تحميل رواية «للخُلة رأي اخر» PDF

قصةللخُلة رأي اخر

بارت مفاجئ

بقلمي: اورجانزا الطائي

.

.

.

.

.

.

.

.

.

.

.

.

.

.

.

.

.أنت لست لي

ولكنّي أحبك

وما زلت أحبك

وحنيني إليك يقتلني.

وكرامتي تمنعني وكل شيء يحول بيني وبينك !

.

.

.

.

.

.

قطع حبل افكاري صوت اسلام يگول

_شبيج بان وشجابج مو مريضة؟!

شهكت حجيت

_اجة

ستغرب عقد حواجبة گال

_منو، شو كومي موزين هيج نايمة..

رمشت  حجيت برجفة ونكسار

_مااكدر..

تنهد تقرب  علية مبتسم شالني گال

_ ادية موجودة وتكومين مو بالحيف وهسة ماعندج عذر بعد..

حطيت راسي على صدرة دموعي ماخذة مساهة.

دخل للغرفة نزلني على الجرباية راد يروح كمشت ايده حجيت

_لا ابقة اخاف..

ابتسم گال

_خُلوتي ثواني واجي بس اطفي الغسالة مشتغل التجفيف.

هزيت راسي حجيت

_التجفيف وحدة يطفي ابقى يمي.

كعد يمي گال

_زين والملابس ماحسبتي حسابهن مو تصير بيهن ريحة.

سحبت ايده نمت عليها حجيت

_والله اذا توخر اقفل الباب وماخليك تدخل.

عدل روحه وتغطة غرس اصابعة بشعري گال

_مو تگولين اخاف شلون  تقفلين الباب بهل حالة؟!

رفعت وجهي صار مقابل وجهه حجيت

_وشلون ينطيك گلبك تعوفني واني خايفة؟! لهل درجه مستهين بية

قرب وجهه علية غمضت عيوني باس ارنبة خشمي گال

_بس اريد اعرف ليش تغمضين هل زروف؟!

دحست راسي بركبتة حجيت

_احب احتفظ بالجواب ياستاذ.

ضحك بصوت گال

_نعامتي، مو كافي هل حركة.

بلعت ريگي حجيت

_ممكن تسكت اريد انام.

حضني اقوة گال

_ايش حلمتي، هل هيج مفزوعة؟!

دمعن عيوني حجيت

_تذكر قبل سنوات هذة الي تعاركنة بسببة، الحكم الي لكمتة وتعرضلي بحفلتك الي لكمتة؟!

رد بهدوء

_اي اعرفة، شبي؟!

رديت بخوف

_هو حلمت بي..

ضحك بخفة گال

_لعد حقج تخافين اذا حلمانة بوجه الغوريلا

_اسلاام  احجي صدك ترى لاتستهزء اسمع الحلم اول

باس كصتي گال

_طربيني يبعد الراحو والاجو.

غمضت عيوني وسولفتلة الحلم الي يگلك حقيقة مو حلم الي صار..

بعد عني رفع راسي عقد حواجبة گال

_يعني من ورى هل غوريلا هيج تبجين ولج باباتي عيونج اختفن  هل مرة صدك صارن زروف  جفجير..

ضحكت وزدت بالبجي

هز راسة گال

_لالا واصلة مرحلة الهرمونات عندج..

مسح دموعي حجة بهدوء

_ مو شلعتي گلبي بس تبجين تعالي نامي يابعد اليسوة والمايسوة 

رجعت مددت  بحضنة  غلبني ألم عيوني والنعاس نمت..

كعدت مختنكة واسلام مو يمي  كمت على كيف  غسلت وجهي ورحت للصالة اشوفة ضحكت مجرد شفتة يتمرن  ارتاكيت على الحايط حجيت

_بس اريد اعرف شوكت تشبع من التمرين مو كافي صبح ضهر عصر ليل الفجر كل وقت اجي الكاك تتمرن..

ترك الاثقال وتقرب علية مبتسم  كرص خدي گال

_صباح الشارب مي بلبل، شلونج اليوم

ضحكت حجيت

_يعني لازم تطلع صوج بية..

باس راسي گال

_يالة تعالي محضرلج ريوك يشهي بس كون تفردين هل وجه حتى توب

باوعتله صفح حجيت

_اعتقد دااضحك بس انت ماعرف اضحك ميعجبك ابجي ميعجبك.

تلمس حاجبة گال

_صدك بان اليوم تيم يجي قبل لاتگعدين بدقايق جنت احجي وياه.

ستغربت حجيت

_ليش هو مو سافر؟!

هز حواجبة بنفي گال

_لا وين من اتصل علية  وعلى اساس نحيي حفلة سوة ورفضت سأل ليش وحجيتله عليج،  لهذه اليوم  گال يجي.

هزيت راسي بس مامقتنعة بكلام اسلام..

كمش ايدي مشاني مجرد عبرنة الصالة شالني گال

_هم الوالدة ماتمشي هيج شبيج باباتي ترة تمشين على بيض تخافين يتكسر.

ضحكت كمشت بطني وجعتني..

هز راسة گال

_من اكول لو طخة لو اكسر مخة ماتقبلين.

رفعت باوعتلة حجيت

_ليش؟!

كعدني على الكرسي گال

_لو تغلدمين وبعد شيفك خلقتج لو تضحكين وتتأذين ماعندج وقت وحدود..

حطيت راسي على ادية مرتكية على الميز حجيت

_حمدلله شخصية وحده ومحلوف بيها من قبل الكل

عكس سوجي العزيز الي عنده اكثر من قناع وشخصية ماعرف اي واحد حقيقي...

باوعلي صفح گال

_كأنو اكو مخلوق ينطيها بالكصة عاف التبسمر..

انطاني كوب حليب  باوعتلة حجيت

_والجاي وين!

هز حواجبة برفض گال

_تعودي هل فترة بس حليب وسبوع ورعي على المطمطيات الي تاكليهن.

دفعت الكوب حجيت

_اذن عادي انتضر اسبوع واخذه من يصير وياه جاي.

رفع حاجبة گال

_باباتي ماي عيوني خُلوتي  اسبوع كامل اكل صحي بعيد عن السكريات والغازيات والمطاعم يعني اكابلج واكعد اسويلج اكل.

حضنت اديه حجيت

_سلوم مو تضوج بس شغلة بالي.

_الي هية

بللت شفتي حجيت

_شكد تصرف رفع عقد هز حواجب مو بعدين تصيرلك تجاعيد ولو طالعلك خط ممتد على كصتك..

ضحك بصوت گال

_بشرفج ماتركزين على الي حجيته تركزين على حواجبي  والله فايخه يابان وتعالي اذا قصدج على هذه  فا هو مو تجاعيد هذه شريان  وراثة على مااعتقد لان عندي وعند ابوج وعمج مهوال واعتقد جدج..

عوجت حلگي حجيت

_ولاحلو لعبت نفسي دام وراثت اهلللك.

رفع حاجبة گال

_نفسهم اهلج ياخُلوتي 

اخذت صمونة حجيت حطيتن بيها جبن  دورت مربى ماكو صديت علية حجيت

_اسلام وين المربى؟!

كعد كدامي گال

_لو مركزة على كلامي جان عرفتي هل اسبوع تاكلين صحي يعني مربى ككو كراميل وهل مطمطيات ماكو.

فتحت عيوني بصدمة حجيت

_لا والله صدك تحجي انت؟!

هز راسة واخذ الكوب گال

_اي

رديت

_زين اني مشتهية مربى شلون بهل حالة

نزل الكوب گال

_طلبي غيرها ومن عيوني اسوي الج اذا اعرفة.

ابتسمت حجيت

_تسوي كل شغلة اريدها

_اي بس بالمقابل تركين مطمطياتج

_اي شئ اريده بدون تعاجز

رفع حاجبة گال

_ليش تشوفيني بان واتعاجز على كوب مي اجيبة الي.

عوجت  حلگي  حجيت

_ترة زودتها كل شوي ومبسمرني.

ابتسم  بخفه  حط ادينه وره راسة گال

_ طلبي ايش تردين؟!

ابتسمت حجيت

_سويلي مربى جزرر ممنوع ترفض انت گلت الي تردي واني اريد مربى..

وخر ادينه كام وكف گال

_احلف عليج متقصدة حتى تملليتي، بس يالة اسوي گليلي شلون.

اشرت على روحي حجيت

_متأكد تطلب تطلب مني الطريقة؟!

_اي لعد من منو اطلب مثلا اذا اني ماعرف.

_ابحث على اليوتيوب ترى طبخك اطيب مني.

باوع صفح گال

_صبغي بعد حتى اسويلج.

ضحكت حجيت

_هسة قابل شنو حجيت  ياكلمة رجعي لمكانج يفهموج غلط..

راد يحجي ندك الجرص  طلع فتحه   اسمعة  يسلم تقرب الصوت ووضحلي صوت تيم..

باوعت لبسي مو مال اطلع كدامة هيج وبيتنه ما شالله الممر الوحيد الي تتنقلين بي بالبيت. 

مر وقت اختفى صوت تيم  ثواني دخل اسلام بيدة  ملابس تقرب علية گال

_من ورى سوالفج اجه تيم وانتِ مامغيرة ملابسج..

_والله يااسلام لو مصمم البيت نفس الناس جان ماحتاريت هيج.

شالني گال

_والله ماجنت مخطط اتزوج ومن رسمو الخريطة على مجمع مو بيت ماتشوفين  صالات من باب الباب مو منعزلة وبس المحل الة مخرجين..

فتح الباب گال

_وهسة احتاجينة المحل  دخلنة سد الباب كعدت على الكرسي غيرت ملابسي بصعوبة..

كملت نزلت حجيت

_والله هل مصمم فد فزكان وزايعتة الدنيا وانت اجيت طبلت وراه..

ضحك صد علية گال

_اول شي اسمة مهندس وثاني شي الفكرة مني وهوة رسم لااكثر ولااقل بس اكيد مو مال عائلة لان ماكو باب غير للغرف والحمامات وشي اكيد المحل الباب الداخلي..

راد يشيلني رفضت كمشت ايدة ومشيت..

وصلنة للصالة لكيت تيم كاعد   سلمت علية كعدت

كعد  قريب علية اسلام گال

_تيم نسيت احذرك من هسة لاتفلت حجي ترى والله ماعايز عرس فوك ماهي مريضة..

ضحك تيم گال

_لا يمعود اخذت درس بدوساتي الزايدة قبل مرة..

اخذو على الجو واستمرو بالكلام  صفنت عليهم رجعتني ذاكرتي قبل فترة

كعدت فازة على  صوت ضجيج و طلق وصياح كعدت مخترعة احس گلبي وكع بسلا رجعو  طلعت اركض  مجرد شفت الي ديصير شهكت وتقدمت علية حجيت

_يعني صدك تحجي انتَ  ماتگول اكو ناس نايمة؟!!

بشرفك لو اني معلية هل صوت شتسوي؟!

باوعلي صفح  گال

_ من الضهر ولحد الان نايمة واعتقد مامسوي شئ غلط حتى هل كلام؟!

فتحت عيوني بصدمة حجيت

_كل هذة ومامسوي شئ، عاشت ايدك.

حضن ايدنة گال

_وشسويت بالضبط؟!

_ماسويت شئ بس مشغل الفلم والصوت عالي والاضرب  فلم اكشن..

رفع حاجبة گال

_ ممكن تطفين الدكمة من يمج اذا متصير زحمة اريد اكمل الفلم بهدوء.

رديت علية بغباء

_يا دكمة؟!

شبة ابتسم اشر علية گال

_قصدي دكمة الي تطفي لسانج..

رمشت اكثر من مرة حجيت

_تعرف ماكو ابيخ من كلامك.!

هز راسة ورفع الصوت متجاهل كلامي..

حطيت  ادية على اذاناتي حجيت

_رحمة لللاصنام قلل الصوت ترى كلش عالي.

اشر عل اذانة بمعنى ماااسمعج،

خزرتة  وحجيت بصوت ناصي 

_ خبييث

گام  وكف كتم الصوت شمر الريمون تقدم خطوات بسيطة  كمش ايدي گال

_ماكو غيرج الخبيث..

گلبت عيوني حجيت

_هسة شنو تريد،

ركز بعيوني گال

_اريد اكطم لسانج الي ماعندة ستوب ووقت الي مفروض يحجي ويگول طلعت وية السلابات مايحجي.

رفع حاجبي حجيت

_ماحسيت موضوع مهم احجي الك..

ركز بعيوني گال

_اتفه التفاصيل الي تخصج مهمة عندي،  ماعتقد انتِ گاعدة بنص گلبي او عقلي حتى تعرفين؟! 

شتت نضري  بلعت ريكي حجيت بتوتر من قربة..

_اعتقد سبق وگلتلك اعجز تفسيرك  الك اكثر من شخصية..

تنهد حجة بهدوء

_وهذة الفجوة البينة انتِ داخلج نضيف..

ستغربت من كلامة ركزت بعيونه حجيت

_وانتَ داخلك شنو؟!

ابتسم بحزن کال

_لايعلم مافي القلوب الة خالقها..

ابتعد عني تحمحم گال

_ غيري ملابسج وتعالي للصالة نتدرب سوة.

هزيت راسي رحت لغرفتي بدلت ملابسي  طلعت لكيتة يسوي حركات احماء

اخذت الكفوف لبستهن بدون الباندج  تقربت علية حجيت

_بدون ماتستهين بية

التفت  رفع حاجبة گال

_خاف تطيرين بلكمة؟!

_ على كيفك اسلام  ترة مو ريشة كدامك..

ابتسم طرف شفتة غمز اشر بيده على الحلبة  گال

_تعالي  لعد

رحت وراه سويت احماء  حجيت

_  منو ببدأ  اني لو انتَ‌ 

عض شفتة گال

_النساء اولاً

رجعت خطوة لورة  ولكمتة   لكمات عشوائية صد اخر لكمة  وسيطر  ..

درجة  من قوة لكماتة رجعت ليورة صار ضهري على الحبال  وهو فاقد يلكم الي يكلك خصمة..

ادية وجعني  لكمتة ببطنةفي سبيل يبتعد لاكن صدمني من رجع اللكمة  صحت بصوت وكعت بالكاع بطني موتتني.

نزع  الكفوف  تقرب علية  دفعت ادينة وگمت  كمشت الحبل   نزلت من الحلبة  اريد انزع الكفوف ماكدر..

كمش اكتافي گال

انتضري بان..

ردت امشي عاط  بوجهي  نزع الكفوف  شاف ادية عقد حواجبة گال

الباندج ليش مالافتة؟!

نزلن عيوني على اديني  حمرر  ومتجرحات..

والسبب لان كفوف الي لابستهن مال تدريب مو مواجهة..

غمض عيونة گال

_اخذج للمستشفى؟!

ضحكت بستهزاء هزيت راسي حجيت

_وشنو تگول فقدت وتوقعتها خصمي  وهيج سويت لو شنو حاب تگول.

كمش راسة گال

_نفعلت زيادة وانتِ لكمتيني..

هزيت راسي عفتة  ودخلت لغرفتي قفلت الباب علية..

مددت على الجرباية حاضنة جسمي وجع كلش قوي ببطني..

دموعي تنزل واشاهك بدون صوت..

دك الباب مارديت علية حاول هواي وسكت.

مر وقت گمت بصعوبة رحت  للحمام سبحت بمي حار اريد الالم يخف رغم حرارتة جوتني..

لبست الروب ولفيت شعري طلعت رحت للمطبخ حميت الجاي  صبيت بكوب وياه حليب  طلعت من المطبخ

رحت لغرفتي  قفلت الباب حطيت كوب على الكومدينة   طلعت ملابس بدلت  ومددت ماحسيت على روحي غير نايمة..

مرت الايام وعلاقتي بااسلام تدهورت  حفلاتة  كثرن..

نحجي على كد السوال والجواب.

لحد  ما اليوم  قبل السباق طب  كعدت بالصالة  اراجع الحصص الي فاتتني..

اخذت  قلم ارسم بالكتاب ملانة من هل وضع  جهازي ماخذة مني فوك الاسبوعين وطلعة مااطلع  حتى دوام مااداوم..

ضهري وجعني نمت على بطني واحرك رجلية بالهوة  وارسم  او بالاحرى اشخبط..

صادف اكو صورة عالم  سويتلة شوارب  وندمجت وياه ارسم واضحك تخيلتة بالشوارب الثخان.

رفعت راسي  صار كدامي ماهتميت    ثواني حسيتة واكف قريب علية..

_بان

رفعت وجهي حجيت

_نعم

_كعدي عدل اقري.

گلبت عيوني بملل حجيت

_جهازي وماخذة والطلعة مانعني  وفوكاها ماخذلي اجازة مرضية وهسة تحاسبني على  كعدتي؟!

وخر الكتب كعد يمي گال

_ عفية رشاشة مو لسان.

عدلت كعدتي حجيت

_تعرف انت ممل صاير؟!

رفع حاجبة گال

_ لان انتِ صايرة نفسية،  ساعه الي تعجبج تبجين وساعه تضحكين.

لميت كتبي  گمت وكفت  حجيت

_المفروض عادي لان انت  عندك اكثر من شخصية..

هستوني  درت وجهي  جرني علية كعدني بحضنة  گال

_ اذا انتِ مابيج حض تميزين  اني شعلية  كادرة بس بالتليسن والتخوزر..

بلعت ريگي   دفعت ادينه  ردت اكوم    ضغط على ادية حط راسة عل. كتفي گال

_ شدعوة هل مشاكسة،  وبطنج شلون صارت..

دفعتة بكتفي  حجيت

_تقتل القتيل وتمشي بجنازتة

عض ايدي  بقوة گال

_شو بعدج كدامي مايطكج دهر.

نبتت اضافيري بيدة  فلت ادية كمت من يمة حجيت

_ لاتتمسكن بازو افندي.

ضحك  بصوت گال

_تردين جهازج؟!

رفعت حاجبي حجيت

_اكيد.

تلمس حاجبة گال

_ تحذفين كل شئ اله دخل بالقصص، لو يبقى يمي اختاري.

فتحت عيوني بصدمه حجيت

_تعرف افضل يبقى يمك ولااخذة ومااقرة.

_هايهية  لعد بقي يمي.

ثواني اجتني فكرة باوعتلة حجيت

_عادي  انطينياه موافقة واحذف كل شئ اله دخل بالقصص ومااحمل تطبيق واسجل دخول بي.

طلع الجهاز شمرة علية اخذتة  فتحتة بدون رمز الافندي موخره..

ضحك وراح للمطبخ.

لكيته  حاذف التطبيقات كلهن بس الواتساب..

اخذت كتبي رحت لغرفتي  سديت الباب  كعدت على الجرباية دخلت على الكوكل بحثت عن القصة كعدت اقراها  هو منعني من التطبيقات مو من الكوكل لو مانعني من الكوكل جان  لاغي تفعيلة..

التهيت بالقصة لحد ما دك لباب دخل گال

_باجر عندي سباق تجين؟!

هزيت راسي حجيت بحماس

_اي اكيد شلون لعد

ابتسم طلع من الغرفه..

خلص اليوم واني اقرة بالقصة نعست نمت  كعدت ثاني  يوم  الصبح بالدوام والعصر رجع  تعشيت وحدي   بدلت وطلعنة  وصلنة مكان السباق  الكل مجموع  دنيا ليل والسباق غير  قانوني..  

وكفت يم دفنة نشجع وهو واكف كدامي   ضربو طلقة بالسمة  انطلقو المسابقين..

لفو اول لفة  والثانية  بالثالثة  بعد عشرين دقيقة يخلص السباق   ماعرف ليش خفت..

غمضت عيوني ادعي ينجي اسلام لان تلاثة سوو حادث..

ثواني مااسمع غير صيحه دفنة تگول

_ لاااااااا بااااااز

فتحت عيوني  واشوف دراجه اسلام  مسوية حادث..

صحت  ركضت بااتجاه الدراجه مكان الحادث  تفصل بينه  متر واحد  كمشوني ماقبلو اروحلة كعدت بالكاع اصرخ وابجي   ثواني اجت الاسعاف والشرطه  يتبع...

توقعاتكم للبارت القادم.

سؤال

تعرفون ايش تعني الخُلة؟!

بدون ماتبحثون جاوبو 🖤

تفاعلو على الفقرات ولاتنسون التصويت.

قصة للخُلة رأي آخر

بارت اا؛ ٩

بقلمي:اورجانزا الطائي

.

.

.

.

.

.

.

.

.

.

.

.

.

.

.

.

.

.لا سلطـة لنـا على قلوبنـا هى تنبـض لمـن تريد

ولاكن لنا سلطة على عقلنا نستطيع التحكم بة وقت مانريد..،،♭!!

فتحت عيوني بخوف  ادعي الي سمعتة غلط  صارت كدامي  دراجه اسلام  مسوية حادث..

صحت  بصوت نفسي سرع..

  ركضت بااتجاه الدراجه مكان الحادث  تفصل بينه  متر واحد  كمشوني ماقبلو اروحلة كعدت بالكاع اصرخ وابجي   ثواني  مااسمع غير صوت  الاسعاف والشرطه..

دفعت دفنة  ركضت لاسلام الي محاوطينة شباب.

وخرت القبعة من وجهه مامتضرر  فتح عيونة بتعب كج فقد الوعي ..

اجو الاسعاف شالو حطو على السدية  واخذو..

كامشة گلبي  بيدي بس لا يصير بي شئ،  رحنة وراهم اجه صديق اسلام  اخذ دفنه مدري شنو حجه..

رجعت دفنة گالت

_يالة بان بسرعة  صعدي.

هزيت راسي صعدت  دموعي مو راضية تخلص..

مر كدامي كل شئ حلو صار بينه بهل فترة.

سيارة الاسعاف كدامي تمشي  مجرد افكر بااسلام بيها گلبي ينقبض..

ثواني معدومه سيارة الاسعاف كملت طريقها واحنة تغير المسار..

صديت على دفنة حجيت

_ليشش  اجيتي منا؟!

باوعتلي گالت

_ طلب من باز، اسفة بان..

فتحت عيوني بصدمة حجيت

_ بكيف بازز هية بسرعه التفي ترة اگلب الدنيا هسة..

تنهدت گالت

_ ساعتين بالهواي ويجي لاتكبرين الامور كل مرة تصير هل اشكالات..

ماتحملت عطت بوجهه

_ولج هية هيتة واكبر الامور الولد نشحط بالگاع لحد مانصدم  وتگليلي لاتكبرين الامور.

ردت بضجر

_اعتقد جنتي مغمضة عيونج شلون شفتي هيج صار وياه وشغلة ثانية  اذا كعد باز ولكاج يمه مو بعيدة ينسى صداقتنة والاهم شغلنة..

وكفت السيارة كدام البيت گالت

_ بالة بان نزلي والله راح ابقة يمج منا لحد مايجي وتشوفي حتى تصدكين كلامي..

نزلت من السيارة سديت الباب  تمشيت لباب البيت طلعت المفتاح من جوه السندانة فتحت الباب دخلنة.

نزعت الجاكيت كعدت.

تقربت علية دفنة گالت

_بان على كيفج لاهيج تسوين.

ماحاجيتهة شئ لان من جد  محد يعرف علاقتي بي

مر وقت وفاتت الساعتين وهو ماكو

عصرت راسي حجيت

_دفنة تجذبين  علية وين صاروو

كمشتني من اكتافي كعدتني گالت

_حجيت وياهم قبل شوي گال راح نوصل..

غطيت وجهي باادية احاول اسيطر على روحي،  ثواني صدمتني دفنة بسؤالها.

_ تحبين باز؟؟

وخرت اديه  ركزت بوجهه ثواني  هزيت راسي بنفي حجيت

_لا

عدلت شعرها گال

_لعد ليش هل هسترية؟! معقولة بس لان ابن عمج!

لهمت شفايفي حجيت

_واذا ابن عمي مااهتملة؟!

زفرت نفس گالت

_يعني ماعندج مشاعر لباز!

هزيت راسي  بنفي حجيت

_گلتلج ماعندي لاتلحين وشغله ثانيةهسة انتِ  مشغول بالج علية وكل شوي تتصلين على ماعرف منو تاخذين اخباره يعني عندج مشاعر اتجاها؟!

كامت وكفت عدلت تنورتها القصيرة گالت

_للاسف الشديد عندي مشاعر عابره مرحلة الحب والهيام..

رجف جسمي اريد احجي مااعرف دموعي طفرن من عيني، غمضت بقوة حجيت

_هو يبادلج؟!!!

_هه يريد يتززج وحدها محد شايفها غيرة، لان ابن عمج النذل مايحب المستعمل..

فتحت عيوني بصدمة من كلامها حجيت

_يعمي هو گايلج هيج!.

ضحكت كعدت يمي گالت

_اي اعترفتلة وهذه جوابة..

سكتت مااعرف ايش اگول.

مر وقت والصمت سيد الموقف..

قطع الصمت صوت الباب اخذت جاكيتي  طلعت بسرعه للباب لبسته وفتحت الباب صار كدامي  واكف مرتاك على صديقة..

دخلو للبيت كعد على الكرويته يضحك ولا كانو صاير شي..

صديق اسلام  ماقبل يبقى  ودفنة گالت تأخر الوقت راحت وياه..

سديت الباب وراهم ورجعت للصالة لكيتة متمدد  وكفت يمه حجيت

_محتاج شئ

هز راسة گال

_سلامتج،  روحي نامي تاخر الوقت..

كعدت يمة حجيت

_منو گال نعسانة ماعندي شئ.

صد علية ابتسم گال

_بس اريد انام، شلون بهل حالة.

رفعت حاجبي حجيت

_لا صدك فاجئتني والله منك من الشيطان  اسلام الي ماينام اليل هسة نعسان!!

قلص عيونه گال

_ليش ربي وحد ومادري.

گلبت عيوني حجيت

_ستوب ارجع بكلامي نام وسبع هناوي واني اقرة قصة يمك.

رفع حابة گال

_سبع هناوي ايش هاي نوب طلعت صفح وية مفرداتج العجيبة؟!

تلمست شعري حجيت

_والله ماعرف كلمه وطلعت وتعالي سلوم هذه منو الي يحجي على المفردات ابو خُلوتي  وماي عيوني.

هز راسة گال.

_ماتصيرلج جارة والله.

رمشت اكثر من مره حجيت

_صدك حمدلله على السلامه.

ابتسم بتنهيدة گال

_لله يسلمج لو عايفتها على باجر.

_اسلاام شبيك..

_سلامة گلبج خُلوتي.

_لله يسلمك..

جبتله غطة غطيتة  لان مقبل ينام بغرفتة.

مددت على الكرويتة الي كدامة.

لكيت  گمرة مراسلتني

؛؛ عوبة وين مختفية

رديت؛؛ يعني وين غير بين الدراسة والبيت.

طلعت من الواتساب بحثت بالگوگل عن القصة الي اقراها.

قريت البارت وصلت لنهاية البارت صار مشهد رومنسي   عدتة اكثر من خمس مرات بس اريد كلمة وحده تكذب المشهد بس مالگيت..

معقولة اكوهيج حب!!!

او هيج احساس؟

معقولة الي يحب ينعمى على گلبة ويشوف اطباع المحبوب كلهن صح!؛

زين ليش ماموجود، وليش مااحس هل حب الي ينحجي عنه حقيقي..

ضرب كصتي بخفة حجيت

_بان تضلين بهل سوالف هية كم كلمة هيج يسون بيج شگد غبية..

خرت من الگوگل دخلت الواتساب لان گمرة ردت على الرسالة بس لان جنت اقرة ماجاوبتها.

لكيتها كاتبة

؛؛ واسلام ماله وجود..

؛؛ حقيرة اعرف بيج شفتي الرسالة ومارديتي لان تقرين القصة.

؛؛ سخيفة ام صماخ ردي لاوالله اطيح حظج.

رديت عليها

_على كيفج لاتيطگلج عرك واي جنت اقرة انتِ شعليج يبعد جساس واهله..

ردت

؛؛ يول تذكرت بما انوذكرتي جساس بشريني اسلام ماطك البيض.

مافهمت قصدها رديت

_ولج ام الوصخ  شنو طك بيض من طكج عرج انشالله گولي امين.

ردت ضحكة طويلة و

؛؛ بعدج عقلج صغير اترجمها الج مانفكت جبستكم

عوجت حلگي حجيت

_جبس لله راسج  ولج احجي عدل

؛؛ اطكها طك بدون عيب واووع

رديت

_قبل لاتحجين لعبت نفسي تصدكين

؛؛ على كيفج بانو لعد لو ****** شتسوين

نصدمت بجرئتها معقولة هذه گمرة الي عفتها؟!

رديت

_دماغ مطي وطلي  حقيرة شنو هل الفاض اييع ولي عايفة هل قرف الج ست گمروو 

؛؛ هو اني شنو حجيت وأنتِ نقرفتي

رديت

_ماطيح حظ دماغج ووصخ عقلج غير عمو جساس ارفعلة القبعة على هل انجاز

شافت الرسالة وماردت  خرجت من المراسلة اقل الخمس دقايق دزتلي صورة انتضرتها تحمل ثواني وانصدم ٩٩ حقارتها..

ماخذة سكرين لاخر رسالة دزيتها  ودازتها لعمو جساس شافها وراد عليها بضحكة طويلة و

؛؛ سلميلي على بان وگليلها الخجل بهل وقت مايراد وهذه تربيتي شاون ماترفع القبعة الها.

مجرد قريتها خجلت رديت عليها

_حقيره طايحة الحظ دماغ طلي ومطي يالدوث شلون دزيله هل رسالة..

ردت بضحكه طويله و

؛؛  الخجل  شايلينه من زمان يوم الكم تشيلو وتكبرون عقلكم وتلعبون العاب مال متزوجين مو مخطوبين

_عزا عزا ولج والنبي زايعة المستحة امشي ولي واني الدوث الي ارد عليج.

دزت

؛؛ لا جد سوري على قبل فترة من سألتي عن السا** جنت اعرف لان قارية القصة قبلج وبوقتها جساس موجود  ضحكت كدامه سألني سولفتلة الي حجيتي عاد  رديت عليج بس والله ترى  الفكرة فكرتي على انو سألي اسلام بس جساس ضاف لمساتة.

رديت عليها

_وبهل حركة السخيفة كرهتيني بكل شي

ردت

؛؛ شلون، بس لا تم زواجكم

رديت

_شبيج يمعودة تره زودتيها عوفي زواجي وولي هسه.

ردت

؛؛ خاب غير رسمت سيناريو  

_على شنو

؛؛ توقعت تثير المشاحنات بينكم ويتم زواجكم.

_اي مو اني بالقصص ومادري

؛؛ هاي منو تحجي وين الي ماتقبل على احد يحجي عل القصص

_امشي ولي  دااحشش على كلامج.

سديت الجهاز قبل لاتجاوب التفتت على اسلام نايم..

عدلت الغطة صديت علية  لحد ماغفيت..

ماعرف شگد مر وقت حسيت على صوت ونين.

تقربت عليه يون دست كصتة بارده مو مصخن،  ضربت على خده بخفه وحجيت

'اسلام اكعد اسلام.

كعد فاز بالگوه ياخذ النفس..

صفن بوجهي ثواني گال

_باان  وغمض عيونه عاقد حواجبة..

مديت ايدي على خدة حجيت.

_اسلام شو اكعد لاتخوفني

سحب روحه عدل جسمة كعد گال

_اريد مي..

هزيت راسي گمت صبيتله مي ونطيته شرب يون

كعدت قريب عليه حجيت

_لاتخوفني فدوة شبيك..

ابتسم گال

_مابية شئ بس شوي اريد ارتاح.

هزيت راسي بدون مااحجي شئ

مر الوقت والجو كشف والشمس طغت على ضلام اليل..

واسلام على كعدته صافن بالفراغ..

حرك روحه گمت قبلة حجيت

_شبيك

انطاني ايده كمشتها  ارتاك علية گام وكف  مشيت وياه لحد الحمام دخل  سد الباب بقيت انتضرة..

مر وقت بسيط سمعت صوت المغسة  نفتح الباب طلع كمشت ايده  ورجعنة للصاله كعد گال

_اخخخخ يالله

اشرلي على علاگة الادوية  وديتها اله  طلع منها عصارات تلاثة  وكبسول نوعيتين..

اخذ نفس بقوة گال

_بان بدون صغر منج بس جيبيلي علبة صغيرة تلكيها بااول مجر ميز الجرباية لونها فسفوري فارغة محطوط عليها علامة اكس.

عفته بدون مااحجي رحت للمكان الي گالي علية فتحت المجر بي كومه علب  الوان وهل مره من جد اسمي قوز قزح لان درجات اللون بس بدون تكرار..

وكل علبة محطوط علامه لو حرف..

اخذت العلبة الي گال عليها حجمها متوسط  نطيتهياه ووكفت قريب علية.

اخذها فتحها طلع منها نفس الخاشوكة بس تتصفط بلاستك فتحها گال تعالي ساعديني.

كعدت يمه حجيت

_گول شنو اسوي

نطاني العلبة مفتوحه گال

_كمشيها.

اخذتها بيده وهو اخذ عصارة كريم لون ابيض  عصرها كامله بالعلبة.

رجع اخذ كبسولتين حطهن ويه الكريم  وفتح عصارة لخ لون بنفسجي غامق هم فتحها ورجع حط كبسوله ونص  واخر عصاره خلاها وحط فوكاها  كبسولتين..

اخذ الخاشوكه  خلط بااتجاه واحد  لحد ماندمج الخليط..

اخذ شي سواه اخذ شيشه  صغيره بيها دهن فرغ خمس قطرات وخلطها حركه دائرية..

كمل الخلط غلقه بالقبق  دنك راد يرفع البجامه..

رحت اله حاولت ارفعها ماترفع لان باندج ملفوف..

گمت لغرفته طلعت برموده رجعت يمه  حجيت

_كوم انزع البجامة  البس البرموده حتى ماتتأذة

انطيني اني اكمل الباقي.

دنكت عليه حجيت

_لامو بكيفك، ياله گوم ماطول تطوعت قبل لاخجل وتالي تروح بيها..

ضحك گال

_ماكو تراجع

هزيت حواجبي نافية.

نزع البجامة لبس البرموده بمساعدتي.

مد رجله ردت افتح الشاش  كمش ايدي گال

_اني اسوي عوفي انتِ

ركزت بعيونه حجيت

_ليش

ابتسم طرف شفته گال

_تلعب نفسج وانت تخافين..

هزيت كتفي حجيت

_بس اني اريد اسوي عوف هذه اللطافة

كرص ارنبة خشمي گال

_مشاكسة والله

ابتسم حجيت

_اعتقد انت زوجي شتريدني اصير

رفع حاجبة گال

_السين وين راح اليوم.

تحمحمت حجيت

_لا موجود بس هسة وقت جد

وخر ايده گال

_على كيفج واذا خفتي تركي

هزيت راسي فتحت الباندج   لو احس گلبي انقبض  الجلد مجلوط وبس اللحم واضح  ونوب شلون الحرك صاير من المنضر هم لعبت نفسي وهم خفت  بحيث ماسيطرت على دموعي نزلن..

ابتسمت من بين دموعي موراضيه توكف منضر ولااتخيلة   عضلاته المتقسمة مجلطة تجلط شكد يعتني بجسمهة وعضلاته تالي هيج يصير بي؟! 

اخذت الكريم الي سواه ردت اخلي بيدي ماقبل نطاني قطعه  نايلون مستطيله  اخذت بيها خليت على رجله نز بحيث رجله ىجفت بس هو قلصها او شنطها غمض عيونه گال

_كملي بان

اخذ من الكريم واخلي على رجله حسيت البلاستك تأذي ذبيته واخذت بيدي حطيت على رجلة كملتها حجيت

_اسلام خلصت.

هز راسة بدون مايحجي حرف واحد مغمض عيونه.

عفته وكمت اغسل ادية 

اخذت صابون سائل غسلت اديه كامن يحركني نشفتهن  واباوعلهن اريد اشوف ليش يحركني وانصدم الجلد مكشر واضافيري طبقه منهن مزيوله..

سمعت صوت اسلام رحتله 

عيونه حمر اشر على الباندج  اخذته  رحت يم رجله لكيته ممتصه الكريم ومكشرة  لفيتها بالباندج  عصر راسة گام وكف.

اخذ المصلاية  حجيت

_اسلام وين تكدر تصلي؟!

ابتسم بدون مايحجي وكف يصلي بس واضح علية بالگوه يصي وصوت ونينه واضح..

حطييت قوري الجاي على الطباخ رجعت للصالة لكيته متمدد كعدت يمه حجيت

_تتريگ

_اريد انام اگلي انتِ ونامي.

غطيته ورحت للمطبخ سويت شوربة حليب هوه يحبها والشغلة الوحيده الي فالحه بيها اني.

رجعت يمه لكيته نايم  دخلت للحمام سبحت وطلعت بدلت مشطت شعري واسلام بعده نايم.

رحت كعدته ماقبل يكعد.

صارت الساعه وحده ونص   حميت الشوربه وصبيت بطاسة رجعت للصالة  حطيتها على الطبلة كعدت بصفه اكعدة  كعد

بالگوة يالة اكل شوي اخذ الدوة  انطيته الريمون  ورحت غسلت مواعين اسلام رجعت يمه طلب اطفي الضو.

طفيتة ومددت على الكرويته الي كدامة.

ضل يگلب مايصفة على قناه وحده..

نعست كلش  نمت.

حسيت على صوت البلازمه ولايبطل هل طبع والنوب نايمه جواها..

كعدت بعدت الغطة حجيت

_شلون صرت

اشر على البلازمه گال

_تعالي نتابع هل فلم.

ضحكت حجيت

_اغسل وارجع.

ذب  لريمون على الكوشه گال

_دخيل الله شگد تغسلين  هم لو ولد بيها مجال  عاذة  بس انتِ لا

فتحت عيوني بصدمه حجيت

_على كيفك وياي گلت اغسل مو اسبح شبيك اسلام..

غرس ايده بشعرة گال

_كومي صاير اخلط.

هزيت راسي  گمت غسلت وجهي  سويتلة ماعون فواكه برتقال وتفاح  وكرزات اخذتهن رجعت للصالة حطيتهن بينه.

كل مره ياخذ جطل  بس هل مره فاجئني اخذ بيده  اكل الشيف گال

_ليش محاطه ملح.

_ماتوقعت تحبة لان قبل فترة ماحبيتة.

_لا حبيته بس طعم غريب بالاول.

جبتله الملح رش على البرتقال ويتابع الفلم.

مر وقت اني طفيت  بالگوه فاتحه عيوني..

انتبه عليه گال

_كومي نامي بان

اغمض بعيوني وافتحهن اريد اركز حجيت

_لا منعسانه

ضحك گال

_اي واضح عليج بس ياله گومي نامي لان تعبت واريد انام.

كمت  مددت بمكاني بعد ماشلت الهوسة وغطيته..

مجرد خليت راسي على الخدة غفيت،

وهيج مرت الايام ايدي بيد اسلام وصار شهر من اسلام سوة الحادث.

حالتة كلش زينه رجلة بيها اثار خفيفة كلش بس ايده من الكتف اثر واضح..

واسلام رجع لحفلاته نفس قبل واليوم طلع الصبح نفس العادة ودفنة تجي علية..

قطع حبل افكاري صوت اسلام يگول

_بان تيم يحجي وياج..

_هاا تيم اعتذر ماسمعتك..

ضحك گال

_صفنة خير ، المهم بان مصار عندج اعراض مامعقولة يوم وثاني يوم تسوين عملية!

عقدت حواجبي بتفكير حجيت

_لا ابد مصاير عندي الم فجئة بيوم الي جنت موجود  صار عندي الم..

تيم_الصراحة اول مرة تصير هيج حالة كدامي،  زين انتِ هم مضروبة؟!

هزيت راسي بنفي.

صد على  اسلام الي صافن علية وواضحة علية الخوف..

_اسلام لاتگلي الي بالي بالك...

غمض عيونه گال

_اي

ضرب على رجلة گال

_لا بشرفك هم سواية هاي؟!

_ لعلمك اول ماتزوجنة  تعلمت..

رد علية باانفعال

_وانتَ الافندي ماعولت..

:: هسة غير افهم عن شنو تحجون؟!

رد علية اسلام

_قصدنة على الملاكمة..

_ ترى الملاكمة مو الج  وهذه ضربتة منومتني يومين بالفراش.

اسلام: بالغت ثاني يوم سافرت.

تيم: حقك مو يمي،  بس احب اطمنك الي صار وية بان بسببك.

اسلام: اي بعد بعد  زودها خاف هية ناقصة..

تيم :المهم احسسك بتئنيب الضمير.

اسلام : طيح صبغك وصبغ الضمير الي تحجي علية.

كام وكف ضرب على رجلية گال

_يالة ماعندج غير العافية،وانت اسلام الي كعدة وياك.

ابتسمت مجاملة حجيت

_بعد وقت.

تيم : قصدج الله وياك صارلي ساعة يمكم وزيارة المريض المفروض قصيرة..

اسلام: حمدلله حسيت.

تيم : تعلم المجاملة من بان، على الاقل تخلي واحد يجيك.

اسلام: ومنو گال اريد احد يجي؟!

باوعلة صفح گال

_عن اذنج بان  زوجج المصيون بدة يخبص.

ابتسمت حجيت

_لو ماعلاقتكم زينة فلا يحجي وياك هيج.

_اعرفة سنوات وياه  وانتِ ديري بالج على روحج.

طلع اسلام ورة تيم، اقل العر دقايق رجع گال

_بعدج مصرة على المربى؟

التفتت حجيت

_اكيد وانت انطيت كلمة

  تلمس حاجبة گال

_يالة امري ل الله.

ضحكت على شكلة گمت وكفت    كمش ايدي گال

_على كيفج.

اخذني للمطبخ طلع جزر  برشة  وحطة بگدر صغير  صد علية گال

_لابتوب وين؟!

هزيت كتفي حجيت

_ماعرف، اخر مرة حطيتة بغرفتك، ليش

تشر بيدة وطلع  ماطول هواي رجع بيدة الابتوب فاتح على مقطع.

حطة يمي گال

_هسة تمام.

رفعت  حواجبي حجيت

_ تتعلم تسوي المربى،ومن تگول تنجح

ابتسم بثقة  گال

_ماكو شي يصعب علية..

_ياول الثقة، وشمدريك تنجح؟!

_مشاهداتها عابرة المليون اكيد بيها حظ

_اعتقد دائما تگول  بان لايغرج المضهر او العنوان لان المحتوى يختلف..

ماهتم لكلامي وسوة المربى

ضاف الشكر فوك الجزر خلطهن على النار بعدها ضاف المي.

_ها نجحت لولا

التفت علية مبتسم

_اكو شئ اخلي بعقلي وما ينجح بس هذة فشلت للاسف يتبع..

توقعاتكم للبارت القادم.

النشر بين يوم ويوم.

قصة للخلة راي اخر 

البارت العاشر

بقلمي اورجانزا الطائي

.

.

.

.

.

.

.

.

.

.

.

.

نضرت لعيناها الذابلتين بعمق وتركيز وقلت

اني اعرف ماعانيتي بة و اذ تكلمت معك

سوف تبكين و لاكن

ماهي حكايتك معهم

وكيف حالك بعد رحيلهم

وماهو حال فؤادك اذ غلبك الشوق لهم

ومن اغرس يديه الهرمتين واطلق انفاسة

المدخنة بخصل شعرك

اجابتني بعينين ممتلئى بالدموع وانفاس

غير منتضمة قائلة

-غابو من دنياي ولاكن تركو فجوات

شوق كبيره بفؤادي..

حتى قتل الشوق بسمتي واحاط الظلام

حياتي وجملت اهاتي وحدتي.

بقلمي🖤

ملاحظة:؛ يمنع اخذ النصوص او الخواطر بدون علمي وذكري.

.

.

.....

نرجع بدوامة السنين لقبل كم سنة..

اي بس شعجب  بهل وقت

- لان صارل هواي مرايحين وعمي اتصل  سال عليج .

كمت وكفت حجيت 

-ا رغم  حقدي للعراق بس اروح  وعلى مسؤاليتك 

ميل راسة وحجة بعدم رضى 

-والعراق  ايش ذنبة  اذا بي صخول متوحشة؟!

غمضت عيوني امنع دموعي تنزل حجيت بغصة مكتومة

_ ذنبة هواي لان احتوى ناس لاذمة ولاضميم بااسم الدين والشعب ينلعب بااعراض الناس..

ماتحملت استمر بالكلام  بلعت ريگي عفتة ومشيت.

دخلت لغرفتي سديت الباب  نزلن دموعي كل مااتذكر الي صار وياي احقد على كل الناس من ضمنهم ابوي لو مخالقة بهل عائلة احتمال ماتعرض لهل شئ؟!

او لو بابا مسلم الولد مجان سوو هيج بية.

ارتاكيت على الباب مختنكة مجرد اتذكر شكلي بهذاك اليوم،  ولو اسلام مشافق علية ماتزوجني..

ضغطت على ايدي بقوة گمت وكفت زفرت نفس وحجيت

_بان انتِ قوية لاتهتمين محد يستاهل  يولي دنعل شرفه..

حاولت اقنع نفسي بهل كلمات الي من الحادثة ولحد اليوم اردد بينن مجرد اتذكر..

فتحت الباب بعد مامسحت دموعي وهفيت لعيوني..

طلعت صار بوجهي اسلام  ركز بوجهي ثواني تحمحم گال

_ترى بالستة الصبح الرحلة كوني جاهزة.

رفعت حاجبي حجيت بسهزاء

_هل گد مشتاق للعراق والله خوش.

حضن ادينة گال

_لسانج المتبري منج شوكت تبطلي بس اريد افهم تدرين اني ضلمت المشاكسة بيج لان  انتِ المشاكسة ترفعلج القبعة على لسانج.

گلبت عيوني بملل حجيت

_انت شگد انفة ومعقد ميعجبك لعجب؛

رد بااندهاش  واشر على روحه گال

_اني الانفة والمعقد؟!!! ليش تشوفين انعكاسج بية..

كزيت على اسناني حجيت

_ ممكن توخر اريد اسبح.

باوعلي صفح ومشة.

هزيت راسي مقلدة حركتة، دخلت للحمام سبحت اخذت الروب لفيتة زين طلعت  لغرفتي ماموجود..

بدلت وحضرت ملابس بجنطة متوسطة  مددت  احاول انام..

من بعد عناء وتفكير كلش طويل يالة كدرت انام..

كعدت على صوت الباب  فركت عيوني وتثاوبت بنعاس گمت  طلعت ملابس بدلت  وطلعت غسلت وجهي  لكيته مبدل بس هل مرة لابس تيشيرت نيلي وبنطرون ابيض واكف كدام المراية يمشط.

بالعادة مايخلي جل بس هل مرة اخذ كمية فردها على شعرة  ومشطة بحيث شعرة الي يوصل لحنكة اختفة.. او بالاصح مامبين طولة.

ضربت كصتي بخفة وحجيت ويه روحي

_شبيج خبلة اكلتي بكشورة كافي تدقيق هو حر بشخصيتة..

رحت للمطبخ  لكيتة مسوي ريوك هو على اساس ريوك مسوي طماطة وبيض والجاي صاير.

كعدت انتضرة يجي.

ورة شوية اجة   كعد ياكل  تريگنة بهدوء عكس كل مرة نبسمر..

كملت گمت طلعت الجنطة بالصالة اخذت شال لبستة شلون مجان نص شعري طالع.

ربع ساعة دخل يمي گال

_شهر نبقى بالعراق ومواعين الريوك نبقيهن لحد مانرجع مو.

عضيت طرف شفتي وحجيت بثقة

_الي يسوي الاكل يغسل مواعينة.

رفع حاجبة وگال

_هاا اول مرة اعرف هل معلومة منين جبتي هل كلام شو انتِ عكس المطلوب

  الحيون الكدامج سوة  زقنبوت غير تغسلين المواعين  انتِ.

_رحم لله عرف قدر نفسة، وانت تبرعت اني شعلية؟!

غمض عيونه شبة مبتسم صد علية نص عين گال

_رحم لله والديج على هل كلام باباتي.

رديت علية بااعتراض

_انتَ مو ابوي.

رفع حاجبة گال

_زين زوجتي العزيزة ليش تكذبين على روحج بالحجاب يااما تلبسي وكامل يا اما تخلعي لان نص شعرج طالع ورگبتج كذالك.

_ميخصك  اسلام شوكت مااخلعة بكيفي محد يتحكم بية..

هز ايده واخذ الجنط بدون مايحجي.

نزلت وراه اجرنة  تكسي للمطار ازدحام  طخيت بولد   جرني من ايدي خلاني كدامه بحيث محد يطخ بية..

  صار وقت الرحلة  صعدنة بالطيارة  والخوف الف  بحيث من رعبي خوفي انام.. 

حسيت على اسلام  يگعدني  فتحت عيوني

ابتسم بخفة گال

_وصلنة يالة كعدي.

بادلتة الابتسامة مجاملة  گام وكف انطاني ايدة كمشتها  ونزلنه من الطيارة..

اخذنة الجنط  رحنة  بعد ماكمل اسلام اجرائات السفر  طلعنةباب المطار وانصدم بعمو جساس واكف بزية العسكري، اتفاجئ مرات معقولة يطلع من هل انسان شئ سيئ؟!

رفع ايدة يلوح النه تقربنه علية سلمنة  علية صعدنة بالسيارة.

_اي شخباركم الجهرة تبشر بالخير بس شخبار البين ضلوعكم.

رد علية اسلام بضحك

_ يسلم عليك يگول مشتاق لجساس.

باوعلي من المراية گال

_بان انتِ شبقاج وية هل حيوان،  ترى مصدوم انتِ النازكة النعومة الفرفوشة تزوج واحد انفة ومعقد!

ضحكت حجيت

_فدوة لگلبك عمو لو تدري اليوم الصبح گلتله.

قاطعني بهدوء

_ونفس جوابي لعمج لاتشوفوني انعكاسكم.

رد علية عمو جساس

_والخلق ادم وحواء  انتَ نذل وحيوان مو مال واحد يسايرك ولو انت سرسري مال بارات..

صديت على اسلام بصدمة

رد اسلام 

_يعني اني ماخلص من اليجفصون ولك يابة الكاع محظورة..

باوعلة صفح گال

_اي اذا خجلان من هل شغلة المن تمارسها؟!  ولعلمج بان زوجج الانفة سكير خبرة درجه يشرب بطل وهو صاحي وديجي بب..

قاطعة اسلام گال

_ولك كوا* سكط شبيك حطيتني بالك 

رد علية عمو

_على گولتك استاذ  انشتاين لاتشوفني انعكاسك،

اي بان وين وصلنة

_والخلق الاصنام الي بالك ماسوي وانسحب عنه وخليك تطك حار بارد.

ضربه بوكس بكتفة گال

_طيححظ الصحبة الي خلتني اصادقك  أي سربوت ليش تخليني اطلع مكسراتك..

_وانت ايش بقيت!

رد علية

_الف مرة گايلك ال ايش لاتلفضها كدامي تحسسني نثية تتصنع.

_الف رحمة على  والدك،  خوش بعد نوب اغير كلامي بس حتى ارضيك..

رد علية عمو

_من دنعل والديك لابو حسنين واجدادك واحد واحد الخلفو ابوك وجاب واحد سرسري نفسك والو هسة يطلع حسنين مامصلي على محمد مستعجل.

رد علية اسلام

_ شبيك عبرت على الترابي ولعلمك جساس ترى گلت الف رحم...

قاطعة بعصبية

_هو لو بي خير وادمي جان ماراح خطب البالك لاخوي النغل ابن النغل،  خليني ساكت رحمة لدين الكح**

_لاتسوي هيج اذا لله قاسمها الك لو ميت واحد يوكف هم تاخذها  لاتهتم وخلي املك ربك..

باوعله صفح گال

_يگلك اخذ الدين من اهل البارات 

ضحك اسلام بدون مايحجي شئ.

فهمت قصدة على گمرة  لان واضح اخو خطبها وهو يحبها.

بلعت ريگي وحجيت

_عمو ممكن طلب وماتردني.

_عيوني الج مايردج غير لسانج.

ابتسمت حجيت

_ تندل بيت عمو ديسم؟!

رد وعينه علية

_اي ليش

_تكدر تمر عليهم اريد اشوف گمرة..

تنهد وابتسم گال

_غالية وطلب رخيص جنج بنص عقلي.

ابتسمت حجيت

_لابالبال ولابالخاطر.

اقل الربع ساعه لاف للفرع  وكف كدام البيت  گال

_هيج وقت ديسم بالجامعة  بس گمراية وام دريد.

رد علية اسلام بمكر

_منو هاي گمراية!؟

راد يضربة فتح باب السياره نزل وسد باب طلع راسة من الشباك گال

_عمي مو عيب عليك وحدة بطوك زرك تلعب بيك لعب، دخلت بالعمرين وبعدك تراهق عليها ترى ماارضى على عمتي.

_امشي ولي ابن الحيوان، جاي يمسلت براسي

ضحكت  ونزلت حجيت

_ يالة عمو انزل.

تنهد گال

_لا روحو انتو  ومن تخلصون اتصلو علية حتى اجي عليكم.

رد علية اسلام

_قصدك نجي على بان لان مستحيل ابقة  وابو دريد ماموجود.

رفع حاجبة گال

_منين جبت هل اخلاق،  ماعرفتك.

ضحكت عليهم يربي شگد يتعاركون..

عفتهم  دكيت الباب  محد رد اجه علية اسلام گال

_ماتدگين الجرص.

_مانوش

ابتسم گال

_كل هل طول وماتنوشين الجرص والله عيب..

باوعتلة صفح دكيت الباب بقوة سمعت صوت گمرة تصيح منو؟!

جاوبها اسلام فتحت الباب شوي فتحت الباب دخلت  شافتني شهكت حضنتني ضحكت عليها وبادلتها..

ابتعدت عني تعاتبني

_ولج ليش ماگلتي.

ابتسمت حجيت

_حالي حالج تفاجئت وربج.

ضربت على راسها گالت

_ولج اسللم برة فشلة.

رادت تفتح لباب سديت الباب وحجيت

_عوفج  منه راح.

هزت راسها گالت

_والله مصيبة، لج مساعة اني وبسيل جبنة طاريج على گولت المثل ذكرت القط كام ينط.

ضحكت حجيت

_بخير لو شر؟!

ضحكت گالت

_ خير خير،  تعالي دخلي.

مشيت وياها وحجيت

_اي بشنو احجي لا اموتج.

_الصراحه تذكرنة  قبل حنتج بيوم من تقيئتي على المسكين..

نهت كلامه بضحكة

_امشي ولي حقيرة.

دخلنه للبيت   شفت  عمتي سلمت عليها كعدت يمهن بالمطبخ.

مر وقت اجه عمو ديسم  سلمت علية  راح لغرفته لحكتة عمتي  اخذتني لغرفتها كعدنة حجيت

_گمرة تعالي وياي

يادوب ابتسامة خطت على وجهه گالت

_كرهت الناصرية...

ابتسمت حجيت

_ليش.

_ليش ماتدرين؟! الي صار بيه لو ما انتِ شاهدة.

_بس الي بيها يحبوج ويردونج وانتِ گمرتهم لاتنسين..

ضحكت بستهزاءگالت

_قصدج  قسو علية، ودمرونيوالفضل الهم كرهوني الحياه.

واجهت ووكفت على رجلية والفضل لاخوي وهجِان ابد ماانسة معروفة وياي..

بالوقت الي ماعندي احد هو اخذ حقي..

تنهدت حجيت

_ لعد والصارلي قليل!!!  على الاقل انتِ  مواضحات بشكل كبير والي يحبج يحب عيوبج قبل كل شئ.

بس اني لاعملية ولاعصارة تفيد  بقاية حقدهم واذيتهم حفرت على جسمي..

ابتسمت بحنية گالت

_الي يحبج يحب عيوبج مو هذه حجايتج لو لا، شصار بينكم بعدكم مناكر

هزيت راسي حجيت

_اكو واحد يموت عليج ولله وانتِ  حقيرة  ماتحاجي..

ابتسمت گالت

_تشوفين هذني اديه

_اي

بللت شفتها گالت

_ قبل سنوات  دخن كدامي اخذت منه الجداحة ل لان لح بالتدخين،  بقيتها ذكرى منه لحد يوم خطوبتة  .

باادية حركت روحي وبجداحتة  بس لو ما الله وهجان  جان هسه اني صرت خبر كان..

بان الي سمعتة منه مو قليل ابد ابدد

_بس هم نطي فرصة لاتنسين ثنينكم اخذتو درس.

_شايفة شگد احبة وادمن  طارية  هسة صرت احقد علية بگد حبي الة..

شسوي بالحب اذا بيوم  حاجتي اله سوه هيج بية..

حاولت اطلعها من الجو حجيت

_ هسه مالي خاطر عندج تعالي اليوم وباجر رجعي.؟!

_ومنو يرجعني!

_مالج دخل

صاحتنة عمتي بسيل رحنة نتغدة  جمعتهم كلش حلوة..

صديت على عمو ديسم شكلة مرتاح

اخذت مي شربت وحجيت

_عموو تذكر بزواجك انت وعمتي من ستعانيتو بية   اني  گمرة

هز راسة بهدوء گال

_اي اذكر شلون انسة اميراتي التلاثة

_همم زين تذكر من گلتولي مارفظت وبدون سؤال بدلت.

ابتسم بخفة گال

_بان شنو يدور بعقلج طلعيها لاتلفين وتدورين.

ضحكت حجيت

_عفية اول شخص يريح بالي ويريدني اطلع بالنضيف.

المهم عمو اني باقية هل فترة بالناصرية  لهذه  فدوة واذا عندي خاطر يمك اريد اخذ گمرة وياي اليوم..

تحمحم شرب مي  گال

_ماجبر گمرة كدامج اذا تريد اخذيها بس ماتطول.

_يوم واحد وارجع ماطول..

ابتسم گال

_على راحتج بنيتي مااجبرج على شئ انتِ جبيرة وتعرفين.

رديت علية

_لعد ماتجون انتم هم.

حجة بهدوء

_باجر خميس عندي محاضرات مااتنفع اجي وياكم

_على راحتك عمو.

خلصنة اكل  غسلت المواعين وية گمرة وعمتي.

رجعنة لغرفة گمرة حضرت ملابسها  وبدلت لان اسلام دزلي رسالة راح يجون علية.

وشئ اكيد عمو جساس واسلام مايعرفون بگمرة تجي وياي وگمرة كذالك..

على گولت المثل اىيد اجمع گلبين  بالحرام اااا قصدي الحلال ههه

ماعرف ليش حبهم عندي شئ جبير يمكن لان شاهدة على عذاب الاثنين..

زفرت نفسي طلعنة بالهول كعدنة طلع عمو ديسم مستعجل صديقة مسوي حادث.

اقل العشر دقايق دك علية اسلام گال

_واكفين بالباب تعالي،  وابو دريد موجود

_اوكي لاتنزلون لان ماموجود وعمتي نايمة.

سد الجهاز التفتت على گمرة حجيت

_يالة امشي.

كامت اخذت جنطتها حجت

_شو لاتنزلون منو اجه ويه اسلام.

ابتسمت حجيت

_السايق مو احنة اجينه بسايبة..

اخذت جنطتها  واجت وراي  عمتي بسيل بالحمام گلنالها راح نطلع وطلعنة.

وصلنه قريب السيارة گالت

_ولج گلتي سايبة شو هاي مو سايبة.

هزيت كتفي بعدم مبالا حجيت

_وشمعرفني باانواع التكسيات

ردت

_غبية هذة وينها وين التكسي  اذا يحطون السايبة يمها تضيع متشوفين حجمها واكص ايدي اذا مطلع صاحب السيارة بالسلك

حجت اخر كلمه بستهزاء ابتسمت بداخلي حجيت

_گمرة لاترفعين راسج  تره هذه عوينجي والله مايجرعه واحتمال من يشوفج يصفن ويسويلي مشكلة ويه اسلام.

_يااا صدكك والله

_اي اي لعد شعبالج...

فتحت الباب صعدت هيه ومنزله راسها صعدت يمها صفكت باادية  حجيت.

_شلونها المفاجئة ان شالله عجبتكم

اسلام  يضحك وعمو فاتح عيونه بصدمة وگمرة رادت تنزل كمشت الباب ضحكت حجيت

_ يالة عمو سوق جبتلك عروس..

احجي واضحك  وعمو ساق ثواني گال

_ عوفيها بان بعد شلون تنزل قفلت البوب.

بتعدت عنها ومااحس غير الكرصة بيدي صحت حجيت

_اخخخخ ياعديمه الضمير فوك مااجمعكم بالحلال هيج تعامليني شووف عمو زوجتك المستقبلية بذاتة ولا يکلك الي مساعه تگول احب جساس..

نهيت كلامي بضحك بحيث اسلام خربان ضحك وعمو كذالك اله گمرة الي ضربتني ضربات عشوائية..

ضحك اسلام گال

_لا شلون متراهمات زوج نفسنه

رد عمو

_خاب كلها تروح فدوة لهذيج الوحدة

  قاطعتهم حجيت.

_شو محد تشكرني على هل خدمة الجميلة

رد علية عمو

_بس گليلي شلون قنعتيها تصعد.

عضيت شفتي التفتت على گمرة الي متحلفه تحجي.

خزرتها گالت

_والله حسب ماعرفت واحد نسونجي وعينة زايغة وزايعتة العافية هو الي يسوق مو هيج بان.

غلست محجيت

وعمو خرب ضحك گال

_عمي سويني ابن حرام وهم قابل..

الطريق كلة  نضحك اله  گمرة الي ضايجه.

وصلنه الناصرية وبالتحديد منطقتي  نزلنه دك الباب  عمو  واني واسلام وگمرة ورة الباب   ثواني طلع بابا

سلم على عمو دخل للبيت راد يسد الباب  فتحته على كيف دخلت لكيته ناطيني ظهرة  تقربت علية  حضنتة من ورة كمش ايدي گال بان

التفت عليه  حضني  بادلته الحظن وهو  يگول

_بنياتي كبرانة وصايرة مرة..

ضحكت حجيت

_مشتاقتلك بابا

ماتحملت نزلن دموعي..

مسح دموعي گال

_مو بالحيف بنيتي وبنص بيتي ينزلن دموعها.

ستهضمت على گلامه   كرص خدودي گال

_روحي شوفي امج..

انتبة لگمرة   سلمت علية بدون ماتحضنة سحبها لحضنة گال

_ولج كبرانة سنينة وينهه الي تكمز منا ومنا  وانتِ بنيتي حالج حال بان..

ابتسمت عليهم وگمرة خجلت  منه بس قاطعهم عمو

_ مو جنك زودتها ترة مااقبل

رفع حاجب مستهزء گال

_وانت منو بلا زحمه  حتى تمنعني من بنتي  جساس افندي.

مسد على شعرة گال

_ غير ميت على ذيج الوجحدة بس هيه عشرتها حرام الله وكيلك،  مامعبرتني. 

رد علية

_من ايدك خوية محد گالك العب بذيلك واني وياها على كل خوة واذا ترجعلك هسة اله اطيح حظها واحبسها يمي.

ضحكت حجيت

_هية هذيج الوحدة شلون علستني لان ماگلتلها عمو يوصلنه.

رد علية بابا

_تستاهلين جانت حارمتة من شوفتها وهسة خليتيها مباحة.

_ها بابا بعتني.

باسني من راسي گال

_مو بالحيف بس الماعده اصل يبيع اعز من روحه..

ابتسمت واخذت گمرة دخلنه للبيت  لكيت امي تسبح بالهوال  سمعتها تسلم  حضنتها حجيت

_اكو فد ناس ماشايفتهم فد مشتاقتلهم..

شافتني ضحكت ودموعها نزلن الي يگلك سباق حضنتني وتگول

_يايمة بنيتي يبعد روحي شلونج بالي يمج

بوستها حجيت

_هاي كدامج مابيه شي

مسحت دموعها  حجيت

_جوعانة  اريد اكل..

ابتسمت گالت

_يرخصلج الاكل هسة اسويلج..

كامت لمت السجاة شافت گمرة ضحكت گالت

_لا اليوم لله حابني شمدريجن مشتاقتلجن.

بوست گمرة رحنة سوية للمطبخ

رادت تطلع دجاج من المجمده بس بابا گال

_اني اجيب اكل كعدي ويه البنات.

فعلا جاب  دجاج ولفات صاج دجاج ولحم.

كعدنة تعشينة  وبابا عنده خفر بس بقة ماراح  وطبعا مااكعد اذا مااحجي

_بابا شوكت تروح.

ابتسم بخفة گال

_ اليوم اگابلج واكعد ماروح..

_ودوامك شلون

_سهلة مصار شئ  هسى اتصل بالولد ياخذون مكاني.

_هذة عود انتم القانون وشوكت مايعجبكم تغيبون؟!

رد _لا باباتي وين قابل بكيفنه بس اليوم مو مال اروح، لان امج مالها خلك ردت اروح اخذ اجازة وارجع.

كامت گمرة اشرتلي رحت وراها گالت

_ لج اريد ابدل

_اي عادي روحي بغرفتي محد بيها.

ردت_اوك لعد رايحه ابدل وانام لان مطفية وانتِ تعالي يمي مو تصيرين حنينة..

ضحكت حجيت

_وداعتج اكابلج واكعد بس خل يروح اسلام وبابا يگوم.

هزت راسها وراحت للغرفة.

رجعت بالاستقبال كعدت  وكف اسلام گال

_ يالة تصبحون على خير.

رد علية بابا

_ابقة اليوم وعلى باجر روح.

ابتسم گال

_لا والله عمي ماترهم خليها اروح اليوم.

طلع من الاستقبال رحت  وراه وكف يم لباب گال

_ديري بالج على روحج..

هزيت راسي حجيت

_انت هم.

ابتسم. راد يحجي سمعت صوت عمو جساس يگوب

_بان گمراية وين اريد احجي وياها..

بغرفتي قبل شوية راحت..

ابتسم گال

_لعد اني رايح تصبحون على خير..

ردينه: وانت بخير

طلع عمو جساس واسلام رجعت يم بابا وامي لكيته حاضنها يمسد على راسها..

شكلهم ثار العاطفة عندي دمعن عيوني هل ثنائي لو شگد ما يكبرون تبقى لهفتهم لبعض والدليل نضرات بابا  ل امي..

هنا ثقين الحب قبل الزواج ماله معنى وطعم..

عكس بابا وامي الي زواجهم العاقل مايصدك شلون صار..

رغم بابا متزوج وعنده تلث بنات وجان يحب اختها الي هية صديقة عمرها والي دموعها ماينشفن كل ماتذكرها تبجي اشتياق الها..

بس صدك لو گالو الزواج قسمة ونصيب اذا اختار الشريك الصحبح فتعيش ملك واذا العكس تعيش تعيس..

والدليل بابا مجان هيج تغير ١٨٠درجه  بحيث امي احتوت ابوي وبناته..

من غير عمتي بسيل وگمرة وعمتي مشاعر ولبابة وعمتي مودة كلش قريبات لامي  وهي تعرف كل تفاصيل حياتهن والحلو بالموضوع صداقتهن بنات العموم بنحلف بيها  خاصتة هل شله الي الاقارب تكرهن لان مو نفسهم.

من غير الي خسرتهم وخاصة ذبح اقرب صديقة لروحها واختها كدام عينها  لو قتل امها بدم بارد  لو قتل اخوها واختي بنفس اليوم  لو القلب المزمن من غير اذا تنصدم بشئ تنشل ايدها او رجلها..

مرات افكر معقولة الاشياء الصعبة مرغوبة لهل حد؟!!.

ضربت على راسي رحت لغرفتي لگيت گمرة  نايمة.

مددت بسرعة غفيت..

حسيت ثاني يوم على صوت طيور الحب الي حاطيهن بالهول.

گمت طلعت لكيتهم يتريكون بالمطبخ  واكثر منضر يوقف گلبي على. جماله هو يوكلها بيده  ويكرص خدها وهية تضوج من الكرص..

ابتسمت مانطاني گلبي افسد هل جو رجعت غسلت وجهي وكعدت بالهول يم طيور الحب.

ماعرف شگد مر وقت فاتت امي شافتني ابتسمت گالت

_صباح الخير يوجه الخير كلة..

گمت بوستها  صبحت عليها ورحت وياها  بابا يريد  يطلع للدوام..

ابتسم گال

_امج امانة يمج

ابتيمت حجيت

_احطها بعيوني، والله امن

ابتسم طرف شفتةگال

_لاتخليها تشتغل شئ اليوم الغدة يوصلكم والعشة كذالك وعزمت ديسم وام دريد على مود امج يجون على الغدة.

_هلا بيهم

راد يطلع گالت

_الظاهر نسيت اليوم

ابتسم انطاها ظهرة كتبت على ظهره امانة علي

التفت كمش اكتافها وباس راسها  وگال

_على ابن ابي طالب يحفظج الي من كل شر.

سلم وطلع  كعدت يم امي  سوت كيك وبقلاوة تگول الاكل ابوج يجيبة بس لازم اكو حلى.

مرات اتمنة اعرف الطبخ لان من صدك طبخ امي يتفوق على كل الاكل طعم غريب وطيب.

للظهر كعدت گمرة عزلنه البيت وسوينه النواقص.

  اجو بيت عمو وعمتي مشاعر  واسلام وبان وايهم لمة حلوة..

بالثنتين ضبط صبينة الاكل.

تغدو  وكلها طشت شي يلعبون دومنة لو ياكلون حلى لو يشربون قهوة ا وشاي لو عصير .

بالعشة طكذالك هل لمة بس ماطولت خلصو عشة وكلها راحت لبيوتها  من ضمنهم گمرة.

بقة بالبيت بس امي وابوي  ولبابا فاجئتني ابد ماتبات يم اهلي وهذة الي كثر حقدي عليها ...

طبعا بيبيتي وجدو گايلين خل تجي يمنه تبات نريد نشوفها  لبست تراك برموده وتيشيرت كتف لبست فوكها  بنطرون وقميص لفيت الحجاب كيف مكان طلعت وصلت للحديقة  بس ابوي واسلام كاعدين يسولفون..

بس الي صدمني كلام اسلام

_عمي علاقتي وية بان اخوة وصداقة لااكثر، ابد ماتوقع يجي يوم اتصير زوجة فعلية الي لان هية مختلفة كلش عني من غير هذه حبي لسبيل يتفوق على بان وهية اصلا تبادل نفس الشئ لو تشوف علاقتنه تگول صدك..  وارجع اگلك سبيل حبي الاول والاخير..

رد علية بابا

_وهذه الاريده ماريد اجبر بنتي على شئ اريدها بقناعه تسوي  واتمنة تحررها بتصرفاتها بس بعقلانية.

ماريد اسمع اكثر من هل كلام..

سحبت نفس عميق وزفرتة ابتسمت وتقدمت عليهم ثنينهم سكتو

كام اسلام سلم على بابا وطلعنة دقايق وصلنه لبيت جدي  استقبلونه  سلمت عليهم

كعدت  يم بيبيتي وام اسلام من بعد اسئلة كلش هواي سألت عمتي

_اي يمة مو جنكم طولتو شوكت تسوولنة طفل.

ابتسم اسلام  اخذ كوب المي تقصدت احجي

_والله ياعمة شگد الح على اسلام بس هو الله يسلمة يگول ماريد  مامستعجل  على الاطفال اريد اعيش حياتي  ترضيها عمة يحرمني من احساس الامومة..

غص بالمي   وجهه صار احمر    يكح ويباوعلي گمت قريب علية اضرب على ظهرة بقوة واكول

_صحة حبيبي صحة. 

  غمض عيونة وفتحهن.

نفتح علية باب عمتي وبيبيتي   الي الها اول مالها اخر  وهو واضح علية ضاغط على اعصابة..

شوي سأل عمي على شغلة جاوبته

_والله عمو خطية اسلام يشتغل اكثر من شئ منها بالب.يتبع...

توقعاتكم للبارت القادم..

.

.

.

. لاتنسون التصويت

للينتضرون  دور مشاعر گمرة ان شالله بهل بارتات يظهرن.  

قصة للخُــلة رأي آخر

البارت؛ ١١

بقلمي: اورجانزا الطائي

.

.

.

.

.

.

.

.

.

.

.

.

.

.

.

.

.

.

.

غص بالمي وجهه صار احمر يكح ويباوعلي گمت قريب علية اضرب على ظهرة بقوة واكول

_صحة حبيبي صحة.

غمض عيونة وفتحهن.

نفتح علية باب عمتي وبيبيتي الي الها اول مالها اخر وهو واضح علية ضاغط على اعصابة..

شوي سأل عمي على شغلة جاوبته

_والله عمو خطية اسلام يشتغل اكثر من شئ منها بالبا..

قطع كلامي خازرني گال

_بالبرنت قصدها بالبرنت اشتغل مو هيج بنيتي

رفعت حاجبي حجيت

_اي اي..

صد على ابو گال

_ اي شخبار الشغل!

_زين حمدلله..

رد عليه جدو

_ما الك نية تستقر هنا؟!

حرك حواجبة بنفي گال

_لا مالي نية ولا مفكر ارجع، مكون حياتي وحياة بان، ماريد اخربها..

هز راسة بعد رضا گال

_الغربة عاجبتك وعايف ناسك..

گلب عيونة گال

_ناسي لو بيهم خير ماشفتهم يهدون ويمكيدون خليني مبتعد محافظ على علاقتي بدون الگال والگلت ولاتمگيد مو هيج جدة

التفت على بيبيتي الي خزرت اسلام وگالت

_ليش ولك شمسويلك وتشمر بالحجي

رد عليها

_مامسوية شئ سلامتج جدة..

_اگلك انت لاتشمر احجيها طك بطكلاتصير نفس النسوان امبلبدات

ارتاك براحة گال

_ والله يا جدة جنت عايش يمج واعرف البير وغطاء.

ردت علية بعصبية

_ولك يمفلوك هيج زايع المستحة وتحجي وياي

گام وكف مسد على رجلينه گال

_ليش شايفتني اك*** كدامج حتى استحي ويالة من رخصتكم اكوم ارتاح لان الطريق طويل..

صد علية گال

_كومي بان مشتاقلج

_هاااا

باوعلي صفح التفت راد يطلع صارت بوجهه اختة.

كمشت ايدة نترها بقوة حجت

_اسلام شلونك...

_دام شفتج مو بخير.

عافها وكمل طريقة ردت اصعد وراه حجت عمتي

_شگد صارلة وياج ماكدرتي تحننين گلبة على خيتة، لو متعلمة الخبث من مرت ابوج..

ابتسمت بضيق حجيت _والله ياعمة امي تعلمت الخبث من زوجة عمو بما انو انتن نسوان حموين

واني معاشرتها غير اشهر بسيطة بس عشت نص عمري. تحت جنااااحج..

خزرتني رادت تحجي صاح علية اسلام.

ابتسمت حجيت

_من رخصتج عمة ابنج يناديني وانتِ تعرفين طالع على عمو ايدة مو الة فاا اخاف يضربني نفس ماعمو يضربج قبل..

عفتها ومشيت بسرعه مااضمن ردة فعلها، تمثل هية تحبني بس كلش واضح ماتحبني لان جانت تصيحلي بنت بسمة ام الرجولة ابد مانسة هل كلمات حالفة الة اكرهه بروحها ياله ارجع لماليزيا..

صعدت فوك صارت بوجهي فجر تهز ايدهه معاجبها الوضع...

گلبت عيوني حجيت هلو فجر.

رفعت طرف شفتها گالت

_عساج لاهلا ولامرحبا ترة اني عمتج تأدبي شوي على الاقل ولو هِجان ابو النسوان ماعرف يربيج حاير بالكح*

حضنت ادية حجيت

_ اي صدك گلامج قابل بابا يربي نفس جدي ويعلمني اتبلة على شخص اكبر مني و أنضج مني عقل وعمر..

ميلت راسي حجيت بنعومة

_ ولو صدك انتِ عمة عنستي على گلب جدو وفوكاها تشوفين امي بعين طبعج.

رد علية بعصبية مكتومة

_عسى الله ياخذ حوبتي منج انتِ وكمروو

ضحكت حجيت

_قصدج ياخذ حوبة گمرة منج انتِ وبنت اخووج.

عفتها ومشيت للغرفة لگيت اسلام واكف عصبي.

تافئفت بضجر سديت الباب والتفتت صارت عيني بعينه حاضن ادينه وواضح علية العصبية

ضحك بستهزاء هز ايده التفت اخذ خاولي وملابس طلع من الغرفه عاف البا مفتوح سديته وقلدت حركاتة

نزعت الاسلامية والحجاب مشطت شعري مددت على الجرباية غمضت عيوني احاول انام بس التفكير الي ماعرف ليش يداهمني كل كااريد انام

فتحت عيوني صارت عيني على المروحة تلقائية نزل دموعي وشهكت

مسحتهن بقوة حجيت وية روحي

بان كافي بجي المن هل مهزلة ليش تبجين انت قوية خليهم يضحكون على انفسهم انت ماسويتي شي غلط الي صار مو بيدج

وانت بنت هجان الي مانزل راسة لاحد وهجان يكسر مايكسر شلون انت تنكسرين يولوون كل من يحجي .

زفرت نفسي حجيت

-هسة اني ليش خايفة مامسويه شي غلط اي بان انت شفتي مواقف وصدمات هية الي قوتج ولهل سبب بالتحديد لاتبجين

ضربت على خدودي سحبت نفس عميق زفرتة وبلعت ريكي

لحضات نفتح الباب دخل اسلام ينشف بشعرة .. باوعلي صفح ووكف كدام المراية..

گلبت عيوني بملل حجيت بگلبي

_دخيل لله شكد غثة..

التفت علية گال

_ماكو الغثة غيرج انتِ

نصدمت حجيت

_قابل حجيت شئ اني، شوف تعيل بية وتعالي يابن لاتحجين ولاتنطين رأيج.

شظر علية الخاولي گال

_ والله صرت اشگ بيج شئ باباتي حجيت وياج گلت شئ لو ما لسانج الله يقصفة يلاسن.

اخذ الفرجة مشط شعرة گال

_ للعلم تبقين هنا وبوقت الي يعجبج، روحي لبيت عمي.

_هااااا شنو ليش بالة شعندي هنا.

اشر بالفرجة گال

_اذكرج احنة مو بيتنة، وصوتج وصل سابع جار.

دنكت وغمضت عيوني حجيت بهدوء عكس الي بداخلي

_ اي، يااسلام

رفع راسي بيدة حجة بهدوء

_تدرين انتِ مشگلجية ومشاكسة زايد عن الزوم..

وخرت ايده من حنجي حجيت بحدة

_وتعرف انتَ عبرت حدك واعتقد ابن عمي مايحقلة يلمسني مو صح..

ابتسم طرف شفتة بستهزاء گال

_اهاا لعد شو بس اني وياج ة وحدة والباب مقفول، وعلى گولت بيبيتج كل ثنين ثالثهم الشيطان..

حضنت ادية حجيت

_ والله الامثال تضرب ولاتقاس وانتَ كف عني ترة وداعتك اكرهك بروحك واني المشكور.

هز راسة بسخرية گال

_كرهيني ولا يهمج ارجعلج الصاع صاعين، ولعلمج مناسي كلامج جوة.

گلبت عيوني بملل حجيت

_عساك لاتنسة عيوني..

مددت جريت الغطه تغطيت وغمضت عيوني ابر روحي انام..

فعلا مر وقت ماحسيت غير على صوت اسلام يگعدني.

فتحت عيوني اتثوب گمت عدلت الفرشة وصلت ردت اطلع گال

_هوبج هوبج وية مولية بان؟!

سحبت نفس عميق حجيت بحدة

_والله اريد اغسل وجهي، وانزل.

حضن ادينة گال

_وبهذا لبسج؟!

صديت على ملابسي حجيت

_وشبيهن تشوف شئ غلط بيهن؟!

تلمس لحيتة گال

_من فوك ليجوة الغلط لهل سبب غيريهن وطلعي.

گلبت عيوني بممل واعضض بشفتي.

_ماعندي، لان سوجي العزيز گال يوم مو 15ماعرف شگد.

رفع حاجبة گال

_ انتضريني 10دقايق.

_ليش ويين رايح؟!

ابتسم گال

_تعلمي لاتستعجلين على رزقج..

رفعت حواجبي حجيت

_انتضرة لهل رزق يالة ابهرني.

طلع من الغرفة واني شمرت روحي على الجرباية براحة..

فكرت وابتسمت على الفكرة الي اجت بالي..

للاسف يا اسلام وگعت وية الشخص الغلط مو بان الي يقللون منها وتسكت، اله اخليك تتسحول تسحول ماطلع بان.

تذكرت عمو مهوال ماكو مختفي من البارحة ماشفتة!! ضل بالي شعجب ماموجود..

ثواني معدودة دخل اسلام بيدة جنطتي رفعت حواجبي، لان اخر شغلة اتوقعة يسويها..

حطها گدامي گال

_يالة گومي مالج عذر بعد.

زفرت نفس بمللفتحت الجنطة طلعت تراك قفلت السحابة التفتت علية حجيت

_ممكن تطلع حتى اكدر ابدل

طلع بدون مايحجي، هزيت راسي بدلت ملابسي.

وكفت كدام المراية خليت عطر طبعا استخدم عطر رجالي ابد ماارغب العطر النسائي من جنت يم بابا استخدم عطرة..

اخت المشط مشطت شعري سويتة ذيل حصان..

طلعت غسلت وجهي ونزلت بعدني على اخر درجة صار بوجهي عمو مهوال

من فرحتي شهكت وصحت

_عمو مهواال

حضنتة وهو يضحك ويگول

_هلا والله بالغالية هستوني سألت عليج مختفية گالولي نايمة..

شديت على حضنة حجيت

_لا والله كاعدة، مشتاقتلك ولله..

بعدني عنة يضحك بهدوء تلمس خدودي بثنين أدية ابتسم بهدوء گال

_ وحگ سابع سماء البارحة باليل لگيت اسلام بالحديقة وسألت گال نايمة.

التفت على اسلام و رد التفت علية گال

_وبعد طوايف عمج، شعندي غيرج انه..

_باجر عگبة تزوج واصير خبر كان

ضحك بصوت گال

_افا عليج يا بان شلون اعوف الذهب واروح للتنك

ميلت راسي حجيت

_ من تزوج اذكرك

حرك شعري بعدم اهتمام گال

_مطولة شعرج، بس تدرين لايگلج..

عضيت شفتي حجيت بضحك

_لو تدري شنو اريد اسوي يمكن تشمرني بالشارع..

ابتسم گال

_اي بان شناوية تسوين

تلفتت منا ومنا حجيت

_عاجبي اسوي كاري.

تلمس اذني گال

_ وداعتج يا بان بس تكصي أشوي على هذه اذانج الحلوة بصل.

ضحكت ردت احجي قطع كلامي إسلام

_وحق رب الاصنام يا عمي تسوي ماطول ببالها لاتعب روحك وياها..

التفت علية عمو گال

_وانتَ رجل كرسي متاخذ رأيك؟؟؟

رفع حاجبة حرك خشمة گال

_للاسف منطيها مطلق الحرية ما مقيدها بشئ بس كون هيه وراضية.

صد علية عمو حجة بعتب

_ليش بان مو اگول هذة الكفو احسن خواتها وبنات اخواني تنطيها بالوجه ما تخاف من احد، معقولة حبيبتي هيج تخلي يشگي منج..

ابتسمت بهدوء حجيت

_عمو هذة اني على حطتك مامتغيرة، بس إسلام يقيدني وعصبي هواي وهذه هو كدامك.

عقد حاجبة گال

_هذه ياهوالعصبي؟!

التفت على إسلام گال

_ولك هذة انتَ عصبي ومادري!

_لعد اذا اني عصبي عمي وابوج ايش

ابتسمت بثقة حجيت

_هذة ابسط مثال انت گلت ابوج وعمي وانتَ وياهم عصبيين بس للعلم ماخذتكم بلساني.

ضحك عمو گال

_يا ام لسان اعترفتي انتِ

ابتسم اسلام گال

_بعد وين العصبية خو انتِ گلتيها اخذكم بلساني وهذه الي يصير.

ضحك وسحبني لحظنة باس راسي گال

_وداعتك هذه بنت هِجان ماتخلص من لسانها، لهل شئ الي تريدة سوي، لان بان ماتتعوض.

صارت عيني بعين اسلام الي مركز علية ومبتسم..

تحمحم گال

_يالة روحي لحضن زوجج مو حلالج حضني وراي طلعة..

ضحكت حجيت

_لو ادور بكل مكان ماالكة نفس حضنك انت وبابا لان ماعتقد جنس ادم عدهم حنان علية نفسكم.

ابتسم وتنهد باس راسي حجة بهمس:

_ ركزي زين وبعدي هل افكار وتلگين حضن احن عليج مني ومن ابوج..

بلعت ريگي وابتسمت حجيت

_ لا

هز راسة گال

_ولك اسلام تعال لمرتك اخذها لحضنك اريد اطلع.

تقرب علينة اسلام حضني گال

_ولو هية متستاهل بس ياله ل الله

ضحك عمو وطلع واني حجيت

_ليش انتَ هم هيج حضنك حنين ومادري!!

دنگ علية گال

_ انتِ قابلة ومااحضنج مثلا

رفعت حواجبي حجيت

_لا اكيد

ابتعد عني گال

_ديري بالج، من الكل.

_ليش!؟

كرص خشمي گال

_انتِ اعرف باباتي.

ختم كلام وصعد.

رحت للهول الكل متجمعين على الريوگ، صبحت عليهم ردو

جدو اشر يمة ابتسمت صفنت علية تذكرت الي سوا بية من ماتت سبيل و من نخطفت يگول سترو عليها.

وهسة گاعد يأشرلي يمة...

هه والله زمن يوم يكرهوك ويطيحون ابو الحظ ويوم حنان يحسسوك انتَ عايش بسلام..

هزيت راسي ابعد هل افكار وهل حالة مرافقتني..

كعدت يمة صبولي جاي مخلين اجبان كاله والصباح وبيض ومواعين ثنين بيض وطماطة.

انطاني جدو خبزة اخذتها منه اكلت وهم يسولفون

كملت اكل تحمدت وگمت.

رحت غسلت أديني ورجعت كعدت على صفحة كملو اكل شالو المواعين وطشو.

مر وقت بسيط بعدها صاحتلي عمتي

گمت رحت الها والملل يقرا الف..

واضح عدهن اجتماع سري لان بيبي وعمتي وبطة.

وكفت قريب عليها حجيت باابتستمة مجاملة

_صحتيلي عمة؟!

ابتسمت گالت

_اي يبعد روحها وعمرها لعمتج تعالي يالغالية والحبيبة.

رفعت حاجبي لان هل حنية مو خالية..

وكفت قريب عليها سحبت كرسي كعدت حجيت

_اي عمة شنو ردتي،؟؟

صدت على بيبيتي وبطة گالت

_والله يابان تعرفين رجلج مايحي وية اخته وانة اريد اصلح بيهم حتى اكسب ثواب.

حجبت بستهزاء

_تكسبين ثواب؟!! ليش هم ايتام مثلا!!

خزرتني ضحكت گالت

_اخوان ودومه الدم مايصير مي واني همي اشوفهم متفاهمين ويصير خيمة وسند الها ماريد علاقتهم نفسكم اخوام وتتعاركون الروس وانتم للا للسما ولا للكاع وفوكاها لحد الان يهوة غيرج مو هيج بان.

نهت كلامها بحقارة

احس الحرارة امتدت بجسمي والنفس ضاك

وين كلامه علاقتنة بينه مااحب احد يطلع عليها شو هسة بابا على گولته الوحيد الي يسترها ويغطي عليها بس وامه؟!!! معقولة وااله ماصدك امه تستر عليه هه

حاولت اسيطر على روحي وحجيت بثقة زايدده عن اللزوم.

_والله ياعمة الحجي بيناتنه اسلام يگلي لگيت بيج الاخت والصديقة والحبيبة والزوجة ماتدورريني على مصلحة واهم شئ يگلي لكيت بحضمج وطن.

خوزرني ثنينهن تحمحمت وگمت طلعت من المطبخ وگبل للغرفة متحلفة لاسلام.

فتحت الباب لكيته مرتاك على الجرباية وحاط رجل على رجل يضحك..

وكفت يمه حجيت

_منو يعرف بعلاقتنة؟!

ترك الجهاز وصد علية عاقد علية گال

_ياعلاقة؟! غير انتِ زوجتي قابل ايش

بللت شفتي حجيت

_مو هذه قصدي..

ركز بعيوني گال

_لعد؟!

بلعت ريگي كزيت اسناني حجيت

_ قصدي محور علاقتنة...

زفر نفس وگال

_وضحي اكثر ماافهم من كلامج شئ؛

كرصت ايدي حجيت

_إسلام تعرف قصدي وسألتك على علاقتنة يعني انت مامتقربلي وبعدك تحب سبيل منو يعرف غير بابا..

مجرد حجيت هيج كام وكف كمش أديني گال

_ ماكو هيج شئ.

ضحكت بستهزاء حجيت

_لا اكو هيج اني سمعتك لبارحه تحجي ويه بابا واليوم امك تبسمرني بطريقة مباشرة، وين كلامك وين وعودك الكاذبة، مو انتالي تگول حياته خاصة ومنوع تحجين حرف لگمرة شو هسة اختلف الوضع وانت حاجي لامك!!!!

غمض عيونه بهدوء فتحهن وابتسم بهدوء گال

_محد يعرف غير ابوج.

شمرت ادينه حجيت بحقد

_تعرف كرهتك فوك مااكرهك، بس تعرف اول ما حجت امك تذكرت كلامك من يوم من الايام گلت لبابا

البنية محد يسترهاغير ابوها لابد يصير فد اشكال وكل شئ ينعرف..

بلعت ريگي واردفت

_ وتصدك مو بعيده انت مسولف لامك الي صار وياي...

ضرب على راسة بعصبية گال

_لعد انتِ شگد كح**على هل تفكير السگط ولو اني مسولف مخايف منج احجي واگول مسولف بس يابان شوفي اذا مندمتي على هل كلام لان كفيلج رب الاصنام علاقتي بااهلي على كد رضا رب العالمين..

گلبت عيوني حجيت بعصبية وانفعال

_اذا اني كح*** وزوجي شيگلولة

رد بعصبية

_كو*** لان ماعرف يسيطر عليها

_لعد انت كو**ي على هل حجي.

فتح عيونه بصدمة تقدم علية كال

_اني كو**ج ةعد شگد سگط انتِ

حسيت على سخافتي الزايدة وعصبيتة الواضحة راد يضربني طلعت من الغرفة وهو وراي

صار كدامي عمو مهوال ختلت وراه واسلام وكف گالة

_عوفها عمي اريد اطيح حضها.

رد علية عمي

_حتى لله ويگيلك اطيح حظ ابوك وياك تعرف هذه خط احمر وتجي تنعثل هيج احترمها لااطيح حضك وحظ الي زوجك..

_لو تعرف شگد تاكل خر*ما وكفت وياها.

التفت علية عمو گال

_شمسوية لثورنة هل هيج هايج؟!

ضحكت بصوت رد عليه اسلام بعصبية

_ الف رحمة على ذيج الوحدة، سويتني ثور..

ضحك عمو گال

_وربك يااسلام بان خط احمر تعرف من اشوفهااشوف ذيج الوحدة فلا تتوقع اقبل عليها.

تخوصرت حجيت

_هذو منو عمو طلعت تحب واني ماعرف.

تلمس حاجبة گال

_ هسة گولي شبي وياج.

غلدمت حجيت

_ولله ياعمو فوك مااسلام غثة وبالگوة ينبلع يروح يسولف لابوي وعمه امه على حياتنه وهسة تعيرني بطريقة الطف..

عقد حواجبة صد على اسلام گال

_لاتصير حيوان نفس ابوك وتسولف الياهو الي يجي عن حياتكم حتى لو كانت تعيسة ابقو على قوة تراكزكك كدام الكل..

يااسلام حط لله بين عيونك ترة الدنيا لعوبة ماتعرف الي الك والموالك واني على يقين امك لو بيها حظ جان احتوتكم انت وخواتك لو اني غلطان.

تنفس بضيق گال

_لو اعرف بيها تخاف على سعادتي وتحتويني جان لگيتني عايش بينكم..

بس الي شفتة وسمعتة سابقة بعدتني عنكم.

عصر راسة گال

_ياله عمي من رخصتك..

عافنة وراح للغرفة بس ماعرف ليش گلبي وجعني من كلامة وتنهيداته احس بي مختنك من يحجي..

التفت علية عمو حجة بعتب

_ بان لاتتوقعين اسلام يسولف على علاقتكم اذ كنتم متفاهمين اولا.

ولاتحكمين على اسلام ترى ضلمتي هوايي.

تهاوني وياة بنيتي..

مسد على خدي وضحك طلع..

رجعت للغرفة لكيته صافن على الشباك.

كعدت على الجرباية ماعرف شنو اريد.

ثواني تنهد التفت علية گال

_بان لاتحكمين علية ترة گلبي خلصان ومن سافرت ردت اثبت روحي بعيد عن اهلي ولاتنسين البيوت اسرار يا بان...

تنهدت حجيت

_احجي لاتضل بس تحجي رؤوس اقلام وتعالي يا بان حزري وفهمي الي يصير..

وللعلم حقي تكون هذه رده فعلي لان امك طينت عيشتي هل يومين كله تبسمر..

طك رگبته گال

_بان حجزت رحلة لماليزيا اريد ارج، تجين وياي لولا؟!

_ليش شعجب مو گلت١٥يوم

تنهد كعد

_مكاني مو هنا يا بان

اسلام فاقد الوطن والاهل..

بلعت ريگي حجيت

_ماتطلع اذا مااني وياك..

ابتسم طرف شفتة گال

_ان شالله، اتصلي على عمي وگليلة بين مااروح احجز واجي..

ابتسمت هزيت راسي طلع ملابس طلع اقل الربع ساعه دخل مبدل نشف شعرة ومشطة.

كمل وطلع من الغرفة اتصلت على بابا اقبل گال

_ابقي اني اوديج..

حاولت وياه ماقبل اروح..

حضرت ملابسي بالجنطة طلعت بس ملابس الي ارجع بيهن..

اخذت جهازي اتصلت على گمرة مردت فتحت واتباد اقرأ قصص مروقت ماحسيت غير على إسلام دخل للغرفة حاجز ومكمل..

تفاجئت بي حجيت

_بسرعة خلصت.

رفع حاجبة گال

_القصص دمرتج

_ليش

فتح دكم القميص گال

_طلعت بال١٠ونص وهسة بالثمانية ونص خاف ماتدرين..

فتحت عيوني بصدمة حجيت

_صدك ولله!!

هز راسة گال

_اي وباجر بالتسعة الصبح نسافر، حجيتي ويه عمي!؟

_اي حجيت و وافق..

هز راسة گال

_الج خلك نروح لبغداد؟؟

هزيت راسي حجيت

_اي طبعا.

ابتسم گال

_بس مانمر على گمرة، ولعلمج نروح بفندق

_ايي عادي.

_حضري روحج بين ماانزل ونطيهم علم.

هزيت راسي طلع بدلت ملابسي اخذت الجنط ونزلت.

عمتي تخوزر بيه اخذته وراحت للاستقبال حجو بينهم وطلع اسلام عصبي..

حجه ويه عمو مهوال

_عمي مفتاح السيارة..

شمرله المفتاح طلع اسلام واني وراه سلمت هلى جدو وبيبي وطلعت.

لگيته صاعدة ومشغل السيارة صار كدامي عمو حضنتة سلمت عليه همس

_بان احتوي اسلام وديري بالج علية ترى اسلام تعب لاتصيرين انتِ والناس علية ترى تخسرينة...

ابتسمت اله بدون مافهم قصدة..

سمعنة صون لهورن وهو يگول

_مو كافي تمعشگ؟!

ضحك عمو فتحلي الباب صعدت گال

_ ولك بس لا غرت ترة احرگك وسابع سماء.

ضحك اسلام بدون مايرد .

سلم وطلع طول الطريق يسوق بسرعه جنونية..

نعست ونمت ماحسيت غير على طبة قوية وكصتي اذتني..

كمشت راسي بوجع التفتت على اسلام لاهو ضايج ولا هو يضحك.

نزل من السيارة گال

_يالة نزلي وصلنة..

فتحت الباب ودايخة كلش

اخذ الجنط ودخلنة للفندق طلبو عقد زواج نطاهم واخذنة غرفة لمدة يوم..

صعدتة للغرفة مو كلش جبيرة مال نفرين.

اخذ ملابس دخل للحمام يسبح واني حضرت ملابس الي..

طلع دخلت سبحت وطلعت نشفت شعري لكيته مدد صافن بالسكف..

خلصت تمشيط گال

_طفي الضوة وتعالي نامي تأخروالوقت..

بدون ماحجي طفيت الضوة رحت يمه تغطيت حاولت انام مااكدر واسمع صوت تنهداتة ونفسة المامستقر..

مر وقت وجازفت بسؤالي

_شبيك اسلام

ما رد

التفتت عليه حجيت

_احجي ليش ساكت؟!

زفر نفس ب آه سحبني لحضنة صار راسي بصدرة العاري..

صدمني بردة فعلة لان لاول مرة يسوي هل حركة..

واني وياه دوم عرك مافد يوم ما گال مشاكسة وكحة لسان..

هستوني حجيت ضغط على حضنة گال

_ لمرة وحدة بحياتج احتويني بدون كلام وسؤال يتبع..

توقعاتكم للبارت القادم

اذا التفاعل حلو  انشر الكم بارت ثاني 🖤

وأكدر اگول ياهلا بالجد لان من هنا وبدأت الاحداث القوية...

سلام عليكم طبعا البارت طويل.

تفاعلو على الفقرات.

قصة  للخُلة رأي اخر

البارت؛ ١٢

بقلمي اورجانزا الطائي

.

.

.

.

.

.

.

.

.

.

.

.

.

.

.

.

.

.

.....

قلقانة و خايفة لدرجة دموعي تنزل بهدوء ودگات گلبي سريعة..

اباوع منا ومنا ناس كومة واصوات كلش عالية..

بلعت ريگي بخوف وقلق

شفت واحد كاعد على كرسي كامش جهازة وملتهي بي حاط بطاقة تعريف والي عرفتة يشتغل هنا..

اروح وارجع اخاف احجي وياه ويطلع مايشتغل هنا مر وقت اخر شئ قويت روحي

تقربت بخوف وقلق حجيت

_عفواً عمو انتَ تشتغل هنانة!؟

باوعلي رفع حاجبة وشبة ابتسم گال

_ اي بنيتي شبيج!

بلعت ريگي وامسح بدموعي حجيت برجفة

_عمو اني ضعت وما عرف احد هنانة فدوة اريد ابوية..

نهيت كلامي ببكاء..

گام وكف تقرب علية زفر نفسة ب آه گال

_ابوج وين وانتِ منين..

شهگت حجيت

_من سوريا

عقد حواجبة گال

_وشجابج لهنا حملة دار لو شلون؟!

هزيت راسي بتذكير

_لالا قصدي من سوريا بس بس مقيمة ببغداد، وابوية جابني وياه..

بعدة يحجي وياي شفت انس عفتة ردت اركض اله كمش ايدي گال

_وين رايحة انتضري هسة يديعون بااسمج، صدك شنو اسمج؟!

بلعت ريگي طفرن دموعي حجيت برجفة

_ ريمي

وخرت ايدة وركضت لاصف حضتة ابجي..

يمسد على شعري يحجي بهدوء

_حبيبتي لاتبجين وياج اني..

زدت بالبجي وخرني عن حضنة گال

_هشش حبيبتي محد يسويلج شئ اني وياج.

ضحكت بين دموعي مسحن گال

_ انعل ابو الي يمد ايدة عليج حبيبتي يالة ريمي لاتبجين..

قطع كلامنة صوت ثخين

التفتت علية گال

_ريمي منو هذة؟

صديت على آصف الي مصدوم سبقني گال

_شعليك

التفت علية گال

_يالة ريمي لايجي ابوج.

سحبني من ايدي ومشينة التفتت على الولد يباعلي بشمئزاز...

حطيت راسي على كتف آصف ومشينة وهو يهدئني ويگول

_ريمي اذا ابوج او احد من اهلج سألو گولي جنت وية اصف اشتري..

هزيت راسي حجيت

_ مناوي ترجع للبيت؟!

تنهد گال

_لا ماارجع دام ابوج رافع خشمة للمريخ.

ضحكت حجيت

_ والله تعودت علية بس انت ماعرف شبيك..

زفر نفسة گال

_شوكت تقنعين ماعرف مو اگلج نسافر ونضرب العالم بوري

بس انتِ ماعرف شبيج مكيفة على اهانات ابوج.

عصرت ايدة حجيت

_ حبيبي يبقى ابونة وتاج راسنة حتى لو موزين ويانة نبقى احنة طالعين من ضهرة...

ضحك گال

_ليش تخليني اكرهج من ورة هل سوالف كلش زين تعرفين ماعترف بي.

وللصراحة افضل النعال تاج راسي ولا ابوج.

حجيت بعدم رضا

_آصف حبيبي لاهيج، مايصير حرام عليك تحجي علية يبقى اب..

__لو اب بي حظ جان بوقتها حطيته على راسي، بس وداعتج حرام علية اگول هذة ابوي.

وصلنة لاهلي أبوية يخوزر بينة وامي أميمة تبتسملي..

انس اشرلي بصفة كعدنة اني وآصف يمة.

حطو الاكل اكلو كلهم واني ماشتهي..

ميلة راسي على قبة الامان الحسين نزلن دموعي واني ادعي اريدة يهدي ابوية علية..

قطع صفنتي صوت ميساء تگول

_بابا راح اخذ ريمي وياي للتواليتات..

رد عليها ابوية بحنان

_بنيتي خاف تضيعين.

ردت علية

_لا بابا اندل..

هز راسة بدون مايحجي

ردت اگوم كمش ايدي آصف بعدم رضا

مسدت عليها صديت عليه رمشت بهدوء

ترك ايدي گمت وياها مشينه شوي حجيت

_ميساء تندلين لولا

ردت بصوت مرتفع

_لا لج هسة نسأل ونشوف.

صديت عليها بصدمة

_ ولج شلون بيج غبية هسة نتية

ضربتي على ايدي گالت

_ شبيج ريمي لاتصيرين جبانو شوفي هذه يشتغل بالعتبة هيه نسألة ماكو اشكال.

التفتت على المكان الي تأشر علية نصدمت

هذه نفسه الرجال الي ضعت يمة بس لايگول لميساء..

جريتها من ايدها حجيت

_امشي نسأل غيرة..

ردت بصوت متذمر

_ لعد هذة شنو مثلا انجبي وخل نسألة لاتصيرين غبية.

ردت امشي واعوفها جرتني من ايدي وقطع كلامنة صوته يگول

_ تعالن يابة شبيجن ضايعات؟

بلعت ريگي فتحت عيوني بخوف صارت عيني بعينة رمشت اكثر من مرة بخوف..

التفت على ميساء گال

_بيج شئ

ردت ميساء بهدوء عكس قبل شوية

_بس اريد اندل مكان التواليتات..

كرصتها بيدها فشلة منة

ابتسم اشر على جهة خارج الحرم فتحت عيوني بصدمة حجيت

_لا والله ولا اروح اخاف شلون اطلع..

جرتني من ايدي وطلعت رحنة للحمامات وكفت بداية الحمامات انتضرها تجي..

مر وقت طلعت،رجعنة للأهلي كعدنة شوي كامو الكل..

نوينة نرجع لبغداد رحنة على طريق الگراج شفت بسطيات بيهن حلويات ونساتل.

اخذني آصف أشترالي حلويات ورحنة للگراج ابوية گالي

_تعالي صعدي ويانة.

كمش ايدي آصف گال

_خالة أميمة راح اخذ ريمي وياي.

هزت راسها گالت

_يارجال عوفها ترجع ويه اخوها.

رد عليها

_ ممنوع تبات بمكان غير البيت.

صعد بالسيارة وطلعو..

ضحكت بهدوء حجيت

_تعرف شگد احبكم انتم الاثنين بس آصف اكثر لاتزعل انس..

ضحكو عليه وصعدو كعدت بالنص آصف يسوق وانس شغل اغنية مش عم تزبط معي ويغني..

بعرف بإنك ساكني

عايش بروحي مجنني

وجوا حبك أسرني

وعم كابر

رغم القسوة اللي فقلبك

والتعب اللي مرافق دربك

والبعد اللي عشتو بقربك

أنا صابر

مش عم تزبط معي

أعشق غيرك لا و الله

مش عم تزبط معي

اشكي لغيرك قول الآه

مش عم تزبط معي

أعشق غيرك لا و الله

مش عم تزبط معي

اشكي لغيرك قول الآه

اشوف انس شلون فرحان ويغني ومسوي جو كلش حلو وآصف الي أيد يسوق بيها والثانية مرتاك على الجامة يدخن..

تنهدت حجيت

_آصف شصار بيها؟!

مارد علية هزيت كتفه گال

_هاا تحاجيني؟!!

ضحك انس گال

_لاتحاجي ابوي

تجاهل كلامة گال

_اي حبيبتي شبيج.

ابتسمت حجيت

_شصار بينكم، ماتفقتو على شئ

تنهد بصوت گال

_معاندة ماتقبل راسها يابس، وانتضر موافقة من اخوها الي لحد الان مافرغ روحة حتى نلتقي..

رديت بتسائل

_ليش اخوها شنو يشتغل هل لهل درجة مشغول؟!

رد بعدم اهتمام

_ماعرف بس حسب الي وضحلي خارج المحافظة وعلى مااعتقد بالنجف.

رد علية انس

_زين آصف مناوي ترجع للبيت

_لا يمعود قبل اسبوعين استلمت سلفة واخذت بيت ٥٠متر طابقين واثثتة، بقة بس الطباخ مامشتري.

رد انس

_كم غرفة بي هذه ولك گن مال دجاج

_غرفتين وحمام وتواليت فوك وجوة مطبخ وصالة واستقبال وحمام وتواليت..

والله يااخوي اشوفة كافي علية احسن من ذلة ابوك.

رد انس

_وين لگيت هيج تصميم بس تعرف واضح حلو، وليش انت شعليك بي غير ابنة..

شمر گطف الجگاير من الشباك گال

_انس ماتسكت ترة عمري ٢٨سنة اذا مااطلع هسة شوكت اعتمد على روحي وابوك سبق وضحك علية وتريدني ابقة يمة؟!

ولك ماانسة فوك ما بيتي وخلاني اوقع علية واحولة بااسمة تالي يتكبر ويطردني منة ولله ليش لان مااقبل يضرب ريمي.

_بس انت هم بالهداوة تاخذ حقكك ليش عصبت هيج..

_لا اسكت انس ترة روحي طافرة من ابوك لو بي حظ ماتزوج على امي وبعد الثالث مطالع لو اختي الي ضيع من عمرها تلث سنوات ماسجلها بالمدرسة؟! ولك گلبي مفول علية..

تنهدت وارتاكيت على الكشن..

طبعاً امي لله يرحمها توفت من جان عمري اربع سنوات..

صحينة اني واخوي على ضرب ابوية لامي.

دائما يعيرها برجلها لان وحدة كصيرة والثاني طويلة فرق ٦سانتيمات بحيث امي ماتگدر توكف ولهل سبب تعرج.

على حس ماتگول الي امي اميمة

قبل بزمن جدو طالب ابو ابوية طالب امي اميمة بس جدو ناطي أمي لابوية لان الجبيرة وتعرج..

فا ابوي من هل شغلة كاره امي

ومن ولدتني تعبت هواي والدكتورة گالت لاتولدين بعد بس ابوية جان يريد بعد..

وامي صارت حامل باانس تدهورت حالتها ووصلت للموت درجة شهر السابع ولدتهة وسلمت امانتها لرب العالمين..

تقريب التلث ايام وابوية اتزوج امي اميمة..

امي اميمة تعاملنة كأنو ولدها بس ابوية الي مامعترف بينة..

انس ينادي خالتي ماما لان هو اصلا ما وعة ولاشاف امي..

و آصف يناديها خالة شگد تحاول تعدل علاقتهم وهو محملها ذنب امي لان خالتي بقت على علاقة وية ابوية بعد اهلي..

مرات احقد على ابوية لان امي جان يريد منها اطفال بس خالة اكتفة بميساء..

ابعد هل افكار من راسي واحاول اتعايش وية حاضري..

مسحت دموعي وتنهدت صارت عيني على المراية آصف يباوعلي ابتسمت بوجهة.

زفر نفسة وسرع السياقة.

مر وقت وصلنة للبيت تجنب للمشاكل..

سلمنة علية ونزلنة.

لالت الدمعة بعيني غمضت بقوة وفتحت عيوني مبتسمة.

ديور السيارة وكف كدامنة گال

_انس ريمي امانة برگبتك دير بالك عليها وقسم بالله اذا ابوك يمد ايدة عليها احسب حساب احاسبك انتٓ.

ضحك انس گال

_والله محسسني كامشيلها السيخ.

عقد حواجبة گال.

_صير رجال مرة وحدة بحياتك وعوف اللطلطة.

ساق ومشى وانس مو راضي على كلام آصف

فتح الباب دخلنة اهلي بعدهم مجايين.

صعدت للغرفة بدلت ونمت من التعب.

ثاني يوم الصبح كعدت من وحدي لگيت ميساء نايمة.

نزلت الكل نايمين غسلت وجهي حطيت القوري على الطباخ واخذت مكانسة انضف البيت.

كملت تنضيف رجعت للمطبخ طفيت الطباخ وخليت الجاي على مي الفاير..

طلعت قشطة وخبز من المجمدة.

دخل انس يمطط بجسمة غسل وجهه كعد يمي اخذ الكوب وكعد يتريك..

ضحكت علية گمت صبيت كوب جاي وكعدت اكل وياة.

مر وقت طويل كعدت أمي اميمة صبحت علينة وبدت تجهز للغدة

گمت ساعدتها و ترخصت منها صعدت للغرفة اعزلها..

وميساء بعدها لحد الان نايمة.

كملت تعزيل ونزلت للمطبخ أمي اميمة مخلصة طبخ

وابوية كاعد يتريك.

كعدت يمهم باوعلي صفح گال

_ گعدة الظهاري بطليها، صيري ادمية وكعدي الصبح امج تعبت ورادلها راحة.

ابتسمت وهزيت راسي بدون مااحجي.

صاح بية گال

_تستهزئين بية وتتمضحكين؟! رادلج اعادة تدوير..

هزيت راسي.

اشرلي بيدة تعالي

تقربت علية بخوف ما احس غير ضربني راجدي شهكت وبجيت.

عفتهم صعدت للغرفة تغطيت حاطة أيدي على حلگي اكتم صوت شهكاتي..

اخاف احجي كدامة واذا مااحجي يعتبرني استهزء ويضربني..

شلون ما عرف..

مسحت دموعي گمت لان صاحني

نزلت گال

_روحي صبي الاكل بدل امج.

رحت اخذت المواعين صبيت الأكل بالهول انجمعو ياگلون خلصو اكل امي غسلت الواعين واني سويت الجاي.

كمل وديتة الهم وصعدت.

مرت الايام على هل منوال حياة شبة هادئة آصف ما اشوفة والدوام مستمر.

لحد ما اليوم دخل بابا فرحان والدنيا ماسايعتة..

على فرحة فرحت كعد جمعنة كلنه وگال

_ حضرو روحكم لبيت صار الي.

ستغربنة هذة يابيت؟!

ابتسم واخذ نفس براحة گال

_بهل يومين ننتقل للناصرية اشتريت بيت هناك.

ردت علية امي اميمة

_صارت يعني.

_اي صارت..

اتفقو على هل يومين ننتقل للناصرية بدون حتى ما ياخذون رأي احد

حتى كتاب نقل مسوي بس ننقل.

ومن هل يوم بدينة نحضر الاغراض مرن اليومين بصعوبة..

اخذو الاثاث بسيارات كلش جبيرة ماعرف اسمهن بس نفس اللوري.

واحنة صعدنة بسيارات...

ماعرف ليش ماعندي اي مشاعر عادي

تنهدت وارتاكيت على الشباك الدنيا مغرب والاضوية خافتة..

نعست غمضت عيوني نمت..

ماحسيت غير على صوت باب السيارة تنسد

نزلت من السيارة كدام البيت

بابا فتح الباب دخلنة حديقة كلش صغيرة يا دوب الصحيات ومساحة صغيرة عن الباب..

غرف ثنين مطبخ  وهول واستقبال وصالة صغيرة بالطابق الثاني.

.

لبيت اصغر من هذاك بيتنة وابد مامريح ماعرف ليش من دخلت عتبتة ختنكت..

اني وميساء صعدنة بالطابق الثاني صالة على حجم البيت  مامنها منفذ او باب سطح غير الشباك يطل على الشارع

من بعد يومين شغل على وكفة الوحدة يالة كدرنة نسيطر على الوضع..

مرت الايام وشبة مرتاحين..

وطبعا النقل لحد الان مكمل لان ورقة بنقلي اخرت هل شي ولهل سبب بالتحديد  ميساء تداوم واني لا.

نزلت على صوت رمي كلش قوي  احس گلبي وگع بين رجلية آصف طلع قبل عشر دقايق  نزلت اركض  البيت فارغ ماكو احد..

طلعت للطارمة  اشاهك وابجي مجرد تخيلت آصف بي شئ.

اريد اطلع اشوفة واخاف منطقة  وناس جددد.

رجعت للهول اخذت حجاب صلاة طلعت  وية  وماردت البسة واشوف واحد  ملثم  عابر علينة..

شهكت ولبست  الحجاب بسرعة جسمي رجف ردت ارجع للبيت گال

_اوكفي ما اريد أئذيج،  بس  چاي وناخيكم. انه من هل ديرة..

زدت بالبجي  ججيت

_اطلع عليك لله  والله اخاف..

مسححت دموعي بيدي واردفت

_ولله ولله ماسولف عليك بس اطلع اني جبانة وخوافة، واذ تريد  تبوگ   ادخل اخذ الي تريدة  ومااگول بس لاتأيني..

نهيت كلامي  بشهكات منزلة راسي

_يا بنت الناس انه لا حرامي ولا مجرم انة ابن هل ديرة وانتم جداد  وانت ماتعرفونة بس نعرفكم...

وهسة غمضي هل عيون وسدي اذاناتج  يا ريمي   وحسبي من واحد للمية تلگيني مختفي.

هز يت راسي  وسويت نفس ما گالي  واحسب كملت عد فتحت عيوني  ماكو احد. 

والصوت اختفى..

دخلت للبيت سديت لباب.

مر اقل الدقيقتين ندك لباب شهكت بخوف..

سمعت صوت آصف مسحت دموعي طلعت فتحت لباب  دخل شافني فتح عيونه بصدمة حضني ويمسد على شعري..

تمسكت بحضنة وزدت بجي.

باس رأسي  حجة بخوف  وقلق 

_شبيج  ريمي منو وياج احجي باباتي...

_مابيك شئ موو

ضحك  وبعدني عن حضنة گال

_ابوج لو. بي حظ ورجال ما جابكم من نص الامان لگلب النزاعات و عافج وحدج بالبيت  

سكتت بدون مااحجي شي.

من هل موقف بعد بعد ماطلعت للحديقة اذا اهلي ماموجودين..

ثاني يوم آصف فتح موضوع الخطوبة ويه ابوية ووافقو يمشون عليها.

للعصر راحت امي اميمة  واني واختي وحدة جارتنه.

وكفنة يم البيت دبل ڤاليوم ماعتقد ينطوها لان واضح من البيت..

دكو الجرص ودخلنة  الحديقة كلش جبيرة موكفين بيها اربع سيارات من هذه الحديثة  من غير الحديقة الجبيرة

دخلنة للكلدور عبالي هول والله. من حجمة وفخامتة..

بس اريد اعرف آصف منين عرفها هل بنية  ومعقولة ينطوها واحنة حالتنة المادية وسط..

كعدنة بالهول حاطين تخم ملكي.

شوية اجت ام البنية انسانة عادية ولطيفة تضحك وتسولف طبيعي.

وو راها البنية الي اجينة نخطبها  اسمها بيارق كلش حلوة ونازكة..

قدمت النه الضيافة  وگعدت يم امها..

حجت امي وياهم على الخطبة وام البنية فرحت وگالت

_بالنسبة النة اني  ووالدها موافقين بقة بس ابني ناخذ رأية..

ردت عليها امي اميمة

_على راحتكم بس  الولد مستعجل..

صديت على امي ليش هيج تگول والله فشلة..

من بعد حديث اله بداية مااله نهاية ستئذنت امي اميمة  وطلعنة..

رجعنة للبيت مرن يومين ردو النة الموافقة..

وعلى اساس اليوم هم يجونة بس اول مرة اعرف اهل البنية يجون علينة معقولة هذه عادة جديدة.!!

بس اصف فدوة لگلبة طاير من الفرح لان اخوها اكثر من مرة رفظ وبالاخير  من يرحون الهم هو مسافر..

على هل شلعان الگلب الي سوو لأخوية كرهت هل ولد..

سويت كيك وگهوة وجاي واصف جاب عصير بطيخ طبيعي لان بيارق ماتحب الجاي والگهوة..

انطاني علبة صغيرة مغلفة وطلب مني اوصلها لبيارق.

وطبعا شئ اكيد اخذتها منه.

سوينه عشة وتعشينة،  غسلت المواعين وسبحت نزلت  رافعة شعري.

رغم طولة وشگارة لشعري بس كلش خفيف ومن اشدة بالكتر الصغير..

لدرجة الفراغات ماليا راسي.

عكس شعر ميساء وسط  والكثيف.

وهل شئ دائما ينتقدوني علية   ويگلولي كصي حتى يثخن بس ماينطيني گلبي لان يكعد وياي..

مرات اصفن على المراية اكره شكلي لان بيضة ورموشي شگر لهل سبب اكرهن لان مواضح عندي رموش رغم هن  طوال..

زفرت نفسي على صوت امي اميمة تگول

_مالج نية اكصة

عقد حواجبي بستغراب حجيت

_شنو

اشرت بعيونها على شعري گالت

_شعرج غير

شهكت حطيت ايدي على شعري حجيت

_لا مااكصة احبة..

هزت ايدها کالت

_ولج شتحبين غير الي يشوفه يگول سلبوح طين على هل خفة.

غرغرن عيوني بالدمع حجيت

_حتى لو اني احبة مايعذبني بالتمشيط.

حجت بستهزاءمبطن

_ اصلا زايدة منج تمشطي هن شعرايتين  على مرة يوكعن وتكرعين..

حاولت مااهتم لكلامها

ندك الباب طلعو فتحو گالو اجو اهل بيارق

بيارق وامها ونسوان ثنين  وحدة جبيرة والثانية بعمر امي كعدو يمنة.

سلمت عليهن ورحت حميت الگهوة والجاي

كصصت الكيك بمواعين تقديم.

صبيت الجاي والكهوة  والعصير  اجة اصف  متفاجئ..

گال

_ريمي المرة الجبيرة هذه الشيخة ام شيخهم والمرة وياهم هذه زوجته من تقدمين انطي للحجية وكملي

وهاا الكهوة بس للشيخة البقية جاي ولاتنسين بيارق عصير بس مو تحطي نفس الصينية.

انتبهي اول شي الجاي والكهوة وبعدها الكيك والعصير.

هزيت راسي وضحكت على كلامه.

سويت نفس مگالي والحجية مبتسمة.

كعدت يم بيارق  اسولف وياها..

مر وقت بينهم يحجون لحد ما حجت الحجية.

_والله ياام آصف  اجينة لحد بساطكم واتمنة ماتردونة خايبين..

ردت امي

_حشة من الرد اذا نگدر.

_تگدرون  ان شالله اليوم تعنيتلكم انه والشيخ حتى نطلب ايد بنتكم لابنة على سنة لله ورسولة..

قبل لاتحجين  اگلج ابنة شايفها وعاجبتة وطلب منة نخطبها اله بالحلال..

ابتسمت امي اميمة گالت

_ نتشرف بيكم وان شالله اشوف ابوها.

نصدمت من طلبها،  وقصدها منو منه؟!!

صديت على ميساء مدنگة راسها خجلانة...

عرفت عليها لان ولارفعت راسها.

والحجية رفعت اديدها اشرت علية اني وميساء وگالت

_منو منجن اسمها ريمي.

ابتسمت ردت احجي سبقتني أمي گالت

_هذة بنت زوجي..

نصدمت من گلامها  مو من عادتها تگول بنت زوجي حتى ابد ممحسستني بهل شئ وماتفرق بينة..

بلعت ريگي دمعن عيوني.

ردت عليها الحجية.

_اخت اصف؟!

ردت عليها امي

_اي خية اخته هذه هم ابن زوجي.

حسيت على دفو بيدي صديت عليها كامشة ايدي  ابتسمت  غمزتلي گالت

_جدة خالتي ام ميساء تصير اخت عمتي لله يرحمها وعمو ابو  أصف تزوج خالة حتى تربيهم.

ردت الحجية

_چا يا خايبة انتي مربيتهم وتگولين وليدات رجلي عاب حلگج..

هس المهم انه اريد اخيت اصف ريمي لمؤمن  وليدنة.

بين الصدمة  وفرح لكلام الحجية..

هو اصلا ماعرفة هو منو واني اصلا اكرهه مجرد طول بخطبة اصف..

صديت على امي تباعلي صفح  زفرت نفس حجيت

_حجية اني ماريد اتزوج هسة..

ابتسمت  گالت

_ فكري يبعد روحيتي.

حت اذا رديتي موافقة ثنينجن تعقدن سوة لان مؤمن مستعجل.

ابتسمت باانحراج وسكتت.

اقل الربع ساعة اتصلو على بيارق سدتة  گالت

_يالة اخوي يگول نروح.

تذكرت العلبة حجيت

_بيارق تكدرين تجين شوي.

ردت

_والله ماكدر لان حروح

ردت امها

_روحي بنتي بين مانطلع..

سحبتها من ايدها اخذتها للمطبخ انطيتها العلبة  تفاجئت  ورجعتها الي گالت

_لا ولله مااكدر اخذ..

ستغربت من ردة فعلها حجيت

_ليش

_مااكدر  ولله

_بس هذة مو مني هذه آصف نطانياها ووصاني اسلمها بيدج..

ابتسمت گالت

_صدك منة؟!

هزيت راسي حجيت

_اي ولله لليش

اخذت العلبة حضنتها گالت

_مناسي عيد ميلادي اووي

على هل فرح الي شفته بعيونها  فرحت من يمي.

رفعت حاجبي حجيت

_هذه عبن حبيب الگلب جايبها تاخذيها وتحضنيها بس لو اني ولاتعبريها.

خجلت وسكتت.

طلعنه من المطبخ  سلمت عليهم وطلعو. 

شوي رجعو الولد وابوي كعدو يمنه،  وبابا فتح الموضوع..

_ ابو بيارق طلب ريمي لابنة.

رد علية آصف

_والله الحجي ل الله الولد ينحلف بي وكفو منة رغم شگد خبث علية بالبداية. 

_اي الولد ماعايبة شئ، بس بقة اختك الي تريدة نسوي.

شگد فرحت بجواب ابوي، يعني رغم قسوتة بس يخاف علية..

رد اصف

_ريمي اخذيلج يومين فكري وردي خبر.

ابتسمت  بدون مااحجي

ردت امي

_ شبيكم الحجية تگول بينهم علاقة..

فتحت عيوني بصدمة بابا طفر علية جرني من شعري  بدون تفاهم..

سحبني من جواه اصف گال

_شبيج خالة شنو هل حجي  ، هي وين طالعه.

ردت بعصبية

_قابل مكذبة اسأل ميساء

ردت ميساء

_اي اي صدك الحجية گالت هوة يعرفها وعنده علاقة وياها وو اني سمعتها تحجي وياه اكثر من مرة..

شهكت بصوت  صديت على اصف.

الي وخر بابا عني وگال

_شبيك يعني كل مااگول  نصلح حالة تسودن علينة.  .

وانتِ الي مسوية روحج حنينة رجاءً اختي متدخلون بيها..

ردت بعصبية

_هاي لان لمصلحتكم هيج تحجي وياي اعتبرني امك..

ضحك بستهزاء گال

_ولج شلون تلفضين كلمة ام، لو اني بمكانج اطم روحي بالكاع عبالج ناسي  طياح الحظ مالتكم  .

حطني ورة ظهرة گال

_مدو ايدكم عليها اله اكسرة.

رد علية ابوية

_تعلم اختك على الرذائل

ضرب على راسة گال

_انت اخر من يحجي  حاربت امي لحد ماماتت وفوك كل هذه امي بين الحياه والموت تروح تسوي علاقة وية اختها من طيح لله حظ جدي الي زوجكم  بس شگول على طيحان حظ علني..

وممنوع تحجون عليها من حقها تحب وتنحب.

ليش مو اني حبيت اختة وبهل اسبوع اعقد عليها لو انت مو موتت امي في سبيل تاخذ اختها لو انس مو يحب بنت جيانكم؟

بعد المن اني وياها  وهل شي من حقها كافي مزعطة حلال على ولدكم وحرام على ولد العالم.

انتها نقاشهم  يرجعون موافقة لاهل الولد الي حتى شكله مشايفتة...

ثاني يوم اجت امة حددو موعد العقد ثنينة نفس اليوم والي هو الخميس..

يعني بعد يومين.

طلعت وية اصف اشتريت فستان العقد لون بيجي فاتح بڤ وردانات تولي .

رجعنة للبيت ميتين تعب من الفرة..

وبيوم العقد رحنة للصالون اني وبيارق 

حفتلنة ثنينة واستلمنة يخلن النة  مكياج.. 

مر وقت خلصت.

گمت وخرت وكفت كدام المراية  تفاجئت الصراحة ماجنت متوقعة هيج شكلي بالمكياج  والفستان..

عافت شعري مفتوح وماعرف شلون كثفتة  نتبهت عليها تحرك المشط عكس اتجاه الشعر..

بس هم يبقى خفيف على گولت امي اميمة سلبوح طين..

بس الاحلى من كل هذة وضحن رموشي وهذه الي فرحني..

كملنة ثنينة  التفتت على بيارق اية من الجمال.

اختيارة ولا اروع منة.

نوب لابسة بدلة بنفسجي فاتح  وكصة عدلة من فوك  أدينها واكتافها طالعات.

اخذنة صور ثنينة سوة بالصالون  وبيارق اتصلت على اخوها يجي..

اقل الربع ساعه  دكو هورن  لبست البركع   لفيتة زين  وبيارق ساعدتها   طلعنة ثنينة  هية صعدت بالصدر  واني ورة..

ولارفعت راسي ماعندي جرئة..

الطريق كلة مشغل اغاني اعرس..

حسب مافهمت شخصيتة مرحة لابعد الحدود..

وصلنة للقاعة  نزلنة من الباب الخلفية.

دخلنه اني وبيارق   للقاعة  كعدنة على الكوشة

اجة السيد  وياه الولد.

سوو طقوس العقد والسيد عقد النة..

ووقعنة كمل العقد وباركلنة وطلع..

مر وقت سمعت صوتة قريب علية يگول

_الف مبروك مني المال ومنج العيال..

مجرد سمعت بحة صوتة ابتسمت تلقائية..

حسيت علية يرفع البركع عن وجهي احس الحرارة تطلع من وجهي خجلانة..

قرب علية تلمس حنجي سرع دكات گلبي وارمش بسرعه..

رفع راسي بيدة  صارت عيني بعينة شتتها ابتسم وضحن رصعاتة..

بلعت ريگي  وابتسمت بتوتر.

ضحك گال

_ الله من خلقج ما گال شلون بي الي يشوفها؟!

صديت على صفحة حسيت على حرارة ايدة بيدي التفتت  مجرد شفتة ابتسمت وحضنتة..

مسد على ضهري گال

_الف مبروك يحبيبتي..

رديت بخجل

_والك هم مبروك..

ضحك وبعدني عنة..

_ آصف لاتخليني اتراجع واخذ اختي شنو فلمك سحبت خطيبتي مني؟!

ضحك آصف گال

_يااخي روض مهرتك عليك..

مافتهمت قصدة.

رجعت كعدت  وجابو الذهب لبسني الكلادة وبعدها التراجي يحرك اصابعة قريب اذاني   شوي  وابجي من الخجل..

رجع كمل الذهب لبسته الحلقة وابتسمت.

وطبعا نفس الطقوس سووها بيارق وآصف.

جابو الكيك والعصير هم كصصنة واحد وكل الثاني.

اخر شئ شغلو اغاني وكلها ركصت.

ساعتين ونص خلصت الحفلة..

ومؤمن طلب من آصف ياخذني ونطلع..

تحججت بالفستان بس طلع الملابس بالسيارة  وبدلت ملابسي  وحسب مفهمت آصف وبيارق هم راح يطلعون.

طلعت ويه مؤمن ماعرف وين شايفتة بس شكلة مار علية..

فاجئني مشغل اغنية ويصور ستوريات بالطريق والله اني مالي نفس لهل سوالف اتعاجز..

وكف يم  مطعم  نزلنة   دخلنة للمطع طبعا جناح عائلي.

كعدنة طلب الاكل

تحمحم   وحط ادينة على الميز شابك اصابعة گال

_ريمي!؟؟

صديت علية حجيت

_هاا

ركز بوجهي ثواني وابتسم تلقائية ابتسمت وياه..

بلل شفتة گال

_ الله يساعد عيوني

ستغربت حجيت

_ليش يوجعنك ؟!

هز راسة مبتسم  تلمس حاجبة گال

_اي يوجعني من هل منضر الي كدامي..

ابتسمت بدون مااحجي.

تحمحم گال

_ماستغربتي لان طلبتج

رديت

_لا ليش

ركز بوجهي گال

_ماتتذكريني؟!

هزيت راسي بنفي حجيت

_لا ولله

ابتسم گال

_فقدان ذاكرى، 

_بس ماذكر شايفتك اني

_رجعي لذاكرتج وتعرفين لان اعرغج حق المعرفة بت اصل وفصل ينحلف بطولها..

صفنت بوجهه ضليت ارسم بمخيلتي وين شايفتة؟!

لحد ما تذكرت فتحت عيوني بصدمة وحجيت

_بس لاتگول انننتتت نفسك هذاك الي يتبع..

سلام عليكم شلونكم شخباركم.

طبعا عذروني عل الفترة الي فاتت لان منشرت وجنت مريضة كلش والله.

المهم هسة اريد منكم خدمة.

اليوم نشرت اعلان  ل قصتي الجديدة تحت عنون غرائب القدر طبعا هذه قصة بلوگر عراقية من محافظة بغداد حبت تنشر قصتها بقلمي..

الي حاب يقراها يضيفها للمكتبة.

طبعا اذا التعليقات عبرن ال٢٠٠تعليق بالقصة الجديد اليوم الكم بارت دسم نفس اكل  الجنوب  بالعزايم هههه 

المهم تفاعلو بي ولاتفشلوني وية البطلة ++نشرت حسابها نهاية البارت بقصتها.

وعندي الكم عتب ليش هيج تفاعلكم للبارت كلش قليل  والله لو عشر متابعين ويتفاعلون هم يوصل التفاعل اكثر من هيج.

بس مشاوخلق تردون بارت بدون تفاعل..

ودمتو بحب وسلام وقلة تفاعل على البارتات..

هذه غلاف القصة طبعا الصورة لابطال القصة.

قصة للخُلة رأي آخر

البارت ال؛ ١٣

بقلمي: اورجانزا الطائي.

..

.

.

.

.

.

.

.

.

.

.

.

.

.

.

...

_طفي الضوة وتعالي نامي تأخروالوقت..

بدون ماحجي طفيت الضوة رحت يمه تغطيت حاولت انام مااكدر واسمع صوت تنهداتة ونفسة المامستقر..

مر وقت وجازفت بسؤالي

_شبيك اسلام

ما رد

التفتت عليه حجيت

_احجي ليش ساكت؟!

زفر نفس ب آه سحبني لحضنة صار راسي بصدرة العاري..

صدمني بردة فعلة لان لاول مرة يسوي هل حركة..

واني وياه دوم عرك مافد يوم ما گال

مشاكسة وكحة لسان..

هستوني حجيت ضغط على حضنة گال

_ لمرة وحدة بحياتج احتويني بدون كلام وسؤال..

ماعرف شنو من احساس اجتاحني..

حسيت كلامة من صميم گلبة.

بلعت ريگي بتوتر حجيت

_احتويك واصير الك كل شئ بس فهمني حياتك شنو هية ترة والله دخت واني افسر تقلبات شخصيتك..

افتح  لي گلبك احجي  الي بداخلك حتى اعرف.

تنهد وسحبني علية صار وجهي برگبتة  شدني لحضنة وحاوط رجلية..

سرعن دگات گلبي و تنفسي، بلعت ريگي وحجيت

_ گلتلك احجي مو تحضني..

ضحك بخفة گال

_ تدرين انتِ مشاكسة وقاتلة اللحضات لرومنسية من البوسة وشلت ايدي منج..

ضجت منة لان ماطلعت هل بوسة  على اقل شي يعيرني بيها..

حاولت ادفعة ضحك  شدني علية بحيث مااكدر احرك ايدي.

_وخررر مو صوجك صوجي اني الي مسايرتك، يعني احجي وياك چوك تگلي چبن.

ضحك باسني من راسي گال

_قابل مكذب هذه الحقيقة  انت ماعرف ليش هيج ولو مابيج حظ بشي غير السان والمرادد والمشاكسة.

تلقائية ك ردة فعل  عضيتة من رگبتة..

حسيت على سخافتي لان شدني علية اكثر،  ابتعدت    رفعت راسي صارت عيني بعينة..

ماعرف افسر نضرتة  لاهي حب ولاهي كره ولاهي حقد..

بلعت ريگي نزلت عيوني. 

رخة ادينة  تلمس حنجي و رفع بيدة صارت عيني بعينة  تقرب علية باسني من خدي قريب على شفتي..

بلعت ريگي  وغمضت عيوني  حسيت علية ابتعد   وانطاني ضهرة  ..

هل حركة فورت دمي  بالگوة سيطرت ماعيط بوجهه

  وخرت الغطة وگمت  دخلت للحمام  ودموعي نزلت يحسسني ذابة روحي علية..

والله اعرفة بعده يحبها.

ضربت على راسي بقوة  اريد  اطلع عصبيتي..

والله حتى كرهت اختي من وراه.

ماعرف شكد مر من الوقت واني بالحمام 

  من گد مامليت  نزعت ملابسي وسبحت  نشفت ورجعت عليهن طلعت توقعته نايم.

بس لگيته كاعد طرف الجرباية يدخن بشراهه..

ماهتميت اله اخذت المشط مشطت  ورشيت عطر منة رجالي  رجعت للجرباية مددت وتغطيت متجاهلته تماماً.

هستوني غفيت  مااحس غير ندحس وياي حضني من ضهري دفعتة   سحبني اله صدني علية  خزرتة..

بدون  كلام باسني من شفايفي   وابتعد گال

_بعدي مشاكستج عني،  ترى احطج بالي..

ضربتة بصدرة حجت بعصبية

_لاتهدد اوك  وهل سوالف ماشية علية ترى متفيدك.

تنهد وكعد سحبني علية صرت كدامة  گال

_اتمنى تعرفين الي بداخلي ايش..

كمشت ادينه حجيت

_انت باعدني عنك گول الي بگلبك وخلصني ماافهم شنو الي تريدة..

بلعت ريگي حجيت

_إسلام ترى الي صار بية كلش صعب، موزين  واكفة كدامك..

اخذ نفس گال

_ بان ما لايمج على شئ، بس انتِ  غريبة ماعرف ب ايش تفكرين ساعات احسج تجذبيني الج وساعات لا والله تنفريني..

ركزت بعيونة حجيت

_إسلام تصرفاتك هي التنفرني..

بهت گال

_تصرفاتي؟!!

هزيت راسي بدون مااحجي

كمش اكتافي گال

_ بس اگلج شئ اني لو مامرتاح وياج فلا اكعد وافتح مواضيع وياج.

تنهدت حجيت

_بس اكو حاجز بينة وهل حاجز كلش جبير.

_ايش هو الحاجز احتمال فاهمة غلط وبانية هل حاجز بسوء تفاهم..

ضغطت على روحي حجيت

_ جوابك لبابا ماتحسبة؟!

عقد حواجبة رد

_يا جواب؟!

ضحكت بستهزاء حجيت

_شبسرعة نسيت اول لبارحه

رفع حواجبة گال

_هذة الواقع يا بان،  اني گدامج احجيها اختج مو راضية تطلع من گلبي ولاتفكيري..

فوك كل هذة ملامحج مقاربة الها رغم ماتشابهن بس على گولت الي يگول الدم..

كزيت اسناني حجيت

_ بس احب اگلك شئ، اني مساحلة نفسي الك ولا اريد قربك بس انت تطلع الغلط بية  ماتگول حبيت اخواات ثنين ومتزوج الثالثة..

ضحكت محاولة اخفاء هضمتي واردفت بقوة.

_بس اريد اعرف گلب لو تكسي تحب اخواتي  وتزوجتني.

رد علية بهدوة

_المفروض انت تنسيني اختج

كوني شفائي من مرض احتل گلبي بوقت معين..

بلعت ريگي وضحكت حجيت

_  اذا انت مرض احتل گلبك فااني احتلوو جسمييي بالحرام بدون اذني وبسبب ابووي شو ماگلتلك تعال شافيينيي هاااا ليش هيج انانيي منو المفروض يشافي؟؟

إسلام كف خاطر الكعبة ترى حبك برضاتك عكسي تماماً

نسلبت بدون مقاومة وانت شاهد على كلامي.

ليش كل مرة لازم البنية هي الي تضحي وتنسي حب الي يكوون زوجها.

ليش ما العكس وانت تشفي عقلي مو گلبي لان 

ما كلة التفكير..

وبس اكلك شغلة وحدة يا اسلام.

افتح عيونك كافي.

عفته وگمت وصلت  نهاية الجرباية گال

_لو تعرفين شلون  جانت سبيل وياي ماحجيتي هيج..

تنهد ب آاااااه واردف

_جانت تعرفني اذا ضايج من المراسلة،  حتى مرات  مختنك او متضايق وهي تىاسلني وتگلي احس بيك ضايج

اگللها شلون

تگلي  مو ختنكت.

سبيل جانت تعرف الي يدور ببالي بدون ماابوح بي.

انسانة غريبة عجيبة ومتكاملة من كل النواحي.

لو افتر العالم كله مالگة نفسها،

تذكرين من اجيتكم وهي جانت متخربطة من عمي اخذها للمستشفى.

تدرين بيومها تخربطت لان تعاركنة  وهي ذبت حرگتها بالاكل..

من يومها حلفت ما اتعارك وياها.

وبيومها عرفت الاختلاف الي بينكم انتِ انسانة مختلفة الي يشوفج يگول عايشة بغير كوكب ولا يگلك ويه ناس همهم الطلايب والفصول..

ضحكت  حجيت

_ منك الها شعلية بيكم هاااااا، وشغلة ثانية اذا انت تحب وحدة ماعدها شخصية مو اله اكون هم ماعندي شخصية..

ولعلمك هل لناس اهلك عود ترى منك الهم اني باعدة روحي عنهم  ناطيتهم اذن الطرشة.

_شوفي مو اگلج انتِ مختلفة عن سبيل ومتهورة

ولهل سبب لحد الان سبيل بالي لو صايرة نفسها احتمال هسة زواجنة ماشي....

گزيت على اسناني حجيت

_ شلون راح تخليني اكرهه من تصرااتك،  ولعلمك بهل حالة تريدني اتصرف كااني  سبيل مو بان واني ميعجبني هل شئ.

واذا على يمشي زواجنة بس احب اگلك انت ماتطلع سبيل من راسك دام صورها بجهازك وبمحفضتك وهاا نسيت بكنتورك الوسطاني بالبوكس الفستقي.

عصر عيونه گال

_ باجر راجعين ونتأكد..

ضحكت بستهزاء حجيت

_متأكدة من مكانهن.

_منو يگول؟!!

_اني اگول واذا تحب بيدي اطلعهن.

مسد على لحيتة گال

_تتراهنين!؟؟

سحبت نفس حجيت بثقة

_اي اكيد.

بس على شنو

مط جسمة گال

_لاتستعلين على رزقج، لاكن تأكدي اذا خسرتي تسوين الي اطلبه وانتِ الممتنة..

عقدت حواجبي حجيت

_اي خوش، بس اذا لگيتهن  بمكانهن

غصبن عليك تترك هل سالفة وبعد ماتجيبلي طاري اي احد من اهلي واهلك خليني مبتعدة ومطنشة...

هز راسة بقبول  والتفت على لشباگ. گال

_على طيحان حظ اليوم باجر  الهاطلعه من خشمج.

صار الصبح وما نايم لحد الان

شوكت نگعد شوگت ننام..

گلبت عيوني حجيت

_عود بالطيارة نام.

خلص الوقت وصارت ثمانية ونص طلعنة  من الفندق رحنة للمطار اقل الربع ساعة رجعنة لماليزيا..

فتح لباب دخلنة  مجرد دخلت ارتاحت نفسيتي..

رحت وديت اغارضي وغيرت ملابسي نمت لليل كعدت لكيته كاعد تذكرت اغراض سبيل حجيت

_بعدك عد وعدك

رفع راسة گال

_قصدج الصور

هزيت راسي  گال

_يالة گومي  كدامي خُلوتي

مشيت كدامة وصلت ودخلت للغرفة مسيطرة  على الوضع لان بيدي سفطتهن.

فتحت البوكس ادور بي ماكو لو نص صورة لسبيل.

اخذت محفضتة فتحها هم ماكو.

رجعت اخذت جهازة  دورت من گلت بس

مالگيتهن.. 

صديت علية حجيت

_وينهن؟؟

رفع حاجبة گال

_علمي علمج.

ترة شفتهن ماكو داعي تخفيهن..

  بلل شفتة گال

_اگدر اخذ مساعدة من شخص؟!!

_هااا شنو شبيك إسلام.

تنهد گعد على الجرباية اخذ الجهاز من ايدي  ماعرف شسوة ثواني فتح سبيكر الضاهر يتصل..

اقل الخمس دقايق نفتح خط.

_هلا عمة شلونج.

ردت

_هلا بيك يروحي، والله برحمة لله.

رد

_دومج بخير ان شالله، بس عمة الغراض  والصور نطيتهن الج لو لا ترى  نسيت.

ردت

_قصدك اغراض سبيل؟!! لو غيرهن.

ابتسم ورفع حاجبة گال

_اي عمة صورها والسلسلة.

فتحت عيوني بدهشة حجيت بصوت واضح

_يعني انتِ هم مشتركة وياه!!

خزرني  گال

_  يالة عمة من رخصتج اخذي راحتج.

ردت علية قلق

_بان يمك!!!

_اي  عمة،  تسلم عليج

_لله يسلمها،  عود اليوم تعالو على العشة هسة عمك على جية..

صد علية مستغرب رد عليها

_بس عمة احنة بماليزيا، شلون اجيكم!؟

_ليش مستعجلين هيج رحتو.

زفر نفس  ركز بعيوني گال

_اي ولله شغلي  لاتنسي ويتي للعراق بس حتى اطمنج، والدليل سلمتج امانة..

_ياعيني كل الخير الكم عين الله تحاوطكم وين ماترحون..

لعد يالة اخذ راحتك وگول لبان من تفرغ تحجي وياي.

_انطيجياها هسة!؟

ردت برفض

_لا اخذو راحتكم بعدين احجي وياها لان اريد اكمل العشة.

سلم عليها وراحت.

شمر الجهاز على الجرباية گال

_شوكت تبطلين نطنطة!!

اكثر شغلة اكرهه هذا لاتسوون شي من دون علمي.

هز راسة وطلع بدون مايحجي.

ضربت رجلي بالكاع رحت لغرفتي احجي علية بگلبي.

مددت ردت انام مااكدر   توترت رغم ماكو شي يستحق..

فتحت شعري رحت للحمام  سبحت وطلعت  بدلت ملابسي.

مشطت شعري   وكعدت بالصالة مشغلة البلازمة على فلم.

مر وقت غلبني النعاس نمت بمكاني..

حسيت على صوتة يگول

_بان تجين وياي راح اتاخر اليوم..

فتحت عين وعين رفعت راسي غرست اصابعي بشعري حجيت

_لا نعساانة.

_عوفي النوم وگومي تتونسين ليش تضلين بالبيت..

اخت الكوشة خليتها على راسي حجيت

_ماا انت رووح اني نعسانه لبارحه ولانمت..

_خوش لعد  طالع وانت قفلي لباب زين.

مارديت علية كملت نومتي لحد ما تكرر الحلم المزعج كعدت فازة والعرك تارسني

دگات گلبي مامنتضمة انفاسي سريعة..

رحت للمطبخ شربت مي ورجعت  اخذت نفس اهدء روحي..

النوم طار  كعدت بالصالة  اگلب القنوات..

مر وقت شفت الساعة ١١ونص  واسلام بعدة.

طلعت من الصالة  صار  كدام عيني كيس الملاكمة..

اجتاحني شعور  اروح  ارجرب.

تقدمت بااتجاها  ضربت ضربات عشوائية.

طبعا ماعندي ذيج الخبرة.

مجرد اشوفة يسويهن.

مر وقت واني الكم بالكيس حسيت براحة مو طبيعية.

عبالك ريشة..

هسة عرفت استاذ اسلام ليش مجلب بيها.

التفتت اريد اروح للغرفة جفلت منة واكف مرتاك على الحايط مبتسم.

تقرب علية بهدوء گال

_ايش رايج اعلمج.

فتحت عيوني بصدمة حجيت

_صددك والله  عادي ماتمانع؟!!

هز راسة بنفي گال

_ يمج كفوف ملاكمة جيبيهن وتعاليج بالحلبة.

اخذتها رجعت يمه لبسني الكفوف ورجع لف باندج على ادينة ولبس الكفوف.

نتر ادينة بالهوة  حطهن مقابل وجهة گال

_ لكمي.

لكمت على فوك ادينة صارت اللكمة على عينة  ابتعد كامش عينة..

رحت اركض حجيت

_هاا شبيك

صد علية بعصبية گال

_انعل سااس ابووو الي يعلمج على الملاكمة  يتبع..

طبعا اعتذر على التاخير.

واطلب منكم الدعاء لكيان..

4

هلا والله بالدايخين ههه

طبعا قبل انطيتكم علم بالانستا انو يضهرون ابطال بس ما حددت  يوم او وقت وگلت خليها مفاجئة.

وهي هذه المفاجئة واليوم حاولت احجيلكم بااختصار عن حياة ريمي من الطفولة ولحد العقد مالتها..

حتى ماطولها عليكم ولا تملون بزيادة.

واكيد عرفتو حياتها ايش آصف اخوها وانس كذالك من امها وميساء من ابوها.

ريمي عكس بان جذريا بارتين وتنصدمون بيهن سبحان مغير الاحوااال

وطبعا اني وياكم ببان لسانها متبري منها.

وتتجاوز على الكبير قبل الصغير.

وان شالله بارت الجاي الها.

وهسة نشرت اعلان لقصتي الجديدة اكتمال البدر اتمنة تشوفونها.

موجودة بحسابي.

وأي سوال بخصوص قصة الخلة تفضلو سألو.

ماطولني متواجدة اكتب بالواتباد..

قصة#للخلة_رأي_آخر

البارت؛ ١٤

بقلمي: اورجانزا الطائي

.

.

.

.

.

.

.

.

.

.

.

.

.

.

.

.

.

. _رجعي لذاكرتج وتعرفين لان اعرفج حق المعرفة بت اصل وفصل ينحلف بطولها..

صفنت بوجهه ضليت ارسم بمخيلتي وين شايفتة؟!

لحد ما تذكرت فتحت عيوني بصدمة وحجيت

_بس لاتگول انننتتت نفسك هذاك الي عبر علينة!!

_لا مو اني، هاي شوگت واهلج يعرفون؟!

بلعت ريگي بتوتر حجيت

_هااا

مركز عيلة ينتضر جواب احس الحرارة بجسمي  من گد ماخفت نزلن دموعي حجيت

_لا محد يعرف..

عقد حواجبة گال

_المن هل بجي قابل سويتلج شئ هو سؤال وسألت.

مسحت دموعي بدون مااحجي.

ضحك گال

_اگلي  يمعودة بعد مااحجي خاف هم تطلعلي سالفة صفح.

ابتسمت مجاملة  ودنكت اگل..

مر وقت  خلصنة اكل رجعنة للبيت.

الطريق كلة كامش ايدي  تصير عيني بعينة يبتسملي.

وكف السيارة باب البيت   التفت للكشت الخلفي اخذ علاگة حطها بحضني گال

_قبل ماتسألين  هذة جهاز الج بي سيمكارت  رقمي ورقم آصف وبيارق واتمنة ماتضيفين احد غيرهم.

_بس  ماگدر اخذها..

كمش ايدي زفر نفس وگال

_اذا قصدج على آصف فا هو يعرف.

عضيت شفتي باانحراج وحجيت

_ بس اني عايشة يم والدي منو يگول يقبل

_آصف اخذ رأي ابوج  وهو وافق،  ماعندج عذر.

اخذته منه بس شگله ضاج.

نزلنة باب البيت   دكيتة طلعت امي اميمة  رادته يدخل ماقبل سلم وراح..

دخلت  لگيت ميساء كاعدة بالمطبخ تاكل حلويات وامي اميمه تسوي عشة..

دفعتني وراحت للطاوة تركض گلبت البيذنجان  وحجت بنتر

_يالة تعاي گلي مو ضالة بس ازقنبكم..

ابتسمت حجيت

_بس ابدل وانزل.

ماردت علية  .

صعدت غيرت ملابسي وحطيت الجهاز  جوة المخدة.

نزلت غسلت وجهي  شفت لساعه  ١٠ونص  كل مرة نتعشة بال٦ونص لو ٧ونص

رحت للمطبخ  گليت بمكانها كملت غطيتهن  وصعدت لگيت 

ميساء مطفية الضوة.

تمشيت على كيفي لفراشي  طلعت الجهاز فتحتة

لگيت كومة رسائل منة.

رديت عليهن ب هلو مؤمن.

خرجت من الواتساب  گلبت بالجهاز  مثبتلي  الفيس والانستا والواتساب.

اجاني اشعار رد علية.

_ هلا بالمهلي  حبيبتي، وين جنتي صارلي ساعة اراسل واتصل وانتِ ماكو.

ابتسمت على حبيبتي  اخذت نفس وتنهدت بضيق رديت

_جنت اتعشة..

؛؛ اها بالعافية.

؛؛ الله يعافيك

؛؛ ايي ريمي عرفيني عليج، اريد المس الروح الي بداخلج، واي شئ تردين تعرفي گولي لاتخجلين بالاخير هسة اني مو گدامج.

حبيت كلامة حسيت روحي محتاجة هيج انسان يدخل بحياتي..

؛؛  هي هاي اني ربمي الي تعرفها بس ضيفلها وحدة ماعدها قوة بس تگوللها بز تبجي ماتتحمل  مو قصة حساسة بس اني هيج خوافة لدرجه كل شئ ولا واحد ياخذ علية نضرة اسوي المستحيل في سبيل ارضة الاخرين وهل شي اكرهه بس مااگدر.

؛؛ حلو بس بهل وقت تنگالين بسهولة وهل شئ خطأ.

زمنج وخاصتة زوجة ابوج واختج  رادلهم الي تشد حيلها وقوتها مو خليوس نفسج

ضحكت حجي بگلبي

_شمدريك بالة والله حلو يحكم بكيفة.

رديت علية

_شنو يعني خليوس؟

؛؛ ليش ماتعرفيها

رديت

_لا ولله اول مرة اسمع بيها. 

؛؛ خليوس تعني  الواحد الي ينضحك علية بسهولة  وسكيتي ماياخذ حقة ويوگع من الحلگ من كد مافاهي وهذة انتِ حبيبتي.

؛؛ ترى مو لهل درجة  والله مااحب المشاكل هل مااحجي.

:لعد انتِ لغيوي الفاهي  ضلمت الخليوس

شفت الرسالة بدون ماارد علية.

لحضات دز

؛؛ هم حابة تعرفين شئ عني؟!

رديت

_اي اريد اعرف نوع شغلك.

؛؛  اني مقيم خارج العراق ومستقر بس اجي للعراق كل شهر ابقى بي اسبوع، اشتغل ببغداد وكربلاء تطوعي مؤقت، واهلي تعرفيهم.

ضليت صافنة معقولة يعني بغير دولة.

وبس لايعوفني هنا وكل اسبوع يجي!!

اكثر من عشر مرات قريت لرسالة احس امالي نهدمت..

بلعت  ريگي  رديت علية

_انتَ مستقر خارج العراق!!

؛؛ اي جبيبتي مكون حياتي الخاصة هناك.

؛؛ حلو..

رد - ياله ريمي تصبحين على خير تاخر الوقت ولازم تنامين واني باجر مسافر 

رديت علية ب 

وانت من اهلو 

خرجت من المحادثة   اجتني رسالة منة 

-ماعندج فضول وين رايح .

رديت -لا لو تريد تكول جان كلت من الاول ليش ادخل بحياتك الخاصة 

شافها بدون مايرد 

تنهدت  تنزلن دموعي 

ابد مااحسه جوي  وعالمي المسالم   انسان مختلف تماما عن اصف رغم  هم نفس الهيئة  بس تناقض قوي بينهم من ناحية الافكار 

/بينما مؤمن منغلق زايد عن الزوم*

مرت الايام وتطورت علاقتنه  لدرجة من يطلع يكلي رايح لكذا مكان 

حددو عرس بيارق واصف   واليوم دنحضر شغلات بسيطة  واني اريد اشتري ثوب  بس للاسف لحد الان مالكيت الي بالي 

اتصل مؤمن على بيارق يريد يعرف بعد شكد ونخلص  وكالتلها اني مااخرتهم لان مالكيت الي يعجبني   وهو طلب يحجي وياي  اخذتة منها حجيت 

-هلوو  

-هلا بيج  

شعجب معاجبج شي  لحد الان 

-ما حبيتهن والاكثر ما راح اشتري .

- انتضريني  اخذج لمجع كلش حلو 

-لا تعب نفسك 

-قابل شايلج على ضهري  انطيني اصف احجي وياه 

  انطيت الجهاز ل اصف اخذه وراح على جهه 

.رجعت يم بيارق تختار التوزيعات   

شوفتني تول ذهبي على شكل اكياس ومن فوك خيط 

اببتسمت حجيت 

- كلش حلو  بس شنو تخلين داخلة 

حجت بحماس

-هو ببالي اخلي شمعة  دائرية  وتراجي  جكليت الكراميل  

-حلو الفكرة   بس مو تعب كل هل كمية تسوينها  وباجر وراج تعب 

-اي والله شسوي هذه الما عدها خوات  بس عادي اتونس واخلي امي تساعدني 

-حلوو لعد ماطول امج وياج ..

قطع كلامنه  صوت اصف يكول 

- خلصتن لو بعدجن 

 التفت حجيت 

- اي بس تعال حاسب ..

حاسب ابو المحل وطلعنة ..

صعدنة بالسيارة ساق مسافة الطريق كال 

-  بعد شنو محتاجين 

ردت علية بيارق 

-سلامتك حبيبي  بس صدك  اخوية شنو راد منك

وكف السيارة كال 

نزلن حتى اكللجن 

نزلنة يم مطعم   دخلنة  واصف  طلب  الاكل 

تحمحم كال 

- اي شلونها الطلعة تعبتن زين لولا بشرني 

ابتسمت لشكلهم شكد حلوين   

اقل الربع  ساعة  دخل  مؤمن  ابتسمت على حركتة   سلم وكعد بصفي كرص خدي   ضحك 

خجلت دنكت راسي  حجة اصف 

-  يابة لاتنسة بالشارع  

نهه كلامة بضحكة  

ضحك كال 

-مرتي مالكم حق تدخلون بيها  ولعلمك خيو  خيتي بصفك كاعدة 

ردت علية بيارق 

- نفس ما انت كاعد  يم مرتك  اني يم زوجي اخوية حبيبي 

صديت عليه رافع حاجبة معاجبة كلامها   بلل شفته كال 

-لو  مو اني ما جان هسة كاعده بصفة  يمكن مو اعتقد استعجلت بمو افقتي   مو هيج  ريمي 

- لا والله هواي بطيت كافي عاد مدري كم سنه  يحبون بعض وانت واكف بوجهمم  اصلا شاهده على حبهم شلون متعذبين  موصدك بيارق  

صديت على   بيارق  الي عاضة شفايفها  واصف  مرتاك على الكرسي  حاط ايده  على حلكة ..

 حسيت على  جفصتي صديت على  مؤمن  مبتسم    وحاضن ادينة ومسلط نضرة  ل اصف وبياق 

بلعت ريكي حجيت  

- انت ماتعرف موو 

صد علية  غمز كال 

- شاك واليوم ثبت  شكي 

التفت ل اصف كال 

-  على كيفكم ترى مالي خلك مستشفيات  بهل ليل شوف  وجهكم شلون صوفر 

ولعلمكم  متقصد اماطل بموافقتي  حتى اشوف عندك خلك تنتضرها  لو  من اول طريق تنفر 

 وبيارق عيونج فاضحاتج  ومن ما ارد موافقة واكول طفشو  اسمع  صوت بجيج و دعواتج  حتى لله يجمعكم  وحطيها ترجيه بااذنكم ثنينكم لو ما اشوف حنيتك  يا اصف على ريمي فلا اقبل

  لان الحنين على اختة  ماتوقع يبخل بحنيته لزوجتة وحبيبتة 

   يعني بختكم بريمي  لو ماهي جان هسة ماتحضرون الزواجكم  بس كلت خاف يسويها وحدة بوحدة ومايقبل  ينطيها ..

ابتسمت لكلامه  صد علية كال 

- خلصي اكل حتى اخذج  تشوفين ثوب للحفلة 

هزيت راسي   نزل الاكل  اكلت شوي  وبتعدت لان الاكل مو طيب بس اصف وبيارق حبو ...

 تحمحم كام وكف  عدل تيشيرتة  كال 

- يالة من رخصتكم اخذ معشوكتي وافلت عنكم  لان  ب 3ونص موعد طيارتي   وان شالله باجر باليل ب11 ونص اني بالعراق 

-  لله يساعدك وسفرة سعيدة .

تسالمو وطلعنة  كمش ايدي   صديت علية   حرك شمة  ضحكت من كل كلبي ودموع الفرح بعيوني 

 صعدنة بالسيارة  شغل اغنية 

حبيبي قرب لي لوائل كفوري 

يدندن وية الاغنية ويكول شو بحبك  لمن تحكي ترسم على شفاافك ضحكة ..

نهه كلامة صد علية كال دخيل ربك اديش  بحبك  نهه كلامة ببابتسامة  ضاغط على ايدي

ارتاكيت على الكشن  مغمضة عيوني بخجل   وكف  السيارة كال

- ياله ريمي وصلنة ..

 صديت  علية  ابتسمت هزيت  راسي  ونزلت 

  كمش ايدي وصعدنة   دخلنة لمحل كلبنة بالفساتين   اغلبهن فاضحات  

 فترينة خمس محلات بنفس الطابق كلهن فساتين فاضحة  اخر شي كال

 - هل مرة على ذوقي تلبسين كل االي تشوفي ميعجبج 

ابتسمت لكلامه وحجيت

_اوك ليش لا..

دخل اخر محل طلعنة منة وكف يم فستان لونة نبيتي  كصة كدلة من الصدر  تعاليگة خيط..

ومن جوة بڤ  يوصل فوك الركبة.

رغم جمالة بس مابالي البس هيج شكل ابدد.

تلمس حاجبة حجة بهدوء

_  لاتگولين لا لان هل ثوب  يطلع عليج  توب.

هزيت راسي ب اي بس مترددة

اخذت نفس حجيت

_اوكبس فاضح حيل ومامتعودة البس هيج شئ.

ضحك بمكر  گال

_تعودي مابعد شئ ونتزوج..

نهه كلامة بغمزة.

احس روحي دخنت من الخجل   دنكت راسي.

راح حاسب ورجع نزلنة من المجمع  صدنة بالسيارة  اتصل علية آصف.

رديت علية  گال

؛؛ ها حبيبتي وينصرتو

؛؛هلو حبيبي،  هستونة طلعنة من لمجمع..

رد

؛؛ ريمي روحي لبيت بيارق  ساعديها بالتحضيرات ماتكدر وحدها..

فتحت عيوني بصدمة حجيت

؛؛ بس شلون، وابوية يعرف لو لا خاف يحجي.

رد؛؛ مالج دخل اني احجي وياه واكيد مايعترض لان حتى مؤتمن ماموجود..

مااعرف ليش خوف بگلبي ومامطمئنة واحساسي مايخيب لازم يصير شئ.

رديت؛لعد اروح ومن نخلص انت تعال اخذني،

رد؛؛ ماترهم وداعتج بنيتي لان ام بيارق طلبت مني لان ماعدها اخوات ولا بنات خالة وگالتلي اريد ريمي تساعدها بصفتها اختها شلون ارفظ يبعد روح اخوج..

؛؛هذا هو اوك ،  هسة اگلة.

رد؛ حبيبتي انتِ يالة اني اروح هسة

رديت: مع سلامة واحلام سعيدة.

سديت الجهاز  والتفتت على مؤمن الي الاغلبية ينادو مؤتمن واخجل اسأله  ياهوة اسمة

بس من اگله مؤمن دائما يگلي ياروحها لمؤمن..

ومن يصححولي  يردهم لا عوفوها.

حركت راسي ابعد هل افكار..

بلعت ريگي حجيت

_ مؤمن وديني وياك لبيتكم..

ترك الستيرن صد علية گال

_لبيتنة شعجب خو ماكو شئ؟!

_لا ماكو شئ بس اليوم اباات بيتكم.

ابتسم وعقد حواجبة بتسائل

_ ياصلاتك يا محمد، واخيرا راح تنورين بيتنة.

هزيت راسي بدون مااحجي لان من جد بهيج مواقف ماعرف ارد.

ضحك شغل جگارة  وفتح الشباك يدخن..

_عفية ريمي مافد يوم حجيتي، كل مااحجي لو اتغزل بيج انت تهزين راسج  وتبتسمين وخدودج ينگلبن.

ضحكت بخفة حجيت

_ اسفة والله بس سبق وگلتلك مااعرف  ارد..

باوعلي صفح گال

_انتِ مو ماتعرفين تردين بل تخجلين.

ركزت  بحركاتة  حجيت

_اي صح اخجل ومرات اخاف ارد ويطلع جوابي مو بمحلة..

زفر دخان الجگارة صد علية مقلص عيونة من الدخان گال

_بس احيانا اسمعج من تردين علية بصوت ناصي وجوابج بمحلة بعد شكو.

_ماعرف ولله.

صد علية  مبتسم رافع حاجبة گال

_ ال ماعرف  بطليها الگي اجابات بيها معنة ليش  تنفين روحج بهل اجابة.

_اي

وكف السيارة گال

_  وال اي كافي شبعت منها..

يالة نزلي وصلنة.

ضحكت  ونزلت حجيت

_هسة ال ماعرف وال اي  بعد مااگولهن لعد شنو اگول!؟

سد الباب مد ايده وره ضهري گال

_تعلمي تثولين الموضوع للمقابل مثلا اذا ماعرفتي الجواب  طرحي علية سؤال  قريب للموضوع الي تحجون عنة.

دك الجرص  ركز بوجهي واردف

_ وبهل طريقة انتِ الي طلعتي منها مثل الشعراية من العجين.

بعدت نضري عنة حجيت

_حلو بس بهل وقت شلون افكر بسؤال؟!

تثاوب  گال

_رادلج هوااي دروس حتى تتعلمين للمكر..

ضحكت حجيت

_عوفني هيج احسن..

نفتح لباب دخلنة.

بيارق واكفة مبتسمة..

سلمت عليها ودخلنة للبيت شفت خالتي ام بيارق سلمت عليها فرحانة..

ومؤمن يضحك ويگول لامة

_جبتلج جنتج خنساوي  لادگة ولادبگة..

وهي تگله

_عمت عينك على هل حجاية، شدگول علينة هسة.

ابتسمت من گل گلبي على تماسكهم شگد حلو..

كعدنة كلنة  والابتسمامة عالمة على الكل.

راحت بيارق جابت  التوزيعات كعدنة بالكاع نسوي بيهن.

مؤمن اخذ شمعة من الي  نسوي بيهن شمرها علية گال

_هذة تبقى يمج طول العمر خليها ذكرى حلوة جمعتج بينة قبل لايتم زواجنة او تعيشين بين اهلي..

اخذتها مبتسمة جرتها مني بيارق كتبت تاريخ على ظهر الشمعة ونطتنياها بتوزيعة.

لل وحدة واحنة على نفس الكعدة نسوي بالتوزيعات اجة بالي  اسم مؤمن

بلعت ريگي حجيت

_اگلج بيارق هو اخوج مؤمن ياهو اسمة

يعني مؤمن لو مؤتمن شو نصها تگول مؤمن والنص اللاخر مؤتمن.

ضحكت گالت

_بيبيتي واغلب گرايبنة يگلولة مؤمن لان يستصعبون مؤتمن وعدهم حرام لان ضايفين التاء  وطايح الاسم بالگاع.

بس حسب حجي امي  رايدينة مؤمن  بس بالبيات حاطين التاء ومحد منتبة علية  لحد ما طلع  جنسيتة بس للاسف بوقت غلط وماگدرو يعدلو.

خالتي راحت تنام ومؤمن صاعد بغرفتة.

اخر تلاثة عفتهن على بيارق  مطيت جسمي احسة متكسر تكسر..

بهل وقت  نزل مؤمن   لابس برمودة وفالينة واسعة

واضحة تقسيم  عضلات صدرة..

رفع اديننة   ورة ضهرة برزن عضلاتة زيادة..

مااحس غير كرصة بيدي وصوت بيارق قريب علية

_ولج اكلتي اكل لا خوية.

حسيت على روحي وغبائي الي موكعني بمشاكل..

قطع كلامنة صوتة يگول

_ بيارق تگدرين تحضرين اغراضي.

_اليوم مرتك موجودة، اني اقدم استقالتي خليها تحضر اغراضك وتكسر حاجز الخجل لي بينكم.

حرك شعرة بيدة  مقلص عين ورافع حاجبة گال

_ايي يمرتي  تحضريلي اغراضي لولا..

ابتسمت بخجل حجيت

_اي عادي..

ابتعد واشر على الممر گال

_يالة لعد امشينة..

گمت وكفت مشيت كدامة  مااحس غير كامش ايدي وهامس

_ايدي بيدج وسط هذة الكون لاتخافين دام اني وياج  اعتبريني سند الج..

رجف جسمي من كلامة ودفو ايدة.

بلعت ريگي حجيت

_ ماتتركني؟!!

ابتسم بهدوة همس كلمة كلمة..

_حتى لو تطلع هل روح من جسمي مااعوفج تبقى نفسي بيج وروحي تحوم حواليج..

_لااا اسم لله ليش تگول هيج؟!!

ضحك عقد حواجبة بخفة گال

_ تخافين علية!؟

هزيت راسي بقبول  ضغط على ايدي  وفتح باب غرفتة  دخلنة للغرفة ضليت فاتحة حلگي.

ضحك گال

_تعودي على هل هوسة لعلمج ماعوف شئ بمكانة بس احب الي يرتب يعني بختصار ماعندي وقت ارتب بس اذا الگة مامرتبين اتخبل..

  غرفتة شگد حلوة بس مخربطة بالملابس منين ماتصد تلگة ملابسة.

تعجبت هل اناقة الي اشوفها  يطلع هيج منة.

رتبت  ملابسة والصدمني كلهن نضيفات توقعت وصخات هل مطشرهن..

مر وقت واني ارتب بيهن.

وهو كاعد  ماد رجلينة على الجرباية  وحاط اللابتوب   وملفات يگلب بيهن والاغرب لابس نضارات طبية..

قطع صفنتي بي صوتة يگول

_ يابة ترة اجگم  لا عيون الزرك  ولا صفر  ولا اشگر  المن هل صفنة..

خجلت كلش  بحيث ولا باوعتلة..

  اخذت اخر تيشيرت من الميز حطيته بالتعلاگة حسيت علية احتضن خصري صدرت مني شهگة بدون قصد..

لافني علية باس خدي بهدوء  توترت.

تنهد گال

_ اعشق خجلج فاتنتي..

بلعت ريكي  تقرب علية اكثر طبع بوسة على شفتي 

تفاعلت وياة

نزل على رگبتي جسمي رجف

بعد مااحسيت غير على همساتة..

_ريمي ابقي يمي اليوم..

  غمضت عيوني بقوة وفتحتهن اريد استوعب  الي صار..

ركزت علية حجيت

_ مااگدر..

تنهد  حضني بقوة.

مااحس غير رافعني   شهكت باوعتلة حجيت

_لا هيج ولله اخاف  اوگع..

ضحك گال

_مو بالحيف توگعين وانت بحضني.

  قفل الباب  عقد حواجبي حجيت

_لا مؤمن فدوة افتح..

باس خشمي گال

_ فدوة ونذر يروح الج مؤمن واهله بس ياريمي هذه خصوصية..

نهه كلامة بضحكة.

نزلني على الجرباية  سحب اللحلاف  غطانة.

حاضني من ضهري ويهس بخفوت..

_تعرفين مامصدك هسة انتِ بحضني.

لحد ما خطبتج جنت خايف لا ماتقبلين خاصتة انتِ ماتعرفيني..

بس الله وگف وياي بهل شغلة وخلاج  من نصيبي..

صارت عيني على الساعة 4ونص  التفتت علية حجيت

_ صدك  مو گلت بتلاثة ونص عندك سفرة شو مارحت.

بلل شفتة و ابتسم بخفة گال

_ كل هل كتلة البرائة الي كدامي وترديني اسافر؟!

هز يت راسي حجيت

_اي  لان شغلك.

باس خشمي گال

_اجلت على ساعة خمسة من عرفت تباتين يمنة.

_همم يعني بعد نص ساعة.

احتضني اقوة وگال

_اي واريد اكملها بحضنج اكو مانع؟!

همست بخجل

_لا..

رفع راسة  بالگوة فاتح عيونة گال

_باجر رجعي وية بيارق لهنا اريد اشوفج بالثوب.

_لا والله مااگدر لان ارجع ويه اهلي وعگب باجر  الزفة لاتنسة.

_والله العظيم  ازعل منج اذا ماتجين.

زفرت نفس بحيرة وحجيت

_اذا گدرت والله..

_عوفي علية اخلي بيارق تحجي وية اصف حتى تبقين هنا.

_اوك.

مرت النص ساعة بسرعة حسيت علية گام.

فتحت عيوني   شفتة يسقفل بدگم القميص.

لبس السترة گال

_صباحو يحلو

ابتسمت رديت

_صباح النور..

اخذ الساعة والمحابس ثنين لبسهن  رش عطر  ودخن..

وگف قريب علية حني گال

_ من اجي اريد اشوفج..

هزيت راسي بدون مااحجي باسني من رگبتي واخذ جهازة اتصل  اقل الخمس دقايق ندگ لباب

فتحة بيارق  لابسة برمودة  وتتثاوب والشعر كفشة ضحكت لمنضرها..

_الله يساعد گلب آصف من تگعدين و يشوفج.

مطت جسمها گالت

بيارق: يتحملني بحلاتي ومرارتي.

ضحك گال

اي يابة شعده لعد يتحمل السعالو بس  وربج يومين وترجعين لان مايتحمل وكاحتج ولسانج.

_امشي ريمي  لا والله العظيم  اعوفج اخوية مدري شبي ليوم.

ضحك گال

_ريمي لاتاخذين جيناتها ديري بالج.

اخذت شالي وطلعت وياها دخلنة لغرفتها بسرعة شمرت روحها على الجرباية  نامت مددت بصفها  اخذت جهازي من لشحن لان نطيتهياه من سوينة التوزيعات.

ماكو نت سديتة ونمت كعدت الصبحعلى صوتها.

  كاعدة تبرد اضافرها وتحجي

؛؛ آصف فدوة اريد الكوشة تغيرها هذه محلوة واني شورطني بيها..

؛؛ لالا شفتها بالصورة حلوه بس طلعت هسة محلوة

؛؛ لا فدواتك حبيبي اريد غيرها

؛؛ والله ماعلية هسة يتشمتن بنات عماتي

؛؛ اي من فدوات رحت لعيون حبيبي الي مايردلي طلب.

ضحكت عليها من الصبح على الكوشة

  غسلت وجهي ونزلنة  لكينه خالتي مسوية الريوك ترگنة والتهينة بتعديل البيت..

لل ثنتين الضهر اجو اقاربهم  سلمت عليهم كلهم زينين مااحس عدهم حقارة عكس كلام بيارق..

بتلاثة ونص رحنة للصالون اني وياها.

بدت تمكيجها  وتسوي التسريحة..

خلتلي مكياج كلش خفيف بس الحمرة طوخ.

وشعري نفس العقد هم نكشتة وثبتت سبري وبرمت الجوة خلتة يبين ثخين.

للخمسة كملنة لبست الفستان كلشش حلو خاصتة على قياسي بالضبط.

اخذت حذاء من بيارق لان مجايبة حذاء.

اجة آصف اخذنة للستوديو اهذو كومة لقطات حلوة  واخر صورة اني وياهم.

ودانة للقاعة  هم بقو باب  الخلفية حتى دخولية واني دخلت قبلهم.

اقل الربع ساعة دخلو  اعتله صوت الاغاني  والهلاهل 

كعدها على الكوشة اقل الربع ساعه طلع.

كعدت يم بيارق الي بالگوة لازميها حتى ماتركص.

اجت وحدة من اقاربهم  سلمت على بيارق باوعتلي گالت

_ولج يبارق  ماتاخذون هذة البنوتة  لخويلد.

ضحكت بيارق گالت

_يبيبي اسمي بيارق مو يبارق، وهذه نسيتيها خطيبة مؤتمن شلون ناخذها لاخو.

حگت على كلامهن  بس الحجية هگت گالت

_ياااا وهذة السيبندي وگت يعرس ماخذتوها للعاقل.

صدت علية گالت

_انتِ بنوتة تراه مومن  سيبندي ومو راحة عوينجي بس هذة خويلد كفو رجال وابن رجال كد حجايتة ودكاتور وهيبة وانتِ ماتلاوگين غير خويلد.

عافتنة ومشت صدت علية بيارق تگول

_قصدها مؤتمن تصيحلة مومن لعبو بالاسم لعب.

وبيبي ماتحبة   ودكاتور قصدها دكتور  وتلاوگين يعني تلوگين.

وخالد هو اخوية هم الاكبر من مؤتمن هذة دكتور اطفال مستقر بماليزيا..

ضحكت حجيت

_ربي يحفظهم الج.

مر وقت وخلصن التلث ساعات ونفس توقعي خالة ام مؤمن طلبت من امي اميمة  ارجع وياهم ومؤمن يرجعني..

وامي وافقت.

رجعت وياهم للبيت  صعدت بغرفة بيارق  اخذتلها كومة صور..

وهية ماعجبها غير صورتين اجيت اخنگها لان فوك الخمسين صورة بحركات مختلفة..

اخذتلي تلث صور كلش حلوت عجبني.

فتحت تسريحتها   گالت

_اسبح وانتِ وراي لان اني مغركيني بالكريم اساس من فوك ليجوة.

ضحكت عليها راحت للحمام سبحت ورجعت

گالت 

_صدك ريمي حنة آصف مسويها ببغداد.

_منين عرفتي؟!

بيارق: هسة اتصل بية.

لل 11ونص ومؤمن ماكو اخر شئ مليت لان كلها نامت جوة.

اخذت ملابس من بيارق  دلتني على الحمام.

هستوني علگت الملابس وطلعت على صوت بيارق تصيحلي رحتلها  حجت وياي.

رجعت اريد اروح للحمام صار كدامي مؤمن.

شافني ابتسم.

تقدم علية سحبني من ايدي لغرفتة.

مجرد دخلنة قفل الباب  وحضني بقوة.

بادلتة الحضن  باس راسي گال

_احلى مما توقعت..

ابتعد عني  فرني من ايدي گال

_ مو عيون يشلعن الگلب..

ضحكت  سحبني علية  باسني  بادلتة وفقدت احس مالي قدرة على جسمي..

وخر شعري عن رگبتي وغاص بيها..

حسيت علية يفتح السحاب  حجيت

_مؤؤؤمن..

  باسني من كتفي  وخر التعلاكة..

فقدت التركيز  بحيث مااكدر حتى افتح عيوني..

مر وقت مااحس غير على  الم  ..

نفس  الي بحلم ويگعدو بحيث فزيت والدموع متجمعة بعيوني..

ماكو اي قطعة من الملابس علية..

ومؤمن معتليني  تقرب علية گال

_مبروك حبيبتي تم زواجنة  يتبع..

توقعاتكم للبارت القادم.

تفاعلو على الفقرات لطفاً

قراءة ممتعة

قصة #للخُلة _رأي آخر

البارت ال؛ ١٥

بقلمي؛ اورجانزا الطائي.

.

.

.

.

.

.

.

.

.

.

.

.

.

.

.

.

.

...

هز راسة بنفي گال

_ يمج كفوف ملاكمة جيبيهن وتعالي بالحلبة.

اخذتها رجعت يمه لبسني الكفوف ورجع لف باندج على ادينة ولبس الكفوف.

نتر ادينة بالهوة  حطهن مقابل وجهة گال

_ لكمي.

لكمت على فوك ادينة صارت اللكمة على عينة  ابتعد كامش عينة..

رحت اركض حجيت

_هاا شبيك

صد علية بعصبية گال

_انعل سااس ابووو الي يعلمج على الملاكمة

ماتحملت ضحكت على شكلة شلون متألم..

صد علية خازرني.

تحمحمت حجيت

_ اني ماعرف العب وانت ورطت روحك واني معلية وشغلة ثانية لاتنسة  منك الغلط اكو واحد يحك ادينة يم عيونة واني اريد اربح.

نزع الكفوف رفع راسة للسگف گال

_صبرك يارب..

صد علية گال

_ولج قابل عندي  سباق شبيج  حاليا اعلمج وهيج سويتي  بس وحق رب الاصنام احلف عليج متقصدة..

ضحكت حجيت

_لا شبيك ممتقصدة، يالة تكبر وتنسة.

هز ايدة ونزل من الحلبة

تربعت وكعدت حجيت

_ليش هيج بدل ماتعلمني  ترزلني؟ ¡!.

صد للنص گال

_ وضربتج  شتگولين عليها غير عمت عيني.

_يالة عفية تعال واذا ضربتك مرة لخ عود احجي علية..

ضحك  وصد علية گال

_كارثة ولله.

رجع صعد لبس الكفوف گال

_قسم بالله  اذا عدتيها بعد تحلمين اعلمج.

ضحكت حجيت

_لا ماعيد.

  رجع  يعلمني  وفعلا اخذت من الاول وتقريبا حفضتها..

مرت الايام  والاشهر وتقنت الملاكمة.

بحيث إسلام يتفاجئ..

نزعت الحجاب وإسلام مامانعني  گال انتِ حرة بتصرفاتج..

وهل فترة احسة نسة اسمي من گد ما يناديني خُلوتي..

والله اول مرة گالها عبالي يغلط علية وتعاركت وياه.

بس المصيبة مايگول معناها شگد ابحث يطلعلي الانعزال او مرات ماكو اصلا..

وطبعا عرفت إسلام لقبة باز  ويشتغل ديجي ووشام وملاكم

بين قوسين كل انواع الشغل يشتغل ومعايزة شئ

على گولتة كونت روحي من تحت الصفر وهل تشوفين اليوم..

فعلا لو ما شغلة واصرارة ما وصل لهل مرحلة.

شگد علاقتنة  حلوت بحيث نحجي ونگعد سوة عكس قبل  بس دائما اكو حاجز..

اليوم بابا عزمنة على عيد ميلاد گمرة بمناسبة نجاحها من السادس  والي هو باجر.

حجيت وياه ووافق گال

_ اخلص  لحفلة واحجز..

سبح وطلع من لبيت.

  حضرت ملابسي  وملابسة.

طلعت  اكل بالثلاجة بس حميتة وكعدت اكل.

لليل فتحت البلازمة على فلم.

كعدت اتابع  بهل اثناء دخل إسلام 

سلم علية وراح يسبح.

تقريب الربع ساعة  اجة كعد بالگاع مرتاك على الكرويتة..

طك رگبتة گال

_ باجر  بالتلاثة الرحلة.

_اوك ماعدي شئ.

هز راسة  گال

_ مو تتاخرين.

_ايي

سحب ايدي خلاها بشعرة گال

_دلگي.

طول الفلم هو يتابع واني ادلك بشعره اخذني الواهس ومااحس غير ضافرة شعرة فرنسي..

ضربني على ايدي گال

_رحمة لدين محمد شدتلعبين 

ضحكت حجيت

_والله يااسلام ماخذني الواهس وضافرة شعرك.

ابتعد عني بس حركة بيده نفتح ولا يگلك شعري الف ياعلي يالفة يفتح من اسوي الضفيرة.

ضحكت على منضرة  شگد حلو..

دگ جهازة اخذة ويباوعلي صفح..

رد علية  وطلع يحجي بالصالة ماهتميت   اخذت الريمون واگلب  مر وقت واجة اسلام نطاني الجهاز گال

_عمي جساس.

اخذته منه حجيت

_هلووو عمو شلونك..

رد؛؛ هلا بسورها ونورها وإسلام كل بع****،  برحمة لله وانتِ شلونج!!

ضحكت حجيت

_تمام زينة

؛ دومج بخير ان شالله،  ابو السوس شلونة وياج خو ما يعاركج.!

_هههه لا شحدة  وبعدين هو حباب وعاقل مايعاركني

صارت عيني علية رافع حاجبة حاضن ادينه معاجبة الوضع..

؛ هسة احتاريت  انتِ حاطتلة حد لو هو عاقل

صفنت علية حجيت

_لا هو عاقل.

ضحك گال

؛ هسة اريد منج شغلة تگدرين تدبريها.

_عد عيناك يبعد ماي عيني گول.

؛ ول كفو منج، يايابة ترانة  ماتحمل هيج يبعد عمج.

_هههه فدوة عمو حبيبي

؛ يبعد روحها لعمج، هس عوفي هل مجاملات  وادخلج بالموضوع.

؛ يا بان عجبني شغلات وشتريتهن  واريدج تاخذيهن لگمراية بصفتهن منج.

_اوك اخذهن من عيوني بس شلون يوصلني؟!

؛ لاتهتمين من تجون  اني اوديكم للناصرية  انت اخذيها ومن تشوفيها نطيهياه..

_سهلة لعد..

؛ اي بان احسن من إسلام كبرها سوة روحه غبي مايعرف شئ.

_ههه، لا بس مايحب هل سوالف.

؛ اي دافعيلة انتِ

_غير الروح والرية

؛ طايح حظ الروح والرية الي تسولفيها الي روحي گليله مو تگولين الي

_  لا ماعلية..

؛ طيح لله حضج لعد  ، روحي روحي لااجرم بيج ام لسان..

ضحكت وطلعت رحت لصالة الرياضة حجيت

_  هو شعام علية غير هل لسان..

ترخصت منه وسديت الجهاز   التفتت جفلت  حجيت

_شوكت اجيت

هز ايدة گال

_ جساس بعد ماتحجين وياه.

فتحت عيوني بصدمة حجيت

_ليش

حرك حواجبة بحركة مستفزة  گال

_بكيفي.

_ لا وداعتك مو بكيفك لان عمي وماعتقد الك حق تمنعني من اقاربي.

_لاتعاندين بان

رديت علية بااصرار

_وربك اعاند لان الي تحجي مو منطقي.

ضهر شريات كصتة وضحت علية العصبية بحيث بدون ما يحجي شئ ضرب بوكس غمضت عيوني توقعت الي بس  الي صار

سمعت صوت طكطكة.

  اباوع ايد إسلام شبة مكسرة  يربي شلون كدر يضربها بالحديد..

رفع ايده  جر اصابيعة بحركة دائرية ونتل

رجع شمرها بالهوة  وحركها شوي  ورجعها..

بعدها رجعت عادي ولا كأنو صاير شئ..

بدون مايحجي شئ راح لغرفتة واني ضليت گاعدة شوي وبعدها رجعت للغرفة  وقتت الساعة ثنتين  ونص ونمت..

  كعدت على صوت  سبحت وبدلت لگيته جاهز وواضح منة مانايم..

اخذ الجنط وطلع رحت وراه  نزلزة اجرنة تكسي  وللمطار  مر وقت  صعدنه بالطيارة ونفس العادة اشبع خوف وانام..

حسيت علية يگعدني من ورة خشمة.

نزلنة   واخذنة الجنط طلعنة.

عمو جساس ينتضرنه  بااب المطار

سلمت علية وصعدت ورة.

اشوفه شلون يسلم  على عمو  ولا يگلك لبارحه يمنعني منة..

صعدو ثنينهم  دخت من الطريق نمت..

حسيت على عمو يگعدني.

نطاني الهدية ضميتها وية غراضي وحسب مافهمت هذه فستان بينصل.

نزلنة واسلام   معصب وكل حجاية والثانية   خازرني

دگيت الباب طلعتلي امي حضنتها

خطية هي شافتني شهكت وبجت

ضحكت بوستها حجيت

_تدرين امووووووت عليججججج  يعمري ليش تبجين ياماما غير رجعتلج.

سحبتني لحضنها وتگول

_ولج احسب يوم يوم لجيتج يالكاطعه حتى اتصال متتصلين عبالج نفسج گلبي صخر..

  كرصت خدودها حجيت

_من اروح فدوة ونذل لهل گلب الي مشتاقلي

حبيبتي والله  اتصل وانت ماتردين..

مسحت دموعها حجت

_ ولج شوگت هاي شو ماعرف.!!

شافت اسلام بعدتني گالت

_تعال  ادخل  ليش واگف على الاقل انت احسن من هذه البذاتة.

ضحك بهدوء  گال

_ مو بالحيف مااسئل عنج انت ام گلب الطيب الي ماتنسى احد و ام المشاكسة الي عندي..

باوعتلة صفح گالت

_اي مصلحة لان امها.

دنگ عليها باس راسها گالة

_ لا والله  هية بيش حگة تعرفين معزتج بگلبي تتعدة..

گلبت عيوني حجيت

_اي مو جنت تحب بناتها البعران ثنينهن شلون ماتعزها مو هيج لولا..

  اباوعلة خازرني ووضح شريات گصته يعني عصب..

وامي ماقبلت گالت

_ بان مايصير هيج تحجين لان  خواتج كل وحدة حال سبيلها

وحدة تزوجت وعايشة حياتها والثانية الله يرحمها..

وانت بهل حالة ماتقربي صوبج وتخلي يحبج لا هيج تنفري وتذكري.

وتعالي  اذا نرجع للصدك بس سبيل صدك حبها وگدام امه  محمد  گال اريدها وابوج گايلة  تخلص دراسة والك لان يعرف بمشاعرها تريده..

  ضجت من كلام امي رد عليها اسلام

_والله هذه الي اريد اوصلة الها بس بنتج وبعد انت اعرف بيها مستحيل تاخذ كلام.

عفتهم دخلت للبيت لگيت عماتي كلهن مجموعات سلمت عليهم ودخلت للغرفة  لگيتها هستوها گاعدة

ضحكت تقدمت عليها  حضنتها باركتلها وحجيت

_يوم الي اشوفج احلى عروسة

قلصت عيونها حجت

-على گلبج  ماتزوج

گلبت عيوني حجيت

_يالة كومي تعشي

_ليش بيش الساعة

بان: ٦ونص

_عزا صارلي شكد نايمه

_عادي من الامتحانات غير سهر وتعب

_اي ولله  ياله لعد امشي بس منو اجه

ابتسمت حجيت بمكر

_كلها وداعتج

نهيت كلامي بغمزة

رفعت حاجبها  حجت

_ لاتوصخين دماغج  يحلوة نيتي صافية

_يالة كومي ضلعتي سوالفج بطليهن طالعه كدامج تره عمو  جساس والولد هنا.

گمرة: والله خطية  جيلاان تگول  هسة بان تعقل من اسلام..

مشيت كدامها حجيت

خلصي واشوفج الفيديوات خبال وربج وانتي مو تشوفين ستوريات الانستا المفروض  ماتستغربين..

گمرة:لا اصلا الخبال يدكلكم تحية..

هزيت حواجبي وعفتها  طلعت..

لكيت امي ولبنات فارشين السفرة وينقلون الاكل..

الكل تجمعو فا اكو مكانين فارغات يم ابوي والثاني يم اسلام.

كعدت يم بابا  حضني گال

_ اي بذاتة ماشفتج..

ضحكت حجيت

_غير مطابك عمامي  واني رحت لگميرة.

بهل وقت اجت گمرة سلمت وكعدت يم عمو ديسم   من جهه  دريد وجمان و وعمة بسيل.

وجهته الثانية عمو جساس  گاعد.

عمو منطلق يحجي واسلام كذالك صارت عيني علية الوحيد  الي اكلة  خفايف عكس البقية.

صارت عيني بعينة  رفع حاجبة بمعنى شگو او هاا.

هزيت راسي بخفة  ماگدرت اكل نفسي لعبت گمت من الاكل  للحمام  تقيئت..

غسلت رجعت  لگيتهم ينقلون المواعين.

اخذت گمرة حتى نبدل

وامي وعماتي  مشاعر  وبسيل ومودة  كلهن يغسلن المواعين..

طلعت ملابس الي  صديت لگيت گمرة ماكو

لبست سترة بيجي وبنطرون اسود وحذاء كعب بيجي.

خليت مگياج خفيف شعري شديته  وطلعت خصلتين وبڤ قليل من فوك.

ويه ما كملت دخلت لابسة فستان وردي

طلعت المغلف  كمشت ادينها حجيت

هذه هدية نجاحج وتفوقج وكسر خشم كرايبج واتمنه اليوم تلبسينه.

حضنتني وضحكت گالت

-يحبيبتي ليش متعبة نفسج

ابتسمت حجيت

-تستاهلينه والله ياله بسرعة لبسي حتى نطلع..

اخذته وراحت  شوية ورجعت

متفاجئة شلون عرفت قياسها..

هية متدري هو اني قياسي ماعرفلها اذا مااضل اقيس الحاجة..

  فترت گالت

_ شلون جايبتة على قياسي فيت ولاتوقعت هيج

والنوب اللون الي اعشقه  شكراًكلش هواي...

ابتسمت حجيت

_بالعافية يگلبي 

بس حبيت اغيرلج لان كل لبسج بڤ بس اليوم  اختاريت بينصل  لون نبيتي

_عشتي على هل اختيار.

حطت مكياج قليل كلش وحمرة نفس لون الفستان

دخلت  عمتي مودة وبسيل  شافت گمرة  حجن

حجت عمة مودة

- عين الله تحرسج ولج شنو هل جمال ، ليوم وين اضمج من عيون ذولاك الناس.

صديت على گمرة الي

قلصت عيونها  گالت

-يولن واذا تردين ازرفهن

ضحكت  عمه بسيل گالت

-فدوة لله تخبلين والله..

بان:لعد شعبالكم اختار شئ محلوو

گمرة :مو بالحيف اصبغج شوي.

بان: طايحه حظ تعرفين.

گمرة: للاسف اي

ديلا ولي ، وصدك عمة بسبس امي وين

بسيل:بغرفتها تبدل.

بان: طالعة اشغل الديجي وانتن تعالن عود مو تنسن..

عفتهم وطلعت رفعت اكمام السترة  ورحت لغرفة امي..

دكيت لباب  طلعت امي.  ميلت راسي شفت بابا وراها يدكم بالدشداشة   سحبتها من ايدها ودخلت حجيت

_والله يا ماما عندج ثقة قوية بس اريد اعرف شلون ينطيج گلبج  تخلين بابا يطلع وهو لابس هيج.

ترى اني اذوووب على هل جمال الي كدامي.

ابتسم بخفة رافع حاجبة گال

_ليش تخبثين  يابان والطير شما يطير  مرجعة لقفصة..

صدت   امي على ابوية  بعصبية

_  لا هية بكيفك غير اكسر جناحاتك حتى ماتگدر تطير.

سحبها علية باس راسها گال

_ اكو واحد يعوف جناجيل گلبة

ردت علية

_اي اكو

ابتسم  گال

_الة الماعندة عقل..

تحمحمت حجيت

_رجاءا يااهلي لاتنيون اني بنصكم وللعلم ياحلوين انتم احلى كبلز شفتة..

فتح ايده گال

_تعالي.

رحت حضنتهم  ضحك گال

_ ولج لبارحة جنتي توكحين واليوم صايرة بطولي  حتى اطول من امج

  ابتعدت عنه حجيت

_خلف لله على الكعب وداعتك..

رفعت اديه حجيت

_ يالة اروح اشغل الديجي.

طلعت من الغرفة رحت للاستقبال.

شغلت الديجي كعدت اگلب بالاغاني اغلبهن

الي عندي حزين طلعت اغنية  اسلام مسوي بيها ميكس

شغلتها..

كلهم التمو الة گمرة

طلعت صحتها ورجعت.

انطيتهم علم اجت

ثواني نفتح  كلها گالت هبي بيرث ديي

خطية نصدمت   بس كلش فرحت بهل شئ..

كعدت اغير الاغنية اجت يمي تحجي وية روحها.

وتباوع لعمو جساس

ثبتت الاغنية وگمت اشرلي عمو على لباب.

طلعت قبلة اجة وراي  گال

_ رحمة الملائكة خليها تلبس اي شئ فوك الصخام لو  اگلج خليها تغيرة.

ضحكت حجيت

_هاي فوك ماتلبسة

رفع حاجبة گال

_انطيته هدية  ماگلت روحي خلي تلبسة!!

ولهل سبب تروحين تصححين خطئج  وتخليها تغيرة او ماعرف شلون بس مايبرز جسمها والكوا*** هنا.

_اوك  اوك  اهدئ ياعمو وهسة اروح اگللها عمو جساس يگول غيري

_شلزكتي بعمج  گليلها  ديسم  وفضت السالفة.

هزيت راسي وهو طلع بالشارع.

ضحكت  حجيت بگلبي ولله حلوة هذه  فوكاها.

رجعت للاستقبال  اشرت لگمرة  طلعت للحديقة..

اجت وراي گالت

_شبيج

ابتسمت حجيت

-ولا ردت اجي واحجي وياج بس استاذ مغرور الي هوة اخوج دزني عليج يگول خل تلبس اي شي على الفستان..

گمرة: صددك والله هل درجه ضيگ

بان:لامو كلش بس ماعرف والله، شو دز عليه والي گالة حجيتة الج.

گمرة:البس فوكة بشت لو اغيرة!؟؟

بان: لاهذه ولا هذه عندي شنر شيفون لون اسود يكعد ويه النبيتي لبسي ولاتقفلي، يطلع كلش حلو وهيج تبقين لابسة الفستان..

گمرة:تعالي طلعي غراضج كومة.

ضحكت حجيت

- مال شهر غير.

مشيت كدامها  للغرفه طلعت الشنر لبستة كلش حلو.

رجعت وياها للاستقبال

لكيتهم ينتضرنة شغلو الشمع والشعال كلها تكول هابي بيرث دي جو كلش حلو ..

طفت الشمع كصت الكيكة، عمو جهاد انطاها  مغلف فتحته كرة الثلج وبنصها روبانزل تهز بشعرها وتفتر شكلها كلش غريب وحلو تشكرت منه حطتها على الميز

ساعة كاملة خلصت الحفلة، الكل كاعدين على حب لله والوطن بس جدو ماهان عليه يشوفنة نضحك ستأذن من الكاعدين گال

-من رخصتكم بس ياديسم تعنيت اليوم حتى اخطب اخيتك گمرة لوليدي جهاد على سنة الله ورسولة..

نصدمت بطلب جدو لان عمو جهاد اخو لعمو جساس..

صديت على گمرة  مو اقل صدمة مني وعينها على عمو ديسم.

رد  عمو ديسم بهدوء

_اعذرني عمي بس گمرة عدها دراستها وينها وين الزواج

بعد ماحملها مسؤلية هسه وحالف وماازوجها اذا ماتخلص جامعتها.

رد علية جدو

_شتحچي وليدي گمرة جبيرة وواعية وخليها هسه بس عقد ورة ماتتخرج يزوجون.

ديسم: عادي ماكو اشكال ينتضر ورة التخرج يعقدون ويتزوجون نفس الاسبوع.

رد  عمو جهاد

-ليش تصعب الامور بالنهاية گمرة واعية وتعرف تاخذ قراراتها عوفها هية تختار.

ديسم:هذه كدامك اسألها واذا وافقت انطيكياها بعبايتها واليوم هم اجيب السيد يعقدلكم، بس قسم بذات لله اذا رفضت منعن باتن واحد من گرايب يخطب گمرة لان يصير غير حجي.

بان،  صديت على گمرة الفرحة واضحة بعيونها

تقدم عليها عمو جهاد گال

_ گمرة موافقة على كلام ديسم.

گمرة: كلامي مايعلى على كلام ديسم لو بحرف.

ماريد اتزوج من زمان كلكم تعرفون بالي انجح واحقق من طموحي.

كعد  عمو جهاد صار مرادد بين  جدو ابو گمرة وابو عمو جساس  على ماعندك سيطرة

دخلو بابا  وعمو اركان هدئوهم

وعمو جساس على كعدته الكاع تحركت وهوة ولايم احد..

تفاجئت بردة فعلة لان توقعته يسوي شئ...

كعدو من بعد كلام ومجادل طويل كام  عمو جهاد هستوة راد يحجي سبقى  عمو جساس  حجة بعصبية 

_شكد شايف كواو** وشلنفص بس نفسكم مشايف، بس اريد اعرف لو ما العشيره كلها تعرف بنت عمي رايدها وهاويها  وصلنه للخطوبة لو ما ولد الكح** المايخافون الله حطو خشومتهم.

ووصلت كوادت** تخطبون حبيبتي لاخوي وكدامي هم عاد لو ميت لو مقصوف اعماركم احسن، وين حرام والحلال مالتكم.

رد عليه جدو ابو

-شبيك حمار المن هل غلط ولا يكلك بالجيش موصخ سمعت الجيش العراقي الباسل  بسوالفك..

ضحك بسخرية رد

_الي يسمعك عراقك الباسل معلك بالسماء ولايكلك هذه الي بعتة انت وامثالك هَي هيييِ من يومي وثلث يومي كوا* وماستحي وتخجلون مني

وجهاد الابن الواعي المثقف الي يسمع كلامك، عوفني من سوالفك حجي اريد احجي بالمهم انت وامثالك متفيد ولاتوكلني خبز .

المهم گمرة ام غمازة و خدود الي ممنوع احد يتقربلها لان والله العظيم طلقة وحده اسفره لدار السلام وله لكلكم عندي الافضل الي هيه البسكم قضيه تهريب،او  تفجير لان  بين يوم ويوم صاير   والله ومحمد وياكم..

كام  عمو جهاد گال

-شبيك ياخوي تسابقني على بنت الي اخطبها،لابالعين ولابالعقل..

رفع حاجبة عصر عيونه التفت على عمو جهاد گال

-هو منو الي يسابق اني لو ابوك الي يطبل، لك كوا* متاكل عسل، ترة وصلت وياكم لاتشوفوني تاركمم تجون تنعثلون..

تقرب عمو جهاد على مو جساس دفعة من كتفة گال

-مو انت عفتها لو اني غلطان..

مااحس غير عمو جساس ضرب عمو  جهاد بوكسين واحد وره الثاني وكع بالكاع دفرة بخاصرتة گال

- ملصوم على حلگي ومااحجي ليش تخلوني افتح المضموم..

جدو مارضة دفع عمو جساس وضربة راجدي

عاط عمو جساس بصوت عالي گال

-مو كافي خليني محترمك لان والدي تدري بيه محترك دمي منك لاتتدخلل اطلع من السالفة والله والله الشيطان متربع بعقلي لاتخليني اطلع من حدودي.

ضرب ايده بالبلازمه كسرها نفض ايده..

راح اله اسلام.

جدو ابو گمرة وكف ويه ابو عمو جساس گال

-بنتي سنين اني هاديها لابن اخوي جهاد

صا بيناتهم كلام ومرادد لحد ما حجة جساس

-اي مو هيه سلعة الخلفوك  وتهديها متسكت رحمة لدينك كافي نعثلة وبنت عمي اني ناهي عليها واريد اشوف كوا* ابن كوا* يحجي كلمه وحده والله والله احركم.

صاح بي  بابا

_انت بدل ما ماتتفاهم  تزودها

اطلع جساس وحگك تاخذه من حلگ السبع.

رد علية عمو جساس  بتهديد

_وحق لا اله اله الله اذا نعثلو زيادة عن الزوم  احرگهم.

طلع برة لحگة  عمو حسين واسلام

مصدومه من رده فعلة..

صديت على گمرة ترجف  وواضح عليها القلق والخوف رحت يمها  كمشت ايدها حجيت

-هدئي ماكو شي..

هزت راسها بدون ماتحجي  من بعد كلام ومرادد

كام وكف عمو ديسم گال

- كلامكم كلة مااهتملة، گمرة واعية ومن تخلص دراسة هيه تختار الي تحس بي مقدرها.

عركاتكم وسوالفكم اجلوها بعد ست سنوات.

رد علية جدو ابو برفض

-لاتخرب العوائل يابو دريد

ابتسم گال

- انتم منو يمكم گمرة يمي والبي حظ يجي لبغداد ويحجي هل حجي مو جايين بيت هجان تخطبون وتسوون نقطة راس سطر خلص الموضوع الي يريدها من صدك ينتضر ست سنوات..

صديت على گمرة مبتسمة وتباوع لعمو ديسم.

فضت السالفة وكلها راحت بقو بس عماتي بالبيت.

عمو ديسم طلع وراهم  دخل بابا سألتة

_بابا لعد عمو جساس وين؟!

تنهد  كعد گال

_طلع.

رجعو كلهم عمامي بستثناء اسلام.

امي سألت علية رد عليها بابا

_لاتخافين راح وية جساس ماتعرفين علاقتهم شگد قوية هل مأمن وواثق من اسلام مايأزم الامور.

واسلام بعيد عن المشاكل.

ثواني دك جهاز  بابا .

خلص المكالمة كل اي، واني احلها، لا تبقة براحتها، بي حظ يقنعها، لا تنسة اذاها، اي كافي بس لاتنطي مجال، ايي همه، كفوو، اي هذه الصح، گلة يجي لبيتي انتضرة اي اي

الكل عينة علية نريد نعرف منو وشنو الي ديصير..

سد الجهاز

ابتسم حط رجل على رجل گال

_الشيطان الي بداخل جساس طلع..

رد عليه عمو  اركان

- الي بالي بالك.

ابتسم هز حاجبة گال

- مورط جهاد بقضية انتحال شخصية،لان ماخذ مستنداتة وجساس ترك السالفة بس هسة رجع فتح الملفات..

ديسم: سجن!؟

هجان:لا بس يزوعة ال٨٠مليون، هسه النقيب حجة وياي.

تنهد واردف

_سبق ومحذركم من جساس بس محد يفهم لازم  تحطون راسكم براسة ويطيح حضهم.

اركان:الله يساعدة الي صار وياه مو قليل...

هجان:هسه بالطريق  ، مابعد  شئ ويوصل.

ندك باب الشارع  طلع  بابا

ثواني دز على عمو  ديسم واركان طلعو وراة ضلينه بس البنات..

ايدي بيد گمرة  ثواني حجت لبابة

_  تذكرين بزواجي من گلتي  هنيالجن كلجن نهه عليجن بقيت بس اني

واليوم نهو عليج..

گمرة: ساعة السودة تمنيت هل امنية..

ضحكت حجيت

_بس امنية حلوة تره نهه عليج الي تحبي..

  كرصت ايدي گالت

_الصمي بانوو

ضحكت امي گالت

-بعد شتردين الي تكابرين عليه، ترة جساس نضلم حاله حالج..

ردت عمة مودة: انتم الاثنين نضلمتو

فكوها عاد.

جرتني من ايدي وگامت گالت

_دخت والله عوفو الموضوع اريد ارتاح نعسانة.

طلعنة من الاستقبال  وكفت گمرة

صارت عيني على الحديقة كلهم مجومعين.

وعمو جساس منفعل.

دخلنة المطبخ رحنه للغرفه نزعت الشنر كعدت على الجرباية..

كعدت يمها حجيت

_شبيج گمرة

ابتسمت گالت

-مابية شي بس نعسانه..

رديت

-تره واضح شكد يحبج ،لاتنطين بي خطية والله عينج ماشافت شلون، يتصل علية اسلام وشكد يحجون وكل كلامة ياگمرتي وياگمرتي..

گمرة: متعجية شلون تقنعني وهو خاطب، مستحيل ارضه بي ولا اقبل اكون على ضرة...

ضربتها  على راسها بخفة حجيت

-منو كالج، غير هوه فصخ من جنتي بالمستشفى

گمرة: صدك شو محد گال.

بان : اي والله شبيج، هوة فصخ وحتى عمو ديسم يعرف وعمة بسيل حتى ماما جيلان

گمرة : محد گالي ولله..

بان : كفوو منهم متشوفين جبتي معدل بي حظ  لو گايلييلج جان التهيتي بالحبنجيات...

گمرة: راسي موتني والله والمعدل شعليه انتي هم مدري شلونج

بان - عوفي كل هل كلام لان ميوكل خبز على گولت عمو جساس

كمرة - اي اكيد .

بان -بدون متضوجين ضلعتي بس عمو جساس هوه الي كالي على الشنر

لان الثوب ضيك لهذه ام سسوسووري واحبج وعيونه ملاحكتج بكل ثانية...

كمره -ايا طايحه الحظ ليش هيج حقيره

بان :. لان اسعى بينكم انتي ام الانستا لو غيرج الي بفضل جهودها رد الفولو اسلام.

واهم شئ من ورة راسج الخايس اتعير بالبوسة الزفتتت

كمرة : وحده بوحدة حقيره روحي بعد ولا اثق بيج

بان _احممم لعد لو اصدمج واگلج  الثوب الي لابسته هسة ذوق وفلوس عمو جساس العاشق الولهان شتسوين؟!!!

شمرت علية الكوشة گالت

_زفتتت وربي حقيرة  اشك بيج صديقتي.

عفتها وطلعت كعد عمو جساس حجة وياها وتخربطت

الفجر راحو.واني واسلام  يومين ورجعنة لماليزيا.

مرت هل فترة   صراعات بينه خاصتة بعد ما تحرش بية  الحكم بحفلة اسلام.

عزمنة صديقة  رحنة اله  بالرجعة مرينة من يم سوبر ماركت  فا  للحظ  الحكم موجود وياه اصدقاء ثنين.

شافني  ابتسم  وتفر بالكاع لعبت نفسي.

تقرب علية گال

_ اضاعفلك الاجر على اليلة..

  مشيت خطوتين رجع وراي هم تلمس خلفيتي.

بدون وعي ضربتة بركبتي بين رجلينة  .

صاح  ودفعني   اجو الي وياه  بهل وقت  طلع اسلام   حط الاغراض بالسيارة  وخزرني.

ماهتميتلة  حجة ويه اصدقاء الحكم   راحو على صفحة شو مااحس غير اسلام واكع بالكاع..

وهمة صعدو لسيارة وراحو..

رحتلة اركض  نصدمت بالدم الي يسيل من بطنة..

دموعي نزلن لان بسببي الي صار..

اخذت جهازة اول رقم صار كدامي صديقة مؤتمن  يتبع..

.....

هل مرة بارت خفيف لطيف

تفاعلو على الفقرات ونورتوني الي طلعتو بالتعليقات هههه.

وجنت اسويلكم قفلة بس خطية ماهان علية على قفلت لبارحة فا اليوم  ماكو قفلة.

وتفاعل البارحه ولا حلو ليش هيج

رغم اكو جدد تفاعلو.