الفصل السادس

رواية ويبقى الأثر الجزء السادس 6 بقلم آلاء وائل ويبقى الأثررواية ويبقى الأثر الحلقة السادسة =بنت مين حياه بصدمه=انا قولت بنت حد =اه قولتى لو عرف انا بنت مين هيطردنى بره الشركه =انا قصدى على المسلسل إلى بنشوفو =اه صح هى كانت بتتكلم عن المسلسل البطله قالت لو هو عرف انا بنت مين هيطردنى من البيت لأنهم متجوزين وكده نظر يونس لحياة بشك =واسم المسلسل اى بقى على كده

نظرت حياة لفريده لكى تنقذها من هذا الموقف وردت فريدة= مسلسل اسمه من هى امك = والله من هى امك متأكده أن ده اسم مسلسل رد حياه تلقائيا=متمشى الدنيا هنام فين أنهارده فى اوضه ولا فى الشارع واتى ابراهيم فى هذا الوقت = خدو يا بنات دى مفاتيح الأوضه ردت حياة =فين مكانها =الدور التانى اول اوضه على ايدك اليمين

واخذت روح المفتاح وأخذت فريدة وذهبت مسرعه حتى لا يسألها يونس اى سؤال مره اخرى وذهبت إلى الغرفه كما وصف لها ابراهيم ودخلوا الى الغرفه =فى اى يا بنتى محدش بيجرى ورانا = اكيد شك فيا = هو انتى عندك شك فى كدا ده اكيد شك فينا ربنا يستر علينا = طب والعمل يا فريدة انا لو فضلت اشوف نظراته ليا كدا طول الاسبوع هعترف فى ثانيه = لا بقولك اى متضعفيش الله يهديكى خليها تعدى على خير لحد ما نرجع مصر

= وبعدين ده اسم مسلسل تقوليه انتى كمان = على اساس انا مقطعه المسلسلات اوى اهو اى حاجه جت فى دماغى بقى =انا خايفه يدور ورايا = من ناحية كده متخافيش اتأكدى علشان بتتكلمى معايا فى أوقات غلط اصلا =ربنا يستر = خير خير فى الغرفة الأخرى بجانب غرفة حياة كان يونس يجلس على السرير ويفكر فيما قالته حياه إلى أن أتى صديقه =بتفكر فى اى يا يونس شاكك فيها برضو = انت مكنتش واقف ولا سمعت إلى سمعته = وسمعت اى

= كانت بتقول لصحبتها لو هو عرف انا بنت مين هيطردنى اكيد هى قصدها اى بالكلام ده =ممكن تكون بنت ناس غنيه أو بنت صاحب شركه عدوه لينا مثلا =لا وبعدين لو غنيه هتبقى مش لاقيه تدفع مصاريف اخواتها =اه صح اومال بنت مين =ثوانى كده لو طلع إلى فى دماغى صح هتبقى كارثه كبيره فعلا =اى إلى فى دماغك =ممكن تكون بنت فوزيه

= مش وسعت منك شويه دى انت شوفت حياه أسلوبه واحترامها وكلامها وحبها لخواتها حتى ردودها على اسئلتك فى التقديم ازاى دى تبقى بنت فوزيه = اومال بنت مين طيب =بلاش تفكر كتير تلاقيها كانت بتتكلم مع صحبتها عن روايه أو مسلسل أو حاجه =ما هما قالولى كدا بس أنا مش مصدق ومش هسكت الا لما اعرف = يعنى خلصت من راندا تدخل على حياة صح كدا

= انا مش بشك فى حياه ولا شايف انها انسانه وحشه زى ما كنت بشوف راندا أنا بس عايز اعرف هى مخبيه اى مخوفها اوى كده ومخليها كمان تبعد عنى وتخاف نظر له ابراهيم بشك ورفع حاجبه =تهرب منك هاا أنا عديت إلى حصل فى الطياره وقولت بتخوفها بس أنا كده عرفت تكملة الكلمه بدأ يونس يشعر بالتوتر من ابراهيم =تكملة كلمة اى انا مش فاكر انا قولت اى اصلا انت فهمت غلط هى مجرد موظفه عندى وبس

=مم موظفه عندك ماشى بس بصراحه البت حلوه وتتحب انا لو منك لو لقيت واحده روحها حلوه كده وأخلاقها عاليه كده وصوتها لوحده يخلى الواحد يحس براحه نفسيه اكيد مش هسيبها ده كفايا أنها ملتزمه يسلام زوجه متكامله نظر له يونس بغضب جعل ابراهيم يخاف منه= انت قولت اى من شويه سمعنى كدا ابرهيم بخوف= قولت اى مش فاكر قالها بغضب وصوت عالى نسبيا= قولت اى يا ابراهيم =انت متعصب ليه مش هى مجرد موظفه عندك

نظر له يونس بغضب وانسحب قبل أن يفعل شئ بصديقه وذهب ليهدء أعصابه فى الهواء الطلق = مجنون والله كل ده علشان ميعترفش بدأ يونس بالهدوء نسبيا ولا يعرف لماذ حدث هذا =انا اتعصبت اوى كده ليه و اى الحركه إلى عملتها فى الطياره دى برضو انا حاسس انى مش مظبوط حقيقى يمكن اعصابى تعبانه شويه = اعصابك و لا دماغك إلى تعبانه = عايز اى يا ابراهيم = يابنى انت ليه مطنش مشاعرك خايف تحب يعنى =لا مش خايف ولو بحب هقول = ما هو واضح

= خير جيت ورايا ليه = اكيد موحشتنيش يعنى الوفد كلمنى وعندنا اجتماع بعد ساعتين فى مطعم وبعتولى اللوكيشن = تمام حاجه تانيه = هتبلغ البنات ولا أقولهم انا = قولهم انت = ماشى براحتك = ولا اقولك استنى هقولهم انا ضحك ابراهيم على غباء صديقه= الحب بيعمل اكتر من كده = امشى يلا ذهب ابراهيم وهو يضحك على صديقه ذهب يونس لكى يخبر الفتيات وصل امام غرفتهم وطرق على الباب = مين إلى جاى قبل ما ننام ده

= مش عارفه روحى يا حياه شوفى مين عايزه انام = يعنى انا إلى مش عايزه = يلا بقى خليكى جدعه = حاضر ارتدت روح اسدالها وذهبت وفتحت الباب =يونس بيه نعم فى حاجه فرح يونس لأنها من قامت بفتح الباب ولكن حول ملامحه وجعلها أكثر جديه = عندنا مؤتمر بعد ساعتين هنعدى عليكو قبلها بساعه عقبال ما نروح لأن انتى عارفه عقبال ما نعرف المكان بالظبط ونسأل لأن ساعات اللوكيشن بيتوه =نعم احنا كنا هنام

= اجلو النوم دلوقتى وأجهزو انا عارف البنات بتاخد سنه عقبال ما تخلص = ليه هنتزوق ولا شايفنا بنحط ميكاب =مش مهم بقى بتعملوا اى المهم تكونو جاهزين لما نعدى عليكو =طيب حاجه تانيه =لا وذهب يونس وأغلقت حياة الباب وكانت تقفز غضبا لأنها كانت تريد النوم بشده وذهبت واخبرت فريدة التى تضايقت أيضا لأنها تريد النوم هى الأخرى فى القاهره خاصتا فى منزل فريدة كانت ملك تحضر الطعام ونور جالسه مع والدة فريدة وتتحدث معاها

=هو حضرتك يا طنط معندكيش ولاد تانى غير فريدة = لا عندى ابن تانى بس هو مسافر فى شغل = بره مصر = اه مسافر ايطاليا = طب وليه مروحتوش معاه = لانى مش بحب السفر يابنتى بحب ابقى فى بيتى وبس وهو قال فتره وهيرجع مش هيقيم هناك = ربنا يوفقه = امين يارب واتت ملك بعد أن أنهت الطعام = معلش يا طنط انا عارفه أن نور رغايه اوى = لا والله ابدا هى عامله زى بنتى فريدة اوى بتحب تتكلم وتسأل كتير لكن انتى عامله زى حسن هاديه =حسن مين

= حسن ابنى الكبير اكبر من فريدة بسنتين =ماشاء الله ربنا يباركلك فى عمره بس أنا مشوفتش حد هنا = هو مسافر بقالو ٣سنين =ربنا يوفقه = يارب الله اى ريحة الاكل الحلوه دى باين عليكى ست بيت شاطره = متعلمه من اختى بتعرف تطبخ حلو اوى هى كمان =اومال فين مامتك = الله يرحمها ماتت من سنين هى وبابا = ربنا يرحمهم انتو عايشين مع اختك بس يعنى مفيش عم أو خال سأل = ولا اى حد فكر فينا خالص

حاولت سهير تغير الموضوع حتى لا تحزن الفتيات = ريحت الاكل فظيعه انا جوعت اوى = ثوانى الاكل يستوى وهغرف وفجأه استمعت إلى طرقات على الباب = مين إلى جاى دلوقتى ده = خليكى يا طنط انا هروح افتح ذهبت ملك وفتحت الباب ووجدت شاب فى أواخر العشرينات يقف أمامها = نعم مين حضرتك = انتى إلى مين ده بيت أهلى وقالت سهير بصوت عالى = مين يا ملك = معرفش يا طنط واحد بيقول أنه بيته

ذهبت سهير لتعرف من هو وصدمت عندما رأت ابنها وأخذته فى احضانها = حسن حبيبى مقولتش ليه انك جاى كان حسن ينظر إلى ملك بتعجب = انا قولت اعملك مفاجأه بس أنا إلى اتفاجأت مين دى = دى ملك يبقو جيرانا = وهى قاعده معاكى ليه وفين فريدة = فريدة فى سفرية شغل يابنى بره البلد وهى وصحبتها وصحبتها سابلتى إخواتها يقعدو معايا هنا لحد ما يرجعو اهو نبقى مع بعض = سافرت امتى ومقالتليش ليه = اتصلت بيك بس تليفونك مكنش بيجمع يابنى

= اى ريحة الاكل الحلوه وحشنى اكلك يا ست الكل = ادخل طيب هتفضل واقف على الباب كدا ودخل حسن إلى المنزل ولكن شعرت ملك بضيق هى واختها وقررت أن تطعمهم وبعدها سوف تذهب هى واختها لأنها لا تستطيع أن تجلس بوجود رجل غريب فى منزل واحد وذهبت وجهزت الطاوله ووضعت الطعام وذهبت واخبرتهم واتو وبدأو بتناول الطعام = ياااه وحشنى اكلك يا ست الكل = انت نسيت اكلى ولا اى يا واد = لا ازاى =ده مش اكلى ده طبخ ملك تعجب حسن= اكل الطفله دى

ردت ملك بضيق= مين دى الى طفله =ملك بتدريس فى الجامعه يابنى = بس شكلها طفله اوى = برضو هيقولى طفله =خلاص يا ستى متكبريش الموضوع وبعد أن انهو الطعام جلس حسن مع والدته وذهبت ملك واعدت الشاى وذهبت إلى والدة فريدة لتخبرها بما تريد = كنت عايزه اتكلم مع حضرتك فى حاجه = قولى يا بنتى مفيش حد غريب = كنت عايزه ارجع شقتى انا ونور = ليه يابنتى شوفتى منى حاجه زعلتك ولا زعلتى من حسن

= لا طبعا يا طنط العفو بس حضرتك انا مش هقدر انا واختى نقعد مع راجل غريب فى بيت واحد وطبعا مش بقول لحضرتك يمشى او حاجه ده ابن حضرتك وده بيته علشان كدا هرجع انا ونور الشقه تعجب حسن مما قالته ملك= واى المشكله فى انى موجود يعنى هو انا هكلك = حضرتك انت راجل غريب يعنى اجنبى وحرام أنى اقعد معاك فى نفس البيت = اجنبى ده شكل واحد اجنبى = يا حسن يابنى قصدها انك غريب عنها حتى مش اخوها ومحلل ليها = ايوه عايزانى امشى يعنى ولا اى

= انا مقولتش كده انا قولت هنطلع انا واختى بيتنا علشان كل واحد ياخد راحته = انتى مكبره الموضوع اصلا انا مش بقعد هنا انا بقعد فى الشقه إلى قدامكو دى علشان اشتغل براحتى = انا مش قصدى اخليك تسيب البيت والله = يابنتى هو اصلا مش بيقعد معانا انا وفريده هنا هو بيقعد فى الشقه التانيه كان فارشها وبيشتغل فيها وينام وبيجى ياكل وخلاص = انا مش عايزه اعمل ازعاج لحد

= لا يابنتى ولا ازعاج ولا حاجه أنا فرحت انى سمعت الكلمتين دول منك والله ربنا يبارك فيكى وفى كل إلى زيك = انا هستأذن انا واسيبكو براحتكو وخرجت ملك وجلست امام النافذ فى الهواء وشردت =انتى ليه خلتينا نعمل كدا قدمها = كنت عايزه اعرف اخلاقها مش بشك فيها والله بس اول مره اتعامل معاهم قولت اشوف ردت فعلها وانت عملى فيها ملحد مش عارف دينك يااهبل وتقولها اى يعنى ومش عارف يعنى اى اجنبى انا قولت اعمل عبيط مش تخرج عن المله

= خلاص يا ستى مش اتأكدتى مش مهم بقى انا عملت اى = روح ادخل شقتك يلا ونام وانا هروح اشوف البت دى لحسن تكون زعلت باين عليها غلبانه وهاديه اوى = ماشى وذهب إلى الغرفه المجاوره فهى بالفعل تشبه الغرفه ولكن كبيره قليلا

وكان يفكر حسن فيما قالته ملك=حلوه ومحترمه ومحجبه وأكلها حلو وملتزمه هعوز اى تانى بس مش راندا اكل محروق وذنوب شغاله وبس هقرب منها ازاى دى بس شكلها هتتعبنى معاها بس أنا مش عايز منها حاجه وحشه يمكن انا استغليت راندا بس عمرى ما عملت معاها حاجه غلط لأن مستحيل احب بنت خاينه بس حاسس ان كل إلى جاى حلو وهتفرج.