الفصل الحادي عشر

رواية ويبقى الأثر الجزء الحادي عشر 11 بقلم آلاء وائل ويبقى الأثررواية ويبقى الأثر الحلقة الحادية عشر فتحت الباب ووجدتها امامها نظرت لها بصدمه والدموع بعينها = حياه دخلت حياة وارتمت بأحضان واختها وكانت تبكى هى الأخرى حتى اتت سهير على صوتهم =فريدة بنتى حمدلله على السلامه = الله يسلمك ياماما وحشتينى اوى اوى = وانتى كمان يابنتى واتت نور على صوتهم = اخيرا جيتى

حاولت حياة الهدوء والتوقف عن البكاء هى وملك وذهبت إليها نور وهى تبكى فحياه لم تكن فقط أختهم الكبيره بل والدتهم =وحشتونى اوى = وانتى اكتر وردت سهير = معلش لو بقاطعكم بس ممكن تدخلو جوا بدل الوقف دى ذهبوا جميعا إلى الداخل واتى حسن بعدما سمع صوت اخته =طب اى مش هتسلمى عليا نظرت له فريدة بصدمه= حسن انت رجعت امتى = اول ما مشيتى انا رجعت

نظرت حياه لفريدة وفهم حسن مايدور فى ذهنها= متخافيش مقعدتش معاهم كنت قاعد فى الشقه التانيه هدات قليلا بعد ان استمعت الى حديث حسن ونظرت الى اخواتها باشتياق=وحشتوني يا بنات والله مش هغيب عنكم تاني ولا هسافر تاني وهفضل معاكم على طول قوليلي يا طنط هم عملوا اي حاجه او ضايقوكي

=لا يا بنتي والله دول كانوا مونسني وملك كانت دايما بتساعدني في البيت وكانت دايما بتعمل لنا الاكل حتى نور كانت هاديه وبتذاكر وشاطره وبتروح المدرسه ما شفتش منهم اي حاجه وحشه والله =قوليلي لو عملوا اي حاجه ما تدافعيش عنهم انا عارفاهم اشقيه =لا والله يا بنتي ما عملوش حاجه انتم اخباركم ايه انتى وفريده

ردت فريدة=قضينا يومين يا ماما كانوا جمال جدا بالنسبه لينا اول مره نسافر انا وحياه بره البلد شفنا بلد جديده علينا وكانت جميله وقضينا وقت جميله انا وهي كان نفسي قوي نكون كلنا مع بعض هناك. =خلصتو شغلكم ولا لسه عندكم سفر تاني =احنا سافرنا بدري لو انتم واخدين بالكوا احنا كان المفروض اصلا كنا نيجي بعد يومين بس بقى سافرنا بدري قولنا عشان احنا مكناش قادرين نقعد من غيركم وقالولنا بقى لو في شغل او حاجه هيبعتولنا على الايميل

=طب كويس واقترب حسن من فريده وحاول الهمس في اذونها حتى لا يستطيع احد ان يسمع ما سيقول غيرها=بقولك ايه انا كنت عايز منك طلب وعارف انك مش هتخزليني =قول عايز ايه =كنت ناوى اكمل نص ديني بس ما حدش هيتمملي المهمه دي غيرك =وانا هعملك ايه بالظبط ومين العروسه =اخت صحبتك =اختي صاحبتي مين نور =لا هو السفر ما بيخليش الواحد غبي مش للدرجه دي اكيد مش هاخد واحده قد بنتي يعني ركزي شويه في اكبر من نور على ما اعتقد يعني

=لا ما تهزرش انت عاجباك ملك =بصراحه اه وامك عارفه كل حاجه بس ما حدش هيتمم لنا الجوازه دي غيرك هتساعديني ولا =وانت بقى عايزني ان انا اقنع حياه صح كده =بالظبط كده ولو اقنعتيها ووافقت ليكي عندي هديه كبيره اوى =انت بترشيني يعني ماشي انا موافقه بس لو ضحكت عليا وطلع ما فيش حاجه زي كل مره وبتعمل زى المقالب بتاعتك دي على طول هبوظلك الجوازه =طول عمرك ماديه =الله هو مش كل شغل وليه تمنه

=اشوف بس الاول هطلع منك بحاجه مفيده ولا لا =انا هبهرك =ربنا يستر في فيلا يونس رجع يونس الى المنزل ودخل ووجد اخيه الصغير باستقباله ولكن يظهر على ملامحه الخوف والتوتر شعر يونس بالخوف على اخيه واخذوا بين احضانه=مالك يا مالك خايف من ايه =خايف من الست اللي فوق دي هي الست دي هتمشي امتى =والله انا عايزها تمشي اكتر منك بس نعمل ايه بقى نصيبنا

=تعرف لما انت كنت مسافر انا سمعتها كانت بتقول لحمزه ان هي عرفت ان انت وصاحبك بتحبه بنتين و قالت ان البنتين دول مش هيساعدوها فى الخطط بتاعتها عشان كده عايزه تقتلهم وحمزه زعق لها وخرج وشافنى و قالي ان انا ارجع اوضتي وما قربش من الست دي عشان ممكن تاذيني هو انت بتحب حد بجد وسبت راندا =انا اه سبت رنده وحبيت بنت تانيه بس لسه ما اعلنتش عنها بس هي عرفت منين ان انا بحب بنت تانيه انا وابراهيم

=مش عارف بس انا سمعتها كانت بتتكلم في التليفون مع واحد بس معرفش مين هو كان تقريبا بيقول لها كل حاجه عنكم من ساعه ما سافرت انا على طول كنت بشوفها بتكلموا على طول بس مكنتش اعرف مين هو ولا كنت بعرف حتى ان هي بتتكلم عن مين لحد ما عرفت امبارح انها كانت بتتكلم عنك =شكلها بقى بعتلنا حد يراقبنا طول فتره السفريه ماشي ايامك الباقيه معايا هتبقى قليله يا فوزيه هانم =هي ممكن تعملك حاجه وحشه او تموتك زي ما عملت مع ماما

صدم يونس مما استمعوا من اخيه كيف ان تكون هذه الامراه هي من قتلت والدته وان والده قد اخبره ان والدته قد توفيت بالمرض الخبيث اجاب على اخيه=انت جبت الكلام ده منين مين قالك موضوع ان هي السبب في موت ماما

=كنت في يوم رايح عند اوضه بابا وسمعتهم كانوا بيتخانقوا وسمعت اللي هو بيقولها ان هو عايز يطلقها بس هي قالتله مش هيعرف لان لو عمل كده هتفضحه قدام عياله وانها هتقول ان ماما ماتت بسبب بابا بس هو زعقلها وقالها ان هي ماتت بسببها هي وان الست دي هى اللي موتت ماما عشان تعرف تدخل حياتنا وتاخذ الفلوس اللي مع بابا كلها هو الكلام ده صح يا يونس

=مش عارف بس اكيد هتاكد من الكلام ده بس اوعدني بعد كده انك مش هتتصنت او تسمع حد تاني مفهوم =والله كل ده بيحصل بالصدفه انا مش بيبقى قصدي ان انا اسمعهم =عارف بس مهما سمعت صوت من عند اوضه اي حد ما تروحش تسمع اللي بيحصل جوه ماشي =حاضر مش هعمل كده تاني =روح انت اوضتك بقى وانا هروح لبابا وهبقى اجيلك تاني =ماشى

ذهب يونس وهو بداخله شك كبير فيما قاله اخيه الصغير يمكن ان يكون اخيه اخطا ولكنه يعرف اخيه جيدا لا يستطيع الكذب وعندما يسمع شيء يقول ما حدث بالفعل كان يصعد يونس على الدرجات السلالم وهو خائف ان يكون ما قاله اخيه الصغير صحيحا الى ان وصل امام غرفه ابيه وكان متوتر للغايه وطرق على الباب حتى ياخذ الاذن بالدخول واذن له والده بالفعل =بابا انا كنت عايزه اتكلم معاك في موضوع مهم

=ادخل يا يونس ادخل اقعد هنا وقولي الاول قبل اي حاجه انت سبت راندا =بابا مانا بعتلك فيديوهات بتثبت ان راندا بنت مش كويسه وكانت واخداني بس عشان الفلوس =فيديوهات ايه يا ابني انا مجاليش حاجه علم يونس

ان فوزيه هي من اخفت الفيديوهات عن والده حتى تستطيع ان تكمل لعبتها مع راندا في محاولتها لاخذ المال منه وفتح هاتفه وجعل والده يشاهد الفيديوهات التي ارسلها اليه صديقه ابراهيم عن راندا و صدم والد يونس من الفيديوهات وحزن من نفسه لانه كان يحاول ان يجعل ابنه ان يتزوج راندا دون رغبته =انا اسف يا يونس انا مكنتش اعرف انها هتبقى بنت مستغله كده بس اكيد دي من العاب فوزيه ما فيش غيرها

=بما اني جاوبت على سؤالك فانت كمان لازم تجاوب على سؤالي =اسال =فوزيه ليها علاقه بموت امي =انت بتقول ايه جبت الكلام ده منين انت عارف ان امك مالت بالمرض الوحش وان مفيش حد ليه دخل في موتها =هسال السؤال تاني فوزيه ليها دخل بموت امي اتمنى اخذ الرد بلاش تكدب عليا =يا ابني انا مش بكذب عليك دي الحقيقه امك ماتت بالمرض الوحش =ولو قولتك ان انا عرفت الحقيقه ردك هيبقى ايه =وعرفت الحقيقه منين مالك قالك

=مش مهم مين قالى المهم ان انا عايز اعرف كل حاجه دلوقتي فوزيه ليها علاقه بموت امي =انا نفسي اجاوبك والله بس ما باليد حيله =ومش قادر تجاوبني ليه ايه اللي منعك هي =انا لو عليا اعترف بكل حاجه وخلاص عشان انا خلاص تعبت بس مش هعرف اقول اي حاجه بسبب الورق اللي هي ماسكاه وانت عارف ان الورق ده هو اللي مسكتني لحد النهارده وان انا نفسى اخلص من الست دي واطلعها بره حياتنا ونرتاح =طب بس قولي اه او لا وريحني هي ولا لا

=لو ده هيريحك مع اني عارف انك مش هتسكت وهتكبر المشكله وانك ممكن تروح عشان تقتلها وتودي نفسك في داهيه وانا مش عايز ده يحصل بس اه هي ليها دخل في موت امك صدم يونس مما استمع إليه من والده وشعر بغضب شديد وشعر انه يود ان يذهب الى فوزيه وان يقتلها فورا =خبيت ليه مقولتليش كل ده ليه قولتلي وفهمتني ان امي ماتت بالمرض الخطير ليه مقولتليش الحقيقه ولا الست دي هي السبب في موتها ليه

=انا زيي زيك مكنتش اعرف اي حاجه في اول جوازتنا انا بس بعد كده اكتشفت ده متاخر قوي اكتشفت من واحد من رجالتها هي اذيته جامد في اهله فقرر ان هو يقول كل حاجه عليها وفعلا جه وحكالي على كل اللي هي عملته وانا كنت هبدا اتحرك وروحت وهددتها قولت يمكن تسيبني واخلص منها لاني ما كنتش مصدق ان انا مكنتش مدخل بيتي ام تربي اولادي بعد موت امهم طلعت مدخل حيه وقتالت قتله قتلت مراتي عشان تعرف تدخل بيتي وتستغلنا كلنا عشان تاخد كل الفلوس وياريتها حتى دخلتلنا لوحدها دخلتلنا بإبنها لما رحت اهددها عشان اخلص منها طلعت ماسكه عليا ورق يوديني فى ستين داهيه ما عرفتش اعمل اي حاجه غير ان انا اسكت لحد ما ربنا ياخدها وينتقم منها

=خبيت عليا ليه مقولتليش ليه لما عرفت كنت ممكن ساعتها ادور على حل واخلص منها ليه سكت لحد دلوقتي ليه خلتني اعرف بالشكل ده ليه عملت كده ليه =عشان كنت خايف عليك يا ابني انا عارف انك عصبي ومتهور وممكن تروح تقتلها وتودي نفسك في داهيه وهي برده مش سالكه ممكن تعمل فيك اي حاجه وتكسرني بيك انت واخوك وانا مش بتسند غير عليكم اعمل ايه طيب =طب لو عرفت ان حمزه اللي معاها ده مش ابنها اساسا وان الست دي شايله الرحم يعني ما بتخلفش

=انت بتقول ايه امال حمزه ده يبقى مين =حمزه اتبنته ودخلته البيت عشان تقولك انها معاها ولد يحميها ورمت بناتها اللي هم من لحمها ودمها في الشارع بس عشان خاطر الفلوس =انت عرفت منين الكلام ده جبت الكلام ده منين =جبته من مطرح ما جبته بس كل اللي انت لازم تعرفه دلوقتي ان انا مش هسيب الست دي في حالها وهاخد حقنا وحق امي منها ومش هيكفيني حتى موتها

=عرفت بقى انا كنت خايفه اقولك ليه عشان ردك ده فكر بالعقل قبل ما تاخد اي خطوه او تعمل اي حاجه =لازم برده تكون عارف ان الى هقوله دلوقتي ده ممكن يكون ميبقاش على هواك بس لازم تكون عارفه ومتقولوش لحد ابدا لحد ما اعلن عنه رسمى =قول في ايه قلقتني

=انا حبيت بنت معايا فى الشركه وعايز اتجوزها البنت دي طيبه تلاقي فيها جمال وهدوء تلاقي عقل تلاقي امانه واحترام وتدين برده تلاقي البنت دي انا حاسس ان انا لقيتها بمعجزه بس اللي انا عرفته منها يخليني اقول ان فعلا مش كل اللي بيخلفوا عيالهم بيبقوا زيهم =كلام جميل بس برده انت مش عايز تعلن ليه خايف من فوزيه =انا لو اعلنت فوزيه هي اللي هتخاف بس انا مش عايز اعمل كده عشان مخليش البنت دي في خطر هي واخواتها =وهتبقى في خطر ليه

=لان البنت دي هي بنت فوزيه الاصليه والبكريه حياة صدم والد يونس مما استمع له=انت بتقول ايه انت عايز تتجوز بنت فوزيه انت اتجننت