تحميل رواية «احببت ابن عمي» PDF

أنا اسمي أميرة، عمري 19 سنة، سأدخل كلية الهندسة. أعيش مع أبي وأمي وأخواتي عادل ونعمة في بيت العيلة. شعري بني وطويل، وبشرتي قمحاوية، وعيوني خضراء. أحب ابن عمي جدًا منذ أن كنا صغارًا، نفسي أصرحه بحبي بس مش قادرة. خائفة يكون مش بيحبني وأتقهر، فأنا قلت أعيش في وهم أحسن.

من غير رغي كتير، نخش في الموضوع.

كنا قاعدين أنا وأمي وأختي في بيت عمي، بيت كبير العيلة، عشان بنعمل كحك العيد. وفي وسط بهدلتي دي، الجرس رن.

مرات عمي: أميرة يا حبيبتي، افتحي الباب.

أميرة: حاضر يا مرات عمي.

فتحت الباب واتفاجئت لما لقيت سيف ابن عمي. كنت شكلي مبهدل والدقيق مبهدل وشي، وكانت حاجة زبالة.

سيف بضحك: إيه اللي في وشك ده؟ وايه الجلابية دي؟

أميرة: ده دقيق، ودي جلابية تيتة. هي صحيح واسعة وطويلة شوية، سوري شويتين تلاتة أربعة، بس مش مهم. وبعدين إيه اللي جابك دلوقتي؟

سيف: بيتي وجاي تعبان من الجامعة. وسع بقى.

نهى: مين يا أميرة؟

أميرة: ده سيف يا مرات عمي.

نهى: خير يا حبيبي، إيه اللي رجعك بدري النهاردة؟

سيف: لأ مافيش، فيه محاضرات اتلغت ورجعت. هخش آخد شاور وأنام شوية.

نهى: ماشي يا حبيبي.

منى (ماما): طيب يا نهى، أنا هاخد نعمة وننزل نعمل الفطار، وهاسيب لك أميرة.

نهى: ماشي يا حبيبتي... سلام.

(نعرفكم بقى على سيف، ابن عمي وحبيبي. عنده 21 سنة في كلية الهندسة معايا. هو أسمراني وعيونه بني وشعره أسود وعضلات بقى وكلام ده).

نهى: أميرة حبيبتي، تليفوني بيرن، هاتيهولي عشان إيدي مش فاضية. هو في أوضة سيف.

أميرة: حاضر.

روحت أوضة سيف وفضلت أدور على التليفون بس مش لاقياه.

أميرة: هو راح فين ده؟ الله يخربيت كدة.

وبعدين لقيته.

أميرة: آهو، اومال وجه البرص فين؟

... أنا وجه البرص.

لقيته واقف قدامي وبيقرّب مني.

أميرة بتوتر: ها... اااه، مين قال إنك وجه البرص؟ أخذت الكلام على نفسك ليه؟

سيف بعصبية: ما تعصبنيش، إيه اللي جابك هنا؟

أميرة بخوف: هااا.

سيف: هو أنا كل ما أكلمك تقوليلي "ها"؟

لقيته قرب مني جامد ولزقني في الحيطة.

أميرة بخوف: أنا... أنا... أنا جاية آخد تليفون مرات عمي. وبعدين ينفع لو سمحت تبعد عني؟ إنت مقرّب أوي.

سيف: مش هابعد غير لما تقوليلي مين وجه البرص.

أميرة بتوتر وخوف: والله هاعيط. أبعد بس شوية.

بعد عني، بعدين جريت. وبعدين وقفت قدام الباب وقلت:

أميرة: وعلى فكرة بقى إنت وجه البرص وكمان خنزير.

وبعدين طلعت لساني وجريت.

سيف فضل يضحك على طفولتها.

سيف: يابت المجنونة.

نهى: إيه يا بنتي كل ده؟ بتجيبي التليفون؟

أميرة: معلش يا مرات عمي، كان في برص في أوضة سيف، كنت بموت.

نهى: ماشي، هاتى التليفون.

سيف: بقى أنا وجه البرص؟ ماشي، أنا هاوريكي.

أميرة: وخنزير كمان يا بيبي.

سيف: طيب، والمصحف لندمك.

وفضل يجري ورايا، وحالف يمسكني يضربني.

أميرة: يعمتاااااي... يعمتاااااي... أعاااا.

فضلنا كدا، بعدين مسكني ولسة بيقرب، لقيت دقيق جنبي، أخذته ورشيته في وشه.

سيف: بنت الـ... تعالي هنا.

ومسك الدقيق ورشه في وشي. فضلنا برضو نرش على نفسنا دقيق لحد ما مرات عمي جت.

نهى: يمُصبتي، إيه اللي حصل؟

أميرة: يا مرات عمي، هو اللي مسك الدقيق ورشه في وشي.

سيف: دي كدابة، هي اللي رشّته في وشي الأول.

نهى: بس بقى، بطلوا لعب عيال، ويلا عشان تنضفوا اللي انتوا عملتوه ده عشان الحج قرب يجي.

أميرة: حاضر.

فضلنا ننضف وخلصنا.

نهى: شطار، يلا بقى عشان تفطروا، المغرب أذن.

أميرة: أخيراً، ده أنا عطشانة أوي.

سيف: وأنا كمان والله.

خلصنا الفطار واليوم وروحت بيتي. كان أسعد يوم في حياتي. كان يوم جميل ومليان بالبهدلة، بس مش مهم، كنت فرحانة إني مع سيف، ده أهم حاجة. وبعدين دخلت نمت.

***

اليوم التالي.

في الصباح.

أميرة: صباح الخير يا ماما.

منى: صباح الخير يا حبيبتي.

أميرة: هو فين بابي؟

منى: راح شغله يا حبيبتي.

أميرة: ماشي، أنا هروح الجامعة، ماشي يا حبيبتي.

نسيت أقولكم، سيف هو اللي بيوصلني عشان معايا في نفس الكلية.

سيف: جاهزة؟

أميرة: أه... يلا.

سيف: ماشي.

وصلنا الجامعة وقابلت ميادة، صحبة عمري، معايا برضو في نفس الكلية.

ميادة: عاملة إيه؟

أميرة: كويسة... وحشتيني أوي.

ميادة: وإنتي كمان والله... بقولك إيه، تعالي نقعد في الكافتيريا، لسة بدري على المحاضرة.

أميرة: ماشي، يلا.

وإحنا قاعدين، جه علينا شاب كدة شكله رخِم، وحتى يرخم...

الشاب: هاي يا قمر، مش نتعرف؟

معبرتوش وحملت كلام مع ميادة.

الشاب: أنا أمجد، والقمر...

أميرة: خفة، بعد إذنك.

سبته ومشيت. راح هو مسك إيدي.

أمجد: خدي بس...

بعدين لقيت في حد شده وضربه بالبوكس.

لقيت حد مسكه وضربه بالبوكس.

وكان سيف.

"آه يا كبد أمه!"

فضل يضرب فيه لحد ما الولا وشه باظ.

وبعدين جم بتوع الأمن، أخدونا وودونا أوضة المدير.

المدير بزعيق: دي مهزلة وقلة أدب، إيه اللي بيحصل ده؟

وإنتي يا آنسة أميرة؟

أميرة: أنا يا فندم.

المدير بزعيق: أمال مين بيتخانقوا عشانك؟ الله الله!

أميرة: يا فندم حضرتك فاهم غلط.

المدير: غلط؟ ما هو الغلط قدامي أهو.

وإنت يا أفندي إنت وهو، إيه فاكرينها كباريه بتتخانقوا؟

سيف: والله يا فندم هو اللي قل أدبه، وأنا كنت بربيه.

المدير: لأ ونعمة التربية. انتو التلاتة واخدين جزاء.

أميرة: ليه بس كده يافندم؟ ده ظلم.

المدير: ظلم؟ أنا بقى ظالم؟ اتفضلي برة، اتفضلو كلكوا برة.

وخرجنا.

أميرة: يا مصيبتي، يا مصيبتي.

ميادة: خير، إيه اللي حصل؟

أميرة: المفترى ابن المفترية اداني جزاء.

سيف: يسلااام، اداكي انتي لوحدك؟ وما هو اداني أنا كمان، معرفش أنا عملت فيها إيه.

أميرة: هيرو وروحت ضربته.

سيف: آه، مش عارفة حاسس نفسك في إيه، ملكيش فيه ليه؟ ده انت خرتيت.

سيف: بت لمي نفسك وخلي اليوم يعدي، انتي فاهمة؟

أميرة: ولا انت فاكرني هاعيط وأقولك خلاص؟ لأ ده أنا شرشوحة.

وفجأة خرج من مكتبه المدير.

المدير: تعاليلي يا شرشوحة، تعالي.

وبعدين زعق وقال: كله على محاضراتهم.

ميادة: يمصبتي.

أميرة: في إيه يا موكوسة؟

ميادة: عندنا محاضرة دلوقتي وشغالة بقى لها ربع ساعة، وشكلنا هانطرد.

أميرة: ربنا يطمنك يا أختي.

دخلنا المحاضرة.

الدكتور: اطلعوا برة، أنا محدش يدخلي المحاضرة متأخر.

ميادة: يا دكتور بس اسمعنا.

الدكتور: قلت برة، واستنوني في مكتب المدير.

أميرة: يا شيخ حسبي الله ونعم الوكيل فيك.

المدرج كله ضحك.

الدكتور: انتي بتحاسبني عليا؟ ماشي، الاقيك داخلالي محاضرة بعد كده، واعتبر نفسك ساقطة في المادة دي.

خرجت أنا وميادة واحنا متعصبين منه، وقابلنا سيف.

سيف: إيه مالكوا؟

أميرة: ها قولك.

وحكتله على كل حاجة حصلت.

سيف بضحك: يا قوية يا مفترية.

أميرة: بس بقى مضحكنيش، أعمل إيه؟ عصبني.

سيف: خلاص متزعليش، أنا معاكي لو حصل حاجة.

أميرة: يا شيخ اتنيل، ده انت أول واحد هابيعني.

سيف: سيد عيب، إحنا أهل.

ميادة: يلا يا أميرة نروح مكتب المدير بدل ما مرارتي تتفقع.

أميرة: عندك حق.

روحنا مكتب المدير، وأنا دخلت من غير ما أخبط.

أميرة: ساااامو عليكم.

المدير بعصبية: إيه ده؟ هي وكالة من غير بواب؟

ميادة: أقصد حضرتك إنك البواب.

المدير: اخرسي يابنت... ثم إيه اللي جابكم هنا؟

أميرة: حضرتك هاتعرف دلوقتي، حضرتك بس لو سمحت تكون واخد دوا الضغط عشان ميحصلكش هبوط وتفيص مننا.

المدير لقيته بيقرب وعينيه بتطق شرار.

وفجأة دخل علينا الدكتور.

المدير: أهلاً أهلاً دكتور مراد، اتفضل جاي ليه؟

مراد: عشان البنتين دول، وخصوصاً البنت دي.

(قصده أنا يجماعة 😁)

المدير: عملوا إيه تاني؟

مراد: البنتين دول دخلولي المدرج متأخر، ولما طردتهم الأستاذة اللي هو أنا، بتقولي حسبي الله ونعم الوكيل فيك، أنا وضعي إيه كده قدام الطلبة.

المدير بصلي بنظرات حادة.

أميرة: طبعاً لو حلفتك إني مكنتش أقصد مش هتصدقني.

المدير: طيب، شكراً ليك يا مراد، اتفضل أنت.

مراد: حاضر.

المدير: وإنتي كمان اخرجى وراه.

(قصده هنا بقى ميادة)

أميرة: بت بت متسبنيش هنا.

المدير: أنا مش هاعملك حاجة، بس عشان انتي طالبة جديدة وكمان أول سنة ليكي. بس بعد كده لو جت شكوى تانية أنا مضطر أفصلك، فاهمة؟

أميرة: آه طبعاً طبعاً فاهمة. عن إذنك.

طبعاً خلصنا اليوم، وركبت العربية مع سيف.

كان باين عليا إني مدايقة، وسيف لاحظ ده، وأنا لاحظت أنه لاحظ إني مدايقة.

سيف لقيته بيشغل أغنية لتامر حسني، مطربي المفضل.

بصتله وابتسمت، ووديت وشي ناحية الشباك.

لقيته واقف فجأة.

أميرة: وقفت ليه؟

سيف: ثانية واحدة.

فضل كده حوالي عشر دقايق.

لقيته جايب بوكس كبير.

كان عندي فضول أعرف إيه ده.

سيف: اتفضلي.

أميرة: إيه ده؟

سيف: افتحيه.

فتحت البوكس واتفاجئت، لقيت جايبلي ورد، شوكولاتة، فراولة، وغزل البنات.

جايبلي كل الحاجات اللي بحبها كلها.

كنت مبسوطة بالحاجات، وكنت مبسوطة أكتر بيه، لأني حسيت إنه مهتم بيا وبزعلي.

كنت فرحانة.

أميرة: هي الحاجات دي ليا أنا؟

سيف: لأ لأمي.

أميرة: بطل غلاسة بقى.

سيف: بس قوليلي عجبك البوكس؟

أميرة بفرحة: آه جداً، شكراً. ماكنش له لزوم التعب ده.

سيف: إيه ده؟ هي دي أميرة بنت عمي؟ إيه الأدب ده.

أميرة بغيظ: لا إله إلا الله، إنت إيه يابني مجنون؟ عندك انفصام في الشخصية؟ ولا عاجبك أبقى مؤدبة ولا أبقى قليلة الأدب؟

سيف: بهزر معاكي ياشيخة، ادايقي انتي بس وأنا أجيبلك زيه على طول.

أميرة: انت عيل خرتيت ووجه البرص والكلب كمان، ولو راجل تعالى امسكني.

ونزلت من العربية بسرعة، وهو كان بيجري ورايا، وطلعت على البيت.

طلعت أجري منه وطلعت شقتي.

أميرة: إيه يا حجوج، ينفع أسأل عليك الصبح يقولولي نزلت من غير ما تصبح علي؟

محمد: يابت يا بكاشة. معلش يا ستي، كنت مستعجل.

محمد: إيه البوكس؟

أميرة: ها؟ دي ميادة جبتهولي.

محمد: ماشي.

أميرة: ماما، أنا جعانة أوي، إنتي قربتي تخلصي؟

منى: حتى لو خلصت، هاتروحي تاكلي، مانتي صايمة.

أميرة: ماشي، أنا هاخش أنام ومحدش يصحيني غير على أذان المغرب.

منى: ماشي.

دخلت أوضتي وأنا فرحانة أوي ومش مصدقة نفسي. شغلت أغنية لعمرو دياب وقعدت أرقص وأغني.

أميرة:

وياه الحياة حتحلى

وأنا أبقى معاه

هو ده اللي أنا بتمناه

واللي عيني شيفاه

إحساس إنه أحلى وأغلى الناس

خلى قلبي يقولي خلاص

وبعدين لقيت نعمة بتقولي.

نعمة: الجميل بتاعنا ماله؟

أميرة بفرحة: بيحب.

نعمة: قديمة، عرفينها. احكيلي حصل إيه.

أميرة: ها قولك.

وحكت لها على حاجة.

أميرة: أنا فرحانة، فرحانة أوي إنه مهتم بيا وبزعلي.

نعمة: على فكرة عادي يعني، مفيهاش حاجة تفرح.

أميرة: يا ساتر يا رب، ماينفعش تسيبيني أفرح ٥ دقايق على بعض. بت، اطلعي بره، مش ناقصة هي.

نعمة: ماشي، أنا غلطانة إني جيت أنكد عليكي شوية. انتي أختي.

أميرة: بررررة.

بليل.

نزلت عند عمي وخبطت على الباب وسيف فتحلي.

سيف: لا حول ولا قوة إلا بالله. يارب، يابت انتي، انتي كل شوية تطلعي لنا هنا ليه؟ عجباكي الشقة تاخديها؟

أميرة: وانت مالك انت؟ بيت عمي وأجي وقت ما أنا عايزة. يا أبو حميد، يا بو حميد.

لقيت سيف مسكني من قفاية.

سيف: خدي يابت هنا، أبو حميد مين؟

أميرة: عمي. يا أبو حميد.

روحت في.

سيف: أبويا أنا أبو حميد. عارفة لو أمي سمعتك كانت علقتك مطرحك.

أحمد أبو سيف: أهلاً أهلاً بالامورة بتاعتنا.

أميرة: وحشتني يا بو حميد.

سيف: يابت اسكتي، أمي واقفة.

أميرة: قصدك نونة؟ دي نونة دي عسل.

سيف بصدمة: نونة؟ أمي أنا بقت نونة؟

أميرة: دول زي القمر، مش عارفة جبتوه إزاي ده. ده نكدي ودمه سم.

سيف: بت انتي اتلمي وقولي يا مس.

نهى: على رأيك يا أميرة.

سيف: إيه ده، انتي معاها؟

أميرة: أحسن محدش طايقك.

سيف اتغاظ جداً، جاب إزازة مية وكبها في وشها.

أميرة بغيظ: انت قد الحركة دي؟

سيف: اه.

أميرة: ماشي.

اسكت أنا لأ طبعاً. مسكت إيده وعضته بكل غلس.

سيف: ااااااه يابت العضاضة، إيدي.

أميرة: أحسن، تستاهل.

عمي ومرات عمي أصلاً فطسين ضحك.

لقيته قام وسابنا ومشي.

أميرة: هو زعل ولا إيه؟

أحمد: شكله كده، أصل بصراحة زودتيها معاه.

أميرة: أنا مش قصدي، أنا بحب أنكشه عادي.

نهى: طب روحي صالحيه.

أميرة: طيب.

روحت لقيته قاعد في البلكونة.

أميرة: احم احم.

سيف: ........

أميرة: هو انت ليه قمت وسبتنا؟

سيف: .........

أميرة: طب هو انت زعلان مني؟

سيف: .........

أميرة: طب أنا آسفة.

سيف: بتعتذري ليه؟

أميرة: على اللي أنا عملته. أنا عادي بحب أنكش.

سيف: خلاص، مش زعلان.

أميرة: قشطة. تصدق الجو تحفة في البلكونة.

سيف: اه.

أميرة: اعااااااا.

سيف: في إيه يا هبلة؟

أميرة: صرصار! اعااااااا.

سيف: فين ده؟ اعاااااااا! احيه! انزلي، موتيه بسرعة.

أميرة: نعم يا خويا؟ طب أنا بنت وعادي بخاف منه، إنما انت بقى إيه نظامك؟

سيف: هو ده وقت شرشحة؟ يا بابا! يا ماما!

أحمد: إيه؟ في إيه؟ مالكم؟

سيف: في صرصار! موتوا بسرعة.

أحمد: إيه؟ اعااااااا.

وطلع معاهم على الكرسي.

نهى بصدمة: يا خيبتكم.

أحمد: مش وقته. موتي يلانه.

نهى: حاضر.

نهى: خلاص، موتوا. انزلوا يا مواكيس.

أميرة: يا جبان.

سيف: ونبي اسكتي، انتي كنتي بتموتي فوق.

أميرة: أيوة، أنا بنت.

سيف: وانتي مصدقة نفسك.

أميرة: شوفت مين اللي ابتدا؟ أنا عشان متربية ومؤدبة مش هرد.

سيف: قصدك إيه؟ قصدك إن أنا مش متربي؟

أميرة: شوف انت بقى.

في الجامعة، كانت أميرة تشير إلى ميادة.

أميرة: بت يا ميادة، بصي البيه بيعمل إيه.

ميادة: أوبا، ده واقف مع مزة قمر.

أميرة: قمر في عينك، فين القمر ده؟ دي مسلوعة وباردة.

أميرة: بصي بصي، بيهزر إزاي معاها عادي. لأ، أنا مش هاسكت.

ميادة: طب، هتعملي إيه؟

أميرة: هاروح أسلم عليهم وأعمل معاهم الواجب.

ميادة: قشطة، أنا هاروح أتفرج.

أميرة: هاي، مش تعرفينا على القمر.

سيف: دي مايا، صحبتي، ودي أميرة، بنت عمي.

مايا بدلع: بيبي، حكى لي عنك كتير.

أميرة: بيبي؟ بيبي مين؟

سيف: أنا بيبيها.

أميرة: يا نوغا، بقى اسمك بيبي؟ والله لأقول لماما.

مايا بدلع: هي مالها يا بيبي؟ مدايقة ليه؟

وبعدين قربت منه. أنا اتغاظت أوي، وبعدين شديتها وقولت:

أميرة: ابعدي يا ختشي، عيب كده، أنا واقفة.

مايا: وفيها إيه؟

وبرضه قربت منه. رحت مكعبلاها ووقعتها على الأرض.

سيف: انتي كويسة؟

مايا: لأ، رجلي بتوجعني أوي.

أميرة: أحسن.

لقيت سيف بيبص لي بنظرة حادة، سكتت على طول.

سيف: استنى، هاشيلك.

أميرة: تشيل مين يا عم الحج؟ سيبها، ملكش دعوة بيها.

سيف بنرفزة: أميرة، ابعدي عني وملكيش دعوة.

اتضايقت أوي وسبته ومشيت.

ميادة: ها، عملتي إيه؟

أميرة: يعني انتي مشوفتيش حاجة؟ بهدلني وزعق لي بسببه.

ميادة: معلش. إيه ده؟ انتي هاتعيطي؟

أميرة وعلى وشك العياط: لالا، بس أنا خايفة، ليكون بيحبها. انتي مشوفتيش شكله كان عامل إزاي لما وقعتها. وبدأت أعيط.

ميادة: لأ، هو مش بيحبها أكيد. حطي في دماغك إن دي زميلته وبس.

هنا سيف شاف أميرة وهي بتعيط وحس إن هو السبب وقرر يصالحها.

***

في العربية.

سيف: أنا آسف إني زعقتلك.

أميرة ببرود: لا، ولا يهمك. أنا هانزل.

سيف شدها وقال:

سيف: أنا آسف بقى، أنا مكنتش أقصد. وبعدين، ما انتي وقعتيها جامد واتعورت. وبعدين انتي اتضايقتي ليه؟

أميرة: يسلاااام! عايزني أشوف واحدة عمالة تقرب منك وتتلزق فيك، وعايزني اسكت؟ وانت عادي؟ طبعاً، ما انت قليل الأدب وبتاع بنات.

سيف: بس ده مش سبب يخليكي تتدايقي.

أميرة: متغيرش الموضوع.

سيف: ما هو ده الموضوع.

أميرة: ياباى عليك، ده انت بارد جداسيف: ها، مسمحاني ولا لأ. يلا بقى، أنا آسف.

أميرة: ماشي. سلام يا قليل الأدب.

سيف: لسانك ده طول كده وعايز يتقص.

طلعت له لساني ومشيت.

بعد عدة ساعات.

نهى: سيف، افتح الباب.

سيف: حاضر يا ماما.

أميرة: سامووو عليكو.

سيف: يا فتاح يا عليم، يا رزاق يا كريم! انتي عايزة مننا إيه؟ سيبينا في حالنا.

أميرة: جاية أساعد مرات عمي في الفطار.

سيف: ولا يمكن معجبة بيا وكل شوية تطلعي لنا هنا.

أميرة: معجبة بمين؟ ده انت لو آخر واحد في الدنيا، لا ينكن.

سيف: لا إيه؟

أميرة: لا ينكن.

سيف: قصدك لا يمكن.

أميرة: لأ، لا ينكن دي في حالتك بس.

سيف: طب غورى، غورى بقى.

أميرة: حبيبت قلبي نونا العسل.

نهى: يا بكاشة. يلا تعالي ساعديني.

سيف: ماما، عايزك في موضوع.

أميرة: يا نعم، عايز إيه؟

سيف: وانتي مالك انتي؟ أنا عايز أمي.

نهى: نعم يا حبيبي، عايز إيه؟

سيف: في واحدة صحبتي عايز أعزمها على الفطار.

نهى: وما له يا حبيبي، اعزمها.

أميرة: أوعى تكون اللي في بالي.

سيف بابتسامة بلهاء: أيوة، هي.

أميرة بغيظ: ماشي يا سيف. أنا هاروح بقى يا مرات عمي عشان أجهز.

سيف: تجهزي فين وليه؟

أميرة: مش في ضيفة جايلنا، لازماً نقوم معاها بالواجب.

سيف: عارفة لو عملتلها حاجة، هاعمل فيكي إيه.

أميرة بشر واستنكار: ما تخفش، مش هاكرر الغلط تاني. باي.

طلعت الشقة عندنا وكنت هاموت من الغيظ.

نعمة: مالك يا هبلة؟ متزربنة كده ليه؟

أميرة بعصبية: بقولك إيه، سيبيني لوحدي دلوقتي عشان مش طايقة نفسي.

نعمة: طب، في إيه؟ فهميني.

أميرة: ماشي.

وحكت لها على كل حاجة.

نعمة: خلاص، اهدى يا هبلة. غيظيهم زي ما هما بيعملوا فيكي.

أميرة: إزاي؟

نعمة: ها، هقولك.

أميرة: ماشي.

لبست فستان أسود. قصدت ألبسه عشان أغيظه ونزلت.

أميرة: هي الحلوة ما جتش ولا إيه؟

سيف: لأ. وبعدين إيه اللي أنتِ لبساه ده؟

أميرة: إيه؟ ما الفستان حلو أهو. وبعدين أنت مالك؟ أنا هاروح أساعد مرات عمي.

أوعى. سبته وكان هايموت من الغيظ.

شوية والباب خبط. فتحت وكانت مايا. كانت لابسة فستان قصير أوي وضيق. ولا كأننا في رمضان، استغفر الله العظيم.

أميرة: يا حلوة، هو ما حدش قالك إننا في رمضان؟ وكل سنة وأنتِ طيبة. إيه اللي أنتِ لابساه ده؟

مايا: هي دي طريقة لبسي. هااي يا بيبي، وحشتني.

وبعدين حضنته.

نهى بغضب: أهلاً أهلاً يا حبيبتي، عاملة إيه؟

وبعدين شديتها من حضن سيف.

أحمد: أهلاً يا بنتي، عاملة إيه؟

مايا: أنا كويسة يا uncle.

ولسه ها تحضنه برضه. نونا شديتها وقالت.

نهى: يلا، المغرب أذن.

قعدنا. عمي ومرات عمي قعدوا جمب بعض. وأنا قعدت في وش سيف. والسلعوة قعدت جمب سيف. وقاعدة تأكله. كلنا قاعدين نفسنا نمسك سيف ومايا نقتلهم.

خلصنا الفطار. وهي هاتمشي.

مايا: باي يا بيبي، هاتوحشني. اموووووواه.

سيف: باي يا قلبي. اموووووواه.

أول ما سيف قفل الباب، نونا قلعت أبو وردة (الشبشب).

نهى: خد هنا يالا! ده منظر واحدة تخش البيت؟ أنا هاربيك من أول وجديد.

سيف بخوف: استهدي بالله، أنتِ طيبة. بلاش تعملي كدة.

أميرة: أيوة يا مرات عمي، أوعي تسيبيه. اديله ده عيل مهزأ.

سيف بخوف وزعيق: اسكتي يا بنت الـ****.

نونا فضلت تجري وراه وتضربه بالشبشب.

سيف: آآآه، خلاص يا ماما، آآآه.

أنا روحت جبت فشار وقعدت آكل وأتفرج.

أميرة: في وشه، في وشه. على دراعه. ما ضربتوش على ضهره.

سيف: والمصحف يا أميرة لو ما لميتيش نفسك لنفخك يا جزمة.

طلعت له لساني وقولت.

أميرة: أحسن. تستاهل كل حاجة يا وجه البرص يا خنزير.

سيف: ماشي يا حيوانة. آآآه... آآآه... خلاص ياماما بقى عشان خاطري.

نهى بعصبية: ماشي يا كلب. وحسك عينك تجيب الأشكال دي هنا تاني.

سيف: ماشي، ماشي يا ماما. أنا آسف. وانتِ بقى والمصحف لندمك.

جه يجرى مقدرش وقعد مكانه.

سيف: آآآه... مش قادر أقوم.

أنا قعدت أضحك بصراحة. يستاهل. نونا جابت حجى.

أميرة: تسلم إيدك يا نونا. لأ، العلقة محترمة.

نهى: اومال إيه؟ أسيبه كده؟

أميرة: ياريت لو كنتي عملتي كده مع السلعوة. يااااه.

سيف: بت، اطلعي برة البيت. اطلعي على بيتك. مش خلاص خربتيها. اطلعي برة بقى. آآآه.

أميرة: شايفة يا طنط، بيطردني إزاي؟

نهى: لا يا عيون طنط. هو اللي يخرج برة وأنتِ تقعدي.

أحمد: إيه ده؟ مين اللي عمل فيك كدة؟

نهى: أنا يا حج. عايز حاجة كدة ولا كدة؟

أحمد بخوف: إيه؟ لالالا. ما فيش حاجة. حلو النيولوك عليك يا سيف.

سيف: هي كدة. ماشي. أنا هاروح أكلم مايا حبيبة قلبي ونخرج مع بعض.

أنا اتغاظت أوي. وبعدين لقيت جنبي سكينة. أخدتها وقربت منه وقربت السكينة من رقبته. وقولت.

أميرة بغضب: اسمع يلا. لو سمعتك بتجيب سيرة البت السلعوة دي تاني، هاقتلك. وقتلها بلا مسخرة بلا قلة أدب. اسمع عن حوادث القتل اللي بتحصل اليومين دول.

سيف بخوف: ا..ا....اه.

أميرة: حلو. بس الحوادث دي بين الست وجوزها. بس النهاردة هيبقى حادثة جديدة. فتاة تقتل ابن عمها لمخالفات بينهم.

سيف برعب: م....م..ماما. ا..ا..ا..الحقيني.

نهى: خلاص يا ريا. سماح المرادي. والمرة الجاية هانقتله.

سيف: احيه. بابا.

أحمد بحزن وخوف: للأسف يا بني. العمر مش بعزقة.

بعدين سبتهم ومشيت.

سيف: استنى يا ولية.

مش عارف أقوم.

خذي.

سيف قام وطلع وراهم.

منى بشهقة: إيه اللي عمل فيك كدة؟

سيف: عملت حادثة.

منى: حادثة إيه؟

سيف: شبشب.

منى: شبشب؟ انت بتستعبط يا لهوي؟

سيف: مش وقته، هقولك بعدين. فين أميرة؟

منى: في أوضتها.

سيف: ماشي، هادخلها.

منى: خد ياض انت تدخل لمين؟ هي وكالة من غير بواب؟

سيف لنفسه: أنا عرفت شرشحة أميرة دي جايباها منين.

منى: انت يلا انت مت ولا إيه؟

سيف: لأ ما متتش. عايز أخش لأميرة.

منى: ماشي، ادخلها. بي انجز عشان الحج لو جه هاينفخني هاينفخني.

سيف: ماشي.

سيف خبط على الباب.

أميرة: ادخل.

سيف: احم احم.

وقفت على السرير وقولت.

أميرة بغضب: أطلع برة يا حيوان. شكل شبشب نهى ما جابش نتيجة. استنى أنا هاوريك يا خنزير يا معفن.

حط ايده على بوقي وقال:

سيف: ااااايه، بلاعة. افصلي شوية. وبعدين أنا غلطان إني جاي أعبرك. جتك القرف.

سيف: أنا عايز أعرف بقى مضايقة ليه يا زفتة؟

أميرة: على فكرة أنا مش مضايقة.

سيف: لأ مضايقة. وكل ما أجيب سيرة السلعوة، قصدي مايا، بتضايقي.

بعدين فكر شوية وقال:

سيف: ثانية ثانية، انتي بتغيري.

أميرة: إيه نعم يا خويا؟ بغير؟ بغير من مين؟ من السلعوة دي؟ لالالا نووو.

سيف: لأ أقصد بتغيري عليا.

أميرة بتوتر: ها، لأ أكيد لأ.

لقيته قرب مني جامد ولزقني في الحيطة.

سيف: ولا ليه؟

أميرة بتوتر: ها، بقولك إيه ابعد عني.

سيف: تؤتؤ، مش هابعد.

أميرة: طيب.

أميرة: يا باااااابااااا، يا ماااااامااااا.

حط ايده على بوقي بسرعة وقال:

سيف: يابت المجانين، كل ده ليه؟

أميرة: أحسن تستاهل. أبعد بقى.

سيف: طب ارفعي وشك، منزلاه ليه؟ انتي خايفة مني؟

بعدين رفع إيده ومسك وشي ورفعه.

فضلت أبص في عيونه وأنا سرحانة ومش حاسة بيه. وهو بيضحك. ضحكته حلوة قوي.

أميرة بكسوف: احم... احم. بتضحك على إيه؟

سيف: أصل لو شفتي وشك عامل إزاي.

أميرة: طيب لو سمحت أخرج برة عشان وجودنا مع بعض ده غلط. وكمان بابا لو شافنا هايموت.

سيف: طيب. باي.

قفلت الباب وراه وكنت مبسوطة أوي وفرحانة. معرفش ليه. بس لما ببقى معاه بفرح. إحساس الحب ده حاجة كده متتوصفش.

منى: خد هنا يالا.

سيف بهمس: اه، ابتدينا.

سيف: نعم يا طنط.

منى بغضب: طنط؟ طنط مين ياواد؟ ده أنا أصبي من أمك.

سيف: ربنا يسامحكم.

منى: هايسامحني. قول لي بقى كنت بتعمل إيه كل ده في أوضة البت؟ ها؟

وبعدين مسكته من ياقة القميص.

سيف: يا ولية سيبى القميص، انتي عارفة ده بكام؟

منى: ولية ماشي، أنا هاوريك.

وقلعت برضوا أبو وردة الشبشب وفضلت أجري وراه.

سيف: بت ااااميرة انتي، يا بت يا حيوانة يا اللي إسمك أميرة.

أميرة: اااايه، في إيه؟ إيه ده؟

سيف: الحقييييييني، أمك هاتموتناااااااي.

قعدت أضحك وكنت هاموت.

أميرة: خلاص يا ماما، خلاص. سيبيه بقى الواد هايموت في إيدكم.

منى: ماشي.

سيف بتعب: اه يا عيلة واطية.

منى: أطلع برة ياض. غور يالا.

أميرة بضحك: خلاص خلاص، روح بقى.

سيف: اضحكي اضحكي، مانتي مش حاسة باللي أنا حاسة. عملت فيها شهم وجدع وروحت أطمن عليكي.

منى: ولا أنت لسة واقفه؟

سيف بخوف: حاضر حاضر. سلام يا قمر.

منى: غور يلا.

قفلت الباب وراه وقعدت أضحك عليه. كنت مبسوطة أوي. لقيت ماما بتبصلي ورافعة حاجبها. بطلت ضحك ودخلت أوضتي.

منى: البنت دي بتحب المفعوص ده. أيوة، بتحبه.

دخلت أوضتي وفتحت تليفوني وجبت صورته. فضلت أتأملها وأنا فرحانة أوي. مش عارفة ليه. جوايا مشاعر متلخبطة. لما كان مقرب مني كنت مكسوفة أوي وكنت خايفة أبص في عيونه. كان نفسي أقوله أنا بحبك. بحبك جداً. أنا مش بحبك بس أنا بعشقك.

_____&______________________________

بعد أسبوع.

بليل.

أميرة: كل سنة وانت طيب.

أحمد: وانتي طيبة يا بنتي. وعيد سعيد.

أميرة: احم...... احم. كل سنة وانت طيب. واخد بالك؟

أحمد باستنكار: ها؟ لا مش واخد بالي. وعموماً وانتي طيبة.

أميرة: احيه..... فييييين العيدية؟

أحمد: ياااه، انتي لسة فاكرة؟ انتي كبرتي.

أميرة: نووووو، مكبرتش. أنا عايزة عيديه.

أحمد: ماااشي.

أميرة: مع إن المفروض العيدية تزيد. بس ماشي، أنا موافقة على العشرين جنيه. هاتهملي.

أحمد: لا يا ستي، خدي اهو ١٠٠ جنيه ومتزعليش.

أميرة: احلى أبو حميد في الدنيا.

سيف: إيه ده؟ هي كوسة بقى؟ أنا مليش دعوة. أنا عايز ١٠٠ جنيه زيها.

أميرة: بس ياولا يا قموصة.

أحمد: خلاص، خد انت كمان. هاتفلّسوني.

نهى: وأنا يا حج فين العيدية؟

أحمد: نعم؟ حرام عليكي. وانتي كمان عايزة عيدية؟

قربت منه.

نهى بدلع: يعني ياخويا لما ماخدش منك أخُد من مين؟ ده انت جوزي وحبيبي وكل حاجة.

أحمد: لأ، أنا كدة اتغر. وضعف.

سيف سقف وقال:

سيف: ألعب يا حاج. ماشية معاك انت.

وبعدين غمز لها.

أحمد: اتلم يا وله.

نهى: اسكت يا واد. ماينفعش ياخويا الواحد يعيش سنة في البيت ده.

أميرة: الحق يا سيف، نونا قلبت صغيرة على الحبس.

سيف: لأ، ده إحنا نسيبهم شوية بقى.

طلعت شقتي بعد ما أخذت العيدية، وأنا وأمي وأختي كنا بنعمل ماسكات في بشرتنا عشان العيد بقى.

محمد: اعاااااااا أعوذ بالله انصرف انصرف.

منى: إيه يا حاج مالك؟ شفت عفريت ولا إيه؟

محمد: هو الصوت صوت منى، بس الخلقة جن. أنت جن ولبست مراتي ولا إيه؟

منى: جن إيه يا حاج، أنا منى مراتك وعاملة ماسك الفحم.

محمد: ماسك الفحم! منك لله، هاتموتيني ناقص عمر.

أميرة: مين ده اللي يموتك يا بابا؟ قول لي مين وأنا أموتهولك.

لف محمد وشه وبص لأميرة:

محمد: اعاااااااا.

أميرة: إيه يا بابا في صرصار ورايا ولا إيه؟ أوعى يكون بيطير.

محمد: أنتوا مجانين! يا رب يا رب أنا عملت إيه في حياتي عشان يحصل لي كده؟ هي أمي كان عندها حق قالت لي ما أتجوزش البت دي، دي هبلة وهاتخلف لك معاتيه.

منى: أنا هبلة يا حاج؟ الله يسامحك يا حماتي، ماشي.

محمد: روحي يا بت الباب بيخبط افتحي.

أميرة: حاضر.

فتحت وكان سيف.

سيف: اعاااااااا أنت مين؟

أميرة: أنا أميرة يا أهبل، إيه اللي جابك دلوقتي؟

سيف: يا شيخة قطعت الخلف، فين عمي؟

أميرة: قاعد جوه، خش يلا.

سيف: عامل إيه يا عمي؟ كل سنة وأنت طيب.

محمد: وأنت طيب يا حبيبي. بص من الآخر ومن غير لف ودوران، ما فيش عيديه.

سيف: أنا ما كنتش جاي عشان عيديه، أنا كبرت.

أميرة: لا والله! أومال مين اللي اتقمص تحت عشان عاوز عيديه؟

سيف: اخرسي يا وش الكلب أنتي.

أميرة: ماشي يا بتاع مايا.

محمد: صحيح عادل كلمني وقال إنه جاي بكرة.

سيف: آه ما هو كلمني وقال لي وأنا اتفقت معاه إني هاجي أخده.

أميرة: أنا هاروح معاك.

سيف: تروحي فين؟ اقعدي يا ماما.

أميرة: ما ليش دعوة، هاروح يعني هاروح.

محمد: خلاص خدها معاك يا سيف.

سيف: ماشي.

***

تاني يوم

الصبح

سيف: يلا يا أميرة، هنتأخر.

أميرة: حاضر حاضر أنا لبست أهو.

سيف بنرفزة: إيه اللي أنتي لابساه ده؟

أميرة: إيه عادي.

سيف: لأ مش عادي، البنطلون الضيق جداً هو والبلوزة. وبعدين إيه اللي في وشك ده؟

أميرة: عادي جداً وبعدين ده ميك أب.

سيف بعصبية: خشي يا أميرة غيري الزفت ده وامسحي المكياج اللي في وشك.

أميرة بعند: لأ أنا عاجبني لبسي ومش هامسح المكياج يا سيف.

سيف بغضب: باقول لك غيري الزفت ده وامسحي المكياج يا أميرة بدل ما أمسحه أنا وأنتي مش هاتخرجي معايا كده.

أميرة: أووووف بقى حاضر حاضر.

دخلت غيرت هدومي ومسحت المكياج. هو صحيح كنت متضايقة عشان كان بيزعق لي بس مبسوطة عشان بيغير عليا.

سيف: أيوة كده، بصي زي القمر إزاي.

أميرة: باقول لك يلا نمشي عشان مش طايقة نفسي.

***

وصلنا محطة القطار ومستنيين عادل.

سيف: عادل أهو.

وبعدين شاور له.

أميرة: أبو الصحاب وحشتني، كفك.

عادل: وحشتني يا رمضان ووحشتني خفة دمك يا راجل.

سيف: وأنا كيس جوافة بقى على كده؟

عادل: لأ طبعاً إزاي.

أميرة: هو كده قموصة.

سيف: اتلمي يا بت عشان هازعلك.

عادل: تزعل مين يا واد؟

سيف: آسر عامل إيه؟ وحشتني.

آسر ابن عادل: بس أنت ما وحشتنيش.

أميرة بضحك: محدش طايقك. استني طب وأنا آسر؟

آسر: وأنتي كمان.

سيف بضحك: أين هي؟ أنا لا أراها.

أميرة: هي إيه دي؟

سيف: الجبهة.

أميرة: نينيني سم.

سلوى مرات عادل: يلا بقى نمشي عشان تعبانة.

أميرة: يلا يا أختشي.

(نعرفكوا بقى عادل أخويا 31 سنة شغال مدرس، جاله عقد عمل في السعودية سافر هو ومراته وعياله من 4 سنين عنده آدم وآسر توأم، طويل بشرته بيضة وعيونه بني وشعره أسود).

منى: عادل وحشتني يا ولا، كده ما تسألش على أمك؟

عادل: وأنتي والله وحشتيني أوي يا أمي معلش اعذريني.

منى: ماشي يا بني. آدم وآسر فين وحشوني؟

عادل: أهم.

آسر وآدم: وحشتيني يا تيتة.

منى: حبايب قلب تيتة.

منة: عاملة إيه يا سلوى؟ تعالي وحشتيني.

سلوى: وأنتي كمان والله يا ماما.

أميرة: يا سلام ولا كأني موجودة، منا جاية معاهم.

منى: يا بت ده أنتي معانا على طول لكن هو كان مسافر بقالي كتير ما شفتهوش.

عادل: أنا هانزل أسلم على عمي تحت.

محمد: ماشي انزل.

عادل: حبيبي اللي واحشني ومش بيسأل.

أحمد: أنا برضه اللي مش بأسأل يا ولا؟ وحشتني هات حضن يا واد.

نهى: ولا يا عادل جيت أمتى؟ وحشتني.

عادل: وأنتي كمان والله يا مرات عمي.

نهى: أومال فين العيال ومراتك؟

عادل: فوق مع أبويا وأمي.

نهى: كنت جبتهم معاك دول وحشوني أوي.

عادل: حاضر.

***

نجري الأحداث شوية

بعد 3 أسابيع

في الجامعة

...: لو سمحتي.

أميرة: أيوة.

...: الكتاب ده نسيتيه في المدرج.

أميرة: شكراً جداً يا...

...: مروان. اسمي مروان واد مو وقمور والبنات الجامعة بيحبوه ودمه خفيف.

أميرة بضحك: لأ واثق من نفسك.

مروان: أيوة أنا مغرور ومتواضع برضه.

أميرة: فعلاً دمك خفيف.

فجأة لقيت حد شدني ووو.

فجأة لقيت حد شدني وكان سيف. شدني جامد وفضل يجرني وراه زي الجاموسة.

سيف بعصبية: ممكن أعرف إيه اللي بيحصل ده يا أستاذة.

أميرة بخوف: فيه إيه يا سيف مالك؟ إيه اللي حصل؟

سيف بعصبية: إنتي هاتستهبلي؟ واقفة بتكلمي شاب في الجامعة وبتتهزري معاه وتضحكي من غير حيا؟ مش تحترمي نفسك يا أستاذة يا متربية.

أميرة بدموع وغضب: أنا ما اسمحلكش تتكلم عني بالأسلوب ده، وبعدين متعليش صوتك عليا.

مسك إيدي جامد لدرجة إنها كانت هاتتكسر.

سيف بغضب شديد وزعيق: ما أتكلمش معاكي بالأسلوب ده؟ أومال عايزاني أعمل إيه؟ أسيبك تهزري وتضحكي مع شاب عادي كده؟ ده إنتي بجحة.

أميرة بدموع وزعيق: على فكرة إنت مكبر الموضوع أوي، ده زميلي عادي. نسيت الكتاب بتاعي وهو اداهولي. وأنا لتاني مرة بقولك متكلمنيش بالأسلوب ده تاني وسيب إيدي.

سيف بعصبية: لا والله؟ فاكراني هاصدقك؟ ماشي، هأعتبر نفسي مصدقك. لو الكلام ده صح كنتي أخدتي الكتاب ومشيتي على طول يا محترمة.

مقدرتش أستحمل. مسحت دموعي وصرخت في وشه.

أميرة بصراخ: أنا محترمة غصب عنك، إنت واحد حيوان ومتخلف. ثم إنت متعصب ليه؟ إنت متقربليش حاجة. الوحيد اللي ممكن يتكلم معايا بالأسلوب ده هو أخويا وأبويا. إنما إنت بصفتك إيه تتعصب كده وتكلمني بالطريقة دي؟

سيف بعصبية: أنا ابن عمك.

أميرة بغضب: برضه مالكش الحق تكلمني كده. إنت مجرد ابن عمي، ابن عمي وبس. ومن فضلك بقى قطع علاقتك بيا ومتكلمنيش تاني وسيب إيدي وكفاية فضايح لحد كده.

سيف بحزن: ماشي يا أميرة.

جريت وأنا بعيط ومش قادرة.

وقفت بعيد عنهم وقعدت أعيط. لقيت ميادة جت وحضنتني من غير كلام. هو ده اللي كنت عايزاه.

بعد 5 دقائق.

أميرة بكسرة: كسرني، كسرني أوي يا ميادة. كنت فاكرة إنه آخر واحد يعمل كده. مقدرتش أستحمل إهانته ليا أو إنه يشك في تربيتي بالطريقة دي. أنا بكرهم.

ميادة: شششش خلاص يا حبيبتي. بلاش تتتعبي نفسك كده. انسى وهدي نفسك.

طبطبت على إيدي.

أميرة بوجع: آآآه. حاسب دراعي.

ميادة: وريني كده دراعك.

أميرة: آه.

ميادة بصدمة: يالهوي! بصي الحيوان عمل إيه في إيدك.

بصيت على إيدي لقيت إيده معلمة جامد.

اليوم خلص وأنا وميادة مروحين.

سيف وقفني وقال:

سيف: أميرة يالا عشان نروح.

أميرة ببرود: لأ شكراً لمساعدتك. أنا هاروح مع ميادة كل يوم وهاروح الجامعة معاها برضه.

وبعدين مشيت وسبته.

وهو رجع وقفني تاني.

ميادة بعصبية: بقولك إيه، سيبها في حالها وملكش دعوة بيها وابعد عنها بقى.

أميرة: خلاص يا ميادة. هو كده كده هيمشي عشان مينفعش نقف مع بعض كده. عن إذنك.

وسبته ومشيت.

وروحت البيت ودخلت أوضتي وقفلت على نفسي بالمفتاح وأنا بعيط ومنهارة.

نعمة بقلق: أميرة يا أميرة افتحي.

أميرة: لو سمحتي يا نعمة سيبيني لوحدي دلوقتي.

نعمة: أسيبك إزاي بس؟ إنتي مش شايفة نفسك. افتحي يا أميرة.

مني: فيه إيه يا نعمة مالك؟

نعمة: أميرة يا ماما جت من بره وهي بتعيط ودخلت أوضتها ومش راضية تفتح.

مني بقلق: حبيبتي افتحي يا أميرة. متقلقنيش عليكي يا بنتي.

أميرة بدموع وزعيق: سيبووووني لوووحى بقى.

مني بعياط: حاضر يا بنتي.

سيف كل شوية يتصل بيا وأنا أقفل.

بالليل.

عادل بخوف: هي أميرة مالها؟

مني بحزن: ........

وحكتله على كل حاجة.

عادل: طب أنا هادخلها.

الباب كان بيخبط. فتحت. ولقيت عادل. لما شافني أنصدم. كان وشي باهت وعيوني منفخة وحمرة من كتر العياط.

عادل بخوف: حبيبتي مالك؟

حضنته وقعدت أعيط.

أميرة: مش عايزة أتكلم في حاجة خالص يا عادل، ممكن؟

عادل: ممكن يا قلب عادل.

فضلت أسبوعين مروحتش الجامعة. مكنتش عايزة أشوفه.

في يوم مكنش في حد في البيت غيري أنا ونعمة.

الباب خبط. وأنا فتحت. ولقيت سيف.

أميرة ببرود: خير؟ جاي تكمل إهانة ولا فيه حاجة نسيت تقولها؟

سيف بحزن: ينفع أدخل؟

أميرة ببرود: آسفة. مبدخلش ناس أغراب البيت.

سيف بحزن: أغراب؟ أنا بقيت أغراب؟

أميرة: أيوة أغراب. واتفضل بقى أمشي.

وكنت هاقفل الباب بس حط رجله.

سيف: أرجوكي اسمعيني يا أميرة ..... أنا آسف.

أميرة بصراخ: ياسلام! هو إنت كل أما تغلط تيجي تقول أنا آسف؟ أصرفها منين دي بقى إن شاء الله؟ أنا كان ممكن أسامحك على زعيقك ليا وكمان عشان مسكتني من دراعي وبهدلتني. بس تشكك في تربيتي وأخلاقي؟ سوري أوي. أنا ماسمحلكش.

سيف بعصبية: بقولك اسمعيني. أنا ماكنش أقصد. أنا اتضايقت لما شفتك واقفة معاه. اتعصبت. سامحيني أرجوكي.

أميرة بعصبية: وإنت تتضايق ليه؟ ها فهمني ليه اتعصبت؟ ليه بصفتك إيه تعمل كده؟ فهمني.... فهمني.

سيف صرخ في وشها: عشان بحببببك...... أيوة بحبك. بحبك أوي وبغير عليكي من الهوا الطاير. أنا مش بحبك بس تؤتؤ. أنا بعشقك. بعشق كل حاجة فيكي. ضحكتك اللي بتجنن. بعشق روحك وقلبك. بعشق جنانك. بعشق حتى كلمة "وجه البرص" منك. إنتي روحي يا أميرة. إنت لو سبتيني أموت. إنت الهوا اللي أنا بتنفسه يا أميرة. أنا بحبك أوي.....

وبعدين عيط.

أنا كنت بسمع كلامه وأنا بعيط مش مصدقة نفسي. هو كان بيقول إيه؟ اعترفلي بحبه. مقدرتش أخبي. ابتسمت. ومحستش بنفسي غير وأنا بحضنه.

أميرة: وأنا كمان بحبك أوي.

أميرة: وأنا كمان بحبك أوي.

سيف: بجد؟

أميرة: أيوه بجد.

نعمة: احم احم، نحن هنا.

سيف: إيه ده؟ إنتي هنا من امتى؟

نعمة: أنا موجودة من أول ما رنيت الجرس، يا روحي، إنت بقى السبب في اللي هي فيه ده.

سيف: ااااا بصي ااان.

نعمة: بص، أنا مش عايزة أعرف إيه اللي حصل، بس يا عسل مش عايزة أشوف وشك ده هنا تاني غير لما يكون بابا موجود، فاهم؟ عشان هشرحك.

أميرة: ليه بس العنف ده؟

نعمة: اسكتي إنتي، يلا يا بيه مع السلامة.

سيف: ماشي ماشي.. جت القرف إنتي وأختك.

أميرة: يوه، وأنا مالي يا لمبي.

نعمة: يلا يلااااااا.

سيف: طيب طيب، باي يا قمر.

أميرة: سلام يا روحي.

نعمة: مع السلامة يا موحنة.

***

سيف: بابا، كنت عايزك في موضوع كده.

أحمد: اتفضل يا ابني، قول عايز إيه.

سيف: احم احم، كنت عايز احم اتجوز.

أحمد: إيه؟ تتجوز؟ بجد؟ مين دي اللي عايز تتجوزها يا وله؟

سيف: احم احم، أميرة بنت عمي.

أحمد: كنت عارف إنها أميرة. عموماً ألف مبروك يا بني، أنا هقول لمحمد واللي في الخير يقدمه ربنا.

سيف بفرحة: بجد والله؟ إنت راجل سكرة، ماتيجي أجوزك.

نهى: مين ده اللي هتجوزه ياسيف؟

أحمد: اهرب، اهرب يلا بسرعة.

سيف: احم، طيب مع السلامة بقى.

نهى: خد يلااااااا.

***

تليفوني رن، بصيت عليه لقيته سيف.

أميرة: ممكن يا نعمة تجيبيلي ميه؟

نعمة: آه اتوزع يعني؟

أميرة: عليكي نور ياختشي.

نعمة: يا سيدي يا سيدي على الحب.

أميرة: غورى بقى.

أميرة بحب: الو يا حبيبي.

سيف: وحشتيني.

أميرة: يسلم، على أساس يعني مكنتش معاك من شوية.

سيف: وحياتك بتوحشيني وإنتي معايا، بحبك.

فضلت ساكتة وأنا مكسوفة أوي.

سيف: عارفة نفسي أشوف شكلك دلوقتي عامل إزاي من الكسوف.

أميرة: بس بقى... وبعدين كلمت عمي ولا لأ؟

سيف: كلمته ووافق كمان، وقال إنه هيقول لعمي.

أميرة: طيب كويس، أنا فرحانة جداً.

سيف: وأنا كمان.

***

أحمد: عامل إيه محمد؟ وحشتني.

محمد: وإنت كمان يا أخويا وحشتني.

أحمد: كنت عايز أفاتحك في موضوع كده.

محمد: خير يا أخويا، في حاجة؟ ابنك بخير؟

أحمد: اه الحمد لله، هو الحكاية إن أنا جاي أطلب إيد بنتك لابني سيف.

محمد: ألف مبروك، وأنا مش هلاقي حد زي سيف لبنتي أميرة، بس لازم أشوف رأي أمها والبتاع.

أحمد: ماشي، خد راحتك.

***

كنت قاعدة بتكلم مع سيف في التليفون، وبعدين بابا دخل.

أميرة: ولا اقفل ياض دلوقتي، أبويا دخل.

محمد: كنتي بتكلمي مين؟

أميرة: ها... لااااه، كنت بكلم ميادة.

محمد ابتسم وقال: ميادة، ماشي.

أميرة: خير يا بابا، في حاجة؟

محمد: لأ يا بنتي، كل خير، كنت جاي أكلمك في موضوع.

أميرة: خير.

محمد: عمك أحمد كلمني وطلب إيدك لسيف.

أميرة: بجد؟ ... اا قصدى إيه طلب إيدي؟

محمد: ها، موافقة؟

فضلت ساكتة وأنا مكسوفة ومش عارفة أتكلم.

محمد: خلاص، أنا هطلع أقولهم إنك مش موافقة.

أميرة: لأ لأ خلاص، موافقة.

محمد ابتسم وحضنها.

محمد: ولا وكبرتي يا مفعوصة، إنتي وهاتتجوزي والولا الحيوان ده هياخدك مني.

أميرة: محدش يقدر ياخدك مني إنت يا جميل.

منى: الله الله، قاعدين مبسوطين وبتضحكوا ونسيتوني.

محمد بهمس: بقولك إيه، عندكش عروسة ليا؟

منى: بتقول حاجة يا حاجة؟

محمد بخوف: ها، ولا حاجة، بقولك سيف طلب إيد بنتكم.

منى: بجد؟ لولولولولوللولى 🌸❤️.

محمد: اسكتي يا ولية.

منى: اسكت إيه، أنا مصدقت. لولولولولوللولى 🌸❤️.

محمد: شوفي الولية.

***

أميرة: وافقوا يا بت، وافقوا.

نعمة وميادة: بجد؟ لولولولولوللولى 🌸❤️.

أميرة: بس بس يا ولاد، المفضوحة.

نعمة: ياختشي، أنا مصدقة.

أميرة: ولا أنا حاسة إني بحلم.

ميادة: لأ صدقي، عشان إنتي طيبة وبنت حلال تستاهلي كل خير.

ميادة: متعرفيش سيف هايجي امتى يتقدملك؟

أميرة: الخميس الجاي إن شاء الله.

***

سيف: عايز أقابلك.

مايا: ماشي، إمتى؟

سيف: دلوقتي، في كافيه ****.

مايا: ماشي.

مايا رمت التليفون وهي بتعيط وبتفتكر اللي حصل.

Flash back.

سيف: مايا، مش إحنا اتفقنا نبقى إخوات وإن لو حد احتاج حاجة يلجأ للتاني؟

مايا بحب: أكيد.

سيف: احم، في واحدة بحبها أوي وعايز أعرف إنها بتحبني ولا لأ.

مايا بحزن: بتحبها.... ط.... طيب، وأنا؟

سيف: إحنا قولنا إيه؟ مش قولنا إن إحنا هانفضل إخوات؟ وبعدين إنتي قولتيلي إنك هاتعملي أي حاجة عشان تكفري عن ذنبك اللي عملتيه؟ إنتي ناسيه إنك كنتي هاتضيعيني وتضيعي نفسك؟

مايا بعياط: خ.خ.خلاص، علي.ي..يزني في إيه؟

سيف: ها، هقولك.

back.

مايا مسحت دموعها وقالت:

مايا بشر: ماشي يا سيف، والله لأندمك إنت والجربوعة اللي فضلت عليا، وأخليكوا تتمنوا الموت.

***

يوم الخميس.

اتفقوا على كل حاجة وقروا الفاتحة.

وإحنا بنقرأ الفاتحة كنا بنبص لبعض وإحنا فرحانين أوي.

منى: لولولولولوللولى 🌸❤️ مبروك يا عرايس، ألف مبروك.

محمد: اسمع يلا، إنت البت مش هاتشوف وشها غير بعد كتب الكتاب، فاهم؟

سيف: نعم؟ إزاي يعني مشوفهاش لمدة 5 شهور؟

محمد: هو ده اللي عندي، يا إما مافيش جوازة.

سيف: لالالا، خلاص.

سيف بهمس: والله لأخطفك وأهرب ونتجوز ومحدش يعرفلك طريق.

ضحكت على طريقة كلامه.

***

بعد ٤ شهور.

نزلت أنا وميادة ونعمة عشان أشتري جهازي.

أميرة: طيب، أنا هاروح أبص على كام حاجة كده وأرجع.

ميادة: طيب، بس ماتتأخريش.

أميرة: حاضر.

روحت أبص على هدوم ليا، وبعدين لقيت حد حط حاجة في وشي، وساعتها محستش بنفسي.