#عشقت_قاسي (مكتمله) بقلمي نورهان رضا الفصل الثالث والعشرون 23 - بقلم نورهان رضا

صباح الجمال علي اجمل نااس في الدنيااا الي عارفه انهم عايزين يدوني بالجزمه بس عيب عليكوو انا جيت
ليكو و معايا حلقه طويله اهي وفي مفاجاه كمان🤭
هنزلكو بكره حلقه والحلقه دي كهديه مني ليكو بسبب تأخيري ده بس اي بق اي اشوف تفاعل حلو كده ولا نستعمل السكاكين ونخليهاا حرب😹
لالا انتو قلبكو ابيض وهتعملو فوت مش طالبه ولهي عدد معين قد منا طالبه بس انكو تعبرو عن اعجابكو بالرواية مع كومنت حلو ظريف لطيف كده يعني يلا بق رغيت كتيرر استمتعو بالحلقه😍😚

عشقت_قاسي #الحلقه_22
____________________________________
_انت مجنون انت كنت هتمد ايدك علي اختي ولا اي

_بدرر؟!!!

_عايز تضرب اختي ولا اي يا يوسف اتجننت ولا اي؟!!!!!

(يوسف ابن عم حياه الي ظهر في أول الروايه حبيت افكركو بيه عارفه انكو ممكن تستغربو الاسم ده عشان كان بردو في روايه هوس عشقك بس ملقتش افضل من اسم يوسف💗)

نظر يوسف بغضب تجاه نيره الذي تنظر إليه هي الأخري بتحدي

_مكنتش اعرف انها اختك

هتفت بشراسه

_ولو كنت تعرف كنت هتعمل اي يعني

_تصدق يبدر اختك دي قليله الادب اسف يعني ناقصه تربيه

بدر بغضب وصوت عالي وهو يمسكه من ياقه قميصو

_لا شكلك انت يا يوسف الي محتاج تتربي من اول وجديد

وقف سيف بالنصف يبعدهم عن بعض وهتف بغضب

_خلاص اهدو اهدي يا بدر وانت يا يوسف لولا أنك قريب حياه مكنش هيحصل كويس خد بعدك واتكل من هناا يلاا مش عايزين مشاكل واختي متقربش منها تاني عشان لو ده حصل وعرفت بده فانا غير بدر ومش هيهمني انت قريب مين أنت فااهم

رمقهم يوسف بغضب ورمقها هي بنظره احتقار وابتعد عنهم ليركب سيارته ويذهب

التفت بدر نحو نيره الذي تقف ببرود وكأن لم يحصل شئ

_تعرفيه ازاي ده وكان بيتخانق معاكي ليه

سيف بهدوء

_مش وقت الكلام ده هناا يا بدر ويلا نروح نحتفل بشبكتو مش هنفضل طول اليوم هناا مش كده ولا اي يا مرات اخوياا

كارما بأبتسامه له رغم أنها تلاحظ ضيقه

_سيف معاه حق يا بدر يلا

أومأ بدر وهو ينظر لنيره بقوه ليذهبو

داخل سياره سيف هتف سيف بهدوء وهو ينظر لنيره

_الواد ده لو لمحتيه في حته انتي فيهاا أو قريب اوعي تكلميه احنا اصلا مش بنحب الواد ده ولو مراد عرف أن بدر اتخانق معااه مش هيعدهالو

نيره بغرابه

_ليه هو مراد بيكرهو يعني ولا اي

_اايوه مراد أصلا مش بيطيقو عشان الاستاذ بيحب حيااه ونتي عارفه أن حياه مراد بيعشقها

نظرت إليه نيره بصدمه ثم هتفت بسخريه

_وهو مراد ده عندو قلب يا اخي انا مش بستلطفو أصلا عشان الي عملة في حياه ده

_مراد مظلوم يا نيره انتي عارفه و

قطعتو نيره بضيق

_خلاص خلاص يا سيف انا مش عايزه اسمع مبررات عنه

كانت قمر تستمع لهم يأهتمام وفضول لمعرفه لماذا مراد مظلوم لتنكمش ملامحها بأنزعاج عندما وقفته نيره عن إكمال الحديث

نظر سيف على المراءه فقد تناسي وجدها ليري انزعاج ملامحها ليهز رأسه ييأس ويبتسم ثغره فهو يعلم أنها فضوليه

________________________________

بعد وقت طويل مابين الضحك والهزار وصل بدر كارما وقمر الي بيتهم ورجع هو وولدته ونبره وسيف الي ڤيلتهم وعندما وصلو دلف كل منهم علي غرفته أما بدر فأتجه نحو غرفه نيره وهتف بهدوء

_عايز اتكلم معاكي

نيره وهي تترك هاتفها

_اتفضل في اي

_ازاي قابلتي يوسف واي السبب الي خلاه يتخانق معاكي

حكت له نيره كل شئ لينظر إليها بدر مطولا

_تمام ياا نيره بس لو سمحت الواد ده ملكيش دعوه بيه

_هو كلكو هتقعدو تقولو كده

_قصدك اي ؟!!هو حد غير قالك كده.

_ايوه سيف فضل يحذرني مني ولو لمحته أكلمه واعرفو علي طول

ابتسم بدر بثقه وهتف بحنان

_حبيبتي احنا خايفين عليكي ويوسف ده انسان مريض اصلا ونا مبسوط من سيف

نيره بتوتر

_بدر هو انا ينفع اطلب منك طلب

نظر إليها بحنان وهتف وهو يربت علي شعرها

_طلب واحد نيره انتي اختي يا حبيبتي اطلبي عيوني وهديهالك

ابتسمت بتوتر وهتفت

_ممكن تبق حنين علي سيف انا شايفه انك بتحبه بس انت قاسي معاه اوي

هتف بدر بهدوء وهو ينظر لها

_نيره سيف مش عايز معامله حنينه لأن سيف لو عملتو بحنيه وعملت كل الي هو عايزو هنخسرو عشان كده لازم ااقسي عليه انا خت الكريدت كارت وخت العربيه منه قبل كده وحرمتو من حاجات كتير وعلي يدك ومكنش في فايده المره دي لازم الحق سيف يا اما هنخسرو للأبد

_طب طب هو مين الي عمل فيه كده

_صدقيني لسه مش عارف بس هعرفه قريب وسعتها مش هرحمه من الي هيحصلو

_خلاص انا هحاول اعرف مين الي خلاه سيف بشكل ده

عقد بدر حاجبيها بتسأول وهتف

_هتعرفي ازاي

_انا وسيف الايام دي قريبين من بعض ويمكن يعني في مره اسألو وهو يقولي وكمان انا مش بسيبو لحظه اخاف يضعف ويحاول يعمل في نفسه حاجه

_للدرجه دي بتحبي سيف

نيره وهي تهرب من نظراته اليها

_مش اخويا اكيد بحبه

_اومال انا ليه يا نيره مش بتحبيني معأني اخوكي بردو

_لو سمحت يا بدر كفايا كلام انا عايزه انام

أومأ بدر بحزن ليخرج من غرفتها أما هي فتنهدت بحزن وضيق تهتف

_انت السبب ايوه انت الي خلتني اكرهك ومحبكش وحتي محبش ماما امينه أو سيف
ياارب قويني وصبرني

__________________________________

واخيرا يوم جديد داخل منزل ابراهيم والد حياه

خرجت حياه من غرفتها لتري ولدتها تحضر الفطار ووالدها يجلس يشاهد التلفاز أما هو فرأته يصلي بأحد الأركان رفعت حاجبيها بدهشه فهي كل يوم تراه هل يبيت عندهم ام ماذا اتجهت نحو ولدتها بغضب وهتفت

_ماما هو مراد بيعمل اي هنااا اي الي جيبو اصلٱ
هو كل يوم لازق كده هناا

نظرت لها ولدتها بعتاب

_عيب كده يابنتي ومتنسيش ده يبق جوزك وكمان

قاطعها حياه بتذمر وغضب

_بس متقوليش جوزك دي عشان مختش السكينه وادبها في كرشه

التفتت حياه هي وولدتها عندما سمعو صوت شهقه خلفهم ليهتف مراد الذي شهق بزعل مصطنع

_اخس عليكي يا حياه بق انا عندي كرش فين ده اومال العضلات وكل ده يبق اي

رمقته بضيق وعصبيه وهتفت

_انت اي يبني مبتزهقش وكمان ليك نفس تهزر

_ومهزرش ليه متجوز واحده قمر وبحبها وحماتي ست طيبه وراضيه عني وحمايا بيموت فياا ازهق من اي بق اي ده مرات خالي خالي بينده عليكي براا

ابتسمت عايده وقد ايقنت أن مراد يريد الحديث مع حياه علي انفراد لتخرج بهدوء وتتركهم لتربع حياه يديها نحو صدرها تهتف بضيق

_عايز اي يا مراد

اقترب منها مراد وقال بهمس

_فرصه فرصه واحده بس وهثبتلك اني بعشقك

حياه بحزن

_اديتك فرص كتير يا مراد وكل مره كنت بتخذلني انا مش معدومه الكرامه اوي كده

_لا يا حياه كل مره كان بيبق غصب عني

_يعني اي غصب عنك فهمني غريبه اوي كل مره نقول هنبق فيها مع بعض تيجي انت وتفرقناا ربنا مش كاتبلنا اننا نكون لبعض افهم ده

_لا يا حيااه احنا مكتوبين لبعض بس ربنا بيختبرنا بيختبر صبرنا هل احنا قد الحب ده ولا لأ صدقيني كل حاجه هتتحل قريب حيااه انا بس كل الي طلبو فرصه فرصه واحده اثبتلك بيهاا اني بحبك

_ليه ليه يا مراد مجتش استنيتك كتيرر مش كان زمانا دلوقتي مع بعض يجد ليه كسرتني بالطريقه دي

اقترب منها بحزن عندما شاهد دموعها ليقبل جبينها بحزن

_ولهي غصب عني غصب عني ورحمه جدتي غصب عني مكنش بأيدي ده انا الوحيد الي كنت مستني اليوم ده بفارغ الصبر

_واي الي حصلل ياا مراد احكيلي احكيلي يمكن يمكن اديك فرصه تانيه زي منتا ما بتقول

_مش هقدر يا حياه مش هينفع هتكرهيني اكتر
هتشوفي ده بدافع الانانيه واني بقرر عنك مش هينفع تعرفي دلوقتي

_وانا مش هقدر اثق فيك تاني ولا في اي حد انت كرهتني في كل الناس

حتي الشغل قعت منه بقيت اكره اي حاجه وحتي بدر كمان وبابا وكل حاجه مبقتش احبها وكلو بسببك انت السبب في تدمير حياتي بالشكل ده وفي الاخر اتجوزتني حتي بدون موفقتي ربنا يسامحك يا مراد لأن انا عمري مهسامحك وكفايا اوي لحد كده صدقني كل الي انت بتعملو ده وقعادك هنااا مش هيجيب نتيجه

مراد بحزن

_يا حياه صدقيني غصب عني انتي ليه مش واقفه جمبي

_اقف جنب مين جنب الي كسرني مرتين جنب الي جرحني وخلاني فرجي قدام الناس انت فعلٱ اناني ومتستهلش اي حاجه يا مراد ابعد ابعد متخلنيش اكرهك اكتر منا كرهاك يا ابن عمتي

خرجت من المطبخ لينظر لاثرها بحزن ويهتف بأصرار

_لو انتي عنيده فا انا اعند منك بكتير وهفضل وراكي لحد متخفي وترجعي تثقي فياا وتحبيني تاني يا حبيبتي

دلفت عايده وعلي ملامحها اثار الحزن وهتفت

_بنتي صعبانه علياا اوي يا مراد

مراد بحزن

_كل حاجه هتبقي بخير ثقي في ربنا وبعديها فيا انا مش هسيب حياه غير لما تكون كويسه

_طب اي هتعمل اي كده

_العلاج الي انا بديهولها مفعولو واحده واحده هيشتغل

_طب العلاج ده عشان يخرج السم الي فيها طب وال العمل

تنهد مراد بتعب وهتف

_الشيوخ قالولي اعلجها بس الاول من السم وبعديها لازم أحدها عند المشيخه عشان يقرو عليهاا ونشوف هيكون اي العلاج

_طب والسم ده هيروح امتي

_هي خدت تسع نقط والعلاج بتاعو بيقعد اسبوعين علي الاقل

_طب يا مسهل عدي اسبوع

_انشاء الله خير متقلقيش

نظرت إليه بحزن وهتفت

_ياارب يشفي حياه وترجعو لبعض يحبيبي

_امين ياارب

_____________________________________
في ڤيلا ادهم نزلت سهيله الي الاسفل وهي تشعر بالضيق منه فمنذ تلك المكالمه من تلك الذي تدعي ناني وهي لم تتحدث معه إطلاقا خرج من الغرفه وهو يرتدي قميص ابيض وبنطلون ابيض وتجه نحو طاوله الطعام ليجلس عليهاا بهدوء وهو ممسك بهاتفه يتابعه بأهتمام

تابعتو هي بملل وغيظ من تجاهلو لهاا لتهتف بصوت عالي نسبيا

_ممكن تسيب ام التليفون وتركز معاياا

ادهم وهو مازال ينظر إلي الهاتف

_عابزه اي اتكلمي

_لما تبق تسيب الي في ايدك ده الاول

_منا لو سبت الي في ايدي هخرج عشان الي في ايدي ده مهم واهم منك انتي شخصيٱ فأخلصي وقولي عايزه اااي عشان مش بحب تضيع الوقت وخصوصٱ لو مع واحده تافهه زيك

_انت عااايز مني ااي مطلقني احسن بق طلاما اناا مش مهمه وانسانه تافهه متجوزني ليه

_مزاجي دخلتي مزاجي عجبتيني اتجوزتك مستعجله اوي انتي علي الطلاق

شعرت بوجع شديد ولاكن كان الأكثر استفزازو لها لم تشعر بنفسها غير وهي تجذب الهاتف من يديه بسرعه لتنظر إليه لتنصدم عندما رأته يتحدث شات ما بينه وبين فتاه ولاكن ما هذا علي هذه فتاه فهي حقا جميله فهي كفتاه وراتها جميله بهذا الشكل فماذا عنه هو اغتاظت اكثر عندما قرأت اخر جمله وكانت

"حبيبه قلبي انتي قمر في كل حاجه دي كفايا رئيتك يا جميله"

شعرت بالدماء تجري داخل عروقها وتتجمع داخل رأسها ولم تشعر ينفسها غير وهي تقذف الهاتف بقوه تجاه الحائط لينكسر الي أشلاء

كان هو ينظر إليها في الاول ببرود ولاكن عندما فعلت هذا نظر إليها بصدمه وغضب ليهتق بصوت هز اركان المنزل

_اااانتي مجنونه انتي ااازاي تعملي كده

_وااااانت اااازاي ياااا محترم تبعت لواحدة وتقول ليها الكلام ده ااااااي ناسي انك متجوز

نظر اليها بسخريه من اعلاها لأسفلها وهتف

_متجوز هه هو انتي معتبره نفسك مراتي بجد ولا اي متبصي لنفسك ياا بت في المرايه واعرفي انااا مين ونتي تبقي مين

رمقها مره اخري بحقاره وهتف

_تحبي افكرك امك تبق ااي هي واختك ولااا بلاش من الاحسن ليكي متدخليش في حاجه تخصني انا متجوزك تلخيص حق وعشان اخد منك الي انا عايزو بمزاج تمام يحلووه فمتنسيش نفسك الجو الي انتي عااايشه في ده شوفيلك غيرو عشان مش لايق عليكي

خرج خارج الڤيلا أما هي فشعرت بسكاكين حاده تذبحها من كلامه فقد عايرهاا بولدتها وشقيقتها فهل الانسان يختار اهله بيديه ام ماذا بكت بشده لتصرخ بوجع وبكاء شديد لماذا الحياه تفعل بهاا هذاا ماذا فعلت ليكون هذه هي النتيجه

نظرت اليها الداده بحزن وهتفت

_كفايا يا بنتي حرام عليكي كفايا يا ضنايا

سهيله ببكاء وصراخ

_ااااابعدي عني سيبيني فييي حااااالي عاااايزه مني اااي انتي كماااان هاااا محدش بيحبني كلكو بتكرهوني عملت اي في حياااتي عشان الكل يكرهني ابويا طول عمرو بيفضل اسراء عني اامي مش بتحبني ابدا وعمرها محسستني مره اني بنتها حتي بنات عمي والبنت الوحيده الي بعتبرها اقرب واحده ليا هي كمان مش بتحبني وحتي ابوها وامها مش ييحبوني عشان امي عشان عشان امي بتاعت سحر وشعوذه وبتعملهم اعمال صدقيني انا انا مكنتش اعرف لو لو كنت أعرف كنت اكيد همنع ده ولهي مكنت اعرف ليه الدنياا جايه علياا بالطريقه دي دنا عمري مكرهت حد يعني للدرجه دي انا وحشه عشان كده الكل بيكرهني طب طب انا عايشه ليه ده ده حتي ابويا وامي مسألوش علياا من من ساعت متجوزت للدرجه دي مصدقه اني مشيت للدرجه دي كنت حمل عليهم حتي هو انا مأذتهوش ولا عملتلو حاجه كانت مجرد خناقه ليه يعمل معايا كده بيذلني ويقهرني ليه

كانت تتحدث ببكاء يقطع قلب كل من رآه حتي تلك السيده ادمعت عيونها بحزن علي تلك المسكينه لتأخذها داخل أحضانها بقوه وتربت علي ظهرها وتهتف

_يا حبيبتي يا بنتي كل ده جواكي وكاتمه في نفسك انتي غلطانه يا سهيله المفروض تستغفري ربك يبنتي ده ااختبار منه ليكي بيختبر مدي صبرك وايمانك بيه وكمان انتي تتحبي وتتحبي ااوي كمان واي حد يفتخر انه عنده حد زيك كده يا قلبي كفايا عياط بالله عليكي

سهيله ببكاء

_انا عايزه امشي من هنا كفايا اهانه لحد هناا

_مش هينفع يبنتي استهدي بالله ادهم بيه لو عرف هتحصل مصيبه ومش بعيد

قاطعتها سهيله ببكاء

_انا لو فضلت هنااا ثانيه كمان هموت نفسي ولهي مش هستحمل كده انا مخنوقه مخنوقه من السجن الي انا فيه ده ارجوكي ساعديني امشي من هناااا وحياه اغلي حاجه عندك

تنهدت الداده بحزن وهتفت بزعل

_حاضر يبنتي هساعدك هساعدك عشان ملكيش حد وملكيش ظهر بعد ربناا ونتي زي بنتي

مسحت سهيله دموعها بسرعه وهتفت بسعاده

_بجد بجد هتهربيني من هناا

أومأت الداده بحزن وهتفت

_بس هتروحي فين يابنتي هتروحي لأهلك

سهيله بحزن

_اهلي وهما فين أهلي دول لا اكيد مش هروحلهم واصلا لو روحت ادهم هيعرف يجبني تاني

_اومال هتروحي فين

_ارض الله واسعه

بعد وقت ليس طويل أخذت سهيله حقيبه صغيره بها ملابس لهاا وكانت تقف بالباب الخلفي للڤيلا

_الباب ده مفيش حراسه عليه ولا حتي كاميرات لأن محدش بيستعملو كتير أصلا مجرد حمايا وخلاص عشان لو لقدر الله حصل حاجه في الڤيلا المهم انتي هتخرجي من هناا طوالي لحد متلاقي عربيه اركبيها وابعدي عن هناا

اومأت سهيله لتتذكر أنها ليست معاه مال لكنها تفجئات من الداده وهي تعطيها مبلغ

_خدي يا سهيله يا بنتي دول الفين جنيه من من مرتبي انا أصلا عيالي كل واحدة متجوزه وجوزها بيصرف عليها والفلوس الي بخدها من ادهم بيه مش بعمل بيهم حاجه وحظك اني لسه واخداهم انهارده خليهم معاكي اكيد هتحتاجيهم وبصي خلي دي معاكي علي جمب عشان لما تركبي أو تجوعي وحولي تطمنيني عليكي يابنتي واهي يحبيبتي مش معايا حاجه تاني لو كان معايا اكيد مكنتش هحوش عنك

بكت سهيله بقوه لتعنقها بقوه

_انتي احن واحده انا شوفتها في حياتي تعالي معايا مش هقدر اسيبك لوحدك مع الحيوان ده

_يبنتي قولتلهالك قبل كده ادهم بيه راجل طيب بس هو الي مصمم يكون كده يلا يلا يا سهيله مفيش وقت بسرعه يابنتي

أومأ سهيله لتعانقها مره اخري وتذهب وعندما وصلت لاول الطريق ركبت اول سياره قابلتها
وبعد وقت طويل كانت امام محطه القطار وقد حجزت أحدي التذاكر الذي ذاهبه الي الاسكندريه

جلست بتعب وحزن تنظر للفراغ تتذكر كل ما مرت به نظرت إلي هاتفها بشرود ثم أخرجت الخط لترمي من شباك القطار لينطلق بعدها القطار متوجها نحو

"الاسكندريه"

____________________________________

رجع ادهم بعد وقت طويل الي الڤيلا يشعر بالغضب من نفسه بسبب عصبيته عليها بالصباح وذلك الكلام اللاذع الذي قاله لها بدون اي رحمه لمشاعرها وكونها فتاه ضعيفه تتأثر من اقل شئ ارجع رأسه الخلف يتذكر أحدي مواقف ولده مع ولدته تلك السيده الحنونه الذي في نظره لم يوجد غيرهاا

فلاش باك

رجع سلطان الي المنزل ويبدو عليه الخمول والسكر لتهتف والده ادهم "ثريا"

_تاني يا سلطان تاني شرب وسكر تاني حرام عليك طب لو مش عشاني علي الاقل عشان ابنك يا اخي اتكسف علي نفسك شويه

هتف سلطان بدون وعي

_ملكيش دعوه انتي لا بيا ولا بأبني ده ابني وانا حر فيه ولاااا

انتفضت ذلك الصغير من صوت والده العالي ليهتف بتوتر وخوف

_نعم يا بابا

ابتسم سلطان بفخر وهتف

_عااارف انا عشانك بعمل حاجات كتيرر عشان تبق غني لما تكبررر بس اقولك علي حاجه افضل اشرب كده زي ايوه اشرب وعيش حياتك يا حبيبي بس اوعي اوعي تغلط نفسي غلطتي وفي يوم من الايام تتجوز واحده فقيره زي امك هتفقرك يلااا اتجوزها غنيه عشان تبق متحكم في كل حاجه ويلا تعالي بق اي تعالي اشرب اشرب معاياا انا جايب معايا ازازه مشروب انما اي هتعدلك دماغك

صرخت ولدته بوجه زوجها بعدم تصديقه من حديثه لطفل لم يتخطي عمره العشر سنوات وصدمتها الاخري عندما سخر منها ومن فقرها

_انت مجنون انت ازاي تقول لولد صغير كده انت شكل الشرب لحس دماغك

سلطان بسخريه

_انتي بس غوري من خياتنا كل حاجه هتبقي تمام هي هي فين الأوضه كده ولا كده اه صح افتكرت كده يلا يلا تصبحو علي خيرر

دلف والده داخل الغرفه ليتجه ادهم داخل أحضانه ولدته يهتف بخوف

_ماما هو بابا بيزعق ليه بالطريقه دي انا خايف منه

_متخفش يا حبيبي متخفش اوعي يا ادهم اوعي يحبييي في يوم من الايام تكون شبهو

_طب ممكن متعيطيش خلاص ولهي مش هسمع كلامه في الي قالهولي ده بس انتي متبكيش

اومأت ولدته بتعب لتقبل جبينه بحنان

اند باك

نزلت دمعه ساخنه من عيونه علي فراق ولدته ولاكنه مسحها سريعاً لتتحول عيونه سريعا للون الاسود بغضب من نفسه ليهتف بضيق

_انت مجنون ولا اي بتشبه امك بمين بالبت دي امك دي كانت احسن واحده في الدنياا واطيب واحده في العالم كله ونت رايح تشبها بواحده زي دي امها مشعوذه واختها واحده زباله وديني لربيهاا هي وعيلتهاا علي قله ادبهم معايا

دلف داخل الڤيلا بوجهه مقتضب لا يريد رؤيتها حتي لا يضعف امامها ولاكنه رأي هدوء الڤيلا شعر بضيق فهو عند دخوله كل يوم يري صوت ضجه أو ضحكها ولاكن نهر نفسه بشده بأنه لا يريد حتي أن يراها

دلف نحو غرفته ولاكن رأها فارغه شعر بالحيره نظر تجاه المرحاض فقد ظن انها بالداخل ليتجه نحو يطرقه عدي طرقات ولاكن تلقي الصمت شعر بالخوف ليفتح الباب سريعا لاكنه رأه فارغ اتجه حتي يخرج من الغرفه سريعاً ولاكن لمح دولابها مفتوح ليتجه نحوه بضربات قلب تخفق بسرعه شديده صدم بشده عندما رإي دولابها فارغ

توسعت عيونه بدهشه وغضب في أن واحد ليخرج كالمجنون يبحث عنها في كل مكان ولاكن لا يوجد لها أثر لينده للداده بصوت عالي افزهها لتخرج وهي تحاول أن تفضل علي ثباتها وتخفي توترها وخوفها من القادم

_نعم يا ادهم بيه تحب احضرلك العشا

_عشاااا اي وزفت اي فينن مراااتي

عقدت الداده حاجبيها بعدم فهم مصطنع فترد عليه بحيره

_الله هي مش في اوضتها ده من ساعت محضرتك مشيت وهي مخرجتش من اوضتها خالص

_ازاي ازاي مخرجتش دولابها فاضي سهيله مشيت مشيت هربت من البيت

خرج برا تجاه الأمن ليصرخ بوجههم ويهتف بعصبيه

_انتو يبهايم يولاد ال***** ازاي سهيله هانم تخرج ومحدش يعرفني أو يبلغني بده

نظر حراس الأمن لبعضهم بتوتر جلي ليهتف أحدهم

_ح حضرتك حضرتك سهيله هانم مخرجتش انهارده ومحدش خرج نهائي وكمان احنا محدش فينا اتحرك من هنا زي محضرتك امرنااا

_يعنييي اااااي يعنيييي اي خرجت وهي لابسه طقيه لخفه يعني ولا ااااي دانتو ليله اهليكو سودااا بس صبركم علياااا

انت عاايز كل الكاميرات وكمان كاميرات الباب الخلفي بسرعه

شهقت الداده بخوف متي وضع كاميرات في الباب الخلفي

_ياارب عدي اليوم ده علي خيرر

______________________________________

كانت كارما بغرفتها تشعر بالغضب الشديد لتنظر الي هاتفها الذي يرن بأسم بدر امسكته بغضب وردت عليه بغضب وعصبيه

_متتصلش عليااا فاااهم متتصلش تاااني وسبني في حالي عشان أنا عفريت الدنياا بتتنطط قدامي يا بدر !!!

قفلت بوجهه الخط بدون أن تعطيه فرصه للرد فالذي حدث اليوم قد اغضبهاا بشده بل اشعل بداخلها نار شديده الاشتعال كل من يقترب منها سيحرقها بلا محال تتذكر تفاصيل اليوم منذ افاقتها تشعر بالحماس فقد أمس اشتره لها بدر شبكتهاا اتجهت سريعاً نحو دولابها بأبتسامه سعيده لتخرج منه "دريس ابيض " وتتجه نحو المرحاض بعد وقت كانت امام المراءه تضع بعض الزينه علي وجهها لتفرد شعرها خلف ظهرها وتضع البعد منه علي كتفها ارتدت حزائها واخذت حقيبتها لتخرج وتري ولدتها وشقيقتها يجلسون يشاهدون التلفاز ووالدها قد انتهي للتو من الصلاه ليتجه نحوها وعلي ثغره ابتسامه لابتسامتها السعيده

_شايفك فرحانه ياا كارما

_اوي اوي يا بابا بجد شكرٱ ليك عشان وفقت علي بدر

ابتسم بحنان ليرد عليها بأبتسامه

_انا تهمني سعادتك يبنتي واني اشوف الابتسامه الحلوه دي منوره وشك

قبله وجنته بسعاده لتنظر لها ولدتها

_اش اش اش شيفاكي يعني متشيكه كده علي الصبح لا ولابسه ابيض اي وراكي فرح وانا معرفش

هتفت قمر بسخريه

_لا يا ماما دي شكلها رايحه تقابل الحصان الابيض اخ اقصد الفارس هههه بصراحه مش لايقه

_بس ياا بيخه في اي يا ماما مالو الدريس ده بدر لسه جيبهولي امبارح وشكلو حلو اوي

_طب رايحه فين يا آخره صبري

ابتسمت كارما ونظرت اليهم بخجل وقالت

_هروح الشركه لبدر عملالو مفاجاه وهروح واخدو ونخرج انهارده

ولدها بعتاب

_ومش المفروض انا اكون عارف ولا خلاص لغتيني

تحولت ابتسامتها لخوف من أن يرفض والدها لاكنه هتف بقله حيله

_روحي يا حبيبتي بس متتأخريش يا كارما وانا بثق فيكي عشان كده موافق يبنتي

ابتسمت لحنان والدها لتتجه نحوه تعانقه بشده وتهتف

_ربنا يخليك ليااا يا احسن اب في الكون العالم كلو يلا اسيبكو اناا بق باااااي

خرجت من باب المنزل لتركب عربيتها وتشغل أحدي الاغاني"المهرجانات"وقد كانت تفعل حركات بيديها مع الاغنيه بسعاده وبعد وقت قد وصلت أمام شركه "بدر"

ركنت سيارتها وبعدها اتجهت نحو الداخل لتدلف داخل المصعد بعد وقت كانت تقف أمام مكتبه شعرت بغرابه فالاسكرتيره لم تكن علي مكتبها ولاكنها ايكنت انها بالداخل

قررت الدخول بدون أن تعطيهم الاذن ولاكن ليتها ما فعلت فأنصدمت عندما رأت تلك الفتاه الذي تدعي "ناني"جالسه علي رجليه من وضعيتهم الذي رأتها لم تحللها سوي انهم كانه يقبلون بعض

انتفضت بدر الذي صدم عندما رأته ليهتف سريعاً خوفٱ من أن تفهمه غلط

_كارما استني متفهميش غلط انتي كاااارما

لم تعطيه وقت للحديث فقد رمقته بتقزز لتخرج من مكتبه سريعا وهي تبكي بقوه ركبت سيارتها لتبدأ تقود السياره بغضب وبكاء شديد نظرت للهاتف الذي يضئ بأسمه علي الشاشه لتصرخ بغضب

_انسان حقيررر وقليل الادب انا غلطانه اني وثقت في بنأدم زباله زيو

بعد وقت اوقفت سيارتها أمام أحدي المطاعم فهذه عادتها عندما تغضب أو تكون حزينه تلجئ الي الاكل والحلويات

كانت تنظر للأكل بشهيه لتبدأ بألتهامه وعبراتها تنزل بحزن ولاكنها قد هدأت قليله لتفكر

لماذا تلك الناني كانت موجودة وبل جالسه علي قديمه تتذكر جيدا في الامس كان يخبرها أن قد قطع علاقته مع تلك الفتاه العاهره بنسيه لهاا تذكرت خوفه في الصباح وكلامته بأن تنتظر لتهتف بغضب

_معقول يكون في حاجه تانيه حتي ولو في واني فعلٱ ظلماه ده ميدهوش الحق أنه يخليها تفضل قاعدة بالطريقه دي علي رجليه ماشي يا بدر صبرك علياا ولهي مهعديهالك علي خير يبن امينه وعز وجلاله الله لعلمك ازاي تكلم ست بس

(مسيطره همشيك مسطره هخليك لو شوفت بنت في شارع تبص لورا ايوه كارما مسيطره😹)

اخذت متعلقاتها ورجعت الي البيت تاني تحت استغراب الجميع ولاكن لم تعطي لاحد فرصه وقفلت باب غرفتها خلفها وظلت حبيسه بالداخل

_________________________________
أما في الناحيه الأخري كان يقف أسفل منزلها بغضب من حديثها معه بهذه الطريقه فهي لم تعطيه حتي الفرصه أن يدافع عن نفسه فهي فهمت هذا الشئ غلط ولاكنه يعذرها فابالتأكيد اي امراءه ستري زوجها أو خطيبها بهذا الشخص ستعصب وتغضب أشد الغضب وباطنه معذور فهو في الصباح تفاجئ من مجئ تلك البغيضه "ناني"

ليسألها بحده

_انتي بتعملي اي هنااا وفين السكرتيره الي براا هي ازاي تدخلك اصلاا

ناني بضيق من معاملته لها رفعت حاجبيها تشهق بعهر بطريقه (نوال في دلع بنات لما كانت بشخصيه ناني😹😹)

_تقصد اي يااا بدر اي انت نسيت ناني ولا السنيوره الجديده

بدر بحده وبرود

_ااه يحلوه نسيت مين هي ناني كانت مين ناني دي أصلا مجرد واحده زباله وكنت بستمتع معاها مش اكترر لاكن هي اشرف منك ومن الي جابوكي وياريت تنسيني عشان اقسم بالله العظيم لو شوفتك تاني مهيحصلك كويس وخدي بالك انا عديت الفيديو الي اتنشر ده بمزاجي

ناني بتوتر

_تقصد اي

وضع ساق فوق الأخري ليهتف بمكر

_الفيديو بتاعي انا ونتي الي اتفقتي مع الواد الزباله الي اسمه كرم انكو تنشرو

شحب وجهها بخوف لتبتلع ريقها بتوتر لتتجه نحوه تهتف بصوت كله دلع

_بدر صدقني كان غصب عني يا حبيبي كل كل الحكايه أن أن ادهم سلطان هو الي أمرنا بكده ونت عارف انا مفيش حاجه بأيدي وكمان انت بنفسك الي زققني عليه فأزاي هقولو علي حاجه لا اكيد كان هيشك فياا

وضعت يديها علي صدره بخبث ولاكن امتعضت ملامحهاعندما قذف يديها ببرود وقال

_يلاا اخرجي يا ناني وخليكي فاكره كويس اوي مين هو بدر الشيمي

اقتربت منه مره اخري لاكن هذه المره تفاجئ من وقاحتها لتجلس علي ساقيه بدون حيه

بدر بغضب

_انتي مجنونه وسعي كده

أمسكت برأسه سريعاً تثبتهم واقتربت بوجهها نحوه كي تقبله ولاكن قطع هذه اللحظه دخول كارما الذي فاجئهم

تنهد بغضب عندما حاول الالتحاق بهاا ويحاول الاتصال بها ولاكن تلك العنيده تقفل امامه كل الفرص لتوضيح الأمر

سند علي سيارته بغضب ليهتف

_طب ولهي مجنون وهعملها وهطلعلك ياا كارما ويا انا ينتي يبنت قاسم

(هو اي الحكايه واحده تقول يبن امينه والتاني يقول يبنت قاسم هو انا اتجننت ولا اي استحملو هبلي يا بنات بدون اساءه أدب ممكن😹😹😹😹😹)

فتح قاسم باب منزله بعدما سمع صوت طرقات ليتفاجئ ببدر امامه ليهتف بغرابه

_خير يبني في اي اتفضل متصلتش ليه قبل متيجي

بدر بدون خجل ووقاحه

_بنتك جتلي الشركه وشافت وأحده قاعده علي رجلي وفهمت غلط وانا جي عشان افهمها الصح

اطلقت والده كارما وقمر شهقه من وقاحته

أما قاسم فنظر إليه بصدمه و....

#يتبع 🙂

كارما لما دخلت علي بدر المكتب😹😹😹

ناني لما شهقت لبدر مسوفتهاش غير كده الصراحه😹😹

يلاا اشوكو بكره علي خيرر ياا حبايب قلبي بس وحياااااااه اغلي حاجه عندكو لتتفاعلو😹😹😍