تحميل رواية «مُقيد أجنحتي» PDF

البَـارت الثاني والخَمسون ..

والاخير

بقلمـي مريمَ ؏َـلاء♥️ ..

استشهد الشاب كبالنه ..

روحنا فرفحت عليه شاب بعمر الورد .

ايام قليلة على التحرير

اندكت البابب .. البيت فارغ ،

•محد بالبيت ..

كَالتَ باجي :- يمة بتولَ شوَفي منو

كمت من مكاني .. لا صحت منو .

اجاني صوت بنية كالـت :- اني ..

فتحتَ البابَ بنت كلش حلوة ..

بَـتول:- تفضلي .

ردت:- ام صَهيب هنا ؟

بَـتول:- ٲي عيني جوة ..

كالت :- عادي تصيحها الي فدوة .

بَـتول:- تفضلي عيني تفضلي ..

دخلتها الصـالة ورحتَ اصيحها

:- باجي وحدة كرايبكم برى .

اردَفت متسغربة:- كرايبنا ؟؟

-مَشت قبلي واول ما دخلنا .. تغيرت ملامحَ باجي من

شافتها .. كالت بجمود

:- نعمَ ريناد ؟

ردت بابتـسامة:- شلونج خالة !

كالت :- احجيلي شعندج

سحَبت نفس :-  أنتِ بعدج ضايجة مني .

كالت باجي بتهجم:- كسرتي كلب ابني شترديني استقبلج بالصلوات برايج أنتِ .

-رفعَت رجَل ؏ـلى رجلَ وكالت

:- انا مو هذا موضوعي الي اجيت عليه .

انا جيت اكلج على شغلات أنتِ غافلة عنها خالة .

كلبت باجي عيونها بملل واردفت بملل

:- خير !! شعندج ابهرينا ؟

ريَناد :- خالة ابنجَ يسويَ علاقات غيَر شريعة ويَ بنات هناكَ بالتحريَر ، وحتَى ولد ..

شهكت باجيَ تَمثل ..ﯠَ كاتمة ضحكتها

:- اييي وَبعد ؟

عكدت حَواجبها بضجَر ..

:-انا الي اعرفه ، انتِ انسانة واعية وما تحبين هيج سوالف وربَيتي ولدج احسنَ تربية .. ما عبالي

عندج هيج موضوع عادي ومضحَك ..

ضحكت باجي.

:-اولا .. ما اعتقد هيج شي يخصج .

ابني واذا اعرف انا اتصرف وياه هذا الشي طبيعي .

ثانيًا.. من تعرفي خوش ولد .. وربيته احسن تربية

ليش هيج هجوَلتي حاله يا بنت الفكر ؟

وانت كلششش زين تعرفي يحبج ها ؟

ثالثا .. بعدَ خالتج كليلي الغيرة اكلت ڪَلبي وهوَ حليو

جنه العافية .. وكلتي انا شجاني هيج دفرت النعمة .

بعدين هوَ شيسوي اذا كلهم حلوين الله يسلمهم

حتى الولد ..

رينادَ .. اعرف هايَ السوالف

لا عبالج انا امج وتقشمريني

بَس شنو اوكي تدللين .. هسة نتصل على صَهيب

ويجي هوَ يوضح النا كلنا كَل شي  ..

كالت بفزعَ :- لا محاجة انا رايحة ، الظاهر أنتِ ماخذة مني موقف .. هوَ الزواج قسمة ونصيب

ضحكت بصوت عالي ..

:- ما جَذب من كال .. كل شي ولزكتوا بصفه

قسمه ونصيب .. ما يدري الانسانة الي يحبها هيج تحجي ..

كامت ضايجة تريد تروح نترت باجي

:- ما تطلعين منا الا يجي هوَ يوضَح كل شي .

- رجَعت كعدَت بسَ الوجه مغثوث ..

التفتت باجَي عليه وكالت :- بَـتول يماا بالله عليج ناوشيني جهازي دَتصل عليه .

تلاكيه على طبيلة الميزتواليت ..

بَس جبته اخذته منه ، اتصلت وفتحت سبيكر

:- الو ها يماا شلونك ؟

رد:- هَلا حبيبتي .. ؏ الكريم انتوا شلونكم .

:- بخير ، اكلك يمة تكدر تجي ؟

:- صاير شي خير !!

:- لا يمة مو مهم .. بس محتاجتك بسالفة

تكدر تجي

:- يالله جاي .. بسَ كليلي صاير شي !

:- وعيونك مو مهم يا عيني .. تعال وانت تفهم .

- سَدت الخط مبتسمه بفرح وانتصار ..

ماكو مدة الـربع ساعَة وصل ..

دخل يصيح

:- يهلَ البيت ؟ شني نايمين ، ميتين ؟

-دَخل للاستقبال بابتسـامة لكن ، سرعان ما اختفت بَس شافها .. تقدمَ بدون ما يحجي ٲي شي .

كعد ؏َ التخم واردف

صهيب:- من تتَصلين بيه وما تلكين مني ردَ ، عيب تجين لبيتي ؟ صح لو لا .

ضحكت باجي وكالتَ :- هنا الحجي البت ملبوسة

دسمَع لعد يَـ امك .. ليش انتَ مو طلعت تدور ولد .

شهك شهكة كذابية .. ولطم على صدرة

:- اه .. شبسرعة وصللكم الخبر امس جانت اول ليلة

-صَد وجهة عليها واسترسل ..

:- اسرع من الشرقية نيوز بعدَ عيني ابو هاشم .

رجع ضهرَة سندة ؏ التخم .. وسحب باكيت الجكاير

من جيبة بكل هَدوء

ورث جكارة ..

وكمل ..

:- وجهج .. - يـَمـيٰ ما اريد اشوفه

انام وي ولد وي ١٠ ولد هذا الشي خاص بيه

حرام حلال .. عاد بكيفي .. انا وربي

حيري بنفسج.. ولا تخافين التحرير مليانة حلوات

لاهيات بينة خطية .. شي وحدة تسوي اكل

وحدة تغسل الملابس

وحدة تسعف اخوتها .. بيهن الي تلطم اذا واحد بينا بس اختنك ..

يعني نَسوان اصيلات مو مثلج لا تخافين

وخلِ اقهرج بعد .. كلهن حلوات وحدتهن وجهة يرد العافية بعد عيني ...

- اباوع عليها دخنت وكلش ضاجت ..

كامت ترافس برجلها .. وطلعت بدون ٲي كلام .

مشة وراها بهدوء ..

نتر بيها :- اهلج ما علموج ما يصير تدخلين براسج لـبيوت  العالم ؟؟

- صَدت وجهة فاتحة عيونها بصدمة ..

رد كمل :- هسَة خيسة القندرةَ مالتج ياهو ينظفها

هاا ؟ امج ؟؟

طلعت بسرعة تمشي ..

باعوه علينا مبتسم .. كال

:- انا رايح

- طلع ومَلامح الضوجة مبينه عليه ..

كمنا انا وباجي نسوي كليجة نتعصرن بيها

سَحاب وامي نايمات .. كعدت تسولف الي شلون ما حبتها من اول لقاء ..

كالت :- انا من شفتها بدون حجاب

وانا مرة • تَـ؏ــبت على نفسي وربيت نفسي بتفسي مثل منكول .. ما ظلمتها

يا ما ويا بنات بدون حجاب اخلاقها ينحلف بيها

ولا حجيت عنَ لبسها .. ولا عنَ اهلها ابدا

جنت اشوفها بذيج العين الي يشوفها بيها صَهيب .

لكن .. بلشت شوي شوي تبين سبحان ربج .

- ضلينا نتناقش علىَ هالموضوع ..

احبها من تاخذ وتنطي وياي .. وتحَسسني أني رأيي شي مهم .. وتستفسر مني وتكول

هل الي سويته صح لو حظا برايج بَـتول .

للـ 6 كلمنا حتىَ جاي سوينا ..

صعدت اكعد ماما و سَحاب

حطينا الصينية وشغلنها على زيارة عاشوراء

بدينًا نسولف وكلها تاخذ وتنطي الا سُحـاب ..

سالتها باجي شيـماء:- احجيلنا يمة سَحاب

بلكت بالج يرتاح يا عيني ولا تخافين وهالنعمة سر ما يطلع .. فضفضي عيوني أنتِ .

صفنتَ سحاب بحيرة ..

عيونها تتحرك بيني وبين امي ..

اردفت باجي .. اتركي عنج كلهم ، ركزي وياي انا احب اسمع منج .. يالله احجيلي .

ضحكت وذَبت كلاص الجاي من ايدها .

كالت بنبرة تذبح الصدر

:- مشكلتي .. حبيت الشخص الخطا .. وانا خطا

مشكلتي تزوجت طفلة .. من واحد عبالة الحب كل شي بهلَ كون .. عبالة الزواج بس ياخذني يمه ..

ظليت اكافح بعلاقة .. جنت اظن تدوَم ..

كل يوم اخذ من طاقتي حتى اصبر

لحد ما صبحت حتى طاقتي خلصانة ..

نحرمت من ابسطَ الشغلات ..

- ضَحكت واسترسلت :-ثقي بيه ابسط الشغلات

تخيلي يا باجي ام ٢٠٠٨ عندها جهاز ..

وانا بطول الزرافة .، ما عندي .

ما بيوم تهنيت بلبسـه اذا ما ينغص عليه عيشتي

تراكسود طويل ومستور .. لااا لاا ماكو

شنو تراك واخوية مو هنا .. يمعود مستور

ماكو فكرة تراك يجي  على جسمي برى الغرفة

تخلي يرجف رجف ..

هذا شنو معناه برايج ؟ يعني ما عنده ثقة لا بيج

ولا بأخويه..

مدرسة .. هههههه غلطت وسبَحان الما يغلط

من كثر الكبت .. ﯠ الطريقة الي جان يتقرب بيها مني

قبل الزواج تخيلني احب اتطلع .. اريد احب رجال ويحبني

لكيته .. بس ما تهنيت وياه ..

انا ما انكر هوَ زبالة حشاج .

بَس على الاقل ما جبرني على شي

حاربوني الي يكول زنيت ..

نضربت من الكبير والصغير ..

طلع كل امراضه بيه ..

سلمت امريي لله وكلت قسمة ونصيب

ما جبرني .. وجان زين وياي

بس ليمتـة يظل زينَ .. ياخذله فترة بعدها يرجع

يضرب .. تعبت منه

لا انا راهمة الة ولا هوَ

زواجنا غلطة ..

-مسَحت على ضهرها بحب وكالت

شيـماء:- ما طلبتي غير حقج يماا .. اذا ناوية تتركي خلاص انا وياج واسندج .. ترجعين

انا وياج واسندج .. معليج بامج

محد غيرها خربكم

باوعت امي عليها نترت بيها

:- لا تباعيلي هيج .. حقهااا

منو غيرج وصلهم هيج .. ربيتيهن على العيب

عيب عيب .. ما احتوتيهن

خليني يتسلط عليكم بحجة يصرف عليكم

بحجة بنى الكم بيت وتعب بيه ..

هذا حقكم البيت ترى .. خليتي يتحكم بيكم

وبيها خصوصا .. شنو شافت من عمرها

هسَة بالله كلنا سُحـاب جسم وبازر وهل خريط

هاي بَـتول شكدهااا هم حجتكم لبس بارز

عقليتهم فد شييييي واووو يخيتي

وانت جنت اكبر سبب بكل الي صار

خلي الله بين عيونج كريمة لا هن عدهن غيرج

ولا انت ..

-رَجعت صدت وجها لسحـاب ..

:- وأنتِ .. اذا ما ينفذ كل شروطج

ما ترجعين ابدا سمعتي ؟؟

- خَلص النقاش الحـاد بكلامها الي يجبر الكلب

بعدَ مدة .. كاعدين كلنا نباوع هل اخبار

خابر احد جماعة الولد ..على خالو

كال خالو:- شوكتت ؟ وين هوَ

ركضت يمة باجي بخوف تساله

:- شكوو ؟

كمل وي الولد بسرعة وكال

:- واحد من ولدج مختنك هناك وناقليه للطوارئ

- كامت تبجي وتتراجف ..

تتصل على الاثنين نريد واحد يرد ماكو

وهيَ الكعدة للـ٤ الفجر

اتصل بينا ابراهيم ..

كبل كال جايين ..

نص ساعة واجوا .. دخَل والمصاب صهيب

جان هذا الشي واضح

كعدت تبوس بي وتقنع بي ميروح وشبعت بجي

بسَ هو قافل ما يرَجع الا يححقون مطالبهم

ظل وياهع لحد ما طرَ الصبح ..

كلها كاعدة بسَ خالو كام نام ..

من نامت كام يريد يرجع ..

كمت انا اريد اصعد سمعته صاح

:- بَـتول !

صديت وجهي:- هــاا .

:- اليوم مدرستكم دوام ترى ..

بَـتول:- صـدك .. شو محد كال .

:- مادري سمعت هيج .. يالله كومي بدلي خل اخذج قبل ما اطلع ..

باوعتهت سبعة وربع كتله

:- ما اعتقد اللحك  .

كال باستجعال:- صعديَ بالعجل بدلي ونزلي

يالله لا تعطلينا بالكَلام ..

- صعدت بسرعة بدلت ونزلت لكيته بالباب يدخن وتك ايد بجيبه

بَس شافني مشة قبلي .

مرينة من يم محل ..

طلع طفل الجنطة تعتلي ضهرة من البيت الي يم المحل

تقدم ناحية صهيب وكال

:- عميي عمييي عمييييي .

دنك لمستواه :- ها ولك ابو الفَوايين ؟

قرب من اذنه عود يريد يحجي بصوت ناصي

:- ادكلك شي ..

ضحك:- كلي شي  .

اباوعله ركز بوجهة كال

:- اكلك عمي انت تعرف دعدوعة ابو نص عقل مو ؟

صهيب:- اييي !!

كله بحماس وياشر بايده

:- انت تعرفه شكد سرسري

صهيب:- ايييي .

باوع عليه وكال :- ذاك اليوم مرت من يمه

هايَ الحلوة ووياها وحدة طويلة هم حلوة

يككللهن كيك ما كيك

وصيف ومدري شني اعتقد جان مكبسل .

-خرره وسال :- متأكد ؟

رد وكلبه محروك:- اييي وشرف امي .

تركه وراح صهيب يرهول متَجـه للمحل .

لطمت على خَدي وركضت وراه ..

جان كاعد كبال المَحل ..

صاح بيه:- ولك دعَودعةةة ..

كامله يدفع بايده ويعدل كشخته كبالي

:- وجعع شبيك ؟؟

ضربه ؏ راسه بقوة

:- ولك طركاعة .. اخر مرة من تحارشت شسوينا بيك !

رد بثقة:- طيحتوا حظي الله يطيح حظكم ..

رجعَ ضربه على راسه

: ليششش ما تتوبب لعد ..

كله يضم وجهة

:- عيني ابو الجَبل .. الروبة تروب والك*** ما تووب ..

- عته من ياخة قميصه

:- دعدوعة  طركاعةةةة ..

سحبه موجه اصبعه االي ..

صهيب:- ليش متحارش بيها ..

- عَدل شعر راسه ورسم ابتسامه على وجهة

وكله:- بشرفج ابو الجبل .. لو شايف هالصاروخ هذا بالشارع تغض بصرك ؟

نتر بيه بصوت عالي

:- ولككككككك .

كله بخوف:- وعليَ هي حلوة وهاي الي وياهة همَ

لا تخاف اذا تخصك ما اجي يمها نحول ؏ الثانية

وحدة احلى من الثانية بنات الداهيةةة .

- هذ عصب جان يضربه بكلمة

:- شلون عليها شفايف ..

- كام هدَ عليه بضربه بنص راسه

من - يـَمـيٰ صحت اخخخ .. صوته اعتلى

اريد اسحبه منه ما اكدر ..

وكفت بينهم ودفعته من صدره وضميته وراي

:- عوفه بالله عليك عوفه العالم تباوع علينا .

سحبني بخزرة وكال بصوت عالي

:- تعاااالي هيججج انت الثانيةةةة .

لزمت ذراعة بخوف

:- تاخرنا حباب عوفه بداعة باجي ..

نتر بيه .. امشي كدااامي امشييي .

صَد وجهة عليه :/ اصبرلي .. حسابك ما خلص

يكو**

طلع يمشي قبلي سريع

اردفت بصوت ناصي متامله يسمع

:- هسَ هوَ مو مريض ليش ضربته

رغم بعد المسافة

وكف وصد وجهة رمقني بذيج النظَرة..

جيت ابجي وعلي ..

نتر بيه :- تعاااالي هنا امشي وياي خانم ..

مشيت بسرعة ويَ خطواته

كال بعصبية:- مكيفة يعني لان مريض

هذا حيووان هذااا .. وانت شلون تسكتين

رديت بخوف:- اهلنا ما علمونا بنات يردن على شاب يحتارش نسكت ونمشي

صرخ:- وجععع كووون .. تمشين شنووو

سحلي بي الدنيا لو جان بكد ابوووج .. هذولي حوارييين

لمي كل الي يمج عليه .. كليلي اشك حلكه

بس لا تسكتين .

..

سحَاب ..

ايام وحاجتني باجي كالت

شيـماء:- يمة ،، اليومَ العصرَ نروح نَجـيب الج جهاز

انا وياج ﯠ ناخذ ويانا صـهيب من يرجع .

- عيَوني راحت لأمي ، الي هَزت راسها

بدون ما تنتبه باجي شيـماء.. اردفت هيَ

شيـماء:- كريـمة ، لا تحاوليـن حركاتج ما تفيد

خالها وصاني عليها .. وبَس لا تلحينَ

سَحاب:- طلعنا العَصر ..

وويانةَ بتولَ ﯠ صهَيب .. بتوَل اجَت تريد تاخذ

ملزمة تدرَس عليها وهم تتونس .. امي  ضاجت حيل

شكد توسلنا بيها تجي ، مـا قبلتَ .

السوكَ هنا مرتب ..

دخلت تجَيب الملزمة ،، انتبهت لصهيب

تبَعها مباشرا .. كعدت تتناقش وياه

وانا برى واسمعـه يتـأفأف بَصوت عالي

اخرَ شي سحبها للـجهة للثانيـة وكعد يحجيَ وي الولد

شوي وطلعوا وجهة احمرَ دم ..

يصيح بيها :- امشيَ خانم .. كعدت دككك سوالف

ابن عمج ابن خالج ؟ اني ما تحجين وياي هالـڪد

سَحاب:- عيني عليها عيونها دَمعت

كالتله وعيونها غَرغرت بالدَمع

:- ما حجيت شي ترىَ ، الولد وانا رَديت

- رادَ يحجي لزمت ذراعه امه وحجت بحدَة

:- صهيب .. العالم تتفرج علينا امشيي مو وقتك .

مشينا لباقي المحَلات ..

وبلكوا لكينا ملزمتها مال كيمياء .

بَس بكَل مرة يجفت قبلها مثل المخبل

كالت باجي

:- يـالله ما بقى بَس التلفون واتسوك مخضر ونطلع .

سَحاب:- مشو همَ قبلنا سألتها

:- شبيَ يبجي هذا ، طلع نسخةَ ولد عمج ؟

عقجت حاجبها وردت بقهرَ

:- شمدريني تخبل علينا بَس يهوبز .

ضحكت:- ما يتحمل رجال غيور .

التفت عليه بصدمـة

:- سَحاب.. بشرفج انا اخلص من حاتـم

تطلعيلي انتِ ؟؟ شبيججج

ضحكت مقهورة عليها شلون نكلب حالها

من تذكررت حاتم ..

غيرت الموضوع بسرعة وكعدت اعد واصف

على زوجة عميي ايَهب .

- وصلنا للمحل ..

دخلنا كلنا المحَل يخبل

كال صهيب لابو المَحل

:- حَبيبي ، احسن نوع تليفون ..

- بلش يطلع هوَاي

كال صهيب:- تعالي سحيبة

تفرجي واختاري ..

سحاب..

وكفنا انا وبتول نختـار .. وهوَ باجي اخذته وطلعوا برى

اختارينا وكملنا وهمَ برى .. طلعت اشوفهم

باب المَحل شفاف همَ ناطين ظهرهم

ويحجون بتركيز .. كل شوي يشيل

ايده من خصره ويعبر بيها ويشرح بحركة كلب

فتحت البـاب سمعته يكللها .

صهَيب :- كلتججج اريدها يمة لا تخليني الم العالم

هسَة .. لا تسويها ويايَ انا يمة .

ردت بصوت حـاد:- انتَ ما تفهمم

والله حسيت بيككك من تنطنط منا ومناا كلبي علمني

اسمع ولك صويهب .. وعليَ اذا تقربت يم البت

لو حسستها بشي من مشاعرك

اشكك شَك والله سمعتنييي ؟

سَحاب:- وجهي صَفر .. مثل ما توقعت والله

اثاريه همَ واكع سالفة صخرَ الله يرحمه .

- صَد جسمه يمسح وجهة يهدي من عصبيته

بسَ شافني اتبسمَر .. ضحكت واحس كلبي وكع

بملابسي الداخلية من الخوف .

تداركت الموقف وكتله

:- شسمة اختاريت توني جيت اصيحكم .

رَد بتوتر واضح

:- هَـ هـسة هَـسة جاي فوتي انتِ .

دخلت وجهي كلب اللوان .. هاي الفاهية بعدها تتفرج

وابو المحل مركز بيها من تباوع

نوب شلونه هوَ استغفر ربي ولو هيَ خلقتك اللهي

من هذول الي يطلون شعرهم وكل شوي

يشيل بكذلته والعلج يطكط بحلكه

وكل ١٠دقايق يرفع بنطرونه ، والدلع مال صدر

يبوووو

دَخل صهيب عينه عليه ..

سألها ونظراته تتفحصها

:- عجبج شي ؟

ردت  بدونَ ما تباوع  عودَ ضايجة

:- لا .

- عيني راحت عليه ،، رفع حاجبة

شوي واخرط ضحكتي  عليه حاله يقهر .

حاسب وطلعنا

كعدنا بالسيارة وراحوا يتسوكون ..

مشينا بالسيارة كل وحدة يم الجامه

مرت من يمنا زفة وهيَ كيفت وانا همَ

ظلينا نباوع شلون كلها تركص وفرح رفرف كلبي

فرح ..

سيارات بيها شباب صارت تدخل

كبل نتر صهيب :- سَدن الجَام .

التفت اليه عاقجة حاجبها

وهمست :- هذا شبي ؟

.....

سحَاب ..

مرت باقيَ الايام تتشابه

بيوم كاعدين تونا خلصنا فطور

نباوع كامامان وطن لإياد راضي

دزت زنوبة زوجة حيدر فديو

ظلت هيَ تتواصل وياي وتحجيلي عن اخبارهم

فتحته بخوف ستوري ؏ الفيس .

مكتوب اسمه بالانكليزي

صعدت فوك وايدي وكل جسمي يرجف

دخلت للغرفة متوجهة للجرباية حيلي باد ما بيه اوكف .

فتحته برجفه

جَان هوَ مدد نايم بالكاع ويمه مخاد  ويتفرج بالجهاز

اسمع صوت حيدر يصور ويكله

:- خوَيَي !! فَد كلمة لابو العـدَس .

بدون ما يباوع على حيدر كال

:- زر** على راسك ..

- سمَعت صوت ضحك ..

وخلص الفدّيو .. ايدي صارت ترجف رجف ما صاير

كتب الها وعيوني دمعت ..

:- عندج بعد فَديو ؟

ما طلع اخضر ؏ المسجات ..

رجعت للفيديو وعيني عليه

شعره طولان ومربي لحيه طويلة مو مثل كل مرة

كالت زينب قبل فترة نقله لحدود احد الدول المجاورة.

بسبب الشهرالي غـابه  والتعَدي ؏ـلى نَقيب هناك .

وعدم اخذ اجازه رسمية لغيابه .

همَ بدون شي شادين وياه .. لان ما يعترف بالحزب

الي بعد فترة من تعيينهم كالوا انتوت تخصونا

( شباب ما اكدر اتعمق .. شغلات سياسية معلينا بيها )

سحاب..

صافنة بالفديو .. طلع مسج فوك  من زينب كبل

دخلت عليه ..

كاتبه:- هذا يحجي وياج .

- انا شفت هالرسالـة كلبي وكف جيت اغلق الجهاز

اتصل .. اريد اسده مادري منين

سديته بوجهة .. رجع اتصل .. شمرته بعيد عني

سمعت صوت رسائل

رحت للجهاز ابجي

كاتب :- بَس ردي كل شي لا تحجين

رجعَ اتصل بَس هالمرة فديو

ضميت الكاميرا بأصبع ايدي وفتحت الخط

سديت الكاميرا بسرعة

اباوعله طلع يمشي بالهول الفوك وعينه مو ؏ الجهاز

دخل لمَمر غرفتنا

سَد الباب وسد الضوة مال غرفة

وفتح بَس التيبنلام الي ؏ الجرباية ..

ثبت الجهاز ؏ الميز الي يم الجرباية

وتغطى ونام الجهاز بوجهة ..

يباوع عبالك عليه كلبي رجف

همسَ بصوت تعبان ..

صخر:- من تشاقيلي .. ليش ما تجين بحضني ؟

لَـيش كل هالبـعد كلبي تعلعل سَحاب

بوية هونيها عليه وارجعي لغرفتج

- عيوني دمعت ومن حسيت روحي راح ابجي ، كتمت الاتصال ..

ظل مركز يباوع عبالك فاتحة الكاميرا

بلشت عيونه تغمض ..

كال بصوت ذايب

:- جنت احلم بيج .. كعدوني يكلولي تريدك

كمت ﯠ ما اكدر اوكف على حيلي عبالي رجعتيلي

تالي بسَ اتصال .. همَ نعمة

بلشت يحجي وكأنه شارب .. يهذي بكلمات

تحفر بكلبي حفر لحد ما غمض عيونه

كبل سديته قبل ما ينام ..

ذبيت الجهاز وغطيت راسي وصرت ابجي .

خلص رمَضان واجتنا اول ايامَ العيد .

اندكت الباب ودخلت باجيتي مروة وزينب وياها

تريد ترجعني وطلبت تحجي وياي

سلمت عليه وتبوس بيه بحب ..

كعدت تحجي هواي عن مشاكل الي تصير بين اي زوجين..

من شافت الرفض مني كامت تريد تطلع زعلانة

قبل لا تطلع بستَ راسها

:- باجي .. اعذريني حبابة ما اكدر

ردت بقهر وبصوت حاد

:- اعذرج ؟؟ عبالي افرحه بالعيد سودة بوجهي

جيت متلهفة هوَ كعد فرحان

تاليتج هيج .. ما توقعت راسج يابس لهل درجة

بس اسمعيني يمة كلش زين

ما انكر غلط بحقج هواي .. وانا الي صبرته

؏ كل هاي المدة الي انت بيها هنـا .

مو معناها من يجي ويذل روحه لان يحبج تذلي

مو لان كاسر ضهرة وكلبه على مودج

وانت هيج تفرفحين كلبه

بس اكلج شي يما يجي يوم تندمين

- طلعت زعلانة وانا حالتي ساءت..

ما مَر شهَر على جية

جان يوم جمعة نهاية الخامس من ٢٠٢٠

ندكت الباب الظهر قبَل وقت الصلاة .

شوَي وكبت عيطة سمعت صوته

كال:- اطلبها بـ بيت الطاعة والله.. لا تخلوني اسويها محاكم ، خلوني محترمكم

رد عليه صهيب

:- اول شي اعرف شلون تحجييي ثانيا

لو تطلعرنخَلة براسك ما ارجعها الك وهيَ رافضة

- اشتد الحديث بين صهيب وصخر

واحدَ يرفع والثاني يكبس ..

رادوا يتلازمون لو ما خالو جوى .

اسمعه يكللهم

:- هايَ كاعد الكم .. اليومَ ما اطلع اذا ما حاجي مرتي

كله صهيب

:- برى حبيبي .. عرض جتافك شوفنياه ..

يرد عليه:- قحط ما عندج جتاف ؟

وفعلا ظل ما طلع ..

خالى طلع وعافاه صهيب تخبل يريد يروح

للمطعم وما يقبل .

اخرَ شي استسلم وراح ..

- كاعدة فوك بالفرفة ، بّتول - يـَمـيٰ تتفرج

دخلت علينا امي .. واشرت لبتـول تطلع ..

تقدمتَ كعدت كبالي ؏ الجَرباية وكالت بهدوء

:- يمة سَحاب ؟

سمعي مني يمة .. ما الج غير زوجج بنيتي .

رديت بحده

:- يمة .. اذا تردين يظل ذرةَ حب بكلبي الج

لا تَـسوين هيجَ وياي .

نزلت دموعها بقهر

:- ولج ما شفت شبابي حتى اربيكم احسنَ تربية

لا تزوجت ولا رحت لرجال .. وكسرن ضهري عليكم

بوقت لا جدج رادني .. ولا اخَتي .

انتِ تفهميني يمة شكلج

ولج يمة ازعلي احركي الدنيا .. بسَ ما رحَ تلكين

شخص تامانين على نفسج يم غيره

ولج من انتِ يمة انام رغدد يَـيمة ..

فدَ نفسيتي ترتاح .. لجَ لا تشلعين كلبي بحق عيوني يمة

جاي اليوم يريد يرجعج

وكـال الي تريده يصير

تعوذي من ابليـس ونزلي حاجي

دنكَت راسي بقهر ..

:- الله يخليج يمة خليني .

باوعتلي وعيونها تشرح كالت بصوت مبوح

:- - بـࢪاحتــَج.. بَس تذكري بعد محد يدك بابج

اسمج مطلكة .. وهوَ اصلا ما راحَ يعوفج بحالج

لا عبالج الي كاعَد جوى يمل

بَس تذكري انا ما عنديَ حتى بيت المكم بي

ما عندي غرفة مو بيت

من مات ابوج وانا مو بخير

اعتازيت لزوج الاخَت الغريب ولابوي

الي من جنت يمة بنية جان يكلي انت علة ؏ كلبي

مراح يجي شخص مثله يحبج

ويدللج ويباو؏ لحَلگج .

- هيَ كلمات تجرح بسَ واقع حال

عيوني غرغرت بالدمَع

كلت الهةَ :- هَس لو ابوي عايش ؟

ضحكت:- جان هسة انت تدرسين

سادس .. وسنة التجي كلية

وافرح بيج واشوفج احلى طالبة

جان هسَ انا بعز وخير

وشعري اصبغه احلى الالوان

وهالربطة الكشرة

- رفعت ايدها لشالها

واستَرسلتَ :- عمَري ما خليتها ؏ راسي

ببيتي وكاعي

واتشرط براحتي .

سحَاب..اردفت والغصة بصدري

:- اذا انـزل خـالو شلون ؟

- ڪامت من مڪانها تبوسَ براسي .

اردفت بضحكةَ:- نزلي يمة ، خالج هوَ كال

اذا يعجبها تنزل تتفاهم وياه ما عندة مانَع .

اخذتني من ايدي ونزلنا

كل جزء بيـه يرجفَ .. و ڪفتني كبال باب الصَالة

:- دخلي يمة ..

فتحت الباب ايدي ترجف

شفته نايم ؏ التخم وناطيني ضهره

بملابسه مال طلعة والطبلة يمه وعليها النفاضة

اتنفست براحة وطلعت ..

سمَعت كلمة تعاي ..

تصنمت بمكانـي بخوف ..

فتحَ الباب وسحبني من ايدي .

دخلني وسدَ الباب وقفله .

بلعت ريچي بَخوف

صدَ وجهة عليه بعد ما قفلَ الباب

شفافي لزمتها رجفة اريد تطلع مني حجاية ماكو

شحجي عليج يمة

ليش تذليني هيج .

همَس بصوت متعوَب

:- ليش هيج ؟

رديت بخوف

:- كله منك ..

- تقَدم ناحيتي بخطوات بطيئة ﯠ رَد

:- انة غلطان ، وانة كلب ابن ستين كلب

امشي وياي ياللهَ .

- ايديه احتضنت بطني بهدوء

صار هواي محد لمسني لمساتـه

حسيت روحي عروس وتوني اتعرف عليه

لدرجة الرجفة تَرست روحي .

غمضت عيوني خايفة .

انفاسـه الحارة لفتحَت ࢪڪَبتي

دفعته من عندي برهبة وخوف

لزم جف ايدي .. ايديه ترجف نَفس حالتي

تقرب لاذني وهمسَ

:- حياتي كلها .. ما محسبة عليه وانتِ بعيدة

ارجعيلي ميت انة .

كلته

:- مو بهل سهولة نرجع .. كلك خالي الا شروط

رد بلهفة

:- كُليلي شنيَ هنَ واذا اكدر عليهن من عيوني وكلبي .

سحبني مَن ايدي للـتخم

كعد وسحبني يمة بنّص حضنه

ابتسم بوجهي

:- ضعفانة يا تَعبي ؟

مريضة ؟؟ ما بيج غيَر العافية المـا بيه يابة .

احجيلي شني شروطج ..

- سحّبت نَفس بخوف وكتله

:- اوَعدني تسمعني للاخير ؟

ضحك وتقلصت عيونه ، رفع اصبعه واشر

على كل جانب من عينه .

كتله

:- اول شي اريد جهاز ..

تحترم خصوصياتي اكيد .. لان انا بعمري ما فتشت

وانت كذلك ..

ثاني شي اداوم مدرسة

وتحترم كل قراراتي

ثالث شي .. العباية بلشت تضايقني

وانا اصلا ضعفت ، فأبدلها بفساتين محجَبـات ..

رابع شي .. ما تضربني

وهل مرة تحلف باسم الله حتى ارجع وياك

وبقت يمك بَعد ..

- سنَد عكوس ايده علىَ زره .

سحب ايدي بين ايديه .. باسها بهدوء

وجه عيونه عليه واردف

:- مدرسة .. ترجعين الهة غصبا عني همَ

اما الجهاز .. فانا جان ببالي اجيب الج

بَس انت ...

- سكت ورجعَ استرسل

: المهمَ .. خلي هذا هنا وانا اجيب الج الاحسن منه

واحترم كل خصوصياتج وهذا واجبي

واقل شي اقدمه مقابل تعبج واحترامك لخصوصياتي .

اما الضرب ..

قوى قبضة ايده واسترسل

:- الله يشهد على هذاَ كلامي ..

عساني بالكسر اذا هالايد نمدت عليجَ

وحق الي نزل كتابه

ايدي ما تنمد عليج  .

بَس حبيبتي أنتِ .. العباية ما اكدر الهة

مو سهلة عليه .. انا هيج عقلي يرتاح

من اشوفها مغطية كل شي بيج

من اكبر جزء لاصغره

وعيونج انام رغد وبالي مرتاح

من اموت عود انزعيها اذا يعجبج

- همست بصوت ناصي

:- اسم الله .

ابتسم وَاستَرسـل ..

:- يابوية .. وحق ابو الاكبر روحي تفرفح اذا شفتج

بدونها .. انا جاهز لكل شي الا العباية

ولج ابوية اتدمر انا اذا تنزعيها

شحَلاتها عَليج بَس كليلي

جنج عافية روحي بيها ..

يولي انت احلى بنية لبست عباية شافتها عيني

وي بشرتج متناسق لون العباية

حتى ذوقج باختيارها دَقيق ومرتب

احبَ حجابج هذَا المضبوط وايدج الجنها العافية

من تلبسيها اصفن وعليَ

اسمعي مني بوية

وخليج ويايَ لا عليه ..

- دنكَت راسي بخجل ..

ضحك وكال:- صافية يالبن ؟

كمت اريد اطلع رجعني بحضنه

:- كليلي صافية لو لالة ؟

ضحكت بخجل ..

اشرتله براسي ايَ ..

ما قبل يهدني ..

سحبني من ايدي شمرني عالتخم متمددة

حصرني وايديه احتضنت بطني

التخم حيل رفيع دحسني دحَس وحضني تا مايوكع .

تفاصيل وجهة كلها برگبتي ..

جسمي كزبر .. شمنييي شمة قوية اخذ حيفه

مال ٨ اشهر لكدامَ .

كتله بخوف وصوت ذايب

:- صخَر لا تتخبل .. لا يجي خالو

دفعته مني وكمت .

طلعت مثل الحّرامية اتلفت ..

لكيت باجي يم امي وافشلتاه

هيَ تنصح بيه صار من شهر الـ١٠ وهسة

شلون اكلها راح ارجَع ..

ابتسمت بوجهيي بس دخلت سالتني

:- بشري ؟

دنكت راسي بخجل منها نترت بيه

:- حاجيني وافق ؏ الشروط .

استغربت سؤالها

كالت :- متحجين .

ضحكت:- ايي وافق بكل شي بَس العباية

شيـماء:- بهايَ حقه انت حلوة

وهيَ اصلا تخبل عليج يعني ما منقصة من جمالج .

ظل للـ ٦ يالله راح حجه ويَ خالو

بالليل دَز رساله كاتب بيها بـاجر يمكم ساعَة ١٢ .💬

رديت:-💬 خليها فَد ٣ ايام اريد الملم واشبع من اهلي

......

خطَيت الكحلة بعيني

سدَيت باب الغَرفة وقفلتها مثل ما كالت باجي

توجهت لغرفة زينب اطكطك بكعبي ..

اباوع غَرفتها صايرة كربلا ..

شي وحدة تبدل للجهال .. وحدة تمكيج

وحدة جهالها لعبوا جوله بميكاج زينب

والثانية تخوط وتخربط بالحجي ..

وزينب خطية تركض وراهم تستحي تحجي

مو مثله كبحية ..

دخلت وضربت ؏ الباب بقوة

وصفكت ايد بايد وحجيت بصوت شبه عالي

:- يالله.. حبايب برى ..

الي كملت والي بعدها .. المخزن نظيف روحن

مكيجن بي وهمَ بي مبردة

يالله عيني بسرعة

كالت وحدة منهن ..

:- شوً انت ما تستحين .. شنو تطردينا

بعدين احنا مو بغرفتج البت مو مثلج نحسه

عيب عليج ..

ضحكت وتخوصرت الهة ..

:- حبيبتي انتَ بعد روحييي .، زوجي ما يقبل

شبيدي انا كال محد يدخل الغرفة مالتي .

ردت هيَ بغيض

:- انت لوَ هوَ يالحية ..

ضحكت:- تسسس تسسس انا الثعبان .

- الجهال طلعتهم دفَرات همَ وامهاتهم ..

اباوع عليها تركض منا ومنا

والجهال مبدله بَس لنوري لان ويَ ابوه

:- زينب .. جيبي ملابس نونة خل انا ابدل الهة

كالت بلهفة:- اييي فدوة لعيونج .

- كعدت اغني الهةةَ وابدل مشطت شعرها ..

لبسـنا العبي وطلعنا بعَد مـا الوَلد كالوا تحضرن..

ولا شفت صخر وَ لا شافني

راح يحلق واخذ ملابسه وياه ..

زينَ هسَ شلون اخلي يشوفني وينعجب بيه

مثل القصص اليَ جاي اقراهمَ .

ابتّسمت واتذكرت قبل كم هالموقف

جَنت نايمة ؏ الجرَباية .. نزلت برنامج القصص بجهازه .. ما قبل اخذ الجهاز الي اشتروه الي

كال تليفوني عندج بين ما اجيب الج واحد يظل

عندج عمر ..

دَخل للغرفة ..

كال بغضب :- بعدج كااااعدة ؟؟

كتله بقهر :- ولكك عيني الحقير عافها وما سال عنها

سالني بخوف:- يا هيَ ولج ..

دمعت عينه كتله:- جهاد راح يعوف فرحة ..

زفر نفس بتعببب ..

تقدم سحبه مني قويي

:- انا شلون ويَ القصص ؟

ما تملين انتٍ ؟

سَحاب:- ونبي لو تقرا ويَاي ما تمَل

اباوعله يريد يحذفه

عطتت بيي :- لا حَباب الله عليك .

ونبي راح اقلل قصص بعد ..

نتر:- سمعتها هالجملة قبل ايام

- برطمت شفافي بزعل

:- صار ٣ ايام اسوي بالحساب وتريد تخذفه

انا ما صدكت اسويه حتَ اعلق .

عاط:- لججج بابا جذب بجذب ..

ضحكت:- بهاَي صدقت .. مسويكم بالواتباد فَد حبابين

وانتوا سَرسرية ..

ضحكت وكتله

:- انتَ بَس لو تدري شلون يعبدنك عبادة بهل برنامج

ما تعوف النسَوان وعد مني .

وعلي يصوخير واحطلك عطرييي

وانت تسيححح سوووووح

ذكرني بعد كم يوم عدنا عرس

عود اطلع حلوة وانتَ تنبهر بشكلي

وحبك يزيد ونعيد عرسنا وهيج .

اكلك بالقصص الي تتزوج جبر

تنام بالكاع والصخل مالها ؏ الجرباية .

شو انا وانت مو هيج ؟

- رفَع حاجبه وخزرني ..

خليت ايديَ ؏ حلگي من استوعبت انيَ بعرتها لا محالة..

تقدمَ سحبني لحضنة و ردَ

:- انا وانتِ نختلف ..

(( ركبن ويايَ نرجع للحاظر )) .

فَززني صوت زينب :- يالله وجَ تاخرنا .

طلعنا حتى وجوهنا مضمومة .

كوة وصلت الكية

سايرتة يرحون بيها هوَ وحاتم والوَلد

ايي ، اليومَ رايحين نخطب لـحاتم .

مو هذا الكَسَر خاطري .

الكـسر خاطري زوجة عمة استغلت الموقف

وعزمتها هيَ بدون امي للخطوبة

ردت بكل برود بَـتول

:- بحيل الله احظر شلون ما احظر

ابن عمَي هذا .

وصلنا واهل البنية خوش ناس حلوة

بَس بتول احلى بهواااي .. هوَ الخسَر

عسى ربي يخلي ابن الحلال بدربها .

الولد جوة واحنَـة فوَك .

اجتني زينب تركض

:- يمعودة سلينا كوميز يريد يشوفج بفستان السهرة .

ضحكت بدلع :- يححح السهرةَ الجبيرة الليله خية

- ترست روحي عطر .. عدلت حمرتي بالحمَام

وطلعت اهوبز اريد بَس اشوفه

كووووة قنعته يلبس هالقَميص

جيت انزل كل ضني جوة

وانعت من ايدي عتهَ وعلي كلبي وكع مني .

نتر بيه:- وين نازله ولج ؟

ابتسمت رغم الم الجرَة

:- يححح .. شطالع ولك .

ضحك وستر وجهة بايده

:- عابت مو تعرفيني خجول ..

صفنت:- دخيلك يا عليَ شو نگلبت الاية .

ابتسم سحبني يبوس :- كيمر انت ؟ حليب انت ؟

اردفت بضجرَ :- اكلك كول بقرة وخلصني .

خزرنس يخفي ضحكته:- لسانج طالع

عفتج كم شهرَ وي شيـماء.. طلع لسانج .

رديته بتكبر وغرور:- عفوا .. اسمها ست شيـماء ..

- عوج حلگه

سحَاب:- اكلك خل نركص احب هاي الاغنية

بشرفك نركص سلووو .

نتر:- يا سلووو يا غَبرا ... جفت علينا واحد ؟

:- رجَال ومرتـه .

رد ببرود:- لا ..

عطت وحاصرتني البجية

:- ما ماااا اريد اركص ..

- واضرب باالكعب بالكَاع .

نترر ولزمني من ايدي قوي .

:- اثبتييييي ...

رديت معانده:- مااا مااا .

- طلع مشهد يكول ..

( لما عليا انا بينادي ، يحبيبتي يا ام ولادي )

دردمت مفرفحة

:- يا ولادي يا زرب* همَ كلهم خووونة .

تقدم سحبني لحضنه وكرصني من بطني بقووة

ما لحكت اصرخ .. كتم صراخي بايده .

عيوني دمعت .. همس وايده ؏ حلگي

:- يابة انتِ الليلة عرسج .. راح اعلمج على ركصات

حتى بالهند ما موجودة .

باااسني قوووي بخدَييي ونزل ..

دخلت زينب تدردم :- مو صارساعة اصيح عليج .

رجعنا البيت باليل التعب كاسر ضهري ..

مددت ؏ الجرباية .. كل ضني راح يسهر ويَ

الولد حتى من يرجع يحدد شوكت يجددلي عرسي

دخل فاتح دكَم القميص للصَرة ..

مبتسم ، ومبتهج .. ربنا يسترَ بَس .

وعيونه يمكن واظن اكو احد مطفيها

شو عينه مثل الي تغامز ، مَدري يغمزلي .

كعد - يـَمـيٰ كال بحيلة

:- يالله يعروسة .. تحضري

كتله مستغربة :- شتحضر حبيبي .. عرس غير صخام عالم ناااس .. بدلة ، قاااط خما بالغرفة ..

سال :- يا عرس ؟

:- عَرس اميييي عرس اميييي

چــاا انت مو كتلي ؟

ضحك:- عبالي نعيد بس ليلة الدخلة خصوصا يعني .

:- چــا شني بَس نومة هيَ ؟

اختفت ضحكتة .. ادري بي ما يحب هاي الكلمة

كلي بهدوء:- لو عندَي فلوس ما اعزهن عليج

جاي اجمعلج פــتى اجيب الجهاز

واجمع حتى نسوي الغرفة الي ببالج

انا بالنسبة الي جنتَ مو بسَ فرحان

جنت طاير بيج طيررر .. بَس انت جنت

كتله بسرعة:- انا ما تهنيت والله.

ضحك:- مشكلتج هَاي حبيبي .

- تقرب من خدَي وباسه ..

:- يكَفي انت - يـَمـيٰ .. خلينا نعيد الليلة الي نحرمنا منهة ..

ضحكت بخجل ..

صوفر بصوتَ عالي وضرب ايد بايد متحمس

:- مو اكلجَ مشتهية ومَستحية .

دنكت راسي :- يــاا .

ابتسم :- راح ادخل اسبح لان ريحتي صارت شسمة

من اكمل سبحي وراي حتى تاخذين راحتج

وتتمزمزيلي على اخرَ حبةَ

سحاب..

دخَل يسبح وانا طكيتها للكنتور .

خليت كل شي بالسلة .. مكياج شسوار .

بَس طلع دخلت وراه

خضيت نفسي بماي بارد بدون شعرش ما بيه اشسور

دكَ الباب عليه

صَخر:- سُحـاب ، طالع انة اجيب جكاير واجيب جم شغلة لامي اجيبلج شي وياي ؟

وكفت يم البـاب ونترت بيه وحجيت بحده

:- شوف .. والله لو تجيب جكارة وحدة

اكلبها مناحة عليككك سمعت ..

واطلع ما اكمل واللبس الدشداشة الحمرة الي ماتحبها

وبعد لو شتصير ما احجييي وياك .

نتر:- هوووب هوووب .. منين تطفى يا محمد ؟

سَحاب:- خلص الكَلام .

اسمع بَس صوت الضحكة

:- تامرين امر يابة .

- كملت وطلعت انتضره بالغرفة

كلبي يرجف تكول عروس اول يوم .. هسة شني .

عيني انفتحت الباب لو فتح راسي

جيت ارجع ادخل للحمام

تالي لزمني

صخَر:- يا خطوبة حاتم يا دنيا .. يا زواج

اليوم شيخلصج مني .. يعني انت لو دشداشة حمرة

لو هذا .

مرتَ الليلة هَاي وتسجلت من اجمل ليالي عمري

شكد حلوة شكد لطيفة هاي الايام .

كل متزوجة تعرف الليالي هاي تتسجيل المخ وتتسرخ

..

•يتبَع .

الـــــجزءَ الثاني من البارت الاخير

بقلمي.. مريم علاء .

اباوع بَس طلع حيدر كلهنَ نهزمن

تكابلنـا انا وزوجة ابن عمَي وزينب

بَس العدد جبيرررر .. يعني مو مال بَس ٣ بنات

ظلينا نثرم لحد ما دخلت باجي

شافتنا ظلتَ تحجي

:- كووومن عيني كووومن ، من ما اعزم احد

كلجن تصيحن شنيييي باجييي نريد مرادنا

يااا مراد وانتن بس سوالف سولفن بس كومن عاونهن

- ولا تحركن ..

طلعتَ شوَي وراها دخَل صخر يحمحم .

دخل راسهَ بالكـاع نترَ

:- كومن ما اريدَ ولا وحدة كاعدةَ الي ما يعجبها

ترجعَ منين ما اجتي .

وطلع ..

ضحكت بداخلي بَس شفتهن كامن

بَس كملت البصل صعدَت ابدل ريحتي صارت بصل

وَ حااارة

مددتَ شويَ دخل هوَ

مدري شيدورَ .

صخَر:- شوَ نايمة بوية ؟

: تَعبت والله.

ضحك:- كومي حبيبي .. خلصنا تا الحسين عليه السَلام ينطيج مرادج هنَ خطيَ هم تعبن .

:- جيتك .

- نزلنا والڪـ؏ـدة ڪـ؏ـدة للـ ٤ الفجر

عيوني قفلت .. استحي اصعد كلها كاعدة .

اباوعله من شباج المطبخ لازم ضهرة ومتشنج .

سودة عليهَ ..

طلعتَ بعدَ ما سدوَ الباب وكعدوا بالحديقة

؏ الكَراسي ..

بس شافني كام على حيله

سحنبي من ايدي لورى البيتَ

صخرَ:- تعبان .

سَحاب:- هانت كملت ما بقىَ شي

ينطيك مرادك يحبيبي .

:- نَـعستي ؟

:- طفيييت .

ابتسم:- يالله بـ٦ نحلص ونصعد انا وياج

نظل نايمين ما عدنا شي ..

:- شيخيَ انتَ .

ضحك:- محد يصيحلي شيخ هنـا بس عمَج .

سَحاب:- غيرَ انتَ ما معترف بنفسك .

:- ما اعرف .. عمج كرهني بالمشيَخة

وبهل سوالف منَ كام ياخذ فلوس وفصول .

ما صعدنا من ال٧ الناس بدت تجي

كاموا يوزعون للـ ١٢ الضهر يالله خلصوا

هذا كله وهم ما نايمين

طلعوا رادوا يعوفون الجدَورة

صاحَ بيهم صخر:- وين ؟؟

ردَ عامر:- للبيت تعبنا .

صخر:- والجَداري ؟؟

رد بقبحَ :- شغلَ النسـوان هذاَ .

حك راسه وعينه مطفية

:- دَيالله لعد سدَ البابَ وتعــاال .

- صوتهم بلَش يعلىٰ ..

بَس ڪلمة صخرَ هيَ المَشـت ..

تعاونوا عليها الولد وياهمَ هوَ خطية ما عافهم

سوينا الهم الرَيوك اكلوا وراحوا

دخلَ سحبني وصعدَ .

ونمنا وهيَ النومة ننووومة لليل .

زينب راحت ويَ امهة للبيت اهلها

لكيت باجي مسوية العشة خطية

اكلنا ورجعت صعدت اريد انام

دخَل صخرَ ظل يحارش بيه ما يحب النومَ هوَ

لوَ يكرص لوَ يدغدغَ ببطني

وهيج يظل لحد ما النومة تطير منَ عيني

عافني ودخلَ يسبح

كمت عزلت الغرفة .. شلت الجرجف جاي ابدله

دكَ جهازة ..

صحت بيه :- جهاازززك .

صَـاح وهوَ بالحمام :شوفيَ منو .

وكفت يمه اباوع اسم زهراء بالانكليزي

كلبي نغزني .. شعدنا تتصل بي سَاعة ٩ باليل ؟

طلع من الحمام بالشورت والمنشفة بسَ على راسه

:- هااا منو ؟

- ابتعدت عنَ الجهاز بدون ردَ

عافني وتقدم للجهاز .. رحت انا للكنتور

اخذت جرجف جديدَ ..

بديت افرشَ بي واحس عينه عليه

فتح الخط .. وكال :- نَعم .

ردت بصوت عالي الضاهر فتح سبيكرَ

:- شلونك صخرَ .

صخَر:- هلا .

: ليش ردك ثيڪل ؟

:- محاجيج انا قبل .. وان ردي ثكيل

تقضلي ؟

:- هيجَ صارتَ يبن عمَي ..

: ما عايل بيج انة .. محتاجةَ شي ؟

ردت بصوت مقهور

:- راحَ انزع عباتي .. تعرف بابا دبر الي تعيين

وياه بالمستشفى.. وراح اشتغل بيها

حَبيت انطيك خبر اني راحَ انزع العباية .

ردَ بحدة .

:- وانا شنو ؟

زَهراء:- زوجيَ .

رد :- سابقًا .. حاليا انا رجال متزوج .. لا تخرطين بكيفج .

زهراء:- صخَر .. كلت انطيك خبر

صخرَ:- صحَ كريبتي ، بَس موَ معانها اتحكـم بيج

انا سيطرتي بَس على اهل بيتي لا غير .

عندج اخ واب .. يشوفون ويسمعون

همَ موش زلم البيت لوَ مختلـف الوَضع ؟

زهراء:- بايَ صخر باااي .

- سبقها وسده بوجها .. ظليت اعزل الملابس

واحس نظراته منيي بَس مادري

احس نااار اشتعلت بنَـص صدريَ .

زفر نفّس قوي حيل

تقـدَم - يـَمـيٰ دفعني من الكنتور ، طَلع ملابسه

لبس اخذ جهازه وطلع وركع الباب .

ما اهتميت اول

عبالي هيج عااادي

لليل ما اجة .. انوب عليمن اتصل بيه

كلها نايمة .. مددت رجلي ترجفَ ..

خليت راسي ؏ المخدَة كبل بجيت ..

نمت كعدت لكيته نايمَ - يـَمـيٰ

ظلينا ٣ ايام بدون كلام والزعل طااال .

احنـا نتحاجة كبال الكل بَس بالغرفة ما ينطق بحرف

ولا انا ..

بالليل نايمين ..

حَسيت عَليه صدَ لجهَتيَ

سحبني لحضنة .. قاومتـه ودفعته

ثبت رجلي برجله ونتر:- اثَبتييي .

سَحاب:- وخَر مني .

:- اشششش ، كافي يولَ كلبي طاااك .

تتوقعين مني خيانة انتٍِ يعنيَ ؟

- سكتت ما رديت فوك الربع ساعة

صافنة وافكر ..

ضغط قوَي على بطني وهمس بإذني

:- يول يا تعبيَ انتِ .. ماكدر بَعد صدَي عليه حضنيني

اردفت مقهورة:- ليش تتصل عليك بالليل ؟

:- وعيونج انتِ من تتصل ما ارد .. بس رديت كدامج .

هَي سالفة ما عزمناهم غثتهم

كلتلك شلون اسم عليهم عيشتهم خل اسوي مشكلة

سَحاب:- صعبة تتصل عليك صخر .. دمي احترك والله ..

كلبني عليه بسرعة .. وجهي قابل وجهة

بـاس شفتي بصورةَ سريعة مبتسم

:- طلع غيران الحلـو ،، دكلي هيج يا عيني انتِ .

ضربتـه على صدره .

:- لا تسوَي بية هيج ..

- صَديت وجهي عنه .. انا مو قشمر بسرعة ارضى

صَخر:- كُليلي وعيوني الج .

- صفنت شلونَ استغل الموقف شلوووون

تذكرت الأربعينية ما بقى الهة الا كمَ يوم

كعدنا الصبحَ دخل غسل وجهة ..

هوَ من يكمل صلاة الصبحَ ينتظرني اخلص يكعد عالجَرباية .. وانـا اصلي هيج تعود حتى يشوف صلاتي وننزل سوية .

كملت شلت سجادتي تقربت اخذَ حجابي من يمة تا ننزل

سَحبني بحُضنة وهوَ كاعد على رجله تبثني

لزمت قميصه قوووي اخاف واتكسر

ذبَ الشـال ودحسَ راسه بركتيي ويشم بيها

غمضت عيني

جيت ادفعه لزم ايديَ ..

اردف بحدَة: تَاالي وياج ؟

كتله بدون تركيز من حرَكاته

:- كافَي حباب ..

صخر:- اليومَ ما انزل اذا ما نتصالح .

- صفنت بوجهة :- بعد ما يتكرر الصار اوعدني .

لزم شاربه:- من هالشارب .. وبعدَ .

تقرب ايديني حاوطت ركبته .

:- اممم ، عندَي بعدَ طلب .

صَخر:- اسمعج .

:- اريد اروح مشَاية .

عكدَ حاجبة ونتر :- شيليها من بالجَ .

:- ليـــــــــش ؟

:- ماكو وخلص .

سحاب..

اخذت طرف خده ببوسه

:- اللبس نقـاب والله .

صاح:- كتلج لاااا .

سَحاب:-ويااااك وياككك انا شبيكك .

صرخ بيه:- تعرفين هذنَ الي يروحن ...

- راد يكمل كلامه .. حطيت ايده ؏ حلگه

:- بشرفكَ لا تحجي مثل حجيهم ابوس عيونك

حبيبي انتَ ..

صخر:- عندج مبرر غيرَ هذا ؟

سَحاب:- حالنا من حالكم .. من وانا صغيرا اتمنى اروح ازور الحسين بأيام المشاية

جان ردكم دوم .. لا وبس المستهرات يروحن

والي يريدن الشباب تتفرج عليهم

هذا الكَلام هواي سمعته .

صخر قبل كل شي انا مرتك ووياك طالعة

يعني الي ينطق حرف يعتبر هذا اخر حرف ينطقه

وكلتك اني راح اللبس ويَ عباتي نقاب وغير

عيوني ما تبين والله

صخَر صرت ٲحبك اكثر من تغيرت

من صرت حنين وتتفهم

حباب خليك هيج فدوَا رحتلك .

صخَر:- انه شون بيج َ.

:- روحححححي انتَ صير مرة غير عنهم ، والله هوَ انت اصلا غير بسَ دتصير ، فهمتني ؟

:- لا

سَحاب:- عــااا صخَر ؟؟؟؟؟؟

:- الله كرَيم .

:- لاااا حَبيبييي اعرفها ، واعرف الله كريم

حاشاه يكَون بخيل .. يالله حباب .

- صفن صفنةةة ، مال وحدة عليها ديون الدنيا

وزرجها طلكها .

راح نام من كعدنا الصبحَ بس كمل صلاة

كال:- حضري كل غراضج اليوم الفجر نطلع

عيني عينييي شَصـاار بيه

حضرت كل غراضنا اخذتله تراكسود

وانا خليت الي همّ تراكسَود اسود اخاف ابدل .

كعدنا بالخَمسة سبحنا

لبستَ نقابَي .. وعباتي ومشينا .

اول شي طلعنا منا ورحنا يم كرايبنا وكرايب صخر

بااحد اقضية بغداد .. خلينا يمهم السيـارة

وتوجَهنا لعون .. مناك بدينا نمشي

اول ٦ ساعات نرتاح ربّع ساعة ونرجع نمشي .

ما خلانا نكعد يكول احنا شباب صغار بالعمر عليش

نرتاحح .

النـاس هوايَ دتمَشي وهوَ كل ما يشوف احد مشة من

- يـَمـيٰ يلزم ايدي قوَي

اول مرة بحَيـاتي كلها اروحَ مشـاية .

جان حلمّي وحلمَ بتول .. هسَ لو هيَ وياي .

دخلنا بموكب وكف كال نرتاح

مشَة هوَ للموكب الي كبالي يساعدَهم وانا دخلت

للـسَرداق هوَاي نسوان وناسّ تخدم بالزوار .

شفتَ فراش فارغ نمت بي .

فزيت ورة نصَ ساعة تقريبا حطيت

النقَاب على راسي وطلعت .. شفته بعد واكف

استحيَ ارفع ايدي واأشر

وصيت طفل راحَ صاح عليه .

اجة:- ها نمتي ؟

:- ٲي نمت وانتَ ..

صخر:- ايي ايي .

ابستمت:- ما نايم ؟

:- ماكدر .. امشي نكمل طريقنا .

بدت الزوار تتفرق

مشينا بطريق قليل بيَ الناس

طلع جهازة وعنده هايَ السمعة الي تصير بلوتوث

انطاني وحدة وخلةَ بأذنه وحدة

وشغل لطميات هوّاي غيرت من جَونا

وهذنَ اللطميات الهنَ طعم يختلف من تسمعهن

وانت رايح مشاية

كل شوَي مطلع لمرتضى حرب قصيدة

لو محمد الحلفي مال ثكيلة جروحيَ

قصيدة مرتضى مال عاتبتهم كل ١٠ دَقايق يعدها

تعبنا حيل من المَشي ..

دخَل غير ملابسه وجابلي كرسي

وكف فوك راسي يمسَح عليه بهدوء

صخرَ:- ينطيج مرادجَ يزايرَة .

ويوفقج بدراستج.. ويسعدنا سوية .

كملتها بغصَة:- ويرزقنا الذَرية الصالحةَ .

ابتسم:- بحيل اللـه.

كملنَا مشيَ لحد ما بدينا نوصلَ قريب الحّرم .

اردف صخرَ:- بمثل هيج مصاب

السيدة زينبَ تمشي وياها كَل الأيتام لكربلاء

دتشَوف اخوانها .

شلون تعدت هالفَـاجعة الاليمة هاي

چــاا شكَد كوية يا عابدةالـ ؏َـلي ، ام اخيها .

بنتَهَ لداحي بابَ خيبر شلون ترديها تصيرَ .

وبَعد يومين ونصَ تعبَ

رجعنا كبل نمنا .. ننَام ونرجع نكَعد

بعدَ ايام خطية اشترالي الجهَاز .

وما قصَر ..

جابه نوعيه زينةَ حتى يظل عندي هوَاي .

سَحاب ..

واكف ؏ الدَرجَ المتنقل يصبغ السكف

صاااح بيه

:- طفييي هذا اموت منهَ .

باوعتله ضاحكة:- ياهوَ .

:- هذَا السالم ما احبه ..

سَحاب:- چا شطلعلك ..

صاحح .. هوَ بحثي فلان اغنية فلانَ .

ضحكت:- جديدة هَاي .

:- اي .

- بلشَ يشتغل ويغني بصوت عالي

خربت ضحك عليه .. لَفل الثقة عنده كلش عالي

نترت بي بضحكة:- يابة وائل كفوري

سطرتنـاا .. يهَـووَ هذا ضاحك عليك كلك صوت

حلو ؟

انا بالجهة الثانية من الغرفة اعزل الملابس حتى يفتح الكنتور .. وهوَ بغرفة الكعدة الثانيَة

شفت ظله بباب الكنتور .. هيَ عيطة هَي كمزة

لزمني من ياخة الدَشداشة .

:- يهَ هذا التحجينَ عليه .

كتله وكوة كاتمة الضحكة

:- وائل ڪفوري شبيك ؟

نتر عوَد هوَ عصبي:- تدرين موصوجج

صوج الزوَج الي يغني الجَ .

:- نورَ عيني انتَ غني بعد ما احجي شيَ .

نصبوا غرفة جديدة

وخطية اتداين فوك فلوسة اخذلنا نصَ تخم

خلاه بغرفة الكعدة جانت جرباية ام النفرَ

صبغها بيضة ووحدة بيها نقش جوزي

نص غرفة تركية لان احبها اكثر من الماليزي

كرهتها من يوم جيت نوووبَ جانت سودة

بحيث شكد امقتها مدري شلون كملت هالكمَ شهرَ

بيها .

خطية ذَب دَم كلبي بالغرفة

ايام قليلة وعلنوا الدّوام مال مدراس

بشهر الـ١١

أخذني للسوك جبنا كل شي

وحضرني مَن ناحية كُل الاحتياجات لان باسبوع

الدّوام هوَ نازل للـدوامًَ مالتـه .

راح لمدرستي القدَيمة

بالواسطات والفلوس عبروني مرحلة الثاني متوسط

وكبل صرتَ طالبة ثالث .

كعدَ قبل ما ينزل لدوامه بيوم يحجي وياي .

صَخر:-باعي يابة .

اريد منج تفتحيلي اذنج ووحلگج وحتىَ خشمج

باعيلي .. هسَة انت عندج تليفون رسميّ

ووعد .. ما امدَ ايدي عليه بدون علمج

وخاص بيج والج كامل خصوصيتج

كل البرامج الي تعجبج نزليها

بَس عندي كم شرط يبا .

صدَيقات ؏ النتَ ماكو سُحـابي.

نهائيا هذا شي ما اريد حتىَ تذكري كدامي

وياج بالدوام ؏َـادي

بسَ مال من النت وتراسلنت

هنا ثقي بية الثقة والحاجز راح ينهدَم

وعديني يابة

ابتسمت:- وعيونك .

ضحك :- صادقي بالدوَام بس ما اريد علاقة قوية

انتبهيَ لدروسج يابة

انت ثالث السنَة ينراد تشدين حيلج

واي مادة صعبة عليج نسجل دورة تقوية تمام ؟

- هَزيت راسي بـ ٲي .

صَخر:- اريد مريتي شاطرررة شاااطرة

مو هيج شون مجانَ .. وشغل البيت هذا صح شي بينكم

بسَ افضل تتفقين انت وزينب

وانا من اجيَ منَ الدوام اعاونج

حتىَ مواعين اغسل بدلَ عنج وتامريني امرَ .

سحاب ..

ابتسمت بوجهة وبستٰه بخدةَ قويَ

:- جعل ربي ما يحرمني منك .

بتولَ ..

نايمة ساعة 3 اتصل بيه حسن

:- تولة .. فتحيلي الباب انا جايَ ..

سديته منه ونزلت الباب الخارجي يم باب الصالة

مريت من يمه وسمعت اسمي .

مو طبعي بَس ما تحملت اوخر .

اسمعه يكول

:- يممممة صاحبي تقدم الـــهااا جاي اكلج ؟

شيماء :- واذا نرفض ؟؟

صهيب:- شترفضيييبن يمة جاي اكلج هاويها انةةة

ليش تخليها تروح من ايديَ ..

بتول:-بَس سمعت هيج مباشرا ابتعدت

صعدت للغرفة اترااااجف .

كتبت لســحَااب :- باجٰࢪ تكدرين تجين ..

ردت:- حسن همَ خابر صخر يريده صاير شي ؟

:- تعالي ونحجي .

بتول:- بَس اجت ثاني اخذتها فوووك

حجيت كل شي صدمتني من كالت

:- اعرف ..

بتول:- تعرفيييبن وما كلتيلي .

سحاب:- اخاف ينشده بالج عن الدرَاسة.

نزلنا جوة بعَد نقاااش قاتل

جانوا يحجوون بموضوع شيل ما شيل

تالي طلع حس متصل بصخر يريد يطلع منا

كال صخر:- فلوسج باجي موجودة

وهناك بيتج موجود ابن ابو يكلي ماكو

وانت - بـࢪاحتــَج اختاري الي يريح بالج ..

ڪريمة:- لاَ يمة انا اريد هنا يم خالك .

- كلها عارضت واكثر واحد صهيب

حمدت ربي يمكن القَرار هذا اجه بوقته

البيت الي اجرنا طابق واحد .

صخر تكفلل بكل شي وخالو كال عليه الاثاث .

البيت بعيد عن بيت خالو فرعين

كملنا واستقرينا بيه

بيت حلووو وصغير بديت اخذ راحتي

واكفة اسوي الملابس بالغسالة ..

دخلَ علينا صهيب بدون احَم ولا دستور

خجلت منه حيل .. احسه عرف انة عندي علم

بحبه ..

ما اريد اكرر خطا حـــااتم .

صفن بوجهي وبايده علاليك

عيونه فحصتني فَحصصص

كال وهوَ شبه فاقد

:- ما جانَ الهة داعي هالـشيل هذا .

صَديت وجهَي بدون رد

بالدَوام سَجلوني خط احد جماعته .

مر ٣ اسابيع انا وياه

بيوم كاعدين العصر ندكت الباب

دخلت مرة سألتني :- بتول مو ؟؟

:- اييي خالة ..

المَرة:- ما شاء اللــهہٰ .

دخلت تحجي وعرفت عن نفسها

هيَ امه للســـااايق

واجت خطابة .. ظلت ماما تجامل

لحد ما طلعوا كالت

:- خل نشــووف خالج شيكول .

صصصرخت :- بالج يمة تعيدين بيه غلط سحاب ..

ما حجت شي

ورا الصَلاة دَخل علينا صهيب وياه باجي شيماء

يحجييي ومحروك كلبه

:- الططططرن مأمن البنت يمة يكعد يبصبص ؟

صاحن بي باجي

:- ؏ كيفك يمة .. الولدّ اجة خطب كبل ما غلطان

عااط:- عمة زوااج ماكو خل تلتهي بدّراستها ..

- وركع الباب وطلع .. ظلت عيوني بين امهَ وامي

واحس الكلَ جان يدري الا انا

لليل اتصل بيه

كال:- لا خط ولا شَي انا اجيبج واوديج

بتول:- وشغلك .

عااط :- معليج بالخ** هسةَ ..

- سڪت شوّي وكال

:- انتِ شرايجَ ، موافقه .

رديت ببرود:- لا درَستي اهــمَ .

تنفس بـراحة :- هذّا هوَ يابة .

داومت اول يوم وجان جدا متعب

كمامات تختك وعينهن عليه لان كل شوَي انزعها

الحلقة نزعَتها لان فضلية تدخل وَبس تشوفها تتصركع

رجعت للبيت هلكانة ما خلني اشتغل

كلت باليل اطبخَ الاكل بدَل عنهم .

غسلت المواعين - يـَمـيٰ نور بنت حيدرَ تلعب

بالجهاز ..

بَس كملت شلتها وصعدت للغرفة

خليتها ؏ الجرباية ووكفت اخلي شي لوجهي

صاحت:- ثوووحب سوووووحب

عمووو عموووووو ابو كرعة يسوي ترن ترن .

ضحكت .. كعدت يمها خليتها بحضني ورديت .

:- هــا حَبيبي .

صَخر:- مشتاقتلج .

:- شوكت تجي ؟

:- بعدَ بالاسبوع مابقىَ شي .

احجيلي شلون جان يومج يبا

بديت احجيله وكعدَ يوصي

بينا على ابو هيجج وهيجججج .

كلششش وسواوسي

بعد كم يوم نزل

بَس احواله مو طبيعية ..هوَ من رجعت ما يتقربلي من ينزل الا يمر يومين يخاف

تالي اخذَ حيدر وراح يسوي مسحة

وفعلت جان بي كورونا .

شبَعنا قهر

ما يقبل يدخلَ نترت باجي .

:- خل يفووون بسرعة وين يروحح

حيدر:- يريد يروح للشقة .

مروة:- يااا شقة هناااك منو يداريه

دخل للصالة رتبناها اله

الباب الخارجي مال صالة مفتوح .

اباوعله لازم كمامته والولد ينقلون بالجرباية .

واكفة اسويّ عشة بالمطبخَ وكوة لازمَة دمعتي .

اتصل بيه

:- هاا صخر .

:- شبي صوتج ؟

كبل بجيت انا بَس كال هيج

رد ملهوف :- ليشَ هالبجي يا بوية ؟

:- شلون صَرت ..

صخر ..

بخيَر وعيونج بخير

لا تفاولين عليه ولججج

مر الشهَر وهو بعده يخاف

وانا كلبي يرجف عليه

بَس رجع ما قبل ننوب

جيت ابجي لليلَ كال :- يالله .

ماعفته ابد .. عرفت معنى هالانسان بحياتي .

بعد فترة كاعدة اقرا بهل قصص

كل يوم مأجلين بهل امتحانات

دخلَ هو نتر

:- هم كاعدة على هذا الخر**

كمت بسرعة للكتب

كعدت يمة بغرفة الكعدة واتافاف

لزمني قررراني الكيمياء اول شي لان طلعت بيها

بنصف السنة

وبعَد عناااااء

نجحت منَ اطول سنة دراسية وهيَ الثالث .

كاعدة ؏ القصة اتفرج

واجة ببالي اكتب قصتي .. شبيها شغلات حلوة

بَس محد ترضى .. راسلت لو ما يردن

لو كاتبة كلشش كسرت واهسي

من كالت :-مجرد يوميات .. يعني ماكو عبرة اصلا ماكو قصة ..

بس من جربت حظي لكيت مريم كدامي

بالبداية همَ عطنزت عليه

بَس رضت وجانت تفهمني الي تريده

كتبت اول بارت وكالتَ بس شوفي اذا ما عجبج

اشوف الج غير كاتبة

جانت هيَ ما تريد تكتب القصة

بسَ متت ؏ البارت الاول خصَ الحسَ

الفكاهي اليَ ضافتـه للقصة

هذا شي ثااااني تماما .

راح من بالي افاتح صخر

رجع ومنَ كتله

:- يـــاا قصة بابا انة صاير قصة هسَة .

ما قبل اربع ايام اركض وراه

سحــــااب :- حبيبي اذا على الماضي والي فات

منو بينا ما يغلط

خلي النـــااس تتعلم من اخطائنا .

وكل شي كالت بالخصوصية تغير ولا كانوا احنا

اتفقت وياها انا

نتر كبل :- المممن هنوووب محاجية

ســـــحاب:- واللهَ بنية حبابة مجرد ؏ القصة

لا اكثر ولا اقل .

وبعَد معاناه قبل

ان تكتب لكن بشروطه ، يتَرأس شروطه

:- اقراها اول بأول ، واذا ما عَجبني شي ينحذف .

- اتفقنا على هيج .

ومن بدَت انا اكثر انسـانة متَحمسة جنت .

وبدينا بيها انا وياها

اول ما بدت تنزلّ هو جان دوّام

دزيتله صور يقرا

كتب:- من ارجع علميني ؏ـلى هذا البرنامج .

ضحكت واخيرا .

رجع وايام هوَ ناسي

تالي لكفته يقرا

من نزلته بجهازة ما حاذفه مبدل الصورة

ومبقى الاسم نفسه .

بقصة حياتي اما كـــ سحاب.. تعلمت هوايَ شغلات

اتمنى كنت خَفيفة ظل عليكم .

جنت اقرا كل حرف ينكتب ولحد هسة

بس ينزل البارت اكابل جهازي

واقرا كل شي

محاللة مواهبة كل شخص سبني اوَ فشر

ما انكر جنت انجرح ، بالنهاية كلنا نخطا

شكرا جزيلًا لمــريم الصَديقة الوفية

احب اكلج كل يوم وياج احلى من الي قبله

واتمنى الـــــج التفوق بمسيرتج الدراسية .

وَ شكرا .

• النـــــهاية .

والىَ هنـــاا وصلنا لنهاية قصتنا .

اعرف اتاخر حيل عنكم .. بَس ثقو بالله

كل شي مو بايدي

وكل مرة وعدتكم ببارت وما نزلت انا اعتذر

اما بالنسبة لــبتَول لان ما وضحتَ نهاية

بتول حاليًا صَف ساادس ٢٠٢٣

بلشت تدرس

صهيب بعدهَ يحاول لكن امه رافضة

لان عندها دراسة

اي شي يصير من احَداث جَديدة

راح انزل بارت من يومهم

لان بتول ما حبت تشارك كل تفاصيلها .

اليوم مرَ على مسيرتي بكتابة مقيد اجنحتي

اكثر من ٩ اشهرَ

يتبعها الدرَاسة والظروف

قصرت وياها

حاولت قدرَ المستطاع  ان انطيها كامل استحقاقها

شكرا لحسن معاملتكم ويايَ

شكرا لحبكم .. ودعمكم واحلى الرسائل

اليوم راح افارق سحاب ..

خلص مشواري وياها وهذا اكثر شي قاهرني

جانت نعم الصَديقة

تسهرَ وياي للصبح علمود دراستي

وما تمل ابدا

شكرا لان قصتج جانت بداَية لنجاحي

بداية لدخولي ٣٠٠ الف مشاهد

والف متابع على الواتبــاد .

جانَ حلم بسيط وبلش يكبر .

والحمَد لله

واحبكم 🥹🤍 .

احجولي هنا

اكثر شي حبيتوا بالقصة ؟

رايكم بيها ؟

اكثر شخصية تحبوها  ؟

الىَ اللقاء بقصة جَديدة

احبكم ♥️ .

بداية شهرا الخامس طالعين انا وامي ويانا باجي شيماء نفتر

ندور على مطعم نتعشى بي ..

دقايق وباجي لمحت مطعم اردفت بأستعجال

: هذا هذا تعالن .

تقدم الويتر وسألنا شنو تحبون

وبعد هوسة الاختيار .. عم الصمت ننتظر الاكل

كسر هالهدوء صوت باجي

: كريمة ، اخوج يكول قبل ما تبدي بتول دراسة ، خل نسافر للشمال .

ردت امي بسرعة

: لا لا شيماء ، لا شمال ولا هاي شعدنا هاي مو طالعين احنا هسة .

شيماء : صدك تحجين كريمة ؟ هاي هم طلعة خلينا نروح نتونس يابة

جهالج روحهم طالعة

باوعت عليَّ تأشر

: شوفي تولة سودة بوجهي ، وجهة اصفر وضعفانة .

ابتسمت الهة .. كملت كلامها

شيماء : يابة خل نروح نتونس انا روحي طاكة من صهيب وابو .

قدمت امي روحها بقلق تسأل

: شصاير يا ستار ؟

سحبت باجي كلاص المي البلاستك تفتح بي وتزفر نفسها بجزع

: شنو ما صاير كريمة ، اخوووج ميرحم بحال هالولد ، وذاك طايش ميفهم

وتعالي شوفي البيت ٢٤ ساعة مكهرب لازمة گلبي على ساعة تكب العيطة ..

كريمة : رجع لهاي المسيحية ؟

هزت  راسها مبتسمة

شيماء : شفايتلي يرجع الهةة يكريمة ..

رجع عمَ الهدوء من شفنا الويتر يتقدم بايده الطلب

حطهن دقايق ورجع بأيده الببسي .

كملت باجي كلامها ومركزة عيونها عليَّ

: كريمة ، ابني عاشگ  .. وللمرة الثانية اختياره خطأ .

كريمة : يعني شنو هالمرة ، يهودية .

ضحكت: لا مسلمة .. بس صغيرة وصعبة وصاكرته ومخليته يرجف عليها

قهقهت امي وهي تسحب الببسي

: ياا ، اخاف بس عاجبته لان صعبة ، ما اظن حب هذا .

شيماء: لا كريمة ، وليدي واعرفه .

كريمة: وينسى ريناد بهل سهولة ؟

شيماء: ريناد خسرته ، جان عنده استعداد يعوفنا علمودها .

كريمة: حلووووة هيَ كلش يشيماء ، العيون .. والشعر ناعمة شحلاتها .

هن المسيحيات يصيرن يخبلن صلوات على النبي .

عفست وجهة وردت

: منيلهة ..

سكتت ورجعت كملت

: حلوة صح ، بس مو بعيني .. كريمة جمال وجهة مو كافي

الجمال ما دايم .. يظل الاصل الطيب للبني ادم .

- صح ..

كل هذا الحديث وعيوني تتنقل بينهن .

باوعت لجهتي باجي وضحكت

: شوف والله نسيناج ..

ابتسمت الهة رجعت تكمل كلامها وهي تمسح شفافها بكل نزاكة بالكلنكسس

: مثل بتول اريدها .. هدوء ، رزانة ، واخلاق كل هذا ووياه جمال .

نصيت راسي  خجلانة خدودي اشتعلت نار وتوترت

جنها باجي ناوية تصخم ابنها وتخلي الموضوع ببال امي

بس امي ما انتبهت ولا ركزت .. جان كل بالها وي الاكل  ضحكت لمنظرها .

صارت تسعَة ونص كملنا وطلعنا نتمشى هنَ يسولفن وانا اباوع للشارع

واسمع كل وحدة بيهن شلون تسولف عن مشاكلها .

لحد ما وصل المووضوع لزواج امي

شيماء : كريمة شكلتي ، تولة وحسون كبروا وانتِ فنيتي عمرج تربين بيهم

الرجال شاريج ، واخوج ما رد الجواب ينتظرني اقنعج .

امي مباشرةً باوعتلي .. ردت بتوتر واضح

: شيما مو كدام بتول ..

شيما : لا كدامها ، شكو مستحية ؟ ربيتي وكبرتي وسويتي الي عليج

وتولة جبيرة سنة التجي جامعة .. بعد شكوو وحسون بعد روحي حسون

رجال ومعتمد على روحه ، ومن هسة يشتغل ومعيشكم فوك

راتب المرحوم .

كريمة : انا حيلي خلص .. يحرم علي رجال بعد المرحوم

ولا حلى بعيني زواج .. البنات وحسن ترسوا عيوني وما احتاجيت غيرهم .

بتول: الموضوع استمر لحد ما اشرنا للتكسي .

كعدت باجر بالنص وامي بصفها وانا بعد السايق تماما .

جان مشغل اغاني والصوت عالي

اغانية غريبة ، وصوتها عالي وباجي تعيط من تحجي وي امي

جليت صوتي وطلبت منه ينصي الصوت

رفع عينه بالمراية ونظراته تلعب الروح

صديت وجهي لجهة امي وباجي

كل ما ارفع عيني اريد اباوع لجهة الشارع الكه عيونه تباوع لجهتي لعبت

روحي لحد ما وصلنا

خابرت باجي ابراهيم يطلع بالباب لان كومة علاليك

اول ما وصلنا جان ابراهيم واكف ينتظر بالباب

فتحت الباب دانزل همس : الرقم بحضنج يحلوة .

كالها وانا اكوم ..

وكع الرقم بالكاع .. ومن حضي الحلو شافه ابراهيم

جان وراي يطلع الغراض من الجنطة

: هاي شنوو ؟

باوعلته شفتي ترجف

: مـ مـادري ..

دنك شاله وجان مستعد .. لان يعرف ومتاكد شنو بداخله

فتح باب السايق وانهال علي بالضرب والفشار

ظلت باجي تصيح

: لك ابوك مريض عوفه ، عوفه لخاطري يمة خل يولي

تزلغ بخدها وتبجي

كوة سحبته .. دفعه للسيارة وتفل عليَّ ( العفو )

كله وهوَ يلهث : هاي حتى تبطل

ورجع ضربه برجله كال: وهاي حتى تتربى يا *** ، ****

امشي لا *****

شغل سيارته وحرك سريع

وكف يخنزر بينا نتر

: ساعةةة  عبرت الـ ١١ تحجن صدكككك ؟

ردت باجي ترجف

: ولك يما والله ما حسينا بالوقت .. مصار شي هسة بعد متصير

متسوى تحرك بدمك خل يولي ..

بعده ما كمل كلامه

وكفت دراجة صهيب .. نزل تقدم يمنا يسأل .

: شو برة ؟ شنو الحجي طكن عنده ..

نتر بي ابراهيم

: صهيببببب !!

ضحك : شعدكم واكفين هنا لعد ؟

خزره ابراهيم ورجع نتر بي

: احسن ما تتمضحك يالسفيه ، أسالهن راجعات بهل ليل .

صد علي باجي رافع تك حاجب

: جنتِ يم عمة غير ؟ وهسة رجعتن غير ؟

عضت شفتها بخوف وحذر

: لا جنا بالــ ****.

گبل عاط بينا بدون تفكير حتى

: **** بببببهل ليل يماااا ؟؟؟ لل١٢ بالـ *** تحجين صدك انتِ ؟

راد يحجي ابراهيم جنت واكفة يمة لا اراديا لزمت ايده

باوعلي ووجهة ما يتفسر .. ترجيته بعيوني يسكتت 

صد علينا صهيب وعينه جت على ايدي نتر

: هيوووو ، شكوو شبيككك ؟

سحبت ايدي ارجف ، هسة يطلع خالو وتكمل السبحة

صدت امي علينا : يالله بتول حسون ينتظر .

شيماء: متسوى كريمة باتوا عدنا اليوم .

: لا لا،غير مرة حسن بدون اكل لحد هسة ..

صهيب : يالله اوصلكم .

كريمة: لا يما متسوى احنا نروح..

ما سمع منها ، اخذ العلاليك من ايدها وبدينا نمشي

دار حديثهم ما بين حسن وشغله

وانا اكتفيت استمع ، وصلنا لكينا حسن كاعد بالباب يمه صديقه

فتت انا كبل للبيت

صعدت فتحت العلاكيك وطلعت الفستان

بعد كم يوم عرس اخت باجي شيماء ، والبارحة قررنا نطلع ناخذ فساتين

اخذت واحد مرتب كلش .. لونه فستقي وبي بالصدر شغل مخصر شوي

لبسته وطلعت من الغرفة اركض صادفت حسن يغسل

: حسووونه .

سد البوري وصد يباوع صوفر وضحك

: اميرة وعلي .

-حلوو ؟

- يمووت .

ضحكت ورحت اركض للمطبخ امي بي كبل عطتت

صهيب متجي على الباب وامي ماكوو

جيت ارجع كبل تقدم وسحبني علي ، مدري شبي مثل المخبل

: لا بتول لا ، لتلبسي مفصل جسمج تفصل .

حجاها بكل هدوء وانا كل جسمي يرجف

هزيت واسي واريد املص روحي منه ماكو

رجع كال : نرجعه باجر اكو حلووات لا تلبسي هذا .

بلعت ريكي ارجف لا شال لا شي : حسن كال زين .

صفن بعيني: حسن زمال .

- هد ايدي صهيب حرام .

كبل سحب ايده طلعت اركض فتت للغرفة ارجف رجيف

اباوع ايدي ترجف قوييي وگلبي دمام صارر .. هذا شبي صاحي مخبل

مر على الي صار ٣ ايام اليوم على الريوك خابرت باجي كالت نروح نبدل

فستان بتول كالت كصيف ..

امي ما قبلت تجي .

بدلت ووكفت انتظرها ، رحنا بدلنا وي ابراهيم ورجعنا

خطية اخذتلي مكياج وحلفتني اخلي

انا مو ما اعرف جانت سحاب تموت على المكياج تحط هواي وتشتري بدون علم

امي لان جانت ما تقبل ، ولا زالت بس انا تعودت وهم ما اريد اكسر كلمتها

الا منو بينا ما تحب المكياج .

صعدت من ال٣ ابدل وامكيج ، كلت لامي كالت حطي لا تطوخين

بديت بالعين وحرت شلعبت لعب .. لوصت الدينا

ما عجبني كمت مسحته .. ولون بصلي بلون الجفن حطيته

ورسمت عيوني بالكحل .. وخدود وكريم اساس ترست روحي

رحت  اشوفها لامي ظلت تحجي

: اوفر امي شجاج تخبلتي .. صعدي مسحي ماكو روحة .

ما ناقشت رحت  امسح بدلت وكملت كعدت على جربايتي عيوني مغوركة

فاتت جنها نسمة .. لابسة ثوب بنفسجي راهم كلش عليها

ومكياج هادئ وعيونها مرسومات ، هاي باجي من يوم يومها انيقة .

بدون اي كلام جابت المكياج من المراية .. كعدت يمي وبدت تمكيج الي

حرف ما حجيت .. اخر شي خلت قلم حمرة بايدي

: كومي رسمي شفتج وبدلي ينتظرونا جوة ، ما رحت للصالون وي اسماء علمودج

ادري بيها راح تسوي هيج ، حسبت حسابي وحضرت كلامي بالطريق

يالله كومي بسرعة ..

طلعت وسدت الباب كمت لبست الفستان.. بدلته جبت جوزي طووخ

هذا كلوش مو مخصر لفيت الشال الابيض وخليت العباية على راسي

نزلت داالبس الجواريب دخلت عاطت بيه

شيماء: تردين تلبسين رياضي ، بشرفج وين رايحة للمدرسة

هاج هاج ..

طلعت من العلاكة حذاء كعب ابيض تكرمون

نزلت وراها مستحية من امي ومن خالو والولد .

لكيت بس خالو وامي يسوولفون

باوعتلي امي ضايجة .. بس كعدت كدامها باجي دنكت

كام خالو

: يالله نتوكل ورانا طريق ..

طبطب على ضهري : شطالعة خالوو .

ضحكت خجلانة .

طلعت اطك بالكعب وعلجي بحلكي .

بس طلعت صار بوجهي ، واكف يم ابراهيم مدري شيباعون بالجهاز .

شكله حيل مرتب .. منسق قميص زيتوني وي بنطرون اسود

ما عدهم هنا ثقافة الشعر العالي .. شعرهم سوي ومرتب

وابراهيم طالع يخبل اضعاف.. ابراهيم كلش طويل ووسيم اكثر .

هو هم ضحك بوجهي .. بادلته الابتسامة كلش ما استحي منه .

صهيب انتبهت علي مشة .. فتح باب السيارة اخذ منها شغلة وركعها قوي

كال بصوت عالي: رايح وي وليد .. حتى السيارة تكفيي

طلع بعدهم حتى محد جاوبه ..

ركضت ورا باجي.. دقايق ورجعت ردنا نركب

امي يم خالو .. واحنا ليورا اردفت باجي

: كرررريمة تعااالي يمي عندي كم سالفة خل ابراهيم يكعد كدام

الطريق ازدحام .. الطريق ابو الساعة صار ساعة ونص .

اول ما وصلنا صعدنا لكينا صهيب حاجز ميز جبير ..

مكانه حلوو نهاية القاعة حتى ناخذ راحتناا .

كالت باجي: اكلج كومي للحمام ذبي العباية كاعدة انتِ من نطلع اللبسيها

اشرت لامي تكوم ما قبلت تكول استحي

باوعتلها : انا هم استحي ..

ضحكت واجت يمي:لج كومي طالعة تخبلين خل اتفرج عليج بالفستان ..

كملنا ورجعنا وبرجعتي كعدت يم ابراهيم لان باجي كعدت يم امي .

باوعلي : حلوو لوجهج المكياج الناعم لايگلج هواي ..

ابتسمت بوجهة خجلانة : شكرا ، انتَ هم اليوم كلش طالع مرتب

فتح جهازة يشوفني الصور الي كصهن اليوم .

: يا هيَ انشرها على الانستا .. شتكولين هاي يم السيارة

لو هاي بالحديقة ؟

بعدني ما جاوبت نتر صهيب بينه وبيني خالو

: الي بالمرافق هم حلوووووة برهومم .

سكتت لان هذا فضيحة .. شوي وصارت دخولية العرسان

اختها تزوجت بعمر يمكن البعض منا يعتبرها جبيرة

تسولف باجي تكول جانت تريد تكون نفسها

بفلوسها راحت سوت عمرة .. وراحت للشمال كله

منها ومحد متفضل عليها .. واشترت سيارة ما جانت بحاجة شخص

لحد ما صار عمرها ٣٤ سنة يالله لكت شريك حياتها

قصة حبهم خيالية ومستحيلة .

هو مديرها .. وتكول باجي جان شالع كلبها

يعاركها ، ودوم تكول يغثتني وكرهت الدوام من ورا

عاد تكول بيوم وكعت هناك وانكسرت واخذوها يمه

حار بيهاا يرجف .. يعيط على الموظفين شلون ما ماخذيها للمستشفى

تكول وراها اشتغل الورد والهدايا .

وبدون اي مقدمات صدمنا واجة خطبها

رغم عمره جبير .. ٤٦ بس جان مهتم بنفسه

وفعلا بس دخلوا عيني صارت علي عندة كاريزما مو طبيعية

دخلته هيبة .. حتى ضحكته رزنه .

وي هوسة الدخولية حسيت على ابراهيم كام من يمي

وكعد بداله صهيب كبل عدلت كعدتي وتوترت

سويت روحي اباوع للعرسان بس وترنيي بكعدته هاي

شوي وبلشت العائلة تركص

كامت باجي وراح وياها ابراهيم وصهيب

كل واحد بيهم اخذ ايد العروس ويركصون وياها

فرحانين بيها، وواضح حيل يحبوها

اباوعلها تسولف وتضحك وياهم

حضنت باجي وبلش البجي

عيني اجت على صهيب لكيته مبتسم بوجهي

مدري ليش رديت الابتسامة .. يمكن لان فرحانة والموقف الصار حلو .

وزوعوا الكيك والعصير .

مرتب كلش مرتب كل شي هنا احسه حلوو

انخفضت اضاءة القاعة وتبدلت الاغاني من الردح للرومانسي

عرفت هنا العرسان راح يركصون .

صهيب : اي ست محاسن منعجب احنا ؟!

باوعلته مصدومة ، يا هذا شبي ؟

- نعم ؟

- نعم الله ضلو... ضلوعي ضلوعيي وطحنهن طحن .

زفر نفس ورجع ضهرة لورا الكرسي .. كال بهدوء

: لايك عليج هذا الفستان حيل ، احلى من ذاك .

سكت رجع كال: ذاك هم يخبل .. بس مو مال مناسبات .

- اي.

- بتول ..

- ها

- لا تنزعين العباية بعد ، ما اكدر اشوفج بدونها ..

گلبي كام يرجف ، مديت ايدي اشرب العصير

واباوع محد منتبه خالو غير مكانه وبس ابراهيم بجهتنا واخاف يسمع

هسة غير يسكت گلبي راح ينط من صدري من الخوف .

-يعني مو حلو الفستان ؟

- ببيها وبدونها حلووة .

مسح لحيته بتوتر وكام من - يـَمـيٰ بسرعة .

بس كام طلبت من باجي نروح للحمام

وكفت اغسل وجهي طماطمة صار

حسيتها تعرف بكل الحديث الي دار بينا

باوعلتها : كل شوي مكومتج من مكانج .

ضحكت : لا حبيبي عادي .

تقدمت يمي حضنت وجهي بين ايدها

: محد يجبرج على شي تولة ، اذا صهيب مضايقج اخفي من الدنيا كلها

لتخافين وانا يمج خوش ؟

ابتسمت ودنكت راسي

رجعت كالت : لتخافين محد حس وهوَ لوتي يحجي بصوت ناصي .

حسيت عدها حجي ، بس فضلت تسكت

من طلعنا هم ما لكينا لا هوَ ولا ابراهيم ..

العرس نهايته وبقى بس اهل العروس ..

يكصون صور وفرحانين .

كعدت يم امي وباجي راحت يم اختها

كال خالو : ذول وين راحوا ، غير يجوون ياخذون صور وي خالتهم

دنروح ما ظل وقت .

نزتني امي

: كومي صيحي الولد خالج كاعد .

كمت بس ما ادري منين اروح

مشيت لباب القاعة والرجفة بدمي عبالك مدري وين رايحة

استحي وهو محد معبرني بس احس كلها تباوع علي .

جان طابق ثالث

فريت الطابق بلكت الكاهم

من ما لكيتهم فتحت المصعد ونزلت لاول طابق هم ماكو

باوعت واكفين برة يمهم ٣ ولد يمكن كرابتهم

ظليت بمكاني .. هسة اروح لو شلون

ظليت مترددة تقدمت شوي كلت بلكت واحد يشوفني

اوووف منج يممما .. شلون انا بيها بكيفها تتبرع

واحد من الي واكفين شافني .. واشر علي لابراهيم

صهيب جان ناطيني ضهرة كبل صد علي

رفع حاجبه.. ذب الجكارة واجة يمشي سريع

بس وصل يمي نتر : شمنزلج هناا ؟؟؟

كبل دمعت : والله خالو كال صيحيهم .

: يعننني ماكوو تليفون يخابررر بييي لخاطر النبييي .

كتله بهدو عكس العاصفة الكدامي

: اي مو اخذوهن على مود التصوير .

حط ايده جوة حنچة : ايي بالله ؟ وتنزلين تفرين بطولج بدون عباية

شكتلج انا فوك بتول ؟

- ملابسي طويلة وعريضة ما بيها شي .

نتر كبل : بتوووول ؟

درت وجهي .. هسة اذا يحجي بعد اطك بجي هنا

اشر بأيده : شووو دمشي كداميي امشييي .

داس الدكم وفات وياي للمصعد كدامنا مراية المصعد

عيونه علي بالمراية .. نزلت عيوني بالكاع مقهورة

اول ما وصلنا انفتح الباب

بس طلعت لزمي ايدي وجرني علي عطت بي

: صهيب شبيك تخبلتتت ؟

باوع للطابق وكز سنونه

: لسانج .

كتله بغصة ما تحملت : والله ما مسوية شي .

لانت ملامحة شوي .. مسح وجهة

: استفغر الله .. اسف

عتيت ايدي منه وفتت امسح بعيوني

محد انتبه ..دخلو اخذوا صور وياها

خالو راح كال عندي شغل بالمستشفى

الطريق من رجعنا صارر طويل .. وانا عيوني مدمعة

امي وباجي يسولفن وهو يسوق ..

شيماء : يمة صهيب خفف شبيك طاير ؟

راد يحجي ابراهيم عاط بي

: حلكك لتفكه قندرة سمعت ..

نترت بي باجي: شبيكك صهيب .

ما رد .. ولا حجة حرف

شيماء: كريمة .. تعالي باتي يمنا والله مشتاقتلج .

ردت امي : خو انتِ تعالي انا قابل منو عندي ..

ضحكت: بيتي نفسه بيتج .. وبيتج نفسه بيتي ولج

ماكو فرق ..

كتلهن : لا باجي اريد ابدل ارتاح .. غير مرة والله .

اول ما وصلنا نزلت اركض ..

صعدت وبجيت بجي اضوج من اسلوبه

مو هذا وياه ابراهيم.. بكل شي يبالغ لعب روحي

الليل كله كاعدة ، جنت انتظر منه رسالة

ما ادري ليش انتظرت منه رسالة .. وانا ما اريدة

مرت الايام وهوَ ماكو ، مرات يجي ابراهيم وباجي

بلشت اخذ دروس تقوية .. خالو حلف الخط علي

لان امي ما رضت يدفع فلس

دخلت ٣ دروس .. واشتريت ايباد اكمل بي الباقي

رغم تعب الطريق .. والدراسة بس ما ادري ليش يجي على بالي مرات

قررت اركز بدراستي .. اريد اعين امي واخوية

ذبيت كل حيلي بالمواد .. اطلع بال٨ وارجع ب٣

ارجع اغسل واصلي وكبل لكتبي ..

مر تقريبا شهرين .. خابر خالو كال معزومين على عشة

بمناسبة تخرج ابراهيم ..

تحججت بالدراسة.. صار هواي ما رايحة امي تروح

تسير وباجي تجي بس انا بطلت اروح

وهم صارت الدراسة حجة

بس هالمرة برهوم خابر

- تجين لج .. مشتاقلج والله .

- والله غير مرة اجيبلك هدية واجي .

- اذا ما جيتي اليوم ، بعد لتشوفيني وجهج .

انجبرت ابدل واروح .. امانة رغم اخر تصرف خلاني انقهر

بس بداخلي شعور انو اريد اشوفه

انا ما عندي اي مشاعر تجاهة اعرف بروحي

انا بعدها اذية وروحة حاتم تدك بصدري بحياتي ما راح احب غيره

شبيه تخبلت انا شدخرط يربي

حطيت عباتي على راسي ومشينا

وصلنا وكعدنا خالوو طالع يجيب العشا ابراهيم وباجي ما شفته هوَ .

كعدت يم ابراهيم نسولف .. يحجيلي عن اجواء التخرج والكلية

كنوع من الحماس علمود اطلع من السادس ..

ضحك: مخدخدة ولج ..

: ايييي مو من الكعدة..

ابراهيم: بس لايكلج والله ، مو تضوجين

ضحكت رجع كال: بوووية بتول ذكرتيني .. شلون عطر جبتت

والله يموت ادري بيج تحبين العطور

باعي صعدي فوك تلاكي على المراية جيبي وتعالي ..

صعدت اخذته من دانزل افتحت باب غرفته وطلع منها

گلبي يرجف كام من شفته .. باوعلي

:- شلونج ؟

- زينة .

- شلونها المواد مال سادس .

- زينة داسوي العليَّ ..

- الله يوفقج يابة .

عفته دانزل .. ما حسيت بس على جرته لزندي

سد الباب وحصرني علي سند ايده وصدرة يصعد وينزل

: ياا شبيك صهيب ؟

بلل شفته الترجف: بتول .

- صهيب وخر ميصير

عينه بوجهي تعبانة ملامحة: بتول ..

نترت : هاااا .

وخرة وحدة من ايديناته من الباب يريد يلزم ايدي عطت بي

: صهيب عفية

اخذ العطر من ايدي خلا على الكومدي يمه كال

- تعبتيني والله ..

- شسوووويت ؟؟

- بتول احبج والله .

- احبج والله .

احبج

ومتصيرين لغيري .

مو مهم تبادليني هالمشاعر

المهم انتِ الي بعد .

وخليها ببالج لو مو صغيرة والفرق بينا جبير

لو الشيب ترس راسي .. لغيري متصيرين بتول .

- من الرجفة حسيت راح اوكع من طولي

دفعته من صدره ما يوخر

صهيب

- روحه

- وخر حباب .

- وخرت ..

بس سواالي مجال جريت العطر ونزلت اركض

دقايق ونزل هوَ سلم على امي

واخذ محفضته من الميز مال تلفزيون وطلع

ظليت اتصفن وباجي انتبهت علي

رجعنا وخلص بديت ادرس للوزاري ما ظل الا كم شهر

مدرسة  سويت انتساب وحرت بالمواد

كاعدة بالغرفة البيت كله نايم ساعة ٣ مكابلة كتاب الاحياء

من يوم يومه عندي بي تراكمات

فتحت الجهاز اخذ ريست .. واول ما فتت لواتس شفت صهيب

حاط ستوري

واول ما اجة ببالي ابتسمت ما اعرف ليش

حاط شعر لـسيد خلف

ولوَ انك مو دَمع ما ضـَمتك عيني

ولو انك مو كـِحل ما شالتك عيني .

يلوموني ، واحسك تكبر بِروحي

ويلوموني

وانا بلا شوفتك .. شينفعن عيوني

يشوفي ورَجوتي وِدنياي

دنياتي وعذابي وبسمتي وَشكواي وضنوني .

يخيعونك علي وبيك خَيعوني .

عدته مرتين .. واحس بشعور حلو

سديت كتابي ومددت بفراشي اضحك

يمة هاي شبيه انا ؟؟

ما صدكت شمرت الكتاب ولفيت راسي ونمت

بيوم امي طلعت ، وحسن بالشغل

اتصلت بيه باجي تبجي

: بتول ، تعالي يمي فدوة .

- توسلت بيها تحجي شكو .. ما رضت وشهكتها تشك الصدر

لبست عباتي وخابرت ماما وانا امشي بالشارع

: يمة رايحة يم باجي ..

- ماشي من ارجع اجي اخذج .

فتت اركض للصالة شفتها تبجي كاعدة

تقربت يمها

: شبيج شبيييج ؟

- لج بتول گلبي متكطع على صهيب اسبوع صار ما جاي للبيت .

- صاير شي شبيي ليش مديجي ؟

بجت : كال لخالج اريد بتول .. وخالج گلب الدنيا علي

انتَ فاشل وتريد تفشلني وي اختي

شايب شكدك تركض ورا وحدة لو متزوج بكد بنتك

ويا تولة استلمه اكس مربع

بس عوزه يمد ايده علي

وشال ملابسه يكله وجهك ما اريد اشوفه

- حضنتها اخفف عنها

: بس صهيب مو ذاك الكبر .

حتى اذا بيوم وافقت ماكو فرق جبير بينه وبينه.

- خالج تفكيره يختلف

لو بينج وبينه خمس سنوات ميرضى يكول ما يتفاهمون .

مو ١٤ سنة .

- زين صهيب وين .

رجعت تبجي

: ما ادري يا بنتي .. البارحة اتصل بي اليوم كله ما يرد

وخالج كتله رجعة وين يروح

گلب البيت گلاب يكلي طلعتي عينه .

- ظليت يمها .. ما اعرف شنو اتصرف .

لحد ما اجت امي وما قبلت احجي شي كدامها

ظليت الليل كله افكر بي

لا اكدر انام ، ولا اكدر ادرس

لزمت جهازي اتصلت بي مرة ، مرتين ماكو .

قررت اللبس واروح لصديقتي اخابره منها

توني اللبس عباتي جهازي دك

ركضت للجرباية

شفته هو كبل رديت

: الو صهيب

- هلا بتول .

- شلونك ؟

- مو مهم ، انتِ شلونج شخبار الدراسة وياج .

رديت بتوتر واضح بصوتي

: صهيب شلونك .

ضحك

: اذا مهم عندج ، زين الحمد لله .

- وين تبات .. ليش مترجع

جر نفس : حجتلج امي .

- اي ، ارجع صهيب .

- ما ارجع بعد .. خل يرتاح خالج .

- حباب ، لخاطر باجي.. وسد الموضوع والله احسن الك

- وانتِ ؟

- شبيه !

- بتول ، تعبان اروحلج فدوة

- شسويت

- تعبتيني حيل .. حتى بنص احلامي ملاكيج .

- صهيب .

- عيونه

سكتت هو هم سكت شوي وكال

اسأل ليش احبك

حتى اكلك ليش

وليش شما تسوي

وياي اقبلك لحضه

موت عمري سنيني

كلهن خوف بس وياك

آامن لَمن اولصلك

وانت اخر نِفس .

وشكد عزيز تصير

وبلحضه الموت تريدنا نملك

- لشتي كلها كامت ترجف ، سديته وشمرت روحي على الجرباية

واحس كل شي ديصير غلط .

وما رجع ومشى كلمته.. وحيل احس بالذنب لمن اشوف باجي

دتتكطع علي .

مرت الايام وصدك بدى الجد

واول امتحان وزاري الي باجر

خالو شافلنا خط سيارة خصوصي

وياي ٣ بنات شاب بمتوسط عمره

وجاوبت اسلامية وطلعت كلش فرحانة

وبيوم العربي الاكشر

اجت الاسئلة وجنت حيل مجاوبة

طلعت من القاعة عيوني تضحك .. واشكر ربي بداخلي

لان كل الي وياي أجلوا المادة

ركبت بالسيارة ننتظر بعد ٢ وياي

غفيت .. كل شوي افز وهن ماكو

لحد ما فزيت على صوت هوستهن يحجن بالاسئلة

رجعت خليت راسي على الجام نعسانة

ماكو دقايق

وحسيت السيارة سريعة حيل

فتحت عيني واول ما فتحتها فتنا بالحايط  .

بعدها اي احساس ما احس

شيمـاء.

- وك يمة تعال ارجع ، اريد اشوفك هسة ابوك ماكو .

صهيب: اليوم العصر اجيج للمدرسة .

- ما غيرت رأيك ، متشوف الفرق يينكم هواي يا يمة.

رد بجزع: حتى انتِ يمة .

- علمودكم والله .

رد بصوت عالي

: الله خلاها كدامي وحبيتها بعد ، من اعجز واموت خل تاخذ غيري

رايدها يمة ونفسي بيها .. وعلي لو كاعدة براسي

جان رحتي كبل اخذتيها الي .

وبعدين وين العيب بفارق العمر

تعيش حياتها مثل متحب .. راح احرمها من شي هي حقها بي ؟

وكل شي بعقل .. مراح اكلها لو ااذيها .

يعني انا اولى بيها لو الغريب.. لو هذا ابن عمها المسربت .

سديت منه الخط .. وما اخذت منه لا حق ولا باطل

ماكو دقايق .. واتصل ابو

: ها عيني .

- جيبي واحد من الولد وتعالي للمستشفى بتول مسوية حادث .

ماكو بس سدة احس اذني صوفرت

اريد عباتي ماكووو .

حتى ما بية امشي

الموبايل بأيدي كبل اتصلت بي ..

- يمةة  تعالي بـَسرعة للبيت بنت عمتك مسوية حادث .

كبل عاط : منية يمة .

- دتعال هسة يمة .

- منيةةةة يمة حاجيني .

- بتول بتووول .

- يا مستشفى يا هيَ ؟؟

- لك يمة تعال اخذني وياك .

عاط : اسمها يمممة بسرعة اسم المستشفى.

- الـ **** .

تعالي يمة نروح سوية

- هسة ادزلج صاحبي تحضري .

اول ما وصلت .. كابة العيطة ، لازم ابو الولد من ياخته

: هو لو ما مطي ، متخلون بايده سيارة .. والله اذا صاير بيها شي

يابة والحسن اكتله خلاااااص .

الرجال ساكت حرف ما كال

وابوه يدفع بي وينتر .. بس ابني ارعن

دفعه وكع على الكرسي ركضت

: لك يمة عيببب عيببب والله .

نتر ابوه : شبيي ابنج تخبلل ، احجي وياه لا والله هسة اخزيكم تخزي .

-لزمت ايده اتوسله بعيوني كافي ..

ظل يروح ويجي اباوعله يلزم الجهاز ايده ترعش ..

ساعة واجت كريمة تلطم وحسن يهدي بيها .

طلعوها من الردهة بالعربانة

كبل ركض عليها اول واحد .. لزم ايدها

: حاجيني بتول ، شيوجعج ؟

ردت بصوت حيل ناصي

: امي..

صهيب: شنو عيني ؟

- اميي امي اريد امي .

كعدت يم رجلها تبجي

: لو صاير بيج شي اموووت والله اموووت .. سودة بوجهي يا نور عيني .

ما كملت كلامها نقلوها لغرفة خاصة

ما بيها شي هيَ .. بس رجلها تصيح احسها مكسورة .

ووجها يخوف بي اثار الدم رغم مبين ممسوحة .

اكشر شي تأذى السايق ويمه بنية بالصدر كالوا ضهرها مكسور .

بشرنا الدكتور رجلها سليمة

بس تبقى بالمستشفى ليلة اخاف تصير عدها مضاعفات  .

دخلنا يمها نايمة .

: كافي كريمة .. ليش هالبجي يا عيني هاي كدامج جنها العافية .

المهم هي بخير

كريمة : شيماء لو صاير بيها شي والله اموت وراها والله .

: عمرج طويل يابة .. الحمد لله عدت على هاي وربج سترنا .

للـ ٩ ضلينا وميصير يبات اكثر من ثنين

اخذني صهيب على صفحة

:يمة بهدوء وبدون مشاكل ، اخذي ابوية وحسن وروحوا انا وباجي نظل

لان لا هي تروح .. وانا لو هسة يجيب الشرطة يطلعوني

ما اطلع .. فانتِ تفاهمي وياه تعبان والله .

لزمت بسته بخذه

: ولك يمه مشتاقتلك .

حضني يضحك : شلون بالنسوان الحلوة هاي دخيلك يا علي .

لزمته

: ابو صهيب ، خلينا نروح نرتاح   نبدل والصبح نرجع الهم .

نتر: شبيج يمرة نخبلتي .

- ابنك شالع گلبي ، وانتَ هم والله تعبت شصير انا

باوعلي : شبيج عيوني ؟

: خل نروح نرتاح ، كريمة متقبل ترجع .. وصهيب هم

والله بس يصير الصبح احنا هنا

: ميصير شيماء اعوف اختي وحدها .

- شعليها هذا ابنك يمها .. وحسن يكول راح اظل كاعد برة

نروح نرتاح والصبح نجيب ريوكنا ونجي وداعتك .

كوووة قنع .. يوصي بكريمة ويسمع صهيب

عود احاجيج يبنتي اسمعج يجنتي .

بتول ..

فتحت عيني .. لكيت امي نايمة بالجرباية الي بصفي

وصهيب على كرسي كاعد يتفرج بجهازة

كبل غمضت عيني.. والالم برجلي مو طبيعي .

وحيل محتاجة حمام ... وريكي يابس

يعني تمنيت ظالة مخمودة ولا هل كعدة

سويت روحي حركت رجلي وفزيت موجوعة

انتبهلي وكبل وكف كدامي .

: هاي عيني شبيج ؟

- رجلي حيل تأذيني .. مكسورة مو ؟

- لا عيني انتِ ما بيج شي .. بس لان واكعة عليها تأذيج .

: صهيب عفية محتاجة حمام .

- كومي يالله .

- لا كعد امي ..

ابتسم: كومي عيني توها نامت ..

- لا صهيب كعدها .

تخوصرلي : هيج هيج راح اشيلج متكدرين تكومين على شنو مكعدتها .

- لا لا اكدر ، شو شوي وخر .

ضحك ووخر جسمه.

ما كدرت اكوم كل شي بيه يوجعني

نترت بي : دنطيني ايدك شبيك .

: مو توج جنتِ هيرو ؟

بس حط ايده ورا ضهري شنجت جسمي

باوع بعيني: مريضة انتِ يابة .

- كعد امي فدوة ..

- هسة ، بس اخليك بالكرسي والله .

بس كعدت نزلت رجلي على كيف

اول ما ضغطت عليها عطت كبل فزت امي مخروعة

: شبيجج يمة شبيجج ؟

بجيت: راح اموت من الوجع يمممة .

- شبيدي عليج سودة بوجهي ، هسة انتِ ليش كمتِ يا امي

: محتاجة حمام يما .

باوعت لصهيب : صيح حسن يمة خل يشيلها .

مسح وجهة : يابة غريب انا تحجين صدك عمة

شو سويلي مجال .

خو امي متصدك ، كبل وخرت

همس: لزمي ركبتي .. اذا وكعتي كبل سفرة الى الله ترى .

ضحكت موجوعة

شالني وصاح : يا علي يا ابو الحسن .

امي خلت العربانة كدامه .

حط شال على راسي

ومشى هوَ بية وامي ويانا تسولف وياه .

فتت ومن صدك حرت

واول مرة احمد ربي على كل نعمة انا بيها

بنص الحمام بجيت لان ما اكدر اكوم اقضي حاجتي

اجت مرة شوي ضخمة تعاونت وي امي

رجعت شالتني خلتني بالكرسي المتحرك

اول ما طلعنا لكيته واكف

بس شاف وجهي عكد حواجبه يسأل امي

: شبيها وجههة احمر.

- ما كدرت تكوم وكعدت تبجي اسم الله عليك .

اخذ منها العربانة : هسة يومين وتصير سباعية وتكوم على حيلها .

رجع شالني بس هالمرة عينه بعيني .. كبل غمضتها

حطني راد يشيل الشال لزمته واشرت براسي رافضه

- تختنكين .

- عادي ..

- امج ما حجت شي .

- اي ميصير كدامك بدون حجاب .

- اطلع برة هسة انزعي .

- لا .. ما مضايقني والله .

رجع كعد على الكرسي وامي كدامي تسولف ..

لحد ما غفيت

رجعت فزيت .. بعده كاعد بس هالمرة يم راسي الكرسي مالته

باوعلي: بتول .. شبيج تونين .

بجيت كبل : موجوعة .

سحب ايدي باسها : بية ولا بيج .

كبل بجيت تخبل هوَ : شبيج يابة

: ميصير تبوس ايدي .

نتر: ومحمد لو ما باقية الحـلقة الاخيرة .. جان هفيتج براشدي

انيمج اسبوع كامل بالمستشفى .

ثاني يوم طلعت ..

خالو ما قبل اروح لبيتنا ..

: ماكو حبيبة خالو ، حضرتلج مكانج يمي ادرايج .

وفعلا رحنا لبيتهم .. صهيب ما رجع ويانا .

تحسنت وكمت اكدر امشي

اول ما وصلت لكيتهم كلهم هناك

صخر وسحاب وباجي مروة وحاتم .

سحاب خبصت الدنيا ..

: يابة هياتني ما بية شي .

- ولج سودة علي شصاير بيج .

صخر: كافي يابة ، حتى اذا ما بيها شي .. راح يصير من وراج .

ساعة وفاتوا علينا ابراهيم وصهيب ..

عيني صارت على صهيب .. گلب وجهة

رجع ضهرة  لورا وورث جكارة سأل

: جبيركم ماكو ؟ ما يتطمن على بنت اخو .

رد حاتم : عنده شغل ابوي ، بس يكمل يجي عليها كبل .

صهيب : جيد .

حاتم: شلون صرتي هسة بتول عيني ؟

عدل صهيب كعدته وعيونه زرفت حاتم زرف .

صهيب : انا اكول نكعد بالهول ..خل ترتاح احسن .

بجت سحاب : ششفت منها طلعوا انتوا خلوني يمها ..

طلعوا كلهم وضليت اسولف وي سحاب

دقايق ووكف فوك راسي حاتم

توة يحجي دخل صهيب نتر بي

: امشي صديقتي الغدة صااار .. يلا سحاب

طلعوا وسد الباب قوي

شوي واجة بأيده الغدة مبتسم

: جوعانة ولج ؟

ضحكتله: كلش .

: يا يابة ، يخسى الجوع .

حط الاكل على الطبلة يمي سألني

: تكدرين تاكلين مو ؟

- اي ، رجلي توجعني بس.

ضحك: يا بوية .

- صهيب .. امتحاناتي شلون ؟

- هسة جنت احجي وي امج ، ناجلها دور ثاني بين متصيرين زينة

- لا لا .

- شنو لا ؟

- امتحن عفية ما اريد ااجل .

-ميخالف الامتحان الجاي عوفي .. واذا ما كدرتي ناجل الورا هم ماشي ؟

- ماشي

كعدنا العطلة مال عيد اسبوع كامل

بصباحية العيد .. فزيت على طكطة خالو طلع بالسيارة .

وجع رجلي مو طبيعي يروح ويجي

شوي واجة خالو بأيده صينية الريوك باس راسي

: كل عام وانتِ بخير حبيبتي .. ان شاء الله اشوفج احلى عروس

وسنة التجي بالمكان الي انتِ تتمني .

بسته بخده وراسه

كعد كدامي تريكنا كاهي وكيمر

العادة الطبيعية بكل صباحية عيد

شوي وكعدن امي وباجي واشتغلت المعايدات بالتلفونات

ما شفت لا ابراهيم ولا صهيب الا بالغدا

دخل بايده السفرة  يفرشها

ابتسم : كام عام وانتِ بخير .

: وانت بخير .. عريس ان شاء الله

ضحك بوجهي وكمل يفرش .

تقرب من خالو وحضنه وباس راسه

: كل عام وانت بخير.. نشوفك على جبل عرفه ان شاء الله

وعريس هم .

ضحك وباسه: وانت بخير واشوف جهالك بنص بيتي .

اليوم جان كلش حلوو ..

بنهاية اليوم من جيت انام رجع وجع رجلي بس ما حجيت

وين يالله فزيت روحي تطلع من الوجع ..

حرت المن اصيح .. براسي اسم واحد وشخص واحد صهيب

بس ما موجود ما يبقل يبات هنا بعد

لزمت جهازي عيونه مغوشة من البجي

اتصلت بي ماكو اخر شي من ديكطع الاتصال شاله

والنعاس بصوته : الو .

بجيت : صهيب وين انتَ .

: يم حسن ببيتكم نايم .. شبيج تبجيين يابة .

- تعاال حباب راح امووت ..

دقايق ودخل علي وجهة اصفر وبعده بالبرمودة ووراه ابراهيم

: ها ها شبيج عيني .

باوعتله : رجلييي رجليييي بيها شي والله .

باوع لابراهيم

: السيارة بسرعة .

راح بسرعة واجة بايده عباية

فزت امي : يا يا شبيج يمة .

رد صَهيب باستعجال: رجلها عمتي رجلها ... راح اخذها انا وابواهيم للمستشفى

كريمة : اجي وياكم يمة اصبرلي

دنك شالني بسرعة : شتحسين بتول ؟

كتله واشهك: روحي دتطلع روحيي

رد يلهث: بية ولا بيج ..

خلاني ورا بحضن امي وركضوا بيه خطية

ومن وصلنا طلعت مفسوخة ..

ظل يكمز وما خلة فشورة تعتب علي ..

سوووها وصوتي ملى المستشفى.. وجع مو طبيعي موتتتت احمر .

كوووة صرت زينة

اجلت رياضيات واحياء ..

وكسرتي طلعت بمعدلي .. جبت بالدور الاول ٩١

وبوقتها صار يوم اكشر .. الناس فرحانة وانا عيوني ورمت تورم من البجي

قررت اشد حيلي بالدور الثاني حتى ارفع معدلي

جان حلمي تخدير وايست من شفت معدلي .

بيوم الضهر طلعت من الغرفة لكيت امي تبلس جواريبها

: وين يمة .

- شو جيبيلي الربطة من الغرفة .

- دكولي وين رايحة بشرفج .

- شعليج بتي .

- دحجي عليج العباس .

- يممممة منج .. خابرتني باجيتج تريد نروح نشوف بت ام صاحب

هاي الناعمة لصهيب .

• 🌚

هلو اسفة ؟

تقبلن اعتذاري ؟ ترى امتحانات والحمزة 🥲

باعن هو البارت مو يعني معتبر ومال عوض اسبوعين

يومين هيج ونختم القصة بأخر بارت يشفي گلبجن والله

احبجن هواي 🤍

بسم الله الرحمن الرحيم

قررت اشد حيلي بالدور الثاني حتى ارفع معدلي

جان حلمي تخدير وايست من شفت معدلي .

بيوم الضهر طلعت من الغرفة لكيت امي تبلس جواريبها

: وين يمة .

- شو جيبيلي الربطة من الغرفة .

- دكولي وين رايحة بشرفج .

- شعليج بتي .

- دحجي عليج العباس .

- يممممة منج .. خابرتني باجيتج تريد نروح نشوف بت ام صاحب

هاي الناعمة لصهيب .

. صفنت ولشتي كلها رجفت ، والحب والكلام

ما طولت امي دقايق واختفت من كدامي واسمع صوتها بس وهي توصي بيه ادرس

توجهت للغرفة مالتي واحسها صارت بنهاية الدنيا كلها

هسة انتِ مو تتعززين عليَ ومتريدي شكو ضايجة !

شبيج بتول شبيججججج ؟

عيوني راحت على موبايلي المشمور ؏ الميز توجهت يمه

طلعت اسمه ودست اتصال وايدي ترعش

بس طلع يمي جاوب مدري شصار بيه وسديته

شمرته وكعدت ؏ الجرباية اريد بس اهدي من روحي ورجفتها

سمعت موبايلي يدك .. ما بيه اكومله

سندت روحها ؏ الحايط شفت المتصل هوَ .

ظليت بحرب تفكيري ، ما بين ارد واكوله بالغلط اتصلت

او اصارحه بالي احس بي هسة او ما اجاوبه أصلًا

وانا بنص هالهوسة الي براسي خلصت الدكة بعدني ما شلت عيني

بدت دكة ثانية .. قررت ما اجاوب

فتحت باب الغرفة دانزل تذكرت هسة يتصل بامي ؟

رجعت بسرعة ولكيت المكالمة خلصت

بسرعة اجة اتصال ثالث منه وهالمرة رديت

- الوو ، بتول شبيج ؟؟ مو اتصل ليش متردين ؟

- جنت بالمطبخ

- ها ، اكو شي محتاجة شي ؟

- لا

- ليش اتصلتي لعد ؟

كتله بكل هدوء : بالغلط .

- بتول بيج شي ؟

- لا ليش ؟

- ما ادري صوتج ما عاجبني ؏ العموم اذا موجوعة او شي كولي

لان هيج هيج راح امر اجيبلج العلاج واكل .

- لا ما اريد شي ، زينة .

- مو بكيفج علاج هذا ، والاكل لا تاكلين منو كلج بس الج لخالتي ولحسونة

هو يحجي وانا بزحمة وهوسة افكاري ، اتذكر كل تصرف بدر منه

قاطعته : صهيب .

- عيونه ؟

- انتَ ليش هيج تسوي وياي ؟ انتَ تكرهني

نبرة صوته تغيرت للجد : شنو سويت ؟

- سديت الخط بوجهة كبل ، انا تخبلت انا شجاي اسوي بروحي

ذبيت الجهاز واخذت ملازمي وطلعت اقرا بالهول

مرت ربع ساعة ولكيت الباب يندك .. شصار بيه

انا شبيها رجلي ترجف يربي .. عادي كوليله ماكو شي وفضيها

حسن وين يربي ، شلون افتح اله الباب وانا وحدي

فتحت باب المطبخ وصحت بتردد : منو ؟

اجة صوت يرعد: افتحي الباب لا احركلج البيت كله

بلعت ريك واحجي ولشتي ترجف

: محد بالبيت روح ، من يجون جيب الدوا وتعال .

عاط بسرعة : بالحسين اذا ما فتحتي الباب ، اطفر من السياج واخزيكم

والدنيا كلها واكفة .. افتحي الباب واتجفي شري

- ما اكدر .

- سهلة ..

كال هيج دقايق وشفته رجله اختفت من جوة الباب .

وايده صارت على السياج القريب عليَ كبل عطت

: لا صهيب لاااا .

نتر: صوتج لا ومحمد اطيح حظج افتحي الباب وخل هاليوم يمر ؏ خير

حجيت بعجز : واذا اجة احد ؟

كال بنفاذ صبر : افتحي وخلصيني .. محد يجي عفت حسن بالمطعم ينظف وامج اذا اجتِي اكوللها جبتلها العلاج .

فتحت السركي وهو كبل دخل وركع الباب قوي

جرني من ايدي ودخلنا للمطبخ ورجع ركع باب المطبخ ركعه اقوى

رفع ايده متحلف : انا مو اتصل الكائناتتتت ليش مغلق ؟؟؟

- خـ خـلص شحن .

- بسرعة صعدي جيبي .

كتله وكلي خوف : لا

اجة تقرب مني وانا رجلي ما تعيني حتى اتحرك

خايفة لا احد يطب علينا

: ليش تجذبين بتول ؟ احجي ليش كلتيلي هيج

ليش اكرهج ، وشنو سويته مخلي صوتج هيج ووجهج اصفر هسة ؟

دنكت راسي : ماكو شي .

باطراف اصابعه رفع راسي من حنجي

: احجي .

- ماكو شي صهيب ، روح لا احد يجي للبيت

عافني وراح سحب كرسي وكعد

: واليوم ما اتحرك منا اذا ما تحجين .. واذا طولتي من تجي خالتي اسألها

لطمت ؏ خدي بردة فعل سريعة

: صهيب كووم روح .

اخذ الدولكة وقبل ما يشرب رفع كتافه

: كيفج انا اليوم يمكم للصبح .

اشر بأيده ؏ الكرسي الي كدامه

وكمل : تعالي نتفاهم هنا واحجيلي كل شي

وانا شنو تريدين اسوي وراها حاضر ، شرط تفهميني كل شي .

توجهت للكرسي يمه بقلة حيلة ، كعدت كتله بهدوء عكس العاصفة الي براسي

: انا اتمنى الك كل الخير وي اي انسانة انتِ وياها

بس ما جان اله داعي هيج تسوي بيه ، انا بنية وعندي احساس

بالنهاية كلامك اثر عليَ .

بس انا اتمنى الك كل الخير ، لو كايل الي برسالة مو اسمع من امي .

جيت اكوم لان احس بوخت من نظراته

الي جانت كلها استفهام وعبالك ما يفتهم اللغة الي احاجي بيها

لزم ايدي ونتر : تعاااالي ، وين رايحة شدتحجين انتِ بابا ؟

يا انسانة يا خير !

- مو باجي وامي راحن يخطبن الك ، بنت خالة ام صاحب

- ام صاحب منية ؟

- الي وراكم بفرع ..

- االيه انا ؟

- لا لخالو ، صهيب روح الله يوفقك لا يجي احد .

جاب كرسيه وكعد من جهتي مبتسم .

: بتول ، باعيلي لج انتِ ضايجة وهيج مقهورة لان راح اخطب .

بخزرته كبل وكمت رجع سحبني نترت بي

: صهيب ايددددك لاتلزمني !!

ضحك : بس اكعدي حاجينيي ؟

هسة هاي الضوجة كلها لان راحننن .. لج احجي ريحي گلبي اشتلعوا اهلج .

دنكت راسي وهيج احس بوختت خجل وعصبية من ردة فعله الباردة

والدمعة لحظات وتعلن عن انطلاقها .

ضحك بصوت عااالي وقرب باس راسيييي قوي

: لو ادري هيج جان من زمان وديتهن يخطبن .

عطت بي : انتَ صدكككك تحجي اكولك لا تلزمني تبوسني من راسي !!

ضحك: وعلي فلا احس بروحي .

سحب ايدي باسها .. بتول سامعة مال احرك العراق علمودج ؟

اليوم احركلج الدنيا كلهااا .

طلع شوي ورجع بايده الاكل والعلاج

: اكلي واشربي دواج .. واقري زين يالله في امان الله .

طلعت ورا اقفل الباب بس كل شي ما فهمت منه

هسة شنو

ساعة وراها ورجعت امي ما حجت شي واستحي أسألها

مرت الايام يوم ورا يوم وبلشت بالدور الثاني

والحمد لله جاوبت بهذن المواد

عطلت وطلعت من السادس بعد عناء طوووويل

قررت االتفت لربي اكثر

وبديت احفظ من القران.. صهيب اختفى رحنا مرتين لبيت خالو ما لكيته

واستحي اسأل ، بس عيوني تدور عليَّ اول ما افوت .

اتوقع نسيته ، انا ما اريد الي صار بيه وي حاتم

يرجع يصير .. كافي عليَّ الي صار أصلًا

وراها بيومين بلش اعلان النتائج ونسهر للصبح وماكو شي

ظليت هيج يومين لحد ما صبحت ؏ اتصال من صديقتي

تبشرني ناجحة ومعدلي صار ٩٣

بوقتها سجدت شكر هذا الي ردته وصلت اله

نزلت لكيت حسن ديطلع للشغل بشرته

وهو يحضن بيه : تستاهلين كل الخير تووله .

لل ١٠ اجو باجي وابراهيم يباركون

باجي دخلت تطش بالجُكليت فرحانة وتهلهل

وابراهيم يصيح : سباعية عمي سباعية

خالو من رجع كال تجهزوا باجر نطلع للشمال

حاولت امي وياه ما قبل ، كال هاي هدية نجاحها وتعبها .

رحنا وحيل حيل تونست ، الجو هناك احلى واهدء

واول ما رجعنا بلشنا نجهز للجامعة يومية باجي تراسلني تكول شوكت

نبلش نجهز .. ومتحمسة اكثر مني .

عاد نزلت سألت امي كالت ؏ باجر نروح ونقسمها على طلعتين لان

رجلها وما تكدر تمشي هواي .. انا هم صعدت كلت لباجي

ودخلت للبرامج اگلب ببيجات الملابس واخذ فكرة شنو اشتري

وبما انو عباية قررت اخذ شغلات اساسية

بناطير مرتبة ، كم قميص اللوانهن اساسية .. واخذلي فد حذائين مكرم السامع

وشالات .. وهـاا اريد مكياج هم وبعد ؟

وجريتها هيج لحد ما حسيت الضوة طلع

نمت كعدت ؏ صوت امي تعيط

: يومية نايمة للضهر يا بتول ميصير هيج ؟

- يمة دراسة وخلصت طلابة بعد !!

- لج كومي عينيني ، خنسوي اليوم حملة للبيت

راح اروح اصب الريوك الج ولحسن اذا ما جيتي اليوم ماكو روحة

بعدها ما طلعت .. سبقتها ورحت للحمام اغسل

ولزمنا البيت جرد من الغرفة للمطبخ ..

اول ما كملت دخلت سبحت واتصلت بيه باجي

: ها حبيبتي ؏ ال٤ نطلع تمام ؟

- تمام التمام .

صعدت حالفة الا اترس روحي مكياج

صرت جامعية بعد شحدها تحجي

وكعدت ارسم واتفنن ؏ كيفي والخاولي على راسي

حضرت فستان حلو قصير بس مو كلش

ووياه جواريب سود ، لونه جوزي يخبل

والشال كريمي ..

ڪريمة : بتول اذا متنزلين بالقران اشمر عباتي واكعد .

سمعتها تعيط من جوة .. نزلت اركض

- ها اهـاا حجية كملت .

باوعت بوجهي بتركيز تريد تحجي بس بعد متكدر

باجي هسة بس تجي تشوفني ضايجة تغسلها غسل .

ابتسمت بوجهة : ما طوخت لخاطرج .

نترت: هم عوز تطوخين اكثر من هيج

دنحجي رمشت باجي .

طلعنا للباب توقعت ابراهيم ياخذنا ، لان البارحة سألني وين راح تروحون تشترون ملابس ..

تفاجأت من شفته ، دنكت راسي وما اعرته اي أهمية

خلص كل شي انتهى الولد خل يشوف نصيبه

ركبت امي بالصدر يمه وانا باجي ليورا

وانطلقن امي وباجي بالسوالف طول الطريق

جان فاتح الاذاعة .. اغاني ام كلثوم

من صوت سوالفهن ما جنت مركزة.. شوي وصار هدوء

ركزت بكلمات الاغنية واول مرة احس صوت ام كلثوم هيج حلوو

كُنت بـ اشتقلك وانا وانتَ هـِنا

بيني وبينك ، خطوتين .. خطوتين .. خطوووتين

شوف بقينا ازاي انا فين !

يااا حبيبي

وانتَ فين

انتَ فيننن ، انتَ فيييين !

والعمل ؟ ايه العمل ؟

ما تقولي اعمل

ايه

والأمل انتَ

انتَ الامل

تحرمني منك ليييييه !!

رفعت راسي ولمحت عينه بالمراية ، كبل دنكت

حسيت باجي حسيت بينا شكد استحيت

ظل المقطع يتردد براسي لحد ما وصلنا لشارع سيد الحليب

دننزل كال : شكد وارجع الكم .

شيماء : ساعتين وارجع يمه ..

رد مستهزء : ساعتين ، دكولي ستة ، سبعة .

- روح يمه ساعتين وتعال .. نكمل لتخاف .

ضحك : ظلوا للصبح يابة انتظركم شعندي ، شغل عمل .

كلتله امي : ليش متنزل ويانا يمة ، شوديك ويجيبك ؟

باوعلي ورجع كاللها : خوما تطولن !!

ڪريمة: ان شاء الله منطول .. خلي السيارة بمكان زين وتعال نتنظرك هنا.

- انطيت لامي نظرة حقيرة ، يابة اتمنيت اكول لا بصوت عالي .

هسة شلون ناخذ راحتنا راح يظل ينقنق الطلعة كلهاا

اجة وكام يمشي هو وامي كدامنا

شوارع المنصور اغلبها ازدحام .. وهناك النسوان كلها حلوووة

من تمشي من يمهم وحدة ، بالقران اظل احوس

هو اوكي هن يموتن .. زين انا شبيه !

الطريق كله اباوع وضايجة

ما حسيت الا على صوته : شبيج ؟

لكيته يمشي بصفي ..

: ما بيه

- ضايجة لان اجيت ؟ هسة ارجع

: لا

سكت : احجي شبيج اذا ضايجة ارجع هسة عادي

- لا قابل شنو مسويلي انتَ ؟ عادي ابن خالي ومثل حسن اخوية

وكف وكفة بنص الشارع خزااانه

جريته من ايده اريده بس يمشي العالم كامت تباوع علينا

- صهيب !! صدك تحجي هاي شبيك ؟

نتر والحواجب انطبگن والگصة انعقجت

: مثل اخوية شنو ؟ شوكت صرت اخوج ست بتول ؟

: من زمان .

- اسكتي اسكتي لا اهفج براشدي ارجعج للبيت مشي تبجين .

ظل يعيب بحلكه ويقلد جملتي

: مثل حسن اخوية ، عاب لهل حلگ .

ابتسمت وانا امشي .. كبل نتر

: سدي حلكج لج !!

كبل أختفت ابتسامتي ، باوعتله بطرف عيني ضايجة

كلهن الي مرن من كدامه اكلهن اكل بعيونه .. هسة صار شريف .

فتنا تقريبا ٤ محلات من قهرتي ما عجبني شي الملابس زينة حلووة

قربت يم امي : خل نرجع يما غير مرة نجي .

سألتني بشك : شكو ؟

- راسي يوجعني .

نترت بيه : نشتري ونرجع بلا هالسوالف هاي هسة ..

عفتها ورحت لباجي : باجي فدوة اروحلج خل نرجع

باوعتلي بخوف: شبيج يمة ؟؟

هنا حصرتني البجية وكوة لزمت دمعتي داحجي اجة يمنا

: ها .. ما قررتي ذاك القميص الفوك حلو شفتي ؟

وخرت عيني منه وما رديت

قرب روحه مني كال بصوت ناصي باجي واكفة

: اسف ، بس ضحكتج حلوووة وما اريد احد يشوفها

اعذريني هالمرة ولا تضحكين لان گلبي خلصان وابو فاضل

دنكت راسي ضايجة ، بس كلامه غير مودي شوي

اخذت القطع الاساسية .. بقت شغلات قليلة

ودانا تعشينا .. خلصنا ؏ الـ ١١ بالليل

حرف ما حجة على التأخير بالعكس جان مرتاح ويضحك

ليش هيج يسوي ؟ يريد يعلقني بي ويروح

شنو يستفادون .. وين المتعة بهيج موضوع انا تعبت

هذا الاهتمام الزايد شنو نهايته !!

مو اختفى وراح وعاف كل شي ، مو خلاني ابين مشاعري واتجاهلهن

شلون ادعي عليَ ؟ المن اشتكي

وهاي المشاعر ااي بداخلي وقربه الي احبه

شوكت حبيته ؟ انا ما حبيت شخصه

حبيت اهتمامه ووملحته .. ومحاولاته حتى اصير زوجته

انا هذا الاهتمام ما شفته من احد قبل

مو بس انا كلنا احنا البنات

كل حرف كل حجاية منهم تطبع طبع

ما ننسى مثلهم

ولا عدنا سرعة تخطيهم

اول ما رجعت للبيت .. وانا اعزل الملابس بشغف معدوم

انا انهزمت من بيتنا ذاك علمود انسى حاتم

هسة وين اروح حتى ما اتعلق بهذا اكثر

قررت ادزله رسالة طويلة

واحضره

واريح راسي الي تعب من كثرة التفكير

بس ما كدرت

ثاني يوم كعدت ضايجة اكثر

دنتريك سألت امي .

: يوم خالة ام حسين زوجت ابنها لا ؟

- ليش ؟

كتلها بخجل : هي مو تريدني جانت ؟

- ايي

- اذا يقبل اكمل دراستي انا موافقة .

ضحكت امي : ها ولج عوزتي لازم

ضحكت: يااا يمة شبيج .

شوي وكامت من يمي اتصلت بيها

وعرفت منها يقبل اكمل

قررت اكعد وياه واشوفه

وطلبت من امي فترة اتعرف عليَّ واعرف شخصيته

بالاول مــاا قبلت ، بس بعد اللحاح مني اضطرت توافق .

وكتلها لا تكول لاحد حتى باجي ولا سحاب لحد ما اشوفه

المرة ردت خبر لامي ورا يومين كالت العصرية نمر عليكم

خليت مكياج حلوو ، ولبست فستان طويل عندي سمائي

وشمرت شالي على شعريي

حيل جنت متوترة وخايفة

ما خليت شي ببالي غير ، انو انا استحق انسان

يحاول علمودي اكثر ، ما يخليني بنص طويق ما ادري وين اروح

ومنين ارجع  .. انا استاهل اعيش حياتي مرتاحة

دخلت مدنكة سلمت على امه

ورحت كعدت يمه

الولد لطيف ، شكله مقبول وجان هادئ

حتى أسالته بهدوء ورقي ، كلش عجبتني شخصيته

يشتغل بمختبر ومتعين وكال ما عندي اشكال على اي شرط انتِ تحبي

اغلب الكلام جان منه

وما طلب مني احجي غير بس سؤال واحد

: انتَ طالعة اليه برضاتج ؟

باوعتله : اي.

ابتسم بوجهي : على بركة الله .. انتظر منج ترديلي الخبر الي يفرحنا ان شاء الله .

وراها طلعوا .. ومر اسبوع وامي تدور مني جواب

بيومها ورا صلاة المغرب باشت بالعشا واكفة بالمطبخ اگلي

حسيت على ركعة الباب القوية مال مطبخ

يمةة اجة يمي وجهة يخووففف

لزمني قوي من زندي يعيطط : انت صاااااحية لخاطر محمد بس حاجيني

اجت امي تركض تريد تجرني منه متكدر

نتر بيهاا: شنو يجي يشوفهااا وتكعد ويااااه ، ومحد عنده علم

زلم قنااادر احنا هناااا ؟؟؟ يعني اعرف من عندددده من الغريب اعرف .

كلتله امي :يمة والله ما رجعنا الهم خبر كلت ارد خبر موافقتها منكم انتوا .

صهيب : صدك تحجين ، يعني ما تدرين انا رايدها ؟

ردت : ما اكيف يا يمة تصير نسيبي بس شوفة عينك ابوك ما يقبل شنو بايدي

كالللها بعَصبية: اربد احجي وياها وحدنا تسمحيلي ؟

- اخذوا راحتكم يمة ..

طلعت وعافتني يم نظراته الي تخوف

سد باب المطبخ الي يودي للصالة واجة يمي

: اي ؟ ودراستج .. مو جانت اهم شي عندج ؟؟؟؟

عيني بعينه كتله : يقبل اكمل.

مسد لحيته بعصبيه : ها حلوو ؟ عجبج شفتي وطلعتي كدامه مو ؟

سكتت

- ليش هيج  بتول ؟ انتِ مو ضجتي لان راحن يخطبن شنى تغير

آنا أصلًا كلبي محمل علي من هذا اليوم نهديت بي ابجي واحجي

: شووى انت ما تستحي ؟؟ جا ياهو عافني وانطاني ضهرة ورا ما خلاني

ابينله مشاعري ابوووية ؟؟؟ مبروك  لنجاحي ما كتلي

روح شوف طريقك انا وياك ما نتوالم  .. هيج احسن الي والك

- يعني انتِ فسرتي بعدي هذا انو ما اريدج ؟

- عندك غير تفسير .

رفع ايده بوجهي وكالها بعصبيه

: جنت الم فلس على فلس علمود اجي اخطبج يا غبرره .

من شغل لشغل ، فوك شغل المطعم طلعت عمالة وبالليل دليفري

انا ما كتلج لان ميحتاج هذا واجبي ولازم اوفرلج كل شي

بيومها طلعت منج رحت لابوية حتى ايده بستها

كال مهرها هلكد بهلكد من يصير جوة ايدك تعال اروح واخطبها الك .

وهذا الموضوع كله ؟

دفعته : جذاب .

سحب شالي من باب المطبخ شمره على راسي وطلع

اجتني امي شبعتني رزايل لان سمعت كل شي

ماكو ورا ساعة اندكت الباب ودخل خالو ووياه ٢ زلم وابراهيم وصهيب للصالة

وباجي اجت يمنا الضحكة شاكة الحلك

كالت بابتسامة عريضة :عيني ڪريمة ، لبسي وفوتي اخوج يريدج جوة..

امي بدون نقاش حطت العباية علو راسها وفاتت

اجتِ يمي باجي تضحك : شمسوية بي ولج اجة يرجف يتوسل بخالج .

باوعتلها بتوتر وخجلانة : ما سويت شي والله وما ردتها ترصل لهل مواصيل .

ضحكت : انا المفروض ازعل منج ، من يجي يشوفج وتحجون وانا ما ادري

بس هسة الكاع ما شايلتني من الفرحة ..

ورا نص ساعة طلع ابراهيم : بتول يريدوج .

سحبت الجبة الإسلامية ودخلت بس شنو كل خطوة اخطيها رجلي احسها وكفت

باجي وياي دخلت مدنكة راسي كاعد يم خالو والزلم يمهم ما عرفتهم منو

بوست خالو وكعدت يمه من الجهة الثانية وراسي ما رفعته

- انا ضايج ومقهور منج ، لان تصرفتي انتِ وامج هيج تصرف بدون علمي

ولا علم احد من الولد .. بس اكول هاي حياتج والمفروض ما اتدخل بيها

بس هيج قرار ميصير بالختلة والتضمضم يا بنتي

رديته بخجل : انا اعتذر خالو .

كمل كلامه : وانا اليوم جاي اطلب ايدج لابني صهيب

ويوم المنى تصيرين جنة اليه وكدام عيني

ما الكه احسن منج زوجة لابني .. وام لأحفادي

ونعم التربية ونعم الاخلاق .. من يوم ما دخلتي بيتي

وانا اتمنى الله يرزقني ببنية حلوة مثلج

وهاي بعد ما يحتاج اتمنى .. اذا صرتي جنتي وزوجته لأبني

القرار الج ، وما اضغط عليج بنيتي

- لساني ساعتها انبلع .. حتى صوتي احسه اختفى

بووووخت واريد بس اكوم من يمه

بس احس فشلة اعوفه بدون رد ظليت دقايق صافنة افكر

شنو ارد واكوم قررت اكوله

- الي تشوفه خالو .

ضحك : يعني شنو ؟ موافقة

نقذتني باجي من كالت : خليتها تفكر يا ابو صهيب لا تحرجها .

بس كالت هيج اترخصت وكمت من يمهم

من طلعوا امي دخلت يمي للغرفة ، كعدت ؏ الجرباية وكالت بكل هدوء

: المرة هاي القرار الج ، بس اجيت انطيج رأيي

ما تلكين مثله احد يحبج يمه .. من تشوفين شخص هيج متمسك بيج

جلبي بي بكل ما عندج من قوة

من خالج يحجي عيني على ايده ترجف منتظر ردج

وكامت وعافتني توقعته يدز رسالة بس ماكو

للصبح ما نمت كمت صليت استخارة

وحسيت براحة .. اي انا احبه فعلا شنو منتظرة ؟

اخاف

اخاف هذا الحب بعدين كله يروح

بس المودة والرحمة بينا ما تروح .

طلع حسن من الحمام يباوعلي ويضحك

: يابة ارضي بي خطية خوش ولد .

ضحكت : شو جنك مكيف تخلص مني .

- لا والله فرحان بيج وبي .. خطية الاشهر الفاتت اكل وحل الولد

-الله كريم .

- لا بتول ادري الله كريم اذا ما وافقتي اخلي يجي يخطبني الي

هاي الفلوس الي جمعها متروح للغريب

خربت ضحك علي ، حضرتله الريوك  بس طلع كعدت امي

كتلها قبل ما اصعد : يمة الي تشوفوه سووه وانا قابله

ضحكت : موافقة يعني ؟؟

دنكت راسي اضحك كبل طگتها امي بهلهولة .

صعدت اريد انام ماكو توني نمت اجتني ڪالت

: كومي باجيتج جااية .

اجتِ تبوس وتحضن وفرحانة يمكن اكثر منه

كالت العصر راح ياخذ خالج ويروح يطلبج من عمامج ..

وبعد ما كلها اتصلت بيه

وبعد يوم متعب محرومه منه من النوم .. اتصل هوَ بيه

فتحت الخط وحرف ما حجيت .

اسمعه يضحك:ظلي ساكته ظلي كلهن هذن اطلعهن من خشمج .

-بتول .

-ها  ..

- اسبوع الجاي ، هي مشية هو عقد سيد تمام ؟

- بكيفك

- جا هو عرس امي غير عرسج .

ضحكت : ما ادري .

-ياااابة  اخرب ؏ الخجلان انا .

وهذا الخجل ما كسره غير يوم العقد

ما ردتها تختلف عن المراسيم الي جنت اشوفهن بالنت

واحلم بيهن مثلي مثل البنات

الكوشة صارت تخبل .. فستان العقد جان دمار اختاريته تصميم شوي مختلف

كلها يمي ، بس احس روحي بعالم وحدي

دخلوا اهله كلهم ، خالاته وزوجات خواله

شفت باجي من بعيد الفرحة تارسه عيونهاا

اجت لجهتي تبوس وتضحك

ما مر وقت طويل وكالوا راح يعقد

كعدت ؏ الكرسي يم الباب .. بين ايدي الترجف سورة الفتح

بلش السيد يحجي .. وما حسيت غير على الهلاهل

بعد ما رديت على سواله : نعم وانتَ وكيلي .

ورا شوي دخل .. تقدم بوسني وحضني حضن قوي كلش

ضحك : والله گلبي طاير بيج ، جعلج سعادة ايامي الجاية كلهاا .

تذكرت .. من كلتيلي ما باركتلي على ناجحة .. جنت داحضرلج هديتج

ضحكت: شنو هيَ؟

- عش الزوجية .

وبهاليوم السعيد انقعد گلبي وي گلبه .

——————————————————————-

وها اهـااا خلصناا 🤡

شبيجن وياي بنات عمي جنت امتحانات والله

مو انا طالبة صيدلة ما كلت الكم 🙈🙈🙈🙈🙈🙈

حتى محد باركلي دروحن يلا زعلت

؏ العموم النتائج مالتي باجر ادعولي من كلبجن

وكلش اعتذر لان شلعت كلبجن بالتنزيل بس والله

من امتحان لامتحان ، وشغفي مطفي

القصة لهنا انتهت بالنسبة اليه

سحاب ما عندي اي تواصل وياها وما اعرف شي عنها

ظلت بس بتول وياي .. وسالتها عن اخبارها كالت عايشة

حمل ما صار عدها

واخر شي تواصلت وي بتول حجتلي هاي الاحداث

وصار فترة كلش طويلة

كالت على فرحة الزهرة السنة الجديدة  يصير العرس

العقد مالتهم صار نهاية ال ١٠ يا يوم متقبل اكول 🙈

ولهنا انا ختمت وياكم كل شي

بتول مو مثل سحاب علاقتي مو هلكد قوية بيها

ولحيت عليها اريد اكتب قصتها وي ابن خالها

لان ما احب النهايات الي ما بيها نهايات تفهموني ؟

ما احب اخلي قصة معلكة  وهي جانت حبابة وقبلت

بس ما اكدر اكثر من هيج لان القصة تصير ملل

وشكرا لان الكل تحملني

القصة كتتبها بفترة جنت صغيرة

وتعرفون كل يوم نكبر اكثر بعد

اتمنى اكدر ارجع واعدل هواي شغلات

جنت ممكن اكتبها بشكل افضل

بس راح اخليها حتى اتعلم من اخطائي وبنفس الوقت

تعتبر انجاز الي ما احب اغيره او اعدل عليَ

اذا انتِ قريتي القصة بالجديد اعرفي القصة قديمة

والانسانة الي كتبتها تفكيرها تغير

القصة حلوووة كلش استمعت وانا اكتبها ووانا اسمع احداثها

اتوقع بعد ما اكدر ارجع اكتب لان وقت ماكو

بس ان شاء الله النا لقاء ثاني 💋

بسم الله الرحمن الرحيم

قررت اشد حيلي بالدور الثاني حتى ارفع معدلي

جان حلمي تخدير وايست من شفت معدلي .

بيوم الضهر طلعت من الغرفة لكيت امي تبلس جواريبها

: وين يمة .

- شو جيبيلي الربطة من الغرفة .

- دكولي وين رايحة بشرفج .

- شعليج بتي .

- دحجي عليج العباس .

- يممممة منج .. خابرتني باجيتج تريد نروح نشوف بت ام صاحب

هاي الناعمة لصهيب .

. صفنت ولشتي كلها رجفت ، والحب والكلام

ما طولت امي دقايق واختفت من كدامي واسمع صوتها بس وهي توصي بيه ادرس

توجهت للغرفة مالتي واحسها صارت بنهاية الدنيا كلها

هسة انتِ مو تتعززين عليَ ومتريدي شكو ضايجة !

شبيج بتول شبيججججج ؟

عيوني راحت على موبايلي المشمور ؏ الميز توجهت يمه

طلعت اسمه ودست اتصال وايدي ترعش

بس طلع يمي جاوب مدري شصار بيه وسديته

شمرته وكعدت ؏ الجرباية اريد بس اهدي من روحي ورجفتها

سمعت موبايلي يدك .. ما بيه اكومله

سندت روحها ؏ الحايط شفت المتصل هوَ .

ظليت بحرب تفكيري ، ما بين ارد واكوله بالغلط اتصلت

او اصارحه بالي احس بي هسة او ما اجاوبه أصلًا

وانا بنص هالهوسة الي براسي خلصت الدكة بعدني ما شلت عيني

بدت دكة ثانية .. قررت ما اجاوب

فتحت باب الغرفة دانزل تذكرت هسة يتصل بامي ؟

رجعت بسرعة ولكيت المكالمة خلصت

بسرعة اجة اتصال ثالث منه وهالمرة رديت

- الوو ، بتول شبيج ؟؟ مو اتصل ليش متردين ؟

- جنت بالمطبخ

- ها ، اكو شي محتاجة شي ؟

- لا

- ليش اتصلتي لعد ؟

كتله بكل هدوء : بالغلط .

- بتول بيج شي ؟

- لا ليش ؟

- ما ادري صوتج ما عاجبني ؏ العموم اذا موجوعة او شي كولي

لان هيج هيج راح امر اجيبلج العلاج واكل .

- لا ما اريد شي ، زينة .

- مو بكيفج علاج هذا ، والاكل لا تاكلين منو كلج بس الج لخالتي ولحسونة

هو يحجي وانا بزحمة وهوسة افكاري ، اتذكر كل تصرف بدر منه

قاطعته : صهيب .

- عيونه ؟

- انتَ ليش هيج تسوي وياي ؟ انتَ تكرهني

نبرة صوته تغيرت للجد : شنو سويت ؟

- سديت الخط بوجهة كبل ، انا تخبلت انا شجاي اسوي بروحي

ذبيت الجهاز واخذت ملازمي وطلعت اقرا بالهول

مرت ربع ساعة ولكيت الباب يندك .. شصار بيه

انا شبيها رجلي ترجف يربي .. عادي كوليله ماكو شي وفضيها

حسن وين يربي ، شلون افتح اله الباب وانا وحدي

فتحت باب المطبخ وصحت بتردد : منو ؟

اجة صوت يرعد: افتحي الباب لا احركلج البيت كله

بلعت ريك واحجي ولشتي ترجف

: محد بالبيت روح ، من يجون جيب الدوا وتعال .

عاط بسرعة : بالحسين اذا ما فتحتي الباب ، اطفر من السياج واخزيكم

والدنيا كلها واكفة .. افتحي الباب واتجفي شري

- ما اكدر .

- سهلة ..

كال هيج دقايق وشفته رجله اختفت من جوة الباب .

وايده صارت على السياج القريب عليَ كبل عطت

: لا صهيب لاااا .

نتر: صوتج لا ومحمد اطيح حظج افتحي الباب وخل هاليوم يمر ؏ خير

حجيت بعجز : واذا اجة احد ؟

كال بنفاذ صبر : افتحي وخلصيني .. محد يجي عفت حسن بالمطعم ينظف وامج اذا اجتِي اكوللها جبتلها العلاج .

فتحت السركي وهو كبل دخل وركع الباب قوي

جرني من ايدي ودخلنا للمطبخ ورجع ركع باب المطبخ ركعه اقوى

رفع ايده متحلف : انا مو اتصل الكائناتتتت ليش مغلق ؟؟؟

- خـ خـلص شحن .

- بسرعة صعدي جيبي .

كتله وكلي خوف : لا

اجة تقرب مني وانا رجلي ما تعيني حتى اتحرك

خايفة لا احد يطب علينا

: ليش تجذبين بتول ؟ احجي ليش كلتيلي هيج

ليش اكرهج ، وشنو سويته مخلي صوتج هيج ووجهج اصفر هسة ؟

دنكت راسي : ماكو شي .

باطراف اصابعه رفع راسي من حنجي

: احجي .

- ماكو شي صهيب ، روح لا احد يجي للبيت

عافني وراح سحب كرسي وكعد

: واليوم ما اتحرك منا اذا ما تحجين .. واذا طولتي من تجي خالتي اسألها

لطمت ؏ خدي بردة فعل سريعة

: صهيب كووم روح .

اخذ الدولكة وقبل ما يشرب رفع كتافه

: كيفج انا اليوم يمكم للصبح .

اشر بأيده ؏ الكرسي الي كدامه

وكمل : تعالي نتفاهم هنا واحجيلي كل شي

وانا شنو تريدين اسوي وراها حاضر ، شرط تفهميني كل شي .

توجهت للكرسي يمه بقلة حيلة ، كعدت كتله بهدوء عكس العاصفة الي براسي

: انا اتمنى الك كل الخير وي اي انسانة انتِ وياها

بس ما جان اله داعي هيج تسوي بيه ، انا بنية وعندي احساس

بالنهاية كلامك اثر عليَ .

بس انا اتمنى الك كل الخير ، لو كايل الي برسالة مو اسمع من امي .

جيت اكوم لان احس بوخت من نظراته

الي جانت كلها استفهام وعبالك ما يفتهم اللغة الي احاجي بيها

لزم ايدي ونتر : تعاااالي ، وين رايحة شدتحجين انتِ بابا ؟

يا انسانة يا خير !

- مو باجي وامي راحن يخطبن الك ، بنت خالة ام صاحب

- ام صاحب منية ؟

- الي وراكم بفرع ..

- االيه انا ؟

- لا لخالو ، صهيب روح الله يوفقك لا يجي احد .

جاب كرسيه وكعد من جهتي مبتسم .

: بتول ، باعيلي لج انتِ ضايجة وهيج مقهورة لان راح اخطب .

بخزرته كبل وكمت رجع سحبني نترت بي

: صهيب ايددددك لاتلزمني !!

ضحك : بس اكعدي حاجينيي ؟

هسة هاي الضوجة كلها لان راحننن .. لج احجي ريحي گلبي اشتلعوا اهلج .

دنكت راسي وهيج احس بوختت خجل وعصبية من ردة فعله الباردة

والدمعة لحظات وتعلن عن انطلاقها .

ضحك بصوت عااالي وقرب باس راسيييي قوي

: لو ادري هيج جان من زمان وديتهن يخطبن .

عطت بي : انتَ صدكككك تحجي اكولك لا تلزمني تبوسني من راسي !!

ضحك: وعلي فلا احس بروحي .

سحب ايدي باسها .. بتول سامعة مال احرك العراق علمودج ؟

اليوم احركلج الدنيا كلهااا .

طلع شوي ورجع بايده الاكل والعلاج

: اكلي واشربي دواج .. واقري زين يالله في امان الله .

طلعت ورا اقفل الباب بس كل شي ما فهمت منه

هسة شنو

ساعة وراها ورجعت امي ما حجت شي واستحي أسألها

مرت الايام يوم ورا يوم وبلشت بالدور الثاني

والحمد لله جاوبت بهذن المواد

عطلت وطلعت من السادس بعد عناء طوووويل

قررت االتفت لربي اكثر

وبديت احفظ من القران.. صهيب اختفى رحنا مرتين لبيت خالو ما لكيته

واستحي اسأل ، بس عيوني تدور عليَّ اول ما افوت .

اتوقع نسيته ، انا ما اريد الي صار بيه وي حاتم

يرجع يصير .. كافي عليَّ الي صار أصلًا

وراها بيومين بلش اعلان النتائج ونسهر للصبح وماكو شي

ظليت هيج يومين لحد ما صبحت ؏ اتصال من صديقتي

تبشرني ناجحة ومعدلي صار ٩٣

بوقتها سجدت شكر هذا الي ردته وصلت اله

نزلت لكيت حسن ديطلع للشغل بشرته

وهو يحضن بيه : تستاهلين كل الخير تووله .

لل ١٠ اجو باجي وابراهيم يباركون

باجي دخلت تطش بالجُكليت فرحانة وتهلهل

وابراهيم يصيح : سباعية عمي سباعية

خالو من رجع كال تجهزوا باجر نطلع للشمال

حاولت امي وياه ما قبل ، كال هاي هدية نجاحها وتعبها .

رحنا وحيل حيل تونست ، الجو هناك احلى واهدء

واول ما رجعنا بلشنا نجهز للجامعة يومية باجي تراسلني تكول شوكت

نبلش نجهز .. ومتحمسة اكثر مني .

عاد نزلت سألت امي كالت ؏ باجر نروح ونقسمها على طلعتين لان

رجلها وما تكدر تمشي هواي .. انا هم صعدت كلت لباجي

ودخلت للبرامج اگلب ببيجات الملابس واخذ فكرة شنو اشتري

وبما انو عباية قررت اخذ شغلات اساسية

بناطير مرتبة ، كم قميص اللوانهن اساسية .. واخذلي فد حذائين مكرم السامع

وشالات .. وهـاا اريد مكياج هم وبعد ؟

وجريتها هيج لحد ما حسيت الضوة طلع

نمت كعدت ؏ صوت امي تعيط

: يومية نايمة للضهر يا بتول ميصير هيج ؟

- يمة دراسة وخلصت طلابة بعد !!

- لج كومي عينيني ، خنسوي اليوم حملة للبيت

راح اروح اصب الريوك الج ولحسن اذا ما جيتي اليوم ماكو روحة

بعدها ما طلعت .. سبقتها ورحت للحمام اغسل

ولزمنا البيت جرد من الغرفة للمطبخ ..

اول ما كملت دخلت سبحت واتصلت بيه باجي

: ها حبيبتي ؏ ال٤ نطلع تمام ؟

- تمام التمام .

صعدت حالفة الا اترس روحي مكياج

صرت جامعية بعد شحدها تحجي

وكعدت ارسم واتفنن ؏ كيفي والخاولي على راسي

حضرت فستان حلو قصير بس مو كلش

ووياه جواريب سود ، لونه جوزي يخبل

والشال كريمي ..

ڪريمة : بتول اذا متنزلين بالقران اشمر عباتي واكعد .

سمعتها تعيط من جوة .. نزلت اركض

- ها اهـاا حجية كملت .

باوعت بوجهي بتركيز تريد تحجي بس بعد متكدر

باجي هسة بس تجي تشوفني ضايجة تغسلها غسل .

ابتسمت بوجهة : ما طوخت لخاطرج .

نترت: هم عوز تطوخين اكثر من هيج

دنحجي رمشت باجي .

طلعنا للباب توقعت ابراهيم ياخذنا ، لان البارحة سألني وين راح تروحون تشترون ملابس ..

تفاجأت من شفته ، دنكت راسي وما اعرته اي أهمية

خلص كل شي انتهى الولد خل يشوف نصيبه

ركبت امي بالصدر يمه وانا باجي ليورا

وانطلقن امي وباجي بالسوالف طول الطريق

جان فاتح الاذاعة .. اغاني ام كلثوم

من صوت سوالفهن ما جنت مركزة.. شوي وصار هدوء

ركزت بكلمات الاغنية واول مرة احس صوت ام كلثوم هيج حلوو

كُنت بـ اشتقلك وانا وانتَ هـِنا

بيني وبينك ، خطوتين .. خطوتين .. خطوووتين

شوف بقينا ازاي انا فين !

يااا حبيبي

وانتَ فين

انتَ فيننن ، انتَ فيييين !

والعمل ؟ ايه العمل ؟

ما تقولي اعمل

ايه

والأمل انتَ

انتَ الامل

تحرمني منك ليييييه !!

رفعت راسي ولمحت عينه بالمراية ، كبل دنكت

حسيت باجي حسيت بينا شكد استحيت

ظل المقطع يتردد براسي لحد ما وصلنا لشارع سيد الحليب

دننزل كال : شكد وارجع الكم .

شيماء : ساعتين وارجع يمه ..

رد مستهزء : ساعتين ، دكولي ستة ، سبعة .

- روح يمه ساعتين وتعال .. نكمل لتخاف .

ضحك : ظلوا للصبح يابة انتظركم شعندي ، شغل عمل .

كلتله امي : ليش متنزل ويانا يمة ، شوديك ويجيبك ؟

باوعلي ورجع كاللها : خوما تطولن !!

ڪريمة: ان شاء الله منطول .. خلي السيارة بمكان زين وتعال نتنظرك هنا.

- انطيت لامي نظرة حقيرة ، يابة اتمنيت اكول لا بصوت عالي .

هسة شلون ناخذ راحتنا راح يظل ينقنق الطلعة كلهاا

اجة وكام يمشي هو وامي كدامنا

شوارع المنصور اغلبها ازدحام .. وهناك النسوان كلها حلوووة

من تمشي من يمهم وحدة ، بالقران اظل احوس

هو اوكي هن يموتن .. زين انا شبيه !

الطريق كله اباوع وضايجة

ما حسيت الا على صوته : شبيج ؟

لكيته يمشي بصفي ..

: ما بيه

- ضايجة لان اجيت ؟ هسة ارجع

: لا

سكت : احجي شبيج اذا ضايجة ارجع هسة عادي

- لا قابل شنو مسويلي انتَ ؟ عادي ابن خالي ومثل حسن اخوية

وكف وكفة بنص الشارع خزااانه

جريته من ايده اريده بس يمشي العالم كامت تباوع علينا

- صهيب !! صدك تحجي هاي شبيك ؟

نتر والحواجب انطبگن والگصة انعقجت

: مثل اخوية شنو ؟ شوكت صرت اخوج ست بتول ؟

: من زمان .

- اسكتي اسكتي لا اهفج براشدي ارجعج للبيت مشي تبجين .

ظل يعيب بحلكه ويقلد جملتي

: مثل حسن اخوية ، عاب لهل حلگ .

ابتسمت وانا امشي .. كبل نتر

: سدي حلكج لج !!

كبل أختفت ابتسامتي ، باوعتله بطرف عيني ضايجة

كلهن الي مرن من كدامه اكلهن اكل بعيونه .. هسة صار شريف .

فتنا تقريبا ٤ محلات من قهرتي ما عجبني شي الملابس زينة حلووة

قربت يم امي : خل نرجع يما غير مرة نجي .

سألتني بشك : شكو ؟

- راسي يوجعني .

نترت بيه : نشتري ونرجع بلا هالسوالف هاي هسة ..

عفتها ورحت لباجي : باجي فدوة اروحلج خل نرجع

باوعتلي بخوف: شبيج يمة ؟؟

هنا حصرتني البجية وكوة لزمت دمعتي داحجي اجة يمنا

: ها .. ما قررتي ذاك القميص الفوك حلو شفتي ؟

وخرت عيني منه وما رديت

قرب روحه مني كال بصوت ناصي باجي واكفة

: اسف ، بس ضحكتج حلوووة وما اريد احد يشوفها

اعذريني هالمرة ولا تضحكين لان گلبي خلصان وابو فاضل

دنكت راسي ضايجة ، بس كلامه غير مودي شوي

اخذت القطع الاساسية .. بقت شغلات قليلة

ودانا تعشينا .. خلصنا ؏ الـ ١١ بالليل

حرف ما حجة على التأخير بالعكس جان مرتاح ويضحك

ليش هيج يسوي ؟ يريد يعلقني بي ويروح

شنو يستفادون .. وين المتعة بهيج موضوع انا تعبت

هذا الاهتمام الزايد شنو نهايته !!

مو اختفى وراح وعاف كل شي ، مو خلاني ابين مشاعري واتجاهلهن

شلون ادعي عليَ ؟ المن اشتكي

وهاي المشاعر ااي بداخلي وقربه الي احبه

شوكت حبيته ؟ انا ما حبيت شخصه

حبيت اهتمامه ووملحته .. ومحاولاته حتى اصير زوجته

انا هذا الاهتمام ما شفته من احد قبل

مو بس انا كلنا احنا البنات

كل حرف كل حجاية منهم تطبع طبع

ما ننسى مثلهم

ولا عدنا سرعة تخطيهم

اول ما رجعت للبيت .. وانا اعزل الملابس بشغف معدوم

انا انهزمت من بيتنا ذاك علمود انسى حاتم

هسة وين اروح حتى ما اتعلق بهذا اكثر

قررت ادزله رسالة طويلة

واحضره

واريح راسي الي تعب من كثرة التفكير

بس ما كدرت

ثاني يوم كعدت ضايجة اكثر

دنتريك سألت امي .

: يوم خالة ام حسين زوجت ابنها لا ؟

- ليش ؟

كتلها بخجل : هي مو تريدني جانت ؟

- ايي

- اذا يقبل اكمل دراستي انا موافقة .

ضحكت امي : ها ولج عوزتي لازم

ضحكت: يااا يمة شبيج .

شوي وكامت من يمي اتصلت بيها

وعرفت منها يقبل اكمل

قررت اكعد وياه واشوفه

وطلبت من امي فترة اتعرف عليَّ واعرف شخصيته

بالاول مــاا قبلت ، بس بعد اللحاح مني اضطرت توافق .

وكتلها لا تكول لاحد حتى باجي ولا سحاب لحد ما اشوفه

المرة ردت خبر لامي ورا يومين كالت العصرية نمر عليكم

خليت مكياج حلوو ، ولبست فستان طويل عندي سمائي

وشمرت شالي على شعريي

حيل جنت متوترة وخايفة

ما خليت شي ببالي غير ، انو انا استحق انسان

يحاول علمودي اكثر ، ما يخليني بنص طويق ما ادري وين اروح

ومنين ارجع .. انا استاهل اعيش حياتي مرتاحة

دخلت مدنكة سلمت على امه

ورحت كعدت يمه

الولد لطيف ، شكله مقبول وجان هادئ

حتى أسالته بهدوء ورقي ، كلش عجبتني شخصيته

يشتغل بمختبر ومتعين وكال ما عندي اشكال على اي شرط انتِ تحبي

اغلب الكلام جان منه

وما طلب مني احجي غير بس سؤال واحد

: انتَ طالعة اليه برضاتج ؟

باوعتله : اي.

ابتسم بوجهي : على بركة الله .. انتظر منج ترديلي الخبر الي يفرحنا ان شاء الله .

وراها طلعوا .. ومر اسبوع وامي تدور مني جواب

بيومها ورا صلاة المغرب باشت بالعشا واكفة بالمطبخ اگلي

حسيت على ركعة الباب القوية مال مطبخ

يمةة اجة يمي وجهة يخووففف

لزمني قوي من زندي يعيطط : انت صاااااحية لخاطر محمد بس حاجيني

اجت امي تركض تريد تجرني منه متكدر

نتر بيهاا: شنو يجي يشوفهااا وتكعد ويااااه ، ومحد عنده علم

زلم قنااادر احنا هناااا ؟؟؟ يعني اعرف من عندددده من الغريب اعرف .

كلتله امي :يمة والله ما رجعنا الهم خبر كلت ارد خبر موافقتها منكم انتوا .

صهيب : صدك تحجين ، يعني ما تدرين انا رايدها ؟

ردت : ما اكيف يا يمة تصير نسيبي بس شوفة عينك ابوك ما يقبل شنو بايدي

كالللها بعَصبية: اربد احجي وياها وحدنا تسمحيلي ؟

- اخذوا راحتكم يمة ..

طلعت وعافتني يم نظراته الي تخوف

سد باب المطبخ الي يودي للصالة واجة يمي

: اي ؟ ودراستج .. مو جانت اهم شي عندج ؟؟؟؟

عيني بعينه كتله : يقبل اكمل.

مسد لحيته بعصبيه : ها حلوو ؟ عجبج شفتي وطلعتي كدامه مو ؟

سكتت

- ليش هيج بتول ؟ انتِ مو ضجتي لان راحن يخطبن شنى تغير

آنا أصلًا كلبي محمل علي من هذا اليوم نهديت بي ابجي واحجي

: شووى انت ما تستحي ؟؟ جا ياهو عافني وانطاني ضهرة ورا ما خلاني

ابينله مشاعري ابوووية ؟؟؟ مبروك لنجاحي ما كتلي

روح شوف طريقك انا وياك ما نتوالم .. هيج احسن الي والك

- يعني انتِ فسرتي بعدي هذا انو ما اريدج ؟

- عندك غير تفسير .

رفع ايده بوجهي وكالها بعصبيه

: جنت الم فلس على فلس علمود اجي اخطبج يا غبرره .

من شغل لشغل ، فوك شغل المطعم طلعت عمالة وبالليل دليفري

انا ما كتلج لان ميحتاج هذا واجبي ولازم اوفرلج كل شي

بيومها طلعت منج رحت لابوية حتى ايده بستها

كال مهرها هلكد بهلكد من يصير جوة ايدك تعال اروح واخطبها الك .

وهذا الموضوع كله ؟

دفعته : جذاب .

سحب شالي من باب المطبخ شمره على راسي وطلع

اجتني امي شبعتني رزايل لان سمعت كل شي

ماكو ورا ساعة اندكت الباب ودخل خالو ووياه ٢ زلم وابراهيم وصهيب للصالة

وباجي اجت يمنا الضحكة شاكة الحلك

كالت بابتسامة عريضة :عيني ڪريمة ، لبسي وفوتي اخوج يريدج جوة..

امي بدون نقاش حطت العباية علو راسها وفاتت

اجتِ يمي باجي تضحك : شمسوية بي ولج اجة يرجف يتوسل بخالج .

باوعتلها بتوتر وخجلانة : ما سويت شي والله وما ردتها ترصل لهل مواصيل .

ضحكت : انا المفروض ازعل منج ، من يجي يشوفج وتحجون وانا ما ادري

بس هسة الكاع ما شايلتني من الفرحة ..

ورا نص ساعة طلع ابراهيم : بتول يريدوج .

سحبت الجبة الإسلامية ودخلت بس شنو كل خطوة اخطيها رجلي احسها وكفت

باجي وياي دخلت مدنكة راسي كاعد يم خالو والزلم يمهم ما عرفتهم منو

بوست خالو وكعدت يمه من الجهة الثانية وراسي ما رفعته

- انا ضايج ومقهور منج ، لان تصرفتي انتِ وامج هيج تصرف بدون علمي

ولا علم احد من الولد .. بس اكول هاي حياتج والمفروض ما اتدخل بيها

بس هيج قرار ميصير بالختلة والتضمضم يا بنتي

رديته بخجل : انا اعتذر خالو .

كمل كلامه : وانا اليوم جاي اطلب ايدج لابني صهيب

ويوم المنى تصيرين جنة اليه وكدام عيني

ما الكه احسن منج زوجة لابني .. وام لأحفادي

ونعم التربية ونعم الاخلاق .. من يوم ما دخلتي بيتي

وانا اتمنى الله يرزقني ببنية حلوة مثلج

وهاي بعد ما يحتاج اتمنى .. اذا صرتي جنتي وزوجته لأبني

القرار الج ، وما اضغط عليج بنيتي

- لساني ساعتها انبلع .. حتى صوتي احسه اختفى

بووووخت واريد بس اكوم من يمه

بس احس فشلة اعوفه بدون رد ظليت دقايق صافنة افكر

شنو ارد واكوم قررت اكوله

- الي تشوفه خالو .

ضحك : يعني شنو ؟ موافقة

نقذتني باجي من كالت : خليتها تفكر يا ابو صهيب لا تحرجها .

بس كالت هيج اترخصت وكمت من يمهم

من طلعوا امي دخلت يمي للغرفة ، كعدت ؏ الجرباية وكالت بكل هدوء

: المرة هاي القرار الج ، بس اجيت انطيج رأيي

ما تلكين مثله احد يحبج يمه .. من تشوفين شخص هيج متمسك بيج

جلبي بي بكل ما عندج من قوة

من خالج يحجي عيني على ايده ترجف منتظر ردج

وكامت وعافتني توقعته يدز رسالة بس ماكو

للصبح ما نمت كمت صليت استخارة

وحسيت براحة .. اي انا احبه فعلا شنو منتظرة ؟

اخاف

اخاف هذا الحب بعدين كله يروح

بس المودة والرحمة بينا ما تروح .

طلع حسن من الحمام يباوعلي ويضحك

: يابة ارضي بي خطية خوش ولد .

ضحكت : شو جنك مكيف تخلص مني .

- لا والله فرحان بيج وبي .. خطية الاشهر الفاتت اكل وحل الولد

-الله كريم .

- لا بتول ادري الله كريم اذا ما وافقتي اخلي يجي يخطبني الي

هاي الفلوس الي جمعها متروح للغريب

خربت ضحك علي ، حضرتله الريوك بس طلع كعدت امي

كتلها قبل ما اصعد : يمة الي تشوفوه سووه وانا قابله

ضحكت : موافقة يعني ؟؟

دنكت راسي اضحك كبل طگتها امي بهلهولة .

صعدت اريد انام ماكو توني نمت اجتني ڪالت

: كومي باجيتج جااية .

اجتِ تبوس وتحضن وفرحانة يمكن اكثر منه

كالت العصر راح ياخذ خالج ويروح يطلبج من عمامج ..

وبعد ما كلها اتصلت بيه

وبعد يوم متعب محرومه منه من النوم .. اتصل هوَ بيه

فتحت الخط وحرف ما حجيت .

اسمعه يضحك:ظلي ساكته ظلي كلهن هذن اطلعهن من خشمج .

-بتول .

-ها ..

- اسبوع الجاي ، هي مشية هو عقد سيد تمام ؟

- بكيفك

- جا هو عرس امي غير عرسج .

ضحكت : ما ادري .

-ياااابة اخرب ؏ الخجلان انا .

وهذا الخجل ما كسره غير يوم العقد

ما ردتها تختلف عن المراسيم الي جنت اشوفهن بالنت

واحلم بيهن مثلي مثل البنات

الكوشة صارت تخبل .. فستان العقد جان دمار اختاريته تصميم شوي مختلف

كلها يمي ، بس احس روحي بعالم وحدي

دخلوا اهله كلهم ، خالاته وزوجات خواله

شفت باجي من بعيد الفرحة تارسه عيونهاا

اجت لجهتي تبوس وتضحك

ما مر وقت طويل وكالوا راح يعقد

كعدت ؏ الكرسي يم الباب .. بين ايدي الترجف سورة الفتح

بلش السيد يحجي .. وما حسيت غير على الهلاهل

بعد ما رديت على سواله : نعم وانتَ وكيلي .

ورا شوي دخل .. تقدم بوسني وحضني حضن قوي كلش

ضحك : والله گلبي طاير بيج ، جعلج سعادة ايامي الجاية كلهاا .

تذكرت .. من كلتيلي ما باركتلي على ناجحة .. جنت داحضرلج هديتج

ضحكت: شنو هيَ؟

- عش الزوجية .

وبهاليوم السعيد انقعد گلبي وي گلبه .

——————————————————————-

وها اهـااا خلصناا 🤡

شبيجن وياي بنات عمي جنت امتحانات والله

مو انا طالبة صيدلة ما كلت الكم 🙈🙈🙈🙈🙈🙈

حتى محد باركلي دروحن يلا زعلت

؏ العموم النتائج مالتي باجر ادعولي من كلبجن

وكلش اعتذر لان شلعت كلبجن بالتنزيل بس والله

من امتحان لامتحان ، وشغفي مطفي

القصة لهنا انتهت بالنسبة اليه

سحاب ما عندي اي تواصل وياها وما اعرف شي عنها

ظلت بس بتول وياي .. وسالتها عن اخبارها كالت عايشة

حمل ما صار عدها

واخر شي تواصلت وي بتول حجتلي هاي الاحداث

وصار فترة كلش طويلة

كالت على فرحة الزهرة السنة الجديدة يصير العرس

العقد مالتهم صار نهاية ال ١٠ يا يوم متقبل اكول 🙈

ولهنا انا ختمت وياكم كل شي

بتول مو مثل سحاب علاقتي مو هلكد قوية بيها

ولحيت عليها اريد اكتب قصتها وي ابن خالها

لان ما احب النهايات الي ما بيها نهايات تفهموني ؟

ما احب اخلي قصة معلكة وهي جانت حبابة وقبلت

بس ما اكدر اكثر من هيج لان القصة تصير ملل

وشكرا لان الكل تحملني

القصة كتتبها بفترة جنت صغيرة

وتعرفون كل يوم نكبر اكثر بعد

اتمنى اكدر ارجع واعدل هواي شغلات

جنت ممكن اكتبها بشكل افضل

بس راح اخليها حتى اتعلم من اخطائي وبنفس الوقت

تعتبر انجاز الي ما احب اغيره او اعدل عليَ

اذا انتِ قريتي القصة بالجديد اعرفي القصة قديمة

والانسانة الي كتبتها تفكيرها تغير

القصة حلوووة كلش استمعت وانا اكتبها ووانا اسمع احداثها

اتوقع بعد ما اكدر ارجع اكتب لان وقت ماكو

بس ان شاء الله النا لقاء ثاني 💋