الفصل العاشر

رواية ورطه عن طريق الخطأ الجزء العاشر 10 بقلم هاجر خالد ورطه عن طريق الخطأرواية ورطه عن طريق الخطأ الحلقة العاشرة بات الزعيم ويونس في المشفى طوال الليل حتى اعلن ضوء الشمس الحاد شروق يوم جديد ، كان كل منهم قد غفى على مقاعد المشفى ، لكن استيقظ الزعيم ونظر بجانبه وجد يونس نائم ، تحرك هو من مكانه وذهب إلى الممرضه وقال متسائلًا : لو سمحتي هي هاجر عامله إيه دلوقتي ، فاقت؟

—هاجر مين…….اه الحاله اللي كانت في العنايه ، فاقت ونقلناها اوضه عاديه تقدروا تدخلوا ليها. —ذهب الزعيم سريعا الى يونس وقال : يونس اصحى هاجر فاقت . —فاق يونس في ثواني ، وتحرك بلهفه هو والزعيم نحو غرفتها ، وعند دخلوا وجدوها نائمه يظهر عليها التعب الشديد ، المحاليل معلقه لها في كلا اليدين : هي نايمه؟ —كان ذلك سؤال يونس للممرضه فردت عليه قائله : احنا اديناها حقنه ودقايق وهتفوق.

—خرجت الممرضه من الغرفه ، جلس يونس و الزعيم على الأريكة حتى تفيق هاجر ، ظل الزعيم ينظر لها بحب وخوف أيضًا من فكرة أنها كانت ستتركه وحده بعد تعلقه بيها هكذا و…. : هاجر حبيبتي أنتِ كويسه؟ —كان ذلك سؤال الزعيم الذى قاطع شروده حركة يد هاجر وعيونها التي فتحتها ببطئ شديد ، كانت الرؤيه أمامها مشوشه قليلًا لا تعرف من يقف أمامها لكنها قالت بصوت ضعيف كاد لا يُسمع : خالتو فين و…..ويونس. —تحرك

يونس نحوها وقال للزعيم : حبك برص ياحسن اركن بقا دلوقتي . ثم وجه نظره لهاجر قائلًا : انا موجود ياحبيبتي اهو وماما انا كلمتها وجايه في السكه . —نظر له الزعيم وقال بهمس : هي مش واخده بالها مني ولا ايه. —قال له يونس بنفس الهمس : احسن تستاهل . —صمتت هاجر قليلًا ثم نظرت للزعيم وقالت بتفاجؤ : الزعيم!!!! انت بتعمل إيه هنا ، و عرفت منين إني عملت العمليه؟؟

—اهدي بس ايه كل دا ، وبعدين يونس قالي إنك هتعمليها ومقدرتش ماكونش موجود معاكي. —يونس!! هو انت تعرفه منين ، انتم كدبتوا عليا صح؟ —قال يونس بسرعه : لا انا مليش دعوه هو اللي كدب عليكي. —انت بتلبسني يا يونس. —اطلعوا برا انتو الاتنين. —استني بس هفهمك. —قولت اطلعوا برا ياحسن ، ولما خالتو تيجي متدخلوش معاها انا مش طيقاكم. ” After 10 minutes ” —حمد الله على سلامتك يا حبيبتي.

—الله يسلمك يا خالتو……… إيه دا انا مش قولت محدش فيكم يدخل مع خالتو. —انا مليش دعوه حسن اللي أصر. —اهمد بقا يا يونس متسخنهاش عليا اكتر هي مش ناقصه. —هاجر ياحبيبتي اسمعي منهم الاول طيب. —أنتِ كمان كنتي عارفه حسن ياخالتو!!!؟ —اعرفه بس لسه عارفه موضوع أنهم كذبوا عليكي دا دلوقتي والله . —نظرت لهم هاجر قائلًا ثم قالت : هسمعهم عشان خاطرك انتِ بس……ها حد يتكلم. —يونس لحسن : احكي يازعيم بقا . —هحكي ياخويا…………..

—انا و يونس صاحب من زمان وهو عارف عني كل حاجه حتى موضوع سفري المانيا وكان بيساعدني كتير اوي ، اليوم بقا اللي كنتي عاوزه تكلمي فيه يونس عشان تساعديني ، بعد مقفلتي معاه وانا اخدت منك الموبايل ، شوفت رقمه عشان كنت شاكك إني عارف صاحب الصوت دا ، وبالفعل اتأكدت ، رنيت عليه و…….. ” Flash back ” —ألو…..ايوا ياحسن عامل إيه ، مختفي فين يابني . —يونس أنا عاوز اقولك حاجه. —قول يابني في ايه ، في حاجه حصلت معاك؟

—لا انا تمام مفيش حاجه بس…. —بس إيه يابني…..ماتتكلم ياحسن. —قال حسن بسرعه : هاجر معايا يا يونس. —يونس باستغراب وعصبيه : نعممم…..معاك ازاي يا حسن انت هتستعبط ولا إيه. —اهمد بقا مش قصدي ، انا قصدي إن حصل حوار كدا وهاجر اتورطت فيه بالغلط عشان كدا هي موجوده هنا . —مش فاهم يعني ايه ، وهي مقالتليش ليه اصلا ، ولا أنا كمان قولت . —انا اللي قولتلها متقولش ، وبعدين انا معرفش إن دي هاجر بنت خالتك انا مشوفتهاش قبل كدا هعرف منين.

—طيب ياحسن اديهاني دلوقتي . —لا مش هينفع . —هو ايه اللي مش هينفع يابني متخلنيش اتعصب عليك . —لأ ماشاء الله على الهدوء اللي انت فيه دلوقتي ، وبعدين هي مش هينفع تمشي دلوقتي ، هي هتساعدني في حاجات كتير اوي يا يونس. —حاجات ايه دي ؟! —هقولك…….. قص حسن كل ماحدث منذ أول يوم جائت فيه هاجر إلى هنا ، وأخبره بخطته التي تساعده هاجر كثيرا في تنفيذها ، ووعد يونس أنه فور أنهاء هذه الخطه يسمح لها بالذهاب و…….

—بس وجودها معاك خطر يا حسن وانت عارف كدا كويس . —ايوا عارف بس متقلقش والله انا هخلي بالي منها ، انت مش واثق فيا ولا إيه. —المشكله إني واثق فيك ، بس عارف لو في حاجه حصلت معاها ياحسن انا…….. —قاطعه حسن وقال : متقلقش والله مش هيحصل حاجه إن شاء الله. —اما اشوف……طيب دلوقتي احنا هنقول لهاجر . —لا مش هقولها دلوقتي ، هيدور في دماغها اسئله كتير وانا مش عاوزه اتكلم في حاجه .

—خلاص ياحسن تمام ، بس تخليها تكلمني متبقاش عيل رخم ها. —تمام يامعلم ، يلا اقفل بقا قبل ما هاجر تنزل . ” Back ” —اه يعني انتو الاتنين كدبتوا عليا . —حسن : لا مكدبناش إحنا خبينا. —لا والله!!!! —خلاص بقا يا هاجر قلبك ابيض . —انت عارف يايونس انا لو فايقالك ، بس عادي ندى موجوده . —وجه يونس نظره لحسن وقال : شايف اهو بسببك لبست شهر نكد لقدام . —احسن تستاهل. —لا متفرحش قوي كدا ما أنت كمان هتبقى زيه ملكش كلام معايا تاني .

—ايه الهزار دا ما أنا حكيتلك اهو . —بعد ايه ها…… —طب اعمل إيه انا دلوقتي ؟ —اطلع برا . —يابنتي بقا….. —وخد يونس في ايدك . —يعني هيتنكد عليا واتطرد. —ايوا وكمان……… —هجوره الف سلامه عليكي. —كانت هذه جملة ذلك الشخص الذي قاطعهم دخوله ، كان يحمل باقه من الورد ، دخل إلى الغرفه ، اغلق الباب وقال : أول ماعرفت من طنط داليا انك تعبانه جيتلك علاطول. —قال حسن بهمس الى يونس : مين دا ياض يا يونس .

—يونس بهمس أيضًا : دا مروان زميل هاجر في الشغل . —الله يسلمك يا مروان ، تعبت نفسك . —لا تعبك راحه واحنا عندنا كام هاجر يعني . —حسن ببرود : مش تعرفينا يا هجوره. —مروان زميلي في الشغل……مروان دا حسن قريبي . —سلم مروان قال حسن وقال : اهلا بيك يا استاذ حسن ، بس انا مشوفتكش قبل كدا . —كنت مسافر ولسه راجع . —اه حمد الله على السلامه. طيب يا هاجر انا همشي بقا وهبقا اجيلك تاني إن شاء الله.

—حسن : لا متجيش تاني…….قصدي يعني متتعبش نفسك هي بقت تمام خلاص . —حسن بيهزر يامروان أصله دمه خفيف اوي . —اه اخدت بالي…..طيب انا همشي بقا مع السلامه . —خرج مروان من الغرفه ، فقالت هاجر لحسن إيه قلة الزوق بتاعتك دي . —فين قلة الزوق دي ، وبعدين هو إللي عيل ملزق. —مروان بني ادم محترم انت اللي غريب . —طيب انا هطلع بره عشان انتِ واحده مريضه مش هناخد على كلامها…..يلا يايونس .

—خرج يونس و حسن من الغرفه ، كان يونس ينظر لحسن بخبث ، فقال حسن : في إيه انت كمان. —انت مقفوش اوي ياحسن اوي . —مقفوش ازاي يعني ؟! —متسطعبتش يا ابو علي دا انا يونس . —بس يالا. —خلاص براحتك ، شوف بقا مين هيخلي هاجر تسامحك. —انت عارف أنك رجوله وجدعنه واخويا يالا يايونس صح. —إنسى خلاص…… —خلاص يا يونس براحتك. —انت اتقمصت ولا إيه……خلاص يامعلم سيب الموضوع دا عليا . —حضن حسن يونس وقال : اخويا اخويا يعني .

( مر اربع ايام على وجود هاجر في المشفى ، بعد هذه المده خرجت هاجر وأصرت داليا على أن تذهب معها إلى المنزل حتى لا تتركها وحدها ، بالفعل جلست هاجر في منزل خالتها داليا ، مر يومين لم يظهر فيهم حسن منذ خروج هاجر من المشفى و…….) —افتحي الباب يا هاجر . —حاضر ياخالتو. —عامله ايه ياهجوره . —حسن ، ايه اللي جابك —إيه الإحراج دا. —لأ مش قصدي والله…..اتفضل ادخل. —دا حسن ياخالتو. —خرجت داليا من المطبخ وسلمت عليه : عامل إيه ياحسن .

—الحمدلله ياطنط بخير . —دايما يا حبيبي……اتفضل اقعد عقبال ما اشوف الاكل على النار واجيلك. —اتفضلي يا طنط. —جلس حسن على الأريكة ونظر لهاجر التى تنظر في هاتفها بتركيز وقال : إيه….. إيه الدنيا . —إيه. —حاسك مش طيقاني. —لا ياحسن متقولش كدا. —ايوا أنا قولت برضو إنك……. —قاطعته قائله : متحسش….. اتأكدت. —إيه يابت التناحه دي……..دا انتِ قلبك اسود. —هشششششش. —هش!! طب هش أنتِ بقا . —في ايه صوتكم عالي.

—كان ذلك صوت يونس ، الذي سمع صوتهم عند دخوله المنزل ، فقال الزعيم وهو ينظر لهاجر : لأ مفيش اصل الجو بقا فيه تناحه كدا معرفش جايه منين. —والله ماحد تنح غيرك . —هو أنا كلمتك……انا بقول على الجو أنتِ مالك. —بس انت وهي انا جاي مبسوط مش ناقصكم. —هاجر : حصل ايه قول بسرعه. —يونس بفرحه وحماس : انا وندى روحنا جيبنا دعاوي الفرح النهارده ووزعناها على صحابنا. —قالت هاجر بفرحه وهي

تخبط على كتف يونس بحماس : مبروك يا يونس بجد اتبسطت اوي انا هروح اكلم ندى اباركلها. —مبروك يايونس . —الله يبارك فيك ياحسن ، عقبالك. —يارب يا يونس ، بس البعيده مش شيفاني . —هاجر مش بتفهم التلميحات ياحسن دي لازم تروح تقولها في وشها وتاخد الصدمه . —طب اقولها امتى ، دي مش طيقاني . —بص هي مش بتحب حد يكدب عليها ، عشان كدا هي هتفضل قالبه عليك شويه…..بس متقلقش انا حاولت اظبط الدنيا معاها امبارح ويعني بقت طيقاك شويه .

—لأ ماهو باين يا يونس . —الغداء جهز ياولاد . —بص تعالى نتغدا وانا هحللك الموضوع دا . ” على السفره ” —تسلم ايدك ياخالتو ورق العنب تحفه. —حبيبتي بالهنا والشفا ، انا عملاه عشانك أنتِ وحسن . —حبيبتي يا طنط تسلمك ايدك. —وانا مفيش حاجه معموله عشاني هنا . —قالت هاجر مازحه : انت بتاكل الاخضر واليابس يا يونس مش بتقول لأ. —طب بصي في طبقك طيب.

( قضت هذه العائله وقت جميل لا يخلو من المرح والسعاده في هذا اليوم ، وبعد ذلك الوقت ودعهم حسن وتحرك إلى منزله…….مر اسبوع ، وفي تلك المده كان حسن يتحدث مع هاجر كثيرًا ويشاركها كل شيء حتى نست ما كان يزعجها منه وتعودت على وجوده ، فهي كانت تظن انا غير مهتمه به كل هذه الفتره ولكن كان ظنها خاطئ……..يمكن أن نقول أنها أحبته أو………..) ” يوم زفاف يونس و ندى “. —شكلك جميل اوي ياندى ما شاء الله بجد . —بجد يا هاجر شكلي حلو .

—يابنتي تحفه ، أنتِ مش شايفه ولا إيه. —شكرا على وقفتك معايا ياهاجر انا مش عارفه اقولك ايه بجد . —انتِ عبيطه ياندى احنا اخوات مفيش بينا الكلام دا . —يلا يا بنات اتاخرتوا اوي . —حاضر ياخالتو نازلين اهو . —نزلت هاجر وندى وداليا من غرفة الفندق ، إلى الطابق السفلى حيث توجد القاعه ، ذهب يونس إلى ندى وقال : شكلك حلو اوي . —شكرًا ، وانت كمان شكلك حلو .

—كانت هاجر تقف مع خالتها وبعض الجيران ، لكنها رأت حسن يقف وحده فقررت الذهاب إليه ، وقفت بجانبه وقالت : عقبالك ياحسن . —تفتكري هتوافق. —ليه لأ ناقصك ايد ولا رجل يعني ، روح قولها و….. —هاجر انا بحبك….. —و….. إيه!! —فعلا يونس كان عنده حق أنتِ لازم تاخدي الصدمه. —ايوا بس……. —بصي لو مش مواقفه مش مشكله……مش مهم رأيك اصلا، انا اتكلمت مع طنط داليا ويونس وهما موافقين وانا بصراحه واقع اوي. —………….

—لأ يا هاجر مش وقت صدمه بالله عليكي قولي حاجه. —مش عارفه ياحسن منك لله هو دا وقته. —وفي وقت احسن من كدا…..يلا بقا وافقي خلينا نخلي الفرح فرحين . —اخذت هاجر تفكر قليلًا ثم قالت : خلاص صعبت عليا…..انا واقفه . —فرح حسن بشده ، ثم نظر ليونس وقال بصوت عالي : بركاتك يايونس وافقت. —شاور له يونس وندى وقالوا في صوت واحد بفرحه : مبروووك. —بس ياحسن فضحتنا. —سيبيني افرح ياشيخه بقا. أخرج من جيبه علبه

قطيفه بها خاتم فقالت هاجر: دا انت مجهز كل حاجه بقا…..طب افرض ماكنتش وافقت . —قولتلك رأيك مش مهم…..البسي الخاتم وأنتِ ساكته. بقولك ايه ماتفكك من الخطوبه ونعمل الفرح مع يونس بالمره . —لا احنا ممكن نلغي الخطوبه احسن . —لأ وعلى ايه خطوبه خطوبه دا انا ماصدقت…..بحبك على فكرا . —ايوا ما انت قولتلي. —طب ايه. —ايه !! —لا متسطعبتيش. —هاجر بتهرب : جايه ياخالتو. —لا خالتو ايه دلوقتي ، بت تعالي هنا…… تمت………