الفصل الثاني عشر

رواية ويبقى الأثر الجزء الثاني عشر 12 بقلم آلاء وائل ويبقى الأثررواية ويبقى الأثر الحلقة الثانية عشر صدم والد يونس مما استمع له=انت بتقول ايه انت عايز تتجوز بنت فوزيه انت اتجننت

=مالها بنت فوزيه انت فاكر انها زي امها او حتى شبهها يمكن انا فكرت زيك كده لما عرفت انها بنتها خفت تطلع زيها بالظبط بس لا استحاله حياه تكون زي فوزيه انا اتعاملت مع حياه فتره حلوه وعرفت انها قد ايه طيبه ومحترمه وامينه استحاله انها تكون زي امها وانا متاكد من ده هي مش زي فوزيه =ولو طلعت بتخدعك وعايزه تتجوزك علشان تاخد منك كل حاجه زي ما فوزيه عملت معايا هتعمل ايه

=استحاله انا بقولك وانا واثق استحاله حياه مش زي فوزيه ولا عمرها هتبقى زيها وانا هتجوزها بس في الوقت المناسب =انا عايز اشوفها =ماشي تعالى الشركه وانا هخليك تقابلها في مكتبي =ماشي يا يونس في منزل فريده قررت حياه ان تاخذ اخواتها وتذهب الى منزلهم وشكرت سهير والده فريده على ما فعلته مع اخواتها =شكرا جدا يا طنط بجد انا مش عارفه اقولك ايه بس احنا دلوقتي لازم نطلع شقتنا بقى =ما تقعدوا معانا يا بنتي

= مش هنقدر والله وبرضو عشان استاذ حسن يبقى براحته معاكوا مش كفايه فضل قاعد في شقه تانيه عشان خاطر اختي تبقى مرتاحه كفايه يعني مش عايزين نتقل اكتر من كده عشان كده احنا هنطلع نقعد فوق وان شاء الله نبقى نجيلكم زياره تانيه =عايزاكم تجولي على طول احنا خلاص بقينا اهل واكثر من اهل =ان شاء الله يا طنط يلا عن اذنك ذهبت حياه مع اخواتها للاعلى ونظر حسن الى اخته بغضب لانها لم تتحدث مع حياه

=هتفضل متعصب كده كتير اكيد مش هتكلم قدامهم دلوقتي يعني انا هكلمها لوحدها لما نكون في الشركه مش هروح اقولها قدام اختها =لو مكلمتيهاش يا فريده وقولتلها انتى حره =البنت قاعده معاكو خمس ايام لحقت حبيتها =بنت محترمه اوي وجميله جدا واخلاق انا عايزها تصرفي =حاضر يا حسن بكره واحنا في الشركه بعد منخلص هتكلم معاها مرضي كده =مرضي

صعدت حياه هي واخواتها الى منزلهم ودخلوا شعرت حياه بأشتياق كبير لمنزلهم ودخلت جلست بالداخل لكي ترتاح ونظرت لملك بضيق =بتبصلي كده ليه يا حياه =مقلتليش ليه ان حسن اخو فريده رجع =مجاش في بالي معرفش افتكرتكم عارفين =هو في واحده عارفه هتتفاجئ بوجود اخوها كده

=في ايه يا حياه هو انتى ليه محسساني ان انا عشت معاه انا اول ما شفته وانا طلبت منهم اننا نطلع انا ونور فوق بس هو قال ان هو هيقعد في الشقه الثانيه عشان نبقى براحتنا فمعلقتش وسكت =ماشي يا ملك بس اخر مره تخبي عني حاجه =ما انتى خبيتي انتى كمان يا حياه =مش وقتو نتكلم في المواضيع دي دلوقتي أجابت ملك بضيق =ماشي انا داخله اوضتي

علمت حياه ان اختها تضايقت من ردها ولكن ماذا سوف تفعل هي لا تريد ان تعرف نور شيئا هي سوف تخبرها ولكن في الوقت المناسب وليس الان في اليوم التالي استيقظت حياه ووجدت ملك اعدت الافطار لها ونور ذهبت الى المدرسه =اختك فين =راحت المدرسه =انتى مش رايحه الجامعه =انا كنت مستأذنه اسبوع عشان خاطر ابقى مع نور واعرف اساعد طنط سهير وكمان عشان الانذارات بتاعة المصاريف =النهارده هاخذ الفلوس واديهالكم تدفعوها متقلقيش

=تمام اقعدي افطري وانا هروح اشوف ورايا ايه =استني يا ملك انا عارفه انك زعلانه مني بس انتى عارفه ان احنا مينفعش نتكلم قدام نور باي حاجه دلوقتي =انا مش زعلانه عشان امبارح انا زعلانه عشان انتى خبيتي عني حاجه زي دي وفي الاخر اعرفها بالصدفه طب ليه مقولتليش =ملك انتى عرفت منين =حياه متغيريش الموضوع ومش هقول كلمه الا لما تقوليلي الاول انت ليه مقولتليش

=ماشي عايزاني اقولك ايه عايزاني اقولك امك عايشه ومتجوزه الراجل ابو مديري ومديري لو كان عرف كان شغلي هيبقى في خطر ولا كنت هعرف ادفع لكم مصاريف ولا كنت هعرف اعمل لكم اي حاجه كنت متردده وخايفه مش عارفه اقولكم ولا اعمل ايه ولا احل مشكلتي في الشغل ازاي حاسه ان كل حاجه كانت فوق دماغي مره واحده وانا عارفه ان انتم هتزعلوا لما تسمعوا حاجه زي دي بس كنت ناويه اقول والله =كنتى ناويه تقولي امتى

=كنت هقولك بعد ما اعرف مديري بالحقيقه =عرفتيه =في حاجه لازم تعرفيها الاول عشان ما تقوليش برضو ان انا خبيت عليكى فيها =قولي =يونس مديري في الشغل بيحبني وانا كمان بحبه وعرف كل حاجه واتقبل الحقيقه و اتقبلني كمان =انت بتقولي ايه انت بتحبي مديرك في الشغل =اه بحبه =انت بتتكلمي جد ولا بتهزري =والله بتكلم جد =ياه اخيرا حد هيتجوز وحلو بقى ولا =انت عارفه ان اختك تاخد واحد مش حلو =بلاش نتكلم في الماضي

=خلاص يا ظريفه المهم انا كنت بعد ما قولتله وقولت هقولك على كل حاجه بس انت عرفتي وانا ملحقتش حتى اقول اي حاجه =ماشي يا حياه هسامحك المره دي قوليلى بقى عرفتي منين ان هو بيحبك

=والله يا بنتي انا مكنتش اعرف حاجه انا كنت انا بس اللي بحبه وكنت حاسه بمشاعر بس كنت خايفه ان اعرفه لانى مكنتش عارفه هيقبل الحقيقه ولا لا لحد ما هو اللي جيه و اعترف الاول اتصدمت بس بعدها مقدرتش ارد وفريده شجعتني ان انا اقوله الحقيقه وقولتهاله حسيته متقبلهاش في البدايه بس بعد كده اتقبلها =لو خير هيكون ولو شر هيبعد =ان شاء الله خير قوليلي بقى عرفتى منين

=بصي يا ستي انا كنت بعمل الفطار فطلبت مني طنط سهير ان انا انده على حسن عشان يجي يفطر فانا روحت وكنت واقفه بره وكان بابه مفتوح وكان في بنت واقفه معاه فمرضيتش ادخل قولت لما يخلصوا كلامهم كنت لسه همشي سمعت اسم فوزيه شبهت على الاسم لحد ما عرفت ان هي فوزيه امي فوزيه السويدي وان البنت دي كانت متفقه معاها انها توقع ابن جوزها في حبها عشان تتجوزوا و تاخذ كل الاملاك منه لان اللي عرفته ان باباه كاتب كل الاملاك ليه ولاخوه

=طب متعرفيش مين البنت دي =اسمها راندا باين وكانت على علاقه بحسن بس هو بيني سابها لما حس انها بنت مش كويسه وقالها ان عو حاسس بغلطه أن هو كان بيتعامل معاها بس ده اللي انا عرفته =يعني راندا هي خطيبه يونس إلى كان بيشك فيها والبنت دي كانت مزقوقه عن طريق فوزيه عشان تاخد كل الاملاك فوزيه عمرها ما هتتغير =تفتكرى هي ممكن تأذيكى =هي لسه متعرفش ان انا ويونس مع بعض ويمكن تعرف ممكن كانت بتراقبنا مثلا =ربنا يستر

=انا هنزل الشركه بقى عشان متاخرش =ماشي ربنا معاكي ذهبت حياه تقابلت مع فريده بالاسفل وذهبو معا الى الشركه وعندما وصلوا الى الشركه ذهبوا الى مكتبهم فورا الى ان اتى شخص ونادى على حياه =حياه يونس بيه عايزك في مكتبه نظره حياه الى فريده باستغراب محاوله فريده تهديئتها وتشعرها ان الامور طبيعيه ولا يوجد اي شيء وذهبت حياه الى مكتب يونس وطرقت على الباب الى ان سمح لها بالدخول

عندما دخلت حياه وجدت رجل كبير السن يجلس مكان يونس تفاجات به ولكن توقعت ان يكون والده =السلام عليكم ورحمه الله وبركاته =وعليكم السلام ورحمه الله وبركاته اتفضلى يا حياه اقعدى =جلست حياه امام يونس وهي تشعر بالتوتر وحاول يونس ان يهدئها =اهدي يا حياه مفيش حاجه بتخوف ده يا بابا جاي النهارده عشان يتعرف عليكى انا قولتله على كل حاجه وقولتله كمان انتى بنت مين

نظر اليها والد يونس وشعر ان هناك اختلاف كبير بينها وبين والدتها شكلا حتى ثيابها تختلف عن ثياب والدتها وايضا هي خجوله لكن والدتها لا تعرف الخجل =ازيك يا حياه =ازاي حضرتك =حياه انت بتحبي يونس خجلت عندما استمعت الى سؤال والد يونس واجابت بخجل شديد=اه =اه بتحبيه ولا اه علشان تتجوزي وتاخدي اللي انت عاوزاه =اخذ اللي انا عاوزاه مش عاوزه حاجه منه =مش عارفه اصدق بصراحه لان امك كانت بتعمل كده زيك بالظبط قبل ما اتجوزها

=حضرتك عندك حق انك تشك فيا خصوصا ان انا بنت الست دي بس الست دي سيباني من زمان وانا طفله وهى حته مربتناش انا اللي ربيت اخواتي كنت شايله مسؤوليتهم من صغرى لحد ما كبرت وانا إلى علمتهم الصح والغلط أنه يقربو من ربنا حاولت اخليهم مش زيها ولا انا حتى ابقى زيها لان الست دي ليها اثر وحش اوي عليا وعلى حياتي دمرت حياتي وحياتي اخواتي عشان كده مفيش اي حاجه بتربطني بالست دي ابدا ولا صله الام وبنتها ولا حتى اغراب

=تعرفي يا بنتي انتى لما دخلتي عليا كده وبصيالك قولت انتى ازاي بنتها شكلك متغير عنها مش شبهها خالص حتى لبسك مش زيها خالص وخجلك ونظرتك للارض حسيت اللي قدامي لا مش بنت فوزيه اللي قدامي بنت حد تاني مربيها احسن تربيه بس طبيعى ابقى خايف على ابني من اللي انا شفته منها

=اكيد عند حضرتك كامل الحق الست دي متتعشرش ويتخاف منها واي حد من طرفها تخاف منه اكيد بس انا مش بنتها ولا عمري هبقى زيها وهاخد منها حق الايام اللي اتذلنا فيها بسببها وحق الايام اللي مكنتش لاقيه فيه شغل بسبب سمعتها وفجاه لقيت يونس بيعوضني حسيت فى حنيه ملقيتهاش عند حد حسيت بامان محسيتوش بقالى سنين حسيت ان انا مسؤوله من حد زي ما انا مسؤوله عن اخواتي حد طيب وغلبان وكويس خفت في البدايه من بعد ماعرف ان انا بنتها بس فرحت انه تقبل ده ومشبهنيش بيها في الاخر وحبني زي ما انا

سعد يونس عندما استمع على حديثها عنه وبدا والد يونس ان يشعر بالهدوء والراحه من وجود حياه =ماشي يا بنتي ربنا يبارك فيكى انتى واخواتك وهيجي اليوم اللي هناخد حقنا كلنا من الست دي مش انتم بس وحقك هيجيلك وحقنا هيجي ان شاء الله =هو انا ممكن اقول حاجه بس عارفه ان ممكن تكون مش من حقي بس انا مقدرش اعرف حاجه وافضل ساكته =قولي يا بنتي

=انا عرفت ان راندا كانت شغاله مع فوزيه هى كانت بتخليها تقرب من يونس عشان تاخد كل الممتلكات اللي مع يونس واخوه =ممتلكاتي انا محلتيش حاجه كل الممتلكات باسم ابويا =لا يا ابني كل حاجه باسمك انت واخوك وهي اكيد عرفت ده عشان كده دخلت راندا حياتك ماشي يا فوزيه ماشي =وحاجه اخيره ممكن تساعدكم في انكم تمسكوا حاجه على فوزيه بس انا مش متاكده يعني =قولي يا بنتي

=حمزه مش ابن فوزيه هى مبتخلفش فوزيه شلت الرحم من زمان من بعد ما جابت اختي نور =حلو اوي كده ماشي يا حياه شكرا لكى تقدري تروحي تشوفي شغلك =ماشي عن اذنك كانت سوف تخرج ولكن دخلت فوزيه الى المكتب دون ان تاخذ اذن احد وصدمت عندما رأتها =حياه