الفصل الحادي والعشرون

رواية اللؤلؤ والأخرس الجزء الحادي والعشرون 21 بقلم أميرة خالد اللؤلؤ والأخرسرواية اللؤلؤ والأخرس الحلقة الحادية والعشرون وفضلت ايناس تعيط اما العيله كانوا قاعدين تحت بيفطروا وقالت بسمه انا هطلع يا يسري اشوف البنات ما نزلوش ليه قال لها خليك يا حبيبتي وانا هبعت روان تشوفهم ردت عليه لا يا حبيبي انا هطلع اشوفهم انا عشان ماجي متغيره اليومين دولت رد عليها طيب يا حبيبتي خلي بالك من نفسك

وطلعت بسمه وكانت رايحه ناحيه اوضه البنات وسمعت صوت عياط جايه من الاوضه اللي جنب البنات وقربت وفتحت الباب بالراحه ولقت ايناس بتعيط وقربت منها وهي بتقول مالك يا حبيبتي بتعيطي ليه وايناس ما ردتش وفضلت تعيط وقعدت بسمه جنبها ومشيت ايدي على ظهرها بحنيه اهدي بس يا حبيبتي وفهميني في ايه رفعت راسها ايناس وحكيت لها كل اللي حصل من حازم وقالت بسمه انا عارفه ان انتي هتزعلي مني من اللي هقوله

بصيت لها ايناس باستغراب وكملت بسمه كلامها انتى غلطانه هو بيشتغل وكمان انا عرفت ان في مشاكل في الشغل ولازم انتى تكوني اول واحده واقفه جنبه وتدعميه في شغله ما تبقيش واقفه له على الكلمه ردت ايناس طب انا غلطت في ايه انا زي اي بنت محتاج خطيبي يبقى جنبي وافرح انه مهتم بيا

ردت بسمه يا حبيبتي الكلام ده لو هو فاضي وما عندوش مشاكل اما احنا عارفين ان شغله في مشاكل ولازم تقفي جنبه قومي يلا اغسلي وشك وغيري هدومك عشان تروحي تقابليه وتتاسفي له على اللي حصل منك قالت ايناس انتى شايفه كده قالت لها طبعا ويلا بقى مش عايزه بنوتي الحلوه تعيط تاني عقبال ما اشوف البلاوي التانيين ابتسمت ايناس وحضنتها وقالت لها شكرا على كلامك معايا ونصيحتك ليا

و ردت بسمه بحنيه يا حبيبتي انا زي ماما واي حاجه تبقي متضايقه منها تعالي قولي لي وهتلاقيني واقفه جنبك فرحت ايناس من كلامها وقامت دخلت الحمام وخرجت بسمه ودخلت اوضه البنات ولقيتهم صاحيين وكل واحده قاعده في مكان وسرحانه وقربت من اللؤلؤه وقالت لها مالك يا حبيبتي في ايه ردت لؤلؤه ما فيش حاجه يا ماما انا كويسه وقامت دخلت الحمام وبصيت بسمه باستغراب وقربت من ماجي قالت لها مالك يا حبيبتي في ايه مالكم متغيرين الفتره ديت ليه

ردت ماجي ما فيش حاجه يا بسبوسه ما انتي عارفه ان لؤلؤه قلقانه عليك انتي وعمو ردت بسمه طيب يا ستي انا عرفت كده لؤلؤه سرحانه في ايه المهم انتي مالك وما تقوليش ما فيش حاجه عشان مش هصدقك ردت ماجي بصراحه كده يا بسمه بابا هنا وشفته بس انا سبته ومشيت وما حبتش اتكلم معاك وهو حاول كذا مره وانا ما اديتهوش الفرصه مش عارفه ان انا كده غلطانه ولا لا

ردت بسمه بصي يا حبيبتي هو اللي انتي عملتيه ده غلط ومهما كان ده باباكي وربنا وصانا بالاب والام وقال لنا حتى لو هم كفره لازم نسمع كلامهم المهم ان احنا ما نشركش بالله واللي انتي عملتيه غلط كنت لازم تسمعيه وتشوفيه هو عايز يقول لك ايه

ردت ماجي انا عارفه يا بسمه كل الكلام ده بس احنا مش ملايكه احنا بشر ودايما بيبقى في نقطه سوداء في قلبنا بتخلينا ما نقدرش نسامح اي حد غلط في حقنا حتى لو كان اقرب الناس لينا وانتي ما تعرفيش هو عمل ايه معايا ومع امي كفايه انه ما بيسالش علينا ولا يعرف اخبارنا ردت بسمه انا عارفه يا حبيبتي وفاهمه شعورك ايه بس اللي اقدر اقوله لك ان مامتك لو عرفت هتزعل منك انك ما كلمتهوش وانا متاكده من كده

ردت ماجي عشان هي لسه بتحبه وما قدرتش تنساه ولسه عايشه على ذمته ورافضه الطلاق ردت بسمه شفتي بقى ان هي بتحبه ومستحيل تبعد عنه حتى لو عمل ايه ما انتى مش هتفهمي يعني ايه يا حب غير لما تحبي ردت ماجي هو انا عشان احب لازم انسى كرامتي وانسى نفسي واحس ان انا عبده ليه

ردت بسمه اسمعيني يا ماجي عمر الراجل ومراته ما يبقى بينهم كرامه والكرامه ديت بتبقى بين الاصحاب او الزمايل في الشغل او اي حد غريب اما الزوج والزوجه ما بيبقاش عندهم كرامه عشان لازم نسامح وندي اعذار عشان الحياه تمشي ردت ماجي طيب يا بسبوسه ريحي نفسك ويلا عشان ننزل نفطر ويا ريت ما تقوليش لماما على الموضوع ده ضربت بسمه كتفها وقالت لها من امتى وانا بقول لامك حاجه بس اعملي حسابك اني ممكن اخليها تيجي عشان هي وحشتني قوي

ضحكت ماجي قالت لها بتحلمي مستحيل ماما تنزل مصر ردت بسمه هتشوفي يلا قومي وهاتي البلوه الثانيه وانزلوا عشان تفطروا قالت لها حاضر وخرجت بسمه وهي محترمه قرار ماجي انها مش حابه تتكلم في الموضوع اكثر من كده اما تحت كل متجمع وفي المطبخ كانت كوثر بتعمل شاي بلبن وبتصب في الكوبايات وسمعت يسري بيقول لها معلش يا كوثر ممكن تعملي لنا كوبايه لبن لبسمه عشان تبقى تاخد العلاج

ردت عليه من عيني الاثنين يا يسري وهي بتصب كوبايه اللبن دخلت صابرين المطبخ شافتها نغم وقفت على جنب وقالت صابرين ناولي لي يا كوثر طبق الجبنه الرومي من التلاجه قالت لها حاضر وراحت كوثر عشان تطلع الطبق وقربت صابرين وهي بتطلع من صدرها قزازه وفتحتها وفضيتها في الكوبايه اللبن وشالتها تاني في صدرها ورجعت كوثر وهي بتديها الطبق واخدته صابرين وخرجت

اما كوثر خدت صينيه الكوبايات وخرجت بيها على السفره والكل قاعد بيفطر وقال يسري البنات فين يا بسمه ما نزلوش معاكي ليه قالت له نازلين ورايا و ردت ماجي وهي على السلم احنا اهو ونزلوا قعدوا معاهم عشان يفطروا ونغم كانت قاعده وعنيها على كوبايه اللبن وعلى امها اللي بتبتسم بين الوقت والتاني وقال يسري طب يلا بقى يا بسمه خدي كوبايه اللبن بتاعتك عشان تاخدي العلاج

ردت عليه حاضر يا حبيبي واخذت الكوبايه وصابرين فرحت ونغم وقفت وقربت من بسمه ممكن بس طبق الجبنه الرومي اللي قصادك ده بس يا بابا قال لها طيب يا حبيبتي وبيديها الطبق نغم خبطت بسمه ووقعت اللبن عليها وقالت بسرعه انا اسفه والله ما كان قصدي ردت بسمه ما فيش مشكله يا حبيبتي عادي انا اقوم اغير هدومي وصابرين اتعصبت وبصيت على نغم اللي لقيتها بتبتسم و قال يسري قومي يا لؤلؤه هاتي كوبايه لبن لمامتك

ردت نغم خليك انت يا لؤلؤه انا هجيب لها انا ودخلت المطبخ وقامت صابرين ودخلت المطبخ وهي متعصبه وشده نغم من ذراعها وقالت لها ايه اللي انتي بتعمليه ده ردت عليها عملت ايه يعني اه هو انتي قصدك على اللبن اللي وقع اللي انتي حطيتي فيه حاجه اتصدمت الصابرين وحطت ايديها على بق نغم وقالت لها اخرسي خالص سكت نغم

و قالت له صابرين انتي فاكره ان انتي هتقدري تخليها تفلت من تحت ايديا تبقي بتحلمي انا هخليها تمشي وكمان تطلب الطلاق من ابوكي نغم زقه ايديها وقالت لها تبقي بتحلمي انا قاعده لك ومش هخليها يحصل لها حاجه هي ولا الطفل اللي في بطنها فاهمه ولا لا ردت صابرين وده من امتى ولا خلاص بقوا مهمين عندك اكثر من امك

ضحكه نغم بسخريه وقالت لها امي طب بصي بقى انا اللي هقف لك ولو عملت حاجه ثانيه هقول للعيله كلها على اللي انتى عملتيه فاهمه ولا لا و صبه نغم الكوبايه اللبن وخرجت بيها وصابرين كانت واقفه متضايقه من اللي حصل اما عند حازم كان قاعد متضايق من اللي حصل في المكالمه واقرب جوده منه وقال له مالك يا ابو نسب متضايق ليه رد حازم بقول لك ايه انا مش فايق لهزارك ده

رد جوده مالك يا حازم في ايه ما خلاص الشغل قرب يخلص واذا كان على البنت والقضيه المحامي طمنا وكل حاجه هتتحل رد حازم انا اتخنقت مع ايناس وقفلت السكه في وشها وهي شكلها زعلت جامد رد جوده واللي خلاك عملت كده وانت عارف انها بتحبك رد عليه انا عارف بس بقى اللي حصل رد جوده طب روح لها بصالحها قال له ان شاء الله خلينا نخلص بقيه الشغل ونخلص من الهم ده رد جوده يلا يا عم

اما عند هاشم قال عايز حاجه يا جدي احنا رايحين مشوار انا وابراهيم رد الجد رايحين فين رد هاشم مشوار بسيط ومش هنتاخر قال له ماشي بس ما تتاخرش وخرجوا اما لؤلؤه كانت عينيها عليهم وحزينه من اللي حصل وقالت شاديه يلا خلينا نروح نقعد على البحر شويه يابا رد عثمان يلا يا بنتي يلا يا بنات عشان تخرجوا رد سيف بعد اذنك يا جدو ممكن اخذ ريم ونروح مشوار رد الجد روح يا حبيبي وكلهم راحوا على الشاطئ وقعدوا

و قالت بسمه بصوت هادي روحي يلا يا ايناس صالح يا حازم قالت لها حاضر وقامت قربت من يسري وقالت له بعد اذنك يا بابا عايزه اروح اجيب حاجه ومش هتاخر رد عليها هاتوه يا حبيبتي بسمه مسكت ايديه بمعنى سيبها تروح بص لها قوي وهي داست على ايديه بمعنى هفهمك بعدين قال لها خلاص يا حبيبتي وروحي ولو احتاجت حاجه اتصلي علي او على اخوك قالت له حاضر ومشيت ايناس وهي مبسوطه

اما نغم كانت عينيها على صابرين في كل حركه ولؤلؤه وماجي قاعدين في مكانهم وقالت شاديه مالكم يا بنات قاعدين كده ليه رد توفيق فعلا غريبه انهم قاعدين كده ساكتين ردت ماجي ما فيش حاجه يا شوشو بس انا صاحيه تعبانه شويه مش حابه اروح في حته ردت روان ليه يا حبيبتي تعالوا نتمشى شويه انا اتخنقت من القاعده ديت ردت كوثر قوموا يا بنات اتمشوا بدل القاعده ديت قاموا البنات ويتمشوا

ونغم فضلت قاعده ويسري قال لها ما تروحي يا حبيبتي تتمشي معاهم ردت عليه لا يا بابا انا عايزه اقعد معاكم قال لها طيب يا حبيبتي اما ايناس وصلت الفندق وسالت على حازم رد الموظف انهم الشاطئ الغربي وقالت له شكرا وخرجت تروح عند الشاطئ اما هاشم وابراهيم وصلوا المستشفى ودخلوا المعمل عشان ياخدوا النتيجه وقال هاشم بالاشاره انت هتزعل لو هو طلع ابنك

ابتسم ابراهيم وقال له بالاشاره مستحيل ازعل بالعكس انا مبسوط الفتره اللي احنا قعدناها مع بعض خلتني اتمنى ان يكون ابني رد هاشم بالاشاره كويس جدا بس انت هتقول للعيله ازاي رد ابراهيم بالاشاره مش مهم المهم ان اعرف النتيجه وساعتها يحلها الف حلال رد هاشم حاضر ودخل المعمل كلم الموظف ايوه يا فندم اقدر اساعدك ازاي رد هاشم في تحليل هنا دي ان اي وعايزه اعرف النتيجه رد الموظف تمام باسم مين قال له ابراهيم توفيق عثمان

رد الموظف تمام موجود ثواني هطبعه لك وفعلا الموظف طبع النتيجه واديها الهاشم اللي اول ما شافها ابتسم وخرج لابراهيم واداله النتيجه وفتحها واول ما شافها ابتسم قال هاشم بالاشاره مبروك يا صاحبي وحضنه وابراهيم مبسوط وحضن هاشم و قال هاشم بالاشاره يلا بينا نروح نشوف هنقول للعيله ازاي رد ابراهيم مش دلوقتي لما يعمل العمليه واطمن عليه نبقى نقول رد هاشم تمام يا صاحبي وخرجوا من المستشفى وركبوا العربيه

اما عندي ايناس فوصلت عند حازم وشافته وهو شغال وبيزعق وقفت على جنب تتفرج عليه وهو بيشتغل و شافها جوده واقرب منها واقول لها ايه اللي جابك هنا يا ايناس ردت عليه ما فيش جاي اطمن على حازم هو عامل ايه دلوقتي رد جوده كان في شويه مشاكل بس الحمد لله اتحلت واهو حبيب القلب مطلع عينينا في الشغل ابتسمت ايناس وقالت له معلش ربنا يعينكم المهم هتخلصوا امتى رد جوده اول مشهد ده وخلاص

قالت له طيب اتكلم جوده باحراج ممكن اسالك على حاجه ابتسمت ايناس وقالت له قول يا جوده محتاج حاجه رد عليها باحراج هي نغم عامله ايه ردت ايناس كويسه الحمد لله وقاعده على الشاطئ هناك ابتسم وجوده وسابها ومشي و هي فضلت واقفه تتفرج على حازم و هي منبهره باللي بيعمله بعد وقت خلص حازم الشغل وقرب جوده منه وقال له في ودنه مراتك واقفه هناك

ولف حازم بسرعه بلهفه وشافها واقفه قام واقف وراح ناحيتها وهو مشتاق لها وقرب منها وكان لسه هيتكلم اترمت ايناس في حضنه وقالت له انا اسفه يا حازم اني ما قدرتش اللي انت فيه بس صدقني غصب عني انا بحبك ما اقدرش ابعد عنك ابدا انت مش جوزي بس لا انت حبيبي وابويا وامي واخويا وكل دنيتي وعيطت وحازم حضنها وطبطب عليها وقال لها حقك عليا يا حبيبتي والله غصب عني الدنيا كانت ملخبطه عندي بس خلاص كل حاجه اتحلت ووعد مني مش هبعد عنك تاني

ردت ايناس وهي بتمسح دموعها زي الاطفال ما فيش منه الكلام ده وانا رجلي على رجلك حتى في الشغل هفضل معاك ابتسم حازم ومسك ايديها وبسها طب يلا يا قلبي تعالي نخرج ردت ايناس لا مش عايزه اعطلك على شغلك رد حازم ما فيش عطله ولا حاجه انا خلصت الشغل ردت ايناس بحيث كده بقى انا جايبه لك هديه يا رب تعجبك استغرب حازم وقال لها هديه ايه وراحت فتحت الشنطه وطلعت منها علبه

وقالت له اتفضل وفتحها حازم وشاف ميداليه فضه مكتوب عليها اسمه وتاريخ ميلادها وتاريخ كتب كتابهم ومن الناحيه الثانيه مكتوب انا لو لفيت الدنيا كلها عمري ما هلاقي زيك يا حازم يا حبي الوحيد ابتسم حازم وقال لها وكمان شاعره ده من امتى يا بنت وجبتيها امتى ضحكه ايناس وقالت له ما انا نزلت مع سيف وريم وجبتها لك يا رب تعجبك رد عليها طبعا عجبتني يا حبيبتي بس بعد كده ما فيش نزول من غير ما نعرف فاهمه ولا لا يا بت

ردت عليه فاهمه يا حبيبي قال لها طب يلا بينا واخدها ومشي اما في العربيه سيف كان مع ريم وبيتكلموا وقالت له ريم في موضوع كنت عايزه اقول لك عليه بس يا ريت ما تفهمنيش غلط رد سيف قولي يا حبيبتي وانا عمري ما افهمك غلط

ردت عليه بصراحه كده انا كنت رافضه خطوبتنا عشان قلبي كان مع حد تاني وسيف كان ساكت وبيسمع كلامها وكملت بس صدقني كل حاجه اتغيرت انا شفت فيك اللي عمري ما حسيته مع حد تاني ويعلم ربنا اني عمري ما اتكلمت مع الشخص الثاني ده خالص وكان حب من طرف واحد وهو انا طبعا بس الحمد لله ان كل حاجه اتغيرت كنا انا فوقت قبل فوات الاوان وعيطت ووقف سيف العربيه وقال لها وهو بيمسك ايديها وانا عارف الكلام ده كله وكنت مستني اسمعه منك

اتصدمت ريم وقالت له انت كنت عارف رد عليها طبعا وسمعتك لما اتكلمت مع هاشم وعارف كل اللي حصل وانا مش زعلان ده اعجاب طفولي المهم انتي بقيتي مرات مين وبتحبي مين دلوقتي ردت ريم بسرعه والله العظيم بحبك انت وعمري ما كنت هخونك من ساعه ما اتكتبت على اسمك رد سيف وانا عارف انتي تربيتي يا بنتي ابتسمت ريم وقالت له انا كده ارتحت عشان ما اكونش مخبيه عليك حاجه وبسها من خدها وقال لها ممكن بقى نخرج ونتفسح وسيبك بقى من النكد ده ابتسمت

وقالت له يلا بينا اما عند روان و ماجي ولؤلؤه كانوا بيتمشوا