الفصل الحادي عشر

رواية ليتها تكون لي الجزء الحادي عشر 11 بقلم فضة الشرقاوي ليتها تكون ليرواية ليتها تكون لي الحلقة الحادية عشر -في السجن -قبل أن يفعل مروان شيئا دخل العسكري الذي يقف علي السجن وفض ذلك الإشتباگ -الحارس بعصبيه:كل واحد يروح مكانه والمسجونين دول تعالو معايا عند مكتب المأمور -عمرو:تاخد كام وما تقولش علي اللي حصل ده -الحارس:إنت يا مسجون قدامي علي أوضه المأمور بدل ما ألبسگ قضيه فوق قضيتك -عمرو

بسخريه:أنا حضرة الضابط عمرو يا عسكري -العسكري:لا والله حضرتگ مسجون وأنا واحد بأدي وظيفتي هنا وحضرتگ بتعرض عليا رشوه مفكرني زيگ -عمرو بسخريه:إنت تطول تبقي زيي إنت آخرگ تبقي عسكري إنما أنا باشا أوعي تفكر تتكلم معايا كده متفكرش إني هفصل هنا العمر كله ولا حاجه هخرج قريب -وضع العسكري القيود في أيديهم وقال:يلا قدامي -ذهب العسكري ومعه كلا من مروان وعمرو إلي مكتب المأمور

-دلف كلا من عمرو ومروان والعسكري وحيو المأمور التحيه العسكريه -العسكري:هما دول اللي عاملين شغب يا أفندم -كان عمرو ومروان علي وشگ الكلام -المأمور بحده:سجن إنفرادي لكل واحد لمدة يوم كامل من غير أكل -العسكري:أمرگ يا أفندم -أخذهم العسكري وذهب بكل منهم للحبس الانفرادي -عمرو موجها حديثه للعسكري:كنت قبلت الرشوه أحسن -دلف بيه العسكري إلي الزنزانه الخاصه به للحبش الانفرادي وتركه ولم يجيبه ودلف ب الآخر إلي زنزانه أخري .

ــــــــــــــــــــــــــــــــــــــــــ في منزل كيان -كيان:اي ده يا ماما هو أنا كل ما أطلب منگ طلب تقوليلي مفيش فلوس أمال إنتو بيبقا معاكم فلوس إمتي -والدة كيان:روحي اسألي أبوكي أنا مالي روحي قوليله يتصرف ويجيبلك -كيان:ده أنا واحده أمال لو كنا اتنين ولا تلاته كنتو هتشحتو علينا -والد كيان بحزن بعد أن سمع حديثها:يا بنتي احمدي ربنا احنا أحسن من غيرنا كتير ده ربنا ساترها معانا

-كيان:لا أنا مش عاوزه العيشه دي أنا عاوزه أطلع فوق أغير كل سنه عربيه مش أقعد وم ادخلش كليه وأبقا جايبه طب وأقعد هنا جنبكم عشان مصاريفها صعبه -والد كيان :قولتلك يا بنتي اشتغلي جنب الكليه أنا ما أقدرش علي المصاريف دي كلها لي كل يوم تفتحي نفس الكلام -كيان:نفسي أعيش زي الناس أنا زهقت من العيشه دي -تركتهم كيان ودخلت إلي غرفتها -كيان

لنفسها:أنا لا يمكن أتحمل العيشه دي أكتر من كده لازم حل لازم أكون أحسن من ريتال وأعيش أحسن منها لي كل حاجه لريتال -جاءت في بالها فكرة وقالت:الله عليكي يا كيان هي دي أنا ازين محتش في بالي من زمان . ــــــــــــــــــــــــــــ “ليت الطيبه توضع بالقلوب ،ليت الإنسان يظل بالصفاء والطيبه التي ولد بهم”🖤🪐 -فضه الشرقاوي ✌️ ــــــــــــــــــــــــــــ

-في اليوم السابق جاءت سيارة الإسعاف إلي إسماعيل وأخذوه إلي المستشفي ووضعوه في العناية المركزة لسوء حالته ولم يفيق حتي الآن . -كانت قدريه تقف في الخارج ليس الأمر مهم عندها بل لا تفكر غير بنفسها ،خرج الدكتور بعد الاطمئنان عليه -قدريه :خير يا دكتور -الدكتور:الحاله متأخره أوي وهو دخل في غيبوبه وهيفوق منها قريب إن شاء الله عن إذنگ -قدريه:شكرا يا دكتور -قدريه

لنفسها:تاعبنا وانت معانا ووانت بين الحياه والموت ما تروح بقا وتخلصنا -كان أبنائهم يجلسون يبكتن علي حالة والدهم -قدريه:كفايه عياط بقا تعرفو تسكتو -الابنه ببكاء:في اي يا ماما بابا تعبان أوي واحنا زعلانين عليه -قدريه بعصبيه:قولت اسكتي ما تردنيش في الكلام -الابنه بخوف :حاضر يا ماما هسكت ……. -عند نداء -محمد:في اي مصدومين لي هو مش حقي الشرعي أتجوز مره واتنين وتلاته وأربعه

-نورين:ده حقگ الشرعي أما تبقي راجل وعارف تصرف علي مراتك وعارف تعدل بينهم مش مراتك اللي بتصرف عليك -محمد بعصبية:وانتي مالك تدخلي لي أصلا أنا جاي بعرفها مش بستأذنك ولا مستني نصيحتك -نداء

بصدمه: حرام عليك ده أنا ضيعت شبابي معاك ٦ سنين بشتغل وبساعدگ وبقول إن شاء الله ربنا هيهديه بس لا مفيش تغير وبروح أخدم في البيوت وأصرف عليك وتروح تتحوز عليا أنا كرامتي اتهانت جامد أوي من ساعة ما قبلت بالوضع ده وفي الآخر اي ضيعت شبابي وبس …أخذت نداء نفس عميق تستجمع قوتها محمد ….طلقني -محمد:هطلقك وهتسيبي عيالي -نداء:الأطفال من حقي لسن ١٥ سنه -محمد:إنتي ازين تكلميني بالطريقه دي أنا جوزك -نداء:طلقني

-محمد:إنتي طالق ….وشوفي بقا هتعيشي فين إنتي معندكيش بيت هترجعيلي تاني زي الك*لب تتحايلي عليا أرجعگ تاني وملكيش حاجه عندي -كانت تلگ الكلمه صعبه علي نداء فهي تريد ذلگ لكن نداء أصبحت مطلقه لا يهمها نظرة المجتمع لكن كانت تحاول المحافظه علي بيتها من أجل أطفالها -قامت نورين واحتضنتها :ربنا يعرضك بالأحسن إن شاء الله ما تخافيش ربنا مابينساش حد -محمد:يلا اطلعو بره ملكوش حاجه هنا

-أسندت نورين ونداء والدتهم وأمسك ريان بالأطفال ليذهبو -محمد:سيب العيال هيخليهم معايا -ريان:أنا محترمگ لحد الآن عشان أنا في بيتگ -محمد:هتعمل اي يعني -لم يعطيه ريان اهتمام وسار بالأطفال -محمد:هو انت ما بتفهمش بقولك سيب عيالي -ريان:هو انت مش طلقت أمهم -محمد:اه -ريان:يبقا ملكش عيال غير بعد ما يتمو السن القانوني -محمد:أنا مش عاوز البنت خدها وسيب الولد -ريان:ولا هسيب ده ولا ده روح اتفق إنت وأمهم

-محمد:قوليله يسيب العيال يا ست نداء -نداء:أنا اللي هربي عيالي مش هسيبهم ليك أبدااا -محمد بعصبيه:قولتلك قوليله يسيب الولد -نداء :وأنا قولت محدش هيربي عيالي غيري -محمد:هاخدهم منگ ومش هتعرفي تاخديهم مني تاني وهتيجي تبوسي رجلي عشان أرجعگ يا نداء -خافت نداء من كلامه فهو من الممكن أن يأذيها بالفعل فهو يشرب كثيرا -خرجوا جميعا من المنزل وركبو سيارة ريان -الأم:يا بنتي لي كده كنتي حافظي علي بيتك الجواز ده حقه

-نورين:لا يا ماما حقه بشروط ومفيش ولا شرط فيه الأم:بردو يا بنتي تحافظ علي بيتها خراب البيت مش سهل -نورين بحزن:وإنتي لي يا أمي معملتيش كده وحافظتي علي بيتگ -الأم:لو ب إيدي كنت حافظت علي بيتي لو اتجوز عليا عشره عشان أشوفكم وانتو بتكبرو قدام عيني بس اللي حصل -نورين:آه أنا بقا عاوزه اعرف اي اللي حصل -الأم :هو انتي سيبتي بيت أبوكي لي -نورين:قدريه مش عاوزاني في بيتها

-الأم:قدريه بردو هي اللي لفت علي أبوكي عشان يتجوزها ولما راح كان شرطها إنه يطلقني وياخد بنت من بناتي -نورين:طب لي ياخدنا وهو مش عاوزني ولا هي عاوزاني -الأم:عشان يحرق قلبي عليكي العمر كله قدرية كانت بتشوف الحاجه اللي هتأذي اللي حواليها وتعملها -نورين:لي مختنيش منهم بالعافيه -الأم :حاولت بس معرفتش وجتلك يوم المدرسه وأبوكي عرف وجه وقال لو جيتلك تاني هيقتلگ -نورين:بس مفيش أب بيقتل بناته يا ماما

-الأم:أبوكي ما يعملهاش بس قدريه تعملها -نورين:ماشي يا ماما بس نداء صح في قرارها -الأم:لا تحافظ علي بيتها وعيالها -نداء:لا يا ماما ده ما يتقالش عليه رجل أصلا مش هخليني معاه ولا عمري هرجعله -ريان :ممكن أتدخل -نداء: طبعا اتفضل -ريان:نداء معاها حق في كل اللي عملته مع إنها اتأخرت أووي علي ما عملت كده بس هي معاها حق -نداء:يعني المفروض كنت إتطلقت من بدري صح

-ريان: معلش بس هو المفروض مين يصرف علي مين والمفروض يكون بيحترمك فين الاحترام الزواج أساسه الموده والرحمه (تاجر السلاح بيتكلم …) -نداء:عشان تعرفي يا ماما إني معايا حق دي عيشه هممم -نورين:اللي حصل حصل اهدي عشان خاطر عيالك -الأم:هنروح فين دلوقتي يا بنتي -نورين:مش عارفه يا ماما بس أنا ونداء هنشتغل ونأجر شقه -ريان:يعني عيب تقولو كده وأنا موجود -الأم:معلش بس هو حضرتگ مين جوز نورين -نورين

بإحراج:لا يا ماما ده هو اللي وداني المستشفي أما دراعي اتكسر -الأم:شكرا ليك يا ابني مش عارفين نقولگ اي -ريان:علي اي بس مفيش حاجه -الأم :مش هينفع بردو نيجي عندگ -ريان:أنا معايا أمي هتحبكم -الأم :لا يا ابني عندك مكان يتأجر نقعد فيه تمام مش عندگ خلاص هندور -ريان:لا طبعا عندي مكان -الأم: شكرا هنتعبگ معانا -ريان:لا تعب ولا حاجه ………. -أنهي كلا من يوسف وريتال عملهم وكانت ريتال تفكر في الأمر كثيرا -ريتال كانت تحدث

نفسها وهي تسير إلي منزلها:هو كان عاوز يتسلي بيا يعني هو مفكر عشان مش محجبه أبقا مش محترمه وهقبل بكده لا عمري ما هبقا كده ….. -كانت ريتال تسير تفكر ولم تلاحظ وجود سيارة وكانت تسير إلي الجانب الآخر لم يقدر السائق علي السيطره علي فرامل السياره وصدمت السياره ريتال……….!!! ــــــــــــــــــــــــــــــــــــــــــ -ذهب يوسف إلي منزله وهو ينوي الحديث في هذا الموضوع مره أخري … -يوسف:بابا لو سمحت عاوزگ في موضوع

-الحناوي:موافق يا ابني هنروحلهم امتي -يوسف بعدم تصديق:بتتكلم بجد انت موافق -الحناوي :يا ابني أنا ميهمنيش إلا راحتك أنا مينفعش أغصبگ علي حاجه إنت مش حاببها -قام يوسف واحتضنه:شكرا يا بابا -الحناوي:حدد الميعاد يا ابني وهاجي معاگ وربنا يقدم اللي فيه الخير -يوسف:حاضر يا بابا هشوف وأقولك -الحناوي:ربنا يفرحك ياابني

-دخل يوسف غرفته وبدأ يتصل بريتال ولكن الرقم مغلق حاول يوسف كثيرا ولكن دون جدوي بدأ يوسف بالقلق علي ريتال قليلا فربما لم تذهب للمنزل بعد . -يوسف لنفسه:معقول ده كلو ما روحتش -انتظر يوسف ساعه وبدأ في الاتصال مره أخرى وهذه المره تصلها لكن دون إجابه وأخيرااا تمت الإجابه -يوسف:ريتال مابترديش لي -المتصل:حضرتك مين -يوسف باستغراب:إنت اللي مين -المتصل: صاحبة الرقم عملت حادثه وهننقلها المستشفي ……. ……..

-خرجت كلا من غزل ورولا وظل يسيران ويتحدثان كثيرا وها رولا “عادت تسترجع نفسها من جديد لا تريد أن يفني بها العمر وهي حزينه علي شئ لم يعد لها ولا يفكر بها تريد أن تنساه تريد أن تنسي كل شئ الذكريات الجيده والسيئه لا تريد أن تبقي علي هذه الحاله كثيرا تريد إثبات قوتها لنفسها وأنها تستطيع أن تنساه وتبدأ من جديد لا تريد يوسف آخر في حياتها تريد أن تكسب نفسها فقط ” -رولا:هنروح الكليه بكره -غزل:فوقي شويه بكره الجمعه

-رولا:قصدي السبت مش لازم كل كلمه تعلقي عليها -غزل: رولا تيجي نحيب آيس كريم -رولا:الجو برد -غزل :لا الجو حلو يلا نروح -رولا:لا بجد اسكتي -غزل :أنا قولت يلا -رولا بنفاذ صبر :يلا -ذهبت رولا وغزل لشراء الآيس كريم -رولا:يا غزل أنا مش عاوزه -غزل:لا معلش هتجيبي -رولا:مليش مزاج -غزل:يا رولا خليكي فرفوشه بقا -رولا:لي هو أنا وحشه ولا اي -غزل:لا انتي قمر يلا بقا -ابتسمت رولا :حاضر هجيب -غزل:هو لازم أقول قمر عشان تجيبي

-رولا:عشان أنا قمر أصلا -غزل:لا مش قمر ده عشان تجيبي آيس كريم بس -رولا:خلاص مش هجيب -غزل:لا هتزعليني -رولا:لا طبعا يلا -غزل:أنا عاوزه أطلع رحله -رولا:لا ده احنا نجيب الآيس كريم أحسن -غزل:نجيب الآيس كريم ونشوف -رولا:يلا -عندما ذهبت كلا من رولا وغزل لإحضاره وجدت ناس يلتفون حول سيارة هناگ حادثه من كثرة الناس لم يستطيعو الوصول لكن كان هناگ مشهد مخزي من هذه الحادثه كان هناگ أشخاص يقومون بتصوير الحادثه!!!!

إلي هذا الحد وصلنا من الإنحدار !!!! هناگ مصاب وأنت تقف لتشتعل السوشيال ميديا بهذا الخبر ! أين نحن الآن فأصبحنا في أقصي معاني الانحدار والسوء !!!! وكان السائق يقول :هي اللي وقفت قدام العربيه هي…هي …قصدها ..تن..تنتحر فكان يتهمها بالسوء. -وهو لم يكن يري من الأساس بسبب حالته هذه. -أتت سيارة الإسعاف في الحال وأخذت المصابه إلي المستشفي

-لم تري رولا وغزل لكن حزنو بشده علي حالتها هذه فهم لا يعرفون الحقيقة أهي انتحرت أم دون قصد صدمتها السياره …… -بعد رؤية هذا المشهد أمام أعينهم ذهبت رولا وغزل إلي المنزل بحزن شديد لا ينسون ذلك المشهد أبدًا والحزن يملأ قلوبهم. ‏” يعلم الله أنني أقاومُ شعورًا أقوى مني “. ــــــــــــــــــــــــــــــــــــــــــ