الفصل العشرون

رواية اللؤلؤ والأخرس الجزء العشرون 20 بقلم أميرة خالد اللؤلؤ والأخرسرواية اللؤلؤ والأخرس الحلقة العشرون وصلوا كلهم الشاليه وقال يسري ما خرجتوش ليه يا ولاد. ردت روان والله يا خالو ما عارفه ايه اللي حصل هاشم كان عايز يروح ردت كوثر ليه ايه اللي حصل قالت لها مش عارفه يا مرات خال وقالت ايناس يلا تصبح على خير هطلع انام انا ونغم قالت وانا كمان طالعه نام يلا يا ايناس

وقالت بسمه بقول لك ايه يا يسري ما تقعد تتكلم شويه مع هاشم بتفهم منه في ايه قال لها حاضر وبص لروان وقال لها هاشم فين قالت له قاعد بره في الجنينه قال لها ماشي وخرج يسري الجنينه لقي هاشم قاعد سرحان قرب منه وقال له مالك يا حبيبي سرحان فيه رد هاشم ما فيش حاجه يا بابا انا بس تعبان شويه

رد يسري انا عارف يا هاشم انك شايل كتير في قلبك مش عايز تتكلم بس اللي متاكد منه دلوقتي وهكون عايز تتكلم وانا هكون مستنيك عشان اسمعك سامع يا هاشم رد عليه حاضر يا بابا اول ما اجي هتكلم هكون انت اول واحد اسمعني وصلوا عربيه سيف والكل نزل ونزلت ماجي وقالت انا هروح اقعد على البحر شويه يا لؤلؤه قالت لها طب استنى اجي معاكي قالت ماجي طب يلا وراحوا قعدوا على البحر وقالت اللؤلؤه ممكن بقى اعرف ايه اللي حصل

ردت ماجي بابا هنا يا لؤلؤه ردت عليها بجد طب كده كويس اهو تقعدي معايا يومين قالت لها اصبري بس هو هنا مش لوحده مع مراته وبنته وسام ردت لؤلؤه طب ايه المشكله ردت ماجي بدموع المشكله مش هقدر اكدب على ماما واقول لها اني قابلت صدفه وكمان ماما ممكن تزعل وتفتكر اني نزلت مخصوص عشان اقابله ردت لؤلؤه ما تقوليش كده طنط متفاهمه ولو عايزاني اكلمها واقول لها ما فيش مشكله

ردت عليها لا ما تكلمهاش مش عايزاها تفتكر وتفضل تعيط هي لسه بتحبه ومش قادره تسامحه على اللي عمله ردت لؤلؤه طب ما تتكلمي معاها وارجعوا عيله مع بعض زي الاول ردت ماجي عشان يغيب عليا بالشهور والسنه وفي الاخر نبقى عيله وماما هي اللي تتوجع مستحيل اعمل كده مع اني اول ما اترميت في حضنه كنت مبسوطه وفرحانه بس لازم اكون قويه عشان يعرف غلطه ردت لؤلؤه يا بنتي بلاش اللي انتي بتعمليه ده واسمعيه وافهمي هو عمل كده ليه

ردت عليها ان شاء الله يلا خلينا نرجع ورجع الشاليه هاشم كان قاعد قدام الشاليه واول ما شافه راجعين قال اللؤلؤه انا عايزك في موضوع مهم ردت عليه حاضر ماجي قالت انا هطلع انا هستناكي فوق قالت لها طيب وطلعت ماجي وقالت لؤلؤه في حاجه يا هاشم رد عليها بصراحه الموضوع كبير وانا مش عارف ابدا منين ردت لؤلؤه قول يا هاشم انا سامعاك وحكى لها كل حاجه وشكه ان برق يكون ابن ابراهيم واتصدمت اللؤلؤه وقالت له متاكد من الكلام ده

رد عليها ايوه متاكد الصور اللي برق فيها مع هايدي وكمان انا خليت حد يسال في الموضوع الخوف كله ان ابراهيم ممكن يعمل مشكله كبيره لما يعرف ان هي خبيت ابنه ثمان سنين ردت عليه طب ما هي ماتت يعني خلاص انتهت رد عليها المشكله ان ممكن الحاله النفسيه ترجع له تاني واحنا مش عايزين ترجع له تاني ردت عليه طب انت عايزني اعمل ايه

قال لها انتي اقرب واحده دلوقتي وانا شايف انه بدا يحبك وانا عايزك تفضلي جنبه ونعرف نقول له الموضوع ده ازاي بس الاول نتاكد ان ده ابن ابراهيم ردت عليه طب وهتتاكد ازاي قال لي انا هعمل لهم تحليل دي ان ايه قالت له طيب انا معاك وزعلت وهاشم قال لها انا عارف ان انتي بداتي تعجبي بيه وقلبك يدق وده باين في كلامك ونظراتك ليه بس صدقيني ابراهيم كان ضحيه لواحده جشعه وبتاعه مصلحتها

ردت عليه انا عارفه وانا سمعت منك الحاجه كلها بس انا خايفه على برق رد عليها ما تخافيش كل حاجه هتتحل بس انا حبيت تكوني معايا في الصوره قبل ما اتكلم مع جدو قالت له طيب قال لها طب يلا اطلعي نامي الوقت اتاخر قالت له حاضر ومن كان سامع الكلام ده كله صابرين وقررت انها تلعب بالموضوع ده

وطلع هاشم الاوضه وشاف ابراهيم نايم واخد برق في حضنه وقرب منهم بالراحه وفتح الدرج وطلع مقص وقص حته من شعري ابراهيم و برق وحط الشعر في منديل كل واحد لوحده وبعد كده في كيس بلاستيك وقرر انه هيروح بكره المعمل اما عند حازم جات الموديل طبعا انتي جاهزه نتصور مع الشروق ردت عليه انا جاهزه قال لها تمام قوي و ندهت لجوده وقال له خليهم يلبسوها الفستان عشان نبدا نصور رد جوده تمام وبداوا يشتغلوا

اما في الشاليه صابرين شافت هاشم خارج من اوضه ابراهيم وراحت خبطت على الباب وابراهيم كان نايم في سابع نومه وفتحت الباب ودخلت وقربت من ابراهيم اللي نايم وخبطت على كتفه وفتح عينه وهو مستغرب وجودها في الاوضه وهي قالت له عايزاك في موضوع مهم استغرب ابراهيم عشان ما فيش اي كلام بينهم وهز راسه بالموافقه وقام عدل ونزل وراها الجنينه وهي اتكلمت بالراحه

وقالت له انا ما اعرفش لغه الاشاره بس افهمني وطلعت ورقه وكانت كاتبه فيها ان برق ابنك اتصدم ابراهيم وشاور لها بايديه يعني ايه قالت له انا مش عارفه اي حاجه بس اللي متاكده منه اني برق ابنك ولو عايز تتاكد اتكلم مع لؤلؤه وهاشم هم اللي عارفين الحقيقه كلها وسابته ومشيت وهو كان مصدوم اما هاشم راح معمل تحاليل واداهم العينه وطلب منهم النتيجه وقالوا له بعد اسبوع

وهو راجع قابل حازم شغال وبيصور الموديل مع شروق الشمس وندهها عليه جوده ايه يا هاشم كنت فين رد عليك كنت في مشوار في حاجه يا جوده رد عليه لا يا برنس ما فيش اي حاجه بس هدي صاحبك شويه رد هاشم ليه مال حازم رد عليه ما فيش شويه مشاكل في الشغل بس كل حاجه اتحلت بس انت عارف حازم رد هاشم معلش يا جوده حازم على قد ما بيهزر الا ان هو جد في الشغل ما بيحبش اي غلطه فيها رد عليه انا عارف قال له طيب انا هروح انام عشان تعبان

رد جوده تصبح على خير قال له وانت من اهله وصل هاشم الشاليه وهو داخل شاف ابراهيم قاعد على الكرسي في الجنينه وقرب منه وهو بيقول له بالاشاره ايه اللي مصحيك لغايه دلوقتي يا ابراهيم وابراهيم كان سرحان في اللي سمعوا وقرب هاشم منه لما لقاه ما بيردش عليه وخبط على كتفه وبص ابراهيم لهاشم وقال هاشم بالاشاره مالك يا ابراهيم واقف ابراهيم وقال له بالاشاره كنت فين رد عليه في مشوار في حاجه ولا ايه

رد ابراهيم وهو بيطلع الورقه اللي اديتها له صابرين واخدها هاشم وشافها واتصدم في اللي مكتوب فيها وقال ابراهيم بالاشاره الكلام ده بجد سكت هاشم وما ردش ويتعصب ابراهيم وضرب هاشم بالبوكس في وشه وهاشم مسك وشه وكمل ابراهيم بالاشاره يعني الكلام ده بجد وانت كنت مخبي عليا وهاشم مسك وشه وقال له بالاشاره انا مش مخبي عليك ولا حاجه انا كنت بس بتاكد انه فعلا ابنك ولا لا رد ابراهيم بالاشاره وهو متعصب لؤلؤه تعرف الموضوع ده

رد هاشم بالاشاره لا ما تعرفش انا لسه متكلم معاه النهارده في الموضوع وكنت خايف عليك يا صاحبي اتعصب ابراهيم وسابه وخرج وكل ده كانت شايفاه ماجي وهي واقفه عند الشباك اوضتها مستغربه من اللي حصل وايه اللي يخلي ابراهيم يضرب هاشم بالطريقه ديت وتليفونها رن باسم امها وردت وهي بتحاول ترسم الابتسامه على وشها وقالت لها وحشتني قوي يا نوجه قلبي ضحكه وقالت لها وانتي كمان يا قلبي عامله ايه مبسوطه ردت عليها ايوه يا ماما مبسوطه قوي

ردت عليها في ايه اللي مضايقك يا ماجي ردت ما فيش حاجه يا ماما انا كويسه قالت لي انتي بتضحكي على مين على مامتك اللي خلفتك وربتك ضحكه ماجي وقالت ايه يا نوجا هو انتي هتعملي دكتوره نفسيه عليا انا كمان ما كفايه المرضى بتوعك ضحكه وقالت لها ماشي يا ماجي اهربي براحتك بس في الاخر هترجعي وتقولي لي ردت عليها ما فيش حاجه بجد يا ماما وانا كويسه ومبسوطه جدا

ردت عليها يا رب دايما يا حبيبتي تبقي مبسوطه طمنيني عليك على طول وهترجعي امتى ردت ماجي مش عارفه يا ماما بس ممكن على الاسبوع اللي جاي ردت عليها طيب يا حبيبتي تيجي بالسلامه قالت لها الله يسلمك وفضل بيتكلموا شويه اما عند ابراهيم كان قاعد على البحر وهو بيفكر في اللي حصل وازاي اني برق يطلع ابنه وهو ما قربش من هايدي غير مرتين وحس ان حد قاعد جنبه وبص لقي هاشم هو اللي قعد

وقال له هاشم بالاشاره مش هزعل منك يا صاحبي على اللي انت عملته بس اسمعني الاول بص لابراهيم بمعنى كمل وقال هاشم بالاشاره انا اتفاجئت بان برق يبقى ابنها هايدي وان ابويا اتبناه وهم في الامارات عشان كده انا خدت عينه من برق ومنك ورحت المعمل عشان اعمل لكم تحليل دي ان اي واطمن اذا كان ابنك ولا لا وقال ابراهيم بالاشاره وخبيت عليا ليه

رد هاشم بالاشاره ما حبتش اضايقك لما تعرف انه ابن هايدي وكمان انه ممكن يكون ابنك غير لما نتاكد وكمان انا عرفت من برق انه مامته وباباه ماتوا في الحادثه عشان كده هم ودوه دار رعايه في الامارات عشان ما كانش معاه ورق يثبت هو من عيله مين رد ابراهيم بالاشاره انا اسف لاني تعصبت عليك بس كان غصب عني لما اعرف ان صاحب عمري مخبي عليا اني ليا ابن رد هاشم من اللي قال لك الكلام ده

سكت ابراهيم ما تكلمش عشان ما يضايقش يا هاشم ويعمل مشكله مع صابرين لما يعرف انها هي اللي قالت وهاشم كان هيتجنن وعايز يعرف اما في الشاليه خلصت ماجي وكلمتها مع مامتها وقفلت وهي خايفه ان مامتها تعرف انها شافت باباها وتزعل وقررت انها مش هتقول لها اي حاجه عن الموضوع ده وراحت نامت على السرير جنبي لؤلؤه واخذتها في حضنها

اما عند هاشم وابراهيم كانوا لسه قاعدين وقال هاشم بالاشاره براحتك يا ابراهيم بس انا هعرف من اللي قال لك ويلا تصبح على خير عشان انا تعبان وعايزه انام شويه و قام ابراهيم مشي مع هاشم على الشاليه اما عند حازم فخلص التصوير بتاع شروق الشمس وقال لها يلا اطلعي ارتاحي واعملي حسابك ان احنا هنتقابل على الساعه 4:00 عشان نكمل تصوير ردت عليه تمام وطلعت على اوضتها وقال جوده يلا بينا يا حازم نروح الشاليه

رد عليه مش هينفع يا جوده خلينا هنا لغايه ما نخلص الشغل وبعد كده نرجع. و رد جوده طيب يا صاحبي يلا نطلع نرتاح شويه قال له يلا وطلعوا على الاوضه بتاعتهم واترموا على السرير وهم تعبانين وراحوا في نوم عميق اما عند صابرين كانت قاعده عايزه تعرف ابراهيم هيعمل ايه بعد اللي عرفه وعايزه تخلص من بسمه وبتفكر في طريقه تعملها وبصت في الساعه ولقيتها 7:00 الصبح وهي لسه ما نامتش وحطت راسها عن مخده ونامت نوم عميق

وعدى يومين وكان ابراهيم بعيد عن لؤلؤه ومهتم ببرق ومستني نتيجه التحاليل اللي عملها هاشم اما لؤلؤه فكانت مستغربه تصرفات ابراهيم وافتكرت لما ماجي قالت لها على الخناقه اللي حصلت بين ابراهيم وهاشم وتوقعت انه يكون ابراهيم عرف وسكتت واحترمت بعده وبقت مهتميه بمامتها وباباها واخواتها البنات اما ماجي فكانت بتحاول تبعد عن اي مكان في اسامه عشان ما تتقابلش معي وعلى طول بتكلم مامتها عشان ما تحسش باي تغيير على ماجي

اما سيف فعلاقته بقت كويسه جدا مع ريم وهي مبسوطه وشافت حب سيف ليها اما نغم كانت مفتقده جوده بس مبسوطه انها مع باباها واخواتها البنات و مرات ابوها اللي بتعملها كويس واحسن من امها اما صابرين ما شايفه اللي بيحصل و اتضايقت اكتر من بسمه وقررت انها تخلص منها وبعد ما كلمت اختها وعرفت اسم برشام يعمل اجهاض للحمل وراحت جابته من الصيدليه بس مستنيه اللحظه المناسبه عشان تستخدموا فيها

اما الجد كان مبسوط بلمه احفاده وكمان لسعاده يسري وحمد ربنا على السعاده اللي هو فيها اما ايناس لغايه دلوقتي ما تعرفش اي حاجه عن حازم وده مضايقه جدا و روان شافت وسام مره وهي قاعده على البحر لوحدها واقرب منها واتكلم معاها وهي كانت مبسوطه وبدات تكلمه على الفيس والوتس كاصدقاء وصحيت ايناس من النوم ومسكت تليفونها واتصلت على حازم اللي رد عليها وقالت له انت فين يا حازم انا قاعده لوحدي زهقانه رد حازم حاضر ياقلبي هخلص شغل واجاى

ردت عليا بس انت من ساعة ماتجوزنا وانت مش فاضي خالص عشان تقعد معايا كل واحد خد مراته ويخرجوا وانا قاعده لوحدي رد عليها يعنى انا اعمل دلوقتي انا في شغل هو انابلعب يعني اكبري شويه يايناس انا حاسس انى معايا بنت اختى مش مراتى المفروص تقدرى اللي انا في طب ردت عليه طب وانا اعمل ايه انا كمان انا نفسي احس ان المخطوبه وخطيبي بيحبني واكون في اسعد ايامي دلوقتي

رد عليها انتي عارفه ان السفريه دي عشان الشغل وانا قلت اخلص الشغل وهنتفسح براحتنا بس انتي عماله تنكدي عليا والشغل عمال يتعقد ردت عليه طب انا اعمل ايه دلوقتي قال لها ما تعمليش حاجه انا اللي هعمل وقفل السكه في وشها و ايناس وهى بتعيط وتقول كده ياحازم بقيتي انا القرف دلوقتي شكرا وانا هريحك من القرف ده بعد كده