تحميل رواية «للخُلة رأي اخر» PDF

حسيت على انفاس تضرب وجهي فتحت عيوني بهدوء صار وجهه كدامي  ابتسم بلل شفته بهدوء رمش مرتين متتالية قرب وجهه عليه حط كصته على كصتي  حرك خشمة بخشمي ابتسمت بعدت راسي عنه ضحكت بصوت..

سحبني عليه بقوة اعتلاني  ، على اثر حركتة شهكت

ابتسم رفع حاجبة گال

_ مشاكسة

فتحت عيوني بصدمة حجيت

_ليش يابة شايف عليه شوف  ومادري!!

دنك علية  بهدوء ركز على عيوني  شتت نضري عنه  ابتسم نفخ على وجهي  حركه لاارادية غمضت عيوني حسيت على دفو بخشمي فتحت عيوني صارت عيني بعينه غمز گال

_شفكرتي،  مااخذ شي اذا مانتي تبادرين..

  قلصت عيوني حجيت بهدوء تام

_لعد حلم ابليس  بالجنه..

رفع حاجبه وابتسم بمكر گال

_الي كدامج ابليس بجلالة قدره  ميلحگ بي لايخاف ولاهم يحزنون الي باله يسوي لو على الف راس  والي اريده اخذة وداعتج بس للاسف انتي ياشبر من زري لاعبة بيه لعب..

ابتسمت حجيت

_ منيلك هل كلام ياعيوني..

دنك على ركبتي سحب نفس طبع بوسة خفيفة ابتعد ثواني تقرب عليه اكثر باس عيوني گال

_شوكت تتعودين علية.

ميلت راسي  بلعت ريكي غمضت عيوني حجيت..

_من احس...

........

يا ام ثوب الاحمر حاجيني

محتار لاتخليني .. قلبي يفداج وعيني

وطفي لي هالنار اللي بيه

بالدنيا مثلج ما صار .. الخدود مشتعله بنار

خاتم اهديلج وسوار .. اهدي لي قلبج يابنيه

كمشت ايدي كالت

وجهج قمر ويلالي والله حيو  .. شسويتي انتي بحالي

حلوه وشكلها صغيره .. خلتني اعيش في حيره

ما ادري من يا ديره .. احتارينا يا ناس بحبها

احتارينا يا ناس بحبها

ركصت وياها وخربانة ضحك   گلتلها

والله الي دااشوفه راح تسطرين  الولد  من الله يساعده عليج

ركصت حواجبها ويه لحن الاغنية گالت

- اذا تعده على الحدود اشوفه العجب بالاحمر نهت كلامها بضحكة..

................

تسوي بالديجي والضاهر خبره الاخت..

اجاني اشعار   فتحت جهازي  لكيت رسالة  كاتب.

؛؛  ثوبج فاضح اكثر مما ساتر، تفاصيل جسمج كلها واضحةمابعد شئ ويطك على كيفج يابة..

لا ارادي صديت عليه ابتسم مسد على شواربة

رفعت حاجبي  عض شفتة 

عقدت حواجبي كتبت

؛؛من تدخل بما لا يعنية لقي بما لايرضية.

ثواني رد

؛؛ ومنو يگول انتي ماتعنيلي؟!

زفرت نفس رديت

؛؛كلشئ بينه انتها من سنتين لهذه سد الموضوع لاانت تعنيلي ولا اني اعنيلك شئ

رد

؛؛بس قصدي ك بنت  عمي وخالتي لااكثر ولااقل،المن عل كلام ليش متگولين  انت تعنيلي ليش هل دوخة كلها..

عصبت كلش.رديت

؛؛الغي بعد

دز ايموجي   يضحك

ابتسمت بعدم مبالا ماريد ابين ضوجتي..

..........

گلبت بالقنوات  ماكو شي مميز  زفرت نفس بملل شمرت الريمون على التخم  تمشيت للحمام اريد اسبح  من تضيق الدنيا عندي الجئ للسبح..

فتحت الدوش احس المي ينزل على جسمي حارر ماعلم بارد.

سحبت نفس بضيق   سديت المي سحبت منشفة حجمها كبير نوعا ما  لفيتها على جسمي  اخذت الخاولي لفيت شعري..

طلعت من الحمام اسحل بروحي سحل مابيه امشي..

وصلت للصاله تفاجئت بوجودة   تداركت الموقف بلعت ريكي التفتت ردت ارجع رفع راسه صارت عيني بعينه رفع حاجبه گال

_حضري روحج اليوم اخذج وياي اذا تردين طبعا..

ابتسمت حجيت

_ خمس دقايق

كام وكف   ارتاك على التخم حضن ادينه لصدره گال

_الج ربع ساعه زين ياله خلصتي..

باوعتله صفح حجيت

_ مو رايحه لعرس

ابتسم طارف شفته گال

_ لايابة متأسف  على راحتج ولو اعرف اتاخر بس تهون لهل عيون المخنزرة وعوزها تطلع..

تخوصرت بعصبية حجيت

_ تغاار والله

عض شفته گال

_الله وكيلج جنج ورد متسلق ضعيف وطويل..

نفخت بعصبية  ضربت رجلي بالكاع. بقوة  حسيت على المنشفة وكعت  كمشتها بسرعه   والحرارة امتدت بجسمي تمنين الكاع تنشك وتبلعني   والافندي يضحك  شافني عيني عليه گال

_هيبت عصبيتج طارت بس جنت ماخذ فكرة غلط طلعتي مو وردة  متسلق..

نهه كلامة بغمزة.

عصبت كلش رفعت ايدي حجيت

_تعرف انت  انت انت هفففف

ماعرفت شنو احجي  عفته رحت لغرفتي واسمع يضحك بصوت..

عقدت حواجبي  هزيت راسي طلعت بنطرون اسود وكيمونه جوزي وسترة جلد سودة  وبوت  جوزي..

بدلت اخذت المشط مشطت شعري سرح لاكن بي برمه كلش خفيفه..

سويته ذيل حصان   طلعت خصلتين مبعثرات..

رتبت حواجبي وحمرة سحريه وكحل اسود  طلعت للصالة شافني گال

_عشر دقايق

ابتسمت حجيت شوكت ناوي تبدل

ابتسم طرف شفته اخذ سترة جلد سوده من على  الكرويتة  گال

_  ماعندي شي انتضر اميره ديزني تخلص حتى نطلع..

هزيت راسي اخذت جهازي من الشحن  مد ايده گال

_يالة تاخرنة..

كمشت ايده طلعنه من البيت  تفاجئت  السياره ماكو بس دراجه  باوعتلة بتسائل  حجيت

_لعد والسيارة؟!

ابتسم تلمس حاجبه گال

_ صعد على الدراجه صعدت وراه  سحب ادينه لخصره صد علية گال

_تمسكي

سحبت نفس هزيت راسي حطيت راسي على ضهرة ثواني معدوده مااحس غير طار بالدراجه رغم خوف بگلبي بالبداية لاكن المتعه تسلط واتجرئ ارفع راسي وگلبي يدك بسرعة...

غضيت شفتي، شنجت رجلية عدلت كعدتي صاح بصوت قلق

_كم مرة مانعج من هل حركة لاتتخبلين علية يمعودة..

ضحكت حجيت

_قابل مرتين اموت هيه مره وحده  عوفني مستمتعه..

هز راسة خفف سرعه لحد ماصف الدراجه نزل التفت علية گال

_باباتي تخبلتي لازم كل مااخذج وياي تقلقيني

عدلت كعدتي  حجيت

_على كيفك شبيك قابل شسويت اريد استمتع بهل طبيعة الجميلة..

هز راسة گال

_هجم بيت طبيعتج لعد من نطلع بالسيارة  شعندج تنامين وعلى حظي المسخم من اخذج بالدراجه تصحصحين..

هزيت كتفي حجيت

_اذا انت تسد كل الشبابيك ماتخلي واحد يتنفس بينما بالدراجه مجبرو تتحمل خبالاتي...

ثواني ركز علية ابتسم گال

_ تدرين بودي اكول لفد واحد مصعدج على الدراجه وياي اريد اشوف ملامحة شتصير..

  حجيت بثقة

_كولة حتى هسه  نلكاه واكف النه..

ضحك گال

_نزلي يابة

عقدت حواجبي ونزلت

صعد مدلي اديه  ضحكت بستهزاء گال

_انتي فايخه منا لباجر مااخلص تعالي لج

هزيت اكتافي برفض  بلل شفته  مال علية سحبني  شالني من خصري  صعدني كدامة  نفرت حجيت

_صدك تحجي شبيك يمعود والله فشلة..

هز حواجبة گال

_هذه مو العراق باباتي والي يشوفج يكول بنتي على حجمج..

بعد المن هل كلام هنا كلشي مباح نوعا ما،  ولعلمج ماعندي  وقت اضل كل شوي واكف..

حضنته ضحك وانطلقنة..

وكف الدراجه باب الخلفي نزلنه  انطاني ايده كمشتها  غمز سحبني عليه مشينه   دخلنه من ممر ياهو الي يشوفة يسلم عليه..

وصلنه غرفة الاستراحه گال

_تبقين يمي لو اتصل على دفنه تجي تاخذج يمها!؟

ابتسمت حجيت

_اروح يم دفنه احسن هم تاخذ راحتك..

هز راسة ابتسم طرف شفته اتصل على دفنه اقل العشر دقايق اجت..

سلمت  علينه رحت وياها وكفنه قريب من الساحة..

حجينه بااكثر من موضوع  بهل اثناء صار كدامي   بهيئتة الرجوليه..

قطع حبل افكاري صوت دفنه تگول

_تحبي؟!!

.....................

رحت  للمطبخ اسوي اكل طلعت  بورك  حطيت الجاي على الطباخ

رجعت لغرفتي  امشط  شعري  وكفت كدام المراية مبتسمه  ميلت راسي  وانصدم بالاثار الي بركبتي  

واثر باايدي  ضجت حيل رحت للهول  وكفت كدامة حجيت ..

-ليش  هيج   والنبي ضوجتني  شوف لان ناطيتك  مجال هيج تسوي  

ضحك كال 

-جا غير مريتي، عندج مانع يابعد غوالي گليبي.

..............

حقج مسويتي شي غير   بالجامعة مركزه عليه درجه ماكدرت ابقة  زياده ..

وبالسيارة  ركزتي علية وگلتي حبيبي  رجعتيلي امل مقتول

وبالهول كدام عيني وتكولين اذا يحبك يبقى وكلش  زين اعرفج  اذا تضوج من احد ماتشوفه خلقتها  مو نوب تعزمه يبات بنص بيتها

ومن جنه نحجي  شلون مسلطه انضارج عليه درجه صرت اختصر الكلام   واشغل تفكيري  وجفتي علية بنفس لوقت الي جنت افكر بيج ولا الاضرب مركزه عليه 

ودموعج الي  غركتني بشگار عيونج و الحضن الي لاعلى البال ولاعلى الخاطر

وفوك ضيم لله  طلعتي ضهرج  وختمتيها بوستج  شكول  ل لله  ليش هيج تعذبين كليبي المسكين تراة رجيج..

..؟..............

ياحياتي  ماحبيت جسدج لا اني حبيت كلبيج وروحج وبرائتج  ميهمني الجسم وداعة شكو عزيز على كلبي يانور عيناي  كل  سانتم بيج احبه  لاتسوين هيج لان من صدك كرهتيني بروحي على هل حركه تشوفيني رايد جسمج لو شنو بالضبط 

.......... .......

دموعي نزلن الي يكلك محضرتهن  التفت شافني عقد حواجبة  لبس قميص اسود  قفل اخر دكمتين  حضن ادينه الصدره كال 

جساس-  محتاجه شي 

بلعت ريكي شتت نضري عنه   مسحت دموعي  نسيت الي اريد احجي   هزيت راسي بنفي رجعت ردت اطلع  كمش ايدي   كال 

جساس -بيج شي  ليش هل دموع 

مجرد حجه ماحسيت على روحي غير بنص حضنه  ابجي     قفل علية بقوة   بدون مايحجي  ولو حرف واحد 

ماعرف  شكد مر من الوقت   باسني  من  يم اذاني بين ركبتي وفكي   ابتعد  عني عيونه حمر   ابتسم  ركز بعيوني كال 

-مشتاك لشكار عيونج  ملهمتي 

ابتسمت  نزلن دموعي   مسحهن بيده كال

-  افقد كدام هل عيون  لاتبجين يبعد غوالي قلبي 

غمضت عيوني حجيت  بهدوء  

-احبك

فتحت عيوني بصدمة  على بوسته بين شفتي وخدي  بلعت ريكي  ابتسم كال

-اعشكج ياكمرة ضوت  عتمه حياتي 

 ضحكت بهدوء  كال

-تزوجيني  حتى نخلص بقية حياتنه سوة على الحلوة قبل المرة  لاتذليني بحبج  يبعد غوالي قلبي 

ضحكت حجيت 

-تتحملني منا اله اخلص كليه لان مستحيل اتزوج قبل هل شي  ..

-مجرد كلمه تكفيني ماريد اعيش بوهم وبالتالي انصدم 

.....

منضر لاول مره بحياتي اشوفة  ختنكت كلش هزيتها صحت لااااااا

........

تيشيرت زيتوني اوف سايز نصف ردن  وبنطرون اسود حذار رياضي ابيض قبعة رياضية زيتوني نازل منها تلث حلقات  كامش بيده سماعة يسمع من تك وحده  متناغم ويه الموسيقى ويغني بقهر..

خاصتة من كال رااااح  ضب قبضه ايده  ضربهه بالهوة..

صارت عيني عليه عض شفته وغمز  سوة حركه بيده  مقابل شفايفه يعني ابتسمي..

.

#للخُلة_رأي_آخر

بارت ال١

بقلمي: اورجانزا الطائي..

.

.

.

.

.

.

.

.

.

.

.

.

. طلعت من الحمام لافه المنشفة على جسمي واتناغم ويه الحان الاغنية..

شغلت التدفئة دخلت لغرفتي فتحت الكنتور طلعت سويتر نبيتي للكمر وياه بنطرون جينز مشطت شعري لفيته كعكه اخذت حمره سحريه خليت ومسكاره شي خفيف

لبست بوت اسود رحت للهول فصلت جهازي عن الديجي دزيت رساله كتبت

؛؛ باز راح اطلع منو يجي عليه..

اقل العشر دقايق رد

؛؛ دزيتلج دفنة طلعي واكفه بالباب وميحتاج اوصيج اي شي تسأل عنه ممنوع تحجين..

زفرت نفسي رديت

؛ روح لاتتاخر بااي

شافها ومرد يببو شكد ينرفزني هل طبع من يشوفون الرساله ويغلسون لو ينطون لايك.

قفلت البيت وطلعت شفتها كدامي رفعت ايدي اسلم عليها رغم صداقتنه عاديه رغم هي تحاول تقوي علاقتنه واني ابتعد مالي خلك روحي مو نوب اصادق..

وصلت يمها مدت ايدها سلمت عليها صعدت يمها بالصدر.

صدت عليه رفعت خصله من شعرها گالت

-ليش مالبستي فستان

باوعتلها صفح حجيت

-اعتقد شي يخصني واني مااحب الفساتين ماارتاح اله بالسبورت.

فتحت جهازي صديت عليها حجيت

_شووكت تمشين ترة طولتي بصفنتج

ضحكت گالت

- رايحه اله شوي تاكليني..

غلست مرديت اقل عشر دقايق وصلنه صفت السيارة نزلنه صارت كدامي تتموع بمشيتها لابسة فستان يوصل لنص من الفخذ بڤ بحيث من تهز روحها يطلع المستور..

هزيت راسي دخلت وراها سلمت على الموجودين

باز متناغم ويه الاغنية لابعد حد درجه مانتبه لوجودي..

صفنت علية لابس تيشيرت زيتوني اوف سايز نصف ردن وبنطرون اسود حذار رياضي ابيض قبعة رياضية زيتوني نازل منها تلث حلقات كامش بيده سماعة يسمع من تك وحده والثانية يرتب الموسيقى اجواء صاخبة رغم حزن الاغنية...

كلها تركص ومتناغمه على الاغنيه كلش احب هل اغنية بصوته رغم هوه لحد هذه اليوم ميعرف بيه سامعه صوته يغني دون ايقاع..

انتبهت عليه منفعل ويه الاغنيه اخذ المايك كال رااااح شمر المايك ضب قبضه ايده ضربهه بالهوة..

صارت عيني بعينه عض شفته وغمز سوة حركه بيده فتح اصبع السبابه والابهام مقابل شفايفه يعني ابتسمي..

دنكت راسي مشيت شوي يم الكراسي كعدت ..

نزل من الستيج اغلب أصدقائه راحتله تاخذ صور وتحجي وياه..

باز يحضر حفلات الاصدقاء فقط..

سحبت نفس فتحت جهازي راسلت گمره حسيت على احد يمي رفعت راسي بهدوء شفت صديق باز كعد يمي رفعت حاجبي حجيت بستهزاء

-نعم؟!!

هز كاس المشروب باوعلي صفح عض شفته كال

-ماتعودتي علينه واجوائنة، وباز راح عنده حفلة گالي اوصلج..

ضحكت بستهزاء حجيت

_اعتقد انو انت ماعندك صلة وياي لاصديق ولا اقارب المن اتعود على اجواء مو الي، وحاول مره ثانية لاتتطفل خلي عندك ذوق واستأذن يااستاذ واخيرا اروح وحدي انت منو حتى توصلني بالبدايه روح وصل روحك.

هزيت ايدي ابتعدت عنه التفتت لمكان باز فعلا ماموجود

حاولت اهدء روح جي واحجي ويه روحي

-والله اله اكلب الدنيا على راسك بازوو افندي والله ليش باز خو گازو احسن هم، اناني ميفكر غير بنفسه صار كدامي ثنين يتباوسون اجيت اتقيئ من الحركات

ايييع شنو هل قرف هزيت راسي اجيت امشي حسيت على ايد كمشت ايدي التفتت ومتحلفه للمد ايدي عليه.

تفاجئت حجيت

-انت مو رحت؟!

ابتسم رفع حاجبة حركه سريعه گال

-اعوفج وحدج شلون دبرتيها، وهسه تعالي اريد اعرفج على شخص..

هزيت راسي كمش ايدي ضغط عليها ضحك

مشينه خطوات بطيئة وهو بس يضحك صديت عليه حجيت

_شبيك بس. تتمضحك

بلل شفتة نزل راسة المستواي بدون مايلفت انتباه گال

_شعجب ماتقيئتي

ستغربت عقدت حواجبي حجيت

_ليش

ابتسم گال

_ تره ماانساها

ردت احجي قاطعني گال

_بعدين نسولف

هزيت راسي ضل بالي يودي ويجيب شنو قصده؟!

وصلنه قريب على الستيج گال

-اوكفي هنا ثواني

اقل العشر دقايق اجه باز وياه ديجي المفضل

من دهشتي ماعرفت شنو احجي او اكول بحيث مد ايده يسلم ضحك مسد على شعره تحمحم گال

- دخلت بالجو سوري، اي شلونج.

ابتسمت حجيت بتوتر

_تمام

ابتسم باز گال

_تيم هية هذه الي حجيتلك عليها.

ضحك وضرب باز طرف كتفه گال

-لك ملعون ت..

بعده ماكمل كمش ايده باز گال

-بعدين تيم تخبص الامه هسه.

ستغربت شنو قصدة، ضلو يحجون فوك ااربع ساعه اجت دفنة شافته شو هاي روحي حضني بحيث فتحت عيوني بصدمه هذه ياهو الي يجي تذب روحها عليه..

سولفت وياه باز تقرب عليه ميل راسه گال

_عجبتج المفاجئة

ابتسمت حجيت

_شكرا

حرك خشمه ابتسم بمكر گال

-تره عشاء يمنه طلعي خبراتج بالاكل

فتحت عيوني بصدمه حجيت

_لااا باز شبيج تريدني افشلك والله اكلي مو طيب

رفع حاجبه گال

-كولي اتعاجز تره اكلج طيب

عقدت حواجبي بضوجه حجيت

-تره كله جاهز بس اگلي يعني الله وكيلك ماعرف شي غير البيض واگلي

ابتسم گال

- مايرد الكريم اله البخيل هسه شيكول علينه اذا ناخذه بمطعم.

قطع نقاشنه صوت تيم هوه يگول

-عشاق ممكن ناخذ صوره تذكار..

ضحكت باوعت لباز گال

-ماكو اشكال..

وكفت يم باز حط ايده على كتفي ودفنه يم تيم الي حاط ايده على خصرها ساحبها عليه..

اخذنه اكثر من صوره من ضمنهن اني مموجوده لان ينشرها باز..

خلصنه لصور حجت دفنة

_باز انشر الصور بحسابك.

هز راسة گال

_ايي نفس كل مره.

راحت دفنة واحنه طلعنه صعدنه بسياره اسلام تيم بالصدر واني وره همه يسولفون غلبني التفكير باول. يوم الي بماليزيا..

مكان غريب ناس غربه طرق اول مره اشوفها..

نزلنه من التكسي للبيت.

فتحت الباب تفاجئت بستايل بيته

- الصاله فارغه مابيها شي غير الكرويتات والطبله.

على يميني ممر وعلى يساري ممر مشينه على اليمين هم بي صاله بس هذه مختلف جذريا الالات مسيقية وغرفه عباره عن جام وكراسي شكل مختلف درجه اكو روح بالصاله الوانها مختلفه اصفر احمر اخضر بيجي جوزي مفعمه بالحياه..

سمعت صوته التفتت گال

-تعالي

رحت على صوته اشر على الجهه لثانيه گال هذه غرفتج بعد هذه الممر.

هزيت راسي اخذت اغراضي دخلت من الممر فتحت عيوني بدهشه صاله ملاكمه اجهزه تدريب كيس ملاكمه حجم كبير اثقال جهاز جري مليت التفتت حجيت

_هو ممكن تجي توصلني لغرفتي تره مليت

گلب عيونه بملل فتح بابا واكف يمه گال

- هذه غرفتج كدامج

هزيت راسي دخلت للغرفه هم كلها الوان قوس قزح خرب شنو فلمه هذه ماكو لون مبقي بخاطرة بس ليش اول صاله لون ابيض؟؟

والله هسه يطلع عنده انفصام..

لا والنوب جو الغرفه كلاسيك والوان شنو هل تناقض.

قطع حبل افكاري صوت باز

_تيم يگول يريد سمج على الطريقه العراقية وشرط من ايدج.

ابتسمت والبيث رافع حاجبة مبتسم..

رد عليه تيم

-قسما من كد ما باز مدح بأكلج حلفت مااطلع من ماليزيا اذا مااكل من ايدي..

همم يعني باز مادحلك بااكلي طبعا مو حمد بروحي بس اني اخذ جائزه بالطبخ لونه بني داكنن مائل للسواد مو باز

ابتسم گال

_اي منال العالم ماتجيب طبخج خلتي

يربي يعرف شكد اكره هل كلمه وهو لازك بيها يغلط مدرري يمدح بيها..

رمشت بعيوني ماحجيت بعد

التفتت على الطريق وكف مقابل بيتنه نزلنه مشيت قبلهم فتحت الباب دخلت لغرفتي اخذت تراك اوف سايز بدلت..

طلعت سمعت صوتهم بالصاله رحت يمهم كعدت على الكرويته..

التفت علية تيم گال

شعجب محد يعرف بزواجكم كلها تعرف انتو اقارب وبس..

رد عليه باز

-ماريد اوصخهه بهل عالم لاتنسه انت اليوم صاحبك باجر عدوك واخاف عليها ماريد الها اذية وبس انت تعرف هية زوجتي.

ستغرب تيم گال

_من ناحية شنو توصخهه وصح لسانك الي ومصديق باجر عدو.

ميل رگبته يمنه ويسرى طكها گال

_ اليوم اذا كرهو واحد يطلعون عليه اشاعات واذا مو اشاعات مو بعيده يمنتجون صور عليها واكيد انت تعرفني زين..

تيم _فهمت قصدك بس لاتگلي بعدك وياه.

فتح ايده وسدها صد عليه گال

_على حطت ايدك متغير شئ واني اعثر مره مو الف..

رد عليه تيم

_ اهم شي انتم مرتاحين بس دير بالك تره مو امان خاصتة زوجتك وياك ولاتنسة الف ياعلي ياله طلعت...

ضحك باز گال

_تعرف انت تجفص بدون متدري يااخي عوف السالفه لاتسويلي عرس بهل ليل.

ضحك تيم التفت عليه گال

_ انتِ شمسوية لملاكمنة مخليته لاليله ليل ولا نهاره نهار تدرين حتى كاتب اغنية الج.

ستغربت معقوله؟! والله فلا اصدك باوعتله عاض على شفته مغمض عيونه ثواني فتحهن صارت عيني بعينه قاطعنة صوت تيم يگول

_جنت اجي لماليزيا وباز يستقبلني عنده جان اليل كله يحجي وياج درجه مرتين عايط بي

بس من رخصتك باز سبحانة الخالق ابدع بخلقج سبيل من حقة باز كاتل نفسة عليج.

ضحكت بندهاش صارت عيني على باز الي حاط ايده على وجهه.

احس النفس ضاك عندي كمت وكفت عدلت السويتر حجيت.

_من رخصتك تيم اروح اسوي العشة

تيم- ليش نتعبج نروح لمطعم نتعشة احسن موهيج باز

ابتسم گال

-اي هوه هم هيج بس اسبح ونطلع..

عفتهم بدون مااحجي شئ احس روحي مختنكة..

دخلت لغرفتي سديت الباب كعدت وراها حاضنه رجليه حاطة حنجي عليهن..

ماريد احجي شي وبعدين اندم، سكتي وهدئي ماكو شئ هذه من وحده يحجي..

ثواني معدوده ندكت الباب مرديت سمعت صوته يگول

-فتحي الباب اريدج تكوين القميص

غلست محجيت شي

دك جهازه گال

_اي عمي هذه يمي هسه انطيكياها ، لالا، لحضه، ماطول

دك الباب گال

_ بان عمي يريدج يگول ضروري

ستغربت شنو السالفه شعجب ما اتصل عليه..

فتحت الباب ابتسم طرف شفته گال

_لاتسوين هل حركات بعد

رفعت حاجبي حجيت

_ منو يمك، انطيني الجهاز

تلمس حاجبه گال

_هوه انتِ تعرفين اني مااكدرلج ومظلوم وياج لولا

حضنت اديه حجيت

_شبيك باز؟ محتاج شئ!تريد شئ

ابتسم بلل شفته گال

_اول شئ بس اني وياج المن هل باز وثاني شئ عمي مااتصل بس حجيت هيج حتى تطلعين وهسه كدامي بدلي حتى نطلع ليش بعدج ممبدلة واخر شئ من نرجع اوضحلج الي گالة تيم ، هو اني جبت مصيبه بدون ماادري كعد يجفص.

رديت عليه بعدم مبالا

- ردت ابدل وحضرتك تطفلت عليه

قلص عيونه گال

-وين ملابسج،اش.اشوفج بعدج ممبدلة ؟!!

-غير جنت ادور ملابس وانت تطفلت

-واثقة كلش ياله الج خمس دقايق.

هزيت راسي طلع من الغرفه اجيت اقفل الباب مالكيت المفتاح دورته بالكاع ملكيته ثواني تحمحم گال

-گومي بدلي عوفي المفتاح يمي..

فتحت عيوني حجيت

_عود صدك تحجي ليش هيج

ضحك بدون مايرد..

سحبت نفس بملل، سديت الباب طلعت بنطرون اسود كيمونة نبيتي جاكيت اسود.

دائما من ابدل اصفن من اقرة قصص الابطال لازكين بالاسود من فوك ليجوه وبابا نوعا ما ولو يلبس هواي اسود بس الانتيكا مالتي عايش بقوس قزح الوان مستحيل البسهن هوه يلبسهن مثل الفسفوري الورده الوصخ والعنابي والمشمشي والاخضر والاصفر لو درجات الاحمر الفاقعة..

ابد مااتقرب الهن كاضيتها اسود نيلي جوزي نبيتي زيتوني والخردلي ومره وحده اخذت سمائي..

لا ولتصميم يوكف العقل صدة و رده وجاكيتاته جريئه حتى تيشيرتات كل مكان يلبس بي شكل بحيث انصدم من اطلع وياه احس نفسي متزوجه اكثر من واحد...

واني من يوم يومي لازكه على الرسمي والسويترات الاوفر سايز اذا اريد اغير اشتري جينز..

سويت شعري ذيل حصان لبست حذائي وطلعت..

نصدمت بي شوكت غير وهو من اجه مساعة جان لابس بدي وبرموده.

بس اكيد نفس العاده كل طلعه تشكيله مختلفه..

بس للصراحه تغيراته حلوة

لابس تيشيرت اصفر وفوكاه قميص جينز لونه اسود والبنطرون اسود، تفاجئت منه من الشيطان اول تالي دائما من اسألة ليش ميلبس لون اسود يگلي

_عايفة لابطال قصصج الماتخلص..

رغم اضوج من يگول هيج بس اني مدمنه قصص مو بيدي من زمان اقره احس يومي ينقص بدون مااقره..

كام تيم طلع كدامنه واني وراه رد اطلع گال

_اي شلون الاسود، اليوم سرقته من ابطالج التحفة

ابتسمت حجيت

_الاسود يم ابطالي ويوكف، اتحده واحد يطلع احلى منهم.

رفع حاجبه بستهزاء گال

_تخيلي وياي شوي

انو انتِ تقرين قصه ويحجولج عن البطل شكله يخبل وكشخه ومعضل وانتِ سايحه وشاركه الحلك نفس عادتج وهيج طب لن يطلع البطل مكرش ولدنيا زايعته وماعايف بنيه مامتحرش بيها ومايعبد مرته ولا شخصيه واسنانه صفر والريحه مالته توصل قبل لايوصل بس هنا مو عطر فوكس الي طاش لو عطر ايلي لا خُلوتي عطر جيفته وانتِ ميته ومتمرغلة علية..

والله العظيم على الوصف والحركات الي يسويهن بوجهه اجيت اتقيئ لعب نفسي بس مستحيل اخلي ياخذ عليه حجيت

_عذرا بس خاف توصف روحك ومادري

رفع حاجبه گال

-خُلوتي على الاقل اني شخصية حقيقية وعندي اخطاء مو نبي اخر زمن نازل بعالمج لا والي يكتل ماكو فقرة كلهم ضباط وشيوخ واساتذه يابة وين راحو المخضرجية والبنجرجية والخلفة عفيه قصص بيها ، واكلج المفروض تبطلين تقرين قصص من البوسة لو نسيتي شلون تقيئتي

نهه كلامه بضحكة وغمزة

رغم ضجت بس بس ضحكت حجيت

- اعتقد انت استاذ لو نسيت وابوي بالجيش بس حسافه مااعرف رتبته وعمو جساس هم بالجيش واركان هم جيش وابو امي شيخ وعمو ديسم هم استاذ لو نسيت

رفع حاجبه گال

-اول شي بس ابوج واركان بالجيش عمي جساس فتح كوفي واستقيل واني استاذ متوسط وديسم دكتور يالدارسة، بس هذه مايعني كل شي تقري حقيقه...

اخر شي اكوله ونطلع لان تاخرنه على تيم

-لنفترض يجي يوم ونكتب قصتنه على كلامك منو يصدك انت الف شغله تشتغل والف شكل عندك هم لاتنسة انت معايش وياهم

زفر نفس گال

-اوضحلج اني هوايه ورزق يعني الاثنين

وشغله ثانيه هذه الكاتبه ولامرتاحلها وصدك ذكرتيني كاتبه بطيخ هذه كاتبه كل شئ فلم سك** مقروء ودااشوفه تدرين هذه اخذت ذنب كم مراهقه وكم قارئة خلي تفيدها المشاهدات وانتي ماكرخ بعقلج غير هل كاتبه ام عالم ثاني..

هز ايده وطلع

خبلني يتخبل من الكاتبة رغم هوه مايعرفها بس لان كتابتها جريئة كلشش على كولته يكول المسنحه نزاعت.

درجه كلشي بيها مباح بحيث انصدم من جرئتها بس هل كاتبة نمبر ون كلش احبها واحب كتاباتها بس  فلا انسه الفشلة الي اخذتها منها..

رجعت بذاكرتي قبل فتره..

كاعده ومندمجه بالقصة البطلة مبالغ ايمانها انو تريد تسلم روحها للبطل في سبيل الانتيكا يترك المحرمات..

والبطل مااكو اسوء منه رغم المتابعات ميتات والله ليش الكذب اني من ضمنهن

شكد انتقده لاكن كلش حابته..

البطلة لكت غراض غريبه بالكنتور واشوف التعليقات كلها تكول ساد*  صفنت شنو هذه النوب ساد* جان اسلام كاعد بصفي

راسلت گمره سألتها گالت شوفي اسلام لو بحثي شمدريني قابل گوكل ومادري

ضحكت على كلامها وختمت المراسلة لان الست يمها جساس ثواني راسلتني كاتبة

؛؛ اگلج حبب جساس يگول خل تسأل إسلام شنو ساد* هوه خبرة يعرف.

رديت لج اكلج هيه لو بالهدف لو بالنجف اروح ادور التعليقات اذا مالكيت ابحث بالكوكل..

انطتني اوكي ، واني استمريت ابحث بالتعليقات لحد مالكيت تعلق انو ابحث كذا شي ويطلع وفعلا بحثت.

طلعن ادوات غريبه عجيبه مافهمت منهن شي فااتوقعت شغلات تخص التصليح..

صديت على اسلام الي كاعد بصفي اخذ الكوب حجيت

_اكلك اسلام

صد عليه گال

_كولي

ويه ما راد يشرب صديت الجهاز عليه وحجيت

_اسلام شنو ساد* عمو جساس گال لگمرة اسلام يعرف وخبرة.

ويه ما حجيت غص اسلام بالجاي بحيث عيونه نكلبن حمرر دم انطيته مي شرب اخذ نفس گال

-وانتِ شصخمين بالخ** ومنين تعرفين يتبع..

وخلص اول بارت اتمنة نال اعجابكم.

توقعاتكم للبارت القادم.

انطوني رأيكم بالفقرات، تفاعلكم يسعدني.

#للخُلة_رأي_آخر

بارت الـ ٢

بقلمي: اورجانزا الطائي..𓅙

.

.

.

.

.

.

.

.

.

.

.

.

.

.

.

.

.

.

.

. ويه ما حجيت غص اسلام بالجاي بحيث عيونه نكلبن حمرر دم انطيته مي شرب اخذ نفس گال

-وانتِ شصخمين بالخر**

قطع حبل افكاري صوت اسلام 

_بان هوه قفل شدعوة هل كد طولتي.

ميلت راسي بضوجه حجيت

_والله يااستاذ اسلام وانت ممحلفني جنت اتذكر شئ مهم شوي وانت لازم لازم تدخل بالنص..

هز راسة گال

_ تعالي هسة تيم يحلف مايوصلنه على هل دكه من الضهر ليهسة مماكل.

ضحكت حجيت

_اذا انت راسم باله اعرف اسوي سمج وهو قافل على السمج اني شنو ذنبي.

تقرب عليه بهدوء اخذ المفتاح   گال

_كدامي بان مأمن اخليج وراي هم تاخذيلج صفنة وتعالي بااسلام انتضر.

عفته وطلعت  قفل الباب كمش ايدي صديت عليه  ابتسم ..

صعدت ليوره وهو كدام  ماطولنه هواي وصلنه  مطعم اكل عراقي بس اكيد الاكل بي مو عراقي.

طلب تيم اكل التفت عليه گال سبيل شو مطلبتي شي.

غمضت عيوني بهدوء  التفت على اسلام حجيت

_باز يطلبلي نفسة.

ابتسم گال

_نفس العادة

رد تيم

_انتم واصلين مرحلة كلش جبيرة بالحب حد العشق

رد عليه اسلام قصدك خُلوة

ستغرب گال

_باز رحمه لامك وابوك هذه شنو من شفتكم ولحد الان منطقت اسمها.

كمش ايدي گال

_بان

رد تيم

_شبيك باباتي مخرف بان شنو هية غير اسمها سبيل

وانتِ شنو اسمج عوفج من هذه مطفي من الردح

ضحكت حجيت

صح اسمي بان سبيل اختي..

فتح عيونه بصدمه گال

_على كيفكم وياي شنو اختج يعني تزوجتي حبيب اختج وانتم عشاق لو شنو واختج وين وانتي شنو 

لابشرفكم شطلعني وياكم  الضاهر اليوم هواي دست رون زايد  احجي باز شو ماگلتلي انت تزوجت اختها دوختوني واني من الصبح مماكل شئ هسة لو افترسكم اكو واحد يگلي ليش

ضغط على ايدي اسلام گال

_سالفه طويلة وهسه بان حاضري ومستقبلي..

التفتت. عليه  رافعة  حاجبي قربت عليه همست

_لا طلعت توب واضيفلك مهنه التمثيل لمواهبك  هاي من شوكت صرت مستقبلك تره جديده عليه..

كرص كف ايدي گال

_هستوج عرفتي

ردت احجي سبقني تيم

_ بان  اي بان  صدقا  باز يحبج لان قبل شهر التقيت بي  گالي فعلا لكيت حبي الحقيقي  وحتى من اتصل عليه  متوكع منه زوجتي زوجتي

رد عليه اسلام

_  تيم عوف السالفه ترة تزودها ماتنقصها..

ضحكت  بدون مااحجي

وصلنه الاكل  مجرد شتميت ريحه الاكل لعبت نفسي  شربت مي بعد ماكدرت اكل..

صارلي يومين معدتي موتتني اقل ريحه اشتمها تلعب نفسي ومجرد اشرب مي اشبع..

تيم ستئذن يغسل  حجه اسلام

_بان شبيج شكلك مو على بعضة  شو مااكلتي.

هزيت راسي بنفي حجيت

_مابيه شي بس مجوعانة..

رد علية بشك

_متأكدة بان..

هزيت راسي باابتسامه..

اقل ربع ساعة رجعنة تيم ماقبل يبقى يمنه وصلنة لباب البيت واخذ السيارة..

فتح الباب اسلام   مجرد دخلنه للبيت   ختنكت كلش   ركضت للحمام تقيئت  احس مصاريني تكطعت..

اسمع اسلام يحجي يريد يعرف شنو بيه.

غسلت وجهي سبحت لفيت المنشفة على جسمي  طلعت تفاجئت لكيته واكف مقابيل الحمام مجرد شافني تقدم عليه كمش اديه گال

_شبيج بان اكو شي يوجعج احجي لاتسكتين..

ابتسمت هزيت راسي تركت  ادينه رحت لغرفتي طلعت تراك خفيف  مختنكه كلش ماعرف ليش..

بدلت  كعدت بالكاع مرتاكه على الجرباية  من وحدهن دموعي نزلن  مسحتهن حجيت بگلبي

_شبيج بان تخبلتي قابل شكو وهيج صرتي.

نفتح الباب التفتت اسلام واكف  ابتسمت بتعب مديت ايدي  ضحك هز راسه  تقرب عليه  كمش ايدي گال

_كومي كعدي بالصاله بين مااصلي.

هزيت راسي كومني رحت بالصاله  كعدت على لكرويته  هوه مد السجاده يصلي..

ضحكت بگلبي ابد مايستقر على رأي الضهر بالبار وباليل يصلي وين صايره مادري. 

كمل صلاة سبح   ثنواني صد عليه گال

_ما الله يهديج

هزيت حواجبي بنفي

سحب نفس زفره گال

_الدنيا زائلة بان التزمي بصلاتج كافي عباده  رمضان، واكبر حرام انت تمارسين كل شي تحبي وماتصلين الله نطاج  ايد ورجل بعد المن هل كفر..

ميلت راسي حجيت

_ اسلام لاتجبرني على شي ماريده تره حرام عليك والدين مو بالاجبار واذا على الصلاه فااتاكد بيوم الي اكون واثقه مااكطعها التزوم بيها بينما هسه لا

_شنو الي يمنعج تصلين وتلتزمين مو تشوفيني الف شغله اسوي وملتزم بيها.

  _اي واضح ساعه ١٠وانت تصلي المغرب،  عليك الله عوف هل سالفه كل يومين والثالث فاتحها..

كعد كدامي گال

_بان مو هذه وياج لبابة تصلي وملتزمه لو سبيل هم جانت ملتزمه ويه الاذان انت شنو فرقج عنهن ليش متصيرين نفسهن..

بعدت ادينه  حجيت

_ لاتقارني اسلام..

بعده يريد يحجي  دك جهازي بابا يتصل  فد فرحت معقولة حس بيه متوجعة؟!

بسرعة فتحت خط وليتني مافتحته عصبي كلش بحيث سلام مسلم گبل گال

_رجلج الكوا* وين بسرعه تنطينياه لا والخلقكم ثنينكم هسه اجي انعل سلفاج..

تفاجئت من رده فعلة  فتحت سبيكر نطيته لاسلام راد يسد السبيكر  كمشت ايده..

حجه اسلام بهدوة

_اهلا عمي

رد عليه بابا

_ حيوان وين غيرتك وين اخلاقك وين كلامك انطيتك بان امانه تصونها وانت مسؤول  عنها  ماكتلك  روح وديها بالكوا** لك سرسري  هل كدوتها لعبت عليك  شلون تنزع الحجاب ولك انت اخبن تخليها تنزع الحجاب والنوب مفتخر بالمكان الماخذها  بي  ولك تمنيتكم يمي،  انطينياها لهل وكحه.

اباوع لاسلام خربان ضحك بحيث حاط ايده على وجهه يضحك بس كذاب لان شاد قبضه ايده ويضحك.. عباله سوالفه تمر عليه.

اخذته منه سديت المايك حجيت

_هاا بابا

سحب الجهاز  اسلام فتح السبيكر  حطه على الكوشه الي بينه..

رد عليه

_بان  كبرتي كافي مزعطه طلعتيها من ماعونها دزيتج لماليزيا تدرسين مو تلعبين  والنوب عليه تروحين بارات ولج بنت الكل*  رجال شكبرني ماريح مو نوب انت لا وفرحان السكط ناشرها التفتت على اسلام الي وضحت الصدمه على وجهه  كام اخذ جهازه من الشحن   حجيت

_ بابا اسفة  اني ممسويه شي غلط..

رد بعصبيه بان شو اخواتج ماسون هيج منين الله ذابج عليه ماكو شغله سزز ماسويتيها مو هذه لبابه هيه وعائلتها وبس المدح نسمع عنها وسبيل ماتت وهيه راضيه ربها تصلي وملتزمه بحابها اله انتي فوك مامتصلين  نازعه الحجاب وداخله بارات..

كلامه كلش ضوجني مليت من المقارنه

غمضت عيوني حجيت

   بابا لاتقارني بااحد تعرف بيه اتخبل..

رد عليه بعصبيه

_والخبلتهم باجر الصبح اريد اشوفج مزروعه كدامي وماليزيا تحلمين توصليها.

رديت بهدوء  عكس العاصفة الي بداخلي

_بابا حبيبي حياتي كلها هنا حتى دراستي..

رد؛ مايهمني نطيتج مجال زياده وباجر يمي انتي وعقدج من اسلام باجر يفصخ سمعتي باان لاتخليني اتخبل عليج لا والله اعتبرج ميته وماعندي بنيه اسمها بان..

_بابا باجر امتحاني  واقلشي عندي اربعه بعد،هيج اخرب مستقبلي.

؛انعل ابو مستقبلج تعالي هنا كملي.

نزلن دموعي حجيت

_ماجنت اريد اجي هنا وانت اقنعتني  وگلتلك اروح ماارجع وانت گلت ابد ماترجعين شنو اليغير هسه.

؛ ستفلتي هواي تعالي كدام عيني ائمن عليج، لو والله اكطع  مصرفج واخليج حايرة..

ضحكت حجيت

_تأمن صدك تحجي بابا بس لاتكون ناسي من وراك تدمر مستقبل  باابا ابد لاتنسة بيوم انت سبب هدم حياتي  وهسه من شفت حياتي وكدرت اتقبل عيشتي اجيت تخربها

ابد اعذرني بابا بس حلفت ماارجع اعيش بالعراق المكان الي انخذ مني روحي ماارجع اله لو ينصاغ ذهبب العراق مااوصله  وبعدين تذكر من اتصلت عليك اشكيلك شنو گلتلي مو گلت

؛بان بنتي هذه زوجج هوه المسؤل عنج  بلبسج وطلعتج ومشيتج اني بعد ماعندي سلطه عليج بعد شكوو بابا گلي

استلمني بابا  رزايل وصياح لحد ما اخذ الجهاز اسلام وسد السبيكر  گال

_عمي تره بان زوجتي امام الله وزواجي تام منها بعد بااي حق تريد تسحبها يمك وعذرني عمي بس زوجتي مطالعة عارية حتى هيج تسوي   لبسها مستور مابي شي بعد المن حركان هل اعصاب..

ثواني التفت عليه اسلام گال

_سد الجهاز

هزيت راسي دموعي  مجرد تخيلت اليصار وياي...

كعد كدامي اسلام گال

_بان عمي حقة عصب لان اخواتج مو هيج ولبابه ينحلف بيها بس انتي طالعه منهن ماتصلين وسبيل هم جانت ملتزمه 

فقدت كلش بحيث من دون وعي حجيت

اخواتي ممنوع تجيب طاريهن لان والله مااضمنلك رده فعلي

ابد ابد لاتقارني بااحد وبالاخص خواتي لاتضغط عليه وكل حجايه والثانيه سبيل سبيل  كافي تره  مليت زوجي العزيز

اشوفه مصدوم من كلامي لان اول مره بحياتي احجي هيج وياه رغم علاقتنه مابيها  حواجز لاكن ابد ماوصلت لهل حد من التجاوز..

تركتة وحدة مشيت اريد  اروح لغرفتي صار كدامي اغراضه

  تقدمت على كيس الملاكمه ضربته بيدي حسيت شبه ارتاحيت، ضربت لكمه ثانيه وثالثه لحد مافقدت صرت اضرب بدون وعي مني..

حسيت على ايدين حاوطن  اديه  همس قريب عليه

_على الاقل لفيهن  مو زين تتأذين..

التفتت بعدت ادينه عني بهدوء ،  ابتعدت عنه بخطوات بطيئة اروح لغرفتي  وكفني صوته يگول

_ باجر عندي مباراه نتمرن  اذا ماعندج مانع..

غمضت عيوني احاول اسيطر على روحي ابتسمت حجيت

_عادي ماعندي شي

ابتسم تقرب عليه تلمس حنجي گال

_اني وياج بكل خطوة لاتهتمين،  ابن امة الي يحجي وياج..

ستهضمت حجيت بهدوء

_ليش تسوي هيج رغم بابا هواي حجه عليك..

سحب نفس بلع ريگةگال

_انتِ زوجتي محد اله حق عليج، حتى لو ابوج  بس انتِ لاتكسريني وترجعين..

ابتسمت نزلن دموعي مسحهن بااصابيعة گال

_ ياله  كعدي البسج الكفوف  اريد اطيح خشمج..

ضحكت  حجيت بهدوء

_اني البس اعرف

حرك حواجبة بنفي  اخذ ايدي مشينه كعدني على الكرسي

اخذ باندج  رغم هوه مو باندج الي يخلو لاكن هو يگول الباندج ائمن وميأذي..

  ضحكت باوعتله تعاملني كأني مااعرف ملاحظ

رفع حاجبة وابتسم بخفة باوعلي عض شفته بهدوء گال

_بعدج نونو

فتحت عيوني حجيت

_ عود صدك   تحجي انت

ابتسم لبستني الكفوف سحبني اكوم گال

_ ورد متسلق  ، الله وكيلج

مجرد ذكر ورد متسلق  ابتسمت واخذتني ذاكرتي قبل فترة..

صادف الدنيا الصبح گلبت  بالقنوات  ماكو شي مميز  زفرت نفس بملل شمرت الريمون على التخم  تمشيت للحمام اريد اسبح  من تضيق الدنيا عندي الجئ للسبح..

فتحت الدوش احس المي ينزل على جسمي حارر ماعلم بارد.

سحبت نفس بضيق   سديت المي سحبت منشفة حجمها كبير نوعا ما  لفيتها على جسمي  اخذت الخاولي لفيت شعري..

طلعت من الحمام اسحل بروحي سحل مابيه امشي..

وصلت للصاله تفاجئت بوجودة   تداركت الموقف بلعت ريكي التفتت ردت ارجع رفع راسه صارت عيني بعينه رفع حاجبه گال

_حضري روحج اليوم اخذج وياي اذا تردين طبعا..

ابتسمت حجيت

_ خمس دقايق

كام وكف   ارتاك على التخم حضن ادينه لصدره گال

_الج ربع ساعه زين ياله خلصتي.

باوعتله صفح حجيت

_ مو رايحه لعرس

ابتسم طارف شفته گال

_ لايابة متأسف  على راحتج ولو اعرف اتاخر بس تهون لهل عيون المخنزرة وعوزها تطلع..

تخوصرت بعصبية حجيت

_ تغاار والله

عض شفته گال

_الله وكيلج جنج ورد متسلق ضعيف وطويل..

نفخت بعصبية  ضربت رجلي بالكاع. بقوة  حسيت على المنشفة وكعت  كمشتها بسرعه   والحرارة امتدت بجسمي تمنين الكاع تنشك وتبلعني   والافندي يضحك  شافني عيني عليه هز راسة  گال

_هيبت عصبيتج طارت بس جنت ماخذ فكرة غلط طلعتي مو وردة  متسلق..

نهه كلامة بغمزة.

عصبت كلش رفعت ايدي حجيت

_تعرف انت  انت انت هفففف

ماعرفت شنو احجي  عفته رحت لغرفتي واسمع يضحك بصوت..

عقدت حواجبي  هزيت راسي طلعت بنطرون اسود وكيمونه جوزي وسترة جلد سودة  وبوت  جوزي..

بدلت اخذت المشط مشطت شعري سرح لاكن بي برمه على گولت اسلام

شو شعرج مو نفس القصص الي تقريهن  لاحرير ولا طويل، من يحط راسة ويه شئ اله يكرهني بي ياله يرتاح..

سويته ذيل حصان   طلعت خصلتين مبعثرات..

رتبت حواجبي وحمرة سحريه وكحل اسود  طلعت للصالة شافني ابتسم بخفة  گال

_عشر دقايق

ابتسمت حجيت حتى اغير الموضوع

_شوكت ناوي تبدل

رفع حاجبة مسد على شعرة الكلش حفيف

اخذ سترة جلد سوده من على  الكرويتة  گال

_ ماعندي شي انتضر اميره ديزني تخلص حتى نطلع..

هزيت راسي اخذت جهازي من الشحن  مد ايده گال

_يالة تاخرنة..

باوعتله كمشت ايده مبتسمة، طلعنه من البيت  قفل الباب  مشينه قريب الشارع  تفاجئت  السياره ماكو بس دراجه  باوعتلة بتسائل  حجيت

_لعد والسيارة؟!

ابتسم تلمس حاجبه صعد على الدراجه گال

_ماترهم نروح بسيارة

لبس قبعه اشر براسه  يعني صعدي ابتسمت

كعدت وراه  سحب اديني  لخصره گال

_تمسكي لاتوكعين

سحبت نفس بهدوء  حطيت راسي على ضهرة ثواني معدوده، مااحس غير طار بالدراجه رغم خوف بگلبي بالبداية الهوه يضرب بوجهي

لاكن المتعه تسلط واتجرئ ارفع راسي وگلبي يدك بسرعة..

غضيت شفتي، شنجت رجلية عدلت كعدتي

صاح بصوت قلق

_كم مرة مانعج من هل حركة لاتتخبلين علية يمعودة.

ضحكت مغمضة عيوني والهوه يضرب بوجهي حجي

_قابل مرتين اموت هيه مره وحده  عوفني مستمتعه..

ماحجة  شئ بس  خفف سرعه لحد ماصف الدراجه نزل التفت علية گال

_باباتي تخبلتي لازم كل مااخذج وياي تقلقيني هيج

عدلت كعدتي  حجيت

_على كيفك شبيك قابل شسويت اريد استمتع بهل طبيعة الجميلة..

هز راسة  نزع القبعة مال الحماية گال 

_هجم بيت طبيعتج، لعد من نطلع بالسيارة  شعندج تنامين وعلى حظي المصخم من اخذج بالدراجه تصحصحين والله احلف عليج مكضيتها مغمضة عيونج...

هزيت كتفي بنفي  حجيت

_اذا انت تسد كل الشبابيك ماتخلي واحد يتنفس بينما بالدراجه مجبر تتحمل خبالاتي...

ثواني ركز علية ابتسم بمكر وحجة

_ تدرين بودي اكول لفد واحد انو  مصعدج على الدراجه وياي اريد اشوف ملامحة شتصير..

  حجيت بثقة

_كولة حتى هسه  نلكاه واكف كدامنة..

ضحك بصوت گال

_نزلي يابة واذا على الشبابيك اتخبل من واحد يشرب جكاير بالسياره لهل سبب مقفلها بس الي يمي تفتح  هيج ياكلون وحل ومايدخنون..

عقدت حواجبي باانزعاج نزلت  حجيت

_اناني والله

صعد مدلي اديه  ضحكت بستهزاء گال

_ اعتقد على مودج لو نسيتي العرس الي سويتي وانتِ فايخه منا لباجر مااخلص تعالي لج

هزيت اكتافي برفض

  بلل شفته  مال علية سحبني  شالني من خصري  صعدني كدامة  نفرت حجيت

_صدك تحجي شبيك يمعود والله فشلة..

هز حواجبة گال

_هذه مو العراق باباتي كل شئ  مباح  لاكن بعقل  والي يشوفج يكول بنتي على حجمج جنج ورد متسلق

بعد المن هل كلام ،ولعلمج ماعندي  وقت اضل كل شوي واكف.

حط راية على كتفي   شغل الدراجه حجيت

_تعرف انت متناقض ساعه ورد متسلق طويل وضعيف ساعه الي يشوفج بنتي  صفتة على رأي

ضحك بصوت گال

_بعدج نونو  باباتي ساق الدراجه بسرعه جنونية رغم اخاف كلش بس استمتع..

وكف الدراجه باب الخلفي نزلنه  انطاني ايده كمشتها

  غمز سحبني عليه مشينه دخلنه من ممر ياهو الي يشوفة يسلم عليه..

وصلنه غرفة الاستراحه گال

_تبقين يمي لو اتصل على دفنه تجي تاخذج يمها!؟

ابتسمت حجيت

_اروح يم دفنه احسن هم تاخذ راحتك..

هز راسة ابتسم طرف شفته اتصل على دفنه اقل العشر دقايق اجت..

سلمت  علينه رحت وياها وكفنه قريب من الساحة.. حجينه بااكثر من موضوع  بهل اثناء صار كدامي   بهيئتة الرجوليه لابس  شورت لون ازرق هوه برموده بس يسمو شورت تصير لحد الركبة..

رهول شوي سوه حركات احماء  يضرب لكمات خفيفه بالهوة حتى  تنشط عضلاتة..

دخل خصمة لابس لون احمر واضح الشر يطاير بين عيونه..

اعلن الحكم عن بدأ المبارا  عيني على حركاتهم

والجمهور يصيحون ب اسم باز والخصم الثاني

شلون يلعبون   اخر شوط بدو يلعبون وخصمة غش ضربع مؤخر راسة  هذه الحركة خطيره وممنوعه اصلا..

شهكت بخوف  اسلام خل توازنة  غمض عيونه بقوة  طك ركبتة بحركة سريعه كام وكف  ضرب  خصمة حركة  الهوك hook بحيث گلت مات بيده ضربات عشوائية بطنه وحنجة  بحيث وكع الخصم  صار اسلام فوكاه

اخر ضربه الي هيه تكون مصيريه حتى يربح رفع ايدي راد يضرب

بس فاجئني ماضرب و  الخصم مايتحرك والحكم عاجبة الوضع ولا وقف المبارا  

لحد ما كام اسلام عن الخصم راح  للحكم مااعرف شنو يحجي وياه..

شو مانحس غير اسلام لكم الحكم  بطنة..

قطع حبل افكاري صوت اسلام يگول

_صفناتج كثرانات

ضحكت حجيت

_انت راح تضل تسوي صفناتج كثرانات  صفناتج كثرانات

رفع حاجبة باوعلي صفح  عبر ساحه الملاكمة اكيد مااكدر اطفر نفسة

عبرت من بين الحبال، سويت حركات احماء   حرك ادينة گال

_يالة تعالي

ابتسمت حجيت

_عوف التدريب  نلاكم احسن

هز حواجبة بنفي گال

_اذيج تعالي ياله..

ضحكت تقربت علية قدمت رجلي اليمين على اليسار لكمت كفوف التدريب الي لابسهن..

ركز  بعيوني گال

_ماعرفتج هيج مابيج حظ لكمي اقوى لو تخافين

عرفتة يستفزني  لكمت اكثر من مره  حركات سريعة بحيث اسلام نزل  فات من جوه اديني  زفر نفسة گال

_لا انت مصيبة، لو طخة لو اكسر مخة

ابتسمت حجيت

_شسويت قابل

قلص عيونه گال

_ لاابد مايويتي شي بس جان  شوهتي  خلقتي لا والحظ  من سنين محد كدر يو صل لخلقتي لان اتفادة بس حضرتج غشيتي ونفعلتي زايد عن اللزوم

وهيج الي يسأل منو لكمك على خلقتك تجاوبهم والله ردت افرغ غضب  حضرة زوجتي.

ضحكت على كلامه حجيت

_ گلتلك اسلام نلاكم مو نتدرب انت استهانيت بيه وگلت اذيج تالي شنو

نزع كفوف التدريب ومركز على عيوني  نزل ن الحلبة  لبس كفوف مغايرة  اجه يمي گال

_مستعدة

هزيت راسي حجيت

_بكل وقت.

ضرب ادينه گال خُلوتي ابتعدي عن حركة

فرونكك  ، رونك هاوس، اسكك، كرسم كك

ضحكت حجيت

_ليش

رفع حاجبة گال

_تدرين انتي مشاكسة زايد على الزوم

رديت علية بستغراب

_ليش

قدم ايد واخر ايد گال  تعاي

لكمتة بيده رجعها الي رفعت حواجبي حجيت

_ملاكم وملاكم تالي هذه ضربتك

هز راسة گال

_سوالفي بيعيهن على غيري باباتي

رجعت اله اللكمة بطنه  فتح عيونه گال

_ هاا غشيتي

حركت اكتافي بعدم مبالا

لكمني بيدي گال

_وداعت مشاكستج لو موزوجتي رجعتلج الضربة  بس تهون لان مريضه ماريد اتندم هسه

رجعتله اللكمه على فكه  ضحك بصوت حجيت

_اول شي ابوي عايش لاتبيع سوالف القصص عليه

ضحك  وكف گال

_استسلم انتِ غاسل ايدي منج الضاهر  حاطتني بعقلج..

_ له له له هذه انت  تستسلم 

قلص عيونه گال

_ليش تخليني احطج براسي

طك ركبته گال

_هيج صار  

بعدني محاجيه مااحس  غير الكمات  متتاليه بحيث بحركة بسيطه كدر يوكعني بالكاع..

خط ايده على ركبتي انفاسي متسارعه ابلع بريكي قريب مني لدرجه مايفصل بينه شي مركز بعيوني..

مجرد حسيته ايده ارتخت من ركبتي،  باايدي الثانيه خليتها وره ركبته  وكعته بالكاع   حطيت ايدي على ركبته حجيت

_لاتستهين بخصمك  يا باز تره الحاره الي متعجبك تفشخك   رفعت حواجبي باانتصار..

ضحك بهدوء مركز بعيوني گال

أعلِّمه الرمايةَ كلّ يومٍ، فلما اشتدّ ساعدُه رماني

وكم علّمتُه نظْمَ القوافي، فلمّا قالَ قافيةً هجاني

أُعلّمُه الفتوّةَ كلّ وقتٍ، فلمّا طرّ شاربُه جفاني

ابتلعت ريگي وابتعدت عنه بهدوء

ضحك بصوت مرتفع  گال

_ اثر بيج  والله فاجئتيني

قصلت عيوني  بدون مااحجي شي

طلعت من الحلبة التفتت عليه حجيت

_ سمعت  بابا گال راح يقطع عني المصرف اذا ماارجع..

كام وكف

و نزل من الحلبة وكف كدام كيس الملاكمه  لكم الكيس گال

_قابل ينقص منج

كعدت   حجيت

_بس هيج مااكدر ابقة هنا لازم  نرجع 

يلكم وعينه عليه  التفت للكيس  گال

_ لامنرجع ولعلمج عندج حساب بالبنك يكفيج سنتين ليكدام بعد شكو على مااعتقد انتِ مااجيتي هنا على سواد عيونج لاتنسين الي صار بيج بسبب شغل عمي  واني واكف وياج بكل خطوة دام انتِ مغلطانة..

  بلعت ريكي حجيت بجد

_اسلام شنو منيلي حساب شبيك انت لاتنسة كل شهر يدزهن وانت تستلهمهن..

  لكم اخر لكمه   مسح العرك الينزل گال

_كدامج طنطول واخلي ابوج يصرف عليج تره انتِ زوجتي واني مسؤال عنج  والفلوس الي انطيهن الج من عندي  والي يدزهن عمي حاطهن بالبنك وبااسمج  حتى مااستلمن بيدي من الصيرفه للبنك.

نصدمت بكلامه هذه اول مره اعرف اسلام هوه الي يصرف واني اكول وين يودي مصاريفه لان اكثر من شغله يشتغل...

رديت _بابا يعرف؟!

هز راسة گال

_اي اكيد وحجيت  وياه بس هوه يگول مها يكن هذه واجبي..

قبل اكمل كلام طلع من الصاله  للغرفه معقوله كل هل فتره هو يصرف عليه ومااعرف؟!!!

دخلت للحمام سبحت  طلعت مالكيته دخلت للغرفه بدلت وهوة ماكو..

طلعت لكيته كاعد بالصاله يتابع فلم

تقدمت عليه كعدت يمه..

سحبني عليه حضني  همس

_كل شي يهون لاتهتمين عوفيهم عليه..

رفعت راسي ابتسمت حجيت

_ صاير كدام المدفع انت

حرك خشمه بخشمي گال

_عادي غير انتي خُلوتي 

ابتسمت  التفتت على البلازمه نتابع الفلم

طبعا رومنسي.

طلع مشهد الابطال يتباوسون  لعبت نفسي تلقائية حسيت على دف قريب عليه صديت عليه گال

_بودي اخذ بوسة بس للاسف هستوني سابح مابيه تتقيئين علية.. 

ضحكت دحست راسي برگبته  حجيت

_مو كافي احراجات عفية ذاكره عندك صار كم سنه وانت تذكر خبيث

  تلمس حنجي رفع راسي تقرب عليه طبع بوسه كلش خفيفة على شفتي گال

_ وديتج لعالم وردي لولا بشري بس للاسف هل معدات اوديج لعالم وردي موجوده بقصصج.

ضحكت حجيت

_عليك الله ليش تكره القصص بس كلي

ابتسم گال

_كلها كذب زين اذا لكيتي حقيقة ٦٠بالمية بدون مبالغه ولاتثقيف  يعني الشخصين حقيقيين بدون ماتزلغينه خلي بشخصيته هو بااطباعه هو مو جايه تثقفين بي وتسوي اية الله العظمه وهو زبانه مايسوة 

يعني جد انت مقتنعه انو الابطال كلهم يلبسون بس لون اسود وشررط قوط  منين جابو هل مسلتات  لج يابه  كولي غوامق ترهم بس لون اسود لا واكفه هذه.

لا والنوب كل شي مباح حتى *****    ليش حطو غرفه منفصله لكل مزوجين ليش مكالو سوو كل شي حتى *** كدام الناس لان شي خاص تردين تبوحين بي ليش؟!!

_هوه كلامك صحح ومو صحح  بس المهم احتمال يجي يوم واكتب قصتي وهم اخلي الكاتبة تكتب كلشششش يصير بينه  ذيج هسه تروح ابو الخصوصية.

رفع حاجبه بعدم رضه گال

_اي مو حتى اخلعج  سبق وحجيت اكو شغلات عادي تنكتب يعني اضافه حماس للقصة او جو رومنس بس مو ترحين تكتبن سويت ******* وهو سوه******* لا بنياتي مينفع ذيج هسه احطج انت والكاتبة راس براس واريد اشوف من يطلعلج..

«رحمه على امك وابوك »

رديت: عود افكر بس احتمال منا لنكتب قصتنه لن كل شي مباح.

قاطعني گال

_بوح الله راسج  وراس الي يسايرج لاتخليني  اسحب الجهاز واخليج تطكين حاار ببارد

ضحكت حجيت: هو تعرف انت لطيف.

رد؛: وتعرفين انت مشاكسة وخبيثة

هزيت راسي بنفي  صد على البلازمه گال

_من طيح الله حظج وحظ الكاتبة هيج احسن خلص الفلم  وماشفت شي منه.

كمت عنه حجيت  اروح انام  ، انت شوكت تنام تره بال٤ 

سد البلازمه باسني من راسي گال

_بعد ماتسوة انام  بالسته طالع   اروح انضف الجهاز بين ماتصير الخمسة اتمرن.

هزيت راسي حجيت

_تره دتبالغ بالتمرين هواي تمرنت اليوم

ضحك گال

_مو اني بان لو تاكل  ١٠٠كيلو حلويات  متسمن غير حصرا اشرب مشروب غازي اذا ماصعد وزني خليني محافظ على لياقتي البدنيه..

بان _ياله لعد تصبح على خير

ابتسم بدون ما يرد رحت للغرفه  صفنت على الصالات كل وحده شكبرها والمطبخ والغرفتين صغار  اسلام كل شي عنده مختلف..

من اكول احس روحي متزوجه اكثر من شخص  كمرة تحجي عليه تكلي ضلي بسوالفج هيه متدري بيتنه بي اكثر من جو يحسسج كاعده بمجمع كل مكان اله جوه..

حسيت نفسي لعبت ركضت للحمام تقيئت  غسلت لكيت شهرية علية بس هية تاخرت فوك الشهرين..

وبطني موتتني توجعني وجع مو طبيعي واول مره هيج..  خلص الليل واني من الغرفه للحمام فد مره..

رحت غسلت وجهي رجعت لكيت اسلام يتمرن على جهاز المشي..

شافني وكف الجهاز نزل تقرب عليه گال

_شبيج بان وجهج اصفرر

هزيت راسي حجيت

_مابيه شئ  بس غسلت وجهي..

هز راسه گال

_متأكده بان

_اجيت اجاوبه دخت احس الدنيا  تفتر بيه وحراره مو طبيعيه برجلية...

كمشت ادينه ردت احجي  بعد ماشفت شي كدامي..

ماعرف شكد مر من الوقت حسيت على صوت الدكتوره تكول لاسلام

_حضرتك زوج بان هِجان؟!

رد عليها

_اي تفضلي

_ردت عليه

_عندي الك خبر كان حلو بس للاسف..

زوجتك بان كانت يتبع...

..... ..

توقعاتكم للبارت القادم

اتمنى منكم تطرحون رأيكم وتفاعلكم يسعدني

#للخُلة_رأي_آخر

بارت ال٣

بقلمي: اورجانزا الطائي..

.

.

.

.

.

.

.

.

.

...

كلام الدكتورة يرن براسي..

احس روحي ذابلة ماريد اكوم مسحت دموعي الي موراضية توكف، التفتت على الجهه الثانية إسلام يتصل واضح علية الحزن..

مرتاك على الحايط ويحجي

_بنت عمي محتاجه اسويلها غسل معده كلش ضروري

؛ اي للاسف مااكدر اجي شوف واحد من الشباب

؛ لا يمعود ميحتاج جيتك يومين وتطلع لان عدها عملية..

؛ اي اي ياله سلام، وراقب الشباب لاتنسى.

سد جهازه التفت علية عقد حواجبة گال

_لاتضوجين روحج مصار شئ.

بلعت ريگي حجيت

_مراح تتركني وحدي؟!

ابتسم هز راسه گال

_يازمال يترك خُلوتة اله الماعده عقل..

تقرب عليه باس راسي گال

_بدون هل دموع تهون ان شالله.

ابتسمت التفتت جهه الثانية مجرد غمضت عيوني غفيت بين النايمه والكاعدة رجعت ذاكرتي قبل سنوات..

مقتطفات بسيطة كدرت تنهيني رجع الحلم المزعج بحياتي، ابجي واصرخ وخرر وخررر

مااحس غير اسلام يكعدني صفنت بوجهه ثواني اريد اعرف وين جنت..

ابلع ريكي بخوف وتوتر حضني اسلام وهمس

_بان انتِ قوية ركزي وياي ماكو شي هذه حلم..

بادلته الحضن بقوة بحيث ماريده يبتعد عني، كان الحلم كفيل يرجعني بذاكرتي قبل سنواات بيوم الحادث الي كسرني بااختي..

ساعة تقريب ال١٢ونص الظهر رجعنه اني وسبيل وحدنة اليوم من دون الايام سبيل كامشة ايدي.

ردنة نعبر السايد ماحس غير السيارة جاية بتجاهنه سريع دفعتني سبيل وكعت بالكاع مااشوف غير سبيل نشالت ليفوك وردمت بالكاع..

صرخت بصوت عالي

_سبييل

رحت ركض عليها حطيت راسها بحضني دموعي تنزل اريد احد يساعدها ماكو اصرخ واصيح الناس انجمعت علينه الي يكلك كرنفال احس صوتي طبك من كد ماصرخت حاجيت رجال مرد علينه عافنه ومشه من خوفي صحت بوجهم

_ولكم ساعدوووو اختي راح تموووت ياهل المروة

حجه واحد من الواكفين

_اذا نساعدها توكع براسنه..

من لوعتي على اختي وكلام هذه حجيت ومتندمت

_تفووو على شواربكم الازكه بوجهكم ولكم راح تموووت، ياعديمين الضمير شوبس بالاسم زلم ولكم حرام طالعين بالشارع ..

قطع كلامي سبيل هية تكمش ايدي وتگول

گولي لماما جيلان احبها هواي، ابد لاتضوج مني والله احبها.. .

بان حضنت ودموعي تنزل احجي وياها

_مابيج شي سبيل هسه اخذج للمستشفى

ثواني واسلام فوكانه شاف سبيل نزل بمستوانه راد يشيلها من حظني شافته ابتسمت بوجهه وقطعت التنفس اضرب على وجهه واحجي

_سبيل سبيل كعدي سبيل فدوة كعدي وين عايفتني

شالها اسلام واني فقدت جسمي يرجف نفسي سريع اختي ماتت بيدي...

عله صوت شهكاتي اصرخ وابجي دون وعي حسيت الولد الي گال اذا نساعدها نتورط هوه الي قتلها بحيث رحت عليه ردت اضربه حسيت على احتضان كتوفي نفرت بصياح سكتني عموجساس اخذني بسيارته الطريق كله ابجي وجسمي يرجف..

حاول وياي عمو جساس لاكن عقلي رافظ يستوعب شئ..

وصلنه للبيت دك الباب ماريد اواجهه امي اختي ماات شلون اكللها بنتج ماتت..

ثواني فتح الباب مجرد شفت امي حضنتها وابجي

عرفت سبيل ماتت تبجي وتنعي عليها..

رده فعل لبيب صدمتني ابد ماتأثرت وهذه الشي الي خلاني ابتعد عنها..

تعب حزن ارهاق ذبول كلهن بوقت واحد نعزلت عن الكل سمعت امي اخذوها للمستشفى.

ولباب وحدها كاعده.

مر اليوم من اصعب ايام حياتي لاابوي ولاامي ولااختي يمي.

اليل كله ابجي ماكدرت انام دمها على ملابسي وجربايتها كدامي فارغة كل يوم تحجي عليه لان مندمجه بالقصص لو تكعد تحجيلي عن اسلام وحبها الة بس اليوم ماحجت وياي..

اريد واحد يكلي هذه حلم ويخلص، بابا ولا شفته للضهر سمعت صوت امي احس روحي محتاجه حضنها..

طلعت من الغرفة امي حالتها فرد مره تعبانه تبجي والوجه مخرمش ..

انتبهت لوجودي اشرلتلي، شهكت رحت يمها بسرعه حضنتني تبجي وتمسد على راسي تگول

_لاتبجين يبعد روحها لامج لاتبجبن هسة اخيتج تضوج ييمه..

حنية الي بصوتها تجبرني ازداد بدل مااسكت.

مرو وقت بسيط اجه عمو حسنين يصيح على انو اني سبب موت اختي..

تشادد بالكلام وية امي لحد مااخر شئ حلفت امي الي يمد ايده عليه او يتقربلي تضربة..

بس الي يتسمه عمي بالمقابل ضرب امي وحلف انو بدل اختي اتزوج اسلام وفوك كل هذه طلعو دافنين اختي بدون ميحضر ابوي اويجيبوها للبيت تشوفها امي..

ذب سمة بالبيت طلع وامي زادت بالطم وتخرمش فد مره صارت حالتها...

صرت ابجي على امي واختي.

كاعده يمها كامشة ايدها وابجي اريدها تهدئ ماكو تنعي وتبجي.

احس طاقتي خلصت عفت امي دخلت للغرفة ابجي مددت على جربايتها حضنت مخدتها واعاتبها..

_ليش عفتيني ليش مو انتِ اختي هيج هنت عليج وعفتيني سبيل ماگلتي بان منو الها..

عتبت على امي الي ولدتنه وعافتنه عتبت على الزمن الي دهورنه عتبت على مجتمع اخذ حقنه..

عصرت عيوني بقوه طلعت اخذت جهاز امي من غرفتها بدون تردد اتصلت عليه دموعي تنزل ونفسي سريع..

قرب الاتصال يخلص رد

_ ها حبيبتي

شهكت حجيت.

_هذه اني

رد بااستفسار وعصبيه مكتومة

_بان؟!!

بجيت حجيت

_اي اي اني، دفنو سبيل وعمو حسنين اجانه هاد وضرب امي..

حجه بنبره عصبيه

_والكح**شعليها ياكوا* دفنها من دنعل والدينهم بان روحي مسافه الطريق اوصل.

سد الجهاز واني فقدت احس جبل على صدري ثواني دخلت امي بيدها تراك اسود.

انطتنياه گالت

كومي سبحي يروحي مايصير لان ماتت بحضنج هيج تضل روحها معلعله..

حضنتها بقوة بدون مااحجي شي مسدت على راسي گالت

_ياله يروحي گومي سبحي وتعالي يمي.

ماعافتني اله دخلت للحمام كدامها..

نزعت ملابسي وادية يرجفن، فتحت الدوش كعدت بالكاع ابجي على شكل امي وحرموني من اختي اله اشتتهم ماخليهم يرتاحون امي ناطية مجال لليسوة والمايسوه..

بدلت وطلعت لغرفتي..

لليل على نفس المنوال لبابه كاعده ولاشفتها نزلت دمعه منها..

اجت گمرة وعمه بسيل وامي رجعت نفس الاول تنعي

ماتحملت طلعت من الهول بدون مااحد ينتبه لوجودي..

مددت على جرباية سبيل..

دموعي تنزل بكل هدوء، سمعت صوت بابا سحبت نفس من اعماق گلبي، گمت وكفت سمعتة يريدني طلعت گالت

_هِجان يگول خليها تلبس وتلحكني يرد تطلعون

هزيت راسي رجعت للغرفه مرتاحه لان ارف بابا كدها وكدود لبست حجاب وفوكاها بشت لان البدي قصير..

طلعت لكيته بالسيارة صعدت وياه ساق بسرعة بدون مايحجي حرف.

وكف السيارة قريب على بيت امي القديم گال

_احجي كل شئ بدون خوف وممنوع تجذبين بحرف واحد.

ركزت علية حالته فد مرة، بلعت ريكي وحجيتلة كل شئ بحيث جفلت من رده فعلة

ساق السيارة بسرعه جنونية وكف كدام بيت جدو ابو عمه ذات

نزل واشرلي نزلت وياه

دخلنه للبيت كلهم كاعدين بالحديقة بما فيهم جدو وعمامي وعمام ابوي

گام عمو حسنين يسلم علينه

وبابا كمش كتف عمو وضربه بوكس بطنه شمره بالكاع داس بطنه گال

_بأي حق دوس عتبة بيتي وتمد ايدك على زوجتي، وتمسها بكلام لاصار ولا دار وهيه بنت عمك شرفك.

فتح عيونه بصدمة بدون ما يحجي شي بس يتئتئ

دنك علية بابا رفعه من ركبتة گال

حقك عليه يخوي لاكن وعدت بنت عمك اكسر ايد الي تنمد عليها وانت مسيت بنت عمي ولاتتوقع بحياتك اعبرها الك..

جر ايده ولواها وره ضهره شمره على الدجه مال الحديقة

صفك ايد بأيد بعدم اهتمام وعمو حسنين يصير ويعيط.

راحوله ولد عم ابوي ايده مايكدر يحركها..

بابا كعد على الكرسي ساد قبضة ايده بقوة غمض عيونة بقوة حجة بهدوء.

_منو الي هادي بنتي گلولي حتى اكطع السانه الي نطق بدون ميگول عدها ابوها..

كلها سكتت محد حجه شي بس جدو گال

؛ اني هديته رد اعتبار النه.

ضحك بصوت عالي بستهزاء، رفع حاجبة گال

_ حجي من يصيرلك اعتبار وكلمه ثابته ماتنثنة دور رد اعتبار.

وبناتي خط احمر والي يرشهن بمي ارشه بدم واني الممتن

سكت باوع على الموجودين گال

_سبق وحجيت لبيب، سبيل، وبالاخص بان يعادلن الف زلمه لاكن مامئذون الهن يسترجلن، لاتخلوني انطيهن الاذن وينعلن سااس والديكم.

لاتنسون بناتي

تربات زلمة واكيد تعرفوني شنو، الله وكيلكم والعباس كفيلكم ولو برو منكم

زلمه شراني اكتل بدم بارد لدرجه لااعترف باابو ولا بااخو.

ثقو رضة الله ثم بناتي ثم زوجتي ثم رضه نفسي والباقي لاشئ لهذه صيرو اوادم لا انهيكم.

جدي نخلس لايحجي ولا يكول..

تحمحم گال

هسه فهمتو الي حجيته لاكن بقه اهم شي

انتم منو تدفنون بنتي، لعلمكم ماشرف بناس مثلكم همهم القال والقيل يدفنونها بنتي انقة منكم ومن عشيرتكم..

هسه مااحجي شئ وسالفه ساكت عنها بس بين مايفتح التجبير حتى اخذها معدله منك انت

اشر على عمو حسنين.

ضرب على رجلة كام وكف التفت عليه گال

_ امشي بنيتي، عمامج واجدادج يسمعون الكلمة فهمو الي اريد اوصلة.

انطاني ايده كمشتهة طلعنه ثعدنه بالسياره راد يمشي اجه إسلام وكف كدامنه

ابوي ضرب الستيرن نزل حجه إسلام بصوت.

_ عمي لاتتوقع اقبل واتقبل بان، تبقى اخت الي احبها وگلبي رادها بس باين مامقسوملي افرح بيها..

حضنه ابوي گال

_ لاتهتم لكلام جدك، يصفط وحده، ياله تعال ويانه.

صعد بابا گال

_نزلي وره بان اسلام يجي ويانه.

طبعا اني شلون استلطف اسلام نزلت صعدت وره

الطريق كلة ابوي واسلام يحجون عن موضوع الحادث شلون صار؟!

بس بابا عارف الي سوه الحادث تابع لشخص يشتغل لسيد..

وصلنه للبيت نزلنه سولفت لگمرة وعمة بسيل عفتهن دخلت لغرفتي..

نمت بمكان سبيل، مرت الايام وعلاقتي بگمرة تطورت رغم جنت احجي وياها على كد السوال والجواب بس على گولت بيبي من توكع تعرف ناسك

رجعت حياتي نوعا ما نفس قبل..

لحد قبل يوم اجة اسلام كلها نخبصت بي لان سنة كاملة مااجاي.

واليوم نفس العادة ارجع من المدرسة،بس هل مره تأخرت لان ابوي مااجة.

نطريت اطلع وحدي الطريق شبة فارغ وصلت نهاية الطريق وكفت كدامي سياره تكسي صفرة.

من غبائي انتضرت تمشي حتى اعبر

نزل السايق ولد شاب مو جبير حيل وللصراحه شكلة حلو.

صار كدامي گال

_ابوج دزني عليج لان الخط تأخر واعتذر على التأخير.

اجيت اصعد بس تذكرت القصص الي اقراهن هم هيج يگولون ويخطفوهن صديت عنه رفعت حاجبي حجيت

_دام تأخرت مااصعد.

مشيت خطوتين مااحس غير جر ايدي بقوة فتح الباب دفعني بالسياره تعورت بالباب بكصتي صحت بوجهه

_عمه اي والله شبيكك انت ردت افتح الباب ساق بسرعه حاولت افتح الباب بس مقفول..

شمرت جنطتي جريته من شعره حجيت

_شبيك خبل ويننن ماخذني

صد عليه گال

_كعدي وسكتي اني خاطفج

ضحكت بستهزاء حجيت

_وعود اني مهمه وخطفتني وتساوم عليه وتاخذ فلوس خب اهمداك متعرف خو روح بوكلك بنك محل ذهب وتصير غني لو اكلك اشتغل وجيب فلوس.

صاح بصوت گال

_اگلج خاطفج تنطيني نصايح ع فيهن لنفسج ماريدهن، ولعلمج مامعتاز فلوس خير ابوي مغطيني

هزيت ايدي حجيت

_ انت گلت خير ابوي يعني مابيك حظ.

ماحجه شئ

هناك اجه بالي هذه خطفني واني احجي وانطي نصايح شكد غبيه لعد.

شهكت حجيت

_نزلني حيوان نزلني

ضحك بستهزاء گال

-وصلت واخيرا

وكف السياره كدام بيت فتح الباب نزل مط جسمه فتح الباب گال

_نزلي خاتون

خفت حجيت

_مانزل والله

عقد حواجبة گال

_اگلج صارلج ساعه اريد انزل تالي هسة ماتردين تنزلين

جرني من ايدي نزلني صحت كرصني من ايدي عاد خرمشته بوجهه

جرني فتح الباب دفعني داخل..

ثواني دخل للبيت ابتسم بحقاره گال

_شيصير لو ايجة انتي.

عض شفتة تقرب عليه لعبت روحي من حركاته المستفزة.

جرني من ادية گال

_اليوم اجر بيج تدرين.

رديت بخوف

_بالبداية اسبح ريحتك لعبان نفس

ضحك گال

_اي مو اني ابوج المن*** لاتبيعين سوالفة علية.

رديت _بالبداية اوصل اله واحجي.

ضربني راجدي كمشت خدي باوعتله بحقد وهو مبتسم.

خرمشت وجهه بضافيري كمش وجهه گال

_بنت الك****

مااحس غير الضربات ماعرف منين تجيني رغم هذه مانزلت دمعتي..

رفعني من راسي دفعني ويه الدفعه نضرب راسي بالحايط احس وشيش براسي افتح عيوني واغمضهن بس سواد..

ثواني فقدت الوعي مااحس بأي شي.

مر وقت ماعرف شكد حسيت على صوت غلط وفشار..

فتحت عيوني بخفة راسي يوجعني وجسمي كذالك..

بالكوه رفعت روحي وانصدم بروحي خالية من الملابس فقط الداخ***

شهكت وبجيت بنفس الوقت بدون وعي اصرخ بهل وقت دخل شخص ماميزتة بس ضخامة..

تقرب عليه شفتة اسلام ابن عمي حسنين صرخت حضنت جسمي نزع قميص زدت بالبجي والصريخ تقرب عليه لبسني القميص وعيونه بوجهي.

زدت بالبجي حجيت

_ اريد بابا

غمض عيونه بقوة طلع ثواني رجع بيدة بطانية لفني بيها من رجليه لراسي شالني مشة شوي

سمعت صوت بابا يگول

_موجودة؟!!!

مجاوبه اسلام اسمع صوت ابوي يصيح وهذه يگلة هية سلمتني روحها بجيت حجيت

_والله جذاب والله

حسيت على اسلام ضغط بحضنة همس

_ماعليج بي الاهم احنه نعرفج شنو.

كل الي بعقلي هذه هو راح يذبحوني نفس عمة ذات.

عقلي يصورلي هواي شغلات.

ثواني واسمع صوت طلق اكثر من مره شهكت صرخت

_ بااااباااااا

حسيت بااسلام طلع من الببت فتح باب السياره نزلني بالسياره گال

_لاتطلعين صوت ولا توخرين البطانية بين مايجي عمي على الاقل، وبان انتِ قوية مصار شئ لاتهتمين لكان ميكون..

مغمضة عيوني وابجي معقوله هذه نفسة اسلام..

ثواني نفتح باب السياره مشت سمعت صوت اسلام يگول

_عمي ابد لاتجيب طاري واني التمها

رد عليه بابا

_شلون ما ائمه الاسلام تعرف واكيد ماجيب وين اكو الي ينطي ببنته..

رد اسلام

_ هسة همه يدورون نزلني عند الفلكة اروح للولد على انو ادور وياهم وانت من توصل وترتاح بان. اتصل گول لكيتها..

والي يسألك گله

_خطفوها على مو القضية وهيج مطلع بان من السالفه، ولاتجيب طاريي اعتبرني ماعرف شئ.

رد عليه بابا

_شعجب اتصلت عليه واني اكثر من مره رفضته ليش مااخذت ابوك لو جساس بعتباره بالسلك.

رد بهدوء

_حسب عقليتي محد غير الاب ستر لبنتة واكيد مو عمها لو ابن عم ابوها لابد تصير خلافات ويفضح المستور..

وانت تعرف معزتك بگلبي شكد ميحتاج احجيلك واريد وعد منك هسه.

بان امانة الله ومحد وعلي يمك ليوم الدين ومحد يمسها.

رد عليه بابا

_وانت تأمني بنتي وين صايرة

ضحك گال

_صايرة وياي عمي ياله هسه اوكف هنا نزلني.

وكفت السياره ثواني ومشت عم الهدوء وتنهيدات بابا.

غمضت عيوني غفيت.

حسيت على بابا شالني

شهكت وبجيت سمعت صوته يکول

_وياج بنيتي لاخر نفس.

دخل للبيت سمعت صوت امي تبجي وتصيح الله اكبر عليكم موتو بنيتي..

ثواني حسيت بابا نزلني على الجربايه فتح البطانيه من وجهي باس راسي وعيوني صاح لامي.

اجت شافتني عايشة ركعت بالكاع تقربت عليه بابا سد الباب.

رجع عليه گال

_تعالي سبحي بان و اي شئ تشوفي تسكتين بدون حرف واحد.

تقربت عليه امي وابوي نطانه ضهره

فتحت البطانية شافتني نزلن دموعها عليه الي يكلك شلال..

حضنتني بقوة گالت

_ياله بنتي گومي.

كومتني مشيت وياها وبس القميص والداخ**على جسمي فتحت باب الحمام نزعتني القميص تسبحني وتسمي وحجي مامفهوم تحجي.

جابت ملابس بدلتلي طلعنه من الحمام نومتني على الجرباية ضلت تمسد براسي لحد ما ادعيت النوم.

اسمعها تحجي ويه ابوي تريد تعرف شلون لكاني وهو ساكت

ابوي يحجي على المبايل بس صدمني گلامه يگول

_روحو اخذو جثة ابنكم من ****اخذت حق بناتي ثنينهن منه وانصحكم تسدون السالفه لان وداعتكم تفشلون القانون بيدي والدين بيدكم لا اسكت انت اخر من يحجي تضحك على الناس بالدين.

اي اخر شي احجي تلكو مزرف تزرف يالة يالة حثالة يتبع..

توقعاتكم للبارت القادم.

تفاعلكم قلان  منتبهين لولا

#للخُلة_رأي_آخر

بارت ال٤

بقلمي: اورجانزا الطائي.. 𓅙

.

.

.

.

.

.

.

.

.

.

.

.

.

.

.

.

.

.

.....

قطع حبل ذكرياتي صوت اسلام يكعدني..

_خُلوتي، باباتي بنيتي شو  المن هل دموع كل شئ زين ماكو داعي للبجي،  وين بان القوية الي مهمها  شئ غير نفسها..

فتحت عيوني بهدوء  وابتسمت بضعف.

سحب نفس عميق وزفرة بلل شفتة و كمش ايدي گال

_خُلوتي اني اكثر  واحد يعرفج،  نسخة مستنسخة من اطباع عمي هِجان  بس على انثى..

ابتسمت حجيت

_مااني تربات رجال مو مرة لهل سبب هيج،  بابا علمنة الي ياخذ حقك لاتسكتله ارجع اخذ حقك من بين عيونة..

ودام انت تشوف الي يسوي صح حارب لاجلة وبالاخص طموحك..

مسد على شعري گال

_وهذه الي يميزج ماتهتمين لشكل احد او شنو يگول عليج دام انتِ على صواب..

وانوثتج ممبالغة بيها ولامسترجلة حاطة لكل شئ حد وقت ماتحتاجين العصبية تصيرين عصبية ووقت الموقف يحتاج تفكير   تفكرين بتأني  ووقت الانوثة بس الله يستر منج ام الاحمر...

نهه گلامة بضحكة..

ابتسمت حجيت بخجل

_تحسسني نفسك،  كل طلعة ستايل مختلف درجه داحس متزوجه اكثر من واحد،  والاحمر  شوكت تنساه متگلي ترى ذاكرتك فاول  تذكر شوكو شئ محزي..

تقرب عليه طبع بوسة خفيفة ب گصتي گال

_غير مو  جوي  يعني ترديني البس جينز بالتدريب لو من ادرس؟!  او ملابس  الواسعه والالوان الصارخه تنفع بالمدرسة اكيد لا كل مكان واله حق علينه لهل سبب تشوفيني اتغير لااكثر..

واذا على ذاكرتي فالله يسلمها تذكر كل تفاصيل الي صارت بينه قبل زواجنه وبعده خاصة انتِ مشاكسة لابعد الحدود..

رمشت بهدوء حجيت

_تعرف شخصيتك كلش حلوة ومابيها اي مبالغة.

ابتسم كرص خدي گال

_تدرين انتِ كل مره تصعدين بعيني، انصدم بعمرج وتفكيرج بس لو ما القصص خوش..

ضحكت حجيت

_وانت شحاط گورك ويه كور القصص.

حط راسة على راسي گال

_تبالغ وانتِ مصدكة من الاسود ومبالغة احداث رومنسية ويقرون تفكير المقابل شلت ايدي

_هو ممكن سؤال يطرح نفسه؟

همس بهدوء وواضح علية النعاس من نبرة صوتة..

_جواب.

بلعت ريگي حجيت

_انت تقرأ بس دائما تنتقد اريد اشوف كاتبة ماتنتقدها ماكو..

هل انتقاد منين اجة، ليش تگول مبالغة الاحداث او ليش متقبل على المشاهد الرومنسية.

ضحك بخفة گال

_سؤال بي اكثر من فرع بس الانتقاد اجة من بعد خبرة كذا سنة قراء مااعتبر روحي من القراء الكبار لاكن حسب اطلاعي على اكثر من ٣٠٠كتاب واكثر من لهجه ولغة وشفت تفكيرهم  وبساطة عقلهم رغم متطورين.. هل انتقد وانتقادي بناء مو سلبي لان ماوجهت تعليق اوسقطت براوي او قصة..

وبالاخير يبالغون بالزواج يسوو بيرفكت وهل شي ينزرع بعقول بعض البنات حتى دراسة يبتعدن عنها،  ينتضرن فارس احلامهن يجي على حمار ابيض.

والاهم هسة من ورة القصص احترام بين الزوجين معدوم..

واغلب البنات المراهقات من يقرن يقارنن بين حياتهن وحياه البطلة الي مامعروفه شخصيتها لحقيقية او مستعارة في سبيل جذب انتباه بعض القراء..

وتدرين  اغلبية  اذا يشوفن  واحد يشتغل بالسلك العسكري يتمرغلن علية ينشرنه  اذا مانشرن يداوله الخاص من وحده لوحده   ويطش براس هل مگاريد 

لو الحب الي يسونة جنة وهنياله الي يحب   وهسه اخر شئ  شفت تعليقات على قصة قصيره بالفيس رغم ابداع السرد ودقة الوصف والاحداث  لاكن المحتوى فاشل  والتعليقات يارب العالمين كون اخوي يكتل اخو لو ابو واروح فصلية، 

اكبر غلط هذه هنة مايعرفن الفصلية شنو مصيرها لو ياترى اهل يعاملونها نفس معاملة القصص؟!! 

لاتتوقعين  شخص كاتلين اهله ويحب اخت القاتل

هذه بس الي امها داعيتلها لو ربج رحم بحالها..

بس على اغراء وكذا لاهذه مستحيل لان يعتبر شهوة والشهوة ماتدوم الها مده معينة وتوكع من العين..

او ليش مااقبل على المشاهد الرومنسية

مااگلج شيلي الرومنس لاكن بحدود يعني ضيفي المعقول بدون مايوصخ عقل  هم يرهم كل الاعمار وهم رقي بالقصة..

مو تكعدين تشرحين بالتفصيل الي يدور بين الابطال..

والي يكتلني صارلي كم سنة متزوجج ومعاشرج بس لحد اليوم  مانايم  اله على ريحة شعرج..  يبالغون هوايي في سبيل يحصدون مشاهدين او محبين يمشون وره الرغبة..

ضحكت حجيت

_اني فروع وانت اجوبة عميقة..

بس كلامك نصفة صح، وتعال بالله ليش متنام على ريحة شعرج  ،  لازم اقاضيك بالقانون بما انو انت متحبة ههه

حرك راسة گال

_الجمال زائل ياست زوجتي العزيزة

اگلك انت فد مرة تدري منين مااحجي تطلع صفح.

ضحك  بهدوء گال

_عوفي هل حديث على غير مرة حتى عقلي وياج هسة مطفي.

سكتت محجيت شئ وهو على ماعتقد نام..

قريب كلش علية درجه استنشق عطرة.

ضحكت من تذكرت كلامه بخصوص  العطر، اقل الربع ساعة  نفتح الباب حس اسلام ابتعد  يفىك بعيونة التفتت اشوف منو اجة..

الممرضة واكفة مبتسمة.

تقربت عليه گالت

_صار موعد العملية.

هزيت راسي  اسام غمض عيونه گال نفس توقع الدكتورة؟!

نزلت راسها گال

_للاسف اي ولازم العملية هسه..

هز راسة  التفت عليه كمش اديه گال

_اريد اشوف بان القوية الي ماتنهزم، حتى لو الدنيا صارت ضدها..

هزيت راسي نزلن دموعي  احتمال ادخل صاله العمليات ومااطلع منها سالمة وماشايفة ابوي وامي فوك الست اشهر..

باس راسي سحب نفس گال

_اتصل على عمي واحجيله؟!

هزيت راسي بنفي حجيت

_ابدد لاتحاجي ماريد احد يعرف حتى گمرة لان بالعشره  تتصل عليه  راسلها گول

؛ اريد اطلع ويه اسلام بعدين احجي وياج.

بلعت ريكي حجيت

_اسلام اذا صدك تعزني لاتحجي لاحد انت تكفي وتوفي وياي..

ضحك بهدوء گال

_ روحي افديها الج انتي خُلوتي  الماتتعوض  بهل دنيا.

ركزت بعيونه حجيت

_اسلام

رد _نضر عينة

بللت شفتي وبلعت ريگي حجيت

_احبكك

فتح عيونه بصدمة گال

_بان من زمان على هل كلام  ، اعتبر روحي مسمعت هل كلام طلعي من العملية سالمة وگولي هل گلمة.

ابتسمت بهدوء نزلت دمعتي حجيت

_واذا مطلعت من العملية عايشة؟!!

ضحك باس راسي گال

_هو كيس صغير على الكلى  ميحتاج كل هل خوف، وين بان القوية..

مسح دموعي گال

_انتضرج خُلوتي..

قاطع كلامنة صوت لممرضة

_استاذ ممكن تطلع  اريد احضر المريضة..

هز راسة باس راسي همس

_تجاهلي الخوف لاتهتمين.

هزيت راسي طلع اسلام والممرضه حضرتني للعملية نمت على السدية متحركه  وكفت يمي گالت

_هذه العملية كلش تافهه مالها داعي لهل خوف، انتِ شطورة ومبينه حبابة.

ضحكت بهدوء حجيت

_شكرا على هل كلام الحلو.

ابتسمت بهدوء انطتني طاقة ايجابية وراحه..

اخذوني لصالة العمليات  شكلولي مغذي وحطو جهاز الاوكسجين  على وجهي نفسي بالگوة انتضم 

ثواني معدودة بعد ماحسيت على شئ..

...........

الحياة. دوامة كبيرة صعب فهمها بسهولة..

اصعب شئ بالحياة من تشوف شخص تعتبرة خُلوتك  وماتكدر تسويلة شئ ادينك ورجلينك مكتفة  تنتضر فرج من ربك يسهل امرة..

كدامي تتوجع وتبجي  ماباليد حيلة احاول اهدئها بالكلام  لان اله نسبة على تحسين نفسيتها..

كاعد صاله الانتضار انتضرها تطلع بسلامة..

رغم بان مشاكسة لسان ووكاحة بس ابد ماتوصل الها تغلط على احد بس تاخذ حقهه بيدها حتى بدون ماتحجيلي،  هذه الشئ الي يشدني الها رغم هية تشوف العجب هل مخلوقه الي شكلها بريئ خلفها انسانه مختلفه جذريا..

اكثر شئ ينرفزها ويثير اعصابها هن الالوان الصارخة المفعمة بالحياة.

الاختلاف بيني وبينها جذي هيه تحب الالوان الغامقة واني العكس  رغم جوي كلاسك بس اضيف حياه الهن.

تحاول تخليني البس الوان غوامق   جانت تبسمر باابطالها بس هسة تطورت تنطيها بالوجه..

اضحك على عقلها الي مندمج بالقصص.

وين صاير dj يلبس رسمي واسود

يعني الناس تطلع من مودها تسمع اغاني  تريدني البس رسمي وشرط اسود.

كل ماتذكر هل موقف اضحك  صادف عندي  حفلة ستعجلت  گلت لبان تحضرلي  ملابس بين مااطلع..

دخلت سبحت  طلعت مأمن بان محضرتلي ملابسي  اجيت البس وانصدم  حاطتلي  قاط رسمي لون اسود وياه قميص اسود..

صحت  عليها اجت  حجيت وياها اريدها تفهمني ليش هل قاط  تصر على كلامها وتگول

_اسلام  الاسود سيد الالوان ولون بارز ويلفت النضر والله لو تشوف  المتابعات يتخبلن على هل لون..

عصرت راسي بقوة  بدون مااجادلها طلعت تيشيرت فسفوري اوف سايز وبنطرون نيلي  كملت تبديل  مشطت طلعت  وهي  افتني تخبلت شلون تلبس هل لون  ومن ترجع اشككة.

والله تحس روحي متزوجه اكثر من واحد.

مرات اكول تفكيرها طفله ومرات اكول لا هيه هيج والي يضحكني  جملتها الشهيره احس روحي متزوجه اكثر  من واحد..

رجعت للواقع  رفعت ايدي اشوف الساعه صار الها ربع ساعه..

حضنت اديه لصدري  ارتاكيت على الكرسي  غمضت عيوني مجرد خطف طيفها بيوم زواجنه  ابتسمت واني اراجع تفاصيل هل يوم بعد ما خلصت الحفلة ودخلنه الفندق..

هستوني نزعت السترة شمرتها على الجرباية

فتحت دكم القميص  اجت بان وكفت كدامي   بالبدلة..

حضنت ادينها وحجت

_ اسمع اسلام احسن مااتموع ومن هل سوالف الي ماعرف ليش تصير بس المهم اريدك  تفتح البدلة لان  شئ اكيد مااكدر افتحها لان قيطان.

لهذه هسه تفتح البدله عود مااوصيك همسوي هل سوالف التعبانة الي على اساااس بدون ماتحس وتلمس ضهري وتعالي يا بان انصهري ايدك دافية واذوب بلمساتك..

الله وكيلك ماكو ارجل مني لااحساس ولاهم يحزنون لهذه السبب لاتبيع علية ثكل  وتتجاهل وتصير بارد وياي

لان وداعتك جبار الي بداخلي يضهر ومااضمنلك  رده فعله احتمال يسوي اشياء اكبر من عمرة.

وممنوع تتقرب الي لالمسة ولابوسه ولاهم يحزنون.

ضحكت بهدوء حجيت

_ شكد متقلبة هستوج تگولين ماريد برودك وراها ماريد لمساتك شتردين بالضبط.

هزت اكتافها گالت

_الي اريده اعيش بهدوء بعيد عن الاكشن والرعب اريد انام وراسي صافي ماريد افكر بشغلات صارت وياي..

ابتسمت لتغيير نبره صوتها والي يدل على حزن بس بان وماادراك ما بان انتفضت گالت

_افتح القيطان سوجي العزيز

ابتسمت واستغربت حجيت

_سوجي شنو هاي نوب

دارت ضهرهه هزت كتفها گالت

_اعتبره دلع الك..

زفرت نفسي بااشتياق لصوتها ومشاكساتها  فتحت اديه ضربت على رجلية بخفة  زفرت نفس..

حالي حال اي انسان عادي حاول يبني نفسة بنفسة بدون مساعدة من احد..

كملت دراستي بموطني تخرجت وسافرت لماليزيا.

اهلي وجدي عارضو  بس عمي هِجان وكف وكف وياي وهو تكفل بالمعاملة، علاقتي بعمي جساس وهِجان تتفوق على انها  صداقة.

عكس والدي الي مبتعد عنه لابعد الحدود، تفكيرة وطموحة تختلف عني.

احساس يرغبني اطلع من العراق بدون رجعة.

وهل احساس تطور بعد ماعرفت بنت عمي نخطبت.

ابتعدت عنها  رغم مامعترف بمشاعري لاحد غير عمي جساس وعمتي مشاعر..

جنت گادر انهي عليها بصفتي ابن عمها وعشيرتنة عدها النهوة  ماشية.

بس الي صار وية عمي هِجان   خلاني ابعد هل فكرة من عقلي وعرفت ماكو شئ يصير بالاجبار..

تزوجت بنت عمي واحساس عادي ما صار شئ رغم جنت متوقع غير شئ.

حجيت لعمي جساس ضحك بصوت گال

_هذه مو حب بعدك ماحبيت وبيوم الي تحب  شوف اذا ما نشعل ساس الخلفك  ونعل والد والديك  من تشوفها كدامك وماتكدر تسوي شئ..

هزيت راسي بعدم رضة حجيت

_الف رحمه على ابوك، عمي اهلي شعليهم  ابد ماتلزم لسانك.

هز ايده گال

_اي مو انت  گاعد تسولف ويه معمم وتريده يترحمعلى ابوك، لاتخليني احجي ويفلت السان تراه مامحكوم..

كمت وكفت رفعت اديني  حجيت

_اعذرني عمي بس مايصير كل حجاية والثانية تفشر لو تغلط.

شمر باكيت الجكاير گال

_امشي سكط جاي يعلمني على الصلاة وهو ميصلي..

لكفت الباكيت حجيت

_عمي من يوم يومي صلاتي بوقتها ماتأخر عليها لو ربع ساعه بعد المن هل كلام.

رجع شمر الجداحه گال

_وداعة ابوك السرسري الي شايف حالة، الاذان اذن وانت كاعد تسولف وياي وتأخرت عن صلاتك ساعه ونص.

تلمست كصتي لان جابها عدلة  حجيت

_قناص بنص كصتي جبتها  متگلي،  والتأخير يصير عادي بسمو تجمع الضهر والعصر ويه اليل  وين تصير هيه حدك لغروب الشمس مو ب١٢باليل تصلي الضهر والعصر..

كام وكف مط جسمه گال

_ ورب الكائنات الحيوانيه الي انت منهم،  صلاتي واصله لاتصيري هذاك الواحد حصرة واحد يحجي حرف واحد اذا مايطلعة ماعندة ايمان ولااخلاق وصلت عندة يطلعه كافر وهو الممنون..

ضحكت بصوت  على كلامة وعصبيته.

_ يالة اصعد، نرجع  للبيت.

رد بانتفاض

_لا للگهوة هم نغير جو، وتعال شصخم  بالبيت.

فتحت باب السيارة صعدت وحجيت

_عمي سؤال يطرح نفسة

رد

_سرسري غير تشيل الفجة لو عايفها على خدم الخلفوك.

شال الفجة شمرها بالجنطة   صعد يمي گال

_ الي هو

_سجاد يعرف بيك ماخذ سيارته وتفتر بيها؟!

رفع حاجبة باوع صفح گال

_اعتقد السكط لكدامك منطي نص سعرها..

رديت برفض

_ محشوم السكط، بس انت نطيتهن اله مو شريك ولاتنسة رجعهن الك.

ماعجبة الوضع ساق وكف بداية الفرع   گال

_ انزل سرسري فوك ما محترمك حيوان تمسلت براسي وتبيع مثاليات..

ضحكت  نزلت  سديت الباب حجيت

_هو انت خليت كلمه ماحجيتها.

هز راسة باوعلي صفح  ساق السيارة ..

هذه ابسط مثال لعلاقتي ويه عمي جساس.

قطع تفكيري صوت الدكتورة تكول

_المريضه حالتها خطرة لازم استئصال الكلى يتبع..

هلا ياب شعلومكم طبعا ولااكدر ابتعد عنكم لهذه رجعت وياكم انشر  القصة وفدوة لمحبتكم  ولسوالكم،

هسة تعالو تفاعلو غيرو نفسيتي بتعليقاتكم الحلوة

للخُلة رأي آخر

بارت ال٥

بقلمي: اورجانزا الطائي.. 𓅙

.

.

..

.

.

.

.

.

.

.

.

.

...

فتحت عيوني بصدمة عصرت راسي بقوة حجيت

_ليش تستئصلون الكلى،مجرد كيس ؟!

ردت بسرعة وتفهم

_استاذ حياه المريضة بيدك الكلى مدمرة واتمنة توقع على استئصال الكلى،وبسرعه.

بلعت ريگي بصعوبة نطقت

_ استئصلو بس المهم ماتتأثر..

هزت راسها دخلت لغرفة العمليات ضربت قبضة ايدي بكف الايد الثانية..

افتر بالصالة وادعي تطلع سالمة..

اقل العشر دقايق اجت الممرضة انطتني اوراق وقعتهن اخذتهن الصالة هادئة بس اني افتر بالگوة لازم اعصابي اخاف لايصير عليها شئ.

مر وقت اتصل علية عمي اكثر من اربع مكالمات صمتت الجهاز راسلت گمرة هم غلست عنها لان ماعندي طاقة اسسمع كلام عمي لو اجامل گمرة في سبيل ماتعرف صديقتها الروح بالروح بغرفه العمليات..

اخر شئ اتصل عمي جساس الشخص الوحيد الي اذا يتصل وبعز عصبيتي لو مشكلتي ارد عليه لان مااتخله عن نصائحة وعلى گولت الي يگول نجار وبابة مشلوع عمي جساس هيج ينطي نصائح وهو بحاجتهن..

غلقته دزيت رسالة كاتب

؛؛ اكو احد يمك؟

دز اوكي بدون كلام اذن اكو احد يمة..

غمضت عيوني بقلة حيلة رجعتة ذاكرته قبل فترة معينة..

فتحت قفل باب الخارجية دخلت للبيت بحدود ال12باليل وهذه اول مرة اتأخر..

اسمع صوت لكمات مبعثرة بعدم معرفة عقدت حواجبي تقربت للصالة حطيت مفتاح البيت على الميز، شمرت سترتي الجلد على الكرويته تمشيت خطوات هادئه مستعجلة...

وصلت قريب الباب مفتوح.

مجرد شفتها ابتسمت ارتاكيت براحه على الباب مستمتع للمشاكسة الي كدامي تضرب كيس الملاكمة ضربات عشوائية مبعثرة صوت تأوهاتها واصلني بس لو اعرف الي يدور بالها..

ثواني معدودة ضربت الكيس بقوة وجنت ضامن الحركة الي سوتها، تأذت ايدها بجت بصوت عالي مسحت وجهه ب ردان السويتر دفرت الكيس برجلها بقوة رجع عليها الكيس وكعها بالكاع..

ضحكت عليها ولاتكعد راحة المشاكسة..

تلمست حاجبي لمنضرها شلون حاضنة جسمها وتبجي بصوت..

تقربت عليها كعدت بمستواها رفعت راسها حجيت

_بان شبيج؟!

ستهضمت نزلن دموعها حجت بعصبية مخلوطة بالبجي

_ ماتگول عايف صنم بالبيت هسة شصاير بي عايش ميت ليش هل اهمال..

ابتسمت لشكلها الجنوني مسدت على خدها حجيت بهدوء اخفي ضحكتي..

_ اعتقد وكفت ساعه كاملة على راسج بس اقنعج تجين وياي وانتِ قافلة نعسانة اريد انام بعد شكو؟!

عقدت حواجبها مغمضه عيونها بعصبيه حسيت على كز اسنانها جو ايدي.

فتحت عيونها گال

_وخر ايدك سزوجي المهمل.

ضحكت بصوت على سوجي دفعتني تربعت بالكاع كامت بعصبية حجت

_تعرف انت واحد شايف نفسة، خايفه لاتطك رگبتك من كد مارافع خشمك استاذ انتيكا سوت حركه بوجهه ضحكت بدون ما اردها هية تعرج كامشة ايدها..

هزيت راسي مطيت جسمي مكسر من البارحه ما نمت وست بان ما يعجبها الوضع دخلت للحمام سبحت طلع نشفت شعري دخلت للمطبخ اخذت قوري الجاي سويت جديد كلبت بجهازي ملل ماكو شئ جديد ناس تدور الفخفخة لااكثر كل همهم يصورون طلعاتهم وطباتهم بس لله يعرف المستور ابد مااصدك ناس على منصات السوشيل ميديا لان الهم شكلين اذا مو تلاثة..

شكل بشوفه للناس عايش برقي ودقة..

والشكل الثاني وية الناس والاقارب يبين الراحه والاستقرار

والثالث لنفسة بس هوه يعرف الي بداخلة وحياته الي مايحب يطلع احد عليها..

شمرت الجهاز على الكاونتر صبيتلي كوب جاي كعدت اشربه تذكرت شكل هل مشاكسة ماشفت وجهه بعد نزلت الكوب رحت للغرفه ردت افتح الباب اسمع صوت بجيها..

فتحت الباب دخلت للغرفه لكيتها متغطية بس راسها طالع تقربت عليه كعدت بصفها حجيت

_شبيج بان ليش هل بجي..

شهكت بالبجي بدون ماتحجي حرف واحد اخذت ايدها مسدت عليها بهدوء حجيت

_غير افهم هل بجي عليمن 

كعدت كدامي تشاهك وتحجي

_حلمت باللل...

ماكملت كلامها نهته ببجي عرفت الي حلمتة  لان  من فترة طويلة تحلم بي..

كمشت ايدها حجيت

_خُلوتي لاتبجين انتِ اروع انسانة شفتها بحياتي

والدنيا تاخذ وتنطي.

سحبت ايدها مني مسحت دموعها حضنتني تبجي بزياده..

بادلتها الحضن حطيت ايدي بشعرهااحرك اصابعي بخفة رددت ايات من القران حسيتها هدئت وخنست بنفس الوقت ابتسمه فتحت شعرها وخرتها عني لكيتها نايمة..

ابتسمت لشكلها البريئ مخلوط بوقاحة ومشاكسةوقوة والفهو..

شلون نجمعن عند شخص واحد ماعرف..

حطيت راسها على المخدة غطيتها گمت وكفت شفت لساعه بالخمسة لصبح بعد حتى متسوة انام عدلت تيشيرتي شغلت تيب الامب طلعت وكفت قريب النقطة طفيت الضوة وطلعت غيرت ملابسي رجعت للصالة شغلت جهاز الجري حطيت هدفون مسترخي..

مر وقت معين طفيتة ونزلت وخرت الهدفون تفاجئت بوجود بان مرتاكه على الحايط حاضنة ادينها نايمة هزيت راسي تقربت عليها اليوم متحلفتلي ست بان تقربت عليها شلتها بدون مااحجي شي حضنت هيه ومغمضة..

ابتسمت هزيت راسي نزلتها على الجرباية ضلت حاضنة رگبتي بدون ماتحجي شئ.

مددت بصفها تغطيت وياها غرست اصابعي بفروة راسها ابتسمت..

ماحسيت على روحي غير على صوت المنبة فركت عيوني بعدني نعسان اخذت الساعه بالعشرة الصبح فزيت انتبهت على بان بعدها نايمه..

نزلت الساعه رجعت نمت صارلي يومين ما شايف النوم والبارحه بان سوتلي خوش عرس لان تاخرت يعني تلث ايام انسان لو الالي رحمة للاصنام..

فزيت على صوت جهازي انتبهت اني بالمستشفى مسدت على شعري فتحت خط ابتسمت لصوتة.

؛؛ ادري سرسري حيوان ليش ماترد على راسك ريشة هِجان الي شعل صفحة الكو*** وگمرة الي خبصتني ب ست بان الي مختفية.

زفرت نفس حجيت

_بان بالعمليات..

رد مصدوم

؛؛ شنو ياعمليات شبيك سكران إسلام وياي لو شارب اليوم ولك بان شبيها وعمليتيش تسوي؟!! ولك لاتگول حامل وتهورت وياها وراح الطفل.

رديت

_ استئصال الكلى،شوداك للترابي على كيفك

رد

_ولك شسويت بيها ترى هذه طفلة مو مال تمد ايدك عليها..

عصرت راسي حجيت

_عمي بس اگول طيح لله حظ المصخم الي لجئلك حتى تساعدة ياله الله وياك شايفني حيون حتى امد ايدية عليها.

رد بعصبيه

_ابن الك** قابل مااعرف سوالفك لاعبالك نسيت لهل سبب توقعت ضاربها..

غمضت عيوني بغضب مكتوم حجيت

_من دنعل ساعه الي صرت بيها بنصكم، عسى ماحجيت شي وطلعت صفح غير تفهم السالفة وتغرد بكيفك عمي اعصابي تالفة بعديت اخابرك.

قبل لايحجي سديت الخط غلقت الجهاز.

مر الوقت بالي كله يم بان الي لحد الان ماكو خبر عنها..

كعدت ثواني طلعت الدكتورة مبتسمة گمت بسرعة قبل لااحجي گالت

_العملية اتمت على احسن وجه بس يحضرونها حتى ننقلها لغرفة خاصة بس قبل هذه يااستاذ إسلام المدام بان يلزم الها راحة نفسية قبل الجسدية لان بهل وقت هيه فقدت كلى وحالتها النفسية تعبانة حسب ما شفتها اليوم..

بنضري تنتضر وقت معين يالة تتكلم عن الكلى.

وحاول تبعدها عن الركض والرياضة الممرهقة..

_بدون شك اكيد مااوضحلها، بس حالتها شكد يالة تستقر..

_حسب حالتها النفسية كل ما كانت مرتاحه كل ماتشافت اسرع..

اتشكرت منها وراحت.

اقل الربع ساعه طلعو بان بالسدية اخذوها لغرفة خاصة لان حالتها مستقرة..

كعدت يمها دخت راسي افتر ونعسان دنكت راسي..

....

فتحت عيوني دايخه احس الدنيا تفتر غمضتهت بقوة وفتحتهن بهدوء وشيش بااذاناتي..

صارت عيني على اسلام حاط راسه على السدية والضاهر نايم..

ابتسمت مجرد تذكرت خلصت العملية سلامات..

جسمي كله خدران ماكدر احركة.

حرگة ببلعومي بلعت ريگي بصعوبة مر وقت واسلام بعده نايم..

دخلت الممرضه سوت فحوصات وطلعت فز اسلام فرك عيونة  بانزعاج 

ضحكت لشكلة كام وكف تقرب عليه  ميل جسمة علية گال

_شلونها خُلوتي؟!

رديت

_زينة..

شبية ابتسم واردف بهدوء

_ماتشوفين شر ان شالله

ابتسمت بدون مااحجي لان ماعرفت شنو ارد..

كعد  يمي گال

_جوعانة عطشانة؟!!!

هزيت راسي بنفي حجيت

_شوكت نطلع من المستشفى.

تلمس ايدي بهدوء حرك الخاتم الي بيدي شالها قربها عليه باسها  غموض عيونة ثواني معدودة تحمحم نزلها  رفع حاجبة مسد على لحيتة بهدوء گال

_ليوم نبقى هنا باجر نگدر نطلع.

سحبت نفس عميق حجيت

_إسلام.

تنفس براحة گال

_ماي عيونة.

بلعت ريگي حجيت

_انت تورطت وياي، من قبل لااصير بااسمك انت مشلوع گلبك بية...

حضن ادينة لصدرة گال

_ورب الاصنام احلى واجمل ورطة تورطتها، واذا على قبل لاتصيرين بااسمي جنتي بنت عمي وسويت  الي شفته مناسب وشفت بيج بطة لااكثر..

واذا على مشلوع  گلبي بيج لان انتِ مسؤليتي وام بيتي ما من حقي اتبطر ولو بحرف اني وياج على المرة قبل الحلوة

ولاتنسين انتِ تطلبيني دين لاتتوقعين بيوم انسة مساعدتج ووكفتج ودعمج الي بوقت محد وياي..

ابتسمت بهدوء حجيت

_رد المعروف، لاتنسة لو ماانت احتمال هسة اني متزوجه اخو هذاك الحيوان في سبيل تهدء العداوة..

رفع عاجبة گال

_وانتِ تتخيلين عمي هِجان ينطيج الهم لا والمن للقتل بنتة،  وسبق حجيت ماكو بينة رد معروف  عوفي هل سوالف..

هزيت راسي   غمضت عيوني باالم  سحبتني ذاكرتي قبل فترة تحديد يوم الي سألت إسلام على ساد**

رد علية بعصبية

_وانتِ شصخمين بالخر**

خفت من ردة فعلة القوية حجيت

_شبيك اسلام هو سؤال المن هل معضلة قبل لااكمل كلام صاح بية بعصبية

_منين تعرفين الكواو** احجي لاتنخلسين مو اجيتي تحجين وهسة الصمتي.

بلعت ريگي حجيت احاول اخفي خوفي وتوتري

_شبيك اسلام لاتكبر الامور وتصيح والله  والله اذا ماتخف عصبية مااحجي.

كعد على الكرويتة يهز برجلة يضرب اصابعه ببعض شكلة للصراحه يخوف..

رفع راسة انتبه علية گال

_احجي لاتنلصمين

كعدت كدامة حجيت

_هوة جنت اقرة قصة ولبارت طلع بي البطل  ساد**   وو راسلت گمرة گالت مااعرف بعدها دورت بالتعليقات عرفت شنو ابحث ويطلعلي فاا بحثت وطلعن هل ادوات وگمرة راسلتني گالت عمو جساس دزلي خبر انو انت خبرة من زمان بالس***  وشوفتكياهن.

كام وكف منتفض  عصر راسة گال

_يعني ياست الحسن انتِ راسلتي گمرة وسألتيها  والافندية سائلة عمي والسرسري گايل  لگمرة اني خبرة وانتِ الغبية ماتعرفين تسألين الصنم الي كاعد يمج لازم تحجين ويه گمرة الي بعد كيلو مترات والي يمج بعد سانتيمات ماتحاجي!!

كمت وكفت حجيت بهدوء

_هسة غير افهم شنو يعني ساد**لهل درجه صاير عصبي علية..

ضحك بستهزاء گال

_باباتي سوالف اكبر من عقلج شتصخمين بيهن، والسرسري اليوم اني اله.

رديت علية بملل

_هسة شبيك يااسلام سؤال وجاوبة.

رفع حاجبة بستهزاء گال

_مصرة تعرفين.!

هزيت راسي وحجيت

_اي وياريت تستعجل بالاجابة

رفع حاجبة  اخذ الجهاز من على الكرويته  مااعرف شنو سوة  ثواني  كعد گال

_تعالي كعدي.

تقربت علية كعدت  فتح الجهاز وانطانياه   واني كلش مركزه على الفيد انتضرة يحمل..

ثواني معدودة فتح الفيد   مجرد شفت  لقطة لعبان نفس صديت على اسلام  حجيت بعصبية

_شنو هذه شبيك انت ليش تطلع هيج اييع  ردت اكوم كمش ادية گال

_ لا ورب الاصنام  تشوفين حتى ماتاكلين تبن مو وحدج

  گلبت معدتي مجرد شفت القطة دفعته كمت بسرعة  ركضت للحمام تقيئت..

احس معدتي لعب بيها طوبة  غسلت وجهي  وخجلانة اطلع كدامة، ايع بس لااسلام يسوي هيج

اي اي عمو جساس گال اسلام خبرة بيها ايييييع.

مر وقت ندكت الباب يگول

_طلعي بسرعه.

فتحت الباب بدون مااحجي طلعت من يمة ردت اروح للغرفه سحبني من ايدي للصالة كعد گال

_بان لا اي شئ تشوفي تروحين تسألين علية كدامج صنم گليله كذا شغلة. شنو.

رديت بقرف

_سؤال

رفع حاجبة گال

_ جواب.

حجيت بدون نفس والقرف واضح علية..

_يعني صدك انت عندك خبرة.

رد بمكر واستغباء  مصطنع

_بشنو

بلعت ريكي حجيت

_لاتستغبي اسلام قصدي هل قرف الي جبرتني اشوفة.

رفع حاجبة مسد على لحيتة گال

_اي قرف تقصدين ترة ماعرفت وانتِ ماشا لله  من كل شي تنقرفين.

عرفتة يستغبي  باوعتة  صفح حجيت

_ماكو شئ سلامتك

ضحك بصوت گال

_ وانتِ صدكتي بهل سرسري يعني من كل عقلج عندي خبرة ولج لحد هذه اليوم مالامس بنية وترديني سا**

_مااصدك والله انت عايش هنا واصدك مامسوي شئ، تعال تعال منو باسني قبل العرس بيوم ومنو الي تقيئت علية..

ضحك گال

_ وداعتج ماي عيوني مامتقرب لوحده لابالحلال ولابالحرام..

والج عين تحجيها، فرحانة ام السواد* 

حجيت بضوجه

_اسلااام

_ماي عيونة..

سكتت ماحجيت شئ، اخذ جهازه اتصل  ثواني گال

_هلا بالسرسري،  انت وين؟!!!

فتح سبيكر رد علية عمو جساس بضحكة

_يعني تتوقع وين غير يم عمتك، غرد ماطول بيها سرسري يعني شغلة سايدة اااا عذرا قصدي دايسة

نهه كلامه بضحكة..

رد علية اسلام

_ سؤال يطرح نفسة

رد بثقة

_اسألتك انت ومرتك ماتخلص يالة اطربني سزز

رد علية

_بشرفك اكو اقذر منك، ولك ليش هيج گايل لگمرة 

رد علية بجد

_قابل جذب تعرفني ماالف ولاادور انطيها بالوجه

رد علية

_اي شترجه من كو**

ضحك گال

_الضاهر نكطتع عليك الامدادات

رد بحدة

_ عمي السررسري، ليش تحطني بملاعيبك، وانت خوش  تعرفني.

تحمحم گال

_صاير لسانك فالت،  بس يالة المهم ردت احركك شوي واطلع خبراتك الخفية،  وانت وين بيك حظ ت*** حتى تصير سا***عوف الساد*لهِجان  نهه كلامه بضحكة..

رد عليه اسلام

_وداعتك ولاتصيرلك چارة  ياابو المروة مايصير هيج لهل درجه لسانك فالت  ماعنده استوب..

ويالة الله وياك بدل ماتكحلها عميتها..

سد الجهاز  وكف كدامي گال

جهازج وين؟!!

رديت بعدم مبالا

_يمك

هز راسة التفت اخذه من الكرويته مدة الي گال

_فتحي الباسورد

اخذته فتحته اخذه مني  ثواني گال

_شنو اسم التطبيق الي تقرين بي قصص

_واتباد والفيس والفايبر والتلكرام والگوكل  واليوتيوب يعني كل مكان

رفع حاجبة گال

_شلون تقرين بالفايبر والتلي

رديت بثقة

_قنوات وكروبات قصص داخلة بيهن

هز الجهاز ضمه بجيبه گال

_سويتي فضل اختصرتيلي  بدل  مااحذف الواتباد  والتطبيقات  اسحب الجهاز منج.

فتحت عيوني مصدومة حجيت برفض قاطع

_ شنوو  والله مااا قابل زعطوطه وتسحب الجهاز شبيك اسلام

رد برود

_اعتقد تحت السن القانوني لهذه انتِ مسؤليتي..

راح للمطبخ رحت وراء حجيت

_انت والله كارثة،  لازم تطلعلي سالفة صفح شبيييك اسلام لاتسوي هيج

رفع حواجبة بعدم اهتمام گال

_والطلعة هم ممنوعه يعني لا جهاز ولا طلعه خارج البيت.

انتفضت حجيت

_اخابر بابا والله

اخذ  بطل  فتحه صب بالكلاص مي گال

منين تخابرين على باباتج،  ولاتنسين اني مسؤول عنج.

_اسلااااام

رد

_ماي عيونة،  خُلوتة يتبع...

لاتنسون التصويت للبارت.

_توقعاتكم للبارت القادم.

تفاعلو على الفقرات وشاركو اي مشهد يعجبكم.

#للخُلة_رأي_آخر

بارت ال٥

بقلمي: اورجانزا الطائي.. 𓅙

.

.

.

.

.

.

.

.

.

.

.

.

.

.

.

.

...

رفع حواجبة بعدم اهتمام گال

_والطلعة هم ممنوعه يعني لا جهاز ولا طلعه خارج البيت.

انتفضت حجيت

_اخابر بابا والله

اخذ بطل فتحه صب بالكلاص مي گال

منين تخابرين على باباتج، ولاتنسين اني مسؤول عنج.

_اسلااااام

رد

_ماي عيونة، خُلوتة

ضربت اديه بالهوة طلعت من المطبخ لغرفتي صوت ضحكة واصلني..

شمرت روحي على الجرباية معصبة وضايجة..

صفنت على السگف وتوقعت انو يرجعلي الجهاز باجر..

هسة اليوم شعجب الضهر باقي بالبيت كل مرة يطلع وعلى حظي اليوم كاعد..

زفرت نفسي بملل حضرت ملابس طلعت صار بوجهي عقدت حواجبي درت وجهي متجاهلتة

دخلت للحمام سبحت نشفت روحي لبست الروب لفيته علية زين طلعت..

مشيت من يم الصالة سمعتة يخابر عفتة ودخلت لغرفتي طلعت ملابسي بدلت.

اخذت كتاب كعدت اقرا لان عندي امتحان واني مغلسة على الوضع..

مر وقت واني مندمجة بالمادة، مددت على الجرباية وااكتب فجئة خطر على بالي مشهد للقصة ابتسمن بدون وعي لگيت روحي اشخبط على كتاب بقلم لحبر بااسم البطل والبطلة واسم القصة..

شفتة نصدمت خرب بهل حظ يعني مالكيت غير مادتة زفرت نفس بملل ،صارت عيني على الساعة بالخمسة ونص العص.

سديت الكتاب والدفتر كمت وكفت مشطت شعري كعكة.

طلعت رحت للمطبخ اسوي عشة عاد شلون راح اشرمها واسويلة مندي وكباب..

فتحت الثلاجة بيها اشكال بس اكيد مو شغل بيت كله معلبات..

طلعت افخاذ دجاج مقرمشة وطماطم وخيار وزيتون..

سويت البتيتة اصابع كليتهن كملتوطلعتهن من الطاوة حطيت القوري و گليت الافخاذ كصصت الخيار والطماطة حلقات والزيتون حطيتة بطاصة رحت اريد اطلع الافخاذ لكيتهن معثولات لونهن بني داكن..

طلعتهن ذبيتهن.

حطيت البقية على الميز وطلعت جبن وحليب الي.

رحت للصالة لكيته ماموجود رجعت لصالة الموسيقى هم ماكو.

تقربت باب المحل الداخلي حطيت اذاني عليه ماكو احد دكيت الباب بخفة رد

_تفضلي

فتحت الباب شغلت الضو ارتاكيت عليها حجيت

_العشة صار اذا تريد.

ترك القلم من ايدة طفة اللمب الي على ميز گال

_بيش الساعة

رديت بعدم مبالا

_بيمن اشوف الساعة جهازي ويمك

قلص عيونة، مسد على لحيتة وكام وكف گال

_بيت ١٩٠متر شطولة شعرضة مابي ساعة وحدة.

گلبت عيوني حجيت

_لاتضل توكفلي على الحجاية.

عفتة رجعت للمطبخ كعدت اكل سمعت صوتة

_ بان متاكده مسوية اكل ينوكل ولج ريحه الحرك واصلة للصالة..

هزيت اكتافي بدون اهتمام ثواني حسيت عليه دخل للمطبخ.

سويت حليب وجاي تقرب عليه حاط ايد على الكرسي الي كاعدة عليه والثانية على الميز..

اخذت كوب قربتة ردت اشرب اخذه مني گال

_ ممكن اعرف شنو الي راح نتعشة بي؟!

ابتسمت حجيت

_اعتقد ياسوجي العزيز اني مااعرف اطبخ وشغلة ثانية انت مو تگول مالج دخل بالاكل اهم شئ دراستج واني دااسوي الي تگول علية..

ضحك گال

_محضرة للامتحان لولا

هزيت كتفي حجيت

_اي اكيد

تهمهم گال

_ديري بالج الاسئلة صعبة من هسة اگلج وشغلة ثانية انتِ ابد موزينة بمادتي اذا منتبهه

جريت الكوب حجيت

_والله يااخي سوجي هوه استاذ الماده الي ماانجح بيها بفضلة..

ضحك بهدوء گال

_ليش ماتخلين سووجج يشرحلج الماده ليش تردين نجاح على الحاضر؟!!

_ لان ماليزيا مو العراق ودراستة سهلة ولاتنسة هنا الواسطة تمشي اكثر من العراق رغم دراسة ماليزيا اقوى واشهر من العراق بس هنا انحيازيين واستغلاليين لو ما انت يمكن هم نقطيت بالكورس الانكليزي.

ابتسم ابتسامة جانبية اخذ الكوب من ايدي حطه على الميز كمش اكتافي گال

_ اول شئ هذه متعارف علية واني مانصح طلاب جامعة يدرسون هنا لان ينكسرون..

وفعلا استغلاليين خاصة للمايعرفون لغة انكليزي لان معتمده هنا.

وانت قبولج هنا بي واسطة والفضل ل مؤتمن

بس لاتنسين نتائجج ودرجاتج باللغة الانكليزية كان الها الفضل الاكبر..

عقدت حواجبي حجيت

_ليش

ابتسم گال

_لان متحتاجين كورس انكليزي فضل درجاتج الكاملة

باللغة ومن سوو الج اختبار لغة اخذتي درجه كاملة..

_لا وين اخذت درجه كاملة غير ٩٠بالمية

مسد على شعرة گال

_العشرةمؤتمن ضافهن لان الله وكيلج ينطوج كورس لغة اقل شئ خمس اشهر ويستغلوج بالسعر..

وماليزيا لاتغرج ترة حالها حال العراق بالفساد بس الفرق من جوه ليجوة فسادهم واهم شي عندهم الفخفخه والعراق فسادهم بالعلن وماكو امان انت وتمشي احتمال يقتلوك بس هنا لا اكو نضام.

_بس جامعات والمدارس ماخذات صيت عالمي من غير ماكو فساد بالاحصائيات..

كعدني على الكرسي وكعد كدامي شابك اصابيعه گال

_ فسادهم هو استغلال طلاب العراق والصينيين والاجانب رغم الاجانب متمرسين بس لان ماعدهم شهادة باللغة يخلوهم يدرسون كورسات وهل كورسات يكلفن لان اذا ماياخذن درجه كاملة يعيدون الكورس مره ومرتين وتلاثه الة تاخذ درجه واذا ماخذ ٩٩ هم يعيدو.

ماليزيا دوامة نشوفها شئ بيرفكت بس من تصيرين منها وبيها تعرفين ناسها شنو.

حتى بعض العراقيين الي هنا فاشلين.

ضحكت حجيت

_ مااقبل تحجي على ناسي

رفع حاجب باوعلي صفح گال

_لو اسولفلج الي صار وياي اول مااجيت هنا تكرهين كل عراقي ساكن ماليزيا

تحمست حجيت

_صدك شصار وياك احجي بسرعة..

كام وكف گال

_شنو رأيج اسوي عشة وتساعديني واسولفلج لان حضرت جنابج البتيتة ميبستها والكنتاكي حاركتة وللاسف هذه النوعية تتخلة بالفرن مع اضافة صلصلة بالثلاجة، وحضرتج مكليتها وين لاكية ما ادري.

هزيت اكتافي حجيت

_والله البتيته طيبه بس انت متاكل هيج ماعرف ليش واسمهن افخاذ مو كنتاكي على فكرة وماكو صلصة مشفت.

رفع حاجبة گال

_قبل يومين تسوكت احتياجاتنه والمسواك بيدي اني وياج صفيناهن.

__مااذكر وحتى ماشفت صلصلة والله

سحبني من ايدي، فتح الثلاجة طلع علبة كزاز انطانياهن بيدي گال

_هذه هية صلصة جاهزة.

عقدت حواجبي ركزت بالعلبة حجيت

_ بس هذة معجون.

دارها بيدي گال اقري شنو مكتوب.

باوعتلة بستهزاء حجيت

_والله مااعرف اقرا هذه اللغة وعتمدت على الطماطم الي بالغلاف.

ضحك گال

_ هذه هية الصلصة.

تقدم خطوتين للطباخ اردف

_ جيبيلي وياج فلفل اخضر وجزر وبزالية.

التفت علية مبتسمة

_لاتگلي راح تسوي هذه الاكلة الي احبها

بلل شفتة بهدوء وابتسم گال

_اي بس ساعديني حتى نخلص بسرعة.

تحمست زياده عن الزوم رحت بسرعة حضنتة حجيت

_والله والله مشتهيتها

ابتسم گال

_تعلميها حتى تسويها الي تره من ريحتها اشبع..

غلدمت حجيت

_سوجي مايقبل اشتغل لان عندي درااااااااسة واذا رسبت هوه مينجحني.

ضحك كرصني من خدي گال

_انت عاد من تلزكيلي بحجاية الله يستر منج، عمي ماريد منج شغل بس جيبي درجات.

ابتسمت هزيت راسي

طلعت الي گال عليهن حطيتهن على الكاونتر التغت اله حجيت

_بعد شنو اسوي؟!

فتح المجر طلع مكشارة وسجينة نطانياهن گال

_ كشريهن وقطعيهن نفس الحجم

اخذت المكشاره اكشرهن حجيت

_ايي شنو الي صار وياك

طلع الافخاذ حطهن بماعون حط عليهن زين زيتون گال

_اول مااجيت لماليزيا ما كان عندي ثلاجة وجنت مااكل بالبيت لحد ما وصلت مرحه احتاج الثلاجه..

بس ماعندي مصاريفها لان الثلاجه العادية هنا مصاريفها بمرتين يعني ضربي فلوس بضعفها مرتين.

وبالبداية ماعندي ذيج الامكانية اشتري ثلاجه.

هناك دفنة عرفتني بواحد عراقي يريد يبيع اثاث بيته و يرجع للعراق

طبعا تواصلت وياه وعرفت سعر الثلاجه نصف سعر الجديدة ولان عرفتني عراقي قللت السعر خمسة دولار

ردت اخذها بوقتها بس رفضت وگالت

؛؛ انتضر هل يومين تعال اخذها لان هل فترة احنه موجودين هنا وعائلة وانت اكيد تعرف ماكدر بدون ثلاجه.

واني هم ماعارضت لان اعرف صعب بدون ثلاجه لعائلة وفعلا انتضرت يومين رحت اخذتها ورجعت للبيت.

يوم كامل الثلاجة احسن مما تكون شو ثاني يوم عطلت لاتبرد ولاتثلج عاد اخذتها لمصلح هناك انصدم.

تركت السجينة حجيت

_ايي كمل شصار

ضحك گال

_ تطلع الثلاجة عاطلة وماتتصلح يكدر يسويها بس اقل ال٢٤ساعه تعطل.

هنا عرفت مااثق بعراقي ولو اصابعي مو سوة بس ضربوني بوي.

وهواي حوادث تعرضتلهن ولا عراقي ساعدني.

ضحكت من كل گلبي حجيت

_يعني نضحك عليك

دك على صدرة گال

_وبكل امتنان.

هزيت راسي نطيتة الخضروات اخذهن مني

حط طاوة وزيت زيتون ضاف الخضروات حمسهن شوي وحط الصلصة والملح والفلفل اسود اخذ قالب بايركس حط الافخاذ والصلصة وغلفه بسلفون شغل الفرن حطهن.

غسل ادينه گال

_ تعالي وراي اشوفج شئ

_اوكي ماعندي شي بس اغسل ادية

طبعا اسلام هو ويسولف غسل المواعين هذه احسن شغلة بي.

رحت ورا دخل للمحل من باب الداخلي.

اخذت نضرة للمكان الي غالب علية الوان الصيفية..

بس اريد اعرف شلون يحب الضلمة وهو مفعم بالحياه..

واكف كدامي بيده اوراق انتبه الي اشرلي على كرسي الوشم كعدت صار كدامي جهاز الوشم واوراق كوم من غير جهازين ثانيات ماعرف شغلهن..

جر كرسي متحرك كعد علية نطاني اوراق گال

_ نفس العادة رأيج الصريح بالاشكال.

اخذتهن منه حجيت

_شئ اكيد.

گلبت بيهن اشكال مختلفه وغريبه كلش من ضمنهن صورة كلش غريبه اعتقد لشجرة بس شكلها غريب كلش رفعت نضري اله حجيت

_حبيت شئ غريب كلش ومميز بس هذه مو شجرة لولا؟

هز راسة گال

_اي شجرة بان.

عقدت حواجبي مركزه على الرسمة حجيت

_شنو اسمها هل شجرة؟!

_بان

رفعت نضري حجيت

_هاا، بس مگلت اسم الشجرة؟!

حضن ادينة لصددرة گال

_بان

رديت بضوجه

_اسلام ممكن اعرف اسم الشجرة مو اسمي؟

ابتسم بثقة گال

_البان

رمشت بعيوني حجيت

_على گولتك ماي عيوني شتريد مني دااسئلك شنو اسم الشجرة

كام وكف گال

_احجي كردي لو عربي اسمها بان

فتحت عيوني بصدمة كمت وكفت حجيت

_كذب والله منين اكو شجرة هيج اسمها

رفع حاجبة گال

_لسانج خُلوتي، واي اكو خيرات لله ومعقوله ماتعرفين شنو اسمج او على ايش يدل؟!

هزيت راسي حجيت

_اي وآلله تفاجئت من عرفت وتصدك ابد مابالي أبحث عن صفات او عن شنو اسمي

كعد كدامي گال

_إنسانة قوية الشخصية وخاصة في حياتها العملية.

تتحمل المسؤولية وصبورة، وانتِ هيج..

كعدت كدامه حجيت

_اا صدك خوش وبعد ترى بديت احب اسمي

ابتسم بهدوء ركز بعيوني گال

غالبا تميل مركز القيادة. على الرغم من قوة شخصيتها بس طيبة الگلب وعطوفة على الأخرين ولا تتردد في مساعدة أحد وهذه هم تمثلج تذكرين شگد ساعدتيني بدون مقابل

ميلت راسي حجيت

_اعتقد انت مامقصر وياي ومسويت شئ انت تستحق كل الي ديصير وياك لان تعبت على روحك..

ابتسم اردف

_ تحب الإطلاع في مختلف المجالات لذلك هي مثقفة للغاية والدليل لكلامي اخذتي على جو ماليزيا والحياه بيها من غير اخذتي على جوي..

تلمس حاجبة گال

_هذه تمثلج مليون بالمية لان من جد أنتِ عنييييييدة للغاية..

ومن الصعب أن تتراجع عن رأيها كما أنها لا تعطي فرصة ثانية لمن يؤذيها.

ضحكت بصوت حجيت

_ليش شلت غيبتي منيلي عنيدة تره اني فقيرة

رفع حاجبة گال

_على كيفج نفرتيتي منو هذه الفقيره اصلا انت مشاكسة وجريئة وقوية وعنيده ولسان واخر شئ عندج حقد..

تخوصرت حجيت

_بالة عليك لله انت تمدح تذم طلعتني من الوحل

كرص خدي گال

_هذه الصدك قابل مكذب انتِ هيج بس رغم هذه احجيلي كلمتين حلوة تضحكين بوجهي بس هاا ماتنسين شئ يصير وياج لو بعد الف سنة.

_على فكرة انت تذم بيه ومامحلفني..

رفع حاجبة قلص عيونه گال

_ واثقة

رديت

_كلشش. بس هاا صدك سلومي ممكن طلب صغيروووني

حضن ادينه لصدرة گال

_غردي

بلعت ريكي حجيت

_اريد وشم وعليك الله لاترفض

هز حواجبة گال

_دخيل لله، ماسويلج شتسوين بي

_حبااب والله عاجبني

هز راسة برفض اخذ الاوراق مني حطهن على الميز رحت وراه كمشت ايده حجيت

_سلووم ليش تكسر گلبي اول مره اطلب منك شي

التفت عليه گال

_عوفي سوالفج على صفحه گلت مااسويلج.

_ماا اريد تسويلي لو والله اخلي دفنة تاخذني اسوي وانت اختار

دنك علية كرص خشمي گال

_حتى اطيح حظج انتِ وياها وبعدين وين تردي.

_اذا تسويلي اگلك وين بس اذا ماتسوي مااحجي

رفع حاجبة گال غردي وين اسوي بس ماعلية على النص وتعال اوكف

هزيت راسي حجيت

_زوج الي يگلك اوكف واني اريدك تسويلي

باوعلي صفح وشغل الجهاز گال

_ صعدي يالة، والله وكيلج لو عمي يعرف الة يسويلنه عرس هوه شاف وشم مسوي ذيج الرزالة مو نوب بنتة تسوي..

كعدت على الكرسي حجيت

_اعتقد هو گال اني صرت مسؤلية زوجي وانت زوجي مسؤل عني بعد بابا شعلي.

شبة ابتسم گال

_صحيح

رديت

_چا شعبالك

ابتسم گال

_الچا شعجب منوره اليوم

_عجبتني بعد

كعد كدامي گال

_اي رسمة تردين ووين المكان

شبه انحرجت بس طيرت الحرج حجيت

_عاجبني اسوي رسمة شايفتها عندك وبالنت هم تصير تلث نقاط وتنزل ورده ومن الورده الساق متعرج شكلها غريب وحلوو

_هسة اشوفها.

كام طلع اوراق گلب بيهن اخذ ورقة ورجع يمي انطانياها گال

_هذه لو غيرها

_اي هذه اريدها وممنوع تگول مااسويها

كعد كدامي تلمس لحيته گال

_هو انت وين تردي

_ممنوع تنسحب اوكي ولاتگول لا

_اي عمي بس گولي وين.

اشرت على ضهري حجيت

اريده خط عامودي هنا عاجبني اكيد يصير

تحمحم وابتسم گال

_يصير ليش لا ياله عدلي كعدتج ونطيني ضهرج.

ضحكت حجيت

_هذه شنو البيدك

فتح العلبة اخذ منها مادة گال

_ستينصل، ياله التفي واذا تنزعين التيشيرت احسن.

بلعت ريگي حجيت

_ بطلت ماريد

ضحك بصوت كام وكف عدل كعدتي گال

_اعتقد گلتي ماتراجع

_ايي اكيد مااتراجع قابل شنو

تيشيرتي فتحته جبيرة طلعت ادية من الفتحه لان فالينة..

ضحك گال

_كفو ياب

انطيته ضهري حط الكريم لمساتة كزبرت جسمي..

شنجت ضهري حسيت على نفسة برگبتي همس

_بعدنه بالبداية..

تحمحمت بدون مااحجي

ثواني مااحس غيز نغزات بحيث بدون وعي فزيت اصيح.

_لا اسلام يوجع يوجع وخررر

ضحك كمش كتفي گال

_ورب الاصنام ماعوفج اله اخلصه تحملي مو تردين..

اوكي بس استعجل لان يوجع والله

همس قريب اذاني

_ نغزة ابرة ماتحملتي لعد شلون اذا...

نهه كلامه بضحكة

فهمت قصدة الخبيث ضربته بعكسي ببطنه ضحك گال

_لا يا مشاكسة ليش هيج فوك ما اسويلج وشم وبلاش

_غصبن عليك غير زوجتك.

_يابة غير ماعندي اشكال شكد ماتردين اسويلج ووين ماتردين هم

غلست بدون مااحجي شئ

مر وقت خلص اسلام گام وكف گال

_لاتخلين ملابس تلوحهه..

هزيت راسي طلعت رحت لغرفتي نزعت التيشيرت طلعت كيمونه ستن لون احمر لبستها رجعت للمطبخ لكيته مطلع القالب وكاعد ينتضرني ناكل كعدت كدامة اكل

كملنه اكل حميت الجاي صبيت النه ثنينه شربنة غسلت مواعين ويه اسلام.

طلع كعدنة بالصالة هوه يتابع فلم واني الملل كتلني هيج. وقت اقره القصة

ضجت كلش حجيت

_اسلام اريد جهازي شوكت ناوي نطينياه

باوعلي ابتسم گال

_ عذريني بس مانطي لان تقرين شغلات اكبر من عمرج..

فتحت عيوني بصدمه حجيت

_منو اكبر من عمرة تره مزوجه ومو اكبر مني وانت مو تكول العمر مو مقياس.!

ارتاك على الكرويته ابتسم بستفزتز گال

_لو هل شغلات بعمرج كان عرفتي شنو يعني سا** مو تبحثين وتكولين لكمرة

_ اسلام ليشش هيج تسوي والله حرام

ماهتم لكلامي شمرت الكوشة عليه اخذها يضحك رجع شمرها عليه عفتة وكمت ضايجه.

دخلت لغرفتي ادرس مر وقت طويل بين ما كملت الامتحان او الاختبار..

اخذت برموده ستن مال الكيمونة لبستها مشطت شعري رفعته كعكه غسلت وجهي خليت مرطب وڤيتامين اي وحمرة سحرية.

حاولت انام ماكدرت كمت طلعت من الغرفه فتحت باب غرفه اسلام ضلمة بس تيبلام مشتغل

تسحبت للكومدينه اريد اشوف موجود جهازي لولا لان هوه يحط بيها الشاحنات والفلاشات هستوني فتحت الكومدي مااحس غير على ادين محاوطه خصري وانفاس حارة برگبتي.

بلعت ريكي ردت التفت سحبني علية اقوى همس قريب اذني

_كافي بعد هواي طولنة خُلوتي اريد اتمم زواجنة.. يتبع..

توقعاتكم للبارت القادم.

لاتنسون التصويت.

عوضتكم عن الايام الي مانشرتها

وتفاعلكم على البارت يسعدني.

للخُلة_رأي_آخر

بارت ال٧

بقلمي: اورجانزا الطائي..

.

.

.

.

.

.

.

.

.

.

.

.

.

.

.

.

. تسحبت للكومدينه اريد اشوف موجود جهازي لولا لان هوه يحط بيها الشاحنات والفلاشات هستوني فتحت الكومدي مااحس غير على ادين محاوطه خصري وانفاس حارة برگبتي.

بلعت ريكي ردت التفت سحبني علية اقوى همس قريب اذني

_كافي بعد هواي طولنة خُلوتي اريد اتمم زواجنة..

رمشت اكثر من مرة رجف جسمي تقرب علية اكثر حسيت على دفو بعضمة رگبتي قشعر جسمي بلعت ريكي بصعوبة ونفسي سرع حطيت ايدي على صدرة

حاولت ادفعة لزم ادية همس بهدوووء بحيث حرف حرف غمضت عيوني بضعف لقربة وانفاسة الدافية..

_ابتعد؟!

بدون وعي دفعتة طلعت من الغرفة دموعي تنزل امسحهن ويزودن بدل ماينقصن كل هذه مجرد تذكرت الي صار وياي قبل سنوات..

فتحت الباب اشاهك وابجي بصوت مسموع احس كل شهكة تطلع مني تجرح گلبي..

رفعت راسي ليفوك حجيت

_يالله ماتحمل بعد اخذني وخلصني تعبتتتتت تعبتت يالله...

صرت اشبة بالفاقد عقلة والتركيز بكلامة الي يجي بالي احجي بدون مافكر..

تذكرت امي الي مارفتلها عين وعافتنه لحد الان يمر شريط ذكرياتي ويه اعز ناسي..

اكثر شغلة اكرهه بنفسي من اكعد ويه شخص لازم لازم اتذكر تعاملة قبل وهسة واضل اقارن بين الماضي والحاضر عقلي يدوور ويدورر لحد مااشتت فكري..

لان اتاذه بين اريد اصدك افعاله بالحاضر والماضي..

قطع كلامي وية روحي صوتة الهادئ الي بدون اذن يدخل لگلبي..

_خُلوتي..

مجرد سمعت هل كلمة التفتت علية امسح دموعي.

ابتسم طرف شفتة غمض عيونة وفتحهن عقد حواجبة، احس هل حركة نقطة ضعفي وهو يتقصدها..

_المن هل بجي ياماي عيوني..

ستهضمت ركضت حضنتة وابجي..

حط ايده بشعري يحركهه بهدوء والثانية بضهري ويهمس.

_كافي يبعد اليسوون والمايسوون المن هل دموع مو حرام عليج تبجين عيونج.

؛ سكتي بان

؛ كافي شنو حجيت مو گلت يكفي بجي..

حركت كتفي بعدم اهتمام ضغطت على حضنة.

ضحك گال

_اعتقد يازوجتي العزيزة قبل عشر دقايق اخذتج لحضني وانتِ نفرتي وطلعتي تبجين وكفتي گلبي عليج وكرهت نفسي لان حاولت اتقربلج وبالتالي هسة ست الحسن والمشاكسة تجي هيه تدحس راسها بحضني جنج النعامة..

رفعت راسي باوعتله حجيت

_ اذا انت متتحملني لعد منو يتحمل طكاتي ترى والله مالي خلك شئ اريد انام مرتاحه ومافكر شنو الي يصير باجر ولا افكر اذا جنت انت موجود اولا ماريد افكر للمستقبل واترك الواقع ولا اريد افكر بالماضي واهمل حاضري ومستقبلي اسلام خايفة من الماضي ياثر على حاضري او مستقبلي..

قرب علية باس ارنبة خشمي وابتعد يحجي بهدوء وكلمه كلمه

_اسلام ماضيج وحاضرج ومستقبلج.

لاتفكرين هيج انتِ حسنةوهدية من خالقي وين اكو واحد يعوف حسنتة وهديتة؟!

بان انتِ اعظم انسانة شفتها ماتجامل ولاتاخذ غيبة احد همها القصص بعيده عن النفاق والكذب نقية وشفافة نفس المي..

بس جريئة مشاكسة تحب الوحدة والهدوء رغم الضجيج الي داخلها بس لسانها عام عليها..

ضحكت على لسانها عام عليها

بادلني الضحكة گال

_ضحكي ضحكي هية الدنيا خالصة يبعد ماي عيني..

سكت ثواني واردف

_كمشتج ايي ست بان شت تسوين بغرفتي والدنيا ليل، ترى اهلي يخافون علية عدنه السمعة اهم شئ وانت الضاهر ابد ابدمو امان.

وخرت عنه وتخوصرت حجيت

_اني هيج يالوتي كلش زين تعرفني اجيت اخذ الجهاز بس حضرتك انت شسويت اذا تذكر!؟

حط ايده بشعره رفع حاجب يستنكر تلمس حاجبة گال

_ماسويت اله الخير خُلوتي وبعديت ست حضرتج ماتكعدين راحة صمتي كل هل فترة وتالي وشم هل كدوته فطرج نزلتي من عيني..

ضحكت حجيت

_ ولله مصيبه انت تعرف لولا

ضحك گال

_يالة ياحلوة انتِ روحي نامي وراج كعدة

هزيت اكتافي حجيت

_منعسانة اريد جهازي هيج وقت اقره قصة

رفع حاجب قلص عيونه گال

_ليش ماتخليني اقرالج قصة مو احسن.

ابتسمت حجيت

_اي بعد احسن

_صدكتي؟

هزيت راسي حجيت

_اي وليش لا

سحب ايدي شمر روحة على الجرباية مددت بصفه حجيت

صديت علية حطيت اديه جوه راسي وقرفصت جسمي حجيت

_ياله اقرة بس هنا تنتضر لحد ماانام

سحب الغطة غطانة ، حط ادينه جوه راسةوعينه للسكف گال

_كان ياما كان في قديم الزمان

حسيت على انفاس تضرب وجهي فتحت عيوني بهدوء صار وجهه كدامي ابتسم بلل شفته بهدوء رمش مرتين متتالية قرب وجهه عليه حط كصته على كصتي حرك خشمة بخشمي ابتسمت بعدت راسي عنه ضحكت بصوت..

سحبني عليه بقوة اعتلاني ، على اثر حركتة شهكت

ابتسم رفع حاجبة گال

_ مشاكسة

فتحت عيوني بصدمة حجيت

_ليش يابة شايف عليه شوف ومادري!!

دنك علية بهدوء ركز على عيوني شتت نضري عنه ابتسم نفخ على وجهي حركه لاارادية غمضت عيوني حسيت على دفو بخشمي فتحت عيوني صارت عيني بعينه غمز گال

_شفكرتي، مااخذ شي اذا مانتي تبادرين..

قلصت عيوني حجيت بهدوء تام

_لعد حلم ابليس بالجنه..

رفع حاجبه وابتسم بمكر گال

_الي كدامج ابليس بجلالة قدره ميلحگ بي لايخاف ولاهم يحزنون الي باله يسوي لو على الف راس والي اريده اخذة وداعتج بس للاسف انتي ياشبر من زري لاعبة بيه لعب..

ابتسمت حجيت

_ منيلك هل كلام ياعيوني..

دنك على ركبتي سحب نفس طبع بوسة خفيفة ابتعد ثواني تقرب اكثر باس عيوني صار وجهي مقابل وجه گال

_شوكت تتعودين علية وتتقبليني .

ركز بعيوني گال

_بان ثقي بالله لو مااعرف نفسي واكع بخُلوتج فلا اسوي هل حركة ولااتقربلج وتأكدي يا بان نيتي وياج صافية وانت اكثر وحده تعرفني.

ميلت راسي بلعت ريكي غمضت عيوني حجيت..

_من احس روحك وگلبك وعقلك وكل شي بيك الي..

مسد على خدي بهدوء گال

_واذا اگلج روحي وعقلي وگلبي وعيوني ما يفكرن غير بيج..

بان انتِ حسنتي وبختي رغم كل الي صار ويانة ثنينة ونجمعنة تحت سقف واحد.

ماعرفت شنو ارد علية بلعت ريگي ودحست راسي برگبتة غمضت عيوني بدون مارد علية.

ضحك سحبني علية اكثر حضني يمسد على شعري باس راسي گال

_نعامتي گومي بدلي اليوم دوام

هزيت كتفي حجيت

_مرة وحده ل الله نجحني بدون مااروح للدوام، مو تگول انتِ حسنتي وبختي ياله نجحني

بعدني عنه مقلص عيونة دنك گال

_للاسف وكعتي وية الشخص الغلط لان يفرق بين شئ وشئ كل مكان اله قانونة يبعد ماي عيوني

وخر الغطة كام وكف مط جسمة گال

_ ياله بسرعه غسلي وبدلي ترى ماضل وقت.

طلع من الغرفة حضرت ملابسي طلعت اريد اغسل ضحكت من شفتة يتمرن ارتاكيت على الحايط حجيت.

_مو على اساس تأخرنة شو تتمرن؟!

صد عليه گال

_بين ماتخلصين تلكيني جاهز.

ضحكت حجيت

_اريدك تتمرن بعد مايصير هيج صايرلك شكد مامتمرن.

طفة الجهاز مسح وجهه بالخاولي گال

_بنية گلبي وماي عيوني، سوالفج مشيهن على غيري.

تلمست حاجبي حجيت

_ليش مايمشن عليك ترى انت خطية من الشغل للبيت اخذ اجازة.

باوعلي صفح گال

امشي كدامي بسرعه لا والله حتى لو مجاوبة ارسبج واني الممتن.

خزرتة حجيت

_لا والله

ضربني بالخاولي گال

_ هم الها عين تحجي امشي لج ام بطن كل شوي طالعة برأي

تخوصرت حجيت

_ليش قابل اني سوجي العزيز الي يحسسني متزوجه اكثر من واحد..

تقدم علية راد يكمشني ركضت للحمام واسمعة يصيح وراي

_جبانووو مابيج حظ تواجهين

غسلت وجهي وحجيت

_ما انزل لمستواك استاذ سوجي

غسلت اسناني طلعت رحت لغرفتي بدلت مشطت شعر سويته ذيل حصان وضفرتة طلعت خصلتين مبعثرات حطيت مرطب بشرة بدون لون اخذت بوت لبستة سمعت صوتة يصيح

_بانن تعالي تاخرت

رديت _ ايي هسه جاية

اخذت قمصلة جلد سودة وجنطة طلعت لكيته واكف ومركز بجهازه.

صفنت على شكلة لابس بنطرون رمادي وسترة حياكة رصاصي وهاينك خردلي داكن..

حسيت على روحي تنهدت ومشيت وكفت كدامة حجيت

_خلصت ياله نطلع

رفع راسة مبتسم اخذ جنطي وطلع لحكتة قفل الباب وصعدنة بالسيارة شغلها و ساق اخذ جهازه اتصل..

ماطول فتح علية گال

-اهلا يعقوب اخذ الدرس اتاخر

؛؛ اي اقل النص ساعة اوصل

؛؛ هاي هية

التفت علية ضحك بصوت وغمز گال

؛؛ اي وداعتك بنت عمي ساعة يالة تكعد وانت تعرف اني مفارغ والبارحة باليل التهيت.

رفعت حاجبي باوعتله صفح هز راسة بتوعيد گال

؛؛ يالة ولك وصلت وانت بعدك مادخلت الدرس.

ضحك بصوت گال

؛؛ لا ياخوش انسان لعلمك تخلص ٢٠دقيقة تبقى ٢٠

يالة ولك.

سد الجهاز صد عليه گال

_عيونج جنهن زروف جفجير تخنزرين وتباوعين صفح.

فتحت عيوني على وسعهن حجيت

_عيوني الماعاجباتك غيرك يحبهن على فكرة وين لاگي احلى من عيوني، صدك لو گالو يتبطر على نعمة الله.

_يايابة على كيفك بنيتي ايش هل غرور، وياطايح الحظ عاجباتة.

ارتاكيت على الكشن ضمين ادية غمضت عيوني حجيت

_ اصحح هذة ثقة مو غرور

تذكرت شكلة من كعدت الصبح ابتسمت.

سمعت صوت الباب نفتح صديت عليه واكف ومرتاك على الباب

فركت عيوني حجيت

_وصلنة؟!

هز راسة گال

_اي يالة نزلي.

نزلت سديت الباب فلتت مني التفت عليه حجيت

_فلتت ترى

ابتسم حرك حواجبة بعدم اهتمام مدلي ايده گال

_ميهم يالة تعالي

بادلتة الابتسامة كمشت ايدة مشينة..

الحصة نصها فاتت بقن ١٢دقيقة وتخلص.

دخلنة للادارة سلم اسلام على المدسين، ردت اروح للدرس..وكفني صوتة التفتت عليه رافع ايده مركز على الساعة ويحجي.

_بعد عشر دقايق اذا مو اقل تخلص الحصة ابقي هنا راجعي المادة لان بس تخلص الحصة اسويلكم الاختبار.

هزيت راسي كعدت مكان الاستراحه هو راح كعد ورة مكتب المديرة يساعدها انطتة اوراق يشتغل بيهن.

صارت عيني بعينة غمز باابتسامة بس ضوجتني المديرة حطت ايدها على كتف اسلام وتحجي وياة كل شوي مدنكه على الورقه تأشر عقدت حواجبي شعدها هل قرب..

ماعلم اعرف بيها هية هيج ومتزوجه وبنتها وياي بس ضجت.

كمت وكفت اخذت جنطتي ردت اطلع بالباب ارتطمت عقد حواجبي باانزعاج صار كدامي يعقوب رافع ادينة ضاحك قرب راسة مسافة مني گال

_ هلا والله شلونج شخبارج

ابتسمت مجاملة حجيت

_تمام استاذ

بعدني ممكملة كلامي حسيت على اسلام ندسني بضهري گال

_يالة بان عدكم اختبار هسه جاي وراج.

صديت علية حجيت

_اعرف هسة رايحه.

ابتسمت بوجه يعقوب طلعت مشيت شوي دخلت للصف لان صفي مقابل الادارة ومكاني بصف الشباك

نزلت جنطتي كعدت عيني على الادارة يعقوب واسلام بعدهم واكفين سوة.

عيون البنات كلها عليه لان اجيت على ثاني حصة.

اجت يمي مريم عراقية مقيمة بماليزيا من زمان.

كعدت يمي گالت

_صدك بان شو ماحضرتي الحصة.

رفعت حاجبي حجيت

_مالحكت.

ثواني حسيت على ادين دافيات على عيوني تلمستهن ابتسمت حجيت

_غزل

وخرت ادينها تضحك وتگول

_بدي اعرف كيف هيك بتعرفيني حت انِ مناطئة حرف واحد

وكفت بوستها حجت

_انوثتج زايدة عن الزوم ونعومة ادينج تحسسني انو الله خلق الانوثة بس الج

ابتسمت بهدوء گالت

_تكة تكة مابتحمل هل كلام

ضحكت عليها لان من تخجل ماتعرف ترد.

رجعت كعدت وغزل هم كعدت كدامي مريم ماعجبها الوضع عوجت حلگها گالت

_منيلها شو مامنها شوفة، هاي تحسنين معنوياتها وهو الي يشوفها يخترع.

صديت على غزل انحرجت من كلام مريم

رغم غزل احلى مني ومنها بيضة ثلج ورموشها شگر مسحوبة لونهن اصفر فاتح ويتغيرن ويه الملابس..

ضجت لان غزل مردت على مريم حجيت

_اول شئ ليش تشوفين مريم بعين طبعج وشكلج، مو اذا انت عديمة الاحساس تحجين هيج لان ترى هل شي موحلو وكلنه نعرف غزل احلى وحدة وبشهادة استاذ يعقوب واسلام وباقي المدرسين والمدرسات وهل انتقاد والكلام الي حجيتي مامتحضر.

_عاد شتغل الدفاع بعد شيخلصني ولو اني محاجية شئ غلط وتعالي اگلج اسلام اجة اولا

عقدت حواجبي حجيت

_منو!!!؟

بوزت گالت

_ابن عمج شبيج نسيتي

رفعت حاجبي رديت عليها اشر على الادارة.

_متشوفين هذاك وينة يم استاذ يعقوب، بعد المن هل اسئلة وانتِ تشوفينة...

ردت علية مريم بضوجة

_اگلج انت شگد غثيثة وماتتحاجين شبيج على كيفج بس ترديت تعاركين هو سؤال جاوبي باادب واذا تحتاجين كورسات ادب واخلاق وتربية اني ادليج ولايهمج بيبي.

ضحكت بستهزاء رديت عليها

_اعتقد محد گالج تعالي وسألي ومن تحجين احجي عدل.

اذا انتِ داخلة هل كورسات وعقلج مو ناضج مو ذنبي يا متخلفة ومن تعرفين تحجين وماتلزكين هلا بيج تعالي.

غزل _كافي بنات وانتِ مريم زودتيها

كمشت ايدها گالت مريم

_انت لاتحشرين روحج صايرتلي ام العريف

دنكت غزل بدون متحجي شئ كمت دفعت ايدها وحجيت

_اساليبج الحيوانية بيعيها بعيد عني ترى ماخايفة منج.

جرت ايدي كرصتها گالت

_اهلج نطوج اكل بدل التربية.

كزيت على اسناني بقوة وغمضت عيوني ضحكت كمشت معصم ايدها ضغطت عليه بقوة حجيت

_التربية عايفتها الج يالخلوقة لي ينحلف بيها..

ضربتني بيدها الثانية وتگول

_والله اشتكي عليج عوفي ايدي غثيثة

هزيت كتفي حجيت برائة ممزوجه بمكر

_يعني تعرفوني شگد غثيثة المن تتحارشون بيه لو هية سولة ست مريم.

رادت تحجي دخل اسلام شافني عقد حواجبة حضن ادينة لصدرة گال

_ايش تسون، اعتقد انتن واعيات وكبار المفروض

تركت ايدها كعدت ومريم تبجي وتشكي

_بان اعتقد مااذنت الج بالجلوس كل مكان اله احترامة وانتن الاثنين تتحاسبن غزل انتِ كذالك تعالن وراي.

طلع ومريم لحكته تبجي هزيت ايدي رحنة وراهم غزل ولانطقت حرف واحد.

دخلنة بس اني والبنات واسلام ولمديرة

طبعا مريم طلعت من السالفة لان استاذ سوجي العزيز وكف وياها من شهدته علية جنت كامشة ايدها..

وغزل مالها ذنب باالي صار لهذه صرفوها اقل الخمس دقايق

ندك الباب دخل بعقوب شافني ابتسم بادلتة الابتسامة والتفتت على اسلام رافع حابة معجبة الوضع.

حجت المديرة

_بان انتِ الغلطانة بحق زميلتج لهذا السبب اعتذري منها.

إسلام ايدها انو اعتذر.

التفتت علية مريم متشمتة باوعتلها من فوك ليجوه صديت على اسلام والمديرة حجيت

_بس مسويت شئ خطا حتى اعتذر، ليش اعتمدتو على كلام من طرف واحد.

منو يگول اني ضاربتها تأكدو من ايدها اذا فعلا مأذيتها اكيد يبقى اثر.

ايد كلامي يعقوب

_فعلاً ميصير تحكمون هيج كونو انحياديين ثنينهن تلميذات..

المديرة شافت ايد مريم مابيها اثر..

ابتسمت بثقة باوعت ل إسلام الي رافع حاجبة..

يعقوب _ حسب ما سمعت من الطلاب مريم متعدية على بان.

التفتت علية المديرة گال

_شسوتلج؟

اشرت على ايدي حجيت

_شدت عليها.

تقربت علية المديرة گالت

_اشوف.

رفعت الردان قريب الكتف عدلت نضارتها الطبية گالت

_استاذ اسلام مريم هية المتجاوزة على بان والدليل اثر ايدها..

فعلا ايدي صاير بيها احمرار..

خزرني اسلام اشر بعيونه على يعقوب نزلت الردان حجت المديرة

_مريم اعتذري من بان وطلعن.

اعتذرت وطلعت قبلي ستئذنت منهم رجعت للصف اقل العشر دقايق دخل اسلام گال

_بان مريم ناقص من درجاتجن بالاختبار و السلوك.

مريم ضلت تتوسل شلون نقصو لان هية كلش شاطرة

واني مهتميت.

وكف بالنص گال

_الاختبار باجر.

واتمنة بعد متنعاد هل سوالف انتم بمكان دراسة وموحلو بحقكم تنفصلون فرقو كل مكان الة اسلوبة وكلامي موجه لمريم وبان بالخصوص.

اخذت قلم شخبطت بالكتاب بعدم مبالا مااحس غير صاح بعصبية

_ بان اذا خلصتي صفنتج واهمالج للدرس تفضلي برة.

سحبت نفس وابتسمت حجيت

_اي كملت.

اخذت جنطتي وكتابي طلعت بدون مالتفت.

احس اريد انفجر.

صار كدامي يعقوب ابتسمت بوجهه دخلت للمديرة حجيت

_ست استاذ اسلام گالي اگلج حتى اطلع وماكدر يجي ينطيج علم.

انطتني ورقة طلعت امشي بالشارع، وافكر بموقف اسلام من وكف وية مريم لو من طردني.

غمضت عيوني بقوة احاول اهدء نفسي زفرت نفس كملت طريقي لحد ما وكفت كدامي سيارة نزل منها يعقوب گال

_تعالي اوصلج بطريقي.

هزيت راسي بنفي حجيت

_ماريد اتعبك مابعد شي واوصل.

ارتاك على السيارة گال

_١٨دقيقة المسافة اذا بسيارة ضعفي ال١٨بمرة يعني ٣٦دقيقةتمشين لهذة تعالي هم اوصلج وهم عندي موضوع وياج.

هزيت راسي صعدت. وياه الطريق كلة ساكت لحد ما وصلني للبيت وكف السيارة تحمحم گال

_بان دون لف ودوران اني معجب بيج واريد اخطبج من اسلام انتضري فكري بالموضوع واعرف راح تگولين انت اكبر مني وشلون نتراهم ودراستي بس اگلج نطيني موافقتج واخطبج من اسلام حتى يبلغ والدج وبالاجازة الصيفية نروح للعراق اخطبج رسمي من اهلج.

ضحكت بدهشة رمشت اكثر من مرة حجيت

_بس اني ماريد اتزوج ومو بالي الزواج واسلام مامسؤل عني.

راد يكمش ايدي رفعته ليفوك حجيت

_اعتذر أستاذ بس لاتتجاوز حدودك وشكرا لان وكفت وياي اليوم بس اني ماكدر ولاتعب نفسك وتحجي ويه اسلام.

نزلت من السيارة قبل لايحجي شلت السندانة اخذت المفتاح فتحت الباب وسديتهة وراي.

شمرت الجنطة على الكرويته دخلت للحمام سبحت لبست الروب طلعت بدلت ومشطت شعري.

طلعت للصالة غلت الديجي على اغنية حماسية

واخذت ملابس الوصخه غسلتهن رحت للمطبخ طلعت كفتة والصلصة

حمست البصل ضفت فلفل حار ودبس الرمان وملح وفلفل اسود والصلصة نصيت الطباخ غطيتها رجعت للحمام جففت الملابس ونضفت الصالة ورجعت للمطبخ طفيت الطباخ اخذت بايركس ضفت الكفتة والصلصة حطيته بالفرن.

رجعت لغرفة اسلام عزلتها لكيت ملابس نضيفات على الجرباية شلتهن فتحت كنتورة مليان ملابس كلهن الوان بس الي عجبني مرتبهن حسب الون والنوع.

عاندت بي خربطت ملابسة سويته قوس قزح ابتسمت باارتياح طلعت من الغرفة بعد ماكملت تنضيفهة..

رجعت للمطبخ طفيت الفرن نضفتة وطلعت ماعرف منين اجاني هل نشاط وتفاجئت لان ماخربت شي.

سديت لديجي كعدت بالصالة شغلت البلازمة اخذت غطة خفيف تغطيت بي مااحسيت على روحي غير نايمة.

فزيت على صوت الباب الي رعد البيت افرك بعيوني نعسانة

رحت افتح الباب وادردم

_هذا ياعديم الذوق هفف فتحت الباب دخل اسلام معصب

هستوني سديت لباب صاح

_رحمة لرب الاصناام مو كافيي مزعطة باان انتِ جبيرة كافي تعبت سوالف الزعاطيبط بطليهن لا والخلقج وخلق الاصنام اطيح حضج وانسة انتِ منو.

طكيت ركبتي فركت عيوني حجيت

_انتضرني اصحصح حتى اركز بالي تگولة واخذ موقف منك.

تلمس بين عيونه وتنهد گال

_بان تعبت من سوالفج..

عفتة ورجعت للصالة مددت وتغطيت وكف فوك راسي تنهد گال

_كعدي احجي وياج.

وخرت الغطه تربعت حجيت

_يالة احجي.

عض على شفتة گال

_شلون تطلعين بدون علمي وفوكاها ماخذة ورقة..

_اعتقد انت طردتني لواني مشتبهه

رفع حاجبة گال

_ تدرين انت كارثة واللة ذبج على گلبي.

بان يوم واحد بالاسبوع ليش تقللين من احترامي تعرفين بية شلون احترمج بس توصلين ماتحترميني لا والله تنسين شئ اسمة احترام.

كزيت على اسناني حجيت

_انت تعرف شصار؟! لا ماتعرف بس دخلت روحك وزودت السالفة وبالتالي طلعت اني الحيوانة النذلة الي ماتحب احد يقلل من احد هيلكية وزعطوطه وماعندي تربية وتدافع ام حلك اعوج وتفرض عليه اعتذر منها واحترمها وفوك هذة تطردني وتنتضرني ارجع وماحجي ش...

سكتتني ايدة الي سد بيها حلگي گال

_ عمي عذريني كافي فتحت علية باب بعد شيسدة..

وخرت ايده حجيت

_اسلاااااام من تدخل كون منصف وعوف مثلياتك رجاءا

كعد گال

_بان تصرفاتج غلط ليش تسوين هيج وها لعلمج سوالفج اعرفهن.

تخوصرت حجيت

_الي هنة باله

سحب ايدب كمش معصمي گال

_هسة اذا اعصر ايدج من هنا ولو تنكسر بيدي هم ميطلع اثر غير الالم مو هيج بان..

بدون وعي حجيت

_اي صح مايبين شي لان يصير الضغط على العظم خاصتة اذا تتحكم بالحركة..

رفع حاجبة گال

_وهذه الي سويتي لمريم.

ابتسمت لان عرفتة سحب كلامي حجيت

_للاسف اي.

ارتاك على الكرويته كمش راسة گال

_بان حسبي حساب بعد لو تنصاغين ذهب مااعلمج على شي.

ضحكت بصوت حجيت

_ تعلمت الي يكفيني عشر سنوات ليكدام ياحلو ميحتاج.

وخر ادينة كام وكف كمش اديه گال

_بس حرام الكذب والمكر والحيلة ليش هيج تسوين خو اخذي حقج بلسانج لاتلتجئين لهل سوالف.

سكتت ماحجيت شئ فلت ادية ضغط عليهن وگال

_تذكرت شلون ترفعين الردان كدام يعقوب؟!

ميلت راسي حجيت

_الي يسمعك متقصدة

ضغط على ايدي گال

_بان شعرج طلع ماحجيت شئ لان ماشوف غلط وانت اساسا قبل كان شعرج نصفه طالع من الحجاب..

بس حسبي حساب قسم بالله اذا طرف من جسمج يطلع تشوفين غير شي.

تلمس حنجي واردف

_فهمتي خُلوتي.

هزيت راسي بدون مااحجي شئ.

راح لغرفتة واني رحت للمطبخ سويت خيار اقراص وطلهت تمن حطيته على الميز وكعدت انتضره يجي ربع ساعه دخل للمطبخ يعدل بتيشيرتة.

وكفت حجيت

_ترى التمن ينتضرك تسوي مو تنسى اروح انام.

ردت اطلع حاوطني باادينة گال

_يعني بدل ماجي الكة الاكل جاهز حتى اكل واحضنج وانام اجي الكة التمن ينتضرني بشرفج ماتتعلمين من القصص شلون يدارن ازواجهن ويحضرله حمامة واكلة ومايخلنة يطبخ لو انتِ تاخذين الي يعجبج وتشمرين الي يعجبج..

ابتسمت حجيت

_ لعد متصير نفس الابطال يوكفون وية زوجتهم حتى لو جانت غلطانة ولعلمك سويت الكفتة بس التمن ماسويته انتضرك تسوي لان ماعرفلة وانت تسوي طيب.

دفعنيةبخفة كعدت على الكرسي گال

_استريحي بنيتي اسوي التمن وانت تتعلمين مني.

ضحكت وحجيت

_اوكي مصار شي اتعلم وانت تسوي.

_متصير وياج جارة وداعتج.

علمني شلون اسوي التمن وكف كدامي مدلي ايدة گال

_ تعالي

كمشت ايده ومشينه فتح باب الغرفة وصلنة للكنتور گال

_فتحي الباب ممكن اذا متصير زحمه عليج.

فتحت باب الكنتور نصدمت الملابس على النوع والون التفتت عليه حجيت

_انت رتبتهن

سحب نفس زفرة ب آه گال

ط_ومن اكول زعطوطة تلوميني وانت سوالف الجهال كلهن عندج.

رفعت حواجبي حجيت

_لا والله شبيك اسلام ترة لان ضجت منك.

ضحك گال متخلص سوالفج ورب الاصنام.

طلعت من الغرفه واني اضحك انتضرنة التمن صار وصبيت الاكل تغدينة واسلام راح نام واني كعدت ادرس لليل كعدت اتابع فلم بالصالة وايلام نايم.

خلص اول اعلان منة دخل اسلام يفرك بعيونة مالابس تيشيرت وهذه اول مرة اشوفه هيج بس الي فاجئني وشمة الي صاير بصفحتة خط مائل كتابة ماعرف يالغة وطالع منها خطوط نفس الريشة..

والثاني فوك صدرة جهه اليسرى بيها طائر بس ماعرف نوعة..

ضحكت على منضرة تقدم علية كعد حط راسة على رجلية كمش ايدي مغمض عيونة..

ثواني گال

_شدسوين

_اتابع فلم

فتح عين باوعلي گال

_ايش تصنيفة

_اكشن غموض رومنس

ابتعد عني مط جسمة گال

_سويلنةاشي بين بين مااغسل وجهي اصحصح.

كام طلع من يمي واني رحت للمطبخ

فتحت الثلاجة طلعت برتقال كشرته وكصصته بماعون ورشيت علية ملح شوي اخذت وحده تلذذت بطعمها ملوحه على حموضه وحلاه..

وكيكه كصصتها قطع وحضرت الكرزات بماعون ثاني اخذتهن رجعت للصالة لكيت اسلام مندمج بالفلم كعدت يمه حجيت

_وين وصل الفلم

رد بدون ميباوعلي

_ للمقتل تعالي شوفي بدون سوالف

كعدت قريب عليه حطيت الي بيدي بينه على الكرويتة ماعلم اكو طبلة وسطية وصغار بس ماستلذ بالااكل اذا مو على الفراش..

اخذت شيف برتقال بيدي وحجيت

_ ماتاكل

شال الجطل اخذ شيف برتقال اكلة حجيت

_تدري الاكل اذا مو باليد ماتستلذ بي وانت حاطلي جطل.

كح التفت عليه گال

_لان مانطيتج الجهاز تخبثين بالبرتقال؟!

عقدت حواجبي حجيت

_ليش شسويت

_وين صايره تحطين ملح للبرتقال

رديت بثقة

_ترة اني اكله هيج وكلش طيب اكل وشوف

_بان خبلة ولج برتقاال يارب الاصنام

اخذت شيف قربته عليه حجيت

_افتح حلكك ذوگ واذا ماعجبك بعد ماسوي

اخذ الشيف ثواني گال

_لابئس

رفعت حاجبي حجيت

_ماعندك ذوق للاسف.

راد يحجي قطع كلامنة صوت الباب كام وكف اخذ تيشيرته لبسة کال

_منتضرة احد؟!

هزيت راسي بنفي طلع للباب ثواني رجع گال

_كومي غيري ملابسج اجو ضيوف

ستغربت حجيت

_منو اجة بهل وقت

_ يعقوب واختة.

ستغربت لسبب جيتهم شلت المواعين للمطبخ. ركضت لغرفتي بدلت ملابسي لان جنت لابسة كيمونة.

طلعت سلمت عليهم واخت ضيافة يعقوب كل شوي الكاه مركز علية..

انزعجت من نضراته كمت وكفت حجت اختة

_بان انتضري اريد احجي وياج بموضوع.

كعدت حجيت

_تفضلي

باوعت الي والإسلام گالت

_ اسلام انت تعرف يعقوب محاجة احجي عنة بالنهاية انتم الاثنين ومؤتمن اصدقاء من ايام العراق..

لهذة ياإسلام اجيت اخطب بان منك بصفتك ولي امرها هنا وبالاجازة الصيفية نرجع للعراق اطلبها من اهلها ونريدك تمهل النه الطريق.

نصدمت من طلبهم التفتت على اسلام الي ضغط قبضة ايده والتفت علية.

گال

_بس بنت عمي ماتريد تزوج ومستحيل تخرب مستقبلها بالوقت الحالي.

ابتسمت باانحراج وگالت

_بس بان ويعقوب متفقين على كل شي

التفتت على اسلام خزرني گام وكف گال

_ عذراً ام صفاء بس بان تكون يتبع...

_توقعاتكم للبارت القادم.

تفاعلكم يسعدني.

والي رادو حساب الانستا

مالت بان هذه ban_buzz

وحسابي هذه umkn.o2

قصة #للخُلة_رأي_آخر

البارت ال٨

بقلمي: اورجانزا الطائي

.

.

.

.

.

.

.

.

.

.

ستغربت لسبب جيتهم شلت المواعين للمطبخ. ركضت لغرفتي بدلت ملابسي لان جنت لابسة كيمونة.

طلعت سلمت عليهم واخت ضيافة يعقوب كل شوي الكاه مركز علية..

انزعجت من نضراته كمت وكفت حجت اختة

_بان انتضري اريد احجي وياج بموضوع.

كعدت حجيت

_تفضلي

باوعت الي والإسلام گالت

_ اسلام انت تعرف يعقوب محاجة احجي عنة بالنهاية انتم الاثنين ومؤتمن اصدقاء من ايام العراق..

لهذة ياإسلام اجيت اخطب بان منك بصفتك ولي امرها هنا وبالاجازة الصيفية نرجع للعراق اطلبها من اهلها ونريدك تمهل النه الطريق.

نصدمت من طلبهم التفتت على اسلام الي ضغط قبضة ايده والتفت علية.

گال

_بس بنت عمي ماتريد تزوج ومستحيل تخرب مستقبلها بالوقت الحالي.

ابتسمت باانحراج وگالت

_بس بان ويعقوب متفقين على كل شي

التفتت على اسلام خزرني گام وكف گال

_ عذراً ام صفاء بس بان تكون بنت عمي ومسؤليتي.

صد على يعقوب حضن ادينة لصدرة گال

_ شوگت تفقتو.

رد يعقوب

_اليوم من وصلتها، ليش ماحجتلك؟!

التفت علية رفع حاجبة سحب نفس غمض عيونة التفت على يعقوب گال

_لا سولفتلي الي صار من الف للياء.

رد علية يعقوب

_ بس بان ما گال رأيها.

ابتسم طرف شفتة گال

_بس گال الي هية رافضة رفض قاطع.

راد يحجي يعقوب كعد اسلام صد على الساعة کال

_اوو هاي الساعة ب٩ونص.

فتحت عيوني بصدمه صديت على يعقوب واختة الي واحد باوع للثاني وترخصو

كام اسلام گال

_لا وين بعد وقت.

التفت علية رافعة حاجبي يكسر ويجبر.

هزيت راسي مركزة علية طلع ورة جعفر واختة سد الباب.

وكف كدامي گال

_كعدي بان الضاهر هواي منطيج مجال.

زفرت نفس كعدت متربعة على الكرويته.

ضغط على راسة گال

_منو وصلج للبيت

_يعقوب..

ركز بوجهي گال

_والهدان منو گالة تعال يوصلج

سكتت ماحجيت دنك علية گال

_بان النا هنا وصخه عالم قذر خاف عبالج خلصتي من العراق لا والخلق سابع سماء على الاقل العراق بي ناس تخاف لله بس هنا ماكو.

ولعلمج هنا حيوانات جنسية يدورون بس شكل ويركضون ورة الصعبة نفس الجلاب بس حتى ياخذوت مرادهم ويذبوها ذبت القذارة.

ابد ابد لاتنسين الي صار وياي قبل فترة وصلت للموت وكلش زين تعرفين الناس تضحك بوجهج وراج تذمج وتطيح حظج.

خفت من عصبيتة الي نطت شرايينة بلعت ريگي حجيت..

_اعرف والله بس افهم الي صار.

قطع كلامي صوتة

_ياله كعدت اكلي تبن وفهميني.

بللت شفتي حجيت

_من رجعت نص الطريق عرض علية المساعدة رفضت بس قنعني واجيت وياه لان على طريق بيتنة

قطع كلامي گال

_ غبيثة لو تتغابين اشو احنه نهاية النقطة بعد وين يولي.

_اكمللو لا

رفع حاجبة گال

_فوكاها انت ام الراهي.

ضحكت من حجايته خزرني كام وكف گال

_خسارة ماعرفت احسبها صح دوىت راحتج وانت تدورين مغثتي ياسالفة مطيوح حضها وفاشلة وزايعتها الدنيا تلطشيها بظهري.

عافني وراح لغرفتة.

تذمرت على حظي مددت مر وقت تذكرت حجايتة اوو هاي الساعة بالتسعة

من يمي تفشلت بحجايته طردة بااصول بس يستاهل.

شلون كاعدين باامان نتابع فلم واجة خرب ابو الكعدة هففف

حجيت ويه نفسي

_ گلة منج لاتضلين تتذمرين

كمت وكفت شبية تخبلت احجي وية روحي هيج.

مشيت شوي دخلت للصالة لكيتة يتمرن يرفع جسمة وينزله.

ماحاجيتة دخلت لغرفتي بدلت ومددت حطيت ادية جوة راسي افكر بالي صار اليوم..

الحق وياه لو وياي اني غلطانة لولا..

غطيت وجهي احاول انام.

حسيت على صوت المنبة طفيتة ورجعت نمت.

مر وقت ومااحس غير على صوت الباب.

فزيت مخترعة افرك بعيوني

واكف يم الباب شافني كعدت طلع.

كعدت بدلت ملابسي طلعت للمطبخ لكيتة مبدل ويتريك.

ضجت لان ما كالي اخذت كوب صبيت جاي وحليب طلعت من المطبخ خليته على الميز اخذت جنطتي من الغرفة وكفت بالصالة انتضرة.

اقل الخمس دقايق فتح باب الخارجية بدون مايحجي طلعت وراه صعدت سديت الباب رجع دخل للبيت دقايق طلع صعد حط جاكيتي صوف بحضني بدون مايحجي

ساق السيارة وصلنة نزلنة ثنينة وتقصدت اركع الباب بقوة.

باوعلي صفح بدون مايحجي.

دخلنة على الوقت بدة الحصة الاولى ماخلصت لحد ماطلعت روحي.

صارت الاستراحة كلهاوطلعت بقيت كاعدة بمكاني وعيني على الادارة انتضرة يطلع ماكو ماشفتة.

تنهدت فتحت كتابي اليوم الاختبار واني فاتحتة على عدد اصابيعي حاولت اراجع او بالاحرى ادرس.

خلصت الاستراحة والكل رجع هوسة صارت يحجون ويتراددون بينهم.

حاطة ايدي جوة حنجي افكر بشغلات مالها داعي..

قطع تفكيري صوت طالب وياي سألني على الاختبار اذا سهل لو صعب ضحكت حجيت

_علمي علمك قابل اني مسوية اسئلة الاختبار.

صارت عيني على الباب واكف يباوعلي بس مجرد انتبهلي التفت ومشى.

زفرت نفسي بملل اجت غزل كعدت يمي حت

_اكو فد مخلوقة غريبة اليوم لاتحجي ولاتضحك معتزلة.

ابتسمت حجيت

_لان مابيها حيل تجامل احد ومتاكده اذا تحجي ويه احد اسم بدنة من هل صباحيات.

قلصت عيونها گالت

_وياترى منو السبب بشرودها وخبالها.

ضحكت بخفة حجيت

_ ماعرف.

كمشت ايدي گالت

_تعرفين كلش زين بس انتِ مالج واهس تحجين او متخاوفة.

ركزت بعيونها حجيت

_وهو الي ديصير وياي..

ابتسمت گالت

_لاتهتمين لشئ سلمي امرج لرب العالمين هو ياخذلج حقج.

بلعت ريگي حجيت

_والنعم بالله..

قطع كلامنة الاستاذ الاستاذ ونفس الملل لحد ماخلصت الحصة.

مااخذنة استراحه لان درس اسلام وعدنه اختبار دقايق دخل وزع الاسئلة وصل يمي حط الاسئلة بدون مايحجي وياي عكس كل مرة يگلي بالتوفيق او ركزي قبل لاتجاوبين.

اخذتها بدون نفس بس عيوني تفتر بيها..

جاوبت فرع من كل سؤال كل شوي اباوعلة..

تلفت اعصابي اشوفة شلون يضحك ويه مريم والطلاب واني عينة مايرفعها الي.

كزيت على اسناني مااتحمل احس اريد ابجي.

بدون مااكمل اجابة على الاسئلة گمت سلمتة ورقة الاختبار اخذها مني ركز بيها صد علية عاقد حواجبة

مهتميت عفته وطلعت.

مجرد ابتعدت ماحس غير دموعي تنزل مشيت بسرعة للحمامات.

سديت الباب حطيت ايدي على حلگي اكتم صوت شهكاتي..

تعبت مااعرف الي اريدة شنو ساعة اريد قربة واهتمامة وخوفة وقلقة وساعة اريد انعزل عنة ماريدة يحجي وياي ولااسمع صوتة واكره اهتمامة وحرصة..

اريد اصفي على بر ماريد كل شوية رأي مغاير لان من جد تعبت نفسيتي.

خاصتة من يتقربلي نفسي تلعب واتقيئ مجرد بوسة هيج تسوي بيه..

رغم هوة يحجي بشقة ويذكرني بس اني اخذ على نفسي واضوج وهل شئ يأذيني..

عصرت راسي بقوة غسلت وجهي وطلعت صارت بوجهي غزل مجرد شافتني فتحت عيونها بصدمة تقربت علية حجت بقلق مخالط الخوف

_شبيج بان

هزيت راسي بنفي.

كمشت ادية گالت

_ بس انتِ موطبيعية ليش هل هل بجي ترة عيونج مورمة وصغرانات ولعلمج واضح عليج باجية..

ضحكت حجيت

_ ماجاوبت يمكن فرع واحد جاوبته والبقية كلهن عفتهن فارغات..

حضنتني گالت

_لاتسوين هيج حتى لو.

ابتعدت عنه طلعت كدامها.

اجت وراي كمشت ايدي طلعنة تمشينة حجيت

_ صدك شمدريج اني هنا.

ابتسمت حجت

_استاذ روميو دزني عليج لاكن طلب مني مااگلج انو هو دزني بس شئ اكيد اني صديقتج مو صديقتة حتى اضمضملة..

ضحكت حجيت

_وروميو منو هذا

رفعت حاجبها گالت

_الي بالج بالي

ستغرب صديت عليها حجيت

_مافهمت والله

گلبت عيونها گالت

_قصدي الي تفكرين بي هسة.

صارت عيني على اسلام واكف ومنجمعين يمه لطلاب..

التفتت مريم وگالت

_تحبي؟!

بدون وعي ابتسمت حجيت

_لا

ضحكت گالت

_اصفي على رأي هسة اي لو لا بس اذا تبقة علية اگول اي لان انت ماشاء وخلق مفضوحة هههه

باوعتلها حجيت.

_لاتجاوبين من وحدج ومعلومة هو ابن عمي وماعندي غير شئ وياه

گلبت عيونها گالت

_ معلومة انت متناقضة، وعرفت الاجابة من نضراتج الي راح تاكله وقبل يوم. من مريم حجت وياج وسألتج علية ولعلمج من تعاركتي ويه مريم على مود استاذ روميو لاعبالج ماعرف والمي تمشي من جواي.

ضحكت حجيت

_على كيفج باباتي اكلتيني ورميتيني ولا يگلك صديقتي.

زفرت نفس بملل حجت

_ انتِ مو راضية تصدكين

_بس ماحبة لاتخلين هل افكار بالج..

ردت بعصبية

_ يابان اذا طلعتي ماتحبي ل اطلع عريانة بنص كولانمبور وذمتي برگبتج لان محجبة..

ضحكت على كلامها وعصبيتها حجيت

_لعد طلعي من هسة وخطيتج برگبتي يمااي عيوني.

ردت بتصديق

_هاا شوفي ماي عيوني استاذ روميو يگولها وهسة انتِ

_يعني ايش

_هاا هاا وايش هم انضافت للقائمة بس اگلج.

_احجي موشلعتي گلبي.

رسمت باادينها بالهوة گلب گالت

_مو تنسين ماتگوليلي من يصير بيبي.

نهت كلامها بضحكة

ضربتهه على ايدها ضحكت بصوت عالي درجه اسلام نتبه علينه...

هزيت راسي كعدت تعبانة..

ثواني مشى من كدامي حجت غزل

_عاشت ايدك استاذ الاختبار سهل.

ابتسم گال

_انت ممتازو ولة غيرج ماعرف يجاوب يادوب فرع من مجموعه اسئلة..

عرفتة يبسمرني رفعت راسي خزرتة رفع حاجب بعدم اهتمام كمل طريقة.

غزل كعدت يمي تضحك ضربت كتفها گالت

_والله يااباز اذا تعيديها اشكي عليج يم أستاذ روميو وانت ممحلفتني..

باوعتلها بستهزاء كمت وكفت حجيت

_امشي الحصة الثانية بدت.

انطيتها ايدي كامت وكفت حجت

_ ياله كدامي امشي.

دخلنة ومريم واكفه تتمضحك..

كعدت ثواني دخل يعقوب بدت الحصة تضايقت من وجودة.

بعده هستوه يشرح ندك الباب دخل اسلام ستغربت منه بس فاجئني من گال

_ عذراً منك استاذ بس ضروري اخذ بان.

رد عليه

_انتضر ربع ساعة بين مااشرح موضوع مهم.

رد علية اسلام

_گلت ضروري.

تحمحم گال

_تفضلي بان.

هزيت راسي ردت اطلع اشرلي اسلام على الجنطة اخذتها صارت عيني بعين غزل رافعه حاجبها مبتسمة خزرتها غمزت.

طلعت وره اسلام دخل للادارة اخذ جاكيتة وطلع صعدت بالسيارة ساق بدون مايحجي واني هم استسلمت للنوم.

ماحست غير على صوت باب السيارة فزيت مخترعة گلبي يدك بسرعة تمنين اضربة لكمة على خلقته اشوهه على هل دكة..

نزلت عاندت بي سديت الباب بقوة درجه التفت علية خازرني

عفته ودخلت للبيت واحس صفحتي موتتني ذبت الجنطة بالصالة دخلت للغرفه بدون ماابدل تغطين ونمت.

ماحسيت غير على صوت ضجيج و طلق وصياح كعدت مخترعة احس گلبي وكع بسلا رجعو طلعت اركض مجرد شفت الي ديصير شهكت يتبع..

توقعاتكم للبارت القادم.

طبعا ماكدرت اكمل البارت وماهان الي اعوفكم بدون بارت لهذه ان شالله باجر الكم تكملة البارت.

والنشر بين يوم ويوم.

تفاعلو على الفقرات ترى تفاعلكم مو حلو  وينهن جيش الواتباد الي يتفاعل.

والبارحة لو مامتئذية ماقطعت البارت بس اليوم عوضتكم بارت دسم ههه

قصة  للخُلة رأي آخر

تكملة بارت ٨

بقلمي؛اورجانزا الطائي

.

.

.

.

.

.

.

.

.

.

.

.

.

.

.

.

.

.

...

طلعت  وره اسلام دخل للادارة  اخذ جاكيتة وطلع  صعدت بالسيارة ساق بدون مايحجي  واني هم استسلمت للنوم.

ماحست غير على صوت باب السيارة  فزيت مخترعة گلبي يدك بسرعة    تمنين اضربة لكمة على خلقته اشوهه على هل دكة..

نزلت عاندت بي سديت الباب بقوة درجه التفت علية خازرني 

عفته ودخلت للبيت  واحس صفحتي موتتني  ذبت الجنطة بالصالة دخلت للغرفه بدون ماابدل تغطين ونمت.

ماحسيت غير على صوت ضجيج و طلق وصياح كعدت مخترعة احس گلبي وكع بسلا رجعو  طلعت اركض  مجرد شفت الي ديصير شهكت

قطع سلسلة ذاكرتي صوت اسلام

_مو شلعتي لگلبي شگد تتصفنين..

ابتسمت بدون مااحجي  تنهد مسد على راسي گال

_ مابعد شئ وترجعين احسن من الاول، خلي ثقتج بالله..

نزلن دموعي حجيت

_والنعم من الله

حط راسة على راسي گال

_ الظاهر اليوم ماتخلص دموعج،  شلون هسة فهميني هية كم ساعه ونطلع تحملي ياملي عيوني مو شلعتي باب گلبي..

ضحكت  على كلامة   ابتعد وحجة

_ضحكي ضحكي هية الدنيا خلصانة خلصانة نوب شلون خلقة يربك دموع وضحكة   راحن عيونج يبعد هلي واحد واحد ومن ضمنهم ابوج.

ضربته بخفة على ايده حجيت

_لاتحجي على ابوي.

اخذ ايدي باسها گال

_لو ماابوج ماجان حصلت على بختي عمي ابوس راسة على هل بنية المشاكسة حصرا علية احجي حرف.

ابتسمت  هزيت راسي  اعرفة هل كلام يحجي حتى يغيرلي جو..

خلص اليوم بين شقة اسلام واتصالاتة الماتخلص واضح علية العصبية بس مجرد يشوفني مركزة وياه يضحك ويغير الموضوع..

مر ثاني يوم للعصر يالة طلعت.

   وكف السياره باب البيت نزل وتقدم علية شالني سد الباب برجلة.

فتح باب البيت دخلني لغرفتة عارضتة رفع حواجبة گال

_غرفتي حر بيها اطلع اطب غرفتج ويه طكاتج ماكدر حتى اطمئن عليج.

نزلني على الجرباية حجيت

_ليش باله اشو انت بالي يعجبك تدخل ومااحجي.

سحب الغطة غطاني وگال

_لا خُلوتي سوالفج طبليهن على غيري، كلش زين اعرفج من تضوجين ايش تسوين لهذه يا ماي عيوني كعدي وسكتي ترى مانسى خبالاتج..

قلصت عيوني حجيت

_اسلام تريد تعارك  ترة والله نعسانة..

ضربني باصبعة بخشمي گال

_تدرين عيونج قافلة فد مرة وارمات

_صددك والله

هز راسة گال

_اني لو بمكانج ماابجي لان عيونج زروف جفجير وطالعات ليبرة وهسة باجية والجفن مورم طالعة بيرفكت.

_اسلاااام لاتستهزء وكافي تقلد على عيوني ترة حلوات بس انت مدري شبيك..

باوعلي صفح گال

_اي عيون الفاندام ومادري كلهن على بعضهن زروف جفجير..

غطيت راسي بدون مااحجي وياه لان ضوجني  ثواني وخر الغطة گال

_صايرة قمة الانوثة على اقل شئ تتحسسين وين بان الي لو اكعد منا لباجر ميمشي عدها

دمعن عيوني حجيت

_تحمل خبالاتي ترى اعصابي تالفه على اقل شي ابجي  ساعة اضحك ومرتاحه وساعة ماعرف ليش بس ابجي واعاتب..

ابتسم طرف شفتة مسح دموعي گال

_ تهون وربج يعديها لاتهتمين بنيتي..

حضنتة وفقدت ابجي.

ضحك بصوت گال

'تدرين ابجي منا لبعد لحد مايخلص العمر بس هاا تبقين بحضني.

ماحجيت شي بقيت حاضنتة لحد ماغلبني النعاس ومااحسيت غير على بروده اجتاحتني و ملابسي ينجردن عني فتحت  بهدوء مجرد شفتة  تذكرت الي صار وياي قبل سنوات صحت بصوت

_شجابك هناا  

تقرب عليه اكثر گال

_غير احبج هل اجيت شلون ترضين مااكمل شغلي.

بلعت ريگي بخوف جسمي يرجف  اريد احجي عدل مااكدر  اتئتئ

_شتريد مني، انت واسلام اني شعلية؟!

ضحك وهمس بصوت ناصي

_وبسببج انت الي صار لو ماانتِ  ماخسرت سنوات من عمري بالسجن..

دنك علية گال

_ حالف ارجعلج هل لكمة..

بعده ماكمل كلامه مااحس بي غير لاكمني بطني  صحت بصوت عالي الم فضيح بحيث  كمشت بطني بقوة  وابجي اريد الالم يهدئ لان  وجع مميت..

صحت على اسلام اكثر من مرة ماكو مايرد علية.

دفعني من الجرباية  وكعت بالكاع فتحت عيوني اتلفت  اريد اشوفة ماكو..

كمت بالكوة  كامشة بطني اتذكر كسر شئ بالكاع بس ماكو..

مشيت خطوات هادئة مخلوطة بالخوف..

طلعت من الغرفة لكيت اسلام  يصلي تلفتت منا ومنا ماكو احد

كعدت على الكرويتة زاد الم  كبل مددت  بصعوبة اخذ النفس..

صفنت بالسكف دموعي تنزل وافكر.

معقولة حلم!؟  بس ليش حسيتة حقيقة! وليش جسمي يرجف وبطني توجعني؟!.

رجعت بذاكرتي قبل سنوات مبارا اسلام الي غش بيها خصمة..

طبعا خلصت المباراه بس على 

اخر ضربه الي هيه تكون مصيريه حتى يربح رفع ايده راد يضرب

بس فاجئني ماضرب و  الخصم مايتحرك والحكم عاجبة الوضع ولا وقف المبارا  

لحد ما كام اسلام عن الخصم راح  للحكم مااعرف شنو يحجي وياه..

شو مانحس غير اسلام لكم الحكم  بطنة..

وقفو المبارا واعتبرو الخصم الفائز لان اسلام تعدة على الحكم..

طلع من الحلبة ولا كأنو خسر  راح بالاستراحه رحنة وراه

لكيتة كاعد كامش راسة..

تقربت يمة حجيت

_اسلام.

رفع عيونة رمش بهدوء

كعدت يمة حجيت

_شبيك؟!

ضحك بستهزاء گال

_ شتشوفين

حطيت ايدي على كتفة حجيت

_متأذي

هز راسة گال

_ لامتعود

_لعد

_سلامتج.

ثواني دخل خصمة  لشوي گلت راح يتعاركون بس فاجئني من تصافحو  وخصمة اعتذر منة وتشكرة بنفس الوقت..

رد علية اسلام

_اهم شئ مااذيتك

ردعلية بأسف

_شوف دكتور الكمة  بمكان غلط واني تجاوزت بالكم  عكسك فضلت تخسر على تلكمني وهذة تحدد ربحك.

ابتسم گال

_ماصار شئ بس اتمنة ماتنعاد.

تسالمو وطلع الخصم  كعدت كدامة حجيت

_شنو گالك الحكم هل لكمتة؟!

ضحك گال

_يگول اخر لكمة تحدد مصيرك وماقبل يختم لان بي حياه..

نصدمت حجيت

_معقولة هو اشو يعرج وايده مهدوده مايكدر يحركها وركبته عوجه وبعد بي حياه؟!

هز راسة ضحك بستهزاء  گال

_اي بي روح.

كام وكف كمش ايدي گال

_خمس دقايق اغير واجي.

_مو تتاخر.

كرص خدي بضحكة.

راح اقل لربع ساعه  طلع سابح ومبدل حرك شعرة بيده گال

_تأخرت عليج؟!

_اي گلت خمس دقايق وزادن

ضحك و كمش ايدي طلعنة  من باب الخلفي  صعد  على الدراجة گال

_من هسة ممنوع تعيشين الجو تماسكي لان اسوق بسرعة.

ضحكت حجيت

_اوك موافقة

باوعلي صفح گال

_والج عين ترفضين؟!

هزيت راسي ضحك

صعدت وراه كمشت ضهرة ساق بسرعة  وكف يم مطعم اخذ اكل وكملنة طريق للبيت..

نزلت كدامة اخذت المفتاح من جوه السندانه فتحت الباب دخلت  نزعت الجاكيت وطلعت الاكل

حضرتة بمواعين 

كعدنة ناكل  خلص كام صلة صلاة الضهر والعصر  واني كاعدة يمة بالصالة.

كمل صلاة  كعد يمي گال

_بان ليش ماتصلين؟!

ارتاكيت على الكرويته حجيت

_انسة الصلاة او بالاحرى انسة الي احجي بالصلاه مثل سورة الفاتحة اريد اقراها ماعرف اضل صافنة لو اخبط بينها وبين قل هو الله احد..

ابتسم گال

_قصدج سورة الاخلاص

هزيت راسي حجيت

_اي هية.

ضحكت بس تذكرت هو مكضيها بارات ويصلي..

عقد حواجبة گال

_شبيج ضحكيني وياج

تحمحمت كعدت عدل حجيت

_تنطيني الامان احجي.

هز راسة مسد على لحيتة گال

_الج الامان احجي.

ابتسمت بحماس حجيت

_سؤال يطرح نفسة كل مااشوفك ليش تروح بارات  وسباقات غير قانونية  وتصلي؟!

عض شفته باابتسامة گال

_شكو شغلة طايحة حظ وزايعتها الدنيا اسويها  ولعلمج ضيفي الشرب هم الهن بس اصلي حتى مايتضاعف الحرام علية على الاقل اخذ ذنوب بس مااقطع صلتي ويه الله مو نفس بعض الناس  ماتصلي بعذر انسة..

_قابل مجذبة انت انسان مختلف.

ابتسم گال

_بان يمكن اني جهنم تگلي اهلا وسهلا تفضل مكانك محجوز من زمان بس ماقاطع صلتي ويه الله عسى وعل يغفر ما ربج غفور رحيم على عبادة..

ضحكت حجيت

_لا انت متفائل بجهنم

ابتسم گال

_حاسب لكل شئ،  وتعالي اقري هل دعاء هم يفيدج بمذاكرتج بالدراسة وهم بالصلاة

رب هب لي قلبا لايتكاسل عن صلاتك

او اللهم يامقلب القلوب ثبت قلبي على دينك

هل دعائين رغم قصرهن لاكن نفعهن هواي..

ميلت راسي حجيت

_ زين هن ثنينهن على الصلاه المذاكرى شعليها

رد

_نفس الشئ ثنينهن تذكير.

كام وكف گال

_انام ساعه  عندي حفلة تجين؟!

كمت وكفت حجيت

_اكيد شلون مااروح بس منو ياخذني انت لو دفنة

هز حواجبة گال

_اعوف السيارة لدفنة تاخذج بنص الحفلة  حتى كلها ملتهية.

_اوك لعد روح نام

ابتسم فتح لصيدلية طلع منها كريم  فتحه ودلك ركبتة تقدمت علية حجيت

_اسوي بمكانك

ضحك وغمز گال

_لا تسلمين اريدج للجبيرة نهه كلامه بضحكة 

دخل لغرفتة.

سبحت وطلعت سويت حليب وجاي بين ما صارت ساعه ونص كعدم اسلام  مبدل لابس بنطرون اسود وتيشيرت فسفوري فري سايز وكاسكيتة اسود  ضحكت على لون البنطرون والكاسكيتة ..

سلم طلع من البيت  هستوني سديت الباب ندكت فتحتها دفنة

سلمت علية ودخلت كعدت بالصالة

رحت بدلت و اخذتني دفنة وياهة نفس العادة لبست بنطرون جلد لون زيتي وجاكيت جلد لون اسود كاسرتهن بكيمونة لون نبيتي او ماروني داكن مائل للسواد..

وصلنة لمكان لحفلة ضجيج لابعد الحدود  اسلام واكف ومندمج وية الاغاني والموسيقى..

دفنه عافتني وراحت تركص تقربت على ميز وكفت  ومندمجه  بااسلام الي بالنهار مكضيها بارات سباقات غير قانونية وباليل يسوي فرائضة من الصلاة والدعاء..

ضحكت بگلبي حجيت

_والله عجيب حتى بالقصص مشايفة هيج بس دائما يجاوبني بثقة.

_ساعة لربك وعشرة الك.

ثواني وكف يمي عامل حط كدامي كاس  مجرد شفتة لعبت نفسي

راد يمشي وكفتة حجيت

_غلطان اني  ماطلبت

رد باابتسامة وهو يأشر على جهه الثانية

_دفع الحساب.

ركزت على الي دافع الحساب ماعرف وين شايفتة؟!

لحضات تذكرت هذه نفسة الحكم الي غش اليوم..

اشرت على الكاس حجيت

_اخذة ماريدة وگوله لايتلوك.

العامل صفت بوجهي وبالكاس.

هزيت راسي حجيت

_شبيك تصنمت دااگولك شيل هل سن الهاري من كدامي..

اخذ الكاس مشى خطوتين واسمعة يگول

_ناس بلا ذوق واحترام.

التفتت ردت احجي بعدين غلست لان تجاوزت.

صارت بيه سولة كل شي ملتفتة على الي دزلي المشروب 

اريد اعرف غايتة..

ضربت راسي بخفة حجيت ويه روحي

_عسى ما تاخذة المقبرة اني شعلية ليش اضل التلفت علية..

زفرت نفس  صديت على اسلام الي  رافع حاجبة ويباوعلي..

ابتسمت بوجهه صد على نفس الشخص ورد صد علية غمضت عيوني حجيت بگلبي

؛؛ والنبي خبلة شعليج بس تتلفتين اهمداج بعد شيخلصج من لسانة.

فعلا اقل اللربع ساعة خلصت الحفلة  واغلب الناس تاخذ صور وية اسلام.

وكف يمي نفسيتة انطاني كارت لون ابيض مااخذتة منه سحب ايدي حطه  وغمز   رفعته حجيت

_شسوي بي

رد بحقارة

_ تضاريس جسمج لفتت انتباهي هذه كارت الغرفة نقضي يوم مميز بعيد عن هل باز النذل..

كزيت على اسناني رجعتلة الكارت  ضحك شمر الكارت على الميز التفت مااحس غير لامس خل**** احس الحرارة صعدت بوجهي  صديت علية نطيتة بوكس بطنة.

كمش ايدي لافها لضهري گال

_شلون تجرئتي.

بعده مامكمل مااحس غير اسلام جاره علية يضرب بي خخفت على اسلام لا يتأذة   اصدقاء اسلام والولد بعدوهم واسلام هددة قتلة على ايدة..

دفع صديقة عنة جرني من ايدي   طلع  من باب الخلفي واني وراه   صعد على الدراجه  التفت عليه گال

_تحتاجين عزيمة يالة تجين؟!

صعدت بدون مااحخ  ث اني طار بيها نوب الهوة بارد يضرب بوجهي والدنيا ليل  ثلجت وهو يسوق سريع ولا مهتم.

لحد ما وصلنة  للبيت نزلنة راد المفتاح دور بجيوبة ماكو شال السندانة هم ماكو  التفت علية گال

_المفتاح يمج؟!

رديت

_لا مو يمي دفنة قفلت الباب..

رد بعصبية

_وليش دفنة تقفل الباب بيت منو هذه  ايش هل اهمال؟!

_لان طلعنه بالسيارة ودفنة نست الجاكيت  دليتها على مكان المفتاح رجعت اخذته وطلعت..

ضرب ايده بالهوة گال

_صبرك ياصبر  الضاهر اليوم نهايتي.

اتصل على دفنه ماترد فوك النص ساعه احنه بالشارع    واني اله شوي ابجي من البرد..

كعدت على درج حضنت رجلية ارجف ودفنه ردت على اسلام بس ماعرفت شنو گايلتلة بس واضح راح تجي لان رد عليها بعصبية

_فضيها عاد دفنه اقل ربع ساعة اريدج مشتولة كدامي..

فركت ادية وحده بوحده اريد ادفي تقرب يمي نزع جاكيتة گال

_لبسي لاتتمرضين.

هزيت راسي بنفي حجيت

_لا ماريد..

توقعت يلح لو هو يخلي على اكتافي  بس الي صدمني لبسة  ومشة بعيد عني..

اقل النص ساعة وصلت دفنة راح اسلام اخذ المفتاح فتح الباب  دخلت  كبل للحمام سبحت بمي شبة حار وطلعت لغرفتي بدلت بس ميتة برد درجه لبست كلاو وتغطيت..

اقل الربع ساعه سمعت صوته يگول

_ بااان تعالي بسرعة.

ضربت رجليه بالجرباية   طلعت من الغرفة حاضنة ادية بردانة..

واضح علية العصبية لان واكف  ويدك الحايط بااصابعة..

كعدت على الكرويتة سحبت غطة صوف تغطيت حجيت

_ها اسلام.

التفت عليه بلعت طن هوى شكلة عصبي كعد كدامي گال

_احجي ايش الي صار اليوم؟!

دنكت حجيت

_كل شي صار شفتة انت..

قاطعني بعصبية گال

_بان احجي من اجيتي للحفلة ولحد ما لكمتي.

بلعت ريكي حجيت

_من اجينة  دفنة راحت ويمك  واني وكفت قريب عليك بس بعيد عن الهوسة  والركص..

رفع حاجبة گال

_قصدج بالنص.

_هاا اي فا اا

احجي وين لسانج اكلته الفارة؟!

سحبت نفس عميق حجيت السالفة من البداية لحد الكارت سكتت

وكف كدامي گال

_ليش لكمتي مااشوف شئ يستوجب تلكمي وتصير هل مشكلة؟!

فتحت عيوني حجيت بعصبية

_بس الحيوان تجاوز وياي..

رفع حاجبة گال

_ب ايش حسب الي حجيتي ماتجاوز مجرد  دفع حساب مشروب؟!

خزرته حجيت

_حقك تگول هيج لان انت اضرب منه بالف مرة   او اكلك انتم الزلم كلكم زمايل وهمكم شهوتكم من الله قرضكم واخلص منكم حصرة علية اكول ارتاح يجيني حيوان شكل..

عفتة. گمت ردت اطلع جرني من ايدي عصرها بقوة گال

_احترمي نفسج بان لاتتجاوزين مو تشوفيني متساهل وياج والي تردي يصير بدون تعب وحق سابع حق يابان اكسر هل خشم الرافعتة

ونترج بطلي وسوالف الزعاطيط عوفيهن ترى زودتيها واني مالي خلك وداعتج احجي عدل گولي كذا وكذا الي صار وياي احسن من هل تلطلط بالنهاية تنحسبين علية..

كزيت على اسناني حجيت بحقد.

_من تحترمني احترمك ولاتشوف نفسك علية كلك على بعضك خلك ملاكم  زايعتة الدنيا  بالنهار بالبارات والسباقات الغير قانونية وباليل يركع لربة هه صلاتك للباب وترجع استاذ اسلام.

بلعت ريگي واردفت

_واذا على كلامك محسوبه عليك لعلمك اليوم وكدام الكل حكمك المشرف انطاني كارت فندق يريد يقضي وياي ليله لان عجبة تضاريس جسمي..

بعدني ممكملة كلامي ضربني راجدي احس خدي اشتعل نار من قوته وگال

_رجع الزمن وعاد الي صار قبل سنوات نفس حجاية امج حجيتيها  والنعم منج بنت امج.

دفعتة  ودموعي  ودموعي مغرغرة بعيوني

_قسم بالله يااسلام اله اندمك على هل راجدي  خاف جنت اميلك كصديق بعد لو تنصاغ ذهب ماالفيك

وامي تاج راسي الي معاجبكم يطك راسة بالحايط انت نفس هذه الي هوه كلة سيئات ويبيع مثليات

وباجر راجعة للعرق من طيح لله الحظ الي خلاني بحاجتك..

رد بعصبية

_اي تسويها بنت امج مو قبل سنوات امج هم رادت تبيع اختج بس على مود سفر وانت تكررين الي صار ما البنت بنت امها.

تنفست بعصبية  تقدمت عليه دفعتة  بقوة حجيت

_لاتعيرني  باامي ترى اهلك مو احسن من اهلي لو نسيت..

وامي تاركة خيركم من شركم عوفوها بحالها ول اگلك الصوج مو بيكم الصوج باابوي الي حجة هل كلام لأمثال الزلم، ولو حرام علية احسبك زلمة لان لو فعلا زلمة وبيك حظ ماتعيرني بزوجه عمك يالافندي.

بعدني ممكملة كلامي  كمش ايدي لواها ورة ضهري گال

_تمنيتج نفس سبيل ماترفع صوتها بوجه الصغير قبل الجبير..

تملصت منه حجيت

_ وين  اكو زلمه صاحي يحب اخوات ثنين بالبداية لبابة ونوب سبيل راد يجيني ركضت لغرفتي قفلت الباب..

دموعي نزلن مسحتهن حجيت

_والله فلا ابقة هنا..

سمعت صوت الباب يندك مارديت عليه  كعدت بالكاع  حاطة ايدي على حلگي ابجي..

ثواني مااحس غير نفتح الباب   كمت وكفت عثرت وكعت بالكاع  جرني من ايدي گال يتبع

_توقعاتكم للبارت القادم..

لاتنسون التصويت.