الفصل العاشر

رواية ويبقى الأثر الجزء العاشر 10 بقلم آلاء وائل ويبقى الأثررواية ويبقى الأثر الحلقة العاشرة = اتكلمى يا حياة وانا سامعك بدأت حياة بالهدوء وقالت= انا مخبيه عليك حاجه كبيره اوى عارفه انها ممكن تنهى كل حاجه وتندم انك اعترفتلى بحبك بس مبقتش قادره اخبيها عليك اكتر من كده بس قبل ما اقولها عايزه اقولك أنى انا كمان بحبك ومحبتش حد قبل كده قد ما حبيتك وكل بطلبه منك انك تسمعنى للآخر قبل ما تحكم علياا = احكى يا حياة وانا سمعك

= انا ابقى بنت فوزيه السويدى مرات ابوك يا يونس بس أنا عمرى ماكنت زيها ولا عمرى هبقى زيها فوزيه بابا اتجوزها غصب واستغلته هى باباها زى ما استغلت باباك بالظبط واتجوزته جابتنا انا واخواتى التلاته وبعدها بابا تعب وجاله المرض الوحش ومات وهى جالها المرض الوحش فى الرحم وشالته ورمتنا انا واخواتى فى الشارع علشان تعرف تكمل النصب براحتها وانا واخواتى اتبهدلنا عقبال ما لقينا مكان نعيش فيه وبعدها جالنا خبر أنها ماتت انا زعلت

عليها لأنها فى الآخر امى بس بسببها انا ملقتش مكان يقبلنى لأنها سابت اثر فى كل مكان بسمعتها الوحشه لحد ما قابلت فريدة وجيت الشركه عندك ومكنتش اعرف أنها عايشه ولا أنها متجوزه باباك وعرفت اليوم إلى اتخانقت فيه مع حمزه أنها عايشه خوفت اقولك علشان متقطعش عيشى علشان اعرف ادفع مصاريف اخواتى بس لما جينا هنا وحسيت بمشاعرى ليك فكرة كتير اوى اقولك ولا لا لانى مش عايزه ابدأ معاك حياتى على كدبه لازم تكون عارفه كل حاجه علشان لو

هنبدأ مع بعض يبقى نبدأ وانت عارف كل حاجه انا واخواتى اتظلمنا بسببها وانت وحمزه واخوك وباباك اتظلمتو بسببها هى استغلت الكل علشان مصلحتها والفلوس بس أنا عمرى ما استغلتك لانى بحبك بجد انت دلوقتى بقيت عارف كل حاجه شوف انت عايز اى عايز تكمل معايا ولسه بتحبنى ولا ندمت على الحب ده ليك حرية الاختيار

نظر لها يونس فى صدمه لا يعرف ماذا سوف يقول بعد معرفته بأنها ابنة أكثر امرأه جعلت حياته جحيم هى ووالده وأخيه الصغير بسبب حبها الشديد للمال هل سيستطيع أن يحب ابنة هذه المرأه ام ينهى كل شئ ويرحل نظرت له حياة بحزن وعلمت أنه لن يتقبلها بسبب امها حزنت كثيرا لأن بسبب هذه المرأه لن تستطيع أن تحب او أن تعيش حياتها كما تريد قررت أن ترحل فى صمت ولكن أوقفها يونس

= استنى يا حياة انا بس مش قادر استوعب كل إلى اتحكى حقيقى علشان كده مردتش بس ادينى وقت افكر وهبقى ارد عليكى =تمام خد كل الوقت إلى انت عايزه ذهب يونس إلى الغرفه وحياة أيضا وكانت تبكى بشده وذهبت إليها فريده لتحاول ان تجعلها تهدء =خلاص يا حياة أهدى بالله عليكى = انا عايزه ارجع مصر مش عايزه اقعد هنا تانى = ما هو مش بمزجنا الشغل طالب كدا = وانا مبقتش قادره ابعد عن اخواتى اكتر من كده

= معلش كلها يومين وهنمشى هو ده السبب إلى مخليكى تعيطى = لا = اومال = انا قولت الحقيقه ليونس = بجد طب وحصل اى = قالى ادينى وقت افكر انا حاسه ان هو هيطردنى من الشركه وحياته = ليه بتقولى كده وممكن يتقبل الحقيقه = من إلى شوفته فى نظراته معتقدش = إن شاء الله خير = يارب فى غرفة ابراهيم ويونس أنهى ابراهيم الاجتماع وذهب إلى يونس ووجدو شارد كالمعتاد = خير سرحان فى اى = انت كنت عارف = عارف بأى

= متحورش انت كنت عارف ان هى بنت فوزيه =هى قالتلك = عرفت امتى وخبيت ليه = عرفت امبارح من فريده بس مرضتش اقولك قولت هى تقولك افضل بس شكلك كده مش عجبك الكلام إلى قالته = انا مش عارف اعمل اى ازاى هقدر اتقبل أنها بنت فوزيه ازاى = هو اى إلى ازاى على اساس أنها عايشه معاها ما هى رميتها هى واخواتها وحياه إلى شالت اخواتها وانت فى الآخر جاى تحكم عليها علشان فوزيه أمها = غصب عنى يا ابراهيم هعمل اى

= يونس انت عارف انت بتقول اى انت بتحكم عليها بسبب امها انت كل الفتره دى شوفت اى حاجه تبين أنها بنتها شوفت منها اى اسلوب وحش =بس ده مش هيغير فكرة أنها بنتها = انا مش مصدق يا صحبى إلى انت بتقولو والله انت بتحكم عليها بسبب امها وانا إلى قولت انك مش بيهمك اى حاجه غيرها طلعت غلطان فعلا = يعنى انت لو مكانى هتعمل اى

= هفضل مع إلى بحبها طبعا لان هى ملهاش ذنب فى أخطاء أمها ولا ماضيها وانا مشوفتش منها حاجه وحشه يبقى اعوضها عن زعلها أنى أراضيها وابسطها ونعيش مع بعض مبسوطين مش أخدها بذنب مش ذنبها = انا مش قادر اتقبل ده = يبقى انت متستهلهاش يا صاحبى وذهب ابراهيم حتى يفتح الباب ويخرج من الغرفه وجد حياه أمامه وبجانبها فريدة =حياة انا حاولت

قاطعته حياة= متزعلش نفسك يا ابراهيم بيه خلاص مبقتش فارقه كل حاجه انتهت انا بس كنت جايه ابلغ حضرتك أنى هسافر انا وفريدة انهارده اخواتى وحشونى ومش هقدر اسيبهم لوحدهم اكتر من كده = ماشى يا حياة روحى ولو عوزنا منك حاجه فى الشغل هبعتلك على الايميل والواتساب كانت سوف تذهب ولكن أوقفها يونس = حياة انا اسف بس ابتسمت حياة بسخريه= مش محتاج تعتذر يا يونس بيه ربنا يعوضك بواحده احسن منى ومتبقاش بنت فوزيه

ذهبت حياة وخلفها فريدة لتجهيز اغراضهم للذهاب = هتفضل غبى يا يونس خليك لوحدك انا ماشى = رايح فين = ملكش دعوه وذهب ابراهيم للخارج ليريح أعصابه ويساعدهم فى اكمال ورق السفر فى منزل والدة فريدة كانت ملك في المطبخ تجهز الغداء وحسن يجلس مع والدته = اى يا حسن مش ناوى تفرحنى وتتجوز = عندك عروسه لياا = يعنى لو انا جبتلك عروسه هتوافق =هشوف لو ذوقك حلو ليه لا = مم طب اى رايك فى ابتسام إلى فوق

= اى يا ست الكل هو ده زوقك أخد واحده مطلقه ٣مرات = يعنى انت بوشك ده فى واحده هتقبلك غير مطلقه او ارمله = اى يا امى ده أنا حتى قمور = صح مالقرد فى عين امه غزال = انا قرد شكرا =خلاص متتقمص طب انت مش حاطط عينك على واحده واتت ملك فى هذا الوقت = الاكل جاهز = جايين وراكى يا بنتى = ماشى وذهبت ملك ونظرت سهير ووجدت ابنها يحدق فى ملك إلى أن ذهبت = عجباك = هى مين دى = هتكون مين يابن الموكوسه ملك = هى لا اه مش عارف

= طالما هنجت كده يبقى بتحبها = مين ده لا لا مش كده خالص = على ماما من عارفه من ساعت ما جيت وهى عجباك بس كنت عايزه اسمعها منك = يعنى موافقه عليها = البت حلوه وأخلاقها عليا وانا بحبها ليه لا = طب ما تقوليلها بقى = اقولها اى يااهبل مش لما اختها تيجى = اه صح = يلا نتغذا بدل ما الاكل يبقى بارد زيك = متشكر يا امى والله مش عارفه اقولك اى وذهبوا الى الغداء وبدأو بتناول الطعام

جهزت حياة كل شئ وذهبت الى المطار هى وفريدة وساعدهم ابراهيم فى تجهيز كل شئ وكانو سوف يذهبون إلى الطائره واوقفهم يونس ومعه اغراض السفر = حياااه حيااااه بالله عليكى استنى نظرت حياة خلفها ووجدته اقترب منها ووقف أمامها ومعالم الحزن على وجهه= انا اسف يا حياه ردت ببرود= عايز اى = انا عارف انك كنتى حاطه امل علياا وانا خيبت املك فيا بس غصب عنى مكنتش قادر افكر والله بس دلوقتى لما قعدت لوحدى خدت القرار = واى قرارك بقى

= حياة انا بحبك ومش هسيبك ولو على امك هاخدلك حقك منها وهننتقم منها سوا بس متسبنيش يا حياه نظرت له حياة والدموع فى عيناها=يعنى انت مش هتاخدنى بذنب امى ولا هتكرهنى = لا يا حياة انا هفضل جمبك على طول ومش هسيبك لحظه =انا بحبك اوى = وانا كمان كان يونس سوف يحتضنها ولكن أوقفه صديقه = اى يا اخينا ماانت كنت ماشى كويس هنخيب = وانت مين بقى = عينت نفسى اخوها خلاص عندك مانع =هى بقت بتعيين دلوقتى

= اه طبعا ولما تيجى تخطبها هتيجى تطلبها منى = كمان يبقى كده هترفض وش = عندك شك فى كده ردت فريدة بضحك= طب اى هنسافر ولا هنبقى = لا هنسافر انا جهزت كل حاجه خلونا نرجع مصر افضل وذهبوا جميعا وركبو الطائره بعد أن انهو الطعام ذهبت ملك وجلست مع اختها = هى حياة مش هترجع ياملك وحشتنى اوى = وانا كمان بس هانت كلها يومين = ملك انتى شكلك مضايقه من امبارح فيكى حاجه = لا انا كويسه بس وحشتنى لمتنا مع بعض احنا التلاته بس

= مم طب متيجى نكلم حياه = يلا وحاولت ملك الاتصال وكان غير متاح وظل هكذا كثير وكان يعطيها أيضا غير متاح =طب اى هنعمل اى = استنى بكره بقى =ماشى فى منزل يونس كانت فوزيه جالسه فى الغرفه وأتها اتصال من رقم مجهول = راجعين = مم هما الاربعه ولا = ايوه يا مدام هما الاربعه وشكل كده فى قصة حب كبيره = طب البنات دى هتفيدنا ولا = معتقدش شكلهم محترمين اوى وملهمش فى كده = تمام اقفل انت دلوقتى

أغلقت الهاتف وكانت تفكر كيف سوف تتخلص منهم لأنهم لن يكون لهم اى فائده لها ودخل حمزه ورأها تفكر وعلم أنها تريد حتما انا تدمر شخص ما =عايزه تخلصى من مين يا فوزيه هانم = مم حفظتنى دلوقتى = طبعا هو انا اعرفك من قليل = طب وعرفت بقى أن يونس وإبراهيم بقو بيحبو اتنين من المواظفين إلى فى الشركه = واى المشكله فى كده = المشكله ان اخيارتهم مش هتفدنى فى حاجه = قولى كده انتى عايز حد زى يا راندا أو زى راند ليه زيك بيحب الفلوس

= لاحظ يا حمزه انك بدأت تتجاوز حدودك معايا وانا علشان بحبك بعديلك = بتحبينى ضحكتينى والله هو انتى بتحبى حد غير نفسك = اطلع بره يا حمزه برره خرج حمزه من الغرفه ووجد اخو يونس الصغير أمامه = واقف كده ليه تعرف لو هى شافتك هتعمل فيك اى = عارف بس أنا مش خايف

= بص يا مالك انا عارف انك ممكن تكون مش بتحبنى بس أنا مش عايزك تتأذى انت زى اخويا الصغير والست دى مش بتفرق بين كبير وصغير متعملش كدا تانى لانها ممكن تموتك واخوك مش هيسكت علشان منكبرش الأمور ابعد عنها وان شاء الله ربنا هجيب لكل إلى ظلمتهم حقهم منها = ماشى ذهب إلى غرفته وذهب حمزه إلى الخارج فى اليوم التالى استمعت ملك لطرقات على الباب وذهبت مسرعه لتعرف من فتحت الباب ووجدتها امامها نظرت لها بصدمه والدموع بعينها = حياه…