تحميل رواية «مرارة الايام» PDF

#مرارة_الايام

بقلمي #ميديا_الفهد

البارت الاول

اليوم قصتنا حقيقية تحكي واقع فتاة عراقيه تتعرض للظلم والتهديد والابتزاز من قبل رجل كبير بالعمر، عمره 55 سنة ،

فهذا واقع مجتمعنة المرير ،حيث يأكل القوي حق الضعيف ،

احب ابدي القصة بأبيات رائعة  لأبي العتاهية...

وفرز النفوس كفرز الصخور

ففيها النفيس وفيها الحجر

…………………………

وبعض الانام كبعض الشجر

جميل القوام شحيح الثمر

…………………………

وبعض الوعود كبعض الغيوم

قوي  الرعد  شحيح  المطر

……………………………

وكم من كفيف ..... بصير الفؤاد

وكم من فؤاد ...... كفيف البصر

……………………………

وخير الكلام قليل الحروف

كثير   القطوف  بليغ  الأثر

…ّّّّّّّ…………………………………………

#قصص_من_حياتناM&T 

حوراء.. هلو اني حوراء صف سادس علمي متفوقة بدراستي اعيش ويه عائلتي أختي الاصغر مني زمن 16 سنه ،واخويه الصغير زيد 10 سنوات ،وامي وابويه ، اسكن بالحلة،

مواصفاتي ،، حنطاويه شعري اسود قصير لحد الكتف وسرح ، عيوني عسلي وكبار ،

امي ربت بيت ، وابويه كاسب ، كلشي يشتغل حمال عماله اي شي اهم شيء يوفرلنه عيشة زينه ويوفر فلوس إيجار البيت الكاعدين بي ،

اني معجبة بسجاد ابن ابو عزيز الي مأجرين منه البيت ، طبعا مو بس معجبة لا واموت عليه بعد حبي الاول ، طبعا منحجي بتلفون لان حالتنه متسمح اشتري تلفون ورصيد، فبينه بس نظرات ومن اروح لمدرسة يمشي وراية يحجي ويايه بس اني استحي كلش قصص من حياتنا M&T بقلمي ميديا الفهد

سجاد.. هلو اني سجاد احجيلكم عن نفسي شويه اني حنطاوي وطويل عيوني كبار سود وعندي عضلات وكذا 💪🏼 العب حديد ويه جماعتي عمري 20 سنة، صف سادس علمي ومبنجر بي سنتين 😂  خطيه الوالد يدفع فلوس ويكت كت للمدرسين والخصوصي واني حته بكالوريا ماادخل ، انوب الوالد يريدني اطلع مهندس😂  واني مساعد فيتر مادبرها

المهم قبل سنه انعجبت بحوراء وحبيتها بس هيه يبوه قافله لاتقبل اشتريلها تلفون ولا انطيها فلوس ولا احجي وياها مكضيها اسحل بنفسي وراها من تروح وترجع من المدرسه ،وبس اتغزل بيها وهيه ولا عبالك  ،

حوراء.. دوم سجاد يلح عليه ع التلفون ومرة جابلي موبايل وذبح نفسه حته اخذة واني ماخذته حسيتها اهانه الي والاهلي الي انطوني ثقة ، رفضت بس هو ضاج ، اني اكول كافي مصايب الدنيا ومرض زيد فوك راس بابا انوب اني ازيدها عليه اذا عرف بيه احب سجاد ،

طبعا اخويه زيد مريض بالمرض الخبيث أسم الله عليكم وهذا سبب تعاستنه واحنه نشوف اخونه الوحيد والمدلل وهو يصيح ويتوجع منورة هل المرض الي يأكل بي أكل، طبعا عرفنه بي وهو عمرة 7 سنوات يعني 3 سنوات من الصراع ويه هل مرض عبالك مو بس هو بي لا كلنه عايشين الالم 😢 

أمي تبجي ويه بجي زيد ، وابويه يحاول يبين هو قوي بس مبين من عيونه مكسوور  😢

مرات من عياط زيد اتمنى الله يموته ويريحه من هل عذاب ،

يمكن تكولون عليه ما عندي كلب ادعي ع اخويه بس الي يشوفه من وجع وعذاب محد يكدر يتحمله ، واحنه مابيدنه اي شي نسوي اله ، وعلاجه الوحيد خارج العراق واحنه اصلا مقطوعين مم شجرة مثل ميكول المثل ،،

ابويه طبعا مو عراقي ، عربي من غير دوله ، اجة للعراق من هو عمره 20 سنه بقة يشتغل وكون نفسه ورة عشر سنوات شاف ماما صدفة ونعجب بيها وصار بينهم حب ، راح اتقدملها وطلبها من اهلها ، بس اهل امي رفضوه لان مو عراقي ، امي وكفت بوجه اهلها وتحدتهم ، جان جدو معاند ومعارض بشدة ، جانت ماما دكول من تقدملي ابوكم ،واني كلتلهم احبه كام الكل يكومني بكتله ويكعدوني بكتله ، وإني ع عنادي، لو امجد لو ماريد، بيبي متحملت  تشوف بنتها هيج كعدت تقنع جدو يوافق ، وكلتله خلي تزوجه واحنه نتبره منها وهيه تتجازة وياه مالنه دخل ،

جدو وافق ، خاف لا ماما تسوي مصيبه وتنهزم ويه ابويه ، صار العرس وجدو كال الامي ، شوفي من اليوم اعتبر نفسي ممخلفج وديري بالج يوم من الأيام تفكرين دخلين هذا البيت ، تتحملين الي اختاريته وتتحملين فقرة واذا فديوم شفتج معتبه هل الباب اعتبري دمج مهدور ،

طبعا بيبي جانت تجينه بالختله لان اذا جدو عرف بيها يخلص عليها جدو من النوع العصبي والمتشدد واذا كال حجاية خلص متصير اثنين ، جنت اذكرها جان يمكن عمري بوكتها 5 او 6 سنوات ماذكر بالضبط ،بس الي اذكره جانت تجيبلنه ملابس والعاب وتنطي فلوس الامي يعني حالتهم كلش زينه ، بس ورة فترة اختفت، بعدين عرفت من امي هيه ميته ، أمي راحت تسأل عليها ،طلعوا اخوتها يعني خوالي ضربو أمي وطردوها طبعا هاي تعاليم جدو المتسلط حته مكان قبرها البيبي مندلته مقبلوا يدلوها ،حته تروح تزورها ، يعني بيبي بقت حسرة بكلب امي، مرات دكول لو سامعه كلام اهلي ونصيحة امي وعايفه الحب والخرابيط جان هسه اني احسن عيشه  عايشة حالي حال أخواتي،بس هذا الي يمشي ورة كلبه ةينسه يفكر بكلبه ،جنت اضوج من اسمعها تحجي هيج عبالي معناها متحب بابا بس من وعيت أكثر للدنيا عرفت انو مو كلشي بالدنيا الحب لان العازة والاحتياج وشوفت زيد يذبل كدام عينه ومنكدر نسويله شي ، فحقها امي من تحجي هل الحجي لان ابنها ديروح من اديها وهيه متكدر تسوي شي 😢

المهم بقه سجاد يلح عليه ع سالفه التلفون ومنا زمن تقنع بيه ودكولي خطية ولج يحبج صارله سنة يركض وراج ، راح يشرد الولد منوراج ، #قصص_من_حياتناM&T

سجاد.. طلعت من المدرسه وإني بجيبي التلفون كلت اليوم اذا متاخذه صدك بعد ماخليها تشوف وجهي ،

حوراء.. طلعنه من المدرسه اني وزمن اباوع هذاك سجاد بس مبين ع شكله ضايج ،

زمن .. يابة والله اذا متاخذين الموبايل من سجاد اني اخذه وافشلج ولج مل الولد منج صار سنة يتوسل بيج كبر لفج اخذي وخلصينه عاجبج يوميه لاحكنه بالروحه وبالرجعه ،اني من يمي طكت روحي

سجاد.. وصلنه الفرع مابي احد كلتلها حوراء

حوراء.. يمه صاحني وإني گلبي كام يدك 1000 دكه بالدقيقه ، كلتله هااا؟ ميديا الفهد

سجاد.. وداعت امي هاي اخر مرة اكولج اخذي الموبايل واذا مقبلتي هل مرة  وحق الي خلقج بعد متشوفين وجهي 😠

حوراء.. من كال بعد متشوفين وجهي تخبلت بقيت صافنه وزمن تكرص بيه بمعنى اخذي منه ، مااعرف شلون اجتني الجرءة واخذته بس شنو ميته ومرعوبه من الخوف احس نفسي مادري شسويت ،،قصص من حياتنا M&T

سجاد.. من اخذت التلفون تأكدت انو تحبني هل فصعونه ، كلتلها من اروح فدوة الربج الخلقج واخيرا حنيتي وقبلتي اليوم انتظري ادك عليج، والتلفون بي شريحة ورصيد ،

حوراء.. هو يحجي واني اصلا مو وياه من الرجف احس فقدت كل الحواس ،اصلا مجرد ماشوفه بعد اكوم لا اسمع ولااحجي ولااحس باي احد ثاني يمي ، ابقه بس اباوع عليه ،

رجعنه للبيت بس خايفه ارجف شلون اذا احد شاف الموبايل ضميته بين هدوي بالكنتور ، بس ليشوفني يكول مسويتلها جريمه ، اذا امي حجت ويايه اكوم امتمت وماكدر اباوع بوجها

ام حوراء .. ولج حوراء شبيج اليوم أبد مو طبيعيه ،

حوراء.. خلص رحت بيها وانكشفت، هاا يوم لا مابيه شي، وابلع من الخوف، بس زمن الجنية نقذتني

زمن.. كلشي مابيها يوم هيه هاي بنتج الفطيرة شتكدر تسوي ، بس اليوم جانت ممجاوبه  بامتحان الاحياء وجها مكلوب عبالك اخر الدنيا

حوراء.. من كالت زمن هيج لا اراديا دموعي نزلن وكمت ابجي ، لأن بداخلي احس مسويه شي غلط 😭

ام حوراء.. يمعوده وكعتي گلبي عبالي بيج شي ، يطبه مرض الامتحان اهم شي صحتج يلا كومي غسلي وجهج وساعدني بتنظيف البيت اليوم الصبح كله زيد يون من الوجع وكلشي ماسويت ، بقلمي #ميديا_الفهد

زمن.. واني كيفت كلت كالتلها كومي غسلي وجهج وخلي اخذجن للسوك طلع انظف ،😏 حبيبتي حوراء لاتغسلين وجهج هو راح يتصخم من كثرة التنظيف 😂

ام حوراء.. ام اللسان يراد اكصلج اللسانج صاير اطول منج كلبه يلا كومي غيلي المواعين والمطبخ كله 😡

حوراء.. من زمن حجت وكامت اتبسمر امي كمت اضحك اشو اجاني نعال 👡 طاير من نبع الحنان ، وإني شعليه ذيج الخبله الحجت ونضحك اني وزمن 😄

نسيت سجاد ونسيت التلفون والتهيت بالشغل وراها العشة وامي ورانا تمشي خاف منظف زين ،

كملنه عشه وغسلنه المواعين دخلنه لغرفتنه

زمن .. ولج حوراء ،سجاد دك عليج؟

حوراء.. عزة والله نسيت التلفون  😲

زمن .. ثول اي والله وعود الولد كللها اليوم اخابرج ، دكومي كومي شوفيه

حوراء.. ركضت للتلفون والكالكم 100 مكالمه ورساله 😬

سجاد.. من العصر لليل ادك ع حوراء وهيه ماتجاوب ادز مسجات وهيه ابد عبالك ميته، صدك عصبت يعني سنه اركض وراها حته تاخذ التلفون مني ،وتاليها اليوم تاخذة واني عود فرحان تالي متجاوب عليه، زين حته لو احد يمها هم جان دخلت للحمام ودزلتي مسج بس هيه ابد مطيتني الأذن الطرشه ، شنو هيه بس تتعزز عليه وتبيع ثكل

حوراء.. ادك عليه وميجاوب ، طبعا التلفون بس رقمه هو مسجله بي  ، قصص من حياتنا M&T

صارت ب11 بالليل وامي كامت تعيط وتصرخ ،  اني وزمن وحده تباوع ع الثانية نريد نكوم منكدر انشيلنه من الخوف

……………………………………………………

ممكن ترفعولي المنشور  حته يوصل لاكبر عدد ،، لايكات وعلقوا، لان اذا متفاعلتوا بعد ميصيرلي واهس اكتب 

اريد منا الباجر فد 100 لايك حبابون هههههه

موعدنا باجر ان شاء الله بالبارت الثاني،، قراءة ممتعة أعزائي

#ميديا_الفهد

#مرارة_الايام

بقلمي #ميديا_الفهد

#قصص_من_حياتناM&T

البارت ال2

حوراء.. صارت ب11 بالليل وامي كامت تعيط ، اني وزمن وحده تباوع ع الثانية نريد مكوم منكدر انشلينه من الخوف

ركضنة ونشوف امي وابويه حاضنين زيد ويبجون،

كل ضني متخربط مثل كل مرة ، بس ليش هيج يبجون لا مابي شي ولان تخربط ديبجون عليه،

بابا هااي شبيك كوم ودي للمستشفى ،تره مابي شي ، ابويه ميرد بس يبجي ،

يمه شبيكم والله مابي شي ليش تفاولون عليه، جبت مي واغسل بوجه ،

كوم حبيبي زيد كوم اليوم ماعندي امتحان العب وياك كوم حاجيني فدوة اروحلك ، وابجي ،

زيد بعد منو يتلكاني من ارجع من المدرسة ويبوسني ، بعد منو يتناكر ويايه بعد وين اشوف ضحكتك ياابو ضحكة الحلوة ،لك زيد كووووم 😭

بعد مرور ايام....

حوراء.. البيت كله أظلم اي روح للحياة مابي كلنه لابسين اسود ، ابويه وكم خير دفنوا ماسويناله فاتحة ، بالبيت واصلا منو يجينه لا عمام ولا خوال مثل الناس، اجوي الجوارين عزونه ،

امي وكعت علينه من القهر والطم وصار بيها سكر ، ومن مات زيد لليوم هيه بس لطم وبجي

ابويه نفسيته مدمرة حته للشغل ميكدر يطلع ، وكاعد بس يدخن ويبجي

اني وزمن نطلع صور زيد ونبوس بيهن ونبجي ،

كل هذا ونسيت اكو شي اسمه سجاد الدنيا كلها طالعه من عيني ، الحزن عشش بگلوبنة بفراك زيد

سجاد.. من صار العياط ب11 بالليل لان احنه نفس المنطقة الكل طلع ، وعرفت اخوها زيد متوفي ، حجيت ع نفسي كلت اني زعلت عليها وهمه واكعين بمصيبة ،

بقيت طول ايام الفاتحة ادك عليها اريد اطمن ،مجاوب الله يساعدهم فراك الاخو موسهل،

رجعت دكيت ورة 3 ايام مغلق ، للمدرسه ماكو مداوم ، تخبلت شلون اوصللها  #قصص_من_حياتناM&T

حوراء.. بقينه اسبوع البيت كآبة وحزن بكل زاويه من زواية البيت ، ريحت زيد بكل مكان ، لهسه صوته وضحكته وعياطه من الوجع بإذني ، احسه بعده عايش ويانه ،

زمن.. لج حوراء صح مو وكتها بس البيت فارغ مابي حته خبزة ،استحي اكول البابا والله صار يومين متت جوع

حوراء.. زمن صدك تحجين متشوفين حالة بابا يا أكل يابطيخ ولج بس دموعه كافي ، ابونه انكسر ولج دفن ابنه بايدة ،  اسكتي حته لو تموتين جوع متفتحين حلكج ودكليله ،

ابو حوراء.. اريد اروح اشوف البنات لان من اشوفهن گلبي يرتاح واشوف زيد بوجهن ، وصلت لغرفتهن واسمع زمن دكول صار يومين ميته جوع ،، اتخبلت الحزن تملك گلبي وبقيت بذكره زيد وافكر بي ونسيت العايشين بهل البيت مرتي وبناتي شياكلون شيشربون ، بس حوراء كبرت بنظري شلون متريد تضايقني وتطلب ، من باجر اطلع ع باب الله

حوراء.. رزلت زمن وبهل اثناء دخل بابا ، سكتنه ،

كال

ابو حوراء.. لاتسكتون بالعكس طالبوا بحقكم اذا يمي او يم احد غيري، وحبيباتي ان شاء الله من باجر الصبح اني طالع للشغل ، بقلمي ميديا الفهد

حوراء.. حبيبي بابا ماكو داعي لا تطلع اصلا اكو اكل كومه بس هاي متبطرة ، انت تعبان ارتاح كم يوم والله كريم ،

ابو حوراء.. لا بنتي خلي اطاع واشوف الناس بلكي التهي بالشغل وانسه همي وحزني ، وانتو هم من الاحد ترجعون لمدرستكم وداومون حرامات تضيع عليكم السنه

حوراء.. براحتك بابا ، بس اني مارجع لان ماكدر اعوف امي وحدها، وهيه بهل الحاله

زمن.. اني يمها وانتي سادس والدرس إلي يروح عليج بعد منو يشرحلجياه ، اني كم يوم ابقه يمها لحد متصير زينه ،

حوراء.. صار الصبح بدلت وكملت يمكن هاي اول مرة اروح للمدرسه وزمن مو ويايه طلعت من البيت ، طبعا مدرستي بعيده كلش عن بيتنه ، بس اني اطلع من وكت وامشي اكول هاي 500 دينار اضمها لو اشتري بيها اكل احسن مانطيها لابو الكيا ، اباوع البنات كلهن خطوط واحسن لبس ، مرات انقهر ومرات اكول الحمد لله يجوز احنه احسن من غيرنه ،،

المهم امشي وحسيت احد يصيحني انداريت لكيته سجاد ، ردت اركض عليه واشكيله همي مكدرت بس بقت عيوني يجرن دموع

سجاد.. يوميه انتظرها تطلع ماكو مشتاقلها ةتلفون مغلق ، طلعت الصبح هم انتظرتها وشفتها طلعت وحدها تمشي، طار گلبي وراها ضعفانه وتعبانه ولابسة اسود ، كلش متغيرة وشكلها يقهر ، مشيت وراها وشفت ماكو احد صحتها

حوراء حبيبي شلونج البقاء لله ، ان شاء الله آخر الأحزان

حوراء.. الحمد لله لا اعتراض ع أمر آلله ، الله ريحة من العذاب واخذة ،وابجي

سجاد.. لاتبجين ياعمري دموعج غاليه عليه ،وزيد هسه طير بالجنه ، حوراء فدوة العينج ليش تلفونج مغلق والله صار اسبوع مفرفح عليج اريد بس اعرف اخبارج

حوراء.. والله ناسيته بالكنتور ويمكن مابي شحن وطفه ،

سجاد.. بروح زيد اليوم شحني اريد اخابرج

حوراء.. اي ان شاء الله يلا اروح اني تأخرت ع المدرسه

سجاد.. وين تروحين وحدج ، امشي امشي نصعد بالكيه وإني اوصلج ، ولج هو انتي بالكوة تمشين وجهج تعبان واصفر

حوراء.. لا سجاد ماكدر اني متعلمه امشي وحدي، بگلبي هو اني ربع دينار ماعندي بجنطتي ، بقة يلح وحسيته عصب ، وافقت

سجاد.. وكفنه كل واحد ع صفحة واجتي كية وصعدنه سوة ربك ومابيها مكان بس مقعدين قبل الاخير ، يعني راح تكعد يمي اويلي 😍قصص من حياتنا M&T بقلمي ميديا الفهد

حوراء..صعدت كعدت، وسجاد كعد بصفي عزة شصار بيه ، طلع فلوس ودفع الي واله ، كلتله لا لتدفع إني ادفع بصوت ناصي ، كلشي محجه بس خزرني ، سكتت بس هو بقة يسولف شلون بقة باله مشغول عليه ومشتاقلي من هل الحجي وإني يس ارجف مادري شبيه

سجاد.. كعدت بصفها ودفعت الكروة ادكلي اني ادفع ولج شنو اني طرطور مردت اضوجها خزرتها وسكتت ، بقيت اسولف وياها وهيه ترجف خايفه، لزمت اديها شو هاي ماعت بدية 😂

حوراء.. يسولف ويحجي جان يلزم ايدي ردت اسحبها بس هو لازمني حيل بقيت مدنكه وارجف حسيت انتهيت من الخجل ونار تطلع من وجهي، احس الي بلكية كلهم يباوعون عليه ويسمعون حجي سجاد ،

وصلت للمدرسة بس كل تفكيري يم سجاد ، البنات سلموا عليه والمدرسات هم، طول الدرس اني افكر بسجاد وشلون كاعد يمي ويسولف ،

خلص الدوام طلعت لكيته هم واكف كمت امشي وهو ورايه 

سجاد.. ممصدك نفسي هم كعدت وياها وهم لزمت ايدها، كلت خلي من ترجع من الدوام هم اخليها ترجع بالكية

حبيبتي حور تعالي نرجع بالكية ماريدج تعبين وتمشين، واني بگلبي اريد اكعد يمها واشبع منها،

حوراء.. لا سجاد ماكدر هسه امي دكول شو رجعتي من وكت ،عفيه حلي ارجع مشي اني هيج مرتاحة

سجاد.. براحتج ياعمري اهم شي أنتي مرتاحة حور لاتنسين اتشحنين التلفون ،انتظرج ع نار

حوراء.. رجعت البيت شويه امي زينه كايمه من فراشها ، جبت ويايه واجبات زمن ونطيتهم الها ، وكعدت سولفتلها ع سجاد والي سواه

زمن.. اي عيني غاب القط العب يافار يوميه تسوحلين بيه وبالولد ونمشي نص ساعه ، من غبت اخذتي راحتج ، اي عيني شحني التلفون بس خاف امج تشوفه شدكوليلها ؟؟

حوراء.. فدوة الاختي حبيبتي ،اني اروح اساعد امي وانت هنا تبقين هم درسين وهم تراقبين التلفون حبابه 🙏🏻

زمن .. امرلي لله ، ديلا روحي كملي شغل بسرعه وتعالي خاف سجاد يدك

سجاد.. ابويه كل ماطب للبيت ياكل راسي بالرزايل والحجي اقرة لاتلزم التلفون لاتطلع مخبلني ، مرات اتلاسن وياه ومرات اسكت ،

رجعت للبيت ستوني دااكل وطب الوالد يصيح ويغلط

ابو سجاد.. لك ابن القندرة البارحة ليش مارحت للأستاذ رحيم ،خابرني اليوم ويكول ابنك ميحضر  للمحاضرات واذا حضر يضل يسولف ويحشش ، ولك ليش مفشلني كدام العالم ،

سجاد.. اهوو شيخلصها اليوم اصلا هو يكرهني وكل ماروح لمحاضرته انعس من الفهاوة مالته ،خلي يطير وهو محاضراته

ابو سجاد.. ابن الكلب مدكلي شلون تنجح اذا انت لا تقرة ولاتكلف نفسك ،بكلشي طايح حظك بلا كولي بيش فالح حضرتك ؟؟ بقلمي ميديا الفهد

سجاد.. يابة رحمه المحمد عوفني ترة مالي خلك لا للدراسه ولا هم يحزنون ، كام يريد يضربني دفعته وطلعت اسمعه يغلط ويسب وامي تسكت بي

حوراء.. خلصت شغل البيت وكاعده يم التلفون انتظر سجاد يدك ، ورة شويه دك اووف گلبي طار ،،

الووو

الووو هلو ياعمري شلونج

الحمد لله انت شلونك

بخير مادام اسمع هل الصوت الحلو

شكرا

حور تحبيني ؟؟

هااا مادري

ولج بنت الاوادم صار سنه ومتدرين بلا شوكت تدرين بعد كم قرن؟

هههههه هاي شبيك سجاد والله استحي

تستحين مني ولج انتي الي المفروض متستحين وكلشي تريدي اطلبي مني ، اليوم اريد اسمع منج تحبيني لولا حوراء الله يخليج لا شلعين گلبي اصلا اني ضايج وهاج من البيت

ليش شصاير منو مضوجك؟

اكو غير ابويه عايف البيت كله واكفلي ع وحدة بكلشي يحاسبني ،

ميخالف اتحمل هذا ابوك ويريد مصلحتك صح عمو ابو عزيز عصبي وصوته عالي بس يحبك ، ماكو اب يكره اولاده

يمعوده والله مليت منه ومن الدراسه ومن البيت كله ، المهم لاتنهزمين من سؤالي يلا كوليلي احبك ريحيني فدوة العمرج

يعني قابل الحب بالكلام ، الحب بالفعل ،

يعني متحبيني كولي هيج وفضيها ، يلا اني رايح بلكي الله ياخذني وارتاح

يمعود هاي شبيك اوكف ،وبعدين شنو هل الحجي شنو الله ياخذني ،اسم الله عليك منو الي اذا صار بيك شي

لعد شسويلج كلشي اطلب منج بطلعات الروح يلا توافقين تشلعين گلبي وگلب الخلفوني ، يلا رايح مع السلامه

اوكف سجاد لاتسدة الووو الووووو 😕

زمن .. هااا ولج شبيج ؟

حوراء.. جنت احجي ويه سجاد وزعل وسده بوجهي ، يريدني اكوله احبك والله استحي يعني من اول مكالمه يريدني انطلق واحجي حب وغرام ، لو ادري مماخذة هل التلفون الفگر

زمن.. زين ليش مدزيله مسج وكليله احبك بالكتابة هم تستحين 😒

حوراء.. مادري ولج يكوم يتعلم عليه كل ميريد شي ومانطي يتزعل وانوب اني اتنازل ،

زمن .. دطيري الولد يموت عليها وهيه تتعيقل ، ادور كرامه هو بالحب اكو كرامه ، انطيني التلفون

حوراء.. جرت زمن مني الموبايل وكتبت مسج ،طبعا اني مقبلت وردت امنعها بس صلفه مينكدر عليها

سجاد.. صرت نار سديته بوجها ورحت يم صديقي شويه وجاني مسج فتحته

✉ هلو سجاد لاتزعل مني حبيبي والله اني احبك ❤

فتحت  عيني حيل ممصدك معقوله هاي حوراء لو داأتخيل ،

طلعت برة واتصلت عليها

حوراء.. اول مارسلت المسج راساً إتصل عليه ، اويلي شنو هل الفشله

الوووو

ولج هلا وغلا بروحي وحياتي وعمري ، ولج هاي صدك دزيتي هل المسج لو اتخيل ؟

اي صدك قابل اتشاقه وياك ، بعدين انت شلون تسد الخط بوجهي ؟

اسف ياعمري اول واخر مرة شعندي غير حور اني انطيها عمري كله وبعدني مقصر

اسم الله ع عمرك ،يلا سجاد اروح ادرس صار اسبوع ماقارية شي ،مع السلامة

مع السلامة حبيبتي ،، #قصص_من_حياتناM&T

حوراء.. عزة ولج معقوله كلمه وحده هيج تغير وتگلب الحال ، هستوه جان زعلان ومطنگر فجأة هيج صار ،

زمن.. بابا لعد شعبالج بالكلمة الحلوة تكسبين بيها أكبر واحد ، بس انتي دفشه ومتعرفين تصرفين ،

حوراء.. بقيت افكر بكلام زمن وكلت صدك اني مااعرف احجي واتصرف ، يلا منا وهيج اتغير الخاطر سجودي

وره ايام كاعدين اني وزمن العصر تقريبا ب6 ندرس ، اندك الباب زمن راحت فتحته ،

زمن.. اندك الباب فتحته طلع ابو سجاد ، كالي ابوج هنا ، كلتله اي عمو هسه اصيحة

حوراء.. منو بالباب ؟

زمن .. ابو الحب 😂

ابو حوراء.. نايم ستوني راجع من الشغل واجتني زمن كعدتني ،

زمن.. بابا هذا ابو عزيز بالباب يريدك ،

ابو حوراء.. اويلي صار واحد بالشهر واني لهسه ممكمل فلوس الإيجار 😔

طلعت سلمت عليه ، ومااعرف شكوله،

ابو سجاد.. شلونك ابو زيد ، شلون صرت ان شاء الله احسن

ابو حوراء .. الحمد لله ،هذا امر الله ولا  اعتراض على امره،

ابو عزيز والله مااعرف شكولك ، بس فلوس الإيجار لهسة مكملن ، انت اعرف بظروفي

ابو سجاد.. والله شكولك ابو زيد بس اني هم عندي التزامات ومصاريف الولد والبنات ومدارسهم، بلكي تكدر دبرلي الفلوس منا لبعد عشرة ايام

ابو حوراء.. اي حقك ان شاء الله ادبرهن واجيبلك ياهن

حوراء.. بابا دخل ضايج ومهموم، كلتله شبيك بابا كال ، ماكو شي بس حسيت نفسي صغير من حجيت ويه ابو عزيز وكلتله ماعندي هسه، و الرجال حقة قابل يكعدنه بيته بلاش،

زمن.. شدعوة عليه خلصت الدنيا قابل ، تف شكد مزعج ابو فليس ،ماكافي عليه كل فترة يزيد علينه الاجار،

حوراء.. انقهرت ع أبويه شلون مكسور ظهره بالعيشة ومديدبرها اوف لو اني ولد جان هسه مو طلعت واشتغلت وساعدت ابويه ، ربي ليش خلقتني بنية 😢

سجاد.. بقيت احجي ويه حوراء بالتلفون واحسها بدت تتغير للاحسن ،

دكيت عليها ،جاوبتني بس صوتها مو طبيعي

حبيبتي حور شبي صوتج شنو مريضه ؟

لا مابيه شي بس شويه ضايجة

بداعتي عليج كولي شبيج

سجاد.. احجي وياها ومتقبل دكول شبيها واسمع اختها تكول ، كوليله شبيج ، خلي يعرف ابوه الجشع

حوراء.. احجي ويه سجاد وزمن نبصت روحها، وكامت تحجي، صح گلبنه محروك ع ابويه بس مو معناها تحجي ع ابو سجاد كدامه ، ركعتها بالكتاب وسكتت

سجاد.. زمن احجي هاي شبيها زمن شنو منورة ابويه، فهميني

حياتي والله ماكو شي معليك بزمن هاي زعطوطه متعرف تحجي

باعي تحجين لو هسه اجي لبيتكم واعرف شسوي يلا بسرعه احجي وخلصيني شبي ابويه؟

مابي شي بس اجة قبل شويه وراد فلوس الإيجار وبابا كاله ماعندي وابوك كاله منا لعشرة أيام دبرلياهن واني نقهرت ع بابا

يعني هيج الموضوع ، صح تصرف ابويه غلط بس مو معناها اختج تتجاوز عليه ودكول جشع ، عرفوا شلون تربونها

سجاد هاي شبيك ع كيفك ماكو داعي هل العياط واختي متربيه الحمد لله اعرف شلون تحجي

شنو قصدج اني مااعرف احجي بس الظاهر انتو مو مال احترام ، وخاي اختج اطيح حظها اذا سمعتها تتجاوز انوب عليه المزعطه ، بقلمي ميديا الفهد

اشكرك ع هل الكلام واعتذر مرة ثانية الك والابوك بس هو الفقير هل ايام الكل يدوس عليه ولازم ميحجي ويشكي لان مو مال احترام  ، ع كلاً تعال باجر اخذ تلفونك وخلف الله عليك ماقصرت،

انتي شبيج لج معقوله ع مود وحده جاهله تنهين كلشي، وخلي الج التلفون ممحتاجة اني

اني مانهي كلشي ع مود اختي بس انت مشفت نفسك شلون تعيط وتشمر بالحجي ، واني اول محجت ضربتها وسكتتها واعتذرت منك، بس انت مادري شبيك عبالك متحمل عليه وانفجرت اول مسمعت زمن ،سجاد روح الله يخليك ترة ماكدر احجي ، وسديت الخط

سجاد.. سدت الخط بوجهي اليوم انعل والديها 😠😠

……………………………………………………………

شنو رأيكم بالبارت وتوقعاتكم شنو راح يصير ،، لاتنسون علقوا ولاتسون الايك ،

قراءة ممتعه الكاتبة #ميديا_الفهد

ملاحظة ذمة بركبته الي يشيل اسمي واسم البيج ،لان اتعب واكتب ويجون ع الحاضر يخلون اسمهم

#مرارة_الايام

بقلمي #ميديا_الفهد

#قصص_من_حياتناM&T

البارت ال3

سجاد.. سدت الخط بوجهي اليوم انعل والديها ،

صايرة حساسه الخاتون بنت الفگر

حوراء.. كام يتجاوز بكلامه عبالك ابويه يشتغل صبي يم ابوه ،

زمن.. خلي يطير وهو وابوه صاير يحب ابوه 😏

حوراء.. انتي تنجبين وتسكتين كل المصايب من جوة راسج اول شي ورطتيني وخليتني اخذ التلفون ، جان هسه اني راسي بارد وخلينه بس ع النظرات لحد ما يجي يخطبني ، بس مو صوجج صوج الغبيه الي تمشي ورة كلام وحده اصغر منها،

عفتها وكمت ، لان صدك ضجت منها ومن تهورها كلساعه مورطتني بسالفه

زمن.. عزة اني شسويت خطيه حوراء و سجاد شعليهم بهذا الحقير ، خلي اروح اراضي حوراء گلبها طيب هسه ترضى بسرعه ،، بقلمي ميديا الفهد

سجاد.. يارب نار مشتعله بيه مال الزم هاي الكلبه زمن واسحلها سحل ، منوراها خلتني اعصب ع حوراء، وهيه هم ماقصرت السانها شطوله، احسن شي اعوفها هل يومين وانشوف شيصير

حوراء.. بقيت كل شويه اباوع ع التلفون ، اكول هسه يدك سجاد ميهون عليه يعوفني زعلانه ، احجي ويه نفسي بالمطبخ وجان تدخل زمن، رأساً درت وجهي

زمن.. دخلت للمطبخ وهيه دارت وجها ، اجيت عليها وحضنتها حيل ، يمه فدوة للزعلان ، واغنيلها هيلا يارمانه منهيه الزعلانه هيلا يمه 😂

حوراء.. حضنتني الحقيرة وكامت تغني كمت اضحك مو بيدي احبها واموت ع سوالفها ، حضنتها وبستها ، كلتلها زمن والنبي وداعت بابا اذا بعد دخلتي نفس بأي شي يخصني لو تموتين هم مااصالحج

زمن.. دروحي بابا هو انتي بأغنية وحده رأساً كمتي تضحكين وتبوسين 😄

حوراء.. 😠😠😠

زمن.. خلص خلص والله التوبه ع ايدج يا احن اخت بالعالم 😚

سجاد.. صار يومين لا دكت ولا اني دكيت ولا رحت للمدرسة ،  ادك عليها لان  مو بيدي احبها ، دكيت

حوراء.. كلش مقهورة يومين وهو ماكو حته للمدرسة ميجي معقوله بهل السهولة نسه الاول والتالي اوووف ، والله متت لا اكلي مثل البشر ولا نومتي بس افكر بي ، وهو ولا يمه ،حته ماكدر ادرس 😔

على شنو هل عذاب خلي اتصل عليه اني واشوف بلكي بي شي

اتصلت يطلع مشغول ، كلت اكيد ديحجي ويه احد بعدين اتصل ، سديته ماكو ثواني وهو دك عليه اويلي ماصدكت ،

📞الوووووو

📞ولج قندرة  بس رقمي عندج ومحد يعرف بتلفونج بالبيت المن جنتي تخابرين ادك عليج ويطلع مشغول جاوبي 😠

حوراء.. واني كل ضني مشتاقلي ودك عليه، اشو هذا استلمني عياط وغلط ، قصص من حياتنا M&T

📞انت صدك متستحي وماعندك خجل اني أهلي الي همه اهلي محد بيهم بيوم غالط عليه انت شنو ومنو حته تغلط بس مو صوجك صوج القندرة الي ادك عليك بعتبار صرت قندرة

📞استغفر الله حوراء تدرين بيه احبج واغار عليج ،مااعرف من شفته مشغول تخبلت كمت مااعرف افكر

📞لا مو متعرف تفكر بس ماعندك ثقه بيه وأهم شي بالحب الثقه بين الطرفين بس حضرت جنابك رأسا فكرتني احجي ويه واحد ثاني مو ماعندي اخلاق لو خطية انت متعرفني

📞حوراء رحمه المحمد لاضلين تحجين هيج ، كلش زين تدرين عندي ثقه بيج بس كلتلج من شفت  الخط مشغول انجنيت ، حبيبتي شلونج مشتاقلج

📞هههههه لا اكيد تشاقه انت لو عندك انفصام بالشخصية ،تره حته معتذرت ع غلطك وسوء ضنك بيه ، الهل درجة اني رخيصة تهين بيه وبدون اعتذار ترجع تحجي حبيبتي وحياتي ؟

📞اهووو بعد شيخلصها عمي اسف واعتذر  I'm sorry وحقج عليه وابوس راسج بعد تأمريني بشي

📞لا بلا شو منورو خشمك  هل اعتذار

📞يعني شسوي كوليلي اطب من التلفون وابوس ايدج ورجلج وشفايفج 😂

📞لا شكراً وصل الاعتذار خليك بمكانك احسن ،

📞يعني هسه رضيتي ؟ راح الزعل ؟

📞اممم

📞شنو اممم ، جاوبيني كولي اي حبيبي اريد اسمعها منج صار يومين ماسامعها ، يلا عمري صافي يالبن ؟؟

📞حليب ياقشطه 😤

📞زين وين كلمة حبيبي هم طنشتيني ؟

📞يلا حبيبي حبيبي ارتاحيت استاذ سجاد

📞لا طبعا مارتاحيت ارتاح بس من تصيرين بحضني 😎

📞اهووو رجع لهل سوالف ولك بطل عيب عليك

📞قابل اجذب عليج هاي الحقيقه على كولتهم اني دُغري ما اللف وادور

📞ديلا بس بس ، صدك سجاد شعجب خابرت عليه معقوله هيج اشتاقيتلي وبعد متحملت ،

📞لا طبعا شتعرفين بيه ، بس نزلت ملزمة الانكليزي الجديده وكلت ادزها الج قبل امتحانات نص السنة ، كلش زينه وادري بيج دتعانين من مُدرستج لان متشرح زين

📞اي والله كل الشعبة تشكي منها ، تشرح شلون مجان حته الطالبات يدخلن خصوصي عدها استغلالية الله لايوفقها ، والله سجاد وحده من الصف دخلت يمها خصوصي دكول تشرح شرح مو طبيعي ، وبالصف مكضيتها بس ترجم قطع العوبه

📞ولا يهمج حبيبي باجر امرلج من طلعون من المدرسه لان اصلا مشتاقلج موت

📞يلا حبيبي اني اروح اقرة وانت هم اقرة زين امانة  الله بلكي نصير سوه بنفس الجامعه

📞ان شاء الله حبيبتي انتي بس ادعيلي الله يهديني واقرة ، يلا باااي

📞 ان شاء الله ربي يهيدك يا سجاد ابن قسمة ، بااي يا گلبي

حوراء.. رأساً رجعلتي الضحكة والابتسامة ، امي متخليني اساعدهم بتنظيف البيت لان امتحانات نص السنة قربت وتريدني اطلع معدل زين ، بقلمي #ميديا_الفهد

زمن.. اي عيني مسعدة وبيتج ع الشط كاعده وتلفن واني مكضيتها كراب بكراب ، عبالك بس حور عدها امتحانات واني بنت البطه السوده خاليني بس للكرب اوووف شهل العيشة

حوراء.. دسكتي ليجيج 👡 من نبع الحنان يشوفج البطه السودة ع اصولها 😂

زمن.. كلشي ولا السلاح الطائر اويلي تسنترة بالوجه عدل يصير ابو الطبعه 😂

حوراء.. انتظر باجر ع احر من من الجمر باجر اشوف سجودي نور عيوني 😍 بيج قصص من حياتنا M&T

سجاد.. كعدت الصبح لكيت ابويه كاعد اويلي اروح امشط شعري عدل لا اترزل مابيه حيل ، تريكت طلعت من البيت ،انتظر الدوام يخلص حته اروح لحوراء لان اتفقت وياها من تحل امر عليها انطيها الملزمة ،

حوراء.. طلعت من المدرسه وميته شوك لسجاد اريد بس اشوفه عبالك مو يومين مشفته لا عبالك سنتين ربي يصير من نصيبي 🙏🏻 ، اويلي واكف هناك فدوة الطوله طالع يجنن

سجاد.. سلمت على حوراء، وماسلمت ع اختها ،وهيه هم دارت وجها ومشت ،

هاج حبي هاي الملزمه ياعيون سجاد

حوراء.. اخذت منه الملزمه وكمش ايدي اويلي ولا يجوز من سوالفه ، ، تسلملي  ،يلا اروح اني

رجعت للبيت فتحت  الملزمه ولكيت بيها وردة حمرة 🌹 تجنن وعطرها اويلي كلش طيب بقيت شايلتها واشتم بيها

......تسريع للأحداث.......

بقينه نتواصل سوة اني وسجاد ، ويوم عن يوم يزيد حبنه صارت امتحانات اخر السنه واحنه كله نقرة سوة ،هم اقرة وهم اشرحله #قصص_من_حياتناM&T

سجاد.. دخلت بكلوريا طبعا ابويه راد يذبح طلي 😂 الفضل كله لحوراء لو مو هيه تسويلي واهس جان لهسه معكرك بالسادس ، نبقى نقرة سوه حبيبتي تشرحلي مادري ليش الاساتذة ماافتهم عليهم وحوراء رأساً تخلي المعلومه تدخل ركض لدماغي

حوراء.. مرت ايام الامتحانات واحنه كل وقتنه سوه ، خلصنه امتحانات ، وبقينه ننتظر النتائج وحته اعصاب ماعدنه ،اصعب شي بالدنيا هيه انتظار النتيجة للطالب ، وخاصه السادس لان يتحدد مصيرنه بهل نتيجة

دك عليه سجاد واني ارجف لان كال راح اروح لابو النت اطلع نتيجتنه ، اريد اجاوب عليه بس ماكدر ،

📞الوووو هااا سجاد بشر فدوة ؟

📞ولج شبشر سوده مصخمه نتيجتي ونتيجتج

📞سجاد بداعت امك لاتلعب ع اعصابي ترة راح اموت من الخوف حباب احجي الصدك شكد معدلي وانت ناجح لولا ؟

📞هاي شبيج حوراء هو الواحد يتشاقه بهيج موضوع، سكتي ماقاهرني غير معدلج يومت قهر كل تعبج راح

.

📞عزة بعيني ولك سجاد بس كولي شكد مو حته دم مابقه بدمي والله اذا تشاقه بعد ولا احجي وياك

📞ولج أنتي معدلج 85 واني معدلي 68

📞كول والله ، صدك هيج معدلي عزة ممصدكه 😃 ، الف مبروووووك حبيبي الي والك

📞الله يبارك بيج حبيبتي مبروك النه اثنينه ، والله ياحوراء لو مو انتي جان حته بكلوريا مدخلت مو النوب انجح من الدور الأول ، يلا عمري روحي فرحي اهلج واني هم افرح اهلي ،عفت ابويه ع نار ينتظر اول وحده انتي  خابرتها ،باااي

📞بااي حبيبي

سجاد.. دخلت للبيت الكل وكف ع حيله ابويه هاا بشر ولك حمامه غر اب؟ دنكت راسي كلتله غراب ، فتح عيونه 😦 كلتله وناجح ومعدلي 68 🕺🏻

امي كامت تهلهل وابويه يبوس بيه ليسمعهم يكول هذا ابنهم طالع من ضمن العشرة الأوائل ههههه ، بقلمي ميديا الفهد

حوراء.. كاعدين امي وابويه مااعرف شلون اكوللهم نجحت ،واريد احجي احس راح اطك بس زمن تدري مو مال اصبر لحد يوم النتائج مال مدرسة 

،احسهم محتاجين يفرحون ،

كلتله بابا عندك رصيد ،

كال اي  ليش،

بابا اريد اخابر سمر صديقتي واشوف اكو خبر عن النتائج ،

اخذته ورحت كلتله هلو سمر بشري شطلعتي كالت

ناجحة بس مو تدرين أجلت درس ، كلتلها الف مبروك حبيبتي وان شاء الله تنجحين بهل الدرس ،

سمر حبيبتي أريد اطلب منج طلب ،

سمر.. اي حبي طلبي خير،

حوراء.. ممكن تشوفيلي نتيجتي من النت حبابه،

سمر.. اي حبي غاليه والطلب رخيص دقايق واخابرج بااي

حوراء. . رجعت كعدت يم اهلي وكلتلهم راح اطلع نتيجتي سوده عليه كاموا يدعون ،

دك تلفوني اباوع عليهم خايفين أكثر مني قبل لا اعرف نتيجتي ،،

الووو ها سمر بشري

سمر.. حبي الف مبروك ناجحة ومعدلج 85 ،

حوراء.. تسلمين حبيبتي، وسديته ، امي .. ها ولج كولي ،

كمت اعيط ناجحة ناجحة ومعدلي 85 ،

امي تهلهل صار اشهر مافرحانين من توفه زيد لليوم ابويه راح جاب كيك وعصير ، صح شي بسيط بس بالنسبة الي فرحتهم اكبر هدية بيج قصص من حياتنا M&T

بقينه ننتظر استمارة القبول ، مجنت ادري هاي اخر فرحة راح اشوفها بحياتي الي اصلا مراح تكمل 😔

سجاد.. دكيت ع حوراء الصبح تقريبا ب11 يدك ومتجاوب ضل بالي عليها ،

رحت فتت من يم بيتهم محد اكو ، دكيت الباب بحجة اسأل ع ابوها ادري بي ماكو،

واكفه طفله بالشارع كالتلي بيت ابو حوراء راحوا للمستشفى 😳😳😳

……………………………………………………………………………………

توقعاتكم للبارت الرابع، تفاعلو فدوة ترة واهسي يروح اذا ماشوف تفاعلكم ، وهم اريد اتباهه بيكم كدام زوجي ،لا تفشلوني الكاتبة ميديا الفهد

احبكم

#مرارة_الايام

بقلمي #ميديا_الفهد

#قصص_من_حياتناM&T

البارت ال4

سجاد.. واكفة طفله بالشارع كالتلي بيت ابو حوراء راحوا للمستشفى 😳😳

حوراء.. كاعدين الصبح امي تسوي غدة وإني وزمن انظف البيت ، بس شنو گلبي مقبوض مادري شبيه الدمعه بطرف عيني وحته سجاد يوميه هيج وكت اخابر عليه، بس اليوم مالي خلك لأي شي ،،

تقريبا ب10 اندك الباب راحت زمن تفتح الباب

زمن.. يوم يوم تعالي الحكي

ام حوراء.. هاا شكو ؟؟

زمن.. ماما ذوله شرطه اثنين يسألون عليج

ام حوراء.. ياستار شكو  ،

الشرطي.. السلام عليكم ، انتو بيت ابو زيد

ام حوراء.. اي خاله احنه

الشرطي.. خاله ابوكم صار وياه حادث سير وهو بالمستشفى ودلانه ع بيتكم

ام حوراء.. عزة بعيني 😱 شبي الرجال احجو خاله فدوة اروحلك مات رجلي كول

الشرطي.. خاله لو ميت مجان اندلينه بيتكم ، رجلج هو دلانه لاتخافين مابي شي والله ،بقلمي ميديا الفهد

حوراء.. سمعنه امي تلطم وتبجي طلعنه نركص اني وزمن ، وعرفنه بابا مسوي حادث ،

بس الشرطه كالو مابي شي شويه رضوض

امي لبست عباتها بس شنو بالكوة واكفه كلتلها يوم ماطلعين الا شربين الدوة واحنه نجي وياج ، اني وزمن ،

صح كالوا مابي شي بس گلبي يوجعني احس اكو شي ،

طول الطريق واني مرة اكول لو بي شي صدك شلون الشرطه اندلو بيتنا ،

وبعدين اكول لو مابي شي جان مااجونه الشرطه اكيد ميت بس همه ميكولون ،

بقيت بس ابجي وادعي الله يكوم ابويه بالسلامه

وصلنه للمستشفى وشفنه بابا متكسر تكسر ، كمنه نبجي من شفنه حاله وجه مورم وايده ورجله مچبسة يموت قهر ،

شافنه ابتسم حضناه وبقينه نبجي ، احس بابا مابي نفس

رفعت راسي من صدرة

واشوف عيونه مفتوحه ليفوك ومبتسم ، رأساً كمت اعيط

بابا .. بابا باوعلي حباب الله يخليك لا تعوفنه مثل زيد 😭، بعد منو النه من بعدك ، بابا كوم باوعلي ، افرك بايده واحركه بي اريد منه بس حركه وحده ماكو ،

عبالك ينتظر يشوفنه يلا يموت  ،، قصص من حياتنا M&T

امي من شافته اغمه عليها ، زمن كامت تضرب ع وجها وتعيط ، اني احس الدنيا ظلمت بعيني ماعرف ابجي على ابويه الي امدد كدامي لو اروح ع امي الي وكعت بالكاع من الصدمة ، لو اهدي اختي الصغيرة الي كامت تضرب بنفسها بدون وعي

بقيت حايرة وصافنه ودموعي تنزل، اجوي الدكاترة والممرضين ، كالو توفه اثر نزيف داخلي ،

طبعا بعدين عرفنه انو أبويه ديعبر الشارع واجتي سيارة طايرة دعمته، وحته ماكلف نفسه السايق يوكف ويودي للمستشفى،

والناس تباوع عليه وره عشر دقايق الشرطه نقوله للمستشفى،

هذا حجي الشرطي، والناس تخاف يشلوه خاف يموت ويبتلون ، 

امي نقلوها للردهة النسائيه ، اني وزمن منعرف وين نروح يم امي لو يم ابويه،

رحنه يم امي ، سكرها مرتفع  واغمه عليها شويه وصحت ،

ام حوراء.. حوراء زمن وين ابوكم اني وين شو ماشوفكم كلشي مغوش بعيني،، بقلمي،،ميديا الفهد

حوراء.. من كعدت امي كامت تسأل ع بابا ودكول اشو ماشوف زين ، ركضت صحت الممرضه ،

شافتها كالت سكرها بعده مرتفع ، وراحت

وره شويه اجه طبيب فحص عينها ، كال السكر من ارتفع ضرب عينها وميصيرلها جارة الا سفروها لايران بلكي يكدرون يسوولها عمليه هناك

هو يحجي واني ابجي وهو احنه دينار ماعدنه بالبيت ،

ابويه بالثلاجة، وامي انعمت وماعرف شسوي ،

الطبيب اجه حجة ويايه،

الطبيب.. مااعرف شكولج بس صار انفجار واجوي هوايه جرحة وشهداء، ومنكدر انخلي امج بالمستشفى لان اكو حالات اخطر منها ، واحنه منكدر نخليها اكثر دكدرين تاخذيها للبيت،

وخابري ع عمامج او خوالج حته يدفنون ابوج ،لان مثل ما كلتلج اكو شهداء هواي ،قصص من حياتنا M&T

حوراء.. يعني شسوي اني ماعندي احد ، بس بابا وراح 😢

طبيب .. مااعرف ضبطي امورج منا الباجر ، وامج اليوم طلعوها لان صار يومين هيه وهيه شاغرة السرير غيرها احق بير

سجاد.. يومين وهيه ماكو تخبلت معقوله هذوله وين راحوا محد من المنطقه يعرف بيهم وين ، التلفون  من كد ماادك عليها خلص شحنه وطفه ،

حوراء.. طلعنه امي من المستشفى ، طبعا المستشفى سلمونه غراض ابويه تلفونه وفلوسه وملابسة الي كلها دم

اجرت تكسي وصلنه للبيت ،امي حالها يبجي الصخر متشوف وتبجي وتلطم ع ابويه ،

زمن.. حوراء شنسوي ابويه لازم يندفن ، منو يدفنه نروح الخوالي

حوراء.. لج ياخوال ذوله هيه اختهم وطردوها يستقبلونه احنه ويدفنون ابونه،

زمن.. لعد شلون فهميني ؟؟

حوراء.. مادري زمن مادري راسي راح ينفجر من التفكير 😣

سجاد.. ورة يومين واكف براس الشارع وشفت تكسي ونزلو منها حوراء وزمن ولازمات امهن يمشنها أبوهم مز وياهم ، تخبلت شنو شصاير ، #قصص_من_حياتناM&T

دزيت امي كلتلها يوم تره بيت ام حوراء مادري شبيهم روحي شوفيهم خطية ناس فقرة ،خاف صاير عدهم شي ، امي مكالت شي لبست عباتها وراحتلهم

حوراء.. دخلت امي للحمام صار يومين بنفس هدومنا ، اسبحه بيها ، وزمن اجتني

زمن.. حوراء هاي ام سجاد اجتي علينه وتسأل ع امي ،

حوراء.. دخليها للهول هسه راح نطلع اني وامي ، يوم حبيبتي ادري مالج خلك تشوفين احد ، بس عيب من المرة تعنت لحد هنا ، بيج قصص من حياتنا M&T بقلمي ميديا الفهد

ام حوراء.. ولج گلبي خلصان مادري الطم ع ابوج لو الطم ع نظري الراح وصرت عاله عليج انتي واختج، وحملتج مسؤولية انتي مو كدها ، سوده عليه شلون راح تتحملن الظيم الي راح يجري عليجن ،

حوراء.. مادام انتي يمنه وصحتج زين الباقي كله مو مهم، 

كملت الامي لبستها دشداشه سودة واني وزمن هم لبسنه اسود،

كعدنه يم ام سجاد ،حجينه ع الي صار بينه ، تخبلت وكالت خاله احنه موجودين وان شاء البنت ابو عزيز ميقصر ،

سجاد.. رجعت امي وسولفتنه ع الصار بأبو حوراء وامها ، وطلبت من ابويه انو يدفن ابوهم ،

ابو سجاد.. واني منيلي الوقت والفلوس حته اروح ادفنه ، شنسويلهم خلي يروحن الخوالهن اني شكو

سجاد.. يابة صدك تحجي ،خطية نسوان وحدهن وماعدهن زلمه ، الك بيها اجر اذا ساعدتهم ، واذا ماعندك وقت اني وعزيز نروح نسوي اللازم وندفنه ،اكرام الميت دفنه ،

ابو سجاد.. امري لله ، هسه هيه وين الجثة بيا مستشفى 

سجاد.. اندلينه المستشفى ورحنه استلمنه الجثه وحوراء ويانة لان لازم احد من اقرباء الميت يستلم الجثة ،

حوراء منهاره بس تبجي وتلطم ومحد وياها مرة حته تهديها ، لان بس اني وعزيز وابويه رحنه وياها ،

اريد اركض عليها وواسيها واطبطب عليها ، واحسسها اني يمها ، بس مكدرت أبويه واكف واخويه ،

حوراء.. اول مطلعو جثة بابا ماعرف شصار بيه كمت ادك والطم عبالك ستوني صدكت انو ابويه صدك مات وبعد منشوفه ، ابو سجاد لزم ايدي ويكولي كافي لاتلطمين وتبجين

ابو سجاد.. كافي ميصلح ،ابوج يتأذه من يشوفج هيج صيري قويه وصبري

حوراء.. عمو شلون اصير قويه واصبر احنه ضعنه وبعد مالنه اي احد ربي ليش ماخذتني الي وخليت ابويه خيمه فوك راسي اختي وامي ربي اخذني الي ورجع ابويه ،

ربي دخيلك بعد ماكو قابلية اتحمل افراك ، كافي زيد راح منه،

ولك زيد متكدر ع فراك بابا لان مدللك ويحبك اشتاقيتله وراح يجي يمك وانت ترتاح واحنه منو النه شلون نرتاح من بعد عينك بابا ، كوم حاجيني،

منو يدعيلي بعد حته اطلع كلية زينه وارفع راسه ، منو يفكر بينه وبعيشتنه منو بعد عينك يابة ،ماكلت شلون اعوفهن واروح 😭 بيج قصص من حياتنا M&T

سجاد.. حوراء ذكري الله ، هذا آمر الله ، اترحميله واقريله قرآن حته يرتاح ، هذا البجي والطم ميرجعلج ابوج ،

حوراء.. استلموه وخلوه بالتابوت ورجعنه للبيت وطول الطريق ادك والطم ،دخلنه للبيت لكيت النسوان ملتمين يم امي وزمن

زمن.. كاعدين النسوان يمنه كل الجيران اجو يعزونه ، صار البجي ويصبرونه على بلوتنه ، وره شويه دخلت حوراء وياها بيت ابو عزيز وياهم تابوت ، من شفته روحي راحت مني ركضت ع التابوت حضنته وفقدت

حوراء.. وصلنه للبيت امي وزمن كامو يبجون بعياط ولطم ،زمن حضنت التابوت وسكتت ، جيرانه تريد توخرها من التابوت لكتها مابيها نفس ، كلت خلص حته اختي راحت عفت ابويه وامي وركضت عليها كمت بلا وعي اضرب بوجها حيل ، صبغتها صبغ فتحت عينها ، حضنتها وكمت ابجي سوده  عليه يومين لا ماكله ولاشاربه ، اكيدر تخرب روحها وتتخربط ،

احسن نفسي صرت سندهم ، مخليتها تجي ويايه للدفن ، هيه وامي بقو بالبيت ام سجاد اجتي ويايه ، أول مرة اشوف شلون يدفنون الميت ، ردت انزل وياه بالگبر وام سجاد لازمتني ، ملخت روحي تملخ ، بقلمي #ميديا_الفهد

سجاد.. رحنه غسلنه ابوها بالمغيسل وراها توجهنا للمگابر ، دنزله بالگبر وركضت حوراء حضنت ابوها ومتخلينه انزله دكول نزلوني اني بداله ، ابويه يضوج من الظلمه وميحب يبقه وحده خلوني ابقه وياه ، هيه تبجي واحنه كلنه وياها نبجي ، موقف صعب مو من السهل ينوصف ،

حوراء.. دفنوا ابويه سودة عليه واني ادمرت ، شلون راح اعيش بالدنيا وابويه ماكو شلون ربي شلوون 😭

………تسريع للأحداث………

،

مرت الايام علينه واحنه مثل الجثث بلا روح ، عبالك متنه ويه ابويه ، وانعمينه ويه أمي 

الحياة مالها طعم بدون ابويه ، امي مابطلت بجي لحد ماعمت كلش ،

بقوا الجوارين كل فترة يتصدقون علينه ، ابو سجاد بقة شهرين مياخذ إيجار، الله هداه علينه ، بس اني ايدي ع گلبي اكول هسه ع ساعه ويجي يريد فلوس الإيجار  ،وهذا حقة بس احنه وين نروح ، طبعا صار تقديم للكليات وماقدمت بسبب ظروفي

سجاد.. بقت حوراء فترة منعزله عن العالم وحته تلفوناتي مترد عليهن ، رحت دكيت الباب،

حوراء.. واكفه بالمطبخ اباوع بالثلاجة فارغه مااعرف شسوي اكل كلشي ماعدنه امي مريض واكلها لازم خاص ، واني شايله هم ، بس ربك ميكطع بعبدة ، اندك الباب ، لبست شالي وطلعت ،

لكيته سجاد جايب وياه علاليك،

سجاد.. ادري بيهم ماعدهم معيل من بعد ابوهم كلت اخذلهم مسواك، وهم اشوف حوراء من يوم الدفنه وبعد مشفتها ولاسمعت صوتها، دكيت الباب،

طلعتلي معرفتها الحزن مبين بمعالم وجها وضعفانه ، سلمت عليها،  بيج قصص من حياتنا M&T

حوراء.. من شفت سجاد وبيده العلايك مثل شفت بي خيط امل يشيلنه من هل الوضع الي احنه بي ، سلم عليه وكال حوراء جاوبي ع تلفون رايدج بموضوع، كلتله ان شاء الله

دخلت للبيت ، لكيته متسوك مخضر وفواكه وخبز ودجاجة مشويه ،انترست الثلاجة ،دعيتله ربي يحفظة ويسلمه من كل شر

صبيت الغدة ، امي سألتني منين هل الاكل ، يوم هااي من بيت ابو عزيز ، بقت تبجي دكول وينك ابو زيد العالم كامت تتصدق علينه من بعد عينك ، وينك يا حبيبي وابويه وامي وكل عشيرتي ، #قصص_من_حياتناM&T

كمنه نبجي اني وزمن ، حته مكدرنه ناكل ،

دخلت للغرفه اتذكرت سجاد كال جاوبي ع التلفون ، فتحت التلفون ودكيت عليه ،

📞الووو هلو حور شلونج حياتي

📞الحمد لله عايشه

📞حور حبي اليوم نزلو استمارة القبول واشتريت اثنين الج والي

📞سجاد تحجي صدك يااستمارة ياقبول انت متشوف حالنه، ماكدر اقدم ع اي شي

📞ولج خبله الله يدبرها واني موجود ماعوفج وحدج ، قدمي والله كريم معدلج عالي ويدخلج احسن كلية

📞ماكدر سجاد امي ضريره واختي مدبرها وحدها وماعندي الامكانية حته اداوم بالجامعه ،

📞معقوله حوراء تضيعين تعب كل هل السنين ؟

📞سجاد انت تحجي هيج بس لو تشوف وضعنه بالبيت راح تعذرني 😭

📞لاتبجين حبيبتي انعل ابو الدراسه يطبها مرض اهم شي دموعج لاتنزل ، روحي ارتاحي وبالليل اخابرج

📞ان شاء الله يلا مع السلامة

حوراء.. من جاب سيرة الجامعه اتذكرت حلمي وطموحي انو اصير شي واتخرج واتعين واساعد امي وابويه واحسن وضعنه ،

مات بابا وماتت احلامي وطموحي كلشي راح وياك بابا ،

سجاد.. قدمت بس الي وانقبلت بمعهد لان معدلي قليل ، ابويه كال لا قدم ع كلية اهليه احسن من المعهد ، وقدمت ع كلية علوم حاسبات اهليه، وداومت،

بس بقيت ع تواصل ويه حوراء وبنفس الوقت مقهور عليها لان مكملت دراستها ،، بقلمي ميديا الفهد

حوراء.. داموا الطلاب وسجاد يداوم بالكلية وإني كاعده بالبيت ،كل التعب الي تعبته راح واتبخر حسيت بالفشل والقهر والحسرة ،

مرت الايام واندك الباب ، وصار الي جنت خايفه منه ، ابو سجاد بالباب اكيد مل منه ويريد فلوس الإيجار ، 😔😔😔

……………………………………………………………………………

توقعاتكم للبارت الخامس ، واهم شي تفاعلكم ،اريد يتفجر البوست بالتعليقات والايكات ،، قراءة ممتعة أعزائي

الكاتبة ميديا الفهد

#مرارة_الايام

بقلمي #ميديا_الفهد

#قصص_من_حياتناM&T

البارت ال5

حوراء.. ابو سجاد بالباب اكيد مل منه ويريد فلوس الإيجار ،😔

ابو سجاد.. هلو حوراء شلونج

حوراء.. الحمد لله عمو ،

ابو سجاد.. حوراء اريد امج صيحيلياها

حوراء.. عمو الله يخليك بس اصبر علينه ، تعرف بوضعنه ،وامي مريضه وماعدنه غير مكان نروح بي

ابو سجاد.. هههههه ومنو كلج اني اريد اطلعكم من البيت بالعكس هذا بيتكم ومكانكم ، رايد امج بغير موضوع

حوراء.. عزة صدك ويسويها الحظ وسجاد دز ابوه وديسويلي مفاجئه يريد يخطبني السجاد أكيد 😍، كلتله تفضل عمو

ام حوراء.. حوراء تعالي ، هذا منو الي فات بيتنه ؟

حوراء .. يوم هذا ابو عزيز،يريدج بوضوع

ام حوراء.. صخام الصخمني ، اكيد يريد فلوسه، ربي انت اعلم بالحال افرجها علينه

حوراء.. لا يوم مو ع مود الإيجار لان سالته وكال لا اريد امج بغير موضوع

ام حوراء.. الله يستر بس لا يشيلنه من البيت وين نطي وجهنا ، وديني عليه خلي اشوف شيريد

حوراء.. وصلت امي للهول ورحت اسوي جاي ، واسمعه يحجي وياها ، اجتي زمن كالت شكو

كلتلها ولج ابو عزيز هنا ، لاتخافين مو ع مود الإيجار،بغير موضوع جاي ع امي ،، بقلمي ميديا الفهد

زمن.. ولج معقوله يريدج لسجاد

حوراء.. مادري ولج بس خايفه انتي فوتي الجاي ،استحي

ابو سجاد.. ام حوراء ادري بيكم وبوضعكم وماعدكم احد ، يعليكم ويساعدكم لهذا اني اريد اوكف وياكم واشيلكم من هذا الفگر

ام حوراء.. والنعم منك ابو عزيز  والله فضلك ع رأسي من فوك، متحملنه صارلك كم شهر ، ومكعدنه بيتك رحم الله والديك متقصر

ابو عزيز.. ام حوراء انطيني مجال اكمل ، فدوة الكم فلوس الايجار ، والبيت كله فدوة الج والبناتج

ام حوراء.. ربي يحفظك ويسلمك

ابو سجاد.. اني طالب القرب منكم واريد اخطب بنتج حوراء

ام حوراء.. اي شو سكتت ،المن طالب ايدها العزيز لو السجاد ؟

ابو سجاد.. هههههه لا لهذا ولا ذاك ، طالب ايدها الي لو اني مو كد المقام ؟

ام حوراء.. لا ابو عزيز العفو منك بس تدري بناتي صغار وحوراء حته اصغر من ولدك وبناتك، يعني انت بمقام ابوها الله يرحمه

ابو سجاد.. الرجال ميكبر واني روحي خضرة وام عزيز ممأدية واجبها الي ،مره كبرت واني رجال بعدني بحيلي واريد ابنيه دير بالها عليه وتشوف طلباتي والرجال مايعيبه الا جيبه

ام حوراء.. ابو عزيز ماعرف شكولك بس مستحيل انطي بنتي الرجال أكبر منها بالعمر اسفه منك، صح وضعنه تعبان وانت مفضل عليه بس بنتي مانقصها شي حته ازوجها لرجال اكبر منها ،بيج قصص من حياتنا M&T

ابو عزيز.. ام حوراء لاتستعجلين بالجواب يجوز البنية توافق ، واني مستعد بس اتزوجها اسجل هذا البيت باسمها ، اني اترخص منج ، فكري زين وشوفي البنيه ورديلي خبر

حوراء.. اسمع بيهم يحجون وگلبي يدك حيل، من كال اريد اطلب ايد حوراء ، زمن حضنتني ومكيفين، انوب امي سألته المنو من ولدك ، شو هذا ضحك ويكوللها لا هذا ولا ذاك ، بقينه اني وزمن وحده تباوع ع الخ ، جان يكوللها اريد اخطبها الي ، اني هنا  احس الكون كله وكف لطمت ع وجهي حيل، عزة بعيني كلشي احبه راح مني اول شي زيد وبابا ودراستي وهسه سجاد لا ربي كافي والله الروح متحمل كل هذا ، كمت ابجي ودخلت الغرفتي ، كمت ادك والطم واندب بحظي المصخم الي مامشه عدل بيوم ويايه ، 

زمن.. لج شنو من بشر هذا من جنت احجي عليه واكلج جشع متقبلين ودكولين لا هذا ابو سجاد لا تتجاوزين عليه ، شفتي ابو عين الزايغه رجليه بالگبر ويريد يتزوج وحده اصغر  من ولده صدك ميستحي ، ولج لو اني منج اخابر سجاد وافضحة الهل شيبه ابو صماخ ،

حوراء.. زمن تحجي وإني صافنه عليها بس عقلي احسه واكف وماكدر اجمع ، بلا شعور كمت ع حيلي ودفعت زمن حيل وسديت الباب وقفلته

ابو سجاد.. اني صار سنين مشايف بنات ابو زيد ، اذكرهن من جانن يلعبن بالشارع بس من رحت للمستشفى اريد ادفن ابوهم ، وبنته حوراء اجتي ويانه ، تعجبت بيها متغيرة وكبرانه ومحلوه صايرة مرة ، راسا خليتها بالي وكلت الا اخذها ،

اباوع ع طولها وعيونها وخصرها مو بنية لا غزاله ، انوب وهيه مسبيه وهيج لو مرتاحه وتضحك شلون

مرت كم شهر ورحتلهم متوقع بالبداية يرفضوني بس اكيد من يفكرون ميلكن احسن مني يلمهن من الشارع وهنه نسوان الوحدهن #قصص_من_حياتناM&T

حوراء.. كعدت بالغرفه ابجي مااعرف شاصرف بس مستحيل اوافق عزة اخذ ابو حبيبي هاي وين صايرة ياربي ، لالا لو اعرف انام بالشارع هم ماوافق ، امي ادك بالباب اويلي شكوللها

راح تتبهذلون بسببي ، اكيد من ارفض راح يضل معادينه ويطردنه من البيت ،

ام حوراء.. فدوة حوراء فتحي الباب بعد امج ماكدر اضل واكفه ماعندي حيل

حوراء.. مسحت دموعي وكلتلها اي يوم جايه

فتحت الباب واني الف طعنه بگلبي شلون لابيه اوافق ع ابو حبيبي ويصير زوج الي مجرد الفكرة تمر ع بالي واني اتخبل ، ولابيه اشوف امي المريضه واختي متبهذلات بالشارع

ام حوراء.. اكيد سمعتي الحجي الصار بيني وبين ابو عزيز ،

حوراء.. اي يوم سمعت ،

ام حوراء.. وانتي شدكولين ، ماريد اضغط عليج ولاعبالج احنه انضيع اذا رفضتي ارض الله واسعه واهل الحلال هواي ،

حوراء.. يوم اني ماكدر اتزوج اصلا ماكدر اعوفج،

ام حوراء.. معليج بيه اني مدايمتلج بهل الدنيا ، اريدج تفكرين زين وتقررين

حوراء.. امي طلعت ومكدرت اكوللها اني مااوافق ع ابو عزيز

تربط لساني ، احسن نفسي بدوامه ومااعرف شلون اطلع منها ، دك التلفون ، يارب والله هذا مو وكته ماكدر اجاوب عليه

سجاد.. رجعت من الكلية تغديت ونمت للعصر كعدت ، كلت خلي ادك ع حوراء مشتاقلها ،

يدك التلفون وهيه ماكو كلت خاف مشغوله ، دزيتلها مسج

✉حبيبي حور من يصير عندج مجال خابري عليه مشتاق اسمع صوتج ، احبج بقلمي ميديا الفهد

حوراء.. دك سجاد اكثر من مرة ومجاوبت، روحي مقبوضة ، يعني ليش إني بالذات رادني شنو خلصن البنات بالدنيا لو هذا حظي المصخم لو لان ماعندي ظهر وسند بالحياة ،

وصلت رسالة سجاد، قريتها وكعدت ابجي ، شلون بعد اصير الك شلون تزوجني وابوك رايدني ، يارب اخذني وخلصني راح اموت من التفكير ، تعبت والله تعبت 😭

سجاد.. صار الليل وماكو خبر عن حوراء صدك خفت عليها، دكيت ونفس الشي ماكو رد ، الف فكرة وفكرة اجتي ع بالي ،

حوراء.. مرن يومين بس عليه ضيم وقهر ، عادي رجعت احجي ويه سجاد عسى وانسى سالفة أبوه ، كلتله جنت مالي خلك شويه مريضه، عادي سكت ، بيج قصص من حياتنا M&T

سجاد.. 📞حور حبيبي شبيج صارلج يومين مو ع بعضج، صاير شي امج او اختج بيهم شي ؟

📞لا حبيبي ماكو شي صدكني كلتلك مريضه ومالي خلك

📞حور ياعمري ادري بيج واحس بصوتج اذا ضايجة او مريضه وانتي مو مريضه فكوليلي شبيج

📞سجاد لاتضغط عليه اكثر من هيج كلتلك مالي خلك وبس ماكو شي ثاني 😭

📞اذا ماكو شي ليش تبجين لعد ، حوراء بروح ابوج وبروح زيد ، أبويه جايكم يريد إيجار مو؟

حوراء.. اول ما كال ابويه ماعرف شصار بيه زاد البجي قاطات مااعرف شكوله ، وإذا عرف شلون تكون ردت فعله ، واني اذا سجاد يطلع من حياتي اموت والله 😭

📞حوراء لاتخبليني شبيج كولي راح اللبس واجي عليج بهل الليل لو تحجين ، ابويه مو اعرف سوالفه

📞سجاد الله يخليك ماكدر احجي ، احس اختنكت بالزايد ارتاح شويه وأخبارك

📞ماشي حوراء براحتج مااضغط عليج اكثر

سجاد.. سديت الخط واني اعرف بحوراء انو متكدر دكولي ابويه يريد فلوس الإيجار

واعرف بيها عدها عزة نفس مو طبيعيه ، اووف ياربي فلوس الإيجار 350 الف واني عندي بس 150 ، ومنا الكليه ومصاريفها ، اووف هذا ابويه شيقنعه بال150 الف ،

حوراء.. سديت الخط وابجي احس صار البجي عادة عندي عمري كله بس بجي ليش هيج ربي الفقير منين ما يندار يلكاها مسدوده بوجه ، انوب سجاد عباله الي يريده ابوه فلوس ميدري الي يريده شي يمكن راح يخلي يتخبل، اوووف وين انطي وجهي والمن اشكي همي ،

رحت لامي وكعدت بحضنها بقيت ابجي وابجي ،

ام حوراء.. ابجي يمه ابجي وريحي گلبج ،

حوراء.. يوم شنسوي اذا طردنه ابو عزيز وين نروح ؟

ام حوراء.. الله ماينسى عبده بنتي

حوراء.. ونعم بالله ،

.

حوراء.. من بجيت بحضن امي شويه ارتاحيت ، صار الصبح اندك الباب ، اووف كل ما يندك الباب يصير بيه خوفه لا ابو عزيز جاي علينه ، احس كابوس ومااعرف شوكت اصحه منه

سجاد.. اخذت الفلوس العندي ورحت البيت اهل حوراء ، حته امها تنطيهن الابويه بلكي يسكت شويه ، دكيت الباب وطلعت حوراء اويلي ، لج هاي شنو عيونج ليش هيج وارمه وحمر

حوراء.. فتحت الباب واشوف سجاد ردت احضنه واشكيله واكوله ابوك هيج وهيج، بس مكدرت ، راسا سألني ع عيوني من كثر البجي وارمات ،

كلتله سجاد تعبانه احس روحي راح تطلع

سجاد.. اسم الله ع روحج حبي ، لشيلين هم مادام اني موجود ، هاج هاي الفلوس انطيهن الابويه ، وديري بالج ترفضين وتيبسين راسج اكثر ماهو يابس ، اخذيهن بدون نقاش ،

حوراء.. سجاد مااخذ منك فلس واحد ، هو انت منيلك

سجاد.. معليج انتي عندي خير من الله ، صح نص المبلغ بس احسن من الماكو وكليله كم يوم واكملهن ،

حوراء.. اخذتهن لان كام يلح واخاف احد يشوفه بالباب مالتنه ، اخذتهن وبقيت حايرة بيهن ، لابيه انطيهن لامي هسه دكلي منيلج ولا بيه ارجعهن السجاد لان ميقبل، بقيت بين نارين ،

صار العصر وهم اندك الباب بس هل مرة ابو عزيز، يعني اجاك الموت يالتارك الصلاة،

ابو عزيز.. عمو زمن صيحي امج رايدها بموضوع ،

زمن.. يكولي عمو 😏وجاي يخطب اختي يعني اني بكد بنتك بس حوراء لا كبر يلفك ياعار

ام حوراء.. لا هلا ولا مرحبه بي همزين ربي اخذت نظري حته ماشوف خلقته

حوراء.. امي طلعت واني گلبي مثل النار ، 

ابو عزيز.. الله يساعدج ام زيد، ها خويه حاجيتي البنيه ؟

ام حوراء.. اي حاجيتها والبنية رافضة فكرة الزواج من الأساس

ابو عزيز.. يعني شنو متقبل تزوجني 😠

ام حوراء.. خويه ابو عزيز الدنيا قسمة ونصيب وحوراء مو من نصيبك

ابو عزيز.. يصير خير  ،،انتن ترفضني ليش انتي منو مگلب بناتج بس مو صوجكم صوجي اني الي كلت خطيه ماعدهن رجال واصير سند الهن بقلمي #ميديا_الفهد

حوراء.. من امي كالتله انو اني رافضه تخبل وعصب وعاف امي وراح ، بقينه كاعدين بقلق ع ساعه احنه بالشارع ، بقيت الوم نفسي

اذا طردنه وتشردنه شلون هذا واحد ميخاف من الله

ام حوراء.. كله بيد ربج لاشيلين هم خلي عينج بعين الله 

سجاد.. ابويه مو طبيعي عصبي وميتحاجة ويريد بس احد يطخه حته ينفجر علينه، يتعارك ويه امي ويغلط ويسب، طبعا محد يكدر يحجي وياه كلمه وحده ،الكل يخاف منه ،

عزيز يحب وحده ويريد يكول لابويه يخطبها اله ، امي متقبل تحجي وياه زعلانه لان غلط عليها ،

كلتله شو تعال اني اكوله قابل شراح يسوي

يابة رايديك بموضوع اني وعزيز

ابو عزيز.. من هسه فلوس ماعندي ، وامكم مااصالحها فلحد يفتح ويايه هل موضوعين

سجاد.. لايابة مو هيج السالفه ، كل ما بالموضوع عزيز يريد يخطب وحده هو يحبها

شو هذا يباوعلنه صفح 😒

هااا يابه شو ساكت ؟

ابو عزيز .. الله كريم عندي كم شغله افضها بالاول وعود يصير خير

سجاد.. عزيز خطية فرح لان ابويه من النوع الحقنه مو سهل يوافق ع شي

ابو سجاد.. اويلي هاي الزعطوطه ترفضني اني ،ولج شناقصني مال وجاه وعزوه ، بس صبريلي هل يومين واني اعرف  شسوي بيج اذا ماخليج انتي وامج تبوسن ايدي حته اقبل اتزوجج ماتسمى بسمي بسيطة حوراء

………………………………………………

اووووف الك الله يالفقير ،، آرائكم وتوقعاتكم  ، لاتنسون تفاعلو ، ورفعولي البوست 

دمتم برعاية الرحمن أعزائي وتصبحون ع ماتتمنون

الكاتبة ميديا الفهد

#مرارة_الايام

بقلمي #ميديا_الفهد

#قصص_من_حياتناM&T

البارت ال 6

ابو عزيز.. إذا ماخليج انتي وامج تبوسن ايدي حته اقبل اتزوجج مااتسمى بإسمي ، بسيطة حوراء

حوراء.. سجاد يخابرني واني گلبي مقبوض كل شويه اريد احجيله وابطل ،

سجاد.. حوراء صارلها كم يوم مو طبيعيه ،احس بيها ضامه عليه شي جبير ،اتوسل بيها تحجي وهيه دكول مابيه شي

ابو عزيز.. مرت يومين ، يلا خلي اروح عليهن ،

حوراء.. اندك الباب ،طلعت واشوف ابو عزيز ، كلتله تفضل عمو شرايد ، تقصد اكوله عمو حته بلكي يحس ع شيباته

ابو عزيز.. هههههه عمو مو حوراء؟ عبالج بهاي سوالفج ابطل منج هههههه لاغلطاني حبيبتي

حوراء.. يعني انت من كل عقلك تريد تزوج وحده اصغر من ولدك ،وفوكاها اني رافضتك تعرف شنو رافضتك ؟ واذا ع الإيجار هاك اخذ هاي نصه والنص الاخ بعد كم يوم ادبرهن ،

ابو عزيز.. الي اعرفه حته فلوس الاكل ماعدكم منيلج هاي الفلوس اكيد جايبتهن من ال 😏 وبراسي صايرة شريفه، ولج والله اغركج بالفلوس واطلعج من هل الفگر

حوراء.. بعد ماعرف شجاوبك ، بس كلمن يشوف الناس بعين طبعه واذا اني مو شريفه ليش تريد تزوجني ، روح اتزوج غير وحده اكو هواي شريفات ،بقلمي ميديا الفهد

ابو عزيز.. لا ماعرفتيني اني اذا ردت شي اخذة بالرضا بالغصب اخذه خلي هذا الحجي حلقه بإذنج ياحلوة

حوراء.. من حجه هيج تخبلت ، ماعرف شجاوبه شمرت عليه الفلوس وطبيت جوه ،

زمن.. هاا ولج شحجيتي ويه هذا النذل الحيوان

حوراء.. ولج كعد يتهدد ويتوعد، ويكول اخذج بالرضا او بالغصب، عزة بعيني بس لايسوي شي ،

زمن.. والله اذا سوه شي اموته واشرب من دمه

حوراء.. ولج لو شايفته شلون يحجي ويباوع بس نظراته تخوف والله متت الا شويه يريد ياكلني بيهن، ياربي هذا شلون اخلص منه وين جانت مضمومتلي هاي السالفه ، رحمتك ربي،، قصص من حياتنا M&T

سجاد.. وضع بيتنا متخربط ابويه اربع وعشرين ساعة يتعارك ويصيح، اني كمت اضوج اخابر حوراء احسها ضامه عليه شي ،وكل مااسألها تكوم تتهرب

حوراء.. مر شهر علينه بالذل والاهانه مو شهر عبالك مر قرن علينه ، ابو عزيز يومية يجي يهدد يطردنا من البيت ،

بحيث كرهت نفسي وكرهت البيت وابو عزيز وحته سجاد كرهته ،منورة ابوه وعمايله، اتصالاتنه قلت اني وسجاد

زمن.. حوراء تعالي اكولج

حوراء.. زمن اعرف البيت مابي اكل ادري والله بس شسوي شنو بيدي  بيج قصص من حياتنا M&T

زمن.. لا والله مو قصدي ع الاكل ، بس امي دوه السكر خلص ، شلون خاف توكع علينه

حوراء.. عزة شلون بينه هسه هيه ويه الدوة وبالكوة مدبريها ، كمت ابجي ، مرات اكول اقبل بابو عزيز احسن الامي والاختي ، بس من اذكر سجاد اموت الف موته، يعني اغدر بي وازوج ومو اي واحد ابوه الي ياخذني ، لالا مستحيل

كلت ادك عليه بلكي يكدر عاد بس دوة امي يجبه، ولو اني ثقلت عليه وابتله الولد بيه وبامي واختي، بس والله ماعندي غيره بهل الدنيا الكشرة،،

دكيت ميجاوب ، يلا خاف عده شغل ،

ابو عزيز.. اليوم اخر محاوله وياهن اذا هم رفضت اني اعرف شصرف وياهن الساقطات ،

حوراء.. دكيت ع سجاد ماكو ميجاوب شحني خلص وطفه الجهاز خليته ع الشحن ، وكمت انظف ، اريد بس شي يلهيني وميخليني افكر بشي ، من الصبح لليل اكرب بالبيت في سبيل التهي، اندك الباب كل عاده اكيد ابو صخام 😩

ام حوراء.. اني اطلع لاطلعن ،

حوراء.. يوم خلي يولي يدك بالباب ويروح وحده مثل الچلب

ام حوراء.. لا خلي اطلع احجي وياه انوب يسويها شغلة عناد ،

ابو عزيز.. ام حوراء فرغوا البيت اليوم لان عرضته وباجر يجون النزل الجدد ،بيج قصص من حياتنا M&T

ام حوراء.. ابو عزيز مروتك وين نروح اني وهل بنات وتدري ماعندي احد

ابو عزيز.. والله شسويلج انطيتج الحل وكلتلج اسجل البيت بإسم بنتج بس انتن معاندات،

ام حوراء.. يعني البنية متريد تزوج اغصبها غصب يعني، حرام عليك انت هم عندك بنات ترضى تزوجهن الرجال اكبر منهن

ابو عزيز.. معليج بناتي ، وبنتج  اصلا بعد ماريدها ،خلك وحده ساقطة وتتمقلج عليه ، البيت اليوم يتفرغ لا اجيب الشرطه واطلعكم سحل

ام حوراء.. انطينه يومين انشوف وين نروح بيهن

حوراء.. اسمعه يصيح ع امي ويحجي ، طبعا واكفين بالباب

ابو سجاد.. صار اشهر مكعدكم بيتي بلاش ، وهسه اني محتاج واريد ابيع البيت ،

ام حوراء.. اي احنه هم راح نطلع بس انطينه يومين بس يومين ابو عزيز

حوراء.. ضل يلغي ويرفع بصوته الجوارين طلعوا حجوا وياه حته يخلينه يومين بعد ، مااعرف هل يومين شراح يتغير بيهن ، واحنه سنين ماعدنه احد يسأل علينه او يساعدنه

المهم قبل يخلينه بعد يومين بين من دبر امورنه ،

ام حوراء.. الله لاينطيك ابو عزيز  اني تالي عمري انهان بالشارع وانذل ،  صار سنين بالمنطقه محد سامع صوتي ، حسبي الله ونعم الوكيل ،، بقلمي #ميديا_الفهد

حوراء.. انقهرت ع امي حيل والله لو اكدر اتقبله ولو هو مو ابو سجاد جان قبلت بي لخاطر امي واختي، بس ماكدر والله ماكدر اااااه ياربي

سجاد .. شفت حوراء داكه عليه مرتين ، جنت بالحمام والتلفون صامت ، رجعت ادك عليها مغلق ضل بالي كلت اروح لبيتهم واشوفها،

رحت ولكيت ابويه هناك ويريد ايطلعهم من البيت ماكدرت اروح وادخل ،

رحت ع صديقي وكلتله فدوة اريد اداين منك 350 الف ، ماحجه شي الولد وانطانياهن ، كلت باجر ان شاء الله انطيهن الحوراء حته تسكت بيهن ابويه، واكوله لابويه اريد اتزوج حوراء ، حته بعد اصير اني المسؤول عليهم ،وحته الكلية اعوفها مو مهم اهم شي حوراء

حوراء.. صار الليل سجاد دك عليه ، وكالي انو راح يدزلي باجر فلوس الايجار اني مقبلت بعدين هو لح عليه ملكيت غير حل وافقت ، كال باجر الصبح اني يمج ، سولفنه شويه وراح ،

بس شكد كبر بنظري سجاد ، يعني معقوله هذا ابن ابو عزيز الي الله مجرده من الاخلاق ، بقلمي ميديا الفهد

ارتاحيت شويه ونمت بدون ماابجي ، ماجنت اعرف هاي اخر يوم مابجي بي على الاي جايني والي راح يجري عليه

نايمة تقريبا ب2 بالليل واحس احد نايم بصفي كل ضني هاي زمن، كلت هاي اجابها يمي ،

اباوع عليها الغرفه كلش ظلمة ، احس ايد وحضنتني حيل ، بين الصاحية والنايمة اني ، اريد اوخر جلب بيه حيل وسد حلكي وكعد عليه ،

اشوف ظل واحد ضخم ،بس اختنكت اريد اتنفس ماكو وربطني تربط ماكدر اتحرك واوخر منه

زمن.. نايمة واسمع احد يحوص وصوت حوراء تون ، كل ضني دشوف حلم مزعج ، حوراء حوراء اكعدي حوراء ، وهيه نفس الونه مالتها مستمرة خفت عليها كلت اكوم اشغل الضوة واكعدها ،

كمت اتلمس وصلت للضوة شغلته واشوف هذا ابو عزيز نايم فوك حوراء ، هجمت عليه اضرب بي واعيط ، واخر كلب حيوان نذل وخر  منها كام منها وضربني وبعد ماحسيت بشي

حوراء.. من اشتغل الضوة وشفت وجها غمضت عيني حسيت خلص راح اموت لان اريد اتنفس وهو ساد حلكي وخشمه ويملخ بملابسي ،

كامت تعيط زمن كام عليه وضربها حيل وشمره ع حافة الميز ركضت  ع الباب ردت انهزم منه افتح بالباب ومقفول والمفتاح ماكو كمت اعيط يوووم لحكيلي يوووم ،

جان اجه عليه وسحلني من شعري وموتني ضرب اريد ادفعه اريد اوخرة ماكدر اقوى مني

ام حوراء.. نايمه واسمع البنات يعيطن ويصرخن كمت امشي واردم بالبيت ، وصلت الغرفتهن ادك بالباب اريد افتحه مقفول واسمع حوراء تعيط عوفني الله يخليك عوفني ، تخبلت مااعرف شسوي ، ربي بس رجعلي نظري حته اندل طريقي ، واطلع اصيحلي احد يساعدنه ،

ابو عزيز.. ردتها بالحلال وماقبلت وحذرتها اكثر من مرة وهددت ومافاد، عندي مفاتح البيت ضامهن ،

طلعت ب2 بالليل الكل نايم ،دخلت للبيت بدون ماطلع صوت اضوي بالتلفون مالتي ودخلت الغرفتهن واشوف حوراء نايمه لابسة دشداشه قصيرة ورجليها كلها طالعه تخبل ورشيقه، مو مثل قسمه جنها برميل ونايم بصفي

نمت بصفها حست عليه رأسا نمت عليها وسديت حلكها حيل ، كعدت اختها وضربتها ونركع راسها بالميز وتخربطت  ،

حوراء تريد تطلع متدري اني من طبيت قفلت الباب والمفتاح بجيبي ،

كمت عليها سحلتها من شعرها وهيه تقاوم وتعيط وتتوسل بيه اعوفها وتدفر برجليها حيل فقدت عليها ملختها تملخ وجها ادمه وحيلها راح ، اغتصبتها وهيه تعيط ،، خلصت وعفتها وكمت لبست دشداشتي وطلعت لكيت امها بالشارع تعيط وادكدك بالبيبان ، طلعت وكمت اعيط عليها

حوراء.. اباوع اختي غركانه بدمها واني هذا النذل اغتصبني وهم كلي دم بقيت بس ابجي واكعد بزمن

ام حوراء.. طلعت بالشارع اعيط وكلشي ماشوف ، يااهل الرحم وينكم مروتكم بناتي راح يموتن ،

سجاد.. نايم واسمع صوت عياط وهوسه بالشارع اجتي امي كعدتني ،بقلمي ميديا الفهد

ولكم كوموا بيت ام حوراء مااعرف شبيهم ، امهم تعيط بالشارع وابوكم ماكو ،كوموا شوفوا شكو

طلعنه بره لكيت ام حوراء بالشارع وابويه يضرب بيها ويغلط ،

ابو عزيز.. ياناس ياعالم هاي المرة ساقطة هيه وبناتها ، بنتها حوراء خابرتني بنص الليل دكولي الحك علينه امي متخربطه ، دخلت ورادن يقشمرني  وانام ويه بنتها حته ماطلعهم من البيت يريدن يلبسني تهمه ، وتلزك بتها بيه حته اتزوجها ومن ماقبلت كامت تعيط وبناتها مجلبات بيه وكتلتهن ويلا كدرت اطلع من البيت

ام حوراء.. حرام عليك خاف الله مو عندك بنات ، ولك صارلك شهر منغص علينه حياتنه ، وتضغط علينه حته تتزوج حوراء حسبي الله ونعم الوكيل

سجاد.. ابويه يحجي وام حوراء تحجي وإني مصدوم شنو هاي شديصير ، معقوله الي يكوله ابويه صح ، تخبلت رجعت للبيت طبيت للغرفه كسرت الغراض كلهن وكمت اعيط، كعدت بالكاع ابجي

واذكر حوراء شلون ضايجة من جنت اتصل عليها ومرات بدون سبب تكعد تبجي ، الخاينه الحقيرة ، كل هل فترة وهيه تقشمر عليه وتسوي نفسها فقيرة ، صح أبويه مادي ويحب الفلوس بس مستحيل يفكر بهيج شي ام حوراء جذابة

حوراء.. كعدت زمن وكلتلها لادكولين لامي ع الي سواه ابو عزيز ، اذا تعرف يمكن تروح بيها وتموت ،  وبعد مالنه احد غيرها  #قصص_من_حياتناM&T

مثل ميكولون بلعت الموس وسكتت ، فوك الي سواه بيه انوب طلع علينه حجاية موزينه بالمنطقه، سجاد دزلي مسج يغلط ويسب ويكولي انتي وحده مو شريفه ، وبعد تنسيني ميشرفني احب وارتبط بوحده تبيع نفسها ،الله ياخذج يانكسة

بقيت بس ابجي صار الصبح المنطقه كلها دك بابنه ويكولون اطلعوا من المنطقة يعني وين مندير وجهنا ظلم وقهر ،

طبعا العالم الها الظاهر وتصدك بكلشي ، انوب الفقير والي ماعنده احد ،محد يصدك بي ويوكف وياه ، والقوي والظالم ،فوك ظلمه وجبروته الناس توكف بصفه ،

لمينه ملابسنه وطلعنه من المنطقة ، والعالم تسب بينه واشكال الغلط غلطوا علينه والجهال يشمرون علينه حجار ،

امي تعبت حيل منعرف وين نروح حته فلوس ما عندي ، أخذت تلفوني وتلفون أبويه بعتهن انطاني ابو المحل بيهن 25 الف بس ، باوعت عليهن واضحك ،

خسرت كلشي احس الدنيا خلص مناوية تمشي عدل ويايه ، اعز ما املك راح احس نفسي مااسوة اي شي ، انظلمت من الكل ،

ام حوراء.. ها يمه حوراء شكد انطاج ابو المحل بتلفون ابوج ،

حوراء.. يوم 25 بس ،

كالتلي يلا نعمة من الله، يطبه مرض البيت حته لو نخلي خيمه بالشارع أحسن من الذل ،اهم شي طلعنه سالمين من جوة ايد ابو عزيز الحيوان ،

كمت ابجي بداخلي يا سلامات يمه اخذ اغلى شي مني ، الشي الي اذا راح من البنية بعد متسوة فلس واحد 😢

ام حوراء.. اجري تكسي ودينا الكربلاء صار سنين مزايرة الامام ، اريد ازور قبل ماموت

حوراء.. يمه اسم الله عليج من عمري ع عمرج حبيبتي ، وابجي

اجرنه تكسي وطبينه للحضرة اول ماشفت الامام كمت ابجي حيل الناس كلها تباوع عليه، فقدت بالبجي عبالك صار سنين ماباجية ، زمن وامي يسكتن بيه واني بس ابجي ،

دخيلك يابن بنت الرسول معقوله انظلم وانسبي وافقد اغلى ماعندي ، والظالم ينتصر عليه، اريد بجاهك عند الله تاخذلي حقي من كل واحد ظلمني ، بجاهك وبجاه جدك المصطفى وبجاه سيدة نساء العالمين فاطمة ، كمت ابجي وادعي مخليت نبي وامام يعتب عليه

بقينه اسبوع كاعدين بالحضرة ، نستخدم الحمامات وناكل من الاكل الي يوزعوا بالحضرة وبالليل انام   برة، اباوع ع الزوار بنات بكدي ويه اهلهن ابقه اباوع واتحسر ، لو هسه ابويه مميت مو جان هسه اني بالكلية وسجاد  يصير الي ، اووف بعد كل الي صار بيه وهو أول واحد صدك بابوه وظلمني، وبعدني احبه وافكر بي ،

اباوع ع زمن وامي نايمين، كعدت زمن ، كلتلها زمن كعدي امي حته  اغسللها واريكها

زمن.. يوم يوم يلا كعدي حته تاكلين ، اكعد بيها احركها و ماكو مجاوب 😱

……………………………………………………………………

جمعه مباركه،، يلا تفاعلكم حبايب ، شدكولون  شراح يصير بيهم وين راح يروحن ،،

قراءة ممتعة الكاتبة ميديا الفهد

#مرارة_الايام

بقلمي #ميديا_الفهد

#قصص_من_حياتناM&T

البارت ال7

زمن..يوم يوم يلا كعدي حته تاكلين، احرك بيها وهيه ماكو مجاوب 😱

حوراء.. ولج شبيها امي ،

زمن. . مادري متتحرك ، ولج حوراء الحكي

حوراء.. يوم اكعدي والله اموت إذا صار بيج شي، حضنتها وسمعت نفسها ،،اجوي الحرس خلوها بسيارة الاسعاف وصعدنه وياها ، دخلوها للطوارئ ، واحنه برة

ورة شويه الطبيب طلع

الطبيب.. هااي ليش هيج هاملين المريضه ؟

حوراء.. دكتور امي شبيها الله يخليك لاتخلوها تموت

الطبيب.. امج تدري بنفسها عدها سكر

حوراء.. اي تدري

الطبيب.. لعد ليش هيج ارتفع عدها السكر ، شنو ماعدها علاج

حوراء.. اي خلصت من اسبوع ونسينه نشتريلها

الطبيب.. اي مو هيه حلويات حته نسيتو تشتروها ، شنو مستغنين عنها 😠 بقلمي ميديا الفهد

حوراء.. الدكتور يرزل بيه ويحجي، بگلبي هو بقت عليك دوس عليه عادي صرت مااحس بأي احساس،

حجه واني ساكته، كلتله دكتور كولي امي شبيها

الطبيب.. امج سكرها مرتفع كلش وحالتها خطرة ، السكر ضرب كليتها وهسه لازم نسويلها غسل كله،

حوراء.. سمحلنه الطبيب انشوفها بعد مغسلو كلاتها ،

يوم حبيبتي شلونج يابعد عيني، والله اذا صار بيج شي ماسامح نفسي كله منوراية الي يصير بيج، لو قابله بابو عزيز جان مو هذا حالنه، بس اني انانية ومافكرت بيكم ،

ام حوراء.. يمه حوراء ديري بالج ع نفسج وع اختج ، لاتتفاركن ابد واذا متت ،،بقلمي ميديا الفهد

حوراء.. يمه اسم الله عليج فدوة لاتحجين هيج والله كلشي مابيج الدكتور كال يومين وتطلع من المستشفى،

ام حوراء.. ولج خليني احجي مابيه حيل ، لاتقاطعيني بنتي

هاج هاي الورقه انطيها الاي احد وهمه يدلوج هذا بيت جدج ،

اذا متت خلي اخوتي يدفنوني ، وانتن غسلني لاتخلن وحده غريبه تشوفني ، هاي وصيتي ، ويا حوراء بت بطني اختج اختج ديري بالج عليها

وحته لو طردوجن ابقن كاعدات بابهم هذا بيت ابويه والي بي نصيب ، لاتتنازلن عن حقجن

حوراء.. امي تحجي واني وزمن نبجي بلكوة تحجي الحجاية من التعب والمرض ، تحجي كلمه وتتنهد يلا دكول الخ ،

انطتني ورقه بيها عنوان بيت جدي ، بقينه اربعة ايام بالمستشفى بس حالتها ماستقرت ابد بالعكس كامت تسوء واني وزمن منعرف غير بس البجي،

صارت بال7 الصبح اجتي الممرضه تشوف الصوندات الي خاليها ، من شافت امي ارتبكت ، وعافتها وراحت

بقيت مستغربه هاي شبيها ،

ورة شويه اجو دكاترة اثنين كعدوا يفحصون بيها وامي ولا حركه ولانفس ، كامو يسولها صدمات كهربائية، وهم متكعد انوب غطو وجها هذا كله كدام عينه،

زمن تبجي وتعيط واني اضرب بيها انجبي قندرة لاتبجين كلشي مابيها امي ، عادي هسه يغسلون كليتها وتصحى مثل ذاك اليوم ، لاتبجين اكولج ،

واضرب بيها موتتها ضرب بدون وعي يريدون يلزموني واني مااعرف شصار بيه،

طلعت كل حركتي وضيمي بهل مسكينه ، واصيح لاتبجين ، لحد ماوكعت من طولي ، فتحت عيني نايمه بس احس راسي صاير بكد الجبل حيل ثكيل فتحت عيني ، وشفت زمن، كلتلها وين امي ،، بيج قصص من حياتنا M&T

زمن.. حوراء شلون صرتي ولج لاتعوفيني الوحدي حبابه ماعندي غيرج بعد ،

حوراء.. لج جاوبي وين امي اريد اكوم ساعديني راسي ثكيل ،

زمن .. امي راحت وعافتنه اني وياج راحت وارتاحت من هل الدنيا ، 😭

حوراء.. مخبله لاتحجين هيج والله امي كلشي مابيها وديني عليها حبابه اريد اشبع من ريحتها وحضنها ولج اني موتتها زمن اني ،

كمت ادك والطم ع وجهي وملخت شعري الكانونه انشلعت من ايدي والدم يطفر من الشريان واني مااحس الوجع الي بداخلي اكبر من اي  وجع بالعالم ،

والكم اريد امي ودوني عليها لاتحرموني منها ، ليش بعد نظل عايشين موتونه وياها يممممه لاتعوفيني 😭

انطوني ابرة مهدئة ، ونمت شويه كعدت ، زمن واكفه يم راسي وتبجي ، بقيت ابجي وياها ، ماعدنه وسيله نريح بيها نفسنا غير البجي ، زمن ...

زمن .. هاا حوراء شتريدين حبيبتي

حوراء.. شنسوي هسه منو النه

زمن.. مادري 😭😭

حوراء.. ابويه وامي راحو يم زيد ، بقينه بس اني وياج ، إني بعد ماكدر اتحمل  هاي الحياة وكل الصبر الي عندي راح ويه امي ، بيج قصص من حياتنا M&T

زمن.. حوراء شبيج شدتحجين ؟

حوراء.. اني راح اروح تجين ويايه لوتبقين وحدج اختاري

زمن.. حوراء لاتخوفيني حبابه وين تريدين تروحين، لاتعوفيني 😭

حوراء.. زمن اني راح اروح يم الي احبهم هااي الدنيا مو الي

زمن.. ولج بشنو تفكرين حاجيني

حوراء.. راح انتحر تجين ويايه ، هاي الدنيا مو دنيا هاي غابة واني وياج منكدر نعيش بيها

زمن.. فدوة حوراء لاتحجين هيج ، ولج الله يغضب عليج وامي وابويه بعد متشوفيهم

حوراء.. اسكتي انتي صغيرة متعرفين شي ، اني اكبر منج وفاهمه الدنيا زين

زمن.. ويهون عليج امي ، ولج نسيتي حجيها وشوصتج

حوراء.. هيه وين امي 😭

زمن.. حوراء فدوة رجعي العقلج لاتخوفيني ، ابجي عيطي ضربيني موتيني بس لاتحجين هيج اروحلج فدوة 😭

حوراء.. زمن اني تعبت شوكت ارتاح ، بعد ماعندي حيل 😭

زمن .. حوراء مو عندج الورقه خلي نروح الخوالي ، بلكي ينعدل حالنه ونلكه بيت يلمنه بعد هل تعب الي شفناه

حوراء.. مادري خاف يطردونه

زمن.. انجرب ماراح نخسر شي ، شنشوف بعد أكثر من الي شفناه

سجاد.. حوراء وامها وأختها انطردوا من المنطقة بابشع صورة ، اني بعد الي سمعته لعبت نفسي منها ، بداخلي احس

انخدعت بيها ، لو صدك ابويه صار شهر يركض وراها حته يتزوجها زين ليش ماكلتلي من البداية ليش ضمت عليه، ابويه صح وهيه الي تريد تبلي ماكو غير تفسير ،،

ربي طلعها من گلبي اريد انساها

حوراء.. طلعنه من المستشفى واحنه عدنه بس 5 الاف ، وكلشي مانندل بكربلاء ، باوعت بالورقه بيها عنوان بس كلشي ماندل ولا اي نقطه داله منه ، شفت شرطي واكف يم المستشفى ،

كلتله عفيه اريد اروح الهذا العنوان ،وكلشي مااندل بكربلا ، كال اي تعالي

صعدنه بتكسي وكال لسايق وديهم لفلان منطقة ودلاه ع بيت جدي، طلعوا معروفين بالمنطقة

بس شنو اني وزمن نرجف منعرف شراح نلكه هناك وشلون راح تكون ردت فعل خوالي من يشوفونه ، نقرة بهل آيات، واندعي كون ميطردونه ،

وصلنه ابو التكسي وكال هنا سألوا نزلنه ،طبعا الشرطي انطاه كروة الله يجازي خير ، من عرف احنه من الحله ومنعرف اي احد وامي متوفيه

نزلنه من التكسي وكمنه نسأل الناس الي بالشارع شافنه جاهل صغير كال هذا بيت جد صديقي بالمدرسه اني اندله رحنه وياه وشفنه البيت يجنن مو بيت عبالك قصر احلى من الي جانت امي تسولفلنه عليه، بقلمي #ميديا_الفهد

دكينه الباب واحنه نرجف

فتحت الباب مريه جبيرة تقريبا اكبر من امي الله يرحمها ،

ام كرار .. نعم خاله منو رايدات ؟

حوراء.. خاله هذا بيت حجي حسن ؟؟

ام كرار.. اي خاله احنه ،انتن منو

حوراء.. خاله احنه بنات سناء

ام كرار.. 😱😱😱

حوراء.. بقت المريه مصدومه وعافتنه وطبت بدون اي حجاية، زمن تباوع عليه، كلتلها صبري، وره شويه طلع رجال جبير يمكن خالي هذا،

ابو كرار.. انتن منو ؟؟

حوراء.. انت خالي كمال مو؟ احنا بنات سناء

ابو كرار.. وين امجن ؟ وشلون اندليتن البيت

حوراء.. امي ماتت صار يومين ،ودلتنه ع بيتكم ، بس شنو خايفه ارجف من يحجي لان شكله عصبي

ابو كمال.. الله يرحمها وابوج وين ؟ وليش اجيتن علينه

حوراء.. ابويه هم مات 😔

طبعا كل هل اسئله واحنه بالشارع حته ماكلف نفسه ودخلنه للطرمه ، كعد بس يستجوبنه ، واحنه حالتنه حاله اني واختي وعبينه متربنه من الطم والشحططه ،

ابو كمال.. وشتريدن جايات علينه ، احنه امكم متبرين منها صار 20 سنه ،

حوراء.. بس امي بالمستشفى واحنه ماعدنه احد يدفنها ، وصتنه انو اذا ماتت اخوتي يدفنوني ، واني اجيت عليكم ، وبعد امي وابويه ماعدنه مكان اني واختي ، ابو البيت الي مأجرينه طردنه

ابو كرار.. استغفر الله ربي، تعالن دخلن هنا

ام كرار.. وين مفوتهن ابو كرار ؟ ومنو كال ذني صدك بنات سناء

حوراء.. خاله والله احنه بناتها وامشو للمستشفى واتاكدو وهاي جناسينه

دخلنه خالي كمال بالطرمه من التعب كعدنه بالكاع ، حته كلاص مي محد جابلنه وبناتهم ولدهم يباوعون علينه من بعيد عبالك بينه جرب او جايين من الفضاء

ابو كمال.. هذني منين اجني ، ادك ع اخواني البقيه  ونشوف شنقرر،، بيج #قصص_من_حياتناM&T

حوراء.. كاعدين بالطرمه وحده من البنات الصغار جابتنه مي ،، بقينه شويه كاعدين واجوي 4 زلم يمكن خوالي باوعوا علينه ودخلوا

ابو كمال.. دخلوا اخوتي وصار حجي بينه

حوراء.. دخلوا بقية خوالي ، وبده الحجي والصياح ناس دكول معلينه بيهن طردوهن ، خلي يولن ، لو الحجي عايش الله يرحمه ، جان طردهن

والبقيه يكولون لا حرام هذني بنات صغار وماعدهن احد ، يبقن بنات اختنه ، وامهن لازم تندفن

حوراء.. هذا كله واحنه منعرف شنو مصيرنه،

دخل ولد شاب وباوع علينه صفح عباله مجادي شال خمسه وانطانه ، حسيت بالاهانه ، كلتله شكرا احنه مو مجادي

كرار.. اجيت ع بيت اهلي واشوف الشارع بي سيارات عمامي استغربت شنو هاي شصاير عدهم ،

دخلت لكيت بنات اثنين كاعدات بالحوش مبهذلات حالتهن حاله عبالي مجديات شلت خمسه وانطيتهن وحده منهن كالتلي شكراً احنه مو مجادي ،استغربت اكثر

صحت امي ، يمه هاي شصاير ومنو ذني ؟

كرار.. نسيت اعرفكم عن نفسي اني كرار ابن خال حوراء ، خريج كلية آداب ، عمري 30 سنه ، طويل واسمر شعري اسود عندي لحية وشوارب خفيفه ،عيوني كبار سود وخشمي وحلكي صغار بين قوسين اموووت،

البنات يركضن ورايه 😂 لا اشاقه اني اركض وراهن ،

كشاخ اكشر فلوسي كلها ع الملابس والساعات ،

عايش حياتي طلعات وسهر ،ها نسيت اكللكم متزوج قبل خمس سنوات ،

وطالع من بيت اهلي الي هو نفسه بيت جدي، احنه عائلتنا طاكه عدنه فلوس تغطي عين الشمس ، جدي الله يرحمه عند اراضي وشركات بكربلاء وحته بغداد وارثهن أبا ً عن جد ،

ام كرار.. يمه ذني بنات عمتك سناء الي جدك اتبرة منها، امهن ماتت وهنه ماعدهن احد يعني راح نبتلي بيهن ،

حوراء.. واكفين يمنه وتحجي علينه وع امي كدامنه عبالك احنه حشرات مو بشر وانحس ، 

طلع خالي الصغير ستار ، كال تعالن فوتن جوة ليش كاعدات هنا ، ام كرار صدك جذب مكعدة اليتيمات بالحوش ،

ام كرار.. والله ميدخلن ذني البيتي لو مااعرف شيصير ، شمدريني بيهن شنو ماشنو شوفهن شلونهن ، تريدهن يختلطن ويه بناتي

حوراء.. من سمعتها هيج حجت تخبلت كلتلها واحنه هم ميشرفنه نكعد بيتج ، يلا زمن كومي شنو هل المذله

……………………………………………………………………

اسفه أتأخرت عليكم، يلا توقعاتكم شنو راح يصير ،،

ولاتنسون علقو وسوو لايك تفاعلوا لان متعرفون شكد افرح من اشوف تفاعلكم ويه القصة ، احبكم كلكم متابعيني

الكاتبة ميديا الفهد

#مرارة_الايام

بقلمي #ميديا_الفهد

#قصص_من_حياتناM&T

البارت ال8

..

حوراء.. من سمعتها هيج حجت تخبلت كلتلها واحنه هم ميشرفنه نكعد بيتج ، يلا زمن كومي شنو هل المذله

ستار.. اوكفن خالي اوكفن وين رايحات ، هذا مو بيت احد ، هذا بيت الحجي الله يرحمه ، والچن بي حق حالچن حال اي واحد من ولدنا وبناتنا ،

يلا دخلن ، وين تريدن تروحن وانتن هنا غريبات ومتعرفن احد

والي ميعجبة الباب يوسع جمل

حوراء.. من حجة هيج خالي ستار حسيت عندي ظهر  بعد كل هل التعب والشحططه

ستار.. عمي كرار طبب بنات عمتك وخلي خواتك ينطوهن ملابس واكل

كرار.. اي عمي صار ، دخلتهن للبيت وهنه مكسورات ويبجن ، صحت ع مها اختي وكلتلها خلي يسبحن وانطيهن هدوم

حوراء.. دخلنه للبيت يجنن والاثاث كلش حلو بقينه اني وزمن صافنات ،

بداخلي كلت معقوله الحب يخلي الوحده تستغني عن كل هذا العز والدلال ، ليش هيج يمه ، عاندتي اهلج وتزوجتي بابا الفقير، جان هسه احنه مو مكسورات وجان حالنا من حالهم مو يباوعون علينه بالعين الصغيرة 😔

عزة هاي شبيه شدااحجي حبيبي بابا سامحني ع هل الحجي ،والله احبك بس من القهر هيج احجي

زمن .. لج شبيج تحجين ويه نفسج تخبلتي

حوراء.. ولج الي صار ويانه الصخر ميحملة، ولج احس عمري 60 سنه من القهر، بلا شفنه بحياتنا

زمن.. اي والله القهر عجزنه 😔

حوراء.. سبحنه وانطونه ملابس ملونه صار اشهر ملابسة اللوان من مات زيد لهسه واحنه المصايب وحده ورة الخ ، ماكدرت اللبسهن ،

فدوة ماعندج شي اسود اللبسه ماكدر اللبس دشداشه ملونه

مها.. والله ماعندي امي متقبل تلبسنه اسود ع بالفواتح متخلينه نروح، دكول ميصلح بعدج بنات، بس عندي صايات سوده هسه اجيبهن

حوراء.. لبسنه وكعدنه بغرفه فوك اني وزمن، وجابولنه اكل كلش طيب ، راحوا خوالي للمستشفى مقبلوا ياخذونه وياهم ، كلتلهم محد يغسل امي غيري هاي وصيتها

ابو كرار.. ام كرار أنطوها عباية حته تجي ويانه

حوراء.. رحنه وغسلت امي سوده عليه، اغسللها وابجي شلون بعد ماشوفج يمه ياروحي انتي، بعد وين اشكي همي وين ابجي بحضن منو ارتاح واغفه ، والله ماشبعت منج ياعمري انتي،، بقلمي ميديا الفهد

كرار.. رحنه اني وابويه وعمي ستار وعمي صالح ، وعمامي الباقين مااجوي جانو رافضين حته ندفنها العمتي ،

دفنه المرحومه ، بتها موتت نفسها على امها ، كلش تقهر

........تسريع للأحداث.........

حوراء..بقينه كاعدين بيت جدي الي خالي ابو كرار كاعد بي ،

بس شنو منبوذات اني وزمن محد يحجي ويانه ، طبعا عائلتهم متكونه من خمس بنات و3 ولد ،، اثنين الكبار متزوجات ، وكرار هم متزوج وطالع ، وحيدر طالب كلية يدرس بغداد ، فبالبيت بس 3 بنات ،ولد صغير بالمدرسه،

من البيت كله بس مها تحجي ويانه  ، أما مرت خالي ام كرار فهاي حديثا اخر، ملعبة نفسنه البيت شكبرة وشكده وممتحملتنه ع الاكل والشرب تحاسب

واحنه حته منطلع من الغرفه نخاف منها واذا شافت مها تحجي ويانه تگلب الدنيا عليها ،بقينه اسبوع ع هل حجي

ام كرار.. عيني عرايس شوكت ينشف نقش الحنه الي برجليجن ، بيت شكبرة وشكده اني وحدي انظفه ، يلا يكومن ساعدني يلا

حوراء.. نايمين ب8 الصبح ومانحس الا الباب اندفر ومرت خالي واكفه ادردم ،

خاله شبيج تريدينه نساعدج عادي كولي واحنه انكوم ماكو داعي للعياط

ام كرار.. خلخاله بگلبج ادب سزز ، تاكلين نعل ومجاوبين

زمن.. شاورت حوراء، فدوة عوفيها لاتحجين هاي ادور مشاكل احنه مو كدها، اي خاله تآمرين هسه ننزل ونساعدج

حوراء.. عافتنه ونزلت ، لج هاي اذا نسكتلها تاكلنه بكشورنه

زمن.. حوراء والله تعبت من البهذله خلينه عاد هنا اكو سكف يلمنه نسوي العلينه ونصعد نكعد هنا معلينه بأي احد

حوراء.. خلص بعد مااحجي يلا امشي ننزل، نزلنه البيت فارغ كلهم بالمدارس وخالي بالشغل ، البيت جبير كلش يكسر الظهر بس يسوي واهس طبعا نظفنه البيت بس غرفهم مقفوله يخافون منه لنبوكهم هههههه ، يلا حقهم ميعرفونه ،

زمن .. لج حوراء تعالي شوفي الاستقبال والله بكد ببتنه القديم

حوراء.. من كالت بكد بيتنه القديم تذكرت ابويه وامي ولمتنه الحلوة الي ميعوضها عشر قصور ، وتذكرت سجاد وابوه ، راسا غمضت عيني والغصة بگلبي ، اووف يازمن مو جنت ناسيه او بالاحرى اتناسه ليش تذكريني 😢

زمن.. سوده عليه حبيبتي والله مو قصدي ، حضنتها وبجينه

ام كرار.. يلا عيني صارلجن اسبوع تبجن وتنوحن ماشبعتن لطم، اني هنا مااقبل واحد يبجي بالبيت يصيبنه الفگر والقهر ،ممنوع اشوف وحده منجن تبجي

حوراء.. هاي شبيها لا والله ابد مو طبيعيه ، حته الحزن والبجي صار علينه ممنوع ، سكتت اريد اليوم يعدي ،

كملنه تنظيف وخلصنه وصاحتنه تعالن للمطبخ غسلن المواعيين

زمن.. حوراء ولج متت تعب من 8 لل11 احنه نكرب ولج طكت روحي اريد ارتاح 😭

حوراء.. روحي حبيبتي ارتاحي اني اخلص بدالج ،

بقيت وحدي اغسل بالواعين وارجع وره عبالك دسوي غدة لعشيرة كل شوية مطلعه جدر ومواعين ، تريدني بس احجي ، واني ساكته يمكن ساعه كامله اني واكفه ع السنك ، ردت انفجر

زمن.. صعدت تمدت فوك وغفيت شويه كعدت لكيتها ب12 وحوراء لهسه ماجتي ، انزل اشوفها وين ، نزلت ولكيتها ع وكفتها اويلي شكد حقيرة مرت خالي ، حبي حوراء روحي ارتاحي اني ارتاحيت شويه

حوراء.. اجتي زمن استلمت الشفت مال كراب  ، وطلعت للحديقة كعدت بيها تخبل الخضار والورد بس يعجبك تضل كاعد بيها ،

نص ساعه واجوي البنات من المدارس وحمودي هم ، اووف حمودي يذكرني بحبيبي زيودي نفس عمرة 😢

صبينه غدة اني وزمن ، واجوي ياكلون ، طبعا اني وزمن ناكل بالمطبخ لان مرت خالي تلعب نفسها من عدنه ،

ابو كرار.. بنتي مها كولي لبنات عمتج يحضرن نفسهن اوديكم للسوك يشترن ملابس واشياء محتاجيها صار اسبوع بنفس هدومهن ،

ام كرار.. ع شنو هل مصاريف الزايده يلبسن من الهدوم الي انطيناهن الهن وخلص

ابو كرار.. يامرة حرام عليج خطية ذني مالهن ذنب بلي سوته امهن  ، ويتيمات نكسب بيهن اجر ،

حوراء.. احنه بالمطبخ نغسل مواعين الغدة واسمع خالي يحجي فرحنه اني وزمن واخيرا شويه راح حالنه ينعدل ، الحمد لله ربي ، خلي نكرب ونشتغل وكلشي نسوي اهم شي اكو احد يخاف علينه ويحمينه حته لو مو حباً بينه ، حته لو  يكسب بينه اجر احسن من الماكو

كرار.. العصر كاعد بالبيت متواعد ويه جماعتي ، واجاني اتصال من عمتي زينب

📞الووو هلو عمه شلونج

📞هلو يمه كرار شلونك

📞بخير عمتي

📞عمه كرار صدك السمعته ، بنات عمتك سناء بيت ابوك ؟

📞اي عمه بيت اهلي صارلهن اسبوع

كعدت سولفتلها كل الصار ، كامت تبجي ع اختها الماتت ،

حوراء.. صار العصر اني وزمن بدلنه لبسنه عبي لان هيج لبسهم من النوع المتشددين ، رحنه للسوك صار سنين مطابن سوك حته منعرف نشتري ، مها ويانه ، كعدت اختارتلي ملابس حلوات ودشاديش ، وشحاطات وكلشي بنفسنه اشترينه اباوع ع زمن مكيفه وتضحك ، من شفتها فرحانه نسيت همي وابتسمت يمكن هاي اول مرة ابتسم من بعد وفاة ابويه الله يرحمه

زمن.. لج حوراء شوفي هذا الفستان الزيتوني  يجنن اخذي الج

حوراء.. لا كافي عيب من خالي اشترينه كومه اشياء،

مها.. لا حوراء عادي تره بابا كل فتره يجيبنه للسوك نشتري عادي اخذي كلشي بالج ،

حوراء.. كلتلهن بكيفجن

زمن.. اي مها خلي ناخذه الها ونرهم وياه شال وحذاء ، هاج يلا كدري

حوراء.. ولج وين اكدرة عود بالبيت كعدن يلحن عليه ،خاف صغير لو جبير عليج كدري ، اخذته كدرته كلش حلو يجنن بحياتي كلها مالابسة هيج فستان

زمن.. اخذت الفستان تكدره واحنه واكفين ابو المحل كتل نفسه عليه ، عزة مااعرف شصار بيه اول مرة واحد هيج يباوع عليه بقيت مرتبكه،

طلعت حوراء، ها ولج وين الفستان ،

حوراء.. كدرته ع الكدي وحلو

زمن .. لعد غير تصيحني اشوفه عليج گبر

حوراء.. دمشي امشي عود بالبيت، انطيته لابو المحل خلاه بالعلاكه وخالي دفع فلوس ورجعنه ،

دخلنه للبيت ومرت خالي تخبلت من شافتنه

ام كرار.. جان جبتلهن السوك كله ، وانتن شدعوة عليجن هلكد مشتريات شنو مشايفات ، ههههه اكيد مشايفات بنات الفگر بنات امجد الفگر ، بقلمي #ميديا_الفهد

حوراء.. متت فهر من حجت ع ابويه ردت اكُلها بسنوني، زمن لازمه ايدي ، ذبيت العلاليك وصعدت

ام كرار.. اي عيني ليش لا يحقلج تدللين وتتزعلين مو صوجج صوج الي محترمج وطلع عينج

ابو كرار.. تره روحي خلصانه كافي يامرة لاتخليني اطلع من طوري ، من اطب البيت مااسمع اي صوت منجن كلجن

زمن.. شلت الغراض وركض صعدت فوك، لكيت حوراء ناطه بجي حسبي الله ونعم الوكيل عليج ام كرار ماصدكت اختي شويه ارتاحت ونفسيتها صارت زينه ورجعت ابتسمت ،

كعدت يمها وابوس بيها ، حور ياعيني الله عليج لاتبجين يلا تعالي نعزل الملابس ،والله اموت قهر من اشوفج تبجين

حوراء.. ماردت اكسر خاطر زمن ، مسحت دموعي وكعدنه نعزل الغراض ، وكع من علاكة الفستان ورقه صغيرة بيها رقم واسم محمد ، ولج زمن هاي شنو مرقميني ومادري لكيت هذا الرقم بعلاكة الفستان

زمن.. ولج مكدرت احجي مها وخالي ويانه ولج غير هذا ابو المحل كتل نفسه وبس يباوع عليه خبلني

حوراء.. تخبلت من هيج حجت كتلها وانتي شلون تباوعين عليه ، لزمت الورقه وشككتها ،

زمن.. والله ماباوعت بس من دخلتي لغرفه القياس ، انتبهت عليه يباوع،

حوراء.. حبيبتي تره والله اخاف عليج هاي الدنيا تخوف شوفيني اني كدامج شحصلت من الحب بس القهر والأذية ، ماريدج تتأذين مثلي،

زمن.. ادري بيج تخافين عليه حبيبتي اطمني مستحيل احب اواسوي اي شي يضوجج

حوراء.. اروح فدوة لام الزوز ، يلا كومي لبسي هاي الدشداشه مبينه حلوة

ثاني يوم جان يوم جمعه ، سمعت صوت جوه ، جان تصعد مها كالت يلا تعالو اجني عماتي زينب وهناء ،

نزلنه اني وزمن ، وشفناهن خوات امي يعني خالاتي وكفنه بالاستقبال وكامن خالاتي اثنينهن يحضنن بينه ويبوسن اول مرة بحياتي احس هيج احساس حلو بعمري وحياتي لا شايفه خاله ولا عمه ، كمت ابجي مااعرف من الفرحة لان حسيت بيهن ريحة امي، وخاصة خالتي زينب كلش تشبه امي اول مشفتها دموعي نزلت ، اوف يمه ليش هيج جنتي حارمتنه من هاي المة والعزوة، مشيتي ورة گلبج ومافكرتي بعقلج، ويمكن كل الي صار بينه لان اهلج مجانوا راضين عليج ، الله يرحمج يوم،

كعدنه يمهن حسيت نفسي اعرفهن من سنين ، كلش حبيتهن وهنه هم نفس الشي ، بقن لليل يمنه وراحن ، وكل وحده شالت 100 الف ونطتنه مقبلنه ناخذ لان صدك ممحتاجين دناكل ونشرب كله بيت خالي ، بس هنه ماقبلن ، واخذنه الفلوس ، بيج قصص من حياتنا M&T

صعدنه للغرفه واباوع ع الفلوس كمت ابجي اذكرت من جنه ماعنده وحسرة علينه الربع 😔

زمن.. حوراء شفتي خالتي زينب شلون تشبه امي الله يرحمها

حوراء.. اي كلش تشبها الله يحفظهن ان شاء الله

زمن .. ان شاء الله يارب ، حوراء شراح نسوي بهاي الفلوس ؟

حوراء.. مادري انتي شدكولين ؟

زمن.. شفت عد مها تلفون حلو لمس ليش منشتري واحد

حوراء.. شنسوي بي ماعدنه احد نخابرة

زمن.. ولج مو نخابر ،بي فيس وفايبر ويوتيوب وهاي السوالف تشوفين كل العالم ، البارحة مها شوفتني اشكال واللوان بقيت صافنه

حوراء.. ومنو يشتري النه ؟

زمن.. نسأل مها ونشوف شلون

كرار .. صار عشرة ايام مرايح البيت اهلي ، اخذت فاتن مرتي ورحت، دخلنه البيت هدوء كل عاده الكل بغرفهم يقرون، سلمنه ع امي وكعدنه شويه وصعدت ع مها ، صار هواي مشايفها

حوراء.. ضجت كاعده الوحدي وزمن دخلت للحمام وهاي اذا طبت ساعتين يلا تطلع همزين فوك اكو حمامين جان طردتنه مرت خالي منورة زمن 😂 كلت خلي اروح يم مها شويه اغير جو،

كرار.. صعدت الدرج واباوع طلعت بنية تخبل الشعر الاسود القصير والجسم الي مقسم تقسم بقيت صافن ، منتبهت عليه ، ردت اشوف وجها معقوله هاي وحده من بنات عمتي ، قبل كم يوم مبهذلات ومو حلوات ، صار عندي فضول اشوف شكلها، انتظرتها تدخل لغرفه مها ،

دخلت لغرفه واني وراها،

حوراء.. دكيت الباب ودخلت كلتلها مها خاف عندج دراسه ،

مها.. لا حبيبتي ماعندي شي دااتصفح ع النت ،

حوراء.. صدك شنو هذا النت البارحه زمن اكلت راسي بي هههههه، دنسولف وانفتح الباب

كرار.. متعود بيت اهلي مادك الباب رأساً افتح الباب واطب ، دخلت اويلي هاي وجها بعد احلى من ممتخيل ، خطيه ارتبكت ولفت راسها بالجرجف 😄

مها.. اطلع كرار اطلع ، طلع ورحت وراه كلتله مو تدري بنات عمتي كاعدات ويانه شلون هيج اطب

كرار.. ع كيفج عيني اول شي اني مادري بيها يمج ،واصلا نسيت هنه موجودات ، وبعدين هاي الجبيرة مو شسمها ؟

مها.. وانت شعليك بيها؟ روح اكعد يم مرتك يلا هسه تعلسك 😂 ابو البنات بيج قصص من حياتنا M&T

حوراء.. كاعده يم مها وجان يجفت اخوها علينا ، نفس الولد الي شفق علينه وعباله مجادي، كلش استحيت ولفيت راسي بالشال لان جنت ملابسه حجاب ، ماعدهم احد بيت خالي بس حمودي وصغير بالابتدائي فعادي بالبيت نمشي بلا حجاب ، طلعته مها ، وانوب رجعت ، كالت هذا كرار متعود هيج يفتح الباب ويطب،  كلتلها يلا عادي مصار شي

كالت امشي نسلم ع مرت كرار هسه دكول محد يعبرني وتسويلها مشكله ، كلتلها ميخالف بس خلي استعجل زمن حته تنزل ويانه 

رحت ع زمن لج عوبة يلا طلعي حته ننزل نسلم ع جنتهم اجتي

زمن.. دتطيري والله ما طلع ستوني طبيت من اخلص يلا انزل

حوراء.. اوي طبج مرض اني راح انزل، عود لبسي شال من اطلعين هذا اخوهم يشتل بالبيت

زمن.. حاضر يلا روحي اريد اكمل سبح طلعتي من خشمي

حوراء.. مو صوجج صوج الي ينصحج ويعلمج غبيه ، عفتها ورحت للغرفه لبست شال ونزلنه اني ومها ،

كرار.. اويلي هاي شكد حلوة هاي يمكن الحبيرة حوراء بس شكلها شكد متغير ، ذاك اليوم دفنه امها وهيه متربنه وجها مصخم اليوم عبالك مبدليها جايبين غير وحده ، نزلت يم الداخلية اويلي شيخلصني من اللسانها

فاتن.. هاي وين رحت عيني، شنو نسيت هذني المكطمات هنا ، لو بعد متتحمل تريد تشوفهن ملعب ابو النسوان

كرار.. اهووو بدت اللغوة لج بابة بطلي هذا الشك بطلي خلي عندج ثقة بيه ، ترة والله اسويها صدك واصادق عليج ، حته تبطلين

فاتن.. ماكدر احجي هسه خليني ساكته ماريد اضحك العالم عليه ، بس شيخلصك مني اليوم

كرار .. ياربي اخذني وخلصني من هل المرة مليت منها ، ولج انوب حته بيت اهلي تحاسبيني ، شنو رأيج اليوم اني باقي بيت اهلي عناد بيج 😛

فاتن.. وروح ابويه هسه هنا اسوي مشكلة شكبرها وشكدها كرار

كرار.. ولج اشاقه والله نصي صوتج فضحتينه

حوراء.. نزلنه اني ومها ، واشوف بنية شويه متروسه بس حلو شكلها كاعده بس مبين عليها ضايجة ، سلمت عليها ردت السلام منورة خشمها ، عبالك كاتله ابوها

ام كرار.. بنات يلا تعالن ساعدني

حوراء.. كمنه اني ومها رحنه للمطبخ نساعدها بالغده ، شويه واجه كرار ، مااعرف ليش من يجي اتوتر ،يمكن ممتعلمه ع وجود شاب بالبيت،

كرار.. يمه شمسويه غدة ؟

ام كرار.. يمه مسويتلك دولمة وبرياني، ادري بيك تحبهن

كرار.. اي والله يمه عاشت ايدج صارلي كومه ماماكل شي بخير ، فاتن معيشتني ع النواشف والدجاج المشوي ، راح يطلعلي ريش منورة الدجاج يمه شوفي ابنج الجبير شلون ضعفان

فاتن.. لا عمه جذاب اصلا يوميه اسوي اشكال والوان ، البارحة سويت كبة تعجب بيها، صح لولا متحجي

كرار.. اي يمه صح كبة امها مسويتها واجتي بس كلتهن 😂

ام كرار.. عمه ديري بالج ع كرار قابل شعندج غيرة هاي لو عندج جهال جان شسويتي

فاتن.. عمه كله بيد الله ان شاء الله يرزقني بطفل ، اصلا بعد وكت ع الجهال وكرار ميريد هسه طفل

حوراء.. كعد يفشل بمرته والله انقهرت عليها بس هيه هم اللسان وتجاوب ، خطية مها كالت صار خمس سنين متزوجين ماعدهم جهال ،

من حجت مرت خالي بموضوع الاطفال وجها تغير وضاجت وطلعت من المطبخ

كرار.. حوراء انتي بالمدرسه ؟

حوراء.. طلعت مرته وكرار كالي حوراء انتي بالمدرسة ، اني ارتبكت

هااا، لا

كرار.. حرامات لياصف ومبطله

حوراء.. لا مابطلت بس خلصت سادس علمي وتوفه بابا وماقدمت ع الكلية،، بقلمي #ميديا_الفهد

كرار.. هاا الله يرحمه، بس حرامات ، زين شكد جبتي معدل

حوراء.. يسأل بيه واني گلبي يدك ومدنكه راسي ،

جاوبته معدلي 85

كرار.. احجي وياها وهيه مدنكه وخجلانه صارت طماطية من الخجل،

لا يابة صدك هيج معدلج والله حرامات تركتي

حوراء.. كلشي قسمه ونصيب الله مقاسملي اكمل كلية ،

ام كرار.. عيني لاتلهي البنات نريد نكمل غدة بسرعه ، يلا حوراء تعالي لفي ويايه دولمه ، مها روحي صيحي زمن تغسل مواعين  ،،قصص من حياتنا M&T

حوراء.. كعدت بالكاع نلف دولمه ، وهو واكف فوك راسي ، بگلبي يمعود مو رزلتك امك روح اكعد يم مرتك شعندك فوك راسي ، حته نسيت شلون الف دولمه

كرار.. كعدت بالكاع واني واكف يمها بس شلون بنية معدله وحلوة ورشيقه ،

مها.. يوم تلفونج يدك ، هذا بابا

ام كرار.. جيبي خلي اجاوبه

مها.. يوم مو مابي شحن اذا فصلته ينكطع

ام كرار.. يلا جايه فتحي خط جاوبي بس اغسل ايدي واجي

حوراء.. كامت غسلت ايدها وراحت ، بقينه وحدنه اني وكرار

مااحس الا واحد كعد بصفي بالكاع 😳😳

…………………………………………………………………

مساء الخير ،، طبعا النت زفت ،من الظهر لهسه ميحمل المنشور ، اتمنى تعذروني واصلا بلكوة أكتب عندي ظروف، وان شاء الله  بالايام الجاية اعوضكم

دمتم برعاية الرحمن، الكاتبة ميديا الفهد

#مرارة_الايام

بقلمي #ميديا_الفهد

#قصص_من_حياتناM& T

البارت ال9

حوراء.. كامت مرت خالي غسلت ايدها وراحت ، بقينه وحدنه اني وكرار، ومااحس الا واحد كعد بصفي بالكاع 😳

كرار.. بقينه وحدنه بالمطبخ اتنهزت الفرصه، نزلت كعدت بصفها ، كلتلها متعلميني شلون الف دولمه

حوراء.. كعد بصفي گلبي راد يوكف انوب يكولي علميني الف دولمه ، وهو اني من كعد يمي حته اسمي نسيته عزة شصار بيه  اني

كرار.. احجي وياها وهيه مدنكه وترجف ، حوراء تسمعيني ؟

حوراء.. هااا

كرار.. كلتلج علميني الف دولمة ،شبيج ساكته

حوراء.. ها اي هو تلزم السلك وتخلي بي حشوة وتلف

كرار.. لا ماسوي خاف اخرب شغلج ،خلي اليوم ناكلها من ايدج الحلوة

حوراء.. عزة هذا شبي ، راسا كمت وعفته وصلت للباب اجتي مرت خالي

ام كرار.. هاا حوراء شو عفتي الدولمه ؟

حوراء.. لا خاله بس كمت اشرب مي

كرار.. من حجيت وياها راسا عافتني وكامت ،هاي كلشي ماحاجي وهيج صار بيها اذا تغزلت بيها شسوي ،

اجتي امي وطلعت من المطبخ ، لكيت فاتن تبجي،

هاا خير شكو منو مات ؟

فاتن.. الف مرة اكولك ماطب البيت اهلك من تريد تروح روح وحدك ،لان امك تتقصد تسمعني حجي وتغثني

كرار.. ع كيفج عيني قابل شحجت المرة ،كلتلج ديري بالج ع ابني، شنو قابل كفرت ، انتي صايرة حساسه اكثر من اللزوم ،

فاتن.. اريد ارجع للبيت ،

كرار.. انتي صدك تحجين ،لج امي من الصبح تطبخ وتحضر غدة ع مودنه وتريدين ترجعين للبيت ، بقلمي ميديا الفهد

فاتن .. ماكدر ابقة كاعده احسهم كلهم يشفقون ويشمتون بيه

كرار.. لا انتي اكيد اتخبلتي وهو انتي منو يمج ، فاتن انتي متعلمه كل مانجي لاهلي تسوين مشكلة، وإذا هسه هم تريدين تسوين ترة من هسه كبل البيت اهلج بدون نقاش

فاتن .. يلا خلص سكتت ، قصص من حياتنا M&T

حوراء.. كملنه الغدة وحالتي صارت حاله ، كلتلها خاله راح اروح اغسل وابدل هدومي

ام كرار.. روحي بس بسرعه حته تفرشين السفرة وتصبين ، ذني مها وزمن شوفيهن وين من الصبح لهسه مختفيات

حوراء.. صعدت فوك ماكو زمن بالغرفه، غسلت وبدلت ع السريع،  ورحت لغرفة مها ، دكيت الباب ،فتحن الباب ولكيت مها تعلم زمن ع التلفون اللمس

زمن.. ولج حوراء تعالي شوفي شكد حلو النت 

حوراء.. اي عيني خالاتني وحدي بالمطبخ وكاعدات تلعبن بالتلفون ، ست زمن بعدنه ممشترين تلفون وهيج لاطشه بتلفون مها اذا اشترينه شلون يمكن بعد ماشوفج ،

يلا كومن للمطبخ خاله ام كرار تريدجن

زمن.. يمعوده دتعالي شويه شوفي العالم والتطور ، عوفي الطبخ والنفخ

مها.. يمعوده تعالي شويه كعدي ويانه وعود ربع ساعه وننزل

حوراء.. هو شنو بي بلا خلي اشوف ، گلبت بي شويه كلشي مااعرف دخت، شمرته عليهن اوو داخ راسي مااعرفله ، يلا كومن خلصني وخلي اليوم يعدي ع خير

كرار.. صبوا الغدة والكل نزل وحمودي السلام مالته لازم وياه عشرة مو اخ مسلبچي 😂

صبوا غدة وحوراء كل شويه جيب شغله ، واني بس اباوع عليها مااعرف ليش عجبتني يمكن بسبب خجلها الزايد لو بسبب عيونها الي يدوخن

حوراء.. صبينه الغدة والكل كعد ياكل ، واني وزمن مثل كل يوم كعدنه بالمطبخ ناكل

كرار.. الكل كعد يأكل وحوراء واختها ماكو ، يمه لعد بنات عمتي وين ؟؟

ام كرار.. بالمطبخ يتغدن ،هنه يستحن يكعدن ويانه ، فياكلن بالمطبخ

كرار.. خطية صدك جذب وهو المطبخ حار وين ينكعد بي ، كمت ورحت عليهن ،

حوراء.. دناكل اني وزمن ، بعدني بأول لكمة ودخل كرار اريد ابلع اللكمة ماكو وكفت بلعومي،

كرار.. يلا تعالن كعدن ويانه تغدن ، قصص من حياتنا M&T

حوراء.. لا شكرا، احنه بالمطبخ مرتاحين

كرار.. بدون كلام يلا كومن بسرعه

حوراء.. كعدنه نتغده ، وفاتن تخزر بينه اني وزمن ، ومن جهة كرار بس يباوع لو باقيه بالحر احسن من هاي الكعدة

كرار.. كاعده مثل العصفور تاكل ، ع كيف اباوع عليها شلون عيون شايله كبار وعسليات يخبلن

حوراء.. كملنه غدة ، كمنه غسلنه الموعين اني وزمن ومها ، ومها من النوع تشاقه وتحشش وتقلد ع مرت كرار ، وزمن الفطيرة تضحك بصوت عالي، واني اسكت بيهن وهنه يزيدن ،

مها.. ولج شفتن فاتن شلون تحجي وتعوج بحلكها عبالك جاية من باريس ، ولجن من شافتجن كامت تتعيقل عود هيه مثقفه وهي ثالث متوسط ممخلصة ،

حوراء.. مها تحجي ع فاتن وجان طب للمطبخ اويلي ولا حسينه بيها ،

فاتن.. صح ممخلصة دراسه بس اتزوجت واني صغيرة مو باقيه ومحمضه  ع گلب اهلي 😏 بقلمي #ميديا_الفهد

مها.. اي مو هو الزواج فد انجاز عظيم وتتباهين بي 😏 خليني كاعده بيت ابويه مدلله وعايشه بخيرة الحك ع الرجال وشلاع الگلب والزعاطيط 😆

حوراء.. وحده تحجي والخ جاوبها كلت خلص راح تعلك ، بس شنو كله بسامير وحده تشمر ع الثانيه ، اني وزمن سكتنه خاف تصير مشكله الصراحة خفت

كرار.. اجيت اكلهم سوو جاي واشوف مها وفاتن ديتحاجن ،،

هااا سالمين شكو شبيجن ؟؟ #قصص_من_حياتناM& T

فاتن.. اختك تحجي عليه وتقلد ، ومسويتني مضحكه لهذني المكطمات ،

حوراء.. احنه لايمها ولا شي شو هاي كامت تتجاوز وتحجي علينه ،

اكولج منو ذني الي مكطمات؟ اعرفي شلون تحجين عيب عليج،

كرار.. فاتن شبيج تخبلتي امشي يلا تعالي هنا عطت عليها

فاتن.. قابل جبت هل حجي من جيبي هذا حجي الكل

حوراء.. باوعت عليها بغضب وعفتهم وصعدت فوك ، متت قهر يعني لان ابويه مو عراقي هيج الكل يباوعلنه بالعين الصغيرة ، استغفر الله ربي

كرار.. جريت فاتن من ايدها وكلتلها امشي يلا للبيت راح تضلين تسوين مشاكل اعرف بيج متتحملين بيت اهلي سلمت ع امي وابويه وطلعنه ،

الطريق كله تزن براسي بالحجي اهلك واهلك ، كااااافي رحمه الله  متملين ،عطت بيها سكتت شويه، شغلت اغنية بالراديو ، واتذكر حوراء شلون عصبت ونظرتها الحاده ، حته وهيه معصبة حلوة

وصلنه للبيت ، تعبان تمددت اريد انام بس ادري بعد اكو جزء ثاني لان فاتن متكدر تسكت اذا مطلع كل الحجي وتغثني ، كعدت تصف امك هيج لمحت اختك هيج كالت،

ولج كافي اريد اغفه شويه اليوم بالليل عندي طلعه ويه جماعتي ،بقلمي ميديا الفهد

فاتن.. اي ليش لا اني گلبي محروك ومغثوثه وانت تفكر بطلعاتك ونستك واني شنو بلا بهل بيت ، يعني انهت كدام عينك حته مدافعتلي كدام هاي الجربوعه

كرار.. بس لبنية ساكته انتي اتجاوزتي عليها فاتن خليني ساكت احسنلج

فاتن.. اي عيني دافعلها ليش لا عبالك مشفتك شلون تباوع عليها واحنه نتغده ابو النسوان متصيرلك جارة ، بشنو اني مقصرة وياك ، حته تباوع ع البنات ، اشو البسلك ومعتنيه بنفسي وكل وقتي الك 

كرار.. اكولج وهو ياوقت هذا شو انت يوم هنا وعشرة يم اهلج واني ساكت اكول خطية تضوج وحدها تروح تغير جو ، اصلا اني مااحس نفسي متزوج

فاتن.. اي اي طلعني اني مو خوش والصوج مني وانت المظلوم والفقير حته تبرر لنفسك خياناتك الي ، كافي مليت منك ومن اسلوبك البارد

كرار.. مليتي من برودي مو لعد خلي اشوفج اعصابي النار ، لزمت الغرفه كسرتها تكسر ماخليت جامه ولا ساعه ولا تلفزيون كله شيل وشمر بالكاع ، تالي عفتها وطلعت

حوراء.. انغثيت من فاتن ،ومن حجيها ، اندك باب الغرفه مها ، كعدت تسولف وتعتذرلي بدال مرت كرار، كلتلها عادي حبيبتي اصلا اتعودنه ع الاهانات ،اصلا كمت مااهتم

كرار.. صارت ب10 بالليل رجعت لكيت البيت فارغ، صحت ع فاتن ماكو الظاهر زعلت مثل كل مرة وراحت لاهلها ، استغفر الله

كعدت اگلب بالفيس ، شفت مها فاتحة ، دخلتلها خاص ولج قندرة شعندج لهسه فاتحة فيس

حوراء.. كعدت مها يمي وزمن جابت كرزات وجبس ، وكاعدين بالغرفه نسولف ومها علمتني ع الفيس ودخلت بكروب مال طبخ ، اتفرج ع الاكلات وصافنه اشكال والوان ،

وجان تجي رساله بس فزيت فزة لان صورة كرار طلعتلي ع شكل دائرة عبالي ديشوفني 😂 لاضحكون عليه جنت مااعرف للاجهزة الجديدة اقوه ماعندي تلفون الصرصور

انوب يكولي ولج قندرة شعندج فاتحة فيس شمرت التلفون ع مها كلتلها ولج اخوج يباوع عليه

مها.. عبالي متصل عليها فيديو طلع مسج انوب اريد اجاوب كرار ماكدر متت ضحك ياربي شكد فطيرة هاي 😂

ولج هذا مسج مو اتصال خرب ببليسج متت ضحك

كرار.. اجاني مسج من مها ، ولك كرار هاي مو اني هاي حوراء جانت فاتحة فيس ، راح اتصل اوكف

📞الووو هلو كرار 😂😂

📞قزالقرط شبيج تتمضحكين بنص الليل

📞😂ولك غير التلفون بيد حوراء وانت دزيت المسج وهيه عبالها انت تشوفها وشمرته همزين ما وكع تلفوني وانكسر جان خسرتك واحد جديد

📞لا بربج 😂شنو ليش ماعدها تلفون،

📞لاماعدها واصلا اليوم اريد اوصيك تجيبلهن واحد يلتهن بي خطية

📞صار تدللون عليه

📞شعجب كاعد لعد فاتن وين

📞راحت البيت اهلها ، واني بالبيت وحدي

📞شعندك كاعد وحدك تعال يمنه غير جو مسوين خوش كعدة تفوتك ،كرزات وجبس وكذا

📞صدك والله خوش فكرة واني هم ضايج ، يلا جاي ضمولي جبس

📞حبيبي موتنسى جيب موطات ونساتل وببسي ،نساتل من الغاليه مو ام الربع

📞زين متريدين بعد رجال اجيبلج ويايه

📞هاا بكيفك بس كون مثلك حلو 😂

📞بنت الكلب احترمي نفسج ،عبالي ميته عليه وتفكر باخوها طلعت معوزه حلويات وتريد تستغلني ، مصلحجية مو بيدج

📞كرار الله عليك تعال والله صدك مشتاقتلك ولاتنسه الي وصيتك عليه

حوراء.. مها تحجي ويه اخوها واني صافنه شلون منطلقه وتحجي وتتشاقه وياه لو اني هم عندي اخ مو جان محد كدر يتعرضنله وياذينه ويدوسلنه ع طرف، جان دافع عني وعن شرفي واخذلي حقي من ابو عزيز الي سوه سوايته وطلعني اني الموخوش 😔

زمن.. شبيج حوراء ،، بيج قصص من حياتنا M&T

حوراء.. مابيه شي حبيبتي، تحجي مها وسمعتها دكوله تعال اكعد ويانه 😳

مها.. راح يجينه الخير كرار راح يجي ويجيب وياه حلويات وببسي،العشق مالتي 😍

حوراء.. ولج عيب من الولد بالنسبة اليه اني ماكعد وياكم استحي

مها.. يمعوده تستحين من كرار ولج كلش سبورتي وروحه رياضية وهسه يشبعنه ضحك

حوراء.. لا عيني اصلا نعست اريد انام

زمن.. عوفيها هاي نومتها مثل الدجاج

مها.. لا حوراء الله عليج لاتخربين السهرة

حوراء.. اهوو راح تلطشن بوجهي ، يلا راح انزل وياجن ،

نزلنه ع كيف لا مرت خالي تكعد وتسويها سالفه علينه ، وذني المفضوحات بس يتمضحكن، بعد نفس العمر متوالمات ،

رتبنه الكعده وفرشنه مندر بالحديقة ماكو شويه واجى كرار

كرار.. الدنيا ليل والشوارع فارغه جبت من الاسواق حلويات وعصاير وصلت بسرعه البيت اهلي ،

دخلت للحوش لكيتهن كاعدات بالحديقة  مسويات خوش كعدة مها اخذت مني العلاليك هيه وزمن ودخلن يحضرنها ويخلن الكرزات بالمواعين وحوراء كاعدة بالحديقة ، كعدت سلمت عليها

حوراء.. كاعدين وهو طب مها اخذت العلاليك واخذت زمن ودخلن جوة ، واني بقيت وحدي ، اجى كرار سلم وكعد ، اني مدنكه

كرار.. شلونج حوراء

حوراء.. الحمد لله زينه

كرار.. شبيج مدنكه تره مااكل بشر، رفعي راسج ، صدك اليوم مها كالت تريديم تلفون لمس مو؟

حوراء.. لا مو الي ، ع مود زمن من شافت تلفون مها وهيه متخبله عليه ، كلت اخذلها ، هو شكد سعره ؟

كرار.. مو عيب عليج تسأليني هل سؤال، معليج بيش،

ياللون تحبين اجيبلج اسود لو ابيض

حوراء.. خجلانه منه ومرتبكة مااعرف احجي وهو كبالي ، مادري بكيفك بقلمي #ميديا_الفهد

كرار.. راح اجيب لون ابيض احلى حته يتوالم ويه گلبج الابيض

اباوع عليها خجلت كلش ، شويه واجني مها وزمن وجايبات الاكل ومسويات لفات جبن وزيتون ، ادنيت اتقصدت اكعد بصفها

حوراء.. اجني زمن ومها شو هذا كام وكعد بصفي ، مها جابت بطل مي وكعدت تفر بي واحد يسأل الاخ مثل الافلام ، همزين هو كاعد بصفي حته ميسئلني

كرار.. كعدت بصفها ومها سوت هاي اللعبه تندمت لو باقي بمكاني جان هسه سألتها وابقه اباوع بوجها ،

مها.. فريت البطل صار ع حوراء، كلتلها حوراء لو هسه رجع بيج الوقت يا سنه تحذفين من حياتج ؟ وليش

حوراء.. اول مسألتني مها تذكرت سجاد ولو ماحبيته جان قبلت بابوه وهسه امي ويانه عايشة مو  خليتها تموت قهر وحسرة 😔 قصص من حياتنا M&T

مها.. الوو حوراء وين رحتي

حوراء.. ها لا بس افكر شمسح منها ، ولا اكولج امسح يوم الي امي جابتني لهل الدنيا حته مااعيش الي عشته

كرار.. مها لعبتج فاشله مو حلوة خلي تغيرها ، منو عنده اقتراحات

زمن.. نلعب لعبة اخر حرف من اغنية

كرار.. يعني شلون؟

زمن.. يعني مثلا ابدي باغنية اوصل لاخر حرف  من الكلمه الاخيرة ومها تبدي تغني بأغنية مثل اخر حرف ،

كرار.. اوكي اني ابدي اول شي ، لعبناها وتونسنه ونضحك وناكل ، صدك سهرة من العمر

حوراء.. لعبنه لعبة الاغاني ويوصل يمي السرة وابقه اضحك مااعرف واستحي،  وكرار يموت ضحك اكبر هم ينسي وياه من اول دقيقة ، كام يحجي نكات وحزورات ، بحياتي كلها ممتونسة هيج ونسه

كرار.. سألت البنات حزورة طبعا صرنه فريقين زمن ومها واني وحوراء وكل فريق يحجي حزورة، سألتهن وبقن وحده تشاور الخ ، وباوعت ع حوراء وكمشت ايدها

حوراء.. كرار انطه حزورة الزمن ومها وكاعدات يتشاورن حته يكولون الحل ، جان كرار لزم ايدي 😳😳

…………………………………………………………………ّّّّ………………

آرائكم وتوقعاتكم للبارت العاشر ، لاتنسون تفاعلكم يخليني اكتب باليوم 3 بارتات مو بس اثنين ،

تصبحون ع ماتتمنون حبايب ، الكاتبة ميديا الفهد

#مرارة_الايام

بقلمي #ميديا_الفهد

#قصص_من_حياتناM& T

البارت ال 10

حوراء.. كرار انطه حزورة لزمن ومها وكاعدات يتشاورن حته يكولون الحل،

جان كرار لزم ايدي ، رأساً اذكرت سجاد من لزم ايدي بالكية، اووف شفت حياتي مثل شريط الافلام مر بعيني بثواني، سحبت ايدي بسرعه وكمت ،

يلا اني تعبت ونعست اروح انام تصبحون ع خير

كرار.. لزمت اديها وراسا سحبتها وكالت نعست تصبحون ع خير، اروح فدوة للثكيل اني ،

يمعوده وين رايحة بعد وكت

مها.. غير انت ماتدري نزلناها سحل للحديقة، متقبل تنزل روحي نامي عيني روحي ،بقلمي ميديا الفهد

حوراء.. عفتهم وصعدت ودموعي تنزل مااعرف ليش كل ميحاول كرار يتقرب مني اذكر سجاد ،معقوله بعد كل الي صار ويايه وتخلي عني بعدني احبه 😔

كرار.. بقيت 3 ايام بيت اهلي ، بس حوراء ابد متبقه وحدها لو ويه زمن الصبح لو ويه مها العصر ، ابقى بس اباوع عليها

حوراء.. كرار بقى يمنه 3 ايام ماعرف ليش ، ومرته ابد لا خابرت ولا شي ، اوي واني شعلية، بس من اشوفه كل احوالي تتخربط

كرار.. كاعدين نتعشه ودك التلفون باوعت هاي فاتن يبووه

📞الووو نعم

📞الووو هلو كرار شلونك

📞شتريدين داكه عليه

📞ضل بالي عليك 3 ايام وانت ماكو

📞اي ماسألتي نفسج ليش بلا

📞كرار انت ليش هيج متغير ، جنت من أزعل بنفس اليوم تجي تراضيني شنو الي تغير هسه

📞مليت من زعلج ومن صوتج العالي ومن كلشي ، فاتن تعبتيني

📞يعني شنو بعد متحبني ومتريدني ؟

📞مادري اني اريد مرة تهتم بيه واداريني وتشوف طلباتي، مو مرة اربع وعشرين ساعة كاعده يم اهلها وبيوم الي تجي تسويلي مشاكل وتنغص عليه حياتي

📞انت وين هسه بالبيت ؟

📞لا اني بيت اهلي

📞شتسوي كاعد هناك

📞مو كتلج مليت منج ومن صوتج العالي ، يلا ولي بعد لادكين عليه وتغثيني

📞كرار اوكف حباب هاي شبيك مو تعرف بيه احبك واغار عليك ، من حبي اني اسألك واعصب عليك

📞واني هم مليت من غيرتج وعصبيتج صار خمس سنوات متحمل واكول ميخالف تحبني ، بس كافي لحد هنا وكاافي

كرار.. سديت الخط بوجها ودخلت للبيت

حوراء.. كاعدين نتعشى كلنه ودك تلفون كرار، عاف العشى وطلع بالحديقه، شوية ورجع بس ضايج ، مرت خالي سألته،

ها يمه شبيك

كرار.. مابيه شي يمه ، اتعشوا مالي نفس اكل

ام كرار.. هاي اكيد فاتن الكلبة غثتك ، ماعرف ليش باقي وياها لحد هسه وهيه حته طفل مايصير عدها

كرار.. يمه خطية يتيمه وتحبني ، صارلها سنين متحملتني

ام كرار.. قصدك صار سنين انت متحملها

كرار.. يمه فدوة الوجهج سدي الموضوع

حوراء.. بگلبي مادام هيج تحبها شكو بس تبصبص بعيونك وتتحارش بيه ، والله حقها فاتن تزعل وتروح لاهلها ، انتو الزلم كلكم نفس الطينه عينكم فارغه

كرار.. وره نص ساعه كاعد وصلني مسج ع الفايبر ، فتحته من فاتن، ✉ حبيبي اني بالبيت تعال مشتاقتلك موت ،

ودزت صورة الها بثوب النوم 😍 صارلها كومه ممهتمتلي ،ضحكت ، وكلت لامي يلا يمه اني رايح

ام كرار.. ولك وين رايح تعال ،بيج قصص من حياتنا M&T

كرار.. للبيت يمه للبيت

ام كرار.. اي عيني قشمرتك بحجايتين شلون زلم والله يا الله

حوراء.. احنه بالمطبخ وشفت من الشباك كرار طلع

كرار.. رجعت للبيت اويلي الريحة تخبل فتت لغرفة النوع الضوه طافي وشموع بالكاع ورد ع الجرباية اجواء رومانسية تخبل ، حسيت نفسي عريس

فاتن.. هلو حبيبي شلونك

كرار.. اويلي ولج هاي شطالعه ، لو ادري زعلان عليج من زمان وعايفج حته هيج تهتميلي ، بنت الاوادم طالعه كيكة تعالي بحضني

حوراء.. راح كرار وبعد مشفناه اسبوع ، اجتي الامتحانات ، خطية الكل يقرة ومها اي شي تريد اني اشرحلها ، حمودي عليه اني اقري حته البيت معليه بتنظيفه او اي شي مرت خالي متخليني انظف دكولي درسي هذا الحجارة ، لان يفتهم عليه

ام كرار.. والله حوراء هذا الدجة من اجيتي وكمتي تقري تحسنت درجاته ، مليت من الخصوصي وماكو فايده بي ، همزين يفتهم عليج

حوراء.. ام كرار شويه صارت زينه بتعاملها ويانه ،يمكن تعلمت ع وجودنه وشافتنه ماعدنه أذية

خلصت الامتحانات ورة اسبوع استلموا النتائج الحمد لله حمودي ناجح ، كيفت كلش عبالك اني النجحت

ام كرار.. صدك جذب ولك حمودي ناجح من اول دور وهاي درجاتك، والله حوراء لو تصيرين معلمه احسنلج ،

كرار.. التهيت بالشغل وفاتن تغيرت بتعاملها كامت متحاسبني ومتحجي ،

كاعد العصر اصفح بالنت واجتني فاتن

فاتن.. كرار هذا تلفوني كايم ميشحن ، جيبلي واحد غيرة

كرار.. من كلتلي فاتن ع التلفون اتذكرت حوراء، يااا وصتني ع التلفون والله نسيت ،بقلمي ميديا الفهد

حوراء.. من نجح حمودي ثاني يوم مرت خالي اطتني تلفون جديد اسود لمس، كلش حلو ، زمن طارت من الفرح واخيرا راح اخلص من زنها ع التلفون

مها نزلت بي برامج وألعاب ،

زمن .. حوراء من هسه يوم الج ويوم الي اتففنه

حوراء.. اوك اتفقنه ، بس والله جذابه متخليني الزمه اذا نضيع زمن نلكاها لاطشه بالتلفون 😂

ولج عوبه راح تنعمي عيونج من التلفون ارحمي بحاله خطيه خلي يرتاح

زمن.. وهو اني وين لازمته ستوني لزمته 😞

حوراء.. ولج والله مو زين عليج، اوي دروحي انزل اسوي كيك تعلمت طريقه اليوم اريد اجربها

كرار.. اشتريت تلفونات اثنين واحد لفاتن واحد لحوراء ، واشتريت بايسكل الحمودي ، خلصت فلوسي منوراهم 😭

حوراء.. سويت العصر كيكه والريحة تخبل ، اجى خالي كال شنو هاي اليوم عالكتها حوراء

ابو كرار.. ام كرار اليوم راح اعزم البنات وكرار يوم الجمعه نسوي غدة وحفله صغيرة بمناسبة نجاح حمودي والبنات

ام كرار.. اي خوش بس من هسه الغدة جيبه من بره منطبخ احنه نريد شويه نرتاح

ابو كرار.. صار ادللوا ، بيج قصص من حياتنا M&T

حوراء.. كملت الكيكه طلعتها من الفرن وخليت عليها نيوتلا وحضرت مواعين صغار وعدنه قواطي ببسي ،

انفتح باب الشارع هذا كرار ، اويلي هذا شبي گلبي يدك سريع عفت الكيكه وركضت للغرفه لبست شال اباوع ع وجهي يلعب النفس ، غسلت ولبست دشداشه نظيفه وحلوة

كرار.. فتت للبيت وريحة الكيك شكت خشمي الله يمه شنو هاي الريحة

ام كرار.. هاي حوراء سوت اليوم كيكه ،  بنات وينجن ، حوراء تعالي

حوراء.. اريد ابدل ومرت خالي صاحت عليه ركض بدلت ولبست شالي ونزلت ،

ها خاله

كرار.. دكولي السلام عليكم شدعوة عمي

حوراء.. هلو كرار شلونك ومدنكه

كرار.. الحمد لله انتي شلونج

حوراء.. زينه الحمد لله

دخلت للمطبخ احضر الكيك واكصصه ، واشتميت عطرة بالمطبخ ، انداريت لكيته واكف يم الباب

كرار.. راحت حوراء للمطبخ ورجليه اخذتني وراها ، واكفه تشتغل ومطيتني ظهرها  ، بقيت اباوع عليها شويه واندارت

حوراء.. انداريت لكيته واكف اويلي گلبي راح يوكف ، اهدئي حوراء اهدئي ،

كرار.. مبينه طيبه الكيكه من ريحتها ،

حوراء.. هاك أكل وشوف طيبه لولا

كرار.. ماكو داعي اكل مادام انتي سويتيها طيبه،، كلشي من ايدج طيب

حوراء.. شكرا

كرار.. حوراء هاج ،انطيتها التلفون

حوراء.. شنو هذا ؟؟

كرار.. قنبله شبيج متعرفين شكلها 😏 غير تلفون الي وصيتيني عليه

حوراء.. ادري بي تلفون بس اني عندي واحد ، شكرا

كرار.. تخبلت من كالت عدها واحد منيلها ،،

منيلج تلفون منو جابلج ؟؟

حوراء.. من كلتله ماريد عندي، حسيته عصب ،

خاله ام كرار جابتلياه قبل كم يوم ، لان قريت حمودي ونجح

كرار.. هاا بالعافية ، بس اني اشتريتلج واحد وين اوديه هسه ؟

حوراء.. رجعه لابو المحل

كرار.. بعد فتحته وخليت بي شريحة ونزلت برامج ،ميرجعه

هاج اخذي وانطي ذاك الزمن

حوراء.. لا ماريده شسوي بي ، بيج قصص من حياتنا M&T

كرار.. شنو ترجعيني وتفشليني ، خليته ع كاونتر وطلعت

حوراء.. من ماقبلت اخذة منه ضاج وعاف التلفون وطلع ، باوعت ع التلفون ابيض وبي گفر بناتي يجنن ، شلون ذوق حلو ،

كرار.. اكلت كيك ، كلش طيب ، بس سويت نفسي ضايج ، شويه ورجعت للبيت

فاتن .. وين جنت من العصر لهسه دكيت عليك كومه وانت مجاوب ،

كرار.. يبووه التلفون بالسيارة نسيته ، جنت بيت اهلي

فاتن.. رجعنه ع بيت اهلك اني مو كتلك بعد لاتروح مادام ذني هناك ، شلون وياك كرار ناوي تموتني ليش تكسر كلامي

كرار.. الله بالخير تره بيت اهلي رايح مو للكابريه ، وشنو مااكسر كلامج لازم انتي هنا الرجال واني المرة ، ميصيرلج جارة اطلع من البيت احسلي قبل متكبر المشكله

فاتن.. وين طالع تعال احجي وياك كرار ، عافني وطلع اوف

كرار.. طكت روحي منا فاتن وشكها الي خبلني ماعدها ثقه حته بنفسها ، ومنا مااعرف نفسي شريد من حوراء وليش هيج مهتم بيها ، طلعت من البيت رحت يم جماعتي

حوراء.. راح كرار وهو ضايج لزمت التلفون واخذته شوفته المها وزمن ،

زمن.. حوراء تتبادلين ، يجنن هذا التلفون

حوراء.. لا عيني مابدله اني احب اللون الابيض

مها.. بالعافية حبيبتي كلش حلو

زمن ، ولج هاي شنو حته فيس بي ، خابري كرار وشكريه

حوراء.. لا عيب استحي ،بقلمي ميديا الفهد

مها.. شكو بيها دزيله مسج كوليله شكرا قابل راح ينقص منج

حوراء.. اي عود بعدين ، يلا سولي طلب صداقة حته اوافق ، مسمي الفيس بوك  مالتي «حور العين»

كرار.. كعدت يم جماعتي ، دك الماسنجر ، يبووه هااي فاتن ماكو غيرها اطفي الجهاز احسنلي ، طلعته اطفي واشوف المتصل ، حور العين

هاي صدك حوراء لو أتخيل ، اخذت التلفون وكعدت بالسيارة وجاوبتها

حوراء.. جنه كاعدين يم مها ونسولف هنه كل وحده لازمه تلفونها ويتفرجن واني مو هواي احب اتفرج نت ادوخ بسرعه ، كلت خلي ادك ع كرار ، عفتهن ورحت للغرفه ودكيت ، بس طول يلا جاوب

📞الووو

📞الوو هلو كرار شلونك

📞حوراء مو ؟

📞اي اني حوراء

📞شعجب اشوفج اخذتي مو ع اساس متريديه

📞بصراحه عجبني كلش واني احب اللون الابيض ، شكرا ع التلفون

📞العفو لا ادللي ، عيوني الج حوراء

📞تسلم ربي يحفظك

📞ويحفظج الي

📞فاتن شلونها سلملي عليها

📞وعليكم السلام ، غير اذاتعرف حاجي وياج تجي تاكلج وتشربج 😂

📞ليش شكو بيها انت مثل اخويه ، يلا اروح اني خاف صدك تزعل عليك وتصير مشكله منورايه

📞يمعوده وين اني ماصدكت حجيت وياج، وبعدين اني مو مثل اخوج، لان الاخ مستحيل ينعجب باخته واني معجب بيج حوراء

حوراء.. بقيت ساكته مااعرف شجاوبه ، اني اصلا لا انفع احب ولا اتحب

📞 الوو حوراء وين رحتي تسمعيني

📞كرار اني اروح خالتي تصيحني ، بااي

📞فكري بكلامي حوراء ، يلا بااي

كرار.. سدت الخط واني ادري بيها جذب محد صاحها  ، بس فرحت اتصلت عليه ، يعني بيها مجال تحبني

حوراء.. سديت الخط والغصة بگلبي اني هم معجبة بي بس مستحيل احبه،

شلون احبه واني مو بنية 😔 حسبي الله ونعم الوكيل عليك ابو عزيز كسرتني واخذت مني أعز ما املك

هاي شبيج حوراء معقوله هيج تحجين وحته لو اني بعدني بنيه شلون احب واحد متزوج ، خطية مرته شنو ذنبها ، مو اني الي إبني سعادتي ع تعاست غيري

كرار.. مرت الايام وحوراء ماكو ادك عليها متجاوب اروح البيت اهلي بس تسلم عليه وتختفي ،

ارجع للبيت فاتن مسودة عيشتي

فاتن.. ادري بيك عندك شي صارلك كم يوم مو طبيعي ، متزوج عليه مو كرار احجي وريحني

كرار.. لج بابه شمزوج مو مكابلج وكاعد بعد شوكت اتزوجت

فاتن.. ادري بيك تريد طفل ويمكن اتزوجت عليه ، هاك القرآن احلف انت ممتزوج عليه

كرار.. تحجي وتعيط وتبجي ودكولي متزوج واني ساكت متحملها ومطول خلك وياها ، من جابت القرآن ودكلي احلف عليه ، تخبلت

انتي مخبله مو طبيعيه ولج ع شنو أحلف كلتلج ماعندي شي وربج الخلقج ماعندي شي شلون اطلع بالشارع واعيط مامتزوج عليج يامرة اتقي الله احس نفسي عمري 80 سنه منوره قهرج لعبت نفسي ، راح اهج وبعد متشوفيني ، عفنها وطلعت ، بيج قصص من حياتنا M&T

حوراء.. كعدنه الصبح جان يوم جمعه وراح يجون خوات مها الكبار وحيدر هم خلص امتحانات وراح يجي من بغداد ،

خالي راح يجيب الغدة من المطعم موصي عليه قبل 3، ايام

مها شسور بشعرها وزمن تحضر ملابسها واني هم طلعت الفستان الزيتوني

مها.. تعالي حوراء قبل متبدلين تعالي احطلج مكياج شويه

حوراء.. لا عيني اني مااحط واصلا استحي ويني وين المكياج

زمن .. حبابه خلي اني أحط شويه حمرة الله يخليج

حوراء.. لج شو طالعه عينج لا ماكو مكياج بعدج صغيرة

زمن.. يمعوده شنو بعدني صغيره تره عمري 17 سنه

حوراء.. واااو هاي شنو شو بسرعه كبرتي ، 17 عود جبيرة يعني

مها.. حوراء لاصيرين حقنه احنه بالببت كاعدين ماكو احد غريب ، يلا تضوجينه

حوراء.. اباوع ع زمن ضاجت وزعلت ومها تقنع بيه كلتلها يلا ميخالف بس حمرة مو غير شي

زمن.. فدوة اروح الاختي الجبيرة وامي 😚

حوراء.. عفتهن يتمكيجن ورحت لبست الفستان والشال والحذاء ، شويه ودخلن عليه زمن ومها ،

مها.. لج شنو هل جمال يجنن الفستان واللابسته ، تعالي الله عليج اخليلج مكياج خفيف حته تكمل الاناقه هاي

حوراء.. مكيجتني مها وخلتلي حمرة وردي طلعت كلش حلوة ،

اجه حمودي يركض اجه حيدر ، مها نزلت تركض

مها.. حبيبي حيدوري هلا بيك ياعمري

حيدر.. مهاوي حبيبتي مبروك نجاحج ياوردة ،

سلمت ع مها ونزلن بنات حلوات كلش عرفت هذني بنات عمتي سناء ، سلمن عليه ، ام الزيتوني شايله عيون عسلية تخبل ، بقلمي #ميديا_الفهد

حيدر.. اعرفكم عليه اني حيدر عمري 23 سنه طالب مرحله اخيرة ادارة واقتصاد ، ادرس بغداد ، طول فترة دراستي كاعد يم بيت خالي بغداد ، ابيض مو كلش طويل طالع ع خوالي الاشكر مال العشيرة يسموني،، طالع ع بيبيتي ام امي جانت بيضه وحلوه ،، عيوني اخضر فاتح

حوراء.. نزلنه اني وزمن سلمنه ع حيدر هاي اول مرة نشوفه ، ولد حلو وعيونه ملونه

زمن.. اويلي شنو هذا شكد حلو باعي العيون يموتن

حوراء.. لج قندرة شنو هلحجي احترمي نفسج

زمن.. شبيج هو منو يمنه بس اني وياج هسه حته الحجي ممنوع ااف

حوراء.. بس يلا سكتي ، قصص من حياتنا M&T

كرار.. طلعت ضايج من البيت منورة فاتن والنك مالتها ، دك عليه ابويه

📞الوو هلو يابه شلونك

📞هلو كرار وينكم شو تاخرتوا اجني خواتك وحيدر راح نصب غدة وانت ماكو ، جيب مرتك وتعال

📞يااا والله نسيت هسه جاي

📞اي وليدي جيب مرتك وتعال ننتظركم

📞يابة فاتن يم اهلها راحت ، هسه اني راح اجي مع السلامة

حوراء .. اجني خوات مها الكبار حته اكبر من كرار ، عدهن جهال وكلش حبابات سلمنه عليهن ، وكعدنه نسولف

كرار.. طبيت للبيت ماكو احد راحت الخاتون الاهلها ، استغفر الله، بدلت هدومي ورحت لبيت اهلي ، دخلت لكيتهم كلهم موجودين خواتي وحيدر بس حوراء ماكو

حوراء.. كاعدين بالهول نسولف واجه حمودي ابو الاخبار اجة كرار، راسا بكل هدوء كمت ورحت للمطبخ بحجة اشرب مي ، وبقيت كاعده هناك ، ماريد اشوفه لان بس اشوفه ماعرف شيصير بيه وانوب اكيد مرته وياه تضل تخزر بيه اكعد هنا احسن

كرار.. دخلت سلمت عليهم وجهال خواتي المشعوذين يكمزون وهوسه بس عيوني ادور ع حوراء

ابويه كال يلا نروح نجيب الغدة تعال ويايه ، رحنه جبنه الغدة

زمن.. ولج شعندج كاعدة بالحر امشي تعالي بالهول

حوراء.. كمت غصباً عليه ماريد اشوفهم لا هو ولا مرته ، دخلت للهول ماكو لا كرار ولا فاتن استغربت

كرار.. جبنه الغدة طبيت للبيت واشوف حوراء بس والله ماعرفتها هاي شطالعه شنو هل الفستان المقسم عليها شنو هل أناقة  والمكياج طالعه غير وحده ، #قصص_من_حياتناM& T

حوراء.. كاعدين البنات يسولفن واني واكفه ع صفحة وكلش متضايقه من الفستان ضيق عليه احس مربطني ، دخل خالي كمال ، وياه كرار ،

بقى صافن عليه كمنه اخذنه منهم الغدة وكعدنه نحضر بي ونطلعه من السلفون ، جايب برياني وسمج مشوي ،

كلتلهن ولجن راح اطك من هذا الفستان اختنكت ،

سهير.. دروحي بدلي لبسي شي مريح ، حرامات لايتوسخ 

حوراء.. اي والله اروح ابدل احسن اصلا اختنكت بعد مااتحمل ،

صعدت للغرفه وسديت الباب واحد حضني من ورة

……………………………………………………………………

يلا اريد توقعاتكم ، وشدكولون حوراء راح تحب  كرار لولا ،  يلاتفاعلوا سوولي واهس احب تفاعلكم حبايب

قراءة ممتعة أعزائي، الكاتبة ميديا الفهد