تحميل رواية «عروس برنس الصعيد» PDF
بقلم اسماء حبيب
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
في مكان جبلي دخلت اكتر من عربيه ورا بعض وكلها رجاله مس*لحه. وقفت اول عربيه وخرج الحرس بسرعه وفتحو الباب للبرنس (قاسم). وهنا خرج بكل هيبه ببدلته الي عليها الجاكت الفخم المخصص بتاعه ووراه الحرس وبصوت رجولي غليظ…. "عاامر.عامر جه بسرعه…. امر البرنس." "قاسم…. كله تمام." "عامر…. ايوه ومستنينك جوه علي احر من الجمر يا برنس." قاسم دخل اوضه جبليه قاعد فيها اربع رجاله مراكز عاليه وقفو احترام ليه. "اجعدو." "حسام…. اي يا برنس التأخير دا قلقتنا عليك." "قاسم…. لاه متخافش حرس علي حالك لول وقولي البشوات جين ميته...
رواية عروس برنس الصعيد الفصل الأول 1 - بقلم اسماء حبيب
في مكان جبلي دخلت اكتر من عربيه ورا بعض وكلها رجاله مس*لحه.
وقفت اول عربيه وخرج الحرس بسرعه وفتحو الباب للبرنس (قاسم).
وهنا خرج بكل هيبه ببدلته الي عليها الجاكت الفخم المخصص بتاعه ووراه الحرس وبصوت رجولي غليظ….
"عاامر.عامر جه بسرعه…. امر البرنس."
"قاسم…. كله تمام."
"عامر…. ايوه ومستنينك جوه علي احر من الجمر يا برنس."
قاسم دخل اوضه جبليه قاعد فيها اربع رجاله مراكز عاليه وقفو احترام ليه.
"اجعدو."
"حسام…. اي يا برنس التأخير دا قلقتنا عليك."
"قاسم…. لاه متخافش حرس علي حالك لول وقولي البشوات جين ميته."
"خالد… قدامهم اسبوع احنا جبنالك كل البضاعه الي في السوق مش ناقص غير لاكراميه."
"مرتضي…. واحنا برضو قلنا مش هتكون من نصيب حد غير البرنس."
"عز…. وكان المشتري علي افا من يشيل يا برنس."
"قاسم…. خلصتو حديدكوم."
"حسام…. ايوه ب…"
قاسم قاطعهم.
"اني محدش يتجامل علي وانتم لو مخبرينش زييين ان التجاره دي مهتسلكش غير بطريقتي مكنتوش جتولي مزلولين لحد انه."
"عز… بس ا…"
قاسم بصله خلته يسكت.
"مبسش أرجالي بره بتمم البضاعه وفلوسكم جاهزه كامله مكمله."
"خالد… اي يا برنس انتا سخنت علينا لي بس احنا منقصدش نتجمل عليك حتي عيبه في حقنه."
قايم بص لعز بطرف عينه.
"متقوليش اني البوقين دوول وعي بيهم حد يستنفع منهم."
"حسام…. حقك علي انا يا برنس."
عز بص ليه بسخريه وسكت.
"مرتضي…. كلاام البرنس مينزلش الارض ابدا وسيف علينا كلنا."
"قاسم… ولحد اهنه ومات الكلام."
عامر دخل.
"كله تمام يا برنس."
قاسم وقف وعدل بدلته وخرج.
حسام بكلم عز.
"انت اتجننت انت عااارف دااا يبقي اي واحنا نبقي في ايدوو اي!"
"عز… ولا تفرق معايه زيه زي غيره واي يعني هه."
"مرتضي… يبقي متعرفش مين قاسم البرنس."
في صالون التجميل.
"طلااا*ق اي واتجوز عليكي اي بس يا نور؟!"
"نور اي بس انا اتكحلت خلاص لحد ما اتعميت يختي بقولك يا هند لو بتحبي اختك هربيني."
"هند…. نور اعقلي طارق زمانه جاي يخدك."
"نور… هربيني من هنا وايلا هرقع بالصوت واجبلكم فضيحه."
"هند…. احنا في الكوافير انتي بتستعبطي خلاص هيتكتب كتابك."
"نور…. وانا بقووول طلقوني منه مش عيزااه يا ناس هو الجواز بالعافيه."
"هند… عدي للتك يا بنت نبويه."
"نور… وحاات وغابات امك الي مصبرني لحد دلوقتي هو الفستان بس مليش فيه هربيني."
"هند… انتي عايزه تجبلنا فضيحه."
"نور… علي حسب بقي نوع الفضيحه الي هتحبوها بس ههرب برضو."
"هند… خلاص خليها فضيحه بالكاتشب."
"نور…. تؤ مليش تقل عليه."
"هند… ياااا صبحان من مصبرني عليكي يا بت مش كان نفسك تتجوزي."
"نور… اه بس راجل مش ابوكي بايعني لواحد بالفلوس قفص طماطم اناا… قول للحب بلاش وقول للسنجل عاش خلصانه من غير كراش ولحد هنا ومات الكلام."
"هند… هو روح هشام الجح مبتضهرش معاكي غير وقت المصايب."
"نور….النفسية محتاجة كرسيين على البحر واحد لياوالتانى أمدد رجلى عليه ولا الحوجه لطارق وامثاله انتم اصلا مش عرفين قمتي"
"هند…صدقني مفيش حد عارف قيمتك غير تاجر الاعضاء."
فجأه سمعو صوت زغاريد وطبل.
"نور…. هو خلاص كدا وقعت الفاس في الراس؟"
"هند… اه."
"نور… وحااات امك لتهربيني."
"هند… اياكي تتحركي من هنا رجعالك."
"نور…. امممم طيب."
"هند…. مش مرتحااالك."
"نور… القلوب عند بعضها والله يا اختشي."
هند خرجت وطارق خطيب نور بيكلمها.
"هااا خلصتوها وسنجفتوها خلونا نخلص."
"هند…. اوووف اه جوه."
"طارق… طيب وريني هي فين."
"هند… في الدور التاني فوق."
"طارق… انا لازم اطلع."
"هند…. امال هنطلبهالك دلفري."
طارق طلع بزهق وخبط علي الباب.
"اخلصيي افتحيي."
"هند… ما تخليك رومنسي شويه."
"طارق… يعني اي."
"هند… لا دي كلمه كبيره لما تكبر هبقي اعرفك… الله يكون في عونك يا نووور."
طارق زق الباب جامد ودخل.
"هي فين؟"
"هند… والله تنا سيباها هنا؟"
"طارق… يعنيييي اي."
"هند… ياااالهوي عملتيهاااا يا نووور."
في مكروباص عام.
"نور بزهق… ما حد يا جدعان يقعدني بذمتكم دا منزر عروسه متشعلقه في اتوبيس."
واحده ست بتبصلها بقرف.
"استغفر الله العظيم."
"السواق… علي فيين يا انسه ولا اقول يا مدام."
"نور… لا انسه وياريت متدخلش في اي تفاصيل عائليه لو سمحت."
نفس الست بصت ليه بقرف.
"استغفر الله العظيم."
نور بصتلها باستغراب.
"واحد عايز ينزل…. ممكن تويعي بالفستان دا عايزين نعدي."
"السواق…. ما تلمي الفستان."
"نور… حاضر هبقي انظمه في المرور علشان يعجبك هه."
الست برضو بصتلها بقرف.
"استغفر الله العظيم."
نور بزهق.
"مالك يا حجه بتبصيلي بقرف لي محسساني كافره وقعت في مكروباس مسلمين."
الست سكتت ولا ردت عليها.
"نور… نزلني علي جمب يسطا…."
نور نزلت بزهق.
"ايوه وبعدين يا فلحوسه هتروحي فين.. يلا نقضيها موصلات لما نشوف هترسي علي فين….!"
نور ركبت اكتر من سبع مواصلات.
"الي قولي يسطا هو احنا فين كدا من ارض ربنا الوسعه."
"السواق… في سوهاج."
"نور…ف فين اصلي مسمعتش حاكم انا وانا صغيره وقعت علي وداني."
"السواق.. فيييي سوهاااج."
نور نزلت وتصدمت من الطريق الصحراوي.
"وهنا تطبق غطيني وصوتي يمااا يلهوي انا فين."
نور سمتت صوت كلاب طلعت تجري بسرعه وهنا كانت عربيات قاسم معديه وحاسب حااااسب حاااااااااسب.
رواية عروس برنس الصعيد الفصل الثاني 2 - بقلم اسماء حبيب
حاااسب! حاااااااسب! حساااااب!
وهنا العربية خبطت نور، بس على خفيف، لأن العربية فرملت جامد.
قاسم خرج بسرعة وكل طاقم الحرس اللي معاه.
عامر: دي شكلها بتنزف جامد يا برنس.
قاسم: شلوها لجوه واطلب الدكتور يوصلنا على هناك.
عامر: أمرك يا برنس.
الحرس دخلوها العربية، وقاسم ركب جنب السواق وطلعوا على بيت قديم وشبه مهجور ودخلوها.
عامر: دي بينها عروس هربانة يا برنس.
قاسم: هنشوف الموضوع ده بعدين، كلم الدكتور يجي بسرعة، اتأخر ليه.
عامر: على وصو…
الدكتور دخل بسرعة.
الدكتور: إيه، كان فيه زحمة؟
قاسم: انجز، شوف جرالها إيه دي.
الدكتور: حاضر.
الدكتور شاف نور.
الدكتور: يا ساتر، دي بينها مخبوطة خبطة وعرة، هي حادثة دي؟
قاسم بسخرية: لأ، وقه من على العتبة. انت شاااايف إيه، ده وقته.
الدكتور اتخض: حاضر حاضر.
الدكتور بدأ يعالج النزيف وقاسم ساكت وقاعد على الكرسي.
الدكتور بعد نص ساعة: كدا بقت زينة جوي، بس محتاجة راحة قيمة أسبوعين أكده.
قاسم: عامر خرجه وديله كفايته.
الدكتور: ما خيرك سابق يا برنس.
قاسم: اطلع بره.
الدكتور طلع بسرعة ووراه عامر.
أما في بيت نور:
هند بعياط: وربنا معرف، البت اختفت راحت فين.
نبوية أمها: تكونش اتبخرت ولااا اتعملها عمل سفلي.
هند: أنا مليش دعوة يا مااامااا، ومعرفش راحت فين.
نبوية: هتكون راحت فين، فيران البلاعات دي.
هند وبتبص في المراية وبشكلها المعيط: إييه، رغم الأسية بس لسه عسلية.
أخوها من وراها وشدها من هدومها: هااا بقي يا عسلية، البت فييين.
هند: وحااات أمك أنا معرف هي راحت فين، ووسع إيدك دييي، متعملهمش علياااا يا صابر.
صابر: هووو، أنا بقيت صااابر منكم.
هند: بقيت خلق ضيق، يعني أناديك وأنت في الشارع وأقولك يااا خلقوووو؟ عات خمسة عيش وتلاتة طعمية ولا لي؟
صابر: هنننند.
هند: متظغرليش كدااا، ولا بنخاااف. أشطر، روح دور على اختك اللي جبتلنا فضيحة.
نبوية: وانهي فضيحة، دا إحنا اتجرسنا في الحي كله.
صابر: بس طقع تحت إيديي المخفية دي وأنا هعرفها تعمل كدا ازاي.
هند: ما عملت يا فالح، اجري دور عليها، خليك راجل أفعال لا أقوال.
صابر: أنا نازل، بس حسابك معايا بعدين.
هند: بس يا عيلة نفرين وطفاايه، أنااا مش نووور.
نبوية: غووري جوه وهاتي الزفت الموبيل دا.
هند: الله، وأنا مالي يا لمبي؟ هو علشان أنا طيبة وغلبانة هتعملوهم عليااا؟ اااه، أنا حمالة الأسية في الي البيت دا. منك لله يا نووور.
كان صابر في الشارع هو وأبوه وطارق وأهله، واتقلب الشارع لغابة فيها صراع البقاء.
صابر: وربنا لوريك يا طاارق، والي يلعب مع الديب يستحمل التعذيب.
طارق: بس يا نسب يعر.
صابر: ياااض، دا إحنا اللي عمناكم وخرنا غطاكم.
طارق: أنا الي غلط علشان رختلكم الحبل.
صابر: هلفه على رقبتك لو متلمتش يااا طارق.
الناس اتدخلت وبعدتهم عن بعض وبيحاولوا يلموا الدور.
هند من البلكونة: هه، مش عارف يديلو القاضية ممكن.
نبوية: هدنك عيلة وأم ش*خه مبتفهميش.
هند: ماامااا، أنا كبرت ومبقتش أم ش*خه.
نبوية: والله كبرتي، طيب خشي بقي لمي كل الهدوم اللي جوه ودخليهم في الدولاب.
هند: لقد صغرت فجأة، سبحان الله، هتعترضي على حكم ربناااا.
أما في البيت القديم:
قاسم كان نايم على الكرسي وصحي على صوت صويت.
نور: يااا لهوي، الشرررف، يااا فضحتك يا نور، يا شماتت البت نوووسه فياااا.
قاسم: جري إيييب يا حوورمه سعرانه.
نور: أنت بقي الذئب البشري، صحححح.
قاسم: الظاهر أكده، الخبطة أثرت على نفوخك.
نور: طيب اثبتلي بقيييي، بالعقل، إيه اللي جابني هنا، وإيه كل الدم دا، وليه مش عارفة أتحرك كداااا.
قاسم: عاملة حادثة يا أنصح أخواتك، واقفل السريينة دي يا ساااتر.
نور: إيه دا، والله بجد، أنا مش فاكرة؟ (وبصوت واطي) بس الحمد لله لقيت حتة تلمني.
قاسم بجدية: أنتِ مين؟
نور: أنا.
قاسم: هو في غيرك، بس ظاهر أكده إنك نبيهة جوي.
نور: جدا، كنت بحل مسألة الرياضة من غير ما أشوف المسألة، ودا سبب نجاحي في الحياة.
قاسم: ردي على، أنتِ فين.
نور: من عباد الله، هتعترض.
قاسم: ونعم بالله. اسمك إيه يا شاطرة بقي.
نور: لاء، أنت كدا ابتديت تفهمني. (بكذب) أنا هند.
قاسم: وإيه اللي كان طالقك على الطريق أكده؟
نور: إيه طالقك دي، هو أنا بهيمة؟ اسمها بتجري.
قاسم: ممعايزاش لف ودوران، جاااوبي على قد السؤال.
نور: أصل، خير اللهم اجعله خير يارب، كنت هتق*تل.
قاسم: من مين.
نور: مش ملاحظ إن أسالتك كترت؟
قاسم: كااااملي.
نور: إيه بتتزرزر لي، ولا علشان أنا يتيمة تعمل فيا كدا.
قاسم: يتيمة وبتتجوزي وهربانة كومان، كيف ده؟
نور: على الرغم إني مفروض مش أعرفك أسراري الدفينة، إلا إني هحكيلك علشان صعبان عليا.
قاسم اتنهد بملل منها: لخصييي.
نور: ابتداااا الحوار من وأنا طفلة و…
قاسم: لاااه، ما هو إني مش ابن اختك، هتحكيلي قصة الليل وآخره.
نور: اهو زرزرتك عليا دي مش هتخليني أسلك من نحيتك.
قاسم: اخلصييي، هاتي المفيد.
نور: أنا أهلي ناس أغنية جدا جدا جدا. (زفت في سرها... سامحني يارب) وخطيبي طلع طمعان في ورثي، ولما كشفته حاول يقتلني، فهربت.
قاسم: أيوه.
نور: أتمنى روح المحقق كنونان اللي جواك تكون ارتاحت.
قاسم: فين بيتك واروحك، ومتخافيش من حد ا…
نور: اعععع، أنا فيين، أنت ميين!
قاسم: جرالك إيه يا مهفوفة أنتِ.
نور: روحنيييي لومي يا عمو، هتزعقلي بسرعة!
قاسم: عمووووو!!
رواية عروس برنس الصعيد الفصل الثالث 3 - بقلم اسماء حبيب
رواية عروس برنس الصعيد الفصل الرابع 4 - بقلم اسماء حبيب
عامر طلع الأوضة بسرعة وخبط على الباب.
"يااا برنس… جري إيه مفيش حس ليه؟"
عامر بسرعة كسر الباب وتصدم من اللي شافه.
البرنس بيلعب كوتشينة مع نور اللي قاعدة على السرير وهو على الكرسي.
نور بزعيق:
"حد يكسر الباب بالطريقة دي؟"
البرنس وسحب ورقة:
"كش ملك."
نور:
"خماااام إنت استغليت الفرصة لصالحك."
البرنس:
"كنت عايز إيه يا عامر؟"
عامر:
"حاجة أكده مستعجل."
نور:
"ما تقول على طول ولا حاجة سيكو سيكو يعني."
عامر:
"إيه سيكو سيكو دهين؟"
نور:
"يعني حاجة من كحك لكحك كدا هااا فهمت."
عامر:
"على الطلا*ق من الويلية مني فاهم منك حاجة."
نور:
"ويلية يلا ويلية ويلية أحسن من حرمة اللي قاعد يقولها."
البرنس:
"اسبقني يا عامر على تحت وأنا جايلك طوالي."
عامر:
"اللي تأمر بيه جنابك."
عامر مشي وقاسم بص لنور:
"ها."
نور:
"ها إيه؟"
قاسم:
"مش هتقولي إنتِ منين؟"
نور:
"من بلاد الله الواسعة."
قاسم:
"يعني معازمش ترجعي؟"
نور:
"نييفر أصل أنا قولتلك يتيمه هرجع لمين هتبهدل بس أخلص الدو ده وأنا همشي على طول."
قاسم:
"مش ملاحظ إنك مبتجاوبيش على سؤالي."
نور:
"ومش ملاحظ إن روح المحقق كونان زايدة."
قاسم:
"اتقي ناري."
نور:
"حاضر هشيل طفاية حريق ولا يهمك."
قام قاسم بغيظ:
"ماشي إنتي اللي حكمتي عليييي روحك."
نور:
"إيه هتعمل إيه يعني."
قاسم بكلمها بأسلوبها:
"ده علم الغيب هتدخلي فيه؟"
قاسم طلع من الأوضة.
نور بغيظ:
"طايب احلبسه طايب.. بس بينه واد شراني لازم آخد بالي قوي منه."
قامت نور بس حست بتعب في بطنها جامد.
"آه دا أنا لو في التاسع مش همشي كدااا."
نور ربطت الباب ورجعت عشان تنام.
أما تحت في أوضة كبيرة:
عامر:
"زي ما وصلني إنه الجدع اللي اسمه عز ده ناوي على الغدر ومش هيعدي الطلعة دي على خير واصل."
البرنس:
"امممم دا بينه عايز يلاعبني ههههههه."
عامر:
"أشر بس واحنا نسلمك روحه يا برنس."
البرنس:
"لااااه إني عايزه يكمل ويجيب آخره."
عامر:
"والطلعة الكبيرة دي يا برنس نأجلها."
البرنس:
"لاه كله زي ما هو بس هعمل فصل جميل جوي عشان شكله ما خبرش لسه يبقى مين البرنس."
أما في البيت عند أهل نور:
كان الصوان منصوب الناس بتعزي أهلها.
راجل باصص بيسلم على أبو نور:
"البقاء لله يا حج ربنا يصبرك على فراقها."
أبوها بحزن:
"لأول مرة أعرف قيمة بنتي عندي.. البقاء لله وحده."
أما صابر فكان قاعد ساكت مبتكلمش.
أبوه قعد جنبه:
"صااابر."
صابر:
"نعم."
أبوه:
"مالك ساكت كدا لي! متقلقنيش عليك."
صابر:
"نور مش ماتت يا بابا."
أبوه:
"يااا ابني فوق بقييي حرام عليك متتعبش قلبي."
صابر وقف وبيزعق:
"أنااااا بقولك نووور مش ماااتت لي مش عيزين تصدقوني."
الكل اتجمع وقعدوا يهدوه.
أما عند الستات:
نبوية بزعيق:
"ما تصوتي يا وليا منك ليها اعملوا حس كدااا يا باااي."
هند:
"مش لازم نصوت كدا هتتعذب يا ماما."
نبوية:
"صوتي يا بت لقوم أنفض وشك."
هند:
"يااالهواااااي ياااااختااااي رحتي يا طاهرة وسبتينييي ليييي ليي يا نور منك لله هواجه الحشدا لوحدي إزاي بس."
نبوية:
"بتقولي حاجة."
هند:
"لا بفتكر لاذكار يا ماما مش أكتر."
رن موبايل هند وهنا قامت بسرعة:
"ماما هدخل الحمام زجايه أكمل ولولة ماشي."
نبوية:
"روحي يختي."
هند دخلت الحمام وبصوت واطي ردت:
"إيه يا درش دا وقته."
إبراهيم:
"إيه يا هند لا حس ولا خبر يعني؟"
هند:
"أختي يا عم ماتت."
إبراهيم:
"لا والله بجد."
هند:
"آه مالك اتصدمت لي إنت مش عرفت؟"
إبراهيم:
"لا معرفتش.. وبعدين إيه البرود اللي عندك دا؟"
هند:
"بقولك إيه مش ناقصة صداااع انجز عايز إيه؟"
إبراهيم:
"لا بس كنت عايز أشوفك أصل واخد إجازة النهارده وقولت نضرب اتنين حمص الشام على الكورنيش."
هند:
"لا بقي المرة الجاية وبعدين إنت من يوم ما عرفتني وإنت نافخني حمص شام مفيش مرة عصير قصب ولا طبق كشري حرش روح يا أخي."
إبراهيم:
"لا إذا كان كدا سهلة يا ستي هاخدك عند المعلم ربيع عليه طبق كشري إنما إيه مستكة."
هند:
"اقفل يا إبراهيم."
إبراهيم:
"إيه في كبسة!"
هند:
"اتصدق بالله أنا اللي هقفل."
هند قفلت في وشه:
"إيه الارتباط اللي يعر دا معرفتش استنضف… إيهيييح بس أحبش غيره ابن الذينه."
خرجت هند:
"يااالهواااااي ياااا حببتي يختااااااتاااي… ها يا ماما كدا حلو ولا نزود الفولت."
أمها:
"آه كدا جدعة."
هند:
"نحن في خدمة ست الكل."
في مكان تاني في بيت راقي:
كان عز قاعد.
خالد:
"عز… أنا قولتلك دي طلعة مش عايزة واحد جبان."
خالد:
"أنا خايف عليك يا عز كار البرنس دا مش كارك دااا مهوش سهل."
عز:
"متخافش."
خالد:
"لا يا صاحبي أخاف تنا مش عبيط."
عز:
"يعني إيه يا خالد."
خالد:
"يعني لو عايز تشيل الليلة شيلها لوحدك أنا مقدرش أبقى معاك فيها."
عز:
"بتبيعني."
خالد:
"لاء أنا مقولتش كدا بس أنا مش هدخل في حاجة مش قدها عن إذنك."
خالد مشي وعز كان شايل ومعبي من البرنس:
"بقي اللي اسمه البرنس ده يعمل كل الرعب ده هه دا أنا هخليه يلف حوالين نفسه ومبقاش عز لو مش عملتها."
عدى اليوم وتاني يوم الصبح في البيت القديم.
البرنس طلع وبيحاول يفتح الباب بس مقفول.
"انتيييي يا مهفوفة."
نور فاقت بنعاس:
"مييييين."
البرنس:
"قووومي افتحي."
نور:
"الله قولنااا مين وبعدين الليل لسه مليل في حد يصحى حد دلوقتي!"
البرنس:
"افتحي قووولت!"
نور:
"إيه هننزل نبيع لبن."
البرنس:
"افتحي لدخل جوه أكسر نفوخك."
نور:
"لازم."
البرنس:
"إني خلقييي ضيق قولت."
نور قامت بصعوبة وفتحت الباب:
"أهلاً وسهلاً شرفت بيتك ومطرحك يا خويه."
البرنس:
"خدي."
نور:
"إيه دي صدقة!"
البرنس:
"هدوم ولا عجبك الخلاخين اللي لبساها دي."
نور:
"لاااء هنا وستوب مسمحلكش تغلط في فستاني دا أنا جايباه من أم خميس بـ 150 جنيه وأيجار عشان أنا بنت نزيهة."
وفجأة سمعوا صوت ضرب نار.
نور جت تجري:
"البوليييس اجري ياااا ماجدييييي."
هنا البرنس راح مسكها بسرعة.
رواية عروس برنس الصعيد الفصل الخامس 5 - بقلم اسماء حبيب
وفجأة سمعوا صوت ضرب نار.
نور جت تجري: البوليييس! اجري ياااا ماجدييييي!
هنا البرنس راح مسكها بسرعة: وقفي اكده.
نور: انت مش سااامع؟ بسررعه يلا نهرب.
البرنس: مالك خفتي اكده لي؟
نور بسخرية: اصلي سمعت صوت طرق أصابعك رعبتني... اللللطم منك هنموو*وت.
البرنس: مفيش حاجة، اقعدي.
نور: اقعد إييييه؟ انت عايز تجنني؟ بقولك هيمسكواااني.
البرنس بخبث: لي انتي عاملة حاجة؟
نور: عزيزي كونان، سربني. أنا مفيش وواجه المجهول مع نفسك.
البرنس: اقعدي، مفيش حاجة. ده عامر بيصطاد حمام.
نور: احلف بالله.
البرنس: مالك انخلعتي اكده لي؟ وخفتي جوي يعني.
نور قعدت براحة وحطت رجل على رجل وبتتكلم بصوت مهزوز: ل لاء، هنخلع لي؟ ربنا ما يجيب أي انخلاع أبداً.
البرنس: شكلك بيقول انك بتكذبي عليا.
نور: كداب؟ شكلي أنا أصلاً معرفتش أربيه.
البرنس: خدي غيري خلجاتك دهين، اني نازل والوكل هيجيلك دلوق.
نور: اه، طيب متشكرين.
البرنس: اه، وفي حاجة كومان.
نور: خير؟ في صباااح الهنا اللي أنا فيه دااا.
البرنس: الي بينا لسه مخلصش.
نور: هو أنا كنت خلفتك ونسيتك؟
البرنس زعقلها جامد: اعقلييي كلامك معايا. اني صابر عليكي لحد دلوك علشان مرضاانة ومش من الأصول أمد يدي على مراااا، فاهمة؟
نور: زعقلي باحترام لو سمحت، أنا مش جاية من الشارع.
البرنس: امااال منين بقي يا شاااطرة؟
نور: من بلاد الله الواسعة.
البرنس زق في وشها الكيس اللي كان جايبه: ليكي روحة بس أما أرجعلك.
نور: اه يا مفتري، روح ربنا…
البرنس بصالها بصة خافت بسرعة…
نور كملت: ربنا يفتحه في وشك، يبني، ويجعل في كل خطوة ليك سلامة يااارب. انت عااارف نيني ياااارب.
البرنس قفل الباب جامد.
نور: وحااات وغاباات أمك لأروقلك يا برنس.
أما في البيت التاني…
صابر قاعد على السطح بتاع البيت وسرحان في الورد اللي كانت بتزرعه.
هند دخلت طلعت جنبه: أي يا عم سومة العاشق هدنك كدا!
صابر: سبيني.
هند: حد قالك إني ماسكة فيك؟ أنا في ملك الحكومة. ثم إنك محتاج ظبط زوايا بقالك يومين؟
صابر: معرفش، بس نور وحشتني.
هند: اه، ودا من امتى يعني؟ دا نور الله يرحمها ويفشفش الطوبة اللي تحت راسها، كانت أكبد أعدائك في البيت. بتصبحوا على بعض بصواريخ وسلاح ناسف.
صابر: مكنتش أعرف إنها غالية عندي قوي كدا.
هند: سيبك من اللي راح، أنا موجودة وهسد في المعركة، ولا يهمك.
صابر: غوري يا هند من وشي.
هند: الله، قولتلك في ملك الحكومة. انت يااااباااي منك، أجدع.
صابر سايبها وماشي: خلاااص، سابلك السطح كله، وسعي كداااا.
هند: أي البيت اللي مفهوش ركن عدل دا…
نبوية بتناديها بزعيق: ياااااااالي ما تتسمييي!
هند: أيوااااا يا وحش الكووون.
نبوية: انزليييليييي يااا….
هند قاطعتها: وربنا ما انتي مكملة، نزلة على جناح السرعة..
هند نزلتالها بسرعة: أي يا حجة، خيراً.
نبوية: أي دا كله؟ بقالي ساعة بنادي.
هند: ماما، مكنوش ثانيتين تأخير!
نبوية: أناااا كذابة؟ أناااااكذابة؟ يعني يا بت.
هند: ابداااا، ينقطع لسان اللي يقول عليكي كدا. (وبصوت واطي) ياارب اللمبة مش تفرقع من الكدب.
نبوية: ندخل في المفيد.
هند: تدخلي؟ بس ياااه، دا انتي تقعدي وتربعي كمااان.
نبوية: الواد ابن عمك.
هند: قطيعة تقطع سرته، دا ماله بقييي؟ هو كمان اختفى!
نبوية: ابن عمك متكلم عليكي.
هند: ربنا ماا يسامحه. ما هي عيلة تقرب باللي فيها، أنا بفكر أسيب البلد دي وأروح دمياط، بلد المشبك.
نبوية: اتعدلييي يا بت، بقولك متكلم عليكي.
هند: خلاص، ربنا يسامحه بقي. اللي بيجيب في سيرة الناس لهووو جهنم وبئس المصير.
نبوية: يا بت يا مأمنة.
هند: الشيخة هند معاكي في أي وقت، أي استفسار!
نبوية: ابن عمك يااا شيخة هند طالب ايدك.
هند: هو أنا قطيع غيار؟ بقولك يا ماما، أنا مش مرتاحة للمناقشة دي.
صابر خرج من أوضته: أمك قااال إيه عايزه تجوزك لهيثم؟ واختك مش لاقينهااا.
هند: لاااء، ثو ثواني! جواز إي!
نبوية: جواااز يعني جواااز يا بت.
هند: واختيي كبدي اللي راااحت؟ لااااء! أنا اللي بيجري جوايه دم مش صابون سايل. يماااا لاااه.
نبوية: يعني أي!
هند: مش موافقة يا ست الكل.
نبوية: على خيره الله، هخليهم يجو بالليل بقي.
هند: ماااماااا! لاااء.
موبيل هند رن، وفي الوقت الغلط، لأنه إبراهيم.
هند قفلت بسرعة.
صابر لاحظ دا: مييين اللي بيرن!
هند: د دا دا رقم غريب.
صابر: طيب وريني كدا.
صابر بشك: هاتي الموبيل.
هند: لاء.
صابر بزعيق: قوووولت حااااتي الموباااايل.
صابر أخد التلفون غصب من هند، اللي اتصدمت و…
يا تري إيه اللي هيحصل؟
رواية عروس برنس الصعيد الفصل السادس 6 - بقلم اسماء حبيب
صابر لاحظ ده… مين اللي بيرن!
هند: ده ده رقم غريب.
صابر: طيب وريني كده.
هند: أيييييييي لاااا يا صابر خلاص هعمل حظر.
صابر بشك: هاتِ الموبايل.
هند: الله، قلت لأ.
صابر بزعيق: قلت هاتِ الموبايل!
صابر أخد التليفون غصب من هند، اللي اتصدمت من رد فعل أخوها لو عرف الحقيقة.
صابر مسك الموبايل وبص، شاف رقم مش متسجل.
صابر: مين الرقم ده؟
هند بتردد: م ما قلتلك مش عارفة، واكيد يعني هعمله حظر.
صابر بص لها بشك: ماشي يا هند، مع إنّي حاسس إنّ في حاجة.
نبوية بملل: سيبك منها، بصي يا بت يا هند انزلي هاتي الخضار من عند البنت نوسة وتعالي عشان هنعمل محشي.
هند أما صدقت إنها لقت مخرج: ماشي، هنزل بسرعة أهو، ربنا يخليكِ لينا يا ست الكل.
هند دخلت أوضتها، لبست العباية السمرا ونزلت بسرعة الشارع، وراحت داخلة في شارع ضيق عشان تعرف تكلم إبراهيم.
هند لفت حواليها: الو يا درش.
إبراهيم: إيه إيه يا بنتي، مش رديتي عليا ليه أول ما رنيت لك؟
هند بزهق: كانت معرفة مهببة، يا أخي يوم ما عرفتك وأنا مش شايفة فيك ميزة، هو أنا مش قيلالك أنا اللي هرن عليك؟
إبراهيم: الله، هو حصل حاجة ولا إيه؟
هند: مساءك عسل يا إبراهيم، ما ترنش عليا النهارده تاني عشان أخويا كان هيعرف كل حاجة.
إبراهيم: والله العظيم، إزاي؟
هند: يا ربي، يعني راحت غبية، يبتليني ربنا بغبي! بقول لك إيه يا إبراهيم، في مشكلة دلوقتي وعايزاك تركز وتفتح لي مخك ده.
إبراهيم: ماشي، كلي أذان صاغية.
هند: الواد ابن عمي متقدم لي وأنا عاملة فيها عبده الأبلة.
إبراهيم: يعني إيه؟ وافقتي؟
هند: أوافق! هو أنت مجنون؟ لا شكلك شارب حاجة يا إبراهيم.
إبراهيم: أهو بعد كلمة إبراهيم دي وأنا مش بطمنلك.
هند: يا مصبر الوحش على الجحش يا ابني، بقول لك متقدملي وأنا مش موافقة وعاملة فيها عبده الأبلة، تقول لي وافقتي؟
إبراهيم: طيب يعني عايزاني أعمل إيه؟
هند: بص يا حبيبي، على بلاطة كده، لازم تيجي تتقدملي.
إبراهيم: مين ده؟
هند: أنت يا حبيبي.
إبراهيم باستعباط: ما أنت عارفه يا هند إن لسه المشوار طويل ولسه الجمعيات و…
هند قطعته: جمعيات إيه يا أبو جمعيات؟ ما كانتش خاتم دهب صيني والموضوع هيخلص.
إبراهيم: بصراحة بقى، أنا مش هينفع أتقدملك دلوقتي.
هند: ليه؟ عندك عذر قهري؟
إبراهيم: مش مستعد يا ستي إني أدخل وأفتح بيت.
هند: أنا اللي هفتح نفوخك يا إبراهيم لو ما جيتش وحليت الموضوع ده.
إبراهيم: وأنا أجي إزاي يعني؟
هند: من الباب يا إبراهيم، ودي محتاجة أعرفها لك برده.
إبراهيم: بص يا هند، بصراحة كده، أنا مش هينفع أخطبك.
هند: ليه يا سي السيد؟
إبراهيم: عشان ما ينفعش أتزوج واحدة مشيت معاها.
هند وكانت هتتجنن: إيه مشيت معاها دي؟ أنت هتتهبل في نفوخك ولا إيه؟
إبراهيم: والله زي ما أنتِ سمعتي كده.
هند بعصبية: أوعى تفكر يعني عشان كلمتك من ورا أهلي واعتبرتك راجل واد كلمتك إني بنت شمال، لا يا إبراهيم، وكويس إنك ظهرت على حقيقتك.
إبراهيم: أنتِ ليه مكبرة الموضوع قوي كده؟
هند ومش مصدقة اللي بتسمعه: لا يا راجل.
إبراهيم: ما نخليها ماشية ودي يا باشا، إيه اللي هيحصل يعني؟ هو لازم جواز؟
هند بسخرية: أنا عارفة جواز إيه وهم إيه؟ صحيح.
إبراهيم: أه، شفتي الحياة بسيطة أهي.
هند ومكملة تريقة: وأنت مفكر بالقا هقولك امشي والباب يفوت 60 جمل وحصانين وست بطات وقطة، صح؟
إبراهيم: أنا كنت مفكر كده بصراحة، بس طلعت إيزي يعني.
هند: ما علشان فعلاً أنا مش هقول كده، أنا كل اللي هقوله لك بس إني مش عايزة أشوف وشك تاني، ويا ريت ما ترنش عشان هرزعك حتة بلوك يطلع من نفوخك يا إبراهيم.
هند راحت قافلة الخط، واقفة مش مستوعبة اللي حصل.
هند: ياااا لهوي! أنا اتخد على قفايا كده ومن مين؟ من إبراهيم المأشف؟ يا نهار أزرق.
أما في البيت القديم…
كان البرنس في المخزن وبيتمم على الشنط هو والعمال، وفجأة عامر نزل لهم.
عامر: يا برنس، الحق البنت اللي فوق دي، قافلة الباب ومش عايزة تدخلنا الأكل.
البرنس اتنهد بزهق: طيب، الشنط اتقفلت أهي يا عامر، خلي بالك وعينك تكون في وسط راسك.
عامر: أنت لسه مصمم يا برنس نطلع الطلعة دي؟
البرنس: من امتى وأنا بكسر كلامي يا عامر.
عامر: اللي تشوفه، واعتبر كل شيء تم.
البرنس سابه وطلع السلم، واقف قدام الأوضة اللي فيها نور.
البرنس خبط عليها: أنت يا مهفوفة.
نور ومتربصة الباب: مين؟
البرنس: صاحية.
نور: لا، عفريتي اللي بيكلمك.
البرنس: افتحي يا تم، لسان طويل.
نور: قلت مش فاتحة، الله، هي عافية يا جدعان.
البرنس: يعني مش هتفتحي الباب؟
نور: لا، وأعلى ما في خيلك اركبه.
نور مش سامعة حس للبرنس: ما اسكت الله له حس، أنا مش مرتاحة للواد ده.
وفجأة لقت حد بيهمّس وراها: مين الواد اللي أنتِ قصدك عليه ده؟
نور فتحت عينها بصدمة ولفّت، شافت البرنس واقف.
نور برعب: أنت، أنت دخلت إزاي؟
البرنس: هو أنا مش قولتلك لما أقول كلمة تتنفذيه.
نور: معلش، أنا عايزة تفسير منطقي، أنت دخلت هنا إزاي؟
البرنس: إني مش مضطرة أجاوبك، بس عشان قلبي طيب هقول لك، في باب تاني أهنه.
نور: أيوه يا أبو قلب طيب، أيوه أيوه، أنت هتقول لي على طيبة قلبك دي.
البرنس: اقعدي بس كده عشان تاكلي.
نور قاعدة بعيد عنه.
البرنس: مالك؟ بعدتِك أكده لي؟
نور: كده، أنا حرة، عجبك عجبك، مش عجبك شد في كرشك، ما يخصنيش.
البرنس: مش ملاحظة إنك حرمة كبيرة وعاقلة ولا إيه؟
نور: قصدك إيه يعني؟ إن عندي تلت أربع ضاربين؟
البرنس: والله، كل واحد أدرى بحاله.
نور: طيب، شكراً، ده من ذوقك على فكرة.
البرنس: ما أنا خابر ذوقي زين جوي.
نور: طيب يا أبو ذوق، إيه اللي يخليك تقعد معايا وأنا باكل؟ مش حداكم حاجة اسمها حدود؟
البرنس: بس أنا اللي بحط الحدود أهنه.
نور: شكلك أخدتِ عليا قوي يا برنس.
البرنس: إذا كان عاجبك.
نور: إن جيت للحق، مش عاجبني هنا حاجة خالص، الديكور وحش قوي.
البرنس: أول مرة أشوف شحادة تتأمر.
نور: على فكرة بقى، أنا شحاتة محترمة، ما أقبلش أي إهانة أبداً.
البرنس: كلي وأنتِ ساكتة.
نور بصت للأكل: إيه ده؟
البرنس: اعميتي يعني؟ مبقيتيش شايفة الوكل.
نور: أيوه يعني، ما أنا عارفة، إن هو أكل، إيه بقى الأكل ده؟ أكل مش باين له ملامح، عايز كونتور يحدده.
البرنس: إيه كونتور ده؟
نور: لا، ده كلام كبير عليك، مش هتفهمه.
عامر خبط ودخل.
البرنس: خير يا عامر!
عامر: كله تمام، زي ما حضرتك أمرت ننفذ.
البرنس: نفذ.
عامر: أمر جنابك.
عامر مشي، ونور كلمت البرنس.
نور: هو أوضة مين اللي أنا قاعدة فيها دي؟
البرنس: أوضة الله يرحمه عتمان، كان ساكن فيها قبل الله يرحمه جابر، اللي قتل فيها حرامي قبل سابق.
نور بابتسامة بلهاء: وأنا أقول صابع رجلي الكبير بترعش ليه! أبوس إيدك طلعني من هنا.
البرنس: كلي الأول، وبعدين نشوف الحوار ده.
نور: أنا… أنا شايفة حاجات خضرا في الطبق، إيه ده؟
البرنس: إيه؟ مش عارفة الشلولو.
نور بصدمة: شلولو؟ شلولو عليك يا بعيد! أنا أكل شلولو؟
البرنس: وقّف، أنا رايح مشوار وراجع، ألاقي الصينية اللي عليها خلصت، أنتِ فاهمة؟
البرنس نزل، ونور بصت في الصينية.
نور: أنا معالي نور هانم، أكل شلولو؟ أما نشوف إيه ده كمان.
نور بدأت تاكل: دي ملوخية، هههه، شلشلوكي يا أختي، أنتِ كمان يا خلبانة… أنا لازم أهرب من هنا، بس أخلص على طبق الشلولو الأول.
أما في الطريق العام…
كان في عربيات كبيرة، والبرنس فيها، فجأة لقوا كمين.
البرنس: عامر، ديله الرخص.
الضابط بص في الرخص والبطاقة، وبصوت عالي:
الضابط: فتشواااااا العربيااااات دي بسررررررعة.
عامر بص للبرنس بصدمة…
رواية عروس برنس الصعيد الفصل السابع 7 - بقلم اسماء حبيب
الضابط وقف العربية وكان بيكلم البرنس.
رخصك.
البرنس: عامر، الديلة الرخص.
الضابط: بس في الرخص والبطاقة.
وبصوت عالي: فتشواااااا العربيااااات دي بسررررررعه.
عامر بص للبرنس بصدمة: يا برنس ا…
البرنس بهدوء: سيبه وولعلي سجارة.
عامر مكنش مستوعب اللي بيحصل والبرنس قاعد ملك ولا على باله.
العساكر طلعوا على العربيات ومعاهم كلاب بوليسية وبيفتشوا العربيات.
عامر بهمس: يا برنس شكلها مهتعديش على خير واصل.
البرنس: ليه!
عامر سكت وبرضو مش مستوعب هدوء البرنس.
عسكري رجع للضابط: مفيش غير حمولة قصب يا باشا.
البرنس قعد لسه في العربية وحاطط رجل على رجل وبنُفخ دخان سيجاره.
ها يا باشا نعدي ولا فيه حاجة تاني.
الضابط بدهشة: متأكد يا عسكري.
العسكري: أيوه يا باشا متأكد والله فتشناه أكتر من مرة.
البرنس بسخرية: دور تاني لحسن معالي الباشا يطمن.
الضابط بغيظ: أداله الرخص.
طيب يا خفيف عدي.
البرنس: ههههه، عدي يا عامر لسحن باين البيه مستعجل وراه شغل وعر قوي.
عامر بسرعة: أمرك جنابك.
عدت كل العربيات وعامر كلم البرنس بسرعة: كيييف ده يا برنس؟ إني هتجنن.
البرنس: هخبرك كل حاجة في وقتها يا عامر.
عامر: لاااه متواخذنيش يا برنس، إني عايز أفهم كييييف ده؟ دا إني داسس الشنط بإيدي دهين.
البرنس: ههههه، هخبرك يا عامر.
عامر: أيوه.
البرنس: عز خابر إننا هنعدي من على الطريق الوعر ده، مهنعديش من الطريق العام صوح.
عامر: صوووح الصووح، وعلشان أكده أمرت نمشي نفس العربيات على الطريق العام علشان نتوهو وندس شناطنا هنا.
البرنس وبنُفخ دخان سيجاره: لاه، العربيات اللي على الطريق العام هي اللي فيها البضاعة كلها.
عامر بشلل: كيييف يا برنس؟ دا إني داسيهم بإيدي دهين.
البرنس: لما دخلت دورة الميّة كانت العربية اتحركت.
عامر: طول عمرك بتلعبها صوح، هههه.
البرنس: وكده يكون أخدها في مقتل.
عامر: بس مخفتش يا برنس؟ يعني ليكون نصبلك كمين هناك.
البرنس: إني فهمت دماغك زين، يلا علشان نوصل الحموله للتاجر، ههههه.
عامر: هههههه، أمرك يا برنس.
أما في مكتب راقي، كان راجل كبير قاعد مع عز.
عز بفخر: اعتبر البرنس في القفص دلوقتي يا سمير باشا، ومتخفش بضاعتك عندي.
سمير: انتتت توقع البرنس دا، لا عاش ولا كان اللي يعملها. دا لو حصل أنت تتسجل في التاريخ، هههه.
عز بغيره: هو مش أحسن مني، وهيجيلك موبايل يأكد كلامي.
ومن قبل الصدفة الموبايل رن فعلاً في الوقت دا.
عز: ياااه، بالسرعة دي كمان. رد بقى وشوف.
سمير استغرب ورد على الموبايل: الو!
البرنس: أيوه يا سمير بيه، معايه.
سمير: أيوه مين؟
البرنس: وااااه، مخابرش حسي يا سمير بيه.
سمير بيبص لعز بسخرية وهو لسه بيتكلم: البـرنـــــس.
البرنس: أومال إيه؟ والله ونسيتني.
سمير: وأنا أقدر أنساك؟ دا أنت علامة متتمحيش.
البرنس: زين الكلام. البضاعة وصلت.
سمير: هو لسه م…
المكتب خبط ودخل السكرتير.
السكرتير: البضاعة وصلت يا سمير باشا.
عز من صدمته متكلمش، بس علامات الذهول محتلة وشه.
سمير: أيوه يا برنس، وصلت بتماام والكمال.
البرنس: زين جوي أكده.
البرنس قفل وسمير بص بضحك لعز اللي قاعد في نص هدومه.
إيه يا عز، كلامك دلوقتي.
عز وقف ومشي من غير ولا كلمة.
سمير ضحك بعد ما مشي.
هي القوالب نامت والنصاص هتقوم ولا إيه يا عز.
عز نزل من عند سمير وركب العربية بغل.
ازااااي دا حصل!
عز رن على الضابط.
الو ماجد.
ماجد: أي يا وكسة عمري.
عز: بقي أجيب لك شغل على طبق من فضة. تقوووم ترفص النعمة.
ماجد: لا يا عم، دا هي اللي رفضتني. ولولا إن بينا قرابة كنت سحلتك في القسم بسبب بلاغ كاذب.
عز: تشششكر يا ذوق.
عز قفل الموبايل خالص ورجع بضهره لورا.
ااااه، دا أنت برنس ابن برنس صحيح. بس هجيييبك هجيييبك.
في البيت عند هند.
هند روحت البيت ومعاها الطلبات اللي مامتها طلبتها.
نبوية: ده كله يا اللي ما تتسمي؟!
هند سكته مبتتكلمش.
نبوية: مالك مش بتردي لي، بلعة سد الحنك.
هند: نعم يا ماما.
نبوية: نعمااا، أما ترفسك يا بعيدة. خد هنا يا بت.
هند قعدت جنبها وغصب عنها دموعها نزلت.
نبوية باستغراب: مالك يا بت!؟
هند بكدب: ل لا مفيش، بس نور وحشتني بس.
نبوية: على أمك برضوووو، من امتى وبنت أبوكي بتوحشك!
هند: يعني عشان مش اختي غير من بابا أبقى بكرهها!
نبوية: لااا، كدا في حاجة أنتِ مخبياها عليااا.
هند: يلا يا ماما نعمل الأكل لحسن مرات عمي تطلع فينا القطط الفطسانة.
نبوية: أيوه أم كنافة شيطة، يلا بينا.
هند في سرها: وحشاني يا نور أوي، ياريتك كنتي جمبي. (تقريباً مش بفتكروا نور غير في المصايب).
صابر كان بيكلم صاحبه في الموبايل.
أيوه يا أبو عمو، مش تعرف شغلانة كدا لأخوك حبيبك.
عمر: يا عم، كان القرد نفع نفسه.
صابر: كويس إنك عارف نفسك.
عمر: يخربيت تقل دمك.
صابر: معلش، بعمله بالسمنة البلدي. يعني مفيش منك منفعة.
عمر: بص، في واحد هدلك عليه وهو ممكن يلاقيلك شغل. بس دا شغل خطير حبتين.
صابر: أي؟ هنكلم الناس بالدبابات!
عمر: لا، بس محتاج نباهة شوية وواحد بسلك.
صابر: لا متخفش، دا أنا أسلك في الحديد.
عمر: حلو، تعلالي وأنا أقعدك معاه.
صابر: حبيبي يا عمر.
عمر: حبيبي يا مصالح.
صابر: اللي حافظني.
عمر: ما كله بتمنه برضو، ههههه.
صابر: نتن.
عمر: من بعض ما عندكم يا سيدي.
صابر فصل الخط.
مش مهم، المهم أستغل بقى.
نبوية: يااا صابر.
صابر: أيوااا.
نبوية: هات لنا سكر.
صابر: ما هي جمبك اهييي.
نبوية: مين!
صابر بص لهند: السكر أنااا. ماشي.
صابر نزل ونبوية بتكلم هند: الواد دا مهواش عاجبني.
هند سكته.
نبوية: ولااا أنتِ كمان أطفشتي وسيبتي لي البيت.
هند: آه، اللي هو عند خالتي وبنجيبك وكله ورجعه على النوم.
نبوية: بوووريه منك. قووومي اعملي الأكل، بيطلع من إيدك حلو.
هند: أنااا… شكراً لثقتك الغالية.
في البيت القديم.
كانت نور لفة الطرحة على وشها ونازلة من على السلم.
هو مفيش حد لي… دا لو أمي دعيالي مش هتبقى سالكة بالطريقة دي.
نور براحة علشان الجرح، وأول ما طلعت لقت غابة وفراغ.
يعني أنا لما أقول الدنيا رقصتلي وفرجت، ألاقيها تابت على حظي!
البرنس من بعيد: حرصي علسان في ديابة اهنه.
نور بصت له بدهشة: أنا فين!
البرنس: تعالي جوه، ولا انتي حابة تبقي عشا الديابة؟
نور رجعت: احم، ازيك.
البرنس قعد على السفرة وبيشمر علشان ياكل.
زين.
نور: زين، طيب.
البرنس: كنتي عايزة تهربي!
نور: آه، بس لي ممسكتش فيا وقولتلي لاء متهربيش زي اللي بشوفه في الأفلام.
البرنس: وتمسكك لي؟ هو إني خاطفك لسمح الله؟
نور: امسك فيا وخلاص يا عم! أي نعم آخر مرة حد مسك فيا وأمي كانت بترنني علقة مأخدهاش حمار في مطلع، بس امسك فيااا!
البرنس: أمك! يعني مش يتيمه.
نور: أنا قولت أمي!
البرنس: إيه بقيتي عبده الأطرش دلوك.
نور: اسكت، هو أنا مقلتلكش!
البرنس: لا يا مهفوفك.
نور: أصل أنا أبويا اتجوز على أمي، فأمي بقى اتجلطت وجالها السكتة وانتقلت إلى الرفيق الأعلى على طول، وأنا هنا اقتنعت إن مش لوحدي اللي بشيلها، الحمد لله.
البرنس: امممم، وأبوكي عايش.
نور: أي دا حمام هو اللي اصطاده عامر صح!
البرنس: ردي عليا.
نور: بص، أنا وليا حكيمة.
البرنس: كيف ده؟ دا انتي كتلة من جالوص الطين.
البرنس بص ليها بابتسامة وسكت.
نور: أي ابتسامة الحبيبة دي!
البرنس: إني! إني محبتش قبل سابق.
نور: اراااجل.
البرنس وبدأ ياكل: أيوه، وانتي وقعتي في الحب قبل سابق؟
نور: وقعت ههههه، دا أنا أختها زوحليقة. والله لحكيلك… نسيب البرنس اللي مهيعرفش ينام غير بحبيتين صداع.
أما في الشارع كان مظلم وصابر ماشي مع صاحبه.
صابر بقلق: إحنا رايحين على فين؟
عمر: الشغل!
صابر وقفه: شغغغل إي دا.
عمر: شغل المزاج.
صابر وقف بصدمة: نهار أبوك أزرق! أنت بتتتقول إي!
فجأة ومن حظ صابر الأسود، كان في كمين.
عمر: صابرررر، اجريييييي.
رواية عروس برنس الصعيد الفصل الثامن 8 - بقلم اسماء حبيب
صابر وقف… شغل إيه ده.
عمر… شغل المزاج.
صابر وقف بصدمة… نهار أبوك أزرق، أنت بتقول إيه!
فجأة ومن حظ صابر الأسود، كان فيه كمين.
عمر… صابر، أجري!
صابر بذهول… أجري ليه يااض؟ الله يخربيت الكره.
عمر سابه وطلع يجري.
صابر مش عارف الطريق وبيتلفت حواليه… يا لهوي، يا لهوي يا أما.
لقي عناصر شرطة حواليه.
الضابط… أنت! اوعى تتحرك.
صابر… إيه يا باشا، المكان ملغم ولا إيه؟
الضابط قرب منه ومسكه… ولك نفس تستظرف يا روح أمك.
صابر… يا باشا، استهدي بالله، هو فيه إيه؟ أنا مش فاهم حاجة.
الضابط كلبشه… خدوه على البوكس.
صابر… بوكس ليه يا باشا؟ والله أنا غلبان يا باشا، طيب نتفاهم طيب.
العسكري شد صابر وبيجره على البوكس.
صابر… منك لله يا عمر، كانت شؤم مهبب.
صابر دخل البوكس ومعاه العساكر، والضابط ركب العربية وراحوا القسم.
الضابط قاعد على المكتب وصابر واقف قدامه.
ها، مش هتعترف وهنعتبرك شاهد ملك.
صابر… يا باشا، قولي بس اعترف على إيه وأنا هعترف على طول.
الضابط… اقعد.
صابر… لا يا باشا، ميصحش.
الضابط… قولت اقعد.
صابر قعد بسرعة… حـ… حاضر يا باشا، اللي أنت تشوفه طبعًا.
الضابط… قولي يا صابر.
صابر… أيوه يا بيه.
الضابط… متحمل منين.
صابر… من على جوجل، ههههه، كفك يا باشا.
الضابط… بتستظرف تاني يا روح أمك؟
صابر… أنا، أنا والله مقصد يا باشا، أنا بفك القعدة بس.
الضابط بعصبية… درويش.
صابر… درويش تاني!
دخل درويش.
تمام يا فندم.
الضابط… عايزك تحمل الواد ده وتتوصى.
درويش… أمرك.
بعد ربع ساعة ودرويش معلق صابر من أفاه بعد ما روّقه.
صابر… أبوس إيدك يا باشا، خليه ينزلني.
الضابط بسخرية… معلش، النت ضعيف.
صابر… ليه كل ده؟ أنا عملت إيه؟
الضابط قام ووقف قدامه… يعني لسه عامل فيهم عبده العبيط.
صابر… أقسم بالله، أنا ما عارف أنت بتتكلم عن إيه.
الضابط… أنت متعبتش يااض… دروييييش.
صابر بصراخ… لااااء، دروييييش، لاااء، أنا هقولك كل حاجة.
الضابط قعد على الكرسي وولع سيجارة.
اقعد.
صابر… تاني.
الضابط… قولت اقعد.
صابر قعد بتعب قصاده.
شوف يا باشا، أنا ليا واحد صاحبي اسمه عمر، أنا طلبت منه إني اشتغل وكلمته.
الضابط… واشتغلت بقي، ما فلوس الشغلانة حلوة.
صابر… شغلانة إيه يا باشا…
(صابر خرج موبايله)
بص يا باشا، أدي المكالمة كانت النهارده، وهو قالي إنه هيشغلني وأنا معرفش واخدني على فين، شوف.
الضابط مسك الموبايل وشاف توقيت المكالمة… آآآه.
صابر… وبعدين يا باشا، عمر قلّب وفلسع وأنا اتمسكت، ولا أنا فاهم أي حاجة.
الضابط… درويييش.
صابر نط على الضابط… ليه، والله أنا بقول الحقيقة والله.
الضابط… ارجع مكانك.
صابر… حـ… حاضر يا فندم.
درويش… تمام يا فندم.
الضابط… خلي الساعي يجيب اتنين شاي.
صابر… لا، أنا عايز قزازة أو ببسي.
الضابط… اخرس.
صابر… حاضر يا باشا، ولو هتشربهولي سادة أنا قابل.
درويش… أي أوامر تانية يا باشا.
الضابط… لا، روح يا درويش.
درويش خرج وصابر اتنهد بفرحة.
ياااه، أخيرًا مشي، ده أنت لو جبتلي عنترة كانت أيديه هتكون أخف من إيده.
الضابط… بص بقي واسمع اللي هقولك عليه.
صابر… حاضر يا باشا.
الضابط… أنت هتمشي.
صابر… روح ربنا يعمر بيتك ويكتر من مأمورياتك.
الضابط… اسكوووووت.
صابر… يا باشا أنا بـ…
الضابط قطعه… اسكوووت بقولك، اسسسسسكوت.
صابر… اعتبرني خرست خالص.
الضابط…. أنت هتخرج من هنا وتروح لعمر، ده مفهوم.
صابر ساكت.
الضابط…. إيييي، مفهوم ولااا لااااء.
صابر…. يعني اسكت ولا أتكلم، في اليوم الأسود ده.
الضابط… درويييش.
صابر بسرعة…. أنا فهمت، ولو عايزني أبصم بالعشرة هبصم.
عدى وقت كبير وصابر سمع كلام الضابط وروح.
في البيت القديم.
البرنس بعد ما شرب 4 أكواب من القهوة.
كده القصة خلصت؟
نور…. هاااء، قال خلصت قال، البت نوسة دي بقي طلعت بتحب الواد حموكشة.
البرنس… حموكشة اللي هو حبيبك اللي أنت بتحبيه وهو مش شاف خلقتك قبل سابق.
نور… آه، بس بكراش عليه.
البرنس… يعني إيه؟
نور… بص، أنت غلبتنييي، سبني أكمل.
البرنس… وه، كل ده ومخلصتش؟
نور… دا لسه هتبدأ، أصل نوسة دي كانت صحبتي البروية أم صورم، وعارف بقي إنك بتحبه بس أمها تسكت أبداً.
البرنس… إياه، قالت لأهلك.
نور… لاء، كل ما هنالك إن أمها راحت أدحلت على أم الواد وخللته بقي يخطب نوسة، شفت بنت المحظوظة.
البرنس… ليه كل ده؟
نور… ده الواد حموكشة عنده شقة 3 أوض وصالة وحماااام فيه بااانيو من اللي بنغطس فيه دهوت.
البرنس…. ليه معندكمش حمام.
نور… اسكت، متقلبش عليا المواجع، لما قولت لبابا يعملنا بانيو قال التشط، أصر معاكم في إيه، آآآه يا سي البرنسى.
البرنس…. ده كله علشان عنده شقة 3 أوض؟
نور… وحمااام فيه بااانيو.
البرنس…. آه.
نور…. وأنا بقي رحت في الكزوزة، بس أنا مكنتش بسكت.
البرنس.. عملتي إيه.؟
نور… دعيت عليها ليل نهار لحد ما فركشت.
البرنس… وه حصل إيه تاني!
نور…. الواد اتحكم عليه بقي سنتين سجن، طلع بيشتغل شغل سيكو سيكو.
البرنس… يعني إيه.
نور…. بتاجر في الأبيض.
البرنس…. أيوه.
نور…. بس كده، أنا اختصرتلك القصة.
البرنسى… إيييه، أربع ساعات قعدة أترغي وتقولي اختصرتييي.
نور…. تحب نعيد القصة!
البرنس… بس استنى أكده، أنتِ قولتي حي.
نور… أيوه.
البرنس…. يعني منتيش غنية.
نور… الغنا، أنا النفس متاخدش في بالك.
البرنس… أنتِ مين!
نور… يااااالهوي، أنا قولتلك مش هقولك.
البرنس… آه.
نور… سكت لي!
البرنس…. خايفة.
نور… تؤ.
البرنس… ليه!
نور…. يمكن علشان ارتحتلك، أصل كنت مفكراك واد صايع وشرير كده بس طلعت غلبان وقلبك طيب وارتحتلك كده لله في لله، أصل الرب رب قلوب.
البرنس بسخرية… والله.
نور… آه يا سيدي، شفت.
البرنس… طيب متطمنيش جوي.
نور…. تؤ، أنا اطمنت، لو أنت كنت ناوي تأذيني كنت هتعملها، بس أنت أصيل.
البرنس… وعرفتي كيف.
نور… إنك متخلتش عني، غيرك كان سابني أموت وخصوصًا الطريق صحراوي، بس أنت طلعت شهم وجدع.
البرنس… أول مرة تقولي كلمة زينة.
نور…. وأنت لي مفكرتش تحب.
البرنس…. لاه، إني حبيت.
نور… استناااااااه.
البرنس.. خير، إيه يا مهقوفه.
نور… هروح آخد الواد عامر ونعمل فشار كتير ورجع.
نور… اسطااا، عاامر، أواد عااامر، أنت فين.
عامر واقف مصدوم… وأنتي بتقوليلي إني.
نور… تعالى وديني المطبخ أعمل فشار.
عامر… يا برنس.
البرنس بابتسامة… هاودها.
نور.. سمعت هاودن… إيييه، هو أنا مجنونة؟
البرنس…. كل واحد عارف حاله.
نور… على فكرة لغة سرقة الجمل اللي بينا دي هتودينا في داهية.
البرنس… روووحي.
نور… أنا هروووح علشان أنا عايزة أروح مش علشان أنت عايزني أروح، هه.
نور مشيت.
عامر…. هي البت دهين ملطوطة.
نور رجعت…. أنت يا عامر، هو المطبخ فين؟
عامر… عن أمي، عننند أميييي.
نور…. شكلي رحتلك الحبل بزياادة، اتعدل معايا بقولك اهو، لرنك دعوة تقعدك عند أمك.
في البيت عند هند.
نبوية بتدخل العريس وأمه.
يا أهلا يا اختي يا أهلا، البيت نووور يا زينات.
زينات… منور بأهله يا حبيبتي.
صابر… ازيك يا أحمد، اتفضل.
أحمد… الحمد لله يا صابر… يزيد فضلك، هو عمي فين!
صابر…. جاله شغل، وأنت عارف شغل الميري.
أحمد… ربنا يعينه.
الكل قعد.
زينات… أمااال فين عروستنا يا نبوية.
نبوية… زمانها جاية.
خرجت هند ومنظرها كان صادم للكل.
رواية عروس برنس الصعيد الفصل التاسع 9 - بقلم اسماء حبيب
زينات… اماال فين عروستنا يا نبويه.
نبويه… زمانها جايه.
خرجت هند ومنظرها كان صادم للكل.
هند لبسه العبايه السمره وشايله صانيه عليها قهوه.
السلام عليكم.
زينات ميلت علي نبويه.
زينات… نبويه انتي مش قولتلها ولا ايى اننا جين لافراح!!
نبويه… ا اصل نعزت اختها بقي معلش.
هند قعدت جمب صابر.
صابر ميل عليها بسخريه.
صابر… شاطره.
هند بابتسامه.
هند… عارفه.
احمد… طيب انا كنت جاي طالب ايد هند و…
هند بسخريه.
هند… لا ايدي مش محتاجه قطع غيار.
صابر.
صابر… اسكوووتي.
هند.
هند… الله متزغدنيش كدااا.
زينات.
زينات… الله مالك يا بت يا هند!
هند.
هند… ياريت والله بس ممعيش مال اصل جيبي مخروم يا مرات عمي.
احمد.
احمد… صابر.
صابر.
صابر… معلش.
احمد.
احمد… ممكن اقعد معاها اتكلم بعد اذنك طبعاً.
صابر.
صابر… اه تعالي يا هند.
هند.
هند… لا انا عجباني القعده هنا طراوه.
صابر.
صابر… قووومي يا هند.
هند.
هند… ياارب صبرك طيب اما نشوف اخرتها.
صابر قعدهم في اوضه السفره.
هند شالت تفاحه بتاكل بلا مبالاه وهو قاعد في وشها.
احمد.
احمد… هند.
هند وبتاكل فاخ.
هند… ايوه.
احمد.
احمد… علي فكره انتي هيا.
هند.
هند… هي مين.
احمد.
احمد… الي قلبي اختارها.
هند.
هند… وانت هو.
احمد بفرحه.
احمد… هو اي.
هند.
هند… الي هعمله بلوك من علي جروب العيله.
احمد.
احمد… مبهظرش انا كنت مستني بس انزل من الجيش علشان اخطبك.
هند.
هند… طيب وعايز اي.
احمد.
احمد…. تخطبك.
هند.
هند…. ولو مش وافقت.
احمد.
احمد… لااا بصي بقي لو مش كنتي ليا مش هتبقا لغيري انا ماااشيه بمدا لو مش هلعب هخرب الملعب.
هند.
هند… ابغي اقولك اتأثرت بس من حظه المنيل وقعت مع برميل تناحه.
احمد.
احمد… انتي هتقولي لية منا عارف.
هند بسخريه.
هند… طيب لصحتك النفسية متفكريش كتير فيااا.
احمد.
احمد… يا بنتي اتكلمي معايه عدل بدل ما انتي عايزه ضبط زوايه في لسانك.
هند.
هند… معلش لساني مترباش ملقاش حد يلمه ملكش فيه.
احمد.
احمد…. بص احنا نتكلم من غير لف ولا دوران انتي بتحبني ولا لاؤ !!
هند بسرعه.
هند…. لأ
احمد.
احمد…. لأ احنا نلف وندور احسن .
هند.
هند… اناااا بقي لو اتجوزتك هنكد عليك من الاخر وعلي بلاطه كده.
احمد برومنسيه.
احمد…. اديكى نص عمرى وتبطلى تنكدى علياا اتفقنه.
هند.
هند…. والنص التانى هتدية لميين ياااا أبو عين زايغه ليلتك سودة طبعاً هتوقع اي من واحد اسمه احمد.
احمد.
احمد…. لي هو لاسم متسرب في السوق السوده!
هند.
هند… بقولك اي اما مليش في الجوازه دي ومش بحب جواز الصالونات.
احمد.
احمد… مش بتحبي ازاي جواز الصالونات.
هند.
هند… الله ما هي وضحه مبحيش الصالونات.
احمد.
احمد… يعني نقعد في المطبخ.!!
هند بصوت واطي.
هند…. يخرب بيت الي ربط الجموسه وسابك.
احمد.
احمد… ما تردي.
هند.
هند… انتي عايز مني اي.
احمد.
احمد… خطوبه.
هند.
هند… طيب وبعدين.
احمد.
احمد… وابقي ابو مازن بقي.
هند بغيظ وبصوت واطي.
هند… ابووو شكلك.
احمد.
احمد… بتقولي حاجه!
هند.
هند… بقوول اي الي رماااك علي المر.
احمد.
احمد… اي الي رماكي علي المر!
هند.
هند… اه مهو اكيد عيل ابن حرام زقني عليه وطلع يجريييي.
احمد.
احمد… واخره الحوااار دا معاكي اي!
هند.
هند… شوف انت بقيي.
احمد.
احمد… يعني موافقه مهو السكوت علامه الرضا.
هند.
هند…. هو حد لعب عندك في الاعدادات ما تمسيلي علي العقل عندك كدا.
صابر دخل.
صابر… ها خلصتو.
هند بسرعه.
هند… اه.
احمد.
احمد… يعني اه.
طلعو وشربو لقهوه الي عملاها هند.
احمد بقرف.
احمد.. اي دا القهوه ساده لي.
هند.
هند… معلش اخر الشهر ومجبناش التموين.
احمد.
احمد.. من اولها ساده من غير سكر كدا.
هند.
هند… اشرررب.
بعد ما مشيو.
كانت هند بتخلع الفستان بحزن وامها قعده في الاوضه.
نبويه.
نبويه.. هااااا اي الحوار.
هند.
هند….الدنياا بتكرهني يا ماما لي كدا.
نبويه.
نبويه…. عندهاا حق اذا كاان اناا امك ومش طيقاكي بقي تعملي قهوه ساااده ليهم خلتيني في ربع هدومي.
هند.
هند….. احلي مساا عليكي ي حجه.
اما في البيت القديم.
كانت نور منهاره من العياط وهي بتاكل الفشار.
البرنس.
البرنس… افهم دلوق انتي بتبكييي لي هي قصه الكلب الي نهش الراجل اثرت فيكي قوي.
نور.
نور…. لا بس الفشار طلع دلع وانا قولت والله لعااامر حط ملح وهو سخن ياا عامر متنساش ومش سمع كلامي.
البرنس بشلل.
البرنس… اني قي اياه وانتي في اياه.
نور.
نور… مش تتزرزر عليااا بقولك اهو مش كفايه مستحمله قصصك المقرفه وبعدين مقولتليش برضو عن قصه حببتك.
البرنس سكت.
نور.
نور… اي زعلت!
البرنس ساكت.
نور.
نور… واي يعني ما كل الناس بتزعل احكي بقيى.
البرنس.
البرنس… من عشر سنين فاتم كنت بشتغل.
نور.
نور… ياااااا انهار ابيض وبعدين.
البرنس.
البرنس… تعرفي تخرسي.
نور.
نور.. خرست.
البرنس.
البرنس… وكان بيجري ورايع ناس عيزين يمسكوني.
نور قاطعته.
نور…. وعكشوك.
البرنس.
البرنس… تعرفي تخرسي ومتقاطعنيش.
نور.
نور… حاضر.
البرنس.
البرنس… وهي كانت بتروي الزرع وشافتني من بعيد واني كنت استخبيت منيهم وهنا همستلي اني اجبلها.
نور بغمزه.
نور… الله يسهلووو يا عااام.
البرنس مسك الفاظه بعصبيه وعامر بسرعه هدااه.
البرنس.
البرنس… اسوووكتي.
نور.
نور… توووبه والله والله.
البرنس قام وخرج.
نور وبكلم عامر.
نور… هو اتقمص لي انا باخد ودي معاه بشكل ودي.
عامر.
عامر.. اسكووتي وليا سعرانه.
نور.
نور… اسكت انت يا ابو فشار من غير ملح.
البرنس قعد جمب شجره وفتكر ماضيه كله الي اثر علي حياته.
نور من ورا الشجره.
نور… تمسك دمعه هاااربه.
البرنس قام وقف ومسح دمعته بسرعه.
البرنس… انتي عايزه اييه يا مهفوفه.
نور.
نور… اممم انا اسفه حسه اني رجعتك لمأساه هي حبيبتك خانتك ولا ايه!
البرنس.
البرنس… لاه ماتت ومات معاها قلبيى.
نور.
نور… ياااه البقاء لله وحده متزعلش ربنا يعوضك بوحده بنت حلال زيها.
البرنس.
البرنس…. هي عوضتني عن دنيا سوده كانت عنيها بضيع عني كل همومي طلتها تخلبني انسي نفسي وبموتها رجعت لكل همومي.
نور وبحاول تخرجه من المود.
نور… ياااه يا بختها.. منك لله يا حموكشه الواطي كان رايح يخطب البت نوسه بدكر بت وفرختين وكانت مفكره الهب ولع في ريشه.
البرنس غصب عنه ضحك.
البرنس… هههههههه مهفوفه اني قولت اكده.
نور.
نور….. والله شكلك حلو وانت بتضحك بدل وش بوحه لما كان خارج من خناقه ولاد ابو اسماعيل الي مصدرهنا.
البرنس.
البرنس… غوووري من وشييييى.
نور.
نور… الله بضحك معاك.
البرنسى.
البرنسى… دمك تقيل.
نور.
نور… ما انا عرفه اصل بعمله بالسمنه البلدي.
البرنس.
البرنس…. امممم طيب.
نور.
نور… بقولك.
البرنسى.
البرنسى… ايه.
نور.
نور…. انت مشغل ناس يعني والعيشه بتهيالي ريقه معاك انت لي قاعد في البيت القديم ده!؟
البرنس.
البرنس… احسن ليكي متساليش تاني عن الموضوع ده.
نور.
نور… ليه؟
البرنس.
البرنس… هو اكده.
البرنس… اني ملاحظ انك بقيتي زينه معيزاش تمشي.
نور.
نور…. هو انا هبله ارفص النعمه وامشي دا انا باكل ببلاش هههه.
البرنس.
البرنس….. تعرفي انتي مجنونه يا هند.
نور.
نور… احم…في سر عايزه اقولهولك.
البرنس.
البرنس…. سر اي.
فجاه حاجه اترمت علي البيت وكان فيه دخان بنتشر.
نور.
نور…. بخضه اييي دا.
البرنس خد شملته ولفها علي وش نور وشالها وبيجري لان ضارب النار اشتغل وعرف ان فيه حاجه غلط.
عامر طلع من الباب الوراني وشغل العربيه وابرنس ركب قيها هو ونور.
نور برعب.
نور…. هوووو في اي.
البرنس.
البرنس… ولااااا كلمه.
البرنس.
البرنس… اسسسكوتي اطلع ياااا عامر بسرعه.
رواية عروس برنس الصعيد الفصل العاشر 10 - بقلم اسماء حبيب
عامر طلع من الباب الوراني وشغل العربية والبرنس ركب فيها هو ونور.
نور برعب: هوووو في اي.
البرنس: ولااااا كلمه.
نور: همووووت ولا اي لاااا انا لسه صغيره.
البرنس: اسسسكوتي اطلع ياااا عامر بسرعه.
عامر اتحرك بسرعه عن الليت القديم.
نور: ممكن افففهم اي الي بيحصل دااااا.
البرنس بزهق خبطها عند كتفها اغمي عليها: اييه راااديوووو مبفصلش.
عامر: خير ما عملت.
البرنس: ازاااي حد يعرف مكاني!
عامر: باين حسام اما جه حد اطره وعرف المكان.
البرنس: يبقي مفيش غيره.
عامر: تقصد مين يا برنس.
البرنس: هيكون من غيره ولد المحروق ده.
عامر: تقصد عز يعني.
البرنس: ايييوه اني مكنتش عايز اقلب عليه بس هو حب يحط راسه في راسي ويناطحني.
عامر: ما اني قولتلك ياااا برنس نخلصووو عليه مسمعتش كلامي.
البرنس: لاه مهموتوش بس هخليه يتمني الموت وميطلووش ماشي.
عامر: نطلع علي فين يا برنس!
البرنس: علي مصر طوالي.
عامر: طيب اكلم الرجاله اهناك بقي يجهزوها بقالها زمن منفتحتش.
البرنس: ولا كنت عايزها تنفتح.
عامر: صحيح يا برنس ليه مسكنتش فيها طول المده الكبيره دهي.
البرنس: لانها علامه سوده في حياتي يا عامر وقفل علي السيره دي.
اما عند البيت القديم...
عز خبط العربيه برجله بعصبيه: ازااي معرفتوش تخلصووو عليه.
رجل من رجالته: للاسف اختفي ومعرفناش حصل اي حتي الرجاله الي كانت هنا اختفو فجأه!
عز: يااا سلام كدهووو لبسيين طقيه الاخفه.
رجل تاني: في حاجه كدا يا عز باشا هتجنيني هو انت قولت هو لوحده بس كان في بنت معاه.
عز بسرعه: بنت؟! كبيره ولا صغيره؟!
الراجل: هي كبيره في حدود ٢٠ او ٢٥ كده يعني.
عز: حلوووو.
عز خرج الموبيل بتاعه: الووو رشدي تزيك.
رشدي: حبيب اخوك اخبارك.
عز: كويس بقولك اي انت تقدر تجبلي اي حاجه متسجله في السجل المدني باسم قاسم ابراهيم الجبيلي.
رشدي: طيب اديني ساعه وحده وهجبلك اراره.
عز: حبيبي تسلم.
عز فصل وتعلوه ابتسامه مكر.
اما عند صابر....
كان راح للقهوه الي كان قاعد فيها عمر صحبه.
صابر شد عمر من هدومه: بقيييي انت تلبسني مصيبه وقاعد هنا بشرب السم يا بعيد.
عمر بصدمه: ص صابررر.
صابر: لاء ستك سوسن.
عمر: ط طيب اصبر هفهمك.
صابر زقه علي الكرسي: اترزي اقعد وفهمني يا سي زفت.
عمر: الاول انت عملت ايه.
صابر: لا اترنيت علقه من الشويش درويش علي قلمين من الضابط ولما لقوني مليش في حاجه و هفرفر منهم وصعبت عليهم مشوني بس ولا اي حاجه.
عمر: كويس انك طلعت اصلا وانااا مش قولتلك اجريي.
صابر: لي كنت عامل عمله علشان اهرب.
عمر: طيب حقك عليا يا سيدي.
صابر: يااااه تصدق انا كدا نست كل حاجه.
عمر: قلبك ابيض.
صابر: لا انا قلبي نبيتي.
عمر: بص الصراحه كدا الكار دا مش كارك وفكك من اي حصل وكويس انك طلعت سليم.
صابر: الي قولي يا عمر شغل اي دا الي يودي القسم!
عمر: شغل من ابو ابيض بس بيكسب دهب.
صابر: طيب متعرفش تدخلني فيه بس من حته امان.
عمر: اعرف بس لو جرالك حاجه انا مليش فيه.
صابر: لاء بس خليني مع حد واصل علشان يعرف يأمن عليا.
عمر: طيب بكره هخدك عنده بس خلي بالك ده مش بيهزر.
صابر: حد قالك اني هروح ابعله نكت.
عمر: تمام.
صابر: طيب رسيني علي الشغلانه دي بتم ازاي؟
عمر: بص يصحبي في واحد كبير اوي محدش يعرفه بيمون لواحد اسمه اسموووو ايه يا واد يا عمر.. اه افتكرت سمير الابصيري وده بقي بره التوقعات.
صابر: اشمعني.!
عمر: ما هو يبقي واحد من الناس الي بتمول البلد زي رجال الاعمال محدش بيشك فيهم يعني.
صابر: ااااه.
عمر: الي تحته بقي كبار المناطق العشوائيه الي بتدي رجالتهم تصرف البضاعه.
صابر: ورجالتهم بقي دول الي هو انا!
عمر: تؤ رجالتهم بقي الي بتشغل امثالنا.
صابر: اه فهمت احنا الي بنتاخد في الرجلين.
عمر: الله ينور عليك فعلشان كدا الكار دا عايز واحد قلبه جامد.
صابر: عيب اخوك قلبه قلب اسد.
عمر: طيب الصباح رباح وانا هبقي اعدي عليك.
صابر: تمام اتفقنا.
عمر: اواااد ازعتر.
نادل القهوه: ايواااا.
عمر: اتنين كزوزه.
صابر: لا متجبش حاجه انا مروح.
عمر: ما تقعد شويه.
صابر: لاء اصل ماما تعبانه شويه سلام.
عمر: سلام… ازعترررر.
زعتر: ايوااا.
عمر: سك علي الكااازوزه.
صابر بعد ما روح طلع علي السطح بتاع بتهم واتصل علي الضابط.
صابر: الووو يا باشااا.
الضابط: مين.
صابر: انا صابر يا باشا الي رنيتو علقه النهارده.
الضابط: ايوه يا صابر خير عرفت حاجه.
صابر: اه يا باشا دا طلع حوار كبييير قوه وفيها ناس كبيره اوي في البلد..
الضابط: اهدا بقي واحكيلي بالتفصيييل الممل.
صابر: بس الله الرحماااااان الرحييييم ا….(بدا صابر يحكيله كل حاجه قالها ليه عمر)…. وانا بقي الي اتاخد في الرجلين يا باشا.
الضابط: حلو اووووي كدا بص بقي يا صابر.
صابر: وداني تحت رجليك يا باشا.
الضابط: امشي مع عمر دا وادخل وسطيهم.
صابر: يااالهواااي يا باشا انا مليش في كدا انا كنت هقوله امي تعبانه الدكتور كاتبلها سنتين راحه واخلع منه.
الضابط: متخااافش انا معاااك.
صابر: يعني اماان يا باشا.
الضابط: امااان ولازم توصل كمان للي ورااا سمير ده.
صابر: ازاك عمر الي فاهم في الكار معرفش انا هعرف.
الضابط: ادحلب واشتغل حلو خلي الي حوليك يطمنلك ووقعهم.
صابر: الي تشوفه يا باشا… معااانه يا رب.
اما في البيت...
هند بزعيق: الله هو الجواااز بالعفيا قولت مش موافقه.
نبويه: يا بت ياااا بت الواد لقطه.
هند: مش عيزاه ولو اجبرتيني هنتحر من فوق تربيظه السفره.
نبويه: طيب بصي في حل حلو.
هند: اي هو!
نبويه: اتخطبيله مش يمكن يعجبك.
هند: اه واتخطب وهو الاقي نفسي في بيت عمي بربي العيال.
نبويه: هنننننننند.
هند: ماااشي مااشي خلاص موااافقه بس لو مش عجبني انا عند موقفي هنط وانا مجنونه واعملهااات.
نبويه: لووولوولوولووولييييييييييييي.
هند: انا كدا اقرااا علي روحي الفاتحه.
صابر دخل بخضه: اي يولاه خييير فييي اي.
نبويه: مالك مخطوف ليييي كدا.
صابر: اصل كل اما حد يزغرد تحصل مصييبه.
نبويه: فال الله ولا فالك يا بعيد روووح دا البت اختك هتتجوز.
هند: قووولت خطوووبه بس.
صابر: اه ماشي.
هند: بغض النظر اني مش طيقه ريحه العريس بس مفيش مبااارك يا اختي.
صابر: روحي يا بت اعمليلي كبايه شاي اجرييي.
هند: جري عليك جرار محمل زبا…
هند مكملتش وطلعت تجري لما لقت صابر مسك عصايه المقشه: خلااااعاااص هعملك براااد.
صابر: مبتجيش غير بالعين الحمره.
هند من المطبخ: ربنا علي المفتريييي يا بعيد.
صابر: مسمعش صوتك لاجي افتري بجد.
هند: خلاص يا حنين معاهده سلااام.
صابر: ماشي بس لو جبتي مع الشاي بسكوت.
هند: اشطا شغلنا فيلم حلوووو.
صابر: ماشي.
بعد مرور ساعات….
وصل عامر الفيلا الي في مصر.
عامر: وصلنا يا برنس.
البرنس بص علي نور لقاها نامتعلي نفسها: ياه حلوه وهي ساكته اكده.
عامر: يا برنس.
البرنس: هاه.
عامر: ما هتنزلش ولا اياه!
البرنس: اه انزل انت واني هحصلك طوالي…. هنند انتي يا مهفوووفه.
نور بزعيق وهي نايمه: هند جمبي يا صابر متصحنييييييعاالش.
البرنس بخضه من زعقها المفاجأ فزعق وزقها: قوووووومي جتك قومه.
نور قامت فتحه عين وعين مغمضه: مين!
البرنس: ههههه قومي وصلنا.
نور قعده دقيقه اما استوعبت: هرسووووح كنت هموت بسببك يا بعيد و…
البرنس: اسمع نفس تاني منك بسسس وخليكي تتشاهدي علي روحك.
نور سكتت ودخلت وراه الفيلا.
نور بانبهار: يا صلاه النبي يا صلاه العيد اي الحلاوه دي.
البرنس: عامر شوفلها اي اوضه اتنام فيها.
نور: اي مقوله الرفق بالحيوان دي هو انا بشحت منك عابره سبيل انااا.
البرنس: ايوه.
نور: علي فكره هسكت علشان القلب صافي والحظ طافى ووجودى ف مصر خطأ جغرافي وخربش علي الكلام.
البرنس: انتي هربانه من قسم يا مهفوفه.
نور: لا بس متربيه في حاره يكفيك شر اطفالها حتي.
البرنس: غروي نامي ومسمعش حسك.
نور: علي فكره انا ليا في الفلل الشيك دي والسفر والخروجات.
البرنس بسخريه: وبتروحي فين بقي!.
نور: لا انا بحبهم بس هههه.
البرنس: لووو مطلعتيييش ه…
نور: والله ما انت مكمل.
نور دخلت اوضه وكانت حطانها مدهونه اسود في اسود والسرير بتعها قديم: الله يخربيت اختيارتي.
نور مسحت المرايه: ايييح رغم الاسيه يا بت بس شكلك عسليه اخراشي.
نور بتبص في الادراج ورجعت تبص في المرايه لقت واحد وراها: ههههه اكيد تهيؤاات.
نور لقت الشخص دا قرب منها ومعاه س*كينه ولسه هتصوت حط ايده علي بؤها وكتفها….