رواية خلخال حليمة الفصل الأول 1 - بقلم اية عرفات

حليمه: أنا بجد مش مصدقة نفسي يا حبيبي، أخيراً أخيراً اتجوزنا ورايحين على عش الزوجية. مراد: أنا اللي مش مصدق نفسي يا حبيبتي، أخيراً وصلت للحظة دي. أنا تعبت كتير عشان أوصلك، بس ربنا خلاص استجاب لدعائي وبقيتي نصيبي وبقيتي مراتي على سنة الله ورسوله. حليمه: عشر سنين، عشر سنين وأنا مستنية اللحظة دي. عشر سنين وكنت كل يوم بحلم باللحظة دي لحد ما خلاص اللحظة دي جت خلاص. مراد: أنا هخليكي أسعد إنسانة في الدنيا.

حليمه: أنا مش خايفة منك ولا خايفة من حياتنا مع بعض. ما فيش غير حاجة واحدة بس هي اللي مخوفاني، والناس كمان خوفتني منه. مراد: حاجة إيه يا حبيبتي؟ حليمه: الناس كلهم حذروني من مامتك، وأنا بجد خايفة خصوصاً إني هنتجوز ونعيش معاهم.

مراد: إحنا هيكون عندنا شقة لوحدنا، إحنا بس. هنكون معاها في الأكل والشرب عشان ما تبقاش لوحدها. وما فيش غيري أنا وأخويا ومرات أخويا بس اللي في البيت مع أمي. ما ينفعش نسيبها. لما تعاشريها هتحبيها أوي، وكمان مرات أخويا طيبة وغلبانة. إنتي بس اطمني وأنا جنبك، مش هسيبك لوحدك. حليمه: ربنا يطمنك يا حبيبي. وصلوا لحد البيت. مراد: انزلي من العربية يا روح قلبي.

حليمه نزلت من العربية بفستان فرحها، وكانت مبسوطة جداً لأن ده كان حلم عمرها. مراد شالها من أول العربية وطلعها لحد باب شقته. مراد: خشي برجلك اليمين يا عروسة. حليمه دخلت برجليها اليمين وكانت فرحانة أوي أوي. مراد: إيه رأيك في فرش الشقة؟ كله ده على ذوقي أنا. حليمه: بجد تحفة، شكراً يا حبيبي، تعبتك معايا. مراد: ولا تعب ولا حاجة، ربنا يقدرني وأخليكي أسعد إنسانة في الدنيا. حليمه: ربنا يخليك ليا يا حبيبي.

مراد: تعالي أفرجك على الشقة. حليمه: يلام. مراد فرجها على الشقة كلها وجت عند أوضة النوم. مراد: دي بقى أوضة النوم، خشي برجلك اليمين وافتحي النور. حليمه أول ما دخلت أوضة النوم فتحت النور، اتفاجأت بحاجة غريبة جداً، حاجة بجد صدمتها. ما كانتش متخيلة إنها هتشوفها في يوم من الأيام، ولا حد قبل كده شافه في يوم زي ده.