تحميل رواية «للخُلة رأي اخر» PDF

قصة للخُلة رأي آخر

البارت ٢٦

بقلمي اورجانزا الطائي.

.

.

.

.

.

.

.

.

.

.

.

.

.

.

.

.

.

.

الباب مفتوح دفعتة ودخلت لگيت خالد يضرب على خد بيارق ويصيح وجهة ازررگ والشفة بيضةة

شهكت حطيت ايدي على حلگي اسمع مرة جيرانة تگول

ماتت..

تقربت اكثر عليهم ول اول مرة اشوف خالد دموعة تنزل وحاط ادينة على صدرها يضغط..

ويضرب على وجهة ويرجع على صدرها..

كعدت يمه حجيت

_شبيها خالد؟!!

غمض عيونة شالها وگام گال

_تعالي غزلان..

گلبي رجف من شكلة وكلامة..

رحت وراه.

حسيت اليي يصيب بيارق بسببي..

جهازي يدگ بيدي نفس رقم مؤتمن فتحت خط حجيت

_بياااارق ماااتتتتت بسببي..

رد

_ريمييييي شتحجيننننن شكووووو فهميني اختي شبيها؟!!

زدت بالبجي حجيت

_الله يـاخذنـي من وراي راح تمووت.

رد

_يا مستشفى هسة!؟

مسحت دموعي حجيت

_*** لاتجي مؤتمن خالد هنا.

رد بعصبية

_لاتخليني الطخ راسج براسة اختي هااااي ويا خالد حسابة يمي كل الي ديصير من راااااسة اليااابس.

سد الجهاز.

طلع الدكتور گام خالد واني رحت يمة.

_ عدت على سلامات، انهيار عصبي وارتفاع ضغط.

سببت هل حالة.

بس ياريت لو تبتعد عن العصبية.

رد علية خالد

_شوكت اكدر اطلعها

جاوبة

_ساعتين تلاثة.

رجعت كعدت ارتاحيت نوعا ما..

بس بقيت محملة روحي سبب وكعتها..

مر وقت وخلصت او نص ساعة.

تقرب عليه كعد يمي گال

_ ماتعرفين شلون صار بيهة هيج؟!

صفنت بوجهة بدون ما احجي.

كمش ايدي گال

_غزلانة لاهيج تسوين حقج علية، بس تصرفاتج تنفرز هل عصبت وهذه ابد مو طبعي.

دنكت حجيت

_عادي..

ترك ايدي عقد حواجبة گام وكف گال

_شجاابك هنا.

التفتت على المكان الي مركز علية خالد ويحجي نصدمت بمؤتمن ماتوقعتة يجي.

عينة مركزة علية عض شفتة وغمض عيونة بقوة گال

_شلون صارت بيارق؟!

تقرب علية ماعرف شنو گال درجة مؤتمن كور ايدة وغمض عيونة.

ابتسم بعدم اهتمام ودفعة بخفة گعد مقابل غرفة.

صديت على خالد جر مؤتمن من قميصة ودفعة گال

_حلم ابليس بالجنة شوفتك لها.

اطلع منا لا والخلق ادم اعيد تربيتك.

ابتسم گال

_اخوي وتمون..

ضربة بوكس بوجهة گال

_مؤتمن ابعد عن الشر وانگلع لاتشوفني خلقتك.

غمض عيونة بقوة گال

_ مو يمك با ارض لله الواسعة.

لوة ايدة گال

_من لفتك هل ارض يا حيون امشي منا ابوك وتبرة منك بعد انت منو اصلا غريب.

رد علية مؤتمن

_بجال ابوك جنت غريب تخليتو عني بوقت ما جان عندي الفلس وما استبعد هل شئ منك انت وابوك.

يا خالد الگلب يتناسة ما ينسة.

ومالي ذنب اذا هي ماحبتك وركضت وراي.

حقدك وغلك بطلة يا خوي لان قسم بالله اطشركم فوك ما انتم مطشرين.

مجرد گال هيج مؤتمن وما احس غير خالد يضرب بي بحيث دم من وجهة مارف منين ينزل..

او علية الدكاترة والممرضين اخذو خالد طلعو ومؤتمن كعدو يعقمولة الجروح..

حقدت على خالد لان هيج ضربة بس صدمني مؤتمن ابد ولا مد ايدة علية رغم هل ضرب..

كملو تعقيم وهو يهز برجلة حركة سريعة.

صد علية گال

_شلونها؟!

باعت ريگي حجيت

_زينة بس تعدي تلث ساعات و يطلعوها...

هز راسة بدون ما يحجي.

مر وقت گام حجة وية الدكتورة ودخل على بيارق.

اقل النص ساعة طلع عيونه حمرر وعاقد حواجبة.

وكفت يمة حجيت

_شبيك؟!

صد علية گال

_مهتمة لو متشمتة؟!

صفنت بوجهة ثواني ابتسمت حجيت

_شتگول انتَ مهتمة لو متشمتة!!

شبة ابتسم غمض عيونة گال

_الاثنين سوة مو..

هزيت راسي حجيت

_لا.

عقد حواجبة گال

_هنيالة الي يحضة بيج..

اخذت نفس حجيت

_ منو گالك ادخل احد لحياتي؟!

تقرب علية همس

_دخلي خلگ الله كلها بس لاتكسريني ب اخوي.

فتحت عيوني بصدمة حجيت

_شگد نذلل

حط اصبعة على شفايفة گال

_شش سمعي للاخير.

خالد اخوي واعرفة اكثر من روحي مايلقب احد عبث..

ديري بالج واياني ايجاج تبقين يمة.

كل الي بالة اني ماخذ حبيبتة وعلاقتنة مو صلح.

توقعي ينتقم مني بيج..

وانت ما شاء لله شلون قوية وتواجهين تخلينة يرجف رجف.

رديت علية بخوف

_لاتگول هيج خالد حباب احسن منك.

ضحك بستهزاء گال

_مو هية هيتة ولدتنة نفس البطن

صديت علية صفح حجيت

_اي والله صدك ثنينكم نفس النذالة بس خالد اهون منك..

هز راسة گال

_اي لان يجامل و كلاوجي.

قبل ما احجي طلع..

فاتت الساعتين وصحت بيارق انطوها مهدئات ورجعنة للبيت طول الطريق ما باوعت بوجهي وكف السيارة ونزلنة صعدنة للشقة .

عدلت فراشها نزلها خالد على الجرباية غطيتها جرته مني غطت راسها كالت

-خالد اريد انام تعبانة سدو الضوء وطلعو

فهمت قصدها ماتريد تشوفني

طلعت من الغرفه قبل خالد ردت ارجع لشقتي ناداني

-غزلانة تعالي اريد اتفاهم وياج بموضوع مهم .

التفت حجيت

-تفضل اسمعك

تحمحم مسد على شعره اشر على الكرويتة

رجعت كعدت وكف كدامي كال

- غزلانة اني ابد موهيج بس مؤمن عصبني وو

قاطعتة حجيت

-واني شعلية انت واخوك .

رد- اي اعرف بس لايلعب بعقلج.

هزيت راسي وگمت من يمة.

رجعت لشقتي.

مشت الايام. عدت فترة معينة.

وانس تغير جذريا وياي.

ابتعدت عن بيارق وخالد.

دورت عن شغل ولگيت بمحل حلويات.

دوامي اعكس شغلي.

ايام ما اداوم وايام ما اشتغل.

حتى استاذ إسلام انتبة علية.

دز علية رحت

دكيت الباب دخلت.

اشر على كرسي كعدت حجيت

_استاذ طلبتني؟!

هز راسة گال

_ شدعوه هل غيابات لي هاملة دراستج.

نزلت راسي حجيت

_ضروفي تجبرني.

_ليش تركتي العياد ة؟!

صديت علية متفاجئة

_مسد على عيونة گال.

_لاتستغربين اعرف عنج كل شئ.

بلعت ريگي حجيت

_شلوون!!

ابتسم گال

_حاليا تشتغلين ب****.

ضحكت بقلق حجيت

_اي صحيح

تنهد گال

_غزل انت بنت اليوم الفات مات لاتهتمين لكل شئ صار.

هزيت راسي حجيت

_ان شاء الله استاذ.

ستأذنت منة وگمت ردت اطلع گال

_غزل تعرفين ب مؤتمن طلك ماري قبل اشهر.

صديت علية مصدومة..

ابتسم گال

_اذا بيوم من الايام رجع الج سمعي لحد مايكمل كلامة ترى الي صار مو ب ارادتة..

اعرفة اكثر مما انت تعرفي، وحاليا اطلب منج بس تسمعي..

بلعت ريگي حجيت.

_ماعندي ثقة...

_تعذب ونذل ونخذل من اقرب ناس الة.

هزيت راسي وابتسمت.

طلعت كملت الحصص ورجعت للشقة.

اليوم ما رحت للشغل.

دورت على انس ماكو.

اتصلت علية مايرد.

سبحت وطلعت من الحمام.

لكيتة راجع.

كعدت كدامة حجيت

_شبيك انس؟!

هز راسة بدون ما يحجي راح لغرفتة.

سويت اكل صحتة اجة اكل وياي.

كمل وكام كعد بالصالة غسلت المواعين رحت يمة.

كعدت ركزت بوجهة عيونة مدمعة.

مر وقت وهو يتابع.

لحضات كام وكف تقرب علية حضني ويشاهگ..

نصدمت بادلتة الحضن.

مر وقت ابتعد عني گال

_اريد ارجع للعراق.

_ليش؟

مسح دموعة بيدة گال

_ ما اريد ابقى هنا.

گمت وكفت حجيت

_غير اعرف ليش ياحبيبي

هز راسة وراح لغرفتة.

تنهدت رجعت لغرفتي اخذت نفس عميق ومددت اخذت الجهاز گلبت بالتطبيقات.

لگيت بان مراسلتني تريد ترجع للعراق لان عدها حفلة عقد.

رديت عليها

_شتصير منج گمرة؟!

ردت

_بنت عم ابوية وصديقتي هو المفروض اناديها عمة بس لان قريبة لعمري.

ختمت المراسلة وياها ودك جهازي رقم مؤتمن.

مارديت ضل يدك خمس مرات اخر شئ اجاني طلب مراسلة على الانستا كاتب

_ فتحي خط لو تراسليني منا شغلة كلش مهمة.

رديت علية

_شتريد؟!

رد

،، اريدج.

_اني ما اريدك.

،،اي اعرف المهم باجر لازم لازم اشوفج.

_ليش شكو!

،، اذا تردين تعرفين سبب الي عفتج بالزفة تعالي.

_گول هسة

؛لا ما اگدر.

_ليش شنو لي يفرق

، يفرق هواي اولا اريد اشوف ردة فعلج.

_وثانيا؟!

، عوفيها ليوم ما اشوفج اگلج عليها.

_لا گول هسة.

، سويلي چاي باجر العصر يمج.

_شتحجي شبيك تخبلت دا اگلك لاتجي.

، اي واني امشي بكيفج.

_غصبن عليك عود ما الك حق علية.

،عود من اجي گولي غصبن اريد اسمعها من اشوفج.

ابتسمت غمضت عيوني.

نفضت الافكار سديت الجهاز واحاول انام..

مر وقت واني اتگلب.

گمت سبحت ورجعت اريد انام هم ماگدرت.

اخر شئ اخذت جهازي لگيتة متصل قبل تلث دقايق.

وصلتني رسالة منة فتحتها كاتب

_ساعة ستة الة ربع واكف قريب على البناية نزلي.

رديت

_بعد وقت.

؛ تنزلين لو اصعدلج!؟

_انتضر ربع ساعة.

؛ شعندج هل وقت خمس دقايق هواي اصلا

ما رديت علية طلعت ملابس بدلت فد مرة حتى اروح للمحل هم.

لفيت حجابي ونزلت.

صارت سيارتة گدامي رحت صعدت.

ساق السيارة صفها صد علية.

اخذ جكارة شغلها وفتح الشباك.

مر وقت والهدوء سيد المكان

تنهد گال

_احجيلج كل شئ بس ممنوع تنطنطين.

ما رديت وهو اردف.

_سنة ٢٠١٢ خالد

جان يحب وحدة من اقاربنة تقدم الها وابوها وافق كون والدي صديقة المقرب ووالدتي كذالك.

اسبوع واجة ابوها هاد.

عدل بدل يمعود ما كو قافل بس يصيح.

طلع جهاز بنتة بي مراسلات بينها مابيني.

والسيمكارت اصلا جان عند خالد بوقتها.

صار مشادد بالكلام بينة وصل درجة والدي يضربني.

طلعت من البيت بيومها فاير دمي.

ما رجعت غير بتلاثة باليل كلها مخمودة.

كعدت خالد حجيت وياه واتضح شكي بمحلة لان من سألتة گال

.. اي اني عندك مانع؟!

بيومها تخبلت لان الصور الي شوفنياهن يوكفن العقل وهو الي ان يحجي وياها بصفتي.

ومن واجهتة يگول ماريد وحدة تحب اخوي.

حجيت لوالدي الي صار وخالد نكر كل هل حجي.

عاد طلبت احجي وية البنية وفهمتها كل الي صار.

وبالاخير اكتشف والدي الحقيقة توقعتة راح يحجي وية خالد ويوكفة عند حدة بس الي صار فسخ الخطوبة منها وخالد گال البنية ماخذها مؤتمن ومتمم كل شي.

كدام وحدة ثرثارة عاد هي ما كذبت خبر طشتة.

والي تأثر من كل هل موضوع اني.

ماكتفو بهل حد من الفضيحة.

وصل لخبر لاهلها واجانة ابوها هاد يابة شكو بنتنة تكول مؤتمن متقربلي.

بيومها حتى كفر كفرت من وراهم احجي محد يصدك وابوي الله يرحمة عندة خالد وبس.

سولفت ل اسلام على كل الي صار وهو اقترح علية انو يسوولها فحص..

خالد اول واحد رفظ بحجة تفضوحها وعندنه اخت

هو ما فكر من البداية ب اختة.

مامشيت بكلامة وحجييت وياهم اذا تطلع مو بنية حتى لو مو اني متقربلها اتزوجها واني الممنون.

وافقو اخذوها للدكتورة بعد الفحص اتضح هي بعدها بنية.

من يومها بعد ما بقيت بالعراق لان الي صار وياي مو شوية ومحد وكف وياي غير اسلام.

اخوي ابن امي وابوي هو الي سوة هل مكيدة علية.

وابوي من عرف وياي الحق صف وية خالد.

بنيت روحي بماليزيا كونت حياة واسم.

ومحد يگلي على عينك حاجب.

من ارجع للعراق اشتغل ومن اجي لماليزيا اشتغل ضغطت على روحي بالشغل لا اطلع ولا اطب كله شغل بشغل.

خالد كون نفسة والحظ الزفت هم اجة لماليزيا فتح عيادة.

تخيلي ربع دينار ما صرف علية ابوي.

يحتاج يدز علية وارجع للعراق انطي.

مشت هل سنين كلها ولحد ما راسلتني بنية على الانستا گالت

_مو عيب عليك هيج تحجي على البنات ماعندك اخوات.

تواصلت وياها وفهمت الي تحجي عنة حساب فيس بااسمي وصورتي يتحرش بالبنات.

ضليت ورة هل سالفة لحد ما عرفت الي ورة هل سالفه كلها خالد.

هم بيومها رجعت للعراق وحجيت كل شي لوالدي.

بس نفس العادة وكف وية خالد على انو شاب ومن حقة.

بعدها ولا وصلت للعراق.

ورة فترة حجة وياي إسلام يريد ينقل بنت عمة هنا.

صفيتله كل الاوراق ونقلت هنا وخلصنة من هل سالفة.

بهل فترة تصالحت وية والدي.

ودخلت شراكة بشركة..

إسلام شكد حاول ما ادخل وياهم بس اصريت لان الربح زكلش جبير وبهل وقت جنت جامع مبلغ زبن.

وراها رجعت اشتغل بين شهر وشهر للعتبة

بهل وقت آصف كذا مرة خطب بيارق رغم الكل يوافق بس اني ارفض لان اخاف لايصير وياها نفس ماسوة خالد.

وللحظ بعدها شفتج من گلتيلي عمو.

شفت حرص اصف عليج خاصتة بالبداية ما توقعتة هو نفسة.

من رجعت وهم طلبها منة ورفضت لحد ما تأكدت هو اخوج وافقت بس حتى اوصل الج.

بعدها للصدفة تعاركت وية واحد من المنطقة وعبرت على بيتكم هنا اصريت عليج.

يمكن اذا اگلج ماشايف نفس برائة ملامحج وطفوليتج والاهم انت على نياتج وصعب الگة وحدهة بهل وقت.

والاكثر حلفت ما اخذ وحدة من الاقارب لان وداعتج عقارب.

بيوم الي تممت زواجي منج صادف الصبح حركو بيتي ومخزني وما اكتفو بهل شي ماركت كسرو تكسر وباليل دزولي تهديد.

اذا ما ارجع بهل يومين يرفعون علية قضية بيع مخدرات ونصب واحتيال.

بوقتها ما اهتميت ودزيت إسلام هو الي يساعدني.

وهذة السبب الي ما جنت اريد العجلة بالعرس.

وبيوم عرسنة بالتحديد من طلعت من يمج دزولي صور اسلام.

خاطفينة ومعذبينة انواع التعذيب..

بيومها لا اكدر ابقة ولا اروح.

إسلام اخوي وصديقي الي وكف وياي وانت بنية گلبي.

بيومها اتصلت على خالد وگلتله مرة وحدة بحياتك ساعدني و اخذ ريمي من القاعة وديها لبيت اهلي واني ارجع ثاني يوم.

هو اتفق وياي وگال عد عيناك..

اخذها من غرفة التبديل واذا گالو اگول اخذها مؤتمن للاستوديو.

نهيت الاتصال ب انت ترحين لاهلي وثاني يوم ارجع.

بس الي صار خالد وللمرة الثالثة يخذلني.

وهو يعرف كل الي صار بدل مايسوي الي حجينة بي راح وگال

.. مؤتمن سافر.

ضرب على الستيرن بقوة گال

_هذة الحيوان الي دافعتيلة هو هذه الي خذلني.

عصبي حيل بحيث يحجي ويضرب بالستيرن وباكيت جكاير خلص..

طول مايحجي دموعي تنزل..

ابد مامصدگة خالد هيج يسوي..

بلع ريگي ورجفة واضحة بكلامة. گال

_ وصلت ماليزيا عبالج تلكوني بالاحضان لا الله شاهد على كلامي ومامستعد ابرء روحي بس والله العظيم شهرين عدل محتجزيني يمهم.

انوع العذاب عذبوني لحد هل يوم العلامات طابعة على جسمي.

إسلام طلعو مجرد وصلت ماليزيا.

شكد حاول يوصل الي بس عبث ولا كدر يوصل.

درجة تخيلي حاجي وية خالد وهو گايلة متبرين منة.

خصم الكلام اشهر واني محتجز محد گدر يوصلني غير إسلام والشرطة طلعوني.

بالف ياعلي يالة استعاديت نفسي.

وبيوم الي رفعت قضية عليهم اتصل والدي لان عرف متمم زواجي منج هد وعد وصف وسد الجهاز.

بيومها اخذت غراضي وگلت ارجع للعراق واحجيليج الي صار كله بس الحظ وللمرة المليون يوكف ضدي ومن المطار اعتقلوني.

تهمة تجارة مخدرات.

حاولت وحاولت اوصل لخالد وهو مايفتح.

لحد ما اتصلو على والدي وهم گايلهم اني متبري منة.

خلصت هل سالفة كلها.

بس بيومها وصلي خبر وفاة والدي وخالد ماحاول يساعدني.

تواصلت وية اسلام وگدر يوكل محامي وعن طريق واحد صديقنة تيم گدرو يطلعوني من السجن بعد ما اكلتلي ١٥يوم.

كل دقيقة شاهد عليها إسلام تعذبت عذاب شفت النبي عربي لا ليل ليل ولا نهار نهار.

واصدمج منو الي گدر يوصلي مبلغ حتى اخلص من السالفة.

_منو؟

تنهد واخذ نفس عميق باوعلي صفح نزلت دمعتة گال

_نفسة الي بيوم من الايام عفت اختة بزفتها...

رمشت اكثر من مرة حجيت بخوف

_ققصددك منوو؟!

بلع ريگي گال

_آصف هو الي ساعدني وهو يعرف كل شئ حتى ب اتمام زواجي منج يتبع...

_توقعاتكم للبارت القادم.

_تفاعلو على الفقرات🖤

_بنات النجف باجر اني يمكم 🖤🥺

قصة للخُلة رأي اخر

البارت ال٢٧ قبل الاخير من حياة ريمي.

بقلمي اورجانزا الطائي.

.

.

.

.

.

.

.

.

.

.

.

.

.

.

.

.

.

.  صعب أن ينتهي الحب الصادق بفعل فاعل..

تنهد واخذ نفس عميق باوعلي صفح نزلت دمعتة گال

_نفسة الي بيوم من الايام عفت اختة بزفتها...

رمشت اكثر من مرة حجيت بخوف

_ققصددك منوو؟!

بلع ريگي گال

_آصف هو الي ساعدني وهو يعرف كل شئ حتى ب اتمام زواجي منج..

مسحت دموعي حجيت

_ ششنو شلوون عرف!؟؟

صد علية ركز بعيوني گال

_قبل وفاتة بشهر التقيت بي بالنجف.

وكعدنة سولفنة وتصافة كل شي بينة.

بس الفلوس  وصلن من خلال صديق يربطنة ثنينة..

دموعي تنزل بسرعة بحيث ماگدر اسيطر على نفسي..

عضيت شفتي حجيت

_يعني  هوو يعرف؛!!

هز راسة بقبول.

شهكت حجيت

_ابد ابد ما حجة ولا گال اصلا مت جاب طاري..

ارتاك على الكشن گال

_تدرين من حجيتلة شنو گال؟!

ثصض

رمشت بخفة حجيت

_شنو؟!

حط ادينة على راسة گال

_ هي زوجتك امام الله ما الي حق اعترض على الي صار.

بس كسرتك الها ما انساها..

ريمي طفلة لاتنغر بشكلة ترى اذا تنطيها نستلة تسكت.

وماكذب بكلامة انت ماعرف الله من شنو خالقج الي يضرج ويوكف ضدج تضحكين بوجهة ولا كأنو صاير شئ.

صديت علية

_ماشيتها وية الدنيا بالعدل ماعندي  كيد.

رفع حاجبة گال

_والكيد شعلية، شبيج باباتي اگلج من زوجة ابوج وغسلت ايدي منج.

ماهتميت لكلامة لان اريد اجابة لسؤال..

ركزت بملامحة حجيت

_شنو شعورك من مات ابوك؟!

صفن بوجهي وعيونة تتنقل بملامحي  فات وكت صد ليگدام گال

_الله انطا والله اخذة.

وابوي مات مو بسببي لان اني ماضريتة بشئ.

الشخص لوحيد الي جان ضميري لاعب لعب بية هو آصف بس من حجيت وياة  ارتاحيت وبعد محد يهمني.

صد صفح گال

_لان اني مؤتمن مو ريمي..

رديت علية بضوجة

_وشبيها ريمي مو والله كرهت روحي..

ابيتسم گال

_اريد اطلع ضعيفة الشخصية الي بداخلج وبس.

صديت على الشارع حجيت

_بس اني عاجبتني  وانت منو حتى تطلعها؟!

_بيوم من الايام جنت مهم. 

التفتت علية بدون مااحجي..

ابتسم گال

_ريمي..

_همم

بدون سابق انذار كمش ايدي  وگال

_ بعدج ساكنة ومستحوذة گلبي..

_ مستحوذة وتزوجت؟!

ضغط على ايدي گال

_ حتى انساج داويت الجرح بالملح..

_بس واضح عليك تحبها..

غمضت عيوني

احس روحي متعذبة لا هي للحياة ولا هي للموت.

صدمني ردة العصبية

_ احبها!! ولج لحد هل لحضة مامتقربلها ماگدر نفسي ماتريد غييرج.

ولعلمج ما اختاريتها هيج دورت على شبيهة من شبيهاتج الاربعين.

والله العظيم  ردتها تشبهج بكل شئ بس عبث مالگيت الفاهية الغبية الي حبها گلبي.

صديت علية حجيت

_ شبيك انت بس گلي ليش هيج

ضحك بخفة گال

_هاي فوك ما اتغزل بيج؟!

رديت بعصبية

_ غزل معوق وداعتك، وين اكو بشر يتغزل ويگول

الغبية الفاهية.

ابتسم تلمس حاجبة گال

_اصلا شلت ذنب الفاهية لان انت ماخذة اوسكار.

_مؤمنننن

ابتسم ميل راسة گال

_ يا ملح عيون مؤمن..

ماتدرين بية شگد مشتاگ لهل گلمة..

_ياكلمة؟!! 

ابتسم  وفتح الباكيت طلع  الجگارة شغلها واخذ نفس  ذبة بوجهي اختنكت گال

_   مؤمن زمان على اخر مرة سمعتها..

فتحت الشباك مايفتح  صديت علية حجيت

_ ليش مايفتح؟!

باوعلي صفح گال

_ حتى الي يصعد مايدخن.

_ليش عود اول مرة اشوف واحد يقفل الشبابيك وهو يدخن.

تثاوب گال

_صاعدة بسيارة باز؟!

رديت

_هذة منو  ترى ما اعرف احد هنا.

قلص عيونة گال

_الي يدرسج ماتعرفين منو؟!

_شنو ما فهمت ترى احجي.

_تعرفين اسلام؟!

_اي اعرفة.

حط راسة على الستيرن گال

_هو باز الزبدة  صادف عدنة حفلة واصدقائنة ويانة شعلو الجو بالجگاير صارت ريحة السيارة جگاير.

ولهل سبب قفلت الشبابيك وإسلام  سوة نفسي هسة مرتاحين  اذا يدخنون هم الي يختنكون.

تفاجئت بخباثة ولا توقعت هيج..

صديت علية حجيت

_مو خطية

_ماكو غيرج الخطية مو شايفتني كاص روسهم.

دك جهازي رفع راسة عاقد حواجبة.

رفعت حاجبي حجيت

_هاا

صد على صفحة

فتحت خط حجيت

_هلا بان.

ردت

؛ هلا بالحب كلة اي شخبارج

صديت علية حجيت

_مو زينة.

صد علية رافع حاجبة.

ردت

؛ عسا بتمن ولابيج يارب كل الضوجة تروحلة اله.

باوعتلة فاتح عيونة مصدوم.

ضحكت حجيت

_مو خطية يمعودة..

ردت:؛ يولي هل غوريلا

ضحكت بدون ما احجي شئ.

ومؤتمن يهز بيدة ما عاجبة الحجي.

سولفت وياي وسدتة  .

صارت عيني على مؤتمن حاضن ادينة ورافع حاجب

قلصت عيوني حجيت

_ها شكوو

ركز علية گال

_مؤتمن حديث الساعة الضاهر.

ارتاكيت على الكشن حجيت

_ما جبنة طاريك جنة نحي عن تمن انت شعليك وشدخلك بي؟!

هز راسة گال

_الي جنتني تحجين وياها بان؟!

_اي بان ليش؟!

_سوالفج بطليها ترة اعرف بهل خوش بنية  تناديني تمن مرة عينك عينك گالتها گدامي.

شگد إسلام يحجي وياها بس هي قافلة.

ضحكت حجيت

_لاتحجي على بان

_اويي عيني ماتقبل ينحجي على حبيبها.

ضحكت  حجيت

_ليش محروك دمك هيج

_اصدك لو حجو علية گدامج تدافعيلي؟!

ابتسمت حجيت

_ اذا الحق وياك ادافعلك..

_ماعندي شگ..

ضحكت حجيت

_مو هستوك تگول لو حجو علية تدافعيلي!؟

ابتسم  وركز علية گال

_ردت اشوف ردة فعلج لا اكثر.

رفعت حاجبي حجيت

_اي وشنو استنتجت من ردة فعلي؟؟

_شعليج؟!

باوعتلة صفح واخذ الجهاز. شفت الجهاز شهكت   صديت علية

عقد حواجبة گال

_شبيج!؟

رمشت حجيت

_ساعة تسعة واني گاعدة يمك.

_اي و اذا قابل اگلج لو اغتصبج، هستوج تذكرتي؟!

_يوووو شبيك مؤمن  تعرف قصدي بس مادري شبيك.

راح انزل لان عندي شغل.

_يا عيني العايقة، انتضري  ثواني.

شغل السيارة ومشة مسافة الطريق  وكف السيارة گال

_يالة نزلي وصلنة.

صديت علية مستغربة

_شمدريك هنا اشتغل؟؟

ابتسم صد عليه صفح ومسد لحيتة بيده گال

_  اتفة تفاصيلج اعرفها...

ضحكت ونزلت سديت الباب ردت امشي وكفني صوتة يگول

_على كيفج ياب على الاقل انطيني الاجرة!؟

ابتسمت بهدوء وكملت طريقي دخلت للمحل سلمت ودخلت للمطبخ

اشتغلنة كيك وحلوى اخر شئ صاحتني صاحبة لمحل يم قسم المكسرات.

رحت وكفت  احط بمغلفات وهي تحاسب.

لل١٢ونص الظهر على نفس الوكفة احس ظهري نكسر.

هستوني كعدت   اشرتلي اجة زبون.

گمت بتعب وكفت ميلة راسي  .

والزبون مدنك راسة لابس كاسكيتة مواضح شكلة.

اشر على كذا نوع واني اطلع  صديت علية لان كل شوي يغير نوعية ومايحجي بس يأشر.

ضحكت  وميلت راسي حجيت

_اثبت على رأي مؤتمن.

ابتسم گال

_ من هذه.

طلعت اله  انطيتها تحاسب ستوقفني صوتة يگول

_ ريمي هي الي تدفع.

صديت عليه متفاجئة.

بعدني محاجية وردت علية صاحبة المحل

_ماعندي بهل اسم.

تلمس خدة واشر عليه ردت

_تقصد غزل.

رد

_اي

صدت علية گالت

_تعرفي؟!

قبل ما احجي گال

_اي اخوها عندج مانع؟!

ردت

_لا

صدت علية گالت

_اخصم من يوميتك

ابتسمت حجيت

_اي اذ ممكن.

هزت راسها.

صديت علية خازرتة لان الي اخذة يساوي ثلث يوميتي..

ضحك وطلع من المحل

للتلاثة رجعت للشقة  بين ما سبحت وبدلت ودرست  خلص الوقت..

مر اليوم نفس باقي الايام روتين. مؤتمن يراسلني واجاوبة.

خلصن الخمس اشهر ومؤتمن هو ياخذني من لبيت للثانوية او الشغل.

بس بالمقابل مكسرات.

حسيتة صار اقرب الي  من قبل ما يكمل يومي اذا ما نحجي سوة..

ختمت اليوم بمراسلتة سألني سؤال حرت شنو اجاوبة..

_ لو بيومعت من الايام عرفتي شئ عني وهل شئ لازم ماتعرفي شتسوين بهل حالة؟!

صفنت على المراسلة لوقت اخر شي كتبت

_ كل شئ يطلع منك ما استغربة..

دز اوك.

ضجت كلش لان مارد و سؤالة هم يحير..

وقتت جهازي بالستة،  وخليتة على الميز.

من بعد وقت كلش طويل گدرت انام..

حسيت على صوت المنبة  بدلت وغسلت  صارت بالسبعة ونص نزلت من الشقة..

صار گدامي خالد يريد يدخل للشقة بيدة علاكة صمون.

ابتسم گال

_ الكلب الي عضج كتلتة.

مافتهمت قصدة  ابتسمت بدون ماااحجي.

دك جهازي مؤتمن  تلقائية ابتسمت  صديت على خالد حجيت

_عن اذنك.

عفتة ومشيت بسرعة.

وكفني صوتة يگول

_متغيرة حيل غزلانة..

صديت عليه حجيت.

_هي الدنيا كلها متغيرة بقت علية؟!

ولا تغرك المضاهر خالد تراهة خداعة كدامك مراية  بضهرك سلاية.

عقد حواجبة مبتسم  التفت صفح گال

_والله وگدر يغيرج كفو منة سوة شغلة بيها حظ بحياتة.

_لاتحجي علية خالد.

رفع حاجبة گال

_ ترى اخوي ويحقلي اطيح صبغة هم.

رديت علية بستهزاء

_اي طبعاً  انت الواعي المثقف الي مايقبل  يدخلون عيادتة رجال بس الاناث..

ضحك بصوت عالي گال

_مو گلتلج  مغيرج هوااي وين راحت غزلانة البريئة؟

_والله الي من حولي هم الي تغيرو مو اني الي تغيرت،  وانت واحد منهم خالد.

هز راسة اخذ نفس عميق گال

_صايرة تردين بدل الحجاية الف وتگولين الي من حولي متغيرين.؟ 

لعلمج جنت قبل اشوف لمعة برائة وخوف بعيونج هسة اشوف الحقد والغل مستوطنهن.

ابتسمت حجيت

_لاتشوفني بعين طبعك وشكرا على هل كلام من الصبح.

عفتة وكملت طريقي لگيت سيارة مؤتمن صافة قريب على البناية فتحت الباب التفتت  شفتة بعدة واكف بمكانة.

صعدت سديت الباب حجيت

_صباح الورد والياسمين

رفع حاجبة گال

_ها من شوكت تصبحين علية؟!

قلصت عيوني حجيت

_عجبني اصبح عندك مانع.

هز راسة بدون مايحجي.

وصلني للمحل وراح.

نفس العادة اشتغل بركن المكسرات..

خلص دوامي لل١ونص الظهر.

رجعت للشقة.

تفاجئت لان ما اجة ياخذني.

وصلت للشقة اريد افتح الباب طلع خالد من الشقة شافني ضحك گال

_الدنيا ما دوم لاحد..

مافهمت قصدة وماهتميت..

دخلت  اخذت ملابس  سبحت وطلعت.

طلعت فلم اتابعة.

مر وقت مليت لان ما اتصل علية.

دخلت لمحادثتنة عبارة عن ضحك وسوالف.

تعلقت بي اكثر منن الاول يعني من صدك هسة ياله لگيت حبي الحقيقي.

اخذت نفس براحة  صارت صورنة كدامي تنهدت بست صورتة وحطيتها على گلبي  نزلن دموعي تلقائية..

رددت وية نفسي

_اني احبة اي احبة واعشقة  هم..

ضحكت على غبائي احجي وية روحي..

رفعت الجهاز صارت صورتة كدامي.

اشرت علية حجيت

_احبك انت احبك  بس ماعندي القوة حتى اگلك والاكثر اخاف لاتخذلني.

بس هم احبك

ضربت گصتي بخفة حجيت

_شبيجج تخبلتي. 

  حضنت الجهاز  ونمت..

گعدت على صوت الجهاز يدك.

فتحت خط بدون ما انتبة للاسم.

_نايمة وحبيب الگلب مكون حياتة واليوم زوجتة ولدت بنتهم ، خليج بأحلامج الوردية وهو عايش حياتة..

فزيت   گامشة گلبي احس واحد وضربني على راسي.

دموعي تنزل  واحس نفسي نگطع.

رديت بالگوة

_انت منوووو

سمعت بس صوت ضحكة ونغلق الخط.

دموعي تنزل واشاهك احس روحي محتركة..

خاصتة هو گالي مامتقرب الها وتطلگو،  وهسة كذبب علية!!

يعني كلامة كله كذب بكذب؟!!

دورت حسابة لگيتة دازلي ٢٠رسالة.

دخلت عليهن انصدمت

صور كلهن الي ولخالد  وحدة منهن بالمستشفى كامش ايدي وبالعيادة  اني كاعدة وهو واكف  حاط ايدة على كتفي.

واكو منهن بالشقة مالتهم  نصدمت من الصور والاكثر نصدمت برسالة قبل الصور كاتب

؛؛ رجعتي الصاع صاعين شكرا الج لان اذيتيني وكسرتيني  بس تبقين اول من حببيت وعساج متهنية انت وخالد ابد ماتوقعتها منج سبق وگلتلج  خالد يريد اذيتي بس انت الظاهر حاقدة علية ومامغزر بيج شئ وتعاونتي وية اخوي على كسراني وخرة بهل حب الي ماشفت منة غير الحقد.

اقرة بالرسالة واشاهك هسة علية!!!

مو هو طلع متزووج وعايش حياتةة ليشش ليشش هيج فوك ماهو الغلطان يحجي علية  اني ويني وين خالد

جسمي يرجف احاول اتصل علية مايرد.

اخر شي اتصل فتحت خط صيحت بصوت

_اكرررررهكككك اكررررهككككك كسرتني للمرة الثانييييية نذللللللللل.

سد الجهاز بوجهي.

شمىتة بالكاع واصرخ اريد اطلع النار الي بگلبي

كسرنييي وذلنيييي للمرة الثانية كذاااب...

اضرب بروحي  واصرخخ

حضنت جسمي واحجي.

_مو حبيييتك ليششش ليش كسرتني للمرة الثانية ليششش   ضربت راسي بيدي وابجي.

گمت من الكاع ماكدر اكعد اريد  شئ يخفف الي بگلبي  اشاهك وافتر الي يشوفني يگول مخبلة..

خلص اليوم  واني مزوهرة.

افتر وابجي اريدة وماريدة

اخذت حجاب طلعت للبلكونة اريد اتنفس احس الشقة خانگتني.

دموعي تنزل واشاهك  صار كدامي سيارتة اي متاكدة سيارتة.

نزلت اركض  طلعت من البناية  شفتة هو بالسيارة.

مجرد  شافني شغل السيارة  ومشى ركضت مالحكت علية..

دخلت للحديقة الي يم البناية كعدت  ابجي.

طلع الصبح واني على كعدتي.

رجعت للشقة.

مددت على الكرويتة دموعي تنزل واشاهك.

ماعندي اي قدرة..

جهازي يدك ولا اروحلة مالي واهس لكل شئ.

مر وقت واني على نفس مكاني لا گمت ولا تحركت..

صافنة بالفراغ شگد حطيت الحق وياة واني الغلطانة بس عبث هو الي تركني..

ندك الباب مابية اگوم..

زادت الدگة گمت لبست حجابي فتحت الباب صارت كدامي بان واستاذ اسلام.

بدوعي حضنتها وزدت بالبجي..

دخلو للصالة واني حاضنة بان احس روحي ماعندي احد..

صدمني استاذ اسلام بكلامة.

هو يعرف آصف من زمان.

مر وقت وهم يهدئون بية.

اخر شئ گال استاذ إسلام

_ فهميني الي صار من البداية لان مؤتمن ما گال غير

؛ إسلام اخذ بان و روح شوف ريمي لان اذيتها.

بعدت راسي من كتف بان حجيت

_ البارحة  اتصل علية رقم گال

؛ مؤتمن بعدة متزوج وزوجتة البارحة ولدت..

عقد حواجبة گال

_تثقين بكلامي لولا؟!

هزيت راسي بقبول.

تنهد گال

_مؤتمن طلك من فترة طويلة مابقة هواي متزوج على ما اعتقد شهر او اقل.

وحسب الي اعرفة مؤتمن مامتقرب منها.

وللعلم ماري صديقتنة كلنة.

وتزوجت ايمن صديقي وهي حامل والبارحة ولدت اني ومؤتمن ودفنة  رخنة الها للمستشفى لان ايمن مسافر لا اكثر ولا اقل.

بلعت ريگي حجيت

_يعنيي مو زوجتة والطفل مو ابنة؟؟؟؟

لاتكذب علية استاذذ

عقد حواجبة گال

_من شوكت اكذب عليج والضاهر سوء تفاهم لان  مؤتمن گال انت وخالد على علاقة وهو خاطبج!؟

شهكت وحجيت

_والله العظيم  يا استاذ خالد ماعندي شي وياة غير السلام وللعلم هو دائماً  يگلي انت بنتي او اختي بس مؤتمن حاطة بعقلة..

ضرب على رجلة بخفة گال

_حقة لاتلومي ترى لو اني بمكانة احتمال قتلتة لاخوي ولعلمج اقتل ابوي وياه على الواهس اذا يسوون علية هل مكيدة.

مسحت دموعي حجيت

_استاااذ والصور الي دزهن الي والله ما اتحمل گلبي خلصاان اني احبببة واعشششقة هم بس مااكدر اثق بييي لازم تطلع سالفة وتخرب الاول على التالي.

_وين الصور؟!

گمت اخذت جهازي طلعت الصور  انطيتهياه.

اخذة  وهو يگلب بيهن اخر شي زفر نفس گال

_ قسم بالله  من حجة مؤتمن ذب الصوج بي گال  كسرتها للمرة الثانية.

واني مابقيت حجاية بنفسي ماحجيتها عديت وصفيت هم ابن الشوارع ومايلفض الالفاض الي حجيتهن علية.

بس يا غزل الواضح الغلط منج لان هل صور لو يجن على  بان   وحق لا إله إلا الله   اتخبل  واگلب عليها واطلع الحقارة الي بداخلي كلها.

ومؤتمن  يگول اذيتها هو ياهو الي تأذة غيرة!؟؟

اصلا انت المفروض تحطين حد بينكم حتى لو كان اخوج شنو هيج حاط ايدة على كتفج وانت ملتزمة.

مو هذه بان ايدها اذا طلعت كدام احد اطين عيشتها رغم هي  مامتحجبة ولا ملتزمة.

دنكت راسي حجيت

_ما ادري..

بان: شبيك إسلام شو حطيت  گلبت عليها

رد

_سكتي  انت اني متحلف لمؤتمن وتطلع الاخت هي ام الغلط.

بان : لا تمن هو ابو المشاكل من يوم يومة.

رد عليها

_بااان سكتي.

وانت صدي لاتدنكين خليتي الف فكرة تطخ ببالي نوب من تحجين  احجاية فهمي معناها مو تلزكين تلزك.

ضحكت  صديت عليه

هز راسة واتصل.

ثواني گام  طلع بالبلكونة.

وبان استفسرت مني وخلتني احجيلها من بداية زواجي ولحد هل لحضة.

زهي تغم بية وتگول

_ولج غبية مابجيتي دمم ليش هيج سهلة.

قاطعنة استاذ اسلام

_اي مو هي مقصرة،  وانت ما طول تكرهين مؤتمن هي خربانة.

ضحكنة  هز راسة کال

_كومي غسلي طلعن زروف الچفچير الي عندي اهون  انت اصلا عيون ماكو تشوهتي مورمات عيونج.

رحت غسلت وجهي ورجعت.

احس گلبي ارتاح من طلع الطفل مو الة.

مر وقت كاعدين  والهدوء سيد الموقف ندك الباب  گام إسلام  فتح ورجع.

دخل مؤتمن  وياه

كعدو ثنينهم مقابيلنة.

فتح إسلام الموضوع ونحل بس مؤتمن ضايج لان صدكت بالكلام، وانتهى كل شئ يربطنة...

اصلا ما باوع بوجهي.

مر وقت  تحمحم گال

_إسلام هذه كدامك انت وبان اني اريد اطلب ريمي منكم بما انو ماكو احد هنا.

حياتي بدون هل مخلوقة ماتسوة،  اريدها كافي عاد طولنة..

فتحت عيوني  بوسع مصدومة.

گام وكف تقرب علية كمش ايدي گال

_ احبج وحق اللة الي خلقج مو كافي هل بعد رحمة لدين الله تقبلين نكمل الي توقفنة علية من نفس المكان والزمان.. يتبع.

_توقعاتكم للبارت الاخير من حياة ريمي «غزل »

_تفاعلو وصوتو على البارت.

اتمنة دعمكم للقصة🖤

دمتم سالمين.

قصة للخُلة رأي اخر

البارت ال؛ ٢٨

بقلمي اورجانزا الطائي

.

.

.

.

.

.

.

.

.

.

.

.

.

.

.

.

.

.

.

.

بعد كلام غزل ضليت صافنة شنو السالفة  اني اطرش بالزفة!!

من حجة إسلام بعد ما شاف الصور.

واني واكفة وية غزل رغم غلط الي صار.

بس هي الله يهديها يبست الدم بشراييني من گالت مؤتمن اخذني.

لان توقعت هسة وهم مايربط بينهم شئ بس من عرفت قصدها قبل زواجهم اطمئنيت.

وإسلام صدمني اول مرة بحياتة يمدح بية بحيث بين الي اريد اضحك يس مااگدر لان يحجون بجدية مو مال اضحك..

اجة مؤتمن  كعدو يسولفون بس بالختمام  طلب ايدها شگد اكرة مؤتمن بس لان غزل تحبة فرحت..

من بعد نزاع طويل وافقت عليه.

تفقو يرجعون للعراق يتزوجون..

وتمن مستعجل درجة يريد يوم الاربعاء واليوم ثنين.

طلب من إسلام نكون موجودين.

لل1 ونص يالة رجعنة للبيت.

نمت بالصالة على الكرويتة حسيت على إسلام ندحس وياي.

فتحت عيوني ضحكت  حجيت

_لو شايلني لغرفتي مو احسن.

  شدني لحضنة گال

_ اخذج لغرفتي من عيوني غالية وطلب رخيص.

دفعتة حجيت

_لاتلوث تفكيرك

حط راسة على كتفي گال

_ على غير مرة من عيوني،  هسة نعسان.

سكتنة و غلبني النعاس نمت.

حسيت ثاني يوم   بالگوة فتحت عيوني احس جسمي مكسر تكسر.

گمت  شفت الساعة ستة   إسلام ماموجود.

رحت لغرفتي  حضرت ملابس ورجعت للحمام سبحت وطلعت.

بدلت ملابسي ومشطت شعري طلعت من الغرفة صار كدامي بكامل اناقتة والوانة الغريبة..

بنطرون بيجي وقميص زيتوني، فاتح اول دكم من  واضح وشمة كتابة فوك صدرة خط عدل.

ضلت عيوني مركزة على الوشم  لان اول مرة اشوفة والظاهر جديد لان لونة كلش داكن..

تحمحم عدل القميص گال

_تأخرنة.

رديت علية

_هاا

طك اصبعين گال

_ بان مو وياج يالة امشي تاخرنة.

حسيت على نفسي هزيت راسي مشيت قبلة.

صعدت بالسيارة  ثواني اجة ساق الطريق كلة ثنينة ساكتين.

وصلنة صف السيارة ودخلنة.

اول مرة ما نتأخر.

رحت دخلت الصف وبدت الحصص  وحدة ورة الثانية.

اخذنة استراحة  ضليت كاعدة ما طلعت  اجت مريم كعدت يمي حطت ايدها جوه حنجها گالت

_ هيي بان

رفعت حاجبي صديت عليها بدون مااحجي.

صدت على جهة الادارة گالت

_ ابن عمج  هم يحب وحدة.

_هاا يا ابن عم ويا حب؛!!

عن شنو تحجين شبيج عيني.

گلبت عيونها گالت

_قصدي إستاذ اسلام

حضنت ادية حجيت

_اي وشبي؛؟

تنهدت گالت

_تصدكين احبة.

فتحت عيوني بصدمة حجيت

_تحبي هو انت شتعرفين عنة!؟

ابتسمت بثقة گالت

_ بس احس بي يحبني.

حجيت بستهزاء

_حبتج حية.

عقدت حواجبها وغمتني كامت.

هزيت ايدي والله خوش فوك ماتاكل تبن تغم.

دخل اسلام وبدت الحصة ومريم لوحيدة الي  تجاوب شي بشي..

خلصت الحصة واني ممشاركة لاحضت إسلام  يتقصد يشرح وينطي الحل بس حتى اشارك.

ختنكت  طلعت  كعدت نفس المكان قريب على الادارة  بس من الجهة الثانية.

اشوف البنات  يحجن بينهن وعيونهن علية مافهمت الي صاير شنو.

لحضات اجت وحدة اعرفها كعدت يمي وصدمتني با الي حجتة.

_اكلج بان  ماتحجيت وية الاستاذ يتزوج مريم ترى انتِ تشيلين خطيتها.

ستغربت ونصدمت بكلامها.

_شنو ليش وانت منو حتى تدخلين بحياة غيرج!!؟

- حرام عليج  هيج تسوين  اني الي علية حجيت لان مايصير هيج يلعب على لبنات.

حجيت بصياح لان ضجت

_احجي عدل اول شي شكووو

_روحي سمعي لبنات يحجن على الاستاذ

مسوي علاقة وية مريم وينجحها بدرسة وانت بنت عمة رسبج بالاختبار.

وها  تذكرين كل ماتتعاركن انتن شلون يوكف وياها ضدج.

گمت وكفت حجيت

_ سكتي انت وهل خايسة وين ياكاع ملفيتها؟!

ردت علية من  ورة خشمها

_يم الحمامات.

عفتها ومشيت بسرعة للحمامات لگيتها طالعة.

دورت عليها شفتها كدامي.

جريتها من شعرها واضرب بيها طلعت حرگت گلبي كلها بيها  شگد تتموع وتاكل تبن واني ساكتة الها بس وصل حدها وياي

كطعت شعرها بيدي    اجن البنات يوخرني عنها ادفعهن ثواني   وما احس غير  انكمشن ادية.

صديت اسلام كامش ادية ولحظة اجته ضربة مني.

دفعني صاح بصوت

_بااااااان شدسوين احنة وين وايش هل استفلات!؟؟

رديت علية بعصبية

_اني وست الحسن انت شعليك!؟؟

خزرني ماهتميت اله.

وهي تبجي وتروح تختل  ورا ظهرة  كامشة ايدي  شافتني منتبهه الها ضحكت بحقارة.

احس  اريد احطهم ثنينهم واخنكهم.

جريتها من ورا وضربتها.

مااحس غير  جرني من ايدي وضربني راجدي صاح

_ اذا ماتگعدين تنفصلين.

حقدت علية لان مد ايدة علية  خزرته حجيت

_وفصلتهم مااهتم انت وثانويتك للجحيم.

عفتة ومشيت.

بس اريد اعارك الي يصير كدامي.

اخذت جنطتي وطلعت  وصلت الاداره  جرني من ايدي دخلني للغرفة.

سد الباب گال

_ احترمي روحج بان.

دفعت ايدة وحضنت اديني حجيت

_محترمة روحي حمدالله مايحتااج  اتعلم.

شد قبضة ايدة گال

_بلا لسان بان احجي عدل، ليش هيج مسوية بالبنية.

_بكل بساطة الي يندك بية هذه استحقاقة.

رد بستهزاء

_اي مو انت هتلر،  سوالفج بطليها.

هزيت راسي بدون مااحجي.

استلمني محاضرة شطولها احس راسي نمل.

تثاوبت حجيت

_بما انو خلصت محاضرة الاخلاق احب اگلك استاذ اسلام ابو العلاقات  روح شوف سمعتك الي جنهة الورد وتعال احجي وياي.

عقد حواجبة گال

_ايش قصدج

هزيت اكتافي حجيت

_روح شوف طالبتك الممتازة شنو مطلعة عنك وصدك خل اجمع راسين بالحلال ليش تضحك عليها ماتزوجها وخلصصص

كمش ايدي گال

_احجي عدل مافهمت شي

_ نادي طالباتك يااستاذ وتعرف قصدي بالضبط.

وهسة من رخصتك اريد اطلع للبيت.

ضغط على ايدي گال

_كعدي ممنوع تطلعين عتبة هل باب واني هسة ارحع.

طلع  وسد لباب ورا  كعدت على الكرسي.

رغم اعرف اسلام ماعندة علاقة  بس فور دمي لان ضربتها وصار المدافع.

اكثر شغلة اكرهه اذا اجة واحد يدافع بعدم فهم.

قطع حبل تفكيري صوت اسلام  يضرب على الميز.

جفلت حجيت.

_شبيكك

عقد حواجبة گال

_ امشي كدامي.

طلعنة ثنينة رجعنة للبيت.

نزع قميصة والحزام  ذبهن  على الكرويتة  مدد  بدون ما يحجي شئ.

هزيت ايدي ورحت لغرفتي بدلت ورجعت يمة  بعدة على نومتة.

رحت للمطبخ طلعت الاكل

حميتة وسويت جاي.

كملت حطيتهن على  الميز،  كعدت اكل.

خلصت وغسلت المواعين رجعت للغرفة مددت نعسانة اريد انام  گلبت بجهازي وعرفت اسلام حاجز النة ولمؤتمن وريمي لرحلة باجر.

ختمت المراسلة ونمت لان عيوني مقفلة..

بين النايمة والكاعدة حسيت علية حضني.

نطيتة ضهري سحبني علية حط راسة بركبتي..

حسيت على صوتة يهمس.

_خُلوتي، بنيتي، روحي، دنيتي.

غلست ماحجيت.

كمش ايدي همس

_ بنوتي..

دفعت ايدي ضربتة بخاصرتة متقصدة  ضحك گال

_ يامشاكسة ولج ليش

وخرت ايدة الي حطها جوة راسي  والتفتت علية  حجيت.

_ سبق وگلتلك   لاتدخل روحك بشغلة ماتعنيك لان والله العظيم اگلب عليك لاتصير فزاع لياهو الي اجة ابو البناااات.

رافع حواجبة  شبة مبتسم  خزرتة ضحك  سحبني علية گال

_يعني افهم من عصبيتج وانفعالج انت غيرانة؟!

دفعتة وگمت  من يمة حجيت

_ لا وانت منووو حتى اغار عليك؟؟

حط ادينة جوة  راسة ضهرن عضلاتة..

رفع حاجب مبتسم بستفزاز  بلل شفتة وحجة بهدوء

_شگد حلوة من تتضجورين وتعصبين..

قلصت عيوني  وتخوصرت حجيت

_ يا عيني الي يريد  يبيض وجهة..

لا عيوني هل سوالف  مشيهن على البطة مو علية ترى راضعة  ونايمة وية ابليس.

رفع حاجبة گال

_وين هجِان الي يسمعج خلف الله عليج نايمة  وية ابليس.

عفتة وطلعت لان اعرف يريد يگلب السالفة علية.

مكعدت بالصالة بدون هدف مااعرف الي اريد اسوي شنو..

توقعتة يجي وراي بس الي صار عكس توقعي.

ضليت كاعدة  بمكاني  انتضرة يراضيني..

اخر شي مليت وگمت رجعت للغرفة  متحلفة اخلي يعصب.

بس لصدمني  حاضن المخدة و نايم.

تلقائية ابتسمت صفنت علية..

شكلة كلش حلو رغم هو اشگر بس تلعب نفسة من الشگار ويصبغ لون اسود.

كل مااگلة لاتصبغ يرد علية

؛ اذا اعوف هل لون لعد شبقيت للبنات اذا افتر هيج  ولج عيناي حتى هيبة ماكو..

تقربت يمة  مسدت شعرة كلشش ناصي  ورموشة كثيفة..

لحية محددة تقاسيم شكلة لاهي كثيفة ولا هي خفيفة.

حتى وهو نايم مبتسم..

مر وقت واني اتأمل بشكلة.

ترك المخدة وحط ايدة على عيونة..

صارت عيني على صدرة العاري كلة عضلان.

وعند اربع وشوم

الاول واضح انو جديد لان لونة داكن ومورم شوي.

لان المفروض الوشم مايوصلة مي وهو يسبحت..

لغة مااعرفها لان مربعات  وخط عدل.

والثاني  بخاصرتة ريشة وهم بيها كتابة.

الثالث صاير نص قوس على عضمة الحوض كتابة  احرف.

واخر واحد الرابع  بكتفة مربع بداخلة مربع اصغر تقريب  الخمس مربعات واحد بنص الثاني ونقطة كلش صغيرن بالنص..

ركزت علية دخت  غمضت عيوني  وفتحتهن  ابتعدت من يمة اغم بروحي والنبي غبية  الصبح طيح حظي وهسة واكفة اتمعن بي.

ضليت افتر بالبيت ماعندي شئ اسوي  اخر شي اجة ببالي ادخل لصالة التمرين..

اخذت كيمونة رياضية وطلعت بدلت بالحمام  رحت للصالة  رفععت شعري  واخذت كفوف الملاكمة لبستهن  وكفت يم  الكيس.

سويت حركات الاحماء  ولكمت   اخذني الواهس الكم احس براحة موطبيعية من الكم.

ابتعدت  اخذ نفس لان اختنكت..

نزعت الكفوف  مابية حيل اكمل احس جسمي نمل..

وجع مو طبيعي براسي وجسمي..

كعدت بالكاع  لان دخت.

مر وقت على كعدتي، حسيت روحي احسن گمت رحت لغرفتي إسلام بعدة نايم..

اخذت  ملابس وطلعت للحمام شغلت الدوش ارتاحيت نوعا ما..

بدلت طلعت سويت جاي  صبيتلي بكوب ضفت علية حليب.

كعد ت بالمطبخ احس راسي يريد ينفجر.

ضغطت علية  ودنكت على الميز.

ثواني سمعت صوتة

_ليش ماگعدتيني؟؟

صديت علية حاط ادينة وره راسة  بالگوة فاتح عين وعين..

ابتسمت بهدوء حجيت

_ماگلتلي.

غمض عيونة وفتحهن بقوة گال

_احس بيج شئ شبيج!!!

هزيت راسي بنفي حجيت

_سلامتك مابية.

كعد كدامي گال

_وجهج اصفر وعيونج ذابلة  ايش السلامة بعد!؟؟

حطيت ادديه جوة حنجي حجيت

_گلتلك مابية شي.

هز راسة بشك واضح.

گام وكف گال

_عندي طلعة  واتاخر لاتنتضريني  تعشي ونامي.

تنهدتحجيت

_وين طالع!!

ابتسم بخفة وميل راسة گال

_شغلة مهمة وداعتج على گلبي بس حضري اغراضج لان باجر نرجع للعراق لان ريمي ومؤتمن يعقدون تقريب اليومين نرجع.

بس مااروح للناصرية ترى.

باوعتلة صفح حجيت

_اسمها غزل للعلم.

ضحك وتقرب علية كرص خدي گال

_ ملاحظة هل فترة اكو وحدة غيورة بس ترى مااتحمل هل كد غيرتها نحسة.

غلست مارديت علية وهو هم طلع من المطبخ  خلصت الكوب.

دورت اللابتوب مالتة مالگيتة.

طلعت من الصالة صار كدامي لابس  قميص احمر طوخ  فاتح اول دكم، وساعة بيجي داكن وبنطرون  جوزي فاتح.

رغم الالوان فواتح وجريئة لاكن  كلش  بالرغم لو يبقى اخر يوم بعمري ماالبس هيج.

تقرب علية باس راسي گال

_ ديري بالج  على روحج واي شي تحتاجي اتصلي.

طلع من البيت.

رحت لغرفتة  اخذت اللابتوب وطلعت  بالصالة.

ضليت ابحث وادور   طلعت كدامي اغنية طشت قبل فترة.

جذبني ما شفت مثله

قلب عقلي عقل طفلة

صرت أتبع أثر رجله

وأبوسه

وأبوسه

تدق أبالي أسويها

أسويها وأخطبه

تدق أبالي أسويها

شيوخ كبار أمشيها

على بيته أوديها

وأخطبه

وأخطبه

أغير الكون قانونه

وإذا يگولون مجنونه

جنوني مصدره عيونه

أحبه

أحبه

ويلي، ويلي تدق أبالي أسويها

شيوخ كبار أمشيها

على بيته أوديها

وأخطبه

وأخطبه

أغير الكون قانونه

وإذا يقولون مجنونه

جنوني مصدره عيونه

أحبه

أحبه

به شي مختلف حسيته

هيبة وحلوة شخصيته

تركت الدنيا حبيته

يا يمه

ويلي قهرني

أتمنى يضل قربي

حياتي ودنيتي وحبي

أريد بروحي وبقلبي

أضمه

ويلي غلبني

جذبني ما شفت مثله

قلب عقلي عقل طفلة

صرت أتبع أثر رجله

وأبوسه

وأبوسه

أحبك أوف يبنيه

حلوة ميه بالمية

عليك الناس مسبيه

حياتي

أحبك

حياتي

تمنيته رجل بيتي

أموتن يمه تاليتي

يزفوني له أمنيتي

عروسة

أغير الكون قانونه

وإذا يقولون مجنونه

جنوني مصدره عيونه

أحبه

شي مختلف حسيته

هيبة وحلوة شخصيته

تركت الدنيا حبيته

يا يمه

شكد حبيت المغنية مالتها بس الي ضوجني   تبوس اثر رجلة ليش هو  فد شي حتى تسوي هيج؟؟؟

اخذني الوقت واني اسمع بيها.

اجت ببالي غزل اتصلت عليها ردت عليه

_هلا بالخاينة وين صافية؟؟

ردت

_يا والله يمج انت مختفية.

ضحكت حجيت

_اي مو اني باجر اتزوج واصير زوجة الغوريلا

شو سكتي ترى اعرف بي معشعشة بي.

ردت

_ لا ولج.

_ايي خوش هسة سمعي ولج

هذه مقطع من الاغنية حسيتة عليج.

_اي  شغلي اسمعة.

جذبني ما شفت مثله

قلب عقلي عقل طفلة

صرت أتبع أثر رجله

وأبوسه

تمنيته رجل بيتي

أموت يمه تاليتي

يزفوني الة امنيتي.

ردت

_اول مرة اسمعها.

_حراماات ولج احس هذه انت  فوك ماطيح حظج  وعافج وشطح   انت تدورينه وتردينة رجل بيتج

" بانو بانوو ولج انطي ستوب  ترى هذه يمي وسمع كلامج..

_قابل مجذبة لو انت مسوية الي سواه هو جان صارت رأي عام  ومايرجعج ويكسر بيج بس هو لكاج على گد ايدة.

" باااان

_الي يحجي الحق مايراد وخلي ياكل عسل براسج  ومن يضربج بوري تعالي تبجبجي.

واني متصلة عليج المن هل انتهاك شنو ما يأمن بيج عباله نفسة ويستمع للمكالمة؟؟

نهيت الاتصال وياها لان عرفت بروحي حجيت حجي  بگلبي والمفروض مااحجي.

سديت اللابتوب بقوة  وارتاكيت على الكرويتية

ضربت راسي بقوة حجيت وية روحي

_شريد شرييييد هسة يالله والله العظيم تعبببببببت.

گمت  وكفت ردت امشي تعورت بالكرويتة ضربتها برجلي ومن غبائي نترت ايدي  واشمر اللابتوب من الكرويتة.

ركضت علية فتحتة اشغل بي مايشتغل زفرت نفسي بمللل

حاولت وياه ماكو  اخر شي عفتة ودخلت لغرفتي.

اريد انام مااگدر اخذت جهازي اتصلت على گمرة  ردت علية

_هلا هلا وين هل غيبة يحلوو

رديت عليها

_اگلج مناوية تزوجيت  ترة لعبت نفسي كافي عاد طولتو السالفة.

ردت

"ياستار استر ليوم حلمانة بية شبيج يولي.

رديت

_ول اگلج لو بيج حظ مارجعت على عمو فوك الي سوا بيج لو منج اطيح حظ حظه وماارجع اله.

ضحكت گالت

_حبيبي السكران شلونك اليوم لو ما انت كل حجاية والثانية عمو جساس يحبج عمو جساس يريدج انت ضالمة عمو جساس  ومنو ام المواقف جبرتني  اصعد وياه بنفس السيارة لو الي  دزتة علية لو الي لبستني شغلة هو جايبها.

   زفرت نفس بملل حجيت

_گمروو

" روحها

_تعبانة واحس روحي تريد شي بس ماعرف شنو ومنو اريد اعارك واريد انام..

" انت تعبين روحج هيج  بعدي هل افكار والتشائم عن بالج  وشوفي التغيير.

رديت

_ايي گمرتنة يالة ولج باي نعسانة

"فدوة ونذر تروحلج، ديري بالج على روحج واسلام امانة يمج

نهت كلامها بضحك.

سديتة منها بعد ماودعتها..

ندك الباب طلعت اشوف منو.

فتحت الباب متفاجئة

رفع حاجبة  واشر على العلاكة الي بيدة گال

_  نتعشة، ترى جوعان.

ابتسمت هزيت راسي.

دخل للصالة نزع الساعة  وفتح العلاكة طلع  الاكل اكلنة.

كملنو وهو شال السفري.

كعدت على الكرويتة  حاضنة جسمي.

تقرب علية كعد بصفي  سحب ايدي كمشها گال

_اليوم ابد ابد مو على وضعج، صاير وياج شئ؟!

صديت عية دمعن عيوني

مجرد رمش مبتسم مااحس روحي غير حاضنتة وابجي.

ضحك گال

_وين العصبية الي جانت؟؟

دفعتة حجيت

_وخرر وخرر صوجي اني

سحبني الة اقوة گال

_ما عولت تجين برجليج تتوقعيني اعوفج؟!

رفعت راسي صارت عيني بعينة.

ابتسم بهدوء  وتقرب علية طبع بوسة خفيفة على خدي قريب شفتي وابتعد هامس

_شلعتي گلبي يا بان.

زادن دموعي حجيت

_انت اذيتني ولله

_من الله اخذ عمري اذا هي مأذيج يبعد الراحو والاجو.

ابتسم باس ارنبة خشمي گال

_يالشالعة گلبي من فدوة لزروف  الچفچير رحت اني.

ضحكت من بين دموعي حجيت

_  عيوني الي ما...

قطع كلامي گال

_الي معاجباتك  اكو غيرك يتمناهن.

مو حتى حفظتهن على الغيب، ولعلمج يا خُلوتي  خل يجي الي يتمناهن حتى انعل ساس الي خلفة.

دفعتة حجيت

_ ياله خوش هسة.

ابتعد عني   مدد على الكرويتة گال

_ تعبان حيل يحيلي.

ابتسمت لحجايتة اول مرة يگلي حيلي.

ردت اگوم گال

_هاي وين  غير اجيت  يمج.

_نعسانة اريد انام.

ابتسم اشر على ايدة گال

_محتاجة  تحضنج ..

رفعت حاجبي حجيت

_ومن شوكت متعودات علية!!؟

_من يوم الي شالنج.

مافهمت قصدة عفتة ورحت لغرفتي   غيرت ملابسي ومددت.

ردت جهازي  ناسيتة برة.

گمت طلعت للصالة اخذت جهازي شفت اسلام نايم وفاتح دكم القميص.

تقربت علية هزيت كتفة حجيت

_كوووم اسلام.

فتح عين وصفن شوي اشر براسة گام وكف.

دخل لغرفتة  واني رجعت لغرفتي قريت من القصة واخذني النعاس نمت..

حسيت علية يكعدني  جريت ايدة نمت عليها اسمع يگلي

_خُلوتي تأخرنة  يالة گعدي..

رفعت راسي حجيت

_تريد تروح روح اني مااروح.

_ليش  لان نعسانة؟؟

ميلت راسي حجيت

_ترى صاحية ودااگلك مااروح.

اسلام: مو صديقتج؟؟

_اسلام گلتلك ماريد ارجع عود ورة مايتزوجون ناخذ الهم هدية ونروح.

إسلام: ولو مااعرف الي تفكرين بي بس  فشلة منهم.

مارديت علية رجعت مددت.

ثواني سمعتة يگول

؛ الو هلا مؤتمن

؛ لا ما اگدر  اعذرني لان طلع عندي شغل  مهم.

؛ لا اعذرني تعرف بية مستحيل اخليها تطلع بدوني، وانتم من ارجعون معزومين.

؛ هاا شعجب رجع وياكم، اخر مرة من اجيتكم ماشفتة.

؛ لاتهتم  مؤتمن المهم بيضت صفحتك كدامهم بقة يصدكون مايصدكون طبهم طوب.

؛ اي، اي والف مبروك مقدم.

؛ هلو.

حسيت عليه احتضني وحط راسة برگبتي همس

_حبيبي الحلو الخنيوس شو ماشيها على الصامت.

حركت راسي حجيت

_لا هيجج اسلامم

ضحك  بصوت گال

_  يبعد حيلة ل إسلام.

باسني من خدي بقوة گال

_يبووي ولا اكدر اتركج.

ضحكت بصوت حجيت

_اريييد انااام.

_نامي اكو واحد لازمج؟!

بان: ايي انت لازمني. 

ضحك دحس راسة برگبتي  بدون ما يحجي شئ..

ثاني يوم باليل وصلني فيديو  على اليوتيوب مجرد شفتة دموعي نزلن.

غزل لابسة شال العقد و  بين الحرمين يتبادلون الحلقات..

الفيديو نگع بگلبي بحيث اكثر من مرة شفتة.

والي زيد دموعي  ريمي شلون دموعها ينزلن وتضحك.

وياهم ولد بداية عمرة..

شوفتة ل اسلام ابتسم گال

_  الله يفتحها بوجهم.

رفعت راسي حجيت

_امين يارب.

ابتسم عض شفتة گال

_ويوم النة هم يفتحها بوجهنة.

نهه كلامة باابتسامة  مكر.

رفعت حواجبي حجيت

_ انت الك الله ياعيوني.

ضحك بصوت عالي گال

_ يا الله تسمع كلامها.

گمت  ودخلت للغرفة نمت.

مرت الايام  ومؤتمن وغزل رجعو لماليزيا

إسلام  راد يعزمهم للبيت بس رفضت گلتلة بالمطعم احسن النة والهم..

وليوم المفروض بالستة نطلع من لبيت.

مشطت شعري  ورفعتة.

طلعت سترة زيتوني وتيشيرت ابيض  وبنطرون اسود.

طلعت من الغرفة لگيت اسلام مخلص لابس  سترة رياضية لون فسفوري وتيشيرت ابيض والبنطرون اسود.

مد ايدة گال

_ شهل الگمر الضاوي

ابتسمت حجيت

_ترى طالع حلوو

رفع حاجبة گال

_اعرف.

_هاا لعد طالع محلو

_على كيفج خُلوتي  مو نعوج حلگج.

ضحكت بصوت  سحبني لحضنة باس راسي گال

_اميرتي شدعوة هل جمال ترى عيوني ماتتحمل.

حضنت رگبتة  ركزت بعيونة حجيت

_اذا زوجي العزيز انيق وحلو وجريئ  ، شلون تريدني اطلع؟!

اسلام_مو  حركتي الي خلفو لزوجج ام زروف چفچير.

ضحكت وابتعدت عنة

ابتسم سحبني علية باسني من شفتي بقوة گال

_ اميرتي المعشعشة بگلبي.

بان: خووش.

اسلام: بس خوش مو ماع  لساني گد ما حجيت؟

ضحكت جريت ايدة وطلعنة.

صعدنة بالسيارة وطلعنة  لمكان المطعم  شغل اغنية حماسية وساق بسرعة جنونية.

رغم خوف بس  المتعة تتغلب.

صف السيارة ونزلنة للمطعم   رحنة للميز المحجوز لگيناهم بعدهم مااجايين.

كعدنة طلبنة عصير بين مااجو سلمت عليهم

ورجعنة.

غزل شكلة مختلف كلش  حليانة على متغيرة مدري سمنانة مااعرف بس اكو تغيير.

طلبنة الاكل   نزلو واكلنة.

تحمحم اسلام گال

_ بمناسبة زواجكم بحثت هواي حتى اشوف هدية مناسبة الكم بس للاسف مالگيت

واخر شي اجت ببالي..

هذه تذاكر مدفوعة.

ومكان السكن بفترة السفر هم مدفوع عليكم بس تاخذون ملابسكم وتطيرون.

رد علية مؤتمن

_ لا إسلام ليش هيج مابيناتنه هل سوالف.

رد علية اسلام

_ترى هذه هدية وماله داعي هل كلام.

ولعلمك مؤتمن هذه هدية لبنت صديق عزيز.

  عقدت حواجبي صديت على اسلام   اريد اعرف.

ابتسم گال

_شبيكم ترى اصف كان يعتبرها بنته مو اختة.

صديت على غزل عيونها مدمعة.

مؤتمن شد على ايدها گال

_  اني وياها لاتتوقع بيوم اتركها..

ابتسمت لكلامة.

طول گعدتنة هو كامش ايدها.

ونضراتهم تموووت   واضح بيها الحب والخوف والقلق والامان. ماعرف شلون صار هل خليط..

اخذو الضرف  و انتهة العشاء و رجعنة للبيت.

راح أسلام لغرفتة يبدل واني هم بدلت ونمت.

كعدت ثاني يوم  انتضر دفنة تجي تاخذني لان إسلام عندة حفلة.

رحنة سوية وهناك صدمني اسلام بتيم.

لليل راح  تيم من يمنة بس صدمني بابا من عرف اني نازعة الحجاب.

لليل تخربطت واخذني إسلام للمستشفى  ضليت فترة ورجعت للبيت.

قطع سلسلة تفكيري صوت إسلام يگول

_ رغم ولا شغلة سويتها وفشلت لاكن هل مربى فشل عندي.

ضحكت حجيت

_لعد ماعليه اكل  من الاكل العادي.

كمش راسة گال

_والله العظيم  على مودج، الاكل يتعوض بس روحي من هل دنيا ماتتعوض ليش تسوين هيج بان ترة انت روحي تقبلين تأذين روحي؟؟ يتبع.

_ ملاحظة،  حاليا صرنة بالواقع  انتطينكم بعض المشاهد تذكار  حتى تعرفون انو احنة وصلنة بالقصة لحد ما سوت عملية لمشهد المربى.

_توقعاتكم للبارت القادم

_ وشكرا لتحملكم للبارت

ولاعلم من انشر البارت جان مكامل بس ٢٠٠٠كلمة وهسة كمل.

قصة للخُلة رأي اخر

بارت ال٢٩

بقلمي اورجانزا الطائي.

.

.

.

.

.

.

.

.

.

.

.

.

.

.

.

.

.

.

..

فتح إسلام الموضوع ونحل بس مؤتمن ضايج لان صدكت بالكلام، وانتهى كل شئ يربطنة...

اصلا ما باوع بوجهي.

مر وقت  تحمحم گال

_إسلام هذه كدامك انت وبان اني اريد اطلب ريمي منكم بما انو ماكو احد هنا.

حياتي بدون هل مخلوقة ماتسوة،  اريدها كافي عاد طولنة..

فتحت عيوني  بوسع مصدومة.

گام وكف تقرب علية كمش ايدي گال

_ احبج وحق اللة الي خلقج مو كافي هل بعد رحمة لدين الله تقبلين نكمل الي توقفنة علية من نفس المكان والزمان..

ضحكت ودموعي تنزل.

ابتسمت هزيت راسي بموافقة.

من بعد كلامة وية استاذ اسلام وكال

_اسلام اني مستعجل لو بيدي بهل ليل  اتزوجها لان كافي هواااي هاونة.

گدامك خو بدون ماتسمع مني اخذت موقف.

شگد حاول استاذ  اسلام وياه بس هو رفض الة بهل يومين..

مر وقت وراحو مؤتمن انتضر انس يجي بس تاخر الوقت وما اجة لهل سبب راح.

بالگوة كدرت انام فرح على قلق مخالط خووف..

كعدت الصبح  بدلت وطلعت.

ما شفت انس غير للعصر هل فترة ماعرف وين يختفي..

دخل للحمام واني كعدت بالصالة.

مر وقت طلع انس صبيتلة اكل  ورجعت للغرفة لكيت مؤتمن يتصل.

فتحت خط گال

؛ جاي عليكم حتى احجي وية انس لاتخلي يطلع بين مااوصل.

_يعني صدكك

؛ شبيج باباتي ليش تخبليني؟؟

_مؤتمن ولله ممصدكة كل شي راح  يتم

تنهد گال

؛ بس لاتتشائمين  حتى مايصير شي وان شاء الله خير  وهسة تدعبلي لان انت ما من وراج غير اخاف واخاف.

سد الجهاز

ضجت من كلامة يعني دائما يحسسني بيه نقص.

زفرت نفس بملل وطلعت من الغرفة كعدت يم انس يتابع مسلسل ماعرف شلون يفهمها اذا هو نادرا مايتابعها.

اني اذا ما اجر المسلسل جرة وحدة فلا اتابعها.

قطع تفكيري صوت الباب كام انس فتحه دخل مؤتمن بدون مايگلة  انس تفضل.

ملامحهة تغيرت شبة عصبت  بس اشر اله على الكرويتة..

نصدمت لان رسمت كذا سيناريو ماتوقعت ردة فعل انس بهل برود..

كعد   واشر الي گال

_ اريد مي اذا ماتصير زحمة.

هزيت راسي  رحت اخذت الة كوب مي انطيته  اخذ مني يشرب ومركز بعيوني.

نزل الكوب حطة على الميز گال

_اي انس شخبار الشغل وياك؟

رد انس بعدم اهتمام

_ماشي حالة..

رد علية مؤتمن

_لو مكمل مو احسن من هل تعب كلة؟

_لا يمعود هو وين الي خلك الدراسة تعبب ومالي واهس بشئ.

مؤتمن: بقت يمك، بس ارجع واگلك دراستك سلاحك لان بهل وقت صعب تلگة الشغل..

_اي، صدك على شنو اجيت؟.

تحمحم عدل گعدتة گال

_نفس الموضوع الي حجيت وياك علية.

صد علية انس والتفت على مؤتمن گال

_طلعني من السالفة هذة كدامك  واكفة واحجي وياها.

عاقدة حواجبي بعدم فهم كلامهم  صد علية مؤتمن گال

_ريمي طلبتج من انس زوجة الي بما انو هو اخوج.

ابتسمت حجيت

_شوكتت

غمز وابتسم طرف شفتة گال

_هسة الجواب اتاني.

رد انس

_خاب شبيك مو شارگة الوجه متشوف وجهه، واضح موافقة.

صد علية گال

_مو صح ريمي

هزيت راسي ودنكت خجلانة من انس.

گام وكف گال

_تتهنون عودين  .

عافنة ودخل لغرفتة.

تقربت على مؤتمن حجيت

_عليك الله شوكت حجيت وية انس

ابتسم بثقة وحط رجل على رجل گال

_سبوعين.

فتحت عيوني بصدمة حجيت

_والله طلعت مو هين نفس مامتوقعتك.

ضحك بصوت گال

_ لعد ماطول هيج يالة گومي كدامي عندنة طلعة مستعجلة للگرون.

_هاا شنو گرون منطقة ومااعرفها لو شنوو

ضحك  مسد على لحيتة گال

_منطقة للكذب والنفاق عاجبني اعرفج عليها.

شهكت رديت

_لا لنت روح وين ماتروح بس اني لا ابعدنييي

  سحب ايدي گال

_ تتوقعين اخذج لمكان يأذيج؟؟

ركزت بعيونة ثواني حجيت

_لا..

ابتسم ورمش بخفة گال

_لعد يالة گدامي يحلو

ضحكت هزيت راسي  طلع واني وراه  توقعتة ينزل بس صدمني من دك جرص شقة بيارق وخالد..

صد علية غمز گال

_اني وياج ممنوع تتجبجبين لان والله اشمرج من هل بناية.

ابتسمت حجيت

_وياك ولله.

كمش ايدي وضغط عليها  لحضان نفتح الباب..

مجرد شافتنة رادت تغلقة بس مؤتمن حط ايدة   والضاهر تأذة لان صاح بيها

_وثول بعدج على فهاوتج.

فتحت الباب متخوصرة

_اسكت عيني ابو النسوان هم الك عين تحجي مومن افندي.

رد عليها

_ ضلي وية الگرن احسن الج ثولة لو ما اريد احجي وياج ما اجي سمعتي وكافي نعثلة ترى مليت منج.

ردت

_امشي طير افندي منو ضاربكعلى ايدك حتى تجي علية.

دفع الباب ودخل   وبيارق تصيح وراه..

ما اهتم الها كعد على الكرويتة وحط رجل على رجل گال

_بيرق گومي سويلي جاي گهوة عصير مو خطارج لو ماتضيفين.

تخوصرت وگالت

_والله يا مومن  الائمة وصو ب اكرام الحيوان فا اذا تريد ماعندي مانع..

مؤتمن:طيح الله حظج صوج امج الجابت عار نفسج.

بيارق: يمكن هي امك هم لاتاكل تبن وتخوط وتخربط اووك

مؤتمن: انجبي ام خر*النگس،  صايرة متكلمة وتاكل تبن

بيارق:  والله ل  اصحي خالد عليك

مؤتمن: ام وجة الطاوة ماعندج غير هل تهديد

بيارق: احترم نفسكك واطلع برة.

مؤتمن: كعدي احجي كلمتين واطلع مالي خلگ اشوفج.

بيارق: هو منو الي جاي يشوفني غير انت؟؟؟

مؤتمن: كعدي بيارق گلتلج خمس دقايق واطلع...

كعدت بعيد عنة گام ضرب على رجلينة وتقرب عليها گعد حط ايدة على اكتافها  تنرت ايدة گالت

_ابتعد عني مومن ترى اگوم.

غمها گال

_الله يعقلج وجه الطاوة.

المهم سمعي هل كلام.

بهل يومين راجع للعراق حتى اعقد على اتزوج ريمي..

وتگدرين تگولين بس هل يومين وانقل اغراضها لبيتي.

بيارق: ليش هل حجي المن تگولة  واني شعلية الي جان يربطني بيها توفة..؟!

مؤتمن: اول شئ الصمي احترمتج وكاعد انعثل على صماخج ليش هل نطنطة نفس الحمار؟

وگلتلج عنياني راح اتزوج لان مااعتقد ريمي تخص احد غير انس هو الوحيد الي الة الحق يحجي بينما انتِ والمگرن الي عندج تلصمون ومااسمع صوتكم.

بيارق: احترم نفسكك..

مرتمن:  ما تاكلين خر*صايرة بيج حظ وتحجين، واللة ولو بيج حظ ماتننطين وتاخذين كلام المگرن وتدزين صور لريمي  .

ولعلمج ترى خسرتيني بيوم الي صفيتي وياه وانت تعرفيني اريد بس راحتج..

ولو انسانة من لحم ودم جان من عرفتي اني محتاج مساعدتكم وما جنت متقصد اترك ريمي  جان حجيتي ل آصف.

بس تدرين الل يحب آصف لان ما عاش حياتة بس ايام ونفصلتو.

ولعلمج آصف يعرف بكلل شئ يعني انت الوحيدة الي بقيتي بوجة الگباحة يا غبية.

وهسة هذة گدامج  راح اتزوجها وانتم ضلو طگو روسكم بالحيطان لو انصحكم  نصيحة لوجة الله  عيشو وبطلو حقد.

گام وكف گال

_يالة ريمي امشي.

اخذ بيدي وطلعنة..

نزلنة صعدنة بالسيارة وصل لمجمعات نزل ابتسم گال

_نجهزز؟؟

ضحكت حجيت

_مايحتاج ولله..

رفع حواجبة گال

_عوفي على ذوقي.

هزيت راسي ودخلنة  اخذ ملابس من كل نوع قطعتين.

كملنة ورجعنة لبيتة  رتبنة الملابس بالكنتور بالساعتين يالة خلصنة.

دز اكل  وتعشيت يمة.

لل ٩رجعت لشقتي.

خلص اليوم مووت تعب.

ثاني يوم تأخرت بالكعدة.

اجة علينة العصر جايب وياه اكل.

حضرتهن  بالصالة كعدنة ناكل سوية.

كملنة اكل.

غسلت لمواعين وطلبت من مؤتمن ينتضرني بين مااسبح حتى نطلع..

اخذت ملابس ودخلت للحمام.

هستوني سبحت ندك باب الحمام

مؤتمن: ريمي هذة باية تتصل عليج.

_منووو باية؟؟

مؤتمن: شبيج اقارب إسلام.

ضحكت بصوت حجيت

_قصدك بااان.

مؤتمن: اكو غيرها لعد

_لااا، افتح خط  وشغل مكبر الصوت

،، هلا بالخاينة وين صافية؟؟

رديت

_يا والله يمج انت مختفية.

ضحكت حجت

،، اي مو اني باجر اتزوج واصير زوجة الغوريلا

شو سكتي ترى اعرف بي معشعشة بي.

رديت

_ لا ولج.

،، ايي خوش هسة سمعي ولج

هذه مقطع من الاغنية حسيتة عليج.

_اي  شغلي اسمعة.

جذبني ما شفت مثله

قلب عقلي عقل طفلة

صرت أتبع أثر رجله

وأبوسه

تمنيته رجل بيتي

أموت يمه تاليتي

يزفوني الة امنيتي.

رديت

_اول مرة اسمعها.

،، حراماات ولج احس هذه انت  فوك ماطيح حظج  وعافج وشطح   انت تدورينه وتردينة رجل بيتج

ضربت على راسي بخفة حجيت

_ بانو بانوو ولج انطي ستوب  ترى هذه يمي وسمع كلامج..

،، قابل مجذبة لو انت مسوية الي سواه هو جان صارت رأي عام  ومايرجعج ويكسر بيج بس هو لكاج على گد ايدة.

اريدها تسكت ماكو منفعلة وتحجي اخر شي صحت بيها

_باااان

صدمتني بكلامها كلش واضح مغثوثه.

،، الي يحجي الحق مايراد وخلي ياكل عسل براسج  ومن يضربج بوري تعالي تبجبجي.

واني متصلة عليج المن هل انتهاك شنو ما يأمن بيج   وليش يدخل نفسة ويستمع للمكالمة؟؟

سدت الجهاز  غميت روحي ومؤتمن يگول

_ هذا منو الغوريلا بلا زحمة؟!

بعدم انتباه حجيت

_انتَ غيرر.

حسيت على نفسي ضربت على حلگي وصححت

_لالا قصدي ااا بان هي لالا اني يوووو بان تکول عليك غوريلا وخلللص.

ضحك بصوت گال

_والله هل باية حسابها يمي اله احجي وية اسلام.

رديت

_لا عليك الكعبة ااتحجي وياه عليها

مؤتمن: صرت اشگ بيج تحبيها اكثر مني.

سكتت ماحجيت  شغلت الدوش وكملت سبح  تنشفت و بدلت وطلعت من الحمام.

دخلت للغرفة مشطت  ولفيت الحجاب ورحت للصالة لگيتة مدد على الكرويتة وشبة غافي.

مجرد تقربت لجهتة كعد بسرعة يفرك بعيونة.

باوعلي صفح گال

_يالة نطلع؟ 

_اي ماعندي شئ بعد.

هز راسة وگام  طلعنة فترينة واخذنة شغلات نواقص.

مارجعنة غير  لل تسعة ونص باليل.

حضرت جنطة السفر  ونمت كعدت على المنبة

غسلت وصليت وندعيت يتم كل شي بدون ضرر

حضرت روحي وطلعت للصالة..

انس محضر روحة وكاعد.

ننتضر  مؤتمن واسلام وبان..

نص ساعة ندكت الباب  فتحت الباب  مبتسمة.

_يالة تأخرنة..

ابتسمت حجيت

_ماعندي شئ بس ننزل..

غمض عيونة مبتسم گال

_ لعد يالة.

نزلنة اخذنة الجنط صعدنة بالسيارة.

نص الطريق اتصل مؤتمن على إسلام وصدمني ردة يگول

_مايگدرون يجون لان بان مريضة..

اتصلت عليها ماترد.

وصلنة للمطار ربع ساعة صعدنة بالطيارة..

خووف ابد مو طبيعي احس رجلية يرجفن من تقلع بس اهون.

اجة وقت الهبوط كمشت ايد انس ضغطت عليها ومعغمضة عيوني

حسيت على صوت انس يگول.

_خلص يمعودة ماكو شي..

ضحكت  وگمت نزلنة.

احس الدنيا تفتر...

صد علية مؤتمن گال

_ ها خفتي؟؟

هزيت راسي بنفي حجيت

_لا ما خفت قابل هي شنو..

ضحك انس گال

_بس مؤتمن بطريقك عصير برتقال لان هبط ضغطها تعرف هية ما خافت بس وجهة اصفر وتروح يمنة يسرى الي يگلك سكرانة.

ضحكت حجيت

_هو مو خفت بس الهبوط  يخوف.

مؤتمن: اي صح كلامج.

حسيت علية يأيد كلامي بس حتى ما اضوج.

استأجرو سيارة ومشينة.

نزلنة يم فندق  مؤتمن استأجر غرفتين نوم.

وحدة هو وانس والثانية الي بين ما نرتاح ونروح لكربلاء.

  فتحت الباب  دخلت   وسديتها  مددت على الجرباية  تعبانة ومتكسرة تكسررر

ما حسيت على روحي غير نايمة.

كعدت على صوت جهازي يدك.

فتحت خط سمعت صوت مؤتمن يگول

_ الحلو مناوي يگعد مو كسرنة الباب عليج وانت ماتگعدين.

ضحكت حجيت

_ هاي شوكت ماحسيت.

ضحك گال

_تهون  ياله  كملي ربع ساعة ونروح لكربلاء.

خوش

سد الجهاز واني گمت غسلت وجهي وسبحت غيرت ملابس وطلعت.

لگيتهم واكفين ينتضروني.

تركزت عيني على مؤتمن بكامل اناقتة ك العادة.

كلش احب ستايلة  سبورت انيق  سترة وتيشيرت وبنطرون جينز..

مرات اتعجب على صداقتة ب أستاذ اسلام لان الفرق شاسع بينهم..

استاذ اسلام الوان يلبس  ومؤتمن غوامق ما فد يوم شفتة لابس الوان صارخة.

بس ثنينهم عدهم عصبية مكتومة.

والحلو بينهم اذا شخص صار بي شئ الثاني مايتركة الة اذا جان مايكدر.

بس تبقى صداقتهم حلوة.

قطع شرودي غمزتة ورفعت حواجبة..

ابتسمت بخجل  تقربو علية گال

_ يالة حلوتي  طريق طويل.

هزيت راسي ونزلنة اخذنة سيارة صديق مؤتمن  ورحنة لكربلاء.

ارتاكيت على الشباك تذكرت قبل سنوات من اجيت وية اصف وانس واهلي  وشفتة.

نزلن دموعي  شهكت.

مسحت دموعي صارت عيني على المراية  عاقد حواجبة ومركز علية..

ابتسمت

بعد نضرة عني  شغل اغنية

ل سامر كابرو

مبروك الخطوبة تمنو سوى بهالعمر مع بعضون يضلو ان تم النصيب وعن بعضون ما يتخلو هوي خطيبا وهية عا إسمو محسوبة انشالله النصيب يتم طلي يا مهيوبة مبروك الخطوبة هالفرحة مكتوبة الله يتمم فرحتنا وضمك يامحبوبي مبروك الخطبة مبروك الله يتمم فرحتنا حبابك بمحبة علوك عاكتافون ياعزوتنا نيالك والله نيالك أحلى خطيبة وشو على بالك نيالك والله نيالك أحلى خطيبة وشو على بالك وعقبال اللي بيتمنو.. وتكمل فيكون فرحتنا مبروك الخطوبة هالفرحة مكتوبة الله يتمم فرحتنا وضمك يامحبوبي أهلك كرموكي وأهلو شو حبوكي كبرتي يازغيري كبرتي وملكة توجوكي

*ياحلوي وضحكت هالبيت غير فرحك شو منتمنى ياما طلبت وشوصليت بليلة فرحك إتهنى دلوعة وكل شي بيلبقلك بالماس بيتثمن عقلك دلوعة وكل شي بيلبقلك بالماس بيتثمن عقلك ويوم الفرحة الكبيرة أحلى عرس منستنى مبروكة الخطوبة هالفرحة مكتوبة الله يتمم فرحتنا وضمك يامحبوبي..

ضحكت بهدوء على كلمات الاغنية الي دخلن لگلبي بدون استئذان..

مر وقت وصلنة لكربلاء  صف السيارة ونزلنة.

لان عندة بطاقة دخول  ، ب اعتبار هو يشتغل بالعتبة..

مشينة بااتجاه الامام.

وكف يم  محل گال

_تعالو هنا.

دخلنة للمحل عبارة عن عبي  ب تصاميم مختلفة وكلهن بالون الاسود..

سلم على صاحب المحل والي واضح  يعرفة لان ضل يسأل وين صرت وشعجب اجيت ومن هل اسألة..

مؤتمن يفتر ويحجي وية الولد.

انس طلع من المحل.

وكف  صد على الولد اخذ من ايدة جنگال مااعرف شنو اسمة..

رفعة اخذ العباة.

نزلها وقاسها  صد على الولد گال

_بلا مطرود ابو نوح   انس يريدك برة..

ابتسم وطلع من المحل.

  اشر الي  تقربت عليه  فتح العباه خلاها على راسي.

اجت فيت علية..

ابتسم ركز بعيوني  گال

_ وما حال فؤادي بزيادة جمالك وقار..

ضحكت ودموعي نزلن مااعرف ليش بس شعور كلش حلوو.

مسح دموعي گال

_ گلبي ميتحمل وداعتج.

ابتسمت حجيت

_شكراً.

عقد حواجبة بخفة گال

_على؟؟

_العباة  والمكان مميز..

ابتسم وتنهد گال

_ بيوم شفتج هنا وامن هنا..

تحمحم ابتعد عني گال

_ يالة يحلوتي   امشينة.

بهل اثناء سمعنة صوت تحمحم التفتنة  دخل ابو المحل بيدة  علاگة.

انطاها ل مؤتمن گال

_الف مبروك مقدما.

مؤتمن:  يوم الي نفرح بيك ابو نوح.

تنهد گال

_خليني بعيد وسعيد.

ضحك مؤتمن گال

_ احاول اصدك يالة تأخرت واحنة راد النة گعدة.

؛؛  صدقت وداعتك يالة بالخير عليكم.

طلعنة من المحل  حجيت

_  مؤتمن شو مادفعت  فلوس العباة؟!

ابتسم صد علية گال

_ هدية زواجنة..

هاا

ضحك بدون مايحجي.

وصلنة مكان قريب على الامام دخلنة. استقبلنة رجال جبير معمم  سلم على مؤتمن ويهلي بي.

_هلا بيك وليدي وين هل غيبة.

رد علية

_والله تعرف استقريت بماليزيا وفترات اجي لهنا.

_الله يسهل الكم وليدي.

اشر النة على الكرويتات كعدت اني من  الجهة اليسار  ومؤتمن من الجهة اليمين..

  تقرب علية مرتمن  فتح العلاگة طلع منها  قماش  ابيض  وبي كتابة والواضح شال عقد.

حطة على راسي  وابتسم رجع لمكانة.

تحمحم گال

_انتم ولد اليوم  ولازم تكملون حياتكم على الحلوة والمرة ابني مؤتمن انت تكملة بنتي غزل والكمال ل الله..

وان شاء الله يتوج علاقتكم بالحب والامان الثقة.

صد علية گال

_بنتي غزل امام الله انتِ مجبرة  على الزواج.

حجيت.

_لااا

هز راسة گال

_ غزل بنت ** تقبلين الزواج من مؤتمن ابن**  على مهر قدرة *** ومأخر قدرة** اذ قبلتي قولي نعم وانت وكيلي بدون جبر من احد وبكامل ارادتك..

ابتسمت  واحس گلبي يدك

عضيتي شفتي حجيت

_نعم وانت وكيلي.

هز راسة ورجع عاد  كلامة مرتين وهم جاوبته..

رجع سأل مؤتمن

_مؤتمن ابن *** تقبل الزواج من غزل بنت**   على مهر قدرة *** ومأخر قدرة** اذ قبلت قول نعم وانت وكيلي بدون جبر من احد وبكامل ارادتك..

رد علية

_نعم وانت وكيلي.

گام وكف گال

_تم عقدكما واصبحتم زوج وزوجة امام الله مبارك لكم.

سلم علية مؤتمن وطلعنة  تمشينة  بين الحرمين الدنيا ليل والهوة عالي   والاضوية كلش حلوة  والاصوات بعد احلى..

يمكن اكثر هوسة احبها بحياتي.

وكفنة سوية ومؤتمن انطة جهازة ل انس  طلع من العلاكة علبة حجم وسط.

فتحها  وسدها  رجع حطها بالعلاكة اخذها منة انس.

تقرب علية نطاني حلقة بلاتين ضحكت لان ما عرف بي جايب حلقات..

اخذ ايدي لبسني لحلقة وعيوني مركزة بوجهه ممصدكة صرت مرتة..

مد ايدة لبستة الحلقة.

اخذ اديني ثنينهن باسهن  وگال

_ريتج دووم مو يوم.

باس راسي  وهمس

_ شديت راية العباس نذر بس تصيرين من قسمتي.

ضحكت ونزلن دموعي

ابتسم  وتنهد گال

_والعباس ابو الفااااضل احببج.

زادن دموعي ضحك  گال

_صدي وراج.

التفتت شفت انس يصور وعيونة مدمعة والاحلى  اكو مصور هم ياخذ صور

ضحكت  حجيت

_هاي شنو شو ما حجيتلي

غمز گال

_غير احبج.

ابتسمت حجيت

_شكراً

المن هل شكر يبعد الراحو والاجوو

ابتسمت وكملنة طريقة رحنة تعشينة بمطعم ورجعنة الطريق كلة  مؤتمن وانس يسولفون..

اخذنة للمقبرة  كعد يم قبر آصف گال

_مو گلتلك ارجعها واجيبها الك،  ها وفيت بوعدي وجبتها يمك.

نزلن دموعي  على كلامة.

كعدت يمة وهل مرة ولا شكيت  فرحانة ومرتاحة.

انس:  اتذكر اخر مرة اجيت للعراق ما جان اكو بناء على قبرة بس تراب..

رديت علية

_احتمال بيارق وخالد سوو.

مؤتمن:  لا قبل سنة ونص اجيت وحجيت وية الدفان يسوي  لان آصف هواي مفضل علية..

طلع قبلنة صعد بالسيارة رحنة وراة طول الطريق  هو ولا حجة حرف..

يومين بقينة بالعراق وبعدها رجعنة لماليزيا.

انس مقبل يجي لبيت مؤتمن يگول عندي شقة..

نزل يم البناية واني نزلت صعدت يم مؤتمن.

طول الطريق كامش ايدي بدون مايحجي، بس يدخن.

صف السيارة ودخلنة للبيت.

مؤتمن: ريمي راح اسبح  وانت اخذي راحتج بالبيت..

هزيت راسي  ابتسم وراح..

دخلت للغرفة نزعت حجابي  طلعت ملابس من الكنتور.

كعدت انتضر مؤتمن يطلع من الحمام.

اقل ربع ساعة  اجة لابس بس البرمودة وينشف بشعرة بالخاولي..

خجلت منة تخذت ملابسي ردت اطلع سحبني علية  احتضن خصري  همس

_ خير ياطير وين ناوية تهجين!!

بلعت ريگي بتوتر وخوف..

تلمس حنجي ورفع راسي گال

_ اعشق خجلج وتوترج وخوفج من اتقرب الج..

رمشت اكثر من مرة حجيت بتوتر

_ااا ممؤؤتمن  اريدد ااسبحح..

ابتسم بمكر همس

_طريق طويل اكيد تعبانة و اكيد تحتاجين مساعدة واني بالخدمة..

بهتت بوجهة بحيث ما اعرف شنو ارد ضليت بس ابلع بر يگي.

كرص خدي گال

_اسم الله الرحمن شبيج بس لا شفتي الجن وهيج مخترعة.

ضحكت حجيت

_ممكن تعوفني اريد اسبح؟؟

باس ارنبة خشمي گال

_ نعيما مقدمة حبيبي.

_شكرا.

  انسحبت من يمة دخلت للحمام سبحت وطلعت.

رجعت للغرفة فاتحة شعري.

اخذت المشط  واسرح بشعري.

تقرب علية اخذ المشط من ايدي  ويمشط شعري بهدوء..

عيني علية بالمراية شلون يمشط.

  ذبه على الميز وضفر شعري  اخذ كتر قرصة.

قرب الضفيرة لوجهة اشتمها گال

_ هذه خصلة من شعر بيارق،  شعجب هيج خفيف؟

هزيت كتفي بعدم معرفة حجيت

_من زمان هيج شگد استخدم الة زيوت بس مايثخن.

مؤتمن:بس حلو ويسوي واهس لواحد يمشطة مايتعب..

ضحكت حجيت

_يعني انت تحجي وتلتم؟!

ابتسم هز راسة برگبتي گال

_   اعشق سيئاتج قبل زيناتج لان سيئاتج هي الي علقني بروحج وافضلهن فهاوتج وغبائج.

_مؤؤتمنن ليش هيييجج

ضحك بصوت عالي گال

_والعباس احبج وحق روح الزهرة احبببببج

ابتسمت حجيت

_احبك مؤتمنن.

صفن بوجهي ثواني ضحك حضني بقوة  وفرني گال

_احبج احبببج غزالتي.

بادلتة الحضن باس راسي وارنبة خشمي گال

_ گلبي رهيف يا غزالة..

مرت الايام  وبيارق  كذا مرة اجت اعتذرت من مؤتمن بس هو رافظ ومن اسألة يگول

_ماطول وكفت ضدي وهي تعرف الي صار كلة ما اصالحها.

لان الي ينطي بيك مرة يصير ادمان بالخذلان..

خلينة بعيدين وسعيدين.

انس خطب ميسر  وحاليا بس خطوبة واستقر بالعراق تحديد الناصرية بشقة اشتراها هو.

ومؤتمن احتواني وصار الي سند.

اي شئ يصير بية اسولفة الة من تزوجنة ولحد هل لحضة اني وياة  مانضم  شئ عن بعض.

من بعد كل الاذة الي صار وياي بنهايتها عشت سعيدة..

حاليا اني كلية قانون بماليزيا مستقرة ابد ماناوين نرجع للعراق.

والف حمد الله حامل ب بنوتة  الي ١٥يوم بشهر التاسع.

الدكتورة تگول الطفلة عدها نقص  ب اعضاء جسمها

واذا تجي للدنيا ماتعيش لان مكاملة..

مؤتمن گال اجهضي بس اني اريدة وعندي امل ب رب العالمين اولد الطفلة كاملة..

رغم اعرف اذا اولدها  اعراض جانبية كثيرة منها بعد ماا يصير عندي حمل.

اتمنة من كل وحدة تقرا القصة تدعي لبنتي الي بعدها مخالقة للدنيا...

مؤتمن يگول لكل وحدة حجت علية

«لا توثقن بالمضاهر لان خداعة والشكل والتصرفات ابد مو مقياس لداخل الانسان يمكن يكون لطيف من الخارج لاكن الداخل سيئ واحتمال مؤذي. وشكرا لكل وحدة حجت علية بالشين قبل الزين.»

                           النهاية؛.

وجهو اكثر مشهد يعجبكم ستوري 🖤

قصة لخُلة رأي اخر

                       بارت الثلاثون

بقلم اورجانزا الطائي

.

.

.

.

.

.

.

.

.

.

.

.

.

.

.

.

...

_ رغم ولا شغلة سويتها وفشلت لاكن هل مربى فشل عندي.

ضحكت حجيت

_لعد ماعليه اكل من الاكل العادي.

كمش راسة گال

_والله العظيم على مودج، الاكل يتعوض بس روحي من هل دنيا ماتتعوض ليش تسوين هيج بان ترة انت روحي تقبلين تأذين روحي.

هزيت راسي بنفي..

تنهد گال

_يالة خُلوتي هسة ايش

ستهضمت حجيت

_ماريد بعد نفسي لعبتت.

شالني باس راسي ومشى وداني للصالة شغل الابلازمة كعد بصفي گال

_ نتابع فلم؟

بان: لا

_مسلسل؟؟

بان: لا

_كارتون؟

بان: لا

_ مسرحية؟

بان: لاا

_افلام اب***

بان: ايييع لاهيججج اسلام.

ضحك گال

_لعد نتابع قصص سوادي نفس الي تقرينهم..

بان: إسلااام ليش هييج ترى القصص مو نفس لافلام الي تحجي عنهم وخر صوجي اني ولله لعبت نفسي.

ابتسم وميل راسة بهدوء گال

_ لو تدرين شگد مشتاك لهل نضرات..

عقدت حو اجبي حجيت

_انت لعب نفسي وگول مشتاق.

ابتسم گال

_ ام زروف شلون بية هاا ترى هسة اخنكج ومحد يعرف.

حضنتة بدون ما احجي.

تنهد گال

_نعسانة؟؟

همست بضعف

_اي

بلع ريگة گال

_ اخليج تنامين بس بشرط واحد

رفعت راسي عيوني مدمعة

ابتسم بتنهيدة گال

_ تنامين بحضني وممنوع تتحركين حتى لو اكسر عظامج..

نزلن دموعي لسماع بحتة حضنتة بقوة وابجي مسد على راسي گال

_ ليش هيج يا خُلوتي ؟

ما رديت علية حسيت علية شالني حضنت رگبتة وحطيت راسي على كتفة.

باس راسي دخل لغرفتة نزلني على الجرباية ونومني بحضنة.

يحرك ايدة بشعري ويهمس

_بنياتي، حبيبي، خُلوتي انت قوية ليش هيج مستهينة بروحج.

گلب روحة صد علية صارت عيني بعينة ركز بيها بدون مايرمش واني دموعي تنزل ماعرف ليش..

حرك ارنبة خشمي با اصبعة ونفخ بوجهي غمضت عيوني.

سحبني لحضنة حضني بقوة احس كسرني تكسر..

ناطية ظهري الة وهو دافن راسة برگبتي انفاسة دافية كلش..

بس التفكيري اجتاحني كلة ب ابوية الي كلامة ومقارنتة كسرتني تكسر.

شگد ابين اني ما اهتم وانسانة عادية بس الداخل يختلف حاقدة على عمتي مشاعر والسبب لان ما خلت اسلام يعترف بحبة ل اختي لباب لو حاقدة عليها الي جانت تذب كل شئ براسي اي شغلة تصير وياها تگول سببها بان ماتت وخلصت هل بانن.

كرهت العيشة يمهم بسببها.

شگد جانن عماتي يحقدني على ماما جيلان لو ابوية بس بعيدن عرفت هي لوحيدة الي دامت الي..

احيانا الام مو الي تولد لا الي تعتني وتربي هذه اساس.

واني من صغري ما حسيت بحنان الام رغم جنت احاارب عليها وهي لا ابالي وحالفةة اذا يجيني طفل اكون صديقة الة قبل ما اكون امة.

اعرف الي يمر بي بدون ما يحجي اوكف وياة بااخطاءة قبل افراحة.

مااعرف اذا بيوم من الايام اصير حامل او لا واحتمال اصلا ما احمل واحتمال يصير عندي بنوتة حلوة مدنفشة

واحتمال ولد يخبل صغيرون عندة خدود وعيون عسلي على ابو واحتمال يطلع على ابوية شكلة يخبل

واحتمال كل هل اشياء وهم اعيشة وحدي وما اصير ام بحياتي..

معقولة بيوم اصير ام!!!

بس احساسي يگول حتى لو اصير حامل الطفل يموت وبعد ما اگدر اخلف...

مجردهل احساس مرعب بالنسبة الي..

تلمست بطني بخوف وهمست

_معقولة تموت وانت بعدك ببطني؟!!

قطع تفكيري صوت إسلام الهادئ.

_ليش تسبقين الاحداد وتموتين الجنين الي بعدة مامتكون..

و واثق منج تكونين ام بقمة الروعة والحنية.

بان: منو يگول واحتمال اكون سيئة وماتحب بنتها وتحاول تتخلص منها..

_ششش انتِ مو هيج بان انتِ ام عظيمة، لاتفكرين بهل سلبية.

بان: بس انتَ بالسانك گلت انتِ نسخة امج الخلفت ما ماتت اطباع امج بيج..

دارني علية مسح دموعي کال

_شايلة بگلبج علية؟؟

هزيت راسي بنفي..

باس خدي بهدوء گال

_اعتذر اذا فد يوم ضوجتج ونزلت دمعة من عينج بسببي..

بان: لاتعتذر.

ابتسم وغمض عيونة..

اتأملت عيونة للحضات بعدها تسلط النعاس نمت..

مرت الايام والاشهر واليوم الي مسوية العملية خمس اشهر.

هل فترة كافية لتقربي من إسلام.

صار اليوم كلة سوة حتى الاكل تركة بسببي.

ولحد اليومهو سوة الغدة.

صدر دجاج خالي من البهار.

الطعم ولا طيب ماينكال وهو ياكل وياي.

مشروبات غازية جاي هم تاركهن على واهسي.

إسلام ظهر حقيقتة الي بحيث مگابلني وگاعد.

اليوم طالع لان عندة شغل كلش مهم.

لحد الان ابوية مايحجي وياي.

بس اسولف وية گمرة ب اوقات متفاوتة..

مشتاقة لامي رغم هي تتصل علية ونسولف.

ندك ااباب طلعت فتحتها دخل إسلام باس راسي وكمل طريقة نزع السترة وفتح دكم القميص گال

_تعبااان.

تقربت علية حجيت

_ليش؟؟

سحبني لحضنة وركز علية گال

_لان انت مبتعدة عني وما تتلگيني بحضن جرعة امل بالنسبة الي..

ابتسمت حجيت

_لعد هسة شنو اني وين؟!

تقرب باس وحرك خشمة اسفل اذاني گال

_ هسة اخذت جرعة داهية بدل الامل.

ضحكت حجيت

_احسك مصخن؟؟

عض اذاني گال

_لان بقربج..

خجلت وسكتت.

ابتعد عني دخل لاحمام سبح وطلع بالبجامة..

طفة ضو الصالة وسحب بردة سدها شغل السبلت مدد و اخذني لحضنة.

حضني بقوة وگال

_آآآآه يا بان عشتي وعشعشتي بگليبي.

غمضت عيوني مستمتعةل كلامة ولمساتة الشبة جريئة..

مر وقت حسيت علية انتضم نفسة ورخت ايدة..

صديت علية لگيتة نايم.

حضنتة ونمت.

حسيت على صوت ونين وحرارة ابدد مو طبيعية.

فتحت عيوني واشوف إسلام يون.

مديت ايدي على گصتة حارة كلش.

حاولت اگعد بي يفتح عيونة ويرمش لو يحضني..

گمت اخذت ادوية كعدتة بالگوة اخذهن.

سويتلة كمادات احطهن على رگبتة واغيرها كل شوي.

مر وقت كلش طويل واني اسويلة كمادات ومن غبائي ناسية السبلت مشتغل.

اخذت الريمون طفيتة ورجعت يمة.

بالگوة قنعتة يگوم يسبح.

دخل للحمام يسبح واني حضرت اله ملابس طلع من الحمام بدل ورجع بالصالة.

مدد وتغطة.

رادني انام يمة ماقبلت.

رحت للمطبخ هو جان مسوي شوربة دجاج حميتها وصبيتلة بطاسة ورجعت يمة كعدتة بالكوة ياكل.

وين يالة خلص عفتة نايم رحت سبحت لان احس مختنكة.

كملت سبح لبست روب الحمام لفيت شفري بالخاولي وطلعت.

اسمع ونين.

تقربت على إسلام دستة ماكو حرارةبس ماعرف ليش يون.

حاضن ايد والثانية مادها عاقد حواجبة.

ابتسمت بلعت ريگي.

مااعرف شنو من شعور قادني اطبع بوسة خفيفةعلى شفايفة..

ابتعدت عنة خجلانة، رغم هو مو نايم..

ضربت راسي بخفة ورحت لغرفتي طلعت ملابس اريد ابدل.

حسيت باب الغرفة نفتح.

التفتن واكف بالباب رغم التعب الي واضح على ملامحة بس جمالية خاصة..

دخل وسد الباب راه.

تقرب علية كمش اديني باسهن وتركهن بهدوء..

سحبني لحضنة باسني بقوة ابتعد ثواني گال

_ مو احسن من البوسة بالشردة.

نهه كلامة بضحك.

شالني حضنت رگبتة اخذني لغرفتة سد الباب گعدني على الجرباية مبتسم.

فتح كنتورة طلع جنطة ملابس موسمية فتحها طلع منها علاكة دعاية.

قفل الجنطة ورجعها بالكنتور.

تقرب علية باس عيوني ثنينهن گال

_اذا تقبلين تگونين زوجتي گول وفعل اريد اشوفج بهذا واذا ماتقبلين عوفي كل شئ...

ابتسم طلع من الغرفة.

احس الرجفة بجسمي خوف على توتر على رهبة على فرح ماعرف بالضبط شنو..

فتحت العلاكة انصدمت وفتحت عيوني.

لان اتذكر اني تركتة بالفندق..

اخذتة وبدون تردد لبستة.

سيت العرس الابيض متكون من قطعتين الاولى قصيرة ستن والثانية نفس الطول تول.

وكفت گدام المراية كلش حبيتة بس مجرد فكرت وعرف الي راح يصير ماعرف ليش انرهبت ونزعت التول ذبيتة على الجرباية هستوني اريد انزع القطعة الثانية دخل إسلام.

بلعت ريکي وهو ابتسم تقرب علية.

كمش اديني گال

_اويلي على گلبي شگد احبج.

ابتسمت شالني بين ادينة..

ما حسيت غير على الم مو طبيعي احس بطني موتتني درجة ابجي واصيح على اسلام..

ضحك تقرب علية باس راسي گال

_الف مبروك خُلوتي مني المال ومنج العيال وشرط بالجملة، تم زواجنة هسة صرتي زوجتي من حق وحقيق..

رمشت بوجهة مفهمت قصدة باس خدي ضحك ردت اگوم وانصدم بالدم الي على الفرشة كمية قليلة دموعي نزلن توقعت تأذيت صديت على إسلام حجيت

_مو گلت ما اذيج شو اذيتني..

ابتسم تلمس حنجي گال

_ هذة دم عذريتج يبعد روحي..

صفنت بوجهة مااعرف شنو ارد، ثواني تكرت الي صار وياي قبل سنوات زادن دموعي حجيت

_ليش تجذب يا عذرية ليش مو هذا الي قتلة بابا اغغ.... احس اختنكت قبل لاانطقها واسلام حط ايدة على حلگي گال

_لاتبوحين بشئ انت ماشايفتة، وهل نذل ماتقربلج لاتنسين من اجيت بعدة ما مسوي شي ولا متقرب الج..

بان: يعني انت تعرفف

_اي طبعاً غير اني عرفت مكانج اول.

بان : وبابا يعرف هم؟؟

ابتسم بثقة گال

_ اكيد غير بنتة.

بان: وماما هم تعرف مو؟!!

_لا ماتعرف.

بان: ليش؟!!

_اول شئ لو فعلا متقرب الج الحيون جان من سابع المحاولات ابوج ينطيج الي.

بان: ليش؟!

_لان عمي هجان يفكر للبعيد قبل القريب يعني يفكر بعشر سنوات ليگدام..

بان: لعد وامي ليش ما حجيتولها..

_لان اذا عرفت ماتقبل تزوجيني ولا تقبل تستقرين هنا.

اخذت الروب لبستة وطلعت دخلت للحمام شغلت الدوش اسبح ودموعي تنزل..

كل هل سنوات محملة روحي ذنب مصاير؟؟ وفوكاها اگول هو تحملني؟؟!

عصرت راسي بقوة كملت سبح طلعت لغرفتي.

بدلت ونمت بس وجع بطني مموتني.

مال هسة الزم بطلات القصص واحطهن ودك كل قصة اقراها عيني لحضات ويخلن عالم وردي تالي بطني اليل كلة توجعني.

كعدت على صوتة .

فتحت عيوني صار إسلام بوجهي سحبنيمن ايدي گال

_يالة گعدي كافي كسل.

ابتسمت هزيت راسي.

گمت غسلت وجهي وكعدت بالصالة.

اجة اسلام شايل صينية الاكل حطها تريگنة و وديتهن للمطبخ رجعت لگيتة ماكو..

سمعت صوت من الصالة تمشيت لگيتة يتمرن بالكيس ملاكمة.

حركاتة كلش مضبوطة و متزوازنة.

اخذت الكفوف لبستهن ورحت يمة، ضربت وحدة بوحدة حجيت

_ناخذ جولة سريعة؟؟؛

هز حواجبة بنفي.

هل فترة صاير ولا يقبل اتمرن وياه وحتى الاجهزة هم مايخليني.

ضجت من هل شي.

نزعت الكفوف ورجعت بالصالة شغلت البلازمة بدون هدف.

استمر وقت اگلب وماكو شي..

استمر هل منوال.

غزل حاليا حامل الها اربع اشهر.

هل فترة ما اشتهي اكل لاكن مايصير وياي لعبان نفس او تقيؤ.

لحد ما اكتشفت انو اني حامل بوقتها كلش فرحت رغم جنت خايفة لا ما اكون ام مثالية او ام محبة لطفلها..

وطبعا اربع اشهر يالة عرفت بحملي.

صادف بيوم الي عرفت موعد عودتنة للعراق.

وماحجيت لاسلام على حملي..

طلعنة الفجر من مطار بغداد، ونفس كل مرة عمو جساس هو الي ياخذنة.

الطريق كلة اني نايمة..

لحد ما حسيت على اسلام يگعدني.

كعدت نزلنة من السيارة.

هل فترة كلها بابا ما حجة وياي شگد مشتاقتلة..

دك اسلام الباب طلعت ماما فتحت الباب حضنتها وابجي خطيها هي هم تبجي..

دخلنة للبيت بابا عندة واجب خارج المحافضة.

اول يوم نشغلت وية ماما وإسلام وية اهله..

ثاني يوم اجة بابا سلمت علية مو نفس العادة.

والاكثر ضايج من إسلام، رغم اني دست بالحجي مو اسلام..

كاعدين كلنة على الغدة حجة بابا

_جيلان حضري روحج باجر نروح لكربلاء اقارب زوجة ابن عمت ابوي عازمينة على دورة سنة الحجية.

جيلان: الله يرحمها الحجية جانت خوش انسانة تعرف الحلال والحرام وما تأذي احد..

بعد كلام دار بينهم اتفقو اني واسلام هم نروح وياهم..

العصر طلع اسلام رحت وراه تقرب علية باس خدي گال

_خُلوتي، گعدي وية عمي احجي وياه لاتعوفي ترى واضح علية ضايج ومو بعيدة يرزلج، بس انتِ لاتطنكرين حتى مايطوخ.

بان: ماسويت شئ غلط حتى هيج يسوي مو صحيح

ابتسم وكمش اديني ثنينهن حجة بهدوء

_بالنسبة الي ما مسوية شئ غلط لان الشكل واللبس مو مقياس.

اكو يلبسن عبي ومايطلعن شعراية من عدهن بس هن اقذر مخلوقات لاخلق ولا اخلاق.

و اكو لا والله سفور ونص جسمها طالع بس تعادل الف زلمة، و الاخلاق الشايلتها ينرفع بيها الراس.

ما دام انت ما مسوية شي غلط لاتخافين واني بضهرج.

ابتسمت وهزيت راسي.

طلع من البيت بعد ما سلم علية.

رجعت للمطبخ لگيت امي تسوي گهوة كعدت يمها حجيت.

_المن هل گهوة؟؟

صدت علية مبتسمة

_ل ابوج

ردت اگوم استوقفني كلامها.

_خمس دخايق وتجين تاخذيها الة موجود بالاستقبال.

صديت عليها حجيت

_ليش مو انت ياحلو

هزت راسها گالت

_لا بنتي توديها لابوج وتگعدين يمة اذا حجة عليج لا تگلبين وجهج ولاتعلين صوتج ولا تراددينة يبقى ابوج، والي يگول علية ردي علية ب تم، عود من يهدئ انت احجي وياة وفهمي الي تردين توصلي الة.

بان: بس بابا مراح يتفهم الي اگولة..

صبت الگهوة بفنجان گال

_لا يتفهم وهو الممنون منج لان انتِ ااي صفيتيلة من هل دنيا..

نطتني الصينية بيها ماعون صغير جوز ونساتل شوفات بالگهوة وكلاص مي والفنجان.

اخذتها منها حجيت

_ ليش مو عدكم لباب لو شنو صاير وياها اشو ولا سمعت مخابرتج او اجتج شبيها بس لا تخبلت.

ابتسمت بهدوء گال

_معذورة بنتها كبرانة ورادلها مداراه وهي حامل خطية..

بان: هااا هاي شوكت، شو محد گال وهي مو كافي زعاطيط، مو اگلج تخبلت صار شكد من اجيتكم اخر مرة ولحد الان محاجية وياي.

جيلان: عذريها يا امي غير مشغولة وانتِ ليش ماتسألين تعتبين وماتنعتبين.

بان: اني الي مايسأل علية لو تطلع نخلة براسة هم ما اسأل عنة.

هزت راسها بعدم رضة گالت

_ ما اقبلج هيج لان انتِ مو هيج وهسة روحي لابوج ومن تجين عندي سوالف وياج.

بان: عن حياتي ما احجيلج يا اغلى من روحي.

ضحكت گالت

_لا اشو اليوم اگعدلج ركبة ونص.

طلعت من المطبخ دكيت الباب ودخلت

صار كدامي بابا گاعد وحاط رجل على رجل واللابتوب فوكاهن يشتغل بي والجگارة بيدة.

شافني ما اهتم كمل شغلة.

حطيت الصينية على الطبلة حجيت

_وقت الگهوة باباتي.

هز راسة.

بلعت ريگي كعدت يمة.

يشتغل ولا ناطيني اهتمام.

زفرت نفس بملل وتقربت علية اخذت اللابتوب حطيته على الكرويتة وكعدت على رجلة حجيت

_ليش هيج تعاملني مو تگول بنيتي وبنيتي شو هسة ماكو حتى ضحك ماتضحك وياي ولاتسولفلي مكيف على جنى ولبلب وعايف بنتك مووو بعد ماتحبني وين الي جان يگلي اني سندج وانت ترابت رجال مأمن عليج لو احطج بنص عشر زلم.

بس هسة بعد شتسوي ب بان عندك حفيدتك مو هيج هجانووو.

ابتسم طرف شفتة كرص خدي گال

_ام السان ولاتگعدين راحة، تصرفج انت و إسلام اكبر غلط باباتي مايصير تنزعين الحجاب.

والغلط الاساسي مني لان ما خليتج تلتزمين بالحجاب ولاالعباة..

انتفضت حجيت

_هاااا هاي شنوو ترى بابا حبيبي هي امي ماتلبس عباة وهسة تريدني البس اني!

هجِان: اختج تلبس.

بان: بابا خليني احبك تعرف بية ما احب المقارنة..

هجِان: لان انتِ مغرورة، بان اصحي على نفسج كافي غرورر دائما اگول الي صار وياها مو شوية هجان عوفها خطية.

بس يا بان كافي ترى اكو اللاف البنات الي نخطفن واغتصبوهن وتعرفين اهلهن شسوو!!؟

اني اگلج اعتبروهن عاااار عليهم وذبحوهن ولج الي بقت عايشة منهن طامة روحها وماينسمع صوتها مو هسة جايتني هيج تحجين..

ابتعدت عنة احس نكسرت من اقرب ناسي ذاك الي جان يگول عندي بنات عدال عشر زلم هسة يريد يطمني!!!!

اخذت نفس حجيت بحقد وكره

_ هسة طلعت عااار عليك مو بس گول ااي صار بسبب منوو احجي موجنت ماتنتقص مني شنو الي غير هسة هاااااا

خزرني گال

_صوتج لاتعلي لاكسر راسج، وبشنو مقصر وياج حتى تذبيها براسي احجي.

_مقصررر وبهوااي اولهن انك تزوجت وحدة اجباري بس جنت تگدر ما تتقربلها ولا تورطنه بهل حياة وثاني شئ ربكم ودينكم لباب هي الي جنت تاخذ رأيها بكل شي تالي هسةةة عايفتكم ولعلمك بابا كل هل لسان الي عندي من ايدك انت لان وديتني يم اخواتك وامك يعني مجايبتة من غريب من عماااتي اخواات ابوووية والنعم من اصل تربيتهن.

ولو محاط گورك وية هل رجل دين مجان سبيل مااتتت ولا اني ابتعدت عنكم..

غمض عيونة بقوة گال

_ عمي الله يساعد إسلام عليج، بس من تحجين احجي ب ادب كافي تجاوز، والله يرحمها سبيل ماتت ومارفعت صوتها علية وانت بعدج بطول النعال هيج تلعلعين..

ضربت على راسي بقوة حجيت

_كاااااااافي كااافي مقااارنة تعبتتتتت والله تعبببتتت داىما تقارني بيها عوفوعا بقبرها والله العظيم راح تكرهوني ب اختي الي هي روووووحي متعلقة بيها، مو كرهتوني حتى بروووحي، ويا بابا بعد تحلم تشوفني.

طلعت من الاستقبال واسمع يگول

_تحلمين تطلعييين من هل بيت يا طايحة الحظ هذا تعلوم اسلام..

رجعت يمة حجيت

_ترى اني ترباية رجال فا مستحيل ارجع بكلامي واذا هسة انت منسحب مني وتگول اسلام علمج فا والنعم من هل تعلوم ولتربية لان مخلاني احتاجك يا حبيبي.

ولعلمك انت بلسانك گلت بان انتِ تزوجتي وتمشين ورة زوجج.

عفتة وطلعت رحت لغرفتي سديت الباب ودموعي تنزل الي يگلك سبااق..

تعبت من المقارنة..

هم الي علموني هيج هم الي عاشرتهم هم الي خلوني احقد واكرة..

شنوو ذنبي اجيت لهل دنيا بسبب اب وام طايشين همهم ال فراش؛!!!

اكثر شغلة اكرها ان يكون زواج بس حتى ترضي رغبة...

خل يرضون رغبات بس اول شئ فكرو ب الي راح يجون للدنيا ويتعذبون..

او فكرو اذاتطلكتو منو الي راح يشتتت!!!

اني وية الطلاك اذا كان حرية واستقلال بس اا ضلم واضطهاد لا..

بطني موتتني الم مو طبيعي.

مددت على الجرباية نعست استسلمت للنوم.

حسيت باليل على الباب تندك.

صحت بصوت

_منوووووو

رد

_اني خُلوتي.

گمت بسرعة فتحت الباب مجرد شفتة حضنتة بقوة.

بادلني وهمس

_ عمي؟؟

شهگت حجيت

_اي

تنهد باس راسي گال

_ يالة تجين وياي اريد اتعشةبرة؟؟!

هز يت راسي حجيت

_انتضر بس اغير.

ابتسم گال

_انتضرج لاتتأخرين.

ابتسمت وسديت الباب طلعت بنطرون وقميص لنص الرجل وحجاب.

طلعت غسلت وجهي ورجعت نشفتة وحطيت مرطب بي تغطية وحمرة ومسكارة. بدلت وشمرت الحجاب على راسي.

كملت ورحت للهول اخذت جهازي دورت على اسلام ماكو

عرفتة بالحديقة وية امي.

طلعت برة لكيتهم كاعدين.

شافني گام باس راس امي گال

_ عن اذنج عمة، والي صار يمسني الي واني راضي بالسيئات قبل الحسنات.

ردت علية

_ والله يا عمة ما اعرف بشن. تفكرون انت وعمك وبان بنصكم..

ابتسم گال

_ وداعة عيونج اتخارب وية الدنيا كلها واخذها والي ما يعجبة يلطخ راسة ب اقرب حايط.

لان هي صديقتي واختي وبنتي قبل لاتكون زوجتي.

وانتِ طلعي منها المهم گلتيلي ااي بال عمي.

تقرب علية اخذ الحجاب من راسي عدل شعري گال

_ما مجبرة تسوين شئ حتى ترضين شخص، كوني انتِ يا بان مو يگولون اني هيلگتج وطلعت عينج!!

صيت الغنة ولا الفقر اريد من صدك اطلع عينج وتفكسين عين كل واحد گال بان معيوبة..

ضحكت وحضنتة بادلني الحظن صد على امي گال

_وداعة عيونج يا عمة تشوفين هل حضنة الي با ارادتها والضحكة مالتها تسوة عندي عمي وابوي وجدي وعشيرتي واهلي وناسي كلهم شلع قلع شمستفاد منهم غير الگال والگلت.

مسحت دموعها امي گالت

_ إسلام كون الها عون ابد لاتكون فرعون والله يسعدكم بحياتكم ويبعد عنكم كل حاسد وحاقد بحق امير المؤمنين..

_هذة دعائج يكفي ويوفي عمتي ولاتتوقعين مني الاذية لان اذا بيوم اذيتها راح اذي روحي..

جيلان: عين الرحمن تحرسكم.

ابتسمت وطلعنة.

صعدت بالسيارة عدلت شعري لان مكفش.

ساق السيارة وعينة علية..

وصلنة المطعم نزلنة ثنينة، توقعت العيون تكون علية لان ملابسه حجاب بس العكس مصار شي..

دخلنة للمطعم، طلبنة اكل تعشينة و طلعنة.

رجعنة للبيت بابا ماموجود رغم الوقت متأخرّة.

سبحت وطلعت مشطت شعري ووكفت كدام المراية

بطني شبة كبرانة صايرة نفس الكرش..

تلمستها وابتسمت حجيت

_ شوكت اشوف شكلك واعرف جنسك اذا بنت او ولد..

ولو اني افضل الولد اكثر من البنية لان البنت مظلومة..

صفنت للحضات بعدم وعي دعيت

_بحقك يا امير المؤمنين عند الله كون مااشوف البنية بعيني....

فزيت بفتحة الباب وغميت روحي على هل فشل وين اكو واحد هيج يدعي!!

صديت إسلام واكف يتمعن بية ابتسمت حجيت

_ها بشر طلعت صورة الي لو لا..

ضحك بخفة گال

_ سمنانة وحليانة..

زفرت نفس حجيت

_ لا تصنف فدوة.

تحمحمت وسحبتة من ايدة رفع حاجبة گال

_تطورات اكو وحدة هي الي تسحبني الها وين الي تشرد؟؟

ضحكت حجيت واني مركزة بعيوني الامعة..

_ هم تريد طفل مني!!

تنهد گال

_اذا اگلج امنيتي يمكن ماتصدكين بس اتمنة بنوتة منج تشبهج بكل شي بستثناء العناد..

عقدت حواجبي حجيت

_اني ماريد بنوتة اريد ولد وكون يشبة بابا واهم مو عصبي فزلكجي.

رفع حاجبة گال

_بذاتة ليش ولد شتسوين بي ترى اغار عليج ما اتحمل اشوف ولد وداخل احشائج او بحضنج وانت ششايفة من الولد.

تنهدت حجيت

_البنت تنظلم وما اريد تجي بنوتة عسل واظلمها وبعدين تگول سبب اهلي..

مسد على خدي گال

_ما طول انتِ امها واني ابوها مستحيل تنظلم.

ابوها إسلام وتنظم مو بالحيف وحق الي نزل القران اظلم واطيح حظ كل من يظلمها ويمسها بحجاية.

ضحكت حجيت

_لاتخليني اغير رأيي رجاءا

اخذت ايدة حطيتها على بطني لحضان احس شئ ننبض اني شهگت وإسلام بعد ايدة مصدوم..

ضحكت رجعت ايدة حجيت

_شوف ابنة مدري بنتنة تگول ليش تسبقون الاحداث وبكيفكم تحجون..

رمش اكثر من مرة صد على بطني رد ركز بعيوني ضحك گال

_ معقولة!؟؟

هزيت راسي مبتسمة

_اني حامل إسلام..

ضحك گال

_ححاامل؛!!

هزيت راسي حجيت

_اي حامل..

_يعني هذا حقيقة ومااتخيل او احلم!؟

بان: اي ولله حامل وحقيقة..

غمض عيونة ثواني وحضني بقوة وابتعد گال

_لالا مايصير كسرت الطفل.

ضحكت بصووت حجيت

_شبييك هو بعدة صغيروووني وين تكسر؛!.

رد

_انجبي خُلوتي ماطول دفرني هل دفرة اكيد حجمة كبير.

صد علية قلص عيونة گال

_ من شوكت عرفتي بالحمل

اسلام: مصار الي هواي.

_ يعني من گلتي هم يصير عندي طفل مجنتي حامل!؟؟

ضحكت حجيت

_حبيبي ترى مصار الي اسبوع من عرفت ومن گلتلك هيج جنت انت حتى مامتقربلي..

_لا متقرب

بان: لا ولله

_ انجبي ولج هسة اريد اصدك انو انتِ حامل بس شگلج ابد ما يوحي بهل شئ..

سكت لحضات گال

_ خالتي تعرف بيج حامل

بان: خالتك ياخالة شبيك إسلام

ضرب على راسة بخفة گال

_قصدي عمتي امج يالدوث شبيج صرتي ماتعرفين تحجين..

نهه كلامة بضحكة

قلصت عيوني حجيت

_ترى انتَ الي تحجي وامي ماتعرف لان ردت اگلك انت اول واحد..

ابتسم گال

_اشوف من حقها تعرف لان خطية مشلوع گلبها ويانة والله وگيلج كل يوم تتصل علية ودير بالك على بان وعلى نفسك.

طلع من الغرفة قبلي.

رحت وراة لگيت امي ساجدة بالگاع.

ضحكت وتقربت الها كالت

_مو شلعتو گلبي ، يتربة بعزكم ودلالكم گولو امين.

بان_: امين يارب..

ضلينة كاعدين يم امي نسولف وياها..

نعست وگمت رحت للغرفة مددت على بطني هستوني غفيت حسيت الباب نفتح..

لحضانت ونرفعت من الجرباية.

عدل نونتي گال

_تردسن تجرمين بقتل روح گعدي راحة بان.

ماحجيت شي بس حضنتة.

ضحك گال

_ نعامتي.

بان: هممم

_نامي نامي

ضحت وعضيتة من رگبتة

_ها سالمين هاي من شوكت تتحرشين؟

بان: من اليوم عندك مانع.

_اهلي يخافون علية صايرة مو قليلة نعامة.

بان: تي.

_ايش!؟؟

بان: كملها نعامتي..

حضني گال

_اروح فدوة لنعامة گليبي..

نمت بحضنة واني مطمئنة..

حسيت علية يصحيني.

كعدت حضنتة قوي گال

_يالة بقيتي بس انتِ ما مبدلة.

بان: ليش وين نروح؟؟

_ نسيتي غير اليوم السنوية.

بان : يااا نسييت،

گمت طلعت غسلت وجهي ولبست اسود.

نص ساعة طلعنة.

إسلام يم بابا بالصدر واني يم ماما ورة بابا.

بالطريق وكفو نزل اسلام جابلي كيك وعصير.

كملنة الطريق صادف يوم اربعاء ساعة بالعشرة ونص الصبح بين كربلاء وبغداد.

مانحس غير لوري اجة من طريق مختلف ضرب سيارتنة من الجهة الي اني بيها..

الجام تكسر وحسيت على حرارة تطلع من عيني ووجهي..

السيارة فترت بينه امي وإسلام خبصو الدنيا واني احس الدنيا تفتر بية الم مو بيعي ببطني..

اخر شئ حسيت علية صوت إسلام يصيح.

_بااااان...

ضلااام ما اشوف شي غير الضلام.

حسيت على اصوات ضجيج فتحت عيوني بخفة شفت إسلام ابتسمت ورمشت..

فتحت عيوني

حسيت بحرگة كلش قوية بوحدة من عيوني.

اون بس ما اعرف من شنو..

انتبت على رجلي مجبرة وايدي كذالك.

بطني حكتني حكيتها بيدي لثانية بقوة ردت حسيت ب الم كلشش قوي بحيث صحت صوت عالي.

_اخخخخخخخخ وبجيت.

دخلت دكتورة وممرضة على اثر صوتي.

حاولن يحجن وياي بس مااريدهن اريد إسلام..

اصيح ب اسمة

_اسلاااااااام

وع بطني زاد نوب بكذا مكان واني اصيح اريد اشوفة..

مر وقت دخل اسلام مابي شئ..

وكف يمي عيونة حمر

كمش ايدي گال

_شبيج يابعدها ل هل روح..

بان: اسلام ببطني بطني تووجعنييي

نزل عليه حضني بدون ما يحجي شئ..

بقيت بالمستشفى 15يوم اللام يزود ما ينقص..

اجت علية زوجة اقاربنة تقريباً بعمري او اكبر سولفت وياي كلامها يدخل الگلب خاصتة هي اعرفها من وقت..

اليوم طلعوني من المستشفى.

بابا ايدة مكسورة وماما واسلام مابيهم شئ.

واني ما اعرف شنو بية.

دخلنة للبيت إسلام شايلني.

دخلني للغرفة باس راسي گعد يمي مسد على شعري لحد ما غفيت..

حسيت على بيبيتي وزوجة عمو واصوات هواي يمي.

فتحت عيوني واشوفهم كلهم يمي صايرين حنينين..

اجو سلمو علية وتحمدولي.

كعدت يمي بطة اخت إسلام.

تسولف وية امها وتگول

_ يماا صرت اخاف منج.

ردت عليها

_ليش ولجشمسويتلج اشو ليلج نهارج كاعدة.

بطة: والله يا يماا دعائج بالمكان واني اخاف تطلع حوبتج بية نفس الي اخذو اخوية منة تالي الله طلع حوبتج سوو حادث وجان ماتو بس راد الله يشوفون عدلة واخذ بنتها منها فوكاها حتى مجاية للدنيا..

ردت عليهن بيبيتي

_الصمن لو الة يجي ويجربعجن مهانات يالة ترتاحن.

ربطت الحادث والم بطني الي ماعرف شنو وعيون إسلام او بالاحرى شكل اسلام ونضرات امي.

عدلت روحي حجيت

_ قصدج منوو وانتِ شجابج هنااا

ردت بيبي

_ماكو شي ارتاحي.

ماهتميت لكلامها صديت ل بطة حجيت

_تحجين لو اصيح ل اسلام.

ضحكت بستهزاء گالت

_ صيحي و حتى الله يطلع حوبتنة بيج مرة ثانية بس هل مرة شتخسرين اذا بنتج ماتت بسبب حقدج وسمج يالحية.

احس واحد وضربني بصينية على راسي.

بالگوة اخذ النفس واني شلون احبها.

صحت بصوت عالي وگمت جريتها من حجابها واضرب بيها وهي تصيح..

_ولج منو. الحية يالحقيرة عبالج اعووفج لا واللله سمي وحقارتي كلها من امج وعماتججججج.

ولكم جايييننن تشمتووووون بيةة اليوم اطلع قهر سنين من وراااج

احس فقدت وبس اضرب بيها.

اجت امها وخرتني عنها ضربتها بوكس ببطنها دفعتني.

رجعت عليها ضربتها وطلعتها من الغرفة جريت بطة من شعرها دفعتها برة وية دفعتي تعورت بالحافة مال الباب والدم ترس وجهه..

امها تصيح وتعيط

_يالكحبة يبواكة الزلم موتي بنيتي الله ياخذج هو هذه حظ الكحابب كاعد..

رديت عليها

_عفيةةةةةةة هو حظ الكحاااااب كاعد ماتشوفين بعدج ملفاية على عمي واذا اني الكحبة انت شنووووو هااااا ياعمة يالساقطة يالفووووة ترى انيييي تربيتتتج يا ام الخمووررى لاتنسين روحج انت منووو وهل بيت بيتي مالكم كعدة بي.

ردت علية

_ايييي فوك ما لفيناج لابني مدري وية منو لاعبة بروحج وابني ستر عليج هذا جزاء المعروف..

ضحكت بستهزاء بصوت عالي حجيت

_لا عينيييي لا ابنج ملفيني ولا اني ملفيتة ولاتنطنطين ولعلمج تني بنت بيت اخذني محد لامسني غيرة وشحدة الي يلمس اصبعي قاااابل اني حماتجججج الي تتنوم على الصدور لو طليان الي تدافع لعمتها وتصادق وتتحبحب والمي يمي من جوة رجليج وانت ماتدرين.

_هم الج عين تحجين ام تك كلى لو منج اطم روحي بالگاع.. دفعتني بقوة

صحت بصوت

و مااحس غير عمو مهوال وبابا واسلام وجدو وعمو حسنين..

تقرب علية اسلام كمشني عقد حواجبة گال

_شبييييج وياها

ردت علية

_ايي طبعا توكف وياها صدك لو گالو الك*** غلب الد***

الكحاب تفتح حلگك الهن واني توكف ضدي فوك ماملفيها وهي معيوبة جاية تصيح.

صاح بيها گال

_منو المعيوبة؟؟؟

ردت

_اكو غير الشلنفص الي يمك.

اسلام _منو گال معيوبة بان زوجتي واني الوحيد الي متقربلها كافي تسقيط يمة رحمة ل الله كافي گلتي اريد اشوفها ما گلتي اسوي مشكلة.

صد علية گال

_وانت هم غلطانة ماكدرتي تحجين ليش تضربين هااا؟؟

دفعتة وطلعت من الهول للحديقة

دموعي ينزلن وبأ اي لحضة اصرخ..

غمضت عيوني بقوة وفتحتهن احس عيني ضيقة من افتحها..

والم لان فركتها.

اكو مغسلة يم باب التواليت بيها مراية...

رحت عليها اعرج وبالگوة اخطو.

وكفت كدام المراية وانصدم..

عين صغيرة وعين واسعة وحده منهن مخيطة من الطرف ولكصتي من جهة حاجبي بحيث حاجبي نصة طاير مكان خياط..

شهكت بصوت احسة جرح بلعومي.

صحت بصوت عالي.

_اااااااااااااااااااااه

كعدت بالگاع ابجي واصرخ وجهي متشووة..

بابا اجة علية كعد يمي حضني دفعتة وگمت صرخت بوجهة

_عووووفنيييي انت السبببب طفليييي ماتتتتتتت و وجهييي تشوووووة..

اصرخ واكمز ماعرف شسوي بس الي اعرفة وجهي تشوه..

حضني بقوة گال

_سكتيي بان.

زدت بالبجي وحجيت

_ مرة الثانية بسببك لابا هذه المرةةة الثانيةةةة.

اشاهگ وابجي.

طلعت ام اسلام وابو واختة وعمو مهوال واسلام.

وكف عمو حسنين گال

_هجان ربي بنتك الي سوتة ماينسكت عنة، لاتخليني اني اربيها..

دفعت ابوي وصرخت بوجهة

_ ليشششش ماتربي نفسسك وبنتك ومرتك يالة تجيييي تربيني ترة ج زودتهااااا طلعووووو برةةة..

حسيت على بابا حط ايدة على حلگي وگال

_ واثق من تربيتي لو ما مسوين شئ وياها ماصارت هيج.

عضيت ايدة صاح بية گال

_متحولة كلب شبيج بس تنطنطين وتعضينن.

صرخت حجيت بحركة

_تعرفوووون شنو يعني تشوهتتتتت ولكم تشوووهت. عيني عيني تك وتككك...

سكت ماحجة شئ.

دخلت لغرفتي اة وراي عم مهوال كعد يمي سولف وياي.

نمت على رجلة تعبانة..

مرت الايام والاشهر واني ادمر مسويلي بيوم واحد تلث عمليات طحال واسقاط وعيني..

كل هل فترة ما احجي وية إسلام لان ضم علية عملية الكلى.

ابد ما گال الي عنها..

لحد ما بيوم راس السنة 2022 جنت احجي وية المتابعات عن الاحتفالات.

بليل دزلي مؤتمن فيد.

فتحتة ريمكس اغنية احبها

إسلام هو مسوي مندمج وية الاغنية ويشمر ب ادينة ويگول باااع العشرة..

الكلمتين الي خلني اراسل إسلام واگلة

_اني مبايعة العشرة لاتحجي من وحدك.

رد علية بنفس اللحضة

_احبج بذاتة.

ضحكت عضيت شفتي..

رد

_ لا لا المن هل خجل بس لا تعودتي على الوحدة.

كتبت

_اي تعودت.

دز

_مو كافي هل بعد!؟

رديت

_لا بعد.

دز

_حسبي حساب هل فترة يمج.

رديت

_انتضرك.

دز بصمة

_آآه يا خُلوتي مو شلعتي لگلبي.

رديت

_باي اريد انام.

انطة الردي اوك وراح.

الوقت كلة احجي وية متابعة من المتابعات.

صار الصبح واني اسولف وياهن..

واستمر هل وضع احجي وية اسلام اتصال لحد اجة اخذني.

وصلنة لبيتنة فتحت الباب دخلت نصدمت الكاع كلها نفاخ صديت على اسلام اشر يعني كملي.

وصلت للصالة وانصدم ب غزل ومؤتمن دفنة وتيم ويعقوب واصدقاء إسلام..

مسوين حفلة متوقعين هل فترة تزوجنة..

اجت ريمي باركتلي وتگلي

_بذاااتة ليش ماتگولين

ابتسمت بدون مااحجي.

كمش ايدي اسلام گال

_ وكدام الكل بان زوجتي شرعا وقانونا..

الكل بارك النة وإسلام جايب فستان لون احمر صارخ مال محجبات.

لبستة وحطيت مكياج خفيف وطلعت احتفلنة بزواجنة والي صادف نفس يوم زواجنة على گولت اسلام اعتبري عيد زواجنة..

اگدر اعتبر اسلام نعمة من الله الي لان هل انسان متحمل خبالاتي كلها..

بعد رجوعي لماليزيا بيومين بالضبط سائت حالتي

اخذني إسلام للمستشفى واتضح عندي فشل كلوي.

لازم اسوي عملية زرع كلى..

الي حنت اعرفة ما كو كلى ثاني يوم سويت عملية والكلى مطابقة الي.

طلعوني من العمليات غزل يمي..

سألتها عن اسلام مجاوبتني.

خلص اليوم وماشفت اسلام حقدت علية ليش ما تجة واني محتاجتة...

ثاني يوم الصبح كاعدة ندك الباب طلعت غزل

لحضات ودخلت وياهة مؤتمن كامش اسلام ويمشي بهدوء..

فتحت عيوني بصدمة حجيت

_شبيكك.

ابتسم كمش ايدي گال

_سلامتج شلون صرتي؟؟!

هزيت راسي ودموعي نزلن

_عليك الله گول شبيك.

ابتسم وضغط على ايدي گال.

_ هسة صرنة مشتركين بكل شئ.

بان: ما فنمت شنوو قصدك..

رد مؤتمن

_ إسلام هو الي تبرعلج بالكلى.

شهكت وبطني وجعتني زيادة..

بجيت وحجيت

_ليش نطيتني كلاتك.؟

_لان انتِ خُلوتي،.

كعد على الكرويتة بميلان متضايق.

لليل طلعنة من المستشفى.

ومؤتمن وغزل هم الي ويانة لحد ما مر اسبوع راحو..

لكيتة بالصالة متمدد.

رحت يمة مددت وحضنتة ضحك گال

_شبيها اليوم نعامتي.

دحست راسي برگبتة حجيت

_احبكككككككككككك

ابتعد گال

_لعد المن هل تجمع الدموع؟؟

وكعن بسرعة مجرد گال

ضحكت حجيت

_إسلام تعرف بعد ماتگدر تدخل ملاكمة

ابتسم وبعد شعري عن وجهي گال

_اي اعرف.

بان: لعد مامهتم؟

_انتِ تكفين وتوفين شسوي بهل روح اذامو انت وياي..

بان: احبكككك والله العظيم

باس راسي وشفتي گال

_ متأكد انتِ تعوضيني بالاحسن من كليتي.

بان: الله لايحرمن منك..

إسلام: ولا منج بنيتي.

بان: قصدك خُلوتي

ضحك بصوت گال

_خُلوتي ام لسان مشاكسة محد يجرعها غيري.

بان: محد گالك اتزوجني.

إسلام: ولا احد گالج حبيني وعلقيني بمشاكستج.

كارها العراق لان كل ما اجي يصير شئ وياي.

ابد ما اتمنة استقر بي..

هذا هي حياتي كدامك بخباثتي ومشاكستي وكل صفاتي السيئة قبل الزينة للصراحة اني طلبت من ام كيان تطلع مصايبي قبل بالكزء الاول والثاني.

احبكم نفر نفر واتمنة ماحاقدين علية ولو عادي بس تذكروني بشغلات حلوة.

وكل بنية حجيت وياها جانت احلى شئ بس ماذكرت اسماء.

واخيرا جنت واثقة القصة تعجبكم بس الواضح محد حبها غيرجن.

فاا حب چبير الجن.

النهاية...

مع الف سلامة متابعيني الاعزاء اتمنة كنت خفيفة الضل عليكم..

وشكرا لانتضاركم تأخري بطرح البارتات.

اتمنة منكم متابعة حسابي الشخصي لمعرفة كل جديدumkno22

وانتضروني بسلسلة رمضانية

15قصة بثلاثون يوم كل يومين قصة قصيرة.

بعيدة عن الحزن والاكتئاب وهل قصص موعدهن ثابت فقط برمضان.

والحمد الله مخلصة كتابة 9 قصص.

الي يحب يقراهن يدخل على حسابي الخصي ويتابعة او يضيف السلسلة للمكتبة.

سلام عليكم

رمضان كريم عليكم.

شلونكم بدون القصة؟!

ترى مفتقدتكم وانتم بذاتة ماتسألون.

واكيد هسة بعد اغلبكم حذف القصة مامهتمين.

وتفاعلكم بالبارت الاخير صدمني الصراحة يعني ابد مو نفس ما جنت متخيلتة  گلت على حماسكم الي اشوفهة التفاعل كلش حلو بس الي ضهر مامتحمسين الها.

وللعلم رواية لماذا احببتك صارت 100k وعلى هل اساس الكم بارتات لكل بطل من القصة  بخصوص مشاعر اكثر وحدة الها دور.

بس اذا لحكت اكتبهن وانشرهن بهل اسابيع.

المهم ياحلوين اريدكم تنوروني بالسلسلة.

سلسلة خمسة عشر قصة واقعية دارت في احدى بيوت العراقية ب ثلاثون يوم فقط.

توقع احداث احدى القصص دارت في بيتك..

احداث غريبة ومشوقة ذات طابع كومدي.

تغلب على وحدتك وافكارك السلبية بقراءة قصة قصير لاتتجاوز ال١٠،٠٠٠كلمة.

لها عنوان وليس لها ختام..

سأ اترك النهاية لمخيلتكم الواسعة..

لان الحياة لها نهاية واحدة وهو المنفى الوحيد الموت.

لانستطيع احياء او ممات احدهم..

تخيل معي انك تقرا عن معلومات اول مرة تعرفها..

قصص غريبة بين الاكشن الرومنسي والكومدي.

السلسلة مستوحاه من الف ليلة وليلة.

ولاكن خمسة عشر قصة في ثلاثين يوم..

منها قصص حقيقية ومنها لخيالي الواسع.

تبدئ هذه السلسلة يوم واحد بشهر رمضان الكريم يعني الاحد المصادف ٣بشهر الرابع.

والنشر طيلة ايام الشهر المبارك 🖤

_أي استفسار يخص السلسلة.

_اتمنة منكم تدعمون السلسلة.

وكل شئ مفاهمي گلولي واني افهمكم.

وللعلم القصص مختلفة جذريا عن كتاباتي كلها وراح اطلعكم من مود الحزن.

سلام عليكم

رمضان كريم عليكم.

شلونكم بدون القصة؟!

ترى مفتقدتكم وانتم بذاتة ماتسألون.

واكيد هسة بعد اغلبكم حذف القصة مامهتمين.

وتفاعلكم بالبارت الاخير صدمني الصراحة يعني ابد مو نفس ما جنت متخيلتة گلت على حماسكم الي اشوفهة التفاعل كلش حلو بس الي ضهر مامتحمسين الها.

وللعلم رواية لماذا احببتك صارت 100k وعلى هل اساس الكم بارتات لكل بطل من القصة بخصوص مشاعر اكثر وحدة الها دور.

بس اذا لحكت اكتبهن وانشرهن بهل اسابيع.

المهم ياحلوين اريدكم تنوروني بالسلسلة.

سلسلة خمسة عشر قصة واقعية دارت في احدى بيوت العراقية ب ثلاثون يوم فقط.

توقع احداث احدى القصص دارت في بيتك..

احداث غريبة ومشوقة ذات طابع كومدي.

تغلب على وحدتك وافكارك السلبية بقراءة قصة قصير لاتتجاوز ال١٠،٠٠٠كلمة.

لها عنوان وليس لها ختام..

سأ اترك النهاية لمخيلتكم الواسعة..

لان الحياة لها نهاية واحدة وهو المنفى الوحيد الموت.

لانستطيع احياء او ممات احدهم..

تخيل معي انك تقرا عن معلومات اول مرة تعرفها..

قصص غريبة بين الاكشن الرومنسي والكومدي.

السلسلة مستوحاه من الف ليلة وليلة.

ولاكن خمسة عشر قصة في ثلاثين يوم..

منها قصص حقيقية ومنها لخيالي الواسع.

تبدئ هذه السلسلة يوم واحد بشهر رمضان الكريم يعني الاحد المصادف ٣بشهر الرابع.

والنشر طيلة ايام الشهر المبارك 🖤

_أي استفسار يخص السلسلة.

_اتمنة منكم تدعمون السلسلة.

وكل شئ مفاهمي گلولي واني افهمكم.

وللعلم القصص مختلفة جذريا عن كتاباتي كلها وراح اطلعكم من مود الحزن.