الفصل الخامس عشر

رواية ليتها تكون لي الجزء الخامس عشر 15 بقلم فضة الشرقاوي ليتها تكون ليرواية ليتها تكون لي الحلقة الخامسة عشر عند رولا -استيقظت رولا علي صوت آذان العصر -رولا:هو أنا نمت ده كلو أنا أقوم بقا أحسن هو حياتي هتبقا نوم -فتحت رولا هاتفها لم تصدق رولا ما رأته لقد حازت خواطرها علي إعجاب الكثير من الأشخاص -فرحت رولا بشده وقالت:هكمل أكيد كل مره مش هتعجب الناس بس هحاول وأوصل إن شاء الله -فتحت الواتساب وردت علي رسالة غزل

-*محادثه واتس* رولا:إن شاء الله هنجح -غزل:إن شاء الله أوعي توقفي كملي واستمري وهتوصلي لهدفگ -رولا:لقيت تفاعل كبير من الناس عليها -غزل:أول خطوة كملي أوعي تقفي -رولا: إن شاء الله ،أصرف نظر بقا عن قناة اليوتيوب -غزل:لا كملي فيها هي كمان -رولا:لا مش هاخد الخطوه دي دلوقت واحده واحده -غزل:لا فيها اي يعني كملي بس وهتوصلي في الاتنين -رولا:هنبقا نشوف متنسيش الكلية بكره -غزل:هنرجع للقرف ده تاني والصحيان بدري اوووف

-رولا:لا نسقط اي يعني -غزل:مش لازم ما نسقط وخلاص -رولا:قومي روحي شوفي هتعملي اي -غزل:وعد يا بت جايلها عريس النهارده -رولا:ربنا يوفقها وتوافق -غزل:يارب ،عاوزه ألبس فستان -رولا:إنتي عاوزاها توافق عشان كده بس -غزل:آه أمال إنتي مفكره إيي -رولا:أنا بقول إن أنا كمان عاوزه ألبس -غزل:ييقا تدعي توافق بقا -رولا:يارب،يوسف فين -غزل:تصدقي إن أنا نفسي في شاورما -رولا:وأنا تيجي نجيب بكره -غزل: تمام -رولا: تمام ،هقفل وأقوم أصلي بقا

-غزل:تصدقي مصلتش لسه وأنا كمان هصلي -رولا:مع السلامه -غزل:سلام -قامت رولا وتوضأت وصلت فرضها ،وجلست في البلكونه الذي كان وما زال مكانها المفضل وبدأت في الكتابة “أتعلم أنگ عندما تتعرض لشئ سئ سكون المقصود به أن تتقرب إلي الله ،أتعلم أنگ تكون علي خطوة واحده فقط من الموت لكن الله ينقذگ فهو يريد قربگ منه دائمًا ،لذلگ اقترب من الله ،فأنت لا تعلم في أي لحظه سوق تقابل وجهه الكريم ،ماذا ستقول؟ أعلم

إجابتگ ستقول:”يا ليتني قدمت لحياتي ” إعمل لآخرتگ قبل دنياگ الدنيا فانية يا عزيزي،وأنت تعلم ذلگ ،لكن تريد اللهو واللعب تريد الدنيا وتفكر في الآخره لاحقا ،إذا افترضنا أنگ مت اليوم ،ماذا فعلت أنت لآخرتگ ،لاشئ ” -رولا: أقوم أكل بقا ــــــــــــــــــــــــــــــــــــــــــ الربُّ الذي يرعى نملةٌ في ثقبٍ مُظلم ، أتظنهُ ينسَاك ــــــــــــــــــــــــــــــــــــــــــ -عند وعد

-كانت وعد تستعد لمقابلة ذاگ العريس التي لم تكن موافقه عليه علي الإطلاق -سمية :ها ي وعد خلصتي -وعد ببعض التوتر :اه يا ماما خلصت -سمية:يا بنتي صوابعگ مش زي بعضها -وعد:مش هتفرق يا ماما كده كده الرجالة كلهم خاينين … -سمية:لا يا بنتي إنتي ما دخلتيش غير تجربة وفشلت مفيهاش حاجه لما تاخدي التجربة تاني -وعد:ربنا يقدم اللي فيه الخير -كانت وعد قلقه جدا علي نورين لانها لا تجيب علي مكالماتها

-دق جرس الباب وخرج والد وعد وفنح الباب واستقبل ضيوفه -الحناوي:أهلا نورتونا -والد العريس:أهلا بيگ -دخلو وقامو بواجب الضيافه -والد العريس:أمال فين العروسه -سمية:هدخل أجيبها -دخلت سمية وأحضرت بنتها -وعد:السلام عليكم -والد العريس:وعليكم السلام ومد يده ليصافحها -وعد بخجل:آسفه ما بسلمش -والد العريس:لا عادي ي بنتي -وتركو وعد والعريس وخرجو -ساجد:اتفضلي اسأليني -وعد بخجل وارتباك كان ظاهر عليها:اتفضل إسأل

-ساجد:أنا اسمي ساجد ٢٨ سنه معايا ثانوية عامة ومكملتش وسافرت وبدأت أشتغل وأكون نفسي . -وعد:الكلية مش أهم حاجة أهم حاجة الأخلاق -ساجد : اه طبعا دي أهم حاجة -وعد :أنا وعد ٢٦ سنه دكتوره نفسية وبشتغل فاتحة عيادتي الخاصة وأما اتجوز هكمل شغل عادي -ساجد:كل واحد لازم يسعي ورا حلمه ويكمله ويبعد عن أي شخص بيحاول يدمرلك حلمك تبعدي عنه -وعد:اه طبعا -ساجد:عندگ أي أسئله -وعد:بتصلي

-ساجد:مش هكدب وأقول اه مش منتظم في الصلاه بس تقريبا الفترة دي منتظم الحمدلله وربنا يثبتنا جميعا -وعد:اللهم آمين،فكرت تحفظ قرآن قبل كده أو تختمه -ساجد:حفظت شويه بس مكملتش ،إن شاء الله نختمه سوا -وعد:إي! -ساجد:إي! -وعد:بتشرب سجاير؟ -ساجد: الحمدلله لا ،السجاير حرام وإن شاء الله مش هفكر أشربها -وعد:كلمت بنات ؟ -ساجد:م أقبلهاش علي أختي،وقبل إني م أقبلهاش ف ده حرام -وعد:اه -ساجد:أسأل أنا -وعد:اتفضل -ساجد:بتصلي

-وعد: الحمدلله بصلي ،اه صح أنا كنت مخطوبه قبل كده ومفيش نصيب فسخت -ساجد:ربنا يكتبلك اللي فيه الخير -وعد:في أسئله تاني -ساجد:بتشجعي كوره -وعد:اه بسمع كوره ،بس أكيد الماتشات اللي مش بتتذاع مش بسمعها -ساجد:بتفهمي في الكورة -وعد :اه طبعا ،بتشجع مين -ساجد :الأهلي ،وإنتي -وعد:الأهلي بردو .خلصت أسئلة -ساجد : آه -وعد:طب عن إذنگ -ساجد:عندي سؤال ممكن

-وعد:اتفضل ،لازم تسأل أي سؤال يجي في بالك عشان تبدأ وكل حاجه واضحه وم أبقاش خبيت حاجه -ساجد:لما اتخطبتي حبيتي خطيبگ ده؟ -وعد:مكنتش مرتاحه ومحبتهوش ،بس معلش مش هينفع أقول السبب ،محصلش نصيب -ساجد:ربنا يوفقگ -وعد:يارب،عن إذنگ -ساجد:اتفضلي -خرجت وعد ودخل الأهل -دخلت وعد غرفتها وكانت في غاية التوتر والخجل -غزل:قولي موافقه بقا -وعد:اسكتي ي بنتي -غزل:سألتي قالك اي وقولتي اي -ساجد

بصوت منخفض لوالده:أنا موافق عرفهم إن مستنين موافقتهم -والد ساجد:هنستأذن إحنا بقا ومستنين ردكم إن شاء الله -الحناوي:نورتونا -وخرج ساجد ووالده من المنزل -دخلت سمية إلي ابنتها -كانت غزل تتحدث :ها قولي بقا -سمية :انزلي يا بنتي من علي دماغها بقا -غزل:هو أنا فوقه ،م إنتي هتسألي نفس السؤال -سمية : بلاش تبقي حشرية أما تبقي بنتك ابقي اسأليها براحتگ إنما دي بنتي أنا -غزل:ماشي أما أجيب بنت مش هخليها تسمع كلامگ هخليها تتبري منگ

-وعد:خلاص يا جماعه هحكيلكم -وحكت لهم وعد ما حدث -غزل:الله شكل هلبس فستان أخيرا…… -وعد:ما يمكن أرفض،وم أرتاحش -غزل:هترتاحي إن شاء الله -سمية:هجببك فستان يا غزل اسكتي بقا ،قومي إغسلي المواعين -غزل:وأنا مالي بنتگ أهي ،وبعدين عاوزه أستفسر -سمية:ما تقوميش هنقوم احنا -غزل :هاجي وراكم -سمية :اسكتي بقا خلينا نتكلم بجد -غزل:حاضر -سمية:مرتاحه يا بنتي -وعد:أنا مرتاحه ،بس خايفه

-سمية:المفروض إنگ بتعالجي الحالات اللي زي دي مش هتعرفي تعالجي نفسك -وعد:لا بس مش حابة أكون زي الحالات اللي بشوفها -سمية:صلي استخارة وشوفي هترتاحي ولا لا م ارتاحتيش ده قرارگ بردو -وعد:إن شاء الله -غزل:وافقي البس فستان وافسخي عادي -وعد:اطلعي بره -غزل:بره …بره …هو قاعده في الجنه يعني -وعد:كفايه إنگ في أوضتي دي بس كفايه أصلا -غزل:سيبهالك وقايمه -وعد:طيب قومي -غزل:أحسن بردو -وخرجت غزل وذهبت إلي غرفتها وخرجت سمية أيضا

-وعد تتصل بنورين -وعد:ما بتردش من الصبح دي كمان لي ….. -أعادت وعد الاتصال كثيرا ولكن دون إجابة من نورين كانت وعد قلقه للغايه علي نورين لا تعرف ما أصابها ..ولكن ليس هناگ إجابه … ‏”نصيب بيسلم لنصيب” احياناً بتمشي طريق طويل وف الاخر تعرف انه مش من نصيبك، بتزعل وبتتضايق وتسال طالما هو مش من نصيبي ليه امشي فيه! علشان جوا النصيب دا نصيب تاني لازم يصيبك، والحياه كلها

نصيب، نصيب بيسلم لنصيب تاني، وفي الآخر خليك واثق ومتأكد إن ربنا هيقدم ليك النصيب الأحسن والأجمل ليك. فاللهم حسن وخير النصيب في كُل شيء .. ” ……. -عند نورين -لم يحدث شئ جديد سوي أنهم يقرأو لوالدتهم ويترحمون عليها ،كانت نورين ما زالت في صدمتها لا تصدق ما حدث في هذا اليوم مقابله وفراق ….لو تعلمون هذا الشعور ،كانت نورين تريد أن تراها وليس في يوم وفاتها فكانت تبكي بحرقه وجسمها يرتجف من شدة الحزن ،فهذا ليس كأي فراق .

-في نهاية اليوم -عزيزه بحزن:تعالو ي بنات كلو حاجه كده هتتعبو -نورين:شكرا -نداء:شكرا مش عاوزين -عزيزه:لا ي بنات كده تتعبوا يلا عشان تاكلو وإنتي ي نداء يلا عشان عيالگ مش راضين ياكلو -نداء :جاية أكلهم أهو -عائشه:يلا ي مامتي مش هاكل من غيرگ -نداء:يلا هاكل معاكي -حمزه ببكاء :مش عاوز أكل -نداء :لا يلا ي حبيبي لازم تاكل -حمزه:لا شكرا -نورين :يلا يا حمزه اسمع كلام ماما

-حمزه:لا أنا عاوز تيتا ،ولي إنتو مش بتسمعو كلام طنط وتاكلو -عزيزه:لازم تاخدي بالك من نفسگ ي نورين وعشان دراعگ كمان غلط عليكي كده

-نورين :إنتو مش حاسين بيا لي إنتو مش شايفين اللي حصل محدش فيكم جرب الشعور ده أول يوم أشوفها تموت حد فيكم جرب الشعور ده ..وعاوزني أهدي ده ازاي ده ….لو واحده مكامي كانت موتت نفسها ع طول بعد أما توفت …لي أنا يحصل فيا كده ….لي حياتي كلها متدمره لي محدش بحبه بيفضل جنبي ،لي أفضل طول عمري محرومه منها وأول أما أقابلها تموت .

-عزيزه:يا بنيتي حقگ تزعلي بس ما تعترضيش علي قضاء ربنا …ربنا محدش يقوله لي ربنا يتقاله الحمدلله يارب إني شوفتها .ربنا تدعيله يخفف عنكك…أوعي تفكري تقولي لربنا لي …استغفري ربگ يا بنيتي،ربنا خلق الناس كلها سواسية مفيش حد أحسن من حد …..أوعي تبصي علي مظاهر الناس دي كلها إنتي م تعرفيش جوا البيوت فيه إي فمتقوليش لي أنا . -نورين ببكاء وبجسم يرتجف:عندگ حق يس كان نفسي أقعد مع ماما شوية أحس بحنيتها عمري ما شوفت حد حنين عليا…

-عزيزه:ربنا بيعوض م تخافيش ربنا هيعوضگ بحاجات كتير حلوه ،طبعا مفيش أحسن من الأم بس ربنا هيعوضگ خير -نورين:ماشي هدخل أنام بعد إذنگ -عزيزه:يا بنتي في دوا مش هتاخديه -نورين:مش عاوزه -عزيزه:نداء قولي لأختگ حاجه دي تعبانه -نداء :يلا يا نورين عشان الدوا عشان خاطر ماما لازم تخفي -نورين :ماشي يلا

-وجلسو جميعا ومعهم ريان الذي كان يفكر كيف يخرج عمرو من السجن ،فعمرو يريد أن يفضحه ،كان ريان يريد إبعاد عمرو ليس بخروجه من السجن وإنما بقتله….. والله يَعلَمُ أنَنا رَغمَ المَعاصي صالحين ” -في الفندق عند كيان -كانت كيان تقف أمام المرآه ،ولكن هذه المره بثيابها الجديده بتذهب إلي عملها فهذا هو يومها الأول كانت تلقي علي نفسها النظره الأخيره

-كيان:وأخيرا حلمي هيتحقق هبقا مغنيه مشهوره الناس تبقا تموت وتتصور معايا ….الحياه كده تكون أحسن مش حياة الفقر دي ….قالتها بتكبر وغرور وخرجت من الغرفه ذاهبه إلي عملها الجديد . -كان جاد ينتظرها بالأسفل ليذهبو إلي العمل -جاد:ما لسه بدري ي هانم -كيان:مش كنت بلبس،وأنا بتأخر في اللبس،بس حاسه الهدوم قصيره أوي -جاد:لا دي عشان أول مره بس ،وإنتي مش متعوده علي كده

-كيان :إسكت بقا مش عاوزه أفتكر الأيام دي،قولتلي هتغير اسمي ،هتخليه اي -جاد:عاوزين إسم دلع حلو كده يكون متناسب مع العمل -كيان:إي ده هو أنا هشتغل رقا*صه،أنا هغني -جاد:لازم يكون اسم حلو بردو -كيان:وماله كيان،حلو -جاد:لا مش عاجبني،اركبي العربيه ونتكلم فيها -كيان: ماشي يلا -ركب الاثنين السيارة ،وهم في طريقهم للعمل أكملو الحوار -كيان:ها لقيت اسم -جاد:بفكر ،حلو لولي -كيان:لا لا مش عاجبني

-جاد:هو إنتي هتفرضي رأيگ عليا يا بت إنتي -كيان:هو إنت بقيت بتعاملني كده لي ،مش كنت بتقول هتعاملني حلو وكلام حلو كتير -جاد:أعاملك إنتي حلو إنتي نسيتي نفسگ يا بت ده أنا شاقطگ -كيان بحزن:هو إي اللي شاقطني هو مش إنت اللي قولت أعمل ده كلو عشان نتجوز -جاد ممثل الجديه:آه طبعا هنتجوز بس الأمور تظبط شويه بعدين ضغط الشغل واليوم النهارده كان طويل أوي م تزعليش ،آخري دلوقت عر*في -كيان بعدم استيعاب: لا عادي ولا يهمك .بس ازاي عرفي

-جاد باستغراب:إنتي بجد متعرفيش الجواز العرفي! -كيان:أعرف إن لو البنت مش معديه السن القانوني بتتجوز عرفي ومأذون بيكتبه -جاد:لا طبعا هنكتب ورقه عرفي كده وبعد ما الحال يتصلح نبقا نكتب رسمي،وصلنا انزلي يلا اسمگ لولي -كيان :تمام -جاد:نكمل باقي الخوار بعدين -كيان:ماشي -دخلت كيان الملهي الليلي،كان المكان مزدحم بالأشخاص فهي لم تدخل هذه المره إلي غرفة المدير مباشرة وإنما أدخلها جاد لتري شكله وتري الناس ….

-يوجد به بنات وشباب كثيره يسكرون ويشربون ،عندما دخلت كيان كانو ينظرون لها نظرات الإعجاب ،ومنهم من يتكلم بسكر شديد يقول:اي بس…القمر ده وجذب يديها ،لكن أفلتتها كيان وكانت علي وشگ بدء مشاجرة ،لكن أوقفها جاد -جاد بعصبيه ويحاول أن يخفض صوته:إي اللي بتعمليه ده اتعاملي براحه هو ده اللي عارفه الشغل -كيان:ده مسگ إيدي -جاد:الحقي البت اللي واقفه علي سجادة الصلاة،وفيها إي أما يمسگ إيدگ،شگلگ مش هتطولي معانا وهتطفشي الزباين

-كيان:خلاص هبقا أشوف البنات اللي هنا بيشتغلو ازاي وأعمل زيهم -جاد:أيوه كده اتظبطي -كيان : ماشي -جاد:تعالي معايا يلا -كيان:هنروح فين -جاد:تشوفي المدير وتعرفي هتعملي إي دلوقت -كيان:هو مش إنت المدير -جاد:احنا شركا عادي ،بس عشان أنا اللي جايبگ يبقا هو المسئول عنك وعن شغلك -كيان:تمام يلا -وصلو إلي المدير -أنس:أهلا بفنانتنا الجميله القمر ،وذهب وسلم عليها -كيان:أنا دلوقت هعمل اي

-أنس:هتطلعي تغني بصوتك الجميل أغنية تتناسب مع المكان -كيان :تمام -أنس:مين إختارلك الفستان ده -كيان:إي وحش -أنس:لا بس إنتي كنتي محجبه قولت أول يوم هيبقا بفستان طويل علي ما تتعودي -جاد:لا م تخافش هي عاوزه كده -أنس:طب يلا بقا خليها تروح تشوف شغلها وأوعي تتخانقي مع حد -كيان: تمام -خرجت كيان إلي المكان الذي يوجد به الناس وبدأت في الغناء،وبدأ الناس التفاعل مع صوتها

-انتهت كيان من غنائها وذهبت تفعل كما يفعل زملائها في هذا العمل ،وبعد الانتهاء من العمل ،ذهبت إليها أحدي زملائها -ريما:لي عملتي في نفسگ كده -كيان: عملت إي -ريما:إي اللي جابگ المكان الز*باله ده -كيان بضحكه:بدأنا الغيره من أول يوم -ريما:افتكريها زي ما تفتكريها بس دي مش غيره دي نصيحه أنا نفسي أطلع من المكان ده وبحاول أطلع منه بس في الآخر هتندمي -كيان: اللي يمشي ورا الفلوس عمره ما يندم أبدا

-ريما:هيجي اليوم وتقابلي واحده غيري وتقوليلها الكلام اللي بقولهولك دلوقت بس ساعتها ندمگ مش هينفع ،أنا مش عارفه أطلع من المكان ده بقالي ٥ سنين ،حياتي كلها بقت حرام ،نفسي أرجع لربنا وأقوله سامحني بس أنا مش عارفه أهرب -كيان:وإي اللي مانعگ ما تهربي

-ريما:أروح فين أهلي ماتو بعد أما هربت منهم وجبتلهم العار ،وهروبي مكنش عادي هربت يوم فرحي،وياريتني ما عملت كده،أنا كنت بحب خطيبي ،بس جت واحده منها لله قالت إنه بيخوني فهربت معرفش عقلي كان فين ،هي واحده بتشتغل هنا وكانو عاوزني معاهم وأنا برفض ،وطبعا أهلي كانو هيجوزوني وبعدين أتطلق بس أنا رفضت وجيت في المكان ده -كيان:إنتي اللي بترفضي النعمه

-ريما:بعد كل اللي حكيتهولك الظاهر إني غلطت لما نصحتك ،بس أوعي تقولي لحد إني كلمتگ -لم تعير كيان أي اهتمام لكلام ريما هي تفكر أنها تغار منها ومن صوتها -جلست ريما في موضعها :يارب أنا نفسي أرجعلگ مش عارفه أعمل إي يارب عارفه إن غلطي كبير ،بس هيبقا أكبر لو مت وأنا علي حالي ده ،يارب نفسي أخرج ،كانت تدعي بقلب صادق وبحرقة شخص يريد التوبة.

-ريما:تبلغ من العمر ٣٠سنه كانت مخطوبة منذ خمس سنوات لشاب تحبه ويحبها لكن صديقة عمرها،فرقت بينهم يوم كتب كتابها …… ”ثُم يُرسل الله لقلبِك نُورًا ، كالَذي أرسله لعينِ يَعقُوب”