الفصل الثامن

رواية ليتها تكون لي الجزء الثامن 8 بقلم فضة الشرقاوي ليتها تكون ليرواية ليتها تكون لي الحلقة الثامنة -في منزل يوسف -دخل يوسف إلي البيت وبداخله أن يقنع أهله بهذه الخطوه الذي يريد أن يأخذها -يوسف:ازيك يا أجمل أم -سميه:ازيك يا حبيبي عامل اي -يوسف: الحمدلله -سميه:يومك كان حلو النهارده والشغل حلو في الشركه دي -يوسف:اه الحمدلله ي ماما

-سميه:اه صح نسيت أقولك مش رولا كانت كلمتني امبارح عشان تعرف انت اتقبلت ولا لا هو انت م رنتش عليها -يوسف بارتباگ:م هو ده الموضوع اللي عايزك فيه -سميه:بعد ما علقت البت فيك سيبتها صح بس خلي بالك إن ده هيتردلك -يوسف:م حسيتش إني بحبها وعاوز أخطب واحده تانيه -سميه بابتسامه:مين سعيدة الحظ -يوسف:مش زعلانه عشان بنت أختك

-سميه:أكيد زعلانه بس أنا قولت هيتردلك مش هقولك مش موافقه أو كده لا دي حياتك وانت حر في الاختيار اختار اللي قلبك عاوزها عشان يوم ما تحصل مشكله وتسيبها م تجيش تقول انتو السبب مع إن احنا بردو ما ادخلناش في اختيارك -يوسف:هو لي كلكم مطلعين رولا ملاك م بتغلطش لي ميبقاش إن مفيش نصيب -سميه:يا ابني مش بنغلطك بنعرفك احنا أهلك -يوسف:أنا خلاص هخطب ريتال -سميه :الف مبروك يا ابني ابقي قول لأبوك لما يجي

-يوسف:لي هو هيعارضني هو كمان دي بقت عيشه تزهق -سميه بحزن:خلاص بقيت رجل وبتعلي صوتك علي أمك لا ي ابني مش هنتدخل ف حياتك ولا هتروح تخطب لنفسك -يوسف:اه هخطب لنفسي أنا مش عيل ثم تركها وذهب إلي غرفته -سميه :ربنا يهديك يا ابني ــــــــــــــــــــــــــــــــــــــــــــــــــــــــ -عند وعد كانت تقف وعمرو يوجه السلاح إليها -عمرو:امشي وم تنطقيش -وعد باستسلام:حاضر

-لم يمر وقت حتي وجد عمرو الشرطه حاول الهروب لكن لم يستطع ذلك فقد كانت السكرتيره الجديده طلبت أقرب مركز شرطه لهم -الظابط:انت مفكر ان عشان حضرتك في الشرطه مش هيتفبض عليك مفيش حد فوق القانون اللي يغلط بيتعاقب -عمرو:لو حد قرب هقتلها -الظابط:عاوز منها اي واي اللي جابك هنا -عمرو : واحده سرقتني وجاب باخد حقي -وعد:لا ي حضرة الظابط والله هو اللي جه عاوز يخطفني من غير سبب

-واستمر الحوار وأخذ عمرو يوجه الإتهامات إلي وعد قام الظابط بأخذ السلاح من يد عمرو بطريقه ذكية وقام بتقيده وأخذه إلي مركز الشرطه -فقامو بالتحقيق مع عمرو وتم رؤية الكاميرات وعلمو أن عمرو هو الذي يريد اختطافها (محاولة اختطاف) واعترف أيضا بذلك عمرو وتم تحويله إلي النيابه .وتم حبسه علي ذمة القضية لمدة أربعة أيام للتحقيق معه -خرجت وعد من المركز وهي تبكي بشده عن ما حصل معها اليوم وكانت معها السكرتيره (حوريه)

-حوريه:اهدي ي دكتوره الحمدلله عدت علي خير -وعد ببكاء: الحمدلله بس أنا زهقت خلاص معتش هشتغل هقعد أحسن -حوريه:ي دكتوره ده انتي حتي دكتوره نفسيه بتعالج الناس -وعد:مش هعرف أعالج نفسي -حوريه: الحمدلله إنها جت علي قد كده بس -وعد: الحمدلله هرتاح وهشوف هننزل الشغل امتي -حوريه:تمام ي دكتور -ثم ذهبت كلا منهما إلي منزلها -سميه بلهفه:مالك ي بنتي فيه اي -وعد:عاوزه استريح -سميه :تعالي اقعدي مالك فيه اي

-وعد:عمرو جه وكان هيخطفني ي ماما -سميه بخوف:ي نهاري لي -حكت وعد كل ماحدث لها -سميه بعصبيه:ده اكيد مجنون ازين يعمل كده ويفكر في كده معلش ي بنتي تعالي ادخلي ارتاحي شويه -وعد:ماشي ي ماما -سميه:احمدي ربنا إنها جت علي قد كده -وعد: الحمدلله -سميه:يلا ارتاحي وهجبلك عصير ي حبيبتي بدل شكلك تعبتي اهدي ي بنتي عدت الحمدلله -وعد:اه عدت مش عارفه اي تاني هيحصل لي ده غأنا عملت له اي

-سميه:هو بيحبك ي بنتي وعاوزك يمكن حبه ليكي هو اللي خلاه يفكر كده -وعد:لا ي ماما ده مش حب ده هوس وأنا مستحيل أقبل أعيش مع واحد كده وبيقول إني وحشه ويستاهل أحسن منه بيوري لنفسه إن مفيش زيه بيحاول يضحك علي نفسه -سميه:ماهو ي بنتي تفهمينا سيبتيه لي -وعد:مفيش نصيب ي ماما خلاص -سميه:هجبلك تاكلي واعمل أجمل عصير لأجمل دكتوره -وعد بابتسامه :شكرا ي ماما -ثم ذهبت وهد في سبات عميق من هذا اليوم الشاق

“الأهم من الوقوع في مشكله هي وجود مساندة الأهل والدعم منهم” _فضه الشرقاوي -ذهبت غزل إلي رولا كي تقضي معها هذا اليوم وتخفف عنها -غزل:اهدي بقا ي رولا انتي مش قولتي دي آخر مره تعيطي الصبح -رولا:مش ب ايدي والله بس كنت بحبه بجد مش عشان سبب معين بس هو فعلا أذاني بيقولي من غير سبب هو محبنيش صح أنا اللي كنت هبله

-غزل:أقولك بجد انتي فعلا هبله عشان بتعيطي عشان حد ما يستاهلكيش وانتي ضحيتي وبرأيي إنك إنتي الغلطانه مكنش لازم تتنازلي عن حاجه قصاد ما هتتنازلي هو يتنازل -رولا بابتسامه:الله الله فين الحكم دي من زمان ي سلام فين غزل العاقله دي -غزل:موجوده بس ده جانب غزل العاقل -رولا :طب قوليلي أعمل اي ي عاقله -غزل:الهي نفسك بأي حاجه اقرأي روايات عندك فيديوهات إسلام سامي ومامته هيطلعوكي من أي موووود عندك أكل مثلا شاورما كريب بيتزا

-رولا:جوعتيني اسكتي الله أكل -غزل:ده بقا كيفية عمل الموف أون في البيت مع غزل ورفعت غزل رأسها بفخر -رولا:كده رجعتلنا غزل الهبله نعمل اي بقا دلوقت -غزل:نننسي…… -لم تكمل غزل وأجابتها رولا -رولا: نعمل كريب ولا بيتزا -غزل بضحك:بس كده مش لسه بناكل يبقا الدنيا بخير كده تمام أويي -رولا:ينامو ونتسحب ونعمل -غزل:أخيرا لقيت الجزء الأهبل في رولااا يااااه يبقي مش هنحضر محاضرات -رولا:تيجب نقف في البلكونه -غزل:ونحدف عنب علي الناس

-رولا :لا مش للدرجه وبعدين مفيش عنب -غزل:يبقا نشوف حاجه تانيه -رولا:تيجي ننزل نتمشي -غزل:لا ده اتهبلتي ع الاخر -رولا:يبقا ندخل نعمل أكل -غزل:تيجي ننام مفيش أحسن من النوم -رولا:عندي حاجه أحسن -غزل :اي ي تري بقيت بخاف من أفكارك -رولا:نجيب إندوومي -غزل:وأمك هتسيبك -رولا:أكيد مش هقول رايحه أجيب اندومي بذكائك -غزل:أمال هتنزلي لي وازين -رولا:هنقول نازلين نجيب شيبسي ونجيب اندومي من غير ما حد يشوف

-غزل :ولو حد صحي وانتي بتعملي هتقولي اي -رولا بضحك:هقولهم بسخن ميه هولد -غزل بضحك:اه والاندومي بيساعد ولا اي -رولا :طبعا م تعرفيش فوايد الاندومي ولا اي -غزل:أنا عارفة ان بعد الهزار ده كلو ما نستيش حاجه وعارفه كمام إنك اتكسرتي بس بلاش تضعفي أوعي تضعفي في يوم وتقولي عاوزه أرجعله -رولا:عمري ما هضعف ولا هسامح أنا مؤمنه جداا إن ربنا هيعوضني بالخير بس المهم دلوقت ننزل نجيب الاندومي -غزل:والكريب امتي؟

-رولا:لا خلينا ننام خفاف أحسن -غزل:هو بعد الشيبسي والشيكولاتة هتنامي خفيفه -رولا:طبعا اوووماااال -غزل:حرااام عليكي ي شيخه هتخن -رولا:يلا بس ننزل -غزل:يلا -وارتدو ملابسهم وذهبو إلي الماركت -رولا:ازيك ي عمو -غزل:اسكتي هو انتي جايه تتعرفي عليه -رولا:ده عمو هنا من زمان عارفين بعض -رولا:عمو فين الاندومي بتاعي -غزل بضحك:بت اسكتي -صاحب الماركت :لا م تخافيش ده أنا هنا من زمان وعارفين بعض -غزل بضحك:اي ده لا ده احنا نتصاحب بقا

-رولا:ها خلصتي اللي عاوزه ولا اي -غزل:اه خلصت يلا -وذهبو إلي البيت -رولا:ها يلا دلوقت كلهم نامو -غزل:يلا -رولا:هي ريتال مش قالت هخلص الحوار ده النهارده -غزل:مش عارفه -رولا:دي قابلته صدفه وعملت زي م قالت مش بتضيع وقت -تلقت رولا اتصال من رقم لا تعرفه -المتصل:ريتال ضحكت عليكي وقالتلك هتشوفي وهتسيبه اللي متعرفيهوش إن ريتال بتحبه سمعتي كلامها افرحي بقا دمرتلك حياتگ صح -رولا بصدمه :انتي مين ومين قالك الكلام ده

-المتصل:ريتال صاحبتك -رولا:انتي كدابه وأنهت المكالمه -وريني بقا ي ست ريتال هيصدقوكي ازين -كانت غزل تستمع هي أيضا إلي المكالمه وقامت بطلب رقم ريتال -غزل:ريتال إنتي بتحبي يوسف -ريتال بتوتر:مين ….مين قال..كم الكلام الأهبل ده -غزل:ردي يا ريتال -ريتال بتوتر:اللي قال كده بيضحك عليكي -غزل:الحوار ده هيخلص امتي -ريتال:هو قالي أخد له ميعاد من بابا -غزل:وخدتي له ميعاد ،طول عمري بحذرها منگ بس هي هبله وهتفضل هبله وأنهت المكالمه

-رولا بضحك هستيري:اتضحك عليا …… خلاص أنا اعترغت بغلطتي ما تعاتبنيش دلوقت وبكت رولا بشده -قامت غزل واحتضنتها : الحمدلله ربنا بعدهم عنكك أوعي تأمني لها تاني -رولا ببكاء :كلامگ كله كان صح ي غزل بس أنا مش عاوزه أعرفهم تاني -غزل: تيجي نعمل كريب -قامت رولا بمسح دموعها :يلا -غزل :عندك سرعه في الموف اون -رولا:جعانه أموت من الجوع يعني -غزل:لا طبعا -رولا:يبقي ناكل ونكمل عياط -غزل :لا ناكل وننام -رولا:طب يلا بس -غزل :يلا

-استيقظت والدة غزل بسبب صوتهم في المطبخ -سندس:يلهوي اي اللي عملتوه في المطبخ ده -نظرت كلا من غزل ورولا إلي بعضهم البعض وضحكو بشده -سندس :المطبخ بعد ما تخلصو الاقيه نضيف تشوفي وشك فيه تمام -وتركتهم سندس في المطبخ -رولا:اقتراحاتك ي ست غزل دي كلها مواعين -غزل:المهم هناكل ونعمل موف أون براحتنا -رولا:طب يلا يختي كلي عشان نروق المطبخ تشوفي وشك فيه -بعد أن انتهو من طعامهم قامو بتنظيف المطبخ -غزل:تعبت اه

-رولا:مش ده اقتراحك بردو -غزل: محصلش -رولا:لا حصل -غزل:يلا ننام -رولا:يلا -ذهبو إلي الغرفه وظلا يتحدثان إلي أن غفت أعينهم ــــــــــــــــــــــــــــــــــــــــــــــــــــــــ -في صباح اليوم التالي -عند قدرية وإسماعيل -قدريه :شوفت بنتگ ما صدقت ومشت -إسماعيل: عاوزه إيي منها تاني سابتلك البيت كله ومشت -قدريه:لا تيجي تبوس إيدي عشان أخليها هنا معايا

-إسماعيل:هو إنتي مش مكفيكي كل اللي عملتيه عاوزاها تيجي تبوس علي إيدگ كمان يا جحودك -قدريه:إنت ازين بتكلمني بالطريقه دي -إسماعيل بعصبيه : الطريقه دي كان لازم أتعامل معاكي بيها من زمان …. -لم يكمل كلماته حتي سقط علي الأرض -قدريه : حاولت أن توقظه لكن دون جدوي وكان مع إسماعيل أدويه لكنها لا تعرف ماهي تلك الأدويه ووجدت روشتة التي كتبها الدكتور ويوجد بها رقم الطبيب قامت بطلب الدكتور

-قدريه:السلام عليكم مش حضرتك دكتور اللي بيعالج إسماعيل -الدكتور:معلش إسماعيل مين أكيد مش هحفظ كل الحالات -قدرية:إسماعيل الكيلاني -الدكتور:اه كان لسه عندي امبارح -قدريه:وقع علي الارض دلوقت وما بيفوقش -الدكتور:اطلبي الإسعاف حالته بتزداد سوء -قدريه:هو عنده اي ي دكتور -الدكتور:مريض قلب -قدريه بصدمه:شكرا ليك ي دكتور -………… أيامٌ شداد ، لكن الله أحنّ وأرحم. عند نورين.

-لم تنام نورين بشكل كافي فما زال عندها رهبه من ذلگ البيت الذي لا تعرفه وكتفها الذي يؤلمها فلم تنام بشكل جيد -عزيزه: صباح الخير يا بنيتي -نورين: صباح النور -عزيزه:شكلگ ما نمتيش حلو -نورين :كنت حاسه كتفي بيوجعني -عزيزه :ان شاء الله هتخفي عن جريب يا بنيتي -نورين :شكرا لحضرتك عزيزه:مفيش شكرا بقا إنتي بنتي -نورين :هلبس وأنزل أدور علي شغل بقا -عزيزه:وإنتي في حالتك دي تشتغلي كيف ده -نورين:معلش بس لازم أشتغل

-عزيزه:يا بنيتي إنتي زي بنتي صدجيني -نورين :معلش ما اتعودتش علي كده -عزيزه:هتتعبي يا حبيبتي -نورين بابتسامه:ما تخافيش -عزيزه:علي راحتگ -نورين:شكرا لتفهمك -خرجت عزيزه وقابلها ريان يخرج من غرفته -ريان :هي كويسه -عزيزه:اه الحمدلله بس هتنزل تشتغل -ريان:مفيش شغل طبعا -عزيزه:أما تخرج من أوضتها كلمها براحه -ريان حاضر -ارتدت نورين ملابسها واستعدت للنزول خرجت من غرفتها -ريان:مفيش شغل

-نورين :آسفه لحضرتك بس عليا ليك ولازم أدفعه ولازم الاقي سكن -ريان:قولتلك اعتبريني السبب وعالجتگ -نورين :لا معلش مش هينفع -ريان بعصبيه :لا هينفع مفيش شغل -نورين بعصبيه:لا فيه إنت مش أبويا ولا أخويا أنا بحترم حضرتك لأنك ساعدتني إنما مش معناها إنگ تتحكم فيا -عزيزه:اهدو براحه -ريان : مينفعش الدكتور قال لازم راحه -نورين :هما ساعتين بس لقيت شغل لقيت ملقتش هرجع ع طول -ريان:هاجي أوصلگ -نورين:شكرا مش عاوزه

-ريان:هوصلك عشان هتتبهدلي في المواصلات وما تعرفيش حاجه هنا -نورين :تمام -كانت نورين في اتجاهها إلي الباب لتخرج ولكن عندها دق جرس الباب -فتحت نورين صدمتتت نورين بشده مما رأت ………………؟؟؟ “العيب فيكم يا في حبايبكم أما الحب يا روحي عليه “🖤✨ -عند عمرو -في ذلك اليوم طلب أحد رجال الشرطه عمرو في مكتبه -الظابط (عمر) :نتساوم -عمرو ببرود:بتكدب -عمر:هخرجك -عمرو:اديني دليل -عمر:من غير دليل -عمرو:المطلوب -عمر:تجاوب علي سؤالي

-عمرو: اتفضل -عمر:سليم عايش؟ -عمرو:الناس كلها عارفه إنه مات إنت بتقول إي -عمر:قضيتگ مش سهله هتاخد مؤبد أو إعدام اختطاف بنت -عمرو:لو أعرف هجاوبگ -عمر:هسيبگ لحد بليل تفكر -عمرو ببرود:أفكر ف اي -عمر:سليم عايش وتقولي هو فين -عمرو:سليم مات ما بتفهمش -عمر:هسيبك لبليل تفكر -ونادي عمر علي العسكري دخله الزنزانه وخلي اللي هناگ بتوصوا بيه -عمرو:هتندم يا عمر علي اللي بتعمله وهتشوف وهطلع وهتندم وهتشوف هعمل فيگ اي

-عمر:اللي معاه ربنا عمره ما يخاف أبدا