تحميل رواية «مُقيد أجنحتي» PDF

(الحـلقة الحادي عشر)

بقلمي مـࢪيم علاء♥️..

{لاتنسوا التصويت (النجمة ⭐️) والتعليق على كل فقرة احبكم }

~~~~~~~~~~~~~~~~~~~~~~~~~~

لزم ايدي اخذ منهة البيض والجبن

وسحبني لصدرة ، صفن بعيوني وبلش يفتح الشال وهو صافن علية واني مقيدة ايدي حوالين خصرة اخاف اوكع ..

اول ما انفتح الشال ، اخذة وشمرة بالگاع واردف بهدوء..

_ سُحـاب لصخر ، وصخر روحة سُحـاب

فـما حاجة للحجاب كبالي

شلت ايدي من خصرة ، وجلبت بالتشيريت

عقچتة ولزمتك قوي واردفت.

_ عوفنني صخر لا تجي ماما ..

_ صــٰۨار

_ وخرت من عندة بتوتر ..

وسألتة ، تريد ريوك لو لا ؟

_ كال وعيونة بوجهي وابتسامة على شفافة ،

لا تريگت

_ استغربت رديت سألت بغباء

شوكت تريگت ؟

_ ضحك وكال

: بيج ..

_ رديت بغباء ،، شوكت ؟

ضرب على راسي باطراف اصابيعة

_ انت مال رومانسية انتِ ، انلام من ارزل  بيج ؟

روحييي من وجهي سُحـاب..

اول ما طلعت من عندة ، توجهت كعدت يم اُمي

_ ماما ، يمة ، اُمي حبيبتي انتِ . شلونج اليوم ؟

_ كريـمة : خيررر سُحـاب شنو رايدة ..

_ لااا يمة لااا ، افى عليج قصدج اني اجي بس بالمصالح ؟

رفعت عينهة ، جانت كاعدة تخيط بنطرون بتـول..

بصراحة غير اي ، انت مصلحچية ..

_ اءء ، بس يلا عادي ، اصلا ما جرحتي مشاعري ولا خدشتي حيائي ..

_ كريـمة : احجيي شعندج ..

سُحـاب : سلامتج ، بس اريدج تاخذيني لبيت جدو مشتاقة لجدتي

_ اممم ، متأكدة مشتاقة لجدتج ، لو تريدين تروحين تشمشمين اخبار ..

_ ضحكت بهبل ودريت واني ارفع اول اصبعين من ايدي

_ الاثنين يا نور عيني انتِ ..

_ بنيتي كعدي وسكتي ، لا هنوب تروح تندب براسج ، لان هي غلطانة اخاف يصير اللوم عليج ..

_ سُحـاب: وليش الخوف يمة ، فعلا احنة خربنا بيتهة ، من يوم ما كعدنة عند بيت جدي. هي ما مرتاحة واحد غير يحجي الحق..

_ حالي حالج يمة ، هم حاسة بالذنب تجاهة ، بس شنو بأيدي ، عمج رايد الي زلة حتى يتزوجني لهذا مجبورة اوفق على كل شي يكولة ، شفاين الي اخذجن وارجع بغداد

بس ما باليد حيلة بنيتي

_ الله كريم يمة ، المهم تاخذيني لو لا ..

_ اخذي حسن وروحي ، نص ساعة والگاج كبالي سمعتي ؟

_ يممممة فدوة اروح الج ، يا نص ساعة ١٠ دقايق اني يمج يا ست الحبايب..

توجهت بسرعة للغرفة ، لبست عباتي وطلعت وي حسن

اول ما وصلت سلمت على باجي وجدتي

الحمد لله وجهن كان مو ثكيل عليَ يعني ما الي اي علاقة اني

صعدت ادبج ، دكيت باب غرفة زينب

طلع حيدر يسب ويغلط ..

_ حيدر : ياهوووو هذا رحمة لا الله هسة وكتكك

من فتح الباب وشافني اردف بعصبية

_ خرب يومج سُحـاب على هاي السالفة ، فوتتتييي يابة فوتييهي غرفتج مو غرفتي ..

منين الگاهة منج من صخر ، لو من الجهال ،

استغفر الله

_ نزل على الدرج يدردم ، خربت ضحك علية يعني جان ناوي يسوي الرذيلة

واني تلاحكت الهم ، ربي استاهل الجنة اني ..

دخلت لزينب خربانة ضحك ،اردفت بضحك

_ ولج اليوم شيسوي بيكم ، ما صـدك الجهال نامو تطلعي الة صفح ..

_ ههههه ، والله خطية هالحيدر ، صدك عوفيج من حيدر وتعالي سولفي ليش صخر يريد يطلك زهراء ؟

_ يااا صدك جذب ، هسة بس اجيب مي واجي اخاف ريچي ييبس ..

نزلت بسرعة جابت مي وصعدت الي

يلا تعالي اسولف الج ..

_ زينب :

بيومهة جنت كاعدة اوكل بنوري ونور ، واكفخ بيهم دخل صخر مثل الاعصار عاط بية

_ صخر : زينب بسرعة صيحيلي زهراء ..

_ صعدت اصيحهة ، بس كلت الهة صخر يريدج جوة .. وجهة صار اصفرر

نزلت تتراجف وكل شوي تريد توكع من الدرج ..

اول ما نزلت صخر صاح على جدتي وباجي مروة ..

اجن يسالن شكو ، كال هو انتظروا

راح واجة بأيدة القرآن..

اردف بعصبية

_ هذا القرآن شاهد على كل الي واح يصير ، لان زوجتي ما عندهم رجال يشهد على كلامي ..

يمة ، جدة ، زهراء غلطت غلط كُلش جبير

جنت رجال ومن حقي اخلف ، بس ما فد يوم طلبت من عندهة طفل او فتحت حلگي بحجاية

وبيوم من الايام حبيت بنت عمي ، حالي حال ٲჂ̤ رجال

واجيت كلت الهة ، يا مرة انت راضية تنزل عليج ضرة ، لو اطلكج بس ما فگت حلگهة وكالت

ٲჂ̤ راضية ، بلشت تحارب البنت من كل الجهات ، حتى ضرب صارت تضربهة ، الغيرة عمة كلبج

وحتى امهة جنت تحرضيهة عليهة .. وما جنت اعتب ولا احجي ايي شي

ليش اجي بيوم من الايام ، الكة اخوج يريد يعتدي على عرضي ، يعني وصلت بيج المواصيل تهجمين وتخربين اعراض

اسمعيني كُلش زين ، اذا هسة حلفتي على القران انتِ ما الج ٲჂ̤ دخل وكلام اخوج اتهام الج

من اليوم ما الي علاقة بـسُحاب ، واني الج وحدج

واذا كذبتي ، فحسابج عسير يا زهراء

واذا الج ايد ، اطلگج بكل إحترام ، وكل واحد يروح بطريقة .

_ زينب: بعدة ما خلص كلامة ، صرخت هي

بوجهة ..

_ اسوى راسهة وراسك ، انييي تنزل عليَ هاي الزعطوطةةة ، اي اني دزيت عليهة أسامة حتى اخلص من شرهة

صخر ضربهة راشدي يا سُحـاب ، بحيث وجهة صوفر

ضلت تعد وتصف عليَ وعليج

لزمهة من شعرهة ، وصعدهة فوك وقفل الباب شبعهة كتل ، باجي مروة كسرت الباب تريدة يعوفهة صرخت ماكوو محد يطلع  ومحد يكدر للباب ، اخر شي طلع ذب كل حركتة بالبيت كسر كل شي ،

نزلت هي وجهة ازرك ، وتون وحاطة گطن بين سنونهة ، اخذهة لبيت اهلهة ، باجي تتوسل بي جدتي

ماكو ولا يسمع

رجع كال الاسبوع الجاي الطلاك ، بعد محد حجة ويا لان هو من زمان يعاني وياهة ،،

_ سُحـاب: عزة العزانييي ، هذا كلة صار بسببي

(Stop ✋ عودة للحاضر )

خرعني صوت كحة بتـول..

رجعت راسي للمخدة وغمضت عيوني ابعد الذكريات القديمة عن بالي ، لان تعبني

فتحت عيوني الصبح على صوت بتـول ،

صباح الخير ..

_ بتـول : هلا وغلا ، يبـُا صباح النور ، شلونج اليوم ؟

_ الحمد لله احسن ..

_ديلا كومي شلعتي كلب الولد ، ما نايم من البارحة على فد كعدة ..

_ ياولد ؟

_ سُحـااااب ، كومي غسلي وصححي مالي خلگ غبائج من الصبح ..

_ سُحـاب: داريني اني مريضة ، اخاف اموت

بعدنة نحجي دخلت اُمي بعدهة صخر لابس الزي العسكري ، أستعدادا للدوام

دخل وعيونة تعبانة ، مبين على وجهة مانايم ..تقرب للجرباية واردف بصوت هادئ

_ صخر : شلون صرتي ؟

_ الحمد لله احسن..

_ صخر : اني رايح ، مدة اسبوع وارجع . والشي الي وعدتج بي راح يصير

وهذا الاسبوع حيدر يجي يبلش خوش ؟

_ هزيت راسي بأي ، شكرا الك ..

_ كام باسي واسي وكال ..

يول انتِ حلالي ، ما الـة داعي هالكلام

_ طلع صخر استلمني أمي وبتول.. اردفت بضحكة

صخر وعدني يرجعني للدوام ..

_ كريـمة: حقـة يسمع منج ، اذا انت خليتي البارحة يرجف خطية

_ بتـول ؛ اي والله يمة وانة اشهد

برة تكص كص وهو ما يقبل يروح ..

_ كريـمة : والله طلع عندج عقل سُحـاب ، طلعتي نفكرين

_ سُحـاب.. رفعت چتافي بثقة ، وقوست حواجبي واردفت

اصلا اني من زمان عندي موهبة اقنع الشخص من نظرة مني ، بس انتو ما مشجعين المواهب الي بداخلي حتى تطلع ..

_ بتـول :لا عيني ، خليهم نايمات بس يطلعن تصيرين ثور ، وتاليتج مكتولة من صخر ..

سُحـاب: اصلا عادي ما جرحتي كبريائي..

وفعلا بعد مرور كم يوم ، مر حيدر اخذ الاحتياجات لرجوعي للدوام ، وتوجه للمدرسة، وللاسف راح اعيد من الثاني منوسط

_ دخلت عليَ بتـول..

_ اييي سُحـاب ، هسة اني اختج الجبيرة كومي جيبي الي كلاص مي ..

_ خببب انجبييي ، يعني اذا اكبر مني بالصف معناهة انتِ تكبرين عليَ ، بالنعال اگطعج تگطع ..

قربت بداية العام الدراسي ، بقى بس هذا الاسبوع وصخر ماكو ،بعد يومين دخل علينة واحنى نتغدى ..

_ كريـمة : هلا يمة ، تعال اتغدة ويانة ..

_ لا باجي بالعافية ، بس اجيت اكول لسُحاب شي..

سُحـاب ، ساعة ٤:٠٠ حضري روحج نروح للسوك اجيب ملابس ..

_ كاعدة اكل ، غصيت بالكمة . اردفت بفرح

عليك العباس ؟

_ أبتسم وكال

ٲჂ̤ والعباس ..

_ ساعة بالـ ٤و دقيقتين اذا ما لكيتني جاهزة روح وعوفني . صدك جذب من هسة اتحظر ..

اخخخ توجهت للغرفة ، طلعت تنورة وقميص فرحانة ، ورهمت وياهم شال..

بعدني فرحانة راح ابدل ، تذكرت المهجومة الي لازم اللبسهة " العباية"

يعني شيصير هسة لو البس هذا اللبس واطلع . شدعي عليك صخر ؟

لزمت اريد اخلي كُحل بعيوني ، صاح هو

يلاا سُحـاب ، ..

زفرت بضجر ، تركت المكياج ولبست عباتي وطلعت الة ..

فرد حلگة من شافني ، من تقربت يمة همس

_ وين اضُمج ، حتى محد يشوفج ؟

_ سُحـاب: من هسة اكلك ، اذا الطلعة تصير سـم ، ما اروح اني ..

_ صخر : امشي ام لسان ..

فتح باب السيارة ، ابتسمت وحسيت روحي ملكة ، عبنن حلو هذا الشعور وعلي .. هسة الزكة بدفرة واخمط هاي السيارة الحلوة شيصير مثلا

انگتل ، عادي اصلا متعودة هي بسطة معدلة بس اهم شي الانتصار . لا لا اكعدي راحة وسكتي خية وراج مدرسة..

صعد - يـَمـيٰ مبتسم ..

توجهنة للسوك ، هو ماخذ احتياطة ، المسدس بخصرة ..

اخذني مو لسوك ، لا عمارة جبيرة وبيهة محلات هواي

وكلهة شغلات راقية ، بحيث من اول محل اشتريت ملابس من كثر ما حلوات

من طلعنة ، صد وجهة عليَ واردف

_ سُحـابي جوعانة ؟

_ ايييي ، اجذب عليك اذا اكلك لا ..

_ يخسى الجوع ، هسة نذبحة اني وياج ..

_ لا عفية ، كل شي عندك ذبح انتِ ، استهدي بالرحمن . وامشينا بس ناكل ..

_ يلا لعد ..

_ توجهنة للمطعم ، اول ما كعدت كتلة

شسمة صخر ، اريد شي دسم ..

_ مثل شنو ؟

_ مثلا ، بامية وياهة ثريد ، فد سبـع شياش كباب

_ بس سوال

_ كول ؟

_ هذا الاكل وين يروح ..

_ له له صخر ، اذا ما عندك كول خال عينك على اكلي ؟

_ لا بوية ، لا تضلين تفسرين بكيفج بس اسال وين يروح ..

_ صخر اسكت العباس عليك ، ترى لساني زفر واخاف افلتهة ..

كلمنة وطلعن للبيت ، مغرب وضلمة والشارع يصوصي .. صد وجهة عليَ واردف ..

_ صخر : فرحانة سُحـاب ؟

_ ابتسمت ورديت ..

ايي ، بفضلك ..

_ زين شوكت افرح اني ، رايدج سُحـاب..

_ توترت ، كلبي يرجف من يجيب طاري هذا الموضوع ، اردفت بخوف

~ صخر سد هاي السالفة ..

ضرب الستيرن قوي ، وكال :

ماشيي سديت الموضوع. اشوف وتاليهة وياج

• يَتبـع

احبكم ، وابوس كلامكم 🥺♥️

(الحـلقة الثاني عشر)

بقلمـي مـࢪيم علاء 🦋⭐️

(⛔️ .. لا تنسوا التصويت ⭐️، والتعليق على كل فقرة ،لان هذا الشي يحفزني اكتب بارت 🥲🤍)

...............................................................

بلشت دوام ومن اول اسبوع بلـش صخر يوصلني

اول اسبوع ضل هو ، بعدهة رجع للدوام ،بلش ويانة حيدر وبدت البواري مالتـة ، يوم تاخذة النومة ، يوم يطلع الدوام وينسانة لو صخر هنا جان اخذنة وهو الممنون

اخخ يصخر ، والله وطلعت صگارهم

كعدت اليوم وجهي معبس ، اكره الدوام الصباحي ، اكررره يوم الثلاثاء ..

كمت اتمطى بجسدي يمين يسار، لابسـة التراك الشتـائي ، برتقالي وبي هذا الدُب الي ياكل عسل ..

البچامة تك صاعد ، وتك نازل فتحت باب الغرفة واني اجوعر بصوتي الانوثي ( جذب )

_ بَـتووووول ، يلا كومي دوام

بَتوووول . يلا عاد فضيني ..

_ بتـول: بسم الله ، شكو شبيج ايععع شنو هذا صوتج ؟

_ رفعت حاجبي بغرور ورديت :

شبييي يخبُل ، اصلا اكو عالم تتمنى اكول الهة صباح الخير ..

_ صحيح ، المهم حضري الريوك بين ما ابدل واجي ..

_ اردفت بصوت كأنة صوت الدلالة ام زكّي ..

واني اخلي ايدي على خصري ..

اءءء ، وليش عينييي ، مكسورة ايدج ، لو معوقة .. لو خدامة عند الخلفوج ؟

_ بتـول : هيووو يعمودة ، لسانج ولج ادري رشاشة ، روحييي ولج بين ما اجي حتى انت تبدلين واني اكف المطبخ

_ اردفت بفشلة :

چا كولي هجّي من البداية ، اني ما كان قصدي شي ترى !!

_ لااا ابدا ، قابل مثلا تتعاجزين من ريوك ؟

_ طبعًا لا ..

تركتهة وتوجهت للمطبخ اسوي الريوك التركي ..

وكفت سويت بيض عين وخليت زيتونتين يم الجبن الكيري ..وسويت جاي خفيف عود اتراك وكذا

بس خرب عليَ لحضاتي الممتعة ، ابو الغاز وهو يصرخ

_ غاز غاز ، عيني غاز ..

_ سُحـاب: لاااا عموو مو وكتك ابد ،شلون يخليني اصيح علية مهند بس نسخة عراقية ..

اردفت اُمي الي كاعدة بالكاع على الفرشة تضحك

_ ياهو مهند العراقي ؟

_ ياهو ، يااا ما تعرفي ، ابن حماج الشفيـة صخر..

_ كريـمة :يااا ولج مهند هذا الي يلعب ستين نفس يشبـه صخر ؟

_ لاا ، مهند  هو يشبهة ، شبيج انت يمة ؟

_ دنلصـمي لج ، اصلا صخر احلى ، اسمر العيون مرسومة ، والذقن يخبُل ، والطول المفرع ، والهيبة .. مهند شنو ؟

_ اييي صحيح ، اردفت واني ارفع بحواجبي

هااا يُمة ، شني جَنـج حاطة عينج على زوج بنتج ؟

_ردت  وهي تكوم وتتحسب الي

هايي وي منو تحجين ولج ؟

_ نهزمت من يمهة اركض واردف بضحك ..

ههههه ، شبيج ست الحبايب. صايرة ما تتحملي شِقة.  صيري نَـفهة هيج مثل بنتج

بعدنـي امشي واحجي وياهـة ، منطية ضهري لباب الحوش ، طخيت بصدر دافي

لزمني من خصري واردف

_ على كيفج بوية ..

صديت وجهي ، واشوف صخر واكف كبالي مبتسم ..

_ تحمحمت بخجل واردفت ، صباح الخير ..

_ صخر : صباح النور ، نشاط اليوم ؟

_ فرحانة ، متحضرة للرزالة ..

_ صخر : بس فهميني انتِ ليش اذية ، يعني لا طُلاب خلصت من لسانج ، ولا مُدرسات ..

_حجيت واني اتصنع المَسـكنة والطيبة

هااي شبيك صخر ، اصلا اني رب الهدوء

بس هن شادات وياي ..

_ ولج شنو شادات وياج ، اكو وحدة تكول لمدرستهة متعاركة وي رجلج وجاية ترزلين بينة ، لنفرض صـدك انت شلون تحجين هيج ؟

_ سُحـاب: شبيكك ، ترى هي لحت وياي ، هنوب لزمت  صديقتي ترزل بيهة خطية ضلت تبجي والله شنو ليش ما كاتبة التدريب ..

_ صخر : وااانت شعليييج بابا ، هي وطُلابهة انت شكوو ؟

_ يووو صخر ، والله انت ما توكف وي الحـق ، روح وافهم منهة ..

_ يلا روحي بدلي وتعالي ،

_ سُحـاب : توجهت للغرفة واني اهز كتف ، عبن اني فزت علي بالنقاش ..

لبست وطلعت لكيتة كاعد يم بتـول بسولف وياهة ، خوفج من هاي الگعدة ، حرام تكول مو ابن عمي واختي لا " ضرايري "..

_توجهنة للمدرسة ، راحت بتول للصف واني وصخر توجهنة للإدارة ننتظر ست الحسن  "فضلية "..

هاي شنو تحس امهة من سَمتهة فضيلة

المفروض يسموهة " ثگيلة "

لان توغف على الگلـب ..

دك الجرس جفلني من افكاري ، باوعت صخر منزل راسة بالجهاز هسة غير يشوف هاي النسوان الحلوة ، بلـگت تعجبة وحدة ..

ماكو ، خال راسة بهلمهجوم .. اول ما وصلت تتمخطر بالگعب مالتهة ، طولهة ١٩٠ وتلبس كعب ..

كال صخر :

السـلام عليكم ..

صدت وجهة ، من شافت صخر فردت الحلگ والابتسامة شگت الوجه ، اردفت وهي تنزك بصوتهة ..

_ اهلا ، وعليكُم السلام ..

_ طلبتي ولي امر الطالبـة سُحاب حارث

واني جدا اعتذر من عندج على الي بدر من سُحـاب ، طايشة شوي هي ، وعاطفية وي صديقاتهة ..

_ ثگيلة ( فضيلة ) : لااا استاذ ابدا ماكو داعي تعتذر ، المفروض هي تعتذر بـس عادي ..

المهم تفضل اشـرب شي ، خوما حضرتك تطلع هيج

_ لا مشكور ، عندي دوام ..

صد وجهة عـلي وهمس يم اذني

_ عندج مصرف مو ؟

_ ايي عندي ..

اباوع عليهة رفعت حواجبهة علية ، ياااا ضخونة هاي شمالهة ..

_صخر : يلا وايح اني ، بالج على روحج ..

سُحـاب..

ومن هُنا بلـشت ست ثگيلة ( فضيلة) تحاربني من كُل الجهات ، وتصرخ بوجهي من تتنرفز بس موش انـة الاسُكت الهة لا والحگ

انة هيـج طبعي عرمة ..

بيوم جنت كاعدة درس تاريخ وعندي شاغر

دخلت هي من البـاب ، دورت بعينهة

بس باوعت علية ، حركت حاجبهة واردفت

_ سُحـاب ، تعالي لغرفة ست هيام عندي حجي وياج

_ تمام جاية .. راحت واني امشي وراهة

بس دخلت كعدت على الكرسي واشرت بايدهة

_ كعدي هنا ..

_ اييي ست ، شردتي مني !!

_ سُحـاب ، عندي سؤال واذا هذا السؤال طلع برة هـاي الغرفة ، اعتبري روحج هاي السنة ساكنة الرحلة مالتج ..

_ اردفت بثقة واني اخلي ايدي تحت حنگي ؛ ايي بالله شنو سؤالج!!

_ صخر شنو يصير منج ، وليش هيج علاقتكم؟ قصدي شنو نوع العلاقة بينكُم !؟

_ سُحـاب :وهذا شي ما يخصج ، اعتقد ما مجبورة ارُد عليج !؟

_ رُدي سُحـاب ، وتادبي لا تحجين وياي هيج ..

_ سُحـاب :هففف ، ابن عمي ..

_ بس !؟

_ ايي بـس قابل شنو !!

_ هذا هو سُحـاب ، روحي ومثل ما وصيتج لان

_ بعدهة ما مكملة كلامهة ، كمت وعفتهة واردفت ،، حسبي الله ونعم الوكيل طلعت ورگعت البـاب وراي

اردفت هي بعصبية

.. ايا حيوانة ..

_ سُحـاب: والله لو ما مربيني جان عرفت شلون ارُد عليج

هاي شغلتهة مو خالية ، اخاف هاي د١عش لان شغل صخر بمُكان حسـاس

لا ، لازم اكول الـة حتى اذا يموت افرح وما احس بذنب

اول ما دخلت البيت ، اخذت التليفون وصعدت قفلت باب الغرفة علَي ..

طلعت رقمة واتصلت بـي ..

اول مرة رفضة ، رجعت اتصلت هم رفض

عفتة يمكن هو يخابر

والله واتصل ، رفعت الخط اجاني صوتة وهو يكول

_ هـاا ، باجي متصلة بية ، محتاجة شي ؟

_ احممم صخر هاي اني ، سُحـاب..

سكت ماكو صوت ، يااا شبي هذا شلت الجهاز مني ايدي حسبالي الخط فُصل ..

الووو صخر وينك يعمود

_ صخر : منو وياي !؟

_ يااا شبيك ،، موكتلك سُحـاب!!

_ عليج العباس ! يبـُا هلا احجي شنو مسوية من مُصيبة !؟

_ هاييي شبيكم وياي انتو ، يعني اني بس مشاكل ، ياهو الي احجي ويا يكلي هيج!

_ لا بوية ، مو هجّي بس انـة مستغرب لان بعمرج ما متصلة بية بدون سبب ..

_ ايي بصراحة عندي شغلتين الاولى مصبية على راسك والثانية طلب ، بـشنو حاب ابلشلك !؟

_ احجيي ولج ، عندي واجب ونزلت حسبالي بيكُم شي

_ باوع ، تتذكر ست ثكيلة مو !؟

_ ايي شبيهة !!

_ شسمة هي اليوم ، سألتني شنو نوع العلاقة بينج وبين صخر

_ ايي وانت شنو كان رَدج ؟

_ سُحـاب: كلت الهة ابن عمي ،،

_ وليش كلتي الهة هيج ، ليش ما كلتي زوجي

او على الاقل خطيبي او طالبني ، لازم تتشرفي بية ست سُحـاب..

_ هااايي شبيك صخر ، شلون اجذب يعني ،

بعدين منو كال اصلا اني موافقة على الزواج

لحد اليوم انتَ فارض علي هذا الزواج !!

_ صخر : سُحـاب ، ترى كاعد بنص الخطر على ساعة يَدخُل علينة داعش يفلش روسـنة ، روحي صايرة بخشمي ، عندج حجاية حلوة احجيهة ، ما عندج سدي حلگج لان كلامج مثل السـم ، وچاي تلوصين بالحجي

وهسة يلا روحي مني

_ سُحـاب: لا حباب اعتذر والله، ها هي مرة الثانية اكول الهة هيج ، بس هسة اجيت اكلك لان هي هددتني تبطلني من الدوام ، بس اني بالي يمك اخاف تسوي الك شي ، لان انت شغلك بمكان حساس /

_ اردف بحنية ،

صخر : تخافين عليَ سُحـاب!؟

_ هـاا ، مو بس عليك انتو مو في خدمة الشعب ، اني هم في خدمتهم اكيد وياك شباب حلوة ، حرامات تروح بيهة

_ حجة بعياط

سحُاااااب ، !!؟

_ يووو هاي شبيك ، غير انت من ضمنهم ! يعني ما معتبر روحك حلو !؟

_ بـٰٱعي سُحـاب ، سدي حلكج لان نغثيت

_ ها هي والله ، بقى الطلب احجي لو تدفرني منا !!

_ احجي اسمعج !؟

_ شسمة ، صخر اني تعبت من الروحة والجية للدوام اريد من عندك تسجلني بخط اني وبتـول لان حيدر ، يضرب بواري

لو يضل نايم ، لو يطلع للشغل وينسانة ..

_ صخر ، جؤؤ ( لا ) انسي وطلعي هاي الفكرة من راسج ، واني من ارجع احجي وي حيدر ،،

_ صخررر ، حباب لا تسوي هيج ، بخاطر باجي مروة والله تعبت من انتَ ماكو محد بحالنـة ،.

_ اانييي شلون وياج سُحـاب!؟

_ ديلا حباب ، الله عليك وانت اختار رجال جبير بالعُمر ..

_ ديلا روפــي هسة ارجع والله كريم ،،

_ بالك على نفسك ،.

_ چا خلي بالج على نفسج ، لان انت نفسي ..

Stoooooooop ✋

دوسي النجمة حُبببييييي 🥺🌟

شسمة تفاعلكُم صاير مو حلو ، بس لا مليتو وِلكُم!؟

باعو اذا مليتو يصير النشر مرتين بالأسبوع لان اني داتعب والله..

المهم احبكم ، شوفوني تفاعلكُم يبـُا اريد الكل يعلق على الفقرات حبايب ♥️🦋

رايكم بالبارت ..

وتوقعاتكم 💜

(الحـلقة الثالث عشر )

بقلمـي مـࢪيم علاء 💜..

(⛔️لاتنسوا تعقلون بين الفقرات ، لان هذا يحفزني اكتب )

———————————————————-

واگفة بالمطبخ ، ومشـغلة اغاني واردح واجلف بالماعون..

مسحت الطباخ خليتة يلمع مثل وجهي ، اول ما خلصت كعدت على الفراش تعبت

دخلت عـلي بتول فاتحة الحلگ تتثاوب ، اردفت بنعاس:

_ هـاا سُحـاب ، صباح الخير .

_ يا صباح يا خير !!؟ ساعة ٥ ونص المغرب !!

ادري الي يشوفج يكول طالبـة سادس ، وانت كلج ثالث ، صدك جذب ؟

_ شبيج سُحـاب ، ترى بس الفيزياء تشُك الحلك ، خو الرياضيات ، واني ليش احجي واتعب نفسي ، ما بقى شي وتصيرين ثالث ..

_ فعلًا ، استعجلي يبـُا وراج عرس ، عَبن حاتم خلص صبرة !

_ ما اتزوج الـة اخلص دراسة اني ..

_ اكص ايدي ، هسة بس توصلين رابع عام تكولين زوجوني ..

اييي ، واركص بعرسـج هيج وهيج

.. هزيت خصري شمال ، يمين وحركت جسمي

_ بتـول : اييي ، اسُـطة انتِ بهاي السوالف

_ كومي نركص اني ضايجة ..

بتـول: ما اعرف اركص والله

— صـدك جذب لعد اني ليش اختج !

كومي .جريتها بنص المطبخ .. توجهت التليفون. جان مقطع صغير لسجادة عبيد " خالة ويا خالة " اخذتوا من زينب ..شغلتة واخذت الشال من راسي لفيتـة على خصري .. اباوع عليهة الثولة صافنة

_ شبيج يول يلا هزي ..

_ هههه ولج ما اعرف شني هي كوة !!

_ يلا يلا ، بلشت اهز بجسمي معروفة من اني وصغيرة احب الرگص بالاخص المصري

وشكد جنت انكتل مني اُمي .. بس عادي المهم اهز..

بعدنة نحجي ، اتصنمت بتول

شبيج بتـول! شني معقولة تستحين مني !!؟

اشرت بعيونهة على الباب واردفت بصوت نااصيي

_ سُحـاب ، صخر واگف وراح ..

_ درت وجهي على كيف ، واشوفة واكف وجهة صاير احمر ، وصافن بغير عالم ..

عدلت وكفتي بسرعة وسألته

_ من شوكت انت هنا !؟

تقدم ناحيتي وهو يمشي بعصبية ، لزم زندي بقوة واردف بعصبية

_ صخر : انت عقلج وين !؟ فهميني دخل هسة حيدر ، دخل عليجن حاتم !! دخل عمج

مو عندددج غرفة ، اركصي انجطلي بيهة محد يحجي وياج ، ولج انت راح تجلطينييي سُحـاب..

_ اخخ ، شبيك صخر حل ايدي جاي تاذيني

ترك ايدي وتوجه للسنك يغسل ، احلف علية مو صاحي هالرجال ..

الحقيرة بتول سحبت روحهة ، وطلعت من المطبخ

كام يتقدم لجهتي ، طخ ضهري بالحايط ..

لزمني من زنودي وقربني على صدرة ..

اردف وعيونة بعيوني

_ خصرج !!

_ رديت بخوف . شبي !؟

_ يعادل بلد ، هزي بعد كبال احد غيري

اذبحج سُحـابي

صار يضغط على ايدي قوي ،

رجع لف ايدي حول خصري  وكال

:مشتاق الج  ، عطرج يضرب بخمشي طول ما اني بالدوام ..

_ دفعتة من صدرة ، لان گام يتمادى

مسح وجهـة باثنين اديه واردف

_ سُحـاب دورت هواي خط ، لكيت جيرانـة ابو ساهر

من هسة نزلة من الخط ماكو ، صداقات ماكو

_ تمام ..

__

فزيت ثاني يوم اسمع امي تحجي علينة ، لان ما منظفات البيت .. چا والطباخ والعباس فلا اگوم

دخلت علية بايدها الماسحة .. اردفت بعصبية

: ولج طمرة كون ، كومي حيوانة اشتغل وانتن نايمات ..

_ سُحـاب: توجهت يمهة ، بستهة من راسهة واردفت

شبيج ست الحبايب ، ياهو وياج هسة افين حظة ..

_ انتن مصيبة راسي ..

_ افـاااا. ، هسة شلون اطيح حظ نفسي !!

_ كريـمة :- فوتي گعدي اختج وتعالن عاونني ..

_ ١٠ ساعات ، تلاگيني يمج ..

عفتهة وجففت على بتول ، لگيتهة نايمة نكسر گلبي عليهة .. صحيح حقيرة بس تضل اختي شسوي ..

عفتهة وطلعت اشوف امي ليش گالـبة البيت اليوم ..

اباوع گالـبة الصالة گلاب ، دافعة القنفات ﯠ الطبـلات وتمسح ، اخاف اكول الهة منو جاي وترد علية رَد الُامهات المعتاد  " يعنيي الة يجي خطار يلا ننظف الخيسة " ،، صميت حلگي وبلشـت اشتغل ..

من الـ٤ العصر لحد ما طر المغرب.. كعدت احس رجلي كامت تصرخ ارحمينييي سُحـاب..

كعدت أمي بايديها علـبة صفرة وبيها معجنات..

فتحتهة كبالي متروسة كليجة .. الله

_ ها ولج ، اليوم لان تعبتي راح انطيج ٥ كلهن الج وحدج ..

_ تدرين يمة ، اخاف فد يوم تطلعين النة ارهابي ..

_ كريـمة: اياا سزز ..

_ لعد شنو تفسريهة ، تتذكرين من اجيت باليل كتلج يمة جوعانة ، كلتي كل شي ما عندي ..هسة مين جبتي هاي فهميني !؟

ومن يجون خطار اللحم منين تطلعي ، والبامية منين تجيبها ، كل ما اكلج يمة مشتهية بامية تكولين ما عندي

بس كليلي عندج مخبأ سري !؟

_ هي بس هاي الگليجات عندي ، سويتي مخبأ سري ..

_ هو فد يوم تطلعين ارهابي النـة ..

ثاني يوم دك هورن في باب البيت ، ركبت بتول ورى واني كعدت يم بنية وياي بالصف

فرحت حيل ، شعور حلو تحس روحك مُدير والله ، اضل بعازة حويدر بعـد ..

صادقت هاي البنت الي تكعد يمي ، الرجال جيرانة ﯠ سالي تيصير كرايبهم حباب ما شفت منة شي. حتى من اتاخر عليَ يضل منتظرني ..

بيوم ندك هورن ، من طلعت ما شفت ابو ساهر ، لان متعودة قبل ما نصعد اسلم عليَ

اول ما صعدت سألت سالي

_ سالي لعد عمو وين !؟

_ سـالي : عمو سمير مريض هذا ابنة ساهر راح يوصلن بين ما يصير زين ..

_ اهـااا ، لشـوكت يضل هو يوصلنا ؟

_ مادري والله ، لحد ما عمو يكوم بالسلامة ..

_ مابيـه غير العافية ..

صفنت ، هذا لو يشوفة صخر ، ينگلب ثور

ولو اني من ركبت ما انتبهت على ملامحة ..

الحمد لله هذا الاسبوع صخر ملتحق ، حتى ما يضل يحجي ،.

ثاني يوم كذلك ، شكِثُر حاولت اشوف وجهة ، منزل راسة غير يباوع شلع كلبي..

ثالث يوم هم نفس الشي ، هذا شبي يااا !!؟

باليوم الرابع ، صادف تسليم فلوس الخط ( الكروة )

طلعت من البيت طلعت الفلوس وحضرتهة بين ايدي ..

اول ما وصل ، توجهت يمة عند باب الصدر

وجه نظرة الي ، واول مرة اشوفة

ملامحة كل بنت تتمناها ، عيون خصر ، اشگر

حواجبة اثخن من حواجبي ..

ضليت صافنة يالله ، هذا شدعوة هيج حلوو

_ احممم ، تفضلي !؟

_ هـاا ، سـلامـتڪ بس هاي الكروة

_ خليهة اخاف ما عندكم .!

_ لا يبـُا ، خير من الله..

اخذهن من ايدي ، صعدت دايخة اتطوطح من جمالة ، بوية حرام حلقوم ..

حجيت بصوت ناصي ..

_ ولج هذا ابن خالتج شكد حلو !!

_ ههههه، هو احلى اخوانة ..

_ خما متزوج !؟

_ لا بعد طالب ويدرس ..

_. اهـااا ، الف الحمد لله . اكلج متريد خالتج جنة !؟

_ هههههه

_ هي تضحك واين عيني عليَ ، صرت من تصعد بنت ويانة تروح عيني عليَ .. ميباوع على اي بنت .

اثناء صفنتي عليَ ، شال عينة وخلاهة علية بالمراية ، كبل نزلت عيوني خايفة ..

يمة شكد عيب ، اباوع علي بالمراية الجانبية يضحك ..

عزة شكد عيب هسة شنو يكول عليَ ، اول ما وصلنة نزلت ركض ، طيح الله حظج سُحـاب

سالتني بتـول..

_ سُحـاب بيج شي !؟

_ لا ، ليش ؟

_ ما شفتي روحج شلون نزلتي ركض ، عبالك شفتي بُعبع !!

_ لا السيارة بيهة ريحة مو طيبة لهذا .،

_ اهااا ، صدك منو هذا الولد !؟

_ مدري . تكول سالي هذا ابن عمو ابو ساهر

" ساهر " راح يوصلنـة هذا الاسبوع بين ما يصير عمو زين ..

_ بتـول ، وشلون اذا شافة صخر !!

_ هو شمدري ، بالدوام ١٠ ايام يلا يرجع شبيج

عفتهة وصفنت بجمالة ، واكف بالكراج ويضحك وي الولد

يبوووي حتى ضحكتة حلوة ، عمي هي هاي الزلم ..

دخلنا للصف ويومي كُلة افكر بي ، حتى صديقاتي انتبهن ..

صرت احسب للوقت شوكت نطلع ، يالله صبري خلص

والله وصارت ساعة بالـ ٤:٣٠ وأخيرا

سبقت كل الطلاب ، ومن طلعت جان كاعد بالكية ، وعينة بالتليفون..

صعدت واردفت ، السـلام عليكم..

_ وعليكم السلام ..

_ يالله نرفزني شكد بااررد !اول ما كعدت على الكُشن ، لمحتة يناظر عليَ مدري ليش اعتلى كلبي الخوف

ضل الطريق كُلة عليَ ، اني بدون نظرات سحّت هنوب نظرات لا يالله ..

ضليت اليوم كُلة مبتسمة وفرحانة ، داكتب بالواجب مال يومً مدري شلون ، كتبت حرفة على الورقة ،ورسمت يمة كلب حُب ..

ورجعت اقرة ، فرحانة ..

ثاني يوم الصبح ، كعدت نشطة

لبست صدريتي ولفيت الحجاب لفة حلوة

اخذت حمرة وخليت على خدودي ..

وطبطبت بيهة على شفايفي ..

لبست العباية ، شمرت لروحـي بوسة بالهواء

اول ما دك هورن طلعت اركض ..

_ جانت عينة للامام ، من طلعت من بـٰٱب البيت ، ابتسم وصفن عليَ بديت اتعثر بالعباية ، خرب يومكك غير يشيل عينة مني ..

اول ما صعدت اردف ،،

_ بنات ( يقصدني اني وسالي ) تعالو هنا كعدوا ليكدام ، لان راح يجون طالبات جدد فـتقدموا احسن ..

هو اكو مكان كبير بالسيارة ، ردت احجي بس كفني صوت سالي وهي تكول ..

_ يلا سُحـاب شو كاعدة ، كومي نغير المكان ..

_ كمت وياهة بدون ما احجي شي ، معقولة ما شافت المكان الفارغ شمعنى احنـة !؟

من كعدت دخلت سالي يم الشباك اردفت هي

_ لا عفية سُحـاب ، انت تعالي هنا ما اعرف اكعد هنا ..

_ سُحـاب : رفعت حاجبي باستغراب وحجيت

شنو ، شبيج سالي ! ترى هناك جنتي يم الشباك شنو الي اختلف هسة !؟

_ يووو سحاب شبيج ، تعالي كعدي وسكتي حابة اغير ..

_ كعدت بُكانهة ، انتبهت عليَ صافن علينة واحنـة نحجي .. وجهت وجهي للشباك هاي شلون هسة بس اباوع عليَ ينتبه

مو خوش سالفة هاي ..

ضليت كل ما تصعد بنت ارمقهة بنظرة اخاف تباوع عليَه ..

من جهتة تطمنت ، ميباوع ولا يرفع عينة ..

بالرجعة ، ضلينة اني و بتـول وسالي . رفعت عيني لكيتة صافن علية ، وگبالي مشمتل راد يفوتنة بي

صرخت اني : انتبببه ..

هو بسرعة داس بريك ، جان بينة وبين المشتمل شعراية ..

زفرت نفس براحة ..

_ يابة اعذروني بالي مو يمي..

_ سالي : شبيك ساهر، صدك جذب هو هيج الي يعشگ !؟

_ ضحك ورد ،.

بعد وبعد ..

_ سُحـاب : ضليت فاتحة حلكي عليهم ، حراام اذا فهمت شي ، يعني هو موتبط !؟

نزلت ضايجة ، ثاني يوم واحنـة بالمدرسة سالتهة ..

_ اكُلج سالي ، شنو ساهرمرتبط !؟

يعني عندة اسنانك ثانية بحياتة !!

_ضحكت وكالت :

لا منين ، بس هو عاشگ وحدة بالجديد

_ اهـااا ، منين هاي !؟

_ ميقبل احجي ، يريد يحجي وياهة هو يلا اني احجي منو ..

_ سُحـاب : ضليت صافنة والغيرة حرگت كلبي ، يا هي هاي اكيد وحدة ويانة بالمدرسة

حصرتني البجية بنص الساحة ..

بالرجعة ما رفعت عيني ، وضليت ضايجة وبس اتأفأف ، وصلهم كلهم وضليت بس اني وسالي و بتـول..

بس وصلنة همست - يـَمـيٰ سالي :

سُحـاب ، سوي روحج تطلعين الي شي من الجنطة خلي بتول تنزل عندي حجي وياج

_ هسة !؟

_ ايي هسة ،

رفعت صوتهة

عفية سُحـاب ، اريد دفتر العربي اريد انقل التمرين ..

_ ايي ثواني ، نزلت بتول ودخلت للبيت ، شلت راسي

اردف هو

_ سُحـاب ، هذا رقمي اتصلي بية اليوم بليل

عندي وياج حجي مُهم

_ اخذت من عندة الرقم وايدي ترجف ، كبل نزلت اتلفت اخاف احد شافنـة

الإحداث الجاية احلى بعد 🙂

ومنتظرتكم مصايب اكثر

اريد تفاعل قوي ، لان هل ايام مادري شبية صايرة اتعاجز  اكتب بارت

النجمة 🌟 دوسيهة بربج 🥺💜

رأيكم بالبارت

وتوقعاتكم ♥️

(الحـلقة الرابعة عشر)

بقلمـي مـࢪيم علاء 🦋♥️

(⛔️ .. لا تنسوا التصويت ⭐️، والتعليق على كل فقرة ،لان هذا الشي يحفزني اكتب بارت 🦋🤍)

..............................................................

دخلت للبيت لازمة گلبي

قوي خوف ممزوج بفرح ..

صعدت بدلت ونزلت وكانوا ماكو اي شي

صار الليل ، هي اُمي بليل تخلي الجهاز بالمطبخ على الكاونتر ، تليفون نوع نويكا قديم ، خليتة بصدري وفتحت باب المطبخ الخارجي على كيف ..

كعدت بالحديقة على الميز ، طلعت الرقم وسجلتة بسُرعة " رن مرة " ورن الثانية

بالثالثة شالة وگـال ..

_. الوو !؟

_ سُحـاب.. الووو ، هـاا اني سُحاب ..

_ جـر نفس ورد ،، شلونج سُحـاب!!

_ بخير وانت ؟

_ ايييي ، هسة اني صرت زين ..

_ شنو الي ردتة مني !؟

_ اسمعيني يبنت النـاس ، اني من اول يوم شفتج بي حبيتج ، ضحكتج ، سوالفج وي سالي ، عيونج كل شي بيج

وحاجيت سالي، كلت الهة اني احب سُحـاب..

ومن خلال نظراتج ، تأكدت انتِ تبادليني هاي المشاعر ..

_ سُحـاب :سكتت ما اعرف شنو احجي ، اكو خوف بداخلي شعور حلو ترس روحي ، مثل نسمة الهوى بعز تموز ..

_ هـاا سُحـاب ، حاجيني ليش ساكتة !!

_ حجيت بتردد ، هـاا شحجي ؟

_ ساهر :- صوتج الترف هذا كافي ..

اسمعيني اني احبج ، وداعة اُمي احبج

عندي استعداد باجر اجي اخطبج بس منتظر تكمل فلوسي ..

_ اردفت بتردد

ااان اني هم ..

رد هو بلهفة ..

انت شنو ؟

_ سُحـاب : اني هم شسمة

اني هم ابادلك هاي المشاعر ..

اسمعة طكهة ضحكة ، ويصرخ مشكوررر ربي ..

رجع كال ..

عيديهة بربج ..

_ ههههه ، مـااا ..

_ تدلعي بوية ، شلعي لكلبي بعد ..

_ساهر !!؟

_ روحـة ..

_ صدك تحبني !؟

_ هوااي ، اكثر من الهواي لا مو بس هواي

كومممة احبج ، صرخ

احبجججججج ..

_ هههه ، انت وين وهيج تصرخ براحتك !؟

_ كاعد بالشارع ..

_ يلا اني اروح انام اخاف يكعد احد ، تصبح على خير ..

_ ساهر: قبل ما تروحين ، احبج ..

_ سديت الخط وكلبي طاير مثل الفراشة ، توجهت اسكي الزرع وابتسم بدون سبب ..شعور بحياتي ما حسيتة وي ٲჂ̤ انسان ..

ثاني يوم الصبح كعدت نشطة ، غسلت البيت وحياطين المطبخ ونظفت الحديقة

قلمت الزرع ، طلعت اُمـي وبتول كاعدة بالغرفة

دك الجهاز..

رفعتة ، هذا رقمة ، اييي هذا رقمة

عزة همزين ما احد شالة غيري ..

اخذتة ودخلت لغرفة امي وحسن ..

دخلت وقفلت الباب ..

..

الو !؟

_ هـلا بروحي وراحتي ..

_ شلونك !؟

_ لا تكليلي شلونك ، لان اني وياج رب الزين ..

_ هههه ، اكلك بعد لا تتصل انت لان هذا جهاز ماما ، اني اتصل بيك من يفرغ البيت ..

_ يعني هذا الرقم مو الج !؟

_ ايي..

_ زين ، ليش ما اخذ الج تليفون ، وانت صيري بطلة وضمي!؟

_ لا فدوة لا ، اني فاهية من اول يوم انكشف ..

_ اروح فدوة للفاهية مالتي ..

_ هسة اروح اني بليل نتصل تمام !

_خوش كلبي انت ..

_ سديت الخط من عندة گلبـي يرجف ، مدري خوف مدري حُب ..

رجع عمو ابو ساهر هو يوصلنة ، اشتاقيت لشوفتة ، مرات اوصل لمرحلة ابجي من كد اشتياقي.. وما اكدر اتصل بي ..

كالت اُمي ..

يمة سُحـاب اني طالعة وي باجيتج مروة للسوك

بالج على اخوتج ، وقبل ما تغورب دخلي حسن للبيت ..

_ خوش عيني خوش

اول ما طلعت ، فتحت باب المطبخ وكعدت بالحديقة ، اتصلت بي

_ ساهر: لككك هلا ، من اشوف اسمج على جهازي كلبي يفرح

يا فرح يومي ..

_ مشتاقتلك اريد اشوفك !

_ واني هم مشتاق الج ، ابوية ما يقبل بعد اخذ الخط لان اكو بنات اهاليهم حاجين ويا

_ حقهم ، انت حلو زيادة عن اللزوم ، خافن بناتهم يوكعن بالفخ ..

_ ساهر : هو صح كلامج ، بس اكو وحدة ثولة وكعت بالفخ هذا ، تعرفيهة منو !

_ اييي وحدة ثولة اهلهة ما لحگو عليهة ، وكعت بحب ابو عيون الخضر ..

— تروح الج فدوة عيوني ..

_ ساهر، اريد اكول الك شي ،،

_ كولي يروحي !!

_ ساهر ؛اني ابن عمي من زمان يحبني ، حاربني هواي حتى اصير من نصبية بس اني جنت اذكة من عندة وجنت بكل مرة اسوي شغلة حتى يعوفني .. لا طبة لاطلعة .. وخايفة يكون سبب بفراگنة بيوم ..

_ ساهر : تتوقعين اني بيوم اعوفج الـه بهل سهولة ؟!

_ لا ، اوعدني ما تعوفني

_ وعد حُر ، ما اخليج تصيرين لغيري

واخذج من حلك السبع ..

_ سُحـاب: بعدني احجي ، سمعت صوتـه وهو يكول ..

_ صخر : ويامن تحجين !؟

_ صديت وجهي بخوف ، واشوفة واكف قريب على باب البيت ، ومكتف ايدي لجهة صدرة

ورافع الحاجب باستغراب

من خوفي كلبي وجعني ، اردفت بخوف

هـاا ، وي صديقتي ..

_ صديقتج منو ؟!

_ صديقتي س سالي ، وياي بالخط ..

_ اني مو كلت الج ما اريد صداقات ؟

_ مو شسمة ، تسأل عن الواجب ..

_ ومنين جابت رقم التيلفون!؟

_ هذا ، بلعت ريجي بصعوبة وخوف ..

باع هي كالت اريد رقمج كلتههة لا . فهي انطتني الرقم ..

_ رفع حاجبة حسيتة ما مقتنع ، اردف بهدوء

تعالي ادخلي للبيت باردة عليج برة..

_ اول ما دخل حذفت المُكالمة ، ودخلت لكيتة كاعد على الفراش المفروش بالمطبخ ..

_ جوعان !؟

_ ابستم وكال :

ايي ..

_ اكو نواشف مال غدة تاكل !؟

_ اي شي يسد الجوع

سُحـاب : توجهت للفرن طلعت الاكل ، وكفت على الكاونتر ارتبة بالصينية ..

فجأة حسيت على ايد حاوطت خُصري

وراسة صار بركبتي ، صار يشم بية قوي

انت

اردفت بتوتر ، عفية صخر ميصير وخر مني ..

رد هو بصوت ذايب

_ وشوگي وحبي ولهفتي الج ، ياهو يطفي نارهن !؟.

_ حاوط خصري اكثر وضمني لصدرة

صديت وجهة لصدرة ، وجوهنة صارت قريبة من بعض كُلش..

لزمتة من قميصة ، حتى اثبت روحي .. اردفت بصوت يرجف من هذا قُربة ..

_ بس حرام الي دتسوي عفية وخر منيي ..

_ صخر : احبج ..

_ ما حسيت بنفس الشعور من يكولي ساهر هاي الكلمة

فجأة تذكرتة ، يعني هذا الي داسوي خيانة..

دفعتة من صدرة قوي واردفت ..

ابعد عني ،،

عدل هو قميصة ورد ..

_ مدري شبية من اشم عطرج ..

_ دنكت راسي وحجيت ،

هذا الاكل الك ، رايحة للغرفة اني ..

دخلت للغرفة ارجف ، شبية اني !؟

اكيد هذا مو حب، ايي هذا مجرد خوف لا اكثر ..

بعدهة بكم يوم ، اتصلت بساهـر ضايجة واريد اشوفة ..

سألني

_ بيج شي !؟

_اييي مشتاقتلك ، هسة شبي عمو هيج يسوي

اكص. ايدي اذا ما متقصد ،،

_ ههههه ، حبيبي انتِ ، تريدين تشوفيني !؟

_ اييي ..

_ نتشاوف باجر !؟

_ سُحـاب :راح تجي بالخط باجر

_ لااا ، قصدي نتشاوف بعد الدوام ..

_ سُحـاب : لا عفية لا ، اخاف اني ولد عمامي كلهم هنا اخاف احذ يشوفنة ..

_ سُحـاب ، لا تصيرين جبانة ، اني اجي بالدوام اخذج ..

_ لا ساهر، ماكدر..

_ برااحتج سُحـاب ، مشتاقتلك وخبصتيني تالي هيج تسوين ، باااي ..

_ سُحـاب: سد الخط بوجهي ، ضليت صافنة هذا شبي !؟

هو مو يحبني ليش هيج يسوي ما يخاف عليَ

اني هم بعد ما اتصلت ولا هو ، حاولت هواي اكابر ، بس ماكدرت شوكي الة يمنعني اتمرد يمة ، احبة صرت مجنونة بي

شلون هسة ، يربي اشتاقيت لصوتـه ، گطع بية جان هو يحولي رصيد حتى اتصل بية

يخاف علية حبيبي ، جريت حسرة واني اتذكر كلامة وغزلة

اخذت الجهاز بليل ، وكعدت بنفس مكاني بالطارمة ، اتصلت بي اكثر من مرة ما يرد ..

نزلت دموعي ، ليش هيج يسـوي بية !؟

دزيت الة رسالة ، حباب رُد !؟

شافهة وما رد عليَ ، يااا هذا شبي ..

رجعت كتبت ، ها هي اطلع وياك بس رُد ..

اول ما شافهة اتصل بية

رديت بثكل..

_ ليش هيج تسوي بية ساهر !؟

_ شسوي ، ما عندي غير حل حتى توافقين ..

_ سُحـاب :اني مو عرضك وزرجتك بالمستقبل ، ليش هيج تسوي بية !؟تقبل احد يطلع وي خواتك !!

_ هاي شبيج انتِ ، غير احبج ورائد اشوفج ، كاتلني شوقي الج ، بعدين ماكو واحد يحب خواتي مثل ما اني احبج ..

_ جذاب ..

_ مو جذاب ، عيونج تيهت علومي ..

_ هسة شنو ، وين نطلع ، شلون !؟

_ باجر دام الدوام مالتج ضهري ، لا تداومين بس يذبج ابوية كبال باب المدرسة ..

لا تدخلي غافلي بتول وتعالي الي يم الشقق القريبة عليج ..

_ شقة !؟ لا حباب بدون شقق نتشاوف بالشارع ..

_ شنو ما تثقين بية سُحـاب!؟

_ مو هيج قصدي ..

_ ها هي سُحـاب ، بالمكان الي كلت الج علية ..

_ سُحـاب :-

سديت الخط منة خايفة ، صخر اذا شافة ما راح يرحمني ولا يرحمة

اني عادي ، بس هو اذا صار بي شي اموت

ثاني يوم كعدت خايفة

احس اكو شي ، مادري احس حمل على صدري

دخلت سبحت كفيت البيت ، وبدلت ..

الطريق كُلة ما حجيت حرف ..

اول ما وصلنا ، سويت مثل ما كال الي ،.

غافلتهة وتوجهت للمكان الي كال الي عليَ

دخلت بفرع حبير ، بي بس شقق حديثة

مشيت بخوف حسيت على صوتة وراي ..

_ ها يروح روحي

صديت وجهي واشوفة واكف وراي لابس قميص اسود وبنطرون ابيض ..

تقدم ناحيتي مبستم .. باوع يمين يسار

شاف ماكو احد فتح ذراعة يريد يحضني

بعدت ايدة بخوف واردفت ..

_ عفية بلا هاي السوالف ..

_ شبيج خايفة !؟

_ ما خايفة على نفسي ساهر، خايفة عليك ..

_ لتخافين يروحي ، حبيبج سبع ..

_ سُحـاب : اخذ كف ايدي بين راحة ايدة واردف

_ امشي نشتري من هذا المحل ..

_ سُحـاب: توجهنا للسوبر ماركت الي گبالنة ، ايدي بين ٲيدة ، خايفة ، فرحانة .. مادري شنو شعوري ..

فجأة ، وكفت گبالنة سيارة عالية سودة ، نزل منهة صخر عيونة حُمر ددم .. اجة باتجاهنة وعيونة تطافر شرار ..

Stttoooop✋😁

صار هواي ما مسويـن قفلـة خبيثة 🤭🙈

الاحداث الجاية اقوى 😭💔

رأيكم بالبارت

وتوقعاتكم 🥺♥️

(الحـلقة الخامسة عشر)

بقلمـي مـࢪيم علاء ♥️..

(⛔️ .. لا تنسوا التصويت ⭐️، والتعليق على كل فقرة ،لان هذا الشي يحفزني اكتب بارت 🦋🤍)

مُشاهدة مُمتِعة..

..............................................................

فجأة ، وكفت  گبالنة سيارة عالية سودة ، نزل منهة صخر عيونة حُمر ددم .. اجة باتجاهنة وعيونة تجدح من العصبية

فك ساهر ايدة مني ، اجة صخر عت ايدي قوي وشمرني ورة ضهرة ..

ورگع ساهر بنص وجهـة بوكس من شدة قوتـه ارتد ساهر للخلف

شال ساهر من شعرة ، وركع وجهة بالگاع ، صب حسيت ملامح وجهة نمحت خلاص ..

رجع گومة على حيلة ، ودفرة على بطنة قوي ..

تخبل يصرخ

_ ولكككك اني تلزم عرضييي ، انييي تلعب على عرضييي يكوا*... ولك اليوم الـة ارجعك ببطن امككك يسكططط ..

جانت اكو خيسة كبالنة ، جرة من شعرة وسحلة سحل ، لزم مؤخرة راس ساهر .. وغطس وجهة بالطين ، ويضرب بي بالبسطال مالتـة ..

انيي اصرخ بأعلى صوتي ، اريد احد يطلع ماكو الشارع يصوصي ،

عاط وهو يضرب بس مستمر

_ كافييي صوتجج لا اجي ادفنج بنت الكلبب

_ خنست بعد ما حجيت شي ، ضليت ابجي واشهك  توجهت اريدة يفك ايدة منة ماكوو

دفعني وصارت الدفعة على بطني قوية ..

حرام اذا حسيت بيهة ، رجعت كمت على حيلي ابعد بي عنة ، وكفت بيناتهم واردفت بنحيب وتوسل

_ عوووفة صخرر كافي ، اضربنييي انييي بس عوفة كافي عاددد ..

_ صرخ هو :

تدافعين الة ووولج ، وخرييييي

_ لزمني من ايدي ودفعني على الگاع  .. خليتهة استنذ بيهة اخاف اوگعرعلى وجهي ، ايدي تشگگت وصارت كلهة دم ..

لزم ساهر خلصة خلاص ، بحيث صار الدم يطلع من كل وجهة ، مختلط بطين

ساهر ناعم مو مثل صخر ضخم ، بحيث ساهر ولا رفع ايدة ولا دافع عن نفسة

اخر شي صار ، وكع ساهر بالگاع يون من وجع الضرب عافة واجة بأ تجاهي.. شالني من متوني ( اكتافي ) وسحلني للسيارة سحل

شمرني وشخط السيارة ، ضليت بس ابجي وهو يسوق بسـرعة خيالية ..يسوق وعينة بالطريق ولا انتبه الي ولا تفوه بكلمة وحدة

وكف السيارة گبال عمارة جبيرة ، نزل ورگع الباب واردف بتهديد

_ انزلي بسـرعة..

_ وين !؟

_ انزلييي جاي اكوووول ..

_ نزلت كُلي خوف ، شنو مصيري بعد هذا اشي ، اكيد جابني هنا حتى يذبحني ويطُم عارة ، كل هذا الي بية واني بالي يم ساهر .. شنو صار بي ،

اخذ كف ايدي بين راحة كف ايدة

وتوجهنا للشقة ، فتح الباب وشمرني بالگاع ،.

اباوع على عيونة حمر ، بدة يتقرب عليَ واني ارجع لورى زحف .. كمت على حيلي ركضت للغرفة واصرخ

_ لااا صخر لا تذبحنييي

قفلت الباب علية

صار يدك الباب قوي ، ويصرخ صوته مثل زئير الاسد ، من يصرخ يبعث الخوف بروحي اكثر ..

كرفصت روحي بزاوية بالغرفة ، بين الكنتور والميزتواليت ..

انفتح الباب او بالأحرى " انسكر البـاب "

دخل هو بأيدة السلاح ، ونازع القميص باقي بس بالبنطرون والفانيلة

تقدم بإتجاهي ، رفعت ايدي ضميت بيهة راسي

لزمني ايدي هاي ، ورفعني لصدرة ، قرب وجهي من وجهـة ، عيونـة الحُمر اكدت الي اني اليوم ما ابقى عايشة ..

همس يم اذني وهو يصك على سنونـة

_ تحبي مو !؟ احجييي تحبييي !!

رديت ببكـاء

_ اخخخ ، صخر حل ايدي ..

_ احجييي تحبييي !!؟

رديت بصراخ وبدون تفكير

_ اييي احبة ، اييي وما ٲحبك الكك ، كافييي اطلع من حياتييي كافي عاااد ، ما اريدككك صخر ، عوفنيي ..

حررني من قيودك صخر 

كلت كلماتي الاخيرة ، وماحسيت غير اصابع ايدة الضخمة طُبعت على خدودي بقسـوة ..

اذني صوفرت ومكان الكف خدر ..

لزمني من شعري قوي ، صرخت عوفنيييي

ماكو صار اعمى صخر ..

جرني من الكنتور بإتجاه الچرباية .. شمرني قوي عليهة ، حسيت بعظام ضهري طكطكت

اناظر عليَ بعيون مغوشة محجوبة عن النظر بسبب الدموع ، شفتـة نزع النطاق

بالي كبل راح للاغتصاب .. خلص راح ياخذ. شرفي ويذبحني ويطلع منها تحت مسمى " غسلت عاري "

لكن الـي صار عكس توقعتي ، طُبك النطاق طبگتين ، وبلش يضرب بيـة كل قوتـة

صار النطاق ينزل على جسدي ، ويطبع اثارة وي كل ضربة روحي تطلع  ..شكد اسمع ضربت النطاق قوية بس ولا مرة جربتهة

وحالفني الحظ ، وجربتهة .. يضرب بية بدون رحمة ، ضليت اصرخ ، في سبيل يرحم بحالي وينقهر عليَ .. بس كان كل ما اصرخ ، يزيد من قوة الضربة

بالضربات الاخيرة ، صوتي اختفى هو هم تعب ، ذّب النطاق من ايدة. وجرني من شعري ، قربني من وجهة .. انفاسة حارة ، كفخت ملامح وجهي الباهتة ..

واردف بصراخ..

_ صخر : وهسة منو تحبين !؟..

_ ما رديت عليَ ، جرني من شعري للحايط ،

ركع راسي قوي بالحايط ، رگعين وحدة اقوة من الثاينة

الاولى حسيت بيهة ، بس الثانية ما حسيت بيهة ، عيوني بدت تغوش ... بلشت افقد السيطرة على جسدي المُنتهك ، الذليل ..

بس الي صحاني ، من شمرني بالگاع قوي ، صرختت بوجع .صار ينزل شي من خشمي ، مديت ايدي امسحـة ، طلع دم !!!

ضليت اصرخ

دمممم صخر دددم صخر الحگنييي

كتف ايدة  لصدرة ، وارتچى على الكنتور ..

كمت اركض اريد يروح منيي الددم

منظرة يرعبنيي ، ما اجة هو وراي

لان يعرف ما انهزم ،

ضليت لازمة خشمي وافتر بالشقـة اريد الاگي حمام

فتحت باب من البوب ، دخلت بسرعة فتحت الدوش وصرت تحتـه ، امسح بالدم ادي ينزل من خمشي وحلگي ، وروحي احسهة جاي تصارع حتى تعيش

بس كلبي رافض ويريد الموت

ضليت اصرخ

وينككك بابا ، محد رحمني وراكك تعال ..

بابا محد يحبني بكدكك ارجع لو تاخذني يمك

انفتح باب الحمام بقوة ، دخل يمشي على كيف .. وي كل خطوة ارجع اني للخلف خايفة

لحد ما صفطت روحي وي الحايط ..

تقرب ولف ايدة حول خصري وجرني لصدرة .. ما بية حيل حتى ادفعة مني ..

لفني بجسدة للجهة الثانية ، حضنت ضهرة خايفة اوگع ، تَچة جسدي على الحايط وحاوط حركتي

حط كصتـة على گصـتي المُبللة ، اردف وهو يتمعـن بملامح وجهي .. وعيونـة بيهة نـدم

_ صخر : ليش هيج سُحـابي ، بعتي حُبي وكل تضحيتي لأجلج ، بدلتي حُبي بحب شخص ، حتى ما يحبج ، كسرتي ضهري وكسرتي نفسج ، ودمرتي ايامنـة وكل اللحظات الحلوة

منو يحبج بگد صخر !؟ محد لان انتِ لصخر مو لواحد ثاني ..

_ رديت بنحيب،

انت السبب بدماري ، ما ٲحبك صخر ولا اريد حبك ، تملكت كل شي بروحي ،

بطلتني من الدوام ، جُبرتني على العباية، تضربني ، تكسر خاطري ..

وينـة حبك ، هذا مو حب

هذا كذبة انت كذبتهة ، وانت صدگتهة

رد عليَ وهو يسحب شعري الي على وجهي

ورة اذني ..

_ بس انتِ مخلوقة لصخر ، لو اعرف اذبحج واگتل روحي ولا اخلي شخص غيري يلزم ايدج لو يناظر عليج ..

وخر مني وكال:

هاي ملابس بدلي اول ما خلصت اخذني من ايدي لخارج الحمام ، توجه للغرفة الي ضربني بيهة ، فتح الباب وكال

: نامي ،،

_ ردت افلت ايدي منـة حتى اروح انام ، اريد اخلص من الوجع مال راسي وگلبي

لكن هو ما حَّل ايدي من ايدة

شدد قبضت ايدة

مددت على الجرباية وايدينا متشابگة

تقدم يمي ، وتمدد بصفي وسحبني لجسدة ، ضمني لحضنة ايدي صارت على ضهري ،،

قرفصت اني بحضنة ، ولزمت الفانيلة مالتة بقوة وعصرتهة بأيدي واني ابجي واناشغ بين حضنة ، ما سمعت صوتـه ، بس احس بي من يسمد على راسي بأيدة..

كل ما ابجي ، كل ما يقوي حضنتة

السرير ابو النفر يا دوب مكفي بس الـة

عطرة تخلخل لرئتي ..ما حسيت بشي بعد

السـواد بلش يحتل اجفاني الورمانة  بسبب البچي

رحت لعالم ثاني ، عالم ابيض كُلو بياض في بياض ،  ابتسمت بفـرح يعني متت

بعد ماكو صخر ..

فجأة طلع من هذا البياض ، شي رمادي

وصار يغطي هذا البياض رويدًا رويدًا

صرخت واني امنع هذا اللون يمتزج وي هذا البياض ..

حسيت على احد قيد حركتي ،

فتحت عيوني بعدني بنـفس الغرفة

رجعت سديت عيوني بـيأس

صحاني صوت عمي يصرخ ، شسوت صخر فهمني

وصوت حاتم يصرخ ،

شما سوت ما الك حق هيج تسوي بيهة

....

...

حيدر :

گاعد بالدوام ، روحي طافرة من خشمي ..

وباردة وجهي صاير احمر من البرد

دك تليفوني ، رفعتة حاتم

يا ستار ،،

الو ها حاتم

_ الوو ها حيدر ، تعال رحمة لربك هذا اخوك يكول تعالو للشقة القريبة على المدرسة

وهسة خابر ابوية يكول تعالو كلكُم

واني هذا اخوك اتخبل من عندة ..

_ شبيككك يعمود ، اخذتني حاصل فاصل انطيني مجال اكول شكو !!

_ هووو منو يعرف شكو ، اخوك يتحرم صغير جبير ..

_ حيدر : ديلا هسة جاي اني ..

قفلت المحل وتوجهت للشقة ، هاي الشقة سواها من جان متزوج حتى يرتاح من نك زهراء ..

دكيت باب الشقة ، ماكو ما يفتح

دفعتة مفتوح !!

دخلت ، صخر وينك صخر!؟

صخير يبو الغيرة ،،

ياا هذا وين!؟

توجهت لغرفة النوم ، وشفت بطريقي دم

ارتديت للخلف مفزوع ، دم بالگاع نقاط وعلى

ونقطة ضوة الحمام دم .. وطبعات ايد

كلبي وگف من الخوف ، لو ما العيبة اتدرر على روحي..دكيت باب الغرفة ماكو محد يفتح

افتح بي مقفول .. ضربنة قوي بلكت بفتح

ماكو يالله ،

توجهت اريد اجيب شي ، انفتحت الباب

صديت وجهي اشوف منو

واشوف صخر واكف كبالي

بالفانيلـة وايدك بيهة دم ، ورگبتة مخرمشة

توجهت افحص بي

_ شبيكك صخر شنو صاير !

دفع ايدي منـة وارف

_ ماكو شي ، هسة يجون الولد وعمك ونحجي ..

_ ولكك صخر حاجيني شبيك !؟

رد بعصبية وصوت شبـه عالي

_ كتلككك ماكو شي لا تلح .

دفعتـة متوجه للغرفة ، لزمني من ذراعي ورجعني للخلف ببوكس قوي على صدري

واردف

_ ويننن رايح !؟

_ رديت بشك :

شكو جوة صخر !؟

_ سُحـاب ، ارتاحيت فخت الدو**

..ما كمل كلامة ، مسح وجهة بعصبية ورجع رد

_ سُحـاب ، جوة بدون حجاب ..

_ حيدر : صخر ، سُحـاب شعدهة هنا شسويت صخر !! بس لا .؟

_ صخر : اكُل خر* ولا تضل تفسر بكيفك ..

_ ضربتهة مو !؟

هز راسـة بأي والندم مبين على ملامح وجهة ..

ليش صخر ! موكلت بعد ما امد ايدي عليهة

هو هذا وعدك ..

راد يرد عليَ بضربة

بس ندكت باب الشقة

دخلو الولد وي عمي ايهب

_ ايهب : شصاير صخر ، شنو هذا الدم الي على ملابس وايدك !

_ صخر ؛ اكعد عمي وانت تفهم كل شي ..

_ كول يلـة ، شنو الصاير وياك ..

_ صخر ؛ ما صاير شي عمي ،

جمعتكم هسة ، حتى ابلغكم اليوم عقدي على سُحـاب..

.............

ايي شلونكم 😔😁

شسمة عندي عتب عليكم ..البارت جاي اكتب بي بتعب وساعات ، وانتوا تقروا بكم دقـيـقـَـهہ

على الاقل قدروا تعبي وخلو نجمة

النجمة دوسيها أمي انتِ .. اذا يضل التفاعل هيج اوقف القصة ، ومن اكمل سادس ارجع اكتبها

لان اتعب هواي اني واضعط على نفسي لخاطركم

وبس هواي احبكم

رأيكم بالبارت

وتوقعاتكم 🙂♥️

____________

(الحـلقة السادس عشر)

بقلمـي مـࢪيم علاء ♥️..

(⛔️ .. لا تنسوا التصويت ⭐️، والتعليق على كل فقرة ،لان هذا الشي يحفزني اكتب بارت 🦋🤍)

مُشاهدة مُمتِعة..

__________________________

اباوع على صخر ، ذب القنبلة وسكت ..

اردف عمي بعصبية

_ شنووو !؟ شنو تعقد عليهة شنو تجيب شيخ

شنو ابلغكم ، يعني حتى موو تأخذ رأيي ، لا بس تبلغني ، شبيك صخر تخبلت !؟؟

_ صخر : عمي حسمت الامر من يمي ، هي بالنهاية الي ، دراسة وبطلتهة بعد ماكو

واليوم العقد وانتهى النقاش ،،

_ ايهب : شنوو انتهى النقاش ، انت شجاي تلوص صخر ، حاجيني سُحـاب مسوية شي!؟

_ صخر : حتى اذا مسوية شي

ميخصكم ، هي عرضي واني اتصرف معليكم بيهة ..

رد حاتم على صخر بعصبية ..

_ حاتم :ولكك انت شنو فهمني !؟

_ انت اكُل خر* ، من احجييي اني لحد يقاطعنيييي ،

_ ايهب :- احترم وجودي صخر ، لا تضل تمسلت و سُحـاب ما تطلع مني الـة اذا هي موافقة ..

_ صخر :- يعني عناد بية ، اسمعني لعد عمي

لا تخليني استخدم غير طرق واخذهة نهوة

و لا تنسى ماكو شي يصعب عليَ اني ..

_ صرخ عمي وكام يريد يهـد على صخر وارف

ولككك انت ما مترربييي ، ولكك اني هيج تحاجيني..

حيدر :- بالگوة سيطرنـة على عمي ، لان صخر ما يعرف جبير صغير ، ايدة قوية

" ايدة مو الـة " بس مو بل فلوس بالمشاكل .والضرب ..

بعدنة نحجي ، طلعت سُحـاب الوجه اصفر حلكهة بي دم والعيون مورمة ..

سُحـاب:

اسمهم يحجون ، من كال صخر عقد وسيد

روحي فارت وما استحملت ..

كمت على حيلي متوجهة لخارج الغرفة .

واحس بكلبي يريد يوكف ..

فتحت باب الغرفة بعصبية

عمي ايهب كاعد بوجه الباب هو وحاتم وحيدر

وصخر وسامر .. صاير ضهرهم على باب الغرفة ..

من فتحت باب الغرفة ، صرخت

_ ما اريد اتزوججج صخر ، عمو الحگنييي راح يموتني ..

هو بسرعة كام على حيلة ، حضني وصرخ صدو وجوهكم ما لابسة خر*

سحلني للغرفة سحل ، شمرني على الحايط ورگع البـاب قوي ..

صرخ ..

_ ااانت شلون تطلعين بدون حجاب ؟؟

_ رديت عليَ بنحيب

ليش متريد يشوفون شسويت بيـة !؟

_ لاا ، لان كلهة تدري انتِ مُلكي ومحد يكدر يحجي وياي شي ..

_ سُحـاب : اكرهككك ما اريدك ، اذبح روحيي اذا تجبرني على الزواج ..

تقدم ناحيتي وجرني من شعري قوي واردف وهو يصك على سنونة

_ احمدي ربج اني مخليج عايشة لحد هسة ، لان اذا يدرون هم يذبحوج سمعتي ..

حيدر :-

ضل عمي ايهب يفور على سُحـاب ، بعد ما شاف شكلهة شصاير بي

وحاتم يمشي ويركع بالبوب

وكل شوي يصرخ على عمي

_ حاتم : يعني انت دتشوف شنو مسوي بيهة ، وساكت علية يابة شلون هيج تسوي !؟

_ ايهب : كاااافي حاتم ، خل نشوف شنو مسوية وصخر هيج مسوي ..

_ حاتم : صددك تحجي يابة ، واكف بصفة

لو شنو جانت مسوية ما الـة حق هيج يسوي بيهة ..

_ حيدر :- كافي حاتم ، اسكت انت ، خل نشوف شبيهم ..

بعدنة نحجي طلع صخر وجهة احمر ويدردم بصوت ناصي

كانة عجوز خامطين عشاهة ..

كعدنا كلنا

سألة عمي

_ احجي صخر ، شنو الي مسويتة سُحـاب وهيج مسوي بيهة !؟

_ صخر : سبق وان گلت ، وراح ارجع اكول

ميخصكم " حجاهة بشكل متقطع "

_ ايهب : لعد غير اعرف شنو مسوية ، وشنو الدافع الي خلاك هيج تسوي !

_ صخر : يااابة معليكم انتو ، لا تخلوني انهي عليهة هسة ، وبعد ما اخليكم تشوفون ضلهة والله..

_ ايهب : ها هي ، اني موافق

بس عندي شروط ..

_ صخر : وهي !؟

_ سُحـاب شما سوت ، تطلع من بيتهم حالهة حال بناتنة ، وحنة وزفة .. ونحدد الهة مهر

يعني زواج كامل ..

_ صخر : سهلة هاي .. يجرالك ..

_ حيدر : بعدنة نحجي ، اندكت الباب ..

اجة صخر ناحيتي واردف

_ صخر : حيدر ، افتح الباب وقدم الـة شي بين ما اجيكم ..

سُحـاب:

دخل علية ، بأيدة السلاح صار يتقدم ناحيتي

رجعت للخلف بخطوات يأسة ..

گنبص يمي ، واردف بنبرة تهديد

_ كومي خلي شي على راسج

واي كلمة تطلع زايدة ناقصة ..

_ حجة وهو يخلي السلاح بخصري ..وراسم على حلگة ابتسامة حقيرة

_ اذبحج ، اني او همَ المهم تموتين ..

_ سُحـاب: الله لا ينطيك العافية يا صخر ..

صخر : خلي شي على راسج راح يفوت حيدر يمج ..

_ سُحـاب : طلع وعافني ، ضميت رجلي لحضني ابجي بصوت ناصي ..

دك علية الباب حيدر وكال

_ ها سُحـاب ، خليتي شي على راسج !؟

_ شمرت الشال على راسي بإهمال ورديت

ادخل حيدر ..

_ حيدر :- دخلت اباوع على وجهة

صاير خريطة ، العيون مورمات وحمر وعنجوزة

براسهة جبيرة .

والخشم احمر ، الدم يابس على وجهة ..

يلا سُحـاب ، تعالي يم الباب ..

بلش الشيخ يحجي واني اعيد ورا بس اكو غصة بصدري ..

وصل لـ: بنتي سُحـاب هل تقبلي بـصخر *******

ان يتزوجگي على صداقاً معلوم .. معجلة *** دينارعراقي حاضر .. وموخرهُ ** عراقي غايب فان رضيتي بذلك قولي نعم انتَ وكيلي

_ مخنوكة ماكدو ارد

فززني صوت حيدر وهو يكول

_ حيدر :- رُدي سُحـاب ، لا تصير مشكلة برة ..

_ سُحـاب : نعم اقبل ..

تم العقد ، تم تقييد روحي

من اليوم اني بس روح بين ايدي

صياد قاسي ، ضالم ، متُملك ..

اسمعهم يباركون الـة برة . شوي وراحت اصواتهم .. نسد باب الشقة خطوات رجلة ، كل ما هي تصير اقرب على الغرفة ..

دخل علية ، وهو مبتسم ..

اردف بشماتـة

_صخر : خلص صرتي حلالي ..

_ سُحـاب :حقيررر ، حيوااان الله لا ينطيك العافية ياصخر ، ليش هاي الشباب الحلوة تروح . ليشش ما الله اخذ روحكك

تقدم ناحيتي ، وعـيونة الحادة تجدح من العصبية ..

انهال علية براشديات قوية ،

صارت ايدة الخشنة تطبع على خدي الناعم بقسـوة ..

ضل يضرب بيـة بحدود الـدقيقة ..

لحد ما حسيت اصابعـة طبعت على وجهي

بعد عني ، وراح كعد على التخم وسحب چكارة وورثة وهو يباوع علية بنظرات انتصار

ضحكت بهسترية ، وبدة السواد يحتل اجفاني وبعد ما حسيت بشي

......

بتـول :

واگفة عند باب المدرسة ، ناطرة سُحـاب وين صارت ، هنوب حتى ابو الخط ماهو اليوم ..

اباوع الطلاب بدت تخلص .. كلبي وكف وين راحت هاي دخلت للمدرسة افتح بالبوب مال صفوف كُلها مقفلة..

توجهت لزوجة ابو الحانوت ، لان هم بيتهم بالمدرسة ..

_ خالة فدوة اختي ماكو ، تعالي وياي ندورهة

بالصفوف

_ بنيتي أني بأيدي قفلت كل الصفوف وما شفت احد ..

_ فدوة خالة خل ندور بلكت موجودة..

خطية هم ما كالت لا ، بلشنا ندور صف صف

اصرخ باسمهة اريدهة تكول الي ها ماكو

دمعتي صارت بطرف عيني ..

طلعت من المدرسة ابجي بيأس..

بلكـت الگاهة بالبيت ..

وصلت قريب على البيت ، اشوف اُمي كاعد على الرصيف بالعباية ، يمكن ناطرتنة ..

_ كريـمة :هاي يمة ، وين صرتن ، اختج وين لعد !؟

_ بتـول : ليش ما اجت !!

_ وين تجي ليش هي مو وياج ..

_ لا يمة ، ما لكيتهة بالمدرسة ..

لطمت على خدهة قوي ..

دخلت للبيت تركض شالت التليفون اتصلت بالولد

_ كريـمة : ولجج محد بيهم يرد علية ..

خل اتصل بمروة ..

اتصلت بيهة ووصتهة تجي ،

شوي وصارت باجي يمنة

اردفت بقلق

_ مروة : كريـمة ، حتى اني محد منهم يرد علية ..

_ بتـول ..

ضلت امي تلطم على وجهة قوي ، وتصرخ

_ وين رحتي يا امي ،،.

_ مروة : لا تخافين عليهة ، يجوز وي صخر ..

رايحة اني بلكت اجة حيدر ، اطقس من عندة وينهة واجي

يمة بتول ، عينج على امج ..

_ هزيت. راسي بمعنى" اي "

توهة طلعت باجي منا ، كعدت امي تبجي عند باب المطبخ ، الدنيا غوربت وهي ماكو

وهذا الشي زيد الخوف عندنة

فجأة سمعنا صوت سيارة وكفت عند باب البيت .. نفتحت الباب

تقدم صخر شايل سُحـاب بين ايدي ، شامر عليهة العباية او بالاحرى " مگمطهة بالعباية "

صرخت امي بخوف وهي تتقدم عليهم

_ شبيها بنيتيي صخررر !؟؟

* يتَبع

البارت بعد يصعد التصويت فد ٨٠

يلا انشر البارت الثاني

مو حقارة ،. بس جد اتعب هواي بالبارت

وانتو ولا يمكم ، حتى تفاعل ماكو

احبكم

رأيكم بالبارت

وتوقعاتكم 🫂♥️

بقلمـي مـࢪيم علاء ♥️..

(⛔️ .. لا تنسوا التصويت ⭐️، والتعليق على كل فقرة ،لان هذا الشي يحفزني اكتب بارت 🦋🤍)

مُشاهدة مُمتِعة..

...............................................................

خلك بعيد اليحبك يعتنيلك

المالة واهس بية لا تركض وراه

بتول :- صرخت امي بخوف وهي تتقدم عليهم

_ شبيها بنيتيي صخررر !؟

تجاوز امي بدون ما يرد ، دخل خلاها على  القنفة واردف بتعب مبين على ملامحـة

_ صخر : باجي ، خلص عقدت على سُحـاب

من اليوم هي مرتي .. ونهاية هذا الاسبوع يخلص كل شي من مراسيم ..

_ ردت عليَ امي بشهگة :

شنووو ، وليش صار كل هذا واني ما ادري !؟

_ صخر : ها هي باجي ، كل شي تم

بعد ماكو داعي لهذا السؤال

وكلت ارجع اعيد ، لو شكانت عاملة اني احاسبها ومحد الـة حق يتدخل..

بتـول : طلع وخلانا ورا صافنات .. اسمع ونينهة . تقدمت يمهة فتحت عيونهة شوي شوي..

وخرت شعرهة من وجهة ، واشوف عيونها مورمات ، الحلگ يابس عليه الدم

خدودها الناعمات ، مطبوع عليهة اصابع ايد وصاير لونهم ازرق ..

نزلت دموعي عليهة ، ماذيها صخر هل مرة

_ ها حبيبتي بشنو تحسين !؟

_ اريددد ماما ..

بتـول : تقدمت امي يمها ، كل ضني راح تحضنها ، لكن الي صــٰۨار امي ضربتهة راشدي قوي واردفت بعصبية

_ كريـمة : شمسوية ولج ، فشلتيني بين النـاس الله لا يوفقج ، من يوم ما اجيت هنا ما مرتاحة ببسـبج الله ياخذج ياحقيرة

بتـول: انهالت امي عليها بالضرب . وهي سودة علية ما بدر منها اي ردة فعل غير بس الدموع تنزل على خدها مثل قطرات المُطر ..

تقدمت يمها ، بعدتهة عنها بوگفتي بنصهم واردفت بصراخ

— كافي يمة عوفيهة عاد

_ كريمة ،، وخرري مني ولج ، خل اذبحهة وارتاح منها وخرييي

- تقدمت - يـَمـيٰ ودفعتني قوي ، اباوع عليهة سحلتهة من شعرهة قوي ودخلتهة للغرفة وقفلت الباب عليهن

ضليت اضرب بالباب قوي ،

يمةةة فتحي يووم ، راح تموت جوة ايدكممم كافييي يا ظُلاممم ..

ماكو اي رد ، بس اسمع صوتها وهي تدعي عليهة ، و سُحـاب تبجي ..

ما كان عندي غير هذا الحل

اخذت العباية وشمرتهة على رأسي بإهمال

وطلعت اركض متوجهة لبيت جدو

واكف حاتم وبصفـة صاحبة

من شافني هو ، تقدم ناحيني يركُض ..

_ شبيج بتـول!؟

- حجيت وشهگاتي تمنعني من النطق .هداني واردف

_ على كيفج ، اتنفسي واحجي ..

_ بتـول : الحك حاتم ، امي جاي تضرب بسُـحاب فقلت الباب حتى ما اتدخل بينهم

ضرب ايد بايد بعصبية واردف

_ منين تتلگاهة منكم لو من صخر،،

راح يركض قبلي للبيت ، صار يدك باب الغرفة قوي ويصرخ

— باجي ابوس راسج افتحي الباب. كافيي الي صار بيهم اليوم ، باجييي عوفيهة فدواتج

يمعودة..

_ بتـول ؛ بعد يحاول يكسر الباب ويحجي وي ماما ، سمعنا حجـة بصوتـه المميز عن الكُل

_ صخر : شتسوي هنا حاتم !؟

_ حاتم : تعالل الحكك يمعود ، باجي خلصت على مرتك جوة ..

_ بتـول : تقدم صخر وعيونة تجدح من العصبية ، بس دفع الباب بجسـمة انفتح..

واشوف اُمي حاصرة سُحـاب بزواية الغرفة ، وتضرب بيهة بالعودة ( التوثـية )

و سُحـاب ، رافـعة ايدينتهة المجروحة ..

تحمي بيهن وجهـة .

دخل صخر ، بعد اُمي عنها  شالهة من الگاع وضمها ورة ضهرة واردف بصوت رج البيت رج

_ صخر : - محددد االـة حق يمد ايدة عليهة

هاييي تخصنييي بس انيييي ، تـ ، خُصـ ،نـ ،ي

" حجاها بشكل متقطع حتى يثبت حـُبة الهة "

يحجي بحرگة كلب ويضرب  على صدرة بقوة .. وجـه عينة لباب الغرفة

واكف حاتم صافن علينة

صرخ :

عينكككك خر* مالابسة حجابب

صددد وجهككك .

_بتول : طلع حاتم ورگع الباب ورة ..

ردت امي عليه :

احجي شسوت صخر !!

_ ما يخص احدددد كلت ، اطلعوا برة كلكم يلاااا

سُحـاب: بس طلعت اُمي وبتول صد وجهة الي واردف ..

صخر : هيج احسن الج

مرتاحة هيج !؟

هز ايدة وطلع ، رگع الباب ورا

كعدت بالگاع ابجي بأعلى صوتي

وكان البجي الملجأ الوحيد الي

توجهت للجرباية ، وصلت لدرجة من الوجع

دموعي الي تنزل على خدي تاذيني

كثر ما ايدة قوية جانت ..

سحبت المخدة وتمددت بالگاع ( الارض )

كلبي ، وجهي احس يطلع منهم نار

اخذتني الاحلام لـ

واكفين اني وصخر نتعارك ، هو يصرخ واني ارادد بي

فجأة طلع سچين حادة ، وراد يذبحني بيهة

وكفت امي تهدي بية وهو يوجـه السچين علية ، اجت السجين ببـطن اُمي

صرخت وكعت من طولهة ، عيونهة نكلبت بيض ، هو ذب السجين من ايدة بفزع ..

اگلب بامي ما تكعد ، ماتتت امي

صرت اصرخ واضرب على وجهي ..

فتحت عيوني ، بعدني بالغرفة ، اخاف هو جابني لهنا لان كتلهة ..

كمت من مكاني مفزوعة . افتح الباب مقفول علية ..

ضربتة قوي واصرخ

اميييي ويننن ، ماما وينج ، تعال صخر طلعني اريد اشوفهة ، ويننككك يمةةة وينج الحكينييي ..

نفتحت الباب دخلت أمي وبتول وجوهن صفر .. بحركة سريعة حضنتهة بقوة وابجي

..

بادلتني الحضن. بس جان بارد .. اييي حضن اُمي الدافي بارد ..

عافتني وطلعت ، اخذت بتـول بأيدي للجرباية وخلت راسي بحضنهة

_ بتـول: اباوع عليهة ذبلانـة ..

سُحـاب:—

صارت كوابيس صخر تلاحگني بـكُل مكان ، يعني ها هي اني زوجتة شرعًا هسة !!؟

ذاك اليوم جنت حُرة بدون قيود

ليش صار كل هذا

نطبع بعيني شكلة وهو يضرب بية

خلاني اكرهة اكثرر ، واحس روحي داتطلع

ادري بي ما راح يرحـم روحي

فتحت بأب الغرفة متوجهة للمطبخ ، لگيت التليفون بنفس مُكانة ، كتبت رقمة لان حافظتـة ..

اول ما اتصلت رفع الخط وصوتـه مبحوح

_ حجيت بدموع وصـوت مخنوك

شلون صرت ، شنو اليوجعك ساهر!

_ ساهر :- كلبي سُحـاب ، احبج وما اريد اتخلى عنج ..

_ سُحـاب بقلـة حيلة :، ولا اني ، احبك ساهر لا تعوفني ..

_ جسمي كُلة ياذيني ، بس عندي حل ..

_ سحاب : شنو هو ..

_ عندي شغل بأربيل ، وعندي شقة صاحبي هناك ..

تعالي ننهزم ونروح نعيش بعيد عنهم كلهم ..

_ لا ساهر ، اخاف امي منو الهة ، تتدمر وراية

_ محد يموت ورا واحد سُحـاب ، انت تحبيني وتثقين بية !؟

_ اي هواي احبك..

_ خلص خل نروح ، سُحـاب تعبان والله.. اذا نضل هنا محد بينة يرتاح ..

_ ضل ساهر يقنع بيـة ، لحد ما استلمت واتفقنة نطلع باجر بعد الفجر ..حضرت الجنطة وضميتهة تحت الجرباية .. خوف بداخلي ورهبـة شنو مصيرنـة هناك ..

صار الليل كلها نامت ، توجهت لغرفة امي ارجف وعيوني مغوشة بسبب الدموع ..

فتحت الكنتور واخذت الجنسية مالتي .. وگفت اباوع عليهة بقهـر .. انتو السبب بكل هذا ، انت خضعتي الهم

لبست عباتي وطلعت ، بوست بتـول وهي نايمة ..

ضميت الجنطة جوة عباتي .. واخذت شال لفيتة على وجهي ..

اتصل بية ، كال اني بالباب اطلعي

طلعت الـة ارجف ، بسرعة لزم ايدي بدون ما يحجي اي شي ..وجهة كان عبارة عن لاصق جروح

وعيونة تحتها زراق باين .. ولازم صدرة

سألتـة : وين رايحين احنة ساهر !

_ لبيت صديقي ،نبات يمة اليوم والعصر نتوجه من بغداد لاربيل ..

_ وشلون تأمني يم صديقك !؟

_ شبيج سُحـاب ، اني وياج وهو متزوج يعني مو وحدنة ..

_ حجيت بيأس : خايفة ساهر ..

_ صد وجهة علية ، شبك ايدة بين ايدي واردف

: اني يمج ليش الخوف ، انتِ الي سُحـاب..

_ بس انتَ تدري صخر عقد علية !

_ يضل عقد السيد حبر على ورق لا اكثر ..

هو ما دخل عليج . لهذا نكدر نخلعـة ..

بدون خوف انتظريني هنا ، اجيب شي ناكلة وارجع

توجـه لاسواق جانت مفتحة ، ساعة ٤:٠٠ الفجر بس اهل الگهوة ، انتبهت لشباب تجمعوا حاملين على ضهرهم جنط عسكرية ، يعني هذول منتسبين ..

خفت ، معقولة يجي صخر وياهم .. صديت وجهي للجهة الثانية خايفة ، شفت طفل مفتح محل كهوة

ختلت ورة محلة خايفة ، هو من شافني كال

_ خالة محتاجة شي !!

_ لا حبيبي مشكور ..

_ الله عليج ، كهوة ، مي ، اي شي لتخافين مني ..

_ لا حبيبي تسـلم بس عادي اكعد جوة لان باردة !؟

_ يوو ، هو هذا هم سؤال ، المحل كلو الج ..

دخلت للمحل خايفة ، توني اكعد تذكرت ساهر هسة يطلع يدور علية ..

كمت متوجهة لبرة المحل ، اول ما طلعت لمحت سيارة إجت بإتجاهي .. جمدت بمكاني من هول الصدمة ..

نزلوا الولد وراهم عمي .، بسرعة تقدم صخر وضربني راشدي قوي ..

تقدم عمي يريد يهجم علية ، صرخ صخر

_ هذا الكلب الزموا ..

توجهوا لساهر الي طلع بأيدة علاگة ، لزموا عامر وحيدر .. شبعوا كتل وهو يون تحت ايدهم جروحة بعدهة ما التمت ..

الشارع فرغ بس التريلات تمشي والسيارات العسكرية.. ضليت اصرخ

_ عوفوا يا حقراء ، الله لايوفقكم ..

ما اكدر اروح الهم ، حاتم لا زمني قوي ..

تقدم صخر من سمعني هيج اصرخ ، اخذني من ايد حاتم جرني من شعري قوي ، وسد حلكي بكف ايدة ..

وشمرني بالسيارة وقفلها علية

اباوع عليهم شلون خلصوا علية خلاص ، وهو يصرخ سُحـاب احبج ..كل ما يكول هاي الكلمة يزيد علية صخر .. لحد ما طلع السلاح من خاصرتة وجهة عليه

ضليت أصرخ باعلى صوتي ،، سديت عيوني واذني بخوف واصرخ لاااا ، لااااا لحد يگتلة لااا ساااهرررر

سمعت صوت عمي يكول لصخر

_ ايهب .. عوفة صخرر ، ما يستاهل تفوت سجون من ورا ، اني ادز عليه ناس تذبحة ..

رد عليه صخر ؛ اخذوها وروحوا اشمرة بزبالة هنا واجي وراكم

_ العم ايهب : صخر لا تسوي شي ..

_ سُحـاب: تركوا صخر واجو صعدو يمي بالسيارة

على جهة حيدر والثانية حاتم ..وعمي كاعد بالصدر وعامر يسوق

كاعدة بنص ذئاب مو بشر ..

عمي يدردم ويتوعد .. وجهت نظري لاحسن واحد بيهم بلكت يرحم حالي ، حاتم اول ما وجهت نظري الة ميل راسة بمعنى " شبيدي عليج "

ضميت راسي بين كفوف ايدي ، خلص بعد ماكو سُحـاب.. ضل عمي يسب ويغلط

وگفنا كبال باب بيت جدو " بيت صخر " نزلو الولد واني ضميت روحي حتى ما ياخذوني ..

صرخ عمي وهو يدفع بحيدر حتى يضربني ..

قدم ايدة وسحلـني سحل لداخل البيت .. حسيت ايدي نملت وراسي خدر .. شمرني بنص الهول على ضهري وصرخ

_ ايهب : ولج انييي تنزلين راسي هيج ، كح** تطلعين وي واحد بنص الليالي .. صوجي انيي نطيتج مجال

ولج سويتيها وانت على ذمة رجال ..

ولج ساقطة ، كل ما يحجي وياج صخر جنت ادافع الج

هيج تردين معروفييي ، يجي يتوسل بية اقبل تتزوجون

واني اكلة لاا علمودج ، بس انت مو مال دلال

_ سُحـاب : هو يحجي واني جسمي موتني من الوجع

وبطني احس بيهة حجار من الوجع ، تقدم ناحيتي جرني من شعري وسحلني على طول الهول ..

واسمه بس صراخ امي وجدتي .. وباجي مروة تتوسل بي يعوفني .. وجدتي بالغرفة تصرخ

_ ولك ايهب عيفهة بخاطري عندك يمة.. طفلة وِلكُم ارحموا بيهة ..

_ تقدمت امي ضمنتي ورا ضهرهة .. وصرخت

كاااافي عاد عوفهج بروح اخوك ، كافي راح تموت جوة ايدك ..

_ايهب : وخري ، انتِ الي شجعتيهة هيج تسوي ..

كُلة بسببج .. ام مهملمة وتدافعين الهة هال طايحة الحظ

دفع اُمي ورجع يضرب بية كل قوتة .. الدم صار ينزل من حلگي ، وكالعادة صرت اصرخ حتى بس اروح اغسل هذا الدم .. ضليت اصرخ

_ عوووووفنيييي عمووو دم الحگوني ماما دم

ولكم دم يا بشر ..

_ بتول : واگفة واشوفة شلون خلص عليهة ، حيدر عامر الحقير لازمة ، لان يريد يخلصهة من ايدة

وحاتم برة ، كام عامر دفع حيدر برة وقفل باب المطبخ عليهم .. نصرخ نريد احد يطلعهة من جوة ايدة ماكو ..

منظرهة وهي تتوسل بي ، حتى بس يخليها تغسل الدم لان تخاف من منظرة ، لكن هو صار اعمى ولا جنة ذاك عمي الحنين .. فجأة صار صوت صراخ قوي بالمطبخ مو صوت حيدر ولا حاتم

لا هذا صوتـه هو ، اليدة صارت تتحرك بقـوة

دخل هو عيونة صايرة بگصتـة ، وگف عامر بطريقة يبعدة عنهم ،، كام صخر كوم عامر ببوكس خلا يوگع بالگاع لازم خشمة ..

تقدم وشالهة من الگاع يغطي شعرهة الطالع .. ويسمح الدم بأيدة وعيونة تتأمل ملامحهة ..

ضمهة وراء ضهرة واردف بصوت زرف اذني, ووجهة اصفر خايف عليهة

_ صخر . بصوت عالي :-

محد يمد ايدة عليهة غيري ، كلت وارجع اكولل

سُحـاب تخصني انييي ، والي يمد ايدة عليهة اكسرهة

صرخ عمي : ولكك اني تحجي وياي هيج

بعدك تدافع عنها بعد كل الي سوتة ، ولك خل نذبحهة ونخلص من عارهة ..

_ ما يخصكم ، مرتي هي انحرهة ، اشنقهة

انييي الي احاسبهة .. ..

_ سُحـاب: لزمت قميصة بخوف ، واردفت

صخر ، اذبحني انتَ ولا هو ..

لزمهة من ايدهة ، صرخ

_ جيبو عبايتها بسـرعة ..

بتـول :- اخذت العباية انطيتهة الـة ، خلاها على راسهة

واخذ ايدهة بين ايدة .. وتوجـه لخارج البيت

ضلت امي تصرخ ورا تريد تلحگة .. وكف بطريقة عمي وجرهة من حجابهة لغرفة بيبي وهي تصرخ

ركضت وراهم ، اكيد راح يذبحهة

_ صخررر تعال ، عوفهة الله يخليك ..

توجهت اركض ورا ، سد طريقي جسم حاتم الي قيد حركتي ..

ضربتة على صدرة وصرخت

_ عوفني حاتم راح يذبحهة ، خليني اخذهة وانهزم

رد وهو يسمح بدموعي

_ حاتم : عوفيهم بتـول ، خلي يروح يتصافة وياهة

_ بتـول: شلون اذا ذبحهة ..

_ رد وعيونة تتفحص وجهي

- حاتم : خافي عليهة يم الكُل ولا تخافين عليهة وهي ويا .. لآن ياذي روحة وما ياذيهة ..

• يـَتبع ..

تفاعلكم امس يخبل ..

فشنو نستمر كل ما يصعد البارت فوك الـ٨٠ تصويت ننشر البارت الثاني .. هواي تحفزت اروح اكتب

شاركوني اكثر مشهد حبيتوا ببارت اليوم بتاك على الانستا

اييي رأيكم بالبارت

وتوقعاتكم

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

الحـلقة الثامنة عشر ..

بقلمـي مـࢪيم علاء 🦋♥️..

( لا تنسوا التصويت بـ ⭐️ ، والتعليقات بين الفقرات )

...............................................................

سُحـاب:- طلعني يسوحل بية

كراج بيت جدو كبير ، يسحل بية قوي واني اثبت روحي اكثر ، اخر شي دخـت وعيوني بدت تغوش ، ايام اني بدون اكل وشرب .. من شافني هيج .. تقدم جرني لصدرة واردف

_ لزمي كتفي ..

_ بعدتة وصرخت بدموع : عوفني صخرر ..

_ رد هو بصوت عالي وانفاسة الحارة لفحت ملامح وجهي

: يلاا امشي

_ مشيت وايدة حول خُصري ، ساندني على جسمة صفح .. ويمشي بسرعة. قريت الشهادة على روحي بصـوت عالي

_ اشهد ان لا اله الا الله..

صد وجهة علية بعصبية واردف

_ هيج خايفة !؟

_ صخر حلني أريد امي  ماكو مستمر يمشي بسرعة

واني بس اسمع صراخ امي جوة ، وبجـي بتول ..

فتح باب السيارة وشمرني قوي ..

وركب وهوَ عيونج حُـمر دم .. شكِثُر ما اريد اتطمن كلبي ينملي خوف من يشوف عيونـة

صار يسوق بسرعة جنونية .. وكأنة فقد عقلة

وكفنا كبال نفس الشقة الي نكتلت بيهة اول مرة .. نزل وفتح الباب اخذ ايدي ونزلني

يسحل بيـة كل قـوتة ..

عتيت ايدة مني ، وركضت مهزومة من عذابة ادري بي ما راح يرحمني .. اركض وما. حسيت شلون وصلت لراس الشارع ، صديت وجهي بعدة يركض وراي

وكضت وكفت بنص الشارع العام

جانت اكو سيارات بس قليلة لان دنيا ليل

تقدم ناحيتي ، صرخت وركضت من مكاني

حتى النعال( مكرم القارىء) وكع من رجلي

عثرت بحجارة بالگاع بسبب الخوف

وصارت گصتي بمُكان العنجورة

صرختتت باعلى صوتي

لا ضل حجاب لا عباية ..

تقدم ناحيتي يركض ، كعد -

يـَمـيٰ واردف وهو يوخر شعري عن راسي بولع

_ شبيجج ، تاذيتي يعيني !؟

_ راسي صخررر راسييي ..

_ صخر :- اصبري علية

اباوع عليه توتر ، ضل يمسح  بوجهة يخفف من عصبيتة ، رجع ناظر عليَ ، خلة ايدة تحت رجليناتي ، وايدة الثانية تحت راسي شالني من الگاع ،

جبلت بقميصة الاسود قويي

ناظر علية وكال

_ لفي ايدج حوالين رگبتي

_ سُحـاب:- رفعت ايدي برجفة ، ولفيتهة حوالين راسة .. صفن بعيوني ورجع شنت نظرة

اباوع على ملامح وجهة ، وجهة كُلة متعجق

عيونة دم ، يفتح ويسد بيهم لان يحرگنة ..

من وصلنا للسيارة ، نزلني على السيارة وسند جسمي بيهة  فتح باب السيارة ولزم ايدي

_ مددي ورة ..

تممدت ورة ، راح هو لجنطة السيارة

جاب غطاء السيارة لفة بشكل مخدة

واردف بدون ما يحط عينة بعيني

_ رفعي راسج شوي ..

_ سُحـاب :- رتبهة تحت راسي

وسد باب السيارة غمضت عيني بدموع ، هذا هدوء ما قبل العاصفة ادري بي ، ما راح يفوتهة هيج

بلشت كوابيس صخر تلاحگني ..

فزيت على صوته وهو يكول

_ صخر : سُحـاب ، كومي يلا وصلنة

_ سُحـاب..

فتحت عيني بصعوبة ، فاتح باب السيارة وواكف فوك راسي ..

رفعت راسي ، هذا مو بيتنة !؟

جايبني لنفس الشقة .. رجف كلبي بخوف وترددت انزل ..

سحبني هو من ايدي ، خليت ايدي على صدرة بتوسل وحجيت

_ صخر حباب لا تاذيني

بدون ما يرد علية ، اخذ ايدي وسند جسمي عليه ..

شمرني بنص الصـالة واردف بصوت عالي ..

_ بعدج ما شفتي شي سُحـابي..

كال كلماتة الاخيرة متوجـه الي .. رجعت زحف بس هو اسرع مني ..

جرني من شعري قوي وصار يصرخ

_ صخر : تنهزمين وياااا موو ، ولج شنو الصلافة الي شايلتها انتِ

ما ترك شعري صار يجر قوي ، احس الشعر صار يتقطع من البصيلة ..

ايدة قوية .. سحلني من شعري على طول الصالة . واني اصرخ تحت ايدة طالبة منة الرحمة لروحي ، بس هو ولا يمة فقد صخر

صرت اخرمش بأيدة حتى بس يهد شعري .. ترك شعري ، اباوع على ايدة مليانة بشعر راسي ..

احس راسي صدع من الجر القوي ..

رجع بعصبية شالني من شعري ورفعني وسفط ضهري على الحايط وقيد حركتي بجسدة ، طُبع على وجهي بوكس حسيت ملامح وجهي نمحت ، عيوني بدت تغوش

رجع طبع بوكس ثاني تحت عيني ..

روحي فرفحت من الوجع .. هو يصرخ

_ انيي تسوين بية هيج سُحـاب ، الة اخليج تمنين الموت ..

تركني وتوجه للمطبخ ، اسمعة يكسر يالمواعين ، ويصرخ بصوته الجهوري ..

كأنة اسد اعتدو على غابتة ، واخذو لبوتـة منة

بصوته اكو كسرة ، غضب وروحة محروگة

واحس بي نار ما تطفى الة يذبحني ..

ويصرخ بكلمة وحدة ، احسها بس هي تعبر عن الي بداخلة  " ليش "

صرخت من شفت بايدة سجين ، صار يتقرب علية وعيونة بگصتة .. حصر جسدي بزاوية الصالة ، كعدت بالگاع وكرفصت روحي بخوف ..

لازم السجين بأيدة اليمنة ، تقدم وسد حلكي بايدة اليسرة .. وطبع السجين على كاحل رجلي

صرخت صرخة مكتومة بسبب ايدة ..

ضل مثبتهة على رجلي لحد ما بردت السجين ..شال ايدة من شفافي واردف بصوت عالي

_ صوتج اذا اسمعة ادفنج هنااا ..

ضميت صرخاتي بوجع ، تركني افرفح من الوجع .. كمت ماكدر امشي

ضليت ازاگل بوجع وافر بالغرفة روحي فرفحت من الوجع .. هو شنو الي بقة ما صــٰۨار بية .. صرخت بأعلى صوتي من الوجع

ضليت افر بالغرفة في سبيل يروح الوجع لكن هيهات ، الحرك صعبة يروح

احذت الشال الي متروس تراب . وحاولت الفة عليها بلگت تروح ، لكن التراب زاد الجرح حرگة ، شمرتة بصرخة موجوعة وين اروح ياربي ساعدني ..من الـ٥ الفجر لـ ٦ اني ابجي

اصعب شي بالانسان ، تكون عندة عزت نفس

لو كان بأصعب موقف .. ما ينطي كلبة يكوب .. ساعدوني .. واني هيج هسة

وهو ماكو .. مرت بالرُبع ساعة والوجع ما يروح انفتحت الباب دخل هو ورة ضهرة شي

صرخت

" لا صخر لا تگتلني "

تقدم بإتجاهي واردف بهدوء

- راويني رجلج ..

دفتعة من صدرة وصرخت

_ وخررر منيي لا تلزمنييي صخر ..

_ اششش صوتج ، اشوف رجلج وخري ..

_ وخر منييي

ما سمع مني و قيد ايدي من الرسغ ورفعني على ضهرة ، .. نزلني صخرر .

ولا سمع مني ، كعدني على الجرباية واخذ رجلي بحضنة . كشت روحةمن شافهة .

اجيت اسحبهة ، جرها هو وثبتهة على رجلة ..

سحب بطل المي الثلج ، وحطة على الجرح سحبتهة وصرخت بوجع

اردف هو

_ استحملي شوي ..

_ ضل يمشي بطل الماء على رجلي ، صفنت عليه هذا شبي !؟

رفع نظرة علية ، اني بسرعة سحبت رجلي منة ولميت رجلي لـحضني بطرف الچرباية ..

تقدم ناحيتي وهو يهز براسة ، سحب رجلي ومددني على الجرباية ،.

تمدد بصفي وغرس ايدو بين خصلات شعوري ايدة تحت راسي

والثانية حاوطني بيها .. وسحبني بصدرة عطرة تخلخل لاعماق انفي

بعدتة واني امنع دموعي تنزل

_ وخر مني صخر ، حلني ..

_ اششش ، نامي بدون حجي زايد ..

_ هو هذا حبك!؟

_ منو كال الج اني ما احبج ، يفضل تكستين سُحـاب..

_ قيد حركتي اكثر ، كل ما ابعد واحاول ادفعة

يقربني من جسدة اكثر .. احس بالامان بهذا الحضن ، على الرغم من كل شي صــٰۨار ..

فزيت على شي بارد على رجلي يتبعة انفاس حارة

فتحت عيني واشوفة كاعد يم رجلي ، وبأيدة عصارة بيضة يدهن بيهة وينفخ حتى ييبس ..

حركت رجلي وجه نظرة الية ، من شافني كاعدة ابتعد بسرعة وشمرة غليج اردف

_ خلي من هذا جرحج تنفخ بسبب المي ..

اخذتة من ايدة برجفة ، طلع ورگع الباب ورا

ضليت ادهن رجلي بوجع ، الحرك منتفخ ومنگشط

اول ما خليت شاغت روحي..

شمرتة بالگاع ورجعت مددت ، دخل هو علية بأيدة صينية  بيهة كلاص جاي وصمون كهربائي وعلبة جبن .. خلاها كبالي وطلع بدون ما يحجي اي شي ..

جوعانة بس احس حلگي مورم ، اخذت صمونة خليت بيهة جبن ، فتحت حلگي اريد اخلي اللگمة ، وجعني الجلد الي محاوط حلكي ، جروح ويابسة وماكدر افتح حلكي

عفتهة واخذت بس كلاص الچاي ..

جسمي متكسر ونحول مو طيبعي .. رجعت مددت وعيوني بالسگف مال غرفة .. ايدي توجعني ، رجلي ، راسي ، عيوني ، وجهي كُلة

فزيت من نومي اباوع ساعة بـ٣ مدري صبح مدري ليل .. فتحت بردة الشباك ضوة قوي

احتاجيت الحمام بس اخاف اطلع .. ماكدر بعد فتحت الباب على كيف حتى اذا نايم ما يكعد .. طلعت بسرعة متوجهة للحمام 

وكفت على المغسلة اغسل ايدي ، اباوع لوجهي عبارة عن بقع زرگة .. عيوني الاثنين حواليهم ازرق غامق .. وحلگي حواليـه جرح يابس مقيد حركة حلكي مقدمة راسي صاير بيهة فراغ جبير .. اصابع ايدة طابعة بوجهي

حتى قطرات المي الي توگع على ملامحي توجعني .. نزلت دموعي مقهورة على حالي

هسة وين راح ساهر !؟

مسحت وجهي بالمنشفة وطلعت متوجـهة للغرفة .. اول ما فتحت الباب صار بوجهي هو

مكتف ايدة لصدرة ، وساند جسمة بالحايط ..

بعدت نظري منـة ، وسرعت حركتي متوجهة للغرفة حسيت على ايدة لزمت زندي

رجعني وسفط ضهري بالحايط .. اردف بعيون نعسانة

_ صخر :- وين رايحة

_ ابعد مني صخر ..

— صخر : اشش ، صوتج ما اسمعة

قيد ايدي وقرب وجهة من وجهي ، صفن بعيوني بتأمل

ودحس راسة برگبتي .. جسمي كزبر من قُربة اريد ادفعة ما بية اي حيل .. حجيت بوجع

_ ابعد عني صخر ..

_ صخر :- ليش ابعد ، انتِ مو زوجتي هسة لو هم حرام ..

_ سُحـاب : حل ايدي صخر ..

_اششش ، ليش ترجفين هيج تخافين من قُـربي .. لو تحسين روحج خاينة !؟ ما حسيتي بهذا الشـعورمن تنهمزمين ويا وانتِ على ذمتي ..

_ كافي تعبت.. ابعد عني

- تعبتي ، لعد اني شكول سنين انتظر بس ما فرغ صبري هاي مجازاتي !

_ سُحـاب: صفنت بعيونة ذبلانة وحمرة ..رجع دحس راسة برگبتي ويشم بيها قوي ..عيوني دمعت

رفع راسة ، سند گصتة على گُـصتي .. عينـة بعينـي

اردف :-

_ جنت اكول اصبر عليها يصخر ، هي الك قابل ياهو يتجرأ ويناظر لعيونها غيرك ، صبرت صبر ايوب في سبيل اشوفج جزء منييي ، هيج تسوين لييييششش

ولج اتحدى واحد مثلي يحبج ويهتم بكل تفاصيل عيونج

ليش هيج سويتي بگلبي الي يحبج  .. تعبي وياج كُلة تاليتي هيج اتجازة .. ها يا بعد كل تعبي انتِ !؟

قدم راسة لوجهي واخذ شفافي بين شفافة .. صار يتعمق بالبوسة اكثر واكثر ، لدرجة حسيت شفتي السفلى تتقطع بين سنونة .. دفعتة من صدرة لإن تاذيت

ماكو ما يندفع تكول ثور ، كل ما ادفع كل ما يشد ايدة على ضهري لزمت وگرصت صدرة قوي صرخ وابتعد عني .. دفعتة ورحت اركض للغرفة بخوف

سديت باب الغرفة ايدي على كلبي الي احسو راح يطلع من مكانة .. وايدي الثانية امسح بيهة شفافي

شعور اول مرة اجربة ، خوف ممزوج بدمع عيني ..

•يَـتبـع ...

رايكم بهذا الغلاف حلو ، لو نضل على هذا !؟

اشبعكم رومانسية اليوم 🥺😭😂..

باعو اذا صار سحك اعذروني بلشت برواية منقذي واكتب لخاطر كم بنوتة .. الي هم انتو .. من اكتب بسرعة يصير سحك .. حتى اروح اكمل

فيب l'm sorry 🥺😭

وكالعادة رايكم بالبارت

وتوقعاتكم

وتاگاتكم على المشاهد الي تحبوها

وارجع اكرر اذا التفاعل بقى هيج امسح القصة

واروح اكمل منقذي 🥺😭😫😂

الحـلقة التاسعـة عشر ..

بقلمـي مريم علاء 💕،.

(لا تنسوا التعليقات بين الفقرات ، لان هذا تحفيز الي )

..............................................................

حيدر :- رجعت باليل ميت تعب ، ما يصير هيج والله ، اول ما دخلت لگيت زينب كاعدة وتگرضم بروحهة ..

_ ها حيدر فدوة احجي شصار وي سُحـاب!؟

_ اخذها صخر ومدري وين راحو ..

شهكت واردفت

_ زينب : اخاف يذبحها شلون تخلوها تروح ويا !؟

_ يبـُا شمالكم ، ترى صخر يأذي روحة وما ياذيهة .. توجهت للچرباية ورجعت حجيت

زينب لا تخافين ، هو يمهة يجوز يعاقبهة يضربها من حبة وغيرتـة ، تعالي يمي ولا تخافين .. وضربت على المكان الي - يـَمـيٰ

ضميتها بين احضاني ، سمعت صوت شهگاتهة

_ حيدر :- شبيج يا نظر عيني !؟

_ مسحت دموعها وردت بقهر يتبعة شهگات

: ما شفتة شلون يضرب بيهة عمو ايهب شبعت قهر ، ليش محد بيكم حجة شي

_ حيدر :- عيني انتِ ، شنو بيدي هذا الكلب عامر دفعني للمطلخ وقفلة علية ، الا اني لو بيدي ما اخلي يمد ايدة عليهة ..

_ رجعت بجت وضمت راسهة بحضني وكالت

: ما شفت شلون سحلهة مثل الحيوان ، وشلون تتوسل بي .. كلبي تگطع عليها

_ شددت حضني وارفت بحنية

: كافي يروحي انتِ ، هسة هي يم رجلهة واكثر واحد يحبها ، سُحـاب غلطت ولازم تتحاسب .. هسة عوفج منهم هي يمة وانتِ يمي .. شني بوية ترى اغار ..

ضربنتي على صدري وهي تضحك والدمع بعيونها ..

: كافي بيا حال احنـة ..

_ حيدر :- ههههه ، چا يلا تعالي ماكدر انام اذا مو حضنج .حضنتها ورحت بسابع نومة ..

زينب :- فزيت على صوت التلفون.. اكثر من مرة دك وحيدر نايم .. رفعتة صخر المتصل

شهكت ، عزةة ٢٠ مكالمة سترك ربي

ندهت حيدر بفزغ

: حيدر كوم بسرعة كوووم ..

طفر يصيح : ها ها شكو شبيج !؟ طبولنا !

_ رديت بخوف ..

: لاا بس صخر متصل بيك اكثر من ٢٠ مرة ..

اخاف صاير بسحاب شي عفية ..

_ رد هو بخوف مبين على ملامحة

: لو طابين علينة د١عش اشرف

سحب الجهاز من ايدي يتصل بي رجع اتصل هو رفع الخط ورد

_ ها صخر شكو !؟

_ صخر :- حيدر ١٠ دقايق الگاك يمي بسرعة ..

_ خير صاير شي !!

_ تعال ولا تضل تاكل خر*

_ حيدر : دكافي عاد ، شهل لعبان نفس بعدني ما متريك ..

_ صخر : لا تتأخر انتظرك بصف مدرسة البنات ..

_ جايبيي

كمت ادردم عليه ، هذا هم اخو عود يربي

طعم الخر* ضل بحلگي من كثر ما يوكلني

لبست وطلعت بسرعة ، الجو بارد تكص كص واني لابس نص ردن منو ورا صخير ..

اول ما وصلت لكيتة صاف السيارة  قريب على المدرسة.. ركبت بسرعة واردفت ببرد

_ ولككك صخر افتح التدفئة راح اموت

_ صخر ؛- موتت جلاب السود ، تدري شتاء شكو تطلع زنودك !؟

_ حيدر :- كلت بلكت الاكي بنية منا منا .. تنجعب بية واتزوج ..

_ وزينب !؟

_ ما تدري لان لو تدري تكوم الي بالنعال ..

_ افـاا ، بالنعال !!؟

_ چا قابل تكوم حافية ..

صخر :- انلصم واسمعني ، شصار بالبيت !؟

_ اخخخ حسيت روحي سنـدس الخياطة وانقل اخبار .. كول عيني اخبار اي وحدة سعاد لو نرجس .. لان هن هالايام محتلات الساحة ..

_ صخر بعصبية :- انتِ ليش ما تبطل اكلان خر* ، تحجي لو اخلي راسك بالحذاء !؟

_ اوي شبيك عنيف ، ماكو شي يمعود عمك حابس بتـول ﯠ باجي كريـمة وكاعد بالباب مال غرفة ..

_ هذا شبي عمك ، يراهق تالي عمرة !!؟

_ وعلي هو راد حجة حتى يتزوج باجي كريمة ..

_ صخر :- مو بكيفة هي ، ..

_ ٲჂ̤ والله يا خوية العائلة صايرة فلتانة من بعدك ، صدك لعد وين سُحـاب..

زفر نفس بعصبية ورجع راسة للكشن

_ بالشقة ..

_ حيدر :- خوما اذيتهة صخر !!؟

_ شنو تريد اسوي ، كلبي ما جاي يبرد

_ احس بيك بس على كيفك وياهة ، اتذكر حبك الهة ..

رفع راسة ورد بحرگة كلب وهو يضرب على صدرة

: ولككك هو اني شنو طيح حظي غير هذا الكلب ابن كلب ، ولك كل ما اريد اسوي شي تستوقفني نظرات عيونها البريئة .. ولككك كلبي بي حرگة وما راضية تطفى .. لابية ااذيها ولا بية اكسر بيها

_ استغفر الله ، على كيفك وي نفسك يخوي ..

_ رجع رد بعصبية وعينة نگلب لونها للاحمر وشرايين راسة بينت ..

: ولك ماكل وحل ، تعرف شنو تحبة .. تعرف شنو اكو احد غيري بگلبها .. ولك اكل بروحي اكل من اتذكر شلون جان لازم ايدهة

لو من اتخيل تقرب الهة .. روحي داتحترك حيدر ومحد حاس بية ، حتى هي ..

_ حيدر : كول يالله خوية ، طفلة وغلطت ..

_ رد بعصبية وهو يضرب على الستيرن

: لحد يكول طفلة ، محد طيح حظها غير هالكلمة .. رسختو بعقلها هذا الشي وراحت سوت هيج ، لان كالت اني طفلة محد يحجي وياي .. ادري بيها طفلة بس مااريد احسسها بهذا الشي ،. اريدها بنيتي ، طفلتي اليي حيدر

ولكم هاي تخصني .. افهموني عااد ..

_ ها هي ، بس اعصابك راح تموت .. يابة غلطت مراهقة وما تعرف شنو تتصرف ..

بس هي هسة ما عندهة غيرك صخر ..

انت هسة سندهة ، محتاجتك اكثر شي ..

خفف ايدك عنهة ، وانطيهة كلبك ولا تنطيها الضرب والاهانة ، حسسهة بغلطهة بس مو بالضرب ، ترى الضرب عمرة ما نفع ..

مسح وجهة براحة ايدة يهدي من روعة

التفت علية واردف ..

: يلا ها هي  ، شوفني عرض جتافك

_ فتحت حلكي بصدمة ..

: ولك اجيتك بعز البرد والساعة بـ٨ الصبح

يعني حتى ابو الكيمر بعدة ما طالع ..

تالي ترجعني مشي ، حرام عليك ..

_ انزل خر* بيك .. اروح اجيب شي لرجلها ..

_ من هي !؟ بس لا سُحـاب!؟

_ ايي ..

حيدر: لا بربك صخر بس لا ...

هز راسة " بأي "

_روح يابة روح ، مثل ما وصيتك صخر .. هالله هالله بسحابك ..

شخط السيارة وعاف التراب يحضني بية

هو اني شمحصل منة غير بس الهيبة

يعني هيبة من يكولون حيدر اخو صخر

احس عندي صيت. رجعت مشي وعظامي يبست من البرد .. يوكلني خر* ويطلعني بالبرد ويرجعني هم ..

بعدني انزع بالنعال ( مكرم القارىء)

اسمع صوت عمي يصرخ ، وحاتم يرد علية

_ بس هذا مو حل يابة

دخلت مفزوع واشوف باجي كريـمة وبسدهة بتـول وشيخ العشيرة مشـعل كاعد ..

وحاتم واكف فوك راس باجي كريـمة ويحجي بحرگة كلب ..

بتول :- فزيت على صوت ونين اُمي وهي تهذي باسم سُحـاب

تقدمت يمهة واردفت بحنية

لا تخافين عليها عيني انتِ ، هي يم اكثر شخص يحبهة ، يجوز يعاقبهة بس ما يحرمج منها

ردت بنحيب ..

_ كريـمة :- ولج مشتاقة الهة ، سودة بوجهي اخر ايام ثكلتها عليهة .. وينج يمة سحيبة ارجعي الي

بتـول:- فجأة وبدون ٲჂ̤ مقدمات دخل علينا عمي ايهب اردف بعصبية

_ بسرعة لبسن عبيجن وتعالن للصالة ..

ضلينا وحدة تباوع بوجـه الثانية وخايفين

جبت العباية لأمي واني كذلك ..

توجهنا للاستقبال ولگينا الشيخ مـشعل كاعد .. لزمت كلبي بخوف هذا ما يجي بس بالمُصايب ..

اول ما كعدنا اردف عمي

: مثل ما تعرفين بنتج نزلت.روسنة لذلك حتى اطم عارهة ، راح اعقد اني عليج وحاتم يعقد على بتـول..

اردف حاتم بفزع

_ شنووو ، هذا مو حل يابة .. البنت لا اني هاويهة ، ولا هي هاويتني ..

_ هذا الموجود عندي .. عجبك اهلا وسهلا

لا اضرب راسك بالحايط ..

_ حاتم :- شنو هذا الحجي يابة ، بيا زمن احنة !!!؟

_ ها هي ما رايدهة انطيهة لجبار ابو العرك

هو قبل فترة طلبهة مني ..

_ صـدددك تحجي انتَ يابة .. بنت اخوك هايي

بتـول:- كلبي نغزني ، يعني حاتم ما مفكر بية

انصعر كلبي من القهر .. بس مااكدر احجي

رجع عمي كال :-

ها حاتم ، تستُر على بنت عمك لو ارد الجواب لـجبار !؟

طلع حاتم ورگع باب الصالة ورا بعصبية ..

كالت اُمي بصوت مليان قهر وعيونهة مغرغرة بالمدموع..

_ كريـمة:- لو تموت يا ايهب ما اصير على ذمتك سمعت ، وبناتي اخذهن وارجع لبيت اهلي خووش

_ ايهب بعصبية :- صوتك يمررة ..

اهـااا چا اذا هاوية الروحة عند اهلج .. روحي وحدج لان البنات راجعات النـة ..

_ الله لا يشوفك العافية

سحبتني من ايدي لخارج الصالة ، امشي وكلبي معصور يعني حاتم ما يحبني

يعني راح انزف لغيرة ، نزلت دمعة حارة على خدي ..

سدت باب الغرفة امي والقهر تارس روحهة ..

اسمع زوجة عمي شلون تصرخ برة

وتعد وتصف على عمي اذا يتزوج عليهة

_ فليحة ( زوجة ايهب ) :- تريد تروح تتزوج هاي ام السحورة روححح .. بس مال ازوج ابني وحبيبي لهاي الكلبة لووو اموت

هي اختهة على ذمة رجال ونهزمت وي واحد

على جثتي سمعتتت ..

ضل عمي يرادد ويصرخ عليهة وهي ترد علية بـ١٠ وحاتم يهدي بيهم ..

اباوع على امي صرخت .. الحگيني بتول

وكعت بالكاع ..كمت الهة مفزوعة واصرخ

— الحككك حاتمممم امي راح تموت

بتـول:- دخل علينا حاتم ورا حيدر يصرخ

شالهة حاتم طلعت اركض وراهم

واحس كلبي راح يوكف من القهر، ليش هيج صــٰۨار بينة .. اسمع عمي يصرخ على مرتة سد الباب حيدر واجة ويانة ..

اول ما وصلنا للمستشفى ، دخلوها الولد للغرفة .. وكفت بالممر ابجي حسيت على ايد على كتفي

رفعت راسي ، حاتم اردف بهدوء

_ لا تخافين عليها ، باجي تحبكم ..

_ بجيت ورديت : حاتم راح تروح مني ..

_ اسـم الله ، مابيهة شي لتخافين ..

طلع حيدر من الغرفة .. اردف بتعب

: مابيها شي يبوي سكرها صاعد واغمى عليها  ..

_ بتـول ببكاء : وينها حيدر ..

_ روحي الهة بذيج الغرفة

بتـول:- دخلت عليها ، سودة بوجهي ذبلان وتهذي بإسم سُحـاب.. كعدت يم رجلها ابجي بصوت ناصي .. سودة بوجهي يا عيني

كلبي نفطر من القهر ، على شنو ابجي .. على حب פـياتيہ الي ميحبني ، لو على اختي ، لو على حال امي وروحي..

حيدر :- اباوع على حاتم يفتر بقلق وعيونـة حايرة .. اردفت .. حاتم

تقدم ناحيتي وهو يشبك اصابعة ويسرح بيهن لحيتة بتوتر ..

_ هـاا حيدر !!

_ شبيك خوية !؟

_ مادري حيدر ، مقهور وابوية صرع روسنة .. يريد ينطي بتـول لجبار العرگجي .. ويريد يفرض روحة على باجي كريـمة.. لو هاي المكرودة سُحـاب الي مدري وينهة ..

_ انتَ ليش ما توافق على بتـول.. تراها ما تتعوض خوش بنت

_ حاتم :- ادري حيدر ، شني قابل ما اعرف بنت عمي .. بس ما اريد اوعدها بشي مو بأيدي.. ما اريد اأملها بشي .. بالي يم غير انسانة حيدر ..

_ حاتم انتَ تحب !؟

_ مسح وجهة بعصبية ورد

: اي حيدر ، والقهر واعدها بزواج وما اكدر ارجع بكلمتي .. احبهة .

_ زين عندي حل

_ وهو !!؟

_ بس اعقد عليهة ، وبعد فترة افسخ

يعني بس على الورق .. وانت اتفق وياها

_ حاتم :- شلون حيدر ، شني البنت ما عندها احسـاس ، هيج راح اجرح احساسهة

— لعد شتسوي حاتم ، ماكو غير هذا الحل

چا احسن تروح لـجبار !؟

_ استغفر الله ....

دخلو علينة الولد ، بعد  ما رجعت ماما لوعيها .. اردف حيدر .

_ باجي ادري مو وكتها ، بس الموضوع مهم ..

_ حاتم :- باجي اني قررت اعقد على بتول ..لا تخافين عليها ..

_ كريـمة بصوت تعبان :-

لا يمة شنو اجبار هي ، انسى السالفـة ..

وامك ...

_ حاتم :- لا تحجين هيج باجي ، هي بنت عمي واني سندها .. منو الهة غيري . بإدارتي وعيونج ..وامي - يـَمـيٰ انتِ بس ثقي بيـة

بتـول:- اسمع بالكلام وابجي ، مدري ابجي مدري افرح

بتـول:- شوي صارت احسن طلعنة من المستشفى.. كاعدين بالغرفة خالة راسي بحضنها .. سألتها جدتي

_ هـاا يكريمـة ، شنو قرارج !؟

_ اردفت بصوت تعبان :- قراري واحد

لان لو اموت ما اخذ رجال من بيتـة . روح حارث لهسة احسهة حواليني .. لهذا راح ارجع لهلي .. وبناتي امانـة عندكم  ووليدي

بالكُم عليهم

كمت بسرعة من حضنهة واردف ببكاء

_ لا ماما ابوس ايدج لا تحجين هيج

_ كريـمة:- ماكو غير هالحل عمج سدهة بوجهي ..

_ بتـول:- واحنا منو النـة بعدج مامـا !!؟

_ باجيتج وين راحت ، جدتج ، واختج ، وصخر

وحاتم .. كلها يمج بنيتي

ما كان اكو غير هذا الحل ، اتفقت ويا حاتم ياخذها بعد ما يعقد علية ويرجعها لديرتهـة

سُحـاب:-

ضليت يومين على هالحال .. بيومها كنت نايمة انفتح الباب ودخل اردف بعدم اهتمام

_ سُحـاب تعالي وراي للصالة ..

_ كمت بعدة وايدي وكل شي بية يوجع راسي

من وصلت جان كاعد ومخلي راسـة بين ايدة

رفع راسة واشر الي بعيونة اگعد گبالة ..

اردف بصوت هادئ

_ لازم نحل كل شي ، هذا الي سويتي راح تدفعي ثمنة .. عمج هسة متحلف بيج ويدور عليج .. اكدر اسوي الي يريد يسوي .. بس راح انطيج اخر فرصـة بس بشرط تحجين كل شي ..

_ بدون ما ارد هزيت راسي بأي

_ رجع كال

: تقرب منج !؟

_ لا

_ اخذ جنسيتج ووين راح !

_ هي جانت بأيدة.. راح يجيب شي ناكلة ..

_ ليش نهزمتي !؟

_ جنت خايفـة ، وما رايدة نارك ..

_ بس ناري ما تطفة ..

_ رديت بخوف : لهذا اني رحت ويا لان اخاف منك ..

_ صخر :بس !!؟

_ اي شنو بعد

_ يعني مو لان تحبي ..

_ سُحـاب:- نزلت راسي بدون ما ارد ..رفع راسي بأطراف اصابيعة بهدوء

_ احجييي تحبي !؟

_ عوفني صخر ..

— صخر:- كلمة منج ، كفيلة تطفي هاي النار

بس انت ما عندج اسلوب .. وما عرفتي شلون تخليني انسى كل شي ونبدي صفحة جديدة

تحملي ناري منا وجاي

خلص النقاش ، روحيي لغرفتج ..

تركتة وكمت للغرفة ، بس سديت الباب بجيت بصوت مكتوم .. احب ساهر ما اريدة

ضلينا يومين هو بس يفوت ينطيني اكل ويطلع .. حتى من يطلع خارج البيت ما احس بي كضيتهة نوم .. ومن اكعد اضل ابجي ..

بليل غطيت روحي ونمت ، احس جسمي كُلة يوجعني .. حسيت علية من فتح الباب .. تقدم ناحيتي بدون اي مقدمات ..

شال اللحاف ودحس روحة بگربي ، جسمي تشنج من الخوف .. لف ايدة بطني وقدمني لصدرة .. ما صديت وجهي .. خايفة وريچي يبس

حسيت على انفاسة الحارة، وهي تضرب اذني وهمس

_ ما اكدر اعيش بدونج .. تفهمين هذا الشي لو لا اذا رحتي لغيري معناهة اموت ..

_ رديت والرجفة بصوتي خايفة يضربني

:شلون تريد مني احبك ، وانت مقيد روحي!؟ شلون تريد مني ابقى وياك وانتَ هيج اطباعك ! وياك ما احس غير بالخوف ..

_ ليش تكسرين كلبي بهذا كلامج !؟ليش مكتوب علية الحزن حتى وي الانسانة الي احبها

_ محد جابرك تحب انسانة متريدك ..

عصر خصري بايدة وهمس بصوت ناصي ومقهور

: بس هذارالگلب هو يريدج ، والله ياخذة لان هيج يسوي بية

_ طرقنا مختلفة صخر ، ما راح ننجح بأي علاقة ‏

_ حجة بيأس: احبج افهميني عاد لخاطر الله..

سُحـاب:- دفعتة مني بسرعة وكمت اريد اطلع من الغرفة ، وجودي ويا يوترني .. توني افتح الباب

سدة هو وصد جسمي علية .. وقيدني بين ايديه

حجيت بخوف :- ابعد عني صخر ..

_ ليش !؟ متريديني فهمينييي ليششش

_ دفعتة من صدرة وحجيت بصوت عالي

: لإن ماااحبككك ، فكنيييي من قيودك صخر

بعدني ما خلصت كلامي .. طبع على خدي راشدي لاهو خفيف ، ولا هو قوي .. بس روحي شاغت بسببة لان جروح وجهي بعدهة ما التمت

صرخت بوجع وايدي على خدي بصوت عالي وبحركة كلب : كافيييي عااااد كافييييي .. كافييي ضرب كافي همجية كافي راح اموت ..

نظرات عيونة تحولت من العصبية للقلق صار يتأمل ملامح وجهي واني اضرب بي على صدرة كل قوتي

وادري هاي ضرباتي الخفيفة ما راح تأذي..بس المهم ابرد كلبي .. راد يسيطر على حركتي ماكدر

اخر شي ايس ، قيد ايدي وضمني لحضنة

ضليت ادفع بي واني ابجي .. اردف هو

_ كافي يا حرگت روحي..

ضليت ابجي بين احضانة بوجع .. رفعت ايدي وبادلتة الحضن ، محتاجة هذا الحضن .. يمسد على راسي بايدناتة الخشنات ، وبعـد فترة صمت .. رفعني من صدرة . حضن وجهي بايدة وصفن يتأمل بملامحي

جر حسرة قوية .. اخذ ايدي حضنها بين راحة أيدة

توجهت ويا امسح بدمعي ، كعدني على الچرباية راردف بصوت يكسر الگلب .

: نامي يا راحتي وتعبي نامي ..

تمددت بدون مارد ، جيت اصد وجهي للحايط .. مدّد بصفـي .. سحبني وجهي صــار بصدرة .. عُطرة تخلخل لأعماق انفي .. مَسد على راسي ويشم بشعري قوي ..

كعدت الصبح ، اباوع على ملامحة الحـادة .. عيونة من الله تخوف خو من يعصب ويرفع الحاجب .، يووو اتمنى ما اطلع گبالة بذاك الوقت .. خشمة اصغر من خمشي عليمن طالع مـادري .. حواجبو عبالك محفوفات .

وكان من دون ولد عمامي كلهم ، ما عندو كفشة ، يعني ما يحب الشعر العالي .. دائما بس رؤوس شعر براسة .. كلو صفر يزين

والوحيد الي احس الشوراب تلوك الـة

بي هواي شغلات حلوة ، ما يرد احد محتاجة

غيور علينا كُلنا لكن اني كانت غيرتة شديدة

كل الصفات الحلوة بي ، بس يضرب دوم من يعصب يضرب .. اكثر من مرة كان يجي للبيت متعارك وي الجيران ، وصراخة يملي المنطقة ، اخر شي العالم صارت كُلها تخاف منـة .. ومحد يندك بي ..شكد حلو لو يبقى هادئ مثل البارحة

فتح عيونة ، بسرعة غمضت عيوني ..

طبُع بوسة على عيني ، والثاينة على خدي الايمن .. كلبي رجف بس اخاف افتح عيني

فتحت عيوني شفتة توجـه للشباك يمطي بجسمة ،. فتح باب الغرفة وطلع

يمة لزمت كلبي ، صاير دمام من الخوف هذا شبي ..بس حسيت علية دخل للحمام غمضت عيوني اريد ارجع انام ماكو .. شعور حلو بداخلي . كمت من الجرباية لخارج الغرفة

وكفت كبال باب الحمام انتظرة يطلع ..

فتح الباب باوع علي بطرف عينة وكال

: صباح الخير

_ صباح النور عفتة ودخلت غسلت

توجهت للغرفة اريد اكمل نومتي ..سمعت باب الشقة نفتح توني اريد انام صرخ هو من المطبخ

_ صخر :- وييين ، تعالي سـوي ريوك ..

_  توجهت للمطبخ ، اول مرة اشوفة

مطبخ كامل وبي ميز طعام ، عشتو بغدادي عود .. دخلت وسألته

: بيض !؟

_ لا جبت كيمر وكاهي ، وبالفرن الصمون

سوي جاي بس

_ تركتة وبلشت احضر الريوك ، كملت وخليت كبالة كلاص وصبيت جاي .. اردف هو

_ جيبي كلاص وتعالي اكُلي ..

_ سُحـاب :- ما اشتهي ..

_ ضخر :- انـة شگلـت ، بسرعة كلاص جيبي وتعالي ، ..

_ توجهت للـسنك اخذت كلاص ورديت كعدت .. حط الماعون بالنص وبلش ياكل

اول صمونة ، ثاني صمونة .. شني بوية اني نص صمونة واحس راح اتقيء .. معدتي ما تسمحمل بس كتل ..

اول ماكمل ، نفض ايدة واردف

_ الحمد لله ، سُحـاب حضري روحج الاسبوع الجاي تكمل كل مراسيم العرس ..

ذب القنبلة وگام ، طلع وعافني حايرة بزماني

معقولة خلص راح اعيش ويا بغرفة وحدة ..

احس روحي بحلم ، ولساني عجز عن النطق

ما اريد شي بس حضن اُمي الدافي

• يـتبع ..

اليوم البارت ٢٠٠٠ كلمة .. والله الي تُگلي قصير احركهاا 🥵.. لا جد اليوم • تَـ؏ــبت بكتابة البارت ..اريد جزاة تعبي شي حلو اليوم .. واذا شفت التفاعل حلو على البارت الطويل بعد اسوي هيج

واكيددد ما ننسى التاك على الانستا على اكثر مشهد حبيتوا

احبكم

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

الحلـقة العشرون ..

بقلمـي مريم علاء ..♥️

( لا تنسوني بالتصويت ، والتعليق بين الفقرات ⭐️)

سُحـاب :- كال كلماتة الاخيرة طلع وخلاني حيارة بزماني  ، حيرة ، خوف ، رهبة .. من افكر احنا الاثنين الرويسية راح ننجمع بغرفة وحدة .. كلبي دگاتـة تتعالىٰ

بتـول:- كاعدين بالغرفة اني وماما وباجي مروة وجدتي .. دخل علينا عمي ايهب وكال بصوت عـالي

_ ها يـكريمة شنـهو قرارج !؟

_ كريـمة:- قراري هو اروح عنـد اهلي وناسي ..

_ رد بضجر :- هذا هـو ، وجهج ما ايريد اشوفـة بعد .. ولا حس بالج اردج بعد فترة

اشبعي منهم  لان بعد ما تشوفيهم ..

طلع من عندنا ، بسرعة حضنت اُمي وبجيت

اردفت باجي مروة

مروة : هذا احسن حل سويتي كريـمة ، ولا تشيلين هم  بـس يرجع صخر يلاكي حـل..

_ كريـمة:- الله كريم خيتي ..

ثاني يوم واگفـة دخل عمي علينا تسـالموا كال عمي ..

: مثل مالكُل يعرف . سُحـاب عقد عليهة صخر .. اما بالنبسة لكريمة راح ترد لديرتهة وهذا السبوع يتم عقد ، بتول وحاتم .. واخلص من مشاكلكم..

اردفت جدتي يحزن : صاير طاغي يبن بطني

_ رد هو بصوت حاد :- لا صاير طاغي  ولا شي .. بنات حارث انـة طلعت عينهن بدلالي ، موش هاي سمية تزوجت وعي ما لاعبة بذيلهة عبنها تربات صخر ..لكن السبب اني

- بتـول :- تركنا وطلع عصبي حاتم اخذ امة وراحو ورا  ، شسويتي بينا وبنفسج يـسحُاب ..

بعد فترة دخل علينا حاتم وكال

: بتول خلي شي على راسج ، اجة الشيخ يعقد النة ، طلع مني واني احس كلبي راح يطلع من الخجل .. لبست الشال وطلعت ورا

لكيت باجي مروة خالة الكرسي يم باب الصالة . واكفة يمة اشرت الي اكعد هنا

امي واكفة يم باجي تسمع بدمع عينها

اول ما كعدت اسمع صوتـه من يحجي وي حاتم ، بعد ما كال نعم قبلت رجع ردد نفس الكلام ..

رديت وبصوتي رجفة :- نعم قبلت ..

هلهت باجي مروة .. تقربت من يمي ماما تبوس بية .. وعيونها متروسة دمع

اخذتني باجي مروة للـغرفة وسدت الباب واردفت : اسمعيني يمة بتـول اريد منج تبيني  فرحانة ، لا تخلين هذن الحقيرات يتشمتن بيج .. وبـسحابة حبيبة كلبي 

كومي لبسي وكشخي ، وراح اجيب يمج زينب

تمكيج الـج خوش ..

_ تمام ، باوستني وطلعت فرحانة .. دخلت علية رينب تهز كتف .. اردفت بضحكة شريرة

- زينب :- ايييي عميي ، افرحي اخدتي محبوبج منهم .. عمي لو هيج الزواج اجبار لو مينراد

_ بتـول:- هههه ، مادري اذا افرح لو ازعل

ولو هو مو وكت فرح ابد ..

_ زينب :- اي والله ، كل ما اريد اضحك كلبي ينغزني عليها.. اتذكر سُحـابـة .. هواي مشتاقة الهة .. المهـم هسة عوفج من كل شي .. تعالي اللعب جولة بيج الـة اخلي حاتم اليوم ينهزم من الخرعة ، ءء اقصـد من جمالج

_ بتـول:- بلشت بية .. معروفة زينب بمكياجهة الحلو .. اصريت عليها ما تخلي هواي .. ابد مالي نفس افرح وسحاب مو وياي ..

اول ما خلصت

- صوفرت وضربت أيد بايد وكال

: عمييي شنييي ، هذا مو طوخ وهـجّي طلعتي ، اخخخ الله يعين كلبك يحاتـم ..

بدت تختار الـي ملابس ، طلعت فستان مال طلعة مستور ، لبستـة ولفيت شالي بإهمال

شوي وسمعنا صوت هلاهل زوجة كاظم ابن عمي .. نحبها لان هي اطيب وحدة ييهم

هي وحاتم ..

كلبي احسة وكف من الخوف، يماايي سميت باسم اللــهہٰ  وطلعت وي زينب

اول ما طلعت جانو كلهم متجمعين بالصالة زوجات ولد عمي ،. واطفالهم وزرجة عمي وحاتم واُمي وباجي مروة .. اردفت زوجة ابن عمي كاظم .. غادة :-

يلا يعرسان ، شنو ما تلبسوا حلقات ..

كومتني من يم ماما  وكعدوني يمة لمحت وجهة طالع يخبل مخفف لحيتة وشواربـة ..

هذا الشي زايدة جمال تقربت غادة وخلت الحلقات بايدنة رفع عينة علية .. اخذ ايدي بين ايدة ، ايدي  ترجف من الخوف ..لبسني الحلقة ورفع ادية

بخجل لبستة الحلقة .. صارت الهلاهل تتعالىٰ اردفت بيبي

: ولك حويتم ، يالغبر چا انـة اعلم بيك

حبها ولك ..

ضحك وكال :- صار جدة ، بس بوسة !؟

_ الجدة ؛- بس بوسة يمصگوع ..

_ ضحك وكام على حيلة ، سحبني من ايدة لصدرة وطبع بوسة على خدي كلبي رجف بخوف ، حسيت خدودي صارت نار

باوعت علينة زينب وكالت

:اخذها حاتم وفوت لغرفة الحجية ..

ما كال لا ، باوع عليه وكال

كومي يلا ..

بس دخلنا اردف ..

مبروك علينا

_ بتـول:- رديت بخجل

يبارك بيك ..

ضل ساكت واحسة خجلان اكثر مني ..

اردف بعد فترة سكوت طويلة

_ عندي وياج موضوع مهم ..

توني اريد احجي صاحونة .. اردف بهدوء

غير مرة نحجي ..

بعد فترة واكفة بالمطبخ دخلت علية باجي واردفت ::

ماما بتول تركي كل شي من ايدج واطلعي لحاتم يريد ياخذج المكان ..

رديت باستغراب : وين باجي !؟

_ صعدي بدلي وهو يكول الج يلا ..

تركتها وصعدت للغرفة بدلت بسرعة ولبست عباتي ونزلت .. جان كاعد بالهول يسولف وي جدتي .. من شافني كام على حيلة وابستم

_ شلونج !؟

_ بخير وانتَ !

- زوين ، حك لحيتة بتوتر وضيق عيونة ، قرب راسة من اذني وهمس ..

— شعرج طالع بوية ، غطي ..

_ ايي ، سحبت روحي من يمة عدلت شالي

ابتسم وكال .. يلا

اخذ ايدي بين ايدة وطلعنا اول ما ركبنا كال

_ احزي وين ماخذج !؟

— رديت بابتسامة.. وين !

_ لسحُـاب ..

- رديت بفرح ممزوج بحرن ودموع

صـدوڪَـﮧ حاتم ،.

_ وعيونج ، صخر خابرني وكال جيبها وتعالو ..

_ ليش ما اخذنا ماما ويانة ..

— حاتم :- ما ترهم ، ابوية بس يعرف المكان يهد على سُحـاب..

_ وكفنا كبال عمارة قريبة على مدرستنا ..

دك باب الشقة فتحة صخر بالفانيلة ..

رد الباب واردف بصوت مسموع

_ ادخلو بوية هلا بيكم ..

فتح الباب حاتم ..تسالموا صد وجهة علية وكال

_ صخر :- شلونج بتول !؟

_ الحمد لله صخر ، انت شلونج

_ زين زين ..

_ باوع علية بضحكة واردف .. ذيج وينهة بالغرفة اخذي راحتج .. عفتهم ودخلت عليهة مشتاقة لطولها الحلو فتحت باب الغرفة عيونهة بالسگفج بس شافتني كامت على حيلهة .. صرخت بوجع بس وجهة بي ضحكة ..

تقدمت يمي تبوس بية ، وتبجي وتحضن

اخذتها للجرباية ابجي على بجيهة ..

اباوع بوجهة صاير خريط.

شبي وجهج سُحـاب ؟؟

_ صخر ، باعي حتى رجلي جواني

عوفي  كل شي وكولي الي ماما شلونها !؟

_ ماما حال الضيم حالهة ، تبجي كل يوم عليج ..

ردت ودمعها على خدهة :

سودة بوجهي..

_ ما كلت الج ، عقدنا اني وحاتم

_ سُحـاب بفزع : عليج العباس !!؟

_ والله عمج جبرنا على كل شي..

_ ضحكت بقهر وكالت :- والله لو ما حالتي وضيمي جان اشتغلتج تصنيف بس ما بية حيل ..

فرحانة بتول !؟

_ بتول:- لا ، انت ماكو .. ماكو ٲჂ̤ فرح ..

_ ماما بعدهة زعلانة مني !؟

_ بالعكس ؛ كل يوم تبجي تريد تشوفج ..

_ الله كريم ..

_ بتول :- شلونة صخر وياج !؟

_ اليوم كال العرس الاسبوع الجاي ..

يريد يسوي تحليل دم حتى نكمل عقد المحكمة..

- ليش ضايجة سُحـاب ، متلاكين احد يحبج بكد صخر ..

_ بس اني ما احبة بتول ..

_ وهو ميحب غيرج ، انسي الماضي وفتحي ويا صفحة جديدة ، ترى زين من عندة مخليج عايشة لحد الان ، واحد ثاني يذبحج والله ..

_ اخاف منـة ، بتـول صخر عصبي وما راح اعرف اعيش ويا ..

_ بس يحبج سُحـاب ، انتِ تغيرين بي كل شي

_ ابو طبع ما يبدل طباعة ..

عوفج من هذا الحجي ، منو اجة وياج !؟

_ حاتم ، كاعد برة يم صخر ..

_ اريد اسلم علية ، بس استحي شلون اخلي عيني بعينة ..

_ بتـول:-  هو اجة يريد يشوفج ، كومي عاد

...

حاتم :- اباوع عليه كعد واخذ باكيت الجكاير

خلة الچكارة بين شفافة ..

رديت بصوت حاد :- شنو ماكو تفضل !؟

_ صخر :- وانت غريب !؟

_ لا بس حلو من تكول تفضل ..

رد والجكارة  بين شفافة :- تفضل استاذ حاتم

جاي كهوة !؟

— مشكور ..

_ صخر :- مبروك على العقد

_ ماكو داعي مبروك  ، بـس تهدء الاوضاع افسخ..

— صخر :- ليش ، ولك يا عار بتول ما تتعوض ..

_ مواعد الي احبهة صخر.. واني اليوم راح اصارحهة بهذا اشي

_ صخر : عااار وتدفر النعمة برجلك ، الة تصير مثلي يلا ترتاح .. بعدين ابوك شبي تخبل علينا !؟

_ مادري صخر ، كل يوم نصبح على عيطة

بس انتِ تكدر تهدي ..

_ رد وعينة بالتليفون ،:هو ان شاء الله هذا الاسبوع اجيب سُحـاب واجي  حتى نكمل مراسيم العرس ..

— صدكك ، راح تمم زواجكم ..

_ ايي ، الحمد لله ..

_ حاتم :- مبروك خويي ، احسن شي تسوي حتى تسد حلوگهم .. بعدنة نحجي طلعت بتول بعدهة سُحـاب تعرج .. اردفت بتعب

_ شلونك حاتم !؟

_ هلا سُحـابة ، انتِ شلونج !؟

_ الحمد لله بخير

_ حاتم :- شبيهة رجلج .. بعدها ما حجت نط صخر وكال ..

خويي حير بضيمك وعوف مرتي علية ..

بتـول :- يلا لعد احنة نرد للبيت ..

_ صخر :- ليش ابقو على العشة ما ضل شي ..

— حاتم:- لا ما كدر ، ما كلنا لاحد طالعين ..

_ بتول :- يلا حبيبي ، بالج على نفسج..

بس طلعنا اول ما ركب حاتم اردف

_ ها نحجي بالموضوع!؟

_ براحتك ..

— باعي بتـول ، اتمنى تفهميني صح

مثل متعرفين اني طالب جامعة ولازم امر بعلاقة ، مريت بعلاقة حب .. وبنت صار سنين احبهة .. ومواعدها بالزواج .. ما اريد اجرحج بس هذا الزواج فرض علية وعليج ..

كلت من تهدء الاوضاع نفسخ بس ..وانتِ الج الحرية بكل شي ..

_ بتـول:- كل كلمة من عندة مثل السچين بكلبي ، يحجي ببرود وبجدية .. اريد اصرخ بوجهة واكول الة ، بس اني احبك.. بس اخاف من ردة فعلـة .. سكتت ورجعت حجيت واني احاول اسيطر على روحي..

_ بتول :- اني هم كلت هيج ،احسن الي والك ..اني هم اريد ارجع لدراستي ومستقبلي

_ حاتم :- ان شاء ارجع احاجي صخر ، وارجعج للدوام ، اشكرج لان تفهمتي الموضوع..

_ لا ، بالعكس انتَ ابن عمي واخوية

، واتمنى الك كل الخير

• يَتبع ..

اليوم البارت قصير ، بس وعيونكم مريضة وبطني لهذا باجر او بعد باجٰࢪ اعوضكم ببارت ٢٠٠٠ كلمة

احبكم 🦋♥️.

لا تنسوا التصويت بـ ⭐️

حتى بس يوصل ٨٠ تصويت انشر البارت الي بعدو