الفصل العاشر

رواية ليتها تكون لي الجزء العاشر 10 بقلم فضة الشرقاوي ليتها تكون ليرواية ليتها تكون لي الحلقة العاشرة -عند يوسف -ذهب يوسف إلي عمله متأخرا بعد ما حدث لا يعرف يوسف ماذا سيفعل أهو مازال يحب رولا؟ أم أنه أحب ريتال ؟ ذهب يوسف إلي مكتب ريتال -يوسف: ازيك يا ريتال -ريتال : الحمدلله رنيت عليك الصبح ما ردتش هو في حاجه -يوسف:لا مفيش .عاوزك في موضوع -ريتال:اتفضل اتكلم -يوسف:بس خطوبتنا هتتأجل شويه بس علي ما نتعرف علي بعض أكتر

-ريتال:اي السبب كنت بتقول عاوز تخطبني علي طول -يوسف:معلش نأخرها شويه أحسن -ريتال:تمام ما ترنش عليا تاني أنا زميلتگ في الشغل بس الكلام يكون في حدود الشغل -يوسف:لي هنتكلم مرتبطين -ريتال:هو انت مفكرني عشان وافقت اطلع اتعرف عليك ده يبقا شئ عادي لا ده كان تعارف أنا وافقت عشان كده ومش عشان مش محجبه أبقا مش عارفه حدودي لا أنا عارفه حدودي كويس عاوز تاخدني تسليه -يوسف بهدوء:لا الحوار مش زي ما انتي فهمتي خالص

-ريتال:لا الحوار باين -يوسف:أنا فسخت خطوبتي من يومين فالخبر كان صعب عليهم شويه فأنا جيت أطلب منگ تديني وقت -ريتال:تمام لو عاوزني أكلمك يبقي تيجي تقعد مع بابا وتعرفه بنفسگ عشان يسأل عليگ ويبقا عارف ان في بداية خطوبه -يوسف: صدقيني مش هينفع -ريتال:آسفه أنا مش للتسليه -يوسف:هحاول أجيب والدي ونجي في أقرب وقت -ريتال:براحتگ علي الآخر بس كلام مش هتكلم معاك إلا في حدود الشغل -يوسف :تمام

-ذهب يوسف إلي مكتبه بعد مرور نصف ساعه طلبته المديره وقام يوسف بالذهاب إليها -دخل يوسف إلي مكتبها -المديره :حضرتك لسه متعين جديد ازاي تتأخر في تاني يوم ليگ إذا مكنش عندگ عذر مقبول هيتخصم منگ يومين -يوسف:بعتذر طبعا لحضرتگ والدي جاله تعب فجأه وما قدرتش أجي -المديره بلين:تمام هو بقا كويس -يوسف : الحمدلله بقا كويس -المديره:تمام عذرگ مقبول تقدر تروح تكمل شغلگ بس ياريت بلاش تأخير (المديره الطيبه رزق )

-يوسف:تمام شكرا جدا لحضرتك -ذهب يوسف إلي مكتبه وظل يعمل وانشغل باله في العمل فلم يفكر في ريتال أو حزنها علي قراره ذلگ ــــــــــــــــــــــــــــــــــــــــــ -أمسكت ريتال بهاتفها وطللبت رقم كيان للحديث معها. -ريتال:ازيگ يا كيان -كيان: الحمدلله يا حبيبتي انتي عامله اي صوتك ماله -ريتال:سيبنا بعض -كيان متصنعه الحزن:ما يستاهلكيش لو بتحبيه هاتي رقمه وأكلمه وترجعو لبعض -ريتال:لا اللي بيحبني هيتمسگ بيا -كيان :عندگ حق

-ريتال:سلام دلوقت أنا في الشغل أما أروح هكلمگ وتم إنهاء المكالمه -كيان :أخيرا حاجه اتصعبت في حياتگ . حياتگ كلها حلوه الناس بتحبك حتي اللي بتحبيه يحبك وتلاقي شغل وكل حاجه بتمشي معاكي وناجحه في حياتك اي ده “عزيزي القارئ لا تصدق أن هناگ مثل هذه الأشخاص لا انهم كثيرا ومن الممكن أن يكونوا في حياتگ فلا تأمن لشخص إلا عندما تري حبك في عينيه ومواقفه معگ ” ــــــــــــــــــــــــــــــــــــــــــ -عند نورين ونداء

-صمم ريان أن يوصلهم إلي مكانهم -ركبت كل من نورين ونداء -نداء:دراعك ماله -نورين:هو انتي لسه شايفاه -نداء:لا شوفته من اول ما دخلت بس كان نفسي أشوفگ من زمان أوي اتلهيت إني أحضنگ -نورين:دي طلقه بالغلط أول ما جيت هنا -نداء بخضه:طلقه بالغلط -نورين:اه مكنتش واخده بالي الحمدلله بقيت احسن كتير -نداء: الحمدلله -نورين:البيت فين -نداء :في القاهره -نورين:مسافة طويله يعني -نداء:اه

-نورين:أكيد عمركم ما كنتو هتلاقوني انتو في القاهره وأنا في اسكندريه -نداء بتوتر:احنا كنا في الاسكندريه هتعرفي كل حاجه لما نوصل -بعد مرور ساعات ليست بكثيره -كان ريان لا يعرف أين البيت كانت نداء توصف له طريق المنزل إلا أن توقف في حارة شعبيه من إحدي حواري القاهره فكانت المسكن قديم قابل للسقوط فمن المتوقع سقوط تلك البنايه القديمه -نداء:هو ده البيت -نورين:أي واحد -نداء: البنايه دي

-دخلا كلا من ريان ونورين ونداء إلي ذلك المكان فكانت نداء تسكن في الدور الأرضي من هذا المكان -نداء بتوتر:هي الشقه دي -ريان:طب يلا افتحي انتي خايفه من حاجه -لم يكمل ريان كلماته حتي خرج شخص من هذا الشقه وجذب نداء من حجابها -محمد بعصبيه:كنتي فين يا هانم ملكيش حد تعرفيه انتي فين -نداء ببكاء :كنت بجيب نورين -تدخل ريان ليحل تلك المشكله وقال:حضرتگ في اي براحه مش كده -محمد بعصبيه:ده حبيب القلب ده كمان -ريان

بعصبيه:حضرتك مينفعش اللي بتقوله ده -نورين :في اي يا نداء مين المتخلف ده -ترك محمد نداء واستدار لنورين وكان علي وشك أن يضربها لكن يد ريان كانت أسرع ووضع يد محمد خلف ضهره -محمد بصراخ:سيبي ايدي انت مين ولا تعرفني عشان تعمل كده -ريان :انت مالك مفيش رجل بيمد ايده علي واحده ست ده لو كان رجل أصلا -نداء:ده جوزي -ريان:حتي لو جوزك مفيش حق يديله يعمل كده -استطاع محمد أن يفلت يده من ريان وكان علي وشك أن يضربه لكن ريان كان أسرع

-ريان:المره الجايه دراعك هيتكسر وتركه -محمد موجها حديثه لنداء:جايبالي واحد يضربني في بيتي ماشي هتشوفي يا ست هانم -نداء بخوف: والله ما اعرفهوش -لم تكمل نداء حديثها حتي خرج طفليها إليها وقامو باحتضانها -عائشه ببكاء :يا ماما ثبتيني (سبتيني ) ومشيتي لي وحثتيني (وحشتيني ) اوي وبابا ضربني وكان هيضرب تيتا كمان -نداء :حرام عليگ يا شيخ منك لله -محمد بعصبيه:عندنا ضيوف أما يمشو هنكمل كلامنا -حمزه

ببكاء:معتيش تسيبينا معاه يا ماما تاني -عائشه ابنة نداء تبلغ أربع سنوات حمزه ابن نداء الأكبر ويبلغ ٦ سنوات -محمد بعصبيه لأطفاله:انتو بتقولو اي ده انتو نهاركم زي وشكم -استدارو الأطفال خلف والدتهم ليحتمو بها من أبيهم ذلك -محمد:أمك بتسأل عليكي روحي شوفيها -كانت نورين تنظر بصدمه لما يحدث ما هذا وتستعجب مما يحصل وانتظرت حتي يدلفون للداخل لتسأل نداء عن كل هذا فكيف طفل ٦ سنوات وهي ٢٢عاما

-محمد :اتفضلو ادخلو يلا واقفين لي واستوقف نداء -دخلت نورين ورأت والدتها عندما رأتها نست كل شئ وذهبت إلي داخل أحضانها واحتضنتها بشده -الأم ببكاء:وحشتيني أوي يا بنتي الحمدلله إني شوفتگ قبل ما أموت -نورين ببكاء:ما تقوليش كده يا أمي إن شاء الله هتبقي كويسه -الأم : الحمدلله إني شوفتك كنت خايفه أوي أموت من غير ما أشوفگ -نورين:العمر الطويل ليكي يا أمي

-وظلت نورين لوقت داخل أحضانها فهي كانت تتمني أن تدخل في حضن والدتها منذ زمن -في الخارج عند نداء ومحمد -نداء بخوف:عاوز اي -محمد:هاتي فلوس يلا -نداء بخوف :مش معايا -محمد:بقولك هاتي الفلوس بدل ما اضربگ يلا شوفتي أنا حنين معاكي ازين يلا من غير كلام كتير -نداء ببكاء وخوف: والله مش معايا خالص -محمد:اخلصي بدل ما أتجنن عليكي ما شربتش النهارده -نداء:قولتلك كام مره حرام وكل مره بتقول آخر مره -صفعها

محمد علي وجهها :وانتي اي يدخلك في حياتي ليكي ان تشتغلي وتجيبي فلوس واشرب وخلاص -كان ريان يقف عند الباب من الداخل يراقب ذلك الموقف -كانت نداء علي وشگ الكلام لكن قاطعهم صوت ريان -ريان: نداء ادخلي بسرعه العيال بيعيطو ده بعد إذنك يا استاذ محمد طبعا وخرج محمد وهو يسب ريان أما نداء فذهبت للداخل -نداء بتوتر : شكرا جدا لحضرتك -ريان:عايشه معاه ازين ده -نداء :لازم عشان أعيش لازم أقعد هنا -ريان:بلغي عنه البوليس

-نداء :ضل رجل ولا ضل حيطه -ريان:يمكن -قامت نداء باحتضان أطفالها وقالت:ما تخافوش مش هسيبكم معاه تاني -عائشه ببكاء:كان هيلثعني (هيلسعني ) بالسمعه (الشمعه) يا ماما -نداء :حقك عليا يا بنتي تعالو يلا ندخل عند تيتا وخالتو -حمزه:خالتو مين يا ماما -نداء:تعالو معايا وهتعرفوها -دخلت نداء إلي الغرفه وظل ريان بالخارج كانت نورين ما زالت تحتضن والدتها ويبكون الاثنين -نداء:خلاص بقا كفايه عياط

-اعتدلت نورين في جلستها وظلت تقبل يد والدتها وتبكي -الأم بخضه:ماله دراعك يا بنتي -نورين:مكسور عادي يا أمي -الأم :كده وعادي -نورين:المهم مين محمد المتخلف ده -الأم : جوز نداء هو مش باين -نورين: وازين يضربها وازين يعمل فيها كده -نداء:نصيبي بقا وخدته خلاص -نورين :عيالك كبار وانتي ٢٢سنه ازين -نداء:متجوزه وانا ١٥ سنه -نورين :نعم لي

-نداء :كان بيحبني وهيموت ويتجوزني وماما كانت تعبانه فأنا وافقت وكنت بحبه بس بقيت بكرهه مش طايقاه -نورين :وهو عنده كام سنه شكله كبير -نداء:٣٥سنه مش كبير اوي يعني -نورين بصدمه :كااااااام!!!!! -نداء :اه ٣٥ سنه اتجوزته عشان نرتاح وماما معدتش تشتغل تاني بس مش مكتوبلي راحه أبدا -وبدأت نداء تحكي ما حدث من بداية حياتها

-نداء :كان بيحبني وخطبني واتحوزنا في فتره قصيره الخطوبه كانت شهرين اتجوزنا عدت أول سنه عادي وقعد ماما معانا لحد ما بدأ يشتكي بعد أول سنه المصاريف كتير انزلي ساعديني لي الشغل وكانت حجته ماما فكان لازم أشتغل نزلت واشتغلت وكان معايا حمزه ماما كانت بتقعد بيه وهو شغلني أي شغلانه لا كنت بخدم في البيوت يقولي ما انتي مش معاكي كليه مع اني كنت هدخل ثانوي وهكمل وكنت شاطره هو قالي مش عاوز مراتي تتمرمط بس هو طلع عيني وشغلني في البيوت وقعد هو من شغله وزي م انتي شايفه بصرف ع البيت وعلي العيال وهو كل شويه عاوز حش*يش والقرف اللي بيشربه

-نورين بصدمه:وعايشه معاه -نداء:الظروف اللي بتحكمني أنا لو مشيت هقعد أنا وماما في الشارع وهياخد عيالي ومش هقدر أعيش من غيرهم -نورين:ظروف اي اللي تحكمك إنتي لازم تطلبي الطلاق ده مش رجل -نداء:لازم أعيش -نورين :مش بالطريقه دي -نداء: اللي حصل -نورين:أنا لو قعدت في أوضه عمري ما هقبل الحياه دي -نداء :وعيالي هياخدهم -نورين :ما يقدرش -في تلك اللحظه دخل محمد إلي الغرفه ومعه بنت عمرها لا يتعدي العشرين

-محمد:حبيت أعرفكم دي مراتي من سنتين ………!!! “إذا تعالى عليك الشيءُ أهنهُ بالتخلي ، فكل شيءٍ يوجد له مثيلٌ إلَّا الكرامة .! ……… -عند غزل ورولا -وبالفعل اتفقا رولا وغزل أن تفتح رولا قناة باليوتيوب -كانو بالفعل يسجلون علي اليوتيوب -رولا: أنا خايفه -غزل :من اي -رولا: خايفه القناه تفشل أكيد -غزل:إن شاء الله هتنجح ما تخافيش -رولا:لا أنا خايفه وأوي كمان

-غزل:ما تحطيش كده في دماغگ هتنجح إن شاء الله وهيبقي صحبي فيمس بقا ومش هيعرفني تاني -رولا:بصي بجد أنا رجعت في كلامي -غزل :اسكتي بقا هتعمليها وهتنجح اسكتي -رولا:ولو فشلت -غزل :الرسول قال “تفائلو بالخير تجدوه ” حتي لو فشلتي حاولي أوعي توقفي محاولاتك -رولا بتفكير:طيب هفكر -غزل:هتعملي أول فيديو بكره تمام -رولا:لا أخد فترة أخرج من الاكتئاب -غزل:هو انتي عندك اكتئاب -رولا بضحك:هو مش باين ولا اي

-غزل:لو حد مكتئب فيبقا أنا وبسببك وهرتكب فيكي جريمه حالا -رولا:حاضر يا غزل هنعمل أول حاجه بكره -غزل:يلا نعمل صفحه علي الفيس -رولا:هنعمل الفيديوهات سوا -غزل:أنا بلبس بناطيل -رولا بضحك:ما هو انتي مش محترمه -غزل:انتي عارفه مش بعرف أمشي غير ببناطيل وبحاول أطوله وانتي عارفه -رولا: عقبال الخمار -غزل:يارب -رولا:هنعمل اي دلوقت أنا جوعت -غزل:هرن أكلم ماما بس الأول ونشوف -رولا:تمام

-خرجت غزل إلي البلكونه و وطلبت رقم والدتها وأجابت والدتها -غزل:عامله اي يا ماما وحشتيني -سميه: الحمدلله انتي أكتر يا حبيبتي انتي عامله اي ورولا عامله اي -غزل: الحمدلله كويسين بابا ويوسف ووعد عاملين اي -سميه : الحمدلله كويسين -غزل:طبعا البيت هادي -سميه:هو في حد أهبل غيرگ يعني -غزل بغرور مصطنع:ده أنا مفيش أعقل مني -سميه:أه طبعا انتي أعقل واحده في اسكندريه -غزل:ماشي يا أمي -سميه:عاوزاكي في موضوع -غزل:ما تقوليش عريس

-سميه: أنا كنت فين وانتي بتتربي -غزل:كنتي بتربي يوسف ووعد -سميه:عريس لاختك -غزل:هشقطه -سميه:احترمي نفسك يا بنتي عيب كده مفيش بنت ينفع تقول كده بهزار كده غلط -غزل:حاضر يا مامي -سميه :حضرلك الخير هتيجي امتي -غزل:مش عارفه أنا المفروض أسألك -سميه :ابقي تعالي انتي ورولا النهارده -غزل: ماما مينفعش انتي عارفه انها زعلانه أجيبها عندنا -سميه:لازم رولا تشوفه وتتعود تعامله كأي إنسان عادي ما يكونش في زعل اللي هو سابني أو كده

-غزل:بس أكيد مش من تاني يوم يا ماما -سميه : هي مش شافته امبارح -غزل:اه شافته هو وصاحبته دي -سميه:طيب يبقا تيجي -غزل:وافرض جه واتكلم في الموضوع قدامها لازم يعدي فتره عشان تقدر تتمالك أعصابها وما تضعفش -سميه:جايبه العقل ده منين أنا اللي اعرفه إنك هبله -غزل:هي سميه جايبه أي حد بردو -سميه:لا طلعتي عاقله اهو -غزل:طيب هبات هنا النهارده وأجي عندكك بكره -سميه:طب تعالو ساعه بس قبل ما يوسف يجي عشان أتطمن علي رولا

-غزل:حاضر يا ماما -سميه:سلميلي عليها -غزل :الله يسلمك -سميه:مع السلامه -تم إنهاء المكالمه بينهم -رولا:يلا ناكل بقا -غزل:يلا ناكل -رولا:هنخرج النهارده -غزل:اه هنخرج نتمشي -رولا بخوف :لا -غزل وقد فهمت السبب :لا هنخرج ما تخافيش -رولا:غزل مش هينفع عشان خاطري بلاش -غزل:هنخرج في مكان تاني مش نفس المكان -رولا: مش عاوزه أخرج -غزل:اسكتي بس يلا نطلع ناكل ونشوف . “‏قد يضيقُ بكَ العالَم ويسعُكَ قلبٌ واحد.”

يا صَدِيقى أنَا معكَ بكلّ مَرّة و مُرّة♥️🫂 ………