الفصل الخامس

رواية انت حلالي وانا حلالك الجزء الخامس 5 بقلم نور القرآن انت حلالي وانا حلالكرواية انت حلالي وانا حلالك الحلقة الخامسة عند حور كانت لسا الساعة 8….. خلصت صلاة العشاء وقامت وهي لسا لابسة إسدال الصلاة ولسا هتمسك المصحف لقت التليفون بيرن برقم غريب اتجاهلته وكأني مفيش حد بيرن وفتحت مصحفها وبدأت في قراءة الوردالخاص بها بعد صلاة العشاء

( حابه اقولك حاجة حلوة اوي يجميلة 🤗 انتي ممكن تعملي ورد جميل اوي ليكي لو عايزة تختمي القرءان كتير انك بعد كل صلاة تقرئي صفحة اتنين تلاتة خمسة الي انتي تقدري تقرئية هتلاقي نفسك بتختمي بسهولة اوي جربي 🩵🫵) التلفون رن تاني حور وهي بتمسك التلفون بتردد انها ترد : ممكن يكون حد من البنات مش معاها رصيد انا ارد ولو طلع حد غريب اقفل علطول… حور ردت علي الرقم وفضلت ساكتة مستنية حد يتكلم…… عند يوسف……

. بعد ما حور مردتش علي اول مرة اتردد انه يرن ثاني بس قال هرن مرة كمان مردتش هكلم مصطفي او عمي اطمن منهم….. يوسف رن تاني وكان خلاص فقد الامل انها ترد كان خلاص هيقفل لانه مفيش رد فجأة لقي حور ردت علي مكالمته…..لسانه اتلجم معرفش يقول اي طب يفتح الكلام معاها ازاي….. يوسف اتنهد واتكلم بصوت هادئ ورزين : السلام عليكم ورحمة الله وبركاته.

حور سمعت الصوت وهي متأكدة انها عارفة الصوت دا وشكت في يوسف لانه اول لما اتكلم حست ان قلبها صوته بقا مسموع حور بهدوء وتوتر خفيف : وعليكم السلام…. مين ؟ يوسف بهدوء : انا يوسف يحور.. عاملة اي ؟ حور شكها بقا أكيدة وطلع هو فعلا…. مش عارفة هو ازاي جاب رقمها طب باباها عارف ؟ حور بتوتر وكسوف خفيف : الحمد لله بخير .. انت عامل اي ؟ يوسف بابتسامه بسيطة ظهرت علي وجه :يارب دايما .. انا في نعمة من الله الحمد لله.

حور توترها خف شوية : دام الله حمدك. حور وهي نفسها تسأل السؤال دا لعل توفرها يقل… حور بصوت منخفض : هو انت قولت لبابا انك هتكلمني… يوسف بابتسامة لانه عارف انها بتفكر في كدا: هو انا اكيد مقولتلوش دلوقتي ان انا هكلمك لكن انا اخدت منه الرقم فطبيعي انه عارف اني هكلمك اومال اداني الرقم ليه حور تنهدت بارتياح قليل وبعد كدا سكتت مش عارفة تقول له اي..فجأة سمعت يوسف بيسألها يوسف : عملتي أي في الامتحان حور

بحماس و تناست توترها شوية: كان حلو اوي وحليت فيه كويس الحمد الله . يوسف بابتسامه وفرحة لحماسها : عموما انا موجود لو محتاجة اي حاجة كمل كلامه بهزار استغلي فرصة انك معاكي مهندس كان بيطلع الاول على دفعته الخمس سنين… حور باعجاب واتكلمت بابتسامه : ما شاء الله.. وكملت كلامها تجاريه في هزاره بس بخفة : بس انا بردو الأولي على دفعتي الاربع سنين الي فاتو علي فكرة مش لوحدك يعني ههه يوسف بابتسامة وضحكة بسيطة

وبعد كدا اتلكم بتلقائية :ودي حاجة تشرفني وافتخر بيها ان مراتي تكون اولي علي دفعتها … حور اول لما سمعت كلمت مراتي دي اتكسفت وحست ان وشها بقا قتلة من الجمر وقلبها بقا بينبض أسرع من التوتر والكسوف يوسف لاحظ هو قال اي لما لقيها سكنت فجأة.. يوسف بيحاول يفتح موضوع تاني اتكلم بهدوء : احم فكرتي في موضوع كتب الكتاب بعد الامتحانات …. حور هديت شوية واتكلمت بصوت منخفض يكاد يسمعه

(مش بتتكلم بنحنحه 😅لا هي صوتها في الطبيعي مش عالي 😌) حور : احم اه وقولت ردي لبابا وهيكلمك النهاردة يقولك يوسف اتحمس بس بردو خايف انها تكون مش موافقة اتكلم بصوت يحاول يداري حماسه واتكلم بصوت هادي وبهزار خفيف : احم مينفعش تقوليلي دلوقتي دا انا حتي زي خطيبك حور ابتسمت وبعد كدا اتكلمت : لا استني تلفون بابا هيقولك ردي يوسف : طب حتى تلميح اي حاجة حور ابتسمت : لا بردو ههه الصبر حلو

يوسف ابتسم بهزار : ماشي يحور هصبر… ليكي يوم حور ابتسمت وسكتت. يوسف مش عايز يفصل بس لازم يقفل… يوسف : احم طب أسيبك تكملي مذاكرة … تصبحي علي جنة حور بابتسامه واتكلمت بهدوء: وانت من اهل الجنة يوسف : سلام عليكم حور : وعليكم السلام… حور قفلت التلفون و هي مبتسمه ومبسوطة من قلبها….. عند عمر…. كان في العربية ورايح يجيب اخته وبنتها من النادي تلفونه رن وكانت رقية اخته

عمر : وعليكم السلام ورحمه الله وبركاته.. انا خلاص خمس دقايق واكون عندك اطلعي علطول رقية وهي واقفة بعيد عن صحبتها وبنتها وبتتكلم بخوف من عمر : عمر هو انا لو طلبت انك تدخل النادي هتيجي ؟ عمر : في اي النادي ؟ مشكلة يعني ولا في حاجة مش فاهم ؟ رقية بتردد : بصراحة … عيزاك تشوف جنة الى كلمتك عليها …. عمر بعصبية من اخته : يرقية انا حتى لو وافقت علي فكرة الجواز اكيد مش هروح اشوفها في نادي من غير أهلها ولا علمهم حتي !!!

رقية حست انها فعلا فكرت غلط انها تجيب اخوها يشوف صاحبتها من غير علمها هي حتي مش أهلها بس … .عمر اتكلم بصوت يحاول يخليه هادي: اطلعي يرقية اطلعي وبطلي هبل رقية بصوت منخفض: حاضر… رقية رجعت لصاحبتها وهي بتحاول ترسم ابتسامه علي وشها : جوجو انا همشي عمر وصل انتي قاعدة ؟

جنة : لا يحبيبي انا هجيب إياد علشان عمه هياخدو من قدام النادي وهمشي علطول انتي روحي لاخوكي علشان متتأخريش اشوفك بكره ان شاء الله حضنو وودعوا بعض ورقية اخدت بنتها ومشيت انتو طبعا مش فاهمين حاجة مين اياد مين عمه 😅تعالو تعالو (جنة 24 سنة جميلة اوي ملامحها بريئة اوي عايشة هي ومامتها ومعاها ابن أختها الي عاش معاها بعد ما باباه وأمه توفوا في حادثة هي حاليا بتشتغل ميس انجليزي في حضانة فيروز بنت رقية )

عند عمر…. عمر شافهم خارجين فتح ليهم باب العربية من جوه .. ركبت فيروز من ورا ورقية ركبت قدام … عمر وهو بيبص لفيروز و را بابتسامه حنونة : فيرو اقفلي الحزام يقلب فيروز بضيق طفولي : يعمر مش بحب الحزام دا انا بيخنقني اوي رقية وهي بتزعق لبنتها: فيروز اسمعي كلام خالو وميت مرة اقولك متقوليش عمر كدا اسمه خالو… عمر وهي بيلف بجسمه علشان يقفل لها الحزام اتكلم وهو بيوشوش فيروز : ملقيش دعوة بماما انا عمر بس… فيروز

ابتسمت واتكلمت بحماس : ايوة عمر بس عمر وهو بيتكلم بخوف مصطنع: اششش ماما هتعلقنا اسكتي… فيروز حطت ايدها علي بوقها:اشش عمر ابتسم عليها وبعد كدة رجع ثاني لمقعده واتحرك وموجهش كلام لرقية خالص……. عند يوسف….. كان مستني مكاملة والد حور وهو صبره نفذ خلاص……. کام صلي ركعتين وقعد يدعي ربنا أن حور تكون وافقت وان دا يكون القرار الصح انهم يكتبو الكتاب.. خلص وقعد يستغفر وهو كل شوية يبص للتلفون بعد شوية فقد الأمل لان كانت الساعة بقت

11 فأكيد مش هيرن بعد دلوقتي حط تلقونه علي المكتب واتجه للسرير وهو لسا بيلف سمع التلفون بيرن مشي بسرعة اقرب للجري ومسك التلفون لقيه عمر يوسف وهو بيتنهد بضيق : وعليكم السلام… عامل أي يعمر عمر : الحمد لله .. انت كويس ؟ يوسف بصوت واضح عليه الضيق: كويس الحمد لله عمر : مش واضح ..صوتك ليه رأي تاني… يوسف راح يوقف في البلكونة وهو بيتكلم بصوت اهدي اتنهد : مفيش يعمر .. انت في اي كدا متصل متأخر.. خير؟

عمر وهو بيتنهد أيضا : يوسف..انا قررت اتجوز…… يوسف باستغراب منه وفرحة مختلطة بصدمة : بجدد ؟!! اي غير رأيك بالسرعة دي يا ابني انا كنت لسا بقنع فيك من يومين بالظبط عمر بابتسامة بسيطة: مش حوار غيرت رأيي انا مكنتش رافض بس مكنش في فرصة يعني مكنش عندي وقت وطاقة أن ادور علي بنت حلال بقا وكدا بس ياسيدي دلوقتي اختي شيفالي عروسة صاحبتها وانا حاسس ان عايز أتقدم.. هتقولي احساسك علي اساس اي هقولك معرفش

يوسف بابتسامة: لا مش هسألك عارف الاحساس دا انا عل… ملحقش يكمل كلامه ولقي رقم والد حور بيرن يوسف بسرعة : عمر عمر افصل دلوقتي هكلمك تاني…. مستناش رد عمر وكان فصل منه ورد علي والد حور…… والد حور : السلام عليكم ورحمة الله وبركاته يوسف بيحاول يخلي صوته طبيعي : وعليكم السلام ورحمة الله وبركاته والد حور : معلش بتصل عليك في وقت متأخر يوسف : يعمي حضرتك تتصل في اي وقت

والد حور : حبيبي يا يوسف … وانا مش هطول عليكم علشان لو عايز تنام .انا متصل عليك علشان اقولك ان حور وافقت علي كتب الكتاب بعد الامتحانات يوسف كان عايز يتنطط من الفرحة بس مسك نفسه علشان والد حور يوسف اتكلم بابتسامة وفرحة واضحة : بجد يعمي انت متعرفش فرحتني ازاي بالخبر دا ان شاء الله ربنا يكملها علي خير يارب والد حور بحب: يارب يحبيبي ان شاء الله خير ويتمم الفرحة علي الف خير ..

يوسف أمن علي دعائه وقفل مع والد حور… بمجرد ما خلص المكالمة نزل سجد سجدة شكر الله وهو بيقول: الحمد لله يارب الحمد لله اللهم اجمعنا في الحلال يارب في أقرب وقت…. عند بيت حور….. مصطفي بضيق : يبابا ليه مقولتلوش اننا عايزين نيجي ونتقدم لاخته والده بهدوء : يحبيبي والده موجود يبقي نروح لوالده لكن مش نتكلم معاه هو وبعد كدا بقا ابوه يعرف خلينا ندخل بالأصول ونكلم الكبير الاول مصطفي بتفهم : طيب امتي يبابا

والده : الصبر حلو…. بكره في صلاة الفجر ابقي اتكلم مع عبد الرحمن.. مصطفي بفرحة : ربنا يباركلنا فيك يبابا يارب ………. في اوضة حور كانت حور بتكلم منة علي التلفون لان بكره فاتحتها على ابن عمها .. منة : والله زي ما بقولك فجأة لقيت بابا بيديني التلفون والاسبيكر مفتوح وبيقولي دا محمود عايز يقولي علي حاجة ملحقتش اتكلم ولقيت الي بيتكلم وبيقولي موافقة نكتب الكتاب علطول ولا محتاجة فترة خطوبة؟؟

انا حرفيا معرفتش ارد ولا اعمل اي لساني مش عارفة احركه اتصدمت ازاي كتب كتاب دا انا مكنتش اعرف غير اسمه وفجأة لقيت نفسه مخطوبة ليه قاطعتها حور : طب انتي بقا قولتيله اي وافقتي؟

منة : لا رديت عليه قولتله انا محتاجة اعرفك انا معرفش اي حاجة عنك وانت متعرفنيش احنا اه ولاد عم يس مكناش بنتكلم ولا بنتجمع كتير بسبب سفرك.. راح هو صدمني يبت حور قالي انا عارف عنك كل حاجة كل حاجة انتي بتحبيها او مش بتحبيها صحابك الأماكن الي انتي بتحبي تروحيها فاتكلمي عن نفسك انك متعرفنيش لكن انا عارفك اكثر من نفسك يا منة … قالي كدا بالنص انا كنت مبسوطة ومصدومة وحجات كتير كدا بس الاغلب كنت فرحانه ان طلع مهتم وعارف عني كل حاجة حور

وهي بتبتسم علي صاحبتها : ايوة طيب عايزة اعرف انتي وافقت ولا لا في الاخر منة بكسوف: بصراحة …. انا وافقت هتقوليلي ازاي هقولك معرفش بس لقيت لساني دا بينطق وبيقول موافقة حور بصدمة مختلطة بفرحة يعني انتي بكرة خطوبة ولا كتب كتاب مش فاهمة منة بابتسامة : الاثنين خطوبة وكتب كتاب هههه حور بفرحة لصاحبتها : يروح قلبي اهم حاجة تكوني انتي مبسوطة وسعيدة وربنا يجعله زوج صالح ليكي يروحي يارب…

منة: اللهم آمين يارب وإياكي يعيوني ……. قفلو مع بعض ومنة قعدت تفكر هل تسرعت لما وافقت علي كتب الكتاب ولا هو دا قدرها ونصيبها … عند عمار واية …… اية في المطبخ بتحضر غدا وهي حاسه انها تعبانه بس بتقاوم التعب اية سندت بايدها الاتنين علي الرخامه ونزلت راسها في الأرض وهي حاسه انها دايخة ومش قادرة تسند نفسها….. عمار فتح الباب واول لما دخل شم ريحة الاكل التوحفةة

عمار وهي بيتكلم بتلذذ: اي الروايح الحلوة دي يا يوكا دا يبختي والله ههه…. مسمعش رد منها فدخل علي المطبخ وهو مبتسم بس اختفت هذه الابتسامه اول لما شافها ساندة علي الرخامة وواضح عليها التعب عمار مشي بسرعة لعندها وسندها وقعدها علي الكرسي القريب منها عمار بخوف عليها وحنان : مالك يا اية انتى الايام دي بتتعبي كتير اوي خلينا نروح نطمن علشان خاطري اية بحنان وصوت تعبان

وهي بتحط ايدها علي وشه : يحبيبي انا كويسة والدوخة والتعب دا طبيعي في اول شهور الحمل وانا بتعب شوية وبعدها ببقي كويسة يعني تعب لحظي مش اكثر يعمار. .عمار وهي بياخد ايدها الى علي وشه ويبوس باطن كفها: ربنا يقومك ليا بالسلامة يروح قلبي… طب انتي عارفة انك تعبانه قومتي وتعبتي نفسك ليه وعملتي اكل

اية بحب : يعمار انت من اول الحمل مش بتخليني اعمل اي حاجة حتي المحاضرات من لما تعبت وانت بتاخدني وتجيبني يعني مش بعمل اي حاجة خالص بس ف انا النهاردة والله كنت كويسة فقولت بما انه اجازة اعملك اكل حلو بدل الاكل السريع الي احنا بناكله دا يعني متجوز وبتاكل من بره زي الشاب العاذب اي لزمتي بقا …..

عمار وهي بيسكتها بحب : متقوليش كدا تاني وبعدين يعني انتي كنتي بتعملي اكل وبتعملي كل حاجة اول لما اتجوزنا لكن لما بقيتي حامل غصب عنك مبقتييش قادرة تعملي بسبب تعبك والحمل دا يخصني ويخصك يعني مش انتي حامل في ابن الجيران مهو ابني او بنتي مش عارف بقا المهم ان انا والله مبسوطة ومرتاح اصلا كفايا ان انتي في بيتي وحياتي دا نعمة كبيرة اوي اوي والله بحمد ربنا عليها ليل نهار مفيش حاجة ليها لازمة في حياتي غيرك اصلا انتي كل حياتي يا اية ……..

اية حضنته بحب وتأثر: ربنا ميحرمنيش منك يعمار ويديمك ليا يارب طول العمر… انا بحبك اوي يعمار عمار وهي مبتسم واتكلم بحب: وعمار بيحبك اكثر والله ومش عارف هو كان عایش ازاي من غيرك ……… تاني يوم ….. عند حور في الصبح هي عايزة تروح عند منة وقالت لوالدها ووالدتها الي وافقو دخلت اوضتها وهي بتفكر وعايزة تقول ليوسف انها رايحة بس مكسوفة ترن عليه …حور استعانت بالله ورنت عليه .. حور : السلام عليكم

يوسف بابتسامه : وعليكم السلام ورحمة الله وبركاته وكمل بهزار .. مصدقتش لما لقيت رقمك بيرن حور بكسوف : انا يعني عايزة اقولك حاجة يوسف بهدوء وابتسامة وحنان واضح من صوته: قولي يحور حور ركزت في اسمها الي نطقه ونسيت هي عايزة تقول اي…….. يوسف لقي مفيش صوت اتكلم بهدوء : حور سمعاني ؟؟