تحميل رواية «بنت الجيران الجزء الثاني» PDF

بحبك ي يزيد .. بحبك اوي

يزيد بيضمها لحضنه أكتر: اخيراً نطقتيها

هنا: وهفضل أقولها لحد آخر يوم في عمري

يزيد بهدوء: بهدلتي قلبي معاكي ي بنت الجيران....

***

صباحاً الساعة ٩ بتصحي هنا على صوت جرس الباب يرن بلا توقف.

هنا تتقلب على السرير محاولة تجاهل الصوت لكنها تفشل.

هنا: (تهز يزيد وهو نائم بعمق) "يزيد... يزيييييد اصحى الباب بيخبط... يزييييد"

يزيد بصوت نعسان: ممميين

هنا بتعجب: هو أنا أعرف.. قوم افتح انت شوف مين

يزيد بيشدها تنام: نامي ي هنا انتي شكلك بتحلمي.. نامي لسا بدري

هنا: يبني انت مش سامع الجرس.. قوم ي يزيد بدل ما أقوم أفتح أنا

يزيد بنفاذ صبر وصوت نعسان: يووه طيب قايم

بيقوم يزيد لابس فلنة سمرا وبنطلون أبيض وبيفتح الباب بضيق وهو بيقول: أيوه جااي اه

رضوي ونرمين بيبصوا لبعض أول ما يزيد يفتح الباب.

يزيد بملامح استغراب: نعم... جايين ليه

رضوي: احمممم... صباحية مباركة ي عريس.. إحنا جايين نسلم على هنونة

يزيد بعدم تصديق: هنا نايمة

نرمين بتمثيل: لساا ناايمة كل دا

يزيد بعصبية مكتومة: يعني جايين تصحوا عرسان الساعة ٩ الصبح ومستغربة إنها لسا نايمة... في حد يخبط على حد الساعة ٩ الصبح يلي معندكوش دم..... لمؤاخذة يعني يا نرمين

نرمين: لا براحتك ي جوز أختي براحتك

رضوي بتناحة: طب وسع كده إحنا هندخل نصحيها

يزيد بعين متسعة وهو بيفرد دراعه يمنعهم من الدخول: تدخلوا فين بقولكوا نايمة... دا انتوا بجحين بجاحة...... لمؤاخذة يعني يا نرمين

نرمين بابتسامة بلهاء: لا خد راحتك

رضوي بتناحة أزيد: بقولك هنصحيهاا... انت مالك ادخل انت نام

يزيد بعصبية: امشي ي رضوي وخدي نرمين في إيديك عشان بصراحة انتوا تقال على قلبي.. وأقولك مش عاوز أشوفكم ومحدش يخطي ناحية عتبة الباب ده تاني.. فاهمين

بيسيبهم يزيد ويرزع الباب ويدخل وسط استغراب رضوي ونرمين اللي بيبصوا لبعض بفم متسع من الصدمة.

يزيد وهو بيتمتم في نفسه وهو داخل: عيال تنحة ولزقة ي ابااايه

هنا: مين ي يزيد

يزيد بيقعد: هيكون مين يعني النسانيس إخواتنا رضوي ونرمين عاوزين قال يدخلوا يصحوكي

هنا بتعجب: طب مدخلووش ليه

يزيد بضيق: يدخلوا فين في حد يطلع لـ عريس وعروسة الساعة ٩ الصبح وبعدين يدخلوا ازاي وانتي شكلك كده

هنا بتبص لنفسها باستغراب: شكلي إيه... تشهق هنا بصدمة تشوف نفسها لابسة بلوزة كت ودراعها وكتفها.. تغطي نفسها بإيدها الاتنين وهي بتقول: .. أنااا ازاي لبست دي هاا

يزيد بابتسامة بلهاء: إيه ي هنا انتي فقدتي الذاكرة ولا إيه

هنا بخجل: . وسع كده خليني أقوم أغير.. وأرن على رضوي تطلع دول أكيد زمانهم زعلانين مننا

يزيد بهدوء: ششش ترني على مين ما يزعلوا براحتهم

وبعدين في كلمتين عاوزين نزودهم على كلام امبارح.

***

الساعة ١٢ الضهر بيصحي يزيد ويقوم ياخد دش ويغير هدومه ويلبس ترنج من اللون الكحلي.. يلاقي هنا لسا نايمة وشعرها مغطي وشها بطريقة غير مرتبة.

بيرجع يزيد خصلات شعرها لورا وهو بيصحيها: هنااا.. هنااا اصحي يحبيبتي.. إحنا بقينا الضهر

هنا: شووويه كمان لساا بدري

يزيد: قومي عشان هتلاقي رضوي ونرمين ودعاء وأمة لا إله إلا الله جايين تاني دلوقتي

هنا بتصحي وتعدل نفسها بفوقان: هو أنا إزاي نمت كل ده من غير ما أقلق

يزيد بضحك: واضح إن حضني مريح أوي

بتضربه هنا في كتفه بخجل: أوعى طيب أقوم آخد دش عشان نفطر أنا جعانة أوي

بتقوم هنا تقف أول ما تحط رجليها على الأرض تحس بدوخة وتمسك دماغها وتقعد تاني.

يزيد بلهفة وهو بيمسك إيدها: هناا مالك

هنا بتغمض عينيها: م..فيش صداع جامد أوي

يزيد: طب قومي يحبيبتي خدي دش وأنا هبعت أي حد يجبلك مسكن من تحت... شكلك اتحسدتي ي هنايا

هنا بابتسامة: اتحسدت على إيه بس

يزيد: على إيه!!!! دا انتي كنتي زي القمر امبارح وصحابك كلهم عنيهم عليكي

هنا: بس دول صحابي اللي بيحبوني وكلهم بيتمنولي الخير

يزيد: عارف يحبيبتي... يبقى شكلي أنا بقا اللي حسدتك

هنا بضحك: لا شكلي أنا اللي حسدت نفسي

بتقوم هنا تاخد دش عشان تفوق وتلبس بيچامة ستان مريحة من اللون النبيتي وترفع شعرها لـ كحكة مهندمة تاركة خصلتين من كل جانب.

هنا بنغاشة: إيه دا إيه دا انت اللي واقف تعمل فطار كنت استنى أخلص طيب ونعمله سوا

يزيد بيرفع نظره لـ هنا يسكت لحظات ويتأمل شكلها كأنه بيشوفها لأول مرة.

يزيد بهدوء: انتي.. انتي إزاي الطرحة كانت خافية الجمال ده كله

هنا بفخر وهي بتمسك خصلات شعرها: أومال إحنا بنلبس طرحة ليه عشان تداري حلاوتنا كده ومحدش يشوفها غير جوزي وقرة عيني

يزيد بضحك: يواد ي مثقف

هنا: ركز طيب في اللي بتعمله إيدك هتتلسع

يزيد: لا متخافيش أنا بحمر شوية برارص أكيد مش هتلسع يعني

هنا بضحكة عالية: بـ إيه!! برارص

يزيد: أيوه.. افتحي التلاجة طلعي شوية لاناشون على شوية جبن وافقشي بيضتين يلا

هنا: ياااسلااام وانت بقا عملت أي حمرت البرارص

يزيد: اسمها بطاطس ي أم جهل ويلا عشان مأسيبش اللي في إيدي وأجي أفطر عليك.. أهو نزود كلمتين برضو عل....

يقاطعه صوت رنة تليفونه رضوي اللي بترن.

يزيد بضيق: الوو

رضوي: يزود حبيبي عامل إيه واحشني

يزيد: لا والله!! عاوزة إيه رضوي اخلصي

رضوي: أنا بطمن عليكوا بس محتاجين حاجة أطلعهالكم ولا حاجة

يزيد: لا شكراً عندنا كل حاجة

رضوي: احممم طب هنونة صحيت

يزيد بنظرة لـ هنا: اها صحيت

رضوي يتمثيل البراءة: طب ممكن أكلمها

يزيد: لاء مش مم... تقاطعه هنا وهي بتاخد منه التليفون.

هنا بابتسامة: الوو أي رضروض عاملة إيه

رضوي: الحمد لله ي عروسة انتي عاملة إيه .. أوعي الواد يزيد ده يكون مزعلك ولا حاجة

هنا بضحك: لاء الحمد لله.... ما تطلعي تفطري معانا انتي ودعاء وهاتي نرمين معاكوا

يزيد بصوت عالي: اااه وأم أيمن جارتنا برضو وابنها أيمن والست أم نيازي ولمي اللمة وتعالوا

رضوي: قولي للواد دا يخليه في حاله .... افطروا انتو يحبيبتي إحنا سبقناكم انتو نموسيتكوا كحلي يستي.. هنطلع بالليل إن شاء الله نسلم عليكوا

هنا: ماشي يحبيبتي هنستناكم... مع السلامة

يزيد ب استغراب: همااا طالعين دلوقتي!!!

هنا: اها

يزيد: نهار أبوهم أسود والله لأوريهم

هنا: اهدي بس.. هيطلعوا بالليل مش دلوقتي.. وبعدين انت مش عاوزهم يطلعوا ليه

يزيد: رخامة.

***

مساءاً الساعة ٨ يزيد وهنا قاعدين قدام التليفزيون في جو هادي.. بيرن رؤوف على يزيد.

رؤوف: صباحية مباركة ي عريس.. رنيت عليكوا كتير مش بيجمع

يزيد: الشبكة وحشة ي عم رؤوف بقا معلش.

رؤوف: طيب أم هنا عاوزة تكلمها أحسن عمالة تعيط من الصبح وتقول بنتي وحشتني

يزيد: طب مجتش ليه من بدري

رؤوف: هنقوم نلبس ونيجي اهو يبني

يزيد: ماشي ي عمي في انتظاركم.

بتتابع هنا الحوار.

هنا: ماما بتعيط صح؟

يزيد بتنهيدة: لسا مش متعودة إنك مش معاها ي هنايا قومي البسي طيب عشان زمانهم جايين.

هنا: طب ما أنا لابسة أهو

يزيد: هتقابليهم بالبجامة ي هنا

هنا: فيها إيه يعني ي يزيد دول أمي وأبويا وإخواتي وطول عمري بقعد قدامهم كده

يزيد: حبيبتي انتي دلوقتي واحدة متجوزة يعني مدام مش عيلة صغيرة.

هنا بعين متسعة: مدام.. أنا مدام!! لاء أنا عاوزة أروح عند أمي أنا لسا صغيرة على الكلام ده.

يزيد: قومي ي هنا يحبيبتي البسي عباية أو طقم أو أي حاجة شيك كده عشان أمي وإخواتي برضو هيطلعوا بعدهم ولا دول كمان يشوفوكي بالبجامة.

هنا برخامة: على فكرة انت غتت.

يزيد بيرفع حاجة: أنا غتت!!

هنا: اها.

يزيد بتوعد: ماشي ي هنا أنا مش هرد عليكي دلوقتي هرد لما يمشوا عشان أرد براحتي.

***

بتقوم هنا تلبس دريس من اللون السماوي في أبيض وطرحة من نفس اللون تاركة جزء من شعرها وتحط روج بينك. يدخل يزيد وهي بتلبس الطرحة.

يزيد بضيق: إيه اللي انتي مهبباه ده

هنا بتعجب: عملت إيه!!

يزيد: مطلعة نص شعرك برا وحاطة روج أحمر وبتسألي عملتي إيه

هنا: على فكرة اللي جايين دول أبويا وأمي وإخواتي وبنات خالي يعني مش حد غريب مثلاً.

تاني حاجة دا روج بينك مش أحمر.

يزيد يحاول يتمالك أعصابه: طب شيليه ي هنا أنا مش عاوز مياصة.

هنا بعصبية: إيه ي يزيد في إيه انت هتغيري عليا من أبويا وأمي كمان

يزيد بعصبية أزيد: وأغير عليكي من الجن الأزرق كمان قولتلك دخلي شعرك ده جوا وامسحي الزفت اللي على شفايفك ده أحسن ما أمسحهولك أنا فاهمه...

هنا: يووه بقااا يووووه.

بيقطعهم صوت جرس الباب بيرن.

يزيد بتحذير: أنا رايح أفتح و ع الله ي هنا تطلعي بالمنظر ده.

بيطلع يزيد يفتح الباب بترحاب لعائلة هنا.

يزيد: أهلاً أهلاً أي النور ده بس.

رؤوف: ياا اهلااا بالعريس .. الف مبروك يحبيبي.

يزيد محتضنه: الله يبارك فيك يعني.

أمل بترحاب: الف مبروك يبني الف مبروك.

يزيد: الله يبارك فيكي ي طنط.

بتقف نرمين تبص لـ يزيد بابتسامة بلهاء.

يزيد بتمثيل الضيق 😏: أهلاً يختي.

نرمين 😁: أهلاً يجوز أختي.

بنات خال هنا كلهم بيدخلوا معاهم للصالون.

أمل: أومال فين هنا.

يزيد: أهي جايه أهي.

بتدخل هنا بكسوف وبتكون عدلت طرحتها وخففت الروج. بيشوفها يزيد عملت اللي قالهولها يبتسم من جواه.

هنا محتضنة والدتها: ماماا وحشتيني.

رؤوف: انتوا لحقتوا دي سايباكي من كام ساعة.

يزيد بضحك: بنتها برضو ي عم رؤوف مش متعودة تبعد عنها.

نرمين: أمي محسساني إنها سافرت الهند دي خطوتين ونبقى في شقتها يعني لو يزيد رمى هنا من البلكونة هتقع في بلوكتنا.

أمل بنغزة لـ نرمين: اسكتي يبت..

فريدة: معرفناش ننام امبارح من غير ضحكنا سوا ي هنونة.

هالة: اها والله ي هنون.

نهى: إحنا هناخد هنا تبات انهاردة معانا ي يزيد إحنا هنسافر بكرة.

هنا بزعل: هتساافروا لييه اقعدوا يومين كمان حتى.

ريماس: خالك مش راضي.. عشان خاطري اقتعيه لما يجيلك ي هنا.

هنا: طب مجاش معاكم ليه هو وطنط هويدا.

نهى: نزلوا يشترا شوية حاجات وهييجوا يسلموا عليكي كمان شوية.

هنا: هقوم أعمل شاي طبعاً بابا هيشرب شاي مش حاجة ساقعة.

رؤوف: وخليه تقيل بقا ربنا يكرمك.

هنا: حاضر.

يزيد ورؤوف بيطلعوا للبلكونة يشربوا الشاي وهنا بتصب حاجة ساقعة وتجيب كحك وبسكوت وتطلع للصالون.

أمل بهمس: ها ي هنا طمنيني عليكي يبنتي.

هنا بكسوف: الحمد لله ي ماما.

أمل: يعني الحمد لله كله تمام الحمد لله.

نرمين بمقاطعة وابتسامة خبيثة: أكيد يماما يعني ده وشها منور.

هنا بإحراج: اسكتي انتي خليكي في حالك.

أمل محتضناها: الف مبروك يحبيبتي ربنا يهدي سركوا يارب.

نهى بخصّة: احكيلي إيه اللي حصل من طأطأ لـ سلام عليكم.

هنا: أوعي يعبيطة انتي أحكيلك إيه.

أمل: امشي يبنت الهبلة من هنا... متحكيش حاجة لحد ي هنا.

نرمين: قومي ي ماما كلي جاتوه وسيبنا هنا شوية.

هنا: انسووو مش هحكي حاجة.

فريدة: هتقولي بأدب ولا نقررك إحنا بقلة الأدب.

نرمين: انطقي يبت.

هنا: اسكتوا ي عبط انتو.. هنده يزيد يطردكوا برا.

نرمين: وعلي إيه ما هو طردنا مرة الصبح.

هنا بضحك: عنده حق بصراحة انتوا صحتونا بدري أوي.

نرمين: الساعة ٩ بدري.

نهى بغمزة: ليه انتوا صحيتوا الساعة كام يهنون.

هنا: انتييي مااالك انتييي... انتشيي مااالك.

نرمين بصوت عالي نسبياً: والنعمة ي هنا أبـات عندكوا انهاردة.

بييجي يزيد يسمع الجملة دي.

يزيد: بنـام بدري والله ي نرمين يختي.

نرمين بـ إحرج: احمم احممم طيب أستأذن يعني.

أمل بضحك: بيهزروا ي يزيد انت هتصدقهم.

يزيد: عارف يطنط أمل... ده حتى نرمين منورة.

نرمين: بنورك يجوز أختي ي غالي 😁.

***

وبعد نص ساعة بيمشوا ويطلعوا أهل يزيد زينب ورضوي ودعاء وجدة يزيد يستقبلوهم بترحاب لكن زينب على وجهها بعض علامات الضيق تحاول تخفيه.

***

وبعد ما الكل مشي بتدخل هنا تغير هدومها من غير ما تكلم يزيد. يحس يزيد إنها زعلانة يدخل وراها الأوضة وهي بتفك الطرحة.

يزيد بيقف قصادها وبيربع إيده: قالبة وشك عليا ليه ي نكدية.

هنا: أنااا نكدية ي يزيد صح!! ماشي يسيدي شكراً.

يزيد: مالك بس ي هنايا في إيه.

هنا: اطلع برا بعد إذنك عاوزة أغير هدومي.

يزيد: طب ما تغيري ما أنا واقف هو أنا ماسكك.

هنا بتلعثم: هغير... إزاي وانت واقف قدامي..

يزيد: ما فيش واحدة بتتكسف من جوزها ي هنا.. وبعدين هتتكسفي مني ليه ما خلاص يعني هاا خلاص.

بيقول كلامه بغمزة بتتوتر هنا وترفع صباعها في وشه وتضيق عينها: لو فضلت تكسفني كده هروح أبـات عند أمي انهاردة.

يزيد مقترب منها: امم طب وماله أنا موافق.

هنا بتديه ضهرها متجاهلاه: مش بقولك غتت.

يزيد: دا انتي بتعديها تاااني!! طب ماشي انتي ال جبتيه لنفسك.

قالها بتوعد وهو بيقرب منها يشدها من إيدها.

هنا: يزييييد.

 غارب: بتوتر بصراحه اتجوزت من تلات سنين وعايشه ف المنصورة ومعاها ولدين.عمران: بصدمه انت بتقول ايه اتجوزت وكمان خلفت انت متاكد يا غارب من كلامك ده.غارب فتح الدرج اللي جنبه وطلعله ظرف وعمران فتحه وشافها هي وجوزها واولادها عمران اترمي ع الكرسي بصدمه ومش مصدق.عمران: بدموع يعني حبها كان كذب ووعودها كل حاجه كانت كدب ف كدب وانا اللي موقف حياتي عشانها.غارب: عمران متحكمش عليها بص كويس ف الصور كده.عمران دقق ف الصور لقتها مش مبتسمه ابتسامتها اللي كان بيعشقها مش موجودة.عمران: يعني ايه الكلام ده هي المفروض تكون مبسوطه بس أنا شايف العكس.غارب: داليا متجوزة غصب يا عمران علشان هي كمان مش نسيتك وبابا قلي من كلام الجيران أنهم كانوا بيسمعوا خنقاتهم المتكررة بس مش بتشتكي علشان ولادها الاتنين.عمران: مش معقول ده كله يحصل هي متعذبه بجوازها ومش عايزة تتطلق وانا متعذب ببعادها السنين دي كلها واتجوزت غصب احنا الاتنين اتحكم علينا بالموت بس بطرق مختلفه يا غارب.غارب: اهدي يا عمران ارجوك ممكن تهدي شويه العلاقه دي اتحكمت بالفشل علشان فرق الطبقات هي كانت بنت العامل اللي بيشتغل عندكم ف الأرض وانت ابن العمده اللي ف تفكيره لازم ياخد واحده من مستواه زي ما ابوك حصل معاه ف فتفكيره لازم تاخد واحده من توبك هو كان تفكيره كده.عمران: بدموع بس أنا مش مسامحه ولامسامح كنز وهفضل طول عمري شايفه عدوي.عند عشق صحيت من النوم اكلت ودخلت اوضتها وثواني دخل ابوها عليها.فوزي: طلعي الفلوس اللي معاكي.عشق: بس أنا لسه مش قبضت استني عليا شويه.فوزي: مسك شنطتها وفتش فيها لقي فيها فلوس.عشق: يابابا ارجوك دول ليا أنا محتجاهم استني عليا لما اقبض وخد مني اللي انت عايزه.فوزي: ابعدي عني يابت انتي.فوزي زقها وقعها ع الأرض وهي اتالمت وبكت كالمعتاد.تاني يوم عشق راحت الشركه واشتغلت ع ملفات كتير وصفقات وأوراق كانت المفروض تتمضي راحت مكتب غارب وسالت رنا عليه.عشق: رنا غارب بيه موجود.رنا: لا هو مش جاي النهاردة قاعد مع عائلته خير ف ايه.عشق: ف ملفات وأوراق كتير عايزة تتمضي ومينفعش تستني ومش عارفه اعمل ايه.رنا: سبيهم مع علي وهو لما يجي يديهم ليه يا عشق.عشق: لا مينفعش اسيبهم مع علي ابدا هما لازم يتمضوا.رنا: طيب والعمل ايه ف نشفان دماغك ده.عشق: بابتسامه أنا دماغي مش ناشفه وبتفكير اديني عنوانه هروحله.رنا: مجنونه انتي صح.عشق: قولي عني اي حاجه هاتي العنوان.رنا ادتلها العنوان وعشق اخدت الملفات وركبت تاكسي وادته العنوان ووصلت ورنا الجرس والخدامه فتحت.غارب كان مع أهله بيضحكوا وبيهزروا مع بعض دخلت فتحيه الخدامه.فتحيه: غارب بيه ف بنت من الشركه جايه وطالبه تشوفك.غارب: بنت من الشركه خليها تدخل.فتحيه دخلتها وغارب استغرب مين دي اللي هتيجي هنا غارب مفكرش كتير لانه سمع صوتها.غارب: بصدمه انتي ايه اللي جابك هناعشق….