الفصل السادس

رواية انت حلالي وانا حلالك الجزء السادس 6 بقلم نور القرآن انت حلالي وانا حلالكرواية انت حلالي وانا حلالك الحلقة السادسة يوسف لقي مفيش صوت اتكلم بهدوء : حور سمعاني ؟؟ حور ردت بسرعة وصوت هادي : ايوة معاك يوسف بهدوء. : كنتي بتقولي عايزة تقولي حاجة..قولي سامعك. حور وهي مش عارفة تقولو ازاي اتنهدت واتكلمت بهدوء: منة صاحبتي النهاردة خطوبتها وكتب كتابها وانا عايزة اروح…. يوسف بهدوء : مش فاهم فين المشكلة يحور؟!

حور : احم انا يعني قولت لبابا وبقولك يعني ينفع اروح؟ يوسف فرح من قلبه انها عملت حساب انها تقوله قبل ما تخرج بس قال : حور انتي لسا في بيت والدك وانا مليش حكم عليكي غير لما تيجي في بيتي وتكوني مراتي لكن انا حاليا مليش اي حكم عليكي…بس تصرفك دا متعرفيش فرحني قد اي ومكانتك كبرت عندي ازاي… حور اتكسفت وابتسمت بهدوء وسكتت مش عارفة تفصل ولا تعمل اي … يوسف حس بيها ابتسم واتكلم: اسيبك بقا تجهزي وتروحي لصاحبتك

حور بهدوء : ماشي …سلام عليكم يوسف بابتسامه : وعليكم السلام ورحمة الله وبركاته في رعاية الله قفلوا المكالمة وكل واحد علي وجهه ابتسامه تلقائية ومن القلب …… عند منة ….. منة بزعل : يماما طاب اعمل اي انا حجزت الفستان وكل حاجة والست بتقولي حصلها حالة وفاة ومش هتعرف تخلص ولا تبعت الحاجة ومش عارفة أعمل اي ؟ ينفع نأجل كتب الكتاب لبكرة ؟ والدتها وهي بتهديها: ممكن تهدي كدا ومتزعليش لعله خير كلمي محمود وشوفي رأية اي

منة بتوتر : يماما اكلمه اقوله اي طيب ؟ والدتها بهدوء وحنان : يحبيبتي قوليله الي حصل وشوفي هو رأية اي.. منة مسكت تليفونها ولسا هترن عليه لقيته هو بيرن… منة لوالدتها : هو الي بيرن والدتها ابتسمت : جي في وقته المناسب ههه ردي عليه طيب .. منة ردت عليه… محمود بابتسامه : سلام عليكم منة بهدوء :وعليكم السلام ورحمة الله وبركاته محمود : عاملة اي ؟ منة بتتكلم بهدوء بس صوتها باين عليه الزعل : بخير الحمد لله.. انت عامل اي؟

محمود بابتسامه:انا في نعمة من الله واسعد خلق الله الحمد لله منة بهدوء وابتسامه بسيطة : يارب دايما بس خير يعني في سببب معين ؟ محمود بابتسامه : هو في سبب احلي من النهاردة ست البنات هتكون مراتي وحلالي ؟!! منة اتكسفت وابتسمت تلقائي وسكتت معرفتش ترد عليه… محمود ابتسم عليها لانه عارف انها اتكسفت ومش هتتكلم وممكن تفصل في وشه اصلا ههه واتكلم هو بهدوء وحنان: هو انتي فعلا كويسة ؟! منة بهدوء وزعل ظاهر علي صوتها: بصراحه لا..

محمود بخوف انها انها فعلا تعبانه اتكلم بحنان ولهفة.: مالك؟ تعبانه؟ تروحي لدكتور طيب ؟ قاطعته منه بسرعة : محمود… انا كويسة مش تعبانه انا بس يعني الست الي كنت حاجزه عندها الفستان بتاع النهاردة مش هتعرف تخلصه وتبعتهولي ومش عارفة اتصرف ازاي… محمود هدي شوية لأنها الحمد لله كويسة محمود اتكلم بهدوء وحنان : طب ومقولتليش ليه انا كنت هتصرف محيرة ومزعلة نفسك ليه؟

منة : انا اصلا كنت ماسكة التلفون اكلمك واقولك علشان اشوف رأيك اي بس انت سبقتني ورنيت…. محمود اتكلم بحنان وهدوء: طيب يستي مش عايزك تزعلي نفسك ومتشليش هم حاجة كل حاجة هتكون زي ما انتي عايزة واحسن كمان … منة كلامه عجبها جدا ومبسوطة بشخصيته وفي إعجاب كبير جواها بقا ليه حمدت ربنا انها وافقت علي كتب الكتاب النهاردة … منة بهدوء : طيب هتعمل اي نأجلها لبكرة علي الاقل اشوف فستان تاني ولا اي ؟

محمود بهدوء : مش هنأجل حاجة انتي النهاردة هتكوني مراتي وانا هكون جوزك بإذن الله وزي ما قلتلك متشليش هم حاجة منة بهدوء : حاضر محمود بحنان :يلا بقا قومي كدا شوفي عايزة تعملي اي النهاردة وجهزيه والفستان سبيه عليا قبل معاد كتب الكتاب هيكون عندك كل حاجة يست البنات.. منة بابتسامه وهدوء : شكرا محمود ضحك بصوت هادي : شكرا!! هنشوف حكاية شكرا دي شوية ههه…سلام يمراتي الا كام ساعة ههه

منة ضحكت علي كلامه وقفلت معاه وطلعت وهي مبسوطة جدا لمامتها منة بفرحة : ماما ي ماما والدتها : انا هنا يقلبي في المطبخ تعالي منة بفرحة وهي بتنطط: محمود قالي انه هيجبلي فستان وان مقلقش وكل حاجة هتبقي زي م اناعايزة …انا بجد مبسوطة اوي اوي يماما والدتها بحب وفرحة لفرحة بنتها: يحبيبتي ربنا يهنيكم يارب ويكمل فرحتكم علي خير ودايما يارب تكوني مبسوطة يقلب ماما …. منة لسا هترد بس سمعت تليفونها بيرن راحت تشوف مين الي بيرن …..

عند حور………… حور لبست دريس واسع فيروزي وعليه خمار ونقاب ابيض ونزلت من البيت ورايحة عند منة… حور واقفة قدام عمارتهم و بتتكلم في التلفون حور بهدوء : يخديجة يلا بجد اتأخرتي اوي انا جاهزة بقالي كتير خديجة وهي بتلبس الكوتش وفاتحه الاسبيكر: معلش يحوري والله عارفة ان اتأخرت عليكي بس ماما نسيت تصحيني وانا صحيت متأخر بقا حور بهدوء : طيب يلا انا واقفة قدام العمارة…

خديجة قفلت معاها وخلصت ربط الكوتش وراحت تعملها ساندوتش معنها فطرت (هي الفطار عندها قبل وبعد اللبس عادي يعني 😅) يوسف كان سامع الحوار يوسف وهو بيمسكها من قفاها وبهزار : يعني انتي قاعدة بكل برود تلبسي براحة وكمان رايحة تاكلي وهي واقفة مستنياكي يبرودك يشيخة اخلصي يبت… خديجة وهي بتحاول تفك نفسها منه: الله يعني اموت من الجوع يا يوسف يرضيك انت يعني…وبعدين يعني عادي حوري علطول بتستناني انت ملكش فيه بس يوسف

وهو بيفكها علشان تمشي : لا يختي ليا فيه طبعا ..مش خطبتي ؟!! حور وهي بتاكل الساندوتش وبتتكلم : صاحبتي قبل ما تكون خطبتك ياخويا يوسف وكأنه كان ناسي وتذكر: واه متقوليش حوري دي تاني هي حوري انا بس انتي تقولي حورك ليه مش فاهم انا ؟!! خديجة وهي تتجه ناحية الباب علشان تمشي : لا انت عديت يا يوسف وصلت لحورك ..دي لسا خطوبة ها واخد بالك انت ؟ يوسف : واخد بالي يختي وبعدين هو انا رحت قولتلها هي انا بقولك انتي….

خديجة : سلام يخويا سلام انا احصل حورك هههه نزلت بسرعة خديجة وراحت عند عمارة حور……. حور وخديجة مشيو شوية وفجأة لقو عربية يوسف قدامهم ونزل منها قدامهم والقي السلام …. يوسف بابتسامه : السلام عليكم حور بصوت واطي وابتسامه مش باينه من النقاب :وعليكم السلام ورحمة الله وبركاته يوسف سكت وبعد كدا علطول اتكلم وهو بيفتح الباب : يلا هوصلكم حور بردة فعل سريعة: لا طبعا مينفعش يوسف بهدوء وهو فاهم قصدها: ليه مينفعش؟!

هو احنا هنكون لوحدنا مهو خديجة موجودة اي المانع ؟ حور بهدوء : المشكلة فإني بابا ميعرفش ومينفعش اركب معاك بدون علمه يوسف بابتسامه : ودي حاجة متفوتش من عليا انا اصلا كلمت والدك وقولت له وهو موافق …سكت شوية ورن علي والدها يوسف وهو بيتكلم في التلفون : ايوة يعمي اتفضل قول لحور ان حضرتك موافق لأنها مش موافقة تركب يوسف ادي التلفون لحور حور وهي مستنية والدها يتكلم …

والدها بفخر بيها وحنان : روحي معاهم يحبيببتي هو استأذني وبعدين معاكم اخته يعني مش في خلوة حور ابتسمت بهدوء : حاضر يبابا قفلت وادت التلفون ليوسف الي ابتسم وقال : يلا ولا ايه؟ حور هزت راسها بهدوء… يوسف فتح الباب ليها ورا وهي ركبت بكسوف منه و بهدوء بابتسامه .. وراح الناحية التانية وفتح لاخته الباب وركبت ومشيو لبيت منة ….. عند اية وعمار ….

عمار بحنان وخوف عليها وهو قاعد تحت الكرسي الي هي قاعدة عليه علشان يبقي في مستوي طولها … عمار : يا اية يعني بيتهيألي صاحبتك لو قولتلها انك تعبانه ومش هتقدرى تيجي هتفهمك وهتعذرك اية بحنان وهي بتحط ايدها علي وشه : يحبيبي انا والله كويسة جدا ومفيش تعب ولا حاجة عمار بيحاول يتكلم بهدوء لأنها كل مرة بتقوله

كدا وبتتعب بعدها علطول : بصي خلينا نتكلم علي نور انتي عارفة وانا عارف اني انتي مش كويسة ولو دلوقتي كويسة ف انتي بعدها بدقايق بترجعي تتعبي تاني وانا بصراحة مش هقدر اسيبك تمشي وتروحي عند صاحبتك والله اعلم بقا يحصل اي اية : يعمار طب مش احنا روحنا للدكتورة وقالت كل التعب دا طبيعي وان انا حملي وحش بسبب الاناميا وكدا يعني انا لو قعدت قصاد تعبي مش هروح في حته ولا هعمل حاجة

عمار بحنان : طب نتفق اتفاق ممكن بلاش تروحي من دلوقتي وتروحي بالليل علي كتب الكتاب واهو هتكوني معاها بردو اية لسا هتتكلم قاطعها عمار. باستعطاف وحب : علشان خاطري يا اية اية بحيرة مش عارفة تعمل اي…. اية بزعل : طب هي مش هتزعل مني صح؟ عمار بحنان وهي بيمسك ايدها الي علي رجلها: اكيد مش هتزعل منك لأنها هي عارفة حالتك وتعبك وهتفرح جدا اصلا انك هتروحي باليل وهتشوفك اية اتنهدت بتعب وبتفكر كبير….. عند عمر……..

رقية بفرحة :لولولولولولولولولولولولوا بجد يعني انت موافق تروح تتقدملها يعمر عمر بضحك علي اخته : بس يبنتي فضحتينا في العمارة …وبعدين يستي اه موافق وشوفي امتي نقدر نروح رقية بسرعة وحماس : يلا النهاردة عمر : النهاردة اي يهبلة كلميها وشوفي ظروفهم وامتي الوقت المناسب رقية وهي بتمسك تليفونها بسرعة وبعدت عنهم ورنت علي جنة… رقية بفرحة : السلام عليكم..عاملة اي يقلبي

جنة : وعليكم السلام ورحمة الله وبركاته… بخير الحمد لله يحبيبتي انتي عاملة اي وفيروز عاملة اي رقية : كلنا بخير الحمد لله … رقية مستنتش ردها واتكلمت علطول. رقية: بقولك يجنة هو لو في عريس أتقدم دلوقتي انتي هيكون عندك اعتراض ؟ جنة بضحك علي صاحبتها: عندك عريس ولا ايه ههه رقية : اه عندي يختي ..ردي بس عليا الاول جنة بهدوء : لا هيكون عندي اعتراض ليه رقية: لولولولولولولولولولولولوا هو دا الكلام جنة بضحك عليها:يمجنونة انتي في

اي هههه رقية بابتسامة وحب: كل خير في كل خير المهم طيب يستي ممكن تاخدي معاد من باباكي … جنة بضحك عليها : رقية هو انتي بتتكلمي بجد انتي عندك عريس ومين اصلا ؟!! رقية بابتسامه : اومال بهزر ايوة عندي عريس …اخويا هل عندك اعتراض يا أختاه؟!! جنة بضحك عليها : لا يستي ربنا يسهل هههه رقية بابتسامه : طب يلا بقا شوفلنا معاد علشان نيجي ونطلبك بقا وكدا جنة بابتسامة عليها : حاضر هشوف بابا

وقفلوا مع بعض…وكل دا كان عمر سامع الكلام وقاعد وفيروز قاعدة في حجره وبتلعب في تليفونه وهو مركز مع كلام رقية فيروز وهي بتحول وشه ليها وبتتكلم : يعمر هات لعبة تاني دي وحشة ..يعمرر عمر بص ليها بانتباه وابتسامه : اي يقلب عمر في اي ؟ فيروز وهي بتبص ليه بزعل : العبة دي وحشة هات لعبة تاني عمر وهو بياخد التليفون وبيزلها من حجره وبيبوسها من خدها : حاضر هجيب لعبة تاني بس بعد ماجي هروح اجيب شوية حجات من بره واجي اتفقنا..

فيروز بزعل : بس تيجي بسرعة بسرعة عمر وهوا بيضحك عليها بحب : حاضر هاجي بسرعة بسرعة..عايزة اي اجيبلك معايا فيروز بتفكير: اممم هاتلي شوكلت زي الشوكلاته الي بتجيبهالي جنة عمر باستغراب : مين جنة دي ؟!! فيروز : جنة صاحبة ماما هي بتجبلي شوكلت كتييير كتيير اوي عمر كان ناسي الاسم مع ان اخته قالتلو الاسم لما كانت عيزاه يروح النادي .. عمر بابتسامه لفيروز : احلي شوكلت لاحلي روزا عمر مشي ناحية رقية : اي قالتلك اي ؟

رقية بحماس وفرحة : قالتلي هتشوف باباها وهترد عليا ..بس هي معندهاش مانع عمر بابتسامه بيحاول يخفيها : احم طب كويس …عايزة حاجة من بره اجيبهالك؟ رقية بتفكير : لا مش عايزة حاجة يحبيبي .،بس متتأخرش علشان الاكل عمر وهي بيتجة ناحية الباب: مش هتأخر حاضر …………. عند منة …………. منة واقفة قدام عمارتهم مستنية حور وخديجة لأنهم مش عارفين البيت وكانت بتوصفلهم الطريق وصلت عربية يوسف قدام العمارة .. نزلت حور وخديجة وهو يوسف نزل معاهم

يوسف : لما تخلصو كلموني متمشوف مواصلات .. خديجة : حاضر حور عايزة تشكره بس مكسوفة بعد كدا اتكلمت بصوت هادي : شكرا يوسف بابتسامه : احنا تحت الخدمة في اي وقت حور ابتسمت وساكته ومشيت لأصحابها وهو مشي بعربيته لبيته…. الساعات بتعدي والوقت خلاص قرب علي موعد كتب الكتاب ولسا محمود مجبش الفستان لمنة وهي متوترة وخايفة ومش عارفة طب ترن عليه تسأله ولا تعمل اي وهي بتفكر ومحتارة دخلت حور الي كانت بتساعد والدة منة

في المطبخ ومعاها كيس كبير: منة الكيس دا مامتك بتقولك محمود باعته منة نطت من علي السرير وهي مبسوطة وجريت علي الكيس وطلعت الفستان الي كان باللون الابيض وكان شكله توحفة سيمبل جداا شكله بسيط بس توحفةة حور اول ما شافته بفرحة وحب : ما شاء الله شكله حلو اوي يمنة وهيبقي عليكي توحفةة منة وهي بتحط عليها: بجد شكله حلو دخلت خديجة من بره : اوعي وشك اي الفستان الخطير دا حور بضحك عليها : يبنتي اوعي وشك اي بس خديجةوهي

بتتجه لمنه وتمسك الفستان : الفستان جمدان يبت يمنة واوعي وشك اوي يعني ههههه حور ومنة ضحكو عليها حور لمنة : طب يلا قومي اتوضي وصلي المغرب وابتدي بقا اجهزي علشان الوقت ميسرقكيش منة سابت الفستان وراحت تتوضي علشان تصلي…. خديجة لحور : هي اية مش هتيجي ولا اي ؟ حور : لا هتيجي بس هيعلشان تعبها وكدا مجتش من الصبح بس هتيجي دلوقتي ان شاء خديجة: ان شاء الله حور : عايزين نصلي قبل ما الناس تزحم بره خديجة : ايوة فعلا

طلعت منة وهما كل واحدة راحت تتوضي وصلو جماعة وصلت بيهم حور لأنها متعودة دايما بتصلي بيهم في المصلي بتاع الجامعة…………… تحت العمارة كان واقف عمار بعربيته ومعاه اية… عمار : انا هستناكي مش هروح ولو في اي حاجة لقدر الله رني عليا اية بحب : يحبيبي انت ممكن تروح وانا لما الليلة تخلص هرن عليك تيجي كتير عليك تقعد الوقت دا كله في العربية وتعب كمان

عمار: مش همشي يا اية..ويستي انا هكون مرتاح كدا لو روحت وسبتك هكون قلقان عليكي فا انا هنا هكون مرتاح اوي… وهما بيتكلموا جا عليهم والد منة وكان عارف طبعا اية : اتفضلو يبنتي قاعدين ليه في العربية اية ابتسمت ونزلت وعمار نزل سلم عليه وباركله والد منة: ادخلي انتي يا اية واستاذ عمار معانا هنا اية بصت لعمار تشوف ردت فعله لقته مبتسم عادي وهزلها راسه انها تمشي… عمار بعد ما اية مشيت بص لوالد منة …

عمار بابتسامه وامتنان : ربنا يتمم الفرحة علي خير يارب .. والد منة : يارب يابنيويرزقك الذرية الصالحة يارب عمار بتبتامة: اللهم امين يارب عمار سكت وعايز يمشي بس مش عارف يقوله ازاي : طب انا معلش يعمي هستأذن حضرتك وهبقي اجي اخد اية والد منة : تستأذن حضرتي اي انت مش هتمشي ولا انت مش عايز تشاركنا الفرحة؟ عمار : يعمي ابدا والله بس انا يعن قاطعه والد منة وهو بيسحبه ناحية المضيفة الي

موجود فيها قريبهم وناسهم :ولا يعني ولا غيره تعالي تعالي الفرحة بتبقي باللمة والناس عمار دخل معاه وهو محروج جداا ………. فوق عند اية بعد ما دخلت وسلمت علي منة والبنات اخدت جنب ورنت علي عمار تشوف عمل اي مع والد منة اية : عملت اي مشيت ؟ عمار بعد شوية عن الناس رد عليها بصوت واطي : لا يحبيبي انا تحت ابو صاحبتك صمم ان اكون موجود وانا معرفتش أرفض اية بابتسامه عليه : طب كويس اهو احسن من قعدت العربية عمار بابتسامه :

كله لجل عيونك اية بهزار : حبيبي تسلم ياباشا عمار بغيظ: اقفلي يا اية اقفلي اية بضحك عليه : انا فعلا هقفل يحبيبي رايحة اهيص ههه عمار بجدية: اية بلاش حركة كتير علشان متتعبيش اية بحب: متقلقش يحبيبي قفلو مع بعض وكل واحد راح يقعد جمب الناس ….. جا وقت كتب الكتاب خلاص …… (وهيصااااا وعند بيت ام فاروق هاي هاي ..احم معلش ولا كأنكم شوفتو حاجة🙃😅) منة لبست الفستان والخمار الخاص بيه ابيض أيضا وكان شكلها زي الملايكة

حور بحنان: اللهم بارك اللهم بارك شكلك زي القمر بجد يمنة ربنا يحميكي 🥺 منة وهي بتلف بالفستان ومبسوطة اوي خديجة وهي بتزغرط : لولولولولولولولولولولولوا شكلك كيوووت اوي يمنون بجد بسم لله ما شاء الله 🥺 واية حضنتها وهي بتقول : ينور عيني ما شاء الله عليكي عاملة زي الملايكة في الابيض ربنا يهنيكي يعيوني يارب بعدت عنها بعد كدا وكملت بهزار : دا ربنا يعين ابن الناس علي الجمال دا بقا ههه منة اتكسفت واتكلمت

علشان تغير الموضوع : احم ماما هوا المأذون جا ولا لسا ولا اي ؟ والدتها : ايوة يحبيبتي اخوكي من شوية قال انه جا بس لسا مبتداش منة حست انها متوترة بس فرحانه بس قلقانة بردو (قلقانة بس مش قلقانة ازاي معرفش 🙂😅) في المسجد عند الرجال محمود حاطط ايده في ايد والد حور المأذون خلص وقال اخر كلامه ( بارك الله لكما وبارك عليكما وجمع بينكما في خير ) اخو منة كان فاتح مكالمة فيديو مع اخته علشان تسمع وتشوف ودا كان طلبها وواقف ورا محمود

محمود خلص وبص لتلفون اخو منة وهو مبتسم واتكلم بحب وبهمس هي تسمعه: مبروك يمراتي مبارك انتي عليا منة اتكسفت جداا ووجهها حمر… ………