رواية بيت حبوبه الفصل الثالث 3 - بقلم دانيا

رواية بيت حبوبه

الفصل الثاني2

بقلم دانيا

قلت ليهم عارفين الجلابيه الفصلتها حبوبه لمنو ؟ ضحي قالت لي لمنو وبقوا يعاينو لي راجيين الجواب ... قلت ليها بهمس لزوج مكارم طوالي ضحى اتأفأفت وقالت مكارم شنو انا العاوزة اعرس واثناء ماهي بتتكلم سمعنا صوت خالي محمد قال " ضحى " قولت ضحى دي كلنا وقفنا في باب المطبخ تقى مسكت يدي قالت لي نادو ضحى نحن ماشين وين عاينت ليها وحركت كتافي نظام م بعرف ... طوالي عاينت لضحى وقالت ليها امشي راجيه شنو سجمك الليله .

ضحى بقت ترجف ومشت غرفة الخياطه وقفت جنب الباب وهي مدنقره راسها قالت ليهو نعم ،، عاين ليها وقال ليها سوقي سهير وامشي ودي الغنم المرعى وماتنسو تطلعوا ليهم مويه من البير تسقوهم قبل تجيبوهم وتجو قبل المغيب .... وعاين لحبوبه وقال ليها يلا استودعتكم الله وقام طلع بقينا نعاين ليهو بالشباك حق المطبخ انا وتقى قلت ليهو بكون غضبان ولفرحان هسي؟ قالت لي انتي جنيتي من متين خالي دا قاعد يفرح قلت ليها م بعرف.

بعد مشى ضحى قالت لحبوبه ليه انا مش امبارح مشيت ياحبوبه قالت ليها يابتي جايننا ضيوف يشوفو اختك مكارم .... ضحى قالت ليها لشنو ياحبوبه يشوفوها هي مالها ؟ قالت ليها يابتي دا كلام ناس كبار لمن تكبري انتي ذاتك ح يجوا يشوفوكي وح تفهمي في الوقت داك ،، هسي يلا اطعلي امشي عشان تلحقوا تجوا بدري قالت ليها حاضر وطلعت مكارم كانت بتنضف في البيت وقفت عاينت ليها وقالت في نفسها صح مكارم اكبر مني بس انا اطول منها .

جات المطبخ قالت لي ورح المرعى قلت ليها خالي ناداكي لشنو؟ عاينت لي بزهج وقالت عشان يديني اوامر .... عاينت لتقى والإتنين قلنا الحمد لله فكرناهو سمع كلامك القبيل ،، تقى قالت ليها طيب مالك زهجانه لو م عاوزة تمشي المرعى انا بمش بدالك وانتي اشتغلي في البيت بدالي طالما جايين ضيوف احتمال تعجبيهم ويحجزوكي لولدهم الصغير ،، بقينا نضحك وهي سرحت في احلامها اتخيلت نفسها عروس ... قالت لتقى طوالي امشي وبقت مبسوطه طلعنا خليناها في المطبخ ومشينا كلمنا حبوبه وطلعنا فكينا الغنم من الزريبه وسقناهم ومشينا .

قلت لتقى الليله الجو مسخن والشمس حاره خلينا نسك الغنم ديل عشان نصل حته فيها شجر عشان نقعد في الضل .... بقينا نهشهم ونجري وراهن لمن وصلنا خليناهن يرتعن ونحن بقينا نلعب في ضل الشجره ولمن حسينا خلاص زمن الفطور جاء طلعنا فطورنا قعدنا نفطر.

مكارم بعد نضفت ورتبت البيت حبوبه قالت ليها انتي بعدا ارتاحي باقي الشغل بنكملوا انا وضحى انتي خشى استحمي ونومي شويه فرقت الضيوف يجوا ..... بهناك ضحى مراقبه اي حاجه وبقت تقول إن شاء الله يختاروني انا كمان ،، حبوبه نادتها جات رسلتها بيت حاجه سعديه قالت ليها جيبي منهم علبة بخور لأنو هم بتاجرو الحاجات دي قالت ليها سمح ... مرقت مشت لقت بابهم فاتح طبعاً عندنا الأبواب بتتقفل إلا بالليل وقفت جنب الباب وصفقت بيديها وقالت السلام عليكم ردو عليها من جوا وعليكم السلام اتفضلي .

خشت جوا لقت بنات بت حاجه سعديه اتنين قاعدات هم يعني م كبار شديد لكن اكبر من مكارم الهي اكبر واحده فينا بكون يعني في عمر 15 و 16 بس مافي واحده عرست سلمت عليهن وسألتهم عن حاجه سعديه وامهن قالن ليها طلعوا مشوار ..... قالت ليهم حبوبه قالت عاوزة علبة بخور طوالي واحده نطت قالت ليها جاينكم خطاب ؟ قالت ليها ااي جايين لمكارم ،، قامت قالت ليها عقبالك ضحى كشرت وشها ودنقرت وقالت ليها جمعاً قالت ليها مالك قايلاها كدي قالت ليها مافي حاجه اديني البخور حبوبه منتظراني .

مشت جوا جابتو ليها وجابت ليها معاهو حاجه تانيه قالت ليها دا شنو دا م تطلبوهو حبوبه قالت بخور .... ختتو ليها في يدها وقالت ليها دا ليكي انتي كحلي عيونك الحلوه يمكن يغيرو رايهم ،، عاينت ليها بتردد والبت كانت مبتسمه وبتوسوس ليها في راسها بالأفكار لمن اقنعتها دستو في طرحتها وادتهم القروش وشالت البخور وطلعت من عندهم وراسها مزدحم بالأفكار .

العصر اذن قلت لتقى بعدا ورح البير نسقى الغنم عشان نرجع قبل الضلام قالت لي ورح سقنا الغنم ومشينا بيها على إتجاه البير .... لقينا قدامنا في ناس قاعدين يسقو وعندهم غنم وبقر كتير وقفنا بعيد منتظرنهم وعاملين حسابنا إنو غنمنا م تتلمى لينا مع غنمهم تاني م ح نقدر نفرزهم بسهوله ،، وقفنا مسافه طويله والغنم عطشانه غلبتنا في النهايه لمن شافن المويه جرن عليها ونحن جرينا وراهن بس سبقننا والنفرين ديك بقوا يكوركو فينا لمن غنمكن ديل يابنات .

قلت ليهو ياعم نحن من قبيل لامنهن لكن انتوا م بتسقوا بسرعه لمن بسببكم فلتن مننا رفع عصاتو وقال لي صغيره وبتتلائمي زحيت منو وبقيت بحاول افرز الغنم من حقنهم .... في النهايه ساقوا بهايمهم وزحو من المكان خلو لينا قلت لتقى الغنمايه البيضاء ديك مش حقتنا قالت لي وين رفعت يدها فوق عيونها وبقت تعاين عليهم لأنو الشمس على وشك المغيب وهم ماشيت على الإتجاه الغربي قالت لي ااي والله دي حقتنا ... قالت لي استني انتي هنا خلتني واقفه ومشت عليهم وهي بتنادي ياعم ياعم استنو في غنمايه حقتنا مشت معاكم الزول ماشي وم اتلفت قال ليها هوي يا بنيه امشي شوفي شغلتك م عندك غنمة معانا ،، جرت وراهم وقالت لو جبناهم ناقصين خالي محمد بضبحنا قربت تبكي .

وضحى بهناك غيرت شكلها وشها كلياً وطلعت من دون ما حبوبه تشوفها قعدت في المطبخ الضيوف جوا اول ما سمعتهم سلموا مكارم كانت جوا في الغرفه من سمعت اصوات الناس بقت ترجف اتوترت اكتر ما هي متوترة .... الضيوف سلموا على حبوبه وقعدوا خمس دقائق ضحى جات جابت ليهم المويه سلمت عليهم من بعيد السلام عليكم وضيفتهم المويه كل واحد يمسك كبايه بكون مركز في ضحى مسافه حتى يرفع الكبايه وهي عامله فيها خجلانه ،، حبوبه م جايبه خبر قالت ليها ضحى يابتي جيبي لي النظاره من غرفة الخياطه " حبوبه من غير النظاره م بتشوف سمح " .

انا بقيت بين احرس الغنم ول احصل تقى بقيت اكورك ياعم والله الغنمه دي حقتنا حرام عليكم م اشتغلوا بينا ... فجأة شفت خالي محمد راكب في الحمار حقه وجاي علينا اول مره افرح بشوفة خالي محمد لمن حسيت

روايات عراقية