الفصل الثامن عشر

رواية رقية الجزء الثامن عشر 18 بقلم أميرة خالد رقيةرواية رقية الحلقة الثامنة عشر اما عند خالد روح على شقه رامي ودخل اخذ شاور وخرج لبس هدومه ورشه برفانه ومسك مفاتيحه والموبايل وخرج وطلب اوبر وبعد دقائق وصلت العربيه وركب

واتصل على عاصي ورد عليه وقال له الحاجه مع ياسين اتصل بيه واساله رد خالد تمام واقفل معاه واتصل على ياسين وقال له الحاجه فين اللي عاصي قال لك عليها رد ياسين بخلص فيها قدامي نص ساعه واكون خلصتها رد خالد تمام ينفع تيجي لي على بيت رقيه وتجيبها معاك رد ياسين حاضر من عيني يا برو وقفل معاه

اما ببيت رقيه كانت قاعده مع نور وبيتكلموا وقالت سلوى انا خلصت الاكل وبحمر البطه والفراخ ردت رقيه تمام يا ماما قولي لمنه تتصل على خطيبها تشوفه تاخر ليه رده سلوى ما منه في الاوضه متغير هدومها وانتي مش هتقومي تلبسي عبايه ردت رقيه حاضر

وقالت لنور ثواني وراجعه لك تاني قالت لها طيب ودخلت رقيه الاوضه وعبودي قعد مع نور اما في الاوضه منه لبست فستان وقالت ايه رايك يا رقيه ردت عليها زي القمر يا حبيبتي بس تعالي ساعديني البس العبايه ديت ردت منه من عيني الاثنين يا قمر والباب خبط وقام زياد فتح الباب وقال اهلا بابو نسب رد خالد اعمل ايه يا زياد واخبار الدراسه ايه رد عليه كله كويس اتفضل ودخل خالد شاف نور قاعده مع عبودي وبيضحكوا

واقرب عبودي وهو بيقول له ايه اللي انت جايبه ده رد خالد دي تورته فرحه عبودي وقال له هو عيد ميلاد مين ضحك خالد وقال له مش عيد ميلاد حد بس انا قلت اجيبها عشان خاطرك رد عبودي انت بتضحك عليا انت جايبها عشان خاطر منه

رده نور تعالى هنا يا عبودي عيب كده رد خالد ما فيش مشكله ماشي يا سيدي جايبه عشان خاطر منه يعني انت مش هتاكل منها يعني رد عبودي لا هاكل منها طبعا بس هنزل اجيب حاجه ساقعه نشربها جنبيها خرجت سلوى وسلمت على خالد وقالت روح يا عبودي انده لاخواتك وقول لهم ان عمو خالد بره رد عليها حاضر

وخرج جابر وسلم عليه وقعد وفضليه يتكلموا وبعدين دقائق خرجت منه ومعاها رقيه وقام خالد سلم على رقيه وقال لها عامله ايه دلوقتي ردت عليه انا كويسه وبص لمنه وسلم عليها واتكلمت سلوى قومي يا منه معايا نحضر الاكل ردت عليها حاضر يا ماما

واتكلم خالد صحيح يا رقيه هو انتي عملت ايه في موضوع النصبه ردت عليه ان شاء الله هفتح محل خلال الاسبوع اللي جاي رد عليها طب لو محتاجه حاجه قولي لي قالت له شكرا الحمد لله كل حاجه سهله المهم انت دور على شقه رد عليها حاضر وفضلوا يتكلموا وجابر كان بيتكلم معاهم

وبعد دقائق اتكلمت سلوى يلا يا جماعه الاكل جاهز قعدوا كلهم قعد ترابيزه الاكل واتكلم عبودي انا عايز الصدر ما ليش دعوه ردت رقيه من عيني الاتنين يا حبيبي بس اقعد ساكت قال لها طيب وقالت لي نور بتحب الورك ولا الصدر رده نور اي حاجه قالت لها طيب

تليفون خالد رن وكان ياسين ورد عليه وقال له انا تحت انزل خد الحاجه قال له طب ثواني ونازل لك وقفل معاه واتكلمت رقيه في ايه قال ده ياسين تحت هنزل اخد منه حاجه وهطلع ردت عليه عيب كده خليه يطلع يتغدى معانا رد خالد حاضر

وقام واقف بعيد وماسك التليفون واتصلوا على ياسين وقال له اطلع رقيه بتقول لك تعال اتغدى معانا رد ياسين لا يا عم انتم عيله مع بعضيكم رد خالد قالت ايه يا ابني ده صاحبه رقيه هنا وبتتغدى معانا اطلع انت بس رد ياسين صاحبتها مين رد خالد واحده اسمها نور رد ياسين ثواني وهكون عندك واقفل معاه

وبص لنفسه في المرايه وافضل شعره ويطلع البرفان من تابلوه العربيه ورش على نفسه وقفل العربيه وطلع واما عند خالد قال لهم ده طالع قالت رقيه افتح يا زياد الباب قال لها حاضر وانفتح الباب وياسين كان طالع على السلم واول ما شاف زياد سلم عليه ودخل وقال السلام عليكم ردوا عليه السلام واتكلمت رقيه تعالى اتفضل اتغدى معانا رد ياسين عشان خاطر عيونك بس يا رقيه وراح قعد وعينيه كانت على نور ما نزلتش

اما رقيه كانت ملاحظه كسوف نور ونظرات ياسين وفضلوا ياكلوا في وسط هزار عبودي وكلامه وجابر كان حاسس انه كان مضيع من حياته كثير من غيرهم اما في بيت متولي محمود كان قاعد ماسك التليفون وبيتصل على فهد ورد فهد هو كان قاعد جنب جدو وقال السلام عليكم رد محمود وعليكم السلام ورحمه الله وبركاته قال له مين معايا رد محمود انا محمود الهلالي رد فهد اهلا وسهلا اقدر اساعدك في حاجه

رد محمود ايوه احنا دلوقتي في مشكله بينا والارض اللي احنا بنبني عليها انت قلت ان هي بتاعتك واحنا شارينها من المالك الاصلي ضحك فهد وقال له يعني انت مش عارف انا عملت كده ليه رد محمود لا عارف ومتاكد ان جدك هو اللي قال لك تعمل كده

رد فهد وانت عاجبك اللي ابوك عمله كل ده كان بيسمعوه العيله وفوزي كان خايف من كلام فهد واسلوبه رد محمود ما كانش عاجبني بس هنعمل ايه غلطه ضحك فهد وقال له ولا عاش ولا كان اللي يغلط في بنت سلطان العزايزي ونسكت له رد محمود طب الحل ايه

رد فهد تشتري الارض من اول وجديد واذا كان عاجبك ولو مش عاجبك خلاص رد محمود بس ده مش حل الارض تسوى كتير وانا معيش فلوس اني ادفعها ثاني رد فهد وده اللي عندي واذا كان عاجبك وهسيب لك يومين وترد عليا ولو ما ردتش انا هاجي اكمل العماره وهاخدها لي

رد محمود طب اهدى بس خلينا نحلها نص عليك ونص عليا ضحك فهد وقال له الكلام ده مش عندي وابقى اسال عليا الاول قبل ما تتكلم معايا وقفل السكه وعاصي كان متضايق من كلام فهد وقال له ازاي يا بابا تسمح له يكلمك كده رد محمود يا ابني انت ما تعرفش العيله دي عامله ازاي ويا ريتك ما لكش دعوه بالحوار ده وانت يا بابا رايك ايه

رد متولي مش عارف بس كل اللي عايز افهمه هم عرفوا منين انها تبقى بنت سلطان بالسرعه دي ضحك كامل وقال له ايه يا بابا انت نسيت العيله دي مركزها ايه في البلد ولا فلوسهم قد ايه ده كلمه منهم ممكن يوقفوا المصالح السايره رد متولي بعصبيه سيبوني افكر واشوف اعمل ايه والارض دي تسوى كام عشان هم عايزين الفلوس دي كلها رد فوزي بخوف الارض دي كانت ب 30 مليون جنيه

رد متولي كمان طب بقول لك ايه يا محمود اتصل بيه تاني بكره واعرض عليه 15 مليون رد كامل كده يا بابا مش هيبقى في سيوله في البنك لينا رد متولي لا ما تخافش مش هاجي جنب البنك انا هبيع الارض اللي في البلد رد محمود طب يا بابا يلا تصبح على خير وطلع محمود وعيلته شقته وكامل وفوزي

اما فيله العزايزي فهد بص لجده وقال له ايه رايك رد حمدي اكني شفت عمك وهو بيتكلم رد فهد ممكن اسالك سؤال يا جدو من غير زعل رد حمدي انا عارف انت عايز تسال ايه وهجاوبك عمك سلطان كان ماسك الشغل كله وكان في بنت سكرتيره شغاله عنده لافت عليه وهو حبها مع انه عارف انه هيتجوز من بنت نائب مجلس الشعب بس هو حب السكرتيره وباع الدنيا كلها عشان خاطرها وانا قلت له لو هتتجوزها ملكش حاجه عندي مع ان الشركه كانت باسمه لقيته مطلع ورقه وفيها تنازل عن الشركه والحاجات اللي يملكها

واخذ شنطه هدومه وماشي وراح اتجوز وقعد مع صحابه محمود الهلالي وكامل وجابوا له بيت قديم واتجوز فيه وخلف رقيه وطبعا انا ما كنتش اعرف عنه اي حاجه والدنيا لهتني رد فهد طب يا جدو ليه دلوقتي عايز ترجع رقيه رد حمدي عشان ده حقها يا ابني ولازم تاخده الشركه والارض والفلوس اللي كانت في البنك كانوا بتوع سلطان غير ورثه اللي هيبقى مني

رد فهد طب يا جدو هنروح لها امتى ونكلمها رد حمدي انت مش قلت انها ما بيهمهاش حد واخر حاجه كانت حبسه جوز امها عشان يتربى ضحك فهد وقال له ايوه يا جدو وكمان لها علاقه بسياده اللواء طه الدسوقي وكمان هو اللي قدم لها الجامعه مع بنته

رد حمدي طب انا عايزك تتصل بيه وتقول له ان انا عايزه اشوفه يمكن هو اللي يقدر يساعدنا رد فهد ليه كل ده يا جدو واللفه الطويله ديت خليني انا اروح لها واتكلم معاها رد حمدي طيب يا فهد شوفها هي وصلت لايه وانا هقول لك امتى تكلمها قال له ماشي وخرج فهد من جناح جدو

وقابل امه وقالت له ايه يا فهد مش هتتغدى قال لها لا يا ماما انا اتغديت مع جدو قالت له طيب يا حبيبي اخوك هيجي امتى من السفر رد عليها كمان اسبوع قالت له طيب عمتك تحت ومعاها بنتها رد فهد طب يا ماما انا ورايا شغل ولازم انزل قالت له طيب وخرج فهد وركب عربيته

اما في بيت رقيه خلصوا اكل واتكلم خالد فين ياسين الحاجه رد عليه اتفضل يا عم ورقيه قالت اعمله الشاي ورده نور انا اتاخرت قوي لازم امشي رده رقيه خليكي قاعده معايا شويه وانا ممكن اتصل بعمي واقول له خليكي قاعده شويه ردت نور حاضر عشان خاطرك بس وجت منه بالشاي والحلويات

واتكلم خالد بص يا رقيه احنا كتبنا الكتاب بسرعه وما لحقتش اجيب الشبكه فجبتها النهارده ردت رقيه ما فيش مشكله واطلع خالد العلبه القطيفه وفتحها واول ما سلوى شافتها زغرطت ورقيه كانت معجبه بالسلسله قوي انها شكلها حلو ونور قالت بصراحه الحاجه شكلها جميله جدا رد ياسين ما ده شغل عاصي اللي ما بيعملهوش لحد خالص

ردت نور بجد تسلم ايديك واتكلم خالد ما تيجي يا عروسه عشان تلبسي حاجتك واتكسفت منه وقعدت جنب خالد وزياد مسك التليفون بتاع منه وفضل يصورهم وخالد بيلبسها الدبله والخاتم والسلسله وسلوى بتزغرط واتكلم جابر مبروك يا بنتي ردت عليه بكسوف الله يبارك فيك يا بابا

وخالد قرب من ودنها وقال لها انتي زي القمر النهارده واتكسفت منه وعبودي قال ما تيلا يا ماما حط لنا التورته عشان ناكل حاجه مسكره ضحك الكل وردت سلوى ليه يا حبيبي دايخ ولا حاجه قال لها لا بس حاسس ان انا مهبط وعايز اكل حاجه مسكره ضحك جابر وشاله على رجله

وقال له من عيني يا عبودي هنجيب لك احلى تورته رد عبودي لا انا عايز تورته عمو خالد ردت رقيه حاضر هاتي يا ماما التورته وبداوا يقطعوا وقعدوا في جو عائلي جميل وبعد وقت قامت نور وقالت انا لازم امشي رده رقيه ماشي يا حبيبتي مش هاخرك وان شاء الله اسبوع وهنزل معاكي

ردت نور تمام يا حبيبتي وقامت عشان تنزل وتكلم ياسين وانا كمان ماشي محتاج حاجه يا برو رد خالد لا ونزل ياسين ورا نور اللي كانت راحه تركب العربيه وتكلم يا انسه نور وقالت له في حاجه رد ياسين بصراحه كده ومن غير لف ودوران انا معجب بيكي وعايز رقم تليفونك عشان نتكلم ونتعرف على بعض

ردت نور انا اسفه ما بتعرفش على حد ولو عايز رقم معايا رقم بابا اتصل عليه وهو يتعرف عليك كويس اتكسف ياسين وقال لها طب يا انسه نور كانت دخلت العربيه ومشيت بيها وهو اتضايق وقال اكيد سكتها جواز طب ما انا عايزه اتجوزها انا اروح اكلم جدو وراح ركب العربيه

اما في شقه رامي كان قاعد بيكلم ايات وبيقول لها مالك يا بنتي متضايقه ليه قالت له الدنيا متلخبطه قوي في البيت هنا قال لها ليه قالت له الارض بتاعه جدو اتخذت قال لها لا كده اهدي شويه كده واحكي لي كل اللي حصل قالت له طيب خالد فين قال لها خالد عند خطيبته ولسه ما جاش

ردت ايات طيب وقعدت حكيت له كل حاجه ورد رامي يعني عيله رقيه جامده كده قالت له ايوه واكتر من كده وده اللي فهمته من خاله محمود وخاله كامل رد رامي طب احنا هنعمل ايه انا كنت عامل حسابي اني اجي اكلم اهلك الاسبوع ده ردت عليه مش هينفع خالص اصبر شويه وفضلوا يتكلموا

اما عند عاصي كان قاعد في اوضته ومسك التليفون واتصل على شخص وقال له جبت المعلومات رد الشخص ما عرفتش اجيب اي حاجه غير ان الناس كلها عارفاها انهم محوطين على نفسهم جدا رد عاصي طب ايه المعلومات اللي انت جبتها رد الشخص ان حمدي العزايزي كان عنده ولدين وبنت سالم العزايزي الكبير وده متجوز من بنت الوزير السابق ومخلف ثلاث صبيان اثنين متجوزين وواحد لسه والكبير هو اللي مش متجوز واسمه فهد والاثنين الثانيين اسمهم فارس وفريد ودوله التوام

ومتجوزين من بنات رئيس مجلس الشعب اما بنته اسمها حليمه وديت متجوزه رجل اعمال ومخلفه منه بنت وولدين وليه ابن الثالث اسمه سلطان وده ما فيش اي معلومات عنه غير انه ساب العيله من زمان وفهد اللي ماسك الشغل بتاع العيله وماسكها قبضه من الحديد وعنده شركته الخاصه غير املاك العيله وهو ده اللي انا عرفت اجيبه وما فيش اي معلومات تانيه رد عاصي طب وفهد ده نظامه ايه

رد الشخص قوي جدا وقاسي واي حاجه يقدر يحلها باساليب ملتويه ولو حد ضايقه بينصفه في خلال يوم ويخليه على البلاطه رد عاصي وهو متضايق طيب لو عرفت اي جديد يتصل عليا وقفل معاه وقال هنعمل ايه مع العيله ديت ربنا يستر

اما عند فهد كان قاعد مع صاحبه وبيتكلموا ورد كنان هتعمل ايه يا صاحبي بعد ما اجيب لك قال لك هتتجوز بنت عمك ضحك فهد وقال له وايه المشكله البنت حلوه ومتعلمه وعفرك كثير يعني هبقى مطمن وانا متجوزه لو في يوم وقعت هي هتبقى في ظهري وانت عارف ان انا عمري ما حبيت واحده ولا كان لي علاقه باي بنت

رد كنان ما هو ده اللي مجنني ان انت موافق على الكلام ده مع ان امك حاولت معاك كثير تتجوزك بتجيب لك ملكات جمال واحلى من بنت عمك دي وانت ما رضيتش رد فهد مش يمكن ما لقيتش اللي تقدر تشيل اسم فهد العزايزي رد كنان وبنت عمك هي اللي هتقدر تشيله

رد فهد اللي انا عرفت عنها يخلي لي احبها وانا مغمض وكمان مش بالشكل اذا كان جمال رقيه بسيط انا راضي بيها حتى بشكلها اللي كانت بتقف فيه نصبه الفول والطعميه رد كنان يعني انت بتحبها رد فهد جدا وهقول لك على حاجه قال له قول انا كنت اعرف كل حاجه عنها من سنتين بس ما كنتش قايل لجده وكنت عايزه اعرف هتعمل ايه في حياتها هتعافر ولا لا

رد كنان ازاي رد عليه انا عرفت ان كانت بتبيع فول وطعميه وكان جوز امها بيعذبها وخرجها من التعليم وكنت هتدخل بس بعد كده عرفت انها بتتعلم وبتحوش فلوس وشايله البيت وده اللي خلاني صبرت وقلت عايزه اجيب اخرها ولما جدو قال ان انا هتجوزها انا فرحت رد كنان ماشي يا عم ربنا معاك وربنا يستر من ابوك

ضحك فهد وقال له ابويا ما يقدرش يعمل حاجه عشان عارف ان كل حاجه في ايديا ولو انا غضبت هو مش هيقدر يمسك الشغل عشان اللي عمله زمان قولوا لجدو كان زماننا مفلسين رد كنان طب يا عم هتروح ولا هتبات معايا رد فهد لا مروح ويلا سلام وخرج ركب العربيه ومشي وهو سرحان في اول مره شايف فيها رقيه

اما بيت رقيه خالد قام عشان يمشي وقال هتروحي بكره المستشفى يا منه ردت عليه ايوه قال لها طيب و لرقيه وجابر وقال لهم بعد اذنكم يا جماعه عايزه اخذ منه بعد الشغل معايا في مشوار رد جابر طيب يا ابني بس ما تتاخروش قال له طيب يا عمي وخرج خالد وطلب اوبر وروح

اما رقيه قالت لهم انا تعبانه وهدخل انام واعمل حسابك يا جابر تصحى من بدري عشان ام محمد هتجيبي الفلوس بكره ونروح نتفق مع التجار وتجيب الحاجه اللي لازماك للمحل رد جابر حاضر ودخلت رقيه غيرت هدومها ولبست بيجامه ونامت على السرير

اما خالد وصل البيت وبعت رساله لمنه ودخل الاوضه غير هدومه ولابس ترنج ونام على السرير وهو فرحان ان منه بقت على اسمه وماسك التليفون وفتح البرنامج بتاع البنك و بص رصيد في البنك وقال ان شاء الله هجيب العربيه بكره والشقه اما العفش هصبر شويه لغايه اخر الشهر وهجيبه كله …..