#عشقت_قاسي (مكتمله) بقلمي نورهان رضا الفصل الثاني والعشرون 22 - بقلم نورهان رضا

حبايب قلبي صباح الخير عليكو البارت كان هينزل امبارح بس انا كان ورايا طول اليوم دروس عشان كده معرفتش انزل اي حاجه اعذروني ❤️❤️

#عشقت_قاسي #الحلقه_الواحد والعشرين
____________________________________
أما بالناحيه الثانيه بعدما قفل معاها بدر بغضب التفت ليدلف إليهم مره تانيه ولاكنه انصدم عندما رأي كارما تقف خلفه لتهتف بهدوء وهي تربع يديها

_مين ناني يا بدر مش دي البنت الي بتبق معاك علي طول والي صورك اتنشرت معاها مش كده انت لسه علي علاقه بيهاا؟!!!!!!

بدر بهدوء

_كارما انا قطعت علاقتي بالبنت دي من ساعت الي حصل حتي أني مقبلتهاش ولا شوفتهاا وانا أصلا كنت يعتبر نسيتها ولما اتصلت بيا اتفجأت بأتصالها

كارما بحده

_ونت بق عايزني اصدقك

_ايوه يا كارما هو انتي مش بتثقي فياا معقولل؟!! يعني مفكره اني بضحك عليكي!!!!!

نظرت إليه كارما مطولا ثم هتفت بهدوء

_مصدقاك يا بدر انا بثق فيك

ابتسم لها بحنان ليقبل جبينها بحب وهتف بصدق

_صدقيني انتي اجمل حاجه في حياتي كلهااا وانتي الوحيده الي في قلبي وعقلي وبس

هتفت كارما بخجل من نظراته

_طب.طب يلا ندخل جوه عشان بابا بينده

جذب يديها بحب يقبلهم بشوق

_بحبك

ابتسمت بحب لتهتف هي الاخر ي بخجل

_وانا كمان

اقترب منها يهتف بهمس

_ونتي كمان اي سمعهالي بحب اسمعها منك يا حبيبتي

_بحبك يا بدر

_وانا بعشقك يا روح وعقل وقلب بدر

_احم احم نحن هنااا راعو أن في سناجل ياا حلوين

نظر اليها بدر بضيق وهتف بخفوت

_اختك دي فصيله اقسم بالله ومهدمه الحظات

ضحكت كارما بخجل ليدلفو هما الثلاثه الي الداخل

قاسم بهدوء

_طيب يا بدر انت قولت انك عندك اخت ومامتك مش ناوي تعرفنا علي بقيت عيلتك

ابتسم بدر بهدوء

_بالعكس ده شرف ليا اني اعرفكو علي امي واخواتي

_خلاص انتو معزومين عندنا الخميس بتاع بعد بكره واهو يبق تعارف ولا اي رأيك يا ام كارما

منال بسعاده

_مش محتاج تسمع رأيي يا ابو كارما دول ينورونا طبعٱ

ابتسمت كارما ولاكن شحب وجهه قمر عندما تذكرت سيف لتنظر إليهم بتوتر ولاكن لاحظ بدر توترها ولاكنه انقض هذه الأفكار من رأسه

_____________________________________
فاق ادهم ليراها داخل أحضانه تنام بعمق ولاكن اثار الحزن باينه علي وجهها

نظر إليها بشرود والي ملامح وجهها الطفولي ليقترب منها بدون وعي يقبل شفتيها المنفرقه بمسافه بسيطه ابتعد عنها عندما احس بتململها لينظر الي شعرها ليدفن وجهه بداخله يشمه بقوه لينزل تجاه عنقها ليقبلها عده قبلات حتي تسببت بترك علامه حمرا ابتعد عنها بضيق ودلف بعضها داخل المرحاض

بعد وقت فاقت سهيله علي صوت مزعج وكان الهاتف يرن لتنظر لذلك الهاتف لتراه هاتف ادهم نظرت بتوتر بالغرفه لتعلم بأنه داخل المرحاض أمسكت الهاتف حتي تفصله ولاكن رأت علي الشاشه اسم فتاه تدعي ناني نظرت بغضب الي الهاتف لتفتح بها الخط بغل

_ايوه يا دومي اي نسيت ناني ولا اي برن عليك من امبارح ومش بترد علياا ليه الو الوو ادهم انت معاياا

_لا للأسف دومك مش معاكي يا حلوه انا سهيله

ناني بغرابه

_سهيله سهيله مين وماسكه تلفون ادهم بتعملي بيه أي انتي. الشغاله يعني ولا اي مش فاهمه

كانت سهيله سترد عليها وتريها من هي الخادمه ولاكن خرج ادهم من المرحاض وهو يلف منشفه حول خصره ليتجه اليها بعيون حاده بعدما رأها تمسك هاتفه ليهتف بحده

_كنتي بتكلمي مينن!!!

نظرت إليه بتقزز ثم هتفت وهي تعطيه هاتفه

_خد وشوف انت عن اذنك

رمقته بنظره اخيره لتدلف بعدها داخل المرحاض لتقفل الباب بقوه وغضب لتجهش بعدها في بكاء شديد

أما هو فنظر لاسم ناني علي الهاتف ليرد ببرود

_خيرر بتتصلي ليه مش قولتلك ميت مره لما اعوزك انا هكلمك

_الله في اي يااا ادهم مالك يخويا بتكلمني كده ليه دحنا دفنينو سواا يرااجل

_مالك****بتكلميني كده وكأنك مشترياني فوقي لنفسك يبنت****** هاا واتكلمي معايا عدل ومتنسيش انتي مين ياا زباله دنا لميتك من شارع يو*** لو رنيتي علياا تاني مش هيحصل كويس انتي ساامعه ولا لأ

قفل بوجهها لخط لينظر نحو المرحاض يضيق واضح ليغمض عيونه بتعب ماذا يحدث له هل احبهاا

_ياارب

___________________________________
_عاااااا الاتنين بيقفلو في وشي السكه ماشي يا بدر انت وادهم والهي لاندمكو علي الي عملتوه معايااا بس الصبر الصبر وكل واحد فيكو ليه يوم

_____________________

اتي يوم الخميس سريعا علي ابطالنا كان بدر
ينتظر هذا اليوم أن يأتي بسرعه وكانت ولدته السيده امينه تشعر بسعاده واخيرا اتي ذلك اليوم الذي ستري به ابنها عريس صحيح انصدمت هي ونيره عندما علمو من هي العروسه ولكنهم تفهمه أن بدر يحبها شعرت امينه بالضيق ولاكن تبخر سريعاً عندما علمت بعشق ابنها لتلك الفتاه أما سيف فقد علم عندما دلف له بدر يخبر بجفاف بأنه يرتدي ملابسه لانه سيخطب

تحت منزل قاسم والد كارما

امينه بهدوء

_ممكن تفكو تكشيرتكو دي اخوكو يقول اي مش فرحانين ليه

سيف بضيق

_يعني خلاص ملقاش في العالم كلو غير الي اسمها كارما دي هو ناسي هي عملت اي معانا

نيره بسخريه

_معلش يا سيف اصل اخوك بيحب

امينه بعتاب

_يعني كده مش فرحانين لاخوكو معقول وكمان مش يمكن البنت كويسه وهي بتقضي واجبها في شغلها احنا لسه منعرفهاش وبصراحه انا حاسه براحه ومبسوطه أن وأخيرا بدر حب

نيره بهدوء

_علي فكره أنا كمان مبسوطه أن بدر قرر انو يتجوز انا بس مستغربه اشمعني دي

بدر بهدوء وهو يتحه نحوهم بعدما ركن سيارته

_لاني حبتيها يا نيره ومش بس كده عشقتها

نيره يسخريه

_وهو انت بتعرف تحب ولا تعشق

_مش إنسان وعندي قلب يبق اكيد بحب وبعشق

سيف بملل

_طب يلا عشان منتأخرش علي الجماعه

صعدو الي الاعلي واستقبلهم قاسم بترحاب هو ومنال الذي سعدت لرؤيه امينه وكذلك امينه الذي شعرت بالراحه تجاه هذه العائله

خرجت كارما بخجل وكانت ترتدي فستان ازرق طويل ابتسم لها بدر بحنان أما امينه فعندما رأتها هتفت بأبتسامه

_مشاء الله اي الجمال ده ليك حق يا بدر تحبها بجد انا من اول مشوفتها حبتها

كارما بخجل

_ده من ذوق يا طنط

عبست ملامح امينه وهتفت

_مش بحب طنط دي انا مش كبيره اوي كده

ضحكت كارما وكل الموجودين لتهتف كارما بمشاكسه

_خلاص هقولك يا ميرو أو ميمي اي رأيك

امينه

_ميمي أو ميرو لا خليكي في طنط احسن
..
ضحك الجميع لينظر سيف تحاه قمر الذي تضحك ولاكنها توقفت عن الضحك عند رأته ينظر اليها لتبتلع ريقها بتوتر لتنظر نحو شقيقتها مره اخري تتجاهل نظراته أما هو فتأفف بغضب من هذه الجالسه فقد يتمني أن يذهب من هذا المنزل سريعا

_وانت بق يا سيف يابني بتشتغل بردو مع بدر في شركه

سيف بهدوء ورزانه

_لا حضرتك انا خلصت امتحانات اخر سنه من كليه طب الحمدلله وخلاص هتخرج وهكون دكتور

عقد قاسم حاجبيها ثم نظر لقمر الذي توترت

_اي ده انت زي قمر بنتي هي كمان دي كانت اخر سنه ليها في كليه الطب يلا ربنا يطمنا عليكو

هتفت امينه بحب وهي تنظر نحو كارما

_احنا جايين عشان نطلب ايد كارما بنتك لبدر ابني ونسبكو يشرفنا طبعٱ

_ولهي يا ام بدر واحنا كمان نتشرف بنسبكو بس اتمني أن بدر يكون قد الثقه

_طبعا طيعٱ يا استاذ قاسم بدر ابني هيكون قد الثقه وكمان متقلقش بنتك في ايد امينه

_يبق علي بركه الله

بدر بلهفه نقرا الفتحه بق

أومأ الجميع ليبدأ جميعا بقرأءه الفاتحه تحت نظرات بدر نحو كارما الذي تشعر بالخجل من نظراته وبعد أن انتهو اطلقت منال ولدت كارما زغروطه بصوت عالي ليهتف.قاسم بغرابه نحو نيره

_ساكته كده ليه يابنتي احنا لحد دلوقتي مسمعناش صوتك

نيره بهدوء

_انا ساكته يا اونكل عشان مفيش حاجه مطلوب مني اني اقولها وكمان مبروك يا كارما نورتي عيلتنا مبروك يا بدر

ابتسم بدر لها بهدوء لتستغرب كارما من معاملتها الجافه ولاكنها تجاهلت هذا الشئ

_اتشاء الله يا بدر الجواز هيبقي بعد سنه زي متفقناا و الخطوبه هتبقي بعد شهرين بأذن الله

أومأ الجميع ليهتف بدر بسرعه

_خطوبه وكتب كتاب

ضحك قاسم عليه وهتف

_متقلقش مش برجع في كلامي

ابتسم بدر بسعاده ثم هتف

_طب ممكن استأذنك اني اخد كارما وتنزل نشتري شبكتها انهارده

_معندبش مانع يابني بس هتاخد قمر اختها معاها

بدر بعبوث

_هناخد قمر ليه

رفع قاسم حاجبيه ثم هتف

_ونت عايزني اخرجها معاك كده احمد ربنا أن مش انا الي هاجي معاكو

_لالا لو علي قمر فهي تتفضل زي مهي عايزه

قالها بضيق شديد لتبتسم قمر بخبث عليه

_حبيبي يا خطيب اختي من غير متقول ولهي طب يلا يجماعه عشان منتأخرش ونلحق نرجع

كارما بهدوء

_تعالي معانا يا نيره

نيره بتوتر وهي تنظر لهم

_اصل انا ورايا شغل و

بدر بهدوء

_تعالو معانا وخلاص يا نيره وكمان سيف حتي نقضي كلنا اليوم برا اي رئيكو

منال

_
خلاص روحو انتو ونتي يا ام بدر خليكي معانا واهو نتشعي مع بعض ونقضي اليوم كلو سوا

امينه بحب

_معنديش مانع طبعا هما كده كده شباب مع بعض

خرجه جميعا من منزل قاسم ليهتف بدر بهدوء

_سيف خد انت نيره وقمر وخليك ورانا تمام وانا وكارما مع بعض

أومأ سيف بضيق لأن تلك الذي تدعي قمر ستركب معهم لم يعطيهم بدر المجال ليتحدثو ليركب هو وكارما سريعا فلم يكن بيد قمر شئ تفعله لتركب بالخلف وفي الامام سيف ونيره

في سياره بدر كان ممسك بيديها يقبلها كل دقيقه وهما يستمعو لاحدي اعاني عمرو دياب الرومانسيه ليهتف بحب

_بحبك يا اجمل ما رأته عيني

ابتسمت بخجل

_انت مكنتش كده يا بدر اي الي غيرك مره واحده كده

بدر بحنان وهو يقبل يديها

_حبك يا حبيبتي هو الي غيرني بالطريقه دي حبك هو الي خلاني اقولك الكلام ده قلبي لما بيشوفك بيطلع كلام انا نفسي معرفش اقولو بس عقلي مقفول وقلبي هو الي بيخلي لساني يقول كل كلمه حب بتسمعيها دلوقتي

_يااه يا بدر للدرجه دي بتحبني

_كلمه حب قليله اوي يا حبيبتي انتي حاجه غاليه عندي اوي كل الكلام ده ومش قادر بردو اعبرلك عن مدي حبي ليكي

قبله يديه بحنان وهتفت بعشق

_كفايا نظرتك ليا وكلامك الجميل ده بحبك يا بدر ربنا يخليك ليا يارب

_ويخليكي لياا يا كرمتي

_____________________________________
داخل سياره سيف كان كل دقيقه ينظر اليها عبر المراءه لتلاحظ هذا نيره الذي نظرت إليهم بمكر لتنظر لقمر بالتخفي لتري توترها الواضح لتهتف بخبث

_عامله اي يا قمر اسفه لو كنت قليت بذوقي معاكي المره الي فاتت

قمر بتوتر من نظرات سيف لها

_لا عادي ولا يهمك انتي اخته وانا مكنتش اعرف ده

_امم اومال خطيبك فين مكنش موجود ليه انهارده

أوقف سيف السياره عندما سمع هذا الكلام لتخبط قمر في الكرسي وكذلك نيره الذي نظرت إلي سيف بخوف وهنفت

_في اي يا سيف العربيه فيها مشكله ولا اي

نظر سيف الي قمر بغضب وانفاس متسرعه ليأخذ نفس طويل لعله يهدأ من هذا الغضب الذي تملكه بالحظه ليرجع يقود السيارة مره اخري

_اسف بس كان في مطب

اومأت نيره بخبث لتسأل قمر مره اخري الذي هتفت بتوتر

_خطيب مين انا مش مخطوبه

_اومال مين الشاب الي كان موجود المره الي فاتت ده ده من نظراته ليكي فكرته خطيبك اصلو بصراحه كان شكلو غيران عليكي اوي

تهجمت نظرات سيف بغضب لتهتف قمر

_لا ده مجرد صديق عادي

_ممكن

نظرت إليهم نيره بخبث وهتفت بداخلها

_شكلنا هندخل ونخرج كتير علي بيت الأستاذ قاسم وبناته

____________________________________

بعد وقت تأفف بدر بضيق وهتف

_يا حبيبتي ده خامس محل نروحو ومفيش اي حاجه عجباكي

كارما بضيق

_الله دي شبكتي يعني انت عايزني انقي اي حاجه والسلام مفيش حاجه عجباني

بدر وهو يحاول أن يظل علي ثباته الانفعالي

_طب انتي مفيش حاجه في دماغك معينه او في محل معين عايزه تروحي

_اممم ااه عم هاني بتاع الدهب بابا قبل كده كان وخدنا هناك وكان عندو حاجات حلوه كتير

بدر بعدم فهم

_مين عمك هاني ده

_عن هاني بتاع الدهب تعالي بس ده محل كبير ااوي

تنهد بهدوء وهتف

_طب فين العنوان يا حبيبتي

_العنوان شارع*****

بعد وقت طويل نظر بدر بغرابه الي هذا الشارع ليهتف

_اي ده ده بيت حياه قريبه مراد قريب اوي من هنا

سيف بهدوء

_ايوه فعلا وانا عمال اقول الطريق مش غريب علياا بس كارما اي الي عرفها بالمكان ده

كارما

_اهو يا جماعه ده المحل

عقد بدر حاجبيه لينظر لذلك المحل الكبير فهو أول مره يري هذا المكان

بعد وقت ابتسم بأريحيه فأخيرا نقت كارما شبكتهاا خرجت نيره خارج المحل لترد علي علي هاتفها بعد دقيقه قفلت فقد كان احدي الموظفين يسألها علي عده اوراق شهقت بصدمه عندما رأت ذلك الشخص يقف امامها مري اخري ذلك الذي تشاجرت معه

_انت انت بتعمل اي هناا انت بترقبني ولا اي

رفع حاجبيها وهتف بسخريه

_وانا اراقب واحده زيك ليه اصلٱ واشغل دماغي بحشره ذيك ليه

_انا حشره ياا قليل الادب يالي ناقص تربيه

اسودت عيون ذلك الشخص ليقترب منها وقد كان ينوي صفعها ولاكن قاطعه صوت بدر الذي هتف يحده وصوت عالي

_انت مجنون انت كنت هتمد ايدك علي اختي ولا اي

_بدرر؟!!!

_عايز تضرب اختي ولا اي يا يوسف اتجننت ولا اي؟!!!!!

**********************************

دلفت حياه داخل المطبخ فهي تشعر بالجوع الشديد لتأخذ بحزن طبق وتبدأ بوضع الاكل به

لتجلس بهدوء علي الكرسي وتأكل بشراه

نظر إليها بحب ونظره كلها وجع اقترب منها بهدوء وليقبل خدها بحنان وبطئ افزعها ليهتف بحنان

_اي يا حبيبتي اتخضيتي ليه كده اهدي

_انت بتعمل اي هناا وجيت امتي امشي اطلع براا

_انا هنا جمبك يا حبيبتي هناا ليكي هناا لقلبك هنا عشانك ومش هقدر ابعد وامشي عارفه ليه عشان لو مشيت ده هيقف

شاور علي قلبه نظرت إليه بتوتر وفجأة هتفت بعصبيه وصوت عالي

_يا اخي مش بطيقك ااخرج براا حياااتي اانت اي معندكش دم ولا كرامه مش معقول كده انت ااااي

_ااتا بحبك بحبك ومش هسمع اي كلمه من الي انتي قولتيها وهقضل وراكي لحد متقبلي بحبي ده لحد مترجعي تحبيني زي زمان

_لا انت كداب انت مش بتحبني انت اتجوزتني عشان الفلوس و الورث اي انصدمت فكرتني مش عارفه لعلمك بق انا عرفت أن اعمامي خلاص كل واحد خد حقه والفلوس الي جدتي سيباها راحت البنك خلاص وكل واحد خد نصيبه مفكرني مش عارفه انت اتحوزتني ليه

_لا كدب كدب يا حياه مين الي قالك كده وضحك عليكي بالكلام ده

_ملكش فيه واتفضل أخرج بق براا حياتي كلها وياريت بكل هدوء تطلقني احسن

_طب يا حياه هطلب منك طلب اديني فرصه فرصه اثبتلك بيها بحبي ليااا فرصه اوريكي انك النفس الي انا مقدرش اعيش من غيرو

_رصيدك في حياتي خلص وانا مش عايزاك ومش بحبك يا اخي دنت غريب ااوي واحد غيرك كان زمانه شاف حياته بدل الكلام الي كل شويه بتسمعو ده

وكمان وكمان مش انت خلاص خت حقكك يبق عايز اي تاني طلقني بق

_لا بصي بق ياا حلووه مش عشان بحبك وبعشقك وبموت فيكي هسيبك تزعقي وتكلميني بالطريقه ديي لاااا فوقي كده واتكلمي عدل بدل منا اعدلك واخليه يوم اسود عليكي ولو مفكره أن بكلامك الاهبل ده هقولك بق كده يا حياه بتقوليلي كده طب ماشي هعمل الي انتي عايزاه واطلقك تبقي بتحلمي لأن خلاص انتي بتاعتي واسمك بق علي اسمي انا ممكن بكل سهوله دلوقتي اشيلك زي شوال البطاطس علي ظهري واروح بيكي بيتي

بس اناا اي محترم خالي ومرات خالي وعامل حساب ليهم وسايبك براحتك يبنت الناس بس حطيها في دماغك انتي مراتي وهتفضلي مراتي غصب عن عين اتخن تخين فيكي يبلد

___________________________________

في منزل عادل كانت تجلس سعاد ترتسم علي وجهها علامات الخبث فقد تزوجت ابنتها سهيله من رجل غني فقد بدأت برسم خطط مستقبلية فهي متأكده أن ادهم سيوافق لها علي كل طلب ستطلبه

_بتفكري في اي يا اما

_بفكر في حاجات كتير يبت يا اسراء عارفه يبت عايزه اعمل مشروع مشروع يكبرنا اوي الفلوس الي خدنها من ورث ستك وكمان متنسيش جوز اختك سهيله الواد غني و

_اي حيلك حيلك وهو انتي شايفه أن واحد زي ادهم ده هيرمي فلوسه كده

_وليه لا مش حماته هيعملي الي انا عايزاه

اسراء بغضب

_ماما هو مراد هيكون لياا امتي انا اتخنقت وكمان انتي مش كنتي ناويه تخلصي من الي اسمها حياه دي

سعاد بخبث

_صبرك يا حبيبتي صبرك قولتلك مراد ليكي غصب عنه وعن اي حد وحياه هتموت هتموت متقلقيش كله في وقته الصبر الصبر وهتشوفي كل خيرررر

#يتبع

متنسوش تدوسو علي النجمه ❤️❤️❤️❤️