الفصل الرابع عشر

رواية عشقي حورية الجزء الرابع عشر 14 بقلم إيمان ابراهيم عشقي حوريةرواية عشقي حورية الحلقة الرابعة عشر دلال اتخنقت من عبدالله

اخوها وجابت اخرها وقالتله: عبدالله انت اخوى صوح مجلتش حاجه لكن تتحكم فى حياتى لاه كفايه اللى عملته زمان وخلتنى اتجوزت جوازة الندامه ولولا ابوى الله يرحمه كان زمانى مت بحسرتى لكن دلوك ربنا بعتلى عوضه وانى موافجة وامى وخالى يبجى تخليك فى حياتك وتخلينى اعيش حياتى اللى نفسي اعيشها ومليكش صالح سامع !!! 😠😠😠 عبدالله سامعها وهو مش مصدق ان دى دلال اللى مكنش ليها صوت امتى وازاى بقت كده !!

عبدالله : واه واه يا دلال ايه اللى غيرك اكده ده انتى كنتى بتتكسفى من خيالك دلوك انا شايف جطه وبتخربش كمان !! دلال : ايوا جطة وبتخربش ومش هعمل غير اللى يريح جلبى تمام اكده !! خالها : عبدالله بزيداك عاد وسيب خيتك وخلينا نفرح وخليك سند ليها واجف معاها وشرفها جدام عريسها واهله فاهم ! ام عبدالله : خالك بيتكلم صوح يا ولدى خلينا نفرح بخيتك !

عبدالله : ماشي يا خال ماشي ياما انا ميخلصنيش انى ازعلكوا منى اكتر من اكده حجك عليا يا دلال ليكى عليا انى اكلم كرم بنفسي واحدد معاه كل حاجه ودلوك كمان وفعلا كلم كرم . كرم : الو ايو مين معايا !! عبدالله : انى اخو دلال يا كرم هااا جولى امتى تجدر تاجى عشان نكتب الكتاب ولا رجعت فى كلامك😄 !! كرم : واه صوح الحديت ديه يا عبدالله انا مستعد من دلوك اذا تحبوا !

عبدالله : خلاص بكرة ان شاء الله بعد المغرب هنستناك وكبارات العيلة هيجوا وانت والعروسه براحتكوا اذا عايزين فرح ولا لاه نبجى نتفج وجتها المهم كتب الكتاب ! كرم : لا لا كتب كتاب ودخلة انتوا اعملوا اللى انتوا عايزينه انى موافج . عبدالله : خلاص الف مبروك يا عريس 😄😄 . كرم قفل مع عبدالله وهو مش مصدق نفسه !! محمود : واه يا كرم مالك فيك اييه عاد جالك ايه عبدالله خلاك مش على بعضك اكده 😄😄!

كرم : انى هكتب كتابى بكرة بعد المغرب يا محمود هتجوز دلال يا محمود انى مش مصدج حالى !! محمود : الف مبروم ياخوى الف مبروك ربنا يتمم على خير . طبعا عدى جه هو وعادل لان كان صعب على كرم يطلب من رحيم انه يجى برضه مراعى مشاعره عشان امه مهما كان بيحبه اكيد .

عدى وعادل وصلوا وكانوا فعلا كبارات العيلة من عند دلال وفى ناس من عند كرم ومحمود برضه جم مع عدى وعادل وكانوا عاملين احتفال عشان ضيق الوقت وكرم كان ناوى يعمل لدلال مفاجاة بس لما ياخدها ويروح البلد هو حب لما ياخدها تبقى مراته خلاص . الماذون جه وكتب الكتاب ودلال كانت زى القمر وكرم رغم انه كبير بس شكله حلو وهو ودلال عرسان قمر ودلال كانت فرحانه اوى اوى وبعد كتب

الكتاب عدى باركله وقاله : كتبت جبلى يا عمى واه ياولاد 😄😄😄 الدنيا اتشجلب حالها 😄 . عادل : ايوا بقى يا عم كرم يا عريس ده احنا منظرنا وحش اوى اوى 😄😄 بس مبروك الف مبروك وبالذريه الصالحة بقى 😄 . كرم : الله يبارك فيكوا عجبالك يا عدى خلاص هانت يا ولد اخوى . وانت اتحشم يا عادل عيال تلفانه 😅. محمود : مبروك ياخوى والله ربنا جبر بخاطرك وهيفرح جلبك ربنا يسعدك انت سبجت ولدك وولدى حد كان يصدج عاد 😄😄 .

كرم راح لدلال وكان باصصلها بكل حب وشوق سنين كتيير اوى وهى كمان عينها كانت فيها شوق وفرحة ودموع بس دموع فرح الفرح اللى بعد شوق ده جمييل اوى 🥹 . كرم باس دلال فى جبينها بوسه طوييله كلها حب وحنان السنين وهى حست اوى اوى ومن غير ما يحس لقى نفسه بيحضنها جامد ونسي الناس مكنش شايف غيرها كان الدنيا فضيت مفيهاش غير هما ❤️❤️❤️ .

والزغاريد وضرب النار اشتغلوا بقى وكان عبدالله مبسوط وبارك لاخته وكرم ومحمود والحمد لله تم جواز كرم ودلال وهما اتفقوا يقضوا الليلة بس ويصبحوا يمشوا وبعد ما الليله خلصت وكله مشى العريس اخد عروسته وطلعوا اوضه دلال كانت متوضبه على الاخر واول ما الباب اتقفل عليهم كرم قرب من دلال وشال الطرحة من على وشها بشويش وقال :

مبروك يا جلب كرم انا مش مصدج حالى يا دلال بجيتى مرتى بعد كل ديه انا جلبى هيجف من الفرحة ارفعى عنيكى وحشونى انتى كلك وحشتينى جوى جوى يا حبيبتى جولى حاجه نفسي اسمع صوتك ❤️❤️ دلال : انى كمان مش مصدجه حالى حاسه انى بحلم ربنا يجدرنى واسعدك انا حاسة رجليا مش شيلانى من الفرحة يا !! كرم قالها : يا اييه جولى يا روح كرم وجلب كرم انتى !! دلال : يا حبيبى ❤️❤️ كرم : واه ياولاد وراحوا مع بعض فى عالم كله حب واشتياق نسيبهم بقى 🥰🥰🥰.

طليق دلال اول ما سمع انها اتجوزت النار قادت فيه واتعصب وفضل يزعق ويكسر وقال : والله لاحرج جلبك يادلال واخد منك البت انى ابجى عايز ارجعك واسوج عليكى طوب الارض وانتى سايجه العوج اتاريكى بتفكرى فى حبيب الجلب ده انا هخليكى تطلبى الطلاج من عريس الغبرة اما اشوف بنتك ولا العريس حبيب الجلب عاد انى هروح واخفلجها عليهم !! فعلا اول ما النهار طلع ويدوب العرسان صحيوا كرم شال شعر دلال اللى كان على جيبنها وراح قربها منه واخدها

فى حضنه ودلال فتحت عنيها : بصتله وقالتله : صباح الخير وهى مكسوفه ☺️☺️ كرم راح رافع وشها وباصص فى عنيها وقالها بكل حنيه : صباحية مباركه يا جلبى وباسها من جيبنها وبعدين باسها بوسه خفيفه من شفايفها وكانت عايزة تقوم عشان تدخل الحمام قالها : رايحه فين !! ردت عليه : هجوم الحمام !! قالها : انى هجهزلك الحمام بيدى استنى خليكى مطرحك وقام فعلا وبعد ما خلص نادا عليها وقامت تشوف واتفاجات

باللى عمله وقالتله : واه يا كرم اييه ديه حلو جوى يا حبيبى تسلم يدك ❤️❤️ . قالها : يلا تعالى وفجاه لقت نفسها معاه فى البانيو 😄😄😄 نسيبهم بقى ❤️❤️❤️. كرم ودلال الفطار طبعا الفطار طلعلهم عشان عرسان وكرم كان بياكل دلال بايده وكان مقعدها على رجله كانها بنته وهى كمان بتاكله واجمل لحظات عاشوها فى اول يوم جوازهم وبعد ما خلصوا وكانوا بيجهزوا عشان ينزلوا تحت سمعوا صوت عالى تحت دلال اتخضت لانها عارفه

صوت طليقها طبعا وقالت : الله يخربيتك يا صلاح اييه اللى جابك اكيد فى حاجه انا خابرة يا جلبى 🥹🥹 . كرم مسك ايدها وقالها : اوعاك تخافى وانتى معايا انا هنزل اشوف فى اييه واوعى تنزلى سامعه ومتخافيش انتى وبنتك فى حمايتى انتى متعرفيش كرم لسه يجدر يعمل اييه مش هتاخر يا جلبى طمنى جلبك يا جلبى ❤️❤️ . ياترى طليقها هيعمل اييه وكرم هيتصرف ازاى !! …..