الفصل السادس عشر

رواية ليتها تكون لي الجزء السادس عشر 16 بقلم فضة الشرقاوي ليتها تكون ليرواية ليتها تكون لي الحلقة السادسة عشر -عند ريتال -الدكتور : الحمدلله الحالة فاقت تقدرو تدخلو تشوفوها -كريم بامتنان :شكرا لحضرتگ ي دكتور ،ربنا يوفقگ زي ما أنقذت حياة بنتي -الدكتور:كل حاجه ب إيد ربنا وربنا جعلني سبب مش أكتر فالشكر لربنا -كريم : الحمدلله ،وأخذ زوجته ويوسف ودخلو إلي ريتال -ذهبت والدة

ريتال إلي ابنتها وقالت:حمدلله علي السلامة يا حبيبتي -ريتال بتعب وصوت منخفض :الله…يسلمگ ،إي.اللي حصل….. -والدة ريتال:إنتي مش فاكره حاجه -ريتال:أنا كنت ماشيه مش فاكره بعد كده اي اللي.. حصل -كريم:حمدلله علي سلامتگ يا بنتي -ريتال: الحمدلله أنا كويسه يا بابا -يوسف:حمدلله علي السلامه ،قلقتينا عليكي وإنتي كويسه أهو -ريتال بتعب:حاضر قايمه أهو -كريم:ارتاحي حلو بقا وخدي الدوا في ميعاده ،عشان تخفي بسرعه ،وتقومي لنا بالسلامه

-ريتال:إن شاء الله يا بابا،بس مش عارفه لي مش حاسه برجلي خالص -صمت الجميع ينظرون لبعضهم البعض لا يعرفون ما يقولون،ثم قال والدها :ده عشان لسه فايقه دلوقت -ريتال :اه ،حاولت أن تجلس لكن لم تعرف أن تتحرگ -ريتال :بابا في إي رجلي مكسوره -كريم :يا بنتي هي هتحتاج بس عملية عشان كانت الحادثه جامده -ريتال بخوف وتعب :عم..لية اي…في إي يا بابا -كريم:في كسر في العمود الفقري وهيحتاج عملية -ريتال بصدمه:إييييه؟؟!!!

-كريم :اهدي هتخفي بسرعه م تخافيش -يوسف:م تخافيش كلنا معاكي وهتقومي كويسه -ريتال بيكاء شديد مع رجفة في يديها :لا إنت الوحيد اللي لازم تبعد أنا مش عاوزاگ ده ذنب رولااا…..هي وثقت فيا وأنا خونتها ……ربنا بيجيبلها حقها ….ريتال ببكاء :يارب سامحني واشفيني يارب ، -كريم في محاولة تهدئتها:إنتي بتقولي إيي يا بنتي إهدي –يوسف: اهدي يا ريتال هتكوني كويسه إن شاء الله -ريتال

ببكاء:لا مش هكون كويسه غير لما رولا تسامحني.ده ذنبها أنا عارفه -يوسف :اهدي يا ريتال محصلش حاجه -ريتال:إطلع بره -يوسف بصدمه :نعم -ريتال:بابا طلعه بره مش عاوزه أشوفه -يوسف:حاضر أنا هطلع بس إهدي -خرج يوسف وهو يفكر في كلام ريتال ويحدث نفسه :هي تعرف رولا منين ،هي شافتها مره وهي عارفه إني خاطب وقولت مفيش نصيب ،لي ده ذنب رولا خانت رولا في إي . -كريم :خلاص يا ريتال خرج إهدي يا بنتي وهتبقي كويسه

-دخلت الممرضه ومعاها طعام ودواء ريتال -الممرضه:حمدلله ع السلامه ،كلي حلو بقا وخدي الدوا -ريتال بهدوء:حاضر -كريم :يا بنتي كل حاجه هتتحل بس اهدي،وما تعيطيش -ريتال : ماشي -جلست والدة ريتال وبدأت في إطعامها -ريتال:خلاص يا ماما كفايه مش عاوزه -والدة ريتال:لازم تاكلي حلو عشان تاخدي الدوا -ريتال:لا كفايه كده -والدة ريتال بحزن:ماشي يا بنتي يلا دواكي -ريتال :حاضر،أخذت ريتال دوائها ونامت. -دخل الطبيب للاطمئنان على حالتها

-كريم:هي هتكون كويسه صح -الدكتور: خدو بالكم منها ومن الدوا بتاعها ومن حالتها النفسيه ،حالتها النفسيه لو كويسه هيبقا عندها قابليه إنها تاكل وتاخد العلاج وتتحسن. -كريم :هنحاول يا دكتور -الدكتور:تمام -كان يوسف في طريقه إلي منزله ومازال يفكر ما هذه الخيانه اللي تتكلم عنها ريتال -يوسف لنفسه:واتا هتعب نفسي في التفكير لي أنا لازم أعرف الإجابة دلوقت وغير يوسف طريقه إلي طريق آخر…… “أتظن أنني أفتقدگ لا تظن أن أفتقدگ حقا”

_فضه الشرقاوي. ــــــــــــــــــــــــــــــــــــــــــ -عند رولا -استيقظت رولا وعادت لروتينها اليومي وهي إيقاظ غزل . -اتصلت رولا بغزل وأجابتها غزل من المره الاولى -رولا:ده بجد -غزل:في تطور أنا صحيت -رولا:ده خلاص كده عديتي معتش غير تذاكري -غزل:طول ما الامتحان مش بكره يبقا لسه بدري -رولا:طب يلا عشان نروح الكليه -غزل :تمام هلبس وأستناكي -رولا:تمام يلا ــــــــــــــــــــــــــــ -عند وعد

-ما زالت وعد تحاول الاتصال بنورين ولكن دون جدوي ليس هناگ رد،في نفس اللحظه دخلت غزل إلي غرفة وعد -غزل:إي ده إنتي صاحيه -وعد:عاوزه اي -غزل:م تقولي صباح الخير الأول -وعد:جايه تاخدي تلبسي هدومي وأنا نايمه صح أديني صاحيه اطلعي بقا -غزل:الناس بتصحي تقول صباح الخير ع فكرا -وعد:غزل نورين من امبارح ما بتردش عليا أنا قلقانه -غزل:يا شيخه يارب ترد هلبس من عندك -وعد:إنتي شخصيه مستفزه قال أنا لو قولت لا مش هتاخديهم بردو

-غزل:إنتي عارفه اللي هيحصل فوافقي بقا -وعد:خدي اللي عاوزه واطلعي -غزل بفرحه:الله شكرا -ما زالت وعد تحاول الاتصال بنورين …. ــــــــــــــــــــــــــــــــــــــــــ -عند نورين

-كانت نورين تجلس علي السرير تبكي في صمت فهي لم تنام في ذلك اليوم ،فهي يعز عليها ذلگ الفراق،كانت تتخيل أنها ستعيش مع والدتها لفترة ولكن لم تكمل اليوم وتوفت والدتها ،لا تريد نورين البكاء تريد الترحم فقط علي روح والدتها لكن شئ يصعب أن تتحمله فكانت تبكي بحرقه شديده بجسم مرتجف يتمني الموت فانتهت حياتها بوفاة والدتها لا تريد شئ من هذه الدنيا تريد الموت فقط .

-وأخيرا انتبهت نورين إلي الهاتف الموجود بجانبها يضئ وهناگ متصل ولم يكن سوي وعد التي اتصلت بها كثيرا كانت نورين لا تود الحديث ولم ترد علي هذا الاتصال لكن جاءها الاتصال مرة أخري وأجابت … -وعد بلهفه وخوف:إنتي كويسه بطلبك من امبارح الصبح طمنيني عليكي -نورين ببكاء وصوت متقطع :ما…ما ماتت… -وعد بصدمه:البقاء لله،ربنا معاگي ويخفف حزنگ -نورين:وعد مم..كن تقفلي دلوقت أنا مش قادره….أتكلم

-وعد: لا طبعا اتكلمي قولي كل اللي في قلبگ ما تخلكيش كده

-نورين:تعرفي يا وعد كان نفسي من وأنا صغيره ماما تيجي توديني المدرسه زي ما كنت بشوف أصحابي …أنا مكنتش بغير منهم والله بس كان نفسي يكون عندي أم بس حتي يوم عيد الأم كنت بشوف الاطفال والناس كلها بيشترو لمامتهم هدايا بكل حب حتي لو حاجه بسيطه بس كان نفسي أحس بالشعور ده أنا عارفه إنه حرام بس الإحساس وكل الناس بيحتفلو بأمهاتهم وأنا لا كان صعب عليا أوي …….وبدأت شهقات نورين تعلو وتبكي بحرقه،كان بيكون فيه احتفال علي الفيس وكتبت كومنت “فأما اليتيم فلا تقهر”ردت

واحده قالتلي: اقفلي فيس وأما إنتي يتيمه بتكتبي كومنت أصلا لي بتحسدينا عشان أمنا عايشه ونفسگ نبقا زيگ . إنتي عارفه يا وعد أنا عمري ما هسامح البنت دي وجعتلي قلبي أكتر كلامها كل يوم كان بيتكرر في ودني ….وعلت شهقاتها وصمتت -وعد ببكاء أرادت إخفائه عن نورين :اهدي ي نورين اترحمي عليها اقرأي قرآن ما تعيطيش كده إحساسگ صعب أنا عارفه ،مش هقولك حاسه بيكي لأن فعلا إحساسي ما يجيش ربع إحساسگ بس مامتگ في مكان أحسن محتاجه دعواتگ بس

-نورين:لي الناس وحشه كده يا وعد لي الناس معندهمش قلب يحس باليتيم حتي،لي الدنيا قاسيه كده،لي الناس بيحبو يفرحو نفسهم بس لي ميفرحوش غيرهم وما يجروحوش الباقي بالكلام،لي الناس بتأذي بس -وعد:مش كل الناس وحشه زي ما في الوحش في الحلو -نورين:الحلو مبقاش موجود مفيش غير الوحش،أنا مشوفتش في حياتي غير ناس وحشه ،وحشه وبس وصمتت نورين فجأه وقالت :معلش ي وعد هقفل دلوقت وأنهت نورين المكالمه

-كانت نورين خرجت من الغرفه متجهه إلي الخارج ولكن أوقفها صوت يتحدث في الهاتف وأنهت اتصالها مع وعد -ريان :تقتله النهارده،معتش غير ده اللي يهدد سليم الرويعي !!!! -كانت هذه صدمه أخري لنورين فلم تتحكم نورين بأعصابها وسقط الهاتف من يديها فالتفت ريان ووجد نورين -ريان بصدمه:في حاجه ؟ -نورين ببكاء وصدمه : لا ….لا أبدا كنت طالعه أتكلم في الفون وقع مني -ريان :اه إنتي لسه طالعه يعني -نورين:اه لسه طالعه من الأوضه -شعر ريان

براحه فهي لم تسمعه وقال:ماشي شوفي رايحه فين -نورين :ماشي -خرجت نورين وهي في صدمة مما سمعته وقالت في نفسها وليس بصوت مسموع قتل !؟!!!!!! إن شاء الله شكوكي غلط وقامت بالاتصال علي وعد حتي لا يشگ ريان رأنها سمعت شئ وأنها كانت ذاهبه للخارج -أجابت وعد:في إي قفلتي لي -نورين:إنتي عامله إي كويسه -وعد باستغراب:صوتگ متغير حاساكي خايفه -نورين:أنا كويسه الحمدلله سلميلي علي ماما وبابا -وعد:نورين إنتي بتقولي إي -نورين

وبدأت شهقاتها تعلو :أنا كويسه بس الفراق صعب يا وعد -كان ريان يراقب تصرفات نورين حتي يعلم سمعت ما قال أم لا وتأكد أنها لم تسمع شئ ،ونورين كانت تعلم أنه سيراقبها هي لم تراه ولكن خافت من أن تتحدث في شئ -وعد:نورين اترحمي علي ماما واقري قرآن ربنا إن شاء الله هيجبر بخاطرگ وهتفرحي -نورين باستسلام :خلاص أنا كنت عاوزه أشوف ماما ،وماما معدتش موجوده،هعيش لي -وعد:أوعي تعيشي بالاستسلام ده … -قاطعتها

نورين: لا م أنا مش هعيش عشان أستسلم الناس كلها وحشه زي ما قولتلك مفيش حد حلو -وعد:إنتي موجوده فين -نورين:في المنيا -وعد:فين بالظبط -نورين:ما تجيش أنا قريب هاجي مكان ما كنت كده كده كل الناس وحشه،مش هتفرق المكان فين بقا -وعد:أوعي تعملي كده يا نورين استقلي بنفسگ والحزن بيخليه محفور في القلب،عياطگ ده مش هيعمل لمامتگ حاجه انتي مش عارفه تعنلي اي فبتعيطي حاولي تهدي وتترحمي عليها وتجيبي مصحف وتقرأي قرآن وهتهدي -نورين:ماشي

-وعد:اهدي أوعي تستسلمي للزعل كده -نورين ببكاء:حاضر -وعد:البقاء لله،قولي المكان فين بقا عشان أجي -نورين:مستحيل إني أقول ما تجيش أنا هاجي اسكندريه -وعد:لا طبعا مينفعش -نورين بمقاطعه:لا مش هقول -وعد:ماشي -نورين:مع السلامه -وعد:مع السلامه -أنهت نورين الاتصال وهي ما زالت علي حالها تبكي وتترحم علي والدتها ،دخلت نورين إلي المنزل وكانت ذاهبه إلي الغرفه ولكن استوقفها ريان . -ريان:اهدي ي نورين العياط ما بيرجعش اللي راح -نورين

ببكاء:اه اكيد،بس الشخص مش بيبقا عارف يعمل إي فبيعيط ،اما يبقا في فراق أنا م أقدرش أتحمله فبعيط -ريان:بس العياط مش هيحل المشكله -نورين :العياط مش هيرجع ماما بس ممكن يهديني شويه -ريان:اقري قرآن هترتاحي -نورين لنفسها:مين بيتكلم القاتل بيتكلم علي رأي المثل “الشيطان يعظ “فعلا في ناس تعاملك حلو وهي عندها وش تاني خالص هو كان عارف يمثل البراءه كده ازاي -ريان:روحتي فين -نورين :هدخل أقرأ قرآن علي روح ماما،عن إذنگ

-ريان:استني عاوز أسألك سؤال -نورين ببكاء:اتفضل -ريان بغباء:هو إنتي سمعتيني وأنا بتكلم في الفون -نورين :ولي السؤال هي المكالمه كان فيها اي مهم مش عاوز حد يعرفه -ريان بارتباگ:لا لا أنا بس مش بحب حد يسمعني وأنا بتكلم مش أكتر -نورين :اه تمام ،عن إذنك -ريان:اتفضلي -ريان لنفسه :إي الغباء اللي بقيت فيه ده اي السؤال الغبي ده …..طب هي سمعتني ولا لا وعلي أساس لو سمعت هتجاوب

-دخلت نورين إلي الغرفه وجدت نداء استيقظت وبدأت في قراأة القرآن علي روح والدتها ،والأطفال ما زالو نائمين ،جلست نورين بجانبها وبدأت أيضا في القرأه -وجدت نداء اتصال من رقم طليقها محمد -نورين:ردي ،متنسيش ماما قالت اي -نداء ببكاء:حاضر -أجابت نداء علي الهاتف :الو -محمد برجاء:إي بقا ي نداء ارجعي مش قادر أعيش من غيرگ -نداء:وعروستگ فين -محمد:هطلقها بس ارجعي -نداء:لا أنا مليش في خراب البيوت إنت إتجوزتها وخلاص -محمد

بفرحه:يعني موافقه ترجعي -نداء:هتضربني تاني -محمد :لا طبعا -نداء :هتخليك تشرب الزفت بتاعك ده -محمد:لا طبعا هبطلع وعد مني -نداء:ماشي -محمد:بتعيطي لي فيه إي -نداء:ماما ماتت -محمد بتمثيل الحزن:البقاء لله ،إنتي موجوده فين -نداء:أنا هاجي ومعايا نورين بس بعد يومين -محمد:لا طبعا تعالو النهارده هتخليكم قاعدين عند حد غريب -نداء:حاضر هشوف نورين ونيجي -محمد بتمثيل:م تتأخروش عيالي وحشوني أوي -نداء:إن شاء الله

يضيئ الله لك بالظن الجميل نجوماً قد انطفئت بصدرك. “وأنت اللطيفُ، وأنا عبدكَ الضَعيفُ.” ……. -عند كيان -كانت كيان ما زالت تسهر وتتعرف علي هؤلاء الفتيات ومعهم جاد وأنس -كيان :احنا مش هننام بقا -جاد:اه هتنامو ،في سكن جنب المكان هنا -كيان باستغراب:بس أنا مليش سكن -جاد:خلاص بقا ليكي هما هيوروكي السكن ،أمال فين الشيخه ريما قالها بضحك -فتاه ١:تلاقيها بتصلي الفجر -جاد:هي مش جايه هنا بمزاجها ولا اي

-الفتاه:ما تعرفش بقا شكلها لقت مكان بفلوس أكتر -جاد:ممكن بردو -فتاه ٢:ما تسيبوها براحتها -ذهب إليها جاد وأمسك ذراعها ووضعه خلف ظهرها بعنف :مفيش حد هنا براحته إنتو هنا تنفذو الأوامر بس -الفتاه ببكاء:حاضر خلاص ،تركها جاد وقال باستهزاء:تعالو نشوف الشيخه ريما -ذهبوا جميعا إلي السكن ليكتمل الاستهزاء بريما -فتح جاد الباب وأخذ ينادي عليها:ريما ….يا ريما -كانت ريما تقف تفكر في الانتحار ماذا ستفعل هي لا تعلم ماذا تفعل

-أخذ منها جاد الآله الحاده وقال:إنتي هبله إنتي بتعملي اي -ريما بعصبية:سيبني ملكش دعوه بيا أنا حره -جاد:لا إنتي مش حره هنا أنا اللي حر بس -ريما بانهيار:أنا جيت هنا بإرادتي وعاوزه أمشي سيبني أمشي حرام عليك مش عاوزه منك حاجه والله بس سيبني أمشي -جاد:أسيبگ تمشي ده بعينگ -ريما:ماشي سيبني أنا هنا أهو -جاد:لا إنتي هنا غصب عنگ بفيديوهاتگ دي هتلاقيكي تريند لو مشيتي وإنتي عارفه -ريما بهدوء مصطنع:تمام ماشي مش همشي -كيان

باستهزاء :هو إنتي مش جايه هنا بمزاجگ لي الدراما دي -ريما:بكره هتعرفي وهتتدمي -جاد: اسكتي بقا يا ريما وتنزلي للشغل النهارده في ميعادك تمام يا شيخه ريما -ريما:تمام ــــــــــــــــــــــــــــــــــــــــــ –طب وكلام الناس؟ = ناس مين؟ أنا هقابل ربنا لوحدي. ” وَكُلُّهُمْ آتِيهِ يَوْمَ الْقِيَامَةِ فَرْدًا ” ــــــــــــــــــــــــــــــــــــــــــ -عند عمرو

-كان عمرو يجلس فالآن ليس عليه شئ سوي الصمت فلقد هدد ريان ونفذ تهديده بسبب تأخير ريان،وريان لم يأتي فكان يجلس خائفا فاليوم هو يوم التحقيق . -مروان :إي يا باشا إنت وعدتني هتخرجني ولا الباشا مش بيعرف يوفي -عمرو:الكل*ب غدر بيا وأنا كمان غدرت بيه -مروان:وغدرگ هيعملو إي -عمرو بخبث:هيجي هنا معانا في السجن ساعتها هو اللي هيهربنا -مروان:لا شاطر،وافرض بقا محصلش وم اتقبضش عليه -عمرو:لا هيتقبض عليه وعمر هيخرجني

-مروان:بتتساوم مع الحكومه هيلبسگ قضيه غيرها وهتشوف -فتح باب الحبس وتم وضع مسجون آخر في السجن -مروان:يلا ي رجاله نرحب بالمسجون الجديد -مروان:إي ده هو إنت ،امشو ي رجاله خلاص -يعقوب:حبيبي ي صاحبي -مروان:الدور علي مين -يعقوب:علي صاحبگ اللي كنت قاعد معاه -مروان:مين اللي باعتگ -يعقوب:الباشا التاني ،معايا أول ما أطلع هطلعگ بس لازم أخلص ع طول -مروان:طبعا معاگ،الخطه اي -يعقوب:السم في الأكل اللي هيجي علي الفطار دلوقت

-مروان:تمام ،بس إنت دخلت بيه أصلا ازاي في تفتيش -يعقوب :هيجي مع الأكل الرشوة بتخلص كل حاجه ي صاحبي -مروان : إنت صح،بس هنا مش بيوزعو فطار أصلا -يعقوب: الفطار هيجيلي أنا وهجيب كتير عليگ تروح تقعد جنب صاحبگ وهجبلكم الأكل بس بعد أما أحط فيه الحاجه تمام -مروان:تمام….