رواية بنات الملجأ الفصل الثاني 2 - بقلم مادونا عماد

في صباح يوم جديد تشرق الشمس لبداية يوم جديد مليء بالأحداث في الملجأ. عطيات: يلا يا بنات اصحوا. أسيل: يوووه عايزة أنام. عطيات: لو مقومتوش خلال دقيقة مفيش أكل النهاردة خالص. البنات قاموا بسرعة: صباح الخير. عطيات: مكان من الأول. غزل شالت أسيل وراحت غسلت وشها. أسيل: رخمة. غزل: طيب.

ورشّت عليها مياه وأسيل ضحكت. ورشّت عليها وفضلوا يجروا ورا بعض. كان في راجل واقف على سلم خشب وبيدهن الحيطة. أسيل وهي بتجري هزت السلم بالغلط وجردل الدهان وقع في نفس الوقت اللي خرجت عطيات من غرفة جنب السلم. وقع عليها الدهان وكل البنات اللي كانوا موجودين ضحكوا على شكلها. طبعًا غزل وأسيل استخبوا في أقرب غرفة. عطيات بعصبية: مين عمل كداااا؟ البنات: منعرفش. عطيات: طيب أنا هعرف بطريقتي. بعد الفطار عطيات طلبت

مجموعة بنات منهم الخمسة: غزل وأسيل وتالا وكيلا وجنة. غزل وأسيل كانوا خايفين إنها تكون عرفت اللي عملوه. دخلوا شافوا راجل وزوجته وراجل تاني ومعاه زوجته وراجل لوحده وهو سواق ريم زوجة سيف. عطيات بتمثل إنها بتعاملهم كويس قدام الناس. عطيات: تعالوا يا بنات، تعالي يا غزل. غزل: نعم. عطيات: بصي يا غزل، في واحد هياخدك معاه. غزل بصت لأصحابها وحضنت أختها: بس أنا مش عايزة أمشي وأسيبهم.

عطيات: يا حبيبتي، إنتي هتروحي معاه وهتعيشي في بيت كبير وهيبقي معاكي فلوس. غزل: اشمعني أنا؟ عطيات: عشان هما عندهم 12 سنة، بس إنتي أكبر عندك 15 وإنتي حلوة أوي. غزل بدموع هزت راسها بمعنى لا. عطيات: عن إذنكم، هحاول أقنعها... تعالي معايا. عطيات أخدتها على جنب. عطيات: موافقتيش ليه؟ دا أنا هاخد فلوس كتير. غزل: عشان مش عايزة أسيب أختي. عطيات: إنتي لو موافقتيش أنا هخطف أختك وأقتلها. غزل بخوف: لا لا، موافقة.

عطيات: أيوه كدة تعجبيني. غزل: طيب وأنا هروح معاه ليه؟ عطيات: دا السواق بتاعه، هتروحي معاه عشان تتجوزي سيف بيه. غزل بصدمة: أتـجوز وأنا عندي 15 سنة؟ عطيات بخبث: شكلك مش بتحبي أختك. غزل: خلاص موافقة بس بشرط. عطيات: إيه هو؟ غزل: متأذيش أختي. عطيات: ماشـي. الراجل واداها الفلوس: اتفضلي. عطيات بطمع للفلوس: تمام. عطيات للست اللي واقفة مع جوزها: ها هتخدي أنهي بنت؟ الست (يارا) : هاخد دي، اسمها إيه؟ عطيات: أسيل.

يارا قربت منها: اسمك حلو أوي يا أسيل. أسيل: شكراً. عطيات: وحضرتك هتخدي مين؟ الست التانية (مروة) : هاخد دي. عطيات: جنة. مروة بصت لجوزها: حلوة صح؟ زوجها (يزيد) بخبث: حلوة أوي. عطيات: اتفضلوا استنوا شوية وهيجهزوا ويجوا معاكم. أول البنات ما دخلوا الغرفة عيطوا وحضنوا بعض. غزل: أسيل خلي بالك من نفسك. أسيل بدموع: هتسيبيهم ياخدوني؟ غزل: مش هقدر أعمل حاجة. بعد شوية أسيل ركبت العربية وهي بتعيط وزعلانة عشان غزل سابتها.

السواق: يلا يا آنسة غزل. غزل بصت للمكان لآخر مرة: يلا.