الفصل التاسع عشر

رواية رقية الجزء التاسع عشر 19 بقلم أميرة خالد رقيةرواية رقية الحلقة التاسعة عشر ما فهد روح على البيت وقابل والدته وقالت له على فكره يا فهد عمتك زعلت قوي هي وحبيبه رد فهد معلش يا امي ما كنتش فاضي وانتي عارفه اللي ورايا وكمان بابا عمال يسال في موضوع عمي ردت والدته انا عارفه يا حبيبي انك تعبان وربنا يكون في عونك بس عمتك ما بتجيش كثير

رد عليها انا عارف بس هي عايزه تجوزني بنتها باي طريقه وانا مش حبيبها ردت عليه انت في حياتك واحده تانيه رد عليها بصراحه كده يا امي جدو جايب لي عروسه وانا موافق عليها ردت والدته تبقى مين قال لها بعدين هبقى اقول لك ويلا بقى تصبحي على خير ودخل على جناحه وقلع هدومه ودخل اخذ دش وخرج ولابس بنطلون قطن وعاري الصدر ونام على السرير وفتح تليفونه على صوره رقيه وقال هتعملي فيا اكثر من كده ايه وانام نوم عميق

ثاني يوم صحيت منه من النوم وبصت جنبها لقت سرير ورقيه فاضي وخرجت وقالت لامها رقيه فين يا ماما ردت سلوى نايمه جوه يا حبيبتي بتسالي ليه قالت لها اصلا مش جوه رده سلوى ازاي وقالت لها طب اتصلي عليها قالت لها طيب ومسكت التليفون واتصلت على رقيه وردت عليها ايوه يا منه في حاجه ولا ايه ردت منه انتي فين رده رقيه انا تحت في المخزن في حاجه قالت لها لا ما فيش يا حبيبتي بس انا قلقت لما ما لقيتكيش في السرير

ردت رقيه طب يا حبيبتي ما تقلقيش انا تحت بعمل شويه شغل وبرتب الحاجه عشان تروحي المحل ردد منه طب يا حبيبتي وقفلت معاه وبصيت لامها وقالت لها دي في المخزن ضحكه سلوى وقالت طول عمرها غاويه تعب حتى يوم اجازتها كانت بتنزل تدور على اي حاجه تعملها

ردت منه هي كده ولو نامت هتتعب يلا بقى اخش انا الحمام ودخلت منه الحمام وبعد دقائق طلعت رقيه ولقت سلوى في المطبخ بتعمل الفطار قلت كلمت هو جابر لسه نايم يا ماما ردت عليها ايوه يا حبيبتي الساعه لسه 8:00 ردت عليها طب يا ماما صحي وقولي له انا جهزت له الحاجه تحت عشان ياخدها وينقلها المحل على التروسيكل وكمان عشان يروح يجيب البضاعه اللي هيحتاجها في وش النظافه

رد جابر انا صاحي اهو يا رقيه بس كنت في الحمام ردت عليه طيب يا جابر خد الفلوس ديت عشان تشوف هتجيب ايه ولما تخلص وتودي الحاجه ابقى اتصل عليا وانا هقابلك انا وام محمد عشان نروح للتجار ونتفق معاهم على الحاجه رد جابر حاضر يلا يا سلوى اعملي لي معاكي كوبايه شاي بلبن وساندوتش جبنه ردت سلوى حاضر

في اوضه منه كانت بتلبس هدومها ومسكت التليفون واتصلت على حياه وقالت لها ماشي ما تتاخريش انتي بس يا جميل ضحكه منه وقالت لها طب اقفلي عشان اخلص اللي ورايا وقفلت معاها واتصلت على خالد وخالد كان في الحمام بياخد دش وخرج شاف تليفونه بيرن وراح فتح وقال صباح الخير يا حبيبتي اتكسفت منه وقالت له صباح النور انا نازله دلوقتي عشان اروح المستشفى رد خالد طب يا حبيبتي هقابلك هناك وقفلت معاه

وخرجت منه ولقت سلوى محضره الفطار وقعدوا يفطروا وفضلوا يتكلموا اما في شقه رامي كان خالد بيلبس هدومه ورش برفانه سرح شعره ومسك التليفون وخرج قابل رامي ورد رامي ايه يا دكتور تحب اوصلك رد خالد لا انا طلبت اوبر وكمان النهارده هروح اشتريه عربيه بالقسط رد رامي ليه يا ابني كده قال له انا كنت ناوي اعمل كده من اسبوعين بس المشاكل اللي حصلت خلتني ااجلها وقلت النهارده احسن وقت عشان اجيبها

رد رامي طب لو احتاجت حاجه قول لي رد خالد شكرا يا رامي على استقبالك ليا في بيتك وان شاء الله اخر الشهر هكون جايب شقه رد رامي عيب عليك يا برو انت اخويا ما تقولش الكلام ده رد خالد طيب يا رامي انا لازم انزل الاوبر جيه ونازل خالد وركب العربيه

اما عند عاصي صحي من النوم وكان مخنوق ودخل اخذ شاور وخرج لبس هدومه ورش برفانه وخرج من الاوضه شاف محمود قاعد وقرب منه وقال له صباح الخير يا بابا رد عليه محمود صباح النور مالك يا عاصي في حاجه مضايقاك رد عاصي بصراحه كده انا جبت معلومات عن فهد واهله والكلام ما يطمنش

ضحك محمود وقال له يا ابني دولت بيعرفوا يداروا مصايبهم كويس واللي انا اعرفه ان فهد حته من سلطان في تفكيره واسلوبه ايام ما كان بيشتغل مع والده رد عاصي هو انت عرفت سلطان ده ازاي يا بابا رد محمود في خناقه قال له ازاي

رد عليه كنت انا وعمك كامل راجعين من السفر وطلعوا علينا ناس وسلطان كان جاي بعربيته وشافنا واحنا واقفين والرجاله مطلعه على السلاح وعايزين كل اللي معانا ونزل من العربيه بالسلاح بتاعه وضرب طلقه في الهوا وهم خافوا وجريوا

وسلطان قرب منه وقال لنا محتاجين حاجه رد عمك كامل لا شكرا وبعد كده ادينا الكارت بتاعه وتعرفنا على بعض ومن ساعتها بقينا اصحاب ولما اتجوز السكرتيره بتاعته جه وقال لي ان هو عايز شقه وكان معاه فلوس وجبت له بيت اللي عايشه فيه رقيه وامها دلوقتي رد عاصي هو الحب ممكن يخلي الواحد يتخلى عن حياته ومركزه وفلوسه

ضحك محمود وقال له طبعا يا ابني بس اللي انت ما تعرفهوش ان الحب ساعات بيكون غلط مع الاشخاص الغلط رد عاصي طيب يا بابا يلا عشان ننزل نفطر عند جدو رد محمود لا انزل انت انا رايح مشوار ومسك مفاتيحه ونزل وعاصي نزل وراه ودخل شقه جده واتكلم كامل ابوك فين رد عاصي قال لي رايح مشوار رد كامل طيب وقعده على السفره يفطروا

واتكلمت امل صحيح يا بابا عبير مرات محمد الاسيوطي اتصلت بينا امبارح وقالت لنا انها عزمانه على الغداء يوم الخميس الجاي رد متولي مش وقته يا امل انتي عارفه المشاكل رد فوزي ما ينفعش يا عمي لازم نروح وان شاء الله هنلاقي حل لو اتكلمنا مع محمد الاسيوطي انت عارف انه ليه ما عارف كثيره

رد متولي تصدق صح خلاص يا امل اتصلي بيها وقولي لها ان احنا جايين وانتم جهزوا نفسكم وانت يا عاصي لازم تيجي رد عاصي حاضر يا جدي واتكلم ياسين بابا في موضوع كنت عايزه اتكلم معاك فيه انت وجدي رد متولي موضوع ياسين

قال له انا عايز اخطب رد كامل هو ده وقته مش شايف المشاكل اللي احنا فيها رد متولي استنى انت بس عايز تخطب مين رد ياسين وهو خايف واحده اسمها نور وتكون صاحبه رقيه رد متولي يعني واحده من الشارع الرد ياسين بسرعه لا يا جدو ده ابوها لواء واسمه طه الدسوقي لو تسمع عنه

رد متولي طيب انا هسال عليها ولو كان زي ما بتقول كده يبقى على خيره الله نروح نتقدم لها فرح ياسين وقال له شكرا يا جدي واتكلم كامل في ايه يا بابا ايه يعني لقد زي رقيه هي رقيه وحشه رد متولي بقول لك ايه انا مش ناقص كلامك انت واخوك وجعته دماغي بيه يلا كل واحد على شغله الكل خرج

واتكلم عاصي يعني انت عايز تخطب ما قلتليش ليه رد ياسين اصل انت مش فاهم ايه اللي حصل رد عاصي ايه اللي حصل وحكى له كل اللي حصل امبارح من اول ما شافها عند رقيه لغايه ما نزل عند العربيه وكلامها وضحك عاصي وقال له صاحبه رقيه عايزها ترد عليك تقول ايه والنبي يا ابني انت اهبل

ضحك ياسين وقال له وايه يعني بنت ب 100 راجل وانا احترمتها انها رفضت وده اللي خلاني عايزه اتجوزها رد عاصي طيب يا اخويا يلا بينا عشان ورانا شغل كتير ومشي بالعربيه اما في قصر العزايزي في اسكندريه حمدي كان صاحي بيقرا قران وتليفونه رن ورد وقال مين ورد محمود انا محمود الهلالي يا عمي صاحب سلطان رد حمدي ايوه عايز ايه يا محمود رد عليه عايز حل يا عمي عشان خاطر الارض رد حمدي يعني انت عاجبك اللي ابوك عمله هو وجوز اختك

رد محمود والله ما كنت اعرف ولو كنت اعرف ما كنتش وافقت رد حمدي طيب انت عايز ايه قال له اتكلم مع فهد وخليه يحل الموضوع رد حمدي ماشي يا محمود هتكلم معاه عشان خاطر ان انت صاحب سلطان وكنت بتحبه انت واخوك بس خليك عارف فهد نابو ازرق ولو جدك حب يعمل حاجه ثاني لرقيه

فهد مش هيسكت له وهيخليه يفلس رد محمود اوعدك يا عمي ان ما حدش هيقرب من رقيه خالص رد حمدي ماشي وقفل معاه و محمود كان واقف بالعربيه تحت بيت رقيه ومستني وشاف منه نازله وبعديها جابر وبيحمل حاجات على التروسيكل واستنى لما يخلص واول ما لقى مشي نزل من العربيه

وطلع على شقه رقيه وخبط وسلوى كانت في المطبخ وخرجت فتحت الباب وقالت اتفضل يا محمود اعمل ايه رد عليها انا كويس يا سلوى انا عايز بس اشوف رقيه ردت عليه حاضر اتفضل اقعد وانا هندهلك قال لها طيب ودخلت سلوى الاوضه وقالت لرقيه محمود بره وعايز يشوفك ردد رقيه طب يا ماما اطلعي اعملي له القهوه بتاعته عقبال ما البس العبايه واطلع قالت لها ماشي

وخرجت سلوى دخلت المطبخ تعمل القهوه ورقيه لبست اسدال وخرجت وهي بتقول ازيك يا عم محمود اعمل ايه رد محمود بكسوف الحمد لله يا بنتي انا مش عارف اقول لك ايه غير ان انا حقك عليا ردت رقيه ما فيش حاجه حصلت يا عمي واحنا في الاخر اهل وانا عارفه ان انت عمرك ما كنت هتاذيني

رد محمود يعلم ربنا يا بنتي انت عندي زي ندى وعاصي ويمكن اكتر ردت رقيه وانا عارفه يا عمي قال لها انا كنت جاي لك في موضوع عايزه اقوله لك ردت رقيه قول يا عمي قال لها عارفه يا رقيه الفلوس اللي كنت بصرفها عليك ردت رقيه ايوه يا عمي قال لها الفلوس دي ما كانتش مني دي كانت من ابوكي

ردت عليه ازاي واحنا كنا مدخلينه مستشفى حكومه عشان ما كانش معانا فلوس رد محمود اقعدي وانا هفهمك ردت رقيه ماشي يا عمي ودخلت سلوى وحطت القهوه وخرجت واتكلم محمود ونرجع في فلاش باك

( في يوم كنت قاعد بشتغل في الورشه ودخل عليا ابوكي وهو زعلان وقلت له مالك يا سلطان رد عليا محمود في امانه عايزه اامنها لك قلقت وقلت له في ايه ما تقلقنيش عليك رد عليا ما تخافش يا صاحبي انا كنت في المستشفى النهارده بجيب نتيجه التحاليل والاشاعات رد محمود طيب في ايه قال له طلع ان عندي سرطان في المرحله الاخيره وانت عارف انه رقيه هي وسلوى ما لهمش غيري رديت عليه ما تخافش يا صاحبي هتتعالج ولو محتاج فلوس هدي لك اللي انت عايزه

رد عليا مش محتاج حاجه وانت عارف ان معايا اللي يكفيني ويعيشني ملك رديت عليه طب ما تتعالج رد عليا ما بقاش ينفع يا صاحبي والدكتور قال قدامي شهرين او ثلاثه وحياتي تنتهي عشان كده بقول لك تعالى معايا نروح البنك عشان اؤمن حياه رقيه رديت عليه ما تقلقش يا صاحبي بنتك هتكون في عيني رد عليا برده وساعتها ركبنا العربيه وطلعنا على البنك وابوك عمل لك وديعه لغايه ما توصلي للسن القانوني وانا اللي اكون بستلم مبلغ شهري عشان اديه لك

تصرفي منه وفعلا بعد شهرين توفى سلطان وساعتها كنت باجي بدي الفلوس لامك عشان تصرف عليك من غير ما هي تشتغل ولما انت كبرتي وعرفتي رجعتي لي الفلوس رفضتي اي مساعده مني وانا طبعا حطيتها تاني في البنك والارباح الشهريه)

بقت على الفلوس عشان كده بقول لك ان الفلوس دي كانت بتاعه ابوكي ودلوقتي عيطت رقيه وقالت له طب انت ما قلتليش ليه رد عليها دي كانت وصيه ابوكي انك ما تعرفيش الفلوس غير لما تتم 19 سنه وانا اجي اديهم لك ردت رقيه طب مش معنى دلوقتي انت جاي تقول لي قال لها عشان في حاجه حصل ولازم تعرفيه

ردت عليه حاجه ايه قال لها اهل ابوكي عرفوا مكانك رده رقيه هو بابا كان ليه اهل قال قال لها ايوه وعيله كبيره جدا ردت رقيه طب ازاي وبابا كان بيشتغل عندك رد عليها اللي اقدر اقوله لك ان ابوكي ساب اهله زمان عشان خاطر امك وحب ليها واختار يعيش في الفقر وساب ابوه وامه والغنى اللي هم كانوا فيه

ردت رقيه طب هم عايزين ايه دلوقتي مش هم اللي بعدهم زمان رد محمود انا مش خايف عليك من جدك انا كل اللي خايف عليك منه عمك عشان مش هيسكت انتي كده ليكي نص ورث جدك عشان كان الحاجات دي مكتوبه باسم ابوك زمان ردت رقيه استنى كده انا مش فاهمه حاجه رد عليها هفهمك كل حاجه وهحكي لك القصه من الاول ابوكي كان ماسك شغل جدك في المقاولات وكان عمك شغال معاه

وكان هو عنده شركه خاصه للاستيراد والتصدير وكبر ثروه جدك وهو اشترى اراضي وكان بيبنيها وجدك كان بيخش معاه بالشركه بتاعته واخر حاجه كان اشتراها ارض في دهب وامك كانت شغاله عنده السكرتيره في الشركه بتاعته وهو حبها وهي حبته بس جدك كان لي راي تاني كان عايز يجوزه بنت رجل الاعمال بس ابوكي رفض وصمم على رايه انه يتجوز امك

وعمك روحي لجدك ولعب في دماغه وخلى جدك يرفض بعد ما كان موافق عشان خاطر ابوكي وبعدين ابوك اتجوز امك وراحت جدك قدام الامر الواقع وجدك اتضايق وطلب منه انه يمشي ويسيب كل حاجه وابوك يوافق وتنازل على كل حاجه بس اللي عرفته ان جدك مسجلش التنازل وكان هو معاه توكيل من ابوكي وكان بيعمل الشغل من غير ما حد يعرف وعمك كان مبسوط انه كده فاكر ان جدك خد كل حاجه من ابوكي وابوكي ماشي

واتصل بيا وقال لي ان هو عايز شقه وكان ساعتها معاه فلوس كثيره واشتريت له بيت وحط هو الفلوس في البنك وكان بيشتري اراضي وبيبيعها طبعا من ورا امك وكان شغال معايا في الورشه بيحط القرش على القرش في البنك لغايه ما يعرف موضوع مرضه وبطل يشتغل والباقي انتي بقى عارفاه اتصدمت رقيه وقالت له يعني ابويا باع الدنيا كلها عشان خاطر امي وانا

رد محمود ايوه وانا عايزك تيجي معايا البنك النهارده عشان تستلم الفلوس انا عارف ان انتي تميتي 19 من كم سنه بس كنت مستني الوقت المناسب وانا شايف ان دلوقتي الوقت المناسب وكمان عشان جدك شكله كده عايز يقابلك قريب مسح الدموعها وقالت له طب يا عمي ثواني هاخش البس وهاجي معاك بس انا عايزه اطلب منك طلب رد محمود اؤمري ما حدش يعرف حاجه من اللي انت قلتها لي ولا حتى امي رد محمود من غير ما تقولي حتى جدك مش هقول له انه يعرف حاجه مع انه هو اذانا

رد رقيه ازاي حكلها كل اللي حصل رده رقيه ما تخافش يا عمي انا هجيب لك الارض بتاعتك بس مش دلوقتي رد محمود طب يا بنتي انا هنزل استناكي في العربيه تحت ردت رقيه طيب ودخلت الاوضه ومحمود نزل ودخلت سلوى وقالت لها بتلبسي ورايحه فين ردت عليها راحه مشوار وهرجع رده سلوى طب يا حبيبتي ما تتاخريش ردد رقيه وهي بتحضن سلوى مش هتاخر يا حبيبتي بس لو ام محمد جت ابقى خدي منها الفلوس قولي لها لما اجي هبقى اكلمها

ردت سلوى حاضر ودخلت تاني المطبخ وبعد دقائق ورقيه نزلت وركبه مع محمود العربيه ومشي اما في جناح فهد صحي من النوم صوت التليفون ورد وقال له عايز ايه يا زفت رد صاحبه ينفع كده حد يقول لي صاحبه حبيبه عايز ايه يا زفت رد فهد لما قلتش عايز ايه هقفل السكه في وشك قال له خلاص انت اتاخرت ليه انت ناسي ان في اجتماع النهارده رد فهد لا مش ناسي وانا هقوم اهو البس واجي لك وقفل السكه في وشه

ودخل فهد الحمام اخذ شاور وخرج لبس بدله وسرح شعره ورش برفانه ومسك التليفون ومفاتيح عربيته وخرج وراح على جناح جده واول ما دخل قال له صباح الخير يا جدو رد عليه صباح النور يا حبيبي عامل ايه رد فهد انا كويس في حاجه رد حمدي بصراحه فيه محمود صاحب عمك سلطان اتصل بيا وبيتوسط لي عشان موضوع الارض اتعصب فهد وقال له بقول لك ايه يا جدي العواطف دي مش موجوده دول كسروا دراع بنت ابنك مش حد غريب رد الجد وانت ما قلتليش ليه

رد فهد عايزني اقول لك ايه ان هم استقوا على بنت وكسروا لها النصبه بتاعتها اللي كانت بتشتغل فيها رد الجد فهد انا عايز حفيدتي النهارده قبل بكره رد فهد اصبر شويه يا جدي والله هجيبها لك بس لازم اظبط الامور وانت عارف ان ابويا بيدور ورانا

رد حمدي هو نسي انا مين وابوك لو اتكلم كلمه كمان او عمل اي تصرف هيشوف مني اللي عمره ما شافه رد فعل طب اهدى يا جدي وتعالى بس نفطر ونبقى نشوف الموضوع ده وانا ان شاء الله هحله رد حمدي ماشي يا فهد واقعد جدو على الكرسي بعجل ونزل بيه في الاسانسير على اوضه السفره

واتكلمت ملك صباح الخير يا عمي رد حمدي صباح النور يا حبيبتي وقرب فارس وقال له ايه يا جدو مالك زعلان ليه رد حمدي وهو بيبص سالم ما فيش يا ابني اصل في شويه مشاكل كده في الشغل رد فارس ازاي يا جدو فهد متابع كل حاجه وما فيش مشاكل

رد سالم اصلها مشاكل عائليه اتكلم حمدي وهو بيخبط ايده على ترابيزه السفره وقال ايه يا سالم هو انا كبرت ولا ايه خايف سالم وقال ابدا يا بابا اتكلم فهد خلاص يا جدو ويلا عشان نفطر عشان تاخد العلاج بتاعك رد حمدي ماشي يا فهد وما تنساش اللي قلت لك عليه رد فهد حاضر

اما في البنك وصل محمود ومع رقيه واتكلم مع الموظف انا جاي بخصوص الوديعه اللي باسم رقيه سلطان حمدي العزايزي رد الموظف ثواني حضرتك وشاف البيانات على الكمبيوتر وقال له وهي فين الرقيه ردت عليه انا موجوده اهو رد الموظف ممكن البطاقه قالت له حاضر وطلعت البطاقه واديتها له وتاكد الموظف من بياناتها

وقال لها هتحبي تعملي حساب لحضرتك هنا ردت رقيه ليه قال لها عشان المبلغ كبير ومش هنقدر نطلعه لك كله مره واحده رد محمود المبلغ دلوقتي كام رد الموظف المبلغ الاصلي للوديعه كان 5 مليون ودلوقتي بقوا 12 مليون جنيه ردت رقيه تمام اعمل لي حساب دلوقتي ب 7 مليون والخمسه خليهم وديعه زي ما هم رد محمود ليه يا بنتي عملت كده

قالت له بعدين يا عمي هبقى اقول لك وفعلا نفذ الموظف وقال لها الفيزا هتطلع بعد يومين تحب ابعتها لك على فين رده رقيه مش عايزه حد يبعتها لي انا هبقى اجي اخدها رد الموظف تمام يا فندم وخرجت مع محمود وركبه العربيه

ومحمود طلع منديل من جيبه وقال لها خدي رقيه الذهب بتاعك اللي انتي جبته لي زمان فرحه رقيه لما شافت السلسله بتاعتها اللي ابوها كان عاملها لها والحلق ورد محمود ما قدرتش اتصرف فيهم عشان عارف ان دولت من ريحه سلطان وكنت خايف اديهم لك لجابر ياخدهم منك ردت رقيه شكرا يا عمي انت ما تعرفش انا فرحت قد ايه رد عليها انا عارف يا حبيبتي ومشي بالعربيه

اما في المستشفى عند منه واتكلم خالد مالك يا منه في حاجه مضايقاك ردت عليه ابدا بس خايفه على رقيه وضحك خالد وقال لها ما تخافيش ده احنا اللي نخاف منها ردت عليه صحيح المشوار اللي انت عايزني فيه رد عليها دي مفاجاه وهتعرفيها لما نروح مع بعض بعد الشغل ردت عليه طيب يلا بينا بقى عشان نشوف المرضى رد خالد طيب يا قمر

اما عند جابر كان في المحل بدا يشتغل وش النظافه وحاطط الحاجه بره المحل وشافه رضا وجري على المعلم بيومي وقال له الحق يا معلم انا شايف جابر بيشتغل في المحل بتاع الحاج مصطفى وكمان جايب الصنايعيه بيركبوا رخامه رد بيومي الموضوع كده في ان روح افهم ايه اللي بيحصل وتعالى قول لي رد رضا من عينيا الاثنين

اما فهد خلص الفطار وخرج هو وفارس على الشركه بعد ما اطمن على جدو وادى له العلاج ودخله الجناح بتاعه واقابل كنان وقال له هات لي ورق الاجتماع واخر الاجتماع خمس دقائق رد كنان تمام وراح على مكتبه وجاب له الورق وهو خارج قابل فارس

وقال له بقول لك ايه اخوك لابس وش الخشب للنهارده ضحك فارس وقال له ما فيش يا عم انت عارف المشاكل اللي بين بابا وفهد وجدو النهارده اتعصب رد كنان طيب خلينا الحقه قبل ما ينفخني ومشي كنان وراح على مكتب فهد ودخل على طول واتكلم فهد اتاخرت ليه رد كنان ما فيش كنت بتكلم مع فارس انت زعلان من ايه رد فهد ما فيش خلينا في الشغل رد كنان طيب يا برنس وضحك فهد على صاحبه وبص على الورق

اما في الورشه عاصي كان بيعمل شغل جديد ويتكلم رامي صحيح يا عاصي خالد هيجيب عربيه النهارده وهجيب الشقه اخر الشهر رد عاصي كويس اصل كنت خايف عليه بس لو احتاج حاجه ابقى قول لي رد ياسين والله انا رايي تدي له الشقه بتاعتك يا عاصي ويشتريها منك بالتقسيط احسن ما يجيب هو شقه بالفلوس كلها

رد عاصي انا بفكر في كده واشتري انا الشقه اللي فوق عشان عجباني اكثر رد رامي خلاص هكلم لك انا صاحب العماره واشوف لك الشقه اللي فوق هتخلص على كام رد عاصي ماشي ونده على الاسطى محمد واداله الشغل الجديد …..