الفصل الخامس

رواية ويبقى الأثر الجزء الخامس 5 بقلم آلاء وائل ويبقى الأثررواية ويبقى الأثر الحلقة الخامسة = يونس حبيبى مش مصدقه انك بتتصل بيا = اهلا بالمخلصه =انت بتتريق صح =انتى فين يا راندا = هكون فين فى الشغل = مم متأكده = انت عارف انى مش بحب الكدب رد يونس بسخرية= هبعتلك كام فيديو كدا من إلى قلبك يحبهم = رومانسيه وكدا = اه طبعا الفيديوهات بتثبت انا بحبك قد اى = ماشى هقفل بقى علشان مشغوله = ماشى يا سيدة الأعمال

أغلق معاها يونس وارسل إليها الفيديوهات التى ارسلها إليه ابراهيم ولم تنتظر سوى دقائق قليله وعاودت الاتصال بيونس نظر يونس للهاتف وابتسم وقام بالرد= الو سيدة الأعمال خلصتى بسرعه دى ردت راندا بغضب= اى إلى انت باعته ده انت بتراقبنى يا يونس رد يونس بغضب= ده إلى فارق معاكى أنى براقبك لكن القرف إلى انتى بتعمليه ده عادى بالنسبالك انك بتخونينى وبتكدبى ده عادى وانك واخدنى علشان الفلوس ده عادى انتى فعلا انسانه مقرفه

= يووونس احترم نفسك = انتى لسه شوفتى حاجه انا هوقع شركتكو وهخليكى انتى واهلك على الحديده انا هعرفك ازاى تلعبى على يونس العامرى =يونس انا عارفه انى غلطت لو عايز تسبنى ماشى لكن ملكش دعوه بالشركه هنعيش ازاى = يعنى حتى مفكرتيش فى اهلك كل تفكيرك فى الفلوس انتى انسانه جشعه اوى بس متقلقيش هخليكى تجربى الفقر ولعلمك الفقر مش حاجه وحشه على الأقل هتتعملى حاجات عمرك ما عرفتيها فى حياتك انا كدا بكرمك وبربيكى

= يونس بالله عليك متعملش كده = كل حاجه بينا انتهت وبابا انا هعرفه كل حاجه والشراكه بين العيلتين انتهت سلام يا مخلصه = يووووونس أغلق يونس الهاتف دون سماع الرد وكان بداخله يشعر براحه كبيره أنه تخلص من راندا وأصبح حر بالفعل أغلقت راندا الهاتف وكانت تبكى بشده وتعجب اصدقائها من حالتها = مالك يا راندا بتعيطى كدا ليه ماله يونس

ردت راندا ببكاء =يونس عرف كل حاجه انا انتهيت كل حاجه انتهت وقالى أن هيلغى الشراكه وهيخلينا انا واهلى على الحديده هعمل اى لو الشركة وقعت وخسرنا كل حاجه كدا هبقى فى الشارع رد صديق راندا =انا اسف يا راندا بس أنا كدا مش هينفع اكمل معاكى = قصدك اى يا حسن = انا مش هقبل أمشى مع واحده مش هتبقى من مستوايا معلش بقى شوفى واحد يبقى من مستواكى وكملى معاه = انت بتتكلم جدا انا حبيتك انا قولت الكل هيسبنى الا حسن

= متحسسنيش أنى وحش وانتى كنتى ماشيه مع راجل على خطيبك وكنتى بتفكرى فى الفلوس وبس محسسانى انك بعد كل ده هتاخدى واحد مخلص ليكى وانتى مكنتيش كده اكيد لا انا ماشى سلام = حسنننن وتركها وذهب وتركها الباقى وظلت صديقتها المقربة هى التى بجانبها =أهدى يا راندا اكيد هنلاقى حل =غريبه ممشتيش ليه انتى كمان = انا مش وحشه اوى كدا يا راندا انا عارفه انك طيبه وقلبك ابيض وكلنا بنغلط ومهما حصلك هفضل جمبك متخافيش = شكرا يا ياسمين

انتهى اليوم وذهب الجميع إلى منزله واتفقت حياة مع فريدة أنها سوف تتحدث مع اخواتها وسوف تحضرهم غدا قبل ذهابهم إلى المطار دخلت حياة ووجدت ملك جالسه فى انتظارها مثل كل يوم وذهبت وجلست بجانبها = انا هقوم احضرلك الاكل = لا استنى عايزاكى فى موضوع = فى اى قلقتينى = انا عارفه انك هتزعلى من إلى هقولو بس أنا عندى سفر اسبوع انا والله مش عايزه اسيبكو بس السفر ده هو إلى هيحل مشاكلنا = طب وانا ونور هنقعد ازاى لوحدنا

= بصى هو فى اقتراح وانتو ليكو حرية الاختيار = اى هو =انتى ونور هتقعدو عند مامت فريدة صحبتى الاسبوع ده لحد ما اجى انا عارفه انكو مش هتبقو مرتاحين بس أنا لسه قدامى كتير على القبض ودى الفرصه الوحيده إلى هقدر ادفع بيها مصاريفكو = ماشى يا حياة روحى انا معنديش مشكله بس أتصلى بينا على طول = اكيد هكلمكو بس اتبقى قرار نور اتت نور من خلفهم وكانت لم تنم بعد = روحى يا حياة = انتى لسه منمتيش

= كنت مستنياكى علشان اقولك جالى انذار علشان المصاريف بس طالما سفرك ده الحل لكل مشاكلنا روحى يا حياة = متزعلوش منى انا مكنتش هسافر والله بس حستها اشاره من ربنا لياا وفرصه = انا مش زعلانه منك يا حياة ولا كمان نور زعلانه احنا المفروض نفرحك لأنها فرصه كويسه ليكى = ربنا يكملكو بعقلكو =يلا ناكل بقى حياة بإبتسامة = يلا ذهبوا جميعا إلى مائدة الطعام ليأكلو

فى منزل فريدة ذهبت لتجهز الطعام وكانت متردده للتحدث مع والدتها وانهت الطعام ووضعته على المائده وذهبت لتنادى على والدتها ووجلسو على المائدة كانت متردده ولاحظت والدتها ذلك وقررت البدأ بالحديث اولا =قولى إلى عندك يا فريدة من غير خوف =هو بصراحه كدا عندى سفرية شغل بره البلد لمدة أسبوع = نعم اسبوع وبره البلد انتى عارفه انى مش ببقى مطمنه وانتى مش فى البيت تقولى سفر

=عارفه والله بس دى فرصه حلوه لينا علشان علاجك علشان تعملى العمليه وتبقى كويسه =ايوه بس اسبوع كتير علياا يابنتى = ماهو فى حل والرأى رأيك =اى هو = فى واحده صحبتى سكنا هنا فى نفس العماره انتى تعرفيها حياة هى هتسافر معايا واخواتها هيقعدو معاكى =بس اكيد اخوتها مش هيبقو مرتاحين = ما هى هتقنعهم بده لأنها بردو محتاجه فلوس علشان تغطى مصاريف إخواتها = مش عارفه اقولك اى يابنتى روحى بس ابقى طمنينى عليكى على طول =طبعا يا امى اكيد

وبدأو بتناول الطعام انتهى اليوم وبدأية يوم جديد وبدأت حياة بتجهيز اغراضها فى الحقيبه وأخذت اخواتها وجهزت اغراضهم للجلوس بالاسفل مع والدة فريدة اتصلت حياه بفريدة واعلمتها بقدوها وذهبت هى واخواتها ووجدتها بإنتظارها =جاهزه =اه وجهزت اخواتى اهم بس خايفه اكون بزعج مامتك واتت والدة فريده فى هذه اللحظه =اهلا يابنتى عامله اى =الحمدلله يا طنط وحضرتك عامله اى = انا بخير يابنتى = اسفه يا طنط على الازعاج إلى هسببهولك

= لا يا بنتى ولا يهمك دول زى بناتى وفى عينى = ربنا يخليكى تعالى يملك انتى ونور سلمو على طنط يلا = ازى حضرتك يا طنط = عامله اى يا طنط = انا بخير يا حبايبى ادخلوا هتفضلو واقفين كدا = ادخلو يابنات واحنا هنمشى بقى يا ماما عايزه حاجه = خلى بالكو من نفسكو يابنات وخليكو على طول مع بعض متسبوش بعض ابدا = حاضر ياماما احنا ماشين بقى يلا سلام

وودعت حياة اخواتها وفريده أيضا ودعت والدتها وذهبوا الى المطار حيث كان ينتظرهم يونس وإبراهيم نظر يونس إليهم ووجد على ملامحهم الحزن الشديد = انتو ليه محسسنى أننا مهاجرين مكنش اسبوع هو = مخلاص يا يونس سيبهم وهما هيتعودو نظرت حياه ليونس بغضب= حضرتك انا ماشيه وسايبه ورايا اخواتى البنات وهما صغيرين وفريده سايبه مامتها المريضه طبيعى هنكون زعلانين = مش ملاحظه ان لسانك طول = وانت مش ملاحظ انك بارد

نظر لها يونس بغضب= مين ده إلى بارد اجابه ابراهيم = انت هيكون مين غيرك وهى عندها حق واسكتو بقى وخلينا نخلص من ام السفريه دى وذهبوا وجهزو كل أوراقهم وصعدو على الطائره كانت حياه خائفه هى وفريده كانو متمسكين ببعضهم ورأها يونس وضحك بشده = شكلكو مسخره بتخافو من الطياره نظرت له حياه بغضب =اى إلى بيضحك طبيعى كل شخص عنده حاجه يعنى انت مش بتخاف من حاجه مثلا وكمان احنا اول مره نركب طياره

ردت فريده هى الاخرى = حياه عندها حق إلى انت بتعمله ده اسمه لعب عيال نظر ابراهيم ليونس بغضب= عجبك كده فى ناس كتير بتخاف من الطيارات مش هما بس والتصرف إلى انت عملته ده مش حلو منك واهو زعلو منك =خلاص يا جدعان مكنتش اقصد والله بس شكلهم كان بيضحك فعلا = خلاص متقعدش معانا = انتى قلبتى الموضوع جد اوى يا حياه انا كنت بهزر مكنتش اقصد

= انت من بدرى وانت عمال تتريق علينا ومقلل اوى من مشاعرنا يمكن انت مجربتش كل ده علشان كده عمرك ما هتحس بده = قصدك اى قصدك انى معنديش قلب مثلا

= انت ليه دايما شكاك ومش بتثق فى حد علشان معشتش فى أمان ولا خدت ثقه من حد إلى عايش فى امان وسط عيله بدفيه هتخليه عنده ثقه لكن انت بعيد عن اهلك حتى خطيبتك مكنتش بتثق فيها ولا بتثق فى اى حد حتى يمكن صحبك مش بتثق فيه انت مريض يا يونس مريض وعمرك ما هتجرب المشاعر دى طول ما انت حاطط نفسك فى المكان ده أنا يمكن ساعات بعدى كلام ومواقف بس انت مش صغير على ده ولازم تفهم أن إلى بتعمله ده مش صح =يعنى انا مريض صح

واقترب منها وحاوط الكرسى بذراعيه تحت صدمتها ونظر فى عيناها لاول مره وقال =انا مش مريض يا حياه انا مريت بحاجات كتير خلتنى كده انا لو مريض بجد مكنتش هحب..

ولم يكمل كلمته ورجع إلى كرسيه مره اخرى ونظر لها بحزن =تعرفى يا حياه انا حياتى كلها اتسرقت بسبب مرات ابويا إلى معيشانا فى جحيم وكل همها الفلوس وبس حتى ابويا مش قادر يطلقها بسبب الورق إلى مسكاه عليه وانا بحاول أصلح إلى ابويا عمله علشان نعيش انا وأبويا واخويا مرتاحين اما بالنسبه لخطيبتى طلعت فعلا خاينه زى ما كنت عارف مكنتش شاكك من فراغ انا مش بشك فى اى حد وخلاص =بس انت شكيت فيا

= علشان عارف ومتأكد انك مخبيه حاجه يمكن اتصرفت الأول غلط لما زهقت فيكى لكن دلوقتى ساكت لحد ما انتى تتكلمى ووقت ما انتى عايزه نظرت حياه لفريده بخوف =اهو خوفك ده يا حياه إلى مأكدلى انك مخبيه حاجه =انا مش مخبيه حاجه =بصى يا حياه انا مش هضغط عليكى اكيد هيجى وقت وهتتكلمى

صمتت حياه ونظرت إلى نافذه وكان يونس ينظر اليها وبعدها صوب نظر إلى هاتفه ظل كل منهم فى عالمه الخاص وبعد مرور ساعات كثيره هبطت الطائره ونزلوا جميعا من الطائره وصوب ابراهيم نظره على البنات = احنا حجزين فندق انتو الاتنين هتقعدو مع بعض فى نفس الأوضه معرفناش نحجز غير كده وانا و يونس فى اوضه =ماشى وذهبو جميعا إلى الفندق وانتظرو فى الاستقبال وذهب ابراهيم ويونس لإنهاء كل شئ

=فريده انا بدأت اخاف وحاسه أن السفريه دى هتعملنا مشكله =يمكن يونس كان بيرخم عليكى بس = لا هو كان بيتكلم جد يونس لو عرف أنى بنتها هيرمينى بره الشركه =بنت مين حياه بصدمه=يونس