رواية لست من نسلي "نادر المالكي" الجزء الثاني الفصل الأول 1 - بقلم سوارة

يعني إيه؟ يعني خطفتي ابن أخوكي وحرمتي أم من ابنها 21 سنة يا نور! نور ببكاء: ارجوك افهمني أنا... مالك بعصبية: مفيش حاجة تقوليها عشان تبرري. أنا هعرف أكرم ونادر الحقيقة. نور بتوسل: لالالا ارجوك متعرفهمش. ده ابني، ده ابني أنا. أنا اللي ربيته، أنا اللي أول واحدة قالي "ماما". مالك وهو بيرفع سبابته بغضب: وأنا مش هساعدك في ده ولا هدعمك. وهعرف الولد طريق أهله.

كنت واقف ورا الباب وأنا سامع الحوار ده وأنا مش قادر أستوعب حاجة. وجوايا أسئلة كتير. هل في أخت تعمل كده في أخوها؟ وأهلي محاولوش يوصلولي؟ أو يعرفوا طريقي؟ ويا ترى بعد كل السنين دي هيكونوا عايزينني وهيتقبلوني؟ ويا ترى عندي إخوات وعيلة كبيرة؟ فوقت من سرحاني على الراجل اللي قابلته وهو بيتخانق مع أمي وهو بيندهلي. فطلعت لهم. نور بتوسل: ارجوك متقولش، ارجوك! مالك بعصبية: نادر، المرة دي مش أمك، دي تبقى عمتك وخطـ...

نادر بهدوء: سمعت كل حاجة وعرفت الحقيقة. مالك وهو بيمسح على شعره برفق: أنا هخيرك. أنت عايز تبقى مع الست اللي خطفتك من أهلك وحسرتهم عليك 21 سنة؟ ولا عايز أهلك اللي عيونهم كل يوم بتبكي بدل الدموع دم؟ نادر بتردد وهو بيبص على نور: بصراحة... (يتنهد) أنا عايز أهلي، مش هعيش في كدبة أكتر من كده. بس يمكن أهلي ميتقبلونيش. وهنا سمعت نور صوت تكسير قلبها لأول مرة. مالك وهو

بيبتسم له وبيربت على كتفه: متخافش. أمك إنسانة كويسة، جدعة، قلبها أبيض. وفي نفس الوقت قوية. لو الكل متقبلوش، فهي هتبقى عندك بالكل. نادر بلهفة: وأبويا؟ مالك بابتسامة وهو بيمسك إيده: أبوك مستحيل يتخلى عنك ويسيبك. أبوك راجل، الكل بيشهد برجولته. هو اسمه زياد معتز المالكي. عندهم قصر كبير في القاهرة، قصر عيلة المالكي. يلا نمشي. كانوا ماشيين باتجاه الباب، بس وقفهم صوتها وهي بتجري وراهم بالسكين.

نور ببكاء: لو مش هتبقى ابني، مش هخليك تبقى ابن نهر! مالك بيبص لها بصدمة وبيحاول يشد منها السكين، بس هي كانت بتحركها عشوائي: اهرب يا نادر، اهرب بسرعة. دي اتجننت خالص! (يكمل بابتسامة) وسلملي على أمك وقولها أخوكي سداد. أخدت جواز سفري والفيزا بتاعتي وطلعت على برا جري وأنا بتجه نحو المطار. وفي أول طيارة تقابلني قررت أنزل مصر اللي كانت أمي، أو نور بالأصح، طول عمرها رافضة رفض نهائي ننزل لها.

تصرفاتها كانت غريبة بالنسبالي. كنت حاسس إنها مش أمي، بل إنها بتحاول تتملكني. كنت بشكي لبابا أكرم كتير، كان بيخاف منها وبرضه مينفعش. ويقولي: "أنت عشان ابنها الوحيد وجيت بعد صعوبة." كانت مبتخلينيش أواجه مشاكلي، وأنا كنت عايز أواجهها لأني مكنتش عايز أكون شخصية ضعيفة. أما جدتي، عمرها ما حبتني وكانت بتعاملني بقسوة. محسيتش معاهم بشعور العائلة.

وصلت المطار في وقت قياسي. ولحسن حظي كان في طيارة خلاص هتقلع. ركبت وأنا بفتكر أحداث اليوم ده لحد اللحظة دي. فلاش باك. كنت داخل السوبر ماركت بجيب الحاجات اللي أمي طلبتها. صدمت في واحد بالغلط. نادر بتأسف: أنا آسف، حقك علـ... فتحت عيوني بصدمة لما شفت وشه. مالك بيبص عليه بصدمة: إيه ده؟ أنت شبهي أوي! نادر بصدمة من لهجته: أنت مصري كمان زيي؟ مالك بابتسامة: أيوه، أكيد هكون مصري. هو أنت اسمك إيه؟ نادر بفرحة لأنه أول مرة

يلاقي مصري في البلد دي: اسمي نادر. مالك وهو بيملس على شعره بحنان: ما شاء الله. ربنا يبارك لأهلك فيك. أنا زمان كان عندي طفل، كان المفروض يكون بعمرك دلوقتي، بس مات. أنا متأكد لو كان عايش مكنش هيكون شبهي زيك كده. نادر بحزن: ربنا يرحمه يا عمو. طب معندكش أولاد غيره؟ مالك بحزن: لا. اتطلقت بعدها. هي أساسا كانت أجنبية من هنا وتصرفاتها مكنتش تناسبني، فطلقتها. نادر بابتسامة حزن: ربنا يعوضك يا عمو.

مالك بابتسامة: تصدق أنت فيك شبه من أخويا أكتر مني. فكرتني فيه، ومستحيل يكون صدفة عادية. لأنه نفس الوش، مفيش اختلاف. وفيك ملامح من مراته. نادر بضحكة: أنت شبهي أوي، فلو على أخوك يبقى توأمي. مالك بشك من إن زياد يكون سافر لهنا وقاعد: طب مين أبوك؟ يمكن حد من معارفي أو صحابي المصريين هنا. نادر: أبويا اسمه أكرم. أحمد أكرم. شغال مهندس كهرباء في شركة هنا. مالك بصدمة: إيه؟ نادر باستغراب: هو في إيه؟

مالك بصدمة وهو بيهزه بقوة: بسرعة قولي أمك اسمها نور معتز المالكي؟ نادر بتفاجؤ: أيوه، هو أنت تعرفها؟ مالك بيمسكه من إيده وبيسحبه على برا جري: الله يخرب بيتك يا نور. بسرعة خدني لأمك. نادر بيأخده على البيت وهو مش فاهم حاجة خالص. ونور بتفتح الباب. نور بصدمة وتوتر: مالك! وبتبص على نادر بخوف: نادر، ادخل على جوه بسرعة! فاق من سرحانه على إعلان وصول الطائرة. وأخيراً وصل مصر. نادر بابتسامة: وأخيراً جيتلك يا مصر!