الفصل السابع

رواية ليتها تكون لي الجزء السابع 7 بقلم فضة الشرقاوي ليتها تكون ليرواية ليتها تكون لي الحلقة السابعة -عند غزل ورولا -كانت رولا قد ارتدت ملابسها وخرجت إلي غزل وتقنعها أن يبقو في المنزل هي لا تريد الخروج -رولا:يا غزل أنا عاوزه أنام مش عاوزه أخرج -غزل:لا هنخرج م نخرجش لي بلا بس لبستي أهو -رولا:ي غزل مليش مزاج بجد -غزل: يلا هننزل -وذهب غزل ورولا وظل يسيران لا يعلمان أين يذهبا لكن هم يسيرون -غزل:رولا تيجي نروح عند البحر

-رولا:اسكتي ي غزل بجد مش عاوزه -غزل :اه البحر حلو يلا نروح -بالفعل ذهبو وظلو يسيران ويتحدثان -رولا ببكاء :عارفه ي غزل أنا عمري ما حسيت بكسرتي غير النهارده أنا عمري ما كنت كده هو دمرني بمعني الكلمه دمرني -غزل :اهدي ي رولا كل حاجه تتحل ان شاء الله بس م تعيطيش في الشارع

-رولا:عمر ما في حاجه هتتحل أبدا لو إيي اللي حصل عمري ما هسمح إني أكسر قلبي تاني أنا فعلا كان المفروض أعزز نفسي ما أتنازلش عن أي حاجة وزي ما أنا هقدم تنازلات هو يقدم بس أنا اللي قدمت بس انتي فعلا قولتيلي بلاش تضيعي حلمك واتنازلت عشان بحبه أنا أكبر غلطه عملتها إني حبيته -غزل:عمري ما شوفتك كده أبدا ي رولا -رولا:وأديكي شوفتيني كده بسبب إني حبيت بجد ياريتني ما حبيت -غزل قامت باحتضانها :خلاص ما تعيطيش احنا في الشارع

-رولا:لا مش هعيط مش عشان في الشارع بس مش هعيط عليه تاني -غزل:يوم يختي بتعملي موف اون اتأخرتي أوي كانو هما خمس دقايق وكفايه أوي -رولا بضحك:صح عندك حق تيجي ناكل بس هناكل اي مش عارفه -غزل بضحك:بتفكريني بالفيديو اللي بيقول “وهي عامله دلوقت -رولا بضحك:بتاكل -غزل:ومين هون عليها الوقت -رولا:الأكل بردو المهم الصحه -غزل:كل حاجه بتروح وتيجي إلا الصحه لو راحت ما بتجيش -رولا:عندگ حق -غزل: أيوه كده بقا فكي يا رولا وتعالي ناكل

-رولا: يختي محدش بستاهل المهم ناكل -غزل:أهم حاجة الأكل وبعدين نكمل عياط -رولا: بالظبط كده -وذهب رولا وغزل لشراء الأكل وظل يتحدثان طويلا ويضحكون حتي لم يلاحظون مرور الوقت -“بس أناَ ملقِتش ونَس للعُمر أحسَن مِنك” -عند وعد -كانت وعد تستعد للذهاب إلي عملها الخاص فهي كانت قلقه للغايه علي نورين التي لم تحدثها إلي الآن وقامت بارتداء ملابسها لتذهب إلي عملها وجاءها اتصال من نورين -وعد :ينفع كده !

-نورين: والله الفون فصل وعلي م روحت البيت وحطيته ف الشحن وكلمتك ع طول -وعد :اه تمام ماشي -نورين :عامله اي -وعد: الحمدلله كويسه انتي عامله اي -نورين : الحمدلله -وعد : احكيلي بقا عملتي اي -نورين :ولا حاجه روحت وقعدت مع أمه وكلمتني وهي طيبه أوي -وعد:بس خدي بالك يا هبله مش كل الناس طيبه ما تحكميش من الكلام بس -نورين:لا طيبه خالص انتي م اتعاملتيش معاها خالص وحنينه اوي كان نفسي يكون عندي ماما تكلمني زيها كده قالتها بكسره

-وعد:بردو حاولي مش كل حد تقولي طيبه -نورين:بتقولي يمكن أمك تكون سابتك غصب لازم تسمعي من الطرفين هو فعلا المفروض كده صح -وعد:اه طبعا وتخليهم في مواجهه كمان -نورين:هو أنا هرجع لبابا تاني لا أنا عاوزه ألاقي امي بس مش عاوزه أكتر من كده مش هسأل حتي -وعد:اهدي بس ي نورين لو دورتي هتلاقيها -نورين :هشوف ازين أنا م اعرفش -وعد:نبقا نفكر أما تتحسني إن شاء الله -نورين :ان شاء الله .لقيتي سكرتيره -وعد:اه هتبدأ النهارده زمانها فتحت

-نورين:جبتيها منين -وعد:نشرت بوست علي الفيس وكلمتني -نورين:واكيد طبعا محدش هيشتغل حلو زيي -وعد:أكيد طبعا -نورين:كويس -وعد:الدكتور قالك اي علي حالتك -نورين:قال ان شاء الله بعد شهر كده -وعد:طب كويس وهتعملي اي بعد كده -نورين:هدور علي شغل هعمل ايي غير كده بس أنا عاوزه شغل دلوقت -وعد:طب اي اللي جبرك تروحي يعني ما كان ممكن تكملي شغال وتدوري ع أي شقه لي تبعدي بس

-نورين:عاوزه أنسي كل اللي فات عاوزه أبدأ حياه جديده خاليه من وجود مرات الأب الشريره لي ما اعتبرتنيش زي بنتها وربتني لي طول عمري اتحرمت من الحنيه مش هقولك منها بس لا ومن أبويا كمان أنا عمري ما كنت وحشه عشان تعاملني بالقسوه دي أنا معملتهاش مره وحش أول ما أبويا يدخل البيت تجري عليه تشتكي من اي ما اعرفش كان أبويا يجي يزعقلي ويضربني عمري ما هنسي القسوه دي عليا

-وعد:اهدي بس يا نورين أديكي سيبتيهم وخلصتي نفسك منهم وروحتي مكان جديد تكوني صداقات أوعي تقولي ده وحش لا اتعاملي مع الكل اتعودي انك تتكلمي مع الناس هتلاقي بينهم ناس حلوه كتير وزي ما فيه الوحش فيه الحلو -نورين:معلش يا وعد شغلتك بمشاكلي وآخرتك عن شغلك -وعد:لا خالص كويس انك رنيتي كنت قلقانه عليكي ولو هتحكي نفس الموضوع كل ثانيه هسمعك أنا عاوزه أسمعك -نورين بابتسامه:مش عارفه أرد أقولك إيي شكرا بجد -وعد:ع اي ي هبله اسكتي

-ثم سمعت نورين صوت يدق الباب فأنهت المكالمه مع وعد -نورين:مين -عزيزه:أنا يا بنيتي جيت أتطمن عليكي وعشان تيجي تاكلي معانا -فتحت نورين الباب وقالت:حاضر أنا مش عارفه أقولك ايي لو حد من أهلي مش هيعمل معايا كده -عزيزه:وأنا اعتبريني أمك ومفيش أغلي من الضنا يا بنيتي مش هجولك اعتبريني أمك وأعاملك وحش الأم ما تعرفش تكره ولا تخلي عيالها يكرهو حد -نورين:شكرا لحضرتك مش عارفه أقولك ايي هي فترة وهمشي وهبقا اجي ازورك كل فتره

-عزيزه:بجولك ده انتي زي بنتي تجولي كده أوعاكي تزعليني منك -نورين:شكرا لحضرتك -عزيزه:يلا يا بنيتي الوكل (الأكل) جاهز -نورين:يلا -وذهبو إلي موضع الطعام -ريان:عامله اي دلوقت -نورين: الحمدلله أحسن -ريان:هو انا حاسس إنك مش طايقاني لي هو أنا عملتلك حاجه -نورين:لا خالص بس مش متعوده إني أتكلم مع راجل غريب -عزيزه:ياريت كل البنات يبجو في أخلاجك يا بنيتي دلوجت معتش حياء عند البنات خالص -نورين

ازين:ده انتو حتي في الصعيد أعرف إن بنات الصعيد مش زي أماكن كتير -عزيزه:أكيد يابنيتي بس بردو البنات بجيت بتجول عادي الحرام بجا عادي عنديهم خلاص -نورين:في اسكندريه زي هنا في بنات محترمين وبنات لا في ناس لسه تعرف تفرق بين الحلال والحرام في لكل حاجه حدود -عزيزه: ربنا يهديكي يابنيتي -نورين:ربنا يخليكي -ريان:طب ما تدعيلي أنا كمان يا حجه ولا أنا مليش نصيب -عزيزه:ربنا يهديك يابني

-تناولو الغداء وأخذت نورين دوائها وذهبت لتستريح وذهبت معها عزيزه تجلس معاها وذهب ريان إلي عمله ……… ‏”إن الروح إذا إلتقت بمن يشبهها ترمّمت ، وتعـافت ، واكتملت.. -كان يوسف ما يزال في عمله وذهب إلي ريتال بعد إنهائه لعمله -يوسف:ممكن نخرج شويه نتمشي -ريتال:اه ممكن -فكانت ريتال غير محجبه وهذه الفكره عاديه جدا بالنسبة لها . -خرج يوسف وريتال من الشركه

بعد إنهاء عملهم فكانت ريتال بالطبع سعيده للغايه فهي تحب يوسف لكن يوسف لا يعلم ذلك -يوسف:تحبي نروح فين -ريتال: عادي أي مكان -يوسف:اه بس طبعا المكان اللي يعجبك -ريتال:لا نتمشي أحسن -يوسف:طب نروح علي البحر حتي -فكان البحر هو مكان يوسف المفضل ويحب الذهاب إلي هناك كثيرا -ريتال:طيب يلا -ذهب ريتال ويوسف إلي البحر وأخذ يسيران ويتحدثان وكانت رولا وغزل ما زالو هناگ فهل تحدث المصادفه ؟

-يوسف: عاوز أجي أتقدملك ممكن تحدديلي ميعاد مع والدك -ريتال:هو انت كنت تعرفني قبل كده -يوسف:لا لي -ريتال:أصل غريبه تعرفني امبارح وتكون خاطب وفي ثواني كده عاوز تخطب -يوسف:حبيتك من أول نظره فيها حاجه دي -ريتال:اه فيها إن احنا لسه م نعرفش بعض عشان تفكر في الخطوبه -يوسف:ما احنا نتخطب ونتعرف علي بعض -ريتال :طب م احنا فيها عرفني عليك -كانت هناگ عيون تتابعهم بحزن شديد

-رولا:هي دي اللي سيبتني عشانها يا يوسف هو أنا كنت أستاهل منك ده -غزل:خلاص يا رولا بقا يلا نمشي -رولا:عيب عليكي بقا أشوف ابن خالتي وخطيبته وم أسلمش عليهم -غزل :رولا اسكتي مينفعش توريله إنك ضعيفه من غيره -رولا:لا أنا مش هبين ضعفي صدقيني امشي معايا بس -غزل : طيب يلا معاكي ف أي حاجة انتي عارفه ولو مصيبه بردو يلا -رولا:هو انتي بيجي من وراكي غير المصايب -غزل:الصراحه لا -رولا:طيب يلا امشي

-كانت رولا وغزل يسيران علي أنهم رأوه صدفة -يوسف بصدمه:رولا -غزل:اهلا اوعي تقول إن دي ريتال اللي هتبقي خطيبة أخويا وأنا هبقا عمتو الحربايه قريب -ريتال بضحك:اه هي -رولا بابتسامه:أهلا ازيك يا يوسف مش هتعرفنا يا يوسف -يوسف:ريتال زميلتي في الشغل وهخطبها ان شاء الله ودي رولا بنت خالتي -رولا بفرحه مصطنعه:أهلا ألف مبروك وربنا يتمملكم علي خير يلا بقا عشان أنا وغزل عاوزين نلبس فساتين شبه بعض

-غزل:الله بقا ولون الفساتين هيبقا اي بقا -رولا:روز حلو أنا بحب الروز -غزل:لا نبيتي أحلي -يوسف بضحك :أنا لسه ما اتقدمتش علي فكرا -رولا:ربنا يتمم علي خير -غزل:يلا بقا يا رولا احنا نسيبهم لوحدهم شويه -ريتال :خليكم شويه -غزل:لا هنروح احنا بقا ده احنا بره من الصبح بنتفسح ادينا لنفسنا إجازه النهارده -يوسف:اجازه لي -رولا:عادي كل يوم محاضرات وتعب قولنا نرفه علي نفسنا شويه -غزل:يلا بقا هو هنقضيها كلام يلا

-ذهبت رولا وغزل في طريقهم -غزل:جدعه يا رولا خليكي كده -رولا:أنا كنت زعلانه علي أيامي اللي ضاعت معاه مش أكتر ولسه زعلانه مش هقولك نسيت صعي أنسي بالسرعه دي بس أهم حاجة أتعلم الدرس -غزل:بت ي رولا غزل البنات أهو الله تعالي نحيب انتي بتحبيه -رولا:أهم حاجه ندلع كرشنا تعالي -غزل:بت ي رولا يلا نروح كده مش هيدخلوني البيت -رولا:اه يلا اتأخرنا من الصبح بره -وذهبت كلا من رولا وغزل إلي البيت -سميه:اتأخرتي كده لي يا غزل

-غزل:كنت عند رولا ي ماما وخرجنا شويه م هو انتي م تعرفيش اللي حصل -سميه:اي اللي حصل ي ختي -غزل:الواد ابنك فسخ خطوبته وشوفناه كمان مع اللي ناوي يخطبها -سميه بصدمه:نعم انتي بتهزري أكيد عشان أعدي موضوع انك اتأخرتي صح -غزل:لا والله ي ماما بتكلم بجد واعملي نفسك مش عارفه حاجه وشوفي أما يجي هيقولك -سميه بحزن:ورولا عامله اي دلوقت -غزل:كانت منهاره ي ماما بسبب ابنك بس هو حر خليه الهانم التانيه تنفعه -سميه:يعني بقت حلوه

-غزل:شويه روحنا وخرجنا -سميه:طب م روحتيش معاها لي -غزل:وانتي كنتي هتسكتي -سميه:بنت خالتك وصاحبتك في مشكله يبقي تحاولي تخرجيها من اللي هي فيه -غزل:يعني اروح ومشش هتتكلمي -سميه:اه روحي يلا -غزل:امال فين وعد -سميه:راحت شغلها ربنا يعينها -غزل:يارب أنا همشي بقا أنا وابقي شوفي ابنك أما يجي -سميه:اه هشوف اللي حصل عشان يسيبها -غزل : ماشي همشي بقا باااي -سميه:اما تروحي رني خليني أكلم رولا -غزل: ماشي ي ماما باي

-وذهبت إلي غزل إلي رولا لتكمل معها اليوم حتي تجعلها تنسي ما حدث ولا تفكر فيه كثيرا ــــــــــــــــــــــــــــــــــــــــــــــــــــــــ -أما في الجهه الأخري ف يوسف كان متعجبا من رولا هل نسيت ؟ بالسهوله دي قال يوسف لنفسه أحسن حاجه عشان تنساني ومتحطنيش في دماغها -ريتال:يوسف انت معايا -يوسف:اه معاكي كنا بنقول اي -ريتال:كنت بسألك عن نفسك -يوسف:طب تعالي نقعد -ريتال:يلا -يوسف:أعرفك بنفسي مع إن انا قولتلك قبل كده

-ريتال:لا عاوزه اعرف عن حياتك اخواتك مامتك وباباك كده يعني -يوسف :اه هحكيلك -وحكي لها يوسف كل شئ عن حياته وهي كانت تسمع ذلك بسعاده فيوسف بدأ يحبها وهي أيضا تحبه -يوسف:روحتي فين -ريتال:معاك اهو -يوسف:أجي أتقدملك امتي -ريتال:لسه فيه حاجه -يوسف:اي هي -ريتال:أنا هشتغل مش هقعد في البيت -يوسف :موافق -ريتال:امال كنت ممانع خطيبتك الاولي لي -يوسف:زي م قولتلك امبارح -ريتال:لا أنا هشتغل واتفقنا -يوسف:تمام موافق -ريتال

بابتسامه: تمام -يوسف:ها أجي اتقدم امتي -ريتال:هاخدلك ميعاد من بابا وأكلمك -يوسف: تمام -وذهب كلا من ريتال ويوسف كل واحد إلي منزله ورفضت ريتال أن يوصلها يوسف -محادثة واتساب * -يوسف:روحتي -ريتال:اه روحت -يوسف:تمام هطلع أكلمهم بقا وانتي خديلي ميعاد من أهلك -ريتال بفرحه:تمام -ذهبت ريتال لتكلم صديقتها كيان -ريتال بفرحه:كيان الحقي هيجي يتقدملي -كيان:هو مين؟ -ريتال: يوسف ي كيان -كيان:ده خاطب -ريتال:فسخ

-كيان:اي السبب يمكن مكنش حلو -ريتال:حب من النظره الاولى بقا -كيان بضحك:فكرتيني بكوشي وأرناف -ريتال:كياااااان بقول هيخطبني تقولي كوشي وارناف -كيان:أقولك اي أقولك زي م ساب غيرك هيسيبك -ريتال :لا وهتشوفي -كيان:أكيد م اتمناش انه يسيبك -ريتال بفرحه:هحددله ميعاد مع بابا فرحانه أوووي -كيان:ربنا يفرحك هقفل أنا بقا -ريتال:اوك سلام -وتم إنهاء المكالمه بينهم -كيان

بحقد:كل حاجه حلوه تحصل لريتال ريتال تلاقي شغل ريتال تتخطب ريتال دخلت الكليه اللي عاوزاها لي م ابقاش زي ريتال لي هي كل حاجه ليها لوحدها لي لي ريتال معاها فلوس وأنا لا هي حظها كده هنشوف خطيبك هيسيبك ولا لا ي ريتال هانم “في ناس بتظهر في حياتنا عشان تأذينا …..وتمشي…..” ــــــــــــــــــــــــــــــــــــــــــ -عند وعد -كانت وعد تجلس مع حاله وجدت من يقتحم عليها هذه الغرفه …… -وعد بخوف:انت أهبل ي عمرو إيي اللي جابگ هنا

-عمرو:قولتلك انتي ليا بس محدش هيتحوزك غيري -لم يكن هناك حالات غير هذه الحاله وموجوده بالداخل والسكرتيره بالخارج -وعد :حرام عليك بقا انت عاوز مني ايي -عمرو :امشي قدامي حالا -وعد:ي بني انت مريض عاوز تتعالج -عمرو :انتي اللي مريضه -وعد:أنا اللي مريضه سيبني بقا -وحاولت وعد إفلات يديها ولكن دون جدوي -كانت السكرتيره تجلس بالخارج ولا تعلم ماذا تفعل ؟!!!!!! -ووسط بكاء وصريخ وعد قام عمرو بإخراج سلاحه وصوبه تجاه وعد…….