تحميل رواية «مُقيد أجنحتي» PDF

الحـلقة الثانية والعشرون

بقلمـي مريم علاء ♥️..

( التصويت حافز الي ، هو وتعليقاتكم بين الفقرات

فلا تنسوني بيهن 🥺♥️)

حاچيني بعيونك حچيهن يختلف♥️.

بتـول:- شالها من الكاع وهو يتراجف .. خلاها على جرباية بيبي .. وحجة بخوف وشفايفة صارت بيض

_ سُحـاب.. يروحي انتِ ردي علية .. سُحـابي بوية

لزم ايدهة بخوف .. صرخ حضروا السيارة خل ناخذها للمستشفى

رد حاتم وهو يمسح على وجهة :-

ما بيها شي صخر ، هسة تصحصح لا تخاف عليها ..

رجع لزم ايدها بخوف وعيونة تلمع .. وهذيج وينها الدمعة بطرف عينة .. يباوع عليها وكأنة يحفظ ملامحها ..اباوع عليهم شلون كلهم واكفين يم راسهة وخايفين عليها . لان كلهم يعرفون اذا صــٰۨار بيها شي صخر ما راح يرحم ولا واحد بيهم ..

شالها وصعد بيها لغرفتهم ، عيوني صارت تتبع شكو حركة يسويها .. لو بيدة يشيل روحة ويخليها بين ايديها

صعدت ورا ،، خلاها على الجرباية وهمس

_ بالج عليها وبس تكعد صيحي علية ، نازل جوة اني ..

_ بتـول:- تمام ..

زينب :- الوضع تأزم ، هنوب عمي ايهب ما ناوي يروح .. سكن الصالة هو وعامر .. وناوين على نية مو حلوة ، وحيدر يروح ويرجع متوتر .. حاتم خال راس بيبية بحضنة ويهمس معوذات يم راسهة ..

نزل صخر من فوك مثل الاعصار .. صرخ

_ وحق المي الي يغسل حي وميت ، وروح ابوية اذا صــٰۨار بسحاب شي .. الة ادفنكم كلكُم هناا

_ رد عليه عمو ايهب :- انتَ شو تحجي بصيغة جمع !؟

_ صخر:- كُلة منك انتَ ، محد وكلني خر* غيرك سبق وان ضربتها وكلت الكم اني اتصرف .. تطلع رجولتك على مرتييي شنووو !؟

_ ايهب :- احترم نفس حيوااان ، اني عمك لاتنسى ..

_ صخر :- من يوم الي مديت بي ايدك على مرتي

وهي لا حول ولا قوة .. صورتها وانت تهدد بيها بسلاحك متروح من بالي كل عمري.. واعرف كلش زين ليش جنت تتود الهن .. وهسة السبب

" صفك ايد بايد واردف " بح راح السبب بعد ما حاجة تتلوك الهن

_ ايهب بعصبية :- ولككك وحق الله انتَ ما متربي

يكوا* مو صوجك ..

طلع من البيت وهو يصرخ ويغلط على صخر . وهو واكف مجتف ايدي لصدرة ويباوع بكل برود ..

رد حاتم :- صخر مو جنك زودتها وتجاوزت !؟

_ رد بعصبية :- حاااتم اسكت انتَ خليك وي الحق

ولكم ما عاش ولا راح يعيش الي يمد ايدة على مرتي واني اتنفس الهوة سمعتوني .. وحق الله انسى العمر والاحترام وكل مبادئ الحياة ..

_ حيدر:- ها هي ، الي تريدة يصير بس على كيفك وي نفسك يا خوية ..

_ ولكككك حيدر يا على كيفي وي نفسي .. ولك الصبح جانت مثل الورد .. انزل الكاه هيج مسوي بيها ليش ولكم ليش ..

بتـول:- توجهت كعدت يم راسهة امسد بي

ما بقى بوجها ملامح من كثر الضرب .. وجهة كلو كدمات زرك .. وعيونها مورمات من كثر البجي ..

فزت تصرخ ، صخر وينك صخر تعالي راح يذبحني ..

_ لا تخافين يروحي محد يمج ..

_ سُحـاب:- وين صخر وينة ،، راح يذبحوني خل يجي - يـَمـيٰ ..

تخبلت كامت تضرب براسهة وتعض بايدها .. طلعت برا وصرخت

_ صخرر تعال بسرعة ..

دخلت لكيتها حاشرة روحها بزواية الغرفة وتبجي ومنظرها يقهر ..

دخل بعدي صخر ملهوف ويلهث .. بس شافهة شلون كاعدة .. ركض بإتجاهة اول ما صار يمهة .. كامت حضنتة وجلبت بركبتة وتبجي

_ سُحـاب:- لا تعوفني حباب ،. والله يذبحوني

_ صخر :- اشش ، محد يجي يمج ، هياتني اني يمج لا تخافين يا تعبي ..

حضنها واخذها للجرباية .. مدّدت وايدها بين ايديه وشفافهة ترجف وتهلوس بكلمات

" لا تعوفني ،. يذبحوني صخر "

تركتهم ونزلت ادور بعيوني على بيبـي سودة علية محد بحالهة .. اشرتلي باجي مروة على الغرفة مالتهة

توجهت للغرفة كلبي واجعني عليها سودة بوجهي

لكيت حاتم منيمها بحضنة ويسولف .. من وصلت يمهم كال الها

: ها بيبي ، شكلتي ندور الج على عريس .. ترى ماكو احلى من الزواج يرجع شبابج ..

_ ردت عليه وهي تضحك عود خجلانة

: اسكت ولك ، چا غير بيني وبين الموت شعراية يا زواج هذا !!

_ اسم الله عليج يبعد كلبي انتِ ، خوش لعد اول راتب الي اخذج عمرة بعد شتريدن !؟

_ يبعد روحي انتَ ، يخليكم الي وافرح بجهالكم ..

بتـول:- رفع نظرة عليه وحسيتة توتر ..

طلعنا من الغرفة وخلينها تنام .. كال هو

_حاتم :- شبيها سُحـابة تصرخ قبل شوي ! اجيت اصعد بس صخر ما قبل ..

_ بتـول:- مادري حاتم ، سُحـاب كلش تعبانة فجاة كعدت تصرخ باسم صخر وتتراجف ..

_ حاتم :- استغفر الله ، صارت بيها خوفة بعد ما ترتاح الة صخر يمها .. شكول عليك يابة ..

احجيلي شصار بالضبط !؟

_ بتـول:- مادري ، فجأة دخل علينا عمو وعامر طلعونا برة واختلى بيها بالغرفة .. وما نسمع بس صوت الضرب والعياط والفشار .. الي خوفنة هيج جان بأيدة سلاح ..

_ لا الـه الا اللــه .. لا تخافين عليهة يبوي . ان شاء الله تكوم وترجع احسن من قبل . كليلي انتِ شلونج !؟

_ بتـول:- توترت ونزلت رأسي وكأن كلي شكد تحبيني مو شلونج .. رديت بخجل ، الحمد لله زينة

_ دومج ، خما لاحج طشارهم ..كالهة وضحك

ابتسمت ورديت :- لا بس جنت خايفة على سُحـاب..

_ ان شاء الله ماكو شي لا يضل بالج .. صدك ذكرتيني .. حاجيت صخر على الدوام وكال خل تبلش من السنة الجاية ..

_ صدكك ، الله يبشرك بالخير ..طلع وعافني اباوع على طولة الحلو الي بلش يختفي تدريجيا من انظاري

سُحـاب:- فزيت خايفة .. شفتة نايم على الكرسي وشابك ايدة بأيدي.. اول ما حركت ايدي نز مفزوع .. تقرب من وجهي وبعد الشعر عن وجهي واردف بحنية

_ شلون صرتي ياتعبي !؟

_ رديت بصوت تعبان :- خايفة صخر ..

عدل كعدتة وقرب وجهة يمي اكثر واردف وعيونة تتفحص معاني وجهي

_ صخر :- افـاا تخافين واني يمج !!

_ دمعت عيوني واتذكرت شصار بية

: لا تعوفني وحدي ..

_ صخر :- اعوف كل الدنيا هاي ، وما اعوفج ..

سُحـاب:- ضل يناظر لعيوني ، صفنت ليش هيج يحبني !! ابستم واتقدم عليه رفع اللحاف ومدَّد بصفي وسحبني لحضنة بجيت

_ صخر :- كافي يبوي ، دمعج خلص كافي ..

_ رفعت راسي اتلمس وجهة على مكان الضربة .. اردف بحزن .

: توجعك صخر !؟

اخذ ايدي الي على خدي وباسها .. وضمهة لصدرة .. وكال

: هسة صارت زينة ، اروح فدوة للي يخاف عليه ..

_ النذل اذاك ، بجيت وضيمت راسي بصدرة الدافي ..

ضحك وكال

_ صخر :- وعيونج كل شي ما بية .. هاي اني كبالج مثل الاسد ..

يحجي وبؤبؤ عيونة يـتحرك ويفحص كل معاني وجهي .. فجأة طبع بوسة على شفتي خفيفة وسريعة .. من الصدمة صفنت بوجهة

اول ماابتسم نزلت راسي لصدرة بخجل

ضل يمسد على راسي لحد مادري شلون عفيت من الخوف ..

فزيت على صوت تليفونة ،بعدني من صدرة وكام يتململ بجسدة ويدردم ..اول ما شال التيلفون كام يغرد

صخر :- ها عثمان ، اشتعلو اهلك .. هو شنو اليش .. مو كلت الك انزل بمكاني .. لا يابة حقك مرتك وتشبع منها وصديقك تضربة بعرض الحايط .. بدون متحجي هو انتَ دماغ سزز

ديلا روح عود اني شوية واتصل اعتذر من عندة

..

سُحـاب:- اول ما خلص التفت عليه وضحك .. اردف وهو يتقدم للجرباية.

_ صباح الخير يا خيري ..

_ صباح النور..

اخذ خصلات شعري ولفها بأصعب ايدة وعيونة تناظر عليه ..

: شلون صرتي !!

_ بخير الحمد لله ، وانت شلون صار خدك ..

_ صخر :- خدي من ايدج الناعمة لمستة ، نسى ابو الوجع ، نغل مو !؟

_ ابتسمت بوجع ورديت .. اسفة على كل شي ..

_ صخر :- ديلا كومي تغسلي ، اجيب الريوك واجيج ..

: طبع بوسة على خدي ونزل

ورة شوي دخل بأيدة صينية .. خلاها وبلش يسوي لُگم ويخلي بحلكي .. اول ما خلص اردف

_ سُحـاب. اليوم انتِ زينة .. حتى نروح نعقد محكمة ونخلص من كل شي وبالي ما يضل يمج !!

_ رديت والخوف سيطر على كلبي ، رجعتلي كل الذكريات .. بس من اتذكر موقف البارحة كلبي يرجف ويكول محد الج غيرة ..

رديت من بعد تفكير ..

سُحـاب: اماني يمك ، لا تخليني اخاف منك ..

صخر : امانج وسندج ، احتويج لاخر يوم بعمري

كوني على ثقة بيـة ..

_ باس راسي وكال..

كومي سبحي وبدلي .. بين ما انطيهم خبر واجيج ..

هزيت راسي " بأي " توجه للكنتور طلع ملابسة واخذ الصينية وطلع .. اخذت فستان تغسلت وطلعت لكيت زينب كاعدة على الجرباية

ضحكت وكالت

_ شلون صرتي يروحي !؟

_ سُحـاب:- على الله ، احسن شوي ..

زينب :- ديلا تعالي اسوي هذا الاثار الي بوجهج ..

_ صخر كال الج !!

_ مو بس هو ، ما يصير تروحون للمحكمة وجهج هيج ، פــتى بدل ما يعقدون الة يسجنو

بدت تخلي كريمات على وجهي ، صح ما راح بس اختفى جزء منـة ، طلعت وعافتني

بلشت الف الحجاب .. دخل هو بوجـه ابتسامة . توسعت أبتسامتة من شافني تقدم باتجاهي.. عيونة حاوطت روحي قبل ايدة

اخذ وجهي بين راحة ايدي ، طبع بوسة على كصتي .. ونزل على خمشي باسة .. اردف بذوبان

_ شحلاتج اليوم ، حلالي انتِ ..

_ سُحـاب:- رجف كلبي ، سحبت روحي منـة بخوف .. وارتديت للخلف ..

سحب الساعة من الميزتواليت لبسهة وهو يباوع عليه .. ورجع سحب العباية من الجرباية وتقدم خلاها على راسي .. وكال بهدوء

_ هسة تمام ، وين اضمج من عيونهم !!

اخذ ايدي ، وبعد أصابعي عن بعض .. وملىء اصابعة بالفراغ الي بين اصابعي .. ايدي تشابچت بأيدة قوي .. نزلنا كُلها جانت كاعدة

صوفر حيدر وضحك :-

اييي يابة ، عرسان صدكك .. صخر صاير حلو .. شني بوية اني ااغار .. ما عندي اخوان يطلعون وهيج حلوين ..

_ صخر :- صــٰارلك هواي ما ماكل خر* كول مشتهي موو !؟

_ حيدر :- لا على بختك ، هسة زنوبة دتسوي ريوك ، ضمة الي منا لورى عرسك

.. ركبنا بالسيارة، كال

_ سُحـاب ، عمج لازم يتواجد بالمحكمة لان هو ولي امرج .. لهذا اني يمج ما اريد خوف ..

_ واجب هو صخر !؟

_ ما اريد خوف ابوية انتِ ، اني يمج بدون خوف ..

ركبت باجي تضحك كالت ..

يلا عريسنا توكل ..

مشت بينا السيارة وهو كل شوي يرفع عينة بالمراية يناظر عليه ..وعيونة فرحانة وتضحك

اول ما وصلنا ، جان عمو ايهب واكف ينتظر من شفتة كبل ختلت ورا ضهر صخر خايفة

اردف صخر بدون سلام

: يلا امشونا .. دخلنا وعقدنا بس الي اخرنة سالفة تحليل الدم .. ردنا نرجع لان اذا ما طلع تحليل الدم يتأجل العقد .. بس صخر دفع فلوس حتى يخلص اليوم

ااول ما طلعنا استقبلتنا باجي بالجكليت والاهل وفرحانة .. تقدمت - يـَمـيٰ واردف بفرح

_ حبيتبي ، وبنيتي ، وجنتي .. صرتي بعد شنو اريد من ربي .. يوم الي افرح بجهالكم ييُمة

رد صخر :- امين يمة امين

سُحـاب:- رجعنا للبيت واالبنات مسويات حفلة

كيك ابو الربع وعصاير واغاني .. وحيدر يحشش على صخر وهو بس يكتفي بالغلط عليه

وهو كل ما يغلط عليه كل ما يزيد شقاه

اخر شي اخذني من ايدي وصعدنا للغرفة

فتح الباب وبلش ينزع بقميصة نقذت روحي وتوجهت للغرفة الثانية مال كعدة .. اجة من الغرفة لابس الفانيلة ام الربع ردن .. وبرمودة كعد يمي واخذ ايدي بين ايديه ،.. واردف

_ صرتي حلالي يبوي . بشـرع الله وبالقانون

.. فرحان هواي سُحـابي.. جنت احسب لهذا اليوم

_ سُحـاب:- مبروك علية وعليك ..

تقدم يريد يبوسني دك التليفون رفعة يغلط ويسب

_ صخر :- هـاا عثمان !؟ انتَ ليش هيج زبالة فهمنييي !!!!

_ عثمـان :- صدكك تحجي انتَ ، لا بالبيت اخلص منك ، ولا بالشغل الرائد علي يتصل بيك ويرجع لورى ليش مترد عليه .. كل شوي متصل وموكلني خر* لا والقهر يجي باحلى اللحضات الساقط ..

_ صخر :- اييي مثلك يعيني .. هسة شتريد !؟

_ يمعود كلب الدينا ، يريدك باجر لو يگطع من راتبك لو ينقلك ..

_ يا ينقل ابن الـ*** .. على اساس هو ما شامرني بمكان زبالة مثلة

عثـمان .. اني شعلية تعيط وتسب بية ، ذاك هو روح انعل سلفة سلفاه زربان شعليه !؟

صخر :- روح مني هسة شوي واتصل بي .. يعني ما بيها مجال توكف لصاحبك بس هالـ١٠ ايام !؟

_ اعذرني خياي ، صاحبي منو .. اني صاحبي مات بالانفجار ..

_ صخر :- عاار ، وروح ابوية عار ..

سُحـاب.. سد الخط واجـة باتجاهي.. لزم خدي بحنية وكال

؛ سحابة ، انتِ تثقين بيه صح !؟

_ سُحـاب:- هزيت راسي " ٲჂ̤"

_ هذا الكوا* ..وازاني هسة يريد ادوام او ينقلني .. اني بدون شي وبدون نقل متعلعل بالطريق .. فباجر لازم اداوم ، اريد من عندج متخافين ﯠما يضل بالي يمج

سُحـاب: خايفة صخر ! شلون اذا اجة وانتَ ماكو

صخر :- ماكو داعي لهذا الخوف ياتعبي .. دام عقدنا بعد اذا صــٰۨار الج شي يتحمل هو كافة المسؤلية ارفع عليه قضية ويدخل سجون .. لهذا اخذتج اليوم نعقد

_ سُحـاب:- تمام ، اذا انتَ تشوفة هيج براحتك..

_ اييي نكمل الي ما كملنا ..

_ شنو هو الي ما كملنا !؟

_ ما يخصج ..

كال هاي الكلمة وتقدم لمني بحضنة وباس راسي

كوة طلعت من عندة ، عفتة ونزلت جوة كبل دخلت لغرفة بيبي وقفلت الباب علينا .. فرشت بالگاع ومددت

الدمعة تلالي بعيوني .. كل الي صار وياي مثل الشريط ونعاد كبالي .. امي وينها عني مدري شلون غفيت حسيت على بتـول وهي تنده بية .. رديت والنعاس بعيني

عوفيني بتـول ما اشتهي .. وهي النومة نومة لحد ما حسيت على بتول تفرش وتنام بصفي باوعت على الساعة ١٢:٣٠ غمضت عيوني ورجعت نمت .. فريت على لمسات على بطني ، فتحت عيني واشوف صخر واكف يمي اشر على حلكة بأصبعة السبابة وشالني صرخت بصوت ناصي

همس هو يم اذني :- صوتج يمعودة ..

جلبت بركبتة قوي .. بس طلعنة سد الباب ونزلني

اردف بهدوء

: ليش نايمة هنا !؟

_ ماكو شي ، بس غفيت واخذتني النومة

_ صخر :- يعني باليوم الي احتاجج بي يمي تنزلين !

- مادري كتلك ..

صخر :- تعالي محتاجج ، اريد اشبع عيني بيج قبل ما اروح ،. ما اعرف شنو يصير هناك

اخذني من ايدي وصعدنا للغرفة .. توجه للجرباية وفرش ايدة على المكان الي قريب يمة واشر بعيونة بمعنى " تعالي هنا " ما كان عندي حل غير اروح بس نمت على ايدة لفني لوجهة وحضني قوي

كبل نام ، شكلة جان تعبان .. ضليت افكر لحد ما غفيت .. فتحت عيوني على صوت قرأن شفت صخر كاعد يصلي .. وشكلة كلش حلو . ضليت اباوع على وجهة بتمعن .. بس سلم نظر علية وكال

_ كومي صلي حبيبي .. دامج كاعدة ..

رديت عليه :- تدري صار من المُشكلة لحد اليوم اني ولا فرض مأدية

_ صخر :- كلهن تعوضيهن ، بس صلاة الفجر ممتعوض .. جنها انتِ ..

كمت توضيت ورجعت يمة .. سحبت عباية الراس لبستها ووكفت اصلي .. وهو كبالي كاعد يباوع عليه

_ صخر :- تقبل اللــهہٰ ..

_ يتقبل الله اعمالك ..

تجاوزني ودخل للحمام للحمام يبدل .. مددت على الجرباية اريد ارجع انام ماكدر طار النوم من عيني .. طلع هو من الحمام بالبدلة العسكري الي زايدتة هيبة وجمالية على رجولتة.. وكف كبال المراية يلبس الساعة والمحابس مالتـة .. لبس البسطال مالتـة ورفع راسة .. ضحك من شافني صافنة عليه

لبس الجنطة العسكرية على جتفة واردف

: ها يبـُا ماكو وداع ، لو نضل بس نظرات !؟

ابتسمت وكمت باتجاهة ،. هو منا طويل كُلش هنوب لابس بسطال زاد طولة .. رفعت روحي يلا وصلت لخدة .. لف ايديه حوالين خصري وقربني لصدرة هواي سند جسمي على وايديه حاوطتني باوع على عيوني بتأمل

واردف بحنية :- بس هذا ما يفيد وياي..

رديت بخوف .. وخر صخر

توني اجيت اطلع من الجهة الثانية الي ما خال بيها ايدة رجع سند ايدة الثاني ﯠ بعدني ما رديت عليه ..اخذ شفافي بيت شفافة وطبع بوسة تعمق بيها ..

ادفع بي ما يندفع ، اخذ ايدي من صدرة وقيدها ومستمر .. جمسي ما الة قابلية يدفع بي غمضت عيوني وبديت استلسم .. سند كصتة على كصتي ياخذ نفس صدرة يصعد وينزل وعيونة صارن حمر

باوع علية واردف بهدوء وذوبان

: احبج ..

رديت بخوف : دوامك ..

_ شبي !؟

_ راح تتأخر..

بعد عني وعدل قميصة ، ابستم وكال

: شنو ما توصليني الباب !؟

— سُحـاب: يلا امشي

طلع يمشي قبلي . وكل شوي يدور يباوع عليه

وصلت يم الباب ، الصبح بلش يطل علينا والسمة صايرة عبالك بنفسجي لونها .. صد وجهة علية كال :

بالج على نفسج ..

_ انتَ هم خلي بالك على نفسك..

بس حجيت هيج ، سحبني وسفط ضهري على الباب .. باسني بخدي الايمن .. ورجع باسني بخذي الايسر ..

رفع راسة ابستم وكال

_ صخر :- اووف ربي شلون كيمر .. اطيب من گيمر السدة ..

بس طلع .. رحت للحمام اغسل احس وجهي صار نار .. صعدت للغرفة ماكدرت انام ..

نزلت جوة شربت مي ورحت لغرفة بيبي مدّدت يم بتـول فتحت هي نص عين وشافنتي ..

سحبتني لحضنها بنعاس .. وتبوس بية وهي نايمة

فزيت الصبح على صوت باجي فليحة وحاتم و

• يتبع ...

حاولت كد ما اكدر اطول الكم البارت ، لهذا انتو هم حاولو كثر ما تكدرو علقو بين الفقرات ..

(التصويت يولي لا تنسي ) 🙂🙈

مريم ( الي هي اني ) هواي تحبكم وانتو !؟

+ رايكم بسالفة الحب من طرف واحد ! ورجاءا بدون تجاوز كل شخص الو حرية الرد ..

الحـلقة الثانية والعشرون ..

بقلمـي مريم علاء 😻..

• ما جان للموعد فضل حبيتكَ من الصدفة 🧡.

سُحـاب:- فزيت على اصوات عالية صوت باجي فضيلة ترس اذاني ، توقعت راح يجون

لبست حجابي غسلت وجهي وطلعت سلمت عليهم .. دخلت للعرفة جانت بتـول كاعدة وتفرك بعيونها .. كالت

_ منو هنا !؟

_ سُحـاب:- خبيطج وامة ، وزوجات اخوانـة

حالف اليوم يصبح بوجهج ..

ردت وهي تاخذ شعرها بعد اذنها بإحراج حسيت بيها شي

_ هااا اييي، وضحكت

ما دققت ، كلت بس يروحون اكعد احجي وياها .. طلعت تسلم عليه واني وياها

سلامـة الهـة كان بارد ، وكانـة يحجي وياي

شكيت اكو شي ، اخذتها ودخلنا للمطبخ جانو كلهم هناك ، هاي الي اسوي جاي . ها الي تكلي بيض .. توجهت  بتول واخذت القشطة من ايد باجي مروة وكعدت تفرغ بيها بالمواعين . كعدت على الميز لان ما بيـة اشتغل وهن مكفيات وموفيات .. واكفات باجي مروة وفضيلة يسولفن .. سمعتها تكول لباجي مروة

_ فضيلة :- ولج عيـني انتِ زين ، اخذتي المعدلة .. واني ابتليت بالفاهية . باعي عليها صــٰۨار الهة ساعة بالقشطة خرب حظي اي واللهِ ..

ردت باجي مروة وهي تزفر انفاسها بعصبية :- لا لا ، بالعكس وين اكو من بتول ما مقبولة منج فضيلة ..

_ فصيلة :- ٲჂ̤ شعندج قابل اخذتي الحلوة والنادرة ..

_ مروة :- اسكتي فدواتج بدون مشاكل ..

_ فضيلة :- الساكت عن الحق شيطان اخرس مروة ..

سُحـاب:- اباوع على بتـول تسمع وتزيد من سرعة حركتها ، والدمعة تلالي بعيونها ..

  اني بعد ما استحملت .كمت على حيلي وجليت صوتي واردفت

سُحـاب : وانتِ منووو ، انتِ زوجها ، انتِ الي راح تدفعين فلوس !! هـاا شكو تحجين فهميني

ابنج بدمة ولحـمة قبل بيها مثل ما هي

ماكو داعي تغير من نفسها حتى ترضيج

_ فضيلة :- شووووف ام لسان الزفر ، فوك شينها كواة عينها ..

_ سُحـاب:- لا عبالج من اني مسوية غلط اسكت عن الحق ، لو على كص ركبتي

مو معناها غلطت لازم اسمعج تحجين على اختي وتذميها وهي واگفة واسكت ..

ومو معناها من امي ماكو ، تستغلون صعفنا

تمااام ، وياج مرة بعشر زلم سمعتي .. امي ماكو اني اسّـدُ مكانها ومكان ابوية

الرجفة ترست روحي  واحس راح اوكع من الاعصاب .. دخلو حيدر وحاتم مفزوعين

_ حيدر :- شكو شبيكم !؟

_ فضيلةبعياط :- تعااال اسمع بنت عمك شلون تحجي وياي السزز .. وانت حاتم اليوم تروح تفسخ من اختها ، هذن كحـ — ، يروحن يهجمن بيتي .. منو امهن ..

سُحـاب:- راد يحجي حاتم ، منعتة من اردفت بصوت عالي واني ارفع اصبعي السبابـة بنية التهديد

:- ايييااااني واياج تجيبن طاري امي على لسانج ..

_ صرخ حيدر :- شبيكم يعموودين .. مو الصبح جنتو مثل لورد !؟

_ فضيلة بصوت حـااد :- ليش مكان موجودات بي بنات كريـمة .. يبقى بي سلام

_ حاتم بحدة :- ككااافي يمة ، وانتِ هم كافي سُحـاب.. يعني شلون ما نرتاخ كل يوم گابة عيطة !! شصاير احجو.

_ سُحـاب:- امك تكول على بتـول فاهية وما بيها خير ، انتِ قابل بيها مو صح .. هي شدخلها رحمة لاالله!!؟

_ حاتم :- صوتج سُحـاب.. التفت على اُمة وجـه الكلام الهة

اني اجيت فد يوم شكيت الج !؟

_ فضيلة :- لا ..

_ حاتم :- لعد ليش هيج تسوين يمة !؟

مرتي واني قابل بيها محد يدخل

_ فضيلة :- للمستقبل البعيد يُمة..

_ حاتم :- كافي يمة ،

حيدر :- زينب اخذي سُحـاب وصعدي فوك .. لا تروح توكع علينا ..

سُحـاب:- تقدمت زينب لزمتني وتوجهنا للدرج .. اردف قبل ما اصعد

: زينب صيحي بتول عفية ..

- زينب:- خليها هناك ، يجوز حاتم يحجي وياهم ويحل الي صــٰۨار اليوم حتى بعد ما يتكرر ..

مددت على الجرباية ادرفت زينب وهي فوك راسي ..

_ زينب :- يبـُا ما عرفنة هيج دمج حامي

وضحكت .

سُحـاب:- زوزة هذول بعدين ياكلون لحمنا

اليوم صخر ماكو وهيج صار! شلون بباقي الايام فهميني .. واختي فاهية صدك وثولة ما وكفت وكالت اني مو فاهية ولا اخذت حقها

تسمع وتمسح بدمعها .. مجبورة تتحمل كلامها السـم .. هي من زمان ما تحبنا

_ زينب :- اي ياعيني ، بتول معروفة تخاف وفقيرة .. مو مثلج متمردة وقوية . وكفت تبجي شتسوي قابل

_ سُحـاب:- زينب اكره المرة الضعيفة

الي تخضع للواقع ، في سبيل تضحي لخاطر شخص .. ممكن بأي وقت يتخلى عنهة لازم تحسب حساب لكل شي .. اذا تصير چنة فضيلة ثاني يوم تجيني حلكها مضروب شرچي

بتـول:- اول ما طلعت سُحـاب ، طلقت سراح دموعي .. اعترف بضعفي بس ما بيدي شي

لخاطر فلان وعلان ، حتى ما اخسر شخص عزيز ايًا كان .. طلعت باجي تدردم وتصرخ

فضيلة :- شفتهااا السـزز ، فوك شينها كواة عينها العرمة .. اني هيج تحجي وياي خل تسطبرلي بس يرجع عمها

صرخ حاتم :- وحق الحق ، اذا نطقتي بحـرف بعد ما تشوفين وجهي

ردت هي بعصبية :- ولكك انت ليش هيج تدافع الهن ! وواكف ضدي بكل شي اني امك ..

_ حاتم :- امي على عيني وراسي . بس مال تحجين على مرتي ما اسكت بالاخص هي ما سوت شي غلط .. واذا سوت اني احجي وياها واحاسبها محد يتدخل

بتـول:- طلعت من المطبخ تعد وتصف على حاتم .. كلها طلعت بقينا اني ويا وحيدر

حيدر سحب روحة، بقينا اني ويا ابجي بحركة كلب واشوف كل شي مغوش من دمع عيني لمحت ظلـهُ يتقدم ناحيتي .. لزمني من عكس ايدي واخذني لصدرة يمسح بدمعي ويحجي بهدوء

حاتم:- كاافي يابة ، حقها من يحترك كلبها عليج .. هسـه ليش البجي !؟

بتـول:- رديت واني اناشغ من البجي ونفسي نگطع

: انتَ ما شفتها شلون تتراجف. كلـة مني والله

ناقصهة ضيم هي سودة علية

_ حاتم :- اشش كافي يا عيني كاافي

كال هالكلام وجرني لصدرة حضن اكتافي

رفعت ايدي ابادلة الحضن بوجع ..

شوي وحسيتة شلون الي صحة على روحة

سحبت روحي من عندة بهدوء وطلعت خارج المطبخ .. اخذتني رجلي لغرفتهم ادري بيها ضايجة مني هسة .. فتحت الباب جانت لازمة راسهة وتحجي وي زينب

من سمعت صوت الباب رفعت راسهة وتجمعت بعيونها  الدموع .. رحت اركض لحضنها ما عندي غيرها .. بادلتني الحضن بكل حنية مسحت على شعري وكالت

_ سحاب:- كاافي بجي يا روحي.

_ بتول :- اسفة والله ادري اذيتج ..

نجبي .. يلا كومي غسلي

سُحـاب:- مشة هذا اليوم ، بس اعرف بعد هواي حجي ،. ها هي بعد صرت علج بحلوكهن .. هنوب نهزمهت وكلها تدري

تجععوا كلهم ، عماتي ثنين .. وبيت عمي ايهب .. بس باجي عزمت كم وحدة من خواتها وام زنوبة .. على مود العرس الي فجاة قرر صخر يصير بنهاية الـ ١٠ ايام لان اسلتم راتب

البيت صار هوسة جهال وكلها تحجي .. كل ما افوت من يم وحدة اسمها تحس بية

: شفتهيا ، عافت الي يحبها وراحت نهزمت

الثانية ترد عليها

اييي عيني كح** بعد ، ماعليهن عتب

ترد ذيج .. ولج عيني شلون تفتر وتمشي بعين وكحة .. اني لو ما سمية فلا اعرف

تحجي ذيج .. شبيج انتِ ، غير باجي مروة وصخر يطمطون الها لان ساحرتهم

سُحـاب:- هذا جان شي بسيط من الي سمعتة

وهن يشوفني طلعت يبدن بسمهن .. اكثر من مرة باجي تسمع وتحجي عليهن .. بس هن ولا يمهن .. كمت قليل اطلع من الغرفة اسد الباب عليه وانام .. جنت اتهرب من الكلام هذا بالنوم .. جان الملجأ الوحيد لكل ضيم حياتي

حتى حسن اخوي تغير ، من رجعت سلمت عليه كان سلامة بارد .. عكس سلامي الحار

بيومها نايمة ختنكت .. طلعت اكعد يمهن وهن يلفن كليجة .. باجي مروة منعتني من الشغل .. عود عروس وكذا ، اول ما كعدت اردفت  سمية اخت صخر

_ سمية :- اييي والله حظوظ ، بس لو اعرف شنو عجبة بيها

ترد عليها الثانية :- ولج شبيج هي الكح** يكعد حظها .. واحنى يذب علينا الزبايل

سمية / هسة تطلع مو بنت واخوية يغطي على الفضيحة المكرود

سُحـاب:- شكد كتمت ، هاي الكلمة ماكدرت اسكت عليها .. اردفت بعصبية

ويامن الحجي !؟ وعلى منو !!

_ سمية بصوت حـاد .. وانتِ منو وياج ام دود* .. لو الي بعبة صخل يمعمع

_ سُحـاب:- ولج من ما اجيتي لحد هذا اليوم ما خلصانة من سمجن كلجن .. وتحجن كبالي جان استحيتن

_ سمية :- انحبي لج ، احجي وياي عدل اني اكبر منج ..

تقدمت تريد  تمد ايدهة عليه . دفعتهة زينب وكالت

: مدي ايدج وشوفي ..

_ سمية :- يا عااار ، طيح اللـه حظج بدل ما توكفين وي حماتج .. توكفين وي السلفة

_ زينب :- حرام عليج كافي ، دمرتنها للبنت من يوم ما اجيتن لحد اليوم .. سويتنة عرس الاكشر عليها .. والله لو صخر هنا جان طيح حظجن كلجن

سمية بعياط :- هو اني اريد اخلص اخوية من هاي السحارة .. مخليتة يمشي وراها مثل الاعمى .. رجعها وهي جانت وي رجال اللهُ اعلم شمسوي بيها ما مسوي

فجاة .. دخلت باجي مروة وضربت سمية راشدي .. بحيث اني من يمي توجعت وصرخت

_ من اليوم ، الي اسمعها تسمع حجي سم لسحابة او بتـول.. اطردهاا والله سمعتني

كااافي عاد ملينا من المشاكل كاففي اشكال الوان حجيتن والفتن .. وكل هذا بس يجي صخر احجي الـة ..

صعدن بتـول وسحاب فوك ، واريد اشوف ياهو بعد تحجي الة افركة لحلكها فرك

سحبتني بتـول من ايدي ، واني امنع دموعي تنزل .. اول ما دخلنا للغرفة اطلقت سراح للدموعي بالنزول .. صــٰۨار ايام اكتم بكلبي

حضنتني بتول وهي تهدي بية

انفتح الباب ودخلت زينب وياها الجهال .. خلتهم بغرفة الكعدة واجت يمنة اردفت بضحكة حلوة منها

_ زينب :- صددكك جذب ، يبـُا شمالكم

انتِ شبيج يحظييي ، ولج اكلتيهن وشربتيهن بالمطبخ.. واجيتي هنا تبجين !؟

_ سُحـاب بدموع: تعبت زينب ، نفسيتي صفر من كل شي والله تعبت

تقدمت يمي وهي تبجي :- اووويي حبيبي انتِ . يلا كافي دموع صخير ما يقبل والله لو يدري حتى ضرب يضربهن

ضحكت بعز دمعتي واجت بحلكي حجاية كلبي ما نطاني اضمها

: انتِ حجيتي ابسط احتمال

ضحكت زينب. وردت :- ايي والله حـتى اني مرات اخاف يضربني .. بس يلا افرحي بعد كم يوم يجي صخور .. وتنامين بحضنة وينسيج ابو سمية واخوها وعمها ..

تحجي وتغمز لبتول ..

ضربتها وحجيت : كاافي ولج استحي

_ زينب بضحكة :- يعني بعد كم يوم هم تستحين !؟ لو هاي بس يمنة . هااا سحاب هاا

هذه الغرفة راح تشهد على شكو رذيلةتسووها

سُحـاب :- استلمتني زينب تحشيش لحد ما جعنا .. نزلت هي وبتول يسوون عشة

اول ما خلصتة عشة .. نومت زينب الجهال واجت مددت يمي.. هي على اليمين .. وبتول على اليسار واني بنصهن

حجت زينب :- ٲჂ̤ سُحـاب.. يحتاج نعلمج شنو تسوين بليلة العرس .. لو صخر علمج قبلنا

_ يااا شبيج زنيب !؟

_ زينب : ههههه ، احجي ، معلم واحنة منك نتعلم صح !؟

_ زينب شسالفتج وياي !!

_ خايفة تفشلينا وي الولد .. وهو صار سنين ينتظر المكرود

ضلينا نحجي لوقت متأخر لحد ما البنات نامن .. اني النوم ودع عيوني واخذني التفكير ليوم العرس " ليلة العرس " يعني ها هي المفروض اسلمة روحي بكل ممنونينة

راح اصير مرتة رسميا .. ويزفوني الة لحد هسة احس هذا حلم واتمنى اكعد منـة

يعني راح اصير مُلكة ويحطم كياني !! ويضربني ويهيني واسكت واتحملة تحت مُسمى " زوجج تحملي عصبيتة " او تحت مُسمى اخر " لخاطر الجهال " او " ما عندج غيرة " و ﯠ ﯠ .... الـخ

حسيت نفسي صعب ينجر واسحبة لصدري .. كمت من يمهم وكعدت يم الجهال .. اتمنى ارجع طفلة ويرجع ابوية يسوي الي صمون وجاي

باقي الايام مشت عادية ، خالية من اي فرحة

تقرب موعد الحنة ، بلش حاتم وحيدر يحسبون فلوس العشة مال ليلة الحنة والزفة وكل شوي واحد يرفع واحد يكبس

لزمني البنات قبل ٣ ايام من العرس اشتغلني شيرة وحف .. ثاني يوم الحنة

وعلى اساس صخر يجي بيوم الحنة لان حنتي وحنتة سوية .. ساعة ٤ الفجر كلها نايمة وزينب وبتول مستلماتني تصنيف فجاة دخل علينا صخر بدون لا دك باب ولا شي

زينب سحبت الشال خلته على راسهة ، وبتول كذلك تحمحم واعتذر .. كال كملو سهرتكم

_ زينب :- لا وين يابة ، هاي طالعين احنـة تعال ارتاح .. طلعن وعافني وحدي .. جانت زينب تسوي زنودي شيرة وايدي مدبگة

كمت اريد اغسل .. سَّد طريقي بجسمة .. سحبني لصدرة وهو ينزع الجنطة من كتفة

اردف بصوت هادئ

_ صخر :- شلونج يا تعبي !!

_ سُحـاب بخوف :- الحمد لله بخير ، وانتَ !؟

_ اييييه ، هذا هم سؤال.. ايام من العمر هاي

شلون ما اكون زين

_ حجيت بخوف : حلني اروح اغسل ..

_ رد وهو يعكد حواجبة : ليش !!؟

_ مو ، مو .. ترددت احجي مدري ليش خجلت

_ رد هو باستغراب ؛- مو شنو ! بيج شي !

_ لا ما بيه ، بس جنت اسوي شيرة وخر لا ادبكك ..

سحبني لصدرة وجوهنة تلاكت ، انفاسة الحارة لفحت وجهي ، وعيونة اكلت عيوني اكل .. نظراتة جانت نظرات مدموجة بين الحب ، والشوق ، ولهفة

شتّت نظري للجهة الثانية وحجيت بصوت يرجف : حل ايدي صخر ..

دحس راسة بركبتي وكال بصوت حلو

- مشتاقتلج يا تعبي وراحتي ، يا فرحي وحزني .. يا كل شي بحياتي

دفعتة ورحت اركض للحمام ، مدري شبية اتراجف .. طلعت لكيتة كاعد ؏ التليفون

اخذت الجهة الثانية من الجرباية ونطيتة ضهري .. كام هو دخل للحمام سبح شوي وطلع الخاولي على راسة

شمرة بإهمال ، حسيت بثكل الجهة الثانية من الجرباية .. فجأة ايديه التفت حوالين بطني وسحبني لصدرة .. صار ضهري على صدرة الدافي .. سحبت روحي ، وهو يرد يرجعني ويشدد قبصت ايديه . همس بصوت نعسان

_ صخر : اششش ، نامي عاد ..

انفاسة الدافية لفحت ركبتي .. شوي شوي بدة جسمة يثكل .. نمت متطمنة وخايفة بنفس الوقت

فزيت الصبح ما لكيتة يمي.. لبست شالي ونزلت البيت جان هوسة ، من شفتة هيج رجعت صعدت ونمت .. فزيت على ايد خشنة تلامس خدي .. فتحت عيني ..

هـاا!؟

_ صخر بابتسامة:- هــاا !!مو كافي نوم يبـُا!؟

_ حكيت راسي بتوتر ورديت :- نعسانة ..

_ ديلا كومي تريكي وصلي ..

_ سُحـاب:- تمام .. تركتة غسلت ونزلت صبن الي ريوك ..

كالت زينب الي كاعدة تثرم بالبصل :- ايييي البارحة شصار ما صــٰۨار !؟

_ رديت بخجل ممزوج بانحراج :-

ما سوينة شي

_ زينب :- هممم ، خوش رجعت كالت

تدرين حيدر طيح حظي .. صاير فد منحرف

_ يااا ، والله حتى اني و

سكتت تذكرت

_ زينب بصوت عالي :- ايييييي لگفتها منج يخاينة .. احجي شسويتو !؟

_سـُحاب :- يووو زينب ، شبيج ما سوينة شي

" ضلت تنك ، تنك لحد ما ايست واردفت بتعب " ها هي راح احجي ..

_ زينب :- وانتِ الممنونة ..

_ سُحـاب:- ماكو شي بس بوسة ..

_ بس بوسة !!؟

_ ايي

_ زينب :- اكص ايدي منا " وتاشر على بداية ذراعهة " اذا بس بوسة ..

من كملت ، بلشو هم بغداهم .. بس شالو السفرك دخلت ام الصالون للغرفة مالتي ..

بلشت بيـة من ٢ الضهر للـ٤ العصر هذا الحجي هي مستعلجة .. الناس بلشت توصل

جابن البنات ٣ فساتين حلوات واحد من عدهن جان لون فيروزي نص .. والصدر فضيحة .. والثانية ، بدلة كبيرة ومنفوشة لونها بصلي .. والثالثة فستان صدرة مثلـث وطويل بس بي فتحة على طول الفخذ

لبسوني البدلة ، جانت فيت على جسمي على الرغم مو اني الي اختاريتها .. هو مشتريهم الي ، طالعة حلوة بس نفسيتي ما تسمح الي اضحك .. مو زواج جن حمل ونذب على متني

اخذني من ايدي ونزلنا ، بلشت الاغاني والهلاهل برة وبداخل البيت .. نهائيًا مالتقيت بصخر الركص صار بشدة ونص

كلها تُركـص .. وهوسة وكلها تمشي وتشمر حجي ..سكتت ما الي ٲჂ̤ خلگ ..

شوي وكالت باجي :

يبنيات ، اللبسن شي ، راح يفوت يلبسها الذهب ويحنيها

• يَتبع ...

اييييي شلونكم + اريد حماس وهواي تعليقات

الرواية ماخذة كل تفكيري ومقصرة وياكم

المهم ( هيج كثر ما احبكم ، بودي اگرطگم گرط )

النجمة يبعد عيوني ( دوسيها) 🙊🥺

اني نفر يحب انتو 🫂🦋

الحـلقة الرابعة والعشرون

بقلـمي ( مـريم علاء ) 🫂🤍

(لا تنسون التصويت + التعليقات بين الفقرات )

• بطرانـة العيـون الترمـش كبالـك

_ سُحـاب:- كالت باجي هالكلمات .. بعثت الخوف بداخلي .. وكأنة ملك الموت

سحبت نفس بخوف .. رفعت راسي واشوف بس زينب وبتول لبسن الحجاب ، اما الباقيات بالعكس .. نزعن اكثر

ما اهتميت ، اول ما دخل اعتلت اصوات الهلاهل .. دخل بهيبتـة لابس القاط الكحلي جان زايدة جمال ورجولة وهيبة فوك هيبتة

لحضات حسيت بيها تفصلني عن العالم .. نظراتة وعيونة لمعت بشوفتي .. رسم ابتسامة على شفافة ، لا إراديًا تخلي المقابل يردها الـة .. انفاسي اضطربت وحسيت بشعور غريب .. نظرت الهم كلها اكلتة اكل بعيونها .. وحدة بيهن شمرت ابنها شمر حتى بس يلتفت الها

بس هو ، كان عيونة تفرمتت بس على سُحـاب.. اول ما وصل - يـَمـيٰ باس راسي وكعد .. عيونة ما شالهة ابدًا ، وجهي صار نار مادري شنو صار فجأة.. جابوا الذهب تقرب يريد يلبسني الگلادة .. ايديه طخت بركبتي روحي ذابت رجع قرب راسة من ركبتي .. لفحتني انفاسة الحارة .. طبع بوسة على ركبتي كانت كفيلة بذوبان جليد كامل

اخذ الترچية من ايد باجي ، ولبسهة الي ورجع طبع بوسة على خدي الايمن .. لبنسي الترچية الثانية وباس خدي الايسر

روحييي رجفت ، اخذ كف ايدي بين راحة ايديه .. وشدد قبضتة عليها

اقترحت علينا زينب نركص

اردفت بصوت خافت

: بس اني ما اعرف اركص ..

جان يباوع بالگاع ، رفع راسة وباوع علية بنظرة استهزاء .. كام ونفظ روحة وكال

_ صخر :- سوولنا طريق اني وعروستي نريد نركص

سُحـاب:- بعدني ما لحگت انصدم ، سحبني من ايدي وكفنا بنص المعازيم .. روحي لابت وهو يلف ايديه حول خُصري..  والايد الثانية اخذ بيها كف ايدي .. اخذ كف ايدي بكف ايدة الثانية ورفعها بالهواء 

اجيت ابجي شغلو اغنية   لأليسا بس بلشت اللحن صار يميل بجسدي يمين ، يسار عَّم الهدوء وما نسمع بس صوت الاغنية ودگات كلبي وكلبة

_ عبالي حبيبي ..

عبالي حبيبي

، اغمرك ما تركك

، اسرقك ما رجعك ..

احبسك ما طلعك

من قلبي ولا يوم

اخطفلك نظراتك

ضحكاتك حركاتك

: قاطع الحضة لمن همس باذني وكال

- يابة ، صاحب الضحكة ، وحركاتة ، ونظراتة كلهم الج

ترك ايدي، وايديه الاثنين حاوطت خصري

انفاسنا تعالت ، عيونة لمعتهم سطرت كلبي

رفعني بالهواء وفرني .. كلها كامت تصيح فدووووة .. رجع نزلني صار وجهة قريب على وجهي كلش .. يناظر عليه بتمعن وكأنة يحفظ معاني وجهي اكثر ويدرسهن

كفوف ايديه محاوطة ضهري الشبـه عاري

لمساتـه وعيونة ، حجت هواي شغلات

لحضات اشبـه بالحلم ، حسيت ماكو هواي ناس .. عبالك جنا وحدنة .. صفكو بصوت عالي شتتو فكري .. كلها تصفر وتضحك ويكولون

_ شنو يابة نسيتو احنا هنا !؟

سُحـاب:- يحجون وهو بعدة نفس وكفتة

تقرب من - يـَمـيٰ وهمس ..

_ مدي ايدج بجيب السترة ..

_ رديت باستغراب :- ليش !!

_ صخر :- بدون ليش ..

سُحـاب:- مديت ايدي بحيب سترتـة ، طلعتة كلينكس  عقدت حاجبي باستغراب

رجع قرب راسة من اذني وهمس

: مسحي كصتي ..

_ مشيت الكلنكس على گصتة الي جانت متروسة مي عبالك سابح ..

رجع قرب راسة للمرة الثالثة وهمس

غطي هذا الكوا** ، مو روحي لابت

سُحـاب:- نزلت راسي للمكان .. عزك فتحت عيوني على اوسعهة .. بذون ما ارفع واسي رفعت البدلة ..

زفر نفس هو وهمس

: اشتعلوو

اخذي ايدي ورجعنا كعدنا ، جابت باجي صنينة الحنة .. اردفت بضحكة

_ مروة :- يلاا يُمة ، حني مريتك

هز راسة وسحب باللشمعة ومسح طرفها باخر اصبع اجت باجي لفت الكلينكس عليها

ردت كالت : يلا يمة حني انتِ هم ..

باوعت عليه، ضحك وكال

: لا يابة ، شَـحني غير يشتغلوني برة

ردت بيبي الي كاعدة قريب علينا

— يمة الي يحب يستحمل كل شي بخاطر محبوبة مو !؟

_ صخر :- صحيح

_ الجدة :- چا يلا خل تحنيك

حك راسة بتوتر ومدة اخر اصبع .. سحبت ايدية وحنيتـه .. ضحك وراهة طلع والعيون كلها تباوع علية وباجي تمشي وتصلي على النبي محمد ( صلَ الله عليه وسلم )

ضلن البنات يركصن ، بدلت الفستان

انتهت الحفلة بعد معاناة .. ضهري ولا حسيت بي .، صعدت للغرفة وسديت الباب

توني كعدت على الجرباية اريح .. أنفتح الباب بقوة .. دخل وسد الباب كلبي رجف

كمت اغطي بروحي .. الفستان صحيح شوي مستور بس الجهة الفوك ( يبو )

تقدم بخطوات بطيئة ، وعيونة اكلت كل مكان بجسمي .. ضميت وجهي بأيدي وحجيت بخوف

: صخر اطلع عفية ..

حسيت على ايديه حاوطت بطني وانفاسة صارت عالية .. رفعت راسي عيونة ذايبة لدرجة حسيتة يشرح كُل حبة

رد بذوبان :- ليش ! انت تدرين بالشافعات يلا وصلت حتى اشوفج بهذا الفستان..

_ حجيت واحس كلبي صوتـه مسموع

: بس عيب ..

_ ابتسم ورد كال

:- حلالي ، حـ . لـ.اـ لـ.ي

حجاها بشكل متقطع وكمل كلامة

حلالي انتِ ، روحي انتِ ، ﯠ شيبت كلبي

_ رديت بخجل :- شيبـت كلبك !؟

_ رد وعيونة تتجول وجهي

: اييي ، شيبتي كلبي يلا وصلت لهـاي الحضة

_ اي لحضة !؟

_ هاي ، انتِ بين احضاني ..

_ صخر حلني ، لا يدخل احد

_ اششش ،

قدم راسة ، وسحب شفافي وباسهن عيوني دمعت اجيت اتجاوب وياه .. بس القبلة صارت عنيفة .. بعدتـة عني بوجع وبجيت

_ وخررر ، بكل شي عندك ضرب ﯠ وجع

_ صخر :- اسف ، ما حسيت بنفسي .. مسح كصتة بتوتر  ورد كال

: المهم بدلي الفستان ونزلي ..

طلع من الغرفة دايخ ، كلبي احس راح يوكف يدك قوي .. ليش هيج يصير وياي

بعد ما دخل يمي ، اجت نامت - يـَمـيٰ زينب وبتول وكم بنت كعدت الصبح على صوت الهوسة مال بيت .. شصاير بينة

.......   ........

بتـول:-كفينا البيت اني والبنات ، صعدت فوك سحبت ملابسي .. اول ما خصلنا كالو يلا راح نروح ونعوفكم

نزلنا نركض لان صدك يسووها

نزلت عيوني تدور على مكان فارغ بالسيارات ماكو

وهنـاا محد يحبنا .. زينب وباجي بالصالون وي سُحـابة

صفنت .. سمعت اسمي صديت وجهي شفت خالة ام زينب تنده علية . جانت كاعدة وقريب عليها شاب يطلع بكد حاتم .. كالت وهي مبتسمة

_ ام زينب :- تعالي يمة ، صعدي ويانة اذا ماكو مكان

_ بتول :- هـاا ، لا اخاف ࢪ࣪حمة !!

_ لا بنيتي ، رحمة يلا صعدي منا الزلم

بتـول:- توني فتحت باب السيارة .. سمعت صوت حـاتم ..

_ حاتـم :- وين وين !؟؟

_ رديت بفشلة :- ها حاتـم ، مو ماكو مكان كلت اصعد وياهم ..

عكد حاجبة ، وهو يباوع على اخو زينب بنص عين

_ حاتـم:-امشي كدامي ..

_ مشيت قبلة ، ضل يمشي وراي .. وبالدتريج بدة يتقرب  وي طريقي كال وهو يمشي وعيونة لكدام

_ حاتـم:- شلون تركبين وي رجال غريب .. لعد اني وين رحت !؟

_ بتـول:- مادري ، كلت اخاف سيارتك بيها احد

سكت ما حجة شي ، بس مبين عليه ضايج

وصلنا لسيارتة ، صعدت يمة بالصدر

ركب هو وركع الباب قوي

مشة شوي وحجة بعصبية وجهج نكلب احمر :- الي سويتي غلط .. هالمرة صارت بعد ما تنعاد

ما احب الي يتصرف بكيفة ، حتى اذا زواجنة مو رسمي .. بس يكفي اسمج مرتي

_ بتـول:- تمام .. سكتت شحجي بس احجي ينهد بية

ليش هيج يسوي .. شدعوة !!

سُحـاب ...

لحضات قليلة تبعدنا عن وصول الزفة

طلعت اجمل ما يكن حسب كلامهم

وصلت الزفة للصالون ، بلشت بطني تطلع أصوات شنو راح يصير بيج بعد ما يسحاب !!

دخل هو بهيبتة الُمعتادة ، وكلبي احس دكاتو بلشت تنسمع توترت .. هلهت باجي اول ما دخل .. تقدم ناحيتي وعيونة بيها لمعة وفرحة .. والابتسامة نرسمت على شفافة

اسمع ام الصالون تحجي وي زينب كول الها

_ ولج عيني منين جبتو هذا اللگطة .. جعل كل العرسان هيج ..

_ زينب : اييي ، كولي ما شاء الله خيتي

سـُحاب:- تقرب مني وعيوني حاطوتني قبل ايدة .. طبع بوسة على خدي واردف

_ صخر :- شنو ناوية علية انتِ، ترى كلبي خلصان اني ..

_ سُحـاب:- هـاا !!

اردف وتغيرت نبرة صوتة ..

_واجة هذا اليوم سُحـاب اجةةة .. اليوم انتِ الي  ، تدرين شكد فرحان .. احس هالدينا الوسيعة ما مكفية فرحة كلبي .. قبلج ما جنت عايش .. اليوم بدت حياتي سُحـاب

وياج اعيش احزاني ، وياج اعيش فرحة عمري .. شحجي لو احجي منا لباجر ما يكفيني

_ سُحـاب:- عيوني دمعت ، يحجي وما منتبه للي يمة.. اسمع صوت شهكات باجي وهي تبجي من الفرح .. انتبه هو الهة تركني وراح باتجاهة وهو يفتح ذراعة يريد يحضنها

حضنتة وهي تبجي بصوت عالي .. حجت بنبرة صوت تشك الگلب

: لو ادري هيج جبيرة فرحتك .. جان بكتها من اهلها وزوجتها الك.. يحبيبي انتَ ..

ضحك هو حضنها وكال

:- محاجة تخطفيها ، ابنج هو مخطوف من يوم ما شافهة .. كلبي عندها . عقلي ، وروحي

كلها تبجي ، صخر مدري شبي اليوم

تقدم ناحيتي ولزم ايدي وكال

:- نزلي البرگع عيوني ..

_ سُحـاب:- نزلنا، امشي وكل شي ما اشوف لحد ما وصلنا للسيارة .. اول ما ركبنا رجعوا شغلو الموسيقى واعتلت اصوات الطبل

البركع جفني بي ، شلتة اباوع كلها تركص

حيدر خابص الشارع ، وياشر لصخر ويسوي الة حركات تضحك .. عيونة تضحك قبل حلگة

حسيتة مالك الدينا كُلها.. صديت وجهي للجهة الثانية من بدت السيارة تمشي

سمعت صوته وهـوَ يكول

:- سنين عايش ، اليوم يلا حسيت روحي فرحان .. الاحساس الي بصدري مليون واحد ميكدر يوصفة .. الج روحي ، وتعبي ، وجروحي .. غيمتي انتِ  .. ألعالم كُلة بجفة وانتِ جفة ثانية .. مشغول بتفاصيل وجهج

بعيونج .. بكل تفاصيل سُحـاب واكع اني ووگعتي قوية سُحـابي

اليوم ، اول يوم بعمري .. ادمنتج يا تعبي

كل كلامي ما خلاني ابدر ٲჂ̤ ردة فعل .. بس من كال اول يوم بعمري.. جبرني  ابتسم

هو من شافني ابتسم .. صرخ بصوت عالي

: ولج يروحلج فدوة ، عثمان وحيدر وكل عشيرة الـ ؏ـلي ..

فتح جام السيارة .. وعاط بصوت عالي

حييي الله النشامة ، بعد بيتي لا تقصرون

شال التليفون واتصل بشخص اردف

_ ها عثمان ، احبك ولك .. غير انتَ العضيد

_ عثمان : لوگي ، لا تخاف تم كل شي

البيت فارغ بس الي مطلوب بي موجود

_ صخر :- لككك عاش ،يلا ولي

سد الخط ورفع وجهة الي وكال

مستعدة !؟

_ رديت بخوف :- لشنـو صخر !!؟

_ مفاجأة..

كال هالكلمة واخذ مسار غير المسار الي جانت تمشي بي باقي سيارات العرس ..

• يتبع ...

اعتذر عن قصر البارت

اخخ ، طبعًا ما جنت ناوية اكتب بارت .. بس لخاطر يقو وكم بنوتة .. لان بصراحة تفاعلكم ابدا ما يسوي واهس .. واني هم الحساسية ردت عليه صايرة ماكدر على النشر اليومي ..

لهذا ، يمكن اطول يلا انشر بارت بعد .. واذا صادف الدوام .. يصير النشر يومين بالاسبوع .. مثل متعرفون طالبة ودراستي عندي مُهمة

لهذا ينور عيني ، اريد منكم تفاعل قوي .. لان ما شا الله البارت بيوم واحد يصعد ٣٠٠ مشاهدة وهذا الشي عندي انجاز

اييي ، النجمة يبعد الروح دوسيها 🌟 ( لا تنسيها )

مريم ، هواااييي تحبكم ( big love 💗 )

الحـلقة الخامسة والعشرون ..

بقلمـي مريم علاء 💋..

( لا تنسوا التعليقات بين الفقرة + النجمة )

• أحبك بإصرار غريب، حب قد يحتاج إلى سنوات طويلة في علاقات أخرى ليكون بهذا الحجم.

سُحـاب:- وكفنا كبال عمارة قديمة كُلش

فتح الباب واشرلي براسة انزل .. اردف بحنية

_ صخر :- انزلي ينور عيني ..

_ حجيت بخوف : وين صخر !؟

_ تعالي ..

اخذني من ايدي ونزلنا .. مشينا بالطابق اول ما كال

يلا اطلعي .. طلعت اُمي من البيت بعدها مرة كبيرة بالعمر .. روحي فرفحت ونسيت روحي

عفت كل شي ورحت ضميتها بحُضني..

ماما يكلبي ، شلونج مشتاقتلج يا عمري

_ كريـمة:- يبعد عين اُمج انتِ ، شلونج يبعد عيني

_ بجيت واردفت :- مو زينة يُمة ، الايام ما تمشي وانتِ ماكو ..

_ كريـمة:- سوودة علية يكلبي انتِ ، كافي بجي اُمي كافي راح يخرب وجهج ..

_ رفعت عيني عليه ، واكف ومكتف ايديه   لصدرة وعلى وجهة نص ابتسامة..

كال :- يلا بوية مو تأخرنـة ..

ردت ماما وهي تمسح دمعها :- بالك عليها يمة .. لا تكسرها

رد هو بنص ابتسامة:- محاجة توصين واحد على عيونة ..

سُحـاب:- توجهنا للسيارة اول ما وصلنا للفندق .. اخذنا البنات فوك .. كلبي اجة يوكف من الخوف

نزعني البدلة ،. ولبسني السيت الي برعاية

" فضيحة رسمية " فتحن التسريحة ومسحن المكياج

طلع ابو جبار الاصلي .. بس طلعن كمت للجنطة مالتي ابدل ملابسي .. لو اموت ما ابقى بهذا هو صخر بملابس امي ويتغازل ويفين حظي ، هنوب بملابس نوم .. يالله الجنطة ما بيها ملابس .. بس ملابس داخلية وملابس الطلعة مال باجٰࢪ .. هسة شلون !!

هفف ، عفت جنطتي وتوجهت لجنطة صخر بلكت الاكي شي يستر .. هم ماكو بس تراك واحد وملابس داخلية.. سحبت التراك مالتة ونزعت هذا الفضيحة ولبستة .. اييييه هسة تمام .. هسة الواحد يكدر يمشي بثقة .. توجهت للمراية اشوف التراك .. ضحكت على روحي.. البجامة وصلتها لخشمي والتيشرت صاير جنة دشداشة قصيرة .. كعدت على الجرباية بانزعاج بعدني لليوم ممصدكة الي صار وياي .. جنت ؏ الغيم صرت بالضيم يربي

انفتح الباب ودخل هو السترة نازعها ومبتسم

من شافني ضحك وكال :-

لايـك عليج يابة ، بس اني شنو اللبس !؟

_ رديت بتوتر :- مادري .. ما انزع اني

_ صخر:- ها هي يابة خليج ..

سحب المنشفة ودخل يسبح .. قبل ما يدخل شمر السويج والسلاح على الميز.. صح اخاف من السلاح بس ماعندي غير حل

سحبتة ووكفت على الكنتور ، يعني اول ما يطلع يصير بوجهي .. اخذنة وضميتة ورا ضهري .. بس يسوي شي اهددة بالسلاح

طلع من الحمام بس بالشورت والفانيلة .. ضحك مستغرب من شافني واكفة هاي الوگفة .. صار يتقدم علية .. كبل رفعت السلاح وخليتة بوجهة واردفت بخوف ..

:- لا تتقرب عليه صخر، والله ارمي عليك

ضحك باستهزاء وكمل طريقة وكال

:- ارمي يلا ، ليش ترجفين ..

ضل يتقدم بإتجاهي وكف كبالة ، لزم السلاح من الفوهة مالتة وكلبة صارت الفوهة على كلبي ، لوني انخطف

_ شبيك صخر !؟

_ صخر :- يعني انتِ شايفتني كاتل روحي على نومة وياج !!؟ ولج بابا انتِ تفهمين لو لا ، اني احبج الج

واريد أشـارك وياج كل حياتي ولحظاتها برضاتج

وبرغبة منج ، مو غصب عنج ..

رديت بخوف :- يعني انتَ ما جبرتني على شي ، مو هذا الزواج اني مجبروة عليه

_ رد بثقـة :- اني اخذتج وكلت الج نعقد ، وانتِ كلتي لا اجيتي وياي برضاتج ترى ، صح لو لا

_ رديت بتعلثم ، لان فعلا مثل ما كال اني رحت ويا للمحمة براضتي :- صح بس لسبب ..

_ صخر :- ايًا كان ، خلص اليوم انتِ فرحتي والنصيب ..

اخذ المسدس من ايدي وخلاه فوك الكنتور .. وتوجـه للجرباية .. صد وجهة عليه وكال

:- شبيج واكفة مثل السعلوة ! يلا تعالي نامي ورانـة كعدة .. وهـاا صدك اني ما عندي هاي مال مسلسلات تنام بالكاع واني على الجرباية لو على القنفـة ، تنامين هنا - يـَمـيٰ وتسكتين .. والعافية درجات

طفيت الضوة ، وتوجهت للجرباية واني دم ما باقي بعروگي .. اخذت الجانب الثاني من السرير ونمت

بعدني توني اغفى .. ضمني لصدرة العاري وايديه حاوطت خصري بإثبات ، حاولت افلت من حضنة بس ماكو نايم نيوم

..

فزيت الصبح على لمسات بخدي .. فتحت عيوني لكيتة يتأمل بوجهي .. صفنت عليه بثول .ضحك هو وطبع بوسة على خدي واردف

_ يلا بوية ، صح النوم ،. كومي ورانـة طريق

_ رديت بنعاس :- اييي كايمة ..سحبتي لحضنة بقوة ورجعني للجرباية .. واردف

: شطالعة بوية !؟ اني شلون بحالي !!

_ رديت بفهاوة :- هـاا!!

صفن وقرب وجهة يريد يبوسني .. اعلن الجهاز صوت مكالمة .. غمض عيونة بعصبية وكال

: بشرفي اذا عثمانو .. ازوعة العـافية

رفع الخط بعصبية وكال :

هااااا زربا* ، خيرررك !؟

- عثمان :- شبيكك خياايي ، بس لا ....

_ صخر :- دُكل  خر* ..

_عثمان :- يابة اسفين ، بس حبينا نبارك الك ..

_ صخر :- ولك انتَ ليش ساقط !!؟ مو البارحة كلكم جنتو وياي .. شهل مكو**!!

_ عثمان:- لسانك خرب يومكك ايي ، كول رفعت راسنة لا !!

_ صخر :- راح ارفع النعال (مكرم القارئ) واگطعة على راسك المربع ..

_ احجييي ، لعبت على الجرباية لاا!!

_ صخر لعصبية :- والله ثم والله اذا ما تكست اخلي راسك بالوحل ..

سد الخط بانزعاج وتقدم باتجاهي وابستم

وكال بحنيـة :- ايييي ، ابوس حظي .. شكد حلو بعد ضخااام جبيير بحياتك .. تصد وجهك تلاگي محبوب كلبك ! دنيتي ، ودولتي ، وعالمي .. يا شريكة ايامي الباقية ..

كال هالكلمات بشكل متقطع وتقدم باتجاهي سحبني من الحرباية لحضنة .. حضني لدرجة حسيت عظامي تكسرت بين احضانـة وكال وعيونة تلمع

_ يمج اعيش ، البارحة اول يوم بعمري ، كاعد حظي وياج .. يا نجمة ايامي الطافية والكئيبة

_ سُحـاب:- تأخرنا صخر..

بعد عني وهو يعدل بملابسة . كال

: چا يلا بدلي دنطلع ..

_ سحبت روפــي منة اخذت الكوستم .. وتوجهت للحمام.. اباوع على روحي ، بشرفي هذا مصمم اللبس فد منحرف .. شكد ضيق هسة اطلع ويظل صخر يحجي واني مالي خلك

طلعت وسلمت امري لله ، اذا حجة اكُلة اهلك اشتروا الي .. طلعت لكيتة كاعد على القنفة يلبس حذائة

رفع راسة وابتسم من شافني .. تركتة متوترة من نظراتة الجريئة .. سالفة ماما " كل شي بيج حبير"

لهذا انجبرت على العبائة .. لفيت الشال بإهمال واخذت دنبوس اثبتـة .. حسيت على ايديه حاوطتني .

لف ايديه حوالين خصري ورفع عينة يباوع بالمراية

طبع بوسة قريب على اذني .. على اثرهة كزبر جسدي

واردف وعيونة اكلتني اكل ..

: يالجنج فجر .. يالشعالة كليبي ، يالفصلوج لصخر

جذاب هذا الكال ، يخلق من الشبـه اربعين .. لان ربي من سواج .. ما خلق غيرج شبيـه .. اغار حتى من شمس اللـه من تشبگ عيونج ..

.. رديت بتوتر ، وغمضت عيوني بخوف

:- صخر ، كاافي حباب ..

ما سمع مني ودارني لصدرة ، اخذ وجهي بين كفوف ايديه وهمس بذوبان

:- انطيني حل ، يخليني امل منج .. واني اصير حباب

رديت بثقة بس خوف جبير بداخلي

: غص بصرك عزيزي ..

عض شفتة السفلية بأسى ورد كال

:- غاض صار 5 سنوات  .. بعدين اني اريد ذنوب انتِ شعليج !؟

_ سُحـاب:- دفعتة من صدرة وسحبت العباية خليتها على راسي ، واردفت

مشينا تاخرنا صخر

_ رد وهو يسحب السويج

: صار يا تعبي .. وشبيت كلبي

شبك ايدي بين ايديه ومشينا ..وكفنا كبال بيت جدو

بيبي وبصفها باجي مروة الي لابسة دراعة لون ذهبي طالعة تخبل .. وحيدر لازم الدجاجة من خوانيگها وبايدة السجين ويسولف وياها

_ حيدر :- شوفي خيتي ، الموضوع صعب .. بس اذا ما ذبحتج لسحابة ، صخر يذبحني.. فروحج فداااء لي

سودة علية ، باعي راح ابجي عليج هوااي صار ٢٤ساعة و٥ ساعات اني وياج ..

وصار يسمح بدموعة المُصطنعة .. ردت عليه زينب بغيرة :- حيدرر ، شنييي عفية اغار !!

_ حيدر بضحكة:- يااا ، چا تغارين من حيواانة يحظي

_ زينب :- غير انتَ ، عوزك بس تاخذ وياها حلك

_ حيدر : لااا عيني الحلوكك بس يمج ..

صرخت باجي بخجل وعصبية :- ولككك حويدر ..

_رد هو بحزن :- يمة جنتج تتحارش بية . وانة رجال مال علية عتب .. رد باوع علينا وكال

صددك جذب العرسان وكعت رجلهم . البارحة كاموا من شدة ..

_ تقدم صخر يريد ينطي بوكس .. ختل ورة زينب وحجة

: مروتك خياييي ، بس اليوم خليك لطيف وياي

عفتهم وتوجهت لبيبي باوستها .. وباجي وبتول ورحت لزنوبة .. وكفني حيدر وكال

: ولجج سُحـابة اثبتي خل اقتل محبوبتي جوة رجلج شنو جاي تعذبيني هيج !!

_ سُحـاب:- ليش !!

_ حيدر : داتخلين مدة اللقاء تطول ، معناها زاد شوقي لهااا

_ زينب بعصبية :- حيدر اذبحها عااد ..

حيدر :- يلا سُحـابة.. اوكفي يم حجارا .. ءءاقصد زوجج حبيب  گلبج ..

سُحـاب:- وكفت يمة ، ابستم الي وشبك ايدي بين ايديه

تناسيت راح ينذبح ويطلع دم من الدجاجة

من التوتر الي اني بي .. بس ذبحها حيدر .. كشت روحي بخوف ، حسيت على ايديه حاوطت خصري وشالني على النص بتك ايد " يعني بس رفعني عن الارض "

وهمس يم اذني .. لا تخافين يبوي

بس ذبحوها ،، اخذني من ايدي للحديقة وفتح الصوندة غسل رجلي ورجلة ..

ردينا واشوف حيدر ، واكف ويشكي لزينب شلون راح يشتاق للدجاجة .. وهي كل عقلها تغار منها

اول ما دخلنا كعدت شوي يمهم .. بعدها كالت باجي

: يمة سُحـاب.. صعدي غيري لبسج . لان راح يجون بيت عمج .. وبين ميجون ادخلي ارتاحي انتِ وزوجج

صعد هو قبلي واني صعدت بعدة .. نزعت الكوستم ولبست .. دراعة ولفيت شالي ..وكعدت على الجرباية انتظر يخلص حتى احجي ويا

_ صخر .. ما اريد انزل فدوة

_ صخر :- ليش !!؟

_ سُحـاب:- تعرف انتَ ليش ، عمو و...

ما كملت كلامي اردف هو

_ محاجة الخوف ، انتِ اليوم زوجتي مثل ما يحترومني يحترموج .. واكسر راسة الي يحجي وياج حجاية .. خووش !!؟

هزيت راسي بخوف ونزلت ويا .. بس الخوف متمكلني

دخلنا جانت كلها كاعدة على السفرة .. ومن ضمنهم عمو ايهب .. للحضة تملكني الخوف واتمنيت ارجع

بس وكفني ،. لزمة صخر لأيدي بقوة وهمس بصوت ناصي

: سُحـاب.. انتِ - يـَمـيٰ .. يعني امانج

هاي الكلمة بعثت الراحة بداخلي.. وفعلًا ٲჂ̤ مُكان يدخل الة تنفرض بي شخصيتة .. صاحب حضور

بس ابدا موصاحب اخلاق .. لسانـة زفرر

كعدت والكل سلم عليه ، حتى عمي ..

بعد شوي .. كلمن راح لبيتة وصفينا وحدنا

اني وزينب و بتـول ننظف المطبخ

وبيبي نامت .. اجة حيدر للمطبخ اخذ زنوبة

اني هم اخذت بتول وكعدنا بغرفة الخياطة مال باجي

اردفت اني بعد ما شفت لقائهم هي وحاتم شلون بارد

_ سُحـاب:- ايي بتـول!! شنو الي صاير بينج وبين حاتم !!

_ ردت بتوتر :- ما صاير شي ، ليش هو حجة شي !!؟

_ لا ، بس كلبي حاس اكو شي ..

\ ماكو شي لا يضل بالج ..

_ سُحـاب:- بتول تحجين او شلون !؟

_ نزلت دمعة من عينها .. حضنتني وكالت:-

سحاب الي احبة ما يحبني

_ كلبي نغزني نغزة قوية .. رفعت وجهة واردفت

شلون عرفتي !؟

_ بتـول:- بلشت تحجي الي كل شي صــٰۨار

_ ومن هي حبيبتة ، نعرفها !!؟

_ لا ..

_ سُحـاب:- اخذتها لحضني واردفت..

الف واحد يتمناج ، هو الخسران يروحي

ردت بنحيب :- بس اني ما اريد الاف .. اريد هوَ ..

هذا الرد طبع ببالي .. كثر ما اكل كلبي . شحال هي

سُحـاب:- صار اليل واحنا جوة ، هو يناظر علية وياشر امشي نصعد ،. واني اسوي روحي اسولف وي البنات

اخر شي كلها كامت ناامت

عاد هو سحبني وصعدني لفوك .. شمرت الشال باهمال ورحت للجرباية .. خوف بداخلي

طلع من الحمام .. يتململ بنعاس .. كال

: ها شني بوية ، اليوم هم اخوان !!

_ رديت بتوتر بدون ما انطي وجهي

: صخر حباب خليك كد كلمتك

كال هو :- نصبر يابة .. شبي الصبر حلو

يحجي ويزفر نفس بصعبية .. حسيت الجهة الثانية من الجرباية صارت ثكلية .. فجأة سحبني وسجني بين احضانة .. ضليت لا حول ولا قوة

غفيت وما حسيت غير طر علينة الصبح

لكيتة كاعد وصافن بوجهي .فد يوم اموت من هاي السالفة .. تخيل تكعد الصبح تلاكي واحد يبحلق بوجهك

اردفت  بضجر :- صخر .. شبيك صدك جذب

_ اردف وهو بعدة صافن :- ما مصدك انتِ الي

_ رديت واني اكوم من الجرباية.. لا صدك بشرفك

لإن فد يوم اموت من وراك

_ رد بهيام :- وياج وياج ، بكل شي حتى المـوت .. وما اكول يومي قبل يومج لان حتى بالموت اريدج - يـَمـيٰ

_ رديت بعصبية ، بس أحاول اهدي من روعي

:- يعني الگبر مترتين .. انت تاخذ الگبر كلو واني انام بالاطراف ..

_ صخر :- بالضبط ، واذا مايكفي اضمج بحضني ..

_ سُحـاب:- ما تستحي انتِ ، واذا اجة ملك الموت ..!؟

_ مرتي واذا !!

_ طلعت وعفتة ، اذا حتى للكبر يريد وياي چا شوكت اخذ ريست !! غسلت ورجعت لكيتة محضر منشفة يعني يريد يسبح

كمت اشوف ملابسة ، محسوبة مرتة خلي اطلع الة ملابـس .. فتحت الكنتور واني صافنة بكمية الملابس .. من دشاديش

وقمصان .. وووووو .هسة شنو !!

حسيت عليه من دخل للغرفة .. وبس المنشفة على راسة .. وشورت بدون فانيلة شكد ما يستحيي هالرجال

رديت بتوتر واحاول ما اوكع بحب جسمة الي يوكع اكبر ثكيلة وعوبة مثلي

:- صخر شنو اطلع ملابس الك ..

مرت ثواني وهو ساكت .. فجأة حسيت على ايديه التفت حوالين بطني بحنية .. وجرني لصدرة الدافي وانفاسة الحارة بركبتي خلتي اسيححح

رديت بتعلثم .. اني شبية هيج بسرعة اخرب

: صخرر .. شنو اطلع الك !!

_ رد وهو يتنفس بصعوبة مدري اني،  تاهت علية

:- بكيفج يحلوة ..

_ رديت بخوف وصوت يرجف

: شسمة ، قميص وبنطرون اكيد عندك طلعة !؟

_ رد بهيام .. ايييي .. - بـࢪاحتــَج يا تعبي

صديت وجهي علية ، عيونة تلاكت كبل شتت نظري عنة .. بس هو رفع راسي واخذ وجهي بين راحة ايديه وكال :-

كلها بعالم .. واني هسة بعالم . حبك مالة اييي كد .. بس بكل سنة من هذن الـ5 سنوات جنت بكل سنة احبج اكثر .. يعني ها هي بعد كل يوم اشوف وجهج الصبح وقبل ما اغمض عيوني !!

احس بصدري لمعة ، لمعة فرح ، حب ، واشتياق.. ولهفة لكل شبر بيج

... تقرب يريد ياخذ شفافي .. دفعتة واردف

: راح علينة الريوك صخر

نزلت قبلة ، لان اذا ابقى بالغرفة اغتصبة

والله ، يعني شنو يمشي بالغرفة مصلخ

يعني عودد شوفوني جسمي يخوف

خرب يومممة كل شي بي يخوف .. من اسمة وشيل ايدك ، هسة غير على شنو حابني

شعري معطب ،  ، لسان زفر

عيوني حول .. كل صفات المرآة المزو* بحالهة بية ..

من فضولي رحت اسال باجي الي واكفة تهدر جاي

_ سُحـاب:- اكول باجي .. شنو الي حلو بية !!

ردت وهي تبتسم بوجهي :- كل شي بيج

بياضج ، عيونج الي بيهن طرف حور

رديت باستغراب:- شنو طرف حور

كولي حولة باجي عادي لا تجاملين

_ لا ولج ، لا تصيرين ثولة ، الحور يعني المرآة البيضاء ذات العيون البيضاء بنقاء ،، السواد محاوط عيونها ..

بعدين البنت ما الها معاني حتى تكون حلوة بس انتِ هاي الصفات زايدتج جمال فوك جمالج

مرات البنت حلوة بكل حالاتهة وهذا الشي فعلا

ومرات تشوفين بنت بشعة ، لكن المقابل يحب الادب الي عندها ، هدوئها .. فكل البنات حلوات تدرين ليش ! لان الله سبحانه وتعالى ما يخلق بشر بشع .. وحاشا الله

_ رديت واني صافنة بمعاني وجهة

: من كثر ما تحجين على الحلوات .. اريد اكرطج

_ مروة :- هههه ، عوفنيي وفرغي كل وقتج لوليدي .. عبن من شفت فرحتة بيج كلبي تطمن .. صاار سنين ما شايفتة هيج مرتاح

كل عمرة حاير بينة .. صخر جيب . صخر ودَّي

لحد ما كل وقتة  صــار بس يلبي احتياجاتنة

ومخلي راسة وكل وقتة بالشغل .. ما شفتة يضحك بس وياج ،، وماشفتة مرتاح بس وياج

اذا تريدين حتى عيوني انطيهن الج ، بس لا تكسرين خاطرة يبنيتي ..

كالت هالكلمات وعيونها دمعت ،، تقدمت حضنت ضهرهة وارفت بضحكة ﯠدلع

سُحـاب:- يووو باجي ، صددك جذب

هو بعد صرت مرتة لا مهرب .. راح احاول وي ابنج المنحرف ، بس انتِ كولي الة يلبس ملابس كل شوي وطالع بالشورت شنو ما عندة خواات !! الي يشوفة يكول لاعب بالمنتخب من كثر ما يلبس شورتات

عفتهم ورحت ، لان ما خلوني اسوي شي

دخلت للاستقبال شفت حيدر وصخر ونونة

" نور بنت حيدر " كاعدين و

• يتبع ...

مشتاقة الكم كوومة .. بس المرض لازك بية بداية شتاء وعندي حساسية .. اكتب واهرش برجلي

فاعتذر عن تقصيري وياكم + تفاعل ماكو يمة

والله من اجي اكتب فد اضوج .. على شنو اكتب وانتو ما عندكم تفاعل .. خلو روحكم بُمكاني

هاي اخر مرة احجي عن التفاعل .. والنشر بالمدراس مثل ما اتفقت وياكم .. يكون اسبوعي .. يمكن فقط يوم الجمعة .. وبعد يوم حسب جدول المدراس بأذن الله

أحبكم هوايييييي .. مو بس احبكم ..

ابوس رمشة عينكم 🥺♥️

شكد تحبوني !؟

الحـلقة السادسة والعشرون

بقلمـي مريم علاء🙈💋..

( لا تنسوا التصويت ينور عيني + التصويت بين الفقرات .. حتى تصعد قصتكم )

•تجـي نتلاگـه وتحضِـني🖤؟

عفتهم ورحت ، لان ما خلوني اسوي شي

دخلت للاستقبال شفت حيدر وصخر ونونة

" نور بنت حيدر " كاعدين

كعدت على قنفة وحدي وتقصدت ما اكعد يمة ، بلكت شوي يبطل انحراف .. تقدمت يمي نور بنت حيدر .. أشرت بايدها على رجلي

بمعنـى " شيليني لحضنج "

شلتها وخليتها على رجلي كالت وهي تتفحص وجهي .. كان بي بعض الكدمات الزرق بسبب الضرب .. كالت وهي تتلمس الاثار بطفولة

: هاي ثنو " شنو" ثحابة " سحابة " شبي هذا الخد مال انتِ !؟

رديت وعيوني راحت عليه گبل

" وكعت حبيبتي "

رجعت كالت بطفولة : اوووي حبيبي انتِ اوااا يوجعج !!

_ هزيت راسي بلا .. قربت حلگها من يم اذني وشاورتني ..

باعي اذا بيج اواا .. وتخافين من الابرة كولي اني انطيج دواء..

_ ضحكت ورديت :- وعيونج ما بية شي ..

_ نور :- باعي .. دقـيـقـَـهہ لا تخافين

توجهت لحيدر جرتة من ملابسة رد هو

_ حيدر :- ها بابا شبيج !!

_ بابا ثحبة ( سُحب ) مريضة نروح للدكتور .. بس هي مثلي تخاف من ابرة " الابرة"

يعني نكول للدكتور بس دوة نطيها

_ رد بعدم اهتمام .. بابا روحي لعمو داشتغل

عافتة وهي تدردم عليه وتكول بطفولة

- والله يا بابا انتَ فد واحد ما تستحي

رفع راسة من التليفون بصدمة وكال بصوت عالي :- تعاليي زينب تعاليي سمعي شنو علمتي الجهال ..

رد صخر :- قابل جذبت الطفلة !؟

_ رد هو بعصبية :- انتَ اسكت .. اذا كالو الك حيدر سكير .. تكول قابل جذب

_ صخر ببرود :- ديلا اكل خر*

تركت حيدر وتوجهت لصخر ، اخذها هو لحضنة .. كالت الة بحزن مصطنع

_ نور :- عموو الحباب .. ننة " سُحـاب "

عندها اوااا .. وتخاف تضرب ابرة .. انتَ مو تحبها ليش ما ضميتها من وكعت وبست المكان حتى يطيب الأوااا !!

_ رد هو بابتسامة:- صار يبعد عمج .. ابوس راسج وابوسهة

تريكنا وكلمن راح لشغلة .. البيت صار يصوصي .. كلها تشتغل وحدة على الملابس وحدة على المواعين .. واني ميخلوني اسوي شي .. تغدينا وحيدر وصخر ماكو

من سالت كالت باجي

: يمة لا تنتظرين . روحي نامي صخر يجي تالي الليل .. ولو المفروض ميعوفج

بس ما يدكة ويكعد ما يعرف

صار الليل واحنا كاعدين نسولف .. باجي وبيبي من يكعدن سوالفهن حلوة .. ناقصهن امي بس

نمت على رجل زنوبة .. استمع لحديثهن بس بالي مو يمهن .. بالي يم مستقبلي الي راح فززني صوت باجي وهي تكول ..

_يلا يمة المتزوجات ،،  ازواجكُم على جية كومن حظرن روحجن .. كامت زينب بسرعة

زينب :- اني كل شي ولا اكسر كلمتج باجي

_ مروة :- ههههه ، روحي يمة روحي

وانتِ هم يمة كومي ..

_ سُحـاب بهبل ؛- انيي

_ اييي لعد اني. اكو غيرجن متزوجات هنا !!؟

_ سُحـاب: اني متزوجة !!

_ مروة :- خرب ، كوميي والله لو يسمعج صخر .. لبسي وتحضري لرجلج يمة خلي يذب تعب يومة يمج بنيتي

سُحـاب:- راسي مسطور ، شنو شبيهم هذول

صعدت الدرج والف حسبك ببالي .. اخاف اليوم تحجي ويا ويجي يتمم زواجي منة

بس هي ما تدري ،، معقولة كال الهة !!

لا صخر ما يحب هاي السوالف

سحبت دشداشة لون بنفسجي فاتح .. تصير قصيرة من الامام .. ومن ورا طويلة وباردة وعريضة احبها

ضليت افتر بالغرفة وافكر .. ساعة ١:٣٠ هو ماكو .. بعدني توني حجيت

دخل هو بأيدة علاكة .. من شافني ابتسم واودف :- منتظرتني يتعـبي !؟

_ايي وين صـرت !!

_ الولد لزكو الة ناكل يمهم .. تعشينا وطلعنا للبستان نفتر

_ بستان ، بحياتي مشايفتهن تدري ..

_ تقدم اخذني لصدرة وهو يفتح القميص واردف :- افـاا مريتي تريد تشوف بستان .. اخذج من عيوني

بعدتة عني بخجل ورديت :- جوعاان !؟

_ ابستم ورد :- اني حتى اذا ماكل طلي .. من تكولين هاي الكلمة اجوع ..

_ تمام ، شنو تريد اسوي !

_ كل شي لا تسوين حبيبتي .. هاي العلاكة جبت بيهة شامية وجبس .. وقواطي يمج بالثلاجة .. جيبيهم وتعالي ناكل ونشوف فلم

نعسـانة انتِ !!

_ لا وانت ..

_ هم لا ،، چا يلا خليهم بطاسة وتعالي

_ نزلت جبت طاسة فافون ، فرغتهم ورحت لفرفة الكعدة .. جان يكلب بالتلفزيون

رد كال : ماكو شي .. خل نربط التيلفون عليه ونطلع منا ..

وفعلا سواه ، طلع فلم مال نور عيني

اني بية طبع ، اذا شفت فلم بالاخص لتامر حسني انسى روحي.. اكوم اضحك مثل المخبلة .. وقبل ما يموت اسلام نعست

بس حالفة ما انام الة ابجي .. مدري ليش عيوني راحت على صخر .. لكيتة صافن عليةتوترت وسالتة

صخر بحياتي ما شفتك ضحكت

رد بهيام :ليش هاي مو داصحك وياج !!

_ هاي مو ضحكة ، هاي ابتسامة..

_ ليش اكو فرق !!

_ أيي طبعًا.. الضحكة ام الصوت الي من تضحكها عيونك تدمع .. والابتسامة اعبترها شي صغير مثل المجالمة

_ قوس شفايفة ورد :- مادري والله ، يمكن لان صــار هواي ناسي الضحك ..

_ حتى من تشوف فلم يضحك !!

_ ممكن !!عوفيج من كل شي وكومي ودي هذن هل نكمل الفلم ..

كمت اخذتهن ونزلت .. من رجعت لكيتـة

مسوي المخاد بشكل يوحي للنوم

وفارش ايديه .. قريب يمة ، وكفت يمة وصفنت ، بعد عيونة وكال باستغراب

_ هـاا!!

_ سُحـاب :- شلون راح اكعد ..

ضرب على ايديه الي فارشهة على الجرباية وكال :- تعالي هنـاا..

نمت يمة ، بـَس كلبي من كثر ما نبضة قوي ..شكيت بي شغاال ، لف ايديه حوالين بطني وسحبني لصدرة .. ناطيتة ضهري وعيني على التلفزيون.. مات اسلام ونور  غنة وشبع بجي .. وامة محمد احتركت واني احس روحي جاي اذوب شوي شوي من الخوف

خلص الفلـم كبل غمضت عيوني بخوف

همس هو

_ صخر:/ حبيبي نايمة !!

ماريدت فجأة حسيت عليه من طفر وبعدني لـمُكانه وهو صار بُمكاني .. صرخت

شبيككك !!؟

_ احبج .. ما ناوية !!

_ صخر خليك كد وعدك ..

_ ها هي براحتج

سُحـاب:- مَـر اليوم الثالث والرابع وباقي الايام بهدوء .. لحد ما قبل يوم من السبعة

ما اعرف انام بالغرفة اذا مو هو يمي تعودت عليه بعد

دخل كالعادة بايديه العلاگة .. حضرتها وهل مرة غير ، بدل على فلم اجنبي ..

فلم The fault our start.

وكل شوي يركعها بحلك ، وصخر فاتح حلكة عليهم .. ولا يستحي وربي

وصلنا للقطة الي يموت بيها البطل .. شبعت بجي وعيوني ورمت .. حاولت اكتم صوت البجي .. بس ماكدرت وهو من شافني هيج كام مفزوع

_ شبيج ياتعبي .. شبيج .. سودة بوجهي  كاافي بوية هو فلم.. اييي جلعني اموت هيج حتى تبجين وراي

من خوفي من الموت ، ضربتة على حلكة وحجيت :- اسم الله

ابتسم بمكر وكال :- تخافين عليه !!؟

يحجي ويسمح بدموعي .. حسيت نظراتة تغيرت من عيوني لشفايفي .. قدم راسة لشفافي والتهمهن بكل حُب .. قُبلاتـه جانت تختلف عن كل مرة .. جان بيها هواي حب

تفنن بيهة .. وكأنة يشرح شكثر يحبني

ما حسيت على نفسي شلون بادلتة القبلة بكل مشاعر وحُب .. وكل شوي يرفع راسة ويسند كصتي على كُصتة .. يتنفس بصعوبة وصدرة يعصد وينزل .. رفعت نفسي اكثر وكفت على اطراف اصابعي حتى اللوحة ولفيت ايدي حوالين رگبتـه .. هو تحمس

ولمساتـه تجرأت اكثر ، لف ايديه حوالين خصري وكال بهيام :- الزمي عدل يبوي ..

كال عالكلمات ،. ورفعني لصدرة .. ورجع التهم شفافي .. لفيت رجلي حوالين خصرة

وما ادري شلون صرنـة بالغرفة .. نومني على الجرباية .. وباس كصتي وهمس

احبج ،، هواي كررها

احبج كُلي يلي اريدج بس الٰي

وبلش ينزع التشريت بسرعة .. اني هنا شياطين الدينا كلها صارت كبالي عبالك صحتني على زماني .. صرخت بسرعة

لا صخر لاااا ..

تبدلت نظراتة ، من لهفة وشوق .. لخوف ضميت راسي تحت المخدة وصرخت

وينة وعدك !!؟

_ نام بصفي على السرير وسحبني لصدرة وصدني عليه .. يبوس بوجهي بلفهة ويكول

صخر :- كاافي يا نظري .. كاافي اسف والله اسف ..

نمت واني مادري شلون صار كل هذا .. لحضات اشبـه بالحـلم كعدنا ثاني يوم جان ضايج بشكل .. بس ابدا ما حاول يبين الي

دخلت عليه كاعد يباوع بتركيز باللابتوب

وكفت يم راسة ، رفع راسة بدون ما ينطيني اهتمام ورد يبحوش بالابتوب  كنبصت يمة واردفت بحزن

_ اسفة ..

_ رفع راسة .. ورفع حاجب باستغراب..

ليش !؟

_ سُحـاب:- لان صــار الي صار..

_ رد ببرود .. محاجة تعتذرين ..

سُحـاب:- يحجي كلمة ويسكت ..

جريت حسرة واردفت .. انتَ مو كلت برضاتج

وكلت اريد اعيش وياج كل لحضة حلوة بحياتي ..

اني كذلك خليك حباب وياي صخر

ابستم وقرب اخذ ايدي ورفعني يمة على القنفة .. وكال

:- شكد احبج تدرين !!

_ ادري .. بعد ما تنعاد ..

_ رد وعيونة اكلت شفافي

: تحبيني !!؟

_ هزيت راسي بـ " لا " وحجيت بسرعة قبل ما يفهمني غلط " من احبك.. راح احجيها الك بكل حواسي .. مثل ما انتَ تحبني بكل حواسك "

ابتسم وضمني لصدرة وعاط : -

ولكم وين اضمها .. كبرانة بنية كلبي

وصارت تعرف تحجي .. ونظراتهة صايرة تاكل كلبي .. تغيرت نظراتهة الحادة وصارت بريئة وانثى بكل حواسهة

احبججججججج ، ولج الله من خلقج سجلج باسمي مو باسم حارث .. لااا انتِ مالتي بس اني

_بعد كم يوم من السابع مال عرسنا

خابروا عليه يريدو يلتحق.. ظل يفشر ويغلط بدون تشفير .. لسانة زفر كُلش

بليل كاعد يعلمني على ترتيب ملابسـه

كال:- باعي تعبي ، هاي الفانيلة السودة هنا

والفانيلة السودة ام العلامة هنا خوش

البنطـرون العكسري .. هنا والجينز هنا

مـٱشي عُمري .. وهسة رجعي انتِ سويهم

.. رجع خلاهن كلهم بالكنتور .. سويتهم ورتبتهم مثل ما يحب اول ما خلصت طبع بوسة على خدي .. واردف

_ شكرا يا تعبي وراحتي ..باعي جيبي المشط والعطر

سُحـاب:- توجهت للمراية ، شلت العطر والمراية ، عيوني راحت لراسة ما بي شعر ضحكت وسالتة

: صخر شتمشط بالمشط !؟

_ رفع تك حاجب ، ورد

: هاي شنو ؟ تضحكين علية !!

_ هههههههه ، لا والله هههههه

تقدم يمي واني خربانة ضحك ، اخذ ايدي خلاها على اكتافة .. وايديه حضنت خُصري وكال ..

_ امشط بيها شاربي ..

_ اهـااا فهمتك ، عادي اجرب !!؟

_ صخر : جربي ..

_ سحبت المشط واسـوي بالمشط شاربو..

رفعت عيني شفتو مركز بوجهي وواصل مرحلة .. قدم راسة واخذ شفافي بين شفافة بكُل رومانسية، بادلتة القُبـلة وخليت ايدي تحضن بطنـة .. استمرت القبلة دقـيـقـة كاملة وعبالك عالم ثاني .. ما بي ٲჂ̤ شي بس اني وهو 

رفع راسة وسند كصتة على كُصتي يلهـث

بعد عني ولزم راسة بوجع وايديه على صدرة

سالتة بقلق .. شبيك صخر !؟؟

كعد على الجرباية وكال :-

والله مادري ، شو اختنكت .. وراسي كام يوجعني ..

_ سُحـاب:- اسم الله شبيك شجاك !!

_ والله جنة حُبج شيب كلبي .. طركاعة عليج هاي بوسة وهيج صار بيـة .. چا شلون بية بالباقي .. يا ستار اُستـر

_ هـاا!!

هو تعال ، بعدت ايديه . وخليت ايدي ادلك صدرة حتى تروح الخنگة مالتة .. اخذ ايدي الي على صدرة ونزلها وكال

: يبـُا انتِ ليش تلعبي بالنـار !!

_ رديت بفهاوة :- هـاا !؟

_ ابتسم وكال :- كومي يبوي طفي الضوة وتعالي ننـام

طفيتة ونمت يمة ، بس ياخذني لحضنة ما يسوي غير شي .. بس هالمرة مدري ليش حسيت لازم ابادلة الحضن .. يعني ١٠ ايام ما شوفة

رفعت ايدي وحضنت بطنة .. رفع راسة مستغرب

نام ورد كال : هي العافية درجات

فزيت بـ٤:٣٠ الفجر مالگيتة يمي.. اختنكت يعني ما ودعتة قبل ما يروح .. ضميت اللحاف لصدري ودمعي بطرف عيني .. توني ابجي دخل هو لابس الشورت والخاولي على راسة .. وصدرة عاري

_ بعدك هنا !!؟

_ صخر :- چا مو هاي جنطتي ..

_ اي صح ، عفتة وكمت اغسل .. سالتة صخر ريوك !!

_ رد :- لا يروحي ، ماتسوى ..

_ شلون ما تسوى ، تروح جوعان .. ما أتأخر بسرعة

ابستم وشمر بوسة بالهواء وكال :-

اروح فدوة لحنينة گلـبي

عفتة نزلت بسرعة للمطبخ.. كليت بيضتين وحميت الجاي وصعدت الة .. اخذها من ايدي وكعد ياكل

صفنت عليه ، ضايجة كلش ما اريدة يروح

كمل كل شي ولبس الجنطة ديروح ، تقدم ناحيتي يريد يودعني والدمعة صارت بطرف عيني ..سألني وهو يحاوط خصري بين ايديه

_ شبيج حبيبي !!؟

_ سُحـاب:- نزلت عيني بتوتر .. واردفت

يحفظك الرحـمٰن برحمته الواسعة

باس راسي ، ونزل باس خدي .. طلعت سحبت طاسة وترستها مي .. وشمرتهة ورا

اول ما دخلت للبيت .. مدري شبية كبل بجيت

معقولة هيج تعلقت بي !!

ثاني يوم الصبح اتصل عليه من باجي

_ الو !

_ ها ينظر عيني ! شلونج

_ الحمد لله ،وانتَ !

_ توني صرت زين ، بعدج ضايجة !؟

_ ٲჂ̤ والله مكانك فارغ..

_ ليش يعيني ، نزلي يم بتـول

_ هو دانزل يمهن

_ صخر : تدرين شنو ، بكل مرة ما استعجل على نزلة من الشغل .. بس هالمرة اريد انزل اليوم قبل باجر.. مشتاق الج يا كِل شوگي

_ اني هم .. سديتة منة والكل مستغرب هدوئي

فعلًا اني بذات نفسي ما اعرف شنو الي يصير وياي

بعدها بـ٣ ايام كاعدة بالصالة اللعب وي نور ونوري.. دخلت عليه بتـول واردفت

_ بتـول:- سحابة ، سمية هنا وتريد تسلم عليج لا تفشليها ..

_ سُحـاب:- لا يابة ، ماعندي شي وياها .. وينهة هي !!؟

_ بتـول:- بالمطبخ يم باجي

_ سُحـاب:- كمت اسلم عليها ، قبل ما دخل سمعتها تحجي وي باجي

مروة : سمعي زين ، اذا سمعتي حجاية منا

منًا لسحاب او بتول .. والله يا سمية اطردج

_ سمية:- يووو ، شبيج انت يمة ، والله محد طلع عينهن غيرج ..

_ مروة :- اني نبهتج بعد

سُحـاب:- اسمع حديثهن وبعدها مستمرة تحجي

عفتها وصعدت بهدوء للغرفة .. انام

ذبيت شالي ومددت .. وتفكري كلة يم صخر

خلص ، لازم ابدي ويا بداية جديدة .. ما شفت منة شي مو حلو من اجيت لحد اليوم .. ايي خلص مو وجعلنا بينهم مودة ورحمة .. عود بعدها يتولد بينا الحُب

ندكت باب الغرفة ، دخلت سمية باوستني وكعدت - يـَمـيٰ كالت

: عفية سُحـاب ، جهازي مدري شبي .. اسجل دخول يطلع من الحساب ،، ماتعرفين انتِ !

_ سُحـاب:- انطيني بالله اشوف ..

اخذتة منها .. بـٰاعي ، هاي الايكلود صار قديم

لازم تبدلي

_ ردت هي :- ايي زوجي جاب الي واحد جوة .. هسة اجيبة واجي ..

نزلت وعافتني ، ضليت ابحوش بي .. فجاة طلع رقم ملئ الشاشـة .. هذا رقمة اييي هذا هو

ما انسى هذا الرقم .. سرت رجفة بأعماق روحي

ورجعت لهذيج الايام .. والف تفكير ترس راسي

ايدي راحت على العلامة الخضرة .. رفعت التيلفون لاذني .. سمعت صوته وهو يكول

_ ساهر:- سُحـاب!!

_ سرعان ما تلاشت دموعي من سمعت اسمي بحلگة .. ورَدّ بكلبي حنين الماضي

ساهر .. شلونك

_ ساهر:- مو زين ، انتِ نسيتي .. واني لا

_ ردَّيت ودموعي تنزل :- ما نسيتك

_ ساهر:- لا تبجين يا كلبي ..

بعدني احجي .. نفتح الباب ودخل .. جانت على وجهة ابتسامة ، سُرعان ما تلاشت من

• يتبع..

ايييي ، زمان على القفلة القوية

باعو .. باجر ماكو بارت لان عندي شغل تمام يبعدي

يوم الاثنين ننشر البارت السابع العشرون بأذن الله

لا تنسو تسوو الي تاك على اكثر مشهد حبيتو من حلقة اليوم ( ma0_.1o)

النجمة لا تنسوها امي

المهم ( احبكم كُلش هواي ) انتو غير هواااي غالين على كلبي

دمُتم في امان اللهِ احبابي 🫂♥️

الحـلقة السابعة والعشرون ..

بقلمـي مريم عـلاء 💕..

•‏شچم ربيع يدگدك ببيبان روحي

‏وروحي خدرانة بخريفك.

بعدني احجي .. نفتح الباب ودخل ...

جانت مرسومة على شفافة ابتسامة ، سُرعان ما تبخرت من شاف التيلفون بأيدي وعيوني

حمر .. عقج حاجبة وتقدم باتجاهي ورفع اصبع ايدة السبابة بمعنى " اشش"

اخذ الجهاز من ايدي وخلا على اذنة .. نكلب وجهة ١٨٠ درجة .. صرخ

_ صخر :- ولكككك كوا*اني تلعب بعرضي

اليوم اشـ**** .. يا ابن الـ**** لو زلمة وگد كلمتك ابقى بمُكانك

ركع التليفون بالحايط .. وصرخ وايديه احتضنت شعري بعصبية.. والأيد الثانية ضربني بيها راشدي حسيت سنوني وكعت من شدة قوتـه .. دفعني بالكاع وطلع وطك الباب قفل.. صرخت بأعلى صوتي

لا صخر لاااااا .. كلبي وكف تجهت بسرعة للشباك والصدمة اخذت مني حيل .. شفتة طلع من الباب ويطلع السلاح من خصرة

لطمت على خدي وصدري قوي.. راح يذبحة ويدخل سجن من وراااييي يربي

بتـول:- اجواء حلوة ، كاعدين اني وباجي بالطرمة نلگط بالخضرة .. وزنوبة واكفة تطبخ الـتمن .نفتح الباب ، دخل صخر بهيبتة

المُعتادة . والابتسامة معلگة بطرف شفافة

شهكت باجي وكامت حضنتنة .. وكالت

:يااا يمة ، شعجب نزلت !! كل مرة ورة يومين يالله تنزل ..

_ صخر :- يالغالية ، چا غير العافية عندي

وصاير فد اكره الدوام .. لزكتهن هاليومين بعثمان ونزلت مشتاك لامي حبيبتي

_ مروة : ,َولك ليش تجذب ، علمودي هـاا!!

_ چا شعندي غيرج اني !!

_ مروة :- ههههه ، اصعد يمة فوك هي

_ احبج انتِ ، واحبها

رديت اني :- ايييي ابن عمي عاشق

_ صخر :- من زمان يا نظر ابن عمج

والسبـب اختج ، احلى وكعة مو !!

_ بتـول:- ههه وانا اشهد يخوي

ترخص من عندنا وصعد فوك .. اردفت باجي

تدرين بتـول ، جان ما يقبل ينزل .. يكول بس وجع راس .. ومرات يضل اكثر من ١٠ ايام يكول ارتاح هناك .. ينزل مرات بس פــتى يشوف سُحـابة .. ويكعد بحضني يكلي يمة الكيلي حل انا ضايع بدونها .. اريدها - يـَمـيٰ ولحضاني

.، وجنت ما بيدي شي غير ابجي وادعي تصير من نصيبة

_ بتـول:- توني ارد ، سعمنة صوت عياط صادر من غرفتهم

_ مروة بخوف :- يا ستار ، شبيهم هذول حسدانهم !!

_ بتـول:- اصعد اشوف شكو !؟

_ ردت هي بعزم :- لا بنيتي لا ، هم يحلون مشاكلهم وحدهم معلينة احنة

دخلت لجوة كلبي يوجعني .. شوي بدة صوت العياط يزداد .. طلعت بيبي هي وسيمة مـن الغرفة.. وسميةجانً بايدها شي ضمتة بعد ضهرها .. مثل الكارت سالت بيبي بخوف

_ مروة شصاير ، شبيهم .. وصخير مو باجر ينزل من الدوام ،. شجابة ..

اردفت سمية :- يااا ، صخر هنا

فجأة لونها نخطف ،. بس محد منتبه غيري

كلبي لعب منهة ..

نزل صخر من الدرج مثل الاعصار .. يحجون ويا ما يرد .. طلع ورگع الباب

باجي كالت :-

راح اصعد ولحد تجي وراي سمعتوا

سُحـاب:- اباوع عليه شلون متوجه لبيته وروحي فرفحت ما بيدي اسوي شي

سمعت باجي تحاول تفتح باب الغرفة

سالت هي :- يمة سُحـاب ،، شبي صخر وياج

بسرعة ركضت وصرخت :باجي الحكييي راح تصير كاتل ومكتول ..

عم هدوء قاتل .. صرخت وكالت

:- لاااا يربي راح وليديي لااا

بتـول:- نزلت باجي تركض وتصرخ

: ولكم الحكونييي وليدي راح يروح بيها

سالت بيبي بفزع .. شكو مروة شمالج !!

_ مادري يمة ،، سُحـاب تكول لاح تصير دم

ولجن وحدة تجيب عباتي الحك وليدي

اردفت بيبي بخوف :- ولج وين تطلعين

تريدين تزيدن النار حطب !! اركدي وسكتي

_ مروة ببكاء وهي تلطم على صدرها :- شركد يمة ووليدي راح يموت .. ولكم حسوو بنار كلبي

_ الحجية :- هسة نخابر الولد يلحكو كولي يالله

صرخت مروة :- ولج زينب امشي خابري حيدر بسرعة ..

كاعدين كلنا نتراجف ، ونسمع صوت طلق بالشارع .. وي كل طلقة تندلع من السلاح تسحل ارواحنا من الخوف .. مانكدر نطلع

فجاة.. نفتحت الباب .. دخل حيدر ساند صخر من جهة .. وحاتم ساندة من الجهة الثانية .. وملابسة كلها دم على خلاف حيدر وحاتم ..

صرخت باجي وراحت حضنتة . طمنها وهو يمسد على ضهرهة .. وجهة وخشمة كلهن دم

بعد باجي عن صدرة وصرخ :- ولكم اني يلعب بعرضي والله الة *** الخ*** ابن ****

وين ما جان الة اخليه عبرة ابن ****

رد حيدر بصوت عالي : ادري صخر غير تفهمنا شكو .. شنو رايح هاد على العالم

مو طلع وكال الك مو هناا .. شلون تهجم علو بيتهم .. والبيت بي حرمة !!

هسة פــتى اذا ردنا نسوي كعدة الحق مو ويانة .. شصايرفهمنة

_ رد واايدة على راسة :- ولك وحق المي الي يغسل حي وميت الة اخلي يتمنى الموت هالـبن الكلب ..

اردفت باجي مروة برجفة :- شصاير يمة صخر حاجيني !؟

_ ماكو شي يمة ،، كال هالكلمة وصعد فوك يركض وكأنة تدكر شي جان ناسي

..

سُحـاب:- • تَـ؏ــبت من الصراخ والبجي ..

اسمع نقاشهم جوة .. شفتة رجع روحي ردت

كل شي يريد يسوي المهم هو بخير

كلبي رجف من سمعت صوت خطواته على الدرج .. عرفت قربت روحي من الموت

وبعد لا مفر منـهُ .. فتح الباب او بالاحرى

" كسر الباب " ودخل مثل العاصفة

الي ما تهيد الة تكسر شكو غصن

وادري بي راح يكسر شكو غصن بروحي

هاي اذا بقيت عايشة .. رفعني لصدرة وكال

:- اني تخونيني سُحـاب.. وويامن وي ساهر

جرني من شعري قوي .. وانهال علية براشديات .. شكد ما اكبر ما انساهن

اصرخ جوة ايديه ،. صح غلطت بس جسدي ما يستحمل هيج ضرب

هو رجال. واني مرة يضل اقوى مني جسديًا

وكل ما اصد جسمي عن الضرب يزيد اكثر

الباب تكسرت وصوت الولد وباجي وصراخ البنات ترس روحي واذني .. صرخ هو

_ روحو كلكم منا ، لا قسم برب العزة اطلع اكسر روسكم .. ما اريد احد هناااااا

رد حيدر:- يابة راح تموت جوة ايدك

بس فهمنا شكو ..

مارد عليهم ، رفعني وركع ضهري بالكنتور وصرخ :- بسرعة لبسي عباتج وحسج ما اريد اسمعة خووووووش

بدون ما ارد عليه .. وبجسد متعب من الحياة

سحبت العباية لبستهة ..

جرني من ايدي وطلع يسوحل بية ..

محد بباب الغرفة .. بس شافونة على الدرج

تقدم حيدر وحاتم سدو الطريق..

بحركة بسيطة.. دفعهم من طريقة وصرخ

: الي يتدخل اخلي راسة بالخر* سمعتوو

صرخت باجي :- ولك يمة وين ماخذ البنت فهمنا !!

_ رد بصوت عالي :- ميخصكم

_ زينب :- اخذها صخر يسوحل بيها .. وهي عبالك بس جسد بدون روح .. ما بدر منها ٲჂ̤ ردة فعل .. باجي تصرخ وبيبي وكعت من طولها.. ومحد بايدة شي غير البجي

حيدر سحب باجي للغرفة .. وقفلها عليهم لان تريد تلحك وراهم .. وحاتم يريد بس يتدخل هو راح يتضرر

وباجي مروة تصرخ بالغرفة:- مو زلم انتو ما بيكم خير ، ولكم وخرو خل اخذها من ايدة لا يذحبها

.. ولك حيدر وين غيرتك وخرر منييييي

ولكم راح تموت ليش محد يفهم

- زينب :-باجي تصرخ .. عيوني تعبت من البجي .. عيوني راحت على حاتم الي صافن على بتـول.. فجأة وكعت بتول من طولها.. ركض عليها حااتم مفزوغ ويضرب على خدها

_ حاتم:- بتـول ، شبيج بتول اصحي بتول

_ زينب :- حيدر اخذها فوك لغرفتي ..

خطية شالها وجهة نگلب اصفر .. وشفتة بيضت من الهبطة ..

طلع حيدر من الغرفة . والتعب مبين عليه

تقدمت يمة وحضنت ايديه

: ها شلون سككتها !!

_ حيدر :- نامت ، تعبت من الصراخ

_ زينب :- وهسة وين اخذها صخر !!

_ حيدر : مادري زينب .. اتصل عليه ميرد

بلكت ابو فاضل يبرد كلبة قبل ما ياذيها

_ زينب:- هوَ شنو صــٰۨار !!

_ حيدر:- مادري زينب ، من خابرتيني اجيت اركض سمعت صوت بالفرع .. وهذا صوته اعرفة .. اروح والكة اربعة عليه وهو واحد ..

وكلهم مكسرهم تكسر .. ويصيح وين هذا ابن وابن .. ويفشر وهذا ابو خطية تخربط هو واكع بيها .. العالم كلها التمت ومحد يدري شكو

_ يعني ضربوا !!

_ حيدر :- واحد منهم ضاربة .. الباقين هو مخلص عليهم

عفتة وصعدت فوك ، دخلت لكيت حاتم مخليها على الجرباية ومتمدد يم راسهة ويقرة عليها شي

توجهت لغرفتهم .. بلكت الاكي شي

اول ما دخلت صار بوجهي تليفون وشكلة مو غريب مدري وين شايفتة

شلتة صاير طحين ، والشاشة شوي بيها لون .. جان محطوط صورت جنـى بنت سمية

هذا تليفونها ، وشسوي هنا !؟

نزلت اركض لحيدر .. بس شافة ركض لغرفة بيبي .. سحب سمية الي جانت كاعدة تنيم بنتها

اخذها بالصالة وصرخ وهو يخلي التلفون بوجهة

: هذا شنو سمية !!

ردت هي وتحاول تخفي توترها :-

شـ شنو تليفون..

_ حيدر:- اعرف خر* شيسوي بغرفة صخر

وليش كاسرة !!

ردت هي بتعلثم :- شمدريني ردت منها تسويلي شي .. رجعت الها لكيتها مسوية مصبية

حيدر بانفعال :- هـاا ,يعني ما تدرين

خوش ، بس والله يا سمية اذا ادري الج ٲჂ̤. بالسالفة .. اخلصج خلاص والله سمعتي

ولاعبالج متزوجة وما اكدر اتحكم بيج

اكسر راسج يالك*** سمعتي لو لا

ردت هي بصوت عالي :- وليش تذبها براسي !! ليش تدافع الها لهل كحـ**

شوف شنو مسوية وهيج سوة بيهة

ليش تجي علية

_ زينب :- طلعت باجي من الغرفة مفزوعة والدمعة على خدها كالت بتعب ونبرة صوت تقهر

: عفوها يمة ، هاي حية منو رجلها

مو نفسة اخو زهراء الي طيحت حظ اخوك

لا تعب نفسك وياها .. شلت ايدي منها من يوم صارت جنتهم

ردت وهي تتصنع المسكَّنة: פــتى انتِ يمة !!؟

_ ردت باجي بعصبية :- لا تكولين يمة

اني بنتي ماتت .. من يوم الي تخرب بيت اخوها حتى ترضي زوجهة

_ حيدر باستغراب:- شكو احجو ،يمة صاير شي..

_ ردت وهي تنطي ضهرها النـة:- يمهل ولا يُهمل وليدي .. بالعافية يردها

شمر حيدر التليفون وراح .. باوعت عليه وكالت:- ها حية ؟ حرضتي علية فخيتي !!

عفتها ورحت ورا حيدر

سُحـاب:- طلع يسوحل بيـة ، شمرني شمر واجة صعد .، واني دمع عيني ما نشف ولا لحظة .. ضرب على ستيرن السيارة قوي وصرخ

: صوتج اذا اسمعة ، وروح ابوية ادفنج هناااا

_ شلت عباتي لحكلي وصرت ابجي بصوت مكتوم .. خايفة منة طال الطريق شال التيلفون واتصل برجال

- الو ها حجي ، انتَ وين !؟ اهاا يعني مو بالغرفة .. ديلا . لا بس لاتجي لهناك الة اني اكول الك .. الله وياك

الطريق طال ، وكل ما نتقدم اتمنى اموت بحادث سيارة ولا انقتل من صخر .. بديت افقد السيطرة على عيوني بسبب النعاس مدري من الخوف ، صرت كل شوي اكعد الكي بعدة يسوق وعيونة حُمر ويعصر براسة بوجع ..اخر شي فتحت عيوني استغربت من شفتها. دنيا ليل

وبدينا ندخلة لمنطقة شِبُـه صحراء .. البيوت مُتفارقة وكل بيت يبعد عن بيت بمسافة كبيرة .. كلبي رجف ، يعني خلص راح يذبحني

جابني هنا حتى ما يبقى دليل

سارت رجفة بعمق روحي ، شفافي رجفت

وجسدي اصفر من الخوف ؛ اذا بقت قطرة دم بجسدي بوقتها فهـاي مُعجزة

ما نزلت من الخوف ، دمعي نزل ،. تقدم بعصبية فتح باب السيارة وعتني عت

سحلني سحل لحد ما وكفنا كبال بيت

هو مو بيت ولا مشتمل ولا شقة

جان عبارة عن ٣ غرف متفارقة محاوطهن سياج وهذا السياج بنهاية باب منتهي ومتأكل

بحيث بس دفعة صخر برجلة ، نفتح دخلنا زقفلة من الداخل وتقدم لاحد ال٣ غرف هاي فتح القفل وسحبني .. غرفة ضملة وتارسها الخوف وبيها بس ضوة خفيف

وباردة ، سحب كرسي وكعدني عليه وظل يحوم فوك راسي ، جان اكو حبل معقلگ بنص الغرفة .. سحبة ولوى ايدي لوراء الكُرسي

وشدها قوي ، روحي شاغت لان الكرسي حديد ومزنجر وايدي طبعت على الزنجار

عيوني بيها دموع والغواش محتلها ، ما شفتة غير ينزع الحزام وصار ينزل على جسمي مثل الحَرب .. فقد السيطرة وصار يضرب قوي كلش، بحيث صار ينتقل من جسدي لوجهي ، ايي لاح وجهي واحس الدم صــٰۨار يطلع من كل مكان بجسدي من قوة الضرب .. وكان ماكو بحلكة غير كلمتين

" خاينـة ، ما تستاهلين حبي وتضحيتي "

وهالكالمات جانت تدمر روحي اكثر من الضرب ، مرت مُدة طويلة وهو يضرب حسيتة تعب وصرت ما شوف شي ..

طلع ورگع الباب ورا ، وما سمعن شي غير طگة القُفل .. كل شوي افقد الوعي واصحى من وحدي .. وكان ما عندي غير اسند نفسي بنفسي .. كل شي ما اشوف غير السواد والضوة الخفيف .. نمت وآني مربوطة على الكرسي والبرد اكل عظامي اكل

يومين على هاي الحالة ، انام واصحى

او بالاحرى " افقد وعيي وارجع اصحى"

لا حمام ولا اكل ، ولا حتى ماء .. دخل بعد هاي الـيومين بجيت كل بالي راح يضربني

لكن هو فتح الحبل وكال بصوت مبحوح

ومبين عليه القهر

: روحي للحمام بسرعة ..

رحت اركض مقهورة على نفسي .. اول ما طلعت سلحني للغرفة ورجع ربطني ويضرب لحد ما احس روحي بدت تطلع وهو يتعب يلا يعوفـني .. وهم طلع وعافني

باليـوم الرابع الي بهاي الغرفة ، دخل بحلگة الجگارة ونازع قميصة .. فتح الحبل واشر اروح الحمام .. كمت بسرعة ومن طلعت لكيتة كاعد بمكاني على الكرسي ..

بس دخلت ورفع راسة ، وكانة شاف شيطان وتذكر كل شي صار.. سحبني ونهال علية براشديات قوية .. حسيت خدي انشلع من قوك الكَف .. جان مفروش بالگاع فراش

دفعني عليه ، وبلش ينزع ملابسة ويطبع قُبلات مُتفارقة على انحاء جسدي .. بعنف وقوة ، واردف بصوت عالي

_ صخر : اني تخونيني سُحـاب ، اني وبغرفة نومي انييييي .. ولج بشنو قصرت وياج بشنو كلتي الي خليني على راحتي ولا تجبرني وظليت صابر على الصَّد .. هااااي جزاك تعبي وياج ..

طلعتي تريدين تحافظين على روحج على مود الاستاذ حبيب الگلب .. ليييشششش ولج ليش.. ولج حبيتج اكثر من روحي

اكثر من حبي لاُمي واهلي ..

انتِ دماري ، وكسرة گلبي .. جنتي روحي

وهسة انتِ عذابي

سُحـاب:- گلبي تدمر من كلامة .. صرخت باعلى صوتي من شفتة يريد يشك الدشداشة حتى يتقرب مني .. صرخت لاااا

لا بروح عمو لااا ،، انعادت عليه ذكريات زوج خالتي وروحي طلعت من الخوف .. اخاف من كل الرجال ، الة عند صخر .. وبهذي سوايته حيخليني اكرهة ..

- لاااا صخر لاا ، ابوس ايدك لا

سوي بية الي تريدة بس لا هاي فدواتك

عصب وكام يصرخ :- ليش ماتريدين قربي ولجججج ، بس لا ما خذج احجييي بنت الكلب ، ولج احجييييييي

ما ريدت بس حركت راسي انفي كلامة

كام وسحب السلاح وخلاه براسي

غمضت عيوني واستسلمت لواقع الموت

شعندي عايشة واني بعيدة عن اُمي

عايشة وي انسان بس هو يحبني

بعيدة عن العالم وعن الحياة والُحرية !؟

شعندي عايشة ، اروح يم ابوية احسن

فجأة تبدل هذا تفكيري من مرت كبال عيني كل اعمال السيئة ، سماع الاغاني .. صلاتي المگطومة .. الحجي على الناس والغيبة

الغدر ، راح اموت خاينة ، زين شلون راح اقابل ربي !؟ بيا وجه .. بيا عمل صالح

ترك الصلاة ، لو باقي اعمالي السيئة

عيوني غوشت وحجيت الشهادة بصوت مسموع :- اشهد ان لا اله الا الله وحدة لا شريك له واشهد ان محمد عبده ورسوله

رضيت بالله ربا وبالاسلام دينًا وبمحمد ( صلَ الله علية وسلم ) نبيًا..

حسيتة بعد عني وشمر السلاح بالارض

عيونة اجت بعيوني .. كال بصوت مبحوح

- ليش يا دماري ، يا تعبي ليش

هاي جزاة حبي ، ولج اني ربيتج .. انييي ( سحب نفس قوي ) ورَّد كمل

كبرتي كبال عيني ، حافظ كل زاوية بجسمج

كلبي خلص واني انتظرج تحبيبني

هاي جزاتييي هااييي .. بس الصوج مو منج

اشر على كلبة بحركة ويضرب عليه قوي

: صوووج هذا الكلب ابن ستين كلب

هذا الي وصلني لهنا وياج .. تعبت سُحـاب تعبت من هذا الحب الاكشر.. جنت متزوج ومرتاح بحياتي.. شطلعج بحياتييي

ارتد للخلف ، وسند جسدة لزم راسة بقوة وصار يضرب بالحايط ويصرخ

شبيككك انتَ ، مو وكتكك لا تلتم عليه

لزم راسة وصرخ بصوت عالي

وفجاة ، وكع وبالغرفة بطولة الحلو

صرخت باعلى صوت :- لااااا صخر لاا لا تعوفني

• يَبتع ...

القصة راح تتوقف لفترة من الوقت بسبب ظروف

التصويت ، لاتنسوا ينظر عيني الراح ♥️

الحلقِة الثامنة والعشرون

بقَلمي مريـم علاء

•‏الله يخليني بيك ، كثر ما أنتَ بيه .

سحاب: فجاة لزم راسة موجوع،  ووكع بالگاع بطولة الحلو كبالي .. ركضت باتجاهة مفزوعة صرخت

: شبيكك صخر شبيك، ، يفتح عيونة وبصعوبة وسرعان ما يسدهن ..رد علية بصوت تعبان ممزوج بنترة

- صخر: - ما بيـة شي ..

سحاب بخوف: لا بيكك،  حاجيني شنو يوجعك بس كُلي !!؟

رد بعصبية وتعب: كتلج ما بية شي،  لا تلحين

عيوني ما وكفت من الدمع،  شوي شوي بلش يغمض عيونة ، ويبطل يججي وياي

اردفت بخوف

: صخر حاجيني لا تغمض حباب،  كوم بعد مااخليك تعصب،  شنو تريد تسوي بية سوي،  بس كوم احلفك بعمي .. صخر حاجينيي صخر

بلش يفقد الوعي تدريجيا،  الخوف ترس روحي

وصار يجاوب عليه بكلمة ويغمض

كمت من يمة متوجهة للخارج اصيح احد يساعدني

سمعتة اردف بصوت تعبان ' شُـبه مسموع'

- صخر: - وينن!  بداعتي سحاب لا تنهزمين ولج مالي عيشة بدونج،  لا تسويها تعبان لا تزيديها علية..

الدمع بعيوني صار يتسابق ياعين تنزل اكثر

كعدت يمة وقربت وجهي من اذنة واردفت بحزن

: ما عوفك صخر،  انت مو دائما تكول سحاب لصخر

وسحاب ما عندها غيرك،  وعيونك ما اعوفك

اخذ ايدي بتعب وعصرها بين ايديه بقوة

تركته اريد اطلع اصيح احد ..رد كال بتعب

- حُجابج يابة!!

رديت بحزم:  اي اي .. سحبت الشال وطلعت اركض

المنطقة جانت شُـبه فارغة .. والبيوت بعاد عن بعض

بحيث المسافة بين بيت وبيت حيل كبيرة

والبيوت جانت مهدمة ومنتهية، بيها البـاقي بس هيكل،  وبيها الي باقي بي بس غرفة

وصلت لمكان بعيد حيل عن هذا المكان الي اخذنا الة صخر،واحاول احفظ طريقي ..  شفت رجال بكد عمو ايهب يرش الباب مال بيتة .. تقدمت يمة وحجيت بنبرة بكاء

: فدوة عمو .. رجلي تخربط واني مرة وحدي بلا امر عليك تساعدني بي؟

رد هو باستغراب: منين انتِ يابة! ؟

- سحاب:  مادري عمو هو رجلي جابني واجة كل شي ما اعرف..

رد وهو يرفع حاجبة دليل على الاستغراب وكال

: روحي منا عمي روحيي، حنا ناس نخاف..

شمدريني ما زوجج مسلح!  بعدين اكو رجال صاحي يجيب زوجتو لهينا! ! هذا الفلم بطلو كافي احنة شعب تعبنا من الانفجارات .. والارهابيين نريد راحة

ولا يجي بظنكي ان انا خايف،  لا عمي لاا تعودنا بعد

روحي من هينا ولا تجي عندنا بعد '' لان الكلب خلصان "

- رديت مستغربة ردة فعلة:  شبيك عمو شداتحجي!!

بعدني ما ستكملت جملتي ' دخل وركع الباب بوجهي

تركتة الدمعة بعيني،  وين اودي وجهي هسة

الشوارع فارغة وتصوصي،  والشاب يمشي من يمي يكصني كص ..بس ما يوكف يسمع مني شنو اريد

چا هي هاي الغيرة العراقية الخابصينا بيها!!

تركتهم ورجعت للبيت مدري المُشتمل بسرعة

لكيتة سودة عليه منتهي وعيونة مقفلة ركضت الة مفزوعة اضرب بصدرة واصرخ ما يصحى

عيوني راحت بسرعة على تليفونة .. سحبتة واتصلت على اخر رقم مكتوب" عثمان العضيد"

بسرعط اتصلت بي ' رن مرة مرتين ' بالثالثة رد

كال: ها ولك ساقط

- سحاب..رديت عليه ببكاء: ها خوية اني زوجة صخر ..فدوة خوية صديقك متخربط وماكدر عليه وحدي.  فدوة الحك علية

رد وبين على نبرة صوتة الجد: شنو.. ليس وين الولد!!؟

- خوية احنة مو بالبيت ..

- عثمان: ياا.  عجل وين انتو!!؟

- سحاب: مادري والله مادري. منطقة تخوف ومحد يقبل يساعدني

- عثمان : شنوو!! ' انتو ببيت الحجي عصام

- سحاب:  مادري.  بيت يخوف وماعرف وين بس منطقة شبه مقطوعة

عصام: زين زين ، جايج انتظريني

سحاب:- سديت الخط سحبت راسة بحضني ، سودة عليه كلة بسببي

اني الي تعبتك هيج ، وانت جنت دوم تسندني..

شوي وصل عثمان، حاولنة نشلية اني وياه ماكدرنة، طلع ورجع وياه رجال

شالو ، اني بسرعة سحبت عباتي وطلعت اركض وراهم.. خلة راسة بحضني ورجع قفل البوب وتوجهنا للمستشفى

اول ما وصلنا، اجوي شباب اخذو من حضني خلو بالسديه، انشي وراهم وعيوني ما وكفت دمع .. دخلو لغرفة

بعدني توني افوت .. كال عثمان

:وين خيتي ، انطريني هنا ما يصير تدخلي..

سحاب:- ظليت واكفة عند باب الردهة، المستشفى حيل مو زينة .. نصها مهدوم والردهة بيها اكثر من العدد الي تستقبلة..

اباوع على صخر عيونة مافتحهة

تقرب يمة الدكتور . يحجي وي عثمان بس ما اسمع شنو يحجون ، تركتة وتوجهت بضعف للكراسي، حيلي مهدود

اذا راح من أيدي لمنو اروح .. ما عندج غيرة سحاب ماعندج ..

سمعت صوت عثمان والدكتور فوك راسي.. اسمع الدكتوى يكول لعثمان

:،ادري اخي وينكم عن المريض!؟

حيل تعبان اللزوجة صاعدة عندة .. وگلبة ايضا متظرر ، جكاير وعصبية خاي كلها ترفع نسبة اللزوجة عندة

عثمان:- وتالي دكتور !!

-هاي راح اكتب الكم دواء ، وسحبنة من عندة دم،يبقئ بس يبتعد عن الجكاير

-عثمان:زين دكتور هو ليش مافتح عينة

-تعب وارهاق ، مبين صار ايام لا اكل ولا نوم ، يابة ندري بيكم في خدمتنا بس بالكم على صحتكم..

سحاب:- بس راح الدكتور تقدم يمي عثمان واردف

:خيتي شصاير، ليش هيج !!

-سحاب:بجيت ونزلت راسي بدون رد

كال هو: اذا مشاكل عائلية ، على الاقل كوليلي هو شبي، شصار وياه

سحاب:- والله ياخوية مادري، تعاركنة وعصب ووكع ، لاهو ياكل ولا اني

وصار فترة يعاني من وجع راسة يعني قبل هاي المشكلة..

عثمان:- استغفر الله ، زين نطريني هنا شوي وجاي..

- بس راح توجهت لباب الردهة .. سودة عليه مبين عليه التعب، خال ايديه فوك راسة ونايم صفح ، وايديه الثانية مسحوب منها دم ، جان بعدة بالزي العسكري..

شوي ورجع عثمان بايدة نستلة وعصير

بس قدمهن هزيت راسي نافية

كال:- خيتي بداعة هالمگرود الجوة اكلي

سحبت من ايديه وشربت بس العصير.ظلينا تقريبا بالساعة ننتظر يكعد

بديت اغفي من التعب اكثر من مرة كال اخذج يم زوجتي ارتاحي اني يمة ، بس ماكدر اخلي وحدة ، واني السبب بالي بي

طلع من الردهة يضحك، كال

:- كومي كعد صخر، تعالي شوفي

- فز كلبي ، كمت وراه بسرعة .. شفتة ساند ضهرة على الحايط بس وكفت بباب الردهة شافني وعگد حواحبو ، اشر براسة اروح منا ، بسرعة ابتعدت

شوي طلع عثمان كال..يلا دنرجع ميقبل هنا..

طلع من الردهة ساند جسمة على عثمان، مشيت وراهم وروحي يمة

ركب هو وعثمان بالصدر واني صعدت وراه

صار يحجي هو وعثمان عن الشغل

كال الة عثمان؛- اسمع لك هاي العلاج اشتريته من فلوسي ، خوش بخيري

رد هو بتعب:-انطيهةالك يالفكر لتخاف

عثمان:- لا  ما اريد فلوس واذلك، بس بعد من ادزك على جكاير متاخذ الفلوس تمام، يعني جيبلي بيهن تكة مال جكاير

صخر:- صار يالنـذل صار ..

سكتو شوي ورَّد كال عثمان

:-اييي يابة ام مهدي شبعت بجي عليك اليوم.. وانت حظرتك نايم ومرتاح

-سحاب:- بس كال هيج ، باوعت عليه رفع عينة ورمقني بنظرة من المراية الجانبية ،، بس سرعان ما تلاشت وكأن من يشوف وجهي يتذكر كل شي

عثمان:- انت بشرفك صاحي، شعندك جايب مرتك لهنا ، وين ببيت حجي عصام ، ولك الحيوان ما يرضى يكعد هناك وتصير عندة عزة نفس..

- رد صخر بصوت حـاد:- ما يخصك خر* وين ما اريد اروح اولي خوش!؟

-خوش خوش، هسة راح اخذك يمي ترتاح يوم ورَّد باجر ارجع لهـاي الخرابة

- صخر: لا تظل تمضرط ورجعني للمشتمل..

- عثمان: ولك ما تكدر هناك، وكعت بعد ماكدر اجيك مسافة بعيدة، يلا والله بس اليوم وباجر ارجع..

-سحاب:- بدينا ندخل لمنطقة بيها حياة . عكس المنطقة الي احنا بيها.. لفت انتباهي لوحة عرفت من خلالها احنا بصلاح الديـن .. نزلنا كبال عمارة جبيرة

مبينة جديدة..

اول ما نزلت من السيارة تقدم باتجاهي واخذ ايدي بين ايديه..

من دخلنا للشقة ، استقبلتنة بنت كلش حلوة ، العيون زرق والوجه ابيض حيل

والجسم منحوت نحت ، عيوني راحت على صخر ولاول مرة احس بشعور مو حلو بصدري، من شفتة ضحك بوجهة وسلم عليهت بضحكة

الي يشوفة ولا يكول جان مريض ،

وصل السـرة الي لازم اسلم، حاولت اعدل معاني وجهي عيب ببيتهة وكالبة جهرتي ، الضحكة تارسة الوجه عبالك حورية مو بنت ،،

تسالمو وكعدنا، قدمت عصير وكالت بصوت يخبل :- سلامتك عيني ابو مهدي

عثمان كال مريض شجاك!؟

رد هو؛- الله يسلمج خيتي، هاي بعد كبرنة..

كالت هي :- لا عمي يا كبرت بعدك بعز الشباب ، اصلا الزواج مرجعك ذاك العشريني ، موبالله عليج ام مهدي ؟

رديت واني اتصنع الهدوء:- هـاا ، ايي ايي

كال عثمان:- ديـلا يابة كومي بالشي بالعشاء لان صار الهم 3 ايام بدون اكل

كالت هي :- يبوو ، صار من عيوني

.. اشرت الهة براسي وارفت

:-اخذيني وياج

ضحكت بوجهي وكالـت: يلا كومي

.. مشيت وياهة وعيوني على بيتها، حيل نظيف ومرتب، تحسها مو من عالمنا

حتى بيتها غريب مثلها ..

هي تحجي وياي واني بالي يم صخر . لحد ما كامت تشتغل بدون حجي لان شافتني مو وياهة

اول ما خلصت كالت: خلي هم وحد واحنة وحد حتى ناخذ راحنتة

ودت الهم الأكل مالتهم ، ورجعت اخذتني وياهة لغرفتهة، البيت كوم وغرفتهة كوم ثاني ، الشقة انظف من ايامي

تونا بلشنا ناكل سألتني هي:- شنو الي صاير بينكم !؟

- سحاب:- تعاركنا وهو وكع..

- زين منو الغلطان بيكم !!

-ردَّيت بخجل: اني السبب ..

- باعي عمري، اول شي شنو اسمع ما عرفتة !؟؟

-اسمي سحاب..

- عاشت الاسامي، واني اسمي دنيا ، باوعي سحابة، الازواج لازم يصير بينهم خلاف على طول مدة العلاقة ، واني حسب ما سولف الي عثمان هو صار زمان يحبج ،،

دام يحبج ما راح يعاديج ولا يأذيج..ولا راح يعوفج

- حجيت بكلبي، لعد لو تشوف جسمي شتسوي !!

استرسلت بكلامهة..

هو صح المُنتسب يصير عصبي بسبب الي يشوفة هناك بالدوام ، دواعش والمجرمين والإرهاب،، ووو يعني دمار

صح عصبي بس حنين حيل ، والاهم من كل هذا يحبج ..

اكسبي سحاب، ترى الرجال مثل الطفل

حتى اذا ما تبادلي بالمشاعر وجعلنا بينهم مودةً ورحمة ، يجي الحب وعيونج يجي ، انت بس طولي بالج ويا

- هزيت راسي بأي واردفت

: بس شلون اذا يصدني وما يقبل !

- دنيا: ظلي حاولي ، يستاهل صخر ترى..

- الله كريم ..

دنيا: ادري بالله كريم ، وحاشى ان يكون عكس الصفة.. اريدج قوية وتخلي يحبج اكثر من حُبـة الج ، بس بذكاء

غيري اطباعة على اطباعـج

باعي. اني وعثمان .. حيل تعذبنا يلا تزوجنا وعيونج، بجي وليل وسهر بسبب ابوية ..

هوايي خسرنا شغلات يلا نجمعنا ببيت واحد اني وياه وامة ..

-سحاب: امة !!

دنيا : ايي عايشة ويانة ، بس هسة هي عند اختها لهذا ما شفتيها

.. سحاب الحب حيل حلو ثقي بية وتوكلي،، صخر ما يتعوض

- ان شاء الله ، ادعيلي ..

دنيا: صدك جذب ، بس دعاء عيوني الج..

..سحاب.. كمنا غسلنا المواعين ورجعنا نسولف .. حيل محبوبة هي وحيل حلوة

لو اني ولد جان.. استغفر الله شهل الحجي شبيـة اني وثول ..

.احنة نسولف ندكت باب الغرفة ، كامت طلعت الـة دنيا .. اسمعة يكول الهة

:- يابة كومي فرشي الهم، وخليها تروح يمة ما يقبل اني انام يمة الحيوان ..

دخلـت للغرفة تضحك كالت

: كومي عيني كومي ، ما يقبل ينام يم غيرج .. وتكول اخاف يصدني..

- ابتسمت بخجل وتوجهت للصالة النايم بيها .. ناطيني ضهرة ونايم

ذبيت الشـال ومددت يمة .. بسرعة غفيت وما حسيت بشي غير ايديه الي حاوطت بطني بحنية ودفو ..

صديت وجهي عليه واني مغمضة عيوني حضنت رگبتة وضميت راسي بصدرة

ايديه تحولت من بطني لـضهري .. شدّد قبضت ايديه وضمني لصدرة الدافي اكثر ..

كعدنا ثاني يوم الصبح، كبل كال

: يلا بدلي تانرجع ..

- هزيت راسي بأي،  طلعنا وقبلها دنيا وصتني الف وصية قبل مانطلع .. من اكسبي رضا..خلي مزمن حبج، وهل سوالف

دخلت لهاي الغرفة الكئيبة وتوجهت كعدت على الميز، حتى هو ينام، ، وفعلا من دخل باوع علية بطرف عينيه وراح للفراش مَّدد وسحب تليفونة بحوش بي وصد وجهة ونام.. باوعت لارجاء الغرفة ولاول مرة انتبـه لشكلها والي بيها بسبب المصايب..

جانت حياطين الغرفة حيل منتهية، الرطوبة ماكلتها اكل.. بزوية الغرفة اكو جنطة سودة مال دوام ولادي

مفتوحة والملابس زايعة من الجنطة .. وقرب الباب اكو دولاب،  لا هو زغير ولا هو كبير،

وعليه تلفزيون اقدم من حمورابي وتوت عنخ امون..

والگلوب منتظر احد يكُلة بش حتى يعطل..

عيوني بدت تقفل من النعاس، سحبت الميز ورجيت ايدي عليه وغفيت ماحسيت غير على صوت تليفون صخر.. باوع عليه وهو يحجي واشرلي بعيونة اكوم انام بمُكـانة ..

كمت بنعاس متوجهة للفراش،  اسمعة يحجي بالتليفون عن الشغل،  توني اغفى سمعت صوتة ينده علي

: سحاب !!..

- صديت وجهي عليه : هـاا؟

- صخر: طالع اني،  محاجة اكلج شنو يصير بيج اذا لعبتي بذيلج ..

- هزيت راسي بخـوف ..

طلع وعافني،  جيت احس بالذنب بس نعسانة من اكعد عود اضوج ..

ماكو دقايق وسمعت الباب تنفتح .. صديت وجهي للباب ..شفتة خلة علاكة سودة وطلع بدون ما يباوع عليه .. الي يشوفة شلوم يتصرف يكول اني الي كتلتة مو هو خلص عليه..

لا بس انت هم غلطتي ولج حيوانة.. انت مو حيوانة بس غبية .. ليش لحـد الان ما كلت الة ساهر منين جاب رقم اختـك المصوون !!؟

ليش هو نطاني مجال ابن الخوش زلمة، استلمني دك كتل " مشيت ايدي على. زنودي بوجع"

جم مرة كتلة حركات توم كروز بطلها ،  مايجوز صار هواي ما مجلود .. قصر عمي الله يرحمة ..

الصاك ابن الصاك، اخ يابة جسمي كلة يصيح الله لا ينطيك صخر .. لا لا اسـم الله

" ليش هو  ينلام بية "

اخذني التفكير وغفيت، بس نومة الگشرة كل شوي افز بوجع ببطني حيل عبالك طابوك ..

مدة نص ساعة حسيت شي نزل عليه .. توقعتها راح تنزل علية .. الوجع والبرد كلة يلتم علية من تجيني الشهرية .. اني عايزة !!

زين هسة منين اجيب فوطة!!

ظليت احوم بالغرفة ، دبرت روحي كوة كوة

مدّدت بالفراش بس البرد اكل عظامي،، نهاية سنة ويصير الجو يخبـل من البرد..

شوي حسيت بدفو بس الوجع ما راح ..

دخـل علينا تامر حسني باطلالاتة المُتلألأة .. هذا بالسوك ما اخلي يبيع طرشي .. بايديه علاليك سود

صفنت عليهن افكر ' بأي علاگة الطُبر الي راح يطبرني بي،  وبـأي علاگة الچفن .. شرطت اريدة ابيض .. الافكار هاي بدة عقلي الباطن يصدگها

وفعلاً خفت ..'

اردف وهو ينزع حذائتة(مكرم القارئ)..

: سويلنا شي ميت جوع ..

- سُـحاب: صار ..

سحبت العلاليك وتوجهت للمطبخ .. سحبت بيذنجان شويتة ووياه بتيتة " تلوك لهـل حلگ"

خليت گبالة الصينية .. ياكل وعينة بالتيلفون .. لا بسني لبسة " ماكو منها اني والحايط اخوان"

حجيت بخجل: احمم صخر ..

رَّد بعدم اهتمام:  همم !!

- شسمة،  باوع محتاجة شغلة نسائية

"بس حجيت هيج بسرعة رفع راسة "

ركز بعيوني وكال: هسة!!؟

- سـُحاب:  ايي ..

هز راسة وكام على حيلة .. بس طلع صرخت صرخة مكتومة بسبب وجع بطني.. ' ارتاحيتي حجيتي علية هاي شور بيج يثولـة'

يالله صرت مخبلة وعلي '' لا لا مو صاحية اني ''

شوي ورجع شمرهن على. الميز '' الله ذب عليه المستحة الي مدري منين اجتني،، كضيت عمري مااستحي '' شمعنى هسة!!

رحت للحمام بسرعة بدلت ورجعت لفلت روحي بالفراش، وهو كاعد كبالي يتصفح بالتليفون

غفيت وما حسيت غير صخر فوك راسي ويحجي

: شبيج سُحابي،  حاجيني يابة شنو يوجعج!

- رديت بوجع وبرد اكل عظامي: بطني صخر رااح اموت

- اسم الله يا تعبي .. حيل موجوعة؟

صرخت:  رااح اموت

ابـاوع عليه حار ما يعرف شنو يسوي ظل يلوب

سحبني من ايدي لصدرة وكال

: بوية بيج حيل تكومين لو اشيلج !!

- وين صخر !

- للحمام بوية،  اسبحج بمي دافي حتى يخف الوجع..

- يكولون مو زين ..

- رد بعصبية:  زمايـ* وكلة تمضر*  

اخذ ايدي وخلاها على. اكتافة بعصبية .. اردف

: لزمي عدل ..

قويت كمشة ايدي .. طلعنا للحمام الجو يكص واني احس عظامي يبست من البرد ..

وصخر جان يردد باذني '' اصبري عليه يبوي هسة اذبحة لهل وجع ..

دخلني للحـمام،  عدل التختة وخلاني عليهة

فتح البوري على النچانة باوع عليه بخوف

تقرب مني وبلش ينزعني الملابس ..

من وصل للملابس الداخلية لزمت ايديه بخجل

كال وهو يناظر عليه

- اني وياج روح وحدة .. اني مرايتج

كال هل كلمات وبلش يدير المي فوك راسي،  سارت رجفة بعروكي مثل النتلة من البرد ..

بس كمل طلع جاب فوطة جديدة وكال:

يلا غيري بين ما ادبر الج ملابس ..

كمت واني اسند جسمي على. الحايط بوجع

توني كملت دخل بايديه ملابس .. صفن عليهن ورجع يباوع علية ..

ذبهن على. المغسلة .. وبلش ينزع الي لابسة

تقدم يمي وكال بهدوء

: حبيبي،  جلبي عدل بكتافي خوش

هزيت راسي بأي بدون ما احجي

..بلش يلبسني بكل هدوء.. شلون يدخل ايدي علكيف

باافتحة مال ذراع .. وشلون لبسني البنطرون مالتة

ملابسة حيل دافية .. باوع بعيوني بعد ما خلص وكال: راح اشيلج .. لزميني عدل يبوية ..

لفيت ايدي حوالين رگبتة وضميت روحي بحضنة برد،  خوف، امان .. هذا الحضن يسندني

طلع من الحمام يرهول .. دخل ذبني علئ الفراش وسد الباب .. رجع شمر البطانية عليه

اردف:  دفيتي!!

" هزيت راسي نافية "

رد سحب البطاطين الي معليكهن عود بردة

شمرهن عليه وهم بعدني بردانة ..

ظل يلوب بالغرفة .. عبالك هو عليه الشهرية مو اني..

تقدم يمي يمسح ايدة بايدة الثانية .. شال التل الي فوكاية ودخل دحس روحة يمي .. وسحبني لصدرة بقوة ..

همس يم اذني ..

- هسة يروح البرد هسة،  يدفـو گلبي انتِ، سودة علية ..

هسة هسة يروح ..

يحجي ويمسد على راسي بحينة،، لزمت قميصة قوي بايدي واردفت بخوف

: لا تخليني وحدي صخر،  اماني يمك لا تخليني

رد بهيام:  اعوف كل ناسي وما اعوفج

يا كُلهم .. واغلاهم .. واحسنهم

•يتبـَع ......

يبويي شكثر مشتاقة الكم يا يابة

حيل اعتذر منكم على التقصير .. بس واللع بداية عام دراسي وصار علية ضغط عليه حيل

ومن مرض لمرض .. عيوني ما اشوف بيهن

لازم مناظر يلا اكتب واصحح الكم اخطاء البارت

يعني يحتاج كومة وقت يلا اخلص 1000 كلمة بس .. حاولت قدر المستطاع اكتب بس ماكدر

لهذا قدروت تعبي فددوة.. اتعب تعب يلا اخلص وانتو ماكو اي تفاعل .. يعني عيوني رايحة المن غير الكم!!

+ من تطلبون اطلبو باسلوب حلو ممكن؟

يعني الخاص حتى دعاوي يدعن علية

ليش،  يعني كتبت ظروف قابل هي بايدي

المهم اني بارية الذمة لشكو شخص غلط وتجاوز عاادي .. المهم عندي ما اريد بعد احد يدعي والله الي بية من مرض وضغط مكفيني

حيل احبكم(وانتو ) تحبوني لا !!؟

دُمتم سالمين احبابي ..

صدددك النجمة ولج لا تنسيها( احبج)..😒🥺😔

الحلـقة التاسعة والعشرون

بـقلمي .. مريم علاء 🤍

●ممُكن نختلف..بس نفترك صعبة 'انة وياك سيف مجلب بركبة '' تبعد انذبح تدنى اجلب بيك..مشاعرنا وطن وثنينا بغُربة..

سحُاب :-  فزيت الصبح عيوني على مكانة.. ماليكتة كمت بسرعة واني اسد بقمصلتة من البرد..

باب الغرفة جان مفتوح وجو الغرفة صاير بارد ..اسمع صوتة يطكطك بالمطبخ..تركتة ودخلت للحمام غسلت وطلعت ارهول للمطبخ بسبب برودة الجو ..

الحمام صاير مقابيل الغرفة والمطبخ بصف الغرفة ، لكيتة واكف يكلي بيض وشكلة كلش حلوو .. هو بجهة والطاوة بجهة .. والخاشوكة بجهة ...

_صباح الخير،،

باوع عليه وهو يرد بابتسامة حلوة

: صباح العسل ، ياعسل .. شلونج اليوم ؟

_الحمد لله احسن من البارحة..

_صخر: الحمد لله. بوية روحي بدلي ملابسج .  غلستهم تلاكيهم ورة البيت على الحبل..

بدلي وتعالي نتريك''

_ ليش انت سويت .. جان كعدتني !!

_رد وهو مركز بالطبخ ..

: عادي يابة عادي، هناك بالشغل كل شي نسوي .. وحدنا بس من اجي يمكم ادلل روحي ..

ويلة روحي بدلي وتعالي ، لا عثمان وزوجتة على جية ..

_تمام ..

بس خلصت ريوك .. كمت بسرعة غلست مواعين الريوك والعشة .. وعزلت الغرفة

شوية ودخلو هو وهي .. كالعادة ، الضحكة تارسة الحلك ، وهذاك الحسن والجمال ما شاء الله عليها ..

يوو عاد راح يبدي هذاك الشعور المو حلو

مدري شيصير بية ..من اشوفة يسلم عليها

احس صخر الي وحدي،، بس

اخاف احد ياخذة مني .. احسة حمايتي

ويحميني من كُلهم

اردف عثمان : شلون صرتي خيتي ؟؟

سحاب :- الحمد لله احسن

عثمان :- الحمد لله على سلامتج ..

دينا :- ادري ياصخر.. ياخوية هنا هم باردة

وتغير الحو عليها .. مو كلنا الكم ابقو يمنا

هم على واهسي من انت ماكو ..

رد صخر وهو يمشط لحيتة باصابع ايديه

:لا خيتي هي ما تعرف تنام عند احد .. واني هنا المقر مو بعيد فاداوم الصبح وبليل ابات هنا ..

دنيا :- هاهي لعد براحتكم ..

عثمان :- ولك انتَ الأ تموتها هنا يلا ترتاح !

ساكَمها هنا شنوو ؟؟

صخر بضجر:- احد طلب رأيك !؟

عثمان :- هاا  !!

صخر :- حجي كبار لا تدخل ..

عثمان بانزعاج :- جا نطيني فلوس الدوة ..

صخر :'  كوم برة عندي حجي وياك..

عثمان :- بس لا تغار مني على مرتك !؟

- صخر :- قندرتيش انت واغار منك !!

سُحاب :-  بس طلعو برة ،تقدمت كعدت يمي وكالت : شصار ما صار !!

_ ما صار شي .. وكعت وداراني مثل عادتة

دنيا : فدوة .. يخلي الج شفتي شلون كلت الج حنين "

_ سحاب :- صح بس ما ينسى ، وراح يصدني..

- دنيا :- انت جربتي !؟

سحاب : لا

دنيا :- جربي وشوفي .. واني بمناسبة سلامتج ، جبتلج هذا ..

..سحبت كيس وطلعت منة دشداشة لون فيروزي .. بس مو ملابس حرام

" بقايا ملابس" هااي مفتوحة من الطرفين ، والصدر مو دلع لان من تشوف هاي الدشداشة

تحس الي سوة الدلعةانسان محترم ..

شهكت وسحبتها ضميتها ، واردفت بخجل .

:شنو هاااي عزة !!

دنيا :دشداشة شنو العزة !!

سحاب : لا لا عيب فدواتج ..

دنيا : ليش عيب ولج ؟؟

سحاب : اكلها منةيشوف وجهي يصد عني

دنيا : لج بابا هذا زوجج ..

سحاب : واذا زوجي لازم انزع حتى يحبني!؟

ضحكتةوكالت : لا سحاب هيج مو حلو .. داحاول وياط حتى الىجال ينسى الزعل

بهاي السوالف .. ايدج بايدي

صخر عيونة الج انت ، بكلمة منج يذوب كل ثليج الزعل .. وقربكم بوقت الزعل يخلي ينسى ويبدي من جديد ..

ها شلكتي !؟

سحاب : رديت بغباء وخوف

: والستر !!؟

دنيا وهي تلزم اعصابهة

:وولج بابا زوججج ، حلالج هذاا

سحاب : خايفة..

- اعتيادي هذا الخوف لان متزاعلين ..

سحاب : لا هاي اول مرة تصير ال...

دنيا بصدمة : ليش لحد الآن !!!!؟

- سحاب :- مشاكل دنيا ..

دنيا :- جا الشغل صار احلى

يعني هاي اول مرو يتقرب منج !؟

سحاب :- لا تقرب بس اني جنت اصدة ..

دنيا : حلوو .  اليوم اريد ينتهي الزعل

اليوم اريد افرح بيكم

سحاب :- حجت هوااي .. كلامها طمني وكانها امي .. على الرغم من الشعور الي مو حلو من اشوف صخر يحجي وياهة  

بس البنت حيل محبوبة للامانة ..

دخل صخر كال :- خيتي عثمان ينده عليج

.. باوستني وخلت يمي مكياج كالت

: تحتاجي اليوم ..بس طلعت بدل صخر وطلع للدوام ..اني هم عدلت الغرفة وغسلت ملابسي وملابسة .. شكد باردة بس العيشة بهاي الفرفة وي صخر حيل حلوة ..

مليت وكمت اغفي نمت لحد ما حسيت على صوت السركي ، دخل بايدية صوبة علاء الدين ويتراجف من البرد .. سظ الباب وركع الصوبة بالكاع وصرخ

: شنييي هالبرد يا يابة ..

- ايي حيل باردة ، منين هاي الصوبة لعد !؟

رد بابتسامة:- بكتها

سحاب باستغراب :- بكتها !!؟

صخر:- اي ولج ، خليتهم بتك صوبة

_ خطية ..تركتة ورحت حضرت العشة

اول ما كمل خليت كبالة الجاي

وسحبت العلاكة ورحت للحمام بخطوات مترددة .. خايفة يصدني واتاثر

هو حقة بس مو حقة

وكلت امري لله .. بدلت ومكيجت

الجو بارد مال شغلات سزز هيج

وجسمي .. كل شي المفروض ينستر مفضوح

اني ستحيت من نفسي .. هاي شلون راح اطلع كبالة !؟

طلعت من الحمام بخطوات مترددة واعت بالدشداشة والبرد اكل عظامي

دخلت للغرفة بهدوء .. عيوني مدمعة من الفشلة الي حطيت روحي بيها

كاعد ساند ضهرو على الحايط .. مركز حيل بالموبايل  .. لدرجة ما حس علية من دخلت

قفلت الباب وصديت وجهي عليه

نظراتة جانت علية .  عيونة اكلتني .. وكع التلفيون من ايديه وبؤبؤ عينة انتقل لكل مكان بجسمي وحدود وجهي

تقدم عليه بخطوات بطيئة ومخيفة

وعيونة تتفحصني .. صار يمي اردف بصوت تعبان

: شطالعة اليوم !!؟

رفعت عيوني بعيونة .. غمض قوي وهمس يم اذني

- نزلي عيونج عني " دمرني يبوي "

اخذ وجهي بين كفوف ايديه .. وصار يمشي ايده على وجهي بحنية .. ايديه الثانية التفت حوالين خصري وضمني لصدرة

شالني بين ايديه وهو يردد

: لزمي كتافي عدل ؛ يا كسرتي ويا فرحتي

وياكل شي بحياتي ناقص واكتمل

حسيتة نسة كل الدنيا وصار بس عندي

عيونة تحجي بدل عنة .. نظراتة بيهن هواي وصف

نومني على الفراش وبلش ينزل عليهةبقبلات متفرقة على انحاء وجهي

ويهمس بتعب :- يا حنيني ويا سنيني

يا تعب كل ايامي وجزاتي ،، حيل احبج

وحق الحيل الما بقى بروحي

يا جنوني ؛ يا ثكلي وهيبتي ،

يالجنج سؤال شلونك بعز الفرح ..

انتِ شكو شي حلو صار بحياتي .. ريت الوكت يوكف ويخليني اعيش الحظة هاي وانت بين احضاني .. يالبيج كل افراحي

ولج حيل احبج ، يا نصيبي

.. ظل يهمس اجمل الكلمات باذني.. حبة غيرني .. كلامة يختلف ، بي وعود هو بوحدة نفذها ،، بديت اتفاعل وياه

لكن فجاة كام مني وصرخ

: اطلعي برررة ..

- رديت بخوف .. شبيك صخر !!

عاط وهو يلزم راسة موجوع

:اني شكلتتت .. اطلعييي برررة بنت الكلب اطلعيييي

..اني من شفتة هيج ، سحبتوالقمصلة وطلعت للمطبخ ،، كعدت بالكاع ارجف من ردة فعلة

كرفصت على روحي بس مت بجيت

انييي قوية ،ما راح ابجي لا لا ما ابجي

ظليت اردد هالكلمة لحد ما سحيت على صوت باب الغرفة ينفتح

طلع من الغرفة بملابس الدوام .. نتر بية

- دخلي جوووة بسرعة

- كمت من مكاني بدون رد ، ذبيت قمصلتة يم الباب بدون اي كلمة.. وقفلت الباب وراي

ذبيت الدشداشة ولبست التراك الي جان لابسة .. مشيت للفراش كلبي موجوع منة

بس فتت بالفراش عطرة ترس روحي

بجيت بخنكة واني امنع دموعي تنزل

بس الي بية جان قوي ..

حسيت على شخص يحاول يفتح الباب

كمت فتحت الة الباب ورجعت

بسرعة سحبتي لحضنة.. ضربتة على صدرة بدموع..وخر مني وخرر

صخر :- اششش كافي يبوية انت كافي

- جذاب انت ما تحبني ..

- صخر :- غلطانة هواي ..

حجيت بدموع وقهر :- لعد الي سويتة شنو معنى .. هو هذا حبككك ،انت جذاب

_ كافي ابوية انت ..

سحبني للفراش ، مدد يمي شمر القمصلة وضمني لحظنة اكثر ..

حجيت اني :- صخر ..

_ هممم !؟؟

- اسفة على كل شي ..

- محاجة ، انت روحي

- سحاب :- اذيتك هواي اني ؟؟

- شمحلاها

للاذية اذا منج ، انت دواي يتعبي

- شددت قبضت ايدي على ضهرة واردفت

: لا تخليني وحدي صخر

_ ليش اني اكدر بدونج ، حتى اخليج !؟

_ ضميت روحي بصدرة اكثر وغضمت..

همس يم راسي .. اييي يالحلم ما اتمنى اكعد منة

زينب :- لملمت المطبخ سريع .. البيت الوضع بي متكهرب .. باجي ما تقبل تاكل ، ولا تحجي وي أحد و بتـول من يوم الي راحت بي سـُحابة ما حجت ولا حرف .. ومحد وگع بيها غير هالمكرود حاتم ..

ندكت الباب شفتة من الكاميرا هو ،، كبل سحبت شالي .. دخل يتحمحم

حاتـم :- سلام عليكم ، شلونج ام نور المصطفى !؟

_ زينب :- الحمد لله خوية وانت !!

_ هو منو بخير, لا اني ولا انت ولا اي واحد عايش بهالبيت وآلة صلة بي ..

زينب : صاير شي !؟

_ حاتم .. ابوي عرف شنو مسوية سحُاب ورجع يتحلف آلهة ..

_ زينب : يبووي .. وتالي !؟

_ حاتم : تعبنة يخيتي.. هنوب بتـول منا ..

وسحاب وصخر بالي يمهم.. لا اني مركز بحياتي ولا بشغـلي

_ زينب : كلها هيج هسة .. منعرف وينهم

وخطية حيدر عايف الشغل ويدور

منعرف شبيهم ما بيهم .

_ حاتم : بس لا مسوي بيها شي..

_ أن شاء الله ماكو شي ، انت هم لا يظل بالك .

حاتم : شلون صارت هي !؟

زينب : بعدها ما تقبل تحجي .. وعلى ايدك من وكلتها العشاء .. لا ريوك ولا غدة..

حاتم :- استغفر الله.. بدون زحمة عليج حظري الاكل بين ما اكعدها ..

زينب : صار.. بس راح صبيت توني اخلي بالصينية سمعتة صرخ

: وينكم يمعودينننن !؟

كلبي رجف بسرعة رحت باتجاه صدى صوتة

واشوف الحمام متروس بدم بتـول ..

وشفرة الحلاقة مال صخر بين أيديها

سحبها لحضنة ويصرخ :- بتول يابة

شسويتي لروحج شسويتييييي !!!!

ولكم صيحو أحد يعاوني بيهةة

زينب .. طلعت اركض .. بسرعة اتصلت بي خطية فد يوم ينجلط من ورى هالمشاكل..

طلعت لكيت باجي وبيبي يم باب الحمام يصرخون.. منظر جد مرعب .. وجهة اصفر وحاتم يتراجف... اول ما وصل حيدر

شمر عليه السويج وصرخ

: اركض جيب السيااارة راححح تموت ..

صعدت جبت عبايتها .. عيونة مبين بيها الخوف .. وكل شوي تريد توكع من أيده

هي ناعمة .. ومايعة مثل منكول

اجة سامر ابن عمي الجبير وياهم.وعمو ايهب ما اجة .. باجي تتراجف عليها وبيبي كل شوي توكع ..

شوي ودخل بس حيدر ورا حاتم.. شايلها بين ايديه ، وهي لافة أيدهة حوالين رگبتة ببراءة

الوجه اصفر .. ورسغ أيدها ملفوف بـشاش ابيض .. خلاها بالغرفة على جرباية بيبي

وكعد يم رجلها .. عيونة اكلتها، ونظراتة بيها عتب..

توة اجة يحجي .. كامت وگرفصت

روحها بطرف الجرباية وصرخت

: ماتت مووو.. بعد ماكو سحاب موو!؟

احجيلي حاتم .. ليش هيج ليش ..

تقدم حاتم وسحبهة لحضنة بخوف..

وهي تدفع بي وتصرخ..

ليش اخذوتها مني .. اريد اختي

_ حاتم :- أشش كافي أبوية انت

ما بيها شي وعيونج .. بس اهدي

بتول :- وينها لعد حاتم.. بداعة امك احجي..

حاتم: وعيونج محد يعرف مكانهم ..

زينب. : ظلت تبجي وما سكتت لحد ما غفت على ايده.. طلعت وعفتهم

صعدت لكيت حيدر غافي

على جرباية الجهال .. والتعب

واضح عليه ، سودة بوجهي

تقدمت ودحست روحي بحضنة..

فتح نص عين وضحك.. سحبني أكثر

وهمس بأذني: راحتي أنتِ..

....

بتول :- فزيت الصبح لكيت وجهة بوجهي

ضبط .. نزت روحي لا شال .. لا ظلت

ملابس .. الصدر طالع والدشداشة

صاعدة لخشمي ..

اخترع هو واجة يوكع لما جلبت بايدة

عدل كعدتة وايدة على كلبة اردف بتعب

: صدكك جذبب!! شبيج يابة ؟

_ بتول: شـ شتسوي هنا !؟

_ حاتم:- غير بالي يمج يا عيني ..

خوفتيني عليج .. ليش هيج !!

مو وكت عتاب ادري .. بس اول تالي راح

اعاتبج .. هي هاي هم سواية بتول !؟

ما فكرتي بية .. باختج

امج البعيدة .. باجيتج!؟

عوفج من كلهم .. انت انسانة مؤمن

وين مخافتج من الله عز وجل !؟

- دنكت راسي مستحية من نفسي !؟

- حاتم:- مرة ثانية فكري بينا بتول ..

.....

سُحـاب :- فتحت عيوني .. بعدة نايم

شكلة حلو .. كزكزت عليه بودي أبوسة

نايم على بطـنة ايد تحت بطمة والأيد الثانية ساحبني تحت حضنة ..

ابن ابنـل صاير حلوو..

ضحكت على روحي .. مخبلة اني والله.

فتح نص عين وضحك .. سحبني أكثر لحضنة

وكال :- ليش تباوعين على ولد العالم

ما عندج خوات . . !؟

_ هههههه .. عندي عندي .  بس جمالك سحرني..

_ سزز .. صباح الحُـب ..

سحاب:- صباح الخير ..

صخر : خليني يمعودة ..

ضحكت ورديت كلت : يلا كوم جعت !؟

_ يابة خليني اباوع ..

_ كوم عادد .. كمت من يمة اضحك

رجعت لكيتة كاعد على التليفون

اشر الي امدد يمة .. سحبني لحضنة

وكال :- حيل احبج يبوي ..

صخر !؟

_ هممم!!

_ خلينا نبدي من جديد..

_ شلون يعني !!

_ بكل شي .. نبدي حياة جديدة .. نتعرف

واحد على الثاني اكثر ..

خلة ايديه تحت راسة وابتسم..

: نبدي يابة نبدي .. شعندي ماما دادة !؟

_ اييي نبدي صداقة ..

_ صداقة !!؟

اييي نبدي من جديد .. من نصير اصدقاء

نتعرف على بعض أكثر .حباب !؟

_صخر : صار يابة .. اصدقاء مثل ما تحبين

_ يلا لعد صديقي كوم جيب ريوك جعتت

والله عليك جيب صمون لا تجيب هذا الخبر

الي جنة بلاستك مو خبز

_ صار يا تعبي ..

.. سحب قمصلتو وطلع .. توجهت للمطبخ

حميت جاي ،، متت ضحك على شكل القوري

صغير حيل جنة نوري ..

فتح الباب يرجف.. ذب الصمون وطلع للغرفة

وكف يم الصوبة.. ويدفي بروحة

توجهت للمطبخ اسوي الريوك

جاب الصوبة .. وخلاها يمي بالمطبخ

ادرفت اني :- شجابك هنا باردة عليك !؟

_ عادي .. كل شي يمج دافي

_ ههههه .. شنو متوازي!!

فتحت العلاكة بيها بيض وكم جبن

كال هو .. تدرين شمشتهي !؟

شنو !؟

_ بيض وكرفس ..

_ شني هايي !؟

ما كلتها!؟

_ لا ..

_ دتعالي نسويها.. اكو بصل !؟

_ اييي جبت انت..

_ جيبي .. وطلعي من الكومدي

بهارات.. كرفس يابس

جبتهم وخليتهم گبالة .. بلش يقطع بالبصل

وخلا بالطاوة.. وأخذ كاسة خلة بيها ٣ بيضات

طكهن وخلة فوكهم ملح وكرفس يابس

وكلاهما فوك البصل .. واني بين ما يكمل

حظرت الصينية.. حط الطاوة بالصينية

وكال :- جيبي الصينية وتعالي يبويي

اخذ الصوبة والصمون وراح

واني لحگتة بالصينية

كعد يكسب الصمونة على الصوبة

ويمطگ .. شكل الصينية يشهي

بالاخص القوري..

رَّد كال : اييييه صدك راحة

ريوك، صمون ، وجاي حار وحب حياتك..

_ هااا صخر .. احنـة بس اصدقاء

..

_ دخليني يمعودة .. هسة العملي ممنوع

خليني اتمعن بالنظر شمالج ميبستها

_ عزة العزاك..

صدك صخر .. احنة وين وشنو هذا المكان !؟

_ بصلاح الدين ..

_ زين ليش هيج المنطقة تخوف !؟

_ صخر :- المنطقة هاي جانت

أحد المناطق المستهدفة من قبل داعش

تدمرت.. ومن حررناهة .. رجعت بس العالم الفقيرة والعالم الي تدور ورث ما ورث

_ زين شنو هذا البيت وليش تباتون بي !؟

_ هذا بيت الحجي عصام .. هذا البيت جان مأمن النة.. بأيام الاستهداف

بي اكل وملبس النة .. سبحان الله

من دون كل البيوت .. هذا البيت جان من احسن البيوت واستحملت هوائي شغلات

هاونات. . مفخخات وغيرها..

جان يكول الحجي .. دوم اقرا بي قران

واصلي الصلاة بوقتها ولا يوم يفوت

فرض الـفجر...

_ حلوو .. حجي عصام منو !؟

_ هذا حجي عايش هنا .. عندة الموت ولا يعوفنا .. يكول انتو حماة الوطن شلون اعوفكم .. وظل طول فترة استهدافهم

يجيب اكل ويودي وما يمل

وكل يوم يجي .. ينطينا حافز

ويروح .

- سحاب :- وهسة هو وين !؟

_ يم بنتة .. زوجها عل حدود وبوقت دوامة

يروح يمها..

سحاب:- حلوة بنتة !؟

_ ابتسم وكال :- ما شايف وحدة احلى منج

.....

•يتبـَع ...

رجاءا بدون غلط ولا تجاوز

ترى عندي ظروف والله .. يعني مو بأيدي

مو اغلس لا والله ، بس احارب حتى اكتب

كوني وياي لا ضدي .. انتو بناتي واخواتي

المفروض تعذروني

واذا استمر الغلط .. احذف القصة

لان حيل ضجت من سالفة الغلط

الي يحبوني .. وينتظرون القصة

بأي وقت .. حيل احبكم

وبالنهاية اني بشر

اعذروني عن التقصير ❤️

البـارت الثلاثون √ بقلمـي

مـَريم علاء ""

•ماجـان للموعد فضل " حببتك من

الصدفة..//

-سحـُاب:- صفنت بوجهة واحسة من يحجي يخلي كلبي يرجف .. وبعد صفنة كال هو

- صخر:- سحابة يابة .. داخل اسبح، اريد دياتج الحلوة تحضر الي ملابسي اليوم ..

-صار ..

- چا احبج ""

- يوو صخر ' اصدقاء احنـة ..

- هاي هي .. مثل ما تحبين يا تعبي ''

- سحاب ;- طلعت چبـت ملابسة .. وخليتهم على الفراش .. ماكو دقايق وسمعت صوت قفل باب الحمام طك ..يعني طلع

واشوف واحد مصلخ، وبس التشيرت الي جان لابسة لافة على راسة، الله يُستر على الملابس الداخلية .. سوة المسافة الي بين الغرفة و الحمام خطوتين

دخل بسرعة ورگع الباب، وركض للصوبة يتراجف واسمع بس تطگ طگ سنونة

كال :- اشششششششهه، شهـل البـرد يامُحمد !؟

رديت عليه بصوت حـاد:- اذا انت من غير ملابس تفرفر .. الي يشوفك يكول طفولتك كلها بروسيا ..

ضحك بصـوت عالي .. وكركر من الضحك لدرجة بانـت سنونة، ولاول مرة اشوفة هيج يضحك ..ضربتلي صفنة بوجهة وهو يضحك

شكلة يخبل ..عيونة الي تطب لجوة من يضحك، خلت كلبي يتراجف وشعور حلو يغمرني،، لاول مرة اشوف كل حواسة تضحك

عيونة،، شفافة،، وگلبة

اييي اعرف الي يضحك، من الي يجامل

وهل مرة صخر ضحك.. يمكن يضحك يم

غيري هيج، بس كزكزت عليه خرب

انتبـه عليَّ شلون صافنـة عليه

بلـش يتحكم بضحكتة، وتغيرت ملامح

وجهة ..

سحبني عليه قوي قريب عالصوبـة

وكال وهو يتفحص ملامح وجهي

: هو تعالي، ليش هيج تباوعين

شنو ما عندج خوات ؟

رديت عليه واني ابعد جسمي عنة

: لا ما عندي بس وخر

كال وهو يشدد قبضته على خصري قوي

: دًفيني ..

- شلون يعنـي !؟

- شلون ما تحبين ..

- زين حلني منك، حتى اجيب الك ملابسك

تلبسهم وتدفى

تغيرت ملامح وجهة للانزعاج اردف

:- اني وين وانت وين

حليت روحي منة، وسحب بدلتة يلبس

بيهة، يلبس وعيونة عليه، والضحكة

تارسة وجهة

تقدمت اساعدة يلبس ساعتة

عيونة حاوطتني، ونظراتة ثولتني ثول

رفعت نفسي على اطراف اصابعي

حتى اوصل لخدة، سندت ايدي على صدرة

وطبعت بوسة على خدة

اتسعت عيونة مستغرب تصرفي

الي اني بذات نفسي، مستغربة شلون سويتها

ايديه حاوطت بطني بحنية، ورفعني

لصدرة اكثر .. غمضت عيوني بخوف وخجل

همس قريب من اذني بصوت دافي

:- عشگي انتِ، يا تعب سنيني وايامي

بنيتي الي كبرت كبال عيوني

تربات روحي انتِ ، كُلچ الي وبس مالتي

يا دِفو گليبـي ،، كلها بكوم وانت وحدج

مو بكوم لا، بنص هالگلب الاگشر

الي عاند كل هالكون، ورادج بس انتِ

هيبتي انتِ ..

- سحُـاب:- سارت بروحي رچفة، وذاك الشعور الحلو، حسيت كلبي طار ودكاتة تنسمع،، كلامة حلوو ويخوف

بي نوع من التملك حتى بالحجي الحلو

فتحت عيوني بخوف ممزوج بخجل من

حسيت على. انفاسة قريبة على وجهي

وايديه كلما هي تحاوطني اكثر

.. رديت غمضت عيوني

سمعت صوت تليفونة يدك

كبل هو كال بعصبية : خرب بليسك عثمااان

وظل يدردم لحد ما وصل للتليفون.

خربت ضحك بصوت ناصي

ردَّ عليه بعياط:- هااا زربـ*ن

- عثمان:- ليش طايح الحظ ؟

صخر: -اوقاتك الي تجي بيهن غير

تسوى كل ايامي الي گابلتك بيهن

- عثمان:- اني شمدريني شدتسوي !! هيج تبيع صاحبك، عشرة عمر

- صخر ;- ز*بـة على الصاحب .. انا الدنيا كلها هسة كبالي، وانتو كلكم خسارة

- ولفك اني يزب*لـة! ؟

صخر ;- صير خوش زلمة وفككك مني..

- وصخ،،

-سحـُاب:- سَد الخط بابتسامة

وِ تقدم باتجاهِيِّ بخطوات سريعة

سحبني لصدرة وكال بهيام وعيونة تنتقل

من شفافي لعيون وبالعكس

: يصير اروح للدوام بنص خد !؟

رديت بخجل ;- هــاا !!

- سويتي معروف كملي ..

رديت عليه واني ابعدة عني

; حلني صخر .. دوامك راح تتاخر عليه

- كال بصوت حـاد ; ما اطلع منا اذا. مو الخد الثـاني مطبوعة عليه شفافچ

رديت بجد: صدك تحجييي!!

- اي وعيونج

- صاير كلش انت؟

- جنت عاقل، انت تحارشتي ..

سحاب: مُصّر يعني !!

هز راسة بأي، وهو يكتف ايده لصدرة

تقدمت بخجل وادردم عليه بگلبي

هسة اني شچاني وسويت هيج

هيج احسنلج، يلا اكليها

رفعت نفسي لجهة خدة الثاني، بستة

وبعدت نفسي بسرعة ..

كال والابتسامة اعتلت وجهة

: اييييه هسة الواحد الة نفس يدوام

يلا يا تعبي، بالج على. نفسج

واذا محتاجة شي كليلي قبل ما اروح

- بس سلامتك ..

ابتسم وكال:- چـا سلامي وكل اماني يمج

ادعيلي ارد سالم .. يا سلامي

- بحفظ الماينام، يحرسك ويحميك

- يا ريت، كل سنيني الراحت وياج

يالله في امان الله،

سحاب: - اول ما طلع، ركضت للحمام اغسل وجهي، لان بديت احس النار صارت تطلع من ذاناتي، خرب يومك صخر على هالسالفة

هي مال حب بهـل الزلگ الي احنـة بي

مدري منين اجاني واهس انظف

ولا مو هذا التنظيف العادي، هذا الي نسوي

بس من نريد نشيل زوالي وبالعيد

لحد هسة اتذكر من امي تكلي

البنكة مال مطبخ الي كالت نظفيها

نعم عزيزي المشاهد، المراة العراقية

تجيها فترة تكلب البيت. ، وفترة انقلاب بالبيت

كنست ومسحت، مسحت الميز وكنتور حمورابي،، بديت من الـ10 لحد ما صارت الـ2

طلعت خيستهم .. المطبخ والمغاسل

هي الندارة تجي بين سنة وسنة

گلت خلي استغلها دامهة عندي اليوم

بس كملت لفيت راسي ونمت

كعدت كلت اسوي شي قبل ما يجي

بس شسوي، سوال حيل اكرهة

انفتحت باب الشارع .. دخل يقفل بقمصلتة

من شـدة البرد .. يمشي والهيبة الي بي

تنفرض على المقابل لا اراديا

جسمة، چتافة العريضة ، شورابـه

ونظراتة الحادة .. وكل شي بي يخليك

تحسب الف حساب حتى. تكلة

شتريد عشة .. خفت ينحرني

دخل للمطبخ من شافني، كال يتراجف

: يبـُا اشتاگيـت ..

- لحگت تشتاگ؟

- كل ثانية تمر بعمري مو يمج .. اكبر خسارة عندي. .. تعشيتي يبوي !؟

- هــاا، جيت اكلك بس خفت

- ليش الخوف !؟

- مو لان تعبان ..

صخر ;- حاجيني اگلتي! ؟

- لا غير انتظرك .. اشوف شنو تريد

-يبوي انة اكلت هناك،،

- تحجي صدك، واني ناطرتك؟

ابستم بمكر ورد كال:- عادي يبوي

سوي اكل وياج، وبعد من اكل برة اكلج قبل ما اطلع ..

- تمام هسة شنسوي اكل؟!

- صخر: شعندج بالثلاجة انتِ

- هو الي انت جبتهم .. تريد شي معين!

رفع عيونة لفوك وكال:- مشتهي خبيطة

اردفت باستغراب: هسة !!

-اي ..

- خوش اسويها الك ' وناكُل ..

- ديلا وياج اخلي .، قابل اخلي مريتي وحيدها

ابتسمت بوجهة وسبقتة للمطبخ

سوينة الاكلة الي جانت عبارة عـن "تمن وخبز ومرگة،، اخذت سراحية مي ورحت ورا

خلينة الصينية وگعدنا نسولف

: صخر احجيلي عنك اكثر!! ما اعرفك

هواي اني

رفع حاجبة بغـرور وابستم: افــاا،

بس هاي ماي عيوني الج

سند ضهرة على الحايط، وسحب باكيت الجگاير .. عيونة تركزت علية

- صخر:- واحد يحب وحدة ثولة ''

فتحت عيوني بصدمة .. ضحك هو

وكال:- صخر الي وياج هسة .. هذا صخر

الصدك صخر " يعني بس يمج اصير

شفاف مثل الچام ومو متقـصد، لا بس هي روحي الخلصانة يمج ترد ترفة ..

-زين الي تسوي، وهذا الحب، شلون وصلت الة يعني ' انت تفهمني مو!؟

ابستم ورٍَّد: فاهمج يتعبـي

باوعيني بوية، قبل ما شوفج ايامي

الوحيد الي جان مختلف بيها التاريخ

من طلعتي بطريقي، كل شي تغير، الدنيا

فجاة صارت حلوة

2003 /12/30 ليلة جمعة على سبت

جنت توني داخل المتوسطة، والشوراب

بدت تخط مثل سير النمل، بوجهي

شايل خشمي، وجهال المنطقة يخافون يجون من بابنة، جانوا يكتلون بحيـدر ويشردون

وهو الفاهي يفوت يبجي ويصيح

" كتلوني جهال المنطقة "

يجي يفازع بية، شلون انة اخو صخر وانكتل، واني الاغبر جنت اطاوعة،

وباخر يوم من سنة 2003 الگشرة على

الشعب العراقي .. بسبب القصف وطالبان

كاعد كبال باب البيت، والجگارة بحلگي

ادخن اتلفت اخاف يطلع ابوي

طلع الي يزاگط من يوم يومة ' حيدر '

كال: صخر، ولك صخر ..

سحبت الجگارة وخليتها ورة ظهري ورديت

بـنعم !!

حيدر: - مرت عمي جوة جتها الطلگة، امي تكول خل يجي ياخذنا لمستشفى قريب

-صخر ;- ليش هي حامل؟

-حيدر:- خاس عود انتو نفس البيت وما تعرف

-صخر:- ليش هو ابوك وعمك مخلينا نفهم

شي من ورة هالمشاكل..

هسة هي وين! ?

- جوة ناطريك تعال ..

اخـذتهم وانفش بريشي .. صرت جبير وبعد ما يطلعن اذا مو انة وياهن .. وناسي المرة وراي تصرخ من الوجع ..

والله شوي واسمع صوت طفل يبجي

.. حيل تشوقت اشوفـة، طلعت امي بأيدها

كمر صغير '' قطعة لحم بيضة وبيهة حَمّار

يخبل .. صفنت بوكتها

رجعت للبيت مدوده .. وتفكيري بهاي الطفلة

الي نورت حياتنة والبيت راح ترد بي الروح

اجت هالبت ونورت بيت الـ عۣۗہلي

ظلت المشاكل .. بس انة جنت اتهرب من واقعي من اكعد اناغي هالطفلة

كبرت اميرة الـ عہليہ ، وكل ما هي تزيد

حسن وجمال .. اتخبل من اشوف حيدر

لو غيري شايلهة، روحي تشوط

احسها تخصني هالطفلة

ايام قليلة ورجعت المشاكل ، وبيومها قرر عمي حارث الله يرحمة يطلع

لان ابوي الله يرحمة حيل ضغط عليه

قرر يروح، وياخذ روحي وياه..

كل ما افز الصبح، اشوف باجي تلم غراضكم

دخلت للغرفة من شفتهة راحت للمطبخ

اخذتها بين ايدي واشم بيها قوي

كبرت وراح تروح من يمي

بعد وين اروح اذا رحتي، بعد وي منو

احجي من اعوف جماعتي حتى اللعب وياج

يا بوية من راحت، تمنيت يبقى عمي

وتبقى المشاكل، بس المهم صوت ضحكتها

بالبيت من تناغي الهة باجيتي كريمة

صرت وحدي من بعدهـا ' او بالاحرى رديت لوحدي .. لان اني من يوم يومي وحيد

جانت الجهال تخاف مني لان جبير وعصبي

مرت سنين وهي ببالي

كبرت .. وتزوجت، وهي على بالي

من ايست قررت اعيش حياتي

اخذت زهراء .. ما سالت ولا دققت

حاولت احب . بس مگدرت ،، بحكم شغلي

حياتي عادية،، بزواجي جنت مرتاح

بس على. الرغم من كل خلاف بينة

هي جانت الي تخليني اهدأ

قبلت بيها " لان خوش بنوتة ''

انة موش مگـرن لجل احجي على وحدة، جانت بيوم من الايام عرضي.

بس طباعنة تختلف، انة دمي حامي

وسالفة الطفل طبعت ببالها

وبـعد ما أيسـت من حملها

كالت الي: صخر تزوج، اني ما مني جزّة

انة ما رديت وغلست بمزاجي ..

لحد ما يوم من الايام خابر عمي ايهب فرحان

ويضحك: بيت عمـك يردون يردون يمنا

امشينا نجيبهم ..

ما فرحت، جن نسيت انتِ وياهم

رحت يبوي، وشفت وحدة جنها گمرة

شعرها الاسود چنة سواد الليل طالع

وكل هذا اني اعرف انتِ نفسج سحابي

بنيتي .. بس خايف تطلع مو انت

مشت بينا السيارة، وذاك الشعور الحلو

نفس الي حسيتة، من چيتي للدنيا

وترستي ايامي الفارغـة ..

وياااا بوييي يا سحُـاب من دريت بسالفة

الكلب زوج خالـتج، ليلتها زين عيوني غفت

وثاني يوم نطيتة استحقاقة واستحقاق

ابو وعمامة ..

سحُـاب:- صدك صخر '' شسويت بي !؟

باوع علي ورفع تك حاجب وكال بانزعاج

: ما يخصج ..

صرت حتى البيت اخاف ادخلة

جانت النظرة حلال، وابن عمج تخطاهة

ودخل بالـ سابعة عشر

وصار الدوام بيتي الي يبعدني عنج

لان الغلط ركبني من ساسي الراسي

حست زهراء، وبدت تحاربج انت المكرودة

حجيت الهة، انة ناوي اتزوج

لاجل روحي تفور من اشوف كلها تحجي

وياج، وتكول حروف اسمج بشفاهةعادي

وانت الج مكانج، وان شاء ربي اعدل بينكم

ما ضاجت وكالت: براحتك

صعبت السالفة عليه من رفضتيني

لا خليت امام '' لا مرقد ما زرتة ونخيت امامـهُ ..

اني تالي عمري، اسمع اغاني واصفن

بلشت احب الشعر، انة ذاك الي ما عندة

وكت يحك. راسة كعد يضرب صفنات من وراج..

لكيت كل حرف يحجي الشاعر

يوصف معانيج ، صرت اني اناقض نفسي

وگعت وگعة، ترس على وجهي وحبيتج

- سحاب: - حرام اذا رفعت راسي

خدودي احس نار تطلع منهم

رمقني هو بنظرة، ضحك وفتح دزاعة

وكال:- تعالي، دفيني وادفيج

سحبني لصدرة وهمس

: هـاا، عرفتي ليش احبنج؟

هزيت راسي بخجل ..

...

زينب:- فاتحة هل ثلاجة الگشرة، اريد اقرر

شنو الغدة .. كل شي اكو

بس اني مالي حيل

واللع دحت بدون بتول وباجي

اخر شي قررت اسوي تبسي بيذنجان

توني اكشر .. دخل حيدر يضحك وفرحان

كال: زنوبة، امي وين؟

رديت باستغراب: ليش ..

- صخر اتصل عليه ' وثنينهم بخير

زينب بفرح:- الله عليك .. الف الحمد لله ربي

روح باجي بالغرفة كعادتهة ..

راح الهة وما اسمع بس الهلهولة مالتهة

طلعت من الغرفة تارسة الوجـه

صعدت بسرعة لهل مكرودة الي، عطلت

من راحت سحاب لليـوم

بتول، ولج بتيلة ..

كانت مددة. كامت مفزوعة

- بتول:- شبيـج!!

- زينب:- بشارة حلوة .. سحابة وصخيران

عكب باجر رادين

كامت على. حيلهة واجت لعندي

: الله عليج، يعني ما بيها شـي، عايشة مو

- اي وعيونج،

- الف الحمد لله ربي

زينب:- نزلنا واشوف باجي كاعدة وي حيدر

بعد فترة انقطاع، لان حابسة روحها والضحكة

شاگة الوجـه ; وتحجي ومنطلقة

مروة:- يوم الاحد اسوي برياني.. ودولمة

ونوصي كباب، واسوي دجاجة بالفرن

لان صخر يحبها ..

وانت يمة مشتهي شي. !?

رد حيدر بانزعاج: يمة السفرة ترستيها

لصخير .. وين تخلين اكلي! ؟

مروة باسف: يمة بس لا تغار من اخوك؟

حيدر: لا يمة عادي، الحياة حلوة

صار اسبوع كامل انت متحجين وياي

وعايفتني بدون اكل ' ومسوية حداد

واليوم ردت الروح بيج، ليش اغار

مروة بحدة:- ولك يمة انت كلكم نفس المعزة

حيدر:- سمعتهة، من جنة بالثالث ابتدائي

من تسوين 3 لفات لصخر والي لفة

يمة ليش ' جنت تقشمرين عليه

بحجة " اخوك جبير يحتاج اكثر "

- مروة: لا تحجي هيج يمة، اني عندي غير صخر وانت بالهدنيا؟

: ليش قدمتي على اسمي .. فهميني!

مروة: ولك شمالك

- اني اعرف ليش هيجي يصير وياي

مروة وهي تخلي ايدها تحت خدها

; ليش بالله

حيدر بحزن: لان اني الوسطاني

وهذا تسلسل دمرني ..

...

بتـول: واگفين اني وباجي وزنوبة

نحضر للغـدة، حيل مشتاقة لـسحابة

ندگت الباب دگـة خفيفة

مروة:- فوت يمة حاتم

- بتول:- دخل وعيونة تسلـطت عليه

كال:- شلونكم يابـة؟

ردت باجي وهي تغسل بالدجاج

: احنا بخير يمة، واذا تقصد على العالم

فهم بعز الخير

.. عيونة اجت بعيني كبل نزلت راسي

اردف هـوَ: شلونج بتول، شلون صرتي

رديت بخجل: الحمد لله زينة، احسن

:الحمد لله

فكت باچي حلگها باستغراب

كالت بحـزم: شهل سلام البارد

عبالك بعدكم بس ولد عم .. انتو مخطوبين يمة، تباوسوا، تحاظنـوا

شبيكم مثل الاخوان ..تقدمي يمة بتول

بوسي خطيبج، صار 3 ايام دوام

وانت حاتـم، شنو ما اشتاقيت لمريتك؟

حگ حاجبوا بدلال التوتـر، وابتسم مجاملة

دفعتني عليه بخفة، بس اني مايعة

كبل وكعت عليه، لزم ايدي بقوة

: على كيف باجي

- مروة: جا اذا تخاف عليها، خذها بين احضانك يا يمة

رفعت روحي بخجل وبست خدة

، مدري شنو الشـعور .. حلو ومـو حلو

ردت كالت باجي: اخذها وروحوا بالصالة

اعلمك اني يحظيي،

اخذ كف ايدي بين ايديه، ومشة بية للصالة

اول ما دخلنـا، سحبت ايدي منة

شتت نظراتة مني وكال

: شلون صارت ايدج !

- زينـة

: بيج شي! "

; لا، ،

: ليش هالبرود؟

بتول: حاتم لا تنسى احنة شنو

ولا تعلقني بيك .. وانت رايح اذا ممكن

حجيتها برجفة، لان تصرفاته تدل على. هذا الشي

اردف بعصبية: ليش شنهو الي بينة

- حبيبتك .. ووعدك الهة، لا تنسى

واتمنى تحجي وي الكل، حتى يبطلو يقربونة من بعض ..

رد وهو يعگد حواجبة: يعني انت رايدة هالشي

- رديت ببـرود: انتَ الردت،..

وخلينـا ننهي كل هذا ' لان محاجة بعد نواصل بي..

بلع ريگة بعصبية وكال:- عمج حد سنونة بعد

السالفة الاخيرة الي صارت، يعني ايسي

من هذا الشي

بتول: ايي لشوكت نظل هيج، انت تريد تشوف حياتك، عمرك شبقى بي؟

حاتم: احـد شكالج، احدد كالج

شوكت اجيت كلت الج اريد اتزوج، لان كبرت من وحدج حسبتي عمري وقررتي لازم، اتزوج

بتول بخوف:- اني هم اريد اشوف حياتي

ما مجبورين واحد يتحمل الثاني ..

فتح عيونة بغضب، تقدم يمي ولوى

ايدي ورة ضهري وصرخ بوجهي

- عندج شي ست بتول!!

- اوويي وخر ايدك ، داتأذيني اريد اشوف حياتي .. بعيد عنكم كلكم، مو شرط حب

نترت ايدي منة بعصبية، والدمعة صارت بطرف عيني،

شتـريد هسة انت ..

نـتر بعصبية بوجهي: ما اريد شي ، شوگعني بهل طيحان حظظ انييي؟

دفعني وطلع برة الصالة ينافخ

دخلت عليه زينب تسأل

: شبيكم يمعودة.. طلع الوجه ما يگصو السيف ، شجرالكُم 'بعدين شنو هالكلام هذا

ليش مـحد بينا يدري !

رديت بـقلق: يا كلام. !؟

زينب: كال يريد بهالشهر ، تسوون العرس

شكلة بعد ما يستحمل حتومـة ...

•يـَتبعُ ....

هذا البارت لخاطركم ، على الرغم من اللود الصاير وياي بالدراسة،

وعلى الرغم من ان الاحد عندي امتحان رياضيات والاغلب يعرف شنو معاناتي ويا

كتبت الكم،

مقصرة وياكم صح، بس انتو هم طُلاب مثلي

لهذا، اعذروني عن اي تقصير

النجمة لا تنسوها يمة

احبكم حيل 🥺😘☹️❤️

الحـلقة الواحد والثلاثون ..

بقلـمي ♣مريـم علاء ♣

يكول'' وتالي تعذبت ياربي بيها

مزاعلها واريد ارجع عليها

مو بيدي جبان بهيج حالات

انطي بروحي بس، ما انطي بيها

اهددهة بـ بسيط وهسة اراويج

شراويها الدمع اليصب عليها

مو حب هذا بالقران تعذيب

زلمة اني وصرت جاهل بأديها

سحاب:- فرحانة حيل، واخيرا راح ارجع

صح مليت، بس الغرفة وي صخر حلوة

وبدونة تخنك هواييي

بعدني الم بالغراض دخل هو مبتسم

: ها حبيبي خلصتي؟

: اي هذا كل شي بهاي الجنطة

من غراضك، وغراضي

باوع للجنطة الي بقت بالگاع باستغراب

وسأل: لعد شنو بيها هاي الجنطة؟

سحاب : بيها ملابس اعتقد مو الك

وكم غرض ناخذ نذبـة بالطريق ..

رد وهو يفرد اطراف شواربة

: والدشداشة؟

اردفت ناسية: يادشداشة !!

ضحك وكال : الفيروزي ..

خزرتـة ضايجة وحجيت بحدة

:شتسوي بيهاا؟

: النـا بلكت يبرد الخصم منا لحد ما نرجع..

- صدك تحجي؟

- صخر: حلوة عليج يولي لا تخليهة

رديت بغـرور بس ظاهرة عدم الاهتمام

: ادري،، اني الي احلي اللبسة ..بس عيب اللبس هاي كبالك..

رد بضحكة ممزوجة بشـقاوة

: لك امووت بالثقةة الطاغية اموتت

بعدين تعالي ولج يا عيب. زوجج اني ترى

- لاااا. احنا شتفقنا، واحد يتعود عالثاني

يلا، ، نبلش بمرحلة الزواج

وهـاا خاف ببالك تقمشرني ، مثل المسلسلات

الهندية، وعود نوصل لثاني يكوم يحبها

نظل اصدقاء لحـد ما كل واحد يتعود

على اطباع الثاني، وما جان عدنا فترة

خطوبة ، لاجل نتعرف . لهذا نعتبر

هاي المدة فترة خبوطة سالفة حيدر

رد وهو يكتف ايديه لصدرة، عود يستمع بتركيـز: صارر، اوامر بعد يا تعبي؟

-اردفت متفشلة: خجلتني بردك الاخلاقي بصراحة ..

ضحك وكال: اعجبج بابا ..

توجهنا للسماوة وكلبي مرتاح

واحس ما خجلانة اوگف كبالهم بعد هذا غلطي، لان هالناس مرايتي، ما فد يوم حسسّوني اني على غلط

او لاموني على شي، لهذا مطمنة

واحسهم مثل ام حنونة، ماكو شخص من اطفالها يظم عليها طبع يستحي يحجي

او عمل مو زين

...

اول ما وصلت استقبلوني ذاك الاستقبال الحلـو، وذاك الوجه السمح، والفرحة

باينة بعيونهم، وشحلاتـهم،

دمعت عيوني، حتى الهنود ما سوو

السوه عيالي، عزة بنص الموقف هذا

حصرتني الضحكة، شوكت ابطل هالسفاهة

ما ادري ..

توني كعدت ندهني صخر وهمس

: خل نصعد تعبان ..

:رديت بفرح: اصعد نام شعليك بية

صك سنونة ورد همس

: تصعدين كبالي، لو اصعدج دفرات

اردفت بخوف: لا لا خليك ريلاكس

دخلنا للغرفة، مرتبيها ونظيفة

وتسوي واهس واحد ينام ويشوخر

خرب نعست، ذبيت الجنطة واردفت

: ونبي بيها خمدة هسة تخبل ..

رد علية وهو ينزع ساعتـه

: اييي، شايفة هالجرباية، راح تشهد معارك ومطاحن كبيررررة ..

وهاي المعارك، دوم العدو بيها رابح

والخصم، الله يعينة على ما بلاه

: فتحت عيوني كل كبرهة من كلامة ، الي ما فهمت منه ولا حرف، بس دام كال جرباية

يعني شي سزز ..

صاير مو خوووش صخر!؟

ضحك ورد: هي هذا العاشق الولهان

: لاا غلطان، هذا مو عاشگ ولهان

هذا عاشگ طلع عن الطريق ونرطم بسيارة

بيها كتاكيت ..

عفتة ودخلت اغير ملابسي واسبح

احس روحي متروسة خيسة

طلعت لگيتة يصلي، فتحت الجنطة

وبلش اعزل الملابس الي بالجنطة

لكيت الدشداشة محطوطة وياهن

بس اتذكر اني شمرتهة ..

كبل رفعت عيني عليه

.. جان يسبح ويباوع عليَّ مبستم

: انت خليتها مـوو ..

رد وهو يناظرني: اييي، عبنهة هدت حيلي

بذيج الليلة ..

رفعت حاحبة ''دلالة على التعجب "

: فد مرة صاير عزززة !!!

كام من السجادة وتقدم بأتجاهي

بهتت ملامحي، هسة يسطر راسي

ويخليني امشي واتطوطح

شلون سالفة هااي هنوب ..

عيوني صارت بعيونة كبل نزلتهة ..

اردف هو: عينج خليها بعيني ..

مارديت عليه كال

: مو احاجيج يبويي

رديت بدون ما ارفع عيوني

: هـاا

: اشوف عيونج يابة

- غمضت عيوني ورفعت راسي

سمعتة كال بنفاذ صبر

: هاي شلج بيهة ..

: چـاا شتريد ..

فتحت عيوني لان طول بالرد

لكيتة صافن بوجهي ومبتسم، سألتـة

شبيك؟

- اروح فدوة للبغدادي، الي يكول ال چـاا

هم حسن بغدادي وهـم چـا، يابة رأفي بحالي

تقدم يريد يلف ايديـه حوالين خصري

جيت انهرم، بس لگفني ابن الخوش زلمة

رجعني لصدرة، بحيث ضهري صار على صدرة الدافي، وانفاسـه لفحت رگبتي

جسمي كزبر من الخوف

مدري من الخجل، تاهت علية

وكلبي احسة مسوي حفلة من كثر ما دگتة. قوية واطرافي احسها يبست من الخوف

وبردت، وكل هذا صار بعشر ثواني بس

حسيتة يمشي خشمة على رگبتي

كبل عطت بصوت عالي

: صخررر ''

شدَّد قبضت ايديـه على بطني اكثر

وكال بصوت حلو : عيونةانتِ!

-مو جنت تصلي حرام ، هيج تسوي

- ليش قابل صاحبتي انتِ ، چـا غير مريتي

- وخر مني اريد اصلي ..

رد عليه وبعد مستمر : صليتي شفت عبايتج

- زين جوعاانة ..

لفني لوجهة '' رفعت عيوني وحجيت بخجل

: هااي عود وصيتك، " اصدقاء "

:كل شي وارد ..

كوة حليت روحي منة، صخر ويچلب بعد

نزلت الدرج اتطوطح، مادري شمالي فاهية

هـاي غير صداقة هاي، مابقى شي بس يحبلني ..فاسد

نزلت لكيتهم ينگلون بالسفرة، بلشت انگل وياهم وصخر يتلاگاتي يرتب للمواعين على السفرة

وكعادة عراقية بكل بيت، لازم نكعد كلنا

يلا يتذكرون سراحية اللبن

كمت جبتهة ، باوعت بصخر ياشر الي

اكعد يمة .. توجهت يمة اول ماكعدت همس

: ايي هسة صدك غدة،

سحاب: ليش هو شنو جان؟

رفع حاجبة وزفر نفس بضجر

: ريوك، اكلي يابة اكلي انت مال رومانسية انتِ ..

تونى بلشنة ناكل، نركعت باب المطبخ بقوة

حيدر جان يشرب اللبن، ذبة كلة من الخرعة

دخل عمو ايهب دون احم ولا دستور

باجي بسرعة غطت روحهة بشالهة الي مينزل

من راسهة بس من تاكل،

دخل يباوع عليه بحقارة كال بعياط

: هـاا، خانتك بعد شتسوي حتى تذبحهة

مو كلت الك نذبحها ونطم عاري وعارك

سحاب: لا اراديا ضميت روحي ورة ضهرة

كتف صخر ايديه لصدرة ورد ببرود

: خلصت؟؟

رد عمي بعصبية: انت ما تسحتي!!

- صخر: منو الي ميستحي؟ منو تهجم

ودخل يرگع، هذا الباب اذا نكسر انت تسوي الي هاا .. بيت الة حرمتة تدخل هيج

جنك داخل لملهى شنووو

ايهب بعياط: فوك ما اصحيك على زمانك

ولك هاي مسويتلك عمل وهيج عامية عيونك

ضحك صخر بصوت عالي واردف

: لا عااد عمي، اترك عنك سوالف النسوان هاي .. وخلي الك شوي هيبة ، انت شيخ

- ايهب: ما متربي، وسافل

صخر: رحم الله والديك ، رأيك بية ما يهمني

وسحابة مريتي انة، شنو تسوي او يصير وياهة، اني الوحيد الي حق احجي ..حياتي وياهة محد يتدخل بيها

ايهب: انتظر تسوي الك الاكبر منها

واذكرك عود ..

- صخر: الله كريم هسة، توكل

سحاب: طلع يصرخ ويدردم ، محد رجع ياكل

اني هم نفسي نسدت، هذا عمي وهيج يعيرني .. فعلا مثل ما كال

ما الي غيرة، محد يحبني وصريح وياي بكدة

وكفت باالمطبخ نغسل المواعين اني والبنات

وكفت وي بتول على المواعين وبالي يمة

اكيد هسةضايج

وزنوبة

تنظف الكاونتر، ومسحت الصالة ..

كالت بتول: سحابة، الجاي صار

صبي الهم فدوة، اني اكمل المواعين

فرصة واجتني، صبيت بسرعة ورحت

انطيت لباجي وبيبي، ولحيدر

وخليته هو اخر شي، عينة بالتليفون

ومبين عليه ضايج.

اول ما وصلت يمة، ابتسم واخذ اتسكان الجاي وكال: ايي تسلم ايدج

'' بالعافية

تطمن كلبي، ورجعت للمطبخ فرحانة

يعني ما ضايج مني ..

اول ما دخلت جانت زينب تغسل فواكه

سالت باستغراب: هاي المن؟

زينب : مايعرفون، لازم ياكلون فواكه

سحاب: عزة ' اني الاكل راح يطلع من خشمي

زينب ; ياهو اكل هو، عمج سد نفسنة

دخلت نور بنت حيدر للمطبخ تركض

وتصيح: ماما .. ماما .. سويت طخية

نطيت اني: شنو هذا اكلة شربة؟

بعد عمج جواعنين انطينيا ..

ردت هي بطفولة: ياا ثحابة (سحابة)

عيعع، شنو ما عدكم عم عم ..

شلتهة ابوس بيها،

: اعرف يروحي انتِ، اتگشمر معااج

اردفت زينب: اييي احجي وين رحتوا شسويتوا !! شصار ما صار

كل الاحداثيات تحجيهم، بالج تضمين شي

رديت عليه بنفس نبرة فرحتهة

: يااااع، چاا غير جاي وجذب

ءءاقصد جاي وحب، حتى نحجي عبن عيب

زينب: شغلات عيب، حمستيني ولج. ..

سحاب: لااا، البيت دة طاهر، وهيفضل طول عمرة طاهر، عيب عليج

زينب: ديلا، ينامون ونحجي .. بالغرفة

يم بتول .. لان بيبي كامت تنام عند باجي

علمود الصوبة الزيتية، لان النفط يخنگها

بعدنا نحجي سمعت صوت صخر

كال: يلا سحابة، امشينا ننـام نعست

- جيت اكول الة اصعد شعليك بية

بس مو مال سحلة ما بية حيل

: اصعد انت .. جاية وراك

زينب: ايي عيني، ميصعد اذا مو انتِ

رديت بغـرور: شعبالج لعد، اوكسجين الغرفة اني ..بدون زيج رجاءٍ ..

بتـول: ساعة 3:00 اذا ما نزلتي لاتجين احسن.. مو زينب؟

زينب: اي صح، يلا انصرفي

عفتهم وصعدت ادبج، احب اكعد يمة واسولف ويا، بس هو فاسد حيل

جان كاعد على الجرباية، مبين ضايج

بلعت ريج بخوف .. سترك ربي

هالمرة يا عين راح يزورك !!

سميت بالله، وجلعنا من بين ايديهم سدا

ومن خلفهم سدا فاغشيناهم فهم لا يبصرون

.. كون توكع عليه البنكة وينقهر علية

حال الضيم حالج، مكرودة يسحاب

رفع جاجبة وهو يناظر عليه من فوك لجوة

يمكن ديحدد يا حزام، زين اني شعلية

سالتة: شبيك صخر. ؟

رد بثـگل: ما بية ..

تقدمت بخطوات ثگيلة وكعدت يمة

: اسفة، على كل شي صار وياك بسببي

ادري ضايج من كلام عمو .. بس

قاطعني من كال: ياهو كال اني ضايج

على سالفة عمج؟

- لعد شتفسر وجهك الثگيل هذا !!

شتت نظرة مني وكال بنترة

: احنـة من نبوس نجكجك، حرام وعيب

واصدقاء .. وياهو الي تحجين وياهة

تلزيكها ببوسة، منعجب حضرتج

ظليت فاتحة حلگي ضحك ، رفعت نفسي وطبعت بوسة على خدة قوووية من فرحتي

واني كلُ بالي ضايج على سالفة عمي

اردفت بضحكة: هسة اذا، املخ روحي احد يكلي ليش! !

- صخر: ليش !!

: هيج انسى، بعدين المن بايسة، هي طلفة

صخر: هذا مو مبرر

- انت بس اصبر على رزقك ..

صخر: وعلي بيج كفخة، اشيل قبق راسج

- ههههههههههههه، حلوة حلوة هههه

يا يمة،

مدري شمالي خربت ضحك '' سيطرت على نفسي من شفتة صفن بوجهي

لان ادري ورة هاي النظرة، مصايب

كال بحنية تصاحبهة ابتسامة على شفافة

- صخر:- حيل احب ضحكتج ..

رديت بخجل: وانت هم حيل حلوة

ضحك واردف: شني يابة تخجلني اخجلك ؟

- لا ، جد والله شكلك حلو من تضحك ..

: تروح الج فدوة سنوني ..يلا تعالي ننـام

لان العصر عندي طلعة ..

- متنام ياهو لازمك ..

: عفية لسان، دتعالي نوميني ..

سحاب: شكد قديم انت، بعدين وين صايرة

هاي بقانون الصداقة. ؟!

- صخر: ما يخصج .. اني سويتهة

; تمدد على الجرباية، وفرش ايدة على

المكان الي يمة .. سحبني لحضنة

شوي وثگلت انفاسة

كلبي ما نطاني انزل واعوف وجهة

حيل احب شواربة، مديت ايدي اسوي

الحركة الي يسويهة دايما، يفرد اطراف

شواربة، عود هو العگيد ابو شهاب

حيل حلوات ، خشمة قلم ، مدري ياهو لاعب بالاعدادات، المفروض خشمي صغير

حواجبة لو عندي واحفهم، يا سعاد حسني

لو جتفة الي يشوفة يكول سد

هالكبرة، ناطي هيبة فوك هيبتة

بس لو يطول شعرة،

عفتة ونزلت للبنات، كعدنا

كالت زينب: حرف واحد ما تضمين سمعتي

- اكو شغلات سزز فد مرة ..

زينب وبتول: احجي معليج ..

سلمت امري لله، وبديت احجي بس الشغلات

الخصوصية كلش، ما حجيت بيهم

اول ما خلصت كالت بتول

: اويلي، هذا كلة يطلع منرهالصخير هذا!

سحاب: شعبالج لعد، ابن عمج كلة حركات

زينب:- فوكاها الغبرة تكول ما احبة وما اريدة

رديت بجدية: زينب الحب يجي من الكلب

واني احس بديت اتعود عليه بس

زينب: دكومييي لج، كلب ام الـ***

بعدنة نحجي دخلت باجي اردفت

: يمة سحابة. ، ما تجين عندي سالفة زغيرونة وياج ..

سحاب:  صار باجي،  اسبقيني

دخلت عليها للغرفة،  اشرت الي اكعد يمهة

كالت:  يمة سحاب،  ادري الي صار بينكم

مو قليل .. بس جاية اليوم مـاعندي غير الله وانتِ،  الي سوتة بنيتي غلط وهاي احب

ايدج وراسج،  اريدج تحاجين صخر يسكت

عنها،  لان راح اعزمهة على سنوية عمج

الله يرحمـه بعد باجر

: يوو صدك جذب باجي،  تدللي عيوني الج

بس هاي!

:اي يحبيبتي ..

ـ تدلل الحلوة،  تركتها وصعدت للغرفة

اكعدة،  اول ما خلصت الدرج كفختني

ريحة عطرة،  

دخلت عليه،  واكف كبال المراية

يثني اطراف شورابـه

ابتسم بوجهي،  سالتة

-راح تطلع؟

-اي يعيوني،  محتاجة شي

- سلامتك ..بس وين كشختك هيج!

ابتسم ورد بضحكة:  نصيد سمچ

- الله سمج،  حيل مشهية سمج خرب

ضحك واردف:  تعبي مشتهي سمج،  من عيوني ..

جان حيل طالع حلوو،  يمة الكحلي متناسق

وي لون بشرتة ..هذا ليش هيج صاير حلو

طلع ظليت عند البنات،  صارت الصلاة

صلينا وبلشنـا بالعشة

دخلو هو وحيدر، عيوني تسلطت على طولة من دخل غسل ايديه،  ومن يمشي

عبالك جان سنين برة،  مو 3 ساعات

تعشينا وكلها نصرفت للغـرفتهة

اريد اصعد،  بس ما اريد،  ظليت هيج

لحد ما طفيت

صعدت لكيتة متمدد على بطنة وبس بالفانيلة

والشورت .. اني شلون بالمتعلم على برد

روسيا

بس سمع صوت باب الغرفة رفع راسة

من شافني ابتسم،  رجع نزل راسة وطبطب

بايدة على المكان الي يمة،  ورفع البطانية

عنة ..

توجهت وحشگت روحي بحضنةالدافي

همس وهـو يمسد على شعري

: نعسانة حبيبي لو لا

- رديت بنعاس:  ايي وعلي غفيت على روحي

ضحك وكال:  نامي يروحي،  نوم الهنـا..

نمت وووووين الصبح حسيت عليه

كام يصلي،  كمت توضيت وگفت ورا اصلي

كمل هو قبلي،  وصد علية يتبسم

وخلاني اتيـه دربي،  الصبح ركعتين

سويتهن 5 ركع من ورا

صخر مبتسم:  تقبل الله حبيبي ..

:يتقبل الله اعمالـك .. شنو كلهم كاعدين

صخر:  اي تلاكيهم بلشـو بالغشل

: باجي دوم تكول صخر نسخة ابوه ليش عود

ابستم وسحبني لحـضنة، 

: نوعا ما،  بس اني شي بسيط من ابوية

- الله يرحمه ، صخر هي شنو المشاكل

الي جانت تصير بينة،  وبين بابا !!

: ابوية عصبي حيل،  وابوج الله يرحمة

بارد ومايهتم لشي،  من مات جدي

قرر ابوي يقسم البيت على الرغم

جانت ماكو مشاكل

بس هو هيج قرر، الحجية زعلت

بس ايام والكل وافق،  واتفقوا الحجية كل

يوم عند واحد منهم

على الرغم من كل هذا،  امي وامج

جانوا حبايب ولا زالوا ..

لحـد ما يوم،  ابوج ما سكت

على الي يسوي ابوي،  من مشاكل

كام وكال اني طالع،  توسلت بي ظل عمي

وين تروح ، ما قبل

- سحاب:  الله يرحمهم ..

بس كمل نزلنة نتريك،  البنات مخلصات كل شي،  تريكنا وكملنا

بلشوا الولد ينزلون الجداري، والبريمزات

واحنـة بدينة جوة بالشغل

اجو بيت عمي ايهب،  كلهم وبيت اهل زنوبة

واگفة اغسل المواعين

دخلت سمية وراهة مباشرة زهراء

كلبي نغزني مدري ليش،  تعوذت من بليس

ورجعت لشغلي،  بلشوا يسلمون عليهم

تقدمن يسلمن عليه، رديت ببـرود

عيوني بدت تراقبها،  وين جنت من تفوت

ما اعبرها،  ليش هيج يصير وياي هسة

نزعت عبايتها، لابسة دشادشة شكيت

مال اطفال،  جسمها كلو بارز

احس عيوني صارت بگصتي ..

غلست وكوة مسيطرة، اني اغار منها

لا لا،  ماكو شي

لهيت روحي بالبصل،  سمعت صوتـه

شفتهة ركضت لـباب المطبخ

كالت:  شلونك عيني صخر!!

عيوني راحت عليه،  رد بدون ما يباوع بوجهة :هـلاا .. وعينة اجت عليـة

اردف:  جيبو البصل،  خل الولد يسووه

عيونجن راح تروح هيـج ..

كمت انطيته ورديت كعدنا يم

النسوان نسولف،  انتبهت عليها كل ما

يدخل ياخذ شي،  تركض للمطبخ

طبخو سوب اللحم، والبرياني

بقى بس السمچ،  شوي ودخل صاحني

نظفناهن اني ويا،  ودخلنا نسويهم بتنور الطين الي ورا البيت،  بلش يشعل بي

بس خلاهن سحبني، وسند ضهري على الحايط وهمس بأذني

: يبـُا، شو انت كل يومية تحلوين؟

رديت بأرتباك:  يوو صخر، لا يجي احد

:شدنسوي قابل احنـة ..

بعدنة نحجي نركع باب الترك قوي

عكد حاجبة مستغرب:  منو هناا

لارد،  صفن بوجهي واردف

: روحي يابة اني يمهن .. اذا خلصن

اصيحج ..

شوي وعاط،  رحت ريحة السمچ ترست

خمشي،  باوعت لصخر بنظرة بريئة

: جوعانة،  عفية ما ناوين؟

ضحك واردف: هسة ينور عيني، اكول الهم يصبون ..

طلعت ورا هو شايل ثنين واني بأيدي وحدة

اسمع ام زينب تسولف لبـاجي

ام زينب:  ربي يحرسهم من العين

حيل حلوين سوية،  عين الله ترعاهم

ام صخر ما تخافين عليهم انتِ

مروة:  شبيدي يخية قابل احسبهم

..يحجن واني طايرة فرح، احس انتصرت

عليهم .. بلشنا ننگل بالغدة

دخلت جانت سمية وزهراء واگفات

توني اشيل المواعين،  كالت زهراء

موجه الكلام لـسمية

زهراء: شفتي بالله ، بواكات الزلم

وخرابات البيوت كثرانات

ردت عليها سمية:  ايييي، وين يروحن

من ربهن بذاك اليوم يحرگهن حررگ

شلت المواعين، وصديت وجهي وقبل

ما اطلع رديت بكل برود

: عاد، المرة المعدلة، زوجها ما يبدلها بكنوز

الدنيا .. والمرة الي مالية عيونة

تخلي ما يزيغ عينة على غيرهة

واني هاي المرة،  وشحلاتني

.. رفعت ايدي وسويت علامة "باي"

يلا جاوو، اروح اضوگ سمجات حبيبي

طلعت من المطبخ احس النـار تطلع

من ذاناتي ..

كعدنا على السفرة،  كالت ام زينب

: دام ام البنات ماكو،  وهنا احنة بس اهل

جيت اليوم اطلب ايد بنيتكم بتول

لابنـي ووحيدي، ،

غصت بتول باللگمة،  ردت مرت عمي ايهب

: اي خيتي، خل تفسخ وي ابني واخذوها

ردت باستغراب:  ليش هي مخطوبة

چـاا وين حلقتها ..

رديت اني:  لا خالة مخطوبة لابن عمنة

اردف مرت عمي:  ليش سحاب ما تدري

بالاتفاق! !

- اي اتفاق؟

اباوع على باجي تسكت بزوجة عمي

كمت من السفرة، واخذت بتول وياي

- احجي شنو سالفة الاتفاق

ردت عليه بقلق واضح:  ماكو شي اجليها

حجيت مفرفحة:  هسة تحجيين ..

بتـول:  من خطبني، عمي جبرو

هو ما چان رايد، وصارحني ان هو يحب

وحدة ويا بالجامعة .. وما يگدر يخلف بوعدو

وياهة

رديت بصوت عالي:  وانت شلووون تقبلين

: ما جان عدنا غير حل ..

تركتها وطلعت،  اريد حاتم

خليت الجهال يندهون عليه

اول ما دخل وكف مستغرب

: شنو سالفة الاتفاق حاتم ..

- حاتم:  شي خاص بيني وبينها لحد يتدخل

رديت بصوت عالي: لااا اتدخل ونص

اختييي هاي،  ولكم طفلة تلعب بشماعرها

ليششس، ليش املتها هااا

ولك حرام عليك، سنين هي متأملة حبك

تالي تطلع تحب،  ومجبور همم

ليش الله لا يوفقك كون،  انت وابوك وكلكم

حقككك ما تحس،  تتمعشگ واختي واكعة

بيها،  ضربت بكف ايدي على صدرة

صرخ:  محد يتدخل بحياتي وياها

سحاب:  يا حياااة،  اليوم تروح تطلگها

بعدنا نحجي دخل صخر مفزوع

بسرعة ركض على حاتم،  وترس وجهة

ببوكس قوي على عينة

: ضربتهاااا ولك

صرخ ودر يريد يضربة،  وكفت بنصهم

وسحبت صخر،  لزم وجهي

: بيج شي،  سوالج شي

سحاب بعياط:   ماااا بية شي،  انت تعرف بالسالفة هايي

رد وهو يجر حسرة:  ايي

- سحاب:  لعـد ليش هيج تلعبون بمشاعرها ليش،  مو حرام

صخر: هدي يروحي هدي ..

بتول:  سحبها صخر وطلعو،  باوع هو عليه

بنظرات باردة ..

اخذت الكلنكس وخليتة بأيدة وطلعت

احس روحي توجعني،  ايييي روحي

توجعني، كل جزء بجسمي ياذيني

احس الموت ارحم من هاامشاعر

الي بكلبي،  مرت عمي كامت تلعلع

اخر شي صخر باس راس حاتم

: عباالي مديت ايدي عليها،  وانت ام حاتم عيني،  ضبي روحج شوي

اذا ما تريدين بتول جنة، لا تحجين

لان اذا وصل لعمي، عود بلشي بتحضير

كابوسج،..

سحاب:- شوي وفتح باب الغرفة

تمدد يمي وسبحني لصدرة ..همس

: شلون صرتي حبيبي

- مو زينة صخر،  اختي هاي محد يحس

بيهة بكدي ..

صخر: ياهو كال،  ادري بيها تحبـة

واني اكثر واحد يحس بيها

صعبة حيل تحب واحد ما يحبك

ايام وليالي اصعب من الموت،

اني الرجال،  هدن حيلي

هي شلون .. ادري الي صار غلط

بس عمج تصرف بكيفة، وضربني بعرض الحايط .. وعيونج الحلوات الة اندمة

وانت يحلي،  على كيفج وياهة

اذا اجتج لا تصديها، انتن وحدة للثانية

اعدزيها وخلي روحج بمكانها

وافهمي منها كل شي ..

رديت:  صعبة حب من طرف واحد

صخر: ماكو هيج مسمى، ماكو حب بدون مشاعر متبادلة،  ماكو حب بدون حب متبادل

جنت قبل اكول اني احبج من طرف لحد

ما يوم فهمت ان ماكو سب اسمة حب من طرف واحد. ..

سحاب:  شلون هاي،  والحب الي نشوفة

: هذا بس مسلسلات وتمثيل

الحب يجب اني يكون متبادل ومن طرفين

اذا من طرف واحد يكون اعجاب فقط

هي تعلقت بي، بس ما راح تموت ورا

عكس اني،  جنت انبش بتفاصيلج

جنت مدمن بيج مو بس معجب

..

كاعدين على الريوك،  تونة بدنيا

دخل حاتم، ومبين عليه الحزن

اردف:  باجي بدون زحمة عليج

ندهيلي على بتول خل نحل كل شي ..

•يتَبـع ....

ادري صدمة،  بس هاي صارت بعد

وكتبت .. لهذا اريد منكم تفاعل حلو

تعليق بين الفقرات،

واهم شي يمة النجمةةةة دوسيها حبابة

احبكمممم طووخ، وثقو بالله لو كل يوم هيج عندي مجال اكتب الكم وما قصر