الفصل السادس عشر

رواية عشقي حورية الجزء السادس عشر 16 بقلم إيمان ابراهيم عشقي حوريةرواية عشقي حورية الحلقة السادسة عشر كرم راح يفتح باب الاوضه لقى رحيم ومريم هو اتفاجىء بيهم بس فرح انهم جم لحد عنده ودلال اتوترت شويه طبعا ! كرم : رحيم ! مريم ! كنت لسه هاجى بنفسي لحد عندكم الجلوب عند بعضيها . رحيم : انى جولت اجى انا ومريم نباركلك ونبارك للعروسه ومريم كمان قالت : ايوة يا بوى انا سمعت ان العروسه جمر ما شاء !

دلال : اهلا اهلا باولاد الغالى ! كرم كان عامل جزء صغير فى الاوضه زى اوضه للجلوس كده دلال خلتهم يدخولوا يقعدوا فيها . دلال : اتفضلوا اتفضلوا وكرم كمان قالهم : ادخلوا ياولاد ومريم دخلت سلمت على دلال وحضنتها دلال فرحت اوى باستقبال رحيم ومريم ليها ورحيم سلم عليها وباركلها وقعدوا معاهم شويه ودلال عرفت ان رحيم فرحه قرب وان دليله بنت عمه هى العروسه باركتله ودعيتله ربنا يسعده ودعت لمريم ربنا يرزقها بابن الحلال .

دلال حبت تسيب كرم مع ولاده شويه يمكن يبقوا عايزين يقولوا حاجه استاذنت منهم تروح تشوف بنتها سلمت عليهم ومشيت . كرم : والله فرحتونى ياولاد ودلال فرحت بيكو جوى امكوا عامله ايه !! مريم : الحمدلله يابوى . سلمو على باباهم ومشيو . عدى : الو يا جلبى عاملة اييه !! حوريه كويسه يا حبيبى على فكرة انا هجيلك عارف ولا مش عارف !! عدى : واه جايه صوح يا جلبى !!

حوريه : اه والله ده انا ريقى نشف مع بابا عشان يوافق بس اييه موافقش غير لما قلتله تعالا معايا بابا قلقان منك 😄😄😄 والصراحة معاه حق انا نفسي بقلق منك ! عدى : ليه بس ده انا حتى مؤدب جوى وايدى جمبى علطول 😉😉 ! حوريه : مؤدب اوى اوى على يدى !!

بس بقلك ايه لم نفسك احسن بابا مركز معايا من ساعة ما طلبت تكتب كتابك عليا والله مركز معايا اكتر من امى 😄 ماما بتقولى انت وخطيبك اخدتو الراجل منى اتجوزوا وخلصونا بقى خلى ابوكى يركز معايا انا 😄😄😄 . عدى : واه ده حمايا باينه لسه بيتشاقه لسه عاد 😉😉 . حوريه : بس يا سافل بلاش طوله لسانك ده 😄 ده حماك وحماتك عيب طيب على فكرة اللى شقى بجد وخطير كمان باباك انا اخدت بالى ده واضح ان الحب مولع فى الذرة مع حماتى 😄 !!

يعنى الحال من بعضه يا حبيبى . عدى : ايوة امى دى حب ابوى من وهو صغير وهى هتحبه وتعشجه كمان ! بس انا بعشجك عشج ملوش مثيل يا حوريه انتى خطفتينى من اول ما خبطت فيكى !! حوريه : وحشتنى اوى يا عدى الشويه اللى بتيجى فيهم تشوف الشغل وتمشى وعادل الرخم ده مش مخلينى عارفه اتلم عليك !! عدى : معلش ياجلبى خلاص كلها شويه واكتب عليكى لولا عمى الدنجوان ديه كان زمانى كتبت عليكى ومش بعيد كنا جبنا عيال كمان 😅😅!

حوريه : هيييء يا قليل الادب طيب اقفل بقى والله لما اجيلك هوريك على قلة ادبك دى !! عدى : ضحك وقالها : ماشي يا جلبى هستناكى متتاخريش عليا سلام يا حبيبتى . حوريه : بابا يا بابا يلا بقى عشان منتاخرش !! منصور : متقلقيش يا حبيبتى احنا هنسافر بالطيارة عشان نكسب وقت انا السفر مسافه طويله مبقتش استحمله ! حوريه : العضمة كبرت ولا اييه يا بوص 😉 !

منصور : كبرت فى عينك يا بت انتى ده فيا قوة تهد جبل انا بس بزهق من السفر بالعربيه مسافه طويله وبعدين امك حبيبة قلبى زيى !! حوريه : الله ده الجو جاى كمان 😉😍 يا سيدى يا سيدى الله يسهله يا عم ! منصور : اه طبعا اومال اسيبها لوحدها وبعدين محمود مشدد انى اجى واجيب ماما معايا عشان الجماعة عنده عايزة تشوفها كمان يعنى احنا على قلبك انتى والواد عدى المجنون بتاعك ده 😉.

وصلت حوريه وباباها ومامتها محمود وصفيه فرحوا بيهم اوى وكرم ودلال كمان كانوا فى استقبالهم ورحيم ودليله ومريم كمان . عدى طبعا كان سعيد جدا ان حوريه جت عينه متشالتش من عليها وغمزلها كده اللى هو تعالى بقى نسيبهم ويقوموا عدى اصله كان بدا يقوم يمشى على خفيف بس لسه مفكش الجبس بس على عكاز بس لحد ما يفك الجبس خالص . عدى وهو ماشي مع حوريه راح حضنها وقالها: وحشتينى اوى اوى !! حوريه : يا مجنون حد يشوفنا ☺️☺️ !!

عدى : اللى يشوف يشوف خلاص انا مش جادر والله انا هجول لابوى دلوك وابوكى الاسبوع الجاى كتب الكتاب ومش اخر ولا يوم زيادة واوعاكى تجوليلى مش هلحج وابصر اييه وشغل البنات ديه عاد !! حوريه : ما شى يا شبح انت لما تقلب صعيدى كده بعرف انك تربست خلاص وانا اجدر اجول حاجه عاد غير حاضر 😄 !!

والله جه اليوم اللى حوريه تقول حاضر انت عاملى عمل يا جدع انت ده حتى بابا هيتجنن منك 😄 بيقولى نفسي اعرف الواد ده عملك ايييه ده انتى طلعتى عينى انا وامك !! عدى : ده سر المهنه عاد 😉 . منصور كان قام وراهم طبعا وفعلا قابلهم وهما راجعين ! منصور : الله ده انا كنت جايلكوا !! عدى : ادينا رجعنا بقول ايه ياعمى كفايه الوقت اللى ضاع وخلينا نكتب الكتاب الاسبوع الجاى !!

منصور : ايوة صح انا لسه كنت بقول لمحمود كده لولا عمك ياخويا كان زمانا مخلصين كفايه عليكوا كده على بركة الله . دلال وصفيه وهايدى كانوا مبسوطين اوى مع بعض مين بقى اللى كانت بتهرى وتنكت فى نفسها وصيفه وقالت : يعنى كلهم جاعدين مع بعضيهم وضحك وانبساط وانى لحالى اكده لا والله انا مش هتحمل اكده كتيير انا لسانى مرته وعلى زمته انى ام العيال برضه انا هروح اسلم واللى يحصل يحصل هااا .

وصيفه جت وقالت : اهلا اهلا بالغاليه نورتو الدار اومال فين عروستنا الحلوة !! دلال اتوترت شويه بس تماسكت وسكتت خالص ! وصيفه : لمؤاخذة يا عروسه ماخدتش بالى مبروك صحيح !! دلال ردت بهدوء : الله يبارك فيكى ! وصيفه : اومال العريس فين لحج يسيبك بسرعة اكده !! كرم جه من واراها : لاه يا وصيفه انى مسيبهاش واصل كنت مع الرجاله عايزة حاجه !! وصيفه : لاه لاه سلامتك انا جيت عشان اسلم وابارك وراجعه علطول اهاا بالاذن ومشيت علطول .

وهى ماشيه ندهت على مريم : مريم تعالى عايزاكى !! ياترى هتعمل اييه فى مريم الغلبانه دى ورد فعل مريم هيكون اييه 🤔 !! …..