الفصل الثاني والعشرون

رواية اللؤلؤ والأخرس الجزء الثاني والعشرون 22 بقلم أميرة خالد اللؤلؤ والأخرسرواية اللؤلؤ والأخرس الحلقة الثانية والعشرون والبنات ماشيين وسام قابلهم وقال صباح الخير يا بنات ردت عليه ماجي ولؤلؤه صباح النور روان اتكسفت وقال وسام بصراحه جمالك عدى الحدود يا ماجي النهارده وبالذات لما خدودك احمرت ضحكه ماجي وقربت منه وهي بتمسك ايديه طبعا يا حبيبي عشان شفتك وحضنها وسام اتضايقت روان مين اللي بيحصل

ومره واحده وقفت عربيه قصادهم ونزل منها هاشم وابراهيم و قال هاشم بعصبيه واقفين هنا ليه ردت روان بخوف ما فيش كنا بنتمشى قابلناه وبص هاشم على ماجي اللي في حضن وسام وتضايق و قال وسام في ايه يا باشمهندس فين المشكله لما اقف معاهم رد هاشم طبعا فيها مشكله ازاي توقف بنات في الطريق كده رد وسام وايه المشكله مدام اختي معاهم يتصدم هاشم من الجمله وقال له اختك مين رد وسام ماجي تبقى اختي وروان اتصدمت

وابتسمت ماجي وقالت يلا يا وسام انا عايزاك في موضوع مهم ومسكت ايد اخوها ومشيت وهاشم وقف نازل عليه سهم الله من اللي سمعه واقرب ابراهيم من لؤلؤه وقال لها بالاشاره عايزك في موضوع هزه راسها بالموافقه ومشيت معاه و روان قالت ازاي قال وسام في ايه يا ماجي موضوع ايه اللي انتي عايزاني فيه قالت له ما فيش حاجه انا كنت عايزه امشي وخلاص ضحك وسام وقال لها على فكره شكله غيران عليك بصيت له ماجي وقالت بسخريه ازاي يعني

قال لها انا راجل وافهم في نظره الراجل اللي زيي وانا متاكد ان هاشم ده بيحبك وبيموت فيك كمان ضحكه ماجي وقالت له والله ضحكتني ده مش طايقني من اول يوم جيت فيه وعلى طول بيتخانق معايا اذا كان على لبسي ولا طريقه كلامي ولا هزاري مع اي حد رد وسام وده ياكد لك ان هو بيحبك قالت له سيبك انت من الكلام ده تعالى نتمشى شويه قال لها طيب وماسك التليفون وبعت رساله لابوه ومسك ايد ماجي امشي بيها

اما عند البحر كان واقف ابراهيم ولؤلؤه وفي ايده ملف وقال لها بالاشاره دي نتيجه التحاليل واخذت لؤلؤه النتيجه وشافتها واتاكدت ان برق يبقى ابن ابراهيم وعنيها دمعت من الفرحه بس ابراهيم فهم غير كده وقال لها بالاشاره انتى زعلانه عشان ان برق يبقى ابني وان في واحده كانت في حياتي قبلك وقالت اشاره مستحيله ازعل بالعكس انا فرحانه اني برق اعرف ابوه وكمان انا ما ليش دعوه باي حاجه حصلت في حياتك قبل ما اشوفك

فرح ابراهيم من كلامها ومسك ايديها وبسها وقال لها بالاشاره انا بحبك ابتسمت لؤلؤه وقالت له انا كمان بحبك واترمت في حضنه وهو شالها ولف بيها وهي مبسوطه اما عند ماجي راحت المطعم ومعاها وسام اللي دخلوا وقال لها تشربي ايه ردت عليه بدل ما تقول لي تاكلي ايه قال لها خلاص يا ستي تاكلي ايه قالت له مكرونه اسباجتي وستيك قال لها من عيني الاثنين ثواني هروح اجيبهم لك واجي قالت له طيب

وقام وسام وطلب الاكل ولقى ابوه دخل عليه وقال له هي فين قال له قاعده على الترابيزه هناك قال له طيب ما تجيش دلوقتي خليني اتكلم مع شويه قال له حاضر وراح قرب من ترابيزه ماجي وقعد وهي اتصدمت من وجوده اسامه وبتقوم عشان تمشي اسامه مسك ايديها وقال لها مش هقول لك تاني غير انك تسمعيني وبعد كده انتي حره في اللي هتعمليه ردت عليه بعصبيه ابعد عني يا اسامه بيه ومش عايزه اسمع حاجه

رد عليها انا ابوكي مش بيه افهمي كده واقعدي اسمعيني وبعد كده امشي وانا مش هتعرض لك ثاني فاهمه ولا لا قعدت ماجي وهي نفسها تسمعه وتفهم هو عمل كده ليه فيها هي وامها حتى لو حجه عبيطه المهم تلتمس للعذر وتترمي في حضنه زي اي بنت بتكون عايزه حضن ابوها

وقال اسامه اولا انا اتجوزت داليا وانا عمري 22 سنه وهي 30 سنه انا كنت ابن راجل بسيط وما حلتيش حاجه وكنت بشتغل عند عمي في الشركه بتاعته وهو ما عندهوش ولاد غير بنته داليا وساعتها ابويا كان محتاج عمليه ورحت طلبت الفلوس من عمي وساعتها رفض وانا ما كنتش عارف اجيب الفلوس منين لغايه ما مرات عمي اتصلت بيا وطلبت تشوفني وفعلا انا رحت لها الفيلا

وهي قالت لي انها موافقه تساعدني وكنت مبسوط جدا بس قالت لي بشرط تتجوز داليا اتصدمت ساعتها من كلامها وقلت لها ازاي يعني قالت لي ان داليا غلطت مع واحد صاحبها في النادي ولازم تتجوز حد يداري عليها الفضيحه وقالت لي وانا هنفذ لك كل اللي انت عايزه واخليك تمسك شركه من شركات عمك وتعيش هنا في الفيلا بس المهم تتجوز داليا وتداري على الفضيحه

وانا كنت هرفض بس تليفون امي وهي بتقول لي ان ابويا حالته اتدهورت وانه لازم يدخل العمليات دلوقتي خلاني وافقت واتجوزت فعلا داليا وعدى سنه واحنا مع بعض وما فيش اي حاجه تربطنا ببعض وساعتها داليا حبتني وحاولت معايا كذا مره بس انا رفضت فراحت لوالدتها وقالت لها ومامتها جت وكلمتني وقالت لي ان داليا بتحبني ونازم اساعدها يا اما تقدم الشيك اللي انا مضيته ساعه ما اخذت الفلوس منها للبوليس وساعتها هتحبس ويضيع مستقبلي

وبرده انا اتنازلت وحاولت اعملها ما يرضي الله لغايه ما جبت منها وسام وساعتها كنت بحاول اقلم نفسي على العيشه ديت لغايه ما سافرت لندن وشفت امك لاول مره وساعتها انسحرت بيها وحاولت اقرب منها وهي كانت خايفه وبتبعد عني ورجعت من السفر وحاولت انساها بس ما عرفتش وبعد فتره طويله رجعت سافرت تاني لندن وقابلتها وقربنا من بعض واتجوزنا وانا حكيت لها في كل حاجه حصلت في حياتي من اول ما اتجوزت داليا لغايه ما جبت وسام

وهي كانت متفاهمه ووافقت تكمل معايا وبعد كده حملت فيكي وانا كنت مبسوط وكنت بسافر على طول لغايه ما كان عندك ست سنين وساعتها داليا عرفت بموضوع نجوى وعملت مشكله كبيره وكانت هتحبسني وحاولت اسيبها بس ما عرفتش وكانت في الوقت ده حامل في زينه فاضطريت لثالث مره اتنازل عن حقوقي وحب حياتي عشان خاطر ما تاذيش امك ولا تاذيكي اتصدمت ماجي من الكلام ده وقالت له بدموع يعني ماما عارفه ان انت كنت متجوز

رد عليها اكيد طبعا انا عمري ما غشيت امك بالعكس دي كانت حب حياتي وكل دنيتي قامت ماجي تجري على بره والدموع على خدها واقرب وسام من اسامه وقال له ايه اللي حصل يا بابا رد عليه حكيت لها كل حاجه بس شكلها ما استحملتش الحقيقه مع اني قلت لها نصها بس رد وسام انا من رايه تتصل بماما نجوى وتقول لها هي اكتر واحده في الوقت ده محتاجاها ماجي تتكلم معاها رد اسامه انا هعمل كده فعلا وماسك التليفون واتصل على نجوى اللي

ردت عليه ايوه يا اسامه عامل ايه قال لها انا كويس بس انا قابلت ماجي وحكيت لها على كل حاجه ردت نجوى ليه يا اسامه مش انا قلت لك نحكي لها سوا اللي خلاك عملت كده رد عليها بعصبيه مش مستحمل نظره الكره اللي في عينيها دي بنتي نجوى هفضل لغايه امتى عايش وانا شايف كره بنتي ليا ردت نجوى طب اهدى يا اسامه وانا هتكلم معاها رد اسامه انزلي القاهره احسن قالت له حاضر وقفلت معاه وحجزت على اول طياره لمصر

اما ماجي وهي بتجري شافها هاشم من العربيه وقف العربيه ونزل وقفلها ومشي وراها وهو بينده وماجي ما كانتش سامعه حاجه غير كلام ابوها اللي بتردد في ودانها وقرب هاشم منها بسرعه وماسك ايديها وقال لها انتي رايحه فين وهي في عالم ثاني واتصدم من شكلها ودموعها وقال بصوت حنين مالك يا ماجي فيكي ايه ايه اللي حصل وبتعيطي ليه

اترمت ماجي في حضنه وعيطت اكتر وهاشم حضنها وهو مستغرب ومشى ايده على ظهرها وبيقول لها بصوت هادي اهدي بس وفهميني ايه اللي حصل ردت عليه وهي بتعيط طول عمري عايشه في كذبه وبحاول اهرب منهم اتريني بخسر اعز الناس بطريقتي ديت رد هاشم طب فهميني في ايه وفضلت تعيط لغايه ما فاقت لنفسها وهي في حضن هاشم وبعدت بسرعه وقالت انا اسفه قال لها بتتاسف على ايه تعالي بس نتكلم انتي مالك وكنت بتعيطي ليه

ردت عليه وانت مالك انت كمان بتكرهني من ساعه ما جيت وانت على طول بتعاملني وحش اتعصب هاشم وقال لها علشان يا غبيه بحبك وبتضايق لما بشوفك بتهزري مع جدو ولا حتى مع بابا ببقى بموت من جوايا اتصدمت ماجي من اعترافه اللي جاي في وقت غلط وسكتت وهو كمل كلامه ممكن بقى اعرف انتي كنت بتعيطي ليه وجايه منين وازاي وسام ده يبقى اخوكي قالت له ما فيش حاجه ممكن اروح هو ما حبش يضغط عليها وقال لها طب تعالي العربيه هناك اهي

قالت له لا انا عايزه اتمشى شويه على البحر لغايه ما اروح البيت قال لها طب استني انا جاي معاكي قالت له لا عايزه ابقى لوحدي مسك ايديها وقال لها ما فيش منه الكلام ده هو انا بعد ما اعترفت لك بحبي حابه تبعدي عني ولا ايه ردت ماجي بصي يا هاشم انت انسان كويس ومحترم بس انا ما ينفعكش انا من جوايا متحطمه رد عليها يعني كنت بتحب حد وخانك يعني

ردت عليه مستحيل قلبي ده ما عرفش يعني ايه حب يمكن فيه شويه اعجاب من ناحيتك بس صدقني انا منفعكش رد هاشم وانا هستناكي لغايه ما تحبيني خلينا اصحاب الاول سكتت ماجي وقال لها يلا بقى خلينا نتمشى عشان انا جعان وعايز اتغدى مشيت ماجي معايا وهي بتفكر في اللي حصل