الفصل الثالث

رواية انت حلالي وانا حلالك الجزء الثالث 3 بقلم نور القرآن انت حلالي وانا حلالكرواية انت حلالي وانا حلالك الحلقة الثالثة صلّوا على النبي ﷺ… فهناك قلوب لا تهدأ إلا بذكره، وبذكره تبدأ الحكايات الجميلة … الساعة 7عند يوسف…… يوسف واقف قدام المراية كان خلص لبس الي كان عبارة عن تيشرت ابيض وفوقه جاكت بدلة اسود وبنطلون اسود وكوتشي ابيض…لبس ساعته وخرج يستعجل والده ووالدته الي لسا مفيش حد جهز….. يوسف خرج من الاوضة وهو بيتكلم

بصوت مستعجل وعالي شوية : يبابا يماما يلا.. انتو هتخلونا نتأخر عليهم كدا خرج والده الي كان لسا مش لبس لبس الخروج.. والد يوسف وهو بيتكلم باستغراب من استعجال ابنه وحماسه : نتأخر اي دا لسا الساعة 7 يابني….. يوسف بص لساعته واتكلم : الساعة 7وربع يبابا يعني خلاص باقي ساعة إلا ربع كمل يوسف وهو بيتسعطفه بالله عليك يبابا قوم البس مش عايز اتأخر…

والده : لا اله إلا الله يا ابني محسسني ان انا هلبس في ساعة دا هما يدوب تشيرت وبنطلون يعني مش هياخد عشر دقايق ….بعد كدا سكت شوية واتكلم وهو قايم طيب روح شوف اختك وانا هشوف والدتك والبس… يوسف راح بسرعة بسيطة ناحية اوضة خديجة الي كانت لسا بردو بتشوف هتلبس اي…. يوسف خبط علي الباب… خديجة : ادخل… يوسف فتح الباب وهو واقف وماسك بإيده اوقرة الباب… يوسف بانزعاج بسيط : انتي لسا ملبستيش؟؟!

انتو بجد مش حاسين بالوقت في الاخر هسيبكم واروح لوحدي….. خديجة باستغراب لأنها لسا شايفة الساعة كان لسا بدري وكمان يعني البيت قريب اوي مش هياخدو وقت…. خديجة وهي بتقرب منه وبتعاكسه ونسيت هو كان بيقول اي : اووه اي الحلاوة دي يجو…عريس عريس يعني يوسف وهو بيلفها وخلاها مواجهة للدلاوب و مسكها من كتافها ومشي

بيها و وقفها قدام دولابها: مهو العريس دا هيترفض بسببكم لانه هيروح متأخر…يلا عشر دقايق لا كمان خمس دقايق والاقيكي طالعة لابسه.. خديجة وهي بتبص ليه بزهول :خمس دقايق؟؟!! دون ملبسش فيهم الخمار دا لوحده عايز عشر دقايق.. هو انت فاكر ان احنا زيكم خمس دقايق بتكفيكم…. يوسف وهو متجة ليخرج من الاوضة واتكلم وهو بيستعجلها وبيتكلم غير مبالي بكلامها: عدي دقيقة يلا… خديجة بذهول منه : هو اي الي عدي دقيقة…دا بيحلم انا؟ خديجة؟

اخلص في عشر دقايق؟!! عند حور…… كان البيت مترتب وتفوح رائحة طيبة منه بسبب تنظيفه بواسطة ام حور بمساعدة حور واصحابه … حور وهي بتسيب الدريس الي في ايدها وبتكلم اية ومنه… حور : اتشيييييي🤧 يبنات حاسه ان الدور بيزيد مش بيخف هو انا هطلعلهم كدا ازي 😔 اية وهي بتقرب منها وبحب : يقلبي انتي مش هتطولي معاهم وبعدين عادي يعني عندك دور برد مش مشكلة يعني حور وهي بتهز راسها بقتناع

واتكلمت بصوت منخفض وتعب : طب يبنات يلا نصلي العشا الاول اهو أذن وبعد كدا نشوف باقي اي منة: تمام وهو خلاص كدا مبقاش في حاجة غير انك تلبسي حور: هنصلي وابتدي البس ان شاء الله… البنات اتوضو وصلو العشاء و حور ابتدت تلبس…. ام حور بره وهي بتجهز الحلويات العصائر الي هتقدمها ليهم وجمبها مصطفي بياخد من كل حاجة شوية ام حور وهي بتطرد مصطفي من المطبخ: مصطفيييي اطلع بره كدا مش هيبقي في حاجة نقدمها للناس

مصطفي وهي بيبعد شوية عن والدته وهو بياكل من الكيك.. مصطفي والكيك في بوقه : في اي يماما يعني هما ياكلو وانا لأ كدا مش عدل علي فكره المفروض ابنك الأول والي يتبقي ليهم…. ام حور وهي بتبص ليه وبصرامه بسيطة : لا هما الاول والي يتبقي ليك مصطفي بص علي صنية الجلاش الحلو وخطف واحدة وطلع يجري من امه الي زعقت بصوت عالي: برااااااااا يمصطفي مشوفش وشك هنا تاني لوقت ما الضيوف يجو ويمشووو

مصطفي كان طلع من زمان اصلا وهو بيستلذ بأكل الجلاش… (طب كنت خطفت واحدة ليا معاك..مش هجوزك البت خديجة خلاص 😒) عند يوسف……. يوسف وهوا بيخبط باستعجال وبسرعة علي باب اوضة خديجة وبيمشي باستعجال شوية وبيروح يخبط علي بابا اوضة والديه يوسف وهو بيبص علي ساعته وبيتكلم باستعجال وضيق : ياجماعة يلا كل دا بتلبسو دا انا العريس ماخدتش كل الوقت دا…. يخديجة يماما يلا بجد احنا كدا اتأخرنا باقي عشر دقايق يدوب نلحق نوصل فيهم….

خرجت ديجة وهي بتتكلم : يا يوسف يحبيبي احنا مش بنكمل خمس دقايق ونكون وصلنا وانت اكيد مش هتروح مشي بسبب الضيافة الي اخدها معاك ومش هنتمشي يعني ف هنوصل في أقل من خمس دقايق…… خرجت والدته بعدها وهي سمعتها. : ايوة بالظبط وبعدين يحبيبي انت متفق مع الناس علي الساعة 8 يبقي مينفعش نروح قبل كدا الله اعلم ممكن يكونو لسا معاهم تجهيزات يعني تروح متأخر دقيقة ومترحش قبلها بدقيقة …

يوسف هدي شوية في كلامه وبيبص في ساعة تليفونه. : طيب خلاص اهو باقي خمس دقايق..كمل وهو بستعطفهم.. نمشي بقا و لا اي؟ …بابا سبقنا للعربية خرجو كلهم من البيت وركبوا العربية ويوسف فتح لوالدته الباب ولف من ناحية اخته وعمل زي ما عمل لمامته وبعد كدا وقف قدام العربية وهوا بيتكلم في التلفون : يا بني آدم انت ليك ساعة بتختار ..ياسيدي هاتو بينك اي حاجة بس اخلص الوقت اتأخر اوي… قفل المكالمة وسند علي العربية شوية والده

من العربية وهو بيكلمه : انت مستني ايه مش كنت شغال.. كمل وهو بيقلده .. يا جماعة يلا كدا هنتأخر… غيرت رأيك ولا اي…. يوسف ابتسم علي كلام والده وهو بيقلده ولسا كان هيرد لقي العربية الي جاية عليه بسرعة جنونية… وقفت العربية قدامه ويوسف راح ناحية الشباك وبص ليه واخد منه الحاجة الي جيبها واتكلم بابتسامه وحب وامتنان : تسلملي يصاحبي بجد.. نردهالك في الافراح… كان نفسي تحضر معايا النهاردة

عمر وهو بيتسم بحب : في الفرح الكبير يحبيبي بس زي م انت عارف لازم اروح المطار واجيب اختي وأولادها يوسف وهو بيعد عن العربية : صَحَبَتْكَ السلامة ياصديقي طمني لما يوصلو بالسلامة.. عمر وهي بيشتغل العربية علشان يتحرك وبيتكلم بحب : ان شاء الله…يلا مع السلامة وان شاءالله يومك مليان سعادة يصاحبي… يوسف ابتسم وشاورله سلام وراح بسرعة لعريته ومعاه باقة ورد بالون البينك مختلط بالون الابيض (احمم صدفة طبعااا🤷🏼‍♀️ 🙃)

ولانه افتكره متأخر طلب من عمر يجبهوله لانه هو اقرب لمحل الورود….. ساق عربيته بسرعة وهو متجه لبيت حور….. عند حور… حور لبست دريس بينك لون هادي رايق علي بشرتها البيضاء وعليه خمار ابيض ونقاب بنفس اللون ( هتقولو نقاب ليه هو مش خطيبها ويحق ليه يشوفها اكتر من مره من غير نقاب ؟؟! هقولكم صح طبعا بس هو مش هيكون موجود والده؟ والده اجنبي عنها لوقت كتب الكتاب بعد كتب الكتاب عادي بقا..وصلت يجملاتي؟ 💙😚) منة وهي بتتكلم

بحب وابتسامه واعجاب بيها : اللهم بارك شكلك جميل اوي ما شاء الله يعيوني 🥺 اية وهي بتلفها حوالين نفسها : انا خايفة علي الود من الفتنة والله هههه بجد شكلك كيوت وحلو اوي ما شاء الله 🥰 حور وهي بتحضنهم وبتتكلم بتعب واضح: دي عيونكم الي حلوة ربنا يباركلي فيكم وميحرمنيش من وجودك 🥺😚 سمعو صوت والد حور وهو بيرحب بيهم حور بمشاعر مختلطة توتر وخوف تمني فرحة لهفة..بس فرق بين المره الاولي انها متحمسه تقابله تاني والتوتر اخف بكتييير

بره…. والد حور بعد ما رحب بيهم وقعدو يتكلموا شوية وكان الرجال لوحدهم والنساء لوحدهم ام حور وأم يوسف وخديجة وخرجت ليهم حور ومنة واية… حور خرجت من اوضتها وهي متوترة شوية… ام يوسف اول لما شافتها لأنها كانت لسا مش لابسة نقاب… ام يوسف بحب واعجاب :اللهم بارك تبارك الرحمن فيما خلق..تعالي تعالي اقعدي جمبي يروح قلبي وحشتيني اوي … حور راحت تقعد جمبها وهي بتحضنها لأنها هي تعرفها من قبل….. حور بحب وابتسامه بس صوتها

باين في تعب وكمان عيونها: وحضرتك وحشتيني اكتر يطنط يوسف بخوف واطمأنان عليها : انتي تعبانه يقلبي ولا مالك فيكي اي ؟ حور بابتسامه متعبة : دور برد وان شاءالله يخف الله المسعان.. ام يوسف وهي بتحضنها : يحبيبي الف سلامه عليكي ربنا يشفيكي يقلبي يارب ويبعد عنك كل تعب ومرض حور بح : اللهم آمين..ربنا يبارك في حضرتك يطنط يارب.. يوسف بهزار وحب وابتسامة :مفيش طنط بقا خلاص انا زي ماما دلوقتي ولا منفعش ؟

حور بابتسامه وحب : لا طبعا حضرتك زي ماما فعلا ومن زمان… يوسف بحب وهي بطبطب عليها : حبيبتي وانا والله بعتبرك زي خديجة ومن زمان اوي مش دلوقتي وربنا يعلم انا كنت بتمناكي زوجة لابني من اول لما شوفت أخلاقك ومعاملتك لخديجة وكأنها اختك واحترامك والحمد للله ربنا استجاب واهو هنقرأ فاتحكتم…. حور بكسوف وتأثر وفي رهبة كدا وفرحه في نفس الوقت لما اتجمعت معاه في جملة (هنقرأ فاتحتكم) ومش عارفة ترد تقول اي وامها حست بيها فاتكلمت هي .

ام حور بحب : والله يحبيبتي القلوب عند بعضها ربنا يعلم بمعزتكم عندنا ربنا يديم المحبة يارب آمنت علي دعائها بحب…. بره اتفقوا علي كل حاجة خلاص وباقي بس حور تخرج تسلم عليهم وبعدها يقرؤو الفاتحة… حور لبست نقابها لما مصطفي دخل يقولها تطلع ومسكت الصنية في ايدها علشان تقدم ليهم العصائر دخل مصطفي وهي من بعده وهي باصه في الأرض ومكسوفة واتكلمت بصوت تحاول تخليه ظاهر ومش واضح

عليه التعب بس كان واضح : سلام عليكم ورحمة الله و بركاته….. ردو عليها السلام كلهم بصوت هادي… والد حور بحب : تعالي يبابا سلمي علي عمك عبد الرحمن حور بصت ناحيته وابتسامه باينه من عيونها الي للاسف دبلانه عن المره الي فاتت بسبب التعب اتقدمت علشان تقدمله العصير : اتفضل يعمي ابو يوسف بابتسماة : يذيد فضلك وتسلم ايدك يعروسة الغالي حور اتكسفت وابتسمت ابتسامه هادية واتكلمت بهدوء: عامل اي حضرتك

عبد الرحمن بحب ابوي: الحمد الله في فضل ونعمة من الله يبنتي حور بحب : يارب دايما في نعمة من الله حور حاسه بيوسف باصص ناحيتها ودا الي كان موترها شوية وهي بتحاول متبصش ناحيته…. حور قدمت عصير لوالد يوسف وحطت الصنية علي الترابيزة وقعدت علي الكرسي الي جمب والدها ابو يوسف بابتسامة : ادي ليوسف العصير يبنتي وسلمي عليه

حور اتفاجاة من كلام والدها لانه هي عملت نفسها مش واخده بالها انها المفروض تقدمله علشان متسلمش عليه بسبب كسوفها منه….. حور قامت بهدوء مع كسوف وارتباك خفيف وهي بتقدم العصير و مش باصة علي وش يوسف واتكلمت بصوت هادي وابتساممة لطيفة بس بردو واضح التعب : اتفضل العصير يوسف كان باصص ناحيتها وهو حاسس من صوتها من وقت ما دخلت انها مش طبيعية مش نفس المرة الي فاتت واتكلم بابتسامه وهدوء وهو بياخد العصير منها : تسلم ايدك

حور ابتسمت ورجعت بسرعة بس خفيفة قعدت جمب والدها تاني… ابو يوسف : طب كدا احنا ياحمد اتفقنا علي كل حاجة الحمد لله ..نتوكل علي الله و نقرأ الفاتحة ؟ ابو حور بابتسامه وحب : نقرأ الفاتحة

كل واحد رفع ايده علشان يقرؤون الفاتحة وكل واحد مشاعره مختلفة عن التاني ابو يوسف الفرحه مش سيعاه لانه خلاص ابنه الكبير هيتجوز وكمان مبسوط بدخول حور لعيلتهم لأنها ونعم البنات الحسنة الصالحة وابو حور كان ما بين فرحة وحزن فرحة لزواج بنته وحزن لاقتراب مفارقتها له وأن هيكون في حد تاني مسؤولة منه ولما تحتاج حاجة مش هتجيله هو لا هتلجأ لحد تاني الي هو زوجها .. بس ميعرفش ان البنت حتي لو اتزوجت بردو بتكون محتاجة وجود ابوها مهما كان محبة الزوج ومكانته بس بردو مش هيبقي في مكانت الاب مفيش حد يعوض مكانت الاب ….

اما بقا عند يوسف كانت فرحته لا توصف احساس انها من نصيبه حاليا وانه اقترب خطوة من انها تكون زوجته في الحلال احساس مخليه مبتسم من غير ميحس انه مبتسم وقلبه عامل فرح من الداخل… حور بقا او لما قرؤو الفاتحة حست ان قلبها بينبض بطريقه اول مره تحسها وفي احساس غريب انها خلاص بقت خطيبة يوسف!! يعني بقا في راجل غير اخوها وابوها مسموحلها انها تتكلم معاه حتي لو مجرد سلام عليكم وابتسامه….

ابو يوسف وهو باصص عليهم وشايف ان كل واحد فيهم بيفكر والفرحه باينه عليهم ابو يوسف وهو بيحاول يخليهم يتكلمو : طب متجي ياحمد ومصطفي نقعد احنا في الصالون اهو في وشهم ونسيبهم يتكلمو شوية بدل مهما ملبوخين كدا ههه ابو حور وهو باصص عليهم وابتسم: عندك حق يلا بينا مصطفي قرب منهم وبارك ليوسف : مبروك يحبيبي ربنا يتمم لكم علي خير يارب انت اخدت جوهرة اخوها وابوها خلي بالك يعني ..

يوسف بابتسامه وحب : مخلي بالي والله ربنا يقدرني واعيشها ملكة في بيتها لانها ملكة فعلا يوسف في عقله (هي ملكتي اصلا) مصطفي ابتسم وفي شعور بالغيرة علي اخته بيحاول يخفيه قرب من اخته وباس راسها وبارك ليها مصطفي: مبروك يست البنات ربنا يفرح قلبك يارب وبعد كدا همسلها: لو خايفة او متوترة و عيزاني اقعد ومخرجش انا معاكي حور اتكسف وبصت له بحب : ربنا ميحرمنيش منك يحبيبي يارب

مصطفي بحب: ولا منك يعيوني..وسكت شوية لما لقي مفيش اعتراض منها. مصطفي :طيب يقلبي انا قاعد في وشكم اهو تمام… حور هزت راسها بهدوء و حب وسكتت.. خرج مصطفي…. يوسف اخد باقة الورد الي كان جيبها معاه و قام بهدوء وقعد علي الكرسي الأقرب ليها وهي اتوترت بكسوف يوسف بفرحة و ابتسامه واضحين وهو بيقدم ليها الورد الي اتفاجأ انه نفس لون لبسها : اتفضلي..مبروك يحور

حور اتكسف وقلبها نبض لانه اول مره يناديها بإسمها وكمان للورد للي بتعشقه واتصدمت لما لقيته انه نفس لون الدرس (صدفة يحور 🤭😅) حور بصوت هادي وكسوف بسيط : الله يبارك فيك وشك اتشييييييي (طبعا عطسة بصوت هادي مش زي م انتو تخيلتو😅) حور بتعب :الحمد لله يوسف بخوف واطمئنان: يرحمكم الله…انتي عندك دور برد ولا اي حور بتوتر متعب وابتسامة لطيفه: اه يعني اخدت دور برد امبارح..نسأل الله الشفاء

يوسف بدعاء ومحبة : الف سلامه عليكي ربنا يشفيكي يارب ويرفع عنك التعب… حور بهدوم وابتسامه :امين يارب سكتوو… يوسف اتكلم بهدوء :هو انتي هتخلصي امتحانات امتي ؟ حور استغربت السؤال بس جاوبت: يعني انا حاليا بمتحن عملي والاسبوع الجاي هبتدي فاينل واخلص كمان شهر يعني شهر كدا واكون خلصت امتحانات… سكتت شوية ..ليه؟!

يوسف : انا كنت عايز اكتب الكتاب بعد امتحاناتك والفرح يعني بعدها باسبوعين مثلا. انا مش حابب ان يكون في فترة خطوبة طويلة هوا بس الفترة دي تعرفيني واعرفك ويكون في قبول ونمشي بشروط الخطوبة الشرعية وبعد كدا بقا نعرف بعض اكتر في الحلال بدون تحكمات … اي رأيك ؟ حور اتفاجأت من كلامه لأنها لسا كانت بتقول لمنه انها مش عايزة خطوبة مدة طويلة…بس بردو مش بالسرعة دي بس كانت فرحانه وهي مستغربة نفسها! حور

بكسوف ومش عارفة تقول اي : انا بردو مش حابه فكره الخطوبة لفترة كبيرة..سكتت شوية…. قول لبابا وشوف رأيه يوسف بحنان وهدوء : انا اكيد هقول لعمي..بس انا بسألك انتي..رأيك اي ؟ حور حست بنبرته الي فيها حنان واتكسفت واتكلمت: احم يعني مش عارفة..هفكر وان شاءالله خير يوسف : تمام براحتك فكري وانا معاكي.. حور ابتسمت بهدوء وسكتت.. وبعد كدا جم والدها ووالده واخوها وهي قامت خرجت يوسف باحراج

ومش عارف يقوله اي وازاي :عمي..هو انا ممكن اخد رقم حور ؟ ابو حور ابتسم لانه حس باحراجه:مفيش مانع يا يوسف،. بس انت عارف شروط الخطوبة الشرعية اكيد ؟ يعني المكالمات وقت الحاجة علشان تطمن عليها وطبعا من غير كلام في مشاعر او تعبير بأي كلام في جراءة او كدا كمان يعني مثلا اخرك نص ساعة مش مكالمة بالساعات ولا ليل نهار وانت اكيد عارف الكلام دا يوسف بابتسامه : اكيد يعمي فاهم ومتقلقش من الناحية

ابو حور بابتسامة وحب : لو كنت قلقان مكنتش بقيت هنا حاليا يايوسف… يوسف ابتسم بحب وبعد اتلكم بهدوء : طيب يعمي انا يعني عايز اكتب الكتاب بعد امتحانت حور علطول وبعدها مثلا باسبوعين الفرح..:رأي حضرتك اي ؟؟ ابو حور : واله يا ابني صاحبة الرأي والقرار هي حور.. انا هقولها واشوف رأيها وان شاءالله خير يعني.. يوسف بابتسامه: ان شاء الله يعمي.. يوسف وأهله مشيو وهما فرحانين….

وحور كانت طايرة من الفرحة وماسكة الورد الي جابو ليها وبتلف بيه قدام صحابها ومامتها.. ام حور بابتسامة وحب : يبنتي انتي تعبانه اهدي شوية وبطلي حور بابتسامه وفرحة : يماما بجد الورد توحفة اوي وكمان نفس الوان الدريس وسكتت فجأة كأنها لسا شيفاه حور بصدمة: هو صح عرف ازاي انا لابسة لون اي ..خديجة؟! بس لا خديجة مكنتش تعرف انا هلبس اي يعني ممكن تكون صدفة؟!! (طبعا طيعا 🤭😅) منة بحب لأنها

شايفة صاحبتها مبسوطة ازاي: يروح قلبي انتي يارب دايما قلبك فرحان واشوفك احلي عروسه 🥰 حور حضنتها بحب : حبيبي يمنون وعقبالك يروح قلبي خلاص هتحصلينيي يومين كمان 😚 منة بابتسامه وهزار : اه خلاص هبقي مخطوبة بقا ومكلمكمش 🤭هههه حور : انا كمان مش هكلمكو هههه اية بهزار : طب اي يبنات انا متجوزة نظامي اي بقا اقطع علاقتي بيكم ولا اي 😅 منة بهزار : انتي خلاص راحت عليكي يا يوو هههه

اية : امشي يبت راحت علي مين انا لسا قاعدة زي ما انا صغنونة 😌هههه قاطع كلامهم رن تليفونها اية بابتسامه وهزار : اهو جا علي السيرة ههه اية ردت بابتسامه : ايوة حاضر هنزل علطول اية فصلت معاه وهي متوجه ناحية حور بتودعها بحب وابتسامه : مبارك ينور عيني انتي ربنا يهنيكي يارب واشوفك وانتي في بيتك و قلبك فرحان يحبيبي حور حضنتها بحب وامتنان : الله يبارك فيكي يروح قلبي وبجد شكرا اوي علي تعبك معايا النهاردة ..

اية بعدت عنها واتكلمت بحب: هو احنا بينا الكلام دا يهبلة انتي اختي مش صاحبتي لو متعبتش ليكي هتعب لمين ربنا يتمم فرحتي بيكي علي خير يحبيبي يارب.. اية سلمت علي الباقي ونزلت لقت عمار واقف قدام عربيته وهو بيقلب في تلفونه.. اية ابتسمت تلقائي وقربت منه وهو أول لما شافها اتعدل في وقفته وفتح لها الباب قدام بابتسامه ونظرة حب : اتفضلي يا وردتي اية ابتسمت ليه بحب وركبت علطول لان كان في ناس في الشارع…

عمار لف وركب من الناحية التانية… اية قربت منه وحضنته بحب.. عمار ابتسم وباس راسها و اتحرك بالعربية واتكلم باهتمام :احكيلي يومك كان حلو النهاردة؟ اية بعدت عنه وبصت ناحيته واتكلمت بحماس وابتسامه :كان يوم حلو اوي اووي وقعدت تحكيله عن كل حاجة تفتكرها وينفع تتحكي.. عمار كان بيستمعها بكل حب مع انه كل الكلام دا مش مهم بالنسباله بس المهم بالنسبالي انها بتكون مبسوطة لما بتحكي أحداث يومها وهي يسمعها بدون كلل ولا ملل……