الخواشيگ..

_ حيدر : شفتي باجي ، مو اكُلج تفرق ، يجي يوم واخليج تتحسرين على شوفتي .

ضحكت امـي وكالت ::

يمة حويدر انت الخـير والبركة ، وين اكو منك انت يبعد روحـي ..

رفع حاچبة بغرور وكـال ..

صحيح باچي فعلا ماكو منـي ..

_ سُحـاب : شوي ودخل علينة . واحد لابـس زي عسكـري ، من ركزت بملامح وجهة ..

عرفت .. هو نفس الشخص الي كان جالل بالصدر ..

دخل باـس راس باجي مروة ، وكال

........

اليـوم البارت 1797 كلمة لخاطر فدك و بنوتات طلبو اطول البارت .. برأيكم حلو اطول البارت لو يصير عندكم ملل ؟

وانطوني رأيكم بالخط الجديد ، هذا حلو لو نرجع على الخط القديم ؟

وشلونهة القفلة اليوم 🥺😂🙈..؟

وأحبكُم ، واحب سوالفكم وكل وحدة تعلق على كل فقرة ، انتن الجن مكان خاص بقلبي 😘🫂

صدككك تذكرت ، عود شسمة اعتبروا هاي الرواية بيت جدتكم ( بيبي ) خوش وتجن انتن وجهالجن פــتى لو ما عندكم جهال ، وتفرشن وتكعدن على القُصة تمامم ، وشنو الجهال تشمروهن بالطرمة يعلبن وجيبن جبشكلات ونساتل وكذا ، واكعدن اقرن

اعتبروا هالرواية راحة لكل تعب 🥺🤍

(الحلـقة الخامـسة )

بقلمـي مريـم علاء ♥️..

مُلاحضة ⛔️.. / شبـاب لا تنسوا التـصويت والتعليق على كل فقرة ، لان القُصة هاي راح اكتب بيهة البـارت يوم بيومة 'يعني "تفاعلكم يسوي الي واهسة"

وبـس يُبـا احبكُـم 😍♥️

£££££££££££££££££££££££££££

سُحـاب..

دخل كال

السلام عليكُم..

_ ردينا ، وعليكم السلام ..

هو كبل كعد على السُفرة وبلش ياكل بدون ما يحجي ٲي شي ..

اباوع عليّ بس رفع راسة ، كامت زوجتة للمطبخ اجت بأيديها المملحة..

اخذها منها وترس الطماطم الي گبالة ملح .

عزة اني من يمي صعد الضغط

بـس خلصنا كام هو ، بلشت اساعد البنات بالشغُل ..

اول ما خلصنة توجهت ، كعدت بصف اُمي ..

جان هو كاعد بصف جدتي ويورجيها شي بالتليفون ..

گالت باجي مروة :

يمة صخر عندي وياك موضوع ..

_كولي يُمة ؟

_ لا بالغرفة وحدنة ..

_ سُحـاب : متت بدمي من توجهوا للغرفـة هذا بس يدري يذبحـني والله ..

كعدت افكر نوع الذبـِح ، سچين لو مسدس لو ينحرني ؟

صارت بداخلـي رجفة وخوفة..

لزمت ايد اُمي خايفة ..

ناظرت علية

وهمست اطمني يمة صخر خوش ولد شوي واسمع عاط بأعلى صوتة..

اردفت بصوت خايف : لا فعـلا خوش صخر ، بس بغير شي

يكول ..

_ صخر :شلوووووون بس فهميني شلوون وليش

شنو ماكدرت تسوي شي .. ترى حتى المُـطي مـا يعقلها شتحجين انت يمة

_ سُحـاب : يمة يحجي واني احس روحي خلص راح تطلع ، اليوم يذبحني..

انفتح بـاب الغرفة بكل قوة .. طلع هو وباجي تركض ورا ..ختلت ورا ضهر امي لان خايفة ..

شوي واجت باجي شاورت اُمـي ..

_ كومي كريمة جيبي بناتج وتعالي ضخر يريد يحجي وياكم ..

_ كامت اُمي بس اني احس رجلي يبست..

يعني فوك قلق هالمُصيبة .. يجي هذا يخوف بية ..

اصعد الدرج بس احس روحي تطلع ..

فتنة لغرفة جان كاعد على الچرباية . من حس غلى فتحت البـاب رُفع رأسة عيونة حُمر ..

كلبي وكف .. سميت بالله ودخلت

_ كريـمة : شني يعني يمة صخر ، انت ما تثق بتربيتي . قصدك شنو من تحجي هيج على بنتي ؟

_ صخر : ما حجيت شي ولا قصدت شي .. باجي اني سالت لان انت ما تعرفين شنو صار.. يعني هذا الكوا* زوج خالتهة من ورا طلعتوا..

ليش يا باجي ما اجيتي من زمان هنا ؟ وانت عندج بنات شابات وتعرفين راح يصير هيج شي

معيشتهم وي رجال غريب شلوونن ؟

_ ولك يمة العوز كل شي يسوي واني ما جان عندي غيـر هذا الحـل .. واجيت عليك انت وعمك ايهـب حتى تلاكو الي حل لان اني تعبت الله شاهد عليّ ..

_ سُحـاب : ضل يباوع علية ويخنزر . كلش خفت سألني..وهو گاعـد بُمكانة

_ احجيي شي ، تقرب منج لو لا ؟

_ حجيت بخوف .. مادري .

ركع الميز بايدة قوي وعاط

شنوووو ما تدريننن شنوووو فهميني ؟

هدت  بي باجي مروة وكالت :

على كيفك وياهة يمة ، طفلة شمدريهة بهـاي السوالف ..

_ صخر : بوية شنو طفلة ، مرة شكدها شكبرهة ، ليش محد سألهة لو علمهة ..

_ سألناهة ، ما ترد تكول ما عرف بس صار فوك جسمي ..

_ سُحـاب : بـس كالت باجي هاي الكلمة ..وجه صخر صار احمر . ضرب التحفية الي جانت على الميز ، واتقدم ناحيتي

لزمني قوي من زندي وكال ..بعياط

احجييي تقرب منج او لا ، اخذج لو لااااا احجيييييي ..

_ سُحـاب : مادري والله ، ما اعرف بس هيج صــٰۨار وكام يبوس بية حاولت امنعة ما كدرت ..

_ عتني قوي من ايدة وطلع وركع البٌاب قوي ورا .. ضميت وجهي بأيدي وكعدت ابجي ..

نفسيتي تعبت ، اجت باجي مروة حضنتني . وكالت

_ لا تخافين يمة ، هسة هو عصبي بس يهدة نحجي ، وعد مني الج باجر نروح . وتخلصين من هذا الموضوع..

_ سُحـاب : توجهنة للغرفة مالتنة . امي من التعب كُبل نامت .هيَ وبتول وحسن ..

اني عيوني ما شافت نوم ، خايفة يجي يذبحني صخر ..

احتاجيت اروح الحمام ، كمت فتحت بـاب الغرفة على كيف وطلعت امشـي على اطراف اصابيعي ..

دخلت وطلعت ، متوجهة للغرفة واشوف واحد واكف بنهاية الممر .. بُنية جسمة مو غويبة ..

صّـد وجهة يريد يعوف مصدر الصـوت .. ﯠ

وجان يطلع صخر ..

احس جسمي يبـس من الخوف . صديت وجهي اريد اركض للغرفة

وكفني صوتة وهو يكول ،

وين سُحـاب ، تعالي عندي حجي وياج دام كاعدة ..

_ مشيت يمة بخطوات خوف ، واحس هذا اخر يوم الـي .

جان اكو كرسـي يمة كال ..

اكعدي هنا ..

كنبص كبالي وعينة بعيني كال ..

احجيلي سُحـاب ، احجي بالتفصيل الممل. راح اسـالج سوال .. هم اخذج يعني*******************....

_ بدة يحجي بالقلـم العريض بدون ما يخجل ولا يتوتر .. واني احس خدوي صارت نار .

_ صخر : ها رُدي ؟

_ سُحـاب :لا ما صار كل هذا ، نزلت راسي خجلانة..

_ سمعتة همس بصـوت ناصي ، الحمد لله . باوع علية وكال .. هذا هو سُحـاب روحي نامي ..

رجـعت انـام بس حسيت روحي شوي اطمنت . كعدت على صوت امي تنده بية ..

كومي سحابة ، يلا يمة ..

_ فتحت عيوني بصعوبة ، ها يمة شكو ؟ وين نروح .

_ ضخر قبل يا خذنة ، كومي بدلي يلا

_ سُحـاب: توجهت للحمام اريد اغسل . لكيتة هو وباجي كاعدين يتريكون وهو عادي كل شي ما بي عكس ليلة البارحة ..

دخلت ابدل شفت زينب نايمة بمكان اُمي ..

من دخلت استغربت من وجودها..

كامت هي وكالت :

لاتخافين سُحـاب. سرج في بير يروحي .

صدت وجهة لامي وكالت :

باجي عود طمنوني..

_ ان شاء الله بنيتي..

_ سُحـاب: لبست قميص اسود يوصل لحد ركبي ، وبنطرون . لفيت الشـال وطلعنة .

هو جان يحمي بالسيارة وفاتح بـاب الكراج ..

من صعدنة ضل يباوع عليّ صفح بالمراية .اردف بثـقة

_ شنو هذا لبـسج ، رايحة لعـرس ؟

_ رديت بتوتر :

مااا عندي غير هذا اسود ..

وجـّه نظرة للامام وهمس

_ يصير خـير ..

_ اول ما وصلنة للدكتورة ، كال هو

بس تخلصن خابروا عليّ .

_ مروة : ماشـي يمة .

_ دخلنا للعيادة وكعدنا ننتظر سرانة. شوي وصاحت بأسمي .

ماقبلت احد يدخل وياي .

جانت مرة جبير تطلع بكد اُمي وجهة نوراني من شفتة راح مني الخوف ..

بلشت تسالني اسالة عادية .

_ شنو نوع الاعتداء الي تعرضتي الـة ، ومنو السبـب ..

_ سُحـاب: ما رديت بـحرف خايفة

هي من شافتني هيج كالت :

_ ماكو داعي للخوف ، اعتبريني اُمج بنيتي ..

_ دكتورة ممكن تفحصيني وبس ، لإن ما اكدر احجـي شي..

_ تمام اُمي ، على راحتج ،

اخر شي سألتني نفس سوال صخر البارحة بليل . رديت عليهة بنفس الجواب ..

كالت : يلا لعد تعالي نفحصج..

_ نمت على السديه ، كلي خوف بس كملت كالت

كومي بنيتي ، انت بعدج عذراء الحمد لله .

كمت من فرحتي بستهة.. صحيح ما عرفت المعنى بس من ضحكت عرفت ما بية شي ..

_ انت اطلعي وصيحي الي اُمج ، او ٲჂ̤ شخص اجة وياج ..

طلعت من الغرفة كلي فرحة الف الحمد لله

_ ماما الدكتورة تريد تحجي وياج ..

_ كالت وملامح وجهة مليئة بالخوف . بشرييي ..

_ ابتسمت اطمنهة ،

ماكو شي كالت انت عذراء .

صارت امي تبجي وتكول الف الحمد لله ربي..

دخلت اُمي للدكتورة ، كالت باجي مروة

_ چا خل ابشـر صخر . شالت التيلفون وأتصلت بي

كالت " ها يمة صخر " ايي الحمد لله ماكو شي طلعت بنت .. ايي يلا تعال ما عدنة شي ..

_ شوي وطلعت اُمي . وصخر اتصل على باجي مـروة . طلعنة بس جانت اكو فرحة بعيون صخر مادري ليش هيـج حسيت..

يحجي وي ماما وباجي ومنطلق ، صار يفتح مواضيع سياسية ويسب بالنواب

اول ما وصلنة البيت نزلت باجي وامي دانزل اني ..

كال هو :

سُحـابي ، نامي رغد اليـوم ، اخذت حقج مربـع ودائما تذكري عندج سنـد ..

Stoppppp ✋

شسمة .. I'm sorry على هاي القفلة

بس شسمة مدري ليش تحمست 🥺😂

.النشر يمكن يومي ويمكن لا ، بعد انتو وتفاعلكم الحلو

احبكُم 🥺♥️

رأيكم بالبـارت ؟

وشنو توقعاتكم 🤍

(الحـلقة السادسة )

بقلمـي مريـم عـلاء ♥️..

مُلاحضة ⛔️.. / شبـاب لا تنسوا التـصويت والتعليق على كل فقرة ، لان القُصة هاي راح اكتب بيهة البـارت يوم بيومة 'يعني "تفاعلكم يسوي الي واهسة"

وبـس يُبـا احبكُـم 😍♥️

£££££££££££££££££££££££££££

.. سُحـاب

ضليت صافنة ، شنو سُحـابي شنو حقج ..

صار دماغي يسـتوعب .. كلام صخر وياي

حجيت بخـوف ، شسويت ؟

_ صخر : نـزلي ، ما يخصج هذا  الشـي ..

_نزلت صافنة مثل الثولة، كل شي ما افهم

لاگتني زوجتة باب المطبخ ، رافعة حاجبهة ومتخصرة ..

_ شعندج وي زوجي ؟

_ما عندي شي ،

دفعتهة ودخلت ، مو كافـي علية زوجهة مستلمني تحقيق نوب هي ..

دخلت بوجهي للغرفة لا كيت زوجة حيدر"زينب " كاعدة تلعب وي حسن وبتول ..

من شافتني كامت بإتجاهي وكالت ..

بشري ؟

_ الحمد لله ماكو شي ، عذارء ..

_ الف الحمد لله .. تعالي بدلي وارتاحي اسوي الج ريوك واجي ..

_ لا يبُـا شسـالفة ما عندي ايد ، هسة اني اسوي ..

_ اكعدي يلا ، بدلي وانتظريني نتريك انـي وياج والجهال ..

_ تمام حبيبتي ،

_ سُحـاب : راحت زينب تسوي ريوك ، بدلت ملابسي ومـدّدت يم بتـول ،..

اخذني فكرة لكلمتة . سُحـابي .. عود ليش ضاف ياء التمُلك ؟

فكري ضل يودي ويجيب ، اخر شي كلت يجوز لان بنت عمة ..

دخلت علـيّ زنوبة بأيديها صينية الاكل .

كعدنا ناكل ونسولف ..

كالت زنيب ..

بهل مناسبة السعيدة ، تعالي اسولف الج قصة حبي اني وحيدر ابن عمج الشفية ..

باعي قبل ٣ سنوات جنت طالبة ثالث متوسط ..

من جنة صغار كالو زينب لحيدر

هو هم انطبعت في بالة عاي الكلمة .

صار حيدر يمنعي عن كل شي ويغار كلش

لحد ما يوم من الايام جنت توني مبلشة ثالث شافني اخو صديقتي وخبطني "خطبني "

حيدر تخبل ، لان اخوية راد ينطيني ..

ضل يصرخ لو الي لو للكبر

ههههه الله عليج مو اقدم من الشربت ابو الجيس .

واجة خبطني وصرت حلالة وكام يسرح بكيفة بية ..

رفعت عيونهة للسماء عود تفكر ..

_ زينب : ليش اني طلي ويسرح بية ؟

_ سُحـاب : ههههههه بوووية ...

سجلونة بمدراس بالسماوة . خطية جان حيدر مبتلي بينة.. بس نخرب ضحك بالطريق

مرة تعاركوا هو زينب .. ثنينهم طلعوا يوصلونة ..

اسمع حيدر بالطريق يكول لزينب ..

اكُلج صاحبتي . احنة تزعلنة من علاقتنة كـزوج وزوجة ، ليش حتى من احنى اصدقاء ..

_ زنيب : لان انت صاير شقاك ثكيل حيدر ..

اكو واحد عاقل يحب مرتة يذب عليهة مي وهي نايمة

ووين بعـز الشتاء ؟

_ حيدر : اصلا كلش عادي ، چا هي غير كتلتني ريحة ابطج بليل جيت اموت كعدت الصـُبح حلفت اغسل الج ..

صارت زينب تشم بروحهة ..

_ وين الريحة حيدررو ليش تجذب عليّ

_ بيوم من الايام ، جنت واكفة بالمطبخ .. اقطع تفاح لبتول جوعانة .. ساعة ٣:٠٠ الضُـهر كُلهة نايمة ..

نازعة الحُجاب . وشامرتة حدي ..

صادة وجهي عن بـاب المطبخ .. سمعت صوت وراي يكـول ..

_ السـلام عليكم ..

_ سُحـاب  : صديت وحهي واشوف ضخر واكف كبالي بالزي العسكري مالتة ..

بسرعة اخذت الشـال وخليتة على راسي ..

وعليكم السلام ..

قبٌل ما يدخل حجيت ..

صخر  شنو سويت لزوج خالتي ؟

رُفع حاجبة ورد ..

_ شنو الي هامج انتِ ؟

_ سُحـاب: فضول لا اكثر ..

دخل بدون ما يجاوبني ..

بيومها ، بلشنا بالعشة ، فرشت السفرة وبديت انكل بالمواعين

نزل صخر من غرفتة ، صار وي طريقي اني بأيدي المواعين ..

سد طريقي بوكفتة كبالي ..

خلة عيني بعينة ودخل شعري بالحُجاب وهمس ..

_ليـش الشعـر طالع ؟

_ هـا ما أدري مو چاي اشتـغل راح عـن بالي .

قـرب وجهة مني وهمس ..

_ لا تنسـي بعد لان تصير مو حلـوة ..

_ سُحـاب : توترت ورحت للمطبخ اركض ..

يالله هذا شبـي ..

من دخلت زوجتة رقمتني بنظرة مادري شلون افسرهة بس ابدا مو حلوة ..

تعشينة .. لميت المواعين ، وكفت اغسلهم .. لان قمسنة الشغل امي ما قبلت اكعد..

دخلت زوجة صخر تسوي الهم جاي ..

جان تكول

بواكات الزلم كثرانات هالايام . بـس الي تحب زوجهة عندهة استعداد تذبح ..

_ سُحـاب : ما درت عليهة ﯠ لا عبرتهة ، مرات احس حقهة لان صخر يتصرف وياي تصرفات ابدا مو حلوة ..

(Ssstoop ✋ عود للحـاضر شباب )

فزيت على صوت أذان الفجر . كعد الشيطان يوسوس براسي ..

لا تكومين سُحـاب

الجو بارد نامي وتغطي عود باجر صلي .

وانة اگُـلة ، لا شنيي بوية ما يصير ..

هو كام يلولي الي حتى انام ، شيطان بعد ما علّي عتب ..

غفيت وما حسيت غير على صوت زقاريق العصافير فوگـ راسي ..

اخخخ شلون جّو يخبل .. بديت اتذكر اني وين .. فزيتت مخروعة ..

رحتي بيهة يسحُـاب .. يبوييي كمت بسـرعة الملم بالفراش حتى انزل .. فززني صوت بتـول وهي تكول ..

_ عزة العزاج ، طرگاعة على راسج كون يسحيبة .. تدرين كلبو الدنية عليج جوة ؟

_ سُحـاب : بلعت ريچي بخوف وحاولت ما ابين هذا الشي ..

ياهو وياهو يدور علي..

_ بتول: سكتي غير كعدت اُمي تدور علـيج

ضالة تصيح عليج وانت ما تجاوبين.. عبالهة مهزومة خابرت على صخر ، وهسة هو يدور عليج بالشارع ..

_ سُحـاب : ضربت ايد بايد بخوف واردفت ..

لااا يربججج ، سحبت من راس بتـول الحجاب . وتوجهت للستارة مال سطح ..

مديت راسي اشوفة وين ، ولنـه كاعد على الرصيف و مخلي راسة بين كفوف اديـه ..

شگلة مأيس من الحياة ..

منظرة هيج قهرني اكثر .. رجعت لبتول واردفت بثقة والخوف بداخلي يزداد..

_ اصلا عااادي ، هو وين جنت اني مطمورة هنا اختنگت من حبـسة البيت صعدت انخمد هناا ..

شصارر يعني ؟

_ بتول : حبيبتي ، اقـري على روحج الفاتـحة ، بعد هذا الثقة والتمرد ما يفيدج ..

معلوسة اليوم معلوسة اُختييي ..

_ اءءء ، وليش اخاف شنيي مهزومة وي صاحبي ..

رفعت عيني للسماء وحجيت بكلبي ( ربي ساعدني )

صديت نظري لبتـول واردفت ..

بتـول هو اذا قريتي الي الفاتحة ، اخلص من هاذ الي اني بي وادخل الجنة ؟

_ اييي طبعًا

سُحـاب : چا يبعد اختج اقريلي الفاتحة انتِ وامي.. حجيت بصوت مخترقة الخوف والاستلام ..

اثناء حجينة هذا ، سمعت خطوات على درج السطح ، لزمت كلبي من الخـوف ..

أجت بتول بحركة سريعة جرت من عندي الحجاب .،

_ سُحـاب : يللل ما عندج غيرة ، شلون تخلين اختج بدون حجاب .. ما عندج خواات ؟

_ بتـول : هو رجلج محلل عليج ، انيي حرام انزع كبالة الحجاب ، ..

_ يل ما عندج ذرة غيرة وناموس .. حسافة تربيتي بيج ..

نزلت والخوف اعتلى كلبي ، صار هدوء اسمعه يكول لبتول..

_فوك مو ؟

_ بتـول: ايي جانت نايمة ..

_ خوش ، سدي باب السطح وراج..

_ سُحـاب : من گال سدي باب السطح ، كلبي رجف سنوني صارت سن يطگ بسن .. مدري من الخوف لو البـرد ..

صعد ، ملامح وجهة جانت هادئة .. صار يتقدم بخطوات الـي واني ارجع لورى ، خايفة ،، لحد ما طخ ضهري بسـتارة السطح ..

تقدم لـف ايدة حول خصري ، و قرب وجهة من وجهي ،، لفحتني انفاسة الحـارة ..

ضمني لحُضنة و وفرني بحركة سريعة بإتجاه الصفحة الثانية من السطح ..

جان بيت جيرانة طابقيـن .. صفط ضهري على الحايط .. ولـمني بحُضنة لدرجة حسيـت ضلوعي تكسرت بين ايدي .. شّـدد قبضة ايدي على ضهري ..

خليت ايدي على صدرة ، ابعدة عني لان ما مستوعب شداعيسوي .. مستغربة من ردة فعلة الهادئة ..

وخر مني ، وعيونة  هادئة ولأ كأنة ذاك صخر الاعصار ..

غمض عيونة بقلة حيلة ، ورجع فتحهة بعصبية ..

مد ايدة على راسـي ، كفخني قوي واردف بصوت يرعددد ..

_انتِ صاااحيةة هااا ، اكو وحدة تنطمر بالسطح .. مووو مطيرجية تارسين المنطقة.. هاااا .. ولجج انت شنو من بنيةةة رحمة للحمزة ناوووية علية انتِ .. غـضب انت فهمينيييي ؟

_ سُحـاب : هو المفروض اسُكت لان اذا ارُد تصير حرب البسـوس  بس البية ما يخليني، ما متعودة اخلي كلمة بحلگي ..

حجيت والخوف مسيطر على روحي ،

_ااا جنت ضايجة وطاكة روحي ، صعدت بليل واخذتني النومة شصار يعني ،

بدون ما يحجي اي كلمة ، رجع لف ايدي حوالين خصري ، وجرني قوي لصدرة ..

وجوهنة صارت قريبة من بعـض ، اردف بهدوء عكس الي مبين على ملامحة ..

_ صخر : اذا عتبتي باب السطح يا سُحـاب ، اذبحج يم الباب ، خوش حبيبتي ؟

اردفـت بخـوف ..

_ وانتَ شعليك ؟ هاي هم تريـد تخنگني اكثررر ؟

خزرني وفتـح عيونة كل كُبرهـة . مدري لـيش استغرب شنو ما متعود على صلافتي ؟

_ صخر : لسـانج اگـُصة اذا تحجين هيج وياييي

سمعتييي ؟

خفـت وبسرعة هزيت راسي بمعنى "اييي"

عافني وطلع ، طلعت ورا الخوف ماكل كلبي ..

بس بينت  روحي اني المسيطرة ..

Stopppp ✋🏻

بارت اليوم دمج بين ماضي وحاضر ، اتمنى تكونوا فهمتوا . وتفاعلكُم يخبل بعدنة بالبداية وهيج

چا شلون بالباقي

جايتكم احداث اقوى

فـتحظروا وكونوا على حماس 🥺♥️

احبكُم

رأيكم بالبـارت

وتوقعاتكم ♥️

(الحلـقة السابـعة )

بقلـمي مريم علاء ♥️..

(⛔️ .. لا تنسوا التصويت ⭐️، والتعليق على كل فقرة ،لان هذا الشي يحفزني اكتب بارت 🥲🤍)

...............................................................

_ سُحـاب: كاعدة اباوع مُسلسل تُركي .. اخخ اباوع على الشباب ألي بالتلفزيون. اجيت اقارنهم بصخر . والله حرام علية ..

نزلت بتـول. لابسة عباية الراس .. اجت تفتر كبالي عود تغـور بيـة عود شوفيني راح اطلـع .. عوچت حلگي واردفت ..

_ عود يا بتـول كون انتِ هناك ، وتحتاجين حمام بنص السوگـ .. وصدرية مو على گد فلوسج يارب ..

_ بتـول: عودد انتِ هم اخت صخونة ..

شوي واجة حيدر هو وباچي مروة واخذوهم للسـوگـ..

اردفت اُمي بصوت عالي وهي تطلع ..

_ يمةة سُحـاب ، التليفون هذا يمج على الكاونتر ، وحسن اخيج يلَعب بالشارع

اذا ظلمت صيحي يطُب ..

ضليت افُر بالبيت ، ضوجة .

اسمع صوت التليفون يـدُگـ بالمطبخ ..

زينب المتصل ..

_هااا ولج زنيبة . شعندج ؟

_زينب : صدك تحجين سُحـاب ، شقصدج اني مصلحچية ؟

_ لاااا ابد ، احجيلي شعندج ..

_ باعـي ، هو شسمة .. اءءء

_ احجيييي عاد زينب فضيني ..

_ باعي ، الجهال راح يبقون وحدهم .. ورايحة اصبغ شعري ، لإن اذا حيدر رجع ولـگاني ما مسوية شعري .. ياخذ الفلوس حبابة تعالي ..

_ سُحـاب : ادري متوازية ، هي زرگة

يا لون ، عليج العباس لا تصبغي احمرر ..

_لا حيدر يخـاف علّـي من الحسد ..

_ سُحـاب: اكُلج مو خوف ، بس هذا الثور يدري لآن مابية حيل تمسلـت ..

_ زينـب ؛ اييي هذا يمي منتظريج تچين حتى هو ياخذني ..

_ سُحـاب...

خليت العباية على راسي ، وقفلت البـاب وتوجهت لبيت جدو

بيت جدو ما يبعد عن بيتنة هواي ، لإن احنـة بيتنة بنهاية الفرع ..

على بداية فرع جديد . يعني الفرق كم بيت ..

والگف حسـن .. واگف يلعـب وي جماعتة ..

صحتة ، اجاني يركض .هاا نعـال ؟

_ سُحـاب : اطيح حظك لكك ، شسمة تعال ويديني لبيت عـمي ..

_ واني شعلية ، روحي وحدج ..

_ صخر يكول ، حجيت هاي الحجايتين . ونهيتهة بابستامة .. لان ادري بي يخاف من عندة ..

_ يلاا امشي كبالي ، شگد اكرهج ..

_ بصراحة غير اني هم ..

_ سُحـاب: اول ما وصلت ، جان صخر واكف برة فاتح باب السيارة . وكاعد منتظر زينب تطلع ..

من وصلت يمة نزل وباوع علية وكال

_ دُخلي بسرعة وقفلي باب البيت وراج ..

_ اييي فايتة ..

دخلت بدون ما اخلـي عيني بعينة سمعة يكول ..

_ سُحـاب، اللابتوب فوك اذا ضجتي باوعي بي

هزيت راسي بأي بدون رد ..

دخلت لگيت الجهال منتظريني . فتحت التلفزيون وخليت الهُم افلام كارتون ..

صعدت بسرعة ، اول ما فتحت باب الغرفة لفَحتني ريحَة عُطـرة ..

الغرفة دافية ، دوم ذوقة هادئ حتى بالملابس ، بس ما عندة ذوق بالحجي ..

سحبت الابتوب من الطبـلة . ونزلت اخذت فلفل اخضر وكعدت اباوع فلم مصري ..

واگرط بالفلفل ..

شوي وحسيت بملل ، سديت الابتوت وتوجهت للجهال ..

وگفت كبـال الجهـال ، واردفت

_ كوموا وِلكُم خـل نلعب ..

_ شنو نلعب ؟ وخري مني ما اريد اللعب اني اريد اباوع كارتون ..

_ كوووم لككك ، والعباس يا نوري اذا ماتگوم اجويگـ تُعوف وين ..گووووم يلا ..

تقدمت نور يمي وكالت بطفولة ..

_ تعالي سُحـاب ، نلعب اني وياج اميرات عوفي نوري خل يولي .

_ سُحـاب : راحت شوي واجت بيدهة العاب .

باوعت علّي وكالت ..

نزلي راسج .. نزلت راسي خلت التـاج البلاستـك على راسـي ..

وخلت ايزار جدتي على راسي .

وكعدت اللعب وياهة ، كالت ..

اني الاميرة الحلوة ، وانتِ اميرة بشعـة خوشش

_ سُحـاب : انجبييي لج ، ياهي هاي مو حلوة ؟

_ اني ممو حلوة ، يلا بس نكمل ..

سُحـاب: بعدنة نلعب ، ندكت الباب كلت هاي ام محمود على جدتي ..

ما خليت ربطة على راسي ..

فتحت البـاب بابتسامة كبيررة ، هبلة ومتأكدة هي ام محمود ..

أتفاجأت ، بصخر واكف كبالي ..

بلعت ريچي بخـوف . و شديت المُحرك مال رجلي وتوني اريد اركض ..

وكفني صوتـه وهو يكول ..

_ وين ، تعالي ..

_ سُحـاب : رجعت بخوف ، اطگ طگ بأصابع ايدي .

سحب ايدي قوي ، قربني من وجهة ، لفحتني انفاسة الحارة .. عيونة الحـادة ضيعت حالي

هواي اخاف منهن ..

كال بصوت شبـه عالي

_ صخر : كم مرة كايل الج لا تفتحي الباب بدون حجاب ..

شدد قبضت ايدة على ايدي ..

_حجيت بألم من قبضة ايدة ،

عبالـي خالة اُم محمود وفتحت البـاب ،

اووي هـّد ايدي صخر داتوجعني

عـت ايدي قويي ، ﯠ دخل وعافني ..

حجيت بكلبي .

احلف عليك مو صاحي يا صخر . هنيالة عمي على هجي خلفة ..

دخلت بوجهي للجهال وبعدني التاج على راسي وايزار الصلاة لابستة على جتفي مثل العروس

جان يمشي كبالي ، صد وجهة عليّ وابتسم نُص ابتسامة من شاف الألعاب بالگاع ..

همس وهو يصعد على الدرج ،

زعطوطة

_ سُحـاب : شهكت ، اءء شيـقصُد ؟ لا اكيد مو علـّي

ورة شوي نزل بملابـس بيت .

يعني شنو راح يبقى هنا ؟

اردفت ..

صخر انتَ ما راح تطلع ..

_ صخر : لا ، ليش ؟

_ هااا . هيج ماكو شي ..

سحب الابتوب ، اردف وهو عيونة بالشاشة ..

_ جوعان سُحـابي

_ ايي واني شنو ؟

_ كومي سوي شي ناكلة ..

_ تمام ،

توجهت للمطبخ ، لگيت بيض كليت بيض عين وخليتة على الميـز دخل هو كعد

خل احجي ويا بالموضوع دام مزاجـة حلو اليوم ..

اححممم ، صخر عادي نحجي ؟

_ كولي بوية ..

_ شسمة ، صخر اريد ارجع للدوام ، طگت روحي من كعدة البيت ..

كال وهو ياكل بدون ما يوجه نظرة الي ..

_ مدرسة ماكو ..

_ صخر احجي وياك ، ترى روحي راح تطلع من وراك ، لشـوكت تضل هيج حابسني ؟

_ ليش حابسـج ، مو هاي طالعة انتِ . وطلعة بـس تخابريني اجي اخذج وين ما تحبين .،

_ ما احب الطلعة وياك ، تسـود يومي بعياطك ..

_ ايي ، ما اتحمل بشـر يشوف حَسنج غيري ..

_ سُحـاب: والحل ؟

_ الحل تكستين وتخليني اتزوهر ..

_ همست بصوت ناصي

ثور والعباس ثور .. سم كون

كام هو من الكُرسي واجة بأ تجاهي

لزمني من زنود ايدي قوي وكال ..

_ شگلتي ؟

_حجيت بتردد ..

ما كلت شي .

_ شگلتي ولج حاجيني ..

_ بعدنة واكفين ، طب نوري كال لصخر .

عمو جوعان ، اريد كيكة وعصير .

باوع صخر علي بطرف عينة وكال ..

خرب بعمك ، وقتك هسة .

رجع وجه نظرة علـّي وكال .

_ وين تروحين ، اعرف شنو گلتي اعرف .

_ طلع واخذ الجُهال ويا ، لبست عباتي بسرعة وطلعت للبيت امـشي عالسريع حتى اوصل قبل ما يجي ..

اشوف شباب حلوين واگفين بالفرع مالتنة . نزلت راسي وصرت امشي ..

كال واحد منهم بصوت مسموع .

_ يحلووو ، ممكن نتعرف مو گلبي الحقير دك الك .

_ مدري ليش خفت ، صرت امشي بسرعة بـس اريد اوصل للبيت ..

واسـمع صوتـه يرعد و يكول ..

_ هاييي عليمن تحجيييي ولكك ؟

(Stoopppp ✋🤣)

ادري اليوم القفلة مو قوية ، بدون غلـط رجاءً 🥲🤣

طبعا اليوم البـارت قصير ، لكن وعد مني اعوضكم بالبـارت الجاي

وادري البارت قصير بس اني النشر سويتة يومي

يعني عادي البارت قصير مو ؟

اذا تحبون اسوي النشر كل ٣ ايام بارت بس

طويل او كل يوم بارت بس ١٠٠٠ كلمة

ها شگلتو !؟

احبكم

رأيكم بالبـارت

وتوقعاتكم ♥️

(الحلـقة الثامنـة )

بقلمـي مريـِـم علاء ♥️

(⛔️ .. لا تنسوا التصويت ⭐️، والتعليق على كل فقرة ،لان هذا الشي يحفزني اكتب بارت 🦋🤍)

صخر يكول

منو السلم عليج وانـة وياج

شو مخبوص ويباوع بلـهفة !؟

خيتي وخيتي جلب شنو الموضوع؟

ادري منين اخيج غير اعرفة ..

يسولف بالاخوة يشوفني اندار

بعيونة اكل ياكل الشفة

ترى النظرات تشتم تحضن ، تبوس

تحوي الما كدر يحويها چفـة

سلملي على خوتك يبو الخوان ..

متفگد خواتك ، كون احلفـة !!

امن لي بشرانة الشمس هاي مرات اعتقد ماعدها عفة

وهمرين الشعر ملفوف بالشاال

كَبر لف الغشيم الما يلفة / لـيحى العـلاق //

......................................................

_ صخر : لكك هاي ويامن تحجيييي ..

سُحـاب:

صديت وجهي اشوف مصدر الصوت ، واشوف صخر يتقدم بهيبتة لهذول الشباب ـبس صــٰۨار يمهم

الشباب الفروخ ( الصغاربالعمر) تهـزموا وبقى بـس هذا الشاب الي تحارش

تقدم صخر بكل هُدوء كال ..

ويامن حجيت ؟

_ وي البنت ، ليـش تخصك هَي حبيبي ؟

صخر ما حجة اي شي ، رفع ايدة بعصبية وطُبع بوكس على خشمة . من شدة الضربة ارتد الشاب للخلف ولزم خشمة ويصرخ..

صخر : كوا* ، ما تخلون بنية تمشي براحتهة بالشـارع ليششش ، سرسرية وين ما تروح ما تخلص منكككك ..

نـام على خوانيگة ، وصار يضرب بـي قوي الولد يصرخ جوة ايدة ، الناس كلهة تجمعت علـّي كسرة تكسر ، وكفت سيارة كبال بيت عمي نزل حيدر يفاكك بيهم

وصخر يصرخ ، ويهدد ويتوعد للـشاب ويردون يوخروا بـس صخر نايم على خوانيگـة ..

نزلت باجي مروة تعيط وتصرخ

_ ولككك يمة صخر عوفةة ، صخر يبووييي راح وليدي ..

صرخ صخر بوجهة ..

فوتيييي جوة اااانتِ ، فوتتتن عادددد ..

صارت تُلطم على وجهـة قويي ، كام من عندة الولد عبارة عن دم كام يمشي ويعرج

هالحجي كل هذا صار ، واني مصنمة بمُكاني وارجف واشهك وانفاسي كوة تصعـد بالبچي ..

اسمع صخر يحجي وي وي حيدر ..

_ ولككك حيدر ليششش وخرتني من عندة وخرررر من عنديييي  ، كوا* يا ابن *** ابن الشوارع ..

_ كافيييي عاااد  ، اعصابك يمعودة عوفة راح يموت جوة ايدكك خل يولي كافيي ..

_ وحقككك الله ما اخلي يتهنى ، ابن الشوارع اذا ما اخليك نايـم بالسچون .. اني كووا*

_ كافي تعال فوت ، شتريد تسوي سوي ،. بـس فووت جوة رحمة لمحمد امك راح تموت..

_ سُحـاب:-

وجـه نظرة علّـي ، بسرعة مشيت للبيت كلبي راح يوگف من الخـوف ..

دخلت اُمي تطلم على وجهة ، اردفت بقلـة حيلة ..

_ كريمة : ليش هيج صار سُحـاب ؟

_ مادري يُمة ، طلعت اريد اروح للبيت وتحارش بية الولد وصار الي صار..

_ صخام بوجهج سُحـاب ، اليـوم يذبحج والله..

_ صدكك تحجين يمة ، شمسوية اني يعني قابل اني كلت الـة تحارش بية ..

دخلت تلطم وتلوب ، تفر كبالي والوجه اصفر .. كعدت بالگاع ابچي والله يذبحني خلاص ..

حرام عليكُم شسويت اني .

ندگت البـاب قوي ، وجهت امي نظرهـة الي بخوف

اشرت براسهة " بمعنى دُخلي جوة "

كمت بسرعة للغرفة اركض والخوف متملكني ..

اسمعة برة يصرخ ..

_ وينهة باجي احجيييي ، ليش خايفة دام ما مسوية شيي هااا ، ليش  وينججج اطلعي وحق الله يا سُحـاب اذا ما اخليج تتندمين على الطلعة وحدج وهذا العناد ،  بس اصبري الي

_ حصرت روحي بالزاوية خايفة ، انفتخت باب الغرفة قوي ..

دخـل الشرار يتطافـر من عيونة ..

بدون ما يحجي اي شي

تقدم ناحيتي ، شالني من ذراعي وشمرني عالكنتور ..

حسيت ظهري انقسم بالنص من كثر ما الضربة قوية

تقدم ناحيتي ، لف ايدة ورة راسي ، وجر شعري قوي

صار وجهي قريب على وجهة ، صفن بعيوني

خزرني واردف  بهدوء

عكس الي مبين على ملامح وجهة

_ دمرتيني سُحـاب ، ساعة السودة الي حبيتج بيهة

ما مرتاح ، تعبان من الدنيا وراحتي يمج

بس انتِ جاي تزيديهة علية .. كافييي لخاطر ربج .

جريت حسرة واردفت ..

_ انطيني حريتي صخر ، ما اريدك انيي تفهم لو لا

محد جابرك تحب انسانة ما تريدك .. ارحم بحالي وحالك ..

ابتسم وكال بمُكر :-

بـس الموت ، ياخذج مني سحاب . بـس الموت

ترك شعري وطلع ، وهم ركع الباب ورا .

اسمعة برة يكول لاُمي

_ باجي اذا شفتهة عتبت باب البيت ما اخلي بيهة عظـم صاحي ،

_ها هي يُمة ..

- _ سُحـاب : طكت مرارتي من التسلط مالتـة علينة ، بس اُمي هي السبب

طلعت فتحت الباب قوي ، نرگع بالحايط واصدر صوت قوي جفلهم ..

واكفة بتول ورة ضهر اُمي ، وهو واكف كبالهم يهدد

من شافني طلعت ، وجـه نظرة الي وراد يحجي ..

سُبقتة اني واردفت بعياط ..

_ اششش ، اسكت ولا كلمة كافيي عاد راح اموت من وراك ، سُلطة ، ضرب ، اهانة ، تحكم واااانتَ منوووو ، كافيي عاد اطلع من حياتي

ساعة السودة الي حبيتني بيهة ، واني ساعة السودة الي طلعت بيهة كبالك ، عوووفنيي بحالي روح رجع زوجتك وعيش حياتكك وعوفني بحاليي الله يخليك ..

_ بتـول: اباوع عليهة تصرخ بأعلى صوت ، وتضرب على وجهة بقوة بايدها..

وجهت نظري الـة ، وجهة شاحب بي خوف من ردة فعلهة القوية .. خايف عليهة وايدي بيهة السلاح ترجف .

بعدهة تحجي تقدم هو ناحيتهة صرخت باعلى صوت

_ سُحـاب: لااااا ، لا تتقرب والله اكتل نفسييي ، ابعددد عنييي لا تجييي - يـَمـيٰ صخرر

_ بتـول : المطبخ جان اقرب شي عليهة ، ركضت للمطبخ تصرخ لا تجييي يميي صخررر

هو من خوفتة ، وكع السلاح من ايدة على رجلة ، خطية حتى ما حـس بي راح يركض الهة ويصرخ..

_ لا سحاااب لا ، لتسوين شيي سُحـاب..

_ بتـول..

لحگناهم وأمي تلطم قويي على وجهة ، انـي الخوف سيطر على گلبي ..

شنو اسوي . دخلنة للمطبخ لگيناهة ساحبة السچين الحادة ، ومخليتهة قريب على رُگبتهة. .

_ صرخ صخر ..

لاااا سُحـاب ، ساعة شيطان وسوس براسج ، لا تخونين امانة الله ، سُحـاب ذبي السجين .. سُحـابي لخاطري ذبي السجين

_ بتـول: يحجي وصوتة مبحوح من العياط مال يوم ، صوتـه بي رجفة وقهرة .. بحيث هي لو صاحية وتسمع صوتة تنقهر علـّي

رَدّت هي عليه:

_ سُحـاب : لا تتقرب ، ونبي محمد اذبـح روحيي كافي عاددد انطيني حريتي اكرهككك صخررر ..

_ كريمة : يُمة سحابة شعندي غيرج يمة ، ابوس راسج ذّبي السجين من ايدج حبيبة

بتـول: أنتبهت لأمي ، وجهت نظرهة عليهة

، عرفت هاي خطة حتى يلهون سُحـاب..

مدري شلون صار صخر يمهة ، سحب السچين قوي من اديهة وشمرهة جوة الطباخ

راد يحضنهة ، بس منعتـة اُمي من دفعتة من صدرة واخذتهة بحضنهة ..

سُحـاب : كُلة بسببج انتِ ، الي خليتي هيج يتفرعن علية بحجة ابن عمج قابل يكرهج .. شوي شوي صار يتحكم بلبسي شوي بحياتي .. لحد ما اخذ حتى روحيي

_ كريمة : حقجج يمة حقج

ضمتهة اُمي لحُضنهة وصارت تبجي على بچيهـة ..

بتول ..

وكف هو يمهن يناظر عليهة بتَمعُن ، وايدة ترجف ، شكثر يحبهة لعد ..حَط وجهة براحة ايدي ، وفرك وجهة بعصبية

تبجي بحضن اُمي ، رُفعت راسهة وصرخت بصوت عالي ..

_ سُحـاب: اطللع برررة ، يلاااااا ما اريد اشوفككك اطلع ..

_ صخر. : خلص طالع ، اهدّي طالع والله

_ بتـول: مشة صخر لباب المطبخ ، وهو يناظر عليهة و.. وكأنه يسرق النظرات الاخيرة . همس من فات من يمي..

_ تعالي وراي ..

_ ها صخر رايد شي

_ صخر : بالج عليهة ، لا تخليهة تطلع برة الغرفة بدونج ، هاي حالة هِسترية ..

.. ما كمل كلامة ، سكت وجر حسرة وصفن بالگاع بحدود الـ١٠ثواني

ورجع كمل ..

_ ايي بتول ، عينج عليهة حتى لو ما تنامين . واني راح اسهر بالحديقة هنـا .. بس يصير شي تعالي ..

_ تمام خوية ، بس باردة عليك برة ، ادخل نام بالصالة .

- لا بوية ما انام ، بس جيبي شي خفيف اتغطى بي .

_ دخلت اخذت غـطوة خفيفة ، وطلعت الـة جان كاعد على الميز وخال راسة بين راحة ايدي ، الجگارة مورثة بالنفاظة ..

مرات انقهر علـّي ، هم الاثنين ما مرتاحين

~ من دخلت لكيتهة على جربايتهة ومغطية راسهة ،..

سُحـاب ..

فزيت ريچي يابس من الصراخ ، كمت من فراشي متوجهة للمطبخ شربت مي

توني اريد ارجع .. سمعت صوتـه وهو يكول ..

* يُتبع ..

القفلة شلونهة اليوم 🙈😂🤭 !؟؟

ادري مليتو وصاير محد يعلق

واني هم ضايجة واتعاحز اكتب بارت

بس حبكم وحماسكم الهة بالخاص .. يجربني اكتب

احبكم

رأيكم بالبارت ♥️ !؟

(الحـلقة التاسعة)

بقلـمي مريم علاء ♥️

(⛔️ .. لا تنسوا التصويت ⭐️، والتعليق على كل فقرة ،لان هذا الشي يحفزني اكتب بارت 🥲🤍)

...............................................................

صخر : سحاب .

صديت وجهة الـة بدون ما ارُد .

_ شلون صرتي ؟

_ سُحـاب :بخير دام انت بعيد

_ هيج صارت..

_ سُحـاب : عـِفتة وردت ادخُل للبيت ، استوقفني لزمة ايدة الخشنة لخُصري .

فرنـي لجِهتة ، و دفعني على باب المطبخ واردف

_ صخر : لا تسوين هيج وياي ، تدرين بية اموت بدونج ، اسف ادري اذيتج اليوم ..

اردفت انيي بعصبية .

_ هووو شنو الاسف صخر ، لـشوكت اسف هاا ؟ لحد ما فد يوم اموت جوة ايدك ؟

_ اسم الله ، لا تحجين هيج ، سُحـابي استحملي عصبيتي هاي ، مو بأيدي هذا الشي

فجأة صــٰۨار كل هذا ، ما حسيت على روحي.

_ سُحـاب :وليش تبرر صخر ، اني اصلا ما اريدك اكرهكك تفهم شنو اكرهك . عوفني بحالي

افتح قيود السجن ، خليني اطير اريد حُريتي .

بدون ما يرُد علية ، حـَط كف ايدي بين راحة ايـدة .. واخذني لخارج المطبخ .

عدل الكُرسي وحضن جتوفي بين ايدة وكعدني ..

_ شنو الي تريدي سُحاب ؟

_ صفنت ، اكيد اذا اكول الـة عوفني ما راح يسوي هذا الشي ، ولا يقبل على نزع العباية . فـما بقى غير طلب ..

اردفت بثقـة .

_ سُحـاب : اريد ارجع للدوام .

صفن بوجهي ، بدون ما يرُد نزل راسة وزفر نفس بضجر ، رجع رُفع راسة واردف ..

_ صخر : هذا طلبج ؟

_ ايي صخر .

_ خلص اعتبري تـّم .

_ سُحـاب : فتحت عيوني بفرح ، صدك ؟

حچة واكو ابتسامة خفيفة على وجهة ..

_ اي .

_ شكرًا ، واني هم اعتذر عن كل غلط بدر مني بقصد ، او بدون قصد ..

_ صخر : ايي بس سُحـاب ، اذا الغلط الاخير تكرر هالمرة احرمج من شوفة ضوة الشمس

وهاي الله شاهد على كلامي ، بالج خليهة بدراستج ، وخلي صديقتج اُختج بس

_ لا ، غـلط وندمانة علـَي ، بعد ما يتكرر اوعدك ..

_ نشوف ، حضري روحج الاسبوع الچاي بس ارجع من الدوام . اخذج للسوك ناخذ ملابس للدوام ، وهذا الاسبوع حيدر يشتغل بالمُعاملة مالتـج ، ويجيب الج الكُتب .

ارفُعي راسي ، خليني افتخر بيج مو الناس تتمشت بية لان رجعت بكلمتي لخاطرج .

_ سُحـاب: ان شاء الله..

يلا تصبح على خير .

_ وانتِ من اهل الخير ..

_ مشيت للباب الداخلي ، حجة هو

: سُحـاب..

_ هـا ؟

_ احـبج ..

_ سُحـاب: بدون رَد دخلت للبيت كلبي يرجف ، ليش هيج يصير بية من يگول هاي الحجاية ، اني ما احبة .. بس يمكن لان صار موقف حلو هيج حسيت ..

دخلت للبيت فرحانة ، خايفة ، مصدومة ، شعور حلو ممزوج بفرحة بداخلي ..

تمددت على الچرباية ، رفعت عيني على السگف

استرجعت ذاكرتي لـذاك اليـوم الاگشر .

( قبل ما تبلشون ، هذا شي تتذكرة سُحـاب ، يعني رجعنة بريك للماضي )

جنت واكفة في باب المدرسة ، بتـول طلعت قبلي اجـة عليهة حاتم ، اني جانت مادة فيزياء شوي الاسئلة صعبة ..

ادردم على حاتم بگلبي .

_ اييي اجة اخذ حبيبة كلبـة ، واني هنـا بنت البطة السـودة .. كون يفوت من يمكم صاحب سيارة عالية ويشخط عليكم بالطين والخيسة وتخرب عليكم الرومانسية .. يا حُقراااء

بعدني ادردم وي روحي ، وكفت كبالي اُخت زهراء زوجة صخر .. هي معروفة بالمدرسة كل يوم وي ولد جديد ..واكثر من مرة تلزمهة الُمديرة ضامة جُهاز بصدرهة ..

_ اكُلج ، اني جوعانة ليش ما تجين وياي نشتري ..

_ سُحـاب : هـاا ، لا ما اكدر اخاف يجون علـيَ الولد . غير مرة عود ..

_ يابة هاي شبيج ، هسة بسرعة نرجع بس نشتري ونرجع ما نطول ..

_ صفنت ، قابل شتسوي الي يعني ، يالله امشي ..

اتمشينـة لأبو المحل ، فتحت جُنطتهة بنص الطريق . شهكت وكالت ..

_ اكُلج هاي اني ناسية فلوسي امشي نروح للبيت نجيبهم ..

_ سُحـاب : لاا يبـُا ، اخاف راح ارجع انيي ..

_ هاي شبيج جبانـة ، بسرعة والله ما نتأخر

_ مشيت وياهة ، بـس كلبي واجعني ...

وصلنة وكفت كبال الباب ، جانت المدرسة قريبة عليهم ..

من شافتني واكفة كبال البيت كالت:

تعالي ادخلي ، سَلمي على اُمي شبيج ..

لا تخافين ، اُسامة مو جوة ..

_ فشلتني ، صح جنت خايفة من هذا لا موجود هنوب صخر يُعرف ويذبحني ..

هو بدون شي يحبة ..

دخلت امهة كاعدة بالصالة ، بس شافتني كامت سلمت علَي ..

كالت ..

: اكعدي  يمة ، هاي داخلة اجيب الجن الفلوس ..

راحت ولحكت وراهة بنتهة ، كعدت على التُخم خايفة .. اتخيل اذا جفت صخر وما لكاني كبال المدرسة شنو يسوي ؟

لا يثولة هو بالدوام ، شنو يجيبة قابل

بعدني احجي وي روحي ، سمعت فتحت باب.

صديت وجهي واشوف اُسامة ، دخل وهو يضحك

كمت على حيلي ، ردت اطلع .. لزم ايدي وكال .

وين رايحة سُحـاب؟

_ عَتيت ايدي من عندج قوي واردفت بصوت شبـه عالي ..

انتَ شلون هيج تلزم ايدي ؟

_ ديلا عيني هسة شـلازم ، شبيكك يحلو انتَ نهايتك حلالي .. مو تدرين بية احبج ليش صافـة وي زوج اُختي . عينج على وجال متزوج واني كدامج اعزب ؟

_ انصدمت ، شنو من رجال هذا ؟

دسكُت ، انت منو سمح الكك هيج تحجي وياي ، وين ما خدة زوج اختك ، تعرف اصلا اني ما اريدك مو صخر ما قابل

ارتاحيت ؟

_ اُسامة : لاا ، ما مرتاح اريدج انتِ ..

_ فتحت عيني على اوسعهة ، رُفعت ايدي اريد اضربة ..

لوى ايدي ورة ضهري و حجة .

: هذا الجسم كُلة ، وهذا الجمال ، وهذا الـ ***. يصير الصخر الشـايب واني الشـاب ما اتهنى بهذا كُلة ..

والله حرام

_ بدون ٲي مُقدمات ، دفعني قوي على القنفة واعتلى جسدي الناعم ، ضل يبوس بية واني اضرب بي على وجهة

شكِثُر ما ردت ابعد بي واصرخ ، يضل هو اقوى من عندي .. حاولت هواي صرخت هواي

في سبيل احد يسمعني ، بـَس ماكو رد

بدة يتجرأ اكثر ، اريد ادفع بي ما اكدر مُستمر

نفسي نقطع ، عيوني غوشن وبديت افقد الوعي بس الـي صحاني صوت

طلقتين بالشاارع

هذا الجبان كام من فوگاي وعثـر بالزوليـة

فجأة دخل حيدر بعدة صخر ، تقدم حيدر علية وصار يغطي بيـة ، ويسد دگم قميصي ..

ناظر عليَ صخر بطـرف عينة وتوجـه الاسامة الي متمدد بالأرض

تقدم لعـندة ، خلَ رجلة على صدرة وقرب السلاح من راسة ، وسأل بكُل هدوء

_ منو كال الك هيج تـسوي ؟

_ محدد ، اني رايدهة وانت ، تمنعني منهة ..

ضربة صخر قوي على حلگـة بالسلاح ألي بايدة ، عاط اُسامة وصار يطلع من حلگة دم

_ صخر : تحجييي لو شلون ..

_ حجيت وكلت ماكو احددد وخرر ، كوا*

_ فعلا اني كوا* ، بس اذا خليتك عايش ..

لـزمة من راسة ، ودفعة قوي على ميز التلفزيون الگزاز .. حـافة الميز اجت براسة .

صار عبارة عن دم ..تقدم يمة صخر .، سحبة من رجلة وراسة بالگاع وراسة نحفز من الزولية ..

صرخت ام اسامة برجاء :

ولككك يمة عوفة ابوس ايدك ، ولكك اسامة كول منو دزك ولككك راح تموت ..

_ اُسامة : كافييي صخر راح احجي بسس عوفني ..

_ احجييييي اسمعك .

— زهراء هي الي دزتني ، كالت تفرق بيني وبين زوجي ، اخذهة بالحرام حتى تطمطم السالفة وتصير زوجتك .. لان صخر يحبهة ما ينطيهة .

_ سُحـاب : اسمع ودموعي تنزل ، لهـل درجة حقدهة واصل ، تاذيني بشرفي ؟

صخر بدون ما يحجي ٲჂ̤ شي ، دفعة بالگاع وصار يضرب بي بوكسيات على كامل وجهة

لحد ما الـدم غَطة وجهة ، وامة واختة يصرخن

بـس محد يجي لآن العالم تخاف ، بالاخص من صخر . لان معروف بالمنطقة عصبي ومخبل ..

رجع كام وسحبة من رجلة لخارج البيت " بالطارمة " كانت اكو بفتحتـة باب الصالة

حديدة صغيرة

نزلغ راسة بيهة وصار يصرخ من الوجع ، بـس صخر ولا يمة حسيتة صار اعمى وبس يريد يقتلة ..

طلعة بالطرمة سـحل من رجـلة ، واردف بعياط

_ صخر : مرةةة انت تسمع كلام امككك وخواتك ، كوا* ولككك اني تريد تسوووي هيج بعرضي . ولك صخر الي يوكف كبالييي يحسب حساب . انت هيج تسويي

ولك اني كلب ابن كلب اذا خليتك عايشش اليوم

_ سُحـاب: توجه مدري شنو يجيب من سيارتـة ، كام حيدر ودفعني ورا وقفل باب بيت اُسامة ..

طلع صخر راسة من السيارة ، تقـدم للباب بعصبية ، وصار يضرب البٌاب ويصرخ

_ ولككك حيدر افتح البـاب ، لا تسوي وياي هيج والخلقكم اذبحكم كُلكم جوة ،

افتحوووو  البااااب ..

_ حيدر : روح صخر ، الولد گطع النفس روحح منا وجيب عمك وتعالو وي الولد

ما افتح الباب ، لان بعـد ضربة وحدة ويموت

.. سُحـاب: باوع عَليَ وبدون اي مُقدمات جرني من ايدي وشمُرني بالسيارة بعصبية وسد البـاب قوي

صار يسـوق سريع ، واني بـس ابجي ما عندي غير حل ..

اول ما وصلنـة ، نزل عتني من ايدي ، فتح باب البيت وشمرني بالطرمة قوي ، اجت اُمي ملهوفة لان جانت واكفة على التنور

كومتني وضمتني وراهة واردفت بصوت يرجف

: شبيكك يمة صخر ، شصاير ؟

اردف بعصبية وبصوت عالي :

بنتج خلت شي ما صار ، راح اموت ناقص عمر بسببهة

دخليهة ودخلي جوة باجي

رايح اجيب عمي والولد وجاي ، لان اني بسبب سُحـاب خلص صبري

دخلت جوة عيونة ما وكفت من الدمع ، اسمع اُمـي تسالني شنو صــٰۨار

بس اني ما بية حيل ارُد ، احس انخـرست

واسمع صوت صراخ باجي مروة

بيتهم مو بعيد عن بيتنة ، صخر يركع ويصرخ

اليوم ما راح يرحم زهراء ، ضلينة نتراجف ..

صار المغرب واني نفس گعدتي ، بملابس الدوام دخل عمي ..

_ يا اهل البيت ،.

لبست اُمي الحجاب وكالت ، تفضل ابو عامر .

دخل هو ويا حاتم وعامر وبعدهم صخر وحيدر

هم هذول المفروض اسميهم سنـد ، هم فعلا سَنّد

ما كمت من مكاني وجنت اباوع بعيون صخر صايرة دم ، هو هذا صخر من يعصب يصير وجهة وعيونة حًمر

_ كعد عمي وكال

_ تحجة يصخر ، شنو صاير ؟

_ عمي ، انت اكيد واثق بية ؟

_ احجي يصخر ، شنو صــٰۨار فهمنيي ؟

_ مثل ما تعرف ، اني احب سُحـاب والكل هنا يدري .. لهذا اني قررت هذا الاسبوع اعقـد على سُحـاب ، ومدرسـة بعد ماكو

-ايي عمي ، اليوم اني جمعتكم ، حتى ارجع للمرة الثالثة اطلب ايد سُحـاب منك

فتحت عيوني على كُبرهة ، اتخيل روحي زوجتة ويضرب بية مثل ما يضرب بـزهراء . لحد يومي هذا اتذكر شلون يعذبهة ..

_ سُحـاب: بس عمو اني بعدني زغيرة ، مو حمل زواج ومسؤلية..

_ لا يوليدي كول يالله ، مو كل شي بالإجبار ، اكو هواي حلول ..وانتِ هسة بحالة عصبية وهذا الحل ما ارضى بي انـة ..

_ صخر : تمام ، عندي حل ثاني ، دوام ماكو سُحـاب تبطل وتكعد بالبيت ..

سكت عمي ، وكأنة سكوتة علامة رضا ، اردف بعـد صفنة طويلة

_ ها هي صخر ، سُحـاب بعد ما تروح للدوام

................

احمم ، قرب الدوام ..

يعني التنزيل راح يصير اسبوعي ..

او كل يومين 🥲🙂

ادري صدمة

بس هاي وزارة التربية بعد

ليش وين راح تروحين !؟

راح انطي جهازي لأختي لان وعدتهة انطي الهة هدية

فـايي ، راح اضل على جهاز بابا 🙈

يعني قليل افتح نت ..

لان دراسة واني من هسة راح ابلش للسادس

لهذا من هسة احس راح اشتاق ألكم

بس على الاغلب راح اتواجد بالتليگرام اكثر شي

وقت الكتابة راح يكون طول لان مو بجهازي

هوايي احبكم

اليوم البارت طويل 🙈♥️

(الحـلقة العاشرة )

بقلمـي مـࢪيم علاء ♥️..

( تعليقاتكم على كل فقرة ، كلش احبـها وحافظتم انتو ألي تعقلون على كل فقرة 🥺🤍)

..............................,...,............................

سُحـاب ..

طلع عمو واخذ الولد بدون ما يحجي اي شي

جان كاعد كبالي يدخن ، ويباوع عليَ بطرف عينة ، اني جنت كلش منترفزة من عندة

كمت على حيلي ورفعت اصبعي السبابة بتهديد واردفت

.. وانتَ منو حتى بكفيك تتصرف وتحكم بية ، كافي عاد ارحم حالي

رفع حاجبة بغرور وقوس شفايفة بمعنى " مادري"

_ اني منو ، اني الي شاريج بالحلال ، صار كم مرة اجي اخطبج ، وانت بحجة دراسة رافضة

وهسة ماكو دراسة " وصفك ايد بايد " بح دراسة شنو الحجة هسة ؟

_ سُحـاب بعصبية ؛-لو تمووتت صخر ، لو يجيبوك كبالي مكتسر ، ما اقبل بيك

- صرخ هو :

صوتج  لج ، اريد اشوف كلمة منو تمشي .._

_ سُحـاب: عود هم معتبر روحك رجال من تستگوي على مرة لان عندك منصب وسلاح ..

جان كاعد ، كام على حيلة طفة الچكارة واجة يركض بإتجاهي وعيونة صارت حُمر..

لا إراديًا ضميت راسي بين ذراعي

صرخت اُمي واجت من الطرمة تركض

وصل يمي ، لزمني من زند ايدي وحجة بعصبية مفرطة

: انييي تحجينن وياي هيج سُحـاب ولج

_بعدة ما كمل كلامة ، دفعتة اُمي وصارت حاجز بيني وبينة ، واردفت

_ كريـمة : عوفهة يمة لخاطري ، طفلة ما تعرف شنو تحجيي ..

_ صخر بعصبية : مو طفلة، كُلكم اسمعوني سُحـاب مو طفلة ،

_ كريـمة: ها هي وليدي ، بس استهدي بالرحمن..

_ سُحـاب: ختلت ورى ضهرهة وارفت بخوف "بس لساني ما يخليني ابطل عرامة ..

~ لاا مو طفلة ، جبيرة واعرف شنو احجي

وكل الكلام الي كلتة صح .

فتح عيونة  على اوسعهة ، يريد يوخر اُمي حتى يلوحني ، وأمي تدفع بي وتتوسل

اخر شي دنك راسة يريد يدور شي يضربني بي

اخذ نفاطة الچكاير ، ورفع ايدة شمرهة عليَ

عطت وصديت وجهي وجسمي ، بخوف

صارت نصهة براسي ، صرخت

اخخخخ ، لزمت مكان الضربة

اردفت بعصبية ، واني امنع مزول دموعي

_. اللــهہٰ  لااا يوفقك يا صخر ..

طلع هو ورگع البـاب بعصبية

دخلت للغرفة لازمة راسي واجعني ، بس مابينت لأحد حسيت بعزة نـَفس

ضليت اليوم كلة بالغرفة ، باليل جانت بتـول كاعدة يمي

ما تحملت بعد ، لزمت مكان الضربة وصرخت ..ولج بتول الحگيني راسي موتنييي

طلعت تركض لاُمي ،

_ كريـمة : هـاا يُمة شبيج ؟

_ يُمة راسي راح اموت وجع ..

_ يبووو سودة علية ، تعالي بتـول يمة شدي راسهة بشال بين ما اصيح واحد من الولد

_ سُحـاب: لزمت بتـول راسي ، تريد تشدة بالشال ، عطت بأعلى صوتي

وخري  بتـول ، اتاذة اكثر هيج

بعدني احجي دخل صخر مفزوع وامي ورى .

اردف بخوف وقلق ، واضح على ملامح وجهة

_شبيج سُحـاب؟

_ كريـمة: مادري يمة ، على العشة جانت مثل الورد ، هسة كامت تصرخ

_صخر// كومي نروح للمستشفى ، بتـول جيبي عبايتهة

_ سُحـاب: ما اروح لمكااان ، عوفوني اطلع وعوفني بس..

_ فدوة لعينج ، كومي بدون عناد وريحي كلبي ولو مرة ..

_ كريـمة : عوفهة يمة وامشي ندور على صيدلية مفتحة ، بلكت نلاكي مُسكن آلآم

_ _ صخر : يلا ..

كال هالكلمة وصـد وجهة عليَ ، اردف بصوت مخترقة القلق والرجفة

_ بتـول عينج عليهة ..

_ صار خوية ..

__ بتـول: استحملي سُحـاب ، هسة يجون اضغطي على نفسج شوي ..

_ سُحـاب: اخخخ ، شدعي عليك صخر ، كون يصير عندك كُساح ، وتچيني تزاكط يا صخر

_ ههههه ، حتى وانتِ مريضة ما خلص من لسانج ..

_ سُحـاب:

شوي ودخل هو ، مخلية راسي عالمخدة وعيوني تنزل دمع بدون اذن مني

حَـّط العلاج على الطبلة ، هو وغراضة

واردف بصوت يرجف ..

_ هـاا ، سُحـاب شلون صرتي ؟

_ نفس الشي ..

_ صخر : كومي هذا مسكن آلآم قوي ، بتـول مَي بسـرعة..

انطاني الدوة بايدة ، وشربني المي

هذا صخر من يأذي بشر يتندم

بس من يمي كل يوم متندم ، لان كل يوم يضربني

بعدت ايدة ،بمعنى " كافي"

رد هو :

بشنو تحسين ، وين الوجع بالمكان الي ضربتج بي ..

_ ايي ..

_ باجر نشوف شنو سبب هذا الوجع ، نامي وارتاحي

_ هزيت راسي بأي ،

وجه نظرة لاُمي واردف

_ باجي عينج عليهة ، ..

وكام على حيلة ، طلعت اُمي ورى ،

فعلا صار راسي احسن ،

مددت وغرقت بالنوم بعد دوامة من الوجع والتفكير..

فريت الصبح على ضوة الشمس ،

وصوت جيرانة ابو جاسم . يصرخ على مرتة

لان تأخرت عليَ بالريوك

كمت ما احس بوجع براسي ،

رفعت ايدي ليفوك جسمي مكسر من النوم ..

دنية حارة ، بداية شهر السابع ، يعنيي تموزز

يعني الحرر بأصلة وفصلة ..

الشمس تطلع حقدهة على كل واحد عراقي بهذا الشهر..

لبست دشادشة قصيرة ، لون بنفسجي فاتح

احبهة لان باردة ،ما البسهة بس من اريد انظف لو انام

فتحت باب الغرفة بابتسامة ، احب نشاطي الصباحي هذا .. الخلايا الي بجسمي كلهة تشتغل الصبح

ورة الصبح ، تنام وتعوفني

توجهت للحمام غسلت وجهي ، ودخلت راسي جوة البوري اغسل شعري ، لان حارة كُلش

بدون ما انشفة ، لميتة على شكل كُبة ونزلت خصل من شعري ، شمرت لروحي بوسة بالمراية على هذا الجمال الي عندي

توجهت للمطبخ ، غسلت المواعين مال عشة البارحة ، بسبب وجع راسي ما خلصتهم

اول ما كملت ، توجهت للصالة احب ابلش بيهة بالشغل

_

وجان انصدم من اشوف ..صخر متمدّد بالصالة ، وخال ايدة اليمنة تحت راسة ، والثانية يدخن بيهة ونايم صفح " شبـه گاعد "وعينة بالسگف صافن . من حس علية صفن بملامح وجهي .. وهو ملامحة تغيريت ونرسم على شفافة ابتسامة خفيفة

اني الثولة من الصدمة ضليت صافنة ، تحركت من مكاني بسرعة اريد ابدل لبسي ..

ضل يصيح وراي

_ سُحـاب. تعاليي وين رايحة . مو احجي وياج ؟

_ سُحـاب : امشي وما رديت على كلامة ،

فجأة حسيت على ايدة دافية لزمت ايدي

جرني من ايدي ولفني بحضني وبأيدة الثانية سَّد بيهة حلگي ، دخلني للصالة وسد الباب

بحركة سريعة ، سند ضهري بالحايط ، لف ايدة اليسرة حول خُصري ، والثانية سندهة على الحايط ، لآجل يقيد حركتي

تقرب يم وجهي وهمس ..

ليش تنهزمين مني ؟

_ سُحـاب: رديت بخوف

لان حرام ، ما يصير نتاظر عليَ بهاي الملابس ..

_ بس اني مو غريب حتى حرام ..

_ لا غريب..

قوة قبضة ايدة اليسرة على خُصري واردف وصك سنونة

_ مو غريب ..

_ اردفت بوجع

اخخ ، صخر ايدك داتوجعني ..

رخّة قبضة ايدة ..

وهمس

_ شنو هذا الصباح الحلو اليوم ..

_ رديت بغباء . هـاا ؟

_ صخر:انسي ، شلون صرتي اليوم ؟

_ الحمد لله احسن ..

عفية بس اروح ابدل ، ما يصير ..

رَد بذوبان

_ ليش ما يصير ؟

_ انت تعرف بالحلال والحرام ، واني مُحرمة عليك .. واني اخاف من ربي .

_صخر : انت حتى لو ملحدة هم تطلعين الي حجة ، عالعموم اني مو غريب اني زوجج بالمستقبل..

_ عود الله كريم للمستقبل ، بلكت انت تموت .. اني ( همست بصوت ناصي )

بس هو كالعادة سمعني وضحك ..

_ حتى للموت اخذج وياي .

_ سُحـاب : حرر ايدي صخر لا تجي اُمي حباب

بدون ما يرد عليَ ، قدم وجهة وباس مكان الضربة

_ اسف يا نور عيني

كمل ونزل على گُصتي ، وباس عيني ونزل على خدي

دفعتة قوي ورحت اركض

اسمعة يكول وراي

_ يبـُا لو هجّي الصباح لو ما اريد اصبح بعد

همست ، شفايتلي بعد ما تصبح ..

ركضت للغرفة وسديت الباب قوي كلبي يدك قويي، فزت بتـول..

كالت بنعاس : هااا سُحـاب بيج شي ؟

_ لاا ، بس غير تكولين الي ابن عمج المصوون بالصالة ..

_ بتـول: واني شدراني انت راح تصبحين هيج جنج بغل كل شي ما بيج ..

_ هو من البارحة هنا ؟

_ اييي ما قبل يروح ، الليل كلة يدك الباب بالج يمج ، وانت هنا تشوخرين ، وهو المگرود ما نام

_ اكُلج عفية بتـول ما تسكتين ، عود حب هذا

چا ومرتة خراعة خضرة هناك ؟

_ ليش ما تدرين ؟

_ بشـنو ؟

_ الاسبوع الجاي موعد طلاگهم ..

_ جذااابة ، تهي بهي هنيالج سُحـاب. اخاف هو يروح لزوجتة يتطمن عليهة ، هسة كُلة عليج بعد ، هنيالييي

لبست دشداشة ، وطلعت شال خليتة على راسي ، دخلت للمطبخ لكيتة كاعد على فراش اُمي ، ومخلي راسة بالتلفون.

دخلت للمطبخ ، طلعت خبر وخليت الجاي عالنار ، سألته

_ صخر ، تريد بيض لو جبن عرب مثل اُمي ؟

_ رفع راسة مرسومة على وجهة ابتسامة ، اختفت من شاف الشال على راسي

كام من مكانة وتقدم يمي رافع حواجبة

_ صخر : شنو هذا ، ليش خالَ حجاب على راسج ؟ اكو احد جاي ؟

_ لاا ، بس ما يصير انت تشوف شعري ..

عض شفايفة دليل على الغضب ..و

•يُتبع

ࢪايكم بالبـارت ..

وهذا تعويض عن انقاطع النـت

احبكم يبـُا 🥺🙈♥️

صدككككك ، النجمة هاي الي على ايدج اليمنة

دوسيهاااا حبابة 🌟

//////////////////////////////

malak36k maryam_h14 _8ylin 19_fatosha Athraa_Qassm 3xirrh

5wiz_x Labua18 @x-rayi

roiiiro go_7801 lnvii9 nx_90m

شكراااا هواي كومة لتفاعلكم 🥺♥️

انتو بداية الدعـم الي ، وابدا ما قصرتوا .. واي شخص ما ذكرت اسمة .. فانيي اعتذر لان ما طلع يمي لو انت ما تابعني لو أسمك خطأ

فـييي شكرا الكم من القلب ، شكرا لكل شخص ماذكرت اسمة 🙈🤍