تحميل رواية «انا شاعرك العام والقصيد عيونك.» PDF

بدون تعريف الشخصيات راح تعرفون شخصيتهم مع البارتات والاحداث ، -

"

( احفاد سُليمان ) اهل القصيم ،

-

شاعرنا عبدالرحمن بن يوسف وحفيد سُليمان الفرحه الاول للعايله ، يمتلك من العُمر ٣٢ ،

-

دكتورنا صقر بن يوسف الابن الثاني لـ يوسف عمر ٢٩،

-

المُحامي سلطان بن يوسف عمره ٢٨ ،

اخر العنقود من احفاد سُليمان عمر بن يوسف ، عمره ٢٢.

'

يوسف الابن الوحيد والاكبر لـ سُليمان عمره ٧٦ عنده فقط ٤ عيال ،

'

" سُليمان عمره بالتسعينات صديق عبدالعزيز "

-

= حفيدات عبدالعزيز = اهل المدينة اهل الكرم ،

'

ملاذ بنت فهد حفيدة عبدالعزيز عمرها ٢٥ ،

-

نجلاء بنت فهد حفيدة عبدالعزيز عمرها ٢٣

-

آمال بنت فهد حفيدة عبالعزيز عمرها ١٩ سنه ،

'

فهد بن عبدالعزيز الابن الكبير لعبدالعزيز عمره ٦٠ ،

"

والشخصيات كله مع الوقت والقراء تعرفونهم

بيت سُليمان بيت الجد ، كبير البيت وله كلمته على الكل وعلى احفاده ، دخل البيت والعكاز بيده ويمشي بهدوء دخل وهو يشوف سلطان جالس على الكمبيوتر وجنبه قهوته ،

ابتسم بخفه يحب يشوف احفاده وهُم يشتغلون وواقفين على رجولهم فخور فيهم كلهم ولكن سلطان الاقرب لقلبه ويحبه اكثر من الكل رغم انه ما يفرق بينهم ولكن القلب يميل لسلطان دخل وصوته يسبق خطواته : السلام عليكم ،

فز سلطان من صوته وابتسم ونطق : وعليكم السلام ، قام مشى لعنده وهو يقبل راسه ويدينه : استريح جدي اجلس ،

جلس سُليمان وترك العكاز سنده على الطاوله وجلس وهو يلتفت يمين يسار بينما سلطان كان يصب له القهوة ،

قرب اخذ منه القهوه وهو ينطق باستغراب : ما هُم في البيت؟

سلطان رفع كتوفه : لا مو موجودين امي راحت عزيمه ،

الجد شرب رشفه من القهوة : مو عن امك ،

سلطان عرف مين يقصد لكن تعمد ما يجيب طاريه وقفل الكمبيوتر وحطه على جنب وهو يناظر : عبدالرحمن ؟

الجد هز راسه بالنفي : ماهو عبدالرحمن ولا هو عُمر ، سكت قبل ينطق ويقول صقر مسك لسانه عن اسمه وصد ،

سلطان تنهد وهو يعرف هالزعل الي بينهم ما ينهيه شي صقر الي كان قريب من جده اكثر من الكل ويحبه ويجلس على باب البيت حتى يوصل ويشوفه ويقبل راسه قبل الكل ، هالمره هو صد ولا وده ينهي الزعل ، بينما الجد كان جالس ينتظر سلطان يعطيه اخبار صقر ، فاقده وجدًا فاقد حُبه ملهوف عليه ومشتاق فاقد صقر وحنيته ، سلطان سكت وهو يوفي بوعده لصقر حلف له عليه انه ما يعلم اخباره لجده ، الجد انتظر لثواني ولا سمع رد من سلطان ، ترك الفنجان من يده برجفه وهو يقوم ويمسك عكازه ويمشي بطريقه لغرفته ، سلطان ناظر فيه حتى اختفى من قدامه تنهد وهو ياخذ جواله ويتصل على صقر ، بعد ثواني ترك جواله على جنب وهو يشوف انه مايرد!

قاطع حبل تفكيره دخول عبدالرحمن وهو يدخل ويفسخ نظارته ويحطه على الطاوله وابتسم : من يدين امي؟

سلطان هز راسه بالنفي : ماهي موجوده ،

عبدالرحمن: اجل حرام علي اشرب رشفه منه ،

سلطان : صقر يا عبدالرحمن ،

عبدالرحمن رفع نظره لملامح سلطان وعرف في شي بالموضوع وجلس على جنب : وش به صقر ماله جيه؟

سلطان : جدي سال عن اخباره ولا نطقت لساني ماله قوه يكسر وعدي له ، ودي اوفي بوعدي وماودي اكسر جدي ،

عبدالرحمن تنهد بقلة حيل : صقر عنيد يا سلطان ،

ناظر له سلطان وهمس اعرف يا عبدالرحمن وجدي مو اقل منه بالكبرياء بس ايش الحل ؟

عبدالرحمن: خله على ربك يلا اروح اريح راسي شويتين ،

سلطان هز راسه ونطق نوم الهناء يارب والخير يحتويك

يت عبدالعزيز _

'

نجلاء صبت الشاي بالاكواب والشغاله ترتب الشابوره دخلت آمال وهي تسحب مويا من الثلاجه : يالله تاخرتو ساعه تسون شاي ،

نجلاء التفتت له : ساعدينا طيب ،

آمال : انا بروح اجلس مع جدي بسرعه تعالو ، وطلعت للحديقه وهي تشوف الشغالات يحاولون يشبون النار والجد جالس يطالع فيهم وابوها يولع النار ، مشت سحبت الكرسي وهي تجلس : يووه برد ، فجاه دخلت ام نجلاء وبيدينها جاكيتات البنات وشال الجد ومشت وهي تحط الشال على كتف الجد و رفعت نظره لفهد : بردان؟

فهد التفت لها : تدفيني؟ ابتسمت وهي تهز راسها : اي اعطيك شالي تدفي نفسك من هالبرد ، مشت وهي تمد الجاكيت لآمال : خذي حقك وحق خواتك ، آمال هزت راسها بالنفي لا بروح عند جدي اتدفى معه بالشال حقه مشت وهي تجلس جنبه الجد ضحك وهو يضمها له ويسحب شاله لها ،

فهد التفت لزوجته منيره ام نجلاء : تعالي هنا جنبي ،

قامت ام نجلاء ومشت وهي تدفيه بـ شالها وجلست جنبه ،

فجاه دخلو البنات مشت نجلاء وهي تحط الشاي على الطاوله الشغاله مشت وهي تصب ، نجلاء حطت الشابوره وهي تاخذ جاكيتها من امها وتلبسها : اوف تثلجت من البرد ،

آمال مدت يدها وهي تاخذ فنجان الشاي من الشغاله وتحطه قدام الجد ومدت اخذت الشابوره ومدت للجد ، الجد اخذ منها وهو يغمسه بالشاي وياكل ،

فهد : شرايك يبه لو نشوي دجاجه؟

نجلاء : هالله وتكتمل اجواء الشتاء ،

الجد : لا يا يبه خلنا على الشاي ،

آمال التفتت لـ نجلاء : الساعه كم ؟

نجلاء ناظرت لساعتها وهمست : توه بدري صارت عشره ،

آمال : اوف فيني نوم كله من ماما خلتني اصحى بدري ،

ام نجلاء التفتت للجد : كله من جدك هو قال يجونا ضيوف ،

الجد : اي بس انشغل الرجال بيجي بكره ،

فهد باستغراب : من يا يبه سُليمان ؟

الجد : اي وانا ابوك عزمتهم من زمان ما قابلته ولا شفته مشتاق له والله مشتاق لـ ايامنا ،

فهد : يجي لوحده ولا مع احفاده ؟

الجد : والله انا عزمت العايله كله ، ملاذ كانت جالسه ومنيره امهم ام نجلاء كانت تغمس الشابوره و تـ اكلها ، مُلاحظه بنتهم ملاذ ما تشوف بمعنى عمياء ولا تتكلم ' ،

آمال وهي تقوم : انا بروح غرفتي بنام مصدعه ،

الجد : انتبهي على نفسك وابعدي عن النار ، آمال ابتسمت وقربت باست جبينه ومشت طلعت متوجه تدخل البيت ،

'

وقف سيارته يوسف والتفت لزوجته : ابوي كلمك بشيء؟

ام صقر هزت راسها بالنفي : لا ما كلمني ليه ؟

يوسف بهدوء : بكره معزومين عند صديق له في المدينة الصباح طيارتنا نطلع من القصيم ونروح المدينه ،

ام صقر : اي على هالطاري كلمني سلطان ،

يوسف:

م صقر : اي على هالطاري كلمني سلطان ،

يوسف : اي جهزي الاغراض ويمكن نجلس في المدينة كم يوم من زمان ما رحت اشتقت لاجواء المدينة ،

ام صقر ابتسمت : خلاص ان شاء الله بنروح ، ونزلت من السياره صادفت عُمر كان طالع من البيت : وين رايح؟

عمر ناظر فيها : رايح اجيب اشوف صقر وينه تاخر عن البيت،

يوسف التفت لهم : ليه وين راح ؟

عمر : معرف ما يرد علينا ، يوسف اخذ جواله وهو يتصل عليه ، ام صقر مشت داخل للبيت ،

-

صقر كان حالس بسيارته ويدخن فجاه رن جواله اخذه وهو يناظر لاسم كان ابوه ، مايقدر يقفل بوجهه ولا يقدر انه يتجاهل اتصالاته تنهد وهو يرد : هلا يبه؟

يوسف بحنية وخوف : وينك ياولدي عمر يقول انك ما ترد ومن الصباح مختفي؟ فيك شي يابوي؟

صقر بهدوء : مافيني شي يا يبه بس ابي اكون لحالي ،

يوسف : اعرف انك زعلان بسبب جدك وانك ضربك وعصب منك بي بالنهايه هذا جدك ياولدي ويخاف عليك من الغلط ، تعال البيت انا واقف عند الباب انتظرك ، تعال وما يصير الا الي بخاطرك وانا اتفاهم مع ابوي بكل شيء ،

صقر : يبه انت نام و ريح راسك راح ارجع متاخر ،

يوسف : اقولك تعال ولا تشغل بال امك وتتعبها يلا ارجع انتظرك وقسم بالله يا صقر ماني حاط رجلي داخل البيت لين تجي انت رجلي على رجلك يلا تعال وانا ابوك ،

صقر ابتسم على حنيته وحُبه وخوفه ، دايم يوسف يتعامل مع عياله بكل حُب وحنيه يحبهم كثير ويحب انهم يتربون ويكبرون على الحُب والحنان ،

'

دخلت ام صقر البيت حطت عبايتها على الكنب ومشت لغرفة عبدالرحمن تتطمن على عيالها اول ما فتحت الباب فزت من برود الغرفه كان بارد زي الثلج مشت شغلت الضوء وقفلت المكيف وناظرت لعبدالرحمن كان نايم ولا حاس بهالبرد تنهدت وهي تهمس : الله يهديك لو تمرض شسوي فيك انا مشت وهي تسحب اللحاف وتدفيه طفت الضوء وطلعت توجهت لغرفة سلطان فتحت الباب ناظرت فيه كان جالس على السرير والاوراق بيده ويشتغل ابتسمت بهدوء ،

سلطان رفع نظره لها : هلا بالغاليه تعالي اجلسي كيفك؟

ام صقر ابتسمت : انا بخير الحمدلله ما نمت للحين؟

سلطان : والله اليوم عندي شغل كثير الظاهر ما اذوق لذة النوم ، علميني انتي صقر كلمك ؟

ام صقر : لا والله ما كلمني عمر كلم ابوك عنه وهو يتفاهم معه، وانت تعرف صقر عنيد ما يرجعه الا ابوك ،

سلطان تنهد : جدي ندمان على تصرفاته مع صقر ،

ام صقر : الله يهديهم ياولدي ايش اقول بعد ،

'

صقر وقف سيارته فتح الباب نزل وهو يشوف ابوه واقف مع عمر ويسولفون مشى وهو يسلم على ابوه ويقبل يده ، يوسف سحبه وهو يحضنه ويطبطب على كتفه : خل عنك الزعل ،

صقر

سحبه وهو يحضنه ويطبطب على كتفه : خل عنك الزعل ،

صقر بعد عنه وهو يناظر : مو زعلان ،

يوسف : يلا ادخل البيت ونام ارتاح وبكره نتفاهم ،

عمر : خلاص عاد صقر اتفل على الشيطان وامشي ،

صقر دخل مع ابوه للبيت عمر قفل الباب ولحقهم ،

ام صقر نزلت ومشت وهي تحضن صقر : وين كنت؟

صقر بكذب : كان عندي شغل توي خلصت ،

يوسف : يلا كل واحد على غرفته نامو ورانا سفر ،

صقر : يبه انا ما بمشي روحو انتم ،

يرسف : ولا كلمه يا صقر يلا روح وانا اكلم الشغالات يجهزون اغراضكم يلا كل واحد على غرفته ،

'

'

نجلاء كانت ماسكه يد ملاذ دخلتها الغرفه وسدحتها وحطت اللحاف عليها والتفتت لـ آمال كانت نايمه مشت وهي تقفل المكيف : حسبي الله من بنت بنموت من البرد وهي نايمه على المكيف والتفتت تناظر لملاذ : ملاذ تبين شي ولا انام؟

ملاذ هزت راسها بالنفي بمعنى لا مابي شيء ،

نجلاء ابتسمت وقامت تمشي بتنام فجاه انفتح الباب ،

دخلت منيره : للحين ما نمتو انتم؟

نجلاء : الحين بننام وبنتك المجنونه مشغله المكيف ،

منيره ضحكت والتفتت لملاذ : ملاذ بتنامين يا ماما؟

ملاذ هزت راسها بـ اي ، منيره همست استودعتكم الله يلا نامو نوم الهناء يارب ، ومشت طلعت وقفلت الباب ، نجلاء مشت سحبت جوالها انسدحت وهي تطقطق بجوالها ،

'

————-

' يوم جديد على ابطالي ' س ٨ الصباح '

'

عبدالرحمن كان جالس على جواله يطقطق والشغاله ترتب اغراضه في الشنطه دخل سلطان : عبدالرحمن اخلص يلا،

عبدالرحمن : خلاص خلاص جاي روحو انتم ،

سلطان : جدي يقولك بنمشي بسياره واحد للمطار ،

عبدالرحمن: وين يا ابني ماراح تكفي الاغراض.

سلطان : ماعليك راح تكفي بس اخلص علينا انت ،

عبدالرحمن: والله عزيمة جدي هذا يقروشنا الظاهر ،

دخل صقر : سلطان وين شاحني؟

سلطان : شعرفني انا روح اسال من عُمر الي ما ترك شاحن احد في البيت كل ما لقى شاحن شبكه بجواله ،

صقر : الله ياخذ هالعُمر راح يخرب لي شاحني مشى طلع وهو يصارخ : عم..وقف من شاف جده عبدالعزيز كان نازل من الدرج صد بيدخل لغرفة عبدالرحمن لكن وقفه صوته ،

عبدالعزيز : خلك انسان وسلم عالاقل ،

صقر بهدوء : السلام عليكم ، الجد رد السلام وصد طلع ،

صقر حط جواله بجيبه والتفت لسلطان وعبدالرحمن الي طلعو من الغرفه ، ام صقر ناظرت فيهم : يلا نمشي؟

عبدالرحمن: اي يا يمه يلا وطلعوا وهم يشوفون ،

يوسف كان يحاول يحط الاغراض كله بسياره وحده ،

عبدالرحمن: والله الي يشوف بيقول نهاجر حنا ،

سلطان : يبه في مكان ولا ارجع الباقي للبيت؟

يوسف : ماعليك في في جيبهم ،

صقر : يبه شوي ويقلب السياره وانت تقول في

عبدالرحمن : قلتلكم ما تكفي سياره وحده ما سمعتوني ،

الجد سُليمان : لاحول ولا قوة الا بالله لو تقفل فمك انت واخوك راح ندبر امورنا صد ومشى يركب السياره ،

عمر بضحكه : والله قفلو فمهم ولا ما قفلو مافي مكان يعني مافي ، يوسف ناظر فيه والله انت الي لو تكرمنا بسكوتك ،

ام صقر مشت وهي تركب السياره عبدالرحمن صد ومشى يركب ، يوسف وسلطان بعد محاولات حطو الاغراض كله ،

ومشو يركبون وتوجه للمطار ،

-

" بيت عبدالعزيز "

'

الجد عبدالعزيز ناظر لفهد : كلمني قال بيجون على المغرب او العشاء،

فهد : وينهم هُم الحين ؟

الجد عبدالعزيز : الحين طالعين على المطار ويروحون الفندق يريحون شوي ويجون على المغرب ،

فهد : اجل يلا انا اروح اخلص شغلي بالشركه ،

الجد عبدالعزيز : وانا اروح مع السواق اشوف موضوع الذبيحه ،

ام نجلاء كانت واقفه تكلم الشغالات ينظفون ،

وهمست : يلا بسرعه نظفو زين و رتبو كل شيء و مجلس الرجال وحده تروح تمسح الطاولات يلا مافي وقت ،

نزلت آمال وبيدها التفاحه : يمه مرره بدري ،

ام نجلاء : اسكتي انتي و روحي شوفي اختك ملاذ وين ،

آمال : مع نجلاء اكيد وين بتكون يعني ،

ام نجلاء : طيب اسكتي وابعدي عن طريقي لا تلهيني عن شغلي و روحي جهزي نفسك بتجي امهم بعد ،

آمال : ماعليك جاهزه انا خليهم يوصلون بس بعدين نشوف،

نزلت نجلاء وهي ماسكه يد ملاذ : آمال انتبهي لملاذ الشغالات كلهم مشغولين وانا بروح استشور شعري ،

آمال : يوه نجلاء انتي وامي ما شاء الله عليكم مستعجلين توه صار ظهر في وقت كثير ،

نجلاء : ادري في وقت بس انتي تعرفين ماراح افضى وادخل اشوف القهوة واكلم الشغالات اعلمهم شيسون ،

آمال : تمام روحي ، اخذت ملاذ ومشت جلست بالصاله ،

ام نجلاء ناظرت فيها : قومي روحي جيبي جوالي من فوق ،

'

_ في الطياره تحديدًا -

'

عبدالرحمن وهو يدف سلطان : ابعد عني خنقتني يا كبر راسك مالقيت الا كتفي تنام عليه ،

سلطان : والله اني ما نمت زين كنت سهران اخلص شغلي ،

عبدالرحمن سحب السماعات حطهم باذنه وشغل اغنيه ،

سلطان حط راسه على كتفه و فز بانزعاج : الله ياخذك يا عبدالرحمن ، عبدالرحمن ضحك وهو يناظر : تستاهل ،

وصقر و عمر كانو جنب بعض جالسين ،

صقر ناظر لساعته : ياهوه متى بنوصل تعبت والله ،

عمر : ليه لا يكون انت الي تسوق فينا الطياره ؟

صقر : والله فله ضحكتني اقول اذلف عني ،

عمر : تدري يا صقر وش حلمي؟ اكون طيار والله فله ،

صقر : انت اخلص دراستك بعدين نشوف ايش تصير والله من نتائجك حتى فوق الطياره ما يحطونك ،

عمر : .

وصل المدينة توجهو للفندق الجد سُليمان دخلو للفندق والعيال وراهم عمر التفت لابوه : ما تكفينا جناح واحد ،

يوسف : انت واخوانك وجدك لحال وانا وامك لحال راح تكفي وما شاء الله الفندق حلو وكبير ،

عبدالرحمن التفت لـ صقر : الساعه كم بالله ؟

صقر ناظر لساعته : ما بقى شي و ياذن بتنام!

عبدالرحمن: والله ميت تعب اريح راسي شوي وتوجه للمصعد صقر لحقه ، يوسف التفت لـ سلطان : روح انت وعمر جيبو غداء نتغدى ونريح شوي وعلى المغرب نمشي ،

سلطان : ابشر يبه والتفت لعُمر : امش يلا وطلعو للسياره ،

يوسف : خلاص يبه انت روح ارتاح وحنا بنمشي لجناحنا ،

الجد عبدالعزيز : لا انا اروح مع العيال سلطان وعمر ومشى لحقهم و ركب السياره معاهم وتوجهو للمطهم ،

'

= جناح عبدالرحمن وصقر =

'

صقر مشى انسدح على السرير : اوف واخيرًا ،

عبدالرحمن : والله ميت نوم انتظر نخلص من هالعزيمه وارجع انام وارتاح مره وحده ،

صقر : بكيفك بس انا بنام الحين ،

عبدالرحمن : الحين يجيك عمر يتهاوش على السرير ،

صقر قام وهو يضحك : على طاري عمر تخيل بالله يقولك حلمه يصير طار قلتله حتى فوق الطياره ما يحطونك ،

عبدالرحمن : تسولف ما شاء الله عليك يا صقر وانت صرت دكتور بواسطه هيا اجحد اشوف ،

صقر : عالاقل نسبتي ماكان زيه نسبته زي وجهه ،

عبدالرحمن: والله انك مانت اقل منه ،

صقر : اقول اسكت بس وانت جدي موظفك بالشركه ،

عبدالرحمن: ابرك من اني اصير دكتور بواسطه الله يستر كم مريض ماتو من يدك ،

صقر : اقول اذلف عني اخلص من عمر تجيني انت ،

عبدالرحمن صد عنه وهو يضحك مشى جلس على الكنب واخذ جواله وهو يطقطق فيه ،

'

عمر : سلطان يا غبي المطاعم قدامك وين تروح انت؟

سلطان : بالله شف باب المطعم كيف مغبر واضح حتى ما يغسلون يدهم قبل يطبخون ،

الجد : اقول انزل و روح جيب واخلص علينا ،

سلطان : والله ماراح اكل من هنا حرك سيارته ،

عمر : يا شيخ انت تاكل من يد صقر الي يغسل يدينه بسنه مره وحده وقف على مطاعمهم؟

سلطان : شف من يتكلم اقول اسكت بس لا اهفك ،

الجد : حسبي الله اوقف خلاص وانزل يا عمر وجيب اي شي ،

سلطان وقف سيارته بعصبيه : هاه يلا انزل جيب والله اني ما ماراح اكل ونشوف مين ياخذكم المستشفى ،

الجد : قم يا عمر روح جيب خلك منه ،

عمر ضحك وهو ينزل ، سلطان : يالله جدي شف حتى قفاز مو لابسين والله لا ابلغ عليهم ،

الجد : قطع العنق ولا قطع الارزاق.

سلطان : اييي ما شاء الله وهم عادي يذبحونا صح؟

الجد تنهد وسكت وهو يراقب عمر الي نزل يجيب اكل

اهلا انا جالسه اكتب روايه الكاتبه امال وهذا حسابها انستا:arwicx)

جايينكم بروايتها الجديده وتتمنى انها تنال اعجابكم.

موجود على حسابها الانستا اذا ودكم تقرونه هناك.

عالعموم مالكم بالطويل يلا.

بسم الله نبدا بقلم الكتابه امال✍️.

= بيت الجد عبدالعزيز =

-

ام نجلاء كانت جالسه تستشور شعر ملاذ و نجلاء كانت تكلم الشغالات يسون قهوة ويرتبون الفناجيل ،

آمال وهي تقوم : انا بروح اتمكيج تبون شي ؟

ام نجلاء : لا لا روحي بس ،

ملاذ كانت ساكته و ام نجلاء تعدل لها شعرها لا شعورًيا نزلت دموعها ومدت يدها وهي تمسح دموعها وتتمنى لو مره وحده بالحياة تقدر تشوف وجه امها وتقدر تتكلم وتشكرها على كل الي تسويها لها وتتعب عشانها ولا تركتها بين يدين الشغالات دايم تهتم لها اكثر من الكل ، تتمنى لو تقدر تتكلم بكلمه وحده وتقول لها شكرًا وتعبر لامها عن حُبها بس للاسف ما تقدر ،

نزلت راسها ومسحت دموعها قبل احد يلاحظ ،

ام نجلاء استشورت لها شعرها ويفي : اي لون فستان تلبسين اصفر ولا ابيض؟ ملاذ رفعت يدها بمعنى رقم ١ والي هو اصفر،

نجلاء : خلاص يمه تجهزي انتي وانا البسها الفستان ،

ام نجلاء : تمام يا بنتي وكلمي آمال تخلص وتجيني ،

نجلاء هزت راسها بـ اي ومسكت يد ملاذ وهي تاخذها لفوق من الدرج ودخلت للغرفه وهي تشوف آمال مشغله اغنيه وتتمكيج صدت ومشت وهي تجلس ملاذ على السرير ومشت فتحت الدولاب وهي تطلع الفستان الاصفر لملاذ والتفتت لآمال : شرايك تسوين مكياج لـ ملاذ وانا اخلص شغلي؟

آمال : بشرط انك تعطيني فستانك الموفي ،

نجلاء : تمام ومشت فتحت دولابها وهي تدورها وطلعتها لها وحطتها على السرير : شوفيها هنا وناظرت لملاذ : يلا ملاذ،

'

الكل كانو جالسين ياكل الا عبدالرحمن وسلطان ،

عمر : عبدالرحمن لا تصدقه كذاب والله تعال كل ،

عبدالرحمن : والله ماراح اكل كلو انتم بالعافيه ،

سلطان : والله ماني كذاب اقولك حتى قفاز مو لابسين ،

يوسف : خلاص ياولدي خلهم ياكلون لا تقرفهم ،

الجد : خله خله هذا يالسنه يتروش مره وجاي ينتقد الناس ،

عبدالرحمن ضحك وهو يناظر لسلطان الي انصدم من رد الجد وهمس : والله اني يوميًا اتروش والكل يسالني عن عطري ،

ام صقر كانت تضحك على سوالفهم وتكوي ثوب صقر ،

الجد قام وهمس : ما بقى شي وياذن المغرب يلا تجهزو ،

يوسف التفت لـ عمر : جيب بشتي وبشت جدك معلقين ورا بالسياره وانا وجدك رايحين نصلي الحقونا يلا وطلعوا ،

ام صقر مشت وهي تطلع فستانها وحطتها على السرير وناظرت لـ عبدالرحمن : لا تنسى تاخذني الصالون ،

عبدالرحمن ناظر لساعته : تمام اصلي وانتظرك تحت ،

سلطان : يمه تعالي انا اسوي لك المكياج وشو له الصالون ،

ام صقر : انت روح الحق ابوك للمسجد لا يشوفك بس

= بيت عبدالعزيز =

نزلت ام نجلاء وهي تشوف الشغالات يبخرون البيت ،

والجد عبدالعزيز واقف يلبس البشت وفهد واقف جنبه عند المرايا يعدل شماغه ويحط من العود ، نزلت آمال وهي لابسه فستان موفي وفاتحه شعرها الاشقر ' صابغه ' نزلت ومشت وهي مبتسمه : والله اجواء عيد يا جدي ،

الجد بضحكه : اي والله عيد ، عيد بشوفة عبدالعزيز واحفاده ،

ام نجلاء مشت اخذت البخور من الشغاله ومشت تبخر فهد فهد ابتسم وهو يتبخر ، آمال ناظرت ما شاء الله تبخر زوجها بس عطيني ابخر جدي بعد ، فهد ضحك وهو يلتفت يمين يسار : وينهم ملاذ و نجوله ؟

ام نجلاء : الحين بيجون كلمتهم ،

-

رجعو من المسجد عبدالرحمن ترك امه في الصالون و رجع اخذ له شاور وطلع وهو يلبس ثوبه ويعدل شعره ،

سلطان دخل وبيده العقال : هذا اكبر مني مين ماخذ حقي!

صقر : هو في احد في البيت غير عمر السراق ؟

دخل الجد وهو لابس البشت وماسكه بيده : يلا يبه بسرعه ،

سلطان طلع وهو يدور عمر ناظر فيه كان واقف يعدل شماغه مشى لعنده : عطني عقالي لا اكسر ظهرك ،

عمر : والله انه حقي ،

سلطان : لا تحلف شف هذا الي حقك يا كبر راسك ،

عمر اخذه وهو يشوف وفعلًا طلع حقه مو حق سلطان ،

سلطان سحب عقاله من راسه : الله ياخذك ي شيخ ومشى وهو يلبس شماغه ،

يوسف دخل وهو لابس بشت بُني : رايح اجيب امكم ،

الجد : خلاص نمشي مره وحده وشو له مشوار ثاني ،

صقر كان بالغرفه تجهز وجلس على الكنب يطقطق بالجوال ،

عمر دخل عنده وهو يشوفه جالس : يلا بنمشي ،

صقر قام وقف ومشى يشوف نفسه بالمرايا وتعطر وطلع ،

عبدالرحمن كان واقف يولع الفحم عشان يتبخر ،

سلطان : خلاص اخلص علينا سنه عشان تولع ،

صقر : عطني عطني اولعه اخذه منه وهو يولعه ، وتبخرو كلهم وطلعو نزلو اول ما طلعو من الشقه ودخلو المصعد ، و ريحة العود والبخور امتلى المكان والنظرات الي كانو يناظرونهم الناس وهم يشوفهم متكشخين ولابسين البشت ،

-

ملاذ كانت جالسه على الكنب ولابسه فستان اصفر وشعرها الاسود ويفي على كتفها وهي تسمع اصوات اهلها ولا تقدر تتكلم وتشاركهم بالسوالف ولا حتى تقدر تشوفهم ،

الشغالات طلعوا وهم يجهزو الطاوله ويحطون المعجنات والقهوة ، ونجلاء تعلمهم شيسون ،

ام نجلاء ناظرت لفهد : وينهم تاخرو ؟

الجد عبدالعزيز : بالطريق قالو بيجون الحين ،

آمال : اوف ما اتحمل ريحة القهوة بروح اشرب ،

ام نجلاء : اهجدي الحين بيجون الناس ،

الجد وهو يقوم ويتوجه لمجلس الرجال قام فهد لحقه وطلعو لمجلس الرجال وهم يشوفون الشغالات يبخرون المجلس

يوسف وقف سيارته عند الصالون وهو يتصل على زوجته ام صقر دقايق و ردت : ثواني باقي ما خلصت ،

يوسف : يا بنت الناس حنا خلصنا وانتي باقي ،

ام صقر : بس باقي شعري دقايق واطلع ،

يوسف : طيب يلا انتظرك بسرعه بس خمس دقايق ،

ام صقر : تمام وقفلت منه ،

الجد : يالله هذا الي كان ناقص ،

سلطان : يبه صرفهم وقل الطريق زحمه ،

عبدالرحمن: توه بدري لو نوصل العشاء افضل ،

الجد : الرجال كلشوي يسال وينكم اقوله بالطريق ،

صقر كان ساكت ويطقطق على جواله ،

بعد دقايق وصلت ام صقر وحركو سيارتهم متوجه لبيت عبدالعزيز "

-

الجد عبدالعزيز كان جالس يسولف مع فهد فجاه سمعو صوت بوري السياره ابتسم وفز قام وهو يعدل بشته فهد قام مشى وهو يشوف السواق يفتح لهم الباب ، دخل سيارته يوسف ونزلو كلهم الجد عبدالعزيز مشى لعند الجد سُليمان وهو يسلم عليه ويحضنه : يا هلا ياهلا ، فهد قرب وهو يسلم على يوسف والعيال ، بينما ام صقر مشت مع الشغاله لمجلس الحريم ان نجلاء كانت واقفه اول ما دخلت ام صقر ، ام نجلاء قربت تسلم عليها والبنات يسلمون عليهم : كيفك شالاخبار ،

ام صقر ابتسمت : والله انا بخير كيفكم انتم شخباركم؟

ام نجلاء : بخير والله نورتينا تو ما نور المدينة بوجودكم ،

'

= مجلس الرجال =

الكل دخلو جلسو عبدالعزيز التفت للعيال : هاه يا يبه كيفكم وكيف مدينه عجبكم ولا ودكم بالقصيم ،

عبدالرحمن بضحكه : والله مافي زي قصيمنا ،

عمر : انا حبيت اجواء المدينة ،

الجد سُليمان : وانتم متى تنورون قصيمنا ؟

فهد بضحكه : محنا طالعين من مدينتنا ،

يوسف : لا عاد هذا خيانه ،

سلطان كان جالس بضحك على سوالفهم ،

الجد عبدالعزيز: والله انكم نورتو المدينة ،

فهد : والله المدينه منور بـ اهله ،

الجد سُليمان التفت لـ عبدالعزيز : شصار على شركتك ، وكملو سوالفهم عن الشغل والشركه ،

صقر قام انسحب بهدوء وطلع عند السيارات للحديقه يدخن،

'

= مجلس الحريم =

الشغاله قامت وهي تصب القهوة للكل ،

ام صقر : ما شاء الله تبارك الله عندك ٣ بنات ؟

ام نجلاء ابتسمت : اي ربي ما رزقني بعيال ،

ام صقر : سبحان الله شوفي انا عندي اربع عيال و ربي ما رزقني ببنات لكن الحمدلله بكل الاحوال ،

جلسو وهم يسولفون ، نجلاء قامت طلعت وهي تشوف ملاذ بالصاله والشغاله ما حولها فزت ومشت لعندها : ملاذ شتسوين هناك ووين مارلين عنك؟ مشت وهي تدور الشغاله قامت طلعت للحديقه وهي تدورها ، فجاه سمعت صراخ آمال وهي تناديها وهمست : ملاذ انتظريني هنا الحين اجيكِ ومشت عند آمال ، ملاذ مدت يدها قدامها وهي تشوف مافي شي قامت بهدوء

ومشت عند آمال ، ملاذ مدت يدها قدامها وهي تشوف مافي شي قامت بهدوء تمشي وقفت وهي تشم ريحة الدخان

ماتدري مين الشخص الي موجود فقط تشم ريحة دخان ما حست بنفسها الا وهي تطيح على الارض تعثرت خطواتها وطاحت ، صقر كان ورا السياره فز من الصوت وهو يلتفت يمين يسار لكن وقف من سمع صوت البنت ومشى اتجاه السياره وهو يشوف البنت الي طايحه و لابسه فستان اصفر وشعرها مفتوح ومغطي ظهرها ووجهها منزلتها على الارض وقف وهو يناظر لها بصدمه وينتظرها تتحرك ،

ملاذ رفعت راسها وهي تحاول تقوم ولا تشوف شي قدامها مدت يدها وهي تشوف قدامها شخص واقف مدت يدها له صقر كان مصدوم و مد يده ملاذ مسكت يده وهي تقوم

صقر كان يناظر فيها كانت حاطه مكياج نزل نظره لتحت وهو يشوف فستانها كان مصدوم كيف هي واقفه قدامه تطالع فيه ولا تمشي ولا تتكلم بس ساكته! رفع نظره وهو يناظر فيها ، ملاذ كانت ساكته ما تقدر تتكلم بشيء والدموع تتجمع بعيونها صقر كان متوقع انها تطالع فيه ناظر لعيونه وهو يشوفها عكس هي الي ماكانت تشوف شي قدامها غير السواد صقر تكلم بهمس : انتي بخير ؟ ملاذ فزت من صوته وسحبت يده منه وهي تعرف هالشخص مو ابوها ولا هو جدها تميز صوت اهلها وتعرفهم لكن هالشخص غريب وهي متاكده! صقر انصدم وهو يشوفها ترجع لوراء ، خاف انها تصارخ صد وقام بيمشي اول ما مشى وعطاها ظهره سمع صوت الشغاله بحركه سريعه تخبى ورا السياره ، الشغاله مشت مسكت يد ملاذ وهي تاخذها لداخل ، ملاذ كانت مصدومه وهي ترتجف بخوف و تاشر للشغاله بمعنى من كان هناك الشغاله ما كانت فاهمه شيء واخذتها تجلسها على الكنب ومدت لها المويا ،

'

صقر دخل المجلس جلس وهو مصدوم من نفسه كيف تجرا يوقف قدامها ويمسك يدها! لو هي تكلمت وعلمت الكل مستحيل يتركونه لكن طرد هالافكار من راسه وهو يتذكر شعرها الاسود وفستانها الاصفر وكيف كانت واقفه قدامه ،

غمض عيونه وهو يتعوذ من الشيطان لكن منظرها كل دقيقه يمر بباله ولا يقدر يتهرب من جمال المنظر الي شافه ، لاول مره بحياته يشوف انسانه كذا بكامل اناقتها قدامه ،

صار وقت العشاء الكل تعشو وخلصو و س ١١ كل شخص راح لبيته وانتهى العزيمه بكل خير الا صقر الي بالنسبه له ما انتهى على خير الى الان يفكر فيها كل باله معها ، علمت احد عني ولا لا ، وكيف كانت ساكته ولا تكلمت بشيء ليه كانت تطالع فيني بطريقه ولا كاني موجوده؟ الف سوال وسوال براسه انسدح على السرير وهو يحاول ينام لكن ما يجيه النوم تنهد سحب الدخان ونزل طلع من الفندق وقف وهو يدخن غمض عيونه وهو يفكر فيها ويتمنى لو يقدر يعرف عنها شي ،

'

عبدالرحمن كان منسدح على السرير يطقطق بجواله ترك جواله ومشى عند الشباك وهو يشوف صقر واقف تحت ويدخن استغرب وسحب جواله ولبس ثوبه وطلع نزل لتحت طلع من الفندق وهو يشوف صقر واقف ومعطيه ظهره ويدخن وسرحان مشى بهدوء وحط يده على كتفه : متضايق؟

صقر فز والتفت له وهز راسه بالنفي : لا وانت وش جابك؟

عبدالرحمن: لا تسوقه علي فيك شي متاكد علمني حتى في العزيمه ما كنت على بعضك فيك شي ؟

صقر نزل راسه وهمس : مافيني شي يا دحوم خلني بحالي ،

عبدالرحمن : طيب اجل راح اسكت بس ماراح اروح من هنا ماراح اتركك لوحدك راح اكون جنبك ،

صقر التفت له : شفت بنت فهد ، عبدالرحمن انصدم وهو يناظر فيه : بنت من! بنت فهد حفيدة عبدالعزيز!

صقر هز راسه بـ اي وهو يناظر له ، عبدالرحمن كان مصدوم،

صقر : ما تعمدت كان صدفه وشكلي طحت فيه ،

عبدالرحمن شال يده عن كتف صقر وهو مصدوم ،

صقر بهدوء : ما كنت ادري راح تلعب بداخلي كذا كانت قدامييي يا عبدالرحمن حتى مسكت يديي كانت لابسه فستانها وواقفه قدامي وتطالع بعيوني ! كانت ساكته ما تكلمت بشيء يا عبدالرحمن وتركتني اتاملها تركتني اطيح نفسي بعذابها عطتني وقت ارمي نفسي ب نارها و هربت ، تكفى يا عبدالرحمن ش.. دفه عبدالرحمن وصد عنه وهو يدخل الفندق صقر لحقه وهو يمسكه من كتفه : بذمتك يا عبدالرحمن بذمتك تحفظ لي ماء وجهي طلبتك !

عبدالرحمن بحده : اذا انت ما احتفظت ب ماء وجهك ولا فكرت في ابوي وجدي ف لا تطلب مني احتفظ ب ماء وجهك.

صقر ناظر فيه : بتخليني اندم! عبدالرحمن ناظر فيه وهو ساكت صقر صد عنه : تمام ماراح اتكلم عنها ولا افكر فيها ،

عبدالرحمن : مانت واثق فيني يا صقر انا صديت عنك وقررت امشي عشان ما اطرحك على الارض وادفنك بدال ابوي ، اما سرك والي سويته والي شفته بعيونك والي تاملته ماراح اعلم فيه احد بس صحصح على نفسك ،

صقر : انا ضعت ماعاد فيني اصحصح ،

عبدالرحمن: دق باب بيتها دامك ضعت ،

صقر : مافيني هالقوه اواجه امي وابوي واعلمهم بلي صار ،

عبدالرحمن تنهد

صقر : انا ضعت ماعاد فيني اصحصح ،

عبدالرحمن: دق باب بيتها دامك ضعت ،

صقر : مافيني هالقوه اواجه امي وابوي واعلمهم بلي صار ،

عبدالرحمن تنهد : بهالموضوع حتى انا معك صعب توضح لامي بس بالنهايه مالك حل ثاني ،

صقر صد وهو يناظر للارض وهمس : مو عارف شي يا دحوم ،

عبدالرحمن ناظر لعيونه : اعجاب صح؟

صقر هز راسه بالنفي : اعجاب بيسوي فيني كذا؟

عبدالرحمن : بس مستحيل حُب يا صقر ،

صقر سكت وهو يناظر له عبدالرحمن صد ودخل الفندق صقر لحقه وتوجهو للجناح ،

'

ملاذ كانت منسدحه على السرير وهي تفكر مين الشخص الي مسك يدها رغم انها ما شافته لكن سمعت صوته وحست بيده الي مسك يدينها ! قاطع تفكيرها وهي تسمع صوت خواتها يدخلون الغرفه آمال مشت وهي تحط الشاي ، نجلاء مشت وهي تشبك جوالها بالشاحن ومشت جلست معها ،

آمال : غريبه ملاذ نامت من بدري ،

نجلاء : يمكن تعبت الا بسالك شصار على روحتنا للمزرعه؟

آمال رفعت كتوفها : معرف كان المفروض بنروح اليوم بس بسبب عزيمة جدي تكنسل ،

نجلاء : يالله اشتقت لاجواء المزرعه ،

آمال : ما اشتقت لشيء غير شيهان ،

نجلاء بضحكه : لو بيدك جبتيه للبيت ،

آمال : بخاطري والله بس اعرف جدي راح يرفض ،

فجاه دخلت ام نجلاء وهي تناظر : للحين ما نمتو؟

نجلاء : لا تعالي جالسين نسولف واحلا شاي من يديني ،

ام نجلاء ابتسمت ومشت وهي تجلس وتسمع سوالفهم ،

'

الجد عبدالعزيز كان واقف برا يشم هواء فجاه وقف سيارة فهد ونزل وهو مبتسم : شتسوي هنا يا يبه ؟

الجد ضحك : طفشت من هالبيت ودي بقعده مع سُليمان تذكرت ايامنا كيف كنا نجلس اخر الليل ،

فهد : دامه في المدينه ف ابشر بكره اخذك له ،

الجد : شرايك لو بكره نمر للمزرعه؟

فهد : والله حلو ومنه سُليمان يشوف المزرعه وتعلمه خُطتك الي تبي تسويه بالمزرعه ،

الجد بضحكه : ايي بس بناتك يبون يروحون المزرعه بعد ،

فهد : لا يا يبه ناخذهم وقت ثاني ان شاء الله ،

الجد : على خير يا يبه يلا نمشي نريح تاخر الوقت ،

'

( صباح يوم جديد على ابطالي )

'

الجد سُليمان التفت لعمر : روح جيب فطور ياولدي وبعدين نمشي عند عبدالعزيز اتصل علي نروح له المزرعه ،

سلطان : من الحين اقولكم دام عمر الي بيروح يجيب ف لحد ياكل يجيب من واحد الناموس يدورون حوله وهو يطبخ وبدون قفازات معليش يهمني حياتي ماراح اكل ،

عمر : والله انك كذاب مافي الذ من اكل امس ،

عبدالرحمن: غسلت يدي منكم رايح اخذ لي قهوة ،

يوسف بضحكه : يلا اخلصو لا نتاخر على الرجال ،

سلطان وهو يقوم : انا رايح اخذ لي من البقاله

سلطان وهو يقوم : انا رايح اخذ لي من البقاله ،

صقر الي كان بعيد عن سوالفهم وكلامهم وسرحان ، عبدالرحمن مشى جلس جنبه : ماخذه عقلك؟ صقر ما سمعه وسرح في خياله عبدالرحمن دف كتفه بـ كتفه صقر فز ،

عبدالرحمن: تعال نروح نتقوى صحصح شوي عن خيالك ،

صقر قام معه بهدوء ونزلو لتحت عبدالرحمن ركب السياره

مشى عمر لعنده : انت بتاخذ السياره ؟

عبدالرحمن: اي والمطاعم قدامك وشو له سياره روح مشي،

عمر سحب عليه ومشى ، صقر ركب السياره عبدالرحمن ركب وشغل السياره : اي ما قلت لي ايش فكرت ؟

صقر تنهد وهو يصد : خله على ربك وانا اخوك ،

عبدالرحمن بضحكه : تعبك الحُب ؟

صقر : تطقطق علي؟ بيجي يوم وتطيح فيه واذكرك بكلامك واضحك عليك ، والله انه نار اذا طحت فيه يخليك رماد ،

عبدالرحمن: الله لا يجيب اليوم الي اطيح نفسي في هالنار ،

صقر : بتطيح وانا اخوك بتطيح بدون ما تحس على نفسك ،

عبدالرحمن : ليه تشوفه حب وهو يوم وليله لعله اعجاب؟

صقر : الاعجاب ما يسوي كذا يا دحوم والله تعبتني ،

عبدالرحمن : سمعت شي لكن ماودي اقولك ياه واكسرك ،

صقر فز والتفت له : حلفتك بالله تعلمني!!

عبدالرحمن تنهد وهو يهمس : امي كانت تقول لجدي عن بنات فهد وتقول وحده منهم مخطوبه الله اعلم من تكون ،

صقر انصدم وهمس : الله لا يقول انها هي !

عبدالرحمن رفع كتوفه : الله اعلم ف عشان كذا لا تخلي هقوتك واحلامك عاليه طيح حطب الحُب واحرقه من الان عشان ما تنصدم بعدين وتندم ،

صقر سكت وهو يناظر من الشباك بصمت ،

'

الجد عبدالعزيز ناظر لـ ام صقر : عساكِ لقيتي من عندهم بنت الحلال لعيالك ؟

ام صقر هزت راسها بالنفي : لا والله مالقيت ،

يوسف : اتوقع فهد عنده ٣ بنات ليه صغار هُم ؟

ام صقر : لا نجلاء بنتهم مخطوبه لولد عمتها وملاذ اكيد تعرفون انها ما تشوف ولا تتكلم ف صعب و آمال ما احس انها قد المسؤؤلية وتوها صغيره ف ما فكرت اخطب وحده منهم،

الجد بهدوء : الله يجيب نصيبهم على خير ،

يوسف : كان املي هناك انك تخطبين لعيالك وحده منهم ،

ام صقر هزت راسها بالنفي : كنت متوقعه نفس الشيء ،

'

= بيت الجد عبدالعزيز =

تجمعو على طاولة الفطور وهم يفطرون ،

الجد عبدالعزيز : اليوم نروح المزرعه بيجون احفاد سُليمان ،

آمال بصدمه : مو انت وعدتنا بتاخذنا؟

نجلاء : منجد ليه الحين انتم تروحون واحنا لا ؟

الجد : بس يا بنتي هُم ضيف ل كم يوم وبيروحون ،

آمال : بس انت وعدتني بتاخذنا واشوف شيهان ،

الجد : شوفته اليوم من نصيب الغير ،

فهد : خلاص احنا بنروح بعدين ان شاء الله ،

الجد التفت لفهد : كلم ابو مشعل بيجي؟

الجد التفت لفهد : كلم ابو مشعل بيجي؟

نجلاء التفتت لآمال على طاري مشعل آمال ضحكت وصدت وهي تهمس : الا صح متى زواج نجلاء ومشعل ؟

نجلاء فزت ومدت يدها تقرصها ،

ام نجلاء : مستحيل تصير الحين قلنا لهم بعد كم سنه ،

فهد : واختي بعد كانت موافقه على هالقرار ،

آمال : صح عمتي خطبتها وهي بزره اكيد تكون موافقه ،

'

عبدالرحمن وصقر كانو في الكافيه يتقهون وجالسين ،

عبدالرحمن حط جواله على الطاوله : كلم جدي ،

صقر صد : مستحيل اكلمه ،

عبدالرحمن : شف يا صقر مافي غير جدي الي يقدر يكلم اهلها وانت تدري كلنا نمشي على كلمة جدي وانت زعلان منه عشانك سويت حادث وصارخ عليك ؟ خلاص الشيطان بح و اتفل عليه وتصالح معه ولا ترا اذا رجعنا القصيم بتضيع منك ماندري متى راح نرجع للمدينة او يمكن ما نرجع ،

صقر رفع نظره له : مافيني هالقوه اواجه جدي لمصلحتي ،

عبدالرحمن : طب كلم امي ؟

صقر : خلاص يا عبدالرحمن قفل الموضوع يمكن صح كلامك مجرد اعجاب وبينتهي مع الوقت خلاص انسى ،

عبدالرحمن : متردد من مشاعرك؟ مانت عارف شعورك؟

صقر : ماني عارف مو فاهم نفسي كل الي اشوفه قدامي وجهها وشكلها وفستانها الاصفر وشعرها الاسود ،

عبدالرحمن وهو يصد وضحك : توصف لي زوجتك ؟

صقر فز وابتسم على كلمة ( زوجتك ) ،

عبدالرحمن : عالعموم اذا بغيتها كلم جدي هذا نصيحتي لك ويلا قم تاخر الوقت بنروح نلحق للمزرعة جدها ،

صقر : الله يرزقني الثبات قدام ابوها وجدها ولا انهزم عشانها،

عبدالرحمن : والله وطحت يا صقر ومحد سمى عليك والله يذبحك ابوها لو عرف بشي امشي بس ،

صقر : راضي انذبح دام ابوها الي يذبحني ،

عبدالرحمن ضحك وصد طلع من الكافيه صقر لحقه ،

'

الجد كان واقف تحت والشماغ على راسه : وينهم ذول ،

سلطان : اتصلت عليهم بالطريق جاين ،

عمر : مسوين فيه اجانب يشربون قهوة من صباح الله ،

سلطان : شدخل الاجانب؟ ليتك راقد انت و راسك ذا ،

عمر : انت شفيك علي ؟ ذابح زوجتك وعيالك انا؟

سلطان : يشيخ اذلف والتفت لجده الي كان يسولف مع ابوه فجاه وقف عبدالرحمن سيارته و ركبو كلهم ،

يوسف : وين رحتو سنه عشان توصلون ؟

عبدالرحمن : والله الشوارع زحمه يا يبه ،

و توجهو المزرعه "

'

= المزرعه =

مشعل خطيب نجلاء عمره ٢٢ كان الشماغ على كتفه وهو يصب الشاي للجد وابوه ولفهد ، وفهد وابو مشعل كانو واقفين يحاولون يشبون النار والدنيا برد ، مشعل حط دلة الشاي ومشى وهو يساعدهم بعد مُعاناة قدرو وتجمعو جلسو عند النار وحطو الفرشه على الارض وتكاية الجلسه ،

الجد جلس على الكرسي وهو يشرب الشاي ،

مشعل : والله يبي لنا شيله مع هالاجواء ،

فهد : صادق بس وينهم ما وصلو ذولا ،

فجاه وقف سيارتهم مشعل سمع صوت السياره ومشى وهو يستقبلهم ويدخلهم المزرعه الكل قامو وهم يسلمون ،

يا هلا يا هلا نورتو الله يحيكم تعالت اصوات الترحيب ،

سُليمان ضحك وهو يجلس بالكرسي الي جنب كرسي الجد ،

فهد وابو مشعل كانو واقفين جنب يوسف يسالون عن اخباره.

ومشعل كان مع العيال يصب لهم الشاي ،

عبدالرحمن : والله الدنيا برد وانا ما جبت معي شيء ،

الجد سُليمان كان لابس فروة ، والجد عبدالعزيز نفس الشي،

فهد : يا مشعل يبه تلقى في الغرفه الي داخل فيه جاكيتات جيبهم الله يسعدك ، مشعل قام ومشى يجيبهم والعيال التفتو وهم يناظرون الجاكيت الموفي والاصفر والاحمر ،

الجد عبدالعزيز بضحكه : اعذرونا ماعندنا الا بنات ،

عبدالرحمن: اجل خلوني على البرد احسن ،

صقر سكت وهو من بينهم يلمح الجاكيت الاصفر وتذكر فستان ملاذ وهمس : عطني هالجاكيت مشعل مده له صقر رفع راسه وهو يشوف نظراتهم : معليش لازم اتدفى ما يهمني اذا للبنات ، الكل ضحكو ، مشعل حط الجاكيتات على الكرسي. صقر لبس الجاكيت اول ما لبسه شم ريحة عطر نسائي ثقيل وممزوج على ريحة حلاوة لا شعورًيا تذكرها لما مسك يدينها وهو يقومها شم نفس الريحة ! تنهد وهو يناظر للنار الي بوسطهم مد يده وهو يشد الجاكيت على نفسه وكان لابس ثوب ابيض كان يشد الجاكيت حتى يطبع الريحه على ثوبه ، الجد سُليمان قام وهو يفسخ فروته ويمده لـ عبدالرحمن : خذ ياولدي البسه ،

عبدالرحمن بصدمه : لا والله يا عمي ماراح الب.. قاطعه الجد بحده : البسه ومابي ولا كلمه خذ ولا ازعل منك ، عبدالرحمن ابتسم وقام وهو يلبسه ، الجد جلس ،

الجد سُليمان : راح تتعب من البرد خذ حقي انت ،

الجد عبدالعزيز بضحكه : لا والله انا احتريت من قوة النار الي قدامي ، الكل ضحكوا وجلسو وهم يسولفون ،

صقر الي كان بعيد عن سوالفهم و ريحة العطر الي دوخه ومو قادر يستوعب شي غير طيفها تمر بباله ،

عمر ناظر لمشعل : عطني اي جاكيت ما اتحمل البرد ،

مشعل نزل نظره للجاكيت الاحمر والي تاكد انه الجاكيت الاحمر لنجلاء هز راسه بالنفي : خذ جاكيتي انت وفسخ و رماه له وسحب جاكيت نجلاء لحضنه ، رغم انه مافي تواصل بينهم غير الخاتم وخطوبتهم عن عادات وتقاليد الا انه يحبها وجدًا ويعرف انها تحب اللون الاحمر كانت لابسه فستان احمر بالخطوبه وقد صادفها بالمزرعه لابسه هالجاكيت ، والوردي لاخته والموفي الي ما عرفه لمين لكن اكيد لبنات فهد ،

عمر لبس جاكيت مشعل : والله يبي لنا اغنيه ،

الجد عبدالعزيز : وشو اغنيه وشو خرابيط ،

مشعل : سامحهم يا عمر هُم في زمن غير زمننا ،

يوسف كان يسولف مع فهد وابو مشعل : شف شف شيقول ،

فهد بضحكه : اجل قومو من قدامنا وروحو هناك شبو النار وشغلو اغانيكم ،

الجد عبدالعزيز وهو يقوم : انا اقول نخليهم وحنا ندخل داخل للمجلس احتريت من هالنار ابي اجلس شوي تعبني الكرسي،

الجد سُليمان : صادق والله الكرسي كسر ظهري ، قامو الشياب والرجال وتوجهو للمجلس الي في المزرعه ،

عمر : اخيرًا الحين نقدر نجلس على راحتنا واقدر اسبكم ،

سلطان كان يضحك وهو يشوف صقر لابس جاكيت الاصفر

ومشعل الاحمر انسدح من الضحك ،

عبدالرحمن : والله وضاعت الرجوله يا عيال ،

صقر ضحك وهو يشوف سلطان الي يضحك ،

عمر : والله مشعل ضيع رجولته بيده عطاني جاكيته ولبس حق البنات الحمدلله على نعمة العقل ،

سلطان : الحمدلله لبست من البيت وجيت ولا تفشلت زيكم،

صقر صد عنهم وهو يولع الدخان ويدخن ،

عمر : الله يعين الي لبست جاكيتها تنكتم من ريحة الدخان تلقاه من ريحتك ولا ريحة الدخان ،

عبدالرحمن : والله لازم يغسلونهم بغسيل بسببكم ،

عمر : مع تايد مافيش مستحيل ،

قاطعهم مشعل الي بدا يغني : اشوفك كليوم و اروح ، شبك معه عمر وهو يكمل معه واقول نظره ترد الروح ،

اعيش فيها عشان بكرا عشان ليلي اللي كله جروح ،

تدخل معاهم عبدالرحمن: صحيح النظره ما تكفي من الآلآم ما تشفي لكن عذرنا الحاضر نراعي الوقت والخاطر ،

نفث الدخان صقر وهو يبدا معاهم : ومادام النظر مسموح اشوفك كليوم واروح عسى النظرة ترد الروح ، توصيني على الكتمان وتبغى حبنا ما يبان ، وسكت وهو يرجع يولع الدخان ويدخن وينزل راسه ويشم ريحة العطر من الجاكيت ،

والتفت لهم وهو يشوفهم يغنون بصوت واحد ،

وتحسب حُبنا خافي ترى راعي الهوى مفضوح ،

'

آمال كانت نايمه بغرفتها دخلت نجلاء مشت وهي تشغل اللمبات : بنت اصحي قومي بنمشي للمول ،

آمال التفتت لها : مالي خلق روحو انتم وامي انا بنام ،

نجلاء : ترا بنروح كلنا ناخذ ملاذ بعد وتجي ريما بعد ،

آمال : اي اجل قولي انك رايحه عشان اخت مشعل ،

نجلاء صدت : وع لا تذكريني فيه لو بيدي ما وافقت ،

آمال : الكُره ما يجي من وراه الا الحُب خل عنك بس ،

نجلاء : تمشين ولا لا ؟

آمال وهي تقوم : الا بمشي بس عشان اخذ لي قهوة واصحصح واخذ لي كعب ،

نجلاء : اجل قومي البسي بسرعه وانزلي ،

سلطان وهو يقوم : والله لازم نستكشف المزرعه وش فيه ،

عمر : من ساعه اسمع صوت الحيوانات وينهم ذولا ،

مشعل : ما تشوف اخوانك قدامك ؟ وقام يضحك ،

عمر وهو يقلده : ما تشوف اخوانك قدامك شايف نفسك يا بعير؟ اقول امش بس ورنا المزرعه كامل ،

عبدالرحمن وهو يناظر : كانه ذا اسطبل الخيل؟

مشعل : اي و مو واحد في اثنين ، ومشو عند الخيل وهم يشوفونهم ، صقر كان وراهم حاط يده بجيب الجاكيت ،

عبدالرحمن وقف وهو يشوف الخيل والتفت وهو يشوف الصقر على الوكر وضحك : اووه صقر لمن ذا؟

مشعل : وشو صقر والتفت اها ذا اسمه شيهان ،

عبدالرحمن : ما شاء الله وش هالاسم ،

مشعل : عاد جدي و ذوقه كل حيوان على اسم ،

عبدالرحمن وهو يسحب الدس القفاز ويلبسهم ويطلع شيهان ، بهاللحظه دخل الجد عبدالعزيز لعندهم وهو يناظر : وين رحتو قاعد ادوركم تعالو ساعدو ابوكم بالكبسه،

سلطان : كبسه والحين وهنا؟؟

عمر : لعبتي الكبسه يا جدي افا عليك بس وين المطبخ ؟

الجد ناظر لعبدالرحمن الي كان ماسك شيهان ومبتسم وهمس : ابيعه ودك فيه؟

عبدالرحمن بصدمه : صدق تبيعه؟ والله لو الف راح اخذه ،

عمر : مو شايف خير ،

الجد بضحكه : والله ما ابيعه بس حلالك يفداك احفاد سُليمان يبشرون بلي خاطرهم فيه والله انه ما يقعد بخاطرك ،

عبدالرحمن : لا والله ياجد..قاطعه الجد وهو يهمس : اعتبره هديه مني وخذه معك للقصيم كل ما تشوفه تذكرني ،

عبدالرحمن ضحك ومشى وهو يقبل راسه ويده ،

صقر كان واقف بصمت ويضحك ،

الجد : يلا على المطبخ والتفت لـ عُمر نشوف طبخك ،

ضحكو ومشو متوجهين للمطبخ ودخلو وهم يشوفون يوسف واقف ماسك الدجاجه وابو مشعل يقطعه ، وفهد ينقي الرز ،

العيال كتمو ضحكتهم من منظرهم ،

التفت لهم ابو مشعل : يلا تحركو واحد يقطع الطماطم بسرعه وواحد يسوي سلطه يلا تحركو ،

'

الجد سُليمان كان جالس عند النار والهواء بارد الجد عبدالعزيز مشى جلس جنبه : والله يا حليله عبدالرحمن ،

الجد سُليمان : ليه شصاير ؟

الجد عبدالعزيز : شفته كان بخاطره شيهان قلت يفداه ،

الجد سُليمان : عطيت صقرك له؟

الجد عبدالعزيز : دامه حفيدك يفداه دمي بعد ،

الجد سُليمان ابتسم : الله يخليك ويطول بعمرك ،

'

عمر ما ينحط فيه ملح سلامات تحط ملح في سلطه؟

سلطان : اقول ابعد بس جاهل شعرفك انا طباخ ،

عبدالرحمن كان واقف يناظر وبيده قرورة مويا يشرب ،

يوسف : الحين رجل الدجاجه ينطبخ ولا نرميه؟

ابو مشعل : كله عظم نرميه ليه نطبخه ،

فهد : ياهوه حطو الدجاجه كامل بالقدر وشو تقطعونه انتم؟

مشعل : لا يا عمي وشو يحطونه كامل ناكل العظم بعد؟

عمر : .

صقر ضحك وطلع عبدالرحمن لحقه وطلعو للحوش ،

ابو مشعل : احط الرز وفوقه احط الدجاجه ولا كيف؟

يوسف : لا اول شي نحط الدجاجه بدون رز ينطبخ ونسوي الرز،

عمر : من الحين اقول اعظم الله اجرنا والله يرحمنا مقدمًا ،

سلطان : انت من امس تاكل من مطاعم الي ما يغسلون يدهم ولا مت ف لا تخاف عندك سبع ارواح ،

'

عبدالرحمن مشى وقف عند اسطبل الخيل صقر وقف جنبه والتفت له : شعندك تراقبني؟

عبدالرحمن : جاكيتها صح ؟

صقر بصدمه : وانت كيف عرفت ؟

عبدالرحمن بضحكه : الفستان الاصفر على قولتك ما نسيته ،

صقر تنهد وهو يصد : حتى ريحة عطرها نفسه ،

عبدالرحمن : تعبتك واضح !

صقر تنهد وهو يصد : ليتني ما وقفتها يوم طاحت ،

عبدالرحمن : مو ناوي تصالح مع جدي لاجل خاطرك ؟

صقر : ماودي لاجل مصلحتي اتصالح اما خاطري عاف ،

عبدالرحمن : صدقني يا صقر مافي غير جدي الي يسمعك ،

صقر التفت له : الي مخوفني اذا هي الي مخطوبه ؟

عبدالرحمن : مدري والله يخوي ماني عارف شيء ،

صقر بهدوء : لو طلع مشعل خطيبها ؟ عبدالرحمن سكت وناظر له كمل مشعل : تدري وش بيصير بقلبي؟

عبدالرحمن : ليه قاعد تدمر نفسك عشانها؟ ولا همها ،

صقر : افكر ليه كانت تطالع فيني كذا يا صقر نظراتها لي ذبحتني حطيت عيوني بعيونها وانا اطالع فيها وهي ساكته !

عبدالرحمن : يمكن كانت مصدومه طيب؟

صقر هز راسه بالنفي : ما ظنتي يا عبدالرحمن ،

'

= عند البنات =

'

طلعو متوجهين للمول مع السواق نزلو من السياره وهم يدخلون المول ام صقر كانت ماسكه يد ملاذ والشغاله معها ،

والبنات قدام نجلاء وآمال و ريما دخلو المول مع بعض ،

نجلاء التفتت وهي تناظر : وش هالزحمه ياويلي ،

ريما ضحكت وصدت وهي تمشي مع آمال نجلاء لحقتهم ،

ام صقر كانت وراهم مع ملاذ والشغاله معها ،

ريما : ندخل هالمحل؟

نجلاء : لا واضح مافيه شي حلو امشي قدام ،

امال : والله انكم فاضين سحبت شنطتها وهي تطلع السماعات وتشبكهم بالجوال وتسمع اغنيتها المُفضله ،

وهم يمشون بالمول ويناظرون للناس الي جاين و رايحين ،

'

العيال طلعوا كلهم للحوش وهم يجلسون والرجال داخل يطبخون والشياب بالمجلس ،

صقر جلس جنب عبدالرحمن وهو يسمع سوالفهم ،

عمر : والله انه مافي احد منهم فنان بالطبخ ،

سلطان : ما يفرق معم اي شي تبلعه انت ،

مشعل بنعاس : والله ميت نوم ،

عبدالرحمن حط راسه على كتف صقر : مالومك الدنيا برد ودك تنام هنا ،

عمر : شرايكم اغني لكم ؟

مشعل : اسكت بالله مو ناقصين صوت النشاز ،

عمر : الشرهه على الي يبي يروقكم ،

سلطان : ماعليك حنا مروقين بس اكرمنا بسكوتك ،

عبدالرحمن التفت لصقر الي كان ساكت ويناظر للعيال ،

فجاه دخل يوسف : يلا تعالو المجلس الاكل جاهز ،

عمر : الله يرحمنا ويرحمكم برحمته مقدمًا ،

سلطان : اقول وصيتي ولا ما يحتاج؟

عبدالرحمن : تصدقو عني بعلبة تونه راضي ،

صقر ضحك وهو يقوم : ابشرو بس يلا سمو بالله نمشي ،

دخلو المجلس وهم يشوفون ابو مشعل قاعد يرتب السفره وصحن الرز بالنص والمويا وكل شي مرتب الكل جلسو وبداو ياكلون وفعلًا كان الطعم حلو ،

فهد : الله يخلي اليوتيوب الي انقذنا ،

'

نجلاء مشت وهي تناظر للفستان : شرايك ريمو؟

ريما هزت راسها بالنفي : مو حلو دوري غيره ،

آمال : شوفي الفستان الاحمر عاد ذوقك ،

نجلاء وهي تصد : ماما تذبحني كل دولابي احمر ،

ريما : شرايكم ناخذ اغراض المزرعه ونجلس هناك كم يوم؟

آمال : اييي كنت ابي اخذ قفص لشيهان ،

نجلاء : وانا بخاطري اخذ جاكيت جديده ،

فجاه مشت عندهم ام صقر وبيدها فستان ابيض وعليه خطوط اصفر : شرايكم لملاذ؟

نجلاء : تجننن بتطلع حلو عليها ،

ام صقر : انتم خلاص اخذتو وخلصتوا ؟

آمال هزت راسها بالنفي : ما عجبني شي باخذ لي مناكير موفي وودي ناخذ ملابس الشتاء من مول ثاني ،

ام صقر : ابوكِ توه اتصل يسال عنكم قلتله طلعتهم للمول يغيرون جو وقال انهم بيرجعون بعد شوي يلا اخلصوا ،

'

سلطان كان جالس ياكل بعد دقايق خلص وقام فجاه رن جواله استغرب ومشى غسل يدينه واخذ جواله وهو يرد : ياهلااا ،

مصعب : وينك فيه لا حس ولا خبر ؟

سلطان : والله في المدينة ليه عسى المانع خير ؟

مصعب : والله فقدتك يا رجال متى راجعين ؟

سلطان : كله كم يوم بنرجع انت علمني اخبارك؟

مصعب : يا انه طاح قضيه في يدي ودي تمسكه عني ،

سلطان : ليه وشهي ؟

مصعب : عنف اسري البنت رفعت قضيه على اهلها ،

سلطان : وليه ما تمسك القضيه انت ايش عندك؟

مصعب : والله زوجتي تعبت وولادتها قريب ف صعب ،

سلطان تنهد : خلاص مو مشكله ارجع بعد كم يوم واشوف ،

سلطان : تمام على خير ،

'

= تاخر الوقت والكل قامو يودعون بعض ويمشون لبيتهم =

الجد مشى لعنده وهو ماسك قفص شيهان : نسيته ،

عبدالرحمن ابتسم وهز راسه بالنفي : ما نسيته والله ،

صقر كان واقف وهو يفسخ الجاكيت عن نفسه مسكه وهو يناظر فيه وقرب حطه على الكرسي ونزل راسه لثوبه وهو يسم العطر و ريحة الدخان وفعلًا طبع ريحة العطر على ثوبه ابتسم بدون شعور ومشى عند العيال وودعو بعض والكل مشى ،

'

البنات رجعو من المول وتجمعو بالصاله وكل وحده تشوف اغراضها آمال كانت جالسه تحط من المناكير الموفي ،

نجلاء : ..

البنات رجعو من المول وتجمعو بالصاله وكل وحده تشوف اغراضها آمال كانت جالسه تحط من المناكير الموفي ،

نجلاء لبست فستانها وهي تناظر بالمرايا : شرايكم؟

ريما كانت جالسه تلبس الكعب : حلو بس ليتك اخذتي كعب،

ام صقر كانت واقفه تلبس الفستان لملاذ وهي مبتسمه ،

آمال تركت المناكير وهي تناظر : نجوله ليه ما اخذتي الي ورتيني؟ كان لونه احلا من هاللون ،

نجلاء : ما حبيته كان كبير علي حسيت ومشت تغير ،

ريما بضحكه : فستانها زي وجهها بس نسلك لها عاد ،

فجاه انفتح الباب و دخل الجد عبدالعزيز وفهد ،

ريما ابتسمت ومشت تسلم عليهم وهمست : بابا جاء؟

فهد : اي يا بنتي واقف ينتظرك برا ، ريما مشت تتجهز ،

فهد جلس وهو يناظر للاغراض : ما شاء الله ما تركتو شي ،

ام نجلاء ابتسمت والتفتت له : هاه كيف كان المزرعه؟

فهد التفت لآمال : جدك غدر فيكِ يا بنتي ،

الجد فز والتفت لفهد : انا غدرت فيها؟

فهد : شيهان طار من المزرعه ماعاد فيه ،

الجد تذكر وسكت وناظر للارض بصمت ،

آمال بصدمه : كيف طار؟؟ لا يكون خليتوه يهرب؟

فهد : لا والله ما هربه الا جدك بيده ،

الجد : بنجيب غيره ،

آمال : فهمني يبه شسالفه وكيف طيره بيده؟

فهد : حفيد سُليمان اخذ الصقر للقصيم ،

آمال انصدمت وهي تناظر : جدي صدق؟؟؟

الجد : يا بنتي هو كان خاطره فيه ماقدر.. سكت وهو يشوفها صدت وقامت مشت لغرفتها تنهد والتفت لفهد : ليه علمتها؟

فهد : والله وصرت تغدر ببناتي عشان احفاد سُليمان ،

نجلاء التفتت لآمال الي دخلت والدموع بعيونها : بسم الله شصاير؟ آمال صدت وهي تمسك جوالها وتطقطق فيه ،

نجلاء : شصار لا يكون بابا عصب اننا رحنا المول؟

آمال صدت : لا مو صاير شي خليني بحالي ، نجلاء قامت نزلت لتحت باستغراب : شصار وليه قاعده فوق تبكي؟

فهد التفت للجد : عجبك الي سويته؟

الجد : ياولدي كنت امزح معه قلت ابيعه وطلع خاطره فيه ماقدرت ارده ، وبنجيب واحد ثاني لبنتك ،

نجلاء : ما شاء الله جدي احفاده صارو اهم مننا واضح ،

الجد بضحكه : لا يا بنتي وش هالكلام قولي لاختك تتجهز الصباح بنروح للمزرعه بعد صلاة الفجر الاجواء هناك حلوه ،

نجلاء هزت راسها ومشت ناظرت فيها : تجهزي بنروح للمزرعه

آمال صدت : خليه ياخذ احفاده للمزرعه ماني برايحه ،

نجلاء : هالله هالله ترا ناوي يجيب لك شيهان جديد ،

آمال : ماعاد ابي واحد جديد يا يجيبه لي نفسه يا لا يكلمني،

نجلاء بصدمه : تخيلي يروح يقول له رجع لي الصقر ؟

آمال : عادي وهو بعد ما يستحي يروح يشتري ليه ياخذ حقنا؟

'

عمر بضحكه : والله يا يمه ليتك ذقتي طبخ ابوي ،

سلطان : ما شفتيه وهو

عمر بضحكه : والله يا يمه ليتك ذقتي طبخ ابوي ،

سلطان : ما شفتيه وهو يقطع الدجاجه ،

ام صقر ابتسمت والتفتت لـ يوسف : طلعت طباخ ،

يوسف : افا عليكِ اذا تبيني اعلمك ماعندي مشكله ،

ام صقر : لا ما يحتاج تعلمني خلني انزل اشوف العيال ذولا الاثنين وينهم ومشت طلعت لبست عبايتها وطلعت من جناحهم ومشت لجناح العيال وهي تدور صقر وعبدالرحمن ،

التفت ناظر كان عبدالرحمن منسدح وصقر جالس جنبه ويدخن وساكتين ، استغربت ودخلت : شتسون هنا؟

عبدالرحمن فز والتفت لصقر : ولاشي نحاول ننام ،

ام صقر : ليه ما تنزلون تحت كلنا جالسين مع بعض ،

عبدالرحمن ناظر لصقر الي كان ساكت بصمت ويدخن وقام عدل جلسته : ولاشي بس جالس مع صقر نسولف ،

ام صقر جلست وهي تناظر : في شي تخبونه عني؟

عبدالرحمن : لا يا يمه شدعوه مافي شي ،

فجاه دخل الجد وهو يتعوذ من الشيطان : ما نمتوا؟

عبدالرحمن : لا ننام الحين كنا ننتظرك انت وعمر وسلطان ،

ام صقر وهي تقوم : يلا انا رايحه تحت وناموا انتم ومشت ،

صقر التفت للجد الي مشى سحب السجاده وهو يصلي الوتر،

عبدالرحمن ناظر فيه : تكفى كلمه وخلصنا ،

صقر رمى الدخان من الشباك ومسح على وجهه ومشى بهدوء وجلس على سرير الجد ، والجد قدامه يصلي ، بعد دقايق خلص وسلم والتفت لصقر وصد : عبدالرحمن في ناس غلطانين بالسرير الظاهر كلمه انه سريري ماهو سريره ،

صقر بهدوء وهو يناظر بالارض : اعرف سريرك بس اسف سامحني اذا شلت بقلبك عني او زعلتك ،

الجد وهو يصد : عبدالرحمن كلمه وقل له مو منتظر اعتذاره.

عبدالرحمن : يبه خلاص عاد هو عرف غلطته سامحه ،

الجد التفت لصقر : متاكد انك عرفت غلطتك ولا جاي عشان مصلحه ولا شي؟ ما اشوفك من قبل قد حسيت بغلطك وجيت تعتذر؟ اذا في شي قل اسمعك ما يحتاج تعتذر وتنازل عن كبرياءك هذا انت صقر ماعمرك اعتذرت من احد ،

صقر كان ساكت ويناظر بالارض : مافي شيء ،

قاطعهم عبدالرحمن : الا في يا صقر تكلم ،

الجد : اذا انت تعرف ف تكلم لا يكون مسوين شي من ورا ظهري؟

صقر تنهد وهو يقوم ويجلس جنبه بالارض : مو مسوين شي،

الجد انصدم منه : طب تكلم شصاير وانا ابوك؟

صقر بحزن : يبه ابي اطلبك شي اوعدني ما ترفضني؟

عبدالرحمن تنهد وهو يناظر فيهم بصمت ،

الجد بخوف : تكلم شصاير؟

صقر ناظر لعبدالرحمن وهو مافيه القوه يتكلم ،

عبدالرحمن تنهد بضيق من حالة اخوه ويعرف مايقدر يتكلم ولا عنده هالقوه وهمس : يبي يتزوج ،

الجد انصدم والتفت لعبدالرحمن و رجع ناظر لصقر ،

وكمل عبدالرحمن : من بنات فهد ،

الجد انصدم وهو يناظر لصقر وعبدالرحمن : شعرفكم ببناته!..

عبدالرحمن وهو يقوم ويمشي لعنده : يب..ماكمل كلامه الا والجد قرب من صقر وعطاه كف بكل قوته : تكلمممم ،

عبدالرحمن انصدم وناظر لصقر الي فز من قوة الكف ،

الجد بحده : كنتتت اشوفكككك وانت تشمشم جاكيت البنتتت حسبيي الله على. هالتربيه وقام شال السجاده و رماه على الارض ، صقر ما تحرك من مكانه وجلس ساكت بالارض،

عبدالرحمن ركض مسك جده : تكفى جدي اسمع منه!

الجد التفت لصقر الي كان ساكت ولا تحرك من مكانه فز قلبه من منظره وهو يشوفه ولا تكلم بحرف رغم انه ضربه ، و ضربته كانت قاسيه وهو حس بقوة يده لما رفعه صد وهو يجلس بهدوء ويصد وجهه عنهم ، بهاللحظه دخلو عمر وسلطان مصدومين وهم يناظرون ،

عبدالرحمن التفت لهم : اجلسو ولا تتكلمون ،

سلطان باستغراب : شصاير طيب ليه صقر كذا؟

عبدالرحمن : قلتلك اجلس هناك وناظر لعمر انت بعد ،

سلطان وعمر انسحبو ومشو جلسو على السرير بصمت ،

صقر : ادري انك فكرتني واحد خبيث يوم شفت حركاتي بالمزرعه بس جدي والله واحلف لك بربي اني ما تعمدت هي بنفسها وقت العزيمه جت قدامي كنت بالحديقه ادخن وهي جت قدامي وربي يا جدي اني ما اكذب هي الي جتني ،

سلطان فز وهو مصدوم ويناظر وعمر مو اقل منه ،

عبدالرحمن : وصقر الى الان ما تواصل معها ولا كلمها يا جدي والله ولا حتى كان ناوي يعلمك انا الي طلبت منه يعلمك ،

الجد بحده : انساها فاهم!! صقر انصدم وهو يناظر ،

عبدالرحمن مشى جلس : جدي وشفيه طيب اذا رحت وطلبت يد بنتهم له؟ كذا ولا كذا الاثنين مردهم يتزوجون ف ليه توافق انه يتزوج مع وحده بخاطره؟ وش الي بيغير يا جدي؟ مو انت تقول اننا حنا الاربعه اهم شي بحياتك؟ ليه تكسر بخاطر واحد مننا؟ قسم بالله يا جدي ان كسرت خاطر صقر ف معناته كسرت خاطرنا كلنا ، طالع بعيونه وشفت الامل الي بعيونه وهو جاي لعندك لا تخيب هقوته يا جدي لا تخيب ظنه فيك ،

الجد سكت وهو يناظر بصمت : كلمتو امكم!

عبدالرحمن هز راسه بالنفي : لا جينا نشوف اذا انت موافق ولا لا لانه رضاك اهم شي عندنا واعرف امي وابوي هُم بعد يمشون على رايك و رضاك ،

الجد : اي وحده تتكلمون عنها امكم قالت ما لقت عندهم بنت مناسبه لكم اخر وحده فيهم صغيره واتوقع الكبيره مخطوبه والثالثه مريضه لا تشوف ولا تتكلم شتسوي فيها؟

صقر فز وقف وهو يناظر لعبدالرحمن الي انصدم وناظر لصقر وهمس : ما تشوف! ولا تتكلم!!

الجد تنهد : اي ما تشوف ولا تتكلم خلقه من ربكم ،

صقر كان واقف مصدوم ويحس رجوله مو شايله من الصدمه ،

'

آمال سحبت الشال من الكنب وحطتها على كتفها تدفي نفسها ومشت اخذت كوب الشاي ونزلت لتحت

آمال سحبت الشال من الكنب وحطتها على كتفها تدفي نفسها ومشت اخذت كوب الشاي ونزلت لتحت لبرا الحديقه مشت وجلست بهدوء عند الباب وهي تناظر للسماء ،

ابوها فهد كان طالع يتوضى لصلاة الفجر وقف وهو يشوفها وعرف انها متضايقه مشى جلس جنبها بصمت ،

آمال عرفت انه ابوها وصدت وهي تناظر بالارض ،

فهد : زعلانه من جدك؟

آمال : مو زعلانه ولو هو همه زعلي ماكان باع خاطري لاجل احفاد صاحبه ،

فهد تنهد : شيسوي طيب ماكان بيده ؟

آمال : حتى ولو يا يبه هو يدري اني احبه و اروح المزرعه بس عشان اشوفه وقد طلبت منه اجيبه للبيت و رفض ،

فهد سمع صوت الصلاة بدا تنهد وهو يقوم : طيب خليني اصلي وارجع ونتفاهم ، بهاللحظه الجد بعد طلع واستغرب وهو يناظر : ليه جالسه هنا؟ قومي تجهزي بنمشي ،

آمال قامت وناظرت لابوها الي اشر لها بمعنى لا تقولين شي وسكتت ومشت لداخل ، طبع فهد يكره اذا شاف بناته يطولون لسانهم او يردون بوجه جدهم ما يحب هالحركه ،

طلعو توجهو للمسجد ،

'

ام نجلاء قامت من النوم ومشت توضت وصلت ونزلت لتحت مشت لغرفة البنات وهي تناظر آمال ترتب الاغراض بالشنطه

ونجلاء جالسه تاكل لملاذ الاكل ابتسمت : يلا اخلصوا ،

نجلاء : يمه تعالي كلي معانا ،

ام نجلاء : لا يا بنتي شبعانه والله كلو انتم بالعافيه ومشت ،

نجلاء ناظرت لملاذ : خلاص شبعتي؟ ملاذ هزت راسها بايه،

آمال مشت جلست وهي تاكل بعد دقايق خلصت ،

نجلاء : ما تكلمين جدي؟ آمال صدت وهي ساكته ،

دخل فهد كان توه راجع من المسجد : هاه ي اميراتي خلصتو؟

والتفت لملاذ وابتسم : هاه يا ملاذ مبسوطه للمزرعه؟

ملاذ هزت راسها بـ اي وابتسمت ، فهد ضحك ومشى جلس جنب ملاذ وهو يمسح على شعرها ،

البنات تجهزو وخلصو ، فهد قام والجد كان بالمسجد يقرا القران بعد دقايق خلص وطلع وهو يشوف فهد يحط الاغراض بالسياره وابتسم ومشى ركب ،

عبدالرحمن نزل وهو يشوف صقر واقف تحت ويدخن ركض لعنده وهو يناظر ويحط يده على قلبه : وجعك ؟

صقر صد وهو يحاول يجمع نفسه : ليه ما حسيت بهالشيء يا عبدالرحمن! كنت متوقع نظراتها لي وتطالع فيني طلعت تشوف السواد ما تشوف صقر الي وقفها بيدينه ،

عبدالرحمن تنهد وهو يمسح على كتفه : عوافي ،

صقر دف يده عنه وصد ونزل راسه ناظر بالارض ،

عبدالرحمن تنهد وهو يناظر له فجاه نزل لهم سلطان وبيده مويا عبدالرحمن اخذ منه المويا وهمس : صقر ،

صقر ما رد كان ساكت ومنزل راسه ويحس بشعور غريب مو قادر يستوعب هالصدمه اول ما نزل راسه كان لابس نفس الثوب وشم ريحة عطرها رفع راسه والدموع تتجمع بعيونه، هو ما يدري ليه لهدرجه طاح بحُبها بيوم وليله مو فاهم نفسه ما يدري ليه تعلق فيها هالكثر نظره وحده تسوي كذا!

سلطان مشى وهو يمسكه من ذراعه : صقر شفيك؟

عبدالرحمن مد له المويا : اشرب شوي وتمالك ،

صقر هز راسه بالنفي : روحو انتم ابي اكون لوحدي ،

عبدالرحمن : خذ اشرب ومحنا رايحين لمكان ،

سلطان : اشرب يا صقر ولو شوي يلا ، صقر اخذ المويا من عبدالرحمن وشرب و رجعه له وصد عنهم وهو يناظر للشارع.

سلطان ناظر لعبدالرحمن الي كان مصدوم من اخوه ولعن نفسه الف مره لانه طلب منه يعلم جدهم تنهد وهو يناظر فيه ، سلطان التفت للجد الي كان راجع من المسجد وطالع فيهم ومشى لعندهم : شتسون هنا ليه ما جيتو المسجد؟

عبدالرحمن : نصلي في البيت ، الجد رفع نظره لصقر الي كان ساكت وواقف وهمس : الحقوني فوق يلا بسرعه ، ومشى عبدالرحمن ناظر لصقر : تعال يلا ، ولحقوا الجد وطلعو للفندق متوجهين لـ جناحهم ودخلو لداخل ، سلطان وعبدالرحمن توجهو للحمام ( يكرم القارى) صقر دخل وجلس على السرير بهدوء وهو يناظر بالارض ، الجد كان جالس والتفت وهو يناظر لصقر ندم انه رفع يده عليه للمره الثانيه قام ومشى بهدوء وجلس جنبه : عورتك يا ابوك؟

صقر هز راسه بالنفي وهو ساكت ، الجد مد يده وهو يمسح على ظهره : اسف ياولدي اسف اذا عورتك وقسيت معك والله انكم صدمتوني انت واخوك وانتم تقولون بنات فهد طيحتو قلبي وانا مستعد اروح اطلب يد بنتهم بس انت ما قلت لي من؟ منهي تعرف اسمها او شي علمني؟

صقر بهدوء : احتاج وقت افكر فيه يا يبه ،

عبدالرحمن قاطعه : بس خلي جدي يعرف مين الي ودك فيه والتفت للجد يبي نفس البنت الي تقولون عنها ما تشوف ولا تتكلم وهي اللي صقر شافها لكن هي ما شافته ، الجد انصدم والتفت لصقر : بس هي ما تشوف ولا تتكلم!

صقر : ما يهمني يا يبه بس خاطري فيها ابيها يا جدي ،

الجد سكت بهدوء : ..

الجد سكت بهدوء وهمس : قم صلي وانا ابوك قم ،

صقر تنهد وقام يتوضى ، سلطان كان واقف يصلي ،

عمر كان راجع من المسجد توه وانسدح على السرير.

عبدالرحمن : يبه اكيد في علاج لها اي شي بس تكفى لا تكسر بخاطر صقر لاول مره اشوفه بهالعذاب بحياتي كله ما شفت صقر كذا ، معرف ايش هالنار الي ابتلا فيه ووصل لهالمرحله.

عمر بهدوء : انا كنت شاك انه فيه شي مو على بعضه ،

الجد : طيب اسمعوني انتم الثلاث انا بكره اروح لهم واكلمهم واشوف ردهم بس لا تعلمون امكم وابوكم بشيء!!

عبدالرحمن باستغراب : ليه ؟

الجد : بدون ليه سوو زي ما قلتلكم وبس ، وقام مشى انسدح ينام وهو يناظر للعيال ، سلطان خلص من الصلاه ، عبدالرحمن مشى يصلي بعده ، صقر دخل وسحب السجاده وهو يصلي بعد دقايق خلص والكل انسدح يستعدون للنوم،

عمر قام يطفي الضوء وناموا الا صقر الي من يومين ما يذوق لذة النوم كان يحاول ينام لكن عيا يجيه من النوم بس يتذكر لما مسك يدينها وهو يوقفها من الارض ،

'

= وصلو المزرعه ونزلو كلهم دخلو المزرعه =

ام نجلاء ابتسمت وهي تشوف الاجواء وصوت العصافير والدنيا برد : ياحلو هالاصوات ،

الجد : يلا اجلسو شوي راح يشرق الشمس وندخل ننام ،

نجلاء : اوف بس برد ضمت نفسها بيدينها ،

آمال صدت ومشت جلست على الكرسي بهدوء ،

الجد ناظر لفهد : عشان شيهان زعلانه؟

فهد : انت تدري يا يبه كانت تحبه وعطيته له ،

الجد مشى وهو يجلس جنبها : سمعت انك زعلانه من جدك؟

آمال : لا وليه ازعل اذا انت ما همك رضاي ،

الجد ابتسم : يهمني مين قال ما يهمني؟

آمال : لو يهمك ف رجع شيهان للمزرعه ،

الجد ضحك وهو يطلع جواله من جيبه و مده لها : طلعي لي رقم عبدالرحمن ، آمال استغربت وناظرت فيه : من ذا؟

الجد : طلعيه لي و راح تعرفين منهو ،

آمال بفشله : لا يكون نفسه الي اخذ شيهان! لا خلاص مابيه مابيك تتفشل وتطلب منه يرجعه ،

الجد بضحكه : لا ماراح اطلب منه يرجعه طلعي لي رقمه بس،

آمال تنهدت وهي تدور رقمه ولقته : خذ ،

الجد اخذ وهو يضغط على الرقم ويتصل ،

'

عبدالرحمن كان نايم وصقر نايم جنبه والسرير الي جنبهم عمر وسلطان نايمين ، الجد نايم بعيد عنهم ،

صقر تحرك بانزعاج من صوت جوال عبدالرحمن اخذه وقفله ،

'

الجد عبدالعزيز استغرب انه ما رد والتفت لآمال : نايم يمكن،

آمال : وانت ليه تتصل عليه ما علمتني؟

الجد : قلت يرسل صورته تشوفين انه بخير وهو معه ،

آمال ابتسمت وهي تقوم : شرق الشمس يلا ندخل ودخلوا لداخل والبنات دخلو لغرفتهم ، والجد انسدح بالصاله ،

ام نجلاء مدت له اللحاف والمخده ،

فهد كان بغرفته يطقطق على جواله و..

فهد كان بغرفته يطقطق على جواله و دخلت ام نجلاء ،

فهد : هاه البنات ناموا؟

ام نجلاء : وين بينامون بعد شوي تلقاهم برا في المزرعه ،

فهد : تعالي هنا عندي ابي اكلمك بموضوع ،

ام نجلاء استغربت ومشت جلست : ايش الموضوع؟

فهد بهدوء : تدرين لاول مره بحياتي احس بالوحده رغم ثلاث بنات حولي لاول مره اتمنى لو عندي ولد ،

ام نجلاء تنهدت وهي تناظر فيه : ليه تفكر كذا؟ وليه تحس بوحده وانا وبناتك وابوك كلنا معك؟

فهد : لما اشوف احفاد سُليمان وكيف انهم سند لابوهم ومعاهم بكل مكان ف اتمنى لو انا بعد عندي ولد ،

ام نجلاء بهمس : وش افهم من كلامك ودك اني أحمل بهالعمر! تكفى فهد لا تفكر كثير ولا تتمنى شي ما يصير ،

فهد : ليه ما يصير! وشفيه عمرك ليه ما تحملين بهالعمر!

ام نجلاء بصدمه : فهد بناتنا صارو كبار والحين وقتهم هُم الي نفكر بحياتهم ومستقبلهم و زواجهم مو وقتنا نربي اطفال ،

فهد وهو يصد : طيب براحتك ماراح اجبرك ،

ام نجلاء مد يدها وهي تمسك يدينه : لا تزعل مني بس صدقني ماعندي هالقوه والطاقه اني اتعب تعب الولاده وتربية اطفال واخاف اذا حملت وبرضوا كانت بنت؟

فهد : خلينا من هالموضوع ما قلتي لي ملاذ تعبانه؟

ام نجلاء : اي فيها سخونه والحين صارت احسن من امس،

فهد : الله يشفيها و ان شاء الله تتحسن تعالي نامي ارتاحي،

'

نجلاء : بنتتت آمال قومي نطلع برا مافيني نوم ،

آمال : اخاف بابا يشوفنا ويعصب خصوصًا برا شمس ،

نجلاء : لا اتوقع نايمين محد يحس قومي ،

آمال التفتت لملاذ : واذا ملاذ قامت وما لقتني؟

نجلاء : حطي جوالك هنا وانا اتصل وخليها على الخط اذا سمعنا صوت شي معناتها قامت وسوو هالحركه وطلعو ،

آمال : شمس بس برضوا برد هالله اهخ ناقصنا شاي ،

نجلاء : امشي نشوف الخيول ودي اركب ،

آمال : يلا يلا ومشو متوجهين عند الخيول ووقفو آمال التفتت وهي تشوف شيهان مو موجود كالعاده مكانه عند الخيول القفص يكون موجود عند الخيول جنب الاسطبل ،

نجلاء باستغراب : ليه فروة جدي هنا؟

آمال : يمكن نساه هنا عطيني البسه ميته برد ،

نجلاء مدته لها وهمست : مشعل امس كان هنا ريما تقول ،

آمال : اييي صح امس كل العيال كانو هنا وت..ماكملت كلامها وهي ترمي الفروه : يع ريحته دخان جدي ما يدخن مين لبسه!

نجلاء : اكيد احد من العيال ومشعل اخذ جاكيتي،

آمال : وانا اقول ليه المزرعه كذا وسخ وبعدين وش هالحُب اخذ جاكيتك واضح يبيكِ تموتين من البرد سيبيه ،

نجلاء : على اساس مابي اسيبه اهلي الي حطوه برقبتي ،

آمال : بس هو يحبك ترا ،

نجلاء : من شفت قصة شعره غسلت يدي ،

آمال بضحكه : صحيح كانه عايش في عام ٢٠١٤ بس كيوت ،

نجلاء : تدرين امه بتجي هنا؟ و ريما بعد ،

آمال : اما مدري ماما ما كلمتني ،

نجلاء كانت حاطه سماعات وفزت : ملاذ قامت شكلها سمعت صوت قوي قامت تركض وآمال ركضت تلحقها دخلو وهم يشوفون ملاذ واقفه والكاسه طايحه على الارض ،

نجلاء فزت و ركضت لها : ملاذذ شفيكِ؟؟

آمال : تبين مويا؟ ملاذ هزت راسها بـ اي ،

نجلاء مدت لها مويا والتفتت لآمال : خلاص انقلعي ننام ،

'

_________

= صباح يوم جديد على ابطالنا =

'

ام نجلاء كانت بالمطبخ تطبخ وطلعت لغرفة البنات وشغلت الضوء وهمست : يلا قومو وتعالو ساعدوني مافي شغاله هنا،

نجلاء فزت وقامت ناظرت للساعه : يمه متى صار ١١؟

ام نجلاء : هذا انتم نايمين ولا حسيتو بالوقت يلا قومي خواتك ، ومشت للمطبخ تكمل تطبخ ، فهد والجد عبدالعزيز كانو في المزرعه يتطمنون على الخيول وقف الجد واخذ جواله وهو يناظر للاسم كان الجد سُليمان و رد : هلا هلا بالغالين ،

الجد سُليمان ابتسم : كيفك شالاخبار ؟

الجد عبدالعزيز : والله بخير اخبارك انت والعيال؟

الجد سُليمان : والله كلهم بخير لكن انا مانيب بخير و بخاطري طلب منك ، وينك فيه انت؟

الجد عبدالعزيز باستغراب : انا بالمزرعه قل وش الطلب؟

الجد سُليمان : مقدر اقولك بهالطريقه لازم اشوفك ونجلس متى بتجي للبيت عشان اجيك ؟

الجد عبدالعزيز : تعال المزرعه نجلس بهالاجواء ونتكلم ،

الجد سُليمان ابتسم : تمام اشوف و ارد لك وقفل منه ،

فهد باستغراب : شسالفه ؟

الجد عبدالعزيز رفع كتوفه : معرف والله يقول جاي يبي يكلمني بموضوع مدري ايش عنده ،

'

سلطان : اقولك مصعب ترك القضيه فوق راسي لازم اروح ،

عبدالرحمن بحده : وش الي بتروح انتظر نروح كلنا مره وحده،

سلطان : سالفة صقر مطول اكيد وانا مافيني اجلس هالكثر،

عبدالرحمن صد : بكيفك اجل ماني غاصبك وصد جلس ،

عمر : يخي خله يروح شغله اهم من صقر ،

سلطان : لا والله ماهو اهم من صقر بس هالقضيه مصعب طلبه مني وهو متورط مع زوجته حامل ،

عبدالرحمن : كلمت ابوي انك بترجع ؟

سلطان هز راسه بالنفي : لا راح اكلمه بعد شوي ،

فجاه دخل الجد وهمس : وين اخوكم صقر ؟

عبدالرحمن : تحت في جناح ابوي اتوقع ،

الجد : طب يلا قم انت تعال الحقني ونزل لتحت ، عبدالرحمن استغرب ومشى نزل لحقه ،

'

آمال : مو امس كانو هنا؟ ف ليه بيجون اليوم بعد؟

الجد : يقول انه جاي عشان موضوع ،

فهد : وينه ابو مشعل تاخر ما جاء ،

ام نجلاء : انا خلني اقوم اشوف المجلس وانظفه ،

والتفتت لملاذ كانت واقفه وواضح بردانه...

والتفتت لملاذ كانت واقفه وواضح بردانه وهمست : اروح اجيب جاكيتها ومشت للمجلس وهي تدور جاكيتها الاصفر لقته فوق الكنب اخذته ومدت لها : خذي البسيها ،

ملاذ اخذته منها قربت ام نجلاء تلبسها ، ملاذ شمت ريحة دخان وسحبت الجاكيت و رمتها وهي تهز راسها بالنفي ،

ام نجلاء باستغراب : شصاير فيكِ شيء؟

آمال التفتت وهي تناظر : شفيها ملاذ؟

ملاذ اشرت للجاكيت بمعنى فيه ريحه ،

آمال : اييي امس العيال لبسو جاكيتنا كله ريحة دخان وعع ،

ام نجلاء بصدمه : صدقق؟ وناظرت لفهد ،

فهد : اي شنسوي ماكان معاهم شي و بردانين ،

فجاه وقف سيارة ابو مشعل ونزل و ريما وام مشعل نزلو وتوجهو دخلو المزرعه ، ابو مشعل ومشعل توجهو لمجلس الرجال ، و ريما و ام مشعل دخلو عند البنات يسلمون عليهم.

ام نجلاء ابتسمت : كيفك زين جيتي اشتقنا لك والله ،

نجلاء كانت تتصنع الابتسامه وتناظر لـ ام مشعل بصمت ،

ام مشعل ابتسمت و التفتت لها : والله وانا اشتقت لكم واشتقت لنجلاء زوجة ولدي كيفك يا بنتي؟

نجلاء ناظرت وهي تتصنع : بخير الحمدلله انتي كيفك؟

'

مشعل دخل وهو يصب لهم القهوة ،

الجد عبدالعزيز : والله معرف فال انه بالطريق جاي ،

فهد : يالله عسى خير ان شاء الله ،

ابو مشعل : ان شاء الله خير ويوصل بسلامه ،

مشعل مشى وهو يجلس : جدي ما كلمك بالجوال ليه جاي؟

الجد هز راسه بالنفي : قال ما يصلح اقولك بالجوال ،

فهد : يا مشعل ولدي روح شف و دخلهم هنا اذا وصلو برا في بنات لا يدخلون عندهم بالغلط ، مشعل ابتسم وطلع ومشى وهو يلتفت يمين يسار يتمنى لو يلمح نجلاء او حتى لو يلمح ظلها ، لكن للاسف ماكانت موجوده ،

'

نجلاء مشت للمطبخ تسوي القهوه لحقتها ريما ،

نجلاء التفتت لها : لا تحاولين معييي اتقبل كل شيء ،

ريما : ما احاول بس جيت اوصلك شي من مشعل ،

نجلاء : تكفين يا ريما فكيني مابي منه شيء ،

ريما : بكيفك بس هو طلب وجيت اوصل لك ومدت له جاكيت مشعل : اخذ حقك امس من هنا و جاب لك حقه ،

نجلاء : وليه ما جاب حقي؟

ريما بضحكه : جالس في المجلس روحي اسالي منه ،

آمال التفتت لهم : نجلاء يا جاهله ماتعرفين بالحُب شيء ،

نجلاء : وين الحب بالموضوع سرق جاكيتي وجاب حقه!

آمال قربت وهي تاخذه من ريما و رمته على بحضن نجلاء وهمست : خذي لا تموتين علينا من البرد وضحكت ومشت ريما لحقتها ودخلو عند الحريم للمجلس ،

نجلاء مسكت جاكيته وهي تناظر ومشت للغرفه تحطه على السرير فزت من شافت طاح شي من الجاكيت اخذته وهي تشوف علبه صغيره فتحته وهي تناظر كان اسواره وبداخله رساله جلست وهي تقرا الرساله كان عباره عن " احبك "

رساله جلست وهي تقرا الرساله كان عباره عن " احبك "

رجف قلبها لاول مره وهي تناظر للرساله وللجاكيت صدت وهي تحطهم على السرير وطلعت للمطبخ تسوي القهوة،

'

ملاذ كانت واقفه بالمزرعه عند الخيول تنتظر نجلاء وهي ماتدري وينها هي بالضبط! بس تدري نجلاء قالت لها اوقفي هنا اسلم على عمتي واجيكِ ، كانت واقفه بهدوء ،

بهاللحظه سمعت صوت عيال ، مشعل كان يرحب ب عبدالرحمن وصقر والجد سُليمان وصلوا ،

ملاذ استوطن قلبها الخوف وهي تحسب نفسها مو بالامان رغم انهم بعيد عنها الا انها اصواتهم عاليه قامت وهي تمشي وما تشوف شي قدامها مدت يدها وهي خايفه تطيح ، طلعت من عند الخيول وهي تمشيء بهدوء وخوف ،

الجد سُليمان دخل للمجلس مشعل وعبدالرحمن لحقوه ،

الا صقر الي راح يجيب جواله من السياره رجع يقفل الباب لكن تجمد بمكانه وهو يشوف نفس البنت شعرها الاسود وفستانها هالمره ابيض حس رجوله مو قادر يشيله من قوة الصدمه انه صادفها للمره الثانيه هالمره مايدري يتركها لوحدها ويمشي او يساعدها لانه عرف انها ما تشوف ، فز وهو يسمع صوت بنت تصارخ باسم : ملاذذذذ ، فتح الباب وطلع لبرا بسرعه وحط يده على قلبه الي شوي وبيطلع من مكانه خصوصًا انه هالمره سمع اسمها بعد وشافها وتاملها !

نجلاء مشت عند ملاذ : ما قلتلك خليكِ هناك ! لا سمح الله لو طحتي ماما كان ذبحتني مسكت يدها واخذتها لداخل ،

صقر فتح الباب ودخل وعرف انهم راحوا وتوجه للمجلس دخل ووجه معرق ونبضات قلبه مو منتظم مشى جلس جنب عبدالرحمن ، مشعل صب له القهوة مد يده ياخذ القهوة ويده يرجف ، عبدالرحمن لاحظ عليه وهمس : صقر فيك شيء؟

صقر هز راسه بالنفي ، عبدالرحمن ناظر لصدره الي كان يهبط وينزل من كثر ماهو متعرق ومصدوم ، عرف انه فيه شي ، صد وهو يناظر لجده ينتظره يفاتحهم بالموضوع ،

الجد سُليمان بضحكه : والله لازم تجونا القصيم لازم ،

فهد : ان شاء الله عمي ابشر راح نزورك ،

الجد سُليمان تنهد وشبك يدينه : مالكم بالطويل وادري تنتظروني اتكلم ليه جيتكم هنا ، الكل سكتوا وهم يناظرون ،

ألجد عبدالعزيز ترك الفنجان من يده : تفضل ،

الجد سُليمان : انا جاي هنا عشان اطلب يد حفيدتك لولدي صقر ، الكل سكتوا وعم الهدوء بالمجلس وهم يناظرون ،

وكمل الجد سُليمان : نبي بنتكم الكبيره الي قلتلي عنها مريضه اطلب يدها لحفيدي صقر ،

فهد فز من مكانه وهو مصدوم والتفت لابوه ينتظر يتكلم ،

الجد عبدالعزيز صدمته ماكان اقل من صدمة فهد ،

ابو مشعل ناظر لفهد ويدري ماله حق ياخذ قرار عن ملاذ لانها ماهي بنته اصلًا الجد الي له الحق ياخذ هالقرار ،

الجد سكت و ..

الجد سكت و رفع راسه لفهد الي صد وطلع بصمت ،

الجد سُليمان : اعرف اني صدمتكم بس والله اوعدكم بنتكم تكون بالامان عندنا لا تخافون عليها ،

الجد عبدالعزيز : شف يا سُليمان انت صديقي واعتبرك اخوي واكثر بس هالقرار مو بيدي ولا بيد فهد بيد حفيدتي وانا اصارحك اليوم هي ماهي بنت فهد ،

صقر انصدم وناظر للجد عبدالرحمن فز بصدمه ،

الجد سُليمان باستغراب : كيف يعني ماهي بنته؟

الجد وهو يقوم : عطني شوي من الوقت واجيك وطلع وهو يدور فهد ناظر فيه كان واقف وشابك يدينه ورا ظهره مشى لعنده وهمس : هذا الي اخوك علمك ياه بهالمواقف تصد وتترك البنت ؟ هذا نهايتها يا فهد دم اخوك هييي!!

فهد بهدوء : بس قرار حياتها طول عمرك انت تاخذه بهالموقف لو انا تكلمت صدقني يا يبه راح ارفض بوجههم بكلمه وحده واعرف ماراح يعجبك ف طلعت وتركتك ،

الجد تنهد وهمس : اخوك وزوجته لما ماتو بالحادث تتذكر هالبنت كيف كانت صغيره وترفسك برجولها على صدرك ؟ ولا نسيت يا فهد هالمره هي بعد ترفسك بيدينها انك تفكر بمستقبلها وهُم عارفين حالتها وبرضوا جاين عشانها ،

فهد بحده : عشان اوافق واعطيهم دم اخوي وبكره يتركونها بين يدين الشغاله تهتم لها صح!! يبه دم اخوي ماهي رخيصه ولا انا واحد رخيص اعطي بنتي وهي حالتها كذا! انا و لطيفه نهتم فيها طول عمرنا و راح نهتم لها لين اخر يوم بحياتنا ، ما اذكر قد تركناها للشغالات يهتمون فيها ، واذا وافقت هنا ف انا ما اووافق على رجال اوافق على واحد يتركها بيدين الشغاله و يهج لدوامه واخوياهه انا مانيييي موافق وعطيتك كلمتي،

'

ام صقر : وين راح جدك للحين ما جاء !

عمر بكذب : قال انه رايح يجيب عشاء اكيد الطريق زحمه،

يوسف تنهد : سنه عشان يجيبون العشاء!

سلطان دخل ومشى جلس : شسالفه ؟

يوسف : جدك واخوانك مدري وين راحو ياولدي ولا قالو لي ،

عمر : يبه تدري سلطان بيرجع القصيم؟

ام صقر بصدمه : ليه يرجع الحين؟

يوسف باستغراب : صدق يا يبه؟

سلطان : يبه في قضيه برقبتي لازم اروح مصعب مايقدر يمسكه عني هو بنفسه متورط مع زوجته ،

ام صقر : اجل كلنا بنمشي مره وحده خلاص طفشت انا ،

يوسف : اي والله هالفندق طفشنا خلاص بنمشي مره وحده ،

'

الجد عبدالعزيز: ماهي بنت فهد هي بنت خالد الله يرحمه لما صار له حادث كانت زوجته حامل ومعه بالسياره وللاسف ولدت وماقدرو ينقذونها و راحو لربهم وتركو لنا دمهم ،

الجد سُليمان سكت وهو يناظر لصقر الي مصدوم ،

فهد : ...

الجد سُليمان سكت وهو يناظر لصقر الي مصدوم ،

فهد : ومن وقته انا صرت لها الابو والعم وكل شيء اعذروني بس انا مو موافق يا عمي على العين والراس حفيدك صقر و رجال ونعم فيه لكن ماله نصيب مع بنتنا الله يكتب له كل خير ويوفقه ويرزقه بالافضل ،

الجد سُليمان ابتسم بانكسار وهو يهز راسه بهدوء ،

'

نجلاء كانت جالسه بغرفتها وهي تحس بالبرد التفتت لجاكيت مشعل على السرير ومشت اخذته بقهر وهي تلبسه وناظرت لرسالته والاسواره اخذتهم وهي تحطهم بجيب الجاكيت ،

فجاه دخلت آمال وهي تضحك : اخيرًا القلب صار يميل للحبيب ايش صار علمينا لا يكون صادفتيه!

نجلاء وهي تصد : وخري عني مافي شي بس بردانه ،

آمال بضحكه : جيت اقولك تعالي عمتي تناديكِ ،

نجلاء : يخي مابي اشوف كلشوي تجيب طاري مشعل وكانه مافي رجال غير ولدها بالحياة ،

آمال : والله انك غبيه لو مكانك انبسط ،

نجلاء : ايش الي يخليكِ تنبسطين بالله؟ اروح اعيش مع واحد ما يفهم شي وكل شغله بالبر مع النياق؟ لا ويقول لاخته بعد اشتري نياق واسميه على نجلاء! حمار هذا مو انسان ،

آمال بضحكه : تكفيننن نجلاء ،

نجلاء دفته بقهر : ابعدي عني ،

'

ام مشعل ابتسمت : اي انا بعد اقول لمشعل يدور وظيفه هنا،

ام نجلاء : ان شاء الله بعد الزواج يستقر هنا ،

ام مشعل ابتسمت : ان شاء الله على خير ننتظر بس بنتك توافق ونحدد موعد العرس حنا بانتظار ردكم ،

ام نجلاء : ان شاء الله لكن الحين هي مو موافقه،

ام مشعل : مو مشكله ننتظر حنا الا صح ما علمتيني ايش فكرتي لحياة آمال ؟

ام نجلاء : باقي صغيره ما افكر بشيء كل همي نجلاء الحين ،

ام مشل : على خير ان شاء الله ،

'

صقر كان جالس ومنزل راسه ومصدوم مافي شي يوصف دمته بهالوقت عبدالرحمن مد يده يطبطب على كتفه ،

الجد سُليمان قام وقف : اعذروني امشي انا ،

الجد عبدالعزيز : لا تزعل مني وانا اخوك والله مو بيدي ،

الجد سُليمان ابتسم : لا لا مافي زعل ولاشي بنتكم والقرار لكم بالنهايه والله يكتب الي فيه الخير لعيالنا ولعيالكم ،

الجد عبدالعزيز : امين يارب الله يسمع منك ،

الجد سُليمان : يلا انا بمشي يوسف قاعد يتصل كلشوي ،

صقر تنهد وقام وقف وهو يحس رجوله مو شايلته بالقوه قدر يوقف ومنزل راسه بصمت ، فهد ناظر فيه وصد يودعهم،

الجد سُليمان : هاه سمعت منهم الجواب وارتحت؟

صقر بهدوء : ابيها بكل حالاتها يا جدي بنته ولا بنت مين انا ابيهاا تكفى جدي حاول معاهم ابي اعرف سبب الرفض!

عبدالرحمن : ما اتوقع يوافقون يا صقر الموضوع صعب ماهو على كيفي ولا على كيفك هُم قالو البنت برقبتهم امانه ،

صقر : والله اني ماراح أذيها واحطها بعيونييي!

عبدالرحمن : ندري يا صقر محد قال انك راح تاذيها بس مالها نصيب معك ولا لك نصيب بقلبها انساها و ربي يعوضك ،

الجد سُليمان : انا سويت الي طلبته مني ياولدي بس مو بيدي مقدر اجبرهم على شيء ،

صقر : هي اول احلامي وهي اخر مناي يا جدي غيرها مابي صد وهو يولع الدخان ويفتح شباك السياره ،

الجد تنهد وهو يهمس : الله يكون بعونك ياولدي ،

'

= كانو متجمعين جالسين في المجلس =

'

ام نجلاء بصدمه : جاين عشان ملاذ!!

نجلاء : يبه كيف يطلبونها لولدهم وهم عارفين بحالتها؟

الجد عبدالعزيز : معرف ليه بالضبط طلب ملاذ وهم عارفين حالتها ليه مو آمال؟

آمال فزت بصدمه : انا مستحيل اوافق حتى لو طلبو ،

الجد ناظر فيها : ليه ناويه تجلسين هنا طول حياتك؟

آمال بسخريه : لا طبعًا كنت متوقعه هالشيء امس عطيت لحفيدهم شيهان اكثر شي احبه ماراح استغرب لو بكره بتعطيني لواحد منهم صدت ومشت والدموع بعيونها ،

فهد بصراخ : آمالللل ، لكن ما ردت ومشت بقهر ،

نجلاء بهدوء : بروح اشوف ملاذ يمكن قامت ومشت طلعت،

ام نجلاء : انا مستغربه ليه سوو كذا؟

فهد : مهما كان السبب مستحيل اوافق ملاذ تروح بيدين احد.

الجد عبدالعزيز : بس من حقها تتزوج وتعيش مع زوجها مهما كان حالتها دام نصيبها جاء ليه نوقف نصيبها ونجلسها عانسه؟ انا ماراح اجبرك هي بنتك وانت ادرى وقام طلع ،

فهد سكت وصد بهدوء وهو يناظر بالارض ،

ام نجلاء ناظرت فيه : لا تفكر كثير ولا تشيل بقلبك انا اعرف قرارك صح وملاذ امانه برقبتنا ما نقدر نتركها بهالطريقه و رضاها اهم واذا تفكر في كلام ابوك ف اسال من ملاذ اذا هي موافقه ولا لا علمها وفهمها كل شيء ،

فهد التفت لها : يا لطيفه ملاذ عمرها ما شافت الزواج ولا تعرف شي ولا تدري كيف تصير زواجها مع واحد ياخذها ، ملاذ زي الطفل تبكي اذا طاحت ولا خست بخوف او سمعت صوت شخص غريب فما بالك اذا رميتها لواحد بيوم وليله كذا! ملاذ ماهي زي نجلاء او آمال او زي باقي البنات طول عمرها ما تشوف غير السواد وحناننا وحُبنا كيف اعلمها معنى الزواج كيف اعلمها اني اعطيكِ لواحد يتركك بين الخدم اذا راح الدوام! واذا هو يقول انه ماراح يتركها اجل ياخذها معه للدوام؟ يخي انا رجال واعرف طبع الرجال

نجلاء : وش هالكلام الي قلتيهاا ماكان له داعي!

آمال : ليه يا نجلاء تبيني اسكت زيك! تبيني اضحي بحياتي عشان رضاهم! يرموني لاي واحد راح اوافق واسكت زيك؟ واقول عشان اهلي وافقت وماراح احس بحُب الانسان الي بيصير زوجي ولا بيكون له ذرة مكان بقلبي! زي ما انتي تكرهين مشعل ولا تحبينه وضحيتي بنفسك وحياتك عشان جدي! اذا انتي كذا همك الاهل فانا مو زيك انا همني حياتي يا نجلاء واليوم الي قلته قليل صدقيني لو تكلمت ماراح اسكت ،

نجلاء ناظرت فيها وصدت : لا تقارنين نفسك فيني او بحياتي انا اعترف اني وافقت على مشعل عشان جدي وابوي بس برضوا احبه و راضيه فيه قاطعتها آمال وهي تضحك بسخريه وهمست : والله تحبينه؟ تكفين يا نجلاء تكذبين على نفسك ولا علي انا! اي حُب تتكلمين عنه وانتم اربع وعشرين ساعه تتكلمين عن عيوبه وعن كل الي فيه وتذلينه بعد ،

نجلاء انصدمت من كلامها : طيب يا آمال ماراح اتناقش معك اكثر اقولك كلمه تردين علي بعشره بنشوف وش مصيرك صدت وطلعت لبرا ، آمال تنهدت وجلست بهدوء على السرير وهي تفكر وخايفه انهم بعد رفضهم لملاذ يجون عشانها ،

'

يوسف بحده : ويننن رحتو و اي عشاء الي جبتوه؟

عمر التفت لابوه وهو يدري ابوه راح يكشف كذبته ،

الجد سُليمان بهدوء : الحقني للجناح ومشى يركب المصعد يوسف استغرب وناظر للعيال و لحق ابوه ،

سلطان ناظر لصقر : وجهك ما يبشر بالخير معناته رفضوك؟

عبدالرحمن بهدوء : اي رفضوه رفضو يعطون بنتهم ،

سلطان مد يده وحطه على كتف صقر : عوافي يا صقر كله ايام وتنساها هذي هي الحياة مو كل شيء نبيه نحصل عليه اتركها وانساها وعيش حياتك لا توقف حياتك عليها طلبتك ،

عمر حزن على حالة اخوه وهو يناظر لصقر الي كان ساكت بهدوء ولا تكلم بحرف وصد يدخل عند امه ،

عبدالرحمن : افكر نرجع للقصيم مستحيل ينساها هنا ،

سلطان : اي كلمت امي و رفضت اني ارجع قالت بنرجع مره وحده ، ودخلو كلهم عند امهم للجناح ،

ام صقر مدت المويا لصقر : صقر حبيبي شفيك زعلان؟

صقر بهدوء : مو زعلان يا يمه بس تعبان شوي ،

ام صقر مدت يدها لجبينه وفزت بخوف : حرارتك مرتفع !

عبدالرحمن انصدم و ركض عند صقر وهو يمد يده لجبينه وهمس : امشييي بسرعه اخذك للمستشفى ،

صقر صد بهدوء : مافيني شي بخير انا ماراح اموت ،

سلطان انصدم من رد صقر : صقررر شفيك انتت؟؟؟

ام صقر ركضت تجيب كمادات وهي خايفه عليه ،

عمر : ليه تخلي امي تشك بشيء؟

صقر : مافيني شي قلت لكم قهر قلبي ولاشي قدام هالحرارة،

عبدالرحمن : متى تبطل هالكلام يا صقر وتريحنا ؟

صقر سكت والغصه بوسط حلقه وهو يتذ..

صقر سكت والغصه بوسط حلقه وهو يتذكرها لما شافها بفستانها الابيض هالمره غمض عيونه وهو يبلع ريقه بصعوبه،

سلطان تنهد بقهر وطلع لبرا عمر لحقه : شفيك انت بعد؟

سلطان : قسم بالله لو بيدي خليتهم يوافقون يخي مو قادر اتحمل صقر بهالحاله امس يضحك ومبسوط ويطقطق علينا و يذب والحين طايح كذا وكانه فقد احد من عياله ،

عمر : والله اني مقهور عليه يا سلطان بس ما باليد حيله ،

ام صقر دخلت ومشت عند صقر : انسدح يلا نام ،

صقر لاحظ خوف امه : يمه مافيني شي لا تخافين ،

ام صقر جلست وهمست : قلتلكك تعال يلا نام ، ومدت المُخده وهي تعدله صقر انسدح بهدوء وحط راسه على المُخده ام صقر حطت الكماده على جبينه وهي تقرا عليه،

عبدالرحمن كان جالس على طرف السرير ويناظر له بصمت ،

صقر غمض عيونه وهو وده يرتاح من كل شيء ،

عبدالرحمن سحب نفسه بهدوء وطلع لبرا وناظر لسلطان وعمر كانو واقفين يسولفون وهمس : جهزو اغراضكم ،

عمر : بنمشي اليوم؟

عبدالرحمن : وش رايك يا عمر بعد حالة صقر نجلس اكثر؟ ليتنا ما جينا ولا حضرنا هالعزيمه ولا .سكت وصد ،

'

يوسف بصدمه : بنتتت فهدد !

الجد سُليمان : اي بنت فهد و رحت طلبت يدها و رفضوا ما وافقوا وطلعت بنت اخوه ماهي بنته ،

يوسف بحده : كنت عارف في شي ورا هالصقر يا يبه ماكان مطمنني وضعه هو واخوه الملقوف عبدالرحمن كل دقيقه اشوفهم يهمسون كنت داري انهم مسوين مصيبه ،

الجد سُليمان : لا تقول لهم شيء ولا تعصب على صقر خله الي فيه يكفيه مارضيت اكسر خاطره لكن هو الي كسر نفسه بنفسه يوم انه طاح بحبها بس خله ينسى بنفسه ،

يوسف تنهد وهمس : خلني انزل اشو..فجاه دخل عمر وهمس : يبه امي تقولك تعال ناخذ صقر للمستشفى ،

يوسف والجد فزو بصدمه وخوف : وشفيه صقر؟؟

عمر : ارتفع حرارته وتعبان و مو راضي يروح للمستشفى معانا.

يوسف انصدم و ركض نزل لتحت و مشى للجناح دخل وهو يشوف صقر منسدح و منيره تغير له الكماده كلشوي ،

الجد مشى جلس جنب صقر : شفيك يا يبه شصاير لك؟

صقر فتح عيونه وناظر : مافيني شي يا يبه لا تخافون ،

الجد : ليه تسوي كذا وتخوفنا عليك علمني!

صقر ابتسم بخفه : ليه تخافون علي اقولكم مافيني شيء ،

'

آمال ناظرت لنجلاء : جدي نام؟

نجلاء : اي نام كان تعبان شوي شتبين فيه؟

آمال : مابي منه شي ابي جواله تكفين ساعديني ،

نجلاء : مجنونه انتييي شتبين في جواله ؟

آمال : ابيه وبس تساعدينييي ولا اروح بنفسي اجيبه!

نجلاء : حسبي الله انتظري لا تجيبين العيد وترفعين ضغطه وقامت مشت طلعوا لبرا وتوجهو لمجلس الرجال وهم يشوفون الجد عبدالعزيز نايم على الكنب وجواله على..

الجد عبدالعزيز نايم على الكنب وجواله على الارض.

آمال : روحييي جيبيه تكفين نجوله ،

نجلاء : اسكتي لا تطلعين صوت طيب! ومشت على خطوات اصابعها وهي تاخذ الجوال بهدوء اخذته وطلعت بسرعه ،

آمال سحبت منها الجوال وخبته ورا ظهرها : خلاص روحي،

نجلاء : لا ياحبيبي ما اروح لمكان امشي قدامي شتسوين!

آمال : اوعديني ما تعلمين احد !

نجلاء : يارب صبرك اوعدك ما اعلم احد شتسوين!

آمال : امشي اعلمك و توجهو للمزرعه عند الخيول بعيد حتى محد يشوفهم وهمست : باخذ رقم حفيده الغبي الله ياخذه و راح اقوله ماعندنا بنات للعرس ولاعاد تجون ،

نجلاء : الله ياخذك انتي ياويلك لو تسوين شيء كذااا!!

آمال : ادرييي اذا خطبوني جدي راح يوافق زي ما وافق على مشعل تكفين مابييي اتزوج ،

نجلاء : اجل انا مالي دخل لا تورطيني معك صدت بتمشي آمال مسكتها : تكفين نجوله ساعدينييي ،

نجلاء : ماهو حل انك تاخذين رقمه وتتصرفين كذا! واذا طلع احد ثاني شتسوين وقته؟ بيذبحك جدي ،

آمال : لا اعرفه انا جدي قال اسمه ذيك المره وقال لي طلعي لي رقمه وهو الي اخذ شيهان تكفين خليني اسفل فيه ،

نجلاء : طيب لا تسفلين فيه بذي الطريقه توضحين له انك مين ازعجيه ارفعي ضغطه بس لا تعلمين انك بنت مين تعرفين يمكن يطلع حقير ويعلم جدي بحركاتك وناكله حنا،

آمال فزت وهي تسمع صوت امها بسرعه فتحت الجوال وهي تطلع رقم عبدالرحمن وسجلته بجوالها وركضوا لداخل ،

نجلاء : رجعي الجوال وين ما كان عشان ما يذبحك جدي،

آمال مدته لها : تكفين رجعيههه انتييي ، نجلاء تنهدت بقلة حيل واخذت الجوال ومشت ترجعه بمكانه ،

آمال دخلت لعند امها : هلا يمه تناديني؟

ام نجلاء : اي اناديكم وين رحتو روحو داخل انتبهوا لاختكم ملاذ انا رايحه اسوي اكل لابوكم ومشت للمطبخ ،

آمال دخلت الغرفه ومشت فسخت الجاكيت وجلست وهي تدخل الواتس وتسجل رقمه ابتسمت بخبث وهي تعدل جلستها وترسل له : اهلين وينك لا خبر ولا حس عساك بخير؟

دخلت نجلاء عندها : ورينييي شتسوينن؟؟؟

آمال وهي تخبي الجوال ورا ظهره : ولاشي اتفرج مسلسل ،

نجلاء : لا بالله؟ اقول وريني لا افضحك ،

آمال ناظرت فيه : ابي العب باعصابه واقول له ارجع القصيم وتعرف مين انا بانتظارك عشان يرجعون وافتك ،

نجلاء بضحكه : ياربيي منك ياويلك اذا انكشفنا ،

'

العيال كلهم كانو جالسين بـ جناحهم والجد معاهم ،

سلطان : يعني يبه مافي اي حل نخليهم يوافقون؟

الجد سُليمان: للاسف ياولدي هم قالو بكلمه واحد محنا موافقين ولا اتوقع راح يوافقون مهما سوينا ،

عبدالرحمن : احاول اتفاهم مع صقر بس ما يعطيني فرصه و..ما كمل كلامه فز من..

عبدالرحمن : احاول اتفاهم مع صقر بس ما يعطيني فرصه و..ما كمل كلامه فز من وصل رساله بجواله اخذه ودخل الواتس وهو يقرا وانصدم رقم مين لكن الواضح بصورة العرض انها رقم بنت و رد : مين انتي؟

آمال كانت جالسه و نجلاء جنبها يضحكون ،

وكتبت له : ما يهم مين انا بس طمنني عنك اشتقت لك ،

عبدالرحمن باستغراب : كيف اشتقتي لي وانا معرفك؟

آمال : افا مسرع نسيتني؟ تذكر زين و راح تعرف مين انا ولك فتره مختفي عن البيت اشوف سيارتك مو موجود ،

عبدالرحمن عرف انها تكذب لانه كلهم جاو بسياره وحده ،

وكتب لها : حاولي تشوفين زين وتلقين سيارتي موجود ،

آمال ناظرت لنجلاء : يكذب ذا؟؟ مو هو في المدينة كيف سيارته يكون موجود في القصيم؟ وكتبت له : شفت زين ،

عبدالرحمن تنهد وقفل جواله وتركه وهو يفكر بـ صقر ،

آمال التفتت لنجلاء : خيرر شاف ولا رد؟

نجلاء صدت عنها : مالومه عرف انه ابتلش بوحده مجنونه انا رايحه اساعد ماما ومشت طلعت عند امها ،

آمال رجعت اخذت جوالها وهي تكتب : تتهرب من كذبك؟

عبدالرحمن شاف الاشعار وتجاهل ،

'

نجلاء : مدري يا يمه بس احس جدي كانه موافق؟

ام نجلاء : اي اكيد هو موافق لكن ابوكِ رافض مستحيل يرضى وهالمره ابوكِ مايبي يغلط نفس الغلطه نفس ما غلط معكِ،

نجلاء نزلت راسها بهدوء : لا ما غلط هو وانا راضيه ،

ام نجلاء : اي اشوفك راضيه وكل ما جت امه تتهربين تخافين انها تجي تطلب نحدد موعد العرس صح؟

نجلاء صدت وهي تفتح الثلاجه : تشربين شاي معانا؟

ام نجلاء : لا بالعافيه عليكم وانتبهوا لملاذ اذا بتطلعون للمزرعه واخذت صينية الاكل ومشت عند فهد ناظرت فيه كان ساكت وسرحان مشت حطت الاكل جنبه : ايش تفكر؟

فهد بهدوء : ولاشي فينهم البنات ناموا؟

ام نجلاء هزت راسها بالنفي : لا وين ينامون تعرفهم اول ما نجي المزرعه خلاص تبدا سهرتهم بالمزرعه ماينامون ،

فهذ ناظر فيها : وانتي ليه متضايقه اشوفك؟

ام نجلاء هزت راسها بالنفي : مو متضايقه ،

فهد : عشاني طلبت منك تحملين؟

ام نجلاء وهي تقوم : اروح اشوف ملاذ و..مسك يدها فهد وهمس : جاوبيني وبعدين روحي زعلانه مني؟

ام نجلاء رجعت جلست : مو زعلانه بس خايفه ،

فهد : طيب خليني اكل واخذك للمزرعه نتمشى واشوف سبب زعلك واعرف اراضيكِ ،

'

ام صقر كانت جالسه طول الوقت تغير له الكمادات وحرارته ما ينزل تجمعت الدموع بعيونها بخوف وهمست : يوسفف حرارته مو راضي ينزل تكفى خلنا ناخذه المستشفى ،

يوسف بهدوء : حتى بالمستشفى ماراح ..

يوسف بهدوء : حتى بالمستشفى ماراح ينزل حرارته هالحراره سببه ما تعرفينه يا منيره خليه خليه من قهره مو راضي ينزل هالحراره خليه يبرد قهر قلبه والحراره بينزل عنه ،

ام صقر بصدمه : شقاعد تقول وشفيهه صقر شصاير؟

يوسف : كبر صقر يا منيره كبر لدرجه ما صار يشاورنا بشيء يتخبى عننا ورا جده ويطلب منه يحقق له كل الي بخاطره نسى انه ابوه باقي عايش ومستعد يضحي وينزل من نفسه لاجل خاطره بس هو ما طلب مني شي لكن انا ماراح اسكت يا منيره ولدي راح ياخذ الي يبيها ماراح اتركه بهالحاله ،

منيره بخوف : ايش يبي صقر ي يوسف؟؟

يوسف ناظر لصقر الي كان نايم ولا حاس بشيء صد وهمس بهدوء : بنت فهد الي قلتي عنها ما تشوف ولا تتكلم ولدك يبيها وصارت عناده يا ياخذها يا نشوفه بهالحاله طول عمرنا.

منيره انصدمت وهي مو فاهمه شي وكيف يعرف بنتهم وكيف وصل لملاذ وكيف صارت عناده! من صدمتها ما قدرت تتكلم اكثر وتسال سكتت وهي تناظر لـ يوسف الي كان مشبك يدينه ومنزل راسه ويفكر ، يفكر كيف ينقذ ولده من هالحاله وكيف يكلم فهد وعبدالعزيز يوافقون وهم رفضوا بوجه سُليمان !

'

الجد سُليمان : روح القصيم ياولدي روح للديار روح لشغلك مطولين حنا مانقدر نترك صقر ياذي نفسه عشانها ،

عمر : بس يا جدي هم رافضين ماراح يعطون بنتهم له!

الجد : ابوك حلف يا عمر حلف انه راح يخليهم يوافقون لاجل خاطر صقر ماعاد يهمنا كرامتنا ولا عاد ودنا بحفظ ماء الوجه لاجل صقر ابوكِ رايح لهم يرجع يطالب ببنتهم ،

عبدالرحمن بقهر : يبهه ليه ننزل نفسنا لهدرجه!! انت وانت كبيرنا رحت و رفضوك يعني متوقع اذا ابوي راح ف يوافقون! راح يشكون يا جدي يشكون انه صقر يعرف بنتهم او شي ليه تخلون هالموضوع عناد وتسببون فضيحه؟

الجد : روح للجناح وشف اخوك كيف طايح على فراشه ولا يطالع بوجه احد وبعده تعال اسالني ليه هالعناد !

عبدالرحمن : فتره ويتزين كل شيء بنرجع للقصيم وينساها وينسى طوايفها وانا اتفاهم معه ،

سلطان بهدوء : صح كلام عبدالرحمن يا جدي صحيح صقر حالته مو زين لكن راح يتزين فتره ويتعدى وينسى لكن حنا ما ننزل من انفُسنا عشان بنتهم ونخليهم يشكون بشيء خلاص ربي ما كتب نصيب حاولنا مره و رفضو ف خلاص انتهى ،

عمر : لا يا سلطان حاولنا مره و رفضو لكن نرجع نحاول مرتين وثلاث اذا رفضو ف خلاص نمشي للقصيم ،

سلطان بحده : انت اسكت لانك تحب البربربره كثير ليه نحاول وهم قالو بكلمه واحد ماراح نعطي بنتنا بهالحاله!

عبدالرحمن وهو يقوم : انا نازل اتطمن على صقر سحب نفسه وطلع ومشى ركب المصعد ،

'

البنات تجمعو بالمزرعه وهو يشربون الشاي والنار قدامهم

نجلاء..

البنات تجمعو بالمزرعه وهو يشربون الشاي والنار قدامهم

نجلاء : اوففف يالبرد سحبت جاكيت مشعل الي عطاه لها ولبستها والتفتت لملاذ : ملاذ بردانه اخذك داخل؟

ملاذ هزت راسها بالنفي وهي تسمع سوالفهم ،

آمال : ملاذذذ اسمعي اي شي تصير اذا ماما سالتك هزي راسك ب لا اي شي يصير عننا قولي لهم ماتدرين ،

ملاذ هزت راسها بـ اي ، هُم يدرون انها ما تتكلم لكن برضوا آمال خايفه احد يقفطها والي تسويه ب عبدالرحمن ،

آمال التفتت لنجلاء : شرايك اتصل عليه واقفل بوجهه؟

نجلاء وهي تلتفت يمين يسار : تم يلا مافي احد ،

آمال ابتسمت بخبث واخذت جوالها ودخلت ع رقمه تتصل،

'

عبدالرحمن طلع من المصعد وقام بيدخل لجناح ابوه لكن وقف وهو يشوف جواله رن و رد بهدوء : هلا؟

آمال ونجلاء فزو من صوته وكتمو ضحكتهم ،

عبدالرحمن : الوو مين؟ سكت وهو ما يسمع رد تنهد وقفل الخط وقام بيدخل لكن رجع رن تنهد بقهر و رد : تتكلم ولا كيف؟ " ما انتبه انه نفس الرقم الي بالواتس " وهمس بحده وبنبره عصبيه : المره الثانيه اذا اتصلت تزعجني اعرف كيف اطلعك واحطك قدامي و ارد عليك وقفل الخط بقهر ،

آمال فزت بخوف : يمهه نجلاء يطلعني كيف؟؟

نجلاء : بلكيهه بلكيه احذفيه وغيري رقمك ،

آمال : يمكن يكذب يهدد يخوفني بس؟

نجلاء : واضح من صوته كبير وصادق بكلامه ياويلك ،

آمال : اكيد يسوقه علي يبيني اخاف ،

نجلاء : خلاص اهجدي لا تتصلين عليه خلي جوالك ،

آمال تركت جوالها بقهر وهي تفكر بـ خُطه ،

نجلاء : شرايك نتابع مسلسل؟

آمال : تمام روحي جيبي الكمبيوتر من الغرفه ،

ملاذ حطت راسها على المخده وهي تحاول تنام ،

'

فهد و لطيفه ام نجلاء كانو يتمشون بالمزرعه بعيد عن البنات عند الخيول وهم يسولفون وماسكين يد بعض ،

فهد : ما قلتي لي ليه زعلك كلامي عشاني قلت ابي ولد؟

ام نجلاء : ما زعلني يا فهد بس خوفني ،

فهد ابتسم بخفه : ليه خوفك؟

ام نجلاء : مدري خفت تتزوج علي عشان ودك بـ ولد خفت تتركني او تخونني او تطلقني وتاخذ مني البنات ،

فهد : متوقعه مني هالشيء يعني؟ قبل تفكرين فيني كذا وتتوقعين مني كذا طالعي فيني وقولي قد لقيتي بعيوني حُب لاحد غيرك وغير بناتك؟ طلع لي شيب براسي وحُبك ما محى من قلبي الى الان احبك يا لطيفه اخون هالدنيا كله الا انتي ، اعرف اني احياناً اقسى عليكِ او اعصب بس قلبي مستحيل يميل لغيرك او يلتفت لغيرك انتي الاوله والاخيره ،

ام نجلاء ابتسمت وهي تناظر فيه، فهد قرب وحضنه من جنب وهم يتمشون ويسولفون ،

'

صقر كان جالس و ام صقر تجهز له شوربه حار ،

ويوسف جالس بعيد عنهم على الكنب ويناظر بصمت ،

عبدالرحمن ..

عبدالرحمن كان جنب صقر وهمس : ليه تسوي فينا كذا؟

صقر التفت له : شسويت؟

عبدالرحمن : لا تسال يا صقر وطالع بنفسك وشكلك بالمرايا وش هالحاله الي وصلت له بس عشان بنت! والي نفسها اهلها رفضوك ليه ترفع سقف أمنياتك لفوق للحين علمني؟

صقر : مافي شي كذا يا عبدالرحمن بس تعبان شوي ،

عبدالرحمن : بحياتك ما تعبت الا بسبب شي يا صقر انت نفسه الي اذا زعلت او انقهرت تتعب ويرتفع حرارتك وانا اعرف انك مقهور للحين وتنحرق من داخلك لا تحسبني غبي،

صقر : اسكت يا عبدالرحمن مابي ابوي يسمعك ،

يوسف كان ساكت ويناظر بالارض وهو يسمع وهم يهمسون،

عبدالرحمن : خله يسمع لانه الكل صار عرف بموضوعك ،

صقر بصدمه : ابوي يدري؟؟ قاطعه يوسف وهو يقوم ويهمس بحده : اي دريت علمني جدك وعلمني عن حركاته بعد اخذك بدون ما يكلمني و رحتو وحتى انتم الاثنين ما فكرتو تعلموني برافو عليكم يا صقر وانا حيي وجالس بينكن تحسسوني ميت رميتوني بقبري قبل موتي ، انا ابوك ياولدي ابوك ولاجل خاطرك وخاطر اخوانك انا وامك نضحي بنفسنا تدري ولا لا!

ام صقر وقفت عند البنات وهي تسمع بصمت ،

صقر نزل راسه : يبه لا تقول كذا وانا والله ما علمت احد عبدالرحمن الي علم جدي بكل شيء وجدي الي طلب مني ما اعلمكم وحتى يوم رحنا هناك ما علمني اخذني بدون ما ادري،

يوسف التفت لـ عبدالرحمن وناظر لصقر : والله انكم قهرتوني ياولدي قهرتوني لما خبيتو عني حسيت نفسي سكت وصد ،

عبدالرحمن قام ومد يده لكتف ابوه : يبه جعل هالقهر فيني ولا فيك والله اني ما دريت انا وضعي نفس صقر جدي الي رفض نعلمك والظهر كلمني وقال جيب المفتاح والحقني ما عرفت الا يوم وصلنا لمزرعتهم والله لو ادري انه يضيق خاطرك وتنقهر كان ما سوينا كذا ،

يوسف تنهد : انتبه لاخوك يا يبه وانا رايح عند جدك وجاي وقام طلع لبرا وطلع جواله من جيبه ومشى يركب سيارته ،

عبدالرحمن التفت لصقر : امي تدري؟

صقر : دام ابوي عرف اكيد يعلم امي تعرفه انت ،

عبدالرحمن : ليت قهرهم فيني يا صقر ،

صقر سكت من دخل امه ومشت جلست وهي تشربه الشوربه،

عبدالرحمن : يمه بنمشي للقصيم؟

ام صقر بسخريه : ليه نمشي باقي بدري اشوف مين فيكم بعد يطيح بوحده ويخبي عننا ويروح يطلب يدها ولا يعطيني خبر بكره تتزوجون ولا تفكرون تعزموني ماراح استغرب ،

عبدالرحمن ابتسم بخفه وناظر لصقر : اسلم يا صقر ،

صقر مسك يد امه وهمس : حتى انتي زعلانه؟ ما علمتك يا يمه خفت خفت ترفضين وتقولين البنت مو مناسبه لي وتزعلين مني وتكسرين بخاطري بس عشانها ما تشوف،

ام صقر : ليه يا صقر توقعت مني ومن ابوك هالشيء؟ ص..

ام صقر : ليه يا صقر توقعت مني ومن ابوك هالشيء؟ صحيح كان اعترضنا لانك صعب تقدر تعيش معها بهالحاله بس جاوبني قد جاء يوم وانا وابوك كسرنا بخاطرك او بخاطر اخوانك؟ نحبكم كلكم ونشوفكم نفس الشيء بعيوننا ،

عبدالرحمن : بس وش يفيد هالكلام يا يمه هم رفضو وخلاص.

صقر تنهد وهو يصد : بس انا ماراح اتنازل عن عنادي هي بتصير زوجتي غيرها مابي ولا راح ارضى ،

عبدالرحمن بسخريه : برايي حراراتك مرتفع بزياده وناظر لامه : عطيه حبوب وخليه يصحصح من وهمه وصد طلع ،

صقر سكت ، ام صقر مدت يدها لشعره وهي ترجع شعره لوراء وهمس : خلك منه نام ارتاح وانا اتصل على ابوك اكلمه نتجهز بنمشي للقصيم ،

صقر بدون واعي همس : وملاذ؟ ام صقر انصدمت والتفتت له

صقر نزل راسه : بخاطري هي كيف تاخذوني للقصيم؟

'

فهد ابتسم : والله بخير حنا وانا اخوك اخبارك انت والعيال؟

يوسف : كلنا بخير اتصلت ابي اعرف سبب رفضك يا فهد ودنا بالقرب منك وانت رفضت معرف اذا كان العيب في ولدي ول..قاطعه فهد : ولدك على العين والراس يا يوسف مافيه عيب رجال وعن الف رجال لكن لبنتي ماهو مناسب ،

يوسف : ليه مو مناسب اجل من الي مناسب لبنتك يا فهد؟امس ابوي جاء عندكم وهو واثق ما تردونه هو وده بالقرب منكم يا فهد ليه ترفض يا فهد عطنا سبب رفضك؟

فهد : شف يا يوسف عندي ثلاث بنات والله وقسم بالله انهم اغلى شي بدنيتي لكن ملاذ اغلى علي من نفسي حتى ملاذ صعب تعيش مع انسان ما تشوفه ولا تعرفه صعب يا يوسف كيف اضحي ببنتي وهي بذي الحاله! مافي مستشفى في المدينه الا و رحت له لكن مافي علاج يا يوسف شسوي انا؟ سالتك بالله حط نفسك بمكاني وقل لو عكسنا الدور وملاذ بنتك بترضى لو جيت طلبت يدها لولدي بذي الحاله؟

يوسف : لا يا فهد صح كلامك معك حق بس اوعدك انا صقر ماراح يخيب ظنك لو هالشيء كلفه حياته كله انه راح يعالج بنتك حتى لو علاجها كان باخر الدنيا صقر ياخذها ويعالجها يا فهد انا وعدتك يا فهد وانت تعرف اوفي بوعدي ،

فهد : انا اسف يا يوسف لكن يبي لي وقت اكثر افكر وافتح الموضوع مع البنت و افهمها

نجلاء كانت واقفه تعدل شعرها دخلت آمال عندها ومشت جلست على السرير : ارسل له ؟

نجلاء : اهجدي اذا قفطك والله ما اساعدك ،

آمال : يخييي ابيه يرجعون للقصيم ماني مرتاحه ،

نجلاء : اي وانا لما قلت اني مو مرتاحه لمشعل قلتي لي ماعليك ترتاحين مع الايام وانتي بعد اقولك ترتاحين مع الايام،

آمال : انتي مو عاجبك فيه لانه يحب البر والنياق؟ اقول ترا يدفع للنياق اكثر من مهرك اذا ما تدرين انه اغلى منك ،

نجلاء : وعمتي اكلت ابوي عشان المهر تقول ولدي مايقدر ،

آمال : عاد عمتي سوسه هذي واضح من حركاتها الله يعينك،

نجلاء : عشان كذا مابي اتزوج القاه منها ولا من ولدها مشعل الي ينام مع النياق بعد يعع تكفين ما اتخيل انه يلمسني وهو كليوم مع النياق ،

آمال : حياتي مو بس يلمسك ينام معك بنفس السرير بعد ،

نجلاء : وع يخسي خليه يطلع له شيب وهو ينتظرني اوافق ونتزوج ما اتزوج منه الا لما يموت ناقتها ،

آمال قامت تضحك لكن فزت من وصلت لها رساله اخذت الجوال وهي تناظر كان مكتوب : رقمك مو غريب علي ،

وصرخت : نجلاااظ رسلللل رسللل ،

نجلاء ركضت لعندها : وش يقول؟

آمال : يقول رقمك مو غريب علي! وكتبت له : اي زين حسيت لانه حتى انا مو غريبه عليك واعرفك بعد ،

عبدالرحمن كان منسدح وسلطان يجهز اغراضه وعمر يدلك رجول الجد ، عبدالرحمن كتب لها : شسمك طيب؟

آمال : اذا جيت للقصيم تعرف اسمي وشكلي بعد ،

عبدالرحمن : واذا قلتلك اني مو راجع للقصيم واستقر بالمدينه؟ "

آمال ناظرت لنجلاء الله ياخذه شوفي شيقول! يارب يروح يارب ما يلقى له مكان هنا يارب يضيق عليه هالمدينه ،

'

يوسف : كلمته وحاولت معه انتظر يرد واشوف ،

ام صقر : معرف ليه يعاند مستحيل يقدر يعيش معها ،

يوسف : يعالجها يا منيره اكيد بيلقى لها علاج في لندن ولا امريكا ولا اي مكان المهم هو وخاطره اهم شي عندي ،

ام صقر : اذا تسال رايي فانا مو راضيه لو علمني من قبل كان رفضت وعصبت عليه لكن بحالته هذي مو قادره حتى ارفع صوتي عليه واعصب !

يوسف : شنسوي يا منيره مالنا غيرهم اخاف نموت بكره وهم شايلين بقلبهم عننا ،

'

آمال : ليه مو ناوي ترجع للقصيم؟

عبدالرحمن: لا مو ناوي لكن اذا عرفت مين انتي راح ارجع،

آمال قامت بـ ترد لكن فجاه دخلت امها فزت وتركت الجوال حطتها تحت المُخده ،

ام نجلاء : ليه للحين صاحين يلا ناموا بكره نرجع للبيت ،

نجلاء : بدري ما استانسنا حتى ،

ام نجلاء : بكره جاين ضيوف بنمشي ومشت عند ملاذ غطتها باللحاف وطلعت ،

آمال فزت : مين جاييين لا يكون هُم؟؟

نجلاء : والله اشك مافي ضيوف غيرهم ،

آمال : يمه الحين شنسوي؟؟

صقر كان منسدح وهو يتذكرها ويتذكر فستانها الابيض والاصفر ولما مسك يدينها ولما لبس جاكيتها و ريحة عطر تنهد وهو يغمض عيونه يحاول ينام لكن عجز ينام ، والتفت للعيال كانوا نايمين غمض عيونه وهو يتذكرها ،

'

ام نجلاء : ايش فكرت انت ؟

فهد : ماني عارف يا لطيفه ابي افهم شي واحد ليه هُم ما يبون الا ملاذ و ايش هذا الاصرار! استحيت اسال واقول ليه تبون ملاذ وعندي غيرها بكامل صحتها وعافيتها! تنهد وكمل انا مو قصدي ملاذ فيها عيب لكن انا مو راضي ليه هُم مُصرين!

ام نجلاء : حتو انا افكر كذا ليه بالضبط ملاذ؟ وليه امه ما جت وليه بس السالفه صارت بينكم وين امه ما تجي تكلمني!

فهد : ماني عارف شي اتصل علي ويقول نبي القرب منكم وحلف لي انهم يعالجون ملاذ ولو علاجها في اخر الدنيا ،

ام نجلاء بصدمه : صادقين بكلامهم؟

فهد : لطيفه انتي ما شفتي انا وابوي كيف ركضنا لكل مستشفى هنا مالها علاج قالوا يعني وش بيسون هُم ؟

ام نجلاء : طب يمكن في علاج بمكان ثاني وهالحادث الي دمرها هي كانت تشوف يا فهد اذكر زوجة اخوك كانت تقول انها تشوف لكن مو متاكدين اذا تتكلم ولا لا وكبرت وعرفنا ما تتكلم لكن كانت تشوف وهالحادث الي بسببها صارت ما تشوف ، واكيد في علاج يا فهد ،

فهد بهدوء : وش قصدك يعني انتي موافقه؟

ام نجلاء : اذا الشيء يخص حياتها وعلاجها وشوفتها ف موافقه يا فهد موافقه ليه نوقف حياتها دام في شخص يسعى ل شفائها؟ بس علمني انت شفت شي في صقر يستحق نرفضه؟ الولد فيه شي ؟

فهد هز راسه بالنفي : مافيه شي ونعم فيه رفضي كان بسبب ملاذ ما تتقبل احد غيرنا يا لطيفه ،

ام نجلاء : طب شرايك لو انا اتكلم معها واشوف؟

فهد ناظر فيها ومد يده ومسك يدينها وقرب باس يدينها بحُب وهمس : احب هالشيء فيكِ يا لطيفه احب انك ما تقللين من ملاذ وترفعين من بناتك احبك لانك تشوفينهم كلهم نفس الشيء وتتعاملين مع بنت اخوي وكانها بنتك بسبب هالشيء كليوم تكبرين بعيوني واحبك اكثر من قبل يا لطيفه ،

ام نجلاء ابتسمت : ملاذ هي بنتي واكثر يا فهد ملاذ اشوفها زي آمال ونجلاء ،

'

نجلاء : شرايك نروح المزرعه ونتمشى بما انه اخر يوم هنا؟

آمال قامت وهي تسحب فروة فهد وتلبسها ،

نجلاء ناظرت لجاكيت مشعل واخذته ولبسته وطلعوا للمزرعه

آمال : غريب اليوم جدي طول وقته كان برا وجاء نام علطول ما جلس معانا ولا سولف معانا ؟

نجلاء : يمكن تعبان وتعرفين اذا تعب ما يحب يشوف احد ،

آمال : والله فقدت حس شيهان بالمزرعه اشتقت له ،

نجلاء تنهدت وهي تحط يدينها بجيب الجاكيت فزت من لمست شيء وطلعت يدها وطاح السلسال ،

آمال ناظرت لها : ..

آمال ناظرت لها : بسم الله شفيكِ؟

نجلاء ناظرت للسلسال واخذتها وهمست : مشعل جابه ،

آمال بصدمه : مشعل؟؟؟ هاتي اشوف اخذتها وهي تشوف،

نجلاء : و كتب لي معه رساله انه يحبني شفتهم داخل الجاكيت وابد ما استانست ولا حتى فرحت ما همني ،

آمال تغيرت ملامح وجهها وهمست : ما تستاهلين حُبه ،

نجلاء صدت : صح ما استاهل ليت يفكر ويتركني ،

آمال : تصدقين يا نجلاء لاول مره انقهر منك لهدرجه شوفي حُب مشعل لك كيف! رغم انك رفضتي تكلمينه و رفضتي تتواصلين معه مع ذلك هو كل مره يحاول يوصل لك بـ اي طريقه رغم تعاملك مع عمتي وتصرفاتك قدام ريما كله يدل انك ابد ما تحبينه ولا تستحقين حبه وانا متاكده مشعل بيكون عارف كل شيء بس للحين يركض وراك قلبك يبي يكسب رضاكِ وحُبك وهذا انتي الي ما تستاهلين منه شيء،

نجلاء صدت وسكتت وهي تمشي بهدوء وهمست : لو قلبنا الادوار يا آمال كان كنتي تعاملتي معه نفس الشيء مجرد كلمه من جدي انه احفاد سُليمان لو طلبو يدك راح يوافق عصبتي عليه وسمعتيه كلام وهجيتي والحين جايه تعلميني هالشيء!

آمال بحدها : نجلاااء افهمي انا وانتي فرق بيننا انا مجرد كلام قاله جدي و رفضت مافي اي شي صار! اما انتي ومشعل بينكم خاتم و اوراق النكاح كيف تقولين كذا!

نجلاء : حتى ولو يا آمال لو بيننا الف شي انا مو راضيه فيه ،

آمال : طيب ليه مانتي راضيه فيه علميني؟ ايش السبب ؟ عشانه دلوع اهله ولا عشانه يحب البر ونياقه؟ ايش السبب؟

نجلاء : ولاشي احس بردت خلينا نمشي داخل ،

آمال : قبل نمشي تذكري كلامي اليوم هو موجود تتعاملين معه كذا بكره اذا راح عنك تعرفين قدره صدت ومشت ،

نجلاء انصدمت من كلامها و لحقتها لداخل ،

'

" صباح يوم جديد على ابطالنا "

'

الجد سُليمان والكل كانو متجمعين يفطرون بعد دقايق خلصوا

صقر قام بيمشي لكن وقفه صوت ابوه والتفت : هلا؟

يوسف : كيف صرت اليوم عساك بخير؟

صقر هز راسه هدوء: اي بخير يا يبه ،

الجد : بنمشي اليوم روح يا عمر قل لامك تتجهز بتمشي بعد الناس وش يفكرون رايحين نطلب يد بنتهم وبدون امكم! ما يصير يا يبه تجهزو باذن الله هالليله بنروح وكلي ثقه و امل انهم يوافقون ادعو بس فهد يوافق اما جدها موافق اعرف،

عبدالرحمن : انا ماراح امشي اذا بتروحون لاني عارف وش راح يكون ردهم هالمره بعد مافيني انقهر مره ثانيه عشانه ،

يوسف : لا تقول كذا قل ان شاء الله يوافقون ،

عبدالرحمن صد وطلع ، صقر تنهد بضيق ولحقه ،

عبدالرحمن قام بيركب المصعد صقر مسكه من كتفه وهمس بهدوء : عشان خاطري يا عبدالرحمن!

عبدالرحمن : مالك خاطر عندي ...

عبدالرحمن : مالك خاطر عندي يا صقر يكفي قهر قلبك وحرقته ليه ناوي تحرق نفسك وتحرقني معك وتقهرني عليك!

صقر : ماراح اتركها يا عبدالرحمن مستعد انقهر وانحرق الف مره عند باب بيتها بس غيري ما ياخذها وانا وعدت نفسي يا تكون لي! يا تندفن تحت هالتراب واندفن معها اذا هالدنيا يضيق عليه انه يجمعنا ف تراب الارض راح بجمعنا بنفس القبر صد ومشى ، عبدالرحمن شد على يده بعصبيه وقهر و ركب المصعد وحرك مشى للجناح دخل وهو يشوف سلطان يجهز اغراضه وهمس بحده : حتى انا بمشي معك ماراح اجلس هنا خله يموت هنا ويدفنونه ويجون بدونه ،

سلطان بصدمه : شفيك منهو الي بيموت ويدفنونه؟

عبدالرحمن : اخوك الحمار من غيره يا سلطان! قاعد يحلف انها يا تكون له يا يندفن معها انا ماني عارف ايش صاير لعقله ايش سوت فيها هالبنت ليه انجن عليها كذا من اول نظره!

سلطان تنهد ومشى لعنده : خله يا عبدالرحمن خله الي يدينه بالنار ماهو مثل الي يدينه بالماء يا عبدالرحمن ماراح تحس بالشيء الي يحس فيه صقر خله يسوي الي وده الي عليك يا توقف معه وتكون جنبه يا تتركه وما تكسر بخاطره ،

عبدالرحمن : انا ما اتحمل اشوفه ينكسر اكثر من مره ،

سلطان : جدي قال انه هالمره يحاول واذا ما وافقو ماراح يحاول مره ثانيه وبنمشي للقصيم ،

عبدالرحمن : يعني شرايك انت هالمره بعد اروح معه؟

سلطان : اي روح يا عبدالرحمن والله انه بخاطري امشي انا بعد لكن اتصالات مصعب مو راضي يوقف والقضايا فوق راسي ف مضطر اني اروح ، خلك معه طلبتك يا دحوم ،

'

= في بيت الجد عبدالعزيز بعد ما رجعوا من المزرعه =

'

الشغالات كانو يبخرون البيت بعد ما عرفوا انهم جاين اهل سُليمان وحتى ام صقر بتجي البنات كانوا بغرفتهم يتجهزون،

فهد كان جالس بالغرفه و ام نجلاء مشت تجيب ملاذ ،

الجد عبدالعزيز : انا راح امشي تحت اشوف الوضع وانت تكلم معها وشوف رايها يا فهد وانا متاكد حفيد سُليمان راح يحطها بعيونه واذا ما شالتها هالارض حفيد سُليمان يشيلها انا واثق فيه لا تخلي الولد يضيع من يدنا دامه مُصر يبيها ومستعد يعالجها ف فكر زين فكر بعقل بارد و رد لهم ومشى طلع ،

فهد تنهد بضيق وهو مو عارف شي بهاللحظه دخلت ام نجلاء

وملاذ معها ومشت جلست وهمست: ابوكِ يبي يكلمك ،

ملاذ جلست على طرف السرير بهدوء وهي متوتره ،

فهد : لا تخافين يا يبه وابي اكلمك بموضوع مابيك تخافين من شيء ابيكِ تجاوبيني بس بـ اي ولا لا ، مابيكِ تخافين ،

ملاذ كانت تسمعه وهزت راسها بـ اي بصمت ،

فهد : تعرفين ان...

فهد : تعرفين اني احبك وتعرفين امك بعد تحبك وكلنا نحبك حتى جدك وخواتك يحبونك ، كنت خايف بيجي يوم وتروحون عني وكنت متاكد كلهم بيروحون الا ملاذ تجلس عندي طول عمرها بس كلهم جالسين يا بنتي وانتي الي بتروحين عني ،

ملاذ انصدمت من هالكلمه ومدت يدها بتمسك يده كانت تدور يدينه فهد مد يده لها ملاذ مسكت يدينه وهي تشد عليه بخوف ، فهد ابتسم وكمل : تتذكرين لما جت عمتك خطبت نجلاء لولدها تتذكرين كيف كان الكل مبسوطين تتذكرين ملكة نجلاء والاغاني والرقص الي صارت؟ ومشعل تزوج منها؟

ملاذ ابتسمت وهزت راسها بـ اي وهي تتذكر ذيك الايام كانو يعلمونها بكل شيء كانت جالسه رغم السواد كان تسمع كل شيء صوت الاغاني و صوت الزفه لكن ما شافت الا السواد،

فهد ابتسم من بين دموعه : معرف كيف ابدا واقولك قاعد اتهرب بس يا بنتي في شخص تقدم لك يبي يتزوج منك وياخذك معه ، ملاذ فزت وهي تهز راسها بالنفي بخوف ،

ام نجلاء : لا تخافين يا يمه هو راح يحبك صدقيني ،

فهد : ملاذ انتي تبين تشوفيني صح وتشوفين خواتك وامك؟ تبين تشوفين كل شيء بهالدنيا صح؟

ملاذ هزت راسها بـ اي بخوف ،

فهد : هو راح يخليكِ تشوفين راح يعالجك راح ياخذك لبرا تتعالجين ويجيبك عندنا هو راح يحطك بعيونه ويحبك اكثر مننا ولا تخافين يا بنتي ماراح يمسك ضرر منه حنا نكون معك،

ملاذ سكتت وهي تسمع لهم بصمت ،

ام نجلاء : هذي سنة الحياة يا بنتي نجلاء انخطبت وقريب تتزوج ماودك تشوفين عرسها وتشوفينها بفستانها الابيض؟ وآمال بعد بيجي يوم وتتزوج ما ودك تشوفين خواتك عروسات؟ ماودك تشوفين امك ؟

ملاذ هزت راسها بـ اي بمعنى ودها تشوف ،

فهد : قولي لي يا بنتي انتي موافقه؟ انا كنت راح ارفض و رفضتهم لكن هو حلف انه يعالجك و راح تصيرين تشوفين وانا فكرت كثير وقلت اسال رايك ماودي اوقف نصيبك ،

ملاذ كانت ساكته لكن تذكرت انه هو يعالجه وبسببه تقدر تشوف امنيتها الوحيد بهالدنيا انها تشوف اهلها وهالحياة تبي تشوف شروق الشمس تبي تشوف خواتها تبي تشوف مزرعة الجد الي كل مره تروح له تبي تشوف جدها وامها وابوها ! سكتت وهي تفكر لعله ربي رسله بحياتي لاحتى يكون سبب انه يخليني اشوف هالدنيا تجمعت الدموع بعيونها ،

فهد قرب وهو يبوس جبينها : لا تخافين يا بابا لا تخافين من شيء خليكِ متاكده انه بابا عمره ماراح يتركك لا تخافين قرب وهو يضمها لصدره ملاذ حضنته وهي تبكي ،

ام نجلاء : لا تبكين يا ملاذ اذا مانتي موافقه قولي لنا محد راح يجبرك بس ودنا نشوفك عروسه ودنا انك تعيشين حياتك زي خواتك لو بيدنا ماراح نخليكِ تتركينا وتروحين ،

فهد بهدوء : ..

فهد بهدوء : قولي لي فقط شي واحد اي ولا لا يا ملاذ؟

ملاذ سكتت وهي ودها تتكلم وتعبر وتقول انها موافقه بس عشان ودها تشوفهم وتشوف هالحياة لكن ماعندها القوه تتكلم وتعبر لهم سبب الموافقه واكتفت بـ هزت راسها ،

ام نجلاء ابتسمت من بين دموعها وقربت حضنتها ،

فهد : راح اكون معك يا يبه اوعدك محد ياذيك بشي ،

والتفت لـ زوجته : انا رايح اشوف ابوي واكلمه ،

ام نجلاء : تمام وكلم البنات يجوني ،

'

آمال كانت واقفه تستشور شعرها ، ونجلاء تتمكيج

فجاه انفتح الباب و دخل فهد : امكم تناديكم بغرفتها ،

نجلاء ناظرت فيه بصدمه من ملامحه : يبه تبكي؟؟؟

آمال فزت والتفتت : شصاير يبه ملاذ فيها شي؟

فهد هز راسه بالنفي : مافيها شي روحوا امكم تعلمكم مافيني القوه اتكلم صد طلع وهو يمسح عيونه ويعدل شماغه ،

و توجه لمجلس الرجال ، الجد كان واقف يعدل بشته ولابس الشماغ و رفع راسه وهو يشوف فهد داخل وعيونه احمر انصدم وناظر فيه : وش صاير لك ؟

فهد بهدوء : موافقه هي يا يبه سالتها ووافقت ،

الجد عبدالعزيز ابتسم وهو مصدوم : ملاذ وافقت؟

فهد : اي وافقت وعلمتها انه هو يعالجها ومتاكد انها وافقت عشان هالسبب شافت ابوها ضعيف مافيه القوه يركض لعلاجها ووافقت عليه لاجل يعالجها ،

الجد بهدوء : محروسه باذن الله وباذن الله يلقى لها علاج وترجع لنا وهي تشوف تجينا وعيالها حوالينها ،

فهد ابتسم من بين دموعه وقرب وهو يحضن ابوه ، وبقلبه الل والف حسره وندمان ويلوم نفسه لانه ما لقى لها علاج واليوم بنته مضطره توافق على الزواج فقط عشان علاجها!

'

ام صقر تجهزت وطلعت وهي لابسه فستان كحلي ومشت وهي تشوف صقر واقف وعبدالرحمن يعدل شماغه ابتسمت وهمست : ان شاء الله يوافقون الله يفرح قلبك ياولدي ،

صقر بهدوء : يارب يا يمه يارب الله يسمع منك ،

عمر : باذن الله ما نطلع من بيتهم الا وهي صارت باسمه ،

عبدالرحمن بضحكه : من فمك للسماء قل امين ،

عمر : امين امين يارب تصير زوجته ونشوف عيالهم ،

عبدالرحمن : باذن الله وشوفو سلطان الخاين ما جاء ،

فجاه دخل سلطان وهو يضحك : جيت جيت ما هربت ، مشى وهو يحضن صقر : باذن الله بتصير لك وباذن الله يوافقون ومبروك مقدمًا وانا رايح المطار اذا وافقو اتصلو علي ،

صقر ابتسم وهو يشد عليه وهمس : الله يسمع منك ،

سلطان قرب وهو يحضن عبدالرحمن : وعقبالك بس تكفى لا تورطنا زي صقر وتطيح بوحده ، ضحك وهو يصد يحضن عمر

عبدالرحمن : ماني طايح باحد ولاني طايح بهالنار ،

عمر بضحكه : لا تنسى تنظف غرفتي جايك انا ،

سلطان : ماني فاتح لكم الباب اجلسو بالمدينة ،

ام.

سلطان : ماني فاتح لكم الباب اجلسو بالمدينة ،

ام صقر كانت تضحك عليهم ، سلطان مشى لعندها ووقف وهو يشوفها متكشخه : هالله هالله وش هالزين اللهم الثبات لابوي وقلبه ، ام صقر ضحكت وضربته على كتفه وقربت حضنته وهمست : انتبه على نفسك واتصلت على الشغاله كلمتها ترجع البيت وكلمتها تنتبه لفطورك واكلك زين ،

سلطان ابتسم وقرب يبوس جبينها : ان شاء الله وانتي لا تجين الا وعروسة صقر معكِ ولا ماني فاتح لكم الباب ،

فجاه نزل الجد وهو لابس البشت سلطان مشى يحضنه ،

'

آمال بدموع : يعني ملاذ بتصير عروسه ؟

نجلاء مشت وهي تحضن ملاذ : احلا عروسه والله ، الله يهنيكِ يارب وعاد ما نسمح له ياخذك مننا ،

آمال بضحكه : انتم الاثنين بتتزوجون والغرفه لي لوحدي ،

ملاذ كانت تسمع سوالفهم وتبتسم وحست بفرحة خواتها لها ،

آم نجلاء : الله يهنيها يارب وعسى صقر ما يخيب ظني فيه ،

نجلاء بصدمه : اسمه صقر؟؟؟

ام نجلاء : اي صقر اسمه دعواتكم بس انه يكون رجال قد كلمته ويحبها ويصونها ويحطها بعيونه الثنتين ،

البنات ابتسمو وهمسو امين يارب ،

نجلاء : اهخخ منك هالصقر الي بياخذك مننا ما اسامحه ،

ملاذ ابتسمت من كلامها وجلست وهي تسمع ،

ام نجلاء : انا انزل اشوف جدكم وابوكم ومشت طلعت ،

آمال : هالله ملاذ اول بنت تجيكم سموها على اسمي ،

نجلاء : وخري انا الاكبر فيكم سميها على اسمي انا ،

آمال بضحكه : واذا ولد سميه مشعل ،

نجلاء ضربتها على كتفها : ياحيوانهه ،

آمال ركضت وهي تطلع : رايحه اكمل شعري واجيكم ومشت ،

نجلاء ابتسمت وجلست جنب ملاذ : مبسوطه؟

ملاذ هزت رفعت كتوفها بمعنى مدري ، وفعلًا هي ما تدري تنبسط انه هو يعالجها ولا تحزن انها تترك اهلها وتروح عنهم وبنفس الوقت خايفه من صقر ماتدري عنه شي هو قاسي ولا حنون؟ يحبها ولا لا سكتت بهدوء وهي تفكر ،

نجلاء : ابوي وجدي دايم يمدحون احفاد سُليمان وجدي يحبهم مرره وانا متاكده انه ماراح يخيب ظن بابا وجدي فيه

واحسه صادق فعلًا راح يعالجك ، لا تشيلين هم شي يا ملاذ فكري انه هالانسان بيصير زوجك و ابو عيالك ويضحي بنفسه عشانك تاكدي انه صقر راح يحطك بعيونه باذن الله ، وناظرت فيها وكملت وهي تضحك : ادري تقولين ما شافت نفسها وجايه تعلمني ودايم تسمعيني عن مشعل بس يخي مشعل احسه مو فارس احلامي الصدق كنت متخيله شخص غير مدري تاثير الافلام ولا الروايات بس الصدق كنت افكر بنفس الرجال الي بالمسلسلات والقصص معضلين مشعل خيب ظني ، ملاذ كانت تضحك على كلامها ،

نجلاء : وعاد هو حلو مو ذاك الشين بس مدري يخوفني احسه قاسي او يمكن يكون حنون بس مدري ....

نجلاء : وعاد هو حلو مو ذاك الشين بس مدري يخوفني احسه قاسي او يمكن يكون حنون بس مدري ما فكرت اتواصل معه واكلمه اخاف يطلع عكس توقعاتي رغم اني داريه انه عكس توقعاتي من شفته يحب البر والحيوانات بس برضوا ،

'

يوسف وصل سلطان للمطار ونزل يحضنه و يودعه وابتسم وهمس : تحتاج شي يا يبه؟

سلطان : لا يا يبه ما احتاج شيء بس تكفى خاطر صقر لا ينكسر مره ثانيه حاول معاهم طلبتك ،

يوسف : ان شاء الله ياولدي والله اني اتصلت على فهد وحاولت معه كثيرر حتى قلت انه صقر يعالجها دعواتك بس،

سلطان : ان شاء الله وانا طول وقتي ادعي انهم يوافقون بس طمنني وانت جالس بينهم اذا وافقو علطول ارسل لي ،

يوسف ضحك وهمس : ان شاء الله ، يلا انتبه على نفسك اروح لهم ينتظروني اخذهم ونروح لعبدالعزيز ،

'

آمال كانت تتجهز فجاه وصلت لها رساله استغربت واخذت الجوال وهي تناظر رساله من عبدالرحمن: ما جاوبتيني؟

استغربت وهي تشوف رسالته الاخير : اذا عرفت مين انتي راح ارجع " تركت الجوال وهي تفكر دام ابوي وافق وملاذ وافقت ف اكيد ماراح يخطبوني ليه ارد عليه الحين! وبعدين ما يستحي خطب ملاذ ويتواصل مع وحده غيرها! بهاللحظه دخلت نجلاء : اخلصي يلا نروح لملاذ نجهزها ،

آمال : نجلاء بسالك ايش اسم الي خطب ملاذ ؟

نجلاء : ماما قالت اسمه صقر ليه؟

آمال : اها وهذا الغبي للحين يراسلني ابلكه؟

نجلاء : بكيفك بس اخلصي يلا بسرعه ،

'

يوسف كان يسوق ويسولف مع الجد ، اما صقر الي كان بعالم ثاني ومتوتر وخايف انه هالمره بعد يلقى الرد الي يكسره! اخذ تنهيده طويله والتفت لـ عبدالرحمن : يكسروني؟

عبدالرحمن بهدوء : انت الي ودك تكسر نفسك ،

صقر : ندمت من راسي لحد رجلي يا عبدالرحمن لاني سمحت لنفسي اطيح بحبها ونارها وماعاد في يد ينقذني غير يدينها!

عبدالرحمن : هالمره رايحين كلنا نطالب بيدها الي تنقذك لكن اذا هي هالمره رفضت تنقذك ف تكفى لاعاد تلتفت ،

صقر سكت وصد وهو يناظر من الشباك بصمت ،

وقفوا عند المحطه والجد نزل للبقاله ،

يوسف : صقر يبه روح مع جدك لا يضيع ويطلع من باب الخلفي للبقاله ، صقر هز راسه ونزل بهدوء يلحق جده ،

عمر التفت للمحطه : هالله ودي اسوي محطه كذا باسمي،

عبدالرحمن : انت اخلص دراستك ونشوف وش تسوي ،

ام صقر : ليه تقول له كذا ان شاء الله يخلص ويسوي الي وده وبخاطره ويستانس ،

عمر : يمه خليه حسود يحسبني اصير نفسه فاشل ،

عبدالرحمن : تخسي تصير زيي واذا صرت زيي قم اسجد واحمد ربك ،

يوسف يضحكه : خلاص لا يسمعكم جدكم بس ،

عمر : يبه ليه ما تعترف أنه عبدالرحمن ماهو ولدك؟ احسه غثيث ومستحيل يكون اخونا..

عمر : يبه ليه ما تعترف أنه عبدالرحمن ماهو ولدك؟ احسه غثيث ومستحيل يكون اخونا شف الفرق بيننا كيف ،

عبدالرحمن : والله يا عمر لو ابوي يعترف ف انت الي تصيح ماودي نعلمك انه لقيناك عند مسجد ،

ام صقر و يوسف كانوا يضحكون على هواشهم ،

بهاللحظه فتح الباب و دخل الجد و صقر دخل معه ،

الجد التفت ليوسف : هذا ولدك اكل شيء ولا لا؟

ام صقر : ليه شصاير لا يكون تعب؟

الجد : والله يا بنتي كان ناوي يطلعني للشارع الخلفي مدري وين عقله هالولد بغى يضيعني معه ،

عمر بضحكه : وابوي رسله عشان انت الي لا تضيع ياجدي ،

عبدالرحمن التفت لصقر الي كان ساكت ،

صقر غمض عيونه وهو وده يقول شوفي يا ملاذ كيف حالي صار نحس من بعدك ماعاد صرت احس على نفسي لولا جدي كان اندعست تحت السيارات ولا حسيت على نفسي ،

يوسف : والله يبه قلتله روح الحق جدك لا يضيع ما دريت هو الي ضايع و يضيعك معه ،

ام صقر حزنت و التفتت لصقر : يمه يا صقر وشفيك؟

صقر وهو يتصنع الابتسامه : ولاشي يا يمه ،

عمر : ان شاء الله يوافقون ونفتك من هالعاشق الولهان ،

الجد مد لهم الكيس لوراء : خذو كلو ورانا طريق طويل ،

'

ملاذ كانت جالسه و نجلاء تستشور شعرها ،

وآمال جالسه على سرير امها تحط مناكير ،

و ام نجلاء جنبها وهمست : مدري ليه قلبي بيطلع من مكانه،

نجلاء : بسم الله عليكِ يا يمه ليه شصاير؟

ام نجلاء : انتي وملاذ بتروحون مني وبكره آمال خايفه من بعدكم اعيش لوحدي ربي ما رزقني بعيال يكونو معي وانتم بتروحون عندي كبرتكم بيديني وغيري ياخذكم مني ،

ملاذ تجمعت الدموع بعيونها من كلامها ،

آمال : يمه مين قال هالكلام! مستحيل اتركك انا ،

نجلاء : حتى انا بجلس عندك ماراح اوافق على العرس ،

ام نجلاء : لين متى يا يمه انتي وهي مردكم تتزوجون وتعيشون حياتكم مع ازواجكم وعيالكم كنت اقول نفس الكلام زمان لامي الله يرحمها كنت اقولها ماراح اتزوج واجلس عندك طول حياتي بس لما ابوكم جاء وخطبني بكيت كثير و رفضت بس اذكر ابوي كان عصبي حيل وقاسي اجبرني على الزواج من ابوكم كنت رافضه وبكيت كثيرر اتذكر وقته سجدت ودعيت بناتي ما يعيشون الشعور الي عشته ذيك الليله وتمنيت ودعيت ابوكم يطلع انسان حنون مو زي ابوي قاسي ، تزوجت من ابوكم ولما جابني للبيت كنت خايفه منه توقعت كل الرجال نفس ابوي قاسين ما توقعت انه طيب وحنون هالكثر ،

نجلاء ضحكت من بين دموعها : وكيف عرفتي انه حنون؟

آمال : يمه طيب كيف حبيتيه؟

ام نجلاء ابتسمت : كنت مقهوره وبكيت عنده وقلتله لاعاد تاخذني لابوي مابي اشوفه اتذكر وقته ما رد علي بس ..

ام نجلاء ابتسمت : كنت مقهوره وبكيت عنده وقلتله لاعاد تاخذني لابوي مابي اشوفه اتذكر وقته ما رد علي بس حضني وجلس يمسح على شعري بحنيه ماعرفت الحُب والحنيه الا منه كان يعاملني وكاني بنته مو زوجته ومن ذيك الليله وعدت نفسي ما اتركه لين اموت وهذا انا اوفي بوعدي مستحيل اتركه ، وقبل كم ايام كنت خايفه يتركني ويتزوج علي لاني ما جبت له عيال ما جبت له ولد يشيل اسمه بس ابوكم هو نفسه الي حنون ويحب من قلب وعدني مستحيل يسويه،

بهاللحظه فجاه دخل فهد وابتسم : تحشون فيني شكلكم؟

ام نجلاء مسحت دموعها وهي تهز راسها بالنفي ،

البنات ضحكوا من بين دموعهم : اي نحش فيك يا يبه ،

فهد لاحظ عليهم : ليه تبكون شصاير؟

آمال : ماما ما تحملت غيابك وبكت وبكينا معها ،

فهد ناظر لـ ام نجلاء : شمسويه ليه خليتي بناتي يبكون؟

ام نجلاء : مافي شي بس اعلمهم عن ابوهم انه شكثر انسان طيب وحنون وانهم محظوظين فيه مو زي ابوي الي سود حياتي وما تعامل معي بشيء غير القساوه والضرب ،

فهد : مو حنا وعدنا بعض ننسى الماضي وش رجعك له؟

نجلاء : يبه مستحيل ماما تنسى الي شافتها من ابوها وحتى لو تمثل عليك انها نست ف مستحيل تنسى مافي بنت تنسى تعامل ابوها واهلها معها ، هذا احنا تربينا على يدك بكل حُب وحنيه ولا عمرنا ذقنا القساوه منك ف ماراح نتذكر منك الا الحُب وبكره لو صار عندنا عيال اكيد نعلمهم ،

فهد ابتسم بهدوء وهمس : هذا طلب امكم يا بنتي هي طلبت مني وطلبت مني اوعدها اني ما ارفع يدي عليكم او ارفع صوتي وما اتعامل معاكم الا بالحنيه والحُب وانا وفيت بوعدي ، كنت انسان قاسي وانا صغير بس من بعدكم عرفت الحنيه والحُب وحلفت انه يدي ما ارفعه عليكم واذا رفعت يدي جعلني اموت واطيح قدامكم قبل ارفعه ،

آمال شهقت : الله لا يقول يبه ،

نجلاء : بسم الله عليك يبه بعيد الشر يارب ،

ام نجلاء وهي تقوم : يلا يبه قومو اخذنا السوالف والضيوف بيوصلون ، البنات طلعوا توجهو لغرفتهم يتجهزون ويخلصون،

ام نجلاء التفتت لفهد : بروح اشوف جهزو القهوة ولا لا ،

قامت بتمشي بحركه سريعه من فهد مسك يدهل : اسمعيني،

ام نجلاء التفتت له باستغراب : هلا ؟

فهد وهو يناظر فيها : تعبك الماضي وقساوة ابوكِ؟ توقعت حُبي وحنيتي ينسيكِ قساوة اهلك بس الظاهر حبي ماكان ذاك الزود يا لطيفه كنت اتمنى لو احبك لدرجه تنسين كلشيء ،

قاطعته نجلاء وهمست : لا يا فهد صدقني انا اليوم واقفه قدمك مو عشان البنات او عشان شيء حُبك هو الي نساني الماضي رجلي الي كسره ابوي توقعت مستحيل ارجع اوقف عليه بس حُبك الي كان يقويني...

'

قاطعته نجلاء وهمست : لا يا فهد صدقني انا اليوم واقفه قدمك مو عشان البنات او عشان شيء حُبك هو الي نساني الماضي رجلي الي كسره ابوي توقعت مستحيل ارجع اوقف عليه بس حُبك الي كان يقويني كل مره واليوم وانا واقفه قدامك بسبب حُبك وحنيتك الي كل مره كان يعطيني القوه ،

ما توقعت راح اكون قويه هالكثر بس بفضل الله ثم بفضلك يا فهد تغيرت انا وصرت قويه حتى بناتي اخذو من قوتي وتعلموا مني القوه وتعلمو منك الحُب والحنيه ،

'

ابو مشعل ومشعل وصلوا و دخلوا عند الجد ،

الجد ابتسم وقام وهو يسلم على ابو مشعل ومشعل ،

الجد عبدالعزيز ؛ كيفكم عساكم بخير؟

ابو مشعل : والله بخير يا يبه وينه فهد ؟

الجد عبدالعزيز : والله راح لداخل الحين بينزل ،

مشعل : جدي بيجون نفس الضيوف الي كانوا بالمزرعه؟

الجد : اي جاين هُم هالمره جاين يطلبون القُرب من فهد ،

ابو مشعل باستغراب : فهد وافق؟

الجد : اي ياولدي وافق مردها البنت تتزوج اليوم ولا بكره ،

ابو مشعل : والله زين سوا يا يبه وهم واضح ما شاء الله عليهم ناس كفو وولدهم يصون بنتكم باذن الله ،

'

" بهاللحظه وقف سيارة يوسف والكل نزلوا "

الجد ابتسم وطلع وهو يستقبلهم ونزل يوسف مشى لهم،

ام صقر مشت مع الشغاله لداخل وناظرت لـ ام نجلاء كانت واقفه ابتسمت وهي تحضنها : كيفك شخبارك ،

ام نجلاء ابتسمت : والله بخير اخبارك انتي ؟

ام مشعل قامت وهي تحضن ام صقر ،

'

الجد عبدالعزيز : حياكم حياكم تفضلوا شرفتونا ياهلا ،

الجد سُليمان : الله يحيك والله الشرف لنا دخلوا المجلس ،

يوسف : كيفك يافهد شالاخبار عساك بخير؟

فهد ابتسم : والله بخير يبوي والتفتت للعيال شخباركم؟

عبدالرحمن : والله بخير يا عمي ولله الحمد ،

مشعل قام وهو يصب لهم القهوة ،

فهد : كانه في شخص ناقص من بينكم ولا انا غلطان؟

يوسف بضحكه : اي اي ناقص سلطان رجع للقصيم ،

الجد عبدالعزيز : ليه رجع بدري؟

الجد سُليمان : والله يقول الشغل كله فوق راسه لازم يرجع ،

فهد بضحكه : والله هالجيل كفو وهمهم شغلهم مو زينا ،

يوسف ابتسم : صادق انا لي كم يوم يتصلون وعجزان ارد ،

'

ام صقر : ما شاء الله متخرجه يا بنتي؟

آمال ابتسمت وهزت راسها بالنفي : لا خالتي باقي ،

ام نجلاء : نجلاء تخرجت وهذي باقي ،

ام مشعل : تخرجت بس ماندري وش تنتظر بعد ماتبي عرس،

ام صقر باستغراب : هي مخطوبه لولدك صح؟

ام مشعل : اي وهذي ثاني سنه ننتظر حضرتها توافق ونحدد موعد العرس بس ماهي راضيه الله اعلم وش تنتظر ،

نجلاء انقهرت و صدت بقهر وهي تناظر لامها ،

ام نجلاء : ...

نجلاء انقهرت و صدت بقهر وهي تناظر لامها ،

ام نجلاء : ماودها تتزوج الحين باقي بدري توها صغيره ،

ام مشعل : وش صغيره وانا اختك الي اصغر منها عندهم عيال خمس ولا ست وهذي حتى عرس ما تبي ،

ام صقر التفتت لـ مرام : بنتك هذي متزوجه؟

ام مشعل ابتسمت : لا باقي ماهي متزوجه ،

ام صقر : اها ما شاء الله الله يخليها لك ،

آمال : عمتي بنتك بعد اصغر من نجلاء بسنه ليه ما تزوجينها؟

ام مشعل بحدها : كل شيء قسمه ونصيب ما جاها نصيبها تبيني اطلعها من بيتي ولا ايش! وحتى انتي مانتي صغيره ترا ،

نجلاء قامت بقهر وطلعت لبرا ،

ام نجلاء بتغير موضوع : انتم وش بالقصيم؟

آمال ناظرت الكل بداو يسولفون سحبت نفسها وطلعت وناظرت لنجلاء كانت جالسه بالصاله والدموع بعيونها رمشت لعندها بصدمه : بنتتت مو منجدك تبكين عشانها!!

نجلاء بقهر : قهرتنييي يا آمال وش له داعي تقول هالكلام! لدرجه صرت احسها تبي تخرب على ملاذ بس شدخلها تقول هالكلام قدام ام صقر! هي تعرف اني مو موافقه وانتهى ليه تدقني بكلام و ايش قصدها لما تقول اني انتظر شيء ثاني!

آمال : نجلاء تكفين لا تقهرين نفسك عشانها!

نجلاء : لا يا آمال هالمره ماراح اسكت و راح اقول لجدي يكنسل هالخطوبه ماعاد ابيه ولا تبي هالعرس ،

آمال : طيب مشعل وش ذنبه يا نجلاء؟؟

نجلاء : ذنبه انه هالحيه امه صدت وهي تقوم والتفتت لآمال وهمست : اليوم يا آمال يا انا اطلع الحين واكلم مشعل يا اكلم جدي وابوي يكنسلون هالخطوبه ،

آمال بصدمه : تكلمين مشعل في ايش؟؟

نجلاء طلعت الخاتم من يدها : اطلع وارمي هالخاتم بوجهه واطلب منه يكنسل كل شيء باحترام ي انا اتصرف ،

آمال : انا ماراح اتدخل الي تشوفينه صح سويه ،

نجلاء هزت راسها بـ اي ومشت للغرفه سحبت طرحتها ونزلت لتحت وناظرت لآمال الي كانت واقفه : جوالي معك؟

آمال : اي معي شتبين فيه؟

نجلاء : هاتي اخذت الجوال وطلعت للحديقه وهي تشوف السيارات الي واقف ومشت بهدوء عند باب المجلس وهي تسمع اصوات الرجال وهم يسولفون ،

اخذت جوالها وهي تدور رقم مشعل لما اتصل عليها زمان وحظرته وبعدت عن الباب وهي تتصل ،

مشعل كان جالس مع عبدالرحمن وعمر يسولف معاهم ، فز من شاف جواله يرن استغرب وهو يشوف الرقم وطلع لبرا ،

نجلاء مشت وقفت عند السيارات وهي تشوفه طالع من المجلس قفلت الخط وهمست : انا هنااا ،

مشعل فز بصدمه والتفت وهو يشوفها واقفه بفستانها الاحمر

ولابسه الطرحه تجمد بمكانه وهو يطالع فيها ،

آمال كانت واقفه عند الباب وخايفه احد يجي ويشوف ،

نجلاء ناظرت لمشعل الي كان يمشي بخطوات بطئي لعندها

نزلت دموعها ...

نجلاء ناظرت لمشعل الي كان يمشي بخطوات بطئي لعندها

نزلت دموعها وصدت وهي تمسح دموعها وتبكي ،

مشعل كان مصدوم مشى وقف قدامها : ءءنجلاء؟

نجلاء بحدها : لااااا تجيببب طاري اسمييي على لسانكك!!

مشعل : ليه تبكين شصاير تكلمي!

نجلاء مسكت يده مشعل انصدم وناظر فيها ،

نجلاء حطت الخاتم بيده : من بعد اليوم لاعاد اشوفك يا مشعل ولاعاد اشوف ترسل لي شييي! تعبت منك ومن امك تعبت من كل شيء تحملت كثيرر. بس ماعاد عندي القوه اني اتحمل اكثر خذ هالخاتم معك وانهي كل شيء من طرفك بيكون افضل لاني لو انا تكلمت راح تندم يا مشعل ! صدت عنه ومشت لداخل ، مشعل كان متجمد بمكانه ومو مستوعب شيء ولا كان قادر بوقفها ويفهم شيء ظل بمكانه يطالع لين اختفت من قدامه نزل راسه وهو يطالع بالخاتم ما تحرك من مكانه ، قفل يده وهو يضغط على الخاتم بقوه لين ما حس انه الخاتم طبع على يده غمض عيونه بقهر وقام مشى طلع مفاتيحه من جيبه و ركب السياره و حرك والغصه وسط حلقه

'

نجلاء دخلت ركضت للغرفه آمال لحقتها بخوف ،

نجلاء رمت الطرحه على السرير وجلست وهي تبكي ،

آمال بحزن : ليه تبكين الحين؟ خلاص سويتي الي تبين تسوينه المفروض تستانسين! ليه تبكين يا نجلاء! لانك كسرتيه ووجعتي له قلبه ولا عشان وش؟

نجلاء مدت يدها وهي تمسح دموعها وتبكي : ما ابكي انا ،

آمال فزت من سمعت صوت السياره ركضت عند الشباك وهي تناظر كان سيارة مشعل والتفتت لنجلاء وهمست : راح !

نجلاء صدت وهي تتنفس بقوه و دموعها تنزل ،

'

مشعل كان يسوق والدموع بطرف عيونه وناظر للخاتم الي رماه على مقعد السياره الي جنبه ضرب يده بقهر على الدركسون وهمس : ليهه ياااا نجلاااء ليهه!!! وششش ما سويت عشانك اناا ليهه سويتي فيني كذا!

'

الجد سُليمان بهدوء : اكيد انتم تعرفون سبب وجودنا هنا وليه جينا المره الاول للاسف انكسرت كثير من ردكم وهالمره جيت وانا كلي امل انك ما تكسرني بـ ردك هالمره ،

يوسف التفت لفهد : جيت اطلب يد بنتكم ملاذ على سنة الله و رسوله لولدي صقر نطالب بالقُرب منكم يا فهد ،

وعم الصمت بالمجلس كله ، وبهاللحظه صقر غمض عيونه وهو يدعي انه يلقى الرد الي يبرد خاطره ،

فهد : وهذه الساعه المباركه وانا اخوك وحنا نتشرف فيكم وفي ولدكم ومتاكد اني ماراح القى احسن من ولدك لبنتي وانا واثق ولدك راح يصون بنتي ويحطها بعيونه موافقين حنا ،

صقر فز من كلامه وهو مو مصدق ويلتفت لعبدالرحمن وعمر ويناظر لابوه ويحس انه بحلم ماهو واقع ،

الجد سُليمان ابتسم : نسمي بالله نقرا الفاتحه ، الكل رفعو يدهم يقراون الفاتحه بعد ما خلصوا قاموا وهم يحضنون بعض و...

الجد سُليمان ابتسم : نسمي بالله نقرا الفاتحه ، الكل رفعو يدهم يقراون الفاتحه بعد ما خلصوا قاموا وهم يحضنون بعض ، عبدالرحمن مشى عند صقر : مبروك ،

صقر : عبدالرحمن تكفى لا تقول اني بحلم واذا كان حلم لا تصحيني منه خلني اكمل هالحلم واشوفها معي!

عبدالرحمن بضحكه : بتشوفها بتشوفها لا تستعجل ،

فهد التفت لـ صقر ، صقر ابتسم ومشى لعنده يسلم عليه ويحضنه فهد شد على يده وقرب من اذنه وهمس : مبروك وانا ابوك وكلمتين اقولك ياه حطه باذنك زين يا صقر ملاذ لا اشوفها تبكي او تنزل دموعها بسببك واذا بيوم شفت دمعه منها بسببك ماراح اتركك ، صقر بلع ريقه وناظر فيه واخذ نفس وهمس : عمي اعرف بنتك وتحبها وتخاف عليها اوعدك ماراح اخلي دمعه من عيونها تنزل بسببي او بسبب غيري ،

'

ام صقر ابتسمت وهي تناظر لملاذ الي جالسه جنب امها ،

ام نجلاء ناظرت لرسالة فهد الي رسله : تم الموضوع مبروك،

ابتسمت وهي تقوم تطلع لبرا تتصل عليه ،

ام مشعل : اتوقع انه تم الموضوع وتكلموا ووافقوا ،

ام صقر : الله يسمع منك ان شاء الله بيكون كذا ،

فجاه دخلت ام نجلاء وهمست: مبروك الرجال تكلموا ووافقوا،

ام صقر ابتسمت وقامت والكل قاموا يحضنون بعض ،

ام نجلاء استغربت انها آمال ونجلاء مو موجودين ،

'

آمال : مسحي هالدموع وخلينا ننزل قبل احد يشك بشيء ،

نجلاء صدت : انتي انزلي انا مافيني حيل لشيء ودي اجلس لحالي مابي اشوف احد تكفين ،

آمال : اليوم فرحة ملاذ يا نجلاء لا تخلين هاليوم تعيس ،

نجلاء ناظرت فيها بدموع : ليه ي آمال كل مره انا الوحيده اكون تعيسه بفرحة هالبيت كل مره يصير شي كلكم تفرحون الا انا تعيسه ليه جدي ظلمني مع مشعل ليه سوا كذا؟

آمال : انتي ظلمتي نفسك بنفسك يا نجلاء ما تكلمتي ووقفتي بوجه جدي علطول قلتي انك موافقه ولا حتى فكرتي!

نجلاء بدموع : كنت خايفه ارفض وجدي يزعل مني ما توقعت كل هذا اعيشه يا آمال !

آمال : وش يفرق هالكلام الحين؟ خلاص انتهى كل شيء ! ومشعل راح مو بس من هالبيت من قلبك وحياتك بعد ،

نجلاء : اخاف يصير فيه شي ؟

آمال : خلي يصير يا نجلاء هو ماعاد يعني لك شيء غير ولد عمتك اما خطيبك او زوجك انتهى ماعاد في ويكفي يا نجلاء قومي انزلي صدت عنها وقامت طلعت لبرا نزلت لتحت بهاللحظه ام نجلاء كانت طالعه وشافتها : ويننن رحتوا؟؟

آمال بتوتر : رحت اعدل شعرها و نجلاء مصدعه قالت بترتاح،

ام نجلاء : وش مصدعه! ابوكِ وافق وعطاهم كلمته والكل مبسوطين وفرحانين الا انتم تاركين اختك وجالسين بغرفتكم!

آمال ابتسمت : صدقق وافقو؟ خليني اروح ابارك لملاذ مشت دخلت مجلس الحريم وهي

آمال ابتسمت : صدقق وافقو؟ خليني اروح ابارك لملاذ مشت دخلت مجلس الحريم وهي تناظر كلهم جالسين مشت وهي تسلم على ام صقر و ام مشعل ومشت تحضن ملاذ ،

ام مشعل : وينها اختك غريبه ما جت تبارك؟

آمال بقهر : بتجي الحين ،

'

مشعل وقف سيارته وقام بيدخل البيت لكن وقفه صوت شخص والتفت بحده : شتبييي!

خالد : حرك سيارتك من هنا هذا موقف سيارتي قبلك!

مشعل : ليه موقف ابوك وانا مدري! ولا هالشارع شارع ابوك ولا الارض ارض ابوك !

خالد : الزم حدك وحرك بسرعه دام النفس طيب عليك!

مشعل بقهر : ليه وش بتسوي يعني؟ وانا ماراح احرك سيارتي من هنا بتتصل على شرطه مثلًا ؟ ولا تذبحني!

خالد : قد كلامك يعني ماراح تحرك سيارتك؟

مشعل : اي قد كلامي وماراح احرك وعلمني وش بتسوي ،

خالد : اكسره لك عشان كذا حرك ولا اخليك تندم!!

مشعل : سوي الي تبي تسويه ماراح احرك ،

خالد : حلو طيب اخذ جواله وهو يتصل على اصحابه ،

مشعل كان واقف عند باب بيته بهدوء ويناظر ،

خالد كان يكمل يتصل على اصحابه ويجمعهم ،

مشعل فجاه رن جواله اخذه وهو يشوف رقم ابوه تجاهل وحط الجوال بجيبه وهو يناظر ، فجاه وقف كم سياره وكلهم كانو اصحاب خالد طلعوا وهم يناظرون لمشعل ،

خالد : الحين تكسرون سيارته تكسيرررر.

مشعل مشى وهو يوقف قدامه : هذا حدك تجمع اصحابك ؟ تدري هالحركه اخر مره شفته وانا في المتوسط ؟

خالد التفت لخويه بمعنى امسكه ،

مشى واحد منهم وهو يمسك مشعل ، مشعل دفه بقوه ،

'

ابو مشعل : مدري وين راح ما يرد !

عبدالرحمن : يمكن راح للبيت ؟

ابو مشعل : بس مايرد عالاقل يرد يعلمني مو من عادة مشعل يتجاهل اتصالاتي خلوني اروح اشوفه ، وقفه صوت الجد ،

الجد عبدالعزيز : خله بيجي بنفسه انت اجلس ،

عبدالرحمن : ولا يا عمي انا اروح اشوفه مو مشكله انت اجلس بس عطني عنوان البيت عشان اشوف اذا راح البيت ولا ،

ابو مشعل ابتسم : تمام ياولدي الحين ارسل لك ،

الجد عبدالعزيز مد جواله لعبدالرحمن : تعال هنا طلع لي رقم مشعل خلني انا اتصل عليه يمكن يرد ،

عبدالرحمن مشى اهذ جوال الجد وهو يدور رقم مشعل انصدم من شاف رقم آمال والرقم مو غريب عليه! اخذ جواله وهو يشوف وفعلًا نفس الرقم والجد كان كاتب على اسمها آمال وعرف انها اكيد وحده من بنات فهد الي حاولت تكلمه!

انصدم ولا توقع هالشيء وطلع رقم مشعل ومد الجوال للجد.

'

نجلاء كانت جالسه تبكي قامت مسحت دموعها وعدلت وجهها وشعرها ومكياجها ومشت فتحت الباب ونزلت لتحت توجهت لمجلس الحريم تسلم عليهم وتبارك لملاذ ،

ام مشعل : تشرفتي توك تتذكرين تجين الله اعلم كنتي مع مين كل خواتك هنا الا..

ام مشعل : تشرفتي توك تتذكرين تجين الله اعلم كنتي مع مين كل خواتك هنا الا انتي ،

آمال التفتت لنجلاء الي كانت مقهوره والدمعه بعيونها ،

ام نجلاء : لا بس كانت مصدعه لانها ما نامت زين ،

ام مشعل : ليه ايش عندها ما تنام زين؟ لا اختبارات ولا دراسه ولا زوج ولا عيال ايش الي يخليها تسهر ولا تنام زين؟

ام صقر : يمكن كانت سهرانه مع خواتها ،

ام مشعل : الله اعلم مع خواتها ولا مع مين ،

نجلاء عرفت قصدها وصدت تمسك دموعها وهي مقهوره،

'

مشعل كان واقف ويمينه ويساره واقفين وماسكينه بقوه ،

خالد بحده : هاه تشوف نفسك قد كلامك للحين؟؟

مشعل : اي قد كلامي وماراح احرك سيارتي ، وكان يحاول يدفهم ويطلع نفسه منهم لكن بنفس الوقت مقهور ،

خالد : نصيحه لك استسلم لانك راح تندم ،

مشعل : ندمت كثير ماعاد صار يفرق معي شيء ناوي تقتلني؟ اقتلني ما اقولك لا واذا ناوي تكسر هالسياره ف اكسره لانه بداخله شيء ماودي ارجع المسه وكان يقصد خاتم نجلاء ، واذا لمسته او شفته ف انا الي اذبح نفسي عشان كذا تخلص مني ولا من هالسياره ماعاد يفرق ،

خالد انصدم من كلامه ،

يهاللحظه وقف سيارة عبدالرحمن الي انصدم وهو يشوف العيال متجمعين عند مشعل وفز و ركض له : شصايررر؟؟؟

خالد التفت لعبدالرحمن : اوه شكلك اخوه يلا زين جيت تفاهم معه بالطيب وخله يحرك سيارتي من مكاني ،

مشعل بحده : قلتلككك ماراح احركهه ما تفهممم!!!

عبدالرحمن انصدم ومسك مشعل من كتفه: اهجد!

مشعل دف عبدالرحمن بقوه : ابعددد عنييي انت خلهم يكسرونه ويذبحونييي خلهممم يسوننن الي يبوننن ،

عبدالرحمن ناظر لخالد : انتظرني انا راح احرك سيارته بس خلوه لا تقربون منه ،

مشعل ناظر لـ عبدالرحمن: مالككك دخللل انت تفهمم ولا لا!

عبدالرحمن : عطني المفتاح بسرعه ،

مشعل : ماراح اعطيك ولا راح احرك سيارتي ،

عبدالرحمن : مشعل عطني المفتاح قبل اتصل على ابوك ،

مشعل : روح اتصل عليه ماراح اعطيك ،

عبدالرحمن : شصاير لك؟ توك كنت جالس معانا ومبسوط وتمزح وش صار لك فجاه شفيه وجهك كذا؟

مشعل كان ساكت وواقف وخالد يناظر فيه ،

عبدالرحمن سكت وهو يطالع فيه : تكلم احد مسوي لك شي؟

مشعل تذكر نجلاء لما رمت الخاتم بيده صد ودموعه بعيونه،

عبدالرحمن مد يده لجيب ثوبه وهو يدور المفاتيح ،

مشعل كان ساكت ومنزل راسه ودموعه ينزله سمح لنفسه انه ينهزم حاول يمسك نفسه كثير لكن ما قدر نزل راسه وهو يبكي، عبدالرحمن مشى ركب سيارة مشعل وحرك وقف لبعيد ونزل وناظر فيهم : خلاص يخوي تقدر تتفضل وتمشي،

خالد كان مصدوم وسكت مشى واصحابه لحقوه ،

عبدالرحمن ركض مشى عند مشعل :..

عبدالرحمن ركض مشى عند مشعل : شفيك مشعل ؟؟؟ تكلم احد مسوي لك شي ! فيك شي صاير شي؟؟؟

مشعل هز راسه بالنفي وهو يحاول يلقط انفاسه ،

عبدالرحمن بصدمه : مشعل تكفى تكلم قل شي؟؟

مشعل صد : انا بروح ءءالبيت ،

عبدالرحمن مسكه من كتفه : امشي معي ،

مشعل هز راسه بالنفي وهو مو قادر يتكلم اكثر ،

عبدالرحمن مشى سحب المويا من سياره ومده له : اشرب ،

مشعل صد : اتركني يا عبدالرحمن و روح عني ،

عبدالرحمن : اجلس طيب اجلس هنا ،

مشعل سكت وجلس على طرف الرصيف وعبدالرحمن جلس جنبه وهو ساكت ويناظر فيه ، مشعل مسح دموعه بـ كُم ثوبه واخذ نفس وهو يناظر للشوارع بصمت ،

عبدالرحمن : اذا ممكن فيني اعرف سبب هالضيقه؟ اعرف في شي قوي صاير معك وصلك لذي الحاله انك تبكي!

مشعل صد : مو صاير شيء ،

عبدالرحمن تنهد وهو يناظر فيه بحزن ،

مشعل قام وناظر فيه : عطني المفتاح ،

عبدالرحمن : امشي معي ابوك ينتظرك هناك ،

مشعل بحده : قل له ماني جاي ولا ارجع لذاك البيت وقرب سحب المفاتيح من عبدالرحمن وصد مشى ،

'

الجد سُليمان : ومتى ان شاء الله تسمحون لنا نحدد موعد الملكه والعرس ؟

فهد هز راسه بالنفي : لا ياعمي ماودنا بالعرس خلوه بس ملكه يعني انتم عارفين حالة البنت وماودي شوشره وازعاج وهي بذي الحاله ف ملكه فقط بين الاهل ،

يوسف : الي يريحكم حنا موافقين اي شي تبون تم ،

صقر التفت لعمر : كيف يعني ماراح يكون في عرس!

عمر : غبي انت؟ وشو له العرس وهي ما تشوف شي يعني ما تفرح ولاشيء ف صح كلام ابوها بس الملكه ،

صقر : طب يمكن هي بخاطرها عرس وتلبس فستان ابيض؟

عمر بضحكه : لبسها عندك لما تجيك ،

صقر انصدم وقرب وهو يقرصه ،

عمر ضحك وصد : والله احمد ربك انهم وافقوا بس ،

صقر : وينه عبدالرحمن تاخر؟

'

نجلاء ناظرت لملاذ : تعبتي شكلك اخذك الغرفه؟

ملاذ هزت راسها بـ اي نجلاء قامت مسكت يدها واخذتها ،

آمال قامت لحقتهم و مشو للغرفه ودخلوا ،

ملاذ مشت جلست وهي متوتره طول الوقت ،

نجلاء ناظرت لآمال : بيسون عرس هُم ؟

آمال : الي عرفته من ماما انه بابا رافض مايبي ،

نجلاء سكتت من تذكرت وهمست : تدرين اني خايفه؟

آمال : ليه ؟ لا يكون عشان سالفة مشعل؟

نجلاء : اي خايفه من جدي رغم اني قلت لمش.. سكتت وهي تشوف جوالها يرن مشت ناظرت للاسم وقفلت الخط ،

مشعل كان يسوق ووقف سيارته عند مكانه المُعتاد الي يحبه وكل ما تضايق يجيه البر ونياقه وخويه الي يعيش هناك نزل ومشى بهدوء دخل وهو يشوف خويه واقف عند النياق ،

سالم باستغراب : غريب جاي بهالوقت مو قلت انك بتر..سكت وهو يشوف ملامحه الي ما يطمن وواضح صاير معه شيء

سالم باستغراب : غريب جاي بهالوقت مو قلت انك بتر..سكت وهو يشوف ملامحه الي ما يطمن وواضح صاير معه شيء تنهد وهمس : متهاوش مع احد؟

مشعل تنهد بضيق : ياليت يا سالم ياليت متهاوش ،

سالم : شكله الموضوع طويل تعال اجلس وقل شصاير معك؟

مشعل فتح يده والخاتم بيده سالم انصدم وهو يناظر فيه،

مشعل جلس بهدوء : اليوم الي خفت اعيشه اليوم اعيشه يا سالم رمت هالخاتم بوجهي وانا كليوم اجيك واقولك ايش ارسل لها هديه و ايش اكتب لها بالكرت بس هالمره جيتك اقولك لم جرح صدري كسرتني يا سالم قسم بالله ضاقت فيني الدنيا يا سالم يا وسع هالدنيا ويا ضيق صدري ،

سالم كان مصدوم وما توقع انها ممكن خطيبته تتركه كان يحبها اكثر من نفسه ويموت فيها !

'

= الكل تجمعوا على العشاء وبعد العشاء تقهوو وكل شخص راح لبيته وانتهى يومهم بفرح الا مشعل الي انتهى يومه بضيق، وصقر الي الان مو مصدق انه فعلًا وافقو وملاذ بتصير زوجته! كان جالس بالسياره ويضحك كل ما تذكرها ،

عمر اخذ الجوال وهو يتصل على سلطان ،

ام صقر بضحكه : عساك مبسوط الحين؟

صقر : الارض مو شايلني من الفرحه يا يمه ،

عبدالرحمن الي كان بعيد عنهم ويفكر ليه بنت فهد راسلته وسوت هالحركه ووش مقصدها من الكلام الي قالتها؟

عمر بضحكه : والله سلطان شكله نام بالمطار ما يرد ،

يوسف : خله يا يبه لا تزعجه خله يوم القصيم ونعلمه ،

الجد سُليمان : كلمتوا الشغاله ترجع ؟

ام صقر : اي كلمتها ترجع وتجهز له فطوره و اكله وتنتبه له،

'

البنات كانوا جالسين بغرفتهم ملاذ كانت منسدحه وتفكر بحياتها الي من هاليوم تبدا تعيشه وتعيش مع شخص ما شافته ولا تعرفه ولا بتشوفه ولا تقدر تكلمه كيف بتعيش معه؟

ونجلاء الي كانت خايفه من ردة فعل اهلها اذا عرفوا عن مشعل والي سوته تنهدت وهي تاخذ جوالها ومتردده تكلمه.

آمال كانت باليوتيوب تدور اغاني تشغلهم بملكة ملاذ كانت بعالم ثاني لكن فزت من وصلت لها رساله من عبدالرحمن ،

اخذت جوالها وهي تشوف راسل : هاه يا بنت فهد شالاخبار؟

فزت وتجمدت بمكانها بخوف : يمه كيف عرف! ركضت بتروح عند نجلاء لكن وقفت وهي تشوفها نايمه ، قامت تكتب وهي متوتره : مين فهد شقاعد تقول؟

عبدالرحمن شاف رسالتها : اوه غريب ما تعرفين ابوكِ؟

آمال بصدمه : شكلك سكران مو بوعيك شقاعد تقول؟؟

عبدالرحمن بسخريه : تقولين لي سيارتي مو موجود بالقصيم؟

آمال بخوف : ما قلت كذا قاعد تجيب كلام من راسك ،

فهد دخل الغرفه وناظر لـ لطيفه كانت واقفه عند التسريحه تعدل شعرها وتمسح مكياجها ابتسم ومشى وهو يحط ساعته على الطاوله وهمس : هاه مبسوطه ؟

ام نجلاء التفتت له : مدري للحين مو عارفه شيء ،

فهد : اشوف البنات مختفين صاير شيء؟

ام نجلاء : والله تعبانين ونجلاء مدري شفيها متضايقه واختك ما قصرت فيها قعدت تدقها بالكلام ،

فهد : تدق نجلاء بالكلام! وليه؟

ام نجلاء : تعرف اختك انت تبي نوافق للزواج ،

فهد : وينها نجلاء خليني اش..قاطعتها لطيفه : نايمه خلها،

فهد : انا ابوهااا يجون يكلموني انا مو بنتي!

ام نجلاء : اختك مو اول مره تسوي هالحركات دايم تجي تضايقها بس اسكت عشان مابي مشاكل ،

فهد بحده : انا بنتي ماهي محبوره انها تتحمل كل هذا وتسكت صحيح اختي على عيني وعلى راسي بس كل شيء الا ضيقة بناتي ما ارضى يا لطيفه والمفروض تعلميني!

'

عمر : صدق يبيها تلبس فستان ابيض ،

عبدالرحمن ترك جواله : اجل تلبس ليش لا ،

صقر : والله ودي لو جبتها معي اليوم اوف بس مافيني صبر ،

عمر : البنت بتنحاش منك والله انت ووجهك ذا ،

صقر تنهد : تصدقون اني خايف لو تعالجت وصارت تشوف ف ما تتقبلني وتكرهني؟

عبدالرحمن : اهب وش هالتفكير خل عنك بس وش زينك ،

عمر : والله لو انا اعمى وما اشوف برضوا ما ارضى بواحد زي صقر معليش بس هذا الصدق ،

عبدالرحمن : اقول اتصل على سلطان شف وينه ،

صقر : الحين ليه ابوها رفضت العرس؟

عبدالرحمن : يمكن عشان البنت ماتبي ،

'

ام صقر : ولدك مبسوط الفرحه مو سايعته ،

يوسف ابتسم : الحمدلله وهذا الي نبيه حنا ما قدرت اتحمل وانا اشوف ولدي طايح ويعاني من ورا هالحُب الي ضيعه ،

ام صقر : بس تصدق شفت البنت واحس صعب صقر يعيش معها كيف يتعامل معها هي حتى خواتها يغيرون لها!

يوسف بهدوء : عادي وين المشكله هو زوجها وقت على انه يغير لها؟ واذا هي ما ودها يحط لها شغاله مو مشكله بس اهم شي سعادة ولدي ماودي نروح عن هالدنيا وحنا كاسرين بخاطرهم ودي احقق لهم كل الي بخاطرهم ،

'

سالم بهدوء : انت ايش فكرت؟

مشعل : حاولت نتفاهم اتصل عليها تقفل بوجهي ما تعطيني فرصه حتى ماني عارف يا سالم ،

سالم : بس لو اصرت على قرارها بتتركها صح؟

مشعل : وش اسوي بعد خلاص بنفسي اكلم جدي واحط كل الغلط واللوم علي اهم شي هي ما تتاذى راضي انذل و انهان من اهلي واهلها بس هي ما تمسها الضرر ،

سلطان نزل وبيده اغراضه ابتسم وهو يرفع راسه ويناظر لبيتهم ومشى طلع المفتاح وفتح الباب و دخل استغرب من الهدوء ترك اغراضه وهو يصارخ : مارليننن ،

الشغاله كانت جالسه بالمطبخ تكلم زوجها فزت و تركت جوالها و ركضت : هلا بابا انتا جيت ما شاء الله ،

سلطان : اي جيت خذي اغراضي لفوق وانا بروح اخذ لي شاور سوي لي شي سريع قبل اطلع ،

مارلين : وماما كيف وعمر وبابا كيف؟

سلطان : كلهم بخير يسلمون عليكِ يلا روحي اخلصي ،

مارلين ابتسمت واخذت اغراضه ومشت ،

سلطان اخذ جواله وهو يتصل على مصعب دقايق و رد ،

مصعب : هلا هلا تو ما نور القصيم ،

سلطان ابتسم : القصيم منور بوجودك والله عالعموم جايك بعد شوي استلم منك ملف القضيه ،

مصعب : على هالطاري ما تقدر تتواصل مع البنت ،

سلطان بضحكه : ما شاء الله وكيف اخذ الادله؟

مصعب : بيوصلك كل شيء بس اوعدني تكسب هالقضيه!

سلطان : ما اوعدك يا مصعب لانه صعب هي رافعه قضيه ضد ابوها واخوانها وانهم يعنفونها ولو ابوها قدر يخليها كذابه وقته وش اسوي خصوصًا انا ما معي اي ادله اثبت انها صادقه لازم اكلمها اجلس معها ابيها تجي المكتب نتفاهم !!

مصعب : صعب يا سلطان ما تقدر تطلع من البيت ،

سلطان : طيب بس ما اضمن لك اني راح اكسب هالقضيه نسبة نجاحه اشوف... قاطعه مصعب : جايك انا ونتفاهم ،

'

صقر نزل من الفندق لتحت وقف وهو يدخن ومبتسم ،

فز من حس بشخص وراه التفت وهو يشوف عمر و عبدالرحمن وناظر فيهم : شعندكم تراقبوني؟

عمر : هالله يا صقر احس نفسي بمسلسل وانا اشوفك كل دقيقه تبتسم كانك تتخيلها قدامك ،

عبدالرحمن : والله ذابحك الحُب يا صقر ،

عمر : تكفى يا عبدالرحمن انت بعد حب وحده وصير نفس صقر شوفه بالله هادئ وساكت وبس يبتسم ويتخيل وينه صقر الي كل دقيقه مسلط علي وينتقدني ويتهاوش معي؟

عبدالرحمن دف عمر : ابعد بس فكني من الحُب ،

عمر : والله ودي اجرب اعيش شعور صقر واتخيل زوجتي ،

صقر بسخريه : قبل تجرب طالعت بنفسك في المرايا؟

عبدالرحمن : لا جن يتقبل فيه ولا انس سلم امرك لله ،

عمر ناظر لصقر : عادي ان شاء الله احب وحده عمياء ما تشوف عشان تتقبل فيني زي ما زوجتك تقبلتك ،

عبدالرحمن التفت لصقر الي صد وواضح تضايق ،

عمر لاحظ وهمس : اقول وين سلطان ما يرد؟

عبدالرحمن : بجيبي يعني وين بيكون شدرانا حنا؟

عمر : تدري يا صقر ابوي مكلمني يبيني اصير عسكري؟

صقر : اي بالله ما منك فايده عالاقل اخدم وطنك يا فاشل ،

عبدالرحمن : هذا يوم يبي يصير طيار ويوم يبي يصير دكتور ويوم يبي يصير عسكري انت زين لو حطوك فوق سيارة الاسعاف تقول يويويو قال عسكري قال اذلف بس ،

عبدالرحمن : هذا يوم يبي يصير طيار ويوم يبي يصير دكتور ويوم يبي يصير عسكري انت زين لو حطوك فوق سيارة الاسعاف تقول يويويو قال عسكري قال اذلف بس ،

صقر بضحكه : ماعليك خله يتخيل ويحلم دام الاحلام ببلاش.

عمر : والله اصير و اوريكم وبتندمون على كلامكم هذا ،

صقر : اقول روح نام وكمل احلامك ،

عمر انقهر منهم : انا الغلطان الي جاي اكلمك صد ومشى.

عبدالرحمن ضحك وهو يلتفت لصقر : يستاهل ،

صقر : والله مدري هذا وش يبي من الحياه ،

عبدالرحمن : بالله امشي معي خلنا نتمشى واعلمك سالفه،

صقر : سوالفك التعبان ما اتخلص منه طول حياتي ،

عبدالرحمن : السالفه تخص زوجتك ،

صقر بصدمه : تخص ملاذ؟ ليه وش عرفك فيها؟

عبدالرحمن دفه من كتفه : اقول حرك عشان اعلمك ،

صقر : يعني بالله عليك احد راح يسمعنا ولا وش ،

عبدالرحمن صد وهو يمشي صقر لحقه ،

عبدالرحمن بهدوء : قبل كم يوم شفت رقم غريب رسل لي ،

صقر : اي كمل؟

عبدالرحمن : وطال عمرك شفت صورة العرض طلعت بنت وتبيني ارجع القصيم وتقول اذا رجعت القصيم راح تشوفني وتعرفني ويوم سالتها مين انتي علميني عيت تعلمني وتقول سيارتك مو في القصيم عرفت انها كذابه وتسوقه علي وسلكت لها تخيل بالله طلعت مين؟

صقر باستغراب : مين و ايش تبي منك؟

عبدالرحمن : بنت فهد ، صقر انصدم والتفت له بصدمه وهو يناظر فيه : بنت فهد اخت ملاذ يعني! كيف طيب ومن وين جابت رقمك و ايش تبي منك؟

عبدالرحمن : ماني عارف يا رجال ويوم علمتها اسم ابوها قامت تجحد وتقول معرف احد باسم فهد ،

صقر : طب يمكن مو بنت فهد شعرفك انت انها بنته؟

عبدالرحمن : لما مشعل اختفى جدها ناداني اطلع له رقم مشعل وشفت رقمها بجوال جدها وعرفتها ،

صقر رجع يدينه لوراء ظهره : ايش تبي منك طيب؟

عبدالرحمن بعصبيه : يخيي ايش عرفني انا ! ما تصارحني ،

صقر : اتصل عليها طيب وكلمها وشف كيف تتهرب ،

عبدالرحمن طلع جواله من جيبه وهو يدخل الواتس ،

صقر : حط سبيكر بسمع شتقول ،

عبدالرحمن عقد حواجبه : بتسمع صوتها؟

صقر : ليه مسوي لي فيه تغار؟

عبدالرحمن : لا تعقب اغار ع وحده معرفها ،

صقر : الله اعلم وش تنتظر للحين ما حذفتها وبلكتها؟

عبدالرحمن بضحكه : بالله ي صقر تحسبني زيك اطيح بوحده عشان مجرد محادثه بيننا؟

صقر : انا تركت المحادثات لك انت انا شفتها قدامي ومسكت يدينها ف لا تلومني وتقول كيف حبيت بهالسرعه ،

عبدالرحمن ابتسم وصد وهو يتصل على رقم آمال ،

'

نجلاء بدموع : معرف يا آمال احس خايفه ،

آمال : خلاص يا نجلاء انتي اخترتي راحة بالك لا تخافين من شي مستحيل بابا يجبرك على الزواج منه!

نجلاء بهدوء ...

نجلاء بهدوء : خايفه من جدي يا آمال ،

آمال : لا تخافين بابا يتصرف بهالموضوع قومي نشرب شاي ونروق شوي الاجواء تجنن نمشي للحديقه ،

نجلاء : تمام اغسل وجهي واكلم الشغاله تجلس عند ملاذ،

آمال قامت بتتكلم لكن فجاه رن جوالها استغربت وناظرت للرقم وانصدمت وهمست : نجلاااء قاعد يتصلل!

نجلاء باستغراب مين والتفتت وهي تشوف اسمه كانت مسجله على اسمه السراق لانه اخذ شيهان وسمته كذا ،

نجلاء : لا ترديننن ياويلككك لو رديتي ،

آمال قفلت الخط وقفلت جوالها للابد وحطته ،

نجلاء : ياربي منك الحين هو عرف انك مين والحين يتصل يا خوفي اذا يهددك يا آمال ،

آمال : ماني خايفه منه بقول هو الي كلمني ،

نجلاء : لا بالله على اساسا ماعنده دليل انك انتي راسلتيه؟

آمال بتوتر : ارد و اتفاهم معه واعتذر؟

نجلاء : ياويلككك منييي اذا سويتي كذا قومي امشي معي وخلي جوالك ولا تردين على رسايله ،

'

عبدالرحمن بسخريه : ما ترد وقفلت بوجهي ،

صقر : في شي غريب بالموضوع يا عبدالرحمن وش تبي منك وكيف عرفت رقمك وكيف جابتك وتواصلت معك؟

عبدالرحمن : حتى انا مستغرب كلمتني بعد ما ابوها رفضك،

صقر : لا يكون تحسبك انا؟

عبدالرحمن : ما اتوقع ،

صقر : اجل خلها و شف نهايتها وش بس تكفى لا تسوي شي بسببه تخرب سالفتي مع ملاذ !

عبدالرحمن : لا تخاف ما بيصير شي بينك وبين ملاذ بس هذي ما اخليها لين اعرف وش تبي مني ،

صقر : هد لا تشد حيلك عشان ما تقلب الطاوله عليك ،

عبدالرحمن تنهد : خلنا منها متى بنرجع للقصيم؟

صقر : والله مدري بس الصدق فقدت سلطان ،

عبدالرحمن ابتسم : اي والله من اول ليله فقدته اشتقت وهو يحارش عمر ويتحمس لعرسك خلني اتصل اشوف ،

اخذ جواله وهو يتصل على سلطان ،

'

سلطان طلع من الحمام " يكرم القارىء " ومشى لبس ملابسه وعدل شعره ولبس ثوبه فجاه رن جواله اخذ وهو يشوف الاسم " دحوم " ابتسم و رد : ياهلا ياهلا زين ذكرتني ،

عبدالرحمن حط سبيكر : والله انت الي اشوفك نسيتنا كم لي اتصل عليك ولا ترد وعمر الف مره اتصل عليك؟

سلطان : والله اني ما انتبهت كل عقلي مع هالقضيه ،

صقر : حتى ما كلفت على نفسك تتصل وتبارك ؟

سلطان فز : اوه صقر بعد معك بشرني وافقوا صح؟

عبدالرحمن : يا ذكي قاعد يقول ما باركت لي معناته وافقوا ،

سلطان ابتسم : مبروك مبروك لولوششش ،

عبدالرحمن : اذني يا رجال بشويش فقعت اذني ،

صقر بضحكه : عقبالكم انتم الحمدلله الحين صرت متزوج لا تنادوني باسمي قولو ابو سيف ،

سلطان : سلامات وشو سيف مالي دخل تسميه سلطان ،

عبدالرحمن : لا لا عمر احسن عشان يطلع نفس غباءه ،

صقر :...

عبدالرحمن : لا لا عمر احسن عشان يطلع نفس غباءه ،

صقر : والله راضي اختار اسم حيوان ولا اختار عمر ،

سلطان بضحكه : وينه عمر بالله مشتاق له ،

عبدالرحمن : ابشرك زعل و هج للفندق ،

سلطان : اكيد طقطقتو عليه يا حمار انت وياه ،

صقر بضحكه : تخيل بالله يقولك بيصير عسكري ،

سلطان : هذا حده يحمي بيتك يا صقر ،

عبدالرحمن انفجر ضحك : حسبي الله يا سلطان ،

'

مشعل كان جالس يناظر للنياق وسالم يسوي الشاي بعد دقايق خلص وصب لنفسه ولمشعل ومشى جلس جنب مشعل

ومد له الشاي مُلاحظه ( سالم كبير بالسن كل عمره يعيش في البر وينتبه للنياق و زوجته وعياله في بلدهم )

وهمس : اشرب وانا ابوك اشرب مافي شي راح يتغير هذا انا كل عمري بين هالبر والنياق وتارك زوجتي وعيالي وعايش في الغُرب عشان لقمة عيش و راضي بواقعي والي يصير متحمل فراق زوجتي وعيالي ،

مشعل : انا مافيني هالقوه اني اتحمل انا مو زيك ،

سالم : صحيح مانت زيي بس راح تتعود صدقني ،

مشعل : بسالك يا عم سالم وجاوبني الصدق ليه الي نحبهم يتركونا؟ ليه وش ذنب هالقلب لما يتعلق فيهم يسون كذا!

سالم : هذا درس لك عشان ما تتعلق باحد ،

مشعل : بس هي كانت بتصير زوجتي! ليه عيشتني بالاحلام وعلقتني فيها والحين تبي تتركني ليه ما تركتني من البدايه؟

سالم : الحُب مافيه خير يا مشعل مافيه خير ،

مشعل : الحُب فيه خير لكن حنا نتعلق بالاشخاص الغلط،

سالم : مو انت اخترت قرارك بتتركها؟

مشعل : اي بس من وين اجيب هالقوه واوقف قدام جدي واقوله ماعاد ابي حفيدتك والله انه يدفنني و يخليها تشرب قهوة عزاي وتتحلى على دمي ،

سالم : اذا تبي رايي ف اقولك لا تسوي شيء خلي الموضوع زي ماهو خلكم متعلقين بالنص لا القرار لك ولا لها اتركو الموضوع على الكبار هُم بنفسهم يتصرفون ،

مشعل تنهد وهو يشرب الشاي وهمس : تشوفه صح؟

سالم : اي اشوفه صح لا انت الي بتندفن ولا هي ،

'

نجلاء و آمال طلعوا وجلسوا برا والشاي قدامهم ،

آمال : لاول مره اندم واعيش بهالخوف الله ياخذه ،

نجلاء : قلتلك لا تسوين بس ما سمعتيني ،

آمال : يخييي كيف جاب رقمي ابي افهم!

نجلاء : معرف الصدق بس العيال خبيثين مافي شي صعب عليهم هذا مشعل ما عطيته رقمي بس طلعه من تحت الارض،

آمال : خليني منهم افكر ملاذ كيف تعيش مع ذا صقر؟

نجلاء : صحيح صعب بس يتعود زي ما تعودنا حنا ،

آمال : بس في فرق يخي هو رجال حنا بنات ،

نجلاء : بس هالرجال زوجها يا غبيه !

آمال : ما اتوقع ملاذ توافق احس راح ترفض ،

نجلاء : سمعت ماما تقول انه ما يتم الملكه الحين بالاول نروح القصيم ونروح بيتهم ومدري وشو ،

آمال : ..

نجلاء : سمعت ماما تقول انه ما يتم الملكه الحين بالاول نروح القصيم ونروح بيتهم ومدري وشو ،

آمال : لا يكون جدي وافق بعد على كلام ماما؟

نجلاء : للاسف اي وهم عزمونا عندهم بس مدري متى اظن قالوا اول ما يرجعون القصيم نروح لهم ،

'

" مصعب و سلطان كانو جالسين بالكافيه "

'

مصعب : هُم اثنين خوات الكبيره ماعليها خلاف تقدر تستقر لحالها الي عليها الخلاف الصغيره لانها تحت السن القانوني

قاصره تحت ولاية ابوها هو يعنفهم يضربهم يطلع حرته فيهم

الكبيره زي ما قلتلك يا سلطان ماعليها خلاف تقدر تسوي الي تبي عمرها بالعشرينات لكن الصغيره عمرها ١٠ سنوات تتعنف من ابوها ومحد يقدر يسوي شي لانها تحت ولاية ابوها

ف الكبيره رفعت قضيه مد يده و رمى الملف قدامه وناظر فيه وهمس : تفضل هذا ملف القضيه ،

سلطان بهدوء : شف يا مصعب انا راح اسوي الي علي و اتواصل معها واساعدها قانونيًا لكن هل في ادله تثبت انها البنت الصغير معنفه من ابوها ؟

مصعب : اي في يا سلطان بالاول افتح الملف وشف ،

'

عبدالرحمن وصقر دخلوا الجناح وهم يشوفون الجد نايم

وعمر جالس يطقطق بجواله صقر مشى انسدح جنبه ،

عمر بقهر : ابعد عني روح مكانك !

صقر : ماهو مكانك مكان سلطان سمح لي انام ،

عبدالرحمن بضحكه : بشويش جدي نايم لا يقوم عليكم ،

صقر : عمر تدري شفنا لك عروسه ،

عمر : خله لك انا مابيها ،

عبدالرحمن صد ومشى انسدح وهو ياخذ جواله ويضحك عليهم والتفت لهم : صقر ارجع مكانك ،

صقر مشى انسدح جنب عبدالرحمن وهمس باذنه : بالله شرايك نمقلب عمر ؟

عبدالرحمن : كيف؟

صقر : سوي حساب في اي برنامج بس حساب بنت وارسل له،

عبدالرحمن بضحكه : حرام عليك لا يصدق ،

صقر : بالله خلنا نشوف شيقول احسه راعي بنات ،

عبدالرحمن : عندك حساب طيب؟

صقر : لا يا رجال سوي لك حساب جديد ،

عبدالرحمن دخل السناب وهو يسوي حساب جديد ،

صقر : سمي نفسك ساره عشان يدلع سارونه ،

عبدالرحمن كتم ضحكته وهو يسجل الاسم ساره ،

وفعلًا سوا الحساب وناظر لصقر : عطني سناب عمر ،

صقر : لا تضحك عشان ما يشك، وعطاه السناب ،

عبدالرحمن ضيفه وهو ينتظر عمر يقبله ،

صقر : مسوي لي فيه ثقيل ورا ما يقب..ماكمل كلامه الا وعمر قبل اضافته و دخل كتب لها : منوره ،

صقر انصدم وكتم ضحكته : يقلع عدوه الخفيف ،

عبدالرحمن كتب له : النور نورك ،

عمر كان منسدح ابتسم وكتب : اسمك حلو ،

عبدالرحمن : هذا لازم نسحب منه الجوال الخفيف ،

صقر : قل له اسمك الي حلو ،

عبدالرحمن : لا لو سمحت لازم الثقل وكتب : تسلم ،

عمر : كم عمرك ؟

صقر : قل له انت كم تتوقع ،

عبدالرحمن ضحك...

صقر : قل له انت كم تتوقع ،

عبدالرحمن ضحك وكتب : كم تتوقع ؟

'

نجلاء مشت تنام آمال اخذت جوالها وطلعت لبرا للحديقه ودخلت الواتس وكتبت لعبدالرحمن : ليه اتصلت؟

عبدالرحمن شاف الاشعار وصقر كان جنبه و فزو ،

صقر : هذي بنت فهد صح؟

عبدالرحمن : اي و دخل كتب لها : ليه ما رديتي؟

آمال : تقدر تقول هنا ايش تبغى بدون ما تتصل!

عبدالرحمن : طيب ممكن تعلميني ليه سويتي هالحركات؟

آمال : خلاص اسفه اعتذر غلطت وعرفت غلطتي بس تكفى لاعاد ترسل لي او تتصل علي او تعلم لاحد بشيء ،

عبدالرحمن استغرب وناظر لصقر وكتب : اشوف خايفه ،

آمال : ماني خايفه بس مابي مشاكل خلاص انهي الموضوع،

عبدالرحمن : لا فيني فضول ليه كنتي تبين ارجع القصيم؟

صقر ناظر له : خلاص خلها واضح انها خايفه ،

عبدالرحمن : والله لا العب باعصابها لين تعلمني ليه سوت كذا،

صقر ناظر لعمر الي كان يرسل : ي رجال رد بيموت هذا ،

عبدالرحمن بضحكه : ما صدق انه في بنت رسلت له و دخل وهو يشوف راسل : اتوقع عمرك بالعشرينات وينك ردي ،

صقر : اهب يالخفيف لا بارك الله فيه ،

عبدالرحمن : والله خلنا نسحب عليه لا يقعد يتخيل في بنت تحبه ،

صقر : لا تكفى كمل كمل نشوف ،

'

آمال قفلت الجوال ومشت دخلت الغرفه وهي تشوف نجلاء نايمه فزت من سمعت صوت باب طلعت لبرا وهي تشوف جدها يدخل المطبخ ابتسمت و لحقته : غريب صاحي؟

الجد التفت لها و ابتسم : اي يابنتي جيت اخذ مويا ،

آمال : اذا مافيك نوم عادي تجلس معي ؟

الجد عبدالعزيز : ابشري جيبي لي مويا وتعالي للمجلس ،

آمال ابتسمت ومشت سحبت قرورة مويا ولحقت جدها و دخلوا المجلس الجد مشى جلس وجلست جنبه وعطته المويا الجد اخذ منها وهمس : اي وشفيها بنتي ماتبي تنام؟

آمال : احسني زعلانه بخصوص ملاذ وما تسون لها عرس؟

الجد ابتسم : اعرف هالسوالف ودك بعرس و رقص بس ابوكِ مو راضي يا بنتي يحس انها ملاذ راح تحزن لانها ما تقدر تشوف شيء ولا تستمتع ف ملكه و في البيت افضل.

آمال : طب نجلاء كانت تقول بنروح للقصيم عندهم صح؟

الجد : اي بنروح ونشوف الوضع كيف والملكه بعد شهر ،

'

سلطان دخل البيت ومشى حط اغراضه على الطاوله وتوجه للمطبخ وهو يشوف مارلين جالسه وسرحانه ضحك ومشى جلس عندها : وش عندك زعلانه ؟

مارلين : مافي شي انتا يبغى شي يجي هنا؟

سلطان : لا ما ابغى شي بس جيت اشوف ايش تسوين ،

مارلين بحزن : انا اشتاق بنت حق انا في فلبين ،

سلطان : طيب اتصلي ؟

مارلين : لا انا ايبغا بنت انا يجي هنا عند انا ،

سلطان : اها وكيف تجي ؟

مارلين بتفكير وناظرت فيه : انتا في زواج مع بنت انا؟

سلطان انصدم وضحك: ..

سلطان : اها وكيف تجي ؟

مارلين بتفكير وناظرت فيه : انتا في زواج مع بنت انا؟

سلطان انصدم وضحك : انا؟؟ واتزوج من بنتك الي عمره ثمنيه سنوات؟؟

مارلين : سوي زواج مع بنت انا روح فلبن وسوي زواج ،

سلطان بضحكه : اي ابشري اقول قومي نامي بس ،

مارلين : سولتان انتا ادري انا زواج كيف صار؟

سلطان ناظر لساعته : والله الساعه ١٢ مالومك اذا فضفضتي،

مارلين : انا زمان في حب واحد ثاني بس بابا مال انا كلم مافي زواج مع الي احبو لازم زواج مع ولد عمي انا ،

سلطان : يعني كنتي تحبين واحد وابوك اجبرك من واحد ثاني؟

مارلين : ايوااا بس انا مافي حب زوج انا ،

سلطان : اي واضح وانتي جايبه منه عشره طفل ، ضحك وقام والتفت لها : انا رايح فوق سوي لي قهوة ،

مارلين هزت راسها بـ اي ومشت تسوي له ،

'

" نروح لحياة إيلان واختها الصغيره "

إيلان كانت جالسه بغرفتها وهي تناظر لـ سديم تلعب تنهدت واخذت جوالها وتركتها : سديم يلا ننام؟

سديم : لا باقي ابي العب ،

إيلان : سديم تعالي نامي قبل يجي بابا ،

سديم مشت بخوف وجلست جنبها : انتي قلتي بابا ماراح يسوي لي شيء و راح تاخذيني من هنا ؟

إيلان بحزن : صحيح يا سديم بس لازم يبي لي وقت ،

سديم : مين يساعدك تاخذيني من هنا؟

إيلان رفعت كتوفها : ما كلمته باقي توه وصل القصيم ،

سديم سكتت وانسدحت جنبها ، إيلان ابتسمت وقعدت تمسح على شعرها بهدوء لين نامت ،

إيلان غمضت عيونها بتنام معها لكن فزت من سمعت صوت جوالها اخذته وهي تناظر للاسم كانت سُلاف ،

إيلان : هلا سُلاف ؟

سُلاف : اليوم الاربعاء اكيد المحامي رجع صح؟ شصار ؟

إيلان : اي كلمني المحامي مصعب وقال انه رجع خويه وهو يمسك القضيه عنه ويتواصل معي بس الى الان ما كلمني،

سُلاف : يارب ينسجن وتفتكون منه انتي وسديم ،

إيلان : انا خايفه على سديم يا سُلاف خايفه عليها ابوي ما همه شيء غير نفسه عمرها ١٠ سنوات ويرفع يده عليها!

سُلاف بحزن : عارفه يا إيلان وحاسه فيكِ والله ،

'

صقر بضحكه : اقول خلنا ننام نكمل لعب فيه بكره ،

عبدالرحمن : سلطان قاعد يتصل كام ؟

صقر : فاضي ذا اسحب عليه ،

عبدالرحمن : والله شكله في موضوع مهُم خلني انزل اكلمه وارجع لك ، صقر هز راسه بالنفي وهو يقوم معه : بمشي معك، وطلعوا لبرا وعُمر الي نام وهو ينتظر رد ساره ،

عبدالرحمن دخل المصعد و صقر معه ونزلوا تحت وطلعوا من الفندق و رد وفتح الكام : يا ذا الوجه الي ما صدقت افتك منه.

سلطان : اقول شايف وجهك انت وايش عندك صاحي؟

عبدالرحمن : ازعجتني و صحيت من عز نومي وتقول شعندك صاحي؟ صقر كتم ضحكته ،

سلطان : ..

عبدالرحمن : ازعجتني و صحيت من عز نومي وتقول شعندك صاحي؟ صقر كتم ضحكته ،

سلطان : والله من وجهك مو واضح انك كنت نايم ،

صقر لف الكام ع نفسه : هاه كيف القصيم بدوننا؟

سلطان : والله حلو و روقان خلكم في المدينة لا ترجعون ،

عبدالرحمن : ي رجال من يوم ما جينا المدينه وحنا نصلي بالمسجد ما رحنا المدينه ،

سلطان : من قلة الايمان الي فيك وفي الي جنبك لا بارك الله فيكم لا وجه ولا اسلوب ولا ايمان ،

صقر : شف من يتكلم عن الايمان وهو كان مستثقل انه يصلي ركعتين في المدينه وثم يسافر اهب عليك بس ،

سلطان : انا صليت في الطياره في السماء من قوة الايمان ،

عبدالرحمن : وحنا صلينا في الارض مافي فرق ،

صقر : والله لو احلف انك ما صليت وكنت نايم ،

عبدالرحمن ناظر لسلطان بالكام : اقول طف اللمبه الي وراك احسبه نور ايمانك طلعت مشغل الاضاءة ،

سلطان ضحك وقرب الاضاءة من وجهه : نور ايماني تطمن مافي لمبه وراي تتخيل انت ،

صقر : الا اقول سلطان في احد سال عني بالقصيم؟ والله احس راح يفصلوني من الدوام ،

عبدالرحمن : ماعليك واسطات جدي وابوي ما يقصرون ،

سلطان : والله صادق يا دحوم هذا بغى يقتل مريض وما انقذه الا واسطات جدي فال دكتور قال ،

صقر : والله اني انقذت الف واحد خل عنك بس ،

سلطان : شكلك انقذتهم بخيالك يا رجال انقلع بس قال انقذت الف واحد وانت بغيت تدمر حياتهم ،

عبدالرحمن بضحكه : سلطان اشوفك لقيت عمر نايم مسكت صقر المسكين ، بهاللحظه دخلت مارلين ومشت حطت القهوة جنب سلطان ، سلطان ضحك ولف الكام لها وهمس لمارلين : مارلين تعالي شوفي مين هنا ، مارلين استغربت ومشت وهي تناظر وقامت تضحك : سقور دهوم ،

صقر : الله يخلف يا مارلين باقي ما تعلمتي اسمي؟

عبدالرحمن كان يضحك وناظر للبنقالي الي مر و لف الكام عليه : مارلين شوفي لقيت لك حبيب ،

مارلين قربت وجهها وهي تناظر سلطان دفها ؛ صدقتي شفيك.

مارلين : هذا مو زوج انا ،

صقر بضحكه : تحسبنا في فلبن من وين نجيب زوجك؟

عبدالرحمن : مارلين كيف البيت بدوننا؟

سلطان ناظر لمارلين الي كانت متحمسه ومقربه وجهها من الجوال ضحك وهو يبعدها : خلاصصص يااا بنت وشو اول مره تشوفين وجههم خنقتيني والله ،

مارلين بعدت وهي تطالع فيه بقهر : مافي سوي شي انا انتا كلم تعلي شوفي انا مافي شوف صدت وطلعت لبرا ،

صقر بضحكه : حسبي الله يا سلطان حتى هي ما خليتها ،

سلطان : يا رجال خنقتني وهي مقربه كذا لا تشوفها امي بس،

عبدالرحمن : زعلت شكلها الحين ما تسوي لك فطور ،

سلطان : ..

عبدالرحمن : زعلت شكلها الحين ما تسوي لك فطور ،

سلطان : ماخذه دور الزوجه شافت مافي احد تبي تزوجني بنتها بعد والله لو هي وبنتها جمال الكون ما اخذتهم ،

صقر : ي رجال زين لو بنتها تقبل فيك انت و راسك ذا ،

عبدالرحمن : اقول توكلوا فيني نوم والله ،

سلطان بضحكه : يلا اذلف وقفل منه وهو يضحك وحط جواله واخذ القهوة وهو يشرب بهدوء ،

'

= صباح يوم جديد على الابطال =

'

آمال قامت بانزعاج وهي تشوف نجلاء مشغله كل اللمبات

وتلبس عبايتها فزت وناظرت : وين رايحه؟؟

نجلاء : اهج من البيت يعني وين رايحه السوبر ماركت مع جدي بنجيب اغراض للبيت ،

آمال وهي تقوم : انتظريني بمشي انا بعد ابي اخذ شبسات وخرابيط للسهره ومشت توجهت للحمام " يكرم القارئ "

نجلاء : ياربي منها نشبه هالبنت مشت طلعت للحوش لكن فزت ووقف وهي تشوف الجد يكلم ابو مشعل ، استوطن قلبها الخوف يمكن يكون موضوعي! سكتت وهي تسمع وتنفست براحه انهم يسولفون عن المزرعه ،

'

عبدالرحمن كان واقف وهو يناظر لشيهان الي على واقف على يده والتفت لصقر : وش رايك نحطه في مزرعتنا؟

صقر : والله بيموت ومحد درى عنه المزرعه في اخر القصيم ومحد يروح له ومغبر وباقي تسميه مزرعه؟

عمر : اي خلوه لا تروحون له اسوي لي بيت هناك واعيش ،

عبدالرحمن : وشو له بيت انت نحطك في قفص ونقفل عليك وشو له التكلف والتعب ،

صقر التفت لامه الي كانت جالسه تمسح على شعره وهو منسدح وحاط راسه على رجولها وهي تلعب بشعره التفت لها وهمس : يمه تكفين خليهم يوافقون نسوي الملكه ؟

عمر : خلاصصص تحسبه حلا هو كل شيء على كيفك والله صرت اشك بيكنسلون وما يعطونك البنت ،

عبدالرحمن ضحك وهو يلتفت لامه : يمه تدرين عمر يبي يصير عسكري؟ ودكتور و طيار طبعًا جناح الطيار ان شاء الله،

ام صقر : ان شاء الله يصير عسكري يارب ويحقق حلمه ،

صقر بسخريه : هذا ويصير عسكري؟ هذا زين لو خلوه حارس.

ام صقر : لا تقول كذا عن اخوك ادعي له ياولدي ،

صقر : والله ادعي عليه مو له هو و راسه ذا ،

عمر : يمه خليه هذا دعواته ما يتعدا السقف ويسولف ،

عبدالرحمن وهو يصد : الله يعين امي عليكم ،

فجاه دخل يوسف والتفت للعيال : واحد منكم يروح مع جدكم رايح يقابل عبدالعزيز ،

عمر : جدي شوي ويقلط في بيتهم ،

صقر وهو يقوم : انا وعبدالرحمن نروح ،

عمر : فكه والله ،

يوسف باستغراب : شفيكم على بعض انتم؟

'

آمال و نجلاء ركبوا السياره والجد ركب قدام ،

آمال : يبه يلا وش تنتظر ؟

الجد عبدالعزيز : يا بنتي كلمني سُليمان قال انه جاي اخاف نمشي والمسكين يجي ينتظرني في هالحر ،

نجلاء : ..

الجد عبدالعزيز : يا بنتي كلمني سُليمان قال انه جاي اخاف نمشي والمسكين يجي ينتظرني في هالحر ،

نجلاء : يعني بتاخذه معانا للسوبر ماركت بعد؟

الجد : اي قال انه يبي يشتري اغراض بعد ،

آمال : ما شاء الله خلصوا باقي الاماكن يعني ،

نجلاء : انتي شفيكك خليه يجي عادي يبي يقضي مع جدي،

'

عبدالرحمن كان جالس والجد سُليمان يسوق ،

صقر : يبه كان كلمتنا انه رايحين نقضي ،

عبدالرحمن : وش نقضي وحنا كليوم مطاعم بس جدي واضح يبي يقابله ويجلس معه قال مقاضي قال ،

الجد سُليمان بضحكه : قال انه رايح قلت امشي معك ،

بعد دقايق وقف سيارته وهو يناظر لسيارة عبدالعزيز قام يضحك ونزل ، عبدالعزيز نزل ومشى وهو يحضنه ويسلم ،

آمال فزت وهي تناظر لسيارتهم : يمه هذا جايب احفاده بعد!

نجلاء : لا يكوننن ذاك المريض بعد معاهم الي هددك؟

آمال قامت بترد فجاه الجد عبدالعزيز فتح الباب و ركب ،

وحرك سيارته والجد سُليمان ركب سيارته ولحقه ،

'

سالم ناظر لجوال مشعل الي كان يرن ومشعل عند النياق يمسح على عليهم ويطالع فيهم وسرحان ،

قام مشى لعنده : ابوك قاعد يتصل،

مشعل صد : خله يتصل مافيني حيل ارد على احد ،

سالم : لا تسوي كذا ياولدي ربك راح يحل الامور ،

مشعل : ان شاء الله يا عم سالم لاني تعبت والله ضاق فيني الدنيا كله ،

سالم : ماعليه ياولدي ماعليه اصبر فان الله مع الصابرين ،

مشعل ناظر فيه : ودك ب شاي من يديني؟

سالم ابتسم : ما اردك والله لذة الشاي من يدك غير ،

مشعل ابتسم : ابشر جهز جلستنا وانا اجهز لك الشاي ،

'

وصلو للسوبر ماركت ونزلوا الجد سُليمان والجد عبدالعزيز

رجعو يحضنون بعض ويضحكون ، والبنات دخلوا السوبر ماركت والجد سُليمان والجد عبدالعزيز وقف عند المحل وجلسوا عند الدكه وهم يسولفون ويضحكون ،

عبدالرحمن وصقر نزلوا من السياره وهم يسلمون ع عبدالعزيز و وقفوا وهم يسمعون سوالفهم ،

الجد سُليمان : ادخلوا شوفو البنات وينهم انتبهوا لهم عيال الحرام كثرانين في هالزمن الله يحمي بناتنا وبنات المسلمين،

عبدالرحمن : ابشر جدي ومشى دخل وصقر لحقه وهو يتمنى لو ملاذ مع البنات بعد ، دخلوا وهم يدورونهم ،

آمال كانت واقفه عند ثلاجة الايسكريم ونجلاء تدور الشبسات.

آمال : شرايك ناخذ اغراض الكيك بنسوي كيك؟

نجلاء : اييي وبما انه ميلاد بابا قرب ناخذ بلونات بعد ،

آمال بضحكه : هذا وحنا جاين نقضي للبيت ،

نجلاء : والله معرف وش اخذ للبيت همي بطني والخرابيط،

آمال قامت بتتكلم فزت وهي تشوف عبدالرحمن وصقر ،

صدت وهي تعدل نقابها ، نجلاء انصدمت وهي تناظر ،

عبدالرحمن : ...

صدت وهي تعدل نقابها ، نجلاء انصدمت وهي تناظر ،

عبدالرحمن : اذا خلصتوا تفضلوا جدكم ينتظركم ،

آمال التفتت له بتوتر : ءءاي خلصنا جاين ،

نجلاء بصدمه : انا ما خلصت!

صقر التفت وهو يناظر يمين يسار يدور ملاذ بعيونه ،

عبدالرحمن ناظر لعيون آمال كانت حاطه ايلاينر صد والتفت لصقر : تقول جايه قاعه مو سوبر ماركت ،

صقر تنهد : ملاذ مو في ،

عبدالرحمن عطاهم ظهره ووقف وهو يكلم صقر ،

: وشو له النقاب وحاطه فُل مكياج ،

صقر : يا رجال شدخلك انت خلهم بكيفهم ،

عبدالرحمن : والله لو بنتي دفنتها ،

صقر : الحمدلله ماهي بنتك ف لا تتحمس كثير ،

آمال وهي تهمس لنجلاء : يع يا شينه جديي ليه رسله!!

نجلاء : يطالع وعيونه شوي وبيطلع من مكانه ،

آمال : ما كلف على نفسه حتى يمشط شعره تقول جن مو انسان تكفين اخلصي بسرعه نمشي ،

نجلاء : خلاص مابي اخذ شيء امشي يلا ،

توجهو عند الكاشير يحاسبون وحطو كل الاغراض ،

عبدالرحمن و صقر لحقوهم وقامو بيطلعون لكن وقفوا وهم يناظرون يخلصون ،

الكاشير : الحساب ٥٠٠ ،

آمال التفتت لنجلاء : نسيتت اجيب بطاقة جدي جيبيه ،

نجلاء قامت بتمشي لكن صد عبدالرحمن ومد يده لجيبه يطلع الفلوس ، آمال ناظرت فيه بقهر ،

عبدالرحمن مد الفلوس لكاشير وهمس : اخلصوا ،

آمال صدت شالت الاكياس ونجلاء شالت معها وطلعوا ،

الجد عبدالعزيز قام : هلا يبه خلصتوا ،

آمال صدت مشت بقهر من حركة جدها وانه سمح لاحفاد سُليمان يتدخلون فيهم ومشت ركبت السياره ،

نجلاء : اي يبه خلصنا ،

الجد سُليمان : كيفك يا بنتي؟

نجلاء ابتسمت : الحمدلله يا عمي بخير انت كيفك؟

الجد سُليمان : اللهم لك الحمد بخير والله ،

الجد عبدالعزيز : يلا الحين تعالو الحقونا للبيت والله انكم ما تمشون الا لما تتعشون عندي يلا تعالوا ،

الجد سُليمان : لا لا تتعب نفسك والله بنمشي جيت اشوفك بس وقلت اجلس معك شوي ،

الجد عبدالعزيز ناظر لصقر : يا ولدي خلك من جدك وجيبه وتعالوا يلا انتظركم انا ومشى ركب السياره ،

الجد سُليمان بضحكه : يعرف انك تسمع كلامه ،

عبدالرحمن : اي اذا ما سمع ما يعطونه بنتهم ،

صقر بضحكه : خلونا نمشي بس و ركبو السياره ،

'

الجد عبدالعزيز ركب وناظر : شفيكِ يا بنتي معصبه؟

آمال بقهر : وش كان له داعي ترسلهم يجونا؟؟؟

الجد : والله ابوهم رسلهم انا ما رسلت احد استحيت ارفض وهم بحسبة اخوانكم ،

آمال : ماهُم بحسبة اخواننا قهروني ،

نجلاء قربت قرصه وهي تشوف ملامح جدها وانه تضايق ،

آمال تنهدت وسكتت : صحيح بحسبة اخواننا بس مدري ما حبيت يا جدي ،

الجد عبدالعزيز : خلاص يابنتي ما دريت والله ،

نجلاء : ...

الجد عبدالعزيز : خلاص يابنتي ما دريت والله ،

نجلاء : يبه خلك منها هذي وعادي شفيه اذا جاو يتطمنون علينا زي اخواننا بس شسمه هُم الي دفعو الفلوس يا يبه ف لا تنسى تعطيهم ،

الجد ابتسم : ابشري بس كم الحساب؟

'

بعد دقايق وصلوا البيت ونزل الجد يستقبلهم في البيت ،

آمال مشت لداخل ونجلاء لحقتها ودخلوا لداخل ،

آمال مشت حطت الاغراض : الله ياخذه الكريهه بكل مكان طالع لي متى يرجعون للقصيم ونفتك؟؟

نجلاء : وانتي شعندك خوافه قدامه! علطول اي خلصنا وانتي ما خلصتي! صدق انك خوافه والله ،

آمال : انتي ما شفتي شكله ازرار ثوبه مفتوح وشعره طاير على بالي دخل فيه جني ناقصه بعد اتفلسف معه !

نجلاء : امشي بس اكلم الشغاله تسوي القهوة ،

آمال : بخاطري كيك شرايك نسوي الحين؟

نجلاء ابتسمت : تم يلا نمشي للمطبخ ، ومشو دخلوا المطبخ،

ام نجلاء كانت واقفه تكلم الشغاله تسوي القهوة والتفتت لهم وهمست : شتسون ؟

آمال : بخاطري نسوي كيك ،

ام نجلاء : طيب كلموا الشغاله تسوي لكم ،

نجلاء : لا لا حنا بنسوي ،

'

الجد عبدالعزيز بضحكه : والله ايام كنا ساكنين جنب بعض مستحيل انساه ،

الجد سُليمان : كنا ما نجلس في البيت طول الوقت نتمشى،

عبدالرحمن اخذ جواله ودخل السناب وهو يشوف رسايل عُمر كان راسل : ساره وينك اختفيتي ردي شصاير معك؟

ضحك وناظر لصقر : شفيه هذا ؟

صقر : رد عليه بالله وقل ابوي عندي اختبارات ،

عبدالرحمن ضحك وكتب : عندي اختبارات ،

عمر كان منسدح يسولف مع امه لكن فز من شاف الاشعار علطول دخل وهو يشوف وكتب : يعني الاختبارات اهم مني؟

صقر شاف رسالته : الله يقلع عدوه ،

عبدالرحمن : اي والله انه اهم منه ،

'

آمال ونجلاء كانوا بالمطبخ يسون الكيك فجاه دخل عندهم الجد وناظر : يا بنتي اذا خلصتوا عطوني شوي اخذ لاحفاد سُليمان يذوقون ،

آمال : اشوف يا جدي تحبهم اكثر مننا؟

الجد بضحكه : كلكم بعيني واحد ،

نجلاء : حنا نرسل لهم الكيك بس ياويلك لو تاكل معاهم يرتفع السكر عندك و ابوي يعصب علينا ،

آمال ناظرت لنجلاء : نعطيهم من كيكنا؟

نجلاء : بس قطعه وشفيه ماراح تموتين ،

آمال : اكسب اجر مو مشكله ،

الجد مشى طلع وهو يدور ام نجلاء ،

نجلاء : بذبحك لو تتكلمين قدام جدي بهالطريقه لا تحسسين جدي اننا نكرههم سوي نفسك ما تعرفين عنهم شيء ،

آمال : .

آمال ناظرت فيها : كريه طيب شسوي؟

نجلاء : اقول يلا تعالي اخلصي بنسوي الكيك ،

آمال : حطي فيه ملح بدال السكر خليه ينصرع ،

نجلاء : الله ينقذ الناس من كُرهك ،

آمال ضحكت وصدت وهي تخلط ،

نجلاء مشت وهي تصب القهوة بالدله ،

آمال بهدوء : نجلاء بسالك شيء تجاوبيني بالصدق؟

نجلاء باستغراب : اي اسالي؟

آمال : ليه مشعل للحين ساكت كلمتيه بشيء؟

نجلاء صدت : لا ولا لي نيه اكلمه ،

آمال تنهدت : مدري ليه احس عمتي بتجي اليوم.

نجلاء : لا فكينييي مو ناقصه الا هي ،

فجاه دخل فهد وهو مبتسم : وش تسون ي اميراتي؟

نجلاء ابتسمت وناظرت فيه : اشتقناا لك ليه تاخرت اليوم؟

فهد : الشغل كان كثيررر اليوم ما حسيت بالوقت ،

آمال التفتت له : بنسوي كيك تاكل منه؟

فهد : والله كيك ومن يدينكم ! اكيد راح اكل ،

آمال ابتسمت : تمام ابشر بس يتجهز ،

فهد ناظر لنجلاء وهمس : سمعت من امك انك متضايقه؟

نجلاء هزت راسها بالنفي : لا يا يبه ماني متضايقه ،

فهد : اذا زعلانه عشان كلام عمتك ف والله الحين اتصل عليها واكلمها اتحمل كل شيء بهالدنيا الا ضيقة بناتي!

آمال فزت والتفتت لنجلاء ،

نجلاء بتوتر : يبه مابي اتزوج من مشعل مابيه ،

فهد انصدم وناظر فيها : شقاعده تقولين يا نجلاء! اذا عشان عمتك زعلانه ف لا تحطين اللوم على المسكين مشعل!

آمال : يبه نجلاء ماتبي مشعل لانه شخصيته غير عنها ،

فهد تنهد وهو يناظر : شوفي يبه انتي وهي اسمعوني زين مافي شخص بهالدنيا كامل هو يختلف عنك وانتي تختلفين عنه تصير يا بنتي انا وامك كنا نختلف كثيرررر كانت تعيش في الديره ولا تعرف شي وشوفي الحين صارت زيي ،

نجلاء بدموع : يبه انا تعبت من عمتي ومن كلامها و دايم تدقني بكلام وتحسسني اني انسانه مو كويسه انا ماعلي من مشعل تقبلته ولا علي منه بس عمتي وكلامها ما اتحمل ،

فهد بهدوء : عمتك خليها علي راح اتفاهم معها ومسحي هالدموع وانا رايح اشوف امك وينها ومشى طلع ،

آمال التفتت لنجلاء : حسيت بيعطيكِ كف ،

نجلاء ضحكت من بيت دموعها : ابوي مو كذا ،

'

صقر ناظر لعبدالرحمن : ودي اشوفها والله خاطري فيها ،

عبدالرحمن بضحكه : يا رجال تطقطق على عمر اجل ؟؟

صقر تنهد : مو قادر اتحمل والله يا عبدالرحمن ابيها ودي اغمض عيوني وافتح والقاها قدامي ،

عبدالرحمن ناظر للجد عبدالعزيز طلع من المجلس والتفت لجده سُليمان وهمس : يبه شرايك تكلمهم بخصوص صقر؟

صقر : تكفى جدي والله مقدر اصبر اكثرر ،

الجد سُليمان : والله ياولدي هُم رافضين الحين ،

صقر : يبه اليوم ولا بكره مصيري راح اخذها !

الجد سُليمان : احاول معاهم ياولدي ان شاء الله ، بهاللحظه

الجد سُليمان : احاول معاهم ياولدي ان شاء الله ، بهاللحظه دخل الجد عبدالعزيز ومشى وهو يحط الكيك ،

وناظر لعبدالعزيز : تعال نذوق شوي ،

صقر بصدمه : وشووو تاكلون الكيك؟؟؟

الجد سُليمان : لا ما ناكل بس نذوق ،

عبدالعزيز قرب وهو ياخذ قطعه من الكيك وياكله

سُليمان كان يضحك معه واخذ قطعه وهو ياكل ،

عبدالرحمن : اكيد انك كذبت وقلت الكيك عشاننا صح؟؟

الجد عبدالعزيز : لا قلت عشاني انا وجدك ،

صقر : ما ش..ماكمل كلامه الا وانفتح الباب ودخل فهد وانصدم وهو يشوف : شقاعدددين تسون انتمم؟؟

الجد عبدالعزيز بحركه سريعه ترك الكيك : العيال يجبرونا ناكل ما قدرنا نردهم وقلنا نذوق شوي ،

الجد سُليمان : اي نقول لهم مانبي بس قاعدين يجبرونا ،

عبدالرحمن بصدمه : تكذبون!!

صقر : اهب يا جدي وتطورتو تكذبون بعد ،

فهد مشى وهو يسحب الكيك من قدامهم ،

'

آمال ونجلاء كانوا جالسين بغرفتهم ومشغلين اغاني

والكيك قدامهم وقهوة وشاي ويسولفون ،

ملاذ كانت جالسه تبتسم وتسمع سوالفهم ،

آمال : ملاذ تخيلي مين عندنا اليوم؟

ملاذ رفعت كتوفها باستغراب ،

نجلاء : حبيب القلب صقر هنا وشكله يفكر كيف ياخذك ،

آمال بضحكه : خير ما نسمح له ياخذ ملاذ مننا ،

نجلاء وهي تمد الكيك لملاذ : لازم تذوقين ،

بهاللحظه انفتح الباب و دخلت ام نجلاء ومشت جلست معاهم وابتسمت : اشوفكم مروقين ؟

آمال وهي تصب قهوه لامها : والله كان ناقصنا انتي زين جيتي.

ام نجلاء : اي جيت بعد الي سمعته من ابوكم وانها نجلاء ماعاد تبي مشعل ممكن اعرف السبب يا بنتي؟

نجلاء بهدوء : مافي سبب ،

ام نجلاء : مشعل رجال زين ونعم فيه ويحبك يا بنتي بكل صلاه ادعي حتى ملاذ وآمال يخطبهم واحد يكون رجال زي مشعل اذا امه تقهرك بكلامه ف هو وش ذنبه؟

آمال ناظرت لنجلاء : والله حاولت معها بس ما تسمعني ،

نجلاء تنهدت : يمه مشعل ماعليه خلاف الي قاهرني امه مابي اعيش معاهم بنفس البيت واقعد اسمع كلامها ،

'

سلطان عدل شماغه ولبس نظارته ونزل من السياره و دخل الكافيه بهاللحظه وصل مصعب و إيلان معه ودخلوا ،

مصعب : السلام عليكم ، سلطان ابتسم و رد السلام ،

إيلان كانت لابسه طرحه فقط وشعرها باين مُلاحظه ( ما تتنقب) وجلست وفسخت نظارتها وحطته على الطاوله ،

مصعب ناظر لها : تفضلي هذا هو المحامي سلطان بن يوسف ، والتفت لسلطان : هذي هي إيلان ،

سلطان : تشرفت ، إيلان ابتسمت الشرف لي ،

مصعب : يلا اترككم وامشي عندي مشوار وودعهم ومشى،

سلطان اخذ الملف وهو يقرا وناظر فيها : الجلسه بعد يومين.

إيلان : اي عندي علم كلمني مصعب ،

سلطان : ..

إيلان : اي عندي علم كلمني مصعب ،

سلطان : ابوكِ عارف انك رفعتي قضيه ضده وساكت وما تجراء يكلمك صح؟

إيلان تنهدت : اي صح ما كلمني ولا رفع صوته علي كل الي قاله لي بنلتقي بالمحكمه و مو متطمنه ،

سلطان : معناته اكيد انه مُخطط لشيء ،

إيلان : ماراح استغرب متوقعه منه كل شيء ٢٢ سنه عشت معه وتحملت ظُلمه وضعفت بس هالمره ماراح استسلم ب اي حال ابيك تكسب هالقضيه طلبتك ،

سلطان : القانون بالقانون يا اخت إيلان بحال اذا قدرنا نكسب هالقضيه و ابوكِ انسجن بتُهمة عُنف اسري وتاخذين اختك بس ابي اعرف شي ما ذكره لي مصعب وين امكم؟

إيلان : طلقها ابوي وتزوجت وعايشه حياتها في حال انه ابوي انسجن وقدرنا نكسب هالقضيه ف هل الحضانه تكون للام؟ واختي سديم تقدر ترجع لامي؟

'

الجد عبدالعزيز : تفضل وش تبي تقول؟

الجد سُليمان : والله وانا اخوك في خاطري امنيه بسيطه قبل ارجع للقصيم ودي زوجة حفيدي ترجع معانا للقصيم بخاطري الملكه تصير قبل ارجع للقصيم ،

الجد عبدالعزيز انصدم وسكت والتفت لفهد بهدوء ،

صقر كان جالس يناظر ومتوتر وقلبه بيطلع من مكانه ،

فهد : والله يا عمي اني ماني مستعد بنتي تروح مني ،

الجد سُليمان : اذا مو اليوم يا فهد ف بكره مردها تتزوج وولدي بياخذها ف ليه نتاخر والله انه هالمرض قاعد ياكلني وما اضمن وجودي كل ليله انام واخاف اني ما اصحى ،

الجد عبدالعزيز شهق : عسى عمرك طويل ،

فهد بهدوء ناظر لابوه : يبه انت شرايك؟

الجد عبدالعزيز : نسمي بالله ونحدد الموعد والملكه بتصير في المزرعه بيننا بين الاهل ،

صقر فز بفرح وهو يسمع والتفت لعبدالرحمن بصدمه ،

'

نجلاء وهي تقوم وتنسدح : اوف ميته نوم والله ،

آمال : عاد اليوم نمت كثيرر مافيني نوم راح اسهر شكلي ،

نجلاء التفتت لملاذ : ملاذ بتنامين معي؟

ملاذ هزت راسها بـ اي والشغاله اخذتها وانسدحت ،

الشغاله مشت تشيل القهوه والي اكلوه وطلعت لبرا ،

آمال قامت شغلت المكيف وطفت الضوء وطلعت للصاله اخذت جوالها وهي تطقطق ودخلت الواتس وهي تشوف عبدالرحمن راسل : لاعاد تجربين تسوين كيك ،

انصدمت و رسلت له : ومين انت عشان تعطي رايك!

عبدالرحمن كان فرحان لصقر ومبتسم ،

الجد عبدالعزيز : خلاص الاسبوع الجاي تم ان شاء الله ،

الجد سُليمان : باذن الله وقاموا وهم يحضنون بعض ،

فهد توتر انه ما شاور لطيفه ولا كلمها وكيف ابوه حدد كلشي.

عبدالرحمن اخذ جواله وهو يشوف و رسل : ابوكِ قدامي شرايك لو اعلمه بكل شيء وانك تبيني ارجع للقصيم؟

آمال شافت رسالته فزت بخوف وتوترت وهي متوقعه منه كل شيء وكتبت له : تكفى لا تعلم احد بشيء !

عبدالرحمن : ...

عبدالرحمن اخذ جواله وهو يشوف و رسل : ابوكِ قدامي شرايك لو اعلمه بكل شيء وانك تبيني ارجع للقصيم؟

آمال شافت رسالته فزت بخوف وتوترت وهي متوقعه منه كل شيء وكتبت له : تكفى لا تعلم احد بشيء !

عبدالرحمن : مقابل وش تعطيني وما اعلم؟

آمال بدون تفكير كتبت : اي شي تبييه اسويه ،

عبدالرحمن بضحكه : طيب نشوف و بطلي تحطين مكياج وتطلعين تخوفين الناس شفتك على بالي جنيه مو انسانه،

آمال انصدمت وكتبت له : وانت قبل تطلع عدل شعرك واطلع مو تخرع بنات الناس ،

عبدالرحمن : لا يكثر بس خليني ارجع واشوف ايش بتعطيني مقابل اني ما اعلم ابوك ، وترك جواله وهو يضحك ،

'

آمال تنهدت بقهر : ربي ياخذ حقي منك حسبي الله قامت بقهر ومست للغرفه ناظرت لخواتها نايمين مشت انسدحت على سريرها فزت من سمعت صوت السياره ركضت ناظرت من الشباك وعرفت انهم راحوا ونزلت لتحت وهي تشوف ابوها داخل غرفته ومشت للمجلس ناظرت للجد كان يستعد للنوم وابتسمت : تحتاج شيء يبه؟

الجد : سلامتك يا بنتي بس كلمي الشغاله تجي تنظف ،

آمال ابتسمت وهزت راسها بـ اي ومشت تنادي الشغاله ،

'

وصلوا الفندق وكل شخص مشى للجناح والعيال لحقو الجد و دخلوا الغرفه وناظرو لعمر كان نايم بمكان الجد ،

عبدالرحمن بضحكه : شكله اشتاق لك ونام بمكانك ،

صقر : والله تاخرنا وحنا عندهم ما حسينا بالوقت ،

الجد ابتسم ومشى وهو يجلس عند عمر ويمسح ع شعره ،

صقر : يبه نام بمكانه هذا نومه ثقيل ماراح يصحى ،

الجد فسخ شماغه وحطه ومشى ينسدح بمكان عمر ،

عبدالرحمن رمى نفسه بتعب وانسدح صقر حط اغراضه مفاتيحه وجواله على الطاوله ومشى انسدح جنب عبدالرحمن وهمس : حسافه عمر نام ولا كملنا الطقطقه ،

عبدالرحمن بهمس : والله عمر ما توقعته خفيف كذا ،

الجد بانزعاج : انتم ورا ما تسكتون الحين؟

صقر : ليتني ماقلت له ينام بمكان عمر ،

عبدالرحمن : خلاص انكتم ،

'

فهد دخل غرفته وهو يشوف لطيفه نايمه ابتسم ومشى وهو يحط ساعته على الطاوله ويفسخ ثوبه ومشى انسدح بهدوء ، لطيفه فزت وقامت : متى جيت؟

فهد : توي جاي نامي نامي ارتاحي ماني محتاج شيء ،

لطيفه : خلني اجيب لك شي تاكله ما اكلت شي!

فهد : لا شبعان نامي انتي كملي نومك ،

لطيفه انسدحت فهد ناظر فيها : يمدي اكلمك ولا تنامين؟

لطيفه باستغراب : قل؟ وقامت بتقوم فهد هز راسه بالنفي وهو يمسكها : لا تقومين خليكِ منسدحه ارتاحي ، لطيفه سكتت وكمل فهد : ماودي اصدمك بس جدي حدد موعد ملكة ملاذ وصقر وحدد انه بيكون في المزرعه ،

لطيفه فزت وقامت من مكانها وجلست : كيففف؟؟

فهد : ..

لطيفه فزت وقامت من مكانها وجلست : كيففف؟؟

فهد : ادري مانتي راضيه الحين بس الولد مستعجل ويبي ياخذها يعالجها وشو له نرفض اليوم ولا بكره مرده ياخذها ،

'

سلطان دخل البيت والتفت وهو يشوف بيلا تركض بالحوش مُلاحظه ( بيلا قطوة عُمر يحبها اكثر من نفسه )

سلطان ضحك وناظر لـ مارلين : لو هربت بيذبحك عمر ،

مارلين ناظرت لسلطان وصدت : مافي كلم انا ،

سلطان عقد حواجبه : يعني زعلانه؟

مارلين صدت وهي ساكته ومشت شالت بيلا ،

سلطان : اقول سوي لي شي ع سريع ابي اكل ،

ولحقها و دخل وهمس : بتجي ماما الصباح تجهزي للكرف،

مارلين فزت بفرح : ماما بابا يجي هنا قسيم؟

سلطان بضحكه : اي بيجون القصيم ،

'

يوسف : كلمت سلطان طيارتنا الصباح ،

منيره ام صقر : ايي زين سويت طفشت من هالفندق نبي نرجع القصيم ونتجهز لملكة صقر زين ،

يوسف : والله اختي قاعده تتصل تبي تجين تزورنا ،

منيره : كلمت ابوك انه بنمشي؟

يوسف : لا والله ما كلمته رجع من عند عبدالعزيز ومشى ينام.

منيره : انزين خلاص نكلمه الصباح وبنمشي كلنا ،

'

( صباح يوم جديد على الابطال )

'

آمال كانت جالسه تستشور شعرها نجلاء تنهدت بقهر والتفتت لها : قفلييي ازعجتيني ابي اكمل نومي ،

آمال : اقول قومي بنمشي للمزرعه ،

نجلاء باستغراب : وليه نمشي تونا راجعين؟

آمال : والله حددو موعد ملكة ملاذ وجدي يقول بنمشي واشوف كم كراسي نحتاج ومدري ايش بعد ،

نجلاء فزت وجلست بصدمه : حددو موعد الملكه؟؟؟

آمال : اييي عشان كذا كانوا جالسين امس طول الوقت ،

نجلاء : هالله حماسيس واخيرًا ،

بهاللحظه فجاه دخل فهد وناظر لنجلاء : جدك تحت يبيكِ ،

نجلاء باستغراب : تمام يبه الحين اغير وانزل ،

آمال التفتت : اكيد في موضوع انزل قبلك واشوف ، تركت الاستشوار من يدها و ركضت نزلت تحت للصاله وهي تشوف كلهم جالسين وملاذ جالسه ومشت جلست : في موضوع قوي شكله جلستكم كذا ما يبشر بالخير ،

الجد ابتسم : خلي اختك تجي وتعرفين ، بهاللحظه نزلت نجلاء ومشت جلست : اي جيت شسالفه؟

الجد تنهد وناظر فيها : شوفي يا بنتي خطوبتك مع مشعل صار له سنتين او اكثر وانتي للحين ما وافقتي ع زواج فانا افكر ملكتك انتي وملاذ تكون بنفس اليوم ،

نجلاء انصدمت وفزت وهي تناظر للجد وابوها وامها ،

آمال : مستحيل جدي رفضتوا عرس ملاذ و رفضتو قاعه مُستحيل نجلاء بعد تتزوج كذا !

فهد : يا بنتي جدك يتكلم عن الملكه استوعبي مو عرس ،

نجلاء نزلت راسها بهدوء : الي تبيه ياجدي وسكتت وهذي عادة نجلاء الي تكرهها آمال انها ما تحب ترفض او تتكلم او تعترض ع شيء دايم تمشي على كلام اهلها وخصوصًا جدها

آمال انصدمت وناظرت لنجلاء بقهر وصدت عنها ،

الجد : والله اني ما اضمن لكم يا بنتي اني اقدر اعيش اكثر ودي وبخاطري تتزوجون واشوف عيالكم وماني شايل هم شيء غير آمال انتي وملاذ تطمنت عليكم و ريحت قلبي من الهم،

فهد : يبه جعل عمرك طويل يارب وباذن الله تشوف عيالهم كلهم بعد ،

'

" الجد سُليمان والعيال وكلهم وصلوا المطار وهم ينتظرون بعد عدة ساعات ركبوا السياره وكل شخص منهم مالهم خلق للثاني ميتين نوم ما ناموا الا قليل ، غير عمر الي كان يزعجهم.

صقر كان جالس عبدالرحمن ونايم على كتفه بهدوء ،

عبدالرحمن غمض عيونه وهو يحاول ينام فز من اشعار جواله ودخل وهو يشوف عمر راسل بالسناب : قلبي طمنيني عنك؟ صد وهمس بقلبه الله يخلف عليك وقفل جواله ونام ،

عمر كان جالس جنب الجد واستغرب انها ساره ما ردت ويكت وابتسم : اكيد مشغوله مع اختباراتها يارب تنجح وحط السماعات باذنه وهو يسمع اغنيه ويتخيل كيف تكون ساره ،

ويوسف كان جالس ع جواله ومنيره نايمه ع كتفه ،

'

سلطان قام نزل لتحت وهو يشوف مارلين تبخر البيت وحاطه القهوه ومشغله شيلة ترحيب ، سلطان ضحك عليها ومشى وهو يجلس وهمس : صبي لي قهوه بالله ،

مارلين : لا مافي الحين لازم اول ماما تجي ،

سلطان تنهد وهمس : حلو اجل ماراح اتزوج من بنتك ،

مارلين انصدمت ومشت جلست جنبه : انتا زوج بنت انا؟

سلطان كتم ضحكته : اي اتزوج من بنت انتي ،

مارلين فزت بفرح ومشت تجيب جوالها : اوريك بنت انا ،

سلطان صد : لا لا بالله لا توريني بس صبي لي قهوه ،

مارلين قامت وهي تصوره : بنت انا لازم شوف وجه انتا ،

سلطان ضحك وصد مارلين مشت مدت له القهوه واخذت جوالها وهي تصوره وهمست : سوي ابتسامه عشان اصور ،

سلطان ضحك وناظر : خلاص اخلصي علي القهوه برد ،

'

مشعل دخل البيت اول ما دخل ناظر لابوه الي كان جالس ومعصب وفز وقام ناظر فيه : وينننككك من امس؟؟؟

مشعل بهدوء : عند العم سالم ،

ابو مشعل بحده : انا ابوك ولا هو! همك هو اكثر منييي!

ام مشعل بخوف : لا تصارخ عليه اهدا شفيك؟

مشعل : محد مهُم بحياتي يا يبه هالحياه بكبره ماعاد صار مهم بالنسبه لي ،

ابو مشعل بحده : يكفي هالثرثره وقم تجهز واخلص الحقني جدك قاعد يتصل ينتظرنا ،

مشعل صد بهدوء : ماني جاييي ولا را.. ما كمل كلامه الا وابو مشعل عطاه كف بكل قوته وهو مقهور منه انه كان يتجاهل اتصالاته ولا يرد عليه ويومين وهو برا وكان خايف عليه

مشعل انصدم و تجمد بمكانه ،

آمال دخلت الغرفه وناظرت لنجلاء كانت جالسه وسرحانه مشت لعندها : علمينييي شقاعده تسوين انتي! تدمرين نفسك بيدينك يختيي قولي انك ماتبينهه!

نجلاء التفتت لها بدموع : قلتتت يا آمال وتكلمتتت لقيتي في فايده! مافي فايدهه يا آمال وماعاد فيني الحيل ارفض اكثر،

آمال تنهدت بحزن ومشت جلست جنبها : طيب تكفين لا تضايقين وربي مشعل رجال من كنا صغار وهو معانا ،

نجلاء : ماودي اروح معه بعد الملكه ،

آمال : طبعًا مستحيلل اخليكِ تروحين لازم عرسك بالقاعه ،

نجلاء : مدري ليه خايفه احسه بياخذني!

آمال : ما بياخذك صقر الي بياخذ ملاذ تعالي نجلس معها هالايام راح نفقدها والله ،

نجلاء ابتسمت وقامت وهمست : بنروح المزرعه اليوم؟

آمال : ايي باقي اسبوعين بس ع الملكه ولازم حنا نروح السوق ونشوف فستان لملاذ ماما تقول تلبس فستان ابيض ،

نجلاء ناظرت لآمال : انا بلبس احمر ،

آمال ابتسمت : تم وانا بلبس فستان موفي ،

نجلاء : تعالي نروح غرفة ماما ونقرر ،

'

وصلوا القصيم واخيرًا وقفو عند الباب وهم يدقون الجرس،

سلطان عرف انه اهله وصلوا مشى فتح الباب : ارحبووو ،

ام صقر ابتسمت : السلام عليكم وقربت حضنته ،

صقر باس يدينها : والله تو ما نور البيت واخيرًا ،

عبدالرحمن دخل صد و دخل البيت ومشى بيجلس لكن حس بشيء لمس رجله فز وناظر كان بيلا وقام يصارخ : عمرررررر،

الكل انصدموا و دخلوا وهم يشوفون عبدالرحمن فوق الكنب ويصارخ : شيلههه مننن قدامييي وربي لا اذبحهاا ،

عمر ضحك ومشى وهو يشيل بيلا ويحضنها : اشتقتتتت لك،

عبدالرحمن : اهب عليك يالمقرف ابعد عنيي ،

عمر : الحمدلله رجعنا كل ما تنتقد علي ارميها عليك ،

الجد ناظر لعبدالرحمن : ياحسرتي على الشنب الي عليك ،

صقر بضحكه : والله يبه فوبيا من هالحيوانات ،

عبدالرحمن : مقرفففينن والله ،

سلطان ناظر لصقر : مبروك نسيت ابارك ،

يوسف بضحكه : وشو تبارك الاسبوع الجاي الملكه ،

ام صقر قامت وهي تصب القهوه للكل والشغاله توزع المويا،

عمر : يعني بنرجع مره ثانيه للمدينه،

سلطان : الله يتمم على خير ونشوف صقر عريس قدامنا ،

الجد : الله يجيب هاليوم على خير وعقبالكم يارب ،

'

ام نجلاء كانت جالسه وآمال توريها الفساتين بجوالها ،

نجلاء كانت على جوالها وتدور فستان لها ،

ملاذ كانت ساكته وسرحانه ومجرد شعور انها بتروح عن اهلها وتعيش مع شخص ما تعرفه وتسافر معه تجمعت الدموع بعيونها بحركه سريعه مدت يدها ومسحت دموعها ،

آمال : الزفه انا بختار ،

نجلاء : لعبتك عاد بكل مناسبه تختارين الاغاني والزفات ،

ام نجلاء ناظرت لملاذ وابتسمت : ..

نجلاء لبست عبايتها وطلعوا لبرا بهاللحظه وقف سيارة ابو مشعل ومشعل معه ودخلوا لداخل للمجلس ،

آمال مشت تنادي السواق ، السواق طلع باستغراب ،

نجلاء : تعال يلا نبي نروح للمول ، السواق سكت ومشى ركب.

آمال ركبت ونجلاء معها وناظرت لها : لا تنسين تاخذين كعب،

نجلاء بهدوء : مشعل كان مع عمي ،

آمال التفتت لها : شفتيه؟

نجلاء هزت راسها بـ اي : اي شفته كان داخل للمجلس ،

آمال : تكفينن نجوله كلميه وتراضو ،

نجلاء صدت : فكيني آمال مابيه مالي خلق لشيء قاعده احاول انبسط واستانس عشان خاطركم ،

آمال تنهدت : تكفيننن نجلاء وربي انه مشعل طيب !

نجلاء : خلاص طيب اشوف بعدين خليني منه الحين ،

'

الجد عبدالعزيز ابتسم وهمس : والله سُليمان حدد موعد ملكة ولده وملاذ وقررت مره وحده بتكون ملكة مشعل ونجلاء طبعًا اذا انتم موافقين ، مشعل انصدم و رفع راسه والود وده من القهر يتكلم ويقول ماعاد ابي حفيدتك ياجدي، كان مقهور بسبب نجلاء ولاول مره ابوه رفع يده عليه وكله من نجلاء ،

ابو مشعل ابتسم : والله يا عمي الي يعجبك ماراح اقول لا،

الجد عبدالعزيز : كنت متاكد هذا بيكون ردك عشان كذا قررت وخلصت وجيت اشاورك وقام وهو يحضن ابو مشعل ،

فهد كان جالس معاهم وابتسم وهو يقوم يحضن ابو مشعل،

مشعل تصنع الابتسامه وقام وهو يمثل الفرح ،

فهد : ما يحتاج اوصيك على بنتي ،

الجد : ما يحتاج توصيه بنتنا بترجع لنا ،

فهد ضحك وهمس : بكل وقت اوصيهم على بناتي ،

'

عبدالرحمن التفت لصقر : بنمشي للعيال متجمعين بالبر ،

صقر : والله ما اقول لا كم يوم وماعاد اشوفكم ،

عبدالرحمن بضحكه : اشوفك مستعجل؟

دخل سلطان لعندهم : شعندكم تسولفون؟

عبدالرحمن : امشي معانا بنروح البر للعيال جالسين ،

سلطان : والله رايح اقابل مصعب بخصوص هالقضيه ،

صقر : ياهوه سلطان خلاص عاد اجلس معي شوي واذا رحت عنكم خلي ينفعك شغلك ،

سلطان ابتسم : خلاص جاي ولا تزعل خلني اغير وانزل لكم،

بهاللحظه كان عمر نازل من الدرج وبيلا بحضنه ويبوسه ،

عبدالرحمن رفع نظره له : جاء المقرف لااا تقرب منييي ،

صقر : الله يقرفك يا عمر ،

سلطان مشى وهو ياخذ بيلا من عمر : يا حليلها والله ،

عبدالرحمن : خذلك جانا المقرف الثاني ،

عمر اخذ بيلا من سلطان و رماها على عبدالرحمن ،

عبدالرحمن فز بصراخ و بعد عنها بسرعه ،

سلطان بضحكه : طلع طلع صوت الانثى الي بداخله ،

عبدالرحمن فسخ نعاله : قسم بالله اموتها شيلها من قدامي،

عمر جلس وهو يشيل بيلا وقربه من صقر ،

صقر بسخريه : اقول ابعد ابعد ماني خايف بس تنرفز شكلها ،

عمر : ...

صقر بسخريه : اقول ابعد ابعد ماني خايف بس تنرفز شكلها ،

عمر : شف محد يخاف غير دحوم اكيد في انثى متخبي بداخله،

'

دخلوا المول آمال ونجلاء وهم يشوفون الزحمه ،

نجلاء ناظرت لمحل فساتين العروسه وابتسمت: نمشي ؟

آمال ناظرت فيها : بتلبسين فستان ابيض؟

نجلاء بضحكه : لا ارسل صور لماما تشوف ،

آمال : امشي يلا ودخلوا للمحل وهم يشوفون الفساتين ،

نجلاء ناظرت لفستان وانبهرت واخذ جوالها تصور لكن وقفتها الموظفه : لو سمحتي ممنوع التصوير ،

آمال باستغراب : شدعوه بس نصور ويمكن بناخذ !

الموظفه : معليش ممنوع التصوير ،

نجلاء صدت وهي تطلع : من زين الفساتين عاد ،

الموظفه سمعتها وهمست : احترمي نفسك ،

آمال : وهي صادقه الله واكبر والفساتين عاد وصدو طلعوا لبرا.

نجلاء : يععع تقهررر قهرتني ،

آمال : كلهه منكك ليتنا ما دخلنا وع من زين الفساتين بس،

نجلاء دخلت لمحل الكعب وقعدت تتفرج وآمال مشت وهي تقيس وناظرت لنجلاء : شرايك اخذ كعب ابيض؟

نجلاء : ايي وخليني اخذ لملاذ بعد ولا ماما تجي تختار لها؟

آمال : خلي ماما تختار لها احسن انتي اختاري لنفسك،

'

ام صقر كانت جالسه ويوسف معها يسولفون ،

ام صقر : شرايكم نروح المدينه قبل الملكه بيوم؟

يوسف : لا وين لازم نروح بدري العيال يساعدونهم بتجهيزات المزرعه والكراسي والفرشه والجلسه لازمم ،

ام صقر : اييي راح عن بالي انه ماعندهم عيال ،

يوسف بتفكير : اليوم الخميس خلاص الجمعه بنمشي مو قلنا اسبوعين الاسبوع نقضيه بتجهيزات والاسبوع الجاي يوم الجمعه الملكه ان شاء الله ،

ام صقر : ايي انا اتصلت على اختي يوم الجمعه نطلع للمول واخذ لي فستان ونتجهز باغراضنا وانتم الرجال افصلوا الثوب يرم الجمعه نخلص كل شيء وصباح يوم السبت نمشي ،

'

( العيال تجمعو بالبر والكل جلسو يباركون لصقر )

'

عمر : بالله عيال خلونا نقوم نرقص مافيني صبر للملكه ،

سعود : افااا عليك قم والله ما يوقفني الا الموت ،

صقر : لا تتحمسون انتظرو الملكه ،

سعود : والله مقدر اجي للمدينه خلني استانس هنا ،

مشاري : والله حتى انا مقدر شغلوا شغلوا برقص ،

عبدالرحمن وسلطان كانوا جالسين يحاولون يشبون النار بعد محاولات واخيرًا قدرو وجلسوا وهم يناظرون لعمر الي قام وهو يربط الشماغ على خصره ، ومشاري شغل سيارته وشبك البلتوث ويشغل اغنية قفلو باب المشاريه ،

عمر قام يهز والعيال جالسين يضحكون سعود قام و رفع يدينه وهو يرقص وعمر يهز بخصره قدامهم ،

عبدالرحمن بضحكه : الله يخلف عليكم ،

سلطان قام وقف وهو يرفع يده ويرقص معاهم ،

صقر قفل اذنه من قوة صوت الاغاني ،

مشاري مشى و...

مشاري مشى وهو يسحب صقر من مكانه ويقومه ،

ويرقصون ، عبدالرحمن سحب الجوال وهو يغير الاغنيه ،

صقر سحب نفسه بتعب ومشى جلس عند عبدالرحمن ،

سعود : ي دحوم تكفى قم ،

عبدالرحمن : ابعد عني لا ارفسك ،

عنر مشى وهو يشغل اغنية ( الخاتم يماني ،

والعيال كلهم قاموا ماعدا عبدالرحمن جلس يناظر لهم ،

كلهم قاموا وهم رافعين يدهم ويرقصون وعمر يهز بخصره،

والنار وسطهم والاغنيه صوته عالي من السياره ،

'

( وانتهى يومهم بفرح و رقص والبنات رجعوا من المول بتعب والكل نام واخيرًا يوم الجمعه من غير شر )

'

العيال قاموا بدري وطلعوا مع الجد لصلاة الجمعه ،

وبعد الصلاة رجعوا البيت وهم يشوفون ام صقر والشغاله جالسين والتوزيعات قدامهم والصاله زحمه ،

صقر بصدمه : ما شاء الله يمه متى مداكِ تطلبين وتخلصين،

ام صقر ابتسمت : خالتك مدحت لي شغل وحده وطلبت منها والمندوب وصلهم ومارلين راحت تجيبهم ،

عمر مشى وهو يطالع : وش بداخله؟

ام صقر : عود وحبة بخور وبعدين وين ابوكم وجدكم؟

عبدالرحمن : يمه باقي اسبوع ليه مستعجلين؟

ام صقر : وين ياولدي ابوك قرر بنمشي الصباح للمدينه،

صقر بصدمه : اليوم الصباح!!!

عبدالرحمن : ما فصلنا الثوب ليه مستعجلين!

ام صقر : عشان تساعدونهم بتجهيز المزرعه ياولدي ،

'

( بيت الجد عبدالعزيز )

الكل كانوا جالسين على طاولة الطعام ياكلون ،

الجد عبدالعزيز ناظر لفهد : بنمشي بعد الغداء للمزرعه ،

آمال وهي تقوم : الحمدلله شبعت بروح اتجهز ،

نجلاء كانت تاكل وسرحانه بتفكيرها ،

الجد ناظر لام نجلاء : جهزو اغراض العرس بعد بتجلسون هناك لين يوم الملكه وقفلوا باب البيت زين ،

فهد التفت لزوجته : يمديكم تتجهزون هناك؟

ام نجلاء : اي عادي البنات جهزو بس بنمشي الليله انا وانت وناخذ ملاذ وناخذ لها فستان العرس نجلاء وآمال امس راحو.

آمال كانت بغرفتها اخذت اغراض العرس الكعب وفستانها الموفي كان عريان بدون اكمام وعلقته فوق الدولاب وحطت الكعب والاستشوار والطقم الي بتلبسها ، فجاه دخلت نجلاء وناظرت لآمال : ما شاء الله اشوفك مستعجله ،

آمال : والله اكثر من الكل ،

نجلاء ضحكت ومشت سحبت شنطتها تجهز اغراضها ،

آمال نزلت وهي ماسكه فستانها وهمست : يبه خذ فستاني علقه ورا بالسياره ، فهد ابتسم ومشى اخذه ،

'

عبدالرحمن والعيال طلعوا مع الجد متوجهين يفصلون ثوب والي بياخذ شماغ والي بياخذ سروال وفنيله والي بياخذ عقال وكانه بالنسبه لهم ليلة العيد ،

و ام صقر طلعت مع خواتها تاخذ لها فستان ، و ابو صقر كان يشاور يوسف عن الملكه والعشاء وابو مشعل معاهم بالاتصال.

مشعل كان جالس بالصاله بهدوء وسرحان بتفكيره ويناظر لامه الي كانت جالسه تناظر للفساتين و ريما معها ،

تنهد وصد وهو مافي بداخله لا فرح ولا حماس للملكه ولا ذاك الحُب انتهى كل الشعور الحلو الي بداخله بعد كلام نجلاء وتعاملها معه تنهد وهو يقوم يتوجه لغرفته وينام ،

ريما باستغراب : شفيه مشعل؟

ام مشعل : مدري عنه يمكن زعلان من ابوكِ والي سواه! وحتى انا ماني راضيه كلمت ابوكِ مانبي الملكه مع بعض رفض يقول مقدر ارفض ابوكِ واخوكِ ،

ريما : بالعكس عادي يحمس والله ،

'

بعد ساعات وصلوا المزرعه ونزلوا البنات دخلوا لداخل ،

وفهد نزل اغراضهم ودخلوا المزرعه ، الجد مشى وهو يناظر للمزرعه كامل وابتسم والتفت لفهد : والله يكفي وزود ،

فهد : نستاجر الكراسي والفرش الاحمر واللمبات ،

الجد : كلم مشعل وابوه يجون لازم وانت جيب عمال يعلقون اللمبه من فوق لازم نخلص من بدري ونريح راسنا ،

فهد سكت وهو يعد وهمس : باقي احتمال ست يوم ،

الجد : اي ياولدي بلمحة عين بتجي ذيك الليله لازم نلحق،

فهد : والله يبه انت مستعجل كالعاده بس مانقدر نرفضك ،

البنات كانوا داخل بالمجلس ويسولفون ،

ام نجلاء : بعد بكره اروح مع ابوكِ اخذ فستان لملاذ ،

نجلاء : والله شكلي انا بعد بمشي ما حصلت فستان زين ،

آمال : والله كل الفساتين كانو حلوين انتي الي مدري شفيكِ،

'

العيال خلصوا اخذو كل اغراضهم و توجهو للبيت ،

ام صقر كان جالسه وفستانها على الكنب تناظر له بتفكير ،

مارلين : ماما والله مررره هيلو ،

سلطان ناظر لها : مارلين بتروحين معاهم انتي؟

ام صقر : اي اكيد بتمشي لازم ،

سلطان بهدوء : والله وانا مو متاكد راح امشي ولا لا ،

صقر بصدمه : وليه ان شاء الله!

سلطان : جلسة القضيه بعد كم يوم وشكلي ما الحق ،

عبدالرحمن : يليلل يا سلطان كلنا اجازه الا انت ،

سلطان : شسوي مصعب مشغول مقدر اسلمه له ،

صقر صد : اعرفك تدور اي عذر عشان ما تجي وقام مشى ،

عمر باستغراب : لا يكون زعل؟

سلطان بصدمه : والله مو بيدي شسوي!

عبدالرحمن : سلطان متى الجلسه طيب؟

سلطان : احتمال بعد سبع ايام ،

عبدالرحمن : اجل معناته بعد الملكه بيوم!

سلطان : للاسف اي ،

عبدالرحمن : ان شاء الله يمديك تعال معانا وبعده ارجع ليلة الملكه اهم شي رضا صقر ،

'

آمال مشت وهي تشغل اغاني وتصفق وتهز براسها وشعرها،

نجلاء بضحكه : ياربي مجنونه هذي!

ام نجلاء كانت جالسه تتقهوى : الله يعين شتسوي بعرسها ،

ملاذ كانت جالسه تصفق وهي تسمع صوت الاغاني تحاول تبين انها فرحانه تبين عكس الي بداخلها الخوف والتوتر ،

والجد و فهد كانوا بالمزرعه يخططون

" نسرع الاحداث ( قبل الملكه بيوم ) "

'

العيال كانوا بالمزرعه وهم يشوفون العمال فوق الجدار ع سقف يعلقون اللمبات ، والجد عبدالعزيز والجد سُليمان واقفين يسولفون ويتقهون ويناظرون.

ومشعل كان يكلم العمال عن ترتيب الكراسي ،

وصقر واقف وبيده يتكلم مع راعين المحل عن التوزيعات،

وعبدالرحمن كان مع ابوه وفهد يقررون عن الفرقه يجيبونهم للملكه يطبلون ويغنون ،

وعمر كان فوق ع الجدار مع العمال يساعدهم يعلقون اللمبات

وكل شخص مشغول هالليله وميتين تعب ،

'

ام صقر كانت بالمزرعه داخل بالمجلس مع البنات ،

وجايبين نقاشه تنقشهم ومارلين تسوي القهوة مع باقي الاشغالات وتسولف معاهم وتتعرف عليهم ومبسوطه ،

ام صقر كانت جالسه تنقش من النقاشه ،

و ام نجلاء جنبها تسولف ويتقهون ويضحكون ،

آمال كانت جالسه مع نجلاء يكلمون القهوجيات ،

نجلاء ناظرت لها : شرايك نطلع نشوف شيسون؟

آمال بصدمه : وين نطلع؟

نجلاء : اقصد من الشباك نشوف شيسون بالمزرعه ،

آمال بحماس : يلا وطلعوا عند الشباك وهم يشوفون ،

آمال : عزتي لهم مكروفين ،

نجلاء كانت واقفه تناظر لمشعل ، الي كان واقف بتعب والشماغ على كتفه ويكلم العُمال ،

آمال ناظرت لصقر : هذا هو زوج ملاذ؟؟؟

نجلاء ناظرت لصقر : اييي هو شفت صورته بجوال بابا ،

'

ام مشعل و ريما كانوا بالبيت والضيوف عندهم ومشغولين معاهم ويسون قهوه والحلا ويجهزون للعشاء ،

سمر ناظرت لمريم : بنمشي معاكم بكره للملكه ،

ريما : ايي ما شاء الله العالم كله جاء عندنا ،

سمر بضحكه : شنسوي بيتنا بعيد عاد وحنا متحمسين ،

ريما : خالتي تحسب بنجيب العروسه معانا ،

سمر باستغراب : ليه ما تجيبونها؟

ريما : لا وين بس ملكه اما هُم العريس الثاني بياخذ ملاذ،

سمر : اجل انتم بعد جيبو عروستكم ،

ريما : لا والله ما يوافقون ما اتفقو ع كذا ،

'

ام صقر كانت مبتسمه ونجلاء وآمال يورونها فساتينهم ،

ام صقر : انا اخذت فستان اخضر تحسون اي لون كعب يليق؟

نجلاء بتفكير : ابيض حلو !

آمال : لا احس ذهبي او فضي ،

ام نجلاء : اي ذهبي بيطلع حلو حتى ابيض ،

ام صقر ناظرت لفستان ام نجلاء : بتلبسين كعب ابيض انتي؟

ام نجلاء : اي الاسود ما يليق عليه الا الابيض ،

ام صقر : حتى الذهبي مع الاسود حلو ،

آمال : طيب انتم ساعدوني اي طقم البس؟

'

الجد عبدالعزيز طلع للعيال : ادخلوا يلا تعشو و ارتاحوا نكمل بعدين تعالوا يا يبه ،

العيال نفضو ثوبهم ويدينهم ودخلو يغسلون و توجه للمجلس جلسوا كلهم يتعشون بعد دقايق خلصوا وتقهوى وارتاحو و رجعو يكملون ، كان شغل كثير للمزرعه عشان الملكه ،

انتهى ليلتهم بتجهيزات

يوم الخميس الصباح واخيرًا اليوم المُنتظر )

'

" بالفندق عند العيال "

صقر الي ما ذاق لذة النوم من الفرحه والحماس قام وتوجه يدخل ياخذ له شاور بعد دقايق طلع وهو يشوف اخوانه باقي نايمين ورمى عليهم المنشفه : يلاا قومو ورانا ليل طويل ،

سلطان بانزعاج : اوف والله امس تعبت ،

عبدالرحمن : ظهري بينكسر من التعب كله منك يا صقر ،

عمر : والله ما شفتوني انا الي قاعد اموت من الم ظهري جلست ساعتين فوق السقف تقول قرد ،

صقر بضحكه : لعيون تهون كل شيء يلا اخلصوا ،

دخل الجد وكان راجع من المسجد : للحين ما صحيتوا ،

الكل فزو وقامو يتوجهون يتوضون ،

'

" بمزرعة الجد عبدالعزيز "

كانوا جالسين على طاولة الطعام والبنات ياكلون بسرعه ،

الجد : استهدو بالله بشويش وراكم مستعجلين ،

آمال : نسيت اقولك يبه ترا طلبت مصوره ،

ام نجلاء : وليه ان شاء الله؟

آمال : وشو ليه مالي دخل لازم ملاذ تتصور وتشوف نفسها بعدين ان شاء الله ، الكل همسو امين ،

نجلاء : يلا بروح الصالون وناخذ ملاذ بعد ،

ام نجلاء : توه بدري يا بنتي ،

آمال : يمه وين بدري اعدل اظافري ونجلاء تبي تصبغ شعرها وتستشور وانا اتمكيج و استشور وملاذ معانا بعد.

فهد التفت لزوجته : انتي بعد روحي معاهم تجهزي؟

ام نجلاء هزت راسها بالنفي : لا ام صقر قالت بتجيني هنا ونتحهز مع بعض خلي البنات يروحون.

آمال ونجلاء طلعوا للغرفه لبسوا عباياتهم والشغاله كانت تلبس العبايه لملاذ وطلعوا والشغاله مشت معاهم وملاذ معاها ركبوا السياره مع السواق.

'

الجد سُليمان : يلا يبه لا تتاخرون بنمشي بدري ،

عبدالرحمن : ليه بدري اليوم بعد يعني ننكرف؟

يوسف بضحكه : اي لازم ونكون هناك ونستقبل الضيوف ،

سلطان كان بعيد عنهم وساكت همه القضيه ،

عمر نزل وناظر فيهم : اروح اخذ البشت للسياره ،

الجد : اي ياولدي خذ حق الكل حقي وحق ابوك واخوانك،

صقر : انا رايح اخذ التوزيعات بسيارتي وانتم روحو مع جدي،

عبدالرحمن : تمام خذ عمر معك يساعدك ،

صقر كان الشماغ بيده والبشت بعد مشى فتح باب السياره وعلقهم ورا ، وعبدالرحمن نزل وشماغه بيده ،

ام صقر ناظرت ليوسف : انا بعد امشي معاكم اتجهز هناك ،

يوسف : تمام يلا تجهزي وحنا تحت ،

'

ام مشعل و ريما كانوا بالصالون ونفس الصالون وصلو لها آمال ونجلاء وملاذ ، نجلاء ناظرت فيهم انصدمت وصدت بهدوء،

آمال تصنعت الابتسامه ومشت تسلم عليهم ،

نجلاء سلمت بدون نفس ومشت جلست ،

آمال : تصبغين شعرك صح؟

نجلاء هزت راسها بالنفي : لا كنسلت ماعاد لي خلق ،

آمال تنهدت بضيق : اعرف ليه تقولين كذا بس تكفين خلي همك مشعل وبس .

( العيال وصلوا المزرعه ونزلوا وبنفس الوقت وصل ابو مشعل.

عبدالرحمن مشى وهو يسلم عليه : وينه مشعل ما جاء؟

ابو مشعل : الا ياولدي بالطريق جاي الحين ،

الجد سُليمان التفت للعيال : دخلو كراتين المويا داخل ،

سلطان : كلمت الشغاله تدخلهم الحين ،

الجد عبدالعزيز طلع وناظر لسُليمان ومشى يحضنه ويسلم،

فهد ناظر لـ يوسف وهمس : الله يعدي هالليله على خير ،

سلطان رفع راسه للسماء: شكله بيمطر ونروح فيه ،

عمر : تكفى لا والله بيخرب كل شيء ،

صقر نزل والشماغ بيده واليد الثاني بجيبه يطلع مفاتيحه وناظر لعبدالرحمن : خذ المفاتيح شماغك بسيارتي ،

'

ام نجلاء ابتسمت وهي تستقبل ام صقر وحضنتها ،

ام صقر : والله من الحماس جيتك الحين ،

ام نجلاء : زين سويتي والله وانا كلمت وحده ميكب ارتست تجي تمكيجنا والبنات راحوا الصالون كلهم ،

ام صقر ناظرت لساعته : الحين خمسه العصر مافي وقت ،

ام نجلاء : اي انتي اجلسي خليها تمكيجك وانا اروح اكلم الشغالات يسون القهوه و يولعون الفحم للبخور ،

ام صقر ابتسمت ومشت حطت فستانها على الكنب وجلست،

'

يوسف برفض : لازم الحريم في القاعه شف زحمة السيارات كيف ما ينفع كلهم هنا ما اتوقع المجلس تكفيهم ،

فهد : والله قلت نفس الشيء محد سمعني ،

الجد عبدالعزيز بورطه : والحين ايش الحل؟

عبدالرحمن : والله مافي حل انا اقول نمشيه هالليله ،

صقر : شرايكم طيب اروح اتصرف اشوف قاعه قريب من هنا؟

سلطان : شف قريب من المزرعه في شاليهات وقاعات ،

عمر : يمدي الليله يعني؟

فهد ناظر لسلطان : الحقني ياولدي وتعال نشوف ومشو ركبو السياره ، والكل جلسو واقفين و تورطو وكلشوي يناظرون لساعتهم ويشوفون مافي وقت تنهدو بتعب ،

فجاه وقف سيارة السواق ووصلوا البنات من الصالون ، انصدمو وهم يشوفون زحمة السيارات والعيال الي واقفين برا وواضح في سالفه كلهم متوترين وشماغهم بيدهم والي على كتفهم ويناظرون بوجيه بعض والي يتصلون ،

آمال ونجلاء وملاذ نزلوا ، عبدالرحمن التفت لهم وهو يشوف،

البنات صدو عنهم ودخلوا لداخل ،

عبدالرحمن صد نظره وهمس : اتصلو شوفو شصار ؟

'

فهد وقف سيارته : انزل نشوف هالقاعه قريب من المزرعه ونزلوا وهم ياخذون الرقم الي مكتوب على الجدار ويتصلون،

بعد دقايق رد صاحب القاعه : السلام عليكم ،

فهد : وعليكم السلام جيت ابي نستاجر هالقاعه ،

صاحب القاعه : متى ؟

فهد : الليله ما يهم السعر ايش المهم نبيه الليله ،

صاحب القاعه : والله اعتذر ما يمدي الليله ،

فهد ابتسم : مو مشكله عوافي وقفل منه ،

سلطان : ما وافق؟ فهد هز راسه بالنفي ،

سلطان : شف عمي هنا..

سلطان : شف عمي هنا قدام بعد في قاعه نمشي نشوف ومشو وهم يتصلون وللاسف اغلبهم يرفضون تنهدو بتعب بعد مُعاناة واخيرًا لقو قاعه والساعه صار ٦ و اذن المغرب،

فهد ركب السياره واخذ جواله وهو يتصل على زوجته لطيفه،

ام نجلاء كانت جالسه و آمال تستشور شعرها فجاه رن جوالها اخذته و ردت : هلا ؟

فهد : اخذنا قاعه بتروحون هناك الحريم بيكونو هناك والرجال في المزرعه لانه ماراح تكفي زحمه مره وصوت الاغاني وتشغلون ما بنفع.

ام نجلاء بصدمه : كيف راح نلحق توكم تتذكرون هالشي!

فهد : استعجلوا و ان شاء الله يمدي يلا انا جاي ،

'

عبدالرحمن رفع يده وهو يناظر لساعته : تاخر الوقت ،

الجد عبدالعزيز : ادخلوا داخل نصلي و ان شاءالله خير ،

صقر كان واقف بتوتر وكلشوي يناظر لساعته وشماغه بيده والتفت لعبدالرحمن : ماكان ناقص الا هالشيء كنت متاكد راح يصير شي ويخرب فرحتي كله ،

عبدالرحمن : استهدي بالله ما بيصير شي ان شاء الله ،

بهاللحظه وقف سيارة مشعل ونزل ومشى وهو يسلم عليهم،

'

آمال بصدمه : قاعه والحيننن!!!

ام نجلاء : للاسف اي توه ابوكِ كلمني وبنروح ،

نجلاء فزت ووقفت : يمه ابوي يستهبل ولا وش مايمدي!

ام صقر : وانا توه كلموني عيالي ،

ام نجلاء : يلا يلا تحركوا تجهزو شيلوا اغراضكم بنمشي قبل يوصلون الرجاجيل وتصير زحمه ،

آمال مشت بقهر تجمع اغراضها نجلاء لحقتها ،

ملاذ كانت جالسه وشعرها ويفي ومكياجها خفيف ومتوتره وجالسه بخوف بعيد عن الكل وسرحانه ،

'

العيال والجداد والشياب كلهم دخلوا المزرعه و توجهو يتوضون وخلصوا وصلو جماعي كلهم بعد دقايق خلصوا ،

قام فهد مشى وهو يشوف الشغالات يحطون اغراض البنات في السياره والتفت لمشعل : ياولدي خذهم انت والسواق بياخذ السياره الثانيه الي فيه الارض انا مو فاضي اروح اغير ثوبي واشوف الوضع ،

مشعل بهدوء : ابشر عمي ، ومشى ركب السياره بهاللحظه آمال وملاذ ونجلاء ركبوا ، وعبدالرحمن مشى ياخذ امه ،

مشعل كان منزل راسه بهدوء ولابس الشماغ ،

نجلاء ركبت و رفعت راسها وهي تشوفه ساكت وسرحان،

ام نجلاء ركبت وهمست : السلام عليكم كيفك ياولدي؟

مشعل بهدوء : وعليكم السلام الحمدلله بخير يا خالتي ،

ام نجلاء : وينهم امك وخواتك؟

مشعل : راحوا الصالون بيخلصون ويجون ان شاء الله ،

آمال ناظرت لنجلاء : كانه متغير مشعل؟

نجلاء صدت وهي تناظر من الشباك : مدري عنه ،

آمال : احسه زعلانه او فيه شي مو؟

نجلاء : لاعاد تحسين تكفين وحتى لو احساسك صح مايهم ،

عبدالرحمن البشت كان بحضنه و مده لامه : يمه هذا بشت صقر خليه عندك قال بيلبسه لما يجي يشوف العروسه ،

ام صقر ابتسمت : اشوف اخوك مبسوط الله يديمه من فرح،

عبدالرحمن : اي والله الدنيا مو سايعته ،

ام صقر : والبنات تضايقو بسبب سالفة القاعه ،

عبدالرحمن : يعني وش يبون ينشبون في المزرعه!

ام صقر : لا بس تجهزو كل شيء هناك وفجاه انتم غيرتو قراركم.

عبدالرحمن : والله الكل توهم يستوعبون ، ووقف سيارته ،

ام عبدالرحمن : وصلنا سريع ما شاء الله مره قريب ،

عبدالرحمن : اي اغلب القاعات هنا قريب من المزرعه ،

'

صقر وقف وفتح باب سيارته وهو يلبس البشت ،

سلطان مشى وناظر فيه : وينه عبدالرحمن ؟

صقر : راح ياخذ امي للقاعه ومد بشته الثاني لابوه ،

يوسف : والله نسيت حقي في البيت ،

سلطان : وهذا بشت من اجل؟

صقر ابتسم : حقي قلت بلبسه وقت اشوف عروستي ،

سلطان : ما شاء الله تحسبه فستان تغير وتروح لها ،

عبدالرحمن وقف سيارته ونزل ومشى لعندهم ،

يوسف لبس البشت و دخل المزرعه والعيال كانو برا عند السياره وبدا يظلم الدنيا وشغلوا اللمبات وكل الانوار ،

عبدالرحمن مشى عند صقر : وينه البشت حقي؟

صقر رفع كتوفه : مو معي كان بسيارتي لما اخذت امي،

عبدالرحمن عقد حواجبه : مو كان حقك؟؟

صقر هز راسه بالنفي : لا حقي مع ابوي حقك حطيته بسيارتي وعلمتك بعد شفيك؟

عبدالرحمن بقهر : ياخذ عمرك يا صقر انا عطيته لامي تخليه عندها لما تروح تشوف العروسه تلبسه هناك ،

صقر بضحكه : حمار انت!

'

ام صقر دخلت القاعه ابتسمت وهي تشوف جمال القاعه ومشت للغرفه عند البنات وحطت اغراضها ومن ضمنهم بشت عبدالرحمن حطته وطلعت تتجهز عند المرايا ،

آمال كانت واقفه تناظر للقاعه وهمست : يجننن ،

نجلاء : منجد حبيته الحمدلله غيرر قرارهم ،

آمال : امشي تعالي عدلي لي شعري احس انفك الويفي ،

نجلاء لحقتها و دخلوا الغرفه ومشت وقفت ونجلاء تعدل لها،

'

عبدالرحمن بقهر : الحمار صقر الي قايل لي ارسل شماغي مع امي تحطه عندها ولا عمر بياخذه ،

سلطان : والله الحمار انت يا عبدالرحمن كان تاكدت منه،

عبدالرحمن : والله ماعاد لي حيل ارجع ومن الحين ابوي ماسكني استقبل الضيوف ،

سلطان : وانا قايلين لي انتبه للقهوجين ارسل عمر ،

عبدالرحمن : عمر حاطينه عند الباب يقول لهم عن القاعه،

سلطان : اجل صقر ولا مشعل شف واحد منهم ،

عبدالرحمن : حمار انت! عرسهم كيف يروحون لازم يكونو متواجدين شف من الان بداو يجون

آمال مشت وهي تدور شنطتها تاخذ روج تضبط مكياجها استغربت وهي تشوف البشت بين الاغراض اخذته والتفتت لنجلاء : بشت ابوي وش جابه هنا!

نجلاء باستغراب : والله شكلها ماما من الحماس ما انتبهت

آمال : والله الحين يعصب علينا خليني اساله يمكن لبس حقه القديم مشت اخذت جوالها و دخلت الواتس وهي ترسل لابوها : يبه لبست بشت؟ فهد كان مشغول وشاف رسالتها و رد بـ اي وقفل جواله وحطه بجيبه ،

آمال : يقول اي لبس اتوقع لبس حقه القديم ، ومشت عند نجلاء وهي تضحك : تعالي ادربك كيف مشعل يلبسك بشته،

نجلاء : اقول وخري روحي علمي ملاذ ،

آمال مشت قفلت الباب : لا تجي ماما تذبحني ، ومشت لبست البشت ووقفت : اعتبريني مشعل قومي يلا ،

نجلاء : يااابنتتت ريحة البشت عطر رجالي الحين يطبع الريحه على فستانك كلهم بيحسبون انك حضنتي رجال ،

آمال فزت ومشت سحبت عطرها وهي ترش منه ،

'

فهد ناظر لعمر : اي خلك هنا اي احد يجي اوصف له عنوان القاعه قاعة الحريم يروحون هناك ،

عبدالرحمن كان واقف وبهاللحظه وصلوا الفرقه وهم يطبلون ويغنون ويدخلون للمزرعه و زحمة سيارات برا وبداو المعازيم يوصلون ، ومشعل وصقر كانوا واقفين يسلمون ،

والقهوجين يصبون. القهوة للضيوف ،

والجد عبدالعزيز والجد سُليمان كانو يستقبلون الضيوف،

سلطان مشى عند صقر : اعذرني انا بمشي والله ،

صقر تنهد ومسكه من كتفه : طلبتك الليله تبقى جنبي!

سلطان : قسم بالله يا صقر اني ودي ابقى جنبك بس والله ورا جلسة قضيه واخاف ما الحق !

عبدالرحمن استغرب وهو يشوف ملامح صقر الي تغير ومشى لعندهم : شصاير ؟

صقر صد : مو صاير شي يلا سلام روح ،

سلطان التفت لعبدالرحمن : تكفى فهمه والله ماعندي وقت ابي ارجع القصيم وارتاح شوي والصباح ورا جلسه ،

عبدالرحمن بهدوء : فاهمك انا روح مو مشكله ،

سلطان ابتسم وقام بيمشي لكن وقفه عبدالرحمن ،

وهمس : قبله تكفى روح لامي جيب البشت يا رجال لازم البس عشان يعرفون اني اخو العريس الكبير ،

سلطان ضحك وهمس : ابشر ،

'

آمال سمعت صوت الباب فسخت البشت و رمته بين الاغراض وعدلت شعرها وطلعت وهي تشوف المعازيم بداو يوصلون والشغالات يبخرون القاعه و امها و ام صقر يستقبلون الحريم

مشت تشبك البلتوث وتشغل الاغنيه ،

بهاللحظه دخلت ام مشعل و ريما معها ،

ام صقر ابتسمت وسلمت عليهم : حياكم الله نورتو ،

ريما ناظرت لآمال كانت فوق عند الكوشه مشت لعندها وهي تناديها : بسرعهه تعاليي شوفي شعري زين ولا لا ،

آمال حطت جوالها و نزلت مشت لعندها ،

آمال وقفت وهي تعدل شعر ريما : ليه شديتي الطرحه ع راسك شوفي خربتي التسريحه ،

ريما بنرفزه : كله من مشعل مافي احد غصب يقول شديه،

آمال بضحكه : خلاص عدلته لك روحي شوفي نجوله وحطي عبايتك وتعالي نرقص ، ريما هزت راسها بـ اي ومشت ،

آمال التفتت وهي تناظر لامها و ام صقر يستقبلون الضيوف ابتسمت ومشت وهي تسلم عليهم ،

ام نجلاء مشت عندها : اسمعيني تعالي هنا ،

آمال مشت وقفت جنبها وهي تناظر للمعازيم وتبتسم لهم،

ام نجلاء بهمس : روحيي شوفي الطاولات كله الشغالات حطت عليهم المعجنات والقهوة وشوفي وش ناقص ،

آمال هزت راسها بـ اي ومسكت فستانها ومشت ،

نجلاء كانت جالسه بالغرفه وملاذ جالسه معها بتوتر ،

نجلاء ناظرت لريما : ليه تاخرتوا ؟

ريما ناظرت فيها : مشعل الي تاخر علينا والله ،

نجلاء بهدوء : ريما تعالي اجلسي جنبي ابي اسالك ،

ريما استغربت وتركت الروج من يدها ومشت جلست جنبها باستغراب : شفيكِ؟

نجلاء : مشعل شفيه متضايق ومتغير ؟

ريما : وانتي وين شفتيه؟

نجلاء : هو الي جابنا القاعه وشفته لما كان يسوق حاولت ما اهتم بس شاغل بالي والله شفيه؟

ريما رفعت كتوفها : من فتره هو كذا وبسبب ابوي زاد اكثر،

نجلاء باستغراب : وشهي بسبب ابوكِ؟

ريما : ضربه صار له يومين غايب عن البيت ولا يرد ،

نجلاء انصدمت وسكتت وهي تناظر لريما ،

'

سلطان : اي يمه انا برا الحين انزل لك عند الباب عطيني،

ام صقر : تمام وقفلت الخط و دخلت الغرفه وهي تدور البشت انصدمت وهي تشوفه معفص وطايح بين الاغراض شالته بسرعه وهي تطبقه وهمست : مين سوت كذا بالبشت ؟

نجلاء التفتت : بشت بابا صح؟

ام صقر ابتسمت : لا يابنتي بشت ولدي جاء بياخذه ومشت طلعت ، نجلاء انصدمت : ياربيي آمال شسويتييي ،

سلطان نزل من سيارته و رمى الشماغ بداخل السياره ومشى عند الباب اخذ الشماغ وهمس : انا راجع القصيم ،

ام صقر : اخوك تضايق صح؟

صقر رفع كتوفه وهو يشوف البنات الي ينزلون من السياره واخذ البشت و صد طلع و ركب السياره وتوجه للمزرعه ،

صقر كان واقف يسلم على الرجال رايحين جاي

ومشعل معه تعب وهو يسلم والمزرعه زحمه والمعازيم ما وقفو باقي جاين وزحمة السيارات وصوت البوري وصوت الاغاني الفرقه الي كانوا يغنون سامري و يطبلون ،

عبدالرحمن مشى عند ابوه : يبه انتم عزمتو العال..ما كمل كلامه مد يده وهو يسلم ويبتسم و رجع لابوه : العالم كله،

يوسف ضحك وهو يسلم وناظر له : شنسوي بعد ، رفع يده وهو يعدل بشته ومشى عند فهد الي كان واقف ،

الجد سُليمان كان واقف بنص المزرعه جنب ابو سُليمان يستقبلون الضيوف ويسلمون عليهم ويسولفون ،

عمر مشى وهو يحط البخور على الطاوله ، المزرعه كله ريحة بخور وعود ، عبدالرحمن حس بكتمه وصد لبعيد ،

مشعل قرب وهو يسلم على الضيف : عقبالك ،

صقر ناظر لابوه الي مسك السيف يستعد للعرضه وابتسم وناظر لمشعل : تعرف له ولا تفشلنا؟

مشعل بضحكه : لعبتي افا عليك اذبح لك عشره من المعازيم،

صقر كتم ضحكته وما قدر يرد وهو يشوف الناس الي تجمعو ويسلمون ومشعل كان جنبه يسلم ، والمصور وصل ومشى وقف يصورهم فهد عدل بشته ومشى وقف جنبهم ،

الجد عبدالعزيز وسُليمان توجهو يوقفون للتصوير ،

ونص المعازيم وقفوا بجنبهم يتصورون ،

سلطان وقف سيارته ونزل يدور عبدالرحمن يعطيه البشت،

صقر لمحه من بعيد و اشر لعمر ، عمر استغرب ومشى له ،

صقر قرب يهمس باذنه : كلم سلطان يجي يتصور قبل يمشي،

عمر ابتسم : ابشر ومشى عند سلطان : وش تدور؟

سلطان ماكان يسمعه من قوة الازعاج صوت الطبل والفرقه يغنون وصوت السيارات والمعازيم و اشر له : ما اسمعك ،

عمر قرب من اذنه : روحح لسلطانن يبيك ،

عبدالرحمن ناظر لسلطان ومشى له واخذ البشت منه وهو يشوفه معفص : وش مسوي فيه انت؟

سلطان : والله اخذته من امي كذا ما سويت شيء ،

عبدالرحمن تنهد و لبسه وعقد حواجبه : امي وش مسويه بالبشت لا وبعد رشت فيه من عطرها تبي تكتمني ،

سلطان ضحك ومشى طلع شماعه من السياره ولبسه وعدل نفسه و دخل ومشى يسلم على المعازيم ووقف جنب صقر،

صقر قرب منه : عالاقل صوره للذكرى بكره عيالي يسالون وين عمي سلطان اقولهم والله هرب عشان القضيه؟

سلطان ضحك ووقف وهم يتصورون ،

عبدالرحمن مشى عند عمر : روح اوقف استقبلهم ،

والتفت للقهوجين بمعنى : صبو للمع..ما كمل الا ونزل راسه وهو يعطس ومشى لفوق يتصور تبخر من البخور ووقف لكن رجع عطس بقوه ومشى سحب المناديل انفه كان يسيل تنهد بتعب وعدل عقاله ووقف لكن رجع عطس وهو يحس بـ حكه بـ جلده رفع كُم ثوبه وهو يحك وكل دقيقه يعطس و انفه يسيل وقف الضيف يسلم عليه ، عبدالرحمن قرب يسلم عليه لكن صد وجهه وهو يعطس بقوه و رجع سحب مناديل وانفه يسيل ومتفشل وطلع من بين المعازيم لبعيد اخذ مويا ،

'

آمال و ريما وقفو عند الكوشه وهم يرقصون ام مشعل ابتسمت ومشت عندهم ترقص معاهم وبعض البنات من المعازيم قامو يرقصون معاهم والكل يصفقون ،

الشغاله دخلت وهي تبخر القاعه وتناظر للبنات وتبتسم ،

مارلين كانت بالمطبخ تسوي القهوة والشغالات معها وقامت ترقص على صوت الاغنيه وتهز راسها ،

الشغالات ضحكوا وقاموا يرقصون معها ويضحكون ،

دخلت الشغاله الثانيه وهي تاخذ المويا توزع ،

ام صقر و ام نجلاء..

ام صقر و ام نجلاء كانوا جالسين يضحكون ويقومون يستقبلون الضيوف و ريحة البخور والقهوة و عطر نسائي القاعه كله ، والاطفال يركضون ويلعبون و ازعاج ،

آمال ضحكت بتعب وهب تنزل من فوق الكوشه وناظرت للاطفال الي يركضون ابتسمت وهي تشوف الطفل الصغير الي كان لابس ثوب وشماغ وبشت مكتوب وراه عمي عريس، استغربت وهي تفكر مين هذا ومين عمه؟

التفتت لريما : منهو ذا؟

ريما رفعت كتوفها : معرفه مو مننا ،

آمال مشت وهي تبوسه ، سمر نزلت من فوق الكوشه ومشت وقفت عند آمال سلمت عليها وعلى ريما وناظرت لولدها وابتسمت : شكله ولدي وقع بغرامك ،

آمال ابتسمت : ولدك؟

سمر هزت راسها بـ اي : اي ولدي ،

آمال : صقر عمه يعني تقربين لهم صح؟

سمر هزت راسها بالنفي : لا لا ما اقرب لهم وصقر مو عمه بس يعرف زوجي هُم اصدقاء وعزمونا وزوجي لبس ولده هالبشت وهو بحسبة عمه صقر ومشاري اصدقاء الطفوله يعتبرون بعض اخوان عشان كذا ،

آمال ابتسمت : اها ما شاء الله توي اعرف والله ،

سمر : جينا من القصيم عشانه بالبدايه زوجي كان رافض بس صقر عاند و جينا بس والله فرحت مرره واستانست ،

آمال : والله زين جيتي وجبتي هالحلو معك شسمه؟

سمر : جاسم ،

'

عمر تنهد بتعب وهو واقف ويوصف لهم القاعه ما قدرو يحطون احد من الي يشتغلون لانهم ما يعرفون عربي ،

مشاري كان واقف ياشر للقهوجين يصبون للضيوف ومشى عند عبدالرحمن : الساعه كم بالله؟

عبدالرحمن رفع يده وناظر لساعته : توه عشره ونص ،

مشاري : تعبت والله لا اخلي صقر يكرف بعرس ولدي ،

عبدالرحمن ضحك وقام بيرد و صد وهو يعطس ،

مشاري دفه : ابعد عني لا امرض من وراك ،

عبدالرحمن تنهد بتعب وفسخ البشت و رماه عليه : خذه،

مشاري فز و رمى البشت عليه : تبغاني امرض ولا ايش!

صقر كان واقف جنب مشعل ويتصورون.

الجد سُليمان والجد عبدالعزيز كانوا واقفين ،

وفهد و يوسف اخذو السيف يستعدون للعرضه العيال كلهم تجمعو وهم ماسكين السيف ويستعدون ،

فهد : مشعل و صقر خلكم انتم بالنص قدام ،

'

نجلاء ناظرت لملاذ : تعبت ودي اطلع و ارقص ،

فجاه لخلت آمال والمصوره وراها : وصلت المصوره ،

المصوره ابتسمت ومشت تسلم على نجلاء وملاذ : كيفكم يا عروسات هاه مستعدين للحياة الجديده؟

نجلاء ابتسمت :لا والله مو مستعده ودي اهرب ،

ملاذ ابتسمت المصوره التفتت لها وهي تدري بحالتها آمال كلمتها وناظرت لآمال : اصورهم قبل يجي العريس صح؟

آمال : اي صوريهم صور لحالهم و بعد ساعه كذا بيجون العرسان بالاول ملاذ وصقر وبعده نزفهم وصوري نجلاء و عريسها ، المصوره ابتسمت وهزت راسها بـ اي ،

آمال : يلا انا

آمال : يلا انا بطلع وقامت طلعت لبرا وقفلت الباب وهي تسمع صوت الاغاني الي عالي والشغالات عند المطبخ يرقصون ضحكت ومشت عندهم : يلا يلا القهوه بسرعه وناظرت لمارلين : وزعي المويا وتكفين جيبي معك عصا واطردي هالبزران من فوق الكوشه ياخوفي اطيح من وراهم،

مارلين ضحكت ومشت وهي تشيل العصا : يلا وري انا وين هادا اطفال انا ما اخلي لازم انتي ارقص انا شوف ،

آمال ضحكت ومشت ومارلين وراها آمال وقفت عند الكوشه وهي ترقص على اغنية يا عين هلي ، و ريما ركضت ترقص معها الشغاله ناظرت للبزران الي ركضوا يرقصون معاهم قامت تهددهم بالعصا وتنزلهم وهم يعاندون ويرجعون مارلين تعبت و رفعت العصا ومشت فوق الكوشه ترقص مع البنات ،

الاطفال تجمعو عندهم وقامو يركضون من جنبهم ،

ام صقر و ام مشعل و ام نجلاء كانوا جالسين يصفقون ويضحكون و يستقبلون الضيوف ،

'

عمر ناظر لساعته : خلاص ما بقى شي ويصير ١٢ و ذولي صاملين جاين تنهد بتعب وهو يوصف لهم القاعه ،

عبدالرحمن مشى لعنده وهو يحك يدينه : تعال يلا ،

عمر : الحمدلله فكرتو فيني ومشى لعندهم وهو يشوف الفرقه بداو يغنون : لو ذبحني يا عوض عادي ، مشعل كان واقف وبيده السيف وصقر جنبه ، والشياب جالسين على الارض رافعين يدهم والكل بداو يتجمعون ويمسكون السيف ويرقصون والفرقه يطبلون : من يحاسب يا عوض خِله ياعوض هو غاية مرادي يا تبسم والشعر فله ، و بدا البرد يشتد

والي يروح لسيارته يجيب الجاكيت والي يضم بشته له

عبدالرحمن كان واقف يناظر ويبتسم لصقر ومشعل الي مبسوطين والسيف بيدهم ويرقصون ،

عمر : يخي عطوني انا بعد ادخل معاهم ،

سلطان كان ناوي يروح لكن من شافهم تحمس واخذ السيف من عبدالرحمن وقام يرقص : لو ذبحني يا عوض عادي.

عبدالرحمن ناظر للعصا الي ع جنب اخذه و مده لعمر وهو يضحك : يلا روح ،

عمر : تقص علي بالعصا! لكن ما رفض و رجعه كان متحمس ومشى وهو يرفع العصا و يرقص معاهم ،

الفرقه كانو يطبلون ويغنون والعيال يغنون معاهم ،

فهد مشى عند عبدالرحمن : يلا تحرك انت بعد روح ، ومد له السيف الي معه ، عبدالرحمن ابتسم ومشى ،

( قلب بو سليمان وقادي

يا بعد حيي والأجدادي

ارحم اللي صابتة علة

لو ذبحني يا عوض عادي

من يحاسب يا عوض خلة

يا عوض هو غايت مرادي

يا تبسم والشعر فلة

العيال كانوا كلهم متجمعين مشاري وسلطان وعبدالرحمن وعمر وصقر ومشعل الي كانوا ماسكين بشتهم و السيف بيدهم ويرقصون والكل يصفقون ويغنون معاهم ،

اشتد البرد وبدا يمضي الليل والوقت يمر بسرعة برق ،

الجد سُليمان والجد عبدالعزيز وفهد ويوسف وباقي المعازيم كانوا جالسين على الارض يرقصون..

آمال كانت جالسه تضحك وهي تشوف الشغالات الي دخلوا وبيدهم التوزيعات والعصيرات و ورق عنب وهم يرقصون ويهزون راسهم بطرب على صوت الاغاني و يضيفون المعازيم،

جاسم كان يركض بالقاعه ورا البنت الصغيره ويلعب معها ،

ام صقر كانت مبتسمه فجاه رن جوالها وقامت ردت وهي ما تسمع شي من الازعاج وصوت الاغاني وطلعت لبرا ترد ،

عبدالرحمن : هاه قبل شوي ليه اتصلتي ؟

ام صقر : كلم اخوك يجي ساعه ١١ للقاعه عشان الزفه وبيمشي وبعده بيجي مشعل ،

عبدالرحمن ناظر لساعته : تمام راح اكلمه ، والتفت وهو يشوفهم يرقصون ضحك ومشى عند مشاري : الظاهر صقر ما يوقفه الا الموت ،

مشاري بضحكه : والله اشك هو ومشعل الاثنين ،

عبدالرحمن : وين جسوم خله يجي يرقص معاهم يسترجل ليه حطيته عند البنات ،

مشاري ابتسم : والله ودي اروح اجيبه وقام مشى وهو يتصل على زوجته سمر ومشى ركب السياره متوجه للقاعه ،

'

المصوره : اي ارفعي يدك شوي عشان الاسواره تبان ،

نجلاء رفعت يدها المصوره كانت تصورها وملاذ معها ،

فجاه انفتح الباب ودخلوا ام شعل و ام نجلاء ،

ام مشعل : جيت اكلمك هناك ولدي بيدخل قبل ولدها ،

ام نجلاء بصدمه : بس ملاذ الاكبر هي تزف قبل نجلاء!

ام مشعل : معليش مالي دخل ولدي يدخل قبل ولدهم ،

نجلاء تغيرت ملامح وجهها وودها تتكلم لكن ماتبي مشاكل،

ام مشعل بحدها : ولدي بيدخل قبل ولدها واذا لا ف بنتك ماراح تزف مع ولدي تنزف لحالها وصدت طلعت ،

ام نجلاء تغيرت ملامح وجهها للضيق وناظرت لنجلاء ،

نجلاء بقهر : حلو طيب ماراح ازف ما يحتاج خلي ولده يجي يزف لحاله ولا مع الشغالات والله يا يمه لو زفتي قبل ملاذ ف انا ماراح اطلع له خليه يزف مع الشغالات ،

ام نجلاء : يابنتي وش اسوي انا ايش اقول ؟؟

نجلاء : مالي دخل بس قبل ملاذ انا ماراح انزف ،

'

صقر مشى عند عبدالرحمن وهو يعدل بشته ،

عبدالرحمن : سلطان هج والله مدري متى ما شفته ،

صقر التفت يمين يسار : ول متى مشى هذا؟

بهاللحظه مشى مشاري وهو شايل جاسم ، وجاسم بدا يبكي ومصدوم من الازعاج والزحمه وصوت السيارات.

صقر ضحك وهو يشوفه : هلا هلا جسوم ،

واخذه من مشاري وهو يبوسه : عقبال ما اشوفه عريس،

عبدالرحمن : عطني عطني اعدل له البشت ، اخذه من صقر وهو يوقفه ع ارض ويعدل له بشته ،

عمر مشى عندهم وهو يضحك : والله زي حركة شماغي ،

المصور كان يصور مشعل مع الجد عبدالعزيز ،

عمر قرب وهو يشيل جاسم : خلوني اتصور معه ،

عبدالرحمن ناظر لصقر : يلا اكلمهم يطلعون العشاء ،

عمر جلس ع ركبته وهو يتصور مع جاسم ،

و بداو يطلعون العشاء عند الرجال والكل ي..

و بداو يطلعون العشاء عند الرجال والكل يسمي بالله ،

ووقفو الاغاني والطرب و تجمعو للعشاء ، و صوت السيارات ما وقفت و صوت العيال الصغار الي يركضون ويصارخون ،

عبدالرحمن ناظر لصقر : تعال تعشى وبعده روح ،

الكل تجمعو وجلسوا وهم يتعشون ويسمون بالله ،

'

آمال بصدمه : منجدك نجلاااء!

نجلاء بحدها : اي منجدي يا ملاذي قبلي ولا مابي ،

ام نجلاء تنهدت بضيق : يا بنتي عشان خاطري لا تسوين كذا!

آمال : لا يمه صبر عمتي من اي حق تقول كذا! صقر اكبر من مشعل وملاذ اكبر من نجلاء يعني هُم الاول ،

فجاه دخلت ام صقر ي كلمت ولدي بيجي بعد شو..سكتت وهي تشوف ملامحهم وهمست : صاير شيء؟

آمال ابتسمت : لا خالتي مو صاير شيء ،

ام صقر : تمام انا رايحه اشوف الضيوف وقامت طلعت لبرا ،

آمال : خلاص يمه دام نجلاء بعد ماتبي تزف مع مشعل ف خلاص قولي لعمتي لا يجي مشعل للزفه بس يجي للتصوير ،

نجلاء : حتى للتصوير ماله داعي خليه يقعد بالمزرعه ،

ام نجلاء تنهدت وهي تفكر ومشت طلعت لبرا ،

نجلاء تجمعت الدموع بعيونها وصدت ،

آمال : تكفيننن نجلاء لا تبكين وانا بكمل ريما تعطيني رقم مشعل بنفسي اكلمه يجي ماعليكِ من عمتي ،

ملاذ كانت متوتره وترجف بخوف ،

'

آمال طلعت لبرا وهي تلاحظ التوتر والقاعه الي هجد فجاه

و امها متوتره مشت عند ريما : بنت قومي ارقصي خليهم يطالعون فيكِ ومحد يلاحظ شيء ،

ريما هزت راسها بـ اي ومشت للكوشه ترقص سمر ابتسمت وقامت معها وقاموا يرقصون والشغالات يضيفون المعازيم،

ام نجلاء كانت ساكته ومتوتره وتناظر لام مشعل الي صاده،

آمال ناظرت لجوال ريما الي كان يرن ومشعل الي يتصل ومشت تنادي ريما ريما نزلت عندها : هلا مين يتصل؟

آمال : تعالي الحقيني للغرفه و مشو دخلوا الغرفه ،

آمال : لا تعلمين امك بشيء و ردي كلمي مشعل يجي بعد صقر للزفه ولا تعلمينه بشيء خليه يجي وندخله فجاه ونشغل الزفه بدون ما تدري امك ،

ريما بتفكير تمام و ردت على مشعل : هلا ؟

مشعل : امي كانت تتصل والحين اتصل عليها ماترد؟

ريما : مدري والله بس المهم انت تعال بعد تمام؟

مشعل : صقر طلع جاي للقاعه انا اجي بعده ،

ريما : تمام ننتظرك وقفلت الخط : صقر جاي ،

آمال فزت : خلوني اشوف الغرفه الثانيه عشان يتصورون هناك اخذت المفاتيح ومشت فتحت باب الغرفه وشغلت الاضواء والمصوره اخذت الكاميرا و اغراضها وتوجهت للغرفه ،

ملاذ مدت يدها وهي تشد على فستانها بخوف ،

صقر وقف عند القاعه وتعطر ونزل وهو يتصل على امه ،

آمال مشت وهي تلبس عبايتها : بروح اساعد ملاذ كنت مخليه ماما بس واضح عقلها مو معها بس هالسالفه

آمال مشت وهي تلبس عبايتها : بروح اساعد ملاذ كنت مخليه ماما بس واضح عقلها مو معها بس هالسالفه الي صارت ،

وعدلت نقابها واخذت ملاذ معها ودخلت الغرفه ،

ملاذ كانت واقفه وآمال تعدل لها المكياج : خليكِ واقفه كذا،

ام صقر مشت طلعت لبرا وناظرت لصقر الي كان واقف ابتسمت وقربت حضنته : مبروك واخيرًا قرة عيوني وشفتك عريس قدامي ولابس البشت وتروح لعروستك ،

صقر ابتسم وهو يقبل يدينها و راسها ،

ام صقر : يلا تعال ادخل ،

'

آمال كانت لابسه عبايه وصدت وقفت ع جنب وملاذ المصوره وقفتها كانت واقفه معطيه ظهرها للباب ، ام صقر اخذت صقر للغرفه صقر دخل ، و ان صقر سحبت نفسها ومشت ،

صقر اول ما دخل همس : السلام عليكم وانربط لسانه وهو يشوف ملاذ الي معطيه ظهرها وواقفه تصنم بمكانه وهو ماسك بشته بيده ويناظر بهدوء ودقات قلبه يتسارع ،

ملاذ من سمعت صوته اول ما قال السلام عليكم غمضت عيونها بتوتر والمسكه بيدها ويدينها ترجف ،

آمال كانت مبتسمه وهي تناظر لهم ،

المصوره كانت تصور وهمست : يلا عروسه التفتي ،

صقر غمض عيونه وهو يطرد التوتر ، ملاذ التفتت بهدوء ووقفت صقر لا شعوريًا ابتسم وانشق وجهه من الابتسامه والفرحه وقام بهدوء يتقدم بخطواته لعندها ووقف قدامها وقرب باس جبينها ومسك يدينها بيده ونطق : بسم الله عليكِ من كل شر ومن كل عين ، المصوره كانت تصورهم ،

وآمال منحشره بالزاويه ومبتسمه تناظر ،

صقر حس برجفة يد ملاذ وشد ع يدها : لا تخافين مني يا عيوني انا..سكت وهو يحس العبره يخنقه مو قادر يتكلم نزل راسه وهمس : لا تخافين مني اوعدك راح احميكِ واحطك بعيوني الاثنين زي ما عشتي بالدلال عند ابوكِ راح تعيشين بنفس الدلال والحُب بقلبي ، ملاذ كانت متوتره وتحاول تطرد كل الخوف من قلبها وابتسمت له بهدوء من كلامه ،

آمال كانت مندمجه تناظر لهم وتبتسم فجاه رن جوالها ،

صقر فز من صوت الجوال والتفت لورا يناظر آمال ابتسمت بفشله وقامت طلعت لبرا ،

المصوره وقفت تصوير وقامت : الحين بنبدا نصور قرب منها شوي ومشت وهي تمسك يد ملاذ وتحطه ع كتف صقر ،

'

آمال طلعت لبرا وناظرت لريما : شصاير؟

ريما : نجلاء ماتبي مشعل يدخل ،

آمال تنهدت ومشت عند نجلاء : شفيكِ ليه ماتبينه يدخل؟؟

نجلاء : ماعاد لي خلق لا للملكه ولا عاد ابي اتصور معه،

آمال : تكفين نجلاء لا تخربين هاليوم ولا تخربين لحظة الفرح انسي كلام عمتي وخلي همك مشعل وابداي صفحه جديده بحياتك وخلي همك مشعل وبس !

ريما : صح كلام آمال تكفين نجلاء خليكِ من امي وربي انه مشعل يحبك وانتي تاركه حُبه وهمك امي وكلامها!

آمال : ..

آمال : ماعاد ابي اسمع ولا كلمه مشعل بيدخل يعني بيدخل،

'

صقر وقف وقرب منها والمصوره كانت تصورهم ،

ملاذ انكتمت من ريحة الدخان الي كان يطلع من ثوبه وبشته نزلت راسها وهي تحاول تتنفس وتدعي انه يبعد بس ،

المصوره همست : حط يدك ورا ظهره يا عريس ،

صقر حط يده ورا ظهرها ويده الثاني حطه ع كتفها ،

ملاذ كانت منزله راسها وساكته والمصوره تصورهم ،

صقر كان ساكت ويتاملها وهمس : تعبتي؟

ملاذ هزت راسها بالنفي واكتفت بـ ابتسامه ،

صقر : تدري كم يوم لي وانا انتظر هاللحظه؟ ماراح تصدقين لو اقولك ليله بالنسبه لي كان سنه ولو اتكلم عن انتظاري ف يُعتبر مية سنه وانا انتظر لشوفتك ومسكة يدينك ،

المصوره : عريس خلك وراها الحين وهي قدامك ،

صقر هز راسه بـ اي ومشى وقف ورا ملاذ ومسكها من كتفها وهو يوقفها قدامه ، رغم انها ملاذ ماكانت تشوف غير السواد لكن كانت تحس بيدينه و ريحته وهو يقرب كانت تحس بشعور غريب ماتدري كيف توصف هالشعور ولا تدري فرح ولا خوف!

'

عبدالرحمن وعمر ومشاري والعيال كلهم كانوا بالمزرعه

بعد ما خلصوا العشاء وكل شخص واقف يسولف مع الثاني،

عمر كان يضحك ويركض ورا جاسم ،

عبدالرحمن : شف شف البزر فشلتنا ،

جاسم ركض عند مشاري وهو يضحك مشاري شاله وهو يبوسه وضحك : والله وشاف له طفل قده ،

عمر : والله لو بتزوج ف بتزوج عشان ابي طفل ،

عبدالرحمن : بالاول انت ربي نفسك وبعدين نشوف ،

مشاري : عبدالرحمن انت الي فكر وبنفسك عمرك صك الثلاثين شف صقر اصغر منك وتزوج مو زيك ،

عبدالرحمن : اقول اذلف انت وصقر هذا انت تزوجت وما شفنا منك فايده جبت لنا واحد نسخه منك ،

'

الجد عبدالعزيز والجد سُليمان كانوا يضحكون ويسولفون مع الضيوف وفهد ويوسف واقفين مع المعازيم يسولفون ،

والمزرعه كله سوالف وشتاء وبرد ولابسين فروة وجاكيتات،

'

صقر وملاذ كانوا يتصورون وآمال واقفه عند الباب تنتظر ،

وجوال نجلاء كان بالغرفه عند ملاذ وصقر مشغلين فيه اغنيه وهم يتصورون وكان الاغنيه من اليوتيوب وتتغير من نفسه

والمصوره تصورهم وما اهتمت للاغنيه لانها راح تركب الاغنيه من عندها ، وبهاللحظه اشتغل الاغنيه ،

( يمه هناي اليوم ليتك حظرتي

وتشوف عينك فرحتي في عيوني )

ملاذ فزت وهي تسمع الاغنيه لا شعورًيا تذكرت الحادث وامها وابوها ماقدرت تمسك نفسها ونزلت راسها تبكي،

صقر فز من صوت الاغنيه وناظر للمصوره : قفليهه ،

المصوره استغربت ومشت تقفله ،

صقر مد يده و رفع راس ملاذ يمسح دموعها وقربها منه ملاذ حطت راسها على صدره صقر جلس يمسح على ظهرها وهمس بهدوء : ..

صقر مد يده و رفع راس ملاذ يمسح دموعها وقربها منه ملاذ حطت راسها على صدره صقر جلس يمسح على ظهرها وهمس بهدوء : لا تبكين يا عيوني اوعدك راح اصير لك الام والاب وكل شيء تبين بس لا اشوفك تبكين ،

ملاذ كانت تتذكر امها وابوها كانت محتفظه بصورهم ،

صقر التفت للمصوره و رفع يده : خلاص ، المصوره هزت راسها بـ اي ومشت طلعت وتركتهم ،

صقر قرب وهو يبوس جبينها ولف راسه وهو يدور مناديل لكن ما لقى و اخذ طرف شماغه وهمس : غمضي عيونك ،

ملاذ غمضت عيونها صقر جلس يمسح المسكرا الي خرب مكياجها وناظر فيها : تعبتي؟

ملاذ فعلًز تعبت وهزت راسها بـ اي ، فجاه انفتح الباب ودخلت آمال المصوره كلمتها انها ملاذ تبكي ،

و ام نجلاء كانت وراها و دخلوا آمال ركضت عند ملاذ ،

ام نجلاء ناظرت لصقر : كيفك ياولدي؟

صقر ابتسم وقرب سلم عليها : بخير الحمدلله ياخالتي،

ام نجلاء : مبروك و لا اوصيك على بنتي يا صقر حطها بعيونك،

صقر ابتسم : هي بالحفظ والصون يا خالتي لا تخافين عليها دامك حطيتي يدها بيدي تاكدي ما اشيل يدي من يدها الا وقت تدفنوني ،

آمال كانت تعدل مكياج ملاذ وتواسيها ،

'

عبدالرحمن ناظر لمشاري : خلاص وقت يطلع صقر بياخذ عروستها نلحقه حنا وبعده روح لبيتك ،

مشاري : اها يعني بتمشون ؟

عبدالرحمن : وين بنمشي بنرجع ننكرف ونشيل كل هالفوضى،

عمر : والله اني متكسر انتظر بس متى ارجع للسرير ،

عبدالرحمن : والله حلقي يوجعني من البرد تعبت ،

'

المصوره مشت لغرفة نجلاء ومشعل كان بسيارته ونزل اول ما ريما اتصلت عليه وقام مشى عند الباب ريما مشت لعنده وهمست : يلا تعال ادخل ،

مشعل : وينها امي؟

ريما : مع الحريم مشغوله تعال انت ،

مشعل هز راسه وقام دخل داخل وتوجه للغرفه الي فيها نجلاء و دخل لداخل بهدوء نجلاء كانت جالسه و رفعت نظره له،

مشعل كان ماسك بشته وعقد حواجبه من نظراتها ،

نجلاء قامت بهدوء ووقفت وهي صاده وجهها ،

مشعل ناظر للمصوره الي كانت موجوده وتجاهلها ومشى وقف قدام نجلاء : اذا تصدين ليه خلتيني اجي؟

نجلاء التفتت له : راح اصد عنك حتى الممات يا مشعل ،

مشعل انصدم من كلمتها وهمس : ليه تسوين فيني كذا عطيني سبب انا مو جاي عشان تصوير ولا جاي عشان شيء جاي ابي اعاتبك يا نجلاء طول عمرك ما تعطيني فرصه وهالمره جيتك ابي اعاتب لعله يفيد العتاب بس الظاهر ما يفيد معك شيء لا عتاب ولا كلام ولا افعال ،

نجلاء صدت عنه ،

مشعل : شكثر انانيه انتي يا نجلاء حزني وجرحي لهدرجه ما يبان ؟ وانتي مو شايفتني اعاني! سالتك بالذي الي دفن حُبك بداخلي بوسط صدري ليه مقدر اصد عنك ليه اعجز اخونك..

نجلاء رفعت نظرها وهي تناظر فيه بهدوء ،

مشعل : تشوفين حُبك بعيوني؟ ولا ما تشوفين علميني وش غلطتي يا نجلاء وانا مستعد اعتذر !

نجلاء : مابي اتكلم لاني لو تكلمت راح اوجعك وانا مابي اوجعك اكثر من كذا !

مشعل : انتي وجعتيني من صدك وخلصتي وش بقى بعد؟

نجلاء : مشعل مابي اتكلم اكثر ولا ابي اسمع عتابك اكثر لاني ما اتحمل اكثر من كذا وانا مابي ابكي ولا ابي دمعتي تنزل قدامك ولا ابي ابين لاحد اني ضعيفه مابي اب..سكتت ونزلت راسها وهي تبكي ومدت يدها ضربته ع صدره و دفته : مابيي ابكي قلتلك مابي ابكي ليه تسويي كذا ليهه؟؟

مشعل اخذ نفس ومد يده ومسكها من كتفها : طالعي فيني!

نجلاء كانت منزله راسها تبكي وتمسح دموعها ،

مشعل مد يده و رفع راسها و مد اصبعه يمسح دموعها نجلاء دفت يده بدموع : ابعد عنيي قلتلك لا تبكيني ليه خليتني ابكي!! ليه تخليني اكون ضعيفه ولا انت تحب ضعفي!

مشعل ابتسم بخفه : ما احب قسوتك تفهمين!

نجلاء صدت عنه : ابعد عني لا تكلمني صدت عنه ومشت عند التسريحه تعدل مكياجها قبل يدخل احد ويشوفها تكره انها تبكي قدام احد او تبين ضعفها لاحد دايم تكون قاسيه مع مشعل لكن هالمره ما قدرت تتحمل عتابه وحُبه ،

مشعل رفع يده وهو يعدل بشته : باخذك معي ،

نجلاء التفتت بصدمه : ما بمش.. قاطعه وهو يلتفت للمصوره ويهمس : تقدرين تبداين قبل نمشي ،

نجلاء مشت عنده وناظرت فيه : ماراح تاخذني قلتلك!

مشعل رفع نظره لها : عدلي المسكره والروج غيريه ماحبيته،

نجلاء : اقولكك مابي امشييي معك وماراح تاخذني!

مشعل رفع يده وهو يناظر لساعته : توه بدري يلا تعالي ،

نجلاء تنهدت بقهر منه وقامت بتمشي مشعل مد يده ومسكها من يدها وسحبه له وثبتها : خليها تصور وتشوف شغلها!

نجلاء : ماراح اتصور معك و..قاطعه مشعل وهو يثبتها قدامه ويمسك يدينها ، نجلاء قامت بتتكلم لكن فزت من اشتغل الفلاش والمصوره بدات تصور سكتت وهي مقهوره منه ،

المصوره : قرب منها شوي يا عريس،

مشعل قام بيقرب نجلاء حطت يدها ع صدره و دفته : مابي،

مشعل : مو بكيفك.

نجلاء ناظرت للمصوره : مابي اتصور وهو بعيد عني مابيه يقرب ولا اقول خلاص صوره وحده تكفي ،

مشعل : خلاص اجل ما يحتاج نصور خليني اخذك معي ويصير خير ، نجلاء قامت بترد لكن ناظرت للمصوره الي كانت تصورهم مشعل ضحك بخفه وقرب منها : خلاص اهجدي ،

'

آمال كانت واقفه وبيدها الجوال تتصل على ابوها بيدخل مع ملاذ وقت الزفه لكن ماكان يرد تنهدت : مايرد مشغول شكله ،

آمال كانت واقفه وبيدها الجوال تتصل على ابوها بيدخل مع ملاذ وقت الزفه لكن ماكان يرد تنهدت : مايرد مشغول شكله ،

صقر كان واقف وملاذ واقفه عند امها تعدل لها فستانها ،

آمال : يمه عدلي طرحتها بـ بنس الشعر ،

صقر اخذ جواله وهو يتصل على عبدالرحمن دقايق و رد ،

عبدالرحمن : هلا شفيك؟

صقر : وينه عمي فهد ؟

عبدالرحمن التفت يمين يسار : مدري والله مو هنا ،

صقر : خلاص وقفل الخط منه وحط جواله بجيبه وناظر لـ ام نجلاء الي كانت تعدل طرحة ملاذ.

بهاللحظه دق الباب الشغاله مشت فتحت الباب وهي تشوف الجد عبدالعزيز وفهد مشت الشغاله تنادي لطيفه ام نجلاء ،

ام نجلاء طلعت ومشت عندهم ابتسمت وهي تشوف فهد واقف و لابس بشت والجد معه و دخلتهم لغرفة ملاذ ،

ملاط كانت واقفه بفستانها الابيض والمسكه بيدها وصقر واقف جنبها وماسك طرف بشته بيده ،

فهد تجمد بمكانه وهو يشوف ملاذ عروسه تجمع الدموع بعيونه من تذكر اخوه وتمنى لو انه موجود ويشوف بنته عروسه قام مشى لعندها وحضنها و دموعه بعيونه ،

صقر كان واقف بهدوء ويناظر ،

ملاذ من سمعت صوت ابوها عرفت انه جاء ابتسمت ومدت يدها تضمه لكن المسكه ماعرفت وين تخليه صقر لاحظ و مد يده واخذ المسكه منها ، ملاذ مدت يدينها وهي تضمه ،

الجد عبدالعزيز ابتسم وهو يشوفهم ومشى عند ملاذ وحضنها وهمس : مبروك يا بنتي مبروك ،

فهد التفت لصقر : بنتي ب امانتك يا صقر!

صقر بهدوء : لا تخاف عليها يا عمي ،

آمال ناظرت لساعتها : يلا نبدا الزفه قبل يطلعون العشاء ،

الجد عبدالعزيز هز راسه بـ اي ،

صقر مد المسكه لملاذ واخذته منها ومسكته،

صقر مسك يدها الثانيه وهو يشد عليها ،

فهد هز راسه بالنفي وصد طلع. ام نجلاء و آمال انصدموا وطلعوا لبرا وهم يشوفونه يبكي ،

فهد بدموع : مابي ازفه مابي اشوفها تزف قدامي ، نزل راسه و دموعه ينزل ، ام نجلاء التفتت لآمال : روحي انتي تصرفي وانا مع ابوكِ ، آمال حزنت وهزت راسها بـ اي ومشت.

ام نجلاء مدت يدها وهي تمسح على ظهره : لا تسوي كذا ،

فهد : مافيني اتحمل يا لطيفه مافيني وصد طلع من الباب ومشى متوجه للمزرعه وهو يمسح عيونه ،

بهاللحظه وصلت المصوره الثانيه الي تسجل زفتهم ،

آمال ناظرت فيها : جيتي بوقتك والله الحين الزفه ،

الجد وقف بيمينها وصقر وقف ع يسارها ومسك يدها ،

وطلعوا و ريما شغلت الزفه والمصوره شغلت الاضاء وطفو اللمبات والكل لبسو عباياتهم ماعدا ام نجلاء ،

ام صقر لبست عبايتها من عرفت انه الجد بيدخل ،

آمال كانت لابسه عبايتها وكل همها نجلاء ماتدري توقف مع ملاذ ولا تروح لنجلاء وقفت ع جنب وهي تناظر

آمال كانت لابسه عبايتها وكل همها نجلاء ماتدري توقف مع ملاذ ولا تروح لنجلاء وقفت ع جنب وهي تناظر ،

وبهاللحظه اشتغل الزفه و رفعو الصوت اخرى شي ،

المعازيم نظراتهم توجه للدرج الي بينزلون منها صقر وملاذ ،

والمصوره بدات تصور و آمال واقفه ع جنب تناظر ،

والقاعه ظلام ما عدا الاضاء الي متوجه للدرج ،

ملاذ غمضت عيونها من قوة صوت الزفه ،

صقر رفع راسه وهو يعدل شماغه وماسك يدها ،

والجد ع يمينها وبهدوء طلعوا من الغرفه ووقفو عند الدرج

والشغالات ورا يعدلون فستان ملاذ ،

صقر نزل راسه من قوة ضوء الاضاءه الي متوجه لهم،

الكل كانوا جالسين يناظرون ، ام نجلاء دمعت عيونها وهي تشوف ماقدرت تتحمل وصدت طلعت لبرا وهي تبكي ،

آمال لاحظت امها الي طالعه ويدها ع وجهها تبكي ،

ماقدرت تتحمل لكن مسكت نفسها وهي تشوف اختها بفستانها الابيض وصقر جنبها وينزلون بهدوء ،

صقر حس بيد ملاذ الي بدات ترجف بخوف وشد عليها يحسسها بامان وانه موجود معها ، ملاذ وقفت وهي ماتقدر تمشي من ثقل الفستان ، صقر التفت للشغالات الي كانوا يعدلون لها وخاف انها تطيح وانحنى وهو يرفع فستانها ،

وقرب همس بهدوء : امشي بشويش لا تطيحين ،

آمال ناظرت لريما الي كانت تصورهم بجوالها ،

وابتسمت بخفه ورجعت تناظر لملاذ ،

صقر طول الدرج كان عليها انها تطيح وماسك يدها بقوه ،

واخيرًا نزلوا من الدرج ومابقى شي و يوصلون للكوشه ،

وقاموا يمشون بهدوء ، والجد التفت لآمال ، آمال مشت عندها الجد ناظرت فيها : راسي صدعني من هالاضواء يا بنتي انا بمشي ، وقام مشى آمال لحقته واخذته لبرا وقامت بترجع لكن تذكرت امها ومشت للغرفه وهي تشوفها جالسه تبكي ركضت لعندها وهي تحضنها : تكفين يمه لا تبكين ،

ام نجلاء بدموع : ما توقعت بيوم راح تروح مني و افقدها ،

آمال : المفروض تفرحين لها لو وقفتي وشفتي خوف صقر عليها كان ما بكيتي كان تاكدتي انها راحت لشخص يحبها ،

ام نجلاء بهدوء : قومي يا بنتي خليني و روحي لها ، روحي يمكن تحتاج شيء وانا اعدل مكياجي واجيكم ،

آمال هزت راسها بـ اي ومشت دخلت لداخل وهي تشوفهم واقفين عند الكوشه والمصوره تصورهم ، ام صقر فسخت عبايتها ومشت حضنت صقر وملاذ وقعدت تصور معاهم،

ملاذ كانت واقفه وتعبت من الكعب والفستان الثقيل ،

الشغالات مشو لعند الكوشه وهم يحطون الستاند الي حاطين عليه طقم الماس والخاتم حطوها عند الكوشه ،

ام نجلاء دخلت وهي تحاول تبتسم ومشت لفوق حضنت ملاذ و سلمت ع صقر ،

آمال ناظرت لامها الي جت وابتسمت وهي واقفه ع جنب،

ام صقر مشت عند صقر ومدت له الطقم : لبسها ،

صقر ابتسم...

ام صقر مشت عند صقر ومدت له الطقم : لبسها ،

صقر ابتسم واخذ السلسال وقرب يده وهو يلبسها ،

ملاذ كانت جالسه وقلبها شوي وبيطلع من مكانها ،

صقر تورط وهو يحاول يقفل السلسال وناظر لامه ينتظر انها تساعدها ، ام صقر ما كانت منتبهه وتسولف مع ام نجلاء،

آمال انتبهت وناظرت ل ام صقر : خالتي ساعديه ،

ام صقر فزت والتفتت وهي تشوفه متورط ومشت تقفل لملاذ السلسال ، صقر ابتسم بهدوء وجلس ،

المعازيم كانوا جالسين كلهم يناظرون والمصوره تصورهم،

ام صقر ناظرت لصقر : يلا قوم و لبسها الخاتم ،

صقر هز راسه بهدوء وقام وقف وهو بعدل بشته ،

ام نجلاء قومة ملاذ ، ملاذ قامت وقفت جنبه بهدوء ،

صقر اخذ الخاتم من امه ولبسها وهو يلاحظ رجفة يدينها ،

صقر ناظر لخاتمه الي كان مع ام صقر وعرف ملاذ ما تقدر تلبسه ياه تنهد و مد يده اخذ الخاتم و لبسه بنفسه ،

والتفت لملاذ الي كانت واقفه بصمت ومتوتره ،

'

مشعل كان واقف ونجلاء ماسكه يده والمصوره تصورهم،

نجلاء بهمس : تعبت وهذي صامله تصور ،

مشعل ضحك وقرب منها وهمس : تعبتي وانتي معي؟

نجلاء : اي تعبت وانا معك ابيك تروح ،

مشعل هز راسه بالنفي : ما اروح بدونك راح اخذك معي،

نجلاء ناظرت للمصوره الي خلصت وقامت بتمشي ، ابتسمت لها وطلعت المصوره نجلاء مشت تقفل الباب ، مشعل صد ومشى سحب قرورة مويا وهو يشرب نجلاء مشت وقفت قدامه بحده : ليهه تدور مشاكل قلتلك مابي امشي!

مشعل : صقر بياخذ عروستها وانا ما اخذ عروستي!

نجلاء : هُم راضين بس انا وانت لا !

مشعل بحده : انا راضي انتي عطيني سبب رفضك؟

نجلاء : مافي سبب بس ماني مستعده ،

مشعل : انا كلمت جدك و راح اكلمه و اقنعه ما بمشي كذا،

نجلاء : مشعللل تكفى لااا تسوي كذا!

مشعل بحده : وش تبينن اسوي! اتحمل تقلبات مزاجك واسكت! بكره تجين تقولين طلقني وماعاد ابيك!

نجلاء بهدوء : اوعدك ما اسوي كذا ولا ازعجك ،

مشعل اخذ نفس وهو يمسك يدينها : نجلاء ليه ماتبيني!

نجلاء صدت : مدري خايفه مو مستعده لشيء ،

مشعل : من ايش خايفه بالضبط مني؟!

'

صقر كان جالس جنب ملاذ ام صقر مشت عنده : يلا قم،

صقر قام وقف والتفت لملاذ ينتظرها تقوم معه ،

ام صقر : اترك البنت روج انت ،

صقر : ليه اروح لوحدي مو اخذها معي؟

ام صقر بضحكه : اي اي تاخذها بس الحين خلها بيجون يسلمون عليها ويباركون لها روح لبرا انتظرها ،

صقر ابتسم بخفه ومشى مع امه وطلع لبرا و ركب سيارته يتصل على عبدالرحمن والعيال الي بيلحقونه ،

آمال دخلت وهي تشوفهم يتهاوشون وسكتوا اول ما شافوها،

امال : يلا وقت الزفه خلو هواشكم بعدين ،

نجلاء ناظرت لمشعل الي كان معصب منها و صد بقهر ،

نجلاء ناظرت لآمال الي مشت لعندها تعدل لها فستانها الاحمر ومكياجها و مشعل صد وهو يعدل بشته ،

ريما مشت جلست جنب امها عشان ما تشك بشيء ،

ام مشعل بقهر : عمياء ما تشوف و لبسوها طقم الماس ،

ريما بقهر : يمه خلاصصص عاد ،

ام مشعل : يحبون المظاهر اعرف هالاشكال ،

'

المعازيم مشو وهم يسلمون على ملاذ بعد دقايق آمال مشت اخذتها للغرفه وصارت وقت زفة مشعل و نجلاء ،

ام صقر : جهزو ملاذ صقر تحت ينتظرها ،

ام نجلاء ابتسمت : تمام ان شاء الله ، ومشت تجهزها ،

نجلاء ومشعل يستعدون للزفه والمصوره بدات تصوير ،

ونفس الشيء الاضاء عند الدرج والكل ينتظرونهم ،

وشغلى الزفه وكل الانظار عليهم نجلاء كانت واقفه بفستانها الاحمر ومشعل ماسك يدها وطلعو من الدرج ،

ام مشعل ناظرت وفزت بصدمه وهي تشوف مشعل ونجلاء ،

'

عبدالرحمن التفت للعيال : بنمشي الحين صقر اتصل ،

مشاري فسخ الشماغ و رماه ورا بالسياره وشال جاسم و ركب السياره وناظر لعمر : الحق بسرعه بنمشي ،

عبدالرحمن ركب قلبهم وحرك السياره متوجه للقاعه ،

عمر ركب و لحق عبدالرحمن ومشاري وراهم ، وباقي العيال لحقوهم عند القاعه ، صقر كان واقف عند الباب ينتظر ملاذ،

'

نجلاء ابتسمت بسخريه وهي ماسكه يد مشعل وتبي تقهر ام مشعل بالضبط مشعل كان مبتسم بهدوء وماسك طرف بشته وتوجهو للكوشه وهم يجلسون بهدوء ،

ام مشعل كانت مقهوره وتناظر بقهر ووده تكفخ مشعل ،

نجلاء التفتت لآمال وهي مبتسمه : ابي ارقص مع مشعل،

مشعل سمعها وانصدم وناظر فيها : ترقصين ومعي؟

آمال ضحكت وهي تعرف حركات نجلاء ومشت تشغل اغنية ( سمعني نبضك ) ا، وطلعوا العشاء عند الحريم والاغلب مشى يتعشى وبعضهم جالسين يناظرون لمشعل ونجلاء ،

واشتغل الاغنيه مشعل وقف نجلاء وقفت وقربت منه وهي حاطه يدها ع كتفه ومشعل مبتسم ومد يده لخصرها ويرقصون بهدوء ، ام مشعل كانت مقهوره وتناظر لهم ،

مشعل فسخ بشته وهو يلبسها لنجلاء وهمس : احبك ،

نجلاء ابتسمت له وقربت حطت راسها على كتفه ،

'

صقر كان واقف ينتظر ملاذ فز من شافها طالعه من باب القاعه ومشى لعندها وهو يمسك يدينها واخذها بهدوء رفع فستانها وهو يركبها السياره ملاذ ركبت ، صقر قفل الباب ومشى ركب قدام بهاللحظه العيال وصلوا كلهم وهم يدقون البوري بسيارتهم صقر ضحك و ربط الحزام والتفت لملاذ و شبك يده بيدها وهمس : واخيرًا يا ملاذ قلبي ، ملاذ نزلت راسها ،

صقر حرك سيارته وهو مبتسم

صقر حرك سيارته وهو مبتسم والعيال كلهم وراه يدقون البوري امتلى الشارع ازعاج صوت البوري ، و مرو من عند المزرعه وبعض المعازيم لحقوهم ،

صقر كان مبتسم وهو يسوق متوجه للفندق ،

'

ام نجلاء ناظرت لآمال : طلعوا العشاء روحي كلي انتي ،

آمال هزت راسها بالنفي : لا بروح لـ نجوله ،

ام نجلاء : الله يعينني من عمتك بتاكلني من كلامها ،

آمال بضحكه : والله زين سوت نجلاء ،

ام نجلاء : بروح اشوف المعازيم و اودعهم ومشت ،

آمال مشت عند الكوشه وهي تناظر لمشعل ونجلاء ،

مشعل ونجلاء كانوا يسولفون ويضحكون وهم يرقصون ،

مشعل : بتمشين معي صح؟

نجلاء ناظرت فيه : بابا يوافق؟

مشعل : آنا بتفاهم معه لكن اذا انتي موافقه اكيد يوافق،

نجلاء وهي تصد وجهها عنه : عشان خاطرك موافقه ،

مشعل : عشان خاطري ولا تحملتي قربي؟

'

ريما مشت عند آمال وهي تضحك : اوف من نجلاء ،

آمال : الحين ما يوقفها الا الموت امشي ناكل ميته تعب وجوع

وانا اركض وراهم ، ريما ضحكت ولحقته و دخلوا لمكان الطعام وهم يشوفون سمر ، سمر التفتت لهم : تعالوا هنا،

ابتسمو ريما و آمال ومشو جلسو عندها وبداو يسولفون وياكلون مع بعض ويحشون ،

'

صقر وقف سيارته عند الفندق نزل والعيال نزلوا ومشى عندهم وهم يحضنونه ويباركون له ،

عمر : يووه ما اتخيل صقر بيصير اب ،

مشاري : اقول اترك الرجال يروح لعروسته ونمشي لمشعل،

صقر بضحكه : يلا توكلوا معرفكم وسحب عليهم ومشى لسيارته ، العيال ركبوا سيارتهم و توجهو للمزرعه ،

صقر مشى فتح الباب و مد يده لملاذ و قومها من السياره ملاذ قامت و فستانها كان ثقيل ما تقدر تمشي ،

صقر انحنى و رفع فستانها و اخذها لداخل الفندق ونفس الفندق الي فيه اهله لكن حجز جناح ثاني له ولملاذ ،

واخذها ووصلوا الجناح وهو رافع فستانها ابتسم وجلسها على السرير وفصخ بشته لكن لف انتباهه وهو يشوف البنس الي بطرحتها وواضح منزعجه منه مشى بهدوء مد يده وهو يفك الطرحه ويطلع البنس من شعرها وهمس : عورتك؟

ملاذ كانت مغمضه عيونها بخوف وهزت راسها بالنفي ،

صقر ابتسم وجلس جنبها : ما اكلتي شيء صح؟

ملاذ كانت ساكته صقر قرب وهو يمسك يدها وابتسم بخفه وهمس : ...

'

مشعل قام طلع من القاعه وناظر العيال الي واقفين ابتسم ومشى عندهم يحضنهم ويباركون له و ركب معاهم متوجه للمزرعه وهو ناوي يكلم الجد وفهد بخصوص نجلاء ، وقفو السياره وكل العيال نزلوا وهم يشوفون المزرعه صار هدوء وفاضي وما بقى غير كم سياره وبيمشون دخلوا لداخل ، مشاري حط جاسم ع ارض عمر ضحك وقام يلحقه وجاسم يركض بالمزرعه ،

'

آمال بصدمه : بتروحيننن معه؟؟

نجلاء ابتسمت

آمال بصدمه : بتروحيننن معه؟؟

نجلاء ابتسمت : اي بروح خليها تعرف ان ولدها خروف عند بنت فهد مو هي ناويه تخلي مشعل على مزاجها! الليله بتشوف مشعل بياخذ طرف من وقسم بالله ما اترك الليله يمر على خير يا انا ي امه سكتت وتحملت بس وصلت فيها تضايق امي وتخليها تبكي عشان وش!! عشان ولدها التافه!!

آمال انصدمت من كلامها : نجلاااء وش ذنب مشعل بكل هذا!

نجلاء صدت : لا تلوميني لومي امه بكل شيء ،

آمال : لا يا نجلاء الومك انتي صايره تطيحين من عيني اكثر من الي قبل! وانا مبسوطه انكم تفاهمتوا طلع كل هذا من حقدك! صدق من قال انك انانيه يا نجلاء صدت ومشت عنها وهي مقهوره من حركات اخته ،

نجلاء سكتت بهدوء وهي تفكر وتناظر بالارض بصمت.

'

مشعل دخل المزرعه وهو يشوف تجمعوا الكل والعمال ينظفون المكان كما كان والتفت لابوه وهو من بعد ذيك الليله يصد عن ابوه بعد ما ضربه تنهد وهو ماله حل غير ابوه لانه الكبار الي يتكلمون ويتصرفون بهالامور وهو يعرف الجد عبدالعزيز ما يوافق الا من كلمة ابو مشعل مشى لعند ابوه وهو يناظر له : يبه ممكن اكلمك؟

ابو مشعل ناظر له وهو يشوف مشعل اول مره يكلمه من بعد ذيك الليله انسحب بهدوء ومشى له : تكلم يابوك شفيك؟

مشعل بهدوء : ابغاك تكلم جدي ابي اخذ نجلاء .. قاطعه ابو مشعل باستغراب : هذا ما كان اتفاقك مع جدك!

مشعل : اي صحيح بس نجلاء موافقه وتفاهمنا وابي اخذها،

ابو مشعل رجع يده لوراء ظهره وهو يفكر ونزل راسه و رجع التفت للجد عبدالعزيز الي كان واقف ياشر للعمال عن شغلهم

والتفت لمشعل : اذا وافق جدك بتاخذها بس كلمت امك؟

مشعل صد وهو يناظر : اذا هُم وافقوا راح اكلمها ،

ابو مشعل توجه عند الجد ومشعل معه ،

الجد التفت باستغراب : صاير شيء؟

ابو مشعل : لا بس ابي اكلمك على جنب بموضوع ،

الجد نفض يدينه و مشى معاهم ووقفوا على جنب ،

ابو مشعل : مشعل يبي ياخذ زوجته نجلاء ،

الجد بصدمه : نجلاء ! مستحيل فهد يوافق كذا ،

فهد مشى لعندهم : شصاير كلكم هنا؟

الجد : مشعل ناوي ياخذ بنتك معه زي صقر ،

مشعل التفت لفهد : خالي انا كلمت نجلاء وهي موافقه ،

فهد بهدوء : بس ياولدي انا مو قادر اتحمل فراق وحده وبنفس الليله تاخذ الثاني تفرقني عنها؟

ابو مشعل ابتسم : افا يا فهد ولدي يفرقك عن بنتك؟ والله بيتي يشيلك شيللل متى ما اشتقت لها بابنا مفتوح لك،

مشعل : خالي تكفى وافق هذا عرس وصار صحيح قلتوا ملكه بس خلاص اعتبروه عرس ،

الجد عبدالعزيز ضحك : نعتبره عرس اجل ،

فهد ابتسم بخفه : والله اذا ...

فهد ابتسم بخفه : والله اذا انتم قررتو وخلصتوا كيف ارفضكم ودام بنتي وافقت وطلبت منك تكلمني ماراح اقول لا ،

مشعل ابتسم وفز بفرح وقرب وهو يحضن فهد والجد ،

'

ام نجلاء : بتروحين مع مشعل تقولين؟؟

نجلاء : اي بروح معه وبنفس البيت الي فيها عمتي ما يحتاج بيت ثاني وكنسلت ماعاد ابي بيت ثاني.

ام نجلاء بصدمه : نجلاء تعرفين عمتك ماراح تتركك تعيشين بالخير! راح تزعجك بكلامها القاسي؟

نجلاء : تزعجني بـ ايش؟ طلعت لسانها وهي تاشر بهذي! بلسانها حتنا عندي لسان ،

ام نجلاء : نجلاء! يكفي خلاص ريحي راس ابوكِ من المشاكل طول عمري واسكت واتحمل كل شيء عشان ابوكم والحين انتم كبرتوا وتبون تاذونه!

نجلاء تنهدت وهي تصد وتسكت وماتبي تزعج امها اكثر ،

'

مريم وآمال و ام صقر كانوا يلمون كل اغراضهم ويتجهزون كل شخص يتوجه لبيته ام مشعل كانت تناظر فجاه رن جوالها صدت وهي ترد : هلا ولدي وينكم بنمشي؟

مشعل بضحكه : لا انا جاي اخذ زوجتي ،

ام مشعل بصدمه : زوجتك! وش قاعد تقول تاخذ نجلاء!

مشعل باستغراب : اي غريبه ما عرفتي للحين؟ ريما ما علمتك! ابوي كان ناوي يتصل يعلمك عشان كذا ما ما علمتك توقعت عرفتي والله ،

ام نجلاء قفلت الخط بوجهه وهي تتصل على ابو مشعل،

مشعل استغرب ومشى متوجه للقاعه مشى عند الباب وهو يتصل على ريما ،

ابو مشعل كان مشغول مع الرجال بالمزرعه وما رد على ام مشعل ، ام مشعل انقهرت ومشت للغرفه وهي تشوف نجلاء تلبس عبايتها وتكلم آمال تجهز اغراضها بكره بتاخذهم،

ام مشعل بسخريه : ما صدقتي ع الله هدي شفيكِ؟

نجلاء التفتت وابتسمت : ولدك ما تركت فيه عقل وكل دقيقه يتصل ينتظرني حرام اتاخر عليه وهو ولهان ،

ام مشعل التفتت لام نجلاء : اشوفك ساكته ؟

ام نجلاء بهدوء وناظرت لنجلاء : اسكتي يا نجلاء ،

آمال سحبت نجلاء وهي تعدل لها الطرحه ونجلاء تقفل عبايتها وسحبت شنطتها بسخريه وطلعت و آمال لحقتها،

ام مشعل بقهر : ما توقعت منك هالشيء يا لطيفه انا بنفسي اتفاهم مع اخوكِ عن حركات بنتك و ردها لي ،

ام نجلاء : معليش انا اعتذر عنها لكن لا تكلمين فهد بشيء هو تعبان واذا عصب يرتفع ضغطه !

ام مشعل : اذا تعرفين هالشيء ف ليه مخليه بنتك تسوي هالحركات وانا رفضت مشعل يدخل ليه دخل؟؟

ام نجلاء : انا معرف شيء والمفروض تنبسطين مو كنتي تبين نحدد موعد الملكه عشان تاخذون نجلاء! وهذي هي راحت !

ام مشعل : ما كنت ابي هالطريقه الي فضحتونا فيه صدت ومشت بقهر ،

'

نجلاء طلعت وهي تشوف مشعل واقف ،

مشعل ابتسم و مد يده نجلاء ناظرت فيه ومسكت يده ومشت ركب السياره مشعل توجه ...

نجلاء طلعت وهي تشوف مشعل واقف ،

مشعل ابتسم و مد يده نجلاء ناظرت فيه ومسكت يده ومشت ركب السياره مشعل توجه و ركب وحرك سيارته وهو يتكلم وعيونه على الطريق : مستغرب ،

نجلاء عرفت بيكون مستغرب من ايش وسكتت ،

مشعل بهمس : ما تسالين ليه؟

نجلاء : مني ،

مشعل : طلعتي عارفه وابي تجاوبيني الحين فسري لي كلشي!

نجلاء : قبل تمر من هالطريق تلقى مزرعة جدي قدامك نزلني بيكون افضل لاني ماراح افسر اذا ماخذني عشان تساؤلاتك!

مشعل انصدم والتفت لها : طيب هدي ما قلت شيء! و شفيكِ تغيرتي توي كنت داخل عندك ومبسوطه معي؟

نجلاء بحدها : ما تغيرت بس تعبانه شوي وهلكانه ،

مشعل تنهد وكمل يسوق بهدوء ما وده يتكلم وتعصب ،

'

صقر بهمس : خايفه مني ؟

ملاذ كانت ساكته صقر ضحك بخفه و انسدح وهو يتكي ع كتفه وماسك يدها ومده لقلبه : تحسين فيه؟

ملاذ سحبت يده منه وهي تصد براسها ،

صقر ابتسم : شعندك تصدين ولا خفتي من دقات قلبي؟

ملاذ كانت ساكته بهدوء وتسمع لكلامه وودها الارض تنشق وتبلعها نزلت راسها وهي متوتره ماتدري وش بيسوي صقر ،

صقر : اغير لك؟

ملاذ انصدمت و فزت بخوف ...

'

العيال خلصوا بتعب وهم مكروفين الليله وانهد حيلهم من التعب عبدالرحمن ركب سيارته و توجه للقاعه ينتظر امه بعد دقايق طلعت آم صقر ومشت ركب معه : وينك تاخرت ،

عبدالرحمن مسح على شعره بتعب : والله صقر تعبني ،

ام صقر التفتت وهي تنتظر مارلينا تجي ،

بهاللحظه طلعوا ام نجلاء و آمال متوجهين لسيارة فهد ،

عبدالرحمن : وينها مارلين بتجي ولا اخليها وامشي ،

ام صقر : شفيك اصبر بتجي الحين ،

عبدالرحمن تنهد وهو ينتظر وصلت مارلينا و ركبت ،

'

فهد ابتسم : هاه يا يبه كيف كان الوضع عندكم؟

آمال : اف لا تسال ميته تعب والله رجلي بتروح فيها ،

ام نجلاء كانت ساكته وما ودها تتكلم عن الي صار ،

فهد التفت لها : ليه ساكته لا يكون صار شيء؟

آمال : اكيد متضايقه ماما نجلاء وملاذ راحو وسحبو علينا ،

فهد بضحكه : بكره انتي تسحبين علينا ،

آمال : لا طبعًا ما بسحب عليكم بجلس عندكم ،

مشعل وقف سيارته عند البيت ونزل ومشى بيفتح الباب لنجلاء لكن وقف وهو يشوفها تفتح بنفسها وتطلع ،

ناظر فيها وهمس : كات انتظرتيني !

نجلاء : ما يحتاج تفتح لي ، مشعل تنهد بقلة حيل ومسك يدها و توجه بيدخل البيت ونجلاء معه طلع المفاتيح من جيبه وفتح الباب ودخلوا نجلاء وقفت بهدوء ،

مشعل مشى وهو يطلع المفاتيح ويفتح باب غرفته ،

نجلاء كانت واقفه جنبه ، ومشعل فتح الباب و دخل وهو يشغل اللمبات نجلاء دخلت فسخت العبايه وحطته على السرير ومشت عند التسريحه تفتح شعرها ،

مشعل رمى البشت على السرير وهو يفك كبك الاكمام و رفع كم ثوبه وتوجه للحمام " يكرم القارى " نجلاء تنفست براحه و رجعت شعرها ورا اذنها وقربت تعدل مكياجها ،

طلع مشعل وبيده المنشفه ينشف يدينه : اكلتي ولا اجيب لك شيء من برا ؟ و رفع نظره لها وهو يشوفها تمد يدينها وتحاول تفتح السلسال الي لابستها ابتسم بخفه و رمى المنشفه على السرير ومشى لعندها مد يدينه وهو يفتح لها السلسال ،

نجلاء مسكت شعرها لقدام وهي تحس ببرود يده ،

مشعل عجز يفتح وقرب فمه نجلاء فزت وبعدت ،

مشعل بضحكه : وشو! ماراح اكلك ترا افتحه لك ،

نجلاء : احسبك بتسوي لي شيء خوفتني وخلاص انا بفتحه،

مشعل بعد عنها وهو ينزل اكمام ثوبه : رايح اجيب لك شيء،

نجلاء ناظرت فيه : وش بتجيب كل شيء مقفل اتوقع؟

مشعل رفع كتوفه : بشوف يمكن الاقي شي ،

نجلاء : خلاص انا بس..سكتت وهي تسمع دق الباب،

مشعل : اكيد وصلوا الاهل وصد مشى فتح الباب ،

ريما ناظرت فيه : ماما تبيك ،

مشعل طلع معها وقفل الباب ومشى للصاله وناظر لامه الي كانت جالسه معصبه وناظرت فيه : ميننن قال تجيبهااا!

مشعل بصدمه : وش الي مين قال ؟

فجاه دخل ابو مشعل : خلك من امك و روح لزوجتك ،

ام مشعل : رجعهااا لاهلهااا الحيننن!

مشعل ناظر لابوه : شفيها امي؟ شصاير فهموني!

ابو مشعل : يااامراة اقولك اعقلي وحطي عقلك براسك ازين لك لا تخلينيي اعصب !

ام مشعل : مالومه صدقني هذا ولدك طالع عليك وناظرت فيه : ما تجلسسس عندي طلعهااا من بيتي ،

مشعل تنهد بقلة حيل وهو مو فاهم شي : طيب اطلعها ،

صد ومشى فتح الباب وطلع لبرا بقهر ،

'

صقر : وشبك خايفه يعني مافي احد غيرنا هنا؟

ملاذ مسكت فستانها بخوف وهزت راسها بالنفي ،

صقر باستغراب : وشو بتنامين بالفستان؟

ملاذ كانت جالسه ، صقر صد واخذ جواله وهو يتصل على امه دقايق و ردت : هلا صقر ؟

صقر : يمه ارسلي مارلينا فوق احتاجها ،

ام صقر : تمام ولدي ع طريق شوي ونوصل ،

صقر : للحين ما جيتوا انتم وينكم ،

ام صقر : بس مسافة طريق وحنا عندك ،

صقر ..

ام صقر : بس مسافة طريق وحنا عندك ،

صقر تنهد وقفل الخط ومشى لعندها : قومي معي ،

ملاذ هزت راسها بالنفي ،

صقر ابتسم : ماراح اغير لك قومي نمشي للبلكونه نشم هواء،

ملاذ مدت يدها له صقر مسكها وقومها ومشى وهو يفتح باب البلكونه والهواء البارد ابتسم : اذا بردتي اشري لي وادفيكِ،

ملاذ سكتت وهي تشم الهواء والدنيا برد وتذكرت خواتها لما يتجمعون والدنيا برد ويشربون شاي ،

صقر ناظر للكرسي كان واحد وسحبه لها : اجلسي ،

ملاذ جلست وهي تحاول تدف فستانها الثقيل برجلها ،

صقر تنهد و انحنى جلس ع ركبته وهو يعدل فستانها ، وقام وقف وناظر : راح انزل تحت لجناح العيال اسوي شاي واجي يمدي تنتظريني ولا تخافين؟

ملاذ اشرت له بمعنى لا تروح ، صقر ابتسم وسكت والتفت يمين يسار : طب خليني اجيب شي تاكلينه، ومشى قبل يسمع ردها ودخل متوجه للمطبخ فتح الثلاجه وهو يدور لكن تذكر انه الثلاجه كله حط فيه خرابيط فتحه وهو يناظر ووده يسوي لها شاي حار بهالاجواء فجاه رن جواله التفت مشى وهو ياخذ جواله و رد : هلا يمه وصلتوا؟

ام صقر : اي و رسلت لك مارلينا بتجيك الحين ،

فجاه رن الجرس صقر حط جواله ومشى. فتح الباب ،

مارلينا دخلت وهي تلتفت يمين يسار : وين اروسه هرب؟؟؟

صقر كتم ضحكته وهو يصد ويناظر لاغراض ملاذ والتفت لمارلينا : افتحي هالشنطه طلعي ملابس للعروسه ،

مارلينا : بس وين اروسه لنا مافي شوف؟

صقر : انتي طلعي اجيبها الحين ومشى دخل البلكونه ناظر فيها كانت مغمضه عيونها ونايمه ابتسم بخفه وهو يتاملها وقرب مد يده يمسح ع خدها بهدوء، استغرب انها ما قامت وانحنى وهو يهمس : ملاذ ! ما ردت قرب منها : قلبي ملاذ!

ملاذ فزت بخوف صقر مسكها : اهدي اهدي لا تخافين قومي اخذك لداخل جت مارلينا تغير لك وبعده نامي ،

ملاذ قامت بهدوء وهي مو متطمنه منه وطلعت توجهت ودخلت وهي تسمع صوت مارلينا وتطمنت ،

مارلينا : البيس هذا فستان؟

صقر : وشو فستان بتنام طلعي لها شيء خفيف ولبسيها وانا بنزل تحت اخلص شيء واجي ،

مارلينا هزت راسها بـ اي واخذت لملاذ ملابس النوم ،

صقر نزل ودخل لجناح العيال انصدم وهو يشوف انهم مسرع ناموا كانو ميتين تعب وهلكانين وقف على اصبع رجوله بهدوء وتوجه للمطبخ يسوي شاي ،

'

مشعل تنهد وهو يدور ويدور محل او مطعم مفتوح لكن ما لقى غير البقاله الي مفتوح ومافيه شيء الا قليل وقف سيارته ونزل وهو يدخل : السلام عليكم ، العامل رد السلام،

مشعل دخل ومشى فتح الثلاجه وهو يناظر سحب سنتوب وكم غازيات وقفله ومشى وهو يدور لوزين واخذ وحاسب وطلع ركب السياره متوجه للبيت اخذ جواله بيتصل...

وطلع ركب السياره متوجه للبيت اخذ جواله بيتصل على نجلاء لكن تذكر انها بلكته قبل وترك جواله وهو يسوق وكل همه امه وليه تتصرف كذا وقف سيارته ونزل دخل البيت،

نجلاء كانت جالسه وغيرت فستانها ولبست شيء خفيف و ربطت شعرها وحطت مكياج خفيف وجلست تطقطق بجوالها تنتظره فجاه انفتح الباب و دخل مشعل ناظر فيها ومشى بهدوء وهو يحط الكيس قدامها ع سرير : مالقيت شي.

نجلاء ناظرت والتفتت له : اجل كان ما جبت!

مشعل وقف وهو يفتح كبك ثوبه : ماطاوعني تنامين وبطنك فاضي زي قلبك الي فضى من حبي وامتلى بـ كرهي لدرجه اخذت جوالي اسالك وش تبين بعد طلعتي مسويه حظر ،

نجلاء سكتت بهدوء واخذت جواله تشيل عنه ،

مشعل قرب وهو يسحب الجوال من يدها : ما يحتاج وش يفرق اذا شلتي! انتي بنفس اليوم الي طلعتي فيه من القاعه تغيرتي فجاه مدري عندك انفصام في شخصيه ولا و.. قاطعته نجلاء بصدمه من كلامه : انا عندي انفصام اجلل!!! الانفصام في امك الي كل دقيقهه تزعجني وتضايقني واسكت واتحمل !

مشعل بصدمه : امي! وش بها امي! هي هنا معصبه عليك وانتي هنا طيب فهموني علموني!

نجلاء سحبت الكيس من السرير و رمته بقوه عند رجله ، مشعل فز بالم ، نجلاء سحبت اللحاف وانسدحت والدموع تتجمع بعيونه ، مشعل سكت و بلع ريقه و رفع رجله وهو يناظر صار احمر تنهد و صد فسخ ثوبه و رماه ع كنب الى عند التسريحه ومشى بيطلع لكن وقف وخاف انها تقفل عليه الباب اذا طلع تنهد ومشى بهدوء طفى الضوء وانسدح ، وهو يعرف حركات نجلاء ويعرف انها سريعة الانفعال واذا حاول معها وكلمها تخرب كل شيء وتعصب اكثر ،

حط يده على جبهته وغمض عيونه يحاول ينام ،

نجلاء كانت مقهوره منه ومن امه ،

'

آمال اول ما دخلت البيت رمت الكعب وغيرت الفستان ومسحت المكياج رفعت شعرها ربطتهم وانسدحت على السرير بتعب سحبت اللحاف وغمضت عيونها بتنام ،

'

صقر اخذ كوبين شاي وطلع وقفل الباب برجله وتوجه جناحه وهو يدق الباب برجله مارلينا ركضت فتحت الباب ،

صقر ابتسم وهو يشوف ملاذ جالسه ولابسه بجامة النوم ولونه ازرق وشعرها الاسود ويفي ومفتوح ومكياجها خفيف والتفت لمارلينا : خلاص روحي واذا اتصلت وبغيت شي ردي!

مارلينا هزت راسها بـ اي ومشت نزلت ،

صقر حط الكوب على الطاوله وقفل الباب و توجه للبلكونه حط الطاوله وحط كوبين الشاي ودخل : بتنامين؟

ملاذ هزت راسها بالنفي صقر مشى سحب الفروه من الدولاب و لبسه ومشى لعندها مسك يدينها يقومها وطلعوا للبلكونه صقر جلس وناظر فيها : مالك مكان الا شوي ف اجلسي فوقي ، ملاذ سكتت بهدوء صقر سحبها له وهو يجلسها ع فخذه

ملاذ جلست بهدوء صقر ..

'

ملاذ جلست بهدوء صقر مد الفروه وهو يدفيها بداخل الفروه

وهمس : وش ابي اكثر من كذا؟

ملاذ ابتسمت بهدوء صقر مد يده لشعرها وهو يلعب بشعرها واخذ الشاي وهو يشرب ومده لها : احس اني طمعت ماودي تشربين بكوب غير وانا غير اشربي من نفس الي اشرب منه!

'

سلطان قام من النوم بتعب وتوجه للحمام " يكرم القارى " وطلع ومشى للمطبخ سحب البيض من الثلاجه وسوا له بيض مع توست وكوفي وطلع جلس وفتح اللابتوب وهو يشتغل وناظر لساعته : ي ثقل الوقت والله ،

ترك اللابتوب وهو وده يتصل على العيال يسولف معاهم لكن يعرف اكيد بيكونو نايمين تعبانين من الملكه والسهر ،

'

صقر ابتسم وناظر لملاذ الي نامت ع كتفه وهي تسمع سوالفه وكلامه وحُبه قام بهدوء وهو يناظر : ملاذ ، ملاذ فزت من صوته وقامت صقر بهدوء : قومي نمشي داخل ننام ،

ملاذ هزت راسها بـ اي وقامت صقر اخذها لداخل و سدحها و لحفها ومشى للبلكونه اخذ الاكواب ضحك وهو يشوف كوب ملاذ مليان وطلع قفل باب البلكونه وشغل المكيف ومشى اخذ جواله وهو يشوف سلطان راسل بالواتس : صاحي ولا نايم؟

اتصل عليه و رجع للبلكونه : ما تستحي وانت تزعج العريس؟

سلطان بضحكه : شعندك طلعت صاحي !

صقر : والله يا سلطان من فرحتي مو قادر اتكلم او اقولك ليه صاحي الارض مو شايلني يخي والله اني مبسوط ،

سلطان : دوم دوم عقبالنا نعيش هالشعور ،

'

آمال قامت من النوم من قوة البرد ضحكت وهي تتذكر لما كانت ترمي المخده على نجلاء عشان تقوم تطفي المكيف والحين ماعندها احد ولازم تقوم بنفسها قامت بكسل ومشت طفت المكيف وهي تحس انها فاقده وجود خواتها بالغرفه ،

رجعت انسدحت تحاول تنام وتتذكرهم وتنبسط ،

'

وانتهى ليلتهم بتعب وكلهم ناموا وهم تعبانين من الملكه والكرف والي نام بزعل والي نام بفرح والي نام بشعور الفقد

( واشرق الشمس بصباح يوم جديد )

'

عمر قام وهو يتحلطم : اوف ما نمت زين والله ،

عبدالرحمن : قم لا يجي جدي يرفسك ،

عمر بضحكه : الا صح وين صقر اشوف ماله حس ،

عبدالرحمن : ماعاد في صقر سحب علينا صد وهو ياخذ جواله ويدخل انصدم وهو يشوف رسايل عمر راسل صوره الي تصور بالملكه وكاتب ساره وينك مختفيه شصار على اختباراتك ،

نجلاء قامت من النوم والتفتت وهي تناظر لمشعل كان نايم بتعب والمخده عند رجله ويده تحت راسه ونايم ،

قامت بهدوء بتمشي لكن صدمت رجلها بالكيس الي رمته ومشعل ما شاله فزت بالم والتفتت وهي تشوف مشعل نايم وسحبت الكيس وهي تشوف البيبسي والميرندا الي بداخل الكيس رمته بقهر ع كنب وهي تتأوه بالم ومشت رفعت شعرها لفوق ودخلت الحمام ( يكرم القارىء ) و رجعت مشت وهي تشغل ضوء خفيف الي فوق التسريحه ومشت اخذت لها ملابس واخذت شاور ع سريع وطلعت تعدل نفسها وشعرها والتفتت وهي تشوف آمال راسله بالواتس ابتسمت واخذت جوالها وهي تكلمها وتسال عن الاحوال ،

'

صقر كان نايم وجواله يرن اخذ جواله وهو يشوف عمر يتصل تنهد وهمس : حسبي الله منك يا عمر مالي فكه منك يعني ، والتفت وهو يشوف ملاذ مو موجوده فز من مكانه و رمى اللحاف على الارض لكن وقف بمكانه وهو يشوفها طايحه من السرير ونايمه بالارض تجمد و ركض لها وهو يقومها ملاذ فتحت عيونها بانزعاج وناظرت فيه صقر من الخوف شالها بيدينه وهو يحطها على السرير : توجعتي! ومتى طحتي! صد وهو يهمس الله ياخدني كيف ما انتبهت ولا حسيت !

'

( بيت عبدالعزيز الكل كانوا جالسين على طاولة الطعام )

الجد : هاه كيف البنات مبسوطين؟

آمال بحزن : كلمت نجلاء هي بخير بس ملاذ ما كلمتها ،

ام نجلاء : انا اتصل على صقر واسال عن اخبار ملاذ ،

آمال : لا يمه ودي اروح اتطمن عليها واشوفها !

فهد : بتروحين لوحدك!

الجد عبدالعزيز : انا رايح لـ سُليمان خلاص اخذها معي تتطمن على ملاذ وتشوفها وبعده اخذها لنجلاء بعد تبشر بنتي ،

آمال ابتسمت بحُب وفرح : احبككك جدي ،

'

نجلاء حست بجوع وما ودها تطلع برا وتقابل ام مشعل وتقعد تسمع كلامها ماتبي تخرب مزاجها مشت اخذت لوزين امس والعصير وقعدت تاكل بهدوء ،

مشعل فز من نومه وقام وهو يناظر للساعه كان متاخر الوقت ٢ الظهر والتفت وهو يشوف نجلاء جالسه تاكل ع كنب والجوال بيدها وهمس : ليه ما صحتيني؟

نجلاء تركت جوالها وناظرت فيه : مدري متى تصحى انت ،

مشعل : بالله عليك هذا كلام! فاتني الصلاه صد وقام توجه يتوضى وصلى صلاة الظهر و رمى السجاده على السرير وناظر فيها : قومي طلعي لي ملابس انا رايح اخذ لي شاور ،

نجلاء سكتت بهدوء ، مشعل صد و دخل ياخذ له شاور ،

نجلاء مشت فتحت الدولاب وهي تطلع له سروال وفنيله وناظرت للدولاب كامل : هذا ما يلبسون بنطلون ولا ايش!

صقر اخذ الجوال وهو يتصل على مارلينا ،

مارلينا كانت جالسه مع ام صقر فزت و ركضت لبرا ،

عمر : شفيها هذي ،

عبدالرحمن : اكيد ركضت لصقر ،

ام صقر وهي تقوم : بروح البس عبايتي اتطمن ع ملاذ ،

الجد سُليمان دخل وناظر فيهم : بيجي الحين عبدالعزيز ،

يوسف كان يطقطق بجواله و رفع راسه : يالله حيه ،

عبدالرحمن : ليه لا يكون في موضوع او شيء؟

عمر : اي بيخطبك لبنته يعني بالله وش بيكون اكيد جاي عشان يتطمن على حفيدته ،

'

ملاذ كانت جالسه و ام صقر ومارلينا جالسين معاها يسولفون،

فجاه دخل صقر وهو يحط الاكل : طلعي الاكل يا مارلينا ،

مارلينا مشت اخذت الاكياس وطلعت الاكل على الطاوله ،

ام صقر ناظرت فيه : تتصرف ولا انا اكون موجوده؟

صقر ضحك وهز راسه بالنفي : لا لا اتصرف انا ، وطلعوا كلهم

صقر مشى اخذ ملاذ وجلسها ، وقعد جنبه ياكل و ياكلها بيده،

'

مشعل كان واقف يقفل ازرار ثوبه وهمس : مروقه؟

نجلاء ناظرت فيه : شبعت نوم اكيد اكون مروقه ،

مشعل : بتمشين اخذك معي ؟

نجلاء ناظرت فيه : وين؟

مشعل هز راسه بالنفي : ما بعلمك امشي وتعرفين ،

نجلاء وهي تقوم : مكان حلو بيعجبني؟

مشعل : اي يمكن بالاول خلينا ننزل ناكل وبعده نمشي ،

نجلاء هزت راسها بالنفي : لا انا اكلت روح انت كل مع اهلك،

مشعل تنهد : تمام وتجهزي دقيقه وارجع لك ، وقام فتح الباب ونزل لتحت وهو يشوف امه وابوه واخته ياكلون ع طاولة الطعام وهمس : السلام عليكم ، الكل ردو السلام وجلس،

ام مشعل : اشوفها ما طلعت من غرفتها ومن الاصول انها هي الي تقوم تسوي لك اكل بدري !

مشعل صد وهو ياخذ الخبز : ماله داعي تقوم تسوي هذاني جيت اكل معاكم ،

نجلاء كانت بغرفتها اخذت فستان ناعم لونه احمر و لبستها ومشت وهي تحط مكياج وتعدل شعرها ، ماتدري هو وين بياخذها لكن بعد كلام آمال ونصايحها تحاول تعدل علاقتها معه وهي مو فاهمه نفسها ولا شعورها اتجاه مشعل ماتدري وش يصير لها مره تكرهه مره تحبه مره تحزن عليه ،

'

الجد مشى ركب السياره آمال حطت لها مكياج على السريع ولبست عبايتها و مشت نزلت و طلعت ركبت مع الجد ،

الجد عبدالعزيز حرك متوجه للفندق بعد ساعات وصلوا ابتسم وهو يشوف سُليمان واقف ينتظره و نزل مشى يحضنه

آمال نزلت معه وهمست : السلام عليكم عمي ،

الجد سُليمان : هلا هلا بـ بنيتي وعليكم السلام ،

آمال : كم رقم الجناح الي فيه صقر وملاذ؟

الجد سُليمان بتفكير : رقم ١٥ يابنتي ،

آمال ابتسمت و دخلت الفندق وهي تشوف الزحمه والناس ومشت ركبت المصعد ،

عبدالرحمن كان واقف ينتظر المصعد ، آمال كانت حاسه بخوف وهي تشوف المصعد بدا يوقف .

وعبدالرحمن كان واقف ينتظر المصعد يفتح ، آمال كانت حاسه بخوف وهي تشوف اللمبه حق المصعد يطفي ويشتغل قعدت تضغط تنتظره يفتح لكن علق وطفى لمبة المصعد ، فزت بخوف وهي تشوف الظلام قعدت تدق المصعد لكن وقف المصعد وانفتح فزت وهي تشوف الرجال الي واقف و دخل معها بنفس المصعد صدت عنه بهدوء ووقفت بعيد ،

عبدالرحمن كان واقف يضغط ووقف المصعد وانفتح و دخل وهو يشوف البنت الي واقفه والرجال توقع انها زوجته دخل وهو يوقف ويضغط دور الثاني جناح صقر ،

آمال تجمدت بمكانها وهي تشوفه لكن صدت ولا كانها تعرفه،

آمال مدت يدها تضغط عبدالرحمن قاطعها: ضغطت!

آمال صدت عبدالرحمن صد وعطس بقوه من ريحة العطر الي بالمصعد الرجال الي جنبه كان حاط عطر ثقيل و آمال نفس الشيء متعطره ، عبدالرحمن غمض عيونه وهو يعطس و مد يده يحك نفسه بدا انفه يسيل وقف المصعد والرجال طلع ،

عبدالرحمن التفت : الحقي زوجك كتمتوني !

آمال ناظرت فيه : مو زوجي !

عبدالرحمن قام عطس و رفع راسه وهو يناظر بعيونها وماهي غريبه عليها وهمس : انتي مو بنت فهد! كاني عرفتك نفسها الي تخرعين الناس وتطلعين وحاطه فُل مكياج ،

آمال صدت عنه وهي تناظر لعيونها بمراية المصعد ،

عبدالرحمن بحده : وش الله حادك تغمسين وجهك بالمكياج وتجين و داخله المصعد مع واحد غريب!!

آمال عقدت حواجبها : وانت بعد غريب ف لا تتدخل فيني!

عبدالرحمن صد : مو مج..سكت وهو يعطس ،

آمال بعدت عنه بخوف : اعطس بعيد عني ،

عبدالرحمن : دامك طالعه من البيت ومتروشه بالعطر و كاتمتني تبيني اكتم نفسي بعد وما اعطس!

آمال صدت اول ما انفتح المصعد وطلعت عبدالرحمن طلع معها ، آمال التفتت : شعندك تراقبني!

عبدالرحمن : رايح لاخوي مو اراقبك ،

آمال صدت ومشت لغرفة صقر ترن الجرس ،

عبدالرحمن اخذ جواله وهو يتصل ، وآمال تدق الباب و ترن الجرس ، صقر كان طالع من عند المغسله ينشف يدينه ،

وسمع صوت الباب مشى فتح الباب : شصاير؟

آمال بعدت بخوف ورحعت لوراء : ابي اشوف اختي ،

عبدالرحمن وقف بعيد عن الباب صقر قام طلع لبرا ،

آمال دخلت و ركضت عند ملاذ تحضنها وتسلم عليها ،

صقر ناظر لعبدالرحمن : شفيه خشمك احمر؟

عبدالرحمن : كتمتني والله ،

صقر بضحكه : مين هذي بنت فهد؟

عبدالرحمن : ومن غيرها عيونها ماسك خط قصيم تقول جايه عرس مو جايه تشوف اختها وداخله مع رجال غريب في المصعد و ريحة عطرها بالفندق كله ،

صقر : ياهوه لا تبالغ قلنا حاقد بس مو كذا ،

عبدالرحمن صد : عالعموم جيتك اتطمن وامشي ،

'

مشعل دخل وهو يشوف نجلاء لابسه فستان احمر وحاطه مكياج ولابسه العبايه ومتعطره ابتسم : تعالي...

مشعل دخل وهو يشوف نجلاء لابسه فستان احمر وحاطه مكياج ولابسه العبايه ومتعطره ابتسم : تعالي يلا ،

نجلاء هزت راسها بـ اي ومشت معه وطلعوا ،

ام مشعل كانت تناظر لكن نجلاء صدت ومسكت يد مشعل وطلعوا ، مشعل مشى ركب السياره نجلاء ركبت معه ،

مشعل بهدوء : ودك تاكلين شيء؟

نجلاء هزت راسها بالنفي : شبعانه بس وين بتاخذني؟؟

مشعل رفع كتوفه : راح تعرفين هناك اذا وصلنا ،

'

صقر : مدري والله ابوي قايل لا تسافر الحين ،

عبدالرحمن : اي ناوي يسوي عشاء بالقصيم الي ما حضرو عرسك يحضرون العشاء ،

صقر : والله شايل هم ملاذ ،

عبدالرحمن بهدوء : ليه فيها شيء؟

صقر هز راسه بالنفي : لا بس للحين اشوفها تخاف مني حتى ما خلتني اغير لها فستانها،

عبدالرحمن بصدمه: ي رجال انت متحمس بزياده الله يهديك اترك البنت تتنفس شوي وتتعود عليك وانت داخل متحمس،

صقر التفت له : وشو يعني كيف اتصرف معها اذا سافرنا!

عبدالرحمن : خذ لها شغاله تهتم فيها هناك عادي ،

صقر هز راسه بالنفي : يخي ماودي شغاله تهتم لها وانا موجود،

عبدالرحمن : والله وانا اخوك انت فاهم الحب والرومنسيه غلط ليت في معهد يدخلونك يعلمونك ،

صقر : اقول اسكت بس ما بقى الا انت تعلمني ،

عبدالرحمن بضحكه : خلي عمر يعلمك لعبته عاد ،

صقر ضحك وناظر : الا اخبارك يا سارونه شصار معه؟

عبدالرحمن اخذ جواله و مده له : تفضل شف ،

صقر ضحك وهو يشوف : يا رجال بلكه لا يموت علينا ،

عبدالرحمن : والله ماودي اكمل واخاف اعترف له ويزعل مني،

صقر : خلاص احذفه وقفل الحساب ،

عبدالرحمن التفت لمارلينا الي تركض لجناح صقر ،

صقر انصدم ومسكها من كتفها : هي هي انتي هدي شصاير؟

مارلينا : بابا هدا ماما كلم اخت عروسه ايجي تحت اينزل ،

عبدالرحمن : يالله خذلك الحين تدور بالفندق كله ،

صقر ضحك والتفت : تمام كلميها تنزل ،

عبدالرحمن : قل لها المصعد عطلان لا تروح تكتم الناس،

صقر : انت ايش عليك منها يخي البنت حالها حال نفسها ،

عبدالرحمن : تصدق نفس العطر انكتمت فيه بعرسك!

صقر : الله يكتم العدو بديت تتخيل انت اتركها بحالها ،

عبدالرحمن صد : على اساسا ماسكها انا!

صقر ضحك وهو يناظر له ،

'

آمال ابتسمت : ادري ودك تسالين عن نجلاء بس تكفين وش اقولك يا ملاذ البنت هذي مريضه تجنني امس جابت العيد في الولد والحين تقول انها طالعه معه مجنونه عجزت افهمها،

ملاذ ضحكت وهي تحب آمال تسولف لها عن كل شيء وآمال تدري ملاذ بخاطرها تسال عن نجلاء تحب هالسوالف ،

آمال : لا ومبسوطه تقول اكيد بياخذني لمطعم رومنسي يا بنت الحلال الولد ذا حده يجلس بين النياق مطعم وش

آمال : لا ومبسوطه تقول اكيد بياخذني لمطعم رومنسي يا بنت الحلال الولد ذا حده يجلس بين النياق مطعم وش ،

فجاه دخلت مارلينا : ماما كلم اخت اروسه ايجي تحت ،

آمال ناظرت لملاذ وقربت حضنتها : يلا بمشي انا ،

ملاذ هزت راسها بـ اي ، آمال قامت عدلت طرحتها ونقابها وطلعت مع مارلينا وهي تناظر صقر وعبدالرحمن واقفين،

آمال ناظرت لمارلينا وهي تشوفها تنزل من الدرج : تعالي هنا،

مارلينا : لا لا ماما هاذا مصعد في خوف ،

عبدالرحمن التفت صقر سحب عليه ومشى لجناحه لملاذ،

عبدالرحمن : المصعد عطلان انزلي معه ،

آمال عقدت حواجبها وصدت مشت مع مارلينا من الدرج،

عبدالرحمن ضغط الزر وفتح المصعد و دخل ،

'

نجلاء ناظرت للطريق والتفتت له : مشعل تكفى!

مشعل ضحك وهو يكمل يسوق والشماغ ربطه على راسه

وقف سيارته وناظر : انزلي! نجلاء كانت مصدومه ما توقعت انه بياخذها هنا كانت متوقعه بياخذها للمطعم ،

مشعل : انزلي والله تستانسين!

نجلاء بقهر : ماراححح انزلل وش ذااا يا مشعل!!

مشعل عقد حواجبه ويلتفت يمين يسار : مافي احد ترا!

نجلاء بحدها : انااا عروسه افهم جايبني للنياق ليه!

مشعل باستغراب : ليه وشفيهم النياق؟

نجلاء حطت يدها على راسها : ياربي ويساللل بعد!

مشعل فتح الباب وهو ينزل ابتسم وهو يشوف الخيمه وكلم العم سالم يجهز الخيمه والعم سالم جهزه مشى لخويه وترك البر ، ابتسم وهو يشوف الهواء بارد والنياق كلهم متجمعين ،

وناظر لنجلاء من شباك السياره : انزلي ولا بروح عنك!

نجلاء : رجعني تكفى يا مشعل مستحيل انزل والله ،

مشعل ضحك وهو يشوف الناقه الي متوجه للسياره ،

نجلاء فزت : مشعللل شيبيي ذاااا ،

مشعل : انزلي ولا بروح واخليه يجي ياكلك ،

نجلاء ناظرت فيه : مقرففف يا سف فمه تكفى بعدههه ،

مشعل : ترا ما بيسوي لك شيء يا حليله ،

نجلاء : بعده عن السياره ولا..سكتت وهي تشوفه يقرب من السياره قامت تصارخ : مشعللللل ،

مشعل ضحك وهو يمشي متوجه للباب الي جالسه فيها نجلاء وناظر للناقه ومد يده يمسح عليه ، نجلاء ناظرت بقرف ،

مشعل فتح باب السياره : انزلي يلا و مد يده ،

نجلاء بعدت بقرف : ابعددد عني انت بعددد ،

ونزلت من السياره وهي لابسه كعب بغت تطيح مشعل مسكها بحركه سريعه نجلاء دفت يده وهي تحاول تمشي والكعب يغرز بالتراب : مشعللل مو قادره امشيي!

مشعل : فسخي الكعب ارميه ،

نجلاء تجمعت الدموع بعيونها من القهر : ياربيييي مشعلللل رجعني تكفى شف شف الحيوان يقربببب ،

مشعل كان واقف يضحك عليها وعلى شكلها وابتسم : ما بيسوي لك شيء وانا معك ،

نجلاء ناظرت فيه : مو قادره امشي!

مشعل : .

مشعل كان واقف يضحك عليها وعلى شكلها وابتسم : ما بيسوي لك شيء وانا معك ،

نجلاء ناظرت فيه : مو قادره امشي!

مشعل فسخ نعاله : البسي حقي طيب ،

نجلاء صدت بدموع : رجعنيي البيت تكفى مابي اجلس هنا،

مشعل بهدوء : منجدك تصيحين يا خوافه! ما بيسون لك شيء ولا راح يقربون منك تعالي اخذك لمكان تعجبك ،

نجلاء تنهدت بقلة حيل منه ولبست نعاله و رمت الكعب،

مشعل ضحك وهو يشيل كعبها ويحطهم بداخل السياره،

'

مارلينا دخلت وآمال معها ام صقر ابتسمت وقامت وهي تسلم عليها : كيفك با بنتي وليه امك ما جت ؟

آمال ابتسمت : بخير والله خالتي وعاد ماما من امس مصدعه راسها من الاغاني بالقاعه وما جت تبي ترتاح ،

ام صقر ضحكت : والله مالومها انا حتى بنومي ما تهنيت ،

آمال جلست وقعدو يسولفون والشغاله مشت تسوي القهوة ،

عبدالرحمن دخل الجناح وهو يسمع صوت امها و آمال من الغرفه صد وتوجه للمطبخ وناظر لمارلينا : ما مشت هذي!

مارلينا هزت راسها بالنفي : لا لازم ايشرب قهوه بعدين امشي،

عبدالرحمن : اول مره اشوف ضيفه ثقيله زيها المفروض تمشي ما تشوف وضعنا بالفندق كيف!

مارلينا : لا هرام عليك مافي كلام كذا هادي اخت عروسه ،

عبدالرحمن بسخريه : والله والاخت عاد صد وطلع ،

مارلينا اخذت القهوه ومشت للغرفه ،

'

صقر كان منسدح على السرير و ملاذ جالسه جنبه تلعب بشعره بهدوء صقر كان يطقطق بجواله يكلم مشاري ،

ملاذ تنهدت من سكوته وهي تحس بخوف انه هاجد ،

صقر التفت لها : ودك نمشي نتمشى؟

ملاذ رفعت كتوفها بمعنى ما تدري ،

صقر : قومي قومي نغير جو شوي ويمكن جدك تحت بعد ،

ملاذ فزت بفرح من عرفت جدها موجود ،

صقر اخذ جواله وهو يتصل على مارلينا ،

'

عبدالرحمن وعمر كانوا واقفين عند المصعد بيطلعون لجناحهم التفتوا لـ مارلينا الي كانت تركض من الدرج لفوق ،

عمر : شف شف المجنونه ،

عبدالرحمن بضحكه : والله صقر ما سوا فيها خير ،

فتح المصعد ودخلوا الاثنين ووصلوا عند جناحهم ،

عمر دخل ومشى ياخذ له شاور والتفت : بتروح لمكان؟

عبدالرحمن : لا اريح شوي ،

عمر صد ومشى دخل ياخذ له شاور ع سريع ،

عبدالرحمن جلس يطقطق بجواله فجاه رن وكانت امه اخذ الجوال و رد : هلا يمه ؟

ام صقر : وين عمر اخوك ما يرد؟

عبدالرحمن : راح ياخذ له شاور ليه وش بغيتي؟

ام صقر : انزل تحت ابيك تجيب عشاء ،

عبدالرحمن : لمن؟ لا يكون لذي الي جت اخت زوجة صقر ؟

ام صقر : اي هي ياولدي مابيها تروح بدون ما تاكل ،

عبدالرحمن : الحين اخذ مشوار عشانها! يمه بزره تراها خليها تبلع اي شي من الثلاجه وتمشي اول مره اشوف ضيفه ثقيله،

ام صقر بصدمه

ام صقر بصدمه : دحوم وش هالكلام! ويلا قم ، وقفلت الخط

عبدالرحمن تنهد وهو يقوم : مو ناقصني الا هي ،

'

مشعل التفت لنجلاء الي كانت ماسكه عبايتها وطرحتها تطير بالهواء وناظر فيها : فسخي مافي احد ،

نجلاء هزت راسها بالنفي ما انتبهت الا وطرحتها تطير من قوة الهواء الي هب وطرحتها طارت ع وجه الناقه الي وراهم ،

مشعل بضحكه : اركضييي جيبي طرحتك ،

نجلاء بصدمه : مشعللل طرحتيييي بياكلهه ،

مشعل : حماره انتي؟ كيف بياكل الطرحه خليه يتدفى ،

نجلاء بقهر : ياربيي ليه تزوجتتت منك انااا ليهه !!

مشعل التفت : كل هالصياح عشان طرحه؟

نجلاء تنهدت وهي توقف بتعب : مقدر امشي خلاص نرجع،

مشعل : تونا جاين الليله السهره هنا ،

نجلاء بصدمه : السهره وهنا بين النياق؟؟؟

مشعل : اي راح اعرفك عليهم ،

نجلاء صدت بقهر : ياربيي طلقنييي خلاص مابي اكمل معك ،

مشعل ضحك وهو يمشي. نجلاء تنهدت وهي تشوف عبايتها مفتوحه وتطير من الهواء صدت وشعرها يتطاير ،

مشعل مشى لعندها : امشيي وش عندك واقفه؟

نجلاء : بتاخذنيي عندهم اعرفك ابعد عني بتصل على بابا،

مشعل ابتسم بخفه : شبيهتك الاربعه اشوفهم هنا ،

نجلاء ناظرت لنظراته بقهر : ياربي حتى ما يعرف يتغزل وانا متوقعه يقصد القمر وبعدين وين قمر في الصباح حتنا صرت مجنونه زيه يارب رجعني لبيتي وساعدني ،

مشعل كان يمشي وهو يناظر للنياق نجلاء لحقته بخوف،

'

مارلينا جهزت ملاذ و لبستها العبايه ونزلوا صقر مشى ركب المصعد وماسك يد ملاذ فجاه فتح المصعد ودخل عبدالرحمن وناظر فيهم وهو يشوف صقر وكتم ضحكته،

صقر اشر له بمعنى وين رايح ،

عبدالرحمن تنهد وهو ما يقدر بتكلم لانها بتسمعه ،

و اشر له على وجهه بمعنى اجيب اكل لـ ام مكياج ،

صقر ما فهم عليه و صد من فتح المصعد ونزل ،

توجه لبرا وهو يشوف الجد سُليمان والجد عبدالعزيز جالسين عند الفندق متكين ع سيارتهم ويسولفون ،

الجد عبدالعزيز فز وهو يشوف ملاذ مع صقر ، ومشى لعندها وهو يحضنها ويبوس جبينها : ملاذ بنتي كيفك؟

'

مشعل وقف عند ناقته : شوفي نجلاء كيف نايمه ،

نجلاء استغربت وهي تناظر بنفسها : انا مو نايمه؟

مشعل : مو انتي هذي ناقتي سميتها نجلاء ،

نجلاء انصدمت وهي تناظره بقرف : ليههه تخرب اسمييي!!

مشعل : وشو من حبي سميتها على اسمك تراه اغلى منك ،

نجلاء بقهر : ياربيي الحين ارجع اكلم جدي يغير اسميي ،

مشعل : منجدك انتي؟ شوفي شوفي قامت ،

الناقه رفعت راسها وقامت وكانت طويله ، نجلاء فزت وهي تبعد ، مشعل ابتسم والناقه مشى بهدوء لعندهم ،

نجلاء فزت : يمهه وش كبرهااا يا مشعل!

نجلاء فزت : يمهه وش كبرهااا يا مشعل!

مشعل قرب وهو يمسح عليه ومد يده لنجلاء : تعالي،

نجلاء هزت راسها بالنفي بخوف : مشعلل بياكلنا مع بعض هذا من كبره تكفى خلنا نمشي ماودي اموت ،

مشعل كتم ضحكته : يا بنتي هذا انتي الي بتاكلينه مو هو بياكلك تعالي يلا ، نجلاء تنهدت وهي تهز راسها بالنفي قامت بترجع لوراء فزت وهي تشوف الناقه الثانيه وراها وصرخت بقوه : مشعلللللل بعدهه عنييي تكفى يا مشعل ،

مشعل ضحك وهو يسحبها له ويمد يده لخصرها ، نجلاء تمسكت بثوبه وقربت منه : مشعلل الله يخليك نمشي!

مشعل بضحكه : شفتي كيف جبتك لعندي؟

نجلاء بدموع : مشعل لااا تسوي فينيي كذااا ،

مشعل : تعودي ما اجيبك الا هنا ،

نجلاء : والله ماعاد اطلع معك لمكان ، ناظرت للناقه الي بتقرب راسها لعبايتها فزت وفي تفسخ عبايتها وترميها له وهمست بخوف : خذ عبايتي تكفى بس لا تقرب مني ،

مشعل ابتسم وهو يشوف شعرها الى من الهواء صار ع وجهه بعد وجهه وهو يمسك شعرها ، نجلاء كانت قريبه منه بخوف،

'

آمال : والله حبيتها سمر ياحلوها وياحلو جسوم ،

ام صقر : لو داريه انك بتجيني كان عزمتها ،

آمال : يوه حسافه وعاد يلا خالتي بمشي تاخرت ،

ام صقر : لا والله حشى يا بنتي اجلسي وانا بكلم امك تتاخرين،

آمال : يوه خالتي والله جلست كثيرر ،

ام صقر : اجلسي بعد ماعندي احد اسولف معها زين جيتي،

مارلينا بزعل : ماما انا مافي موجود كلام مع انتي؟

ام صقر : اي اي انتي موجوده ما قلت شيء ،

مارلينا : يجي ناس ثاني انتي غير على انا ،

آمال بضحكه : منجدك يا مارلينا زعلتي؟

مارلينا ناظرت لآمال : مافي زعل انا ، وناظرت لام صقر الي رن جوالها ومشت مارلينا قربت : في سر انا علم انتي؟

آمال باستغراب : اي علمي؟

مارلينا : بنت انا في زواج من ولد ماما اسمو سولتان ،

آمال فزت بصدمه : بنتك متزوجه من ولدها؟

مارلينا : ايوا اسمو سولتان دحين وري صوره ،

'

صقر وقف سيارته عند الحديقه ونزل ومشى فتح الباب وهو ينزل ملاذ وابتسم : الاجواء حلوه زيك ،

ملاذ ابتسمت بهدوء ونزلت معه صقر مسك يدها وهم يتمشون والتفت للاطفال : متى نجيب اطفالنا هنا يلعبون؟

ملاذ سكتت بهدوء وهي ماسكه يده ،

'

مشعل : المسيه طيب ماراح ياكلك ،

نجلاء بقرف : يععع ماراح المس والله ،

مشعل : يا بنت الحلال ما بيسوي لك شيء ،

نجلاء هزت راسها بالنفي : مشعلل يخوف والله شف فمه!

مشعل ضحك وهو الناقه تقوم ترفع راسه وصارو تحته ،

نجلاء فزت وقربت من مشعل ، مشعل كان ماسكها من خصرها وهو يلمس الناقه : والله يا نجلاء انك خوافه ،

نجلاء بقهر : ...

نجلاء فزت وقربت من مشعل ، مشعل كان ماسكها من خصرها وهو يلمس الناقه : والله يا نجلاء انك خوافه ،

نجلاء بقهر : يارب ارحمني توقعت بتاخذني للمطعم نتعشى ونروح للسينما نتابع فلم بس ياربي منك ي مشعللل ،

مشعل : تخسين اخذك لمطعم كله عيال ،

نجلاء ناظرت فيه بقهر من تفكيره ،

'

مارلينا ناظرت لام صقر الي بتدخل وتركت الجوال : بعدين علم انتي الحين ماما مافي يعرف سولتان زوج بنت انا ،

آمال عقدت حواجبها وسكتت بتفكير ،

ام صقر دخلت وهمست : مارلينا روحي طلعي العشاء ،

آمال ابتسمت بهدوء بعد دقايق توجهو ياكلون كلهم ،

آمال خلصت وقامت بتطلع وقفت وهي تشوف عبدالرحمن واقف يدخن صدت بقرف وقامت بتمشي لكن وقفتها مارلينا

آمال التفتت لها : هلا شتبين؟

مارلينا ناظرت لنظرات عبدالرحمن وقربت : مافي على احد،

عبدالرحمن عقد حواجبه وهو وده يسمع شتقول ،

آمال بهدوء : الله يسامحك وقفتيني عشان كذا! وصدت مشت،

عبدالرحمن بحده : وش قايله له؟؟

مارلينا بخوف : ءءولاشي ،

عبدالرحمن : علميني ولا اروح اسال منها راح تعلمني ترا!

مارلينا بلعت ريقها ووقفته : لا لا هادي مدام كلم سر حق انا ،

عبدالرحمن باستغراب : سر ايش؟

مارلينا : هي كلام هي في هوب حق سولتان وتبي زواج ،

عبدالرحمن انصدم وناظر فيها : هييي قالت كذا!

مارلينا بخوف : اي هي كلم كذا لو انت روح ايسال هي كلم عن بنت انا وتخلي انا كذاب ،

عبدالرحمن سكت بهدوء و دخل البيت وهو يشوف امه جالسه وهمس : اشوفها من الحين تحاول تتقرب منك؟

ام صقر باستغراب : شدعوه جت عشان اختها ،

عبدالرحمن بسخريه : الله اعلم عشان اختها ولا عشان تقدر تتقرب منك وتاخذ الي ناويته وصد مشى لغرفته وهو يفكر كيف سلطان ما علمه! واذا يحبها وبينهم علاقه ليه علمت مارلينا؟ تنهد وهو يفكر بسلطان كيف قدر يخبي عنه؟!

'

صقر وملاذ رجعوا من الحديقه وكانو جالسين في جناحهم،

ملاذ كانت جالسه وصقر يسوي الكوفي بعد دقايق خلص والتفت لها : ودك زي امس نروح البلكونه ولا انا افضل؟

ملاذ هزت راسها بالنفي بمعنى ماتبي البلكونه وهي متفشله من نفسها كيف نامت بحضنه وهو شالها وجابها ،

صقر ابتسم بخفه : بردانه صح؟

صقر ابتسم بخفه : بردانه صح؟

ملاذ هزت راسها بـ اي وكانت لابسه بجامة نوم قماشه خفيف،

مشى وهو يفتح الدولاب وياخذ بلوفر من بلوفراته الي دايم يلبسهم ومشى عندها : البسك لا تنتظرين مارلينا ،

ملاذ فزت وهي تهز راسها بالنفي ،

صقر : طيب راح البسك فوق بجامتك اهدي ،

ملاذ سكت بخوف صقر قرب وهو يلبسها البلوفر لونه اسود

ومسك يدها يدخلها داخل الكُم ويدها الثاني و رفع شعرها،

وناظر وهمس : لا احب شعرك مفتوح ، وفتح شعرها ،

وابتسم : احب شعرك عالفكره ،

ملاذ سكتت بهدوء وهي تلمس بيدينها البلوفر تضم نفسها،

صقر مشى وهو ياخذ له بلوفر ابيض و لبسه واخذ الكوفي ومشى انسدح ع سرير يتكي و فتح يدينه وهو يسحبها له ،

ملاذ ماقدرت تمنعه او تقدر تسوي شي سكتت بصمت ،

صقر اخذ الكوفي بيده وهو يشرب وملاذ متكي على صدره،

وهمس : انتظر اللحظه الي تشوفيني فيه وتشوفين بعيوني حُبك ، عارف ومتاكد انك تشوفين هالحُب اذا مو بعيونك ف بقلبك انا ودي يا ملاذ اخذك عن هالدنيا احتاج ليله تعوضني عن كل الليالي عشان اعلمك وش اخفيه لك بقلبي! وامسح على قلبك الطاهر واغني له و احب وجهك واركز في تفاصيلها واوصف ملامحك وكاني اوصف الجنه ،

ملاذ ابتسمت من كلامه وودها تتكلم لكنها عجزانه!

'

( في مكان بعيد عند سلطان )

سلطان كان لابس ثوبه والشماغ والنظاره وجاكيت المحامين ومشى دخل قاعة المحكمه وهو يشوف وجلس ،

إيلان نزلت من السياره واختها معها ماسكه يدها وطرحتها على راسه وشعرها الاشقر طالع والغره من عند الطرحه ،

وجلسو بعد دقايق بدا الجلسه ابو إيلان كان جالس ويمثل الحزن ،

'

مشعل وقف وهو يشوف الدنيا بدا يغرب وهمس : نمشي؟

نجلاء فزت : اي تكفى خلاص تعبت والله ،

مشعل بضحكه : مو البيت للخيمه نسهر الليله ،

نجلاء تنهدت : مشعل والله تعبانه فيني نوم ،

مشعل ابتسم : قوي امشي مشى وهو يشيل عبايتها الي كله تراب وهمس : كيف بترجعين الحين؟

نجلاء : ما يهمني بس تكفى يلا طلعني من هنا ،

مشعل ابتسم ومسك يدها وسحبها معه وتوجهو للخيمه ،

نجلاء صدت بزعل : ما بدخل ولا بجلس ابي نرجع ،

مشعل : افا وشو له نرجع تعالي ابي اعلمك شيء ،

نجلاء تنهدت و دخلت الخيمه بتعب ومشت جلست بهدوء،

مشعل دخل وناظر فيها : اروح للسياره اجيب الخرابيط الي اخذته لك من البقاله واجي ،

نجلاء بخوف : لا تتركني لوحدي تكفى!

مشعل : لا تخافين ماراح اتاخر وقام مشى متوجه للسياره،

نجلاء جلست بخوف ،

متعب اخذ جواله وهو يتصل على سلطان دقايق و رد ،

متعب : هاه ايش مو الجلسه كانت اليوم؟

سلطان : الله ياخذه يخي قلب كل شيء قام يمثل انه تعبان ومريض وعنده ضغط ومدري وشو وما يقدر يتحكم وخلاص راح يتوب وجايب معه اوراق المستشفى ادله ،

متعب بصدمه : صدق مريض؟

سلطان : وين مريض يخي واضح متفق مع احد مسوي له الاوراق كلمت إيلان تقول ماهو مريض ،

متعب : طيب والحين شتسوي؟

سلطان تنهد : معرف لا تسالني الاسبوع الجاي الجلسه الاخيره وخلاص انهد فيني الحيل ما اتوقع راح اكسب هالقضيه،

متعب تنهد : وكل امرك لله وباذن الله خيره ،

'

صقر كان منسدح ويلعب يشعرها : بكره نرجع للقصيم ،

ملاذ سكتت بهدوء والتفتت له ودها تقول انها تبي تروح لامها وابوها وقامت تاشر على نفسها بمعنى تبي تروح،

صقر بعدم فهم : وشو تبين الحمام؟

ملاذ هزت راسها بالنفي وهي تاشر بمعنى ابي امي ،

صقر بتفكير : تبين تروحين تحت لامي؟

ملاذ هزت راسها بالنفي وهي تحاول انه يفهم عليها لكن عجزت تفهمه نزلت دموعها من القهر ،

صقر انصدم وقرب وهو يسحبها لحضنه : اهدي شفيكِ تبكين؟ يخي والله احاول افهم عليكِ مو فاهم شيء! وش تبين علميني وتبشرين فيه بس ماني عارف شتبين؟

ملاذ كانت تبكي بحضنه وهي مقهوره انها عجزانه لهدرجه،

صقر حزن عليها وقرب يمسح على ظهرها وشعرها ،

'

نجلاء كانت جالسه بخوف وضامه نفسها بيدينها ،

مشعل توجه للخيمه وابتسم وهو يبي يخوفها توجه وهو بحط الاكياس على الارض و نزل راسه وهو يدور حجر او شي لكن ما لقى تنهد وهو يشوف الساعه الي بيده قام فسخه و رماه بقوه ع خيمه و ركض يتخبى ، نجلاء فزت بخوف وقامت طلعت وهي تدور بمين يسار استوطن قلبها الخوف وهي تشوف مشعل مو موجود نزلت دموعها بخوف وقامت دخلت الخيمه ، مشعل ضحك واخذ عقاله الي ع رلسه و رماه فوق الخيمه نجلاء رجعت فزت بخوف وطلعت لبرا ماقدرت تتحمل وقعدت تبكي ، مشعل انصدم لما سمع بكاءها اخذ الاكياس وهو يتوجه لعندها : ليه تبكين شصاير؟

نجلاء ركضت لعنده وحضنته وهي تبكي بحضنه ،

مشعل كتم ضحكته : بسم الله نجلاء شصاير احد سوا لك شي؟

نجلاء بدموع : ءءلا تتركني تكفى مشعل ،

مشعل انصدم انها بكت لهدرجه وقرب وهو يحضنها ،

وهمس : تعالي تعالي معي ادخلي و دخلوا لداخلد،

وحط الاكياس على الارض وهو يجلس ، نجلاء جلست جنبه والدموع بعيونها وتبكي ،

مشعل ابتسم : افاا لهدرجه خوافه يا نجلاء ؟

نجلاء بهدوء : تكفى خلنا نرجع البيت ،

نجلاء ناظرت لمشعل كان يناظر فيها بهدوء : ليه تطالع كذا؟

مشعل ابتسم : اشوفك واتاملك ليه مو عاجبك؟

نجلاء هزت راسها بالنفي وهي تصد : ودي اروح البيت ،

مشعل : انا ماودي في البيت تتهربين مني هنا مالك مهرب الا حضني ودي طول العمر نجلس هنا ،

نجلاء سكتت وهي تصد : اقتنعت ماعاد لي مهرب منك للابد،

مشعل ابتسم : هالنياق الي علموكِ مالك مهرب مني بس البيت ما اشوف منك الا الصد الي يوجع قلبي ،

نجلاء : ماراح اسويه اوعدك بس طلعني من هنا ،

مشعل ابتسم وهو يقوم وينفض ثوبه : يلا ،

نجلاء قامت وهمست : عبايتي؟

مشعل تذكر وناظر فيها : ماراح اخذك كذا تصرفي!

نجلاء بصدمه : كيف اتصرف ما معي شيء ،

مشعل ناظر للحاف الي اذا جاء ينام يتلحف فيه وناظر لنجلاء وهمس : تغطي باللحاف واخذك ،

نجلاء : باللحاف ؟؟؟

مشعل رفع كتوفه : اي واذا ما ودك بكيفك راح نجلس،

نجلاء تنهدت ومشت تسحب اللحاف ،

'

آمال ابتسمت : كانت مبسوطه والله ،

ام نجلاء : اشتقت لها فقدتهم الاثنين ،

آمال بضحكه : تدرين نجوله قالت لي انها طالعه مع مشعل،

ام نجلاء بفرح : صدق! كنت شايله هم عمتك تسود حياتها ،

آمال بهدوء : تخسي تسود حياتها نجلاء ماهي بذي السهوله،

ام نجلاء ابتسمت : صح بس الحين شايله هم ملاذ ام صقر كلمتني انهم بيرجعون القصيم وعزمونا على العشاء وبعل العشاء ملاذ بتسافر مع صقر ،

آمال : يالله والله ادعي لها من قلبي يارب تشوف ،

ام نجلاء ناظرت فيها : اخاف بكره تروحين مني انتي بعد!

آمال بصدمه : انا؟ لا طبعًا مستحيل اترككم ،

فجاه دخل الجد وهو مبتسم : السلام عليكم ،

ام نجلاء حطت الطرحه على راسها : وعليكم السلام،

امال مشت تحضن الجد : وين رحت تاخرت!

الجد : كنت هنا يا بنتي مع صديقي شرف وعياله ،

ام نجلاء : عساهم بخير ما اذكر جاو الملكه ما شفت زوجته!

الجد : والله شقولك يا بنتي يقول صارت حادث مع ولده ،

'

عبدالرحمن ناظر لعمر : ترا بنمشي الصباح انخمد ،

عمر : والله تعبت وانا من مكان لمكان متى ارتاح ،

عبدالرحمن بضحكه : خلاص ماعاد بنرجع للمدينه انتهى،

عمر : ياليت عاد حتى صقر بيسافر بعد يومين ،

عبدالرحمن : شكلك ناسي راح تنكرف في القصيم عشان العزيمه ابوي يقول الرجال برا عند البيت ،

عمر : يعني نرجع نطلب الكراسي والسجادات الحمراء؟

عبدالرحمن هز راسه بـ اي : والله شكله ،

عمر ناظر لجده الي كان نايم : اجل خلني انام و اريح ،

عبدالرحمن تنهد وقام ينسدح لكن جواله رن اخذه وهو يشوف سلطان يتصل تنهد واخذ جواله وطلع لبرا رد ،

سلطان : ايش فيكم ما تتصلون علي نسيتوني؟

عبدالرحمن : ..

سلطان : ايش فيكم ما تتصلون علي نسيتوني؟

عبدالرحمن : لا والله من بعد صقر مو عاجبني شيء،

سلطان : صقر سحب عليك الظاهر ،

عبدالرحمن بهدوء : خلنا من صقر ما علمتني متى ناوي تجي تخطبها؟ وترا ماراح اجي معك خلاص تعبت من السفر ،

سلطان بصدمه : اخطب من؟

عبدالرحمن بسخريه : يعني تكذب علي! ترا مارلينا علمتني ،

سلطان باستغراب : وش تهبد انت وهذي مارلينا وش هبدت عندك ؟

عبدالرحمن : قالت لي انه بينكم علاقه انت وبنت فهد؟

سلطان قام يضحك : انا! وعلاقه لي مع بنت فهد؟ هذي تسوقه عليك والله لا اعرفها ولا تعرفني ولا اذري فهد عنده بنت غير زوجة صقر ،

عبدالرحمن عقد حواجبه : يعني كذبت علي؟

سلطان بضحكه : والله ساقته عليك يا عبدالرحمن ،

'

( صباح يوم جديد على الابطال )

= والى القصيم =

'

ملاذ كانت نايمه صقر وقف وهو يعدل شعره لبس ثوبه ومشى يسوي له كوفي يصحصح وطلع وهو يشوف ملاذ نايمه ابتسم ومشى فتح الباب ونزل لتحت دخل جناح امه وهو يشوف كل اخوانه جالسين يسولفون ويتقهون ومشى جلس بهدوء وهو يشوف يرحبون فيهم وهمس : مارلينا روحي لملاذ بس لا تصحينها خليها تصحى من نفسها بس انتبهي لها وجهزي كل اغراضها بنمشي بعد شوي ، مارلينا هزت راسها رمشت ،

عمر : ي عيني على الاهتمام وحنا ما ذقنا منك هالاهتمام والله لنا الله عاد ،

ام صقر ابتسمت : هذا الي ابيه ياولدي انكم تهتمون في زوجاتكم وتحبونهم ماودي بالمشاكل في حياتكم ،

يوسف ترك جواله وهمس : ياجعله دوم هالحُب الله يديمه،

صقر كان منحرج منهم وهمس : خلاص لا تخلوني امشي،

عمر : مسوي فيه تستحي انت ووجهك !

عبدالرحمن : خلك منه صقر واضح انه غيران ،

عمر : اغار منه! لو ابي تزوجت والله لكن ماودي بوجع الراس،

صقر بضحكه : ي رجال قل انها مافي وحده تقبل فيك وخلصنا،

فجاه دخل الجد : للحين جالسين انتم؟ يلا قوموا دخلوا الاغراض بالسياره بنمشي للمطار تاخرنا ،

العيال قاموا ياخذون الاغراض و ام صقر تلبس العبايه،

صقر قام مشى لجناحه وهو يشوف مارلينا جالسه تـ اكل ملاذ ابتسم وهو يناظر : ليه ما علمتيني انها قامت؟ روحي انتي خذي هالاغراض نزليهم تحت لعمر وعبدالرحمن ، مارلينا قامت مشت صقر جلس : صح النوم ، ملاذ ابتسمت بهدوء،

صقر مد الملعقه لها وهي تاكل من يده ، بعد دقايق خلصت ،

صقر : يلا قومي خليني البسك العبايه بنمشي القصيم،

ملاذ فزت وهي تتذكر اهلها وهزت راسها بالنفي و رجعت تاشر على نفسها وقلبها وهي مقهوره ،

صقر تنهد وهو يشوفها تكرر هالحركه من امس : شتبين؟ ما ودك تروحين القصيم ودك تجلسين هنا؟

دخلت ام صقر

صقر تنهد وهو يشوفها تكرر هالحركه من امس : شتبين؟ ما ودك تروحين القصيم ودك تجلسين هنا؟

دخلت ام صقر : صقر يلا روح قبلنا انت وخذ ملاذ تودع اهلها توها امها اتصلت ، ملاذ سمعت وفزت وهي تهز راسها بـ اي ،

صقر بصدمه : كنتي تبين اهلك ؟ ملاذ فزت وهي تهز راسها بـ اي ، صقر تنفس براحه انه فهم عليها ،

وهمس : ابشري من عيوني ، مشى سحب العبايه ،

ام صقر اخذته منه وهو تلبس العبايه لملاذ ،

'

نجلاء كانت نايمه بتعب فزت من نومها وهي تصارخ : مشعللل ابعده عني تكفى مشعل ،

مشعل كان نايم جنبها فز من نومه : شفيكِ ابعد مين؟؟

نجلاء التفتت يمين يسار وتنفست براحه وحطت يدها ع قلبها ونزلت راسها تبكي من الحلم الي شافته والنياق الي كانوا يقربون منها ، مشعل انصدم منها و سحب اللحاف عنه وقرب وهو يسحبها له : اوشش خلاص مافي شي اهدي ،

نجلاء بدموع : ءءشفت ءءيقربون مني ،

مشعل كتم ضحكته وهو يمسح على ظهرها : اهدي مافي شي،

نجلاء سمعت ضحكته و دفته : ابعد عني كله منككك ،

مشعل ابتسم بخفه : ما توقعت لهدرجه تخافين وتحلمين ،

نجلاء سكتت وهي تمسح دموعها ،

مشعل رجع انسدح ومسك يدها : تعالي عندي ،

نجلاء صدت : مابي ابعد عني ،

مشعل : اووه بدينا لا تخليني ارجع اخذك.

نجلاء ناظرت فيه : تخسي امشي معك لمكان ،

مشعل بضحكه : طيب امزح معك تعالي عندي اقولك شيء ،

نجلاء ناظرت فيه بقهر وقربت منه : شتبي؟

مشعل سحبها من يدها لحضنه : عسى حلمتي فيني؟

نجلاء ناظرت فيه : وش الفرق بينك وبين النياق؟

مشعل ابتسم : الفرق تخافين منهم وانا لا ،

نجلاء ابتسمت وضربته ع صدره وهي تبعد عنه وتقوم ،

'

وصلوا عند بيت الجد عبدالعزيز و ام صقر طلعت واخذت ملاذ معها ام نجلاء و آمال كانوا جالسين فزو وهم يشوفون ملاذ ام نجلاء ركضت وهي تحضنها وتضمها : كيفك بنتي!

آمال ناظرت لام صقر : تعالي اجلسي خالتي؟

ام صقر هزت راسها بالنفي : لا يابنتي راح نتاخر على الطياره،

ام نجلاء سلمت عليها وهمست : رايحين الحين؟

ملاذ من شمت ريحة امها تجمعت الدموع بعيونها ،

آمال بضحكه : وحنا نلحقكم بكره نجيكم ،

ام صقر : حياكم الله يا بنتي ، ام نجلاء ناظرت لملاذ و رجعت حضنتها : ابوكِ وجدك راحوا للدوام كانو يبون يشوفونك ،

ام صقر : الحين يجون القصيم ويشوفونها ،

ملاذ كانت حاضنه امها ولا ودها تتركها وتمشي، آمال مشت : عاد ماودك تودعيني شكلك!

سلطان طلع من المحكمه بـ يإس وهو ياخذ جواله ويتصل على متعب دقايق و رد : هلا قل انك قدرت!

سلطان بقلة حيل : ما قدرت يا متعب ماقدرت خسرت هالقضيه عقلي مو معي يا متعب مدري شصاير فيني من امس احس بتعب و دوخه لدرجه وانا جالس في المحكمه عقلي مو معي ولا مع القاضي ،

متعب تنهد : معوض معوض يا سلطان ،

سلطان ناظر لـ إيلان الي متوجه لعنده وقفل الخط ،

إيلان : شكرًا على كل شيء ،

سلطان بهدوء : اعذريني يا إيلان والله ماني عارف شيء بس اوعدك راح احاول لو رجعتي رفعتي قضيه ثانيه !

إيلان بهدوء : اذا رجعت و رفعت ف ماراح اغلط غلطتي واختارك شفت مدح عنك لكن للاسف ماشفت منك شيء ، صدت ومشت ، سلطان تنهد بضيق ،

'

= في الطياره تحديدًا =

عبدالرحمن كان جالس وعمر جنبه ،

و منيره ويوسف جنب بعض والجد جنب شخص غريب،

صقر ابتسم وهو يشوف ملاذ جالسه وسرحانه عدل عقاله وقرب وهمس : نامي على كتفي وارتاحي مطولين ،

ملاذ كانت ساكته وحطت راسها ع كتفه بهدوء ،

صقر ابتسم : فيكِ نوم ؟ ملاذ هزت راسها بـ اي ،

صقر تركها تنام وغمض عيونه وهو يحاول ينام ،

عمر ناظر لعبدالرحمن : لو انتحر من الشباك هذا اموت؟

عبدالرحمن : قبل تفكر بالانتحار فكر كيف تدخل راسك؟ اكبر من هالشباك والله ،

عمر : اجل ارمي نفسي من الباب تتوقع اموت؟

عبدالرحمن : افا عليك ابد ماراح تموت راح تنزل تحت لاستقبالنا وندفنك وبس انتهى ،

عمر : واضح تبغاني اموت ،

عبدالرحمن : والله افضل من انك تعيش وتاخذ ذنوب ،

'

نجلاء عدلت شعرها ومشت فتحت الباب وهي تناظر ام مشعل و ريما جالسين بالصاله وهمست : السلام عليكم ،

ام مشعل : زين طلعتي كنتي مخبيه ورا زوجك وامس هجيتي معه وما جيتي الا وقت نمت !

نجلاء بسخريه : اي امس هجيت معه لدوامه مايقدر بدوني،

ام مشعل فتحت عيونها ع اخر : للدوام!

نجلاء : ليه وش دوامه ولدك ماغير يراعي النياق؟

ام مشعل عضت على اسنانها بقهر وهي تناظر فيها ،

نجلاء صدت ومشت دخلت المطبخ وناظرت للشغاله وهمست : جيبي فطورنا للغرفه ومشت ،

'

ام نجلاء : ليتك كنت موجود وشفتها ،

فهد : ان شاء الله بنروح بكره واشوفها ،

آمال : بكره متى يا يبه؟

فهد تنهد : بكره الصباح يابنتي ،

ام نجلاء التفتت لها : جهزتي اغراضك؟

آمال : لا والله ما جهزت قلت اجهزهم بالليل،

'

= بعد ساعات وصلوا القصيم واخيرًا =

وكل شخص كمل نومه بالطياره نزلوا عند البيت ودخلوا ومارلينا قعدت تنزل الاغراض من السياره ،

عمر ركض وهو يشيل بيلا ويصارخ : سلطاننن ،

عبدالرحمن : وصل وصل المقرف ،

الجد : شكله اخوكم مو في البيت ،

عمر ناظر لعبدالرحمن : ..

الجد : شكله اخوكم مو في البيت ،

عمر ناظر لعبدالرحمن : اسكت لا اخليها تشوف شغلها معك،

عبدالرحمن بحده : من الحين اعلمك لا تحسبني اخاف منها والله لا اخذها و ارميها بالشارع ،

عمر : جرب بس تسوي لها شيء ما يفكك مني الا الموت ،

صقر الي سحب عليهم وتوجه لغرفته واخذ ملاذ معها ،

ام صقر مشت لغرفتها ترتب اغراضها كله ،

الجد دخل وناظر : امشو معي انتم الاثنين نجهز للعزيمه ،

عمر بكذب : فيني نوم يا جدي خذ دحوم ،

الجد سُليمان : لا تكذب شفتكم نايمين بالطياره طول الوقت،

دخل يوسف وناظر فيهم : روحوا الحقو جدكم وقاموا طلعوا،

يوسف ناظر لمارلينا : روحي سوي قهوة نجلس بالصاله ،

'

صقر ناظر لملاذ : انا رايح عندي مشوار اخليكِ عند امي؟

ملاذ هزت راسها بالنفي ، صقر تنهد وجلس حنبها : ليه؟ تعرفيني مقدر اخليكِ لوحدك و اروح اخاف عليكِ ودام ماودك تروحين لامي اجل ماني رايح لمكان انا بجلس عندك ،

ملاذ كانت ساكته ومنزله راسها صقر مشى عند التسريحه وهو يفسخ عقاله وشماغه ويعدل شعره والتفت : قومي نروح الصاله طيب اكيد اخواني راحوا مالهم حس ،

ملاذ هزت راسها بالنفي وهي جالسه ،

صقر تنهد بتعب منها ومشى جلس بهدوء جنبها اخذ جواله وهو يطقطق فيه ويكلم اخوياه ويعزمهم على العشاء ،

'

عمر : يبه خليه الأسبوع الجاي والله اننا مكروفين ،

يوسف : ياولدي اخوك صقر مستعجل يبي يسافر وقده اخذ التذاكر وبكره الساعه تسعه طيارتهم عشان كذا استعجلت،

عبدالرحمن : مالومه اكيد شايل هم زوجته ،

يوسف : اي وانا ماودي اخليه يتاخر اكثر ،

عبدالرحمن : اجل يلا خلونا نتحرك وتجمعوا وهم يخططون ،

الجد كان جالس يناظر وصل الكراسي والفرش والعُمال يرتبون والتفت لأسماعيل وهو يشوفه يمر والتفت لهم وهو يشوفهم واستغرب ومشى : السلام عليكم ي مرحبا وصلتوا واخيرًا ،

الجد سُليمان ابتسم ومشى : وعليكم السلام اي وصلنا وانا اخوك والله تعب هالسفر ،

إسماعيل : صادق والله ويلا جايك تعب ثاني ولا نسيت الوعد؟

الجد سُليمان التفت لعبدالرحمن وهز راسه بالنفي : مانسيت،

اسماعيل : سمعت انه حفيدك اخذ حفيدة عبدالعزيز مالقيت الا هو وحفيدته؟

الجد سُليمان : زي ما اعزك ي اسماعيل اعزه هو بعد ،

اسماعيل : ماعليك خلاف يا سُليمان لكن بنتي باقي جالسه على وعدك توقعتك نسيت جيت اذكرك وامشي ،

الجد سُليمان بهدوء : مانسيت وبكره معزومين انت وبناتك على العشاء ما قدرت تحضر العرس حياك على العشاء ،

سماعيل : وشو له تعزمني على العشاء دامك ما عزمتني على العرس ولا اتصلت تعلمني ؟

سماعيل : وشو له تعزمني على العشاء دامك ما عزمتني على العرس ولا اتصلت تعلمني ؟

الجد سُليمان : انت تعرف الي بينك وبين عبدالعزيز ،

سماعيل : المرحومه الله يرحمها ما سوا فيها خير عبدالعزيز ،

الجد سُليمان : الله يرحمها عفى الله عنها ،

اسماعيل تنهد : يلا سلام استاذانك انا اشوفك بكره ومشى ،

يوسف مشى عند ابوه : لا يكون عزمته !

الجد سُليمان : اي ياولدي وش اسوي بالنهايه بيننا وعد هو طلب مني القرب وطلب مني اخطب بنته لولدي وانا وعدته عبدالرحمن ولدي ماراح ياخذ الا بنته ،

يوسف : يبه بس عبدالعزيز تعرفه انت راح يعصب!

الجد سُليمان : بس ياولدي انا عشان خاطر عبدالعزيز حتى ما عزمته على العرس وش تبي اسوي اسويه عزيمه خاصه لاسماعيل! الاثنين نفس المعزه بقلبي والي صار بينهم مالي علاقه المرحومه شبت النار بينهم ومشت ،

يوسف تنهد : الله يستر يا يبه مالوم عبدالعزيز كيف يتحمل يشوف اسماعيل ! عبدالعزيز زوجته خانته مع اسماعيل وماتت وهي تعيش هالعداوه بينهم والحين يشوفون بعض!

'

آمال دخلت غرفتها وهي تحس انها فقدانه خواتها تنهدت ومشت تطلع شنطتها تتجهز للعزيمه بعد دقايق خلصت وحطت الشنطه على جنب فزت وهي تسمع صوت نجلاء ركضت فتحت الباب وهي تشوفها : نجلااااء!!!

نجلاء مشت وهي تحضنها : كيفككك ي حيوانه اشتقت لك!

آمال : والله توي تذكرتك ليه ما كلمتيني انك بتجين!

نجلاء بضحكه : ماما اتصلت انكم بتروحون للقصيم وحلفت اجي و اروح معاكم اشتقت لملاذ ،

آمال : تراها جت الصباح ودعتنا وراحت كنت ببكي والله.

نجلاء : وين بابا وجدي مو موجودين ؟

آمال : في المجلس تعالي نمشي و ركضوا طلعوا للمجلس،

ام نجلاء ضحكت وناظرت للشغاله : سوي قهوه ،

نجلاء دخلت وهي تصارخ : سلاامممم جيتتت انا ،

الجد رفع راسه وضحك : هلاا هلا ب نور عيني ،

فهد ابتسم : تو ما نور بيتي والله قام وهو يحضنها ،

وتجمعوا يجلسون يسولفون ،

'

مشعل وقف سيارته للبر ونزل اول ما نزل ضحك وهو يتذكر نجلاء وحركاتها ابتسم بخفه : ياخوافه اشتقت لك من الحين،

و مشى وهو يشوف العم سالم مع النياق : سلام يا عم ،

العم سالم ابتسمت والتفت : ياهلا ياهلا تعال تعال ،

مشعل مشى لعنده : هاه شالاخبار كيفك؟

العم سالم : انا بخير ياولدي طمنني عنك وعن العروسه ؟

مشعل بضحكه : والله العروسه بخير وابشرك شافت نجوم الليل بعز الظهر من هالبر ،

العم سالم رفع راسه وهو يضحك : مالومها مالومها ،

الشغاله مشت حطت القهوة وهي تصب للكل ،

ام نجلاء : كيفها عمتك معك واخبار مشعل ؟

نجلاء بضحكه : يمه تكفين احسني كبرت مرره ،

آمال : خلاص يا حياتي طلعتي من فريق البنات ،

نجلاء : لا تكفين خليني مابي اطلع ،

آمال : اي بنشوف بكره تبداين حركات المتزوجات.

الجد ناظر فيها : انتي بعد بنشوف ،

آمال فزت : بسم الله انا شدخلني ،

فهد ضحك : قوموا قوموا ناموا ورانا سفر ،

الجد عبدالعزيز : اي والله قومو يلا يا يبه ،

آمال ناظرت لنجلاء : ماراح اخليك تنامين تعالي نسهر ،

نجلاء قامت معها و توجهو للغرفه ، نجلاء ركضت وهي تنسدح على سريرها : ياربي اشتقتتت لسريري ،

آمال ناظرت فيها : علميني هالشعلول شسوا فيكِ نستيني!

نجلاء قامت بقهر وهي تتذكر : الله ياخذه هالشعلول يا امال تخيلييي شسوا فينيي وانا عروسه!

امال بضحكه : شسوا علميني؟

نجلاء : ادري راح تضحكين علي تخيلي الفستان الاحمر الي اشتريته من المول توقعت البسه ونروح على عشاء رومنسي بس الله ياخذه من رومنسيه اخذني للنياق ،

امال قامت وهي تضحك : تكفين نجلاء تخيلتك بالفستان ،

نجلاء صدت : والله اني انقهرت ي امال ،

امال : بس ي حليله عالاقل اخذك ،

نجلاء : الا ملاذ زوجها وين اخذها؟ اكيد لمطعم رومنسي مو زي الشعلول حقي اخذني للنياق ،

'

سلطان دخل البيت وهو يسمع عرف انهم وصلوا مشى دخل لغرفة امه وهمس : ياهلا بريحة هلي ياهلا نورتي ،

ام صقر ابتسمت ومشت حضنته : اشتقت لك والله ،

عمر : ياكبره عند ربي ولدك اخر العنقود معك وتشتاقين لذا!

دخلت مارلينا تصارخ : اومررر اومررر بيلا هرب هرب ،

عمر فز من مكانه و ركض طلع لبرا وهو يشوف عبدالرحمن واقف عند سيارته وبيلا واقفه تناظر فيه ركض لعندها وهو يجلس على ركبته ويمسح عليها : الله ياخذك دحوم ،

عبدالرحمن : لا تخاف محد يبيها وبعدين شدخلني تدعي !

عمر : انت الي فتحت الباب وطلعت ،

عبدالرحمن : من زينها والله لو يوم كامل برا محد يقرب منها المقرفه ، القطوه قعدت تنسدح وتلحس نفسها بلسانها.

عبدالرحمن : شف شف المقرفه ،

'

صقر كان واقف يعدل شعر ملاذ : ودي اقص لك شعرك شرايك؟ احس يزعجك وهو طويل ،

ملاذ سكتت بهدوء وهي ماودها ترفض فعلًا شعرها تزعجها ،

صقر ابتسم : خليني اشوف في اليوتيوب اسوي شعرك زيهم،

ملاذ سكتت صقر مشى وهو يفتح الدرج يدور مقص واخذه وناظر فيها : موافقه صح ولا تزعلين اذا خرب؟

ملاذ ابتسمت وهزت راسها بـ اي ،

صقر ترك جواله والمقص رفع كُم ثوبه وهو يمشط شعرها

وهمس : يلا بسم الله ان شاء الله ما اجيب العيد ،

وهمس : يلا بسم الله ان شاء الله ما اجيب العيد ،

وقرب وهو يقص شعرها لين كتفها ويسمي بالله ،

خلص وناظر فيها : طالعي فيني كذا قدام ،

ملاذ كانت ساكته وهي تعودت عليه وعلى حُبه وحنيته وكلامه الحنون ودايم معها وجنبها ولا يتركها ويمشي ،

صقر ابتسم : والله وطلعت فناننن خليني انادي امي ، مشى وهو يفتح الباب ويصارخ : يمههه تعالييي بسرعه ،

ام صقر كانت جالسه تلعب بشعر سلطان وتسولف معه فزت وهي تسمع صراخ صقر خافت انها ملاذ صارت فيها شيء و ركضت طلعت متوجه لغرفتها : هلا يا يمه شصاير ؟

صقر بضحكه : تعالي تعالي شوفي ، ام صقر دخلت وانصدمت وهي تشوف صقر الي لعب بشعر ملاذ الطرف الثاني اقصر والطرف الثاني اطول وناظرت فيه : شسويتتت بالبنت!

صقر باستغراب : قصيت لها مدرج شوفي مكتوب بالمقطعه،

ام صقر : حسبي الله من ولد شسويت بشعرهاا وبكره جاين الناس!!!

صقر بصدمه : ليه مو حلو ؟

ام صقر ؛ قم معي اخذها لصالون يعدلون لها لا يشوف ابوها ويدفنك شسويت في شعر البنت انت!

ملاذ فزت بخوف من كلام ام صقر وهي تلمس شعرها ،

صقر ناظر فيها : والله حلو ي ملاذ بس امي تبالغ ،

ام صقر : قومي يا يمه اخذك للصالون يعدلون لك ،

عمر وعبدالرحمن كانوا جالسين بالصاله يسولفون مع سلطان واستغربوا من صراخ امهم والتفتو لها وهي طالع : يمه شفيكِ تصارخين شمسوي هالغبي؟

ام صقر : حسبي الله لعب بشعر البنت و قص شعرها والناس جاين بكره وناظرت لمارلينا : روحي جهزيها بسرعه ،

مارلينا مشت دخلت وناظرت لملاذ وفزت : ايشش هاداااا،

صقر التفت لها : اقول انقلعي والله طالعه حلوهه ،

مارلينا : بابا مافي هيلوو هادي في يشبه وحش ،

صقر عقد حواجبه : والله ما يشبه الوحش والشياطين الا انتي يلا يلا جهزيها بس ، وقام طلع لبرا وهو يشوفون يضحكون عليه ومشى جلس : والله اني عرفت اقص شعرها امي تبالغ،

سلطان : ياخوفي اهلها ماعاد يعرفونها ،

عمر بفضول : عادي اروح اشوفها يعني انا صغير يجوز ،

صقر فز وقام : والله لا ارفسك برجلي اجلس بمكانك ،

عبدالرحمن بضحكه : شف شف الغيور ،

سلطان : حبيبي عمر روح روح عادي زوجة اخوك وانت صغير ،

صقر : والله لا ارفسك يا عمر لو تقرب من غرفتي ،

وناظر لمارلينا الي طلعت وملاذ معها لابسه العبايه والطرحه على وجهها فز قام وهو يوقف قدام العيال : لا تطالعون ،

عمر بصراخ : ابعد اقول تراها لابسه العبايه ،

سلطان : شف الحمار كذا ولا كذا بتاخذها لبرا وبيشوفونها ،

'

آمال ونجلاء ناموا بعد سوالف طويلل وجهزو اغراضهم لبكره ،

دخلت ام نجلاء وشغلت الضوء ابتسمت وهي تشوفهم نايمين .

= صباح يوم جديد على الابطال =

كانوا جالسين بالطياره متوجهين للقصيم ونجلاء وآمال جنب بعض يسولفون ، بعد ساعات وصلوا الى ارض القصيم ونزلوا،

امال : يبه بنروح للفندق؟

فهد : اي يابنتي ناخذ لنت فندق قريب من بيتهم ،

وقف سيارة سلطان والجد سُليمان كلمهم انه حفيدهم يستقبلهم ركبوا كلهم والبنات ركبوا بهدوء ،

الجد ركب قدام : كيفك ياولدي عساك انت وكيف جدك؟

سلطان ابتسم : بخير والله وما يحتاج تتعبون وتدورون فندق ابوي كلمني وحجزت جناحين عشان تكفيكم ،

فهد : ياولدي ليه تتعبون نفسكم ماكان له داعي ،

سلطان ابتسم وهو يسوق ويسولفون بعد دقايق وقف سيارته عند الفندق ونزل يعلمهم عن الجناح ،

'

عبدالرحمن وعمر وصقر كانوا برا يشوفون الوضع كيف وجهزو كل شيء الكراسي والسجادات الاحمر والقهوجين ،

يوسف : يلا ادخلوا داخل غيرو وتجهزو وانزلو ،

صقر دخل قبلهم وهو يدور ملاذ دخل غرفة امه ابتسم وهو يشوفها جالسه تتقهوى وتسولف مع ملاذ ،

وجابوا وحده تمكيج لملاذ وتجهزها وتستشور شعرها ،

ابتسم من شاف شعرها الي عدلوا لها الصالون كان شوي فوق عن كتفها وهمس : والله قصتي كان احلا ،

ام صقر : اسكت بس ومشت وهي تتجهز ،

صقر توجه لغرفته ياخذ له شاور ويتجهز ،

'

آمال : اوف تعبت من الطياره والحين بنمشي علطول ،

نجلاء : يلا يلا بسرعه وقفت وهي تستشور شعرها ،

امال مشت وهي تتمكيج وهمست : بلبس فستان خطوبتك الاسود وطلعت وهي تلبس الفستان والكعب ،

نجلاء بعد دقايق خلصت ومشت تلبس فستان اخضر ،

بعد ساعات تجهزو وخلصوا وهم يشوفون ابوهم وجدهم يتصلون كل شيء وامهم وطلعوا بسرعه ركبوا المصعد ونزلوا لتحت الجد كان واقف ينتظرهم وفهد ولطيفه بالسياره،

'

اذن صلاة المغرب والعيال كلهم تجهزو ونزلوا وهم يشوفون الكل توجه للمجلس ووقف سيارة فهد ونزلوا الحريم دخلو داخل ، والرجال توجهو للمسجد خلصوا وطلعوا يتجمعون يجلسون الجد عبدالعزيز وقف وهو يلمح اسماعيل الي يسولف مع عمر وتجمد بمكانه وقام بتنفس بقوه والتفت لسُليمان بحده : وشششش جابههه هذاا!!؟

سُليمان بهدوء : انا عزمته وخلنا نتفاهم ،

الجد عبدالعزيز كان بيده فنجان القهوة رماه بقوه على الارض : وششش نتفاهمم وانت جايبب عدويي بفرحة حفيدتي!! الكل انصدموا والتفتوا على صراخه ،

الجد عبدالعزيز بحده : خلصوا الناس تعزمم هالابن الكلبب!

الجد سُليمان بصدمه : لااا تصارخ وخلنا نتفاهم مشاكل المرحومه ومشاكلك معه مالي يد فيه !

الجد عبدالعزيز حس بوجع بقلبه وهمس بحده وهو يرفع اصبعه : مننن بعددد اليوممم يا سُلمان لاااا اعرفك ولا تعرفني لا ادل بابك ولا تدل بابيي و..

الجد سُليمان بصدمه : لااا تصارخ وخلنا نتفاهم مشاكل المرحومه ومشاكلك معه مالي يد فيه !

الجد عبدالعزيز حس بوجع بقلبه وهمس بحده وهو يرفع اصبعه : مننن بعددد اليوممم يا سُلمان لاااا اعرفك ولا تعرفني لا ادل بابك ولا تدل بابيي واعتبرني مت من هاللحظه ،

العيال انصدموا من كلامه والتفتو لجدهم ،

الجد سُليمان تجمد بمكانه من كلامه : انت تعرف ايش قاعد تقول ؟ بسهوله تنهي صداقتنا؟؟

سماعيل وقف ومشى لعنده : وش هالكره الي بقلبك يا عبدالعزيز ترحم على المرحومه واعقل ،

الجد عبدالعزيز بحده : لا بارك الله فيها ولا فيك يا سماعيل وصد بيطلع لكن ركض صقر وهو يوقفه : جدي تكفى طلبتك ما تروح ! فهد ويوسف ركضوا لعندهم بصدمه ،

الجد رفع نظره لصقر : حفيدتي بامانتك اما جدك ماعاد صار نفس هذاك الي يخاف على قلبي من الوجع صار ما يهمه شي ياولدي لا اعرفه ولا يعرفني من هاللحظه صرنا غُراب خلي الغريب يفيده والقريب بالداهيه وصد وطلع والدموع تتجمع بعيونه سحب طرف شماغه يمسح دموعه وهو يتذكر زوجته ،

فهد التفت ليوسف الي كان واقف ويناظر ومصدوم وكان متوقع راح يصير شيء وهمس : والله فه..ماكمل كلامه الا و فهد صد وطلع لحق ابوه وهو يطلع جواله من جيبه ،

الجد سُليمان صد ومشى دخل البيت ومد يده على الجدار وهو يسند نفسه ويتنفس بقهر ،

عبدالرحمن ناظر لصقر : روح شف جدي انا خلني اتكلم مع عمي فهد يمكن يرجعون. نص المعازيم كانوا واقفين وما همسو غير بـ : اذكرو الله تعوذو من الشيطان مايصير كذا،

صقر مسك عبدالرحمن : زوجتي ي عبدالرحمن !

عبدالرحمن بهدوء : ماراح يصير لها شيء لا تخاف ولا بياخذونها منك اعرف طبعهم مهما صارت مشاكل ما راح يوصل انهم ياخذون منك زوجتك ، وصد طلع وهو يفسخ شماغه ويرميه على الكرسي وطلع لعند سيارة فهد ،

'

امال بصدمه : شعرررك متىىى قصتيهمم؟؟؟

نجلاء جلست وهي تناظر بصدمه : ملاذذ!

ملاذ ابتسمت بهدوء وهي ترفع كتوفها ،

امال قربت وهي تحضنها : يمه تغيرتي مرره ،

نجلاء ضحكت ومشت لملاذ : شوفي حتنا جيت عشانك ،

ام نجلاء كانت تضحك وتناظر لهم ،

ام صقر : اي غيرت لكم اختكم توقعت ما تعرفونها ،

امال : افا ي خالتي كيف ما نعرفها وهي نسخة ماما ،

ام صقر بضحكه : يلا تعالوا لمجلس الضيوف الحريم جالسين،

'

عبدالرحمن مشى وهو يشوف الجد عبدالعزيز بالسياره وفهد واقف ماسك جواله يتصل ومشى عندهم : عمي بتروحون؟

فهد التفت له : بعد فعلة ابوك وجدك بنجلس !

عبدالرحمن : والله ياعمي ماكنت اعرف شي مدري ليه جدي عزمه متاكد انه مو متعمد ب..قاطعه فهد وهو يحط الجوال على اذنه وناظر..

عبدالرحمن : والله ياعمي ماكنت اعرف شي مدري ليه جدي عزمه متاكد انه مو متعمد ب..قاطعه فهد وهو يحط الجوال على اذنه وناظر فيه : خلاص ياولدي مافيني اسمع اكثر ،

عبدالرحمن تنهد وسكت ،

فهد : بسرعهه انزليي وجيبي البنات انتظر تحت ،

ام نجلاء انصدمت وهي تسمع صوته كان واضح انه معصب

تركت القهوه من يدها وابتسمت للحريم الي جالسين وقامت مشت بسرعه وهي تتصل عليه : الو شصاير ؟

فهد بحده : انزلييي بسرعههه وقفل الخط بوجهها ،

ام نجلاء تغيرت ملامح وجهها ودخلت : امال نجلاء تعالوا،

امال ونجلاء كانوا جالسين مع الضيوف يسولفون وطلعوا بهدوء : شصاير ؟

ام نجلاء صدت وهي تسحب عبايتها : بسرعه البسوا ،

نجلاء بصدمه : شصاير ليه بنمشي؟

ام نجلاء بحدها : اخلصييي يلااا ولا تساليني شيء ،

نجلاء فزت بخوف ولبست عبايتها امال سحبت عبايتها ،

ام صقر طلعت بصدمه : شسالفه ليه رايحين؟؟

ام نجلاء : اعتقد جدهم تعب شوي لازم نروح وقربت حضنتها وودعتها ومشت تودع ملاذ وطلعت والبنات معها ،

'

عبدالرحمن دخل وناظر لعمر : وين ابوي وجدي؟

عمر : معرف صقر قال خلك هنا لا تتحرك واغلب المعازيم طلعوا يعني مافي عشاء؟

عبدالرحمن تنهد وصد عنه : الله ياخذ هالاسماعيل يا عمر للحين مو مستوعب كل هذا صار ، وصد ومشى وهو يدخل البيت وناظر الجد كان واقف بتعب ويوسف يشربه المويا،

وهمس : يبه ليه عزمته وانت تعرف بلي صاير!

يوسف بحده : اطلع برا ولا تزعج جدك بهالوقت ،

صقر مشى وهو يسحب عبدالرحمن معه : امشي معي ،

وطلعوا وهم يشوفون كل السيارات يمشون وتنهد بضيق ،

صقر بهدوء : جدي عزمه ناوي يخطب لك بنت اسماعيل ،

عبدالرحمن فز بصدمه وناظر : اناا! واتزوج من بنت اسماعيل؟

صقر رفع كتوفه : هذا الي سمعته وعشان كذا عزمه ،

عبدالرحمن قام بيدخل بعصبيه مسكه صقر : اهجددد ،

عبدالرحمن : من اي حق جدي قرر بدون رايي!

صقر : ماني عارف شيء بس فكر الحين شسوي انا !

عبدالرحمن : اسمعني خذ زوجتك و روح للمطار واترك الموضوع علي اتفاهم بنفسي ،

صقر ناظر لساعته وهمس : برايك كذا؟

عبدالرحمن : اي خذ زوجتك و روح المطار ،

صقر : اذا صار شي بلغني اكون بانتظار اتصالك وصد ومشى بيدخل البيت وهو يتصل على مارلينا ،

'

ركبوا السياره وهم يشوفون الهدوء الي عم السياره كله ،

والجد منزل راسه ويمسح بدموعه بطرف شماغه ،

وفهد يسوق بصمت وعيونه على الطريق ،

ام نجلاء كانت منصدمه وهمست : صاير شيء؟

سكتت وهي ما تسمع الرد منهم تنهدت وهي تناظر فيهم،

امال ناظرت لجدها بحزن وهمست : يبكي جدي!

نجلاء : اكيد بيكون صاير شيء بس ليه بابا ساكت؟

فهد..

نجلاء : اكيد بيكون صاير شيء بس ليه بابا ساكت؟

فهد كان مقهور ويسوق بقهر ما انتبه للسياره الي جاي من يساره فز وهو يوقف : الله يلعننن..نزل راسه وهو يتنفس،

'

ام صقر ناظرت فيهم بصدمه : ورا ما علمتونييي من قبلل!!

صقر : يمه انا بنفسي كنت مصدوم ولا عارف اسوي شيء ،

عبدالرحمن بحده : يمه قولي لجدي اني مو موافق ولا راح ارضى ببنته! والله لو يشنقني بثوبي ما رضيت وصد طلع،

ام صقر انصدمت من كلام عبدالرحمن الي معصب وصدت طلعت وهي تتصل على زوجها يوسف ،

صقر ناظر لمارلينا : جيبي ملاذ بسرعه من داخل ،

مارلينا مشت تجيب ملاذ من مجلس الضيوف ،

ملاذ طلعت وهي مستغربه ليه امها وخواتها راحوا بهالسرعه،

صقر ناظر فيها ومشى لعندها : بنمشي يقلبي ؟

ملاذ كانت ساكته وتفكر باهلها ليه ابوي ما جاء ولا جدي!

صقر ناظر : الحين اكلم مارلينا تغير لك وبنمشي ،

'

فهد وقف سيارته عند الفندق وهمس بحده : محنا جالسيين بهالفندق بسرعه اطلعوا جهزو اغراضكم بنمشي لمكان ثاني،

امال ونجلاء كانوا مصدومين لاول مره يشوفون ابوهم معصب لهدرجه ومقهور ، فهد كان مقهور من حرقة قلبه على ابوه وتذكر امه وشد على يده وهو يدخل الفندق ،

امال بدموع : روحي نجلاء انتي وجيبي شنطتي بعد ،

نجلاء هزت راسها بـ اي ومشت نزلت وتوجهت لجناحها ،

فهد دخل و ام نجلاء وراها ودخلوا الجناح ،

ام نجلاء بهدوء : فهد شفيك شصاير ليه معصب علمني!

فهد ناظر فيها وعيونه يلمع بدموع : ليه اهرب من الماضي يرجعوني لهه ي لطيفه ليهه!! كل ما تهربت من حقيقة امي رجعونيي لهاا ! نزل راسه والدموع بعيونه ،

ام نجلاء انصدمت وقربت حضنته : فهمني شصار!

فهد بعد عنها ومد يده يمسح دموعه بـ كُم ثوبه ،

ام نجلاء بحزن : فهد تكلم قل شيء شصار!

فهد نزل راسه : شفت زوجهااا زوجها الي ضحت فيني عشانه وتركتني وهربت معه اليوم واجهته وشفته قداميي تمنيت ي لطيفه اني امسكه و اخنقه لين يموت زي ما انا اختنقت بغايب امي لما تركتني و راحت !

ام نجلاء نزلت دموعها وقربت حضنته وهي تبكي معه ،

'

امال ناظرت لجدها ومدت يدها تمسح على كتفه ،

الجد ابتسم من بين حزنه والتفت لها : كيف كانت ملاذ؟

امال ابتسمت له : بخير كانت مبسوطه لا تخاف عليها دام زوجها صقر يحبها هو يا جدي ،

الجد بهدوء : قومي انزلي شوفي وين امك وابوكِ تاخرو ،

عبدالرحمن كان واقف بالشارع وهو يناظر للعمال الي قاعدين يشيلون الكراسي تنهد وصد وهو يشوف سلطان واقف جنبه وشماغه على كتفه : جدي غلط كثيرر بحقهم يخي هم وش ما سوو عشاننا! رحنا المدينه استقبلونا واهتمو لنا وش كان له داعي جدي يتصرف كذا !

عبدالرحمن : الي قاهرني ليه هو الكلب اسماعيل ما حس على دمه وهو جاي! من اي حق يجي اساسًا!

سلطان : والله لو بيدي ذبحته وتخلصت منه ،

عبدالرحمن : صقر كان خايف بياخذون زوجته منه ،

سلطان التفت له : توقعت كذا والله وخفت عليه ،

عبدالرحمن هز راسه بالنفي : مستحيل يخربون حياة بنتهم ما توقعت لكن من باب الاحتياط كلمته يمشي ماودي ارجع اشوف صقر الي قبل ابغاه يتهنى بحياته بعيد عن المشاكل واذا اتصل عليك وسال صار شي! قل لا ، لا تعلمه بشي ،

سلطان : ابشر وانت تعال داخل اشوف شيصير ،

عبدالرحمن صد : لو دخلت ي انا اشنق نفسي ي جدي ينشقني ماودي ادخل معه بالنقاش ولا لي حيل ،

سلطان : وش معنى انت الوحيد يتدخل بحياتك!!

عبدالرحمن : الدور جايك الظاهر مستغرب من جدي كيف صار يتصرف كذا بدون اي سوال مننا ولا حتى يشاورنا!

سلطان : ربك يحله خلني ادخل و ارسل لك عمر ،

عبدالرحمن صد : لا ذا خله بعيد عني مو ناقصه ،

سلطان تنهد وهو يمسح على كتف عبدالرحمن ودخل البيت وتركه ومشى متوجه للصاله بعد ما راحوا المعازيم كلهم، دخل وهو يشوف ام صقر جالسه و يوسف معها : وين جدي؟

يوسف : دخل ينام خله وين اخوك عبدالرحمن ؟

سلطان : ضايق صدره من بعد قرار جدي ،

يوسف : خله يعقل ويجي البيت ولا اسمع منه يتناقش جدك!

سلطان : يبه جدي ليه يسوي كذا دامه عبدالرحمن رافض!

يوسف بحده : سلطان لا تناقشني اكثر راسي يصدعني!

ام صقر قامت بخوف وسحبت سلطان للمجلس وناظرت فيه بحده : اسكتتت ولا تتكلم مع ابوك و روح كلم عبدالرحمن يجي قل له امي تقولك تعال بسرعه ولا ترفع ضغط ابوك!

سلطان : اوه وانتم الي رافعين ضغطه هنا ولاشي!

ام صقر : لا تخليني اعصب ي سلطان!

'

فهد وقف سيارته عند الشاليه وهمس : انزلوا يبه ، ونزل من السياره وعيونه احمر ، امال وقفت وهي تناظر فيه لاول مره تشوفه بذي الحاله تعبان وواضح انه بكى نزلت دموعها من حالته وقربت حضنته وهي تبكي : يبه شصاير معك !

فهد انصدم منها و صد وجهه وهو يمنع نفسه انه ينهزم ومسح على شعرها : مافيني شي يا يبه بس زعلان على اختكم فقدتها راحت من هنا ماعاد راح تشيلها هالارض ،

فهد انصدم منها و صد وجهه وهو يمنع نفسه انه ينهزم ومسح على شعرها : مافيني شي يا يبه بس زعلان على اختكم فقدتها راحت من هنا ماعاد راح تشيلها هالارض ،

ام نجلاء مشت عندها : امال ادخلي يلا يمه ،

امال هزت راسها بـ اي ودخلوا كلهم وفهد نزل الاغراض ولحقهم ودخل وهو يقفل الباب ،

امال ناظرت للمسبح وهمست : ليه ما اخذنا فندق؟

فهد : ماودي تبعدون عني وتروحون لجناح ثاني ،

نجلاء ابتسمت : هنا حلو عشان نقدر نشم هواء ،

الجد التفت لهم : انا اطلع برا شوي عندي اتصال وطلع،

فهد عرف انه ليه طلع ويدري ماهو عشان اتصال.

ام نجلاء ناظرت لفهد : ادخل تعال ،

فهد تنهد ودخل ام نجلاء لحقته و دخلوا لغرفتهم ،

امال ناظرت لنجلاء : احس صاير شي لملاذ!

نجلاء شهقت بخوف : يمه بعيد الشر يارب لا ،

امال : ليه كلهم كذا متغيرين وجدي كان يبكي وبابا بعد واضح من وجهه انه بكى وماما متغيره مرره ،

نجلاء : مدري والله ي امال متاكده صاير شيء وما يبون يعلمونا ولا يبون نعرف ،

امال تنهدت بضيق : ادخلي طيب نفسخ العبايه ودخلوا متوجهين لغرفتهم ،

'

صقر كان جالس بالطياره وسرحان وجواله بيده ينتظر رساله من اخوانه تنهد وهو يترك الجوال والتفت لملاذ : شفيكِ؟

ملاذ هزت راسها بالنفي صقر مد يده وهو يمسك يدينها ويبوس وهمس : لا تخافين من شيء علاجك لو كلفني اروح لاخر الدنيا راح اروح واخذك معي ،

ملاذ ابتسمت له بهدوء صقر حط راسه على كتفها وهو ماسك يدينها وهمس : شيلي عني هالهم يا ملاذ امسحي على قلبي وطمنيني انك ماراح تبعدين عني ولا ياخذونك مني!

ملاذ انصدمت من كلامه صقر حط يدها على قلبه وهو يتنفس وهمس : خايف ياخذونك مني وانا مالي ذنب! هالليله هربت يا ملاذ بس مو كل مره اقدر اهرب صح!

ملاذ كانت ساكته وتسمعه ومنصدمه ،

صقر تنهد وهو ياخذ جواله ويناظر ،

'

عبدالرحمن كان جالس بسيارة صقر وسلطان معه ، وساكتين

عبدالرحمن مد يده وهو يشوف باكت الدخان ،

سلطان دف يده : لا تحرق نفسك ،

عبدالرحمن : عطني ولا اقوم اشتري لنفسي ،

سلطان تنهد وهو يرميه له : اجل احرقني معك بعد!

عبدالرحمن صد : صقر ما بيصير له شي ي سلطان!

سلطان : اكسر يد الي يقرب منه او من حياته ،

عبدالرحمن : اذا كان يد ابوها ولا جدها بتكسر؟

سلطان صد : ما بيصير شيء،

عبدالرحمن : ماني خايف على حياتي كثر حياة صقر ،

سلطان : مو كنت تقول ما بيصير شي كذا؟

عبدالرحمن : جدي خيب كل ظنوني متوقع كل شيء مالي خوف من اهلها كثر ما بداخلي خوف من جدي ، وصد وهو يفتح الشباك ويولع الزقاره ،

سلطان ناظر فيه بقلة حيل وسكت ،

ام نجلاء كانت جالسه وفهد جالس على طرف السرير يفكر،

ام نجلاء : ما توقعت منهم هالشيء ،

فهد صد : ابوي انكسر يا لطيفه كان يتباهى بسُليمان وهو كسره ووقف عدوه جنبه في كسر اقوى من كذا! مو بس عدوه الا وقف امي قدامه وخيانتها!

ام نجلاء : ما يتحمل كل هالقساوه من سُليمان ،

فهد تنهد وهو يقوم : بروح اشوفه اتطمن عليه وقام طلع لبرا وفتح باب الخارجي وطلع وهو يشوف الجد جالس على دكة الدرج وسرحان جلس جنبه وهمس : شفيك ما جيت؟

الجد عبدالعزيز ناظر فيه : ماعرف وين اهرب ياولدي ،

فهد : تتهرب من ولدك وحفيداتك؟

الجد عبدالعزيز : من حقيقة امك الي رجعت واجهته ،

فهد صد : ماهي امي ولا اعترف فيها يا يبه اي ام كانت زوجتك! رمتني بوسط يدينك و هربت وخانتك! ما حست شوي على دمها تلتفت وتشوف ولدها الي تركتها! ما فكرت فيني ايش بيكون شعوري اذا عرفت حقيقتها! ما فكرت ان..صد وهو يحاول يمسك نفسه وهمس : يبه انا من سنين اهرب من هالحقيقه ماراح اسامح الي رجعني لها ولا اشوف وجهه بنتي على راسي وعيني لكن يحرم علي ارجع اخطي خطوه بهالمكان ، الجد سكت بحزن ونزل راسه ،

فهد : هالقصيم بكبره يا يبه ماراح يطفي الحرقه الي بصدري يا وسع هالارض وياضيق صدري يا يبه ،

'

نجلاء ناظرت لجواله مشعل كان يتصل تنهدت وهي تقفل الخط وهمست : يالله ابي اعرف شصار ليه فجاه كل شيء ظلم وين النور الي كان ينور حياتنا! ما اشوف الا الظلام!

ليه الكل عيونه امتلى بالدموع وين الضحكات الي كنت اسمعه يوميًا شصاير ي امال!

امال صدت بهدوء : حاسه نفسي وكاني بعزاء ي نجلاء وشكله عزاء ضحكاتنا وفرحتنا عظم الله اجر الضحكات الي كنت اسمعه من جدي وابوي ما اشوف بعيونهم الا الدموع وما ظنتي ارجع اشوف الضحكه ،

نجلاء بحزن : صاير شي ومتاكده بس ماني عارفه شصاير ،

امال ناظرت فيها : ابي اتطمن على ملاذ شاغله بالي ،

نجلاء : كيف نتطمن عليها!

امال : احتاج رقم زوجها صقر ابي اتصل واسال و اتاكد اذا ملاذ مافيها شيء مدري ليه خايفه!

نجلاء : من وين اجيبه من مين اطلب الكل مدري شفيهم ،

امال سحبت جوالها : بطلبه من اخوه عبدالرحمن ،

نجلاء : اطلبي من اي احد بس تكفين بسرعه خوفتيني معك،

'

سلطان : خلنا ندخل نريح شوي ننام ؟

عبدالرحمن : مافيني نوم ولا اظن بيجيني ،

سلطان : يخي انسى كل شيء وخلنا ننهي الموضوع ،

عبدالرحمن التفت له : ننهيه وما نقفل الابواب للابد!

سلطان : هُم قفلوه يا عبدالرحمن حتى من الفندق طلعوا ولعله من القصيم بكبره ،

'

الجد سُليمان كان منسدح وسرحان وهو يتذكر كلام عبدالعزيز الاخيره ( لا ادل بابك ولا تدل بابي ) قام..

الجد سُليمان كان منسدح وسرحان وهو يتذكر كلام عبدالعزيز الاخيره ( لا ادل بابك ولا تدل بابي ) قام جلس على السرير وهو يحاول يلقط انفاسه عمر كان جالس بالغرفه فز و ركض له بخوف : جدييي شفيكك وقام يصارخ : يبهه،

يوسف انصدم من الصراخ و ركض للغرفه لعنده وناظر بصدمه و ركض وهو يمسكه ويطبطب على ظهره ويشربه المويا ،

'

عبدالرحمن كان جالس يدخن ويفكر بـ صقر فجاه رن جواله استغرب اخذ الجوال وهو يشوف الرقم و رد بهدوء : هلا؟

آمال بهمس : السلام عليكم ممكن رقم صقر؟

نجلاء قربت من عند آمال وهي تسمع ،

عبدالرحمن بهدوء : بتعلمينها؟

آمال باستغراب : اعلمها وش ما فهمت؟

عبدالرحمن : عن الي صار ! صقر ما وده يا بنت فهد ،

آمال : معرف شقاعد تقول ماني فاهمه اصلًا شصار؟

عبدالرحمن : ابوك وجدك وينهم طيب؟ في شي بخصوص زوجة صقر جايه تطلبين رقم صقر؟

آمال : لا مافي شي ابي اتطمن عليها ابي اعرف وشفيها وليه ابوي وجدي لما رجعوا من عندكم وهم متغيرين ومتضايقين! ابي اعرف اختي شفيها ؟

عبدالرحمن تنهد وهمس : مافيها شي بخير هي ،

آمال : ابي اعرف بنفسي واتطمن عطني رقم صقر!

عبدالرحمن : ماراح اعطيكِ وطلبتك لا تقربون من حياة صقر !

آمال بصدمه : شقاعد تقول ماني فاهمه شي !

عبدالرحمن : راح تفهمين بعدين بس من الان اقولك فكري بحياة اختك قبل كل شيء وسوي اي شي وانا راح احاول مع اهلي وانتي حاولي مع اهلك لا يقربون من ملاذ وصقر ،

امال تجمدت بمكانها بخوف : ءليه فهمني عشان اقدر اسوي شي ماني فاهمه شقاعد يصير!

عبدالرحمن : جدك وابوكِ شافو اسماعيل بالعزيمه ارتحتي!

امال فزت بصدمه وتجمدت بمكانها : ءءزوج جدتي صح؟

عبدالرحمن تنهد : ايي وجدك زعل من جدي وقفل كل الابواب للابد وخايف بياخذون اختك من اخوي ،

امال بدموع : ءءبس كيف صارت كل هذا! مستحيل بياخذون ملاذ انا شفت ملاذ مبسوطه ماراح يسوي جدي كذا!

عبدالرحمن : توقفين معي؟

امال سكتت بهدوء والتفتت لنجلاء الي كانت مصدومه وتجمعت الدموع بعيونها وسمعت كلامه واشرت لامال بمعنى قولي اي ،

امال بهدوء : اي عشان خاطر ملاذ وحياتها اسوي اي شي ،

'

ام صقر : طب خذه المستشفى ؟

يوسف تنهد وهز راسه بالنفي : رافض مايبي يمشي ،

ام صقر : معرف وش صار فجاه ! كنا مبسوطين ومرتاحين بزواج صقر وبلحظه انهدم كل شي يا يوسف!

يوسف : ماعاد يهمني وش هدم لكن حياة ولدي ما ينهدم ،

ام صقر ناظرت فيه : وش تتوقع بيتركون بنتهم برقبتنا؟

يوسف : هي برقبة صقر وعلى ذمته ! ويخسي الي يقرب ان كان ابوها ولا جدها ولا كل قبيلتها ،

ام صقر ناظرت فيه بصدمه من كلامه وسكتت ،

مشعل تنهد وهو ينزل من سيارته دخل البيت وهو يشوف البيت هدوء مشى دخل لغرفته وهو يفكر بـ نجلاء الي ما ترد ، ترك جواله على السرير جلس وهو يفكر و رجع اخذ جواله وهو يتصل ، نجلاء كانت جالسه مع امال رن جوالها فزت واخذت الجوال وطلعت لبرا وهي ترد : هلا مشعل؟

مشعل : وينك كم لي اتصل ما تردين! طمنيني عنك؟

نجلاء بهدوء : بخير بس كنت نايمه مع امال ،

مشعل ناظر لساعته : مسرع انتهى العزيمه؟

نجلاء ضربت جبهتها بغباء : لا بس جدي تعب و رجعنا ،

مشعل : اووه وانا عجزت انام بدون ما اتطمن عليكِ ،

نجلاء نزلت دموعها وهي تتذكر جدتها وهمست : مشعل اقدر اكلمك بعدين؟

مشعل بصدمه : نجلاء تبكينن؟

نجلاء : لا تسالني ليه بس تكفى طمنني يا مشعل كل شي بيكون بخير ومحد يتاذى !

مشعل انصدم وهمس : نجلاء قلبي تكلمي شصاير لك؟

نجلاء بدموع : مشعلل تكفى لا تسال بس تعبانه ،

مشعل بهدوء : اتصل عليكِ وافتحي الكام بشوفك واتاكد بنفسي اذا تعبانه ولا صاير شي وتخبين عني؟

نجلاء تنهدت : جدتي ي مشعل ذكرياتها والكوابيس رجعتت،

مشعل فز من مكانه : جدتكك؟؟ وش جاب طاريها ،

نجلاء : جدي شاف زوجهاا بالعزيمه و انهد حيله يا مشعل ليت لو تشوف حالته وحالة ابوي كيف صايرين ،

'

= تحديدًا في المانيا وصلوا ملاذ وصقر =

توجهو للفندق صقر كان جالس وملاذ على السرير نايمه تنهد واخذ جواله ومشى عند الشباك وهو يتصل على عبدالرحمن،

عبدالرحمن كان جالس بالحوش وهو يناظر لشيهانه ويتذكر الجد عبدالعزيز وابتسم : انت رحت يا عمي بس شيهانتك عندي بـ امانتي مد يده بيطلعه لكن فجاه رن جواله اخذه وهو يشوف اسم صقر و رد بهدوء : ياهلا ياهلا وصلت بالخير؟

صقر : وصلت بس مدري بقية حياتي خير ولا شر ،

عبدالرحمن : خير يا صقر وان كان عسى ربي يمحيه لك ،

صقر تنهد : معرف ليه يا عبدالرحمن خايف من كل شي حولي،

عبدالرحمن : خاف من جدك يا صقر ماعاد صار هذاك الشخص ونفس ما قال عمي عبدالعزيز همه الغريب والقريب في ستين داهيه وقفت قدامك اقوله ماودي ببنت اسماعيل مالقيت الا الصد ودليل اني في ستين داهيه انا و رضاي اما رضا الغريب اسماعيل اغلى من رضاي ،

صقر : يخسي اسماعيل وطوايفه رضاه ادوس عليه بطرف رجلي نفس ما ادوس على الزقاره لا انتهيت منه ،

عبدالرحمن : بس قبل تدوس عليه هو يحرقك ويتخلص منك يا صقر جربته انا يا صقر و دست عليه وطفى بس حرقة صدري ما طفى ،

سلطان كان جالس بالصاله و سرحان وناظر لعمر الي كان جالس معه وبيلا بحضنه ويمسح عليها ،

سلطان : ليتني هالقطوه يا عمر ولا احس بشيء ،

عمر ابتسم بخفه : تحس يا صقر تحس اكثر مننا ،

سلطان : عندها الي تمسح عليها بس حنا لا ضعنا ما نلقى الي يمسح علينا ويواسينا انه بنطلع من هالكابوس ،

عمر ناظر فيه : متضايق حيل اشوفك؟

سلطان : هربت من فرحتكم وركضت ورا القضيه و خسرته ولا شفت فايده ويوم جيت التجي لفرحكم ضعت معاكم ،

عمر : ما توقعت هالدنيا لهدرجه سريع امس حنا بـ ارض المدينه نرقص والسيوف بيدينا واليوم بـ ارض القصيم السيوف انطعنت بظهرنا يا سلطان مدري حنا طعننا بعض ولا الغريب الي طعننا ماني عارف ايش هالظلام الي جاء بحياتنا،

سلطان : ما همني هالظلام كثر همي صقر وحياته ،

عمر : عساه وصل ؟

سلطان رفع كتوفه : ما كلمته ولا ودي ماراح اتحمل وهو يشتكي لي يا عمر ولا اقدر احضنه ،

'

آمال ناظرت لنجلاء : توقعت كل شيء الا انه هالخبيث يجي!

نجلاء : معرف ليه يختي عمي سُليمان سوا كذا؟؟؟

آمال : في سبب اكيد مستحيل يوجع قلب جدي وهو يعزه!

نجلاء : ما ظنتي يا امال هذا جدي الي يعز الغريب والقريب ويعز الكل ليت يعزونه زي ما يعزمهم ويخافون على قلبهم،

آمال : تهقين جدي بياخذ ملاذ ؟

نجلاء : معرف لكن لو اخذها ف هو معه حق ،

آمال بصدمه : اي حق يا نجلاء! مالها ذنب لا هي ولا زوجها !

نجلاء : معرف شيء يا امال ابي انام وارتاح واهرب من كلشي،

'

عبدالرحمن كان جالس لوحده بالحديقه ويناظر لشيهانه ما تحرك من مكانه طلع سلطان وهو يدوره ومشى لعنده ووقف قدامه : مانت ناوي تنام وتريح راسك؟

عبدالرحمن هز راسه بالنفي : مافيني نوم روح نام انت ،

سلطان : في شي جديد طيب؟ ايش فكرت؟

عبدالرحمن بهدوء : معرف بس بنت فهد تواصلت معي كلمتني عرفت انهم بـ ارض قصيم يا سلطان افكر انهي هالزعل بينهم اطيح هالحطب وشكلي انا الي بطيح ولا القى المخرج،

سلطان مد يده لكتف عبدالرحمن : اسندك انا ،

عبدالرحمن ابتسم بخفه : من بعد صقر ما القى الا يدك وشكلي تعودت يوم صقر يحط يده يواسيني ويوم انت ،

سلطان : ومن بعدي عيالك يا عبدالرحمن ،

عبدالرحمن رفع نظره له : من بنت اسماعيل؟

سلطان : تخسي وتعقب ،

عبدالرحمن ضحك من كلامه ونبرة صوته ،

سلطان ابتسم : فقدت هالضحكه منك يخي ،