الفصل الخامس عشر

رواية عشقي حورية الجزء الخامس عشر 15 بقلم إيمان ابراهيم عشقي حوريةرواية عشقي حورية الحلقة الخامسة عشر كرم نزل يشوف اللى بيحصل وكان عبدالله وخالها بتكلموا مع صلاح الزفت ده عبدالله : خير يا صلاح اييه اللى فكرك بينا دلوك يعنى ومن غير ما تتكلم ولا تدى خبر !!

صلاح : جيت ابارك واهنى للعروسه ام بنتى مع انها مجالتش انها هتتجوز جلت اجى واعمل بالاصول غلطت اكده يعنى وكمان عشان اخد بنتى اتوحشتها ولا مش من حجى هى خلاص مش فاضيلها خليها فى عريسها عاد !! عبدالرحيم خال دلال : انى جلت برضك انى جيتك دي مورهاش خير ابدا طول عمرك طبعك عفش ونيتك مش خالصه دلوك افتكرت ان ليك بت وجاى تشوفها شوف انت جاى لاجل تبوظ فرحة بنت اختى وتعكنن عليها بس الله فى سماه ما هيحصل على جثتى اييه جولك بجا !!

صلاح : بدا يعلى صوته يعنى اييه الحديت ديه يعنى مش هشوف بنتى لاه ده اخدها بالعافيه اذا لزم الامر !

كرم قال : عافية اييه وتخريف اييه اللى هتجوله ديه على اساس ملهاش راجل يحميها مع احترامى لاخوها وخالها بس دلوك اللى بتحدتت عنيها دى تبجى مرتى وشايله اسمى يعنى سيرتها متجيش على لسانك الزفر ديه سااامع وحاجه تانيه انت بنتك اللى عاملها حجتك وجاى تتحنجل وتتشملل لاجل تشوفها تشوفها اهنا وتحت عنينا واذا مش عاجبك بينا المحاكم روح ارفع جضيه وادفع فلوس واتعاب محامين وانى نفسي طوييل جوى جوى او تختصر على نفسك وجع الجلب !!

صلاح ساله : كييف يعنى !! كرم رد : تاخد كام وتتنازل عن حضانه بنتك ولما تحب تشوفها يبجى برضاها هى وامها غير اكده ملكش صالح بيها !! صلاح الواطى رد : مليون جنييه !! عبدالله وخال دلال بصوت واحد : الله يخربيتك عاد !! 😮😮. صلاح : خبر اييه دى بنتى ضنايا خسارة فيها مليون يعنى !!! كرم رد : قاله تمام يوم اللى هتمضى التنازل هتاخد طلبك ومشوفش خلجتك واصل والا انا مش هخليك تهوب نواحينا واصل سااامعنى زين !!

صلاح خاف من كرم ورد : حااااضر حااضر لما تجهزوا الاوراج والفلوس كلمونى ! كرم قال : طيب يلا من غير مطرود ومتجيش الا لنا انى اللى اكلمك . صلاح اخد ديله فى سنانه ومشى علطول . عبدالله وعبد الرحيم خال دلال : والله ياولدى مكنش له لزوم حكاية المليون اجنييه دى ديه خسيس وجبان وكلمتين كانوا هيخلوه يجرى !! عبدالله : والله يا كرم انى دلوك اتاكدت انى خيتى فى حما راجل صوح بس زى ما خالى جال مكنش لازم حكاية الفلوس دى !!

كرم رد : طالما هو واطى وخسيس اكده كان لازم اخليه يبعد خالص واضمن راحة مرتى وبنتها اللى بجيت كييف اولادى بالظبط ولاجل ما دلال تطمن ان الواطى ديه مش هيضايجها بحجة بنته هو عايز يخرب علينا انى فاهم جصده العفش هو ولا يهمه بنته ولا اى حاجه غير مصلحته اكده احسن لينا كلنا ! عن اذنكوا انا اتاخرت على عروستى وزمانها جلجانه هروح اطمنها بالاذن ! عبدالرحيم : اذنك معاك يا ود الاصول .

دلال كانت رايحه جايه فى الاوضه والقلق هيموتها وكانت بتعيط بس اول ما لقيت باب الاوضه بيتفتح وكرم دخل اول ما شاف دموعها جرى عليها واخدها فى حضنه ومسح دموعها بايده وقالها : الجمر ديه ميبكيش طول ما انا عايش يا حبيبتى خلاص بنتك هتفضل فى حضنك ولا الجن الازرج هيعرف يبعدها عنك وحكلها اللى حصل . دلال كانت بتسمعه وهى مش مصدقه انه عمل كده علشانها ولما خلص كلامه رد فعلها هو نفسه متوقعوش !!

دلال باسته من خده بوسه طوييييييييلة ❤️❤️❤️❤️ وحضنته جامد اوى اوى وقالتله : تسلم جلب دلال وحبيبى وعمرى وسندى وضهرى اللى هعيش عمرى اللى جاى اسعده وافرحه يا فرحة جلبى انت ❤️❤️. كرم كان متبنج منها ومن كلامها لان صوتها وطريقتها كانت كلها دلع وحنيه وانوثه مهلكة وكرم معرفش يسيطر على مشاعره اللى دلال بدلعها ورقتها خلتها تولع ❤️❤️ محسش بنفسه

غير وهو شايلها وبيقولها : ويخليكى ليا يا حبيبة عمرى واخدها فى جولة من جولات عشق وغرام وغرقوا فى بحور الحب والهيام !! عدى عرف طبعا اللى حصل ومحمود وعادل كانوا قاعدين مع عبدالله وعبد الرحيم عدى قال : والله عمى شديد وانى مخبرش ومش بس اكده ديه حبيب كبيير جوى والاكاده انه اتجوز ودخل وانى جاعد اهنى اعد النجوم 😄😄😄😄 يابوووى وبعدين اكده كتييير عاد شوفلك صرفه مع اخوك انى عايز اخش دنيا ياناس حسوا بيا 😄😄😄 .

عادل : ايوة حسوا بيه يحس بيكوا ربنا 😄😄 !! عدى : انت هتشحت عليا يا تحش انت ولا اييه اظبط كده 😄😄 ! عادل : يعنى الحق عليا بساندك وبقف معاك عشان افرح بيك ماشي انا هسكت اهو !! وانت خليك بتهرى وتاكل فى نفسك كدهو 😄 .

محمود : لاه لاه انى خلاص مجادرش انى فى مورستان دماغى باظت منيكوا 😄 انى هجول لكرم اننا نرجع ويبجى يحب على راحته بجى كفايه اكده ونشوف حكايه زواجتك دى بدل ما انت فاضحنا اكده عاد😄 روح طمن المجنونه بتاعتك تلاجيها هتولع فيك روح روح !!! عدى فعلا اتصل بيها : الو يا حبيبتى وحشتينى وحشتينى اوى اوى !! حوريه : ايوة يا قلبى وانت وحشتنى اوى اوى ايه كل ده !!

عدى : معلش حبيبتى عمى انت عارفه انه كان بيخلص موضوع جوازه ده والحمدلله تم على خير وهنرجع النهاردة ونظبط نفسنا بقى يا قلبى وعشقى انتى ❤️❤️❤️. حوريه : ياريت يا عدى بقى انا بعدك بيجننى عايزاك قدامى طول الوقت ! عدى : هانت يا حبيبتى احنا راجعين النهاردة ان شاء الله وهطمنك اول ما اوصل سلام يا قلبى عشان قربنا نمشي . حوريه : طيب يا حبيبى طمنى اول ما توصل اوعى تنسى هستنا تطمنى . كرم قال

لدلال وهو واخدها فى حضنه : مش عايز اطلعك من حضنى بس لازم نجوم دلوك عشان نروح على بيتنا تنوريه يا جلبى انا مجهزلك مفاجاة هتعجبك جوى ! دلال بنعومه وهى باصة فى عنيه بهيام : انت احلى مفاجاة حصلتلى انا كانى طايلة السما بايدى ❤️❤️. كرم : واه ياولاد احنا اكده مش هنتحرك واصل بكفاياكى دلع عاد خلينا نروح بيتنا الاول 😉 وهناك لينا كلام تانى يا عمرى انتى . دلال : حاضر يا حبيبى انا هحضر حالى وننزل علطول .

قامت عشان تجهز نفسها تجهز حاجه بنتها كمان واسلم على امها واخوها وخالها . ام دلال وخالها واخوها كانوا مستنين عشان يسلموا عليهم ونزلوا وام دلال اول ما شافتها زغرطتت من فرحتها وهى شايفه الفرحة اللى عين بنتها واخدتها بالحضن وقالتلها : ماشاء الله ربنا يحميكى ويحفظك يا بنتى الف مبروك يا جلب امك ربنا يرزجك بالذريه الصالحة !! دلال : اللهةيبارك فيكى ياما ربنا يخليكى ليا .

ام دلال لكرم : مبروك يا كرو يا ولدى ربنا يسعدكوا ويهنيكوا خلى بالك منيها وهى كمان تخلى بالها منك . كرم : الله يبارك فيكى يا حجه ربنا يطولنا فى عمرك دلال فى عنيا وبنتها بنتى . كرم سلم على عبدالله وخالها وقالهم: المحامى هيجهز كل الاوراج وهيجى ومعاه الفلوس وهيكلم اللى ما يتسمى صلاح ديه ويخلص وياه ويمضيه على كل حاجه ونسخة معاكوا ونسخة معانا تمام اكده . عبدالرحيم : عداك العيب يا ود الاصول كرم وانت كرم فعلا اسم على مسمى .

عبدالله : والله ياكرم ربنا يعلم معزتك فى جلبى كييف اللى شفته منيك اليومين دول كبروك فى عينى كييف بس متغيبوش علينا عااد احنا بجينا اهل وانت دلوك بجالك اخ تانى توصلوا بالسلامة . وكلهم سلموا على بعض والكل كانوا مبسوطين جدا . رجعوا بالسلامة وصفيه كانت فرحانه

جدا ولما شافت دلال قالت : ماشاء الله ايه الجمر ده ليك حج يا كرم دى متتسابش نورتى يا عروسه الف مبروك ربنا يسعدك ويهنيكى والصغيرة دى اكيد بنتك صوح تعالى يا حبيبتى متخافيش !! دلال قالتلها : سلمى يا حبيبتى متخافيش دول اهلنا دلوك ودليله كمان كانت فرحانه بيهم اوى وبعمها وباركتلهم وحضنت دلال وكرم كان واقف متغاظ 😄😄 !! كرم قال : جرا اييه عاد عمالين تحضنوا وتبوسوا بزياداكوا عاد وانتى تعالى جمبى !!

محمود ضحك على اخوه وقاله : واه يا كرم انت لحجت 😄😄 دول حريم وبيسلموا على بعض مالك انت 😄😄 !! كرم : ولا حريم ولا غيره خلاص خلصنا عاد . دلال : واه ياكرم بالراحة دى حتى الست صفيه تتحب علطول وانا جلبى اتفتحلها علطول حتى بنتى مكانتش تروح لحد واصل لكن معها شوف مبسوطة كييف 😍😍. كرم : ياستى اهى هتفضل معانا وتشبع منهم ويشبعوا منها تعالى اما اوريكى المفاجاة اللى انا محضرهالك !!

واخدها عشان يوريها هو بقى عمل ايه عملها دور بحاله وجدده عشان تاخد راحتها خالص وتحس بالخصوصيه وكمان عشان يراعى خاطر ولاده رحيم ومريم اللى لسه متقابلوش معها . دلال لما شافت : هيييييء 😍😍😍😍😍😍 ايه ديه كله ياحبيبى ياكرم ده حلو جوى جوى والالوان اللى انا بحبها لساك فاكرها !!

كرم : مفيش حاجه تخصك اجدر انساها حد ينسى حاله برضه وانتى حالى وبنتك كمان هتبجى معاكى وليها اوضتها عشان تبجى فى حضنك ولما تتطمنى عليها تيجى فى حضنى انا 😉😉 وراح بايسها فى جيبنها والباب خبط !! كرم راح يفتح لقى رحيم ومريم !! ياترى هيعملوا اييه ورد فعلهم هيكون ازاى لما يشوفوا دلال وهى كمان هتعمل اييه !! …..