تحميل رواية «مرارة الايام» PDF

#مرارة_الايام

بقلمي #ميديا_الفهد

#قصص_من_حياتناM& T

البارت ال 11

حوراء.. صعدت للغرفه ابدل هدومي، دخلت وسديت الباب، واحد حضني من ورة 😳

كرار.. اخذن الغدة البنات ودخلن للمطبخ ، واني احوس اريد اشوف حوراء، طالعه تجنن ، رحت للمطبخ واسمعها دكول اختنكت من الفستان اصعد اغيره،

اويلي اجتني للحك، الكل هوسه ومخبوصين بحيدر كاعدين بالاستقبال ، محد منتبهلي صعدت قبلها ودخلت بالغرفه ، دخلت للغرفه واني حضنتها من ورة اويلي شنو هل الريحة 😍

حوراء.. فزيت انداريت ومثل متوقعت كرار ، دفعته حيل

انت صدك متستحي المفروض اني عرضك وحالي حال مها وبقية خواتك بس انتوا الزلم كلكم نفس الطينه ، بلا شرف

كرار.. من حجت هيج تخبلت ، لزمتها من ايدها حيل ولج ذوله يازلم الي تحجين بيهم ؟ احجي ادب سزز

حوراء.. عزة بعيني شبيه اني ، والله محد يصدك بيه اذا عرفوا ،

اخ اخ ايدي ، كرار اطلع لحد يجي يشوفك ، الله يخليك

كرار.. سألتج هذوله يازلم جاوبي لا اخلص عليج هنا

حوراء.. مو قصدي ع احد معين  حجيت هيج ع العموم ، كرار اطلع الله يخليك بلا فضايح

كرار.. ماعرف حسيت اكو انه بالموضوع بس سكتت وطلعت

حوراء.. طلع واني گلبي وكع بالكاع من الخوف ، والله انذبح وعلى القبله هم اذا عرفوا ربي استرني بسترك يارب 😔

كرار.. صبوا الغدة واني نظري كله ع حوراء ، بقلمي ميديا الفهد

حوراء.. كعدنه نتغدة وكرار ماشال عينه مني واني ارجف رجف ، وكل خزره يخزرني ولا الخ ،

ربي عدي هل يوم ع خير، هم مظلومه كل هل الظلم وبعد انظلم وانفضح اكثر ،

زمن .. حوراء شبيج اكلي ليش صافنه،

حوراء.. هاا مابيه شي بس مااشتهي ،

حيدر.. انتبهت ع كرار مو طبيعي  ،  ها كرار شبيك؟

كرار.. مابيه شي حيدوري

حيدر.. متعارك ويه فاتن مو ؟؟

كرار .. اي شمدريك

حيدر.. لان ماجتي وياك وانت شكلك ضايج ومتنرفز

كرار.. اتعلمت ع فاتن وزعلها ، خلص لاتهتم

حوراء.. خلصنه اكل وشلنه السفرة والكل راح ، البنات راحوا البيوتهن وكرار هم ، حيدر صعد بغرفته ، وزمن ومها ملتهيات بتلفوناتهن ، بقبت كاعده وحدي بالغرفة وكل شويه يجيني  مسج من كرار ، راح اخابرج جاوبي ، يتصل مااجاوب

كرار.. رجعت للبيت ضايج اخابر ع حوراء مجاوب ، ادزلها مسج افتحي خط تقرة المسج ومجاوب صرت نار ،

✉حوراء فتحي خط لا بالقرآن هسه اجي للبيت واسويلج فضيحة جاوبي احسنلج

حوراء.. وصلني مسج من كرار كله تهديد مهتميت ادري بي ميسويها ، لزمت التلفون وغلقته

كرار.. قرت المسج توقعت راح اجاوب دكيت ماكو ميحصل اصلا ممتصله بالنت ، دكيت ع الشريحة مغلق ، هنا اني بعد هاي هية وصلت حدها ، شغلت السيارة اريد اطلع كلت اليوم العب جوله بيها ، بعدني ممحرك وكفت سيارة ،

نزلت فاتن اهوو هاي مو وكتها تجي وياها اخوها سلم عليه وراح

فاتن.. وين رايح ؟؟ قصص من حياتنا M&T

كرار .. اختنكت من البيت واريد اطلع عندج مانع ؟

فاتن.. كرار اريد احجي وياك ، تعال طب جوة

كرار.. خير ان شاء الله هم عركه جديدة ؟

فاتن.. تعال طب شنو نحجي بالشارع

كرار.. دخلت ومتوقع راح تنتهي بعركه اكيد ، وهاي دخلنه يلا احجي

فاتن.. كرار بعدك تحبني لولا ؟

كرار .. والله الصراحة منورة شكج والنگ بديت اضوج منج ، مجنتي هيج قبل ،

ولج فديوم شفتيني حاجي ويه بنية مجرد اتونس ويه جماعتي نطلع نغير جو عمري مافكرت اخونج او اتزوج عليج بس قبل سنتين كمتي تخنكيني بالشك والغيرة تلزمين تلفون تفتشي محفضتي تفتشيها ولج انتي حته السيارة تفتشينها كلها،

واني هذا كله وساكت ومتحمل لخاطر العشرة الي بينه اكول  هسه تحس ع نفسها وتصحه ع الي تسوي وترجعين الطبيعتج ،

بس انتي بالعكس كمتي تزيدين يوم ورة يوم لحد قبل سنه كمت اخونج اي اخونج واصادق حته من تحاسبيني عاد صدك اني مسوي شي

فاتن .. كل هذا بگلبك كل هل سنين صدك اني مصدومه بيك ، ويه كم وحده خنتني ؟احجي طلع كل شكي بمحلة

كرار.. كل هذا الحجي الحجيته عادي عندج والمهم كم وحده بدال مشوفين نفسج  وتصلحيها  ، بس انتي الحجي وياج ضايع ،

عادي صار حجي بينه وعياط وتكسير وغلط وضرب وكلشي ، مثل كل مرة ، اخر شي دكوم تبجي واراضيها كل عاده ، وترجع الامور طبيعيه بس كم يوم وترجع لعادتها فاتن

حوراء.. مرت الاشهر واني وزمن بيت خالي كمال ومرات نروح يم بيت خالاتي نزورهم ، شويه نسيت همي ،

كاعدين العصر واندك الباب ، فتحه حيدر ، طلعت خالتي زينب

دخلت سلمت  علينه ورادت خالي ابو كرار ، ماعرف شتريد منه ، دخلو سولفوا شويه وطلعت سلمت وراحت ،

صار الليل وخالي ومرته دزوا علينه اني وزمن ،

ابو كرار.. تعالن بناتي كعدن هنا نريدجن بموضوع ،

حوراء.. استغربنه شنو الموضوع، اني خفت معقوله عرفوا شي عن مشكلتي ، محد يعرف بالصار بس زمن وابو عزيز ، كعدنه

ابو كرار.. بنتي حوراء، خالتج زينب، اليوم اجتي طلبت ايد زمن لابنها جعفر ، شافها كم مرة من رحتوا لبيتهم  وكال لامه تخطبها ، اني ماكدر انطيها اي كلمه كلت مادام انتي اختها الجبيرة انتي ادرى بمصلحتها ،بقلمي ميديا الفهد

حوراء.. تفاجئت بالموضوع ، خالو احس زمن بعدها صغيرة مو مال زواج

ابو كرار.. لا تنطين اي رد هسه كعدن فكرن وردلي خبر

حوراء.. بقيت ساكته صعدنه إني وزمن للغرفه ، باوعت عليها ، زمن انتي شنو رأيج

زمن.. مادري انتي بكيفج ،بيج قصص من حياتنا M&T

حوراء.. رحت تمدد بفراشي وبقيت افكر ، مااتخيل نفسي بدون زمن هيه اختي وبنتي وامي وكل حياتي ، زين اذا بقت يمي شراح يكون مصيرها ، لان اني مصيري معروف ، خلي تروح تتزوج وتنستر قبل محد يعرف بسالفتي وانوب اضرها ويايه الناس مترحم ومتصدك بينه، ماريد اصير انانية ، كعدت الصبح وحجيت وياها

زمن.. حوراء شلون اعوفج واتزوج لامستحيل

حوراء.. غبيه قابل راح تروحين الغير دوله هو بيت خالتي زينب فرق عن بيت خالي كمال نص ساعه بالسيارة ، لج اريد اطمن عليج وارتاح

زمن.. وانتي شلون ؟؟

حوراء .. شبيه اني ، كاعده بيت خالي والحمد لله كلهم زينين ويانه بعد شريد اكثر من هذا،

وكلش زين تدرين مراح اتزوج وتعرفين السبب ، لان اذا احد عرف بالي صار بيه احتمال ميصدكونه وانتي هم تنضرين ويايه ، فتزوجي وصيري بحماية رجال احسنلج ،

وديري بالج احد يعرف بالي صار بيه ترة يكومون يعيرون بيج ،

وجعفر حباب وخوش ولد اكيد راح يحبج ويحافظ عليج وخالتي زينب امنه الثانية مستحيل تضوجج بيوم من الايام ، وافقي زمن بعد متجيج هيج قسمه زينه

زمن.. مادري خايفه ومتردده ، ماكدر اعوفج حوراء😭

حوراء.. اني هم ماكدر ع فراكج بس هاي فرصه الج تستقرين وتصير عندج عائله ،حضنتها وكعدنه نبجي 😭

رجعت خبر الخالي انو زمن موافقه صارت الخطبة واجه جعفر وابوه وعمامه وخالاتي وخوالي اتفقوا ع المقدم والمؤخر وقروا الفاتحة وراها السيد عقدلهم ، بقلمي #ميديا_الفهد

زمن طالعه تجنن لبست فستان بصلي وتسريحه بسيطه ومكياج حلو ، اتمنيت امي وابويه موجودين ، شفتها فرحانه وجعفر كاعد يمها ولازم ايدها دمعت عيني ، ربي يتمم عليها فرحتها ويسعدها بحياتها

زمن.. الكل موجود عقدلنه السيد وطلع بقه بس جعفر يمنه كعد بصفي واني گلبي صار طبل من الارتباك هاي اول مرة ولد يكعد بصفي انوب لزم ايدي باوعت عليه وابتسمت ، انتبهت ع حوراء واكفه ع صفحه وتباوع عليه ردت ابجي ☹

حوراء.. زمن تباوع عليه رادت تبجي ،ابتسمتلها واشرتلها انو تبتسم ، وابتسمت .بيج قصص من حياتنا M&T

الحفله كلها بجفه ومرت كرار بجفه ثانيه تمشي ورايه عبالك ظلي ،

استغفر الله احسن متمشي ورايه تروح تشوف رجلها وتلمه ، اصلا من اخر مرة جان بغرفتي وحضني كرهته كمت ماشوفه بعيني ، شفت بعيونه ابو عزيز والي سواه بيه اصلا كرهت شكو شي اسمه رجال بالدنيا

حيدر .. من خلصت كليه واني كاعد بيت اهلي اصلا ممتعلم عليهم ، اربع سنوات اني بيت خالي تعلمت ع بغداد، احس كربلا مو مدينتي ، بغداد مدينتي وخاصه كل اصدقائي هناك ،

صارت خطوبة ابن عمتي جعفر وبنت عمتي زمن ، اني وكفتله الجعفر لان هو مو بس ابن عمتي وصديقي هم جبت الكيك واللفات والعصاير وامشي سريع وارطمت بحوراء خطيه وكعت وصندوك المي وكع عليها ، طبعا كل فترة كعدتي بيت اهلي وهيه ابد ماشوفها كله منعزله احس عدها غموض احب اكتشفه ، كومتها واعتذرت منها ، اسف اسف ماشفتج

حوراء.. دافوت للمطبخ اجيب مي لزمن واني طالعه انركعت ركعه وكعت بالكاع وبحضني صندوك المي رفعت راسي هذا حيدر، كومني ويعتذر.، ابتسمت كلتله عادي مصار شي

حيدر.. اويلي شكد عيب بلا اني طاير شبيه ابتسمت وراحت

كرار.. ننكل اني وحيدر بالغراض حيدر كدامي شايل صندوك المي واني وراه ، وصلت للمطبخ لكيت حيدر لازم ايد حوراء وهيه دكله عادي وتبتسم ، تخبلت احس نار واشتعلت بصدري 😡

حوراء.. هوسه بيت خالي وجهال والنسوان راسي يريد ينفجر واكفه ع صفحة واسمع واحد يحجي بإذني

كرار.. شفتها واكفه رحت وكفت بصفها، وحجيت وياها،

باعي حوراء اليوم اذا مجاوبتي ع التلفون مااعرف شسوي بيج ، اريدج بموضوع مهم

حوراء.. يحجي ويهدد وماخذ الدنيا طول بعرض، كلتله

تره عيب عليك هاي سوالف مرتك موجوده شنو ممالية عينك ، عفية اني ماعندي هاي السوالف مكالمات ومااعرف شنو عندك شي احجي هسه ماعندك اتوكل ع الله وعوفني بحالي ، تره مال خلك

كرار.. حوراء تدرين بيه احبج ورايدج زوجه الي ليش تعبيني ومتأكد انتي هم تحبيني اصلا من تشوفيني كل احوالج تتخربط ،بيج قصص من حياتنا M&T

حوراء.. باوعت عليه صفح ، كلتله انت تحبني فهاي مشكلتك لوحدك، اني احبك هاي من سابع المستحيل ،

اول شي انت رجال متزوج تعرف يعني شنو متزوج ،

وثاني شي اني لو اموت ما إبني سعادتي ع تعاست غيري ، وها معلومه خليها بإذنك اني لا احبك ولا بطيخ انت متوهم ،

كرار.. والله تحبيني وابصم بالعشرة هم ، وانتي خلي هذا الحجي بإذنج انتي الي ومتصيرين الغيري ، وعفتها ومشيت

حوراء.. هو يحجي واني شويه واوكع من طولي ابين انو اني قويه بس بداخلي ضعيفه وخايفه من كلامه، من كال انتي الي هنا اني خلص نشف دمي ، هذا صارله اشهر ومابطل مني ولازك ، يارب شهل ابتلاء

…………تسريع للأحداث…………

حوراء.. مرت الاشهر وكرار ع نفس عناده يريدني بس احجي وياه وانطي مجال واني اخذت وعد ع نفسي لا احب ولا اورط نفسي ويه اي رجال ، بقلمي ميديا الفهد

ها نسيت اكلكم زمن تزوجت وبيوم عرسها متنه بجي وكامت كل فترة تجي عليه وبالتلفون نتخابر يوميه ابد مااشبع منها ، وجعفر يموت عليها ومدللها وخالتي شايلتها بالصلوات ، وصارت حامل هسه هيه بشهر ال5

كرار.. اني وفاتن ع نفس المشاكل والقهر وحوراء نفس عنادها متقبل تنطيني فرصه احجي وياها انوب كمت اغار من اخويه عليها اتمنى يرجع البغداد اليوم قبل باجر، وكل يوم اني بيت اهلي لو اخابر عليه واطلعه ويانه احاول ماخلي يكعد بالبيت ويشوف حوراء ،

حوراء.. مليت من هلكد ماارفض الي يجوني ، جيران بيت خالي وكرايب مرت خالي ، وكل واحد يتقدملي كرار يضل يهدد بيه وعباله ارفض خوفا او حبا بي ، ميدري مصيبتي لا تتسولف ولاتنحجي ،بيج قصص من حياتنا M&T

ام كرار.. حوراء ترة خالج بده يشك بيج ع رفضج للعرسان الي يتقدمولج ، ليش ترفضين صارلج سنه وانتي ع هل حال اختج الاصغر منج تزوجت وراح تخلف وانتي كاعده ع نفس وضعج  ،

حوراء.. مرت خالي تحجي واني وجهي كام ينطي الوان ، مااعرف شجاوب وشلون ابرر رفضي للي يتقدمولي ،

خاله احس نفسي ممستعده للزواج وخايفه ، ليش اني مثكله عليكم بشي سويت تصرف ضوج اي احد بيكم

ام حوراء.. لا الله يشهد مالج صوت وأذية ، صح بالبداية جنت اضوج منج ومااتحملج بس بعدين طلعت غلطانه سناء عرفت تربيجن احسن تربيه ، بس انتي حالج حال بناتنه ونريد نفرح بيج ، بقلمي ميديا الفهد،

حوراء.. هذا شرف الي خالتي انو اني مثل بنتج ، بس موضوع الزواج شي مستحيل بالنسبه الي ماكدر اتزوج مو بيدي

ام كرار.. حوراء اني مثل امج ، احجيلي احد مسويلج شي منا منا

حوراء.. سألتني واني كمت ارجف مااعرف شحجي ، هاا لا  ماكو هيج شي بس اني.. ، ودخل كرار

كرار.. يمه حوراء ترفض بسببي اني ماخليها توافق لان اريدها الي

………………………………………………………………………………

توقعاتكم  شراح يصير ، وشنو ردت فعل ام كرار ، وحوراء شلون راح تتصرف ؟؟

يلا حبايب تفاعلوا وشوفوني نشاطكم لاتضلون أصنام الي يقرة وميسوي لايك ويعلق الكلام موجه الكم هههههه

قراءة ممتعة أعزائي،، الكاتبة ميديا الفهد

#مرارة_الايام

بقلمي #ميديا_الفهد

#قصص_من_حياتناM&T

البارت ال 12

كرار.. ييمه حوراء ترفض بسببي اني ماخليها توافق، لان اريدها الي

حوراء.. 😳😳😳

ام كرار.. كرار شبيك شتحجي تخبلت ، كومي حوراء صعدي لغرفتج ،

حوراء.. عزة بعيني هذا شجابة ،شراح يخلصني بعد صعدت الغرفتي مااعرف شسوي بقيت مصدومه

كرار.. امي وحوراء يحجن وامي تضغط عليها انو ليش ترفض العرسان ، واكف يم الباب اسمعهن ،كلت خلص راح تقنعها وتوافق ع الي جاي يخطبها،

دخلت ع امي كلتلها اني اريد حوراء الي تخبلت امي

ام كرار.. ولك شنو تريدها ، وموكف قسمة البنية والله اذا ابوك عرف يلعب بينه جوله

كرار.. هسه عوفينه من ابويه اني اعرف اقنعه المهم انتي ، موافقه

ام كرار.. ولك ع شنو موافقه كرار لاتخبلني

كرار.. صارلج كومه تزنين براسي اتزوج وخلف ، لازم يصير عندك جهال يشيلوك بكبرتك ، يلا هسه اني اريد اتزوج 

ام كرار.. وعفت كل البنات واختاريت حوراء ؟ أني مموافقه

كرار.. شبيها حوراء صارلها سنه يمج شفتي عليها شي ، وكحه ؟ لسانها طويل؟ ماعدها تربيه ؟ تطلع واطب وحدها ؟

يلا جاوبيني، شو هيه كبال عينج اربع وعشرين ساعة

ام كرار.. مااعرف زين وفاتن ؟ بيج قصص من حياتنا M&T

كرار.. مو كتلج معليج اهم شي انتي توافقين والباقي مو مهم اهم شي راضج انتي ،، طبعا اعرف بامي إذا اجيتها بالصوت العالي والعناد ، تقفل ومتوافق فااعرف شلون اسايسها

ام كرار.. اني مااعرف شوف ابوك اني ماادخل بهل موضوع

كرار.. يمه شبيج اصلا اني اذا تزوجت حوراء فالمصلحتج ، كولي ليش ؟ بقلمي #ميديا_الفهد

هسه منو شايلج البيت، وتنظيف ومرات طبخ ومنو يدرس حمودي ،ومنو تآمرين عليها وتلعبين بيها جوله وهيه ساكته ؟ هاا؟ مو حوراء، احسن متروح لواحد غريب تبقى يمج ومساعدتج وهم ابنج الجبير يصير عنده طفل يملي حياتي 😢 هاا يمه شو ساكته متحجين

ام كرار.. مادري بس شكلك انت قافل عليها فقبولي وعدمه لايقدم ولا يأخر

كرار.. والله يمه وانتي ممحلفتني اذا رفضتي هسه بعد مااحجي وافتح الموضوع وخليها تتزوج غير واحد اهم شي رضاج يازواج ياجهال ، خليني هيج احسن 😔

ام كرار.. اني شعليه عيني روح كول لابوك واذا وافق هاي هيه هيه بت اخته وهو ادرى بمصلحتها

كرار.. يمه يعني انتي موافقه ، اوووف شكد جنت شايل هم انو متوافقين تعالي انطيني بوسه 😙😗 كعدت ابوس بيها وهيه تدفع بيه 😄

حوراء.. راح اموت الف فكرة تجي براسي شسوي، اني ماصدكت لكيت بيت يحتويني انوب يريدون يزوجوني ، شلون بيه انهزم بدون مااحد يدري بيه ، هسه شيكولون العالم عليه وزمن تجيها سمعه منورايه ، زين اذا تزوجت شلون خاف انذبح ، واذا حجيت يجوز ميصدكون بيه ربي منين مااندار مسدوده بوجهي دخيلك افرجها عليه راح اموت من القلق والخوف

كرار.. من الفرحة صعدت لغرفه حوراء ودكيت الباب

حوراء.. كاعده ابجي واندك الباب بسرعه مسحت دموعي ، كل ضني مرت خالي اجتي ترزلني وتحجه عليه فتحت الباب ، واشوف كرار والضحكه شاكه حلكه

كرار.. فتحت الباب وكلتلها ، مبروك حياتي امي وافقت وراح تصيرين مرتي ، حته تعرفين كرار من يحجي حجاية يكون كدها ،

حوراء.. تخبلت من حجه هيج ، اريد احجي اكوله لا اتربط لساني ، سديت الباب بوجه

كرار.. سدت الباب بوجهي ، مهتميت اكيد من الصدمه ، اروح أقنع ابويه

حوراء.. هاي شلون وافقت مرت خالي ، هسه شسوي شلون ارفض كل الحجج العندي خلصن ، اذا رفضت هسه بالزايد يثبت عليه الحجي ، خابرت زمن ،بقلمي ميديا الفهد

📞الووو هلو زمن شلونج

📞هلو حبيبتي حور ،الحمد لله انتي شلونج

📞جعفر يمج ؟

📞اي ، شبي صوتج ، احد غاثج

📞باعي من يروح جعفر وتبقين وحدج خابريني

📞اي ان شاء الله يلا بااي

حوراء.. راح اطك واموت اريد احجي واسولف ، مصيبه ياربي مصيبه

كرار.. بقيت ل8 بالليل انتظر أبويه، وفاتن كل شويه تتصل عليه خبلتني ، اجة أبويه سلمت عليه ، يابة رايدك بموضوع

ابو كرار.. خير ابني شبيك

كرار.. يابة اريد اتزوج

ابو كرار.. هذا حقك بس مرتك خطية اقنعها ، يعني فوك همها انو ميصير عدها جهال انوب تظلمها ، وتقهرها، احجي وياها وان شاء الله يصير خير

كرار.. ياهو الاحجي وياه يشمرني ع الاخ عبالك مادري شكو،

كلتله يابة متريد تعرف منو الي رايدها ؟

ابو كرار.. منو اعرفها اني ؟؟

كرار.. يابة اريد اتزوج حوراء

ابو كرار.. حوراء بت عمتك ؟؟

كرار.. اي يابة قابل اكو غير حوراء انت تعرفها

ابو كرار.. لا بس تفاجئت

كرار.. يعني انت موافق

ابو كرار.. واني شعليه اذا اوافق اولا الرأي والموافقه تاخذها من حوراء ،

كرار.. افتهم من كلامك انت ماعندك اعتراض، زين شنو رأيك باختياري ؟

ابو كرار.. والله زين ماختاريت صارلها سنه يمنه مثل النسمة ماحاسين بوجودها ،خوش بنية ومؤدبة

كرار.. الحمد لله الكل ماعنده اعتراض وفاتن راح تشلع گلبي بس اعرف شلون اقنعها

حوراء.. بقه كرار لليل يمنه مها سادس وقليل اشوفها واكعد يمها كله تقرة وحابسة نفسها ، زمن ماكو متصلت يعني جعفر يمها بعده ، اووف احس جبل ع صدري شلون اطلع من هل المصيبه

كرار.. يمه روحي احجي ويه حوراء وكليلها ،اريد منج اليوم تجيبن خبر مااصبر ترة

ام كرار.. ع كيفك عيني ليسمعك يكول ممتزوج وعندك مرة ،وهاي اول مرة تخطب

كرار.. بگلبي اي اول مرة احب واكتل نفسي حته اتزوج الي احبها ، صح احب فاتن وهيه مرتي وصار سنين سوة بس زواجنه تقليدي يعني امي شافتها وخطبتها الي ، اوف من الگلب اذا دك وحب

ام كرار.. هاا وين رحت عيني كروري

كرار.. يمه شبيج لاتكسرين خاطري روحي سأليها

ام كرار.. عيني شسألها اذا هيه صارلها اشهر ترفض الي يتقدمولها  ع مودك ، من هسه اكولك موافقه

كرار.. اي والله صدك ، بگلبي تحبني وتموت عليه وتسمع كلامي ومسويه روحها متريدني ، اويلي تبيع ثگل

حوراء.. اروح واجي بالغرفه ردت اتخبل يارب شسوي ، اندك الباب خفت لا كرار ، صحت منو بالباب ،بقلمي ميديا الفهد

ام كرار.. اني حوراء افتحي الباب

حوراء.. ياربي شراح يخلصني اليوم ، حسبي الله ونعم الوكيل عليك ابو عزيز ، خليتني بهيج موقف ، فتحت الباب وطبت مرت خالي

ام كرار.. حوراء كرار يريد يخطبج ،اعتقد ماكو داعي اسألج موافقه اولا ، مادام انتي رافضه كل الي تقدمولج ع موده ، بس لح عليه اصعد اسألج

حوراء.. خاله بس اني مموافقه على كرار

ام كرار.. لالا السالفه اكبر منهيج مستحيل اكو ابنيه ترفض الزواج  مثلج ، يااما عدها واحد تحبة وترفض ع موده ، يااما عدها دراسه وتريد تكمل ، يااما مسويتلها مكسورة ومتريد تنفضح ، وبما انو انتي كاعده ماعندج دراسه،يعني بقن بس  احتمالين،،انتي ياهيه منهن ؟

حوراء.. خاله والله ماعندي شي ، بس لان كرار متزوج ماريد أظلم فاتن ، خطية شنو ذنبها

ام كرار.. لاتخافين مظلمين احد وفاتن موافقه لان كرار يدري بيها ميصير عدها جهال ، وهيه ببيتها وانتي هنا تبقين ، اول وتالي يتزوج خوما يبقى طول العمر بلا  جهال

حوراء.. مادري اني  اوافق بحاله وحده اسمع موافقه فاتن بإذني ، بذاك الوقت اكدر اكول اي

حجيت هيج لان ادري مستحيل فاتن توافق عليه اصلا هيه تضوج مني، يجوز توافق ع اي وحده غيري بس اني مستحيل توافق اتزوج كرار ،، بيج قصص من حياتنا M&T

ام كرار.. الله كريم يصير خير

كرار .. نزلت امي من حوراء ، هاا يوم بشري

ام كرار.. مموافقه

كرار.. شنو ليش ، تخربطت اوضاعي لعد ليش جانت ترفض الي يتقدمولها

ام كرار.. دكول اوافق بشرط ، أسمع موافقه فاتن بإذني، دكول ماريد اظلمها

كرار.. اهووو شلون سالفه عوجة، هاي شيقنعها الخبله

ام كرار.. يمعود دخلي اطير ،، 100 وحده تقبل بيك وبدون شروط شناقصك انت شاب ومتمكن وحلو ، تتعيقل عليك وانت حاير ،والله من باجر اخطبلك وحده تسواها وتسوه عشيرتها ، بقلمي ميديا الفهد

كرار.. لا يمه اني اريد حوراء، وفاتن خليها عليه اني اعرف شلون اخليها توافق

حوراء.. ماعرف شلون اجتني الفكرة انو اشرط هل الشرط ، الحمد لله راح اخلص منه ، بس ربي دخيلك لشوكت اضل ارفض ، خاف فد يوم يجبروني اتزوج

كرار.. رحت للبيت لكيت فاتن گالبه جهرتها ، اويلي هسه اذا احجي وياها تكب للستار ، تقربت منها وسمعتها كلام حلو وعيشتها احلى يوم

فاتن.. اليوم انت غير شي صاير ، الله يخليك إلي حبيبي، حجيت عليك وضوجتك ومحجيت شيء اسفه حبي

كرار.. تدرين بيه احبج واموت عليج ، ونسوان الدنيا كلهم ميملون عيني ، وشما سوي وياج ابقه مقصر 😔

فاتن.. ليش هيج تحجي حبيبي بالعكس انت ممقصر ويايه ابد ، اني الي مقصرة وياك ، وحارمتك من ابسط حقوقك انو تصير أب

كرار  اريد اعترفلك بشي ، تره اني ميصير عندي جهال ابد وحته طفل انابيب ميصير يعني ماكو أمل يصير عدنه طفل😭

كرار.. اي ادري ومن زمان

فاتن.. 😧 شمدريك منو كالك ؟ اني صارلي سنين افتر من دكتورة الدكتورة وماردت اكولك حته لاتزوج عليه

كرار.. تذكرين بداية زواجنه من كلتيلي نروح للدكتورة ،لان جنتي رايده يصير حمل وماكو،

وفحصتج وكالتلي مرتك رحمها بي تشوه مستحيل يصير عدها اطفال، طلبت من الدكتورة مدكولج مردت اقهرج واحسسج بالنقص

فاتن .. كل هل سنين وانت تعرف مني الصوج وساكت ومتحمل واني مطلعه روحك ، كرار مااعرف شلون اجازيك انت اليوم صدك ثبتتلي حبك الي ، حضنته حيل وبسته

كرار.. تحجي هيج انقهرت عليها بالزايد شلون افتح وياها الموضوع

فاتن.. كرار ليش مانتبنه طفل ونربي هم النه أجر وهم يملي علينه حياتنه

كرار.. لا يمعوده صدك تحجين ، ماريد خليني هيج احسن 😔

فاتن.. ادري بيك تحب الجهال وتتمنى يصير عندك طفل بس والله مو بيدي ماكدر ، اخليك تتزوج وحده ثانية اموت والله، كرار انت كلشي بالنسبة الي ماتخيل وحده ثانية تشاركني بيك اتخبل مجرد افكر بهيج شي

كرار.. ومنو كالج اني اريد اتزوج ، خلينه عايشين هيج احسن

فاتن.. لا ماكدر اصير انانية واحرمك من شعور الابوة ، من حقك تصير أب ، بس اني ماكدر ابقى وياك اذا تريد تزوج طلكني

كرار.. وهو منو جاب سيرة الزواج ، بابا نامي لاضوجيني

فاتن.. يعني هيج تحبني وحته زواج متريد تتزوج ع مودي كرار اني شكد جنت ظالمتك لعد

كرار.. حبيبتي انتي ومرتي وبنتي وكلشي بالدنيا ، بس اني هم مقهور عليج دائما اشوفج ضايجة ومن نروح البيت اهلج انتبه عليج شلون تصفنين ع ابن اخوج ، بقلمي ميديا الفهد

فاتن.. اي والله ضل الطفل حسرة بگلبي ، وماكدر اخليك تتزوج وبنفس الوقت ماريد اظلمك ويايه

كرار.. زين عندي حل او هيه مجرد فكرة ، بس من هسه توعديني متعصبين

فاتن .. كول شنو

كرار.. اجيب طفل وانتي تربي

فاتن.. يعني نتبناه غير ؟

كرار.. لا طفل من صلبي

فاتن.. يعني تزوج عليه 😱

كرار.. هو مو زواج زواج ، يعني شي شكلي تجيب الطفل وانتي تربي واعوفها

فاتن.. وهاي منو تقبل بهل شي وتنطي ابنها

كرار.. حوراء

فاتن.. شنو شنو ، من الاول كول انت حاط عينك عليها والله گلبي حس اكو شي بينكم

كرار.. شفتي عود كتلج وعديني متعصبين، والله العظيم ماعندي شي وياه اصلا البنية فقيرة وماتحجي ويايه ابد ،

فاتن.. لعد ليش خطرت ع بالك ، شمعنى هيه بالذات

كرار.. لان ماعدها احد ومكطوعه من شجرة ، أخلف منها وانتي تربي وحته اسجله باسمج وانطيها جم فلس واسكتها

فاتن .. لا مااقبل مستحيل الا حوراء

كرار.. اني هم اصلا لااريد اتزوج ولا هم يحزنون انتي كعدتي تلحين ويايه يلا سدي الموضوع مو صوجج صوج الاثول الي يريد يسوي عائله ويفرحج بطفل

فاتن.. عافني ونام واني الليل كله كاعده واتگلب مثل السمجه فكرة تروح وفكرة تجي ، ردت اتخبل من التفكير ،

مرة اكول اعوفه واطلك ، بس اكول هو ممقصر ويايه وعايفني ع راحتي وصار  ست سنوات متحمل وساكت ويعرف السبب مني ،

ومرة اكول خلي يتزوج اي وحده  بس مو حوراء ، وارجع اكول الشين التعرفه خير من الزين التجهله ،

حوراء عاد ماعدها ظهر ويتيمه وينكدر عليها احسن ميروح يتزوج وحده مااعرف منين وتطلع وكحه وتاخذة مني

كرار.. كعدت الصبح ولكيت فاتن ماكو، كمت لكيتها كاعده بالهول ، بوستها صباح الخير حياتي

فاتن .. صباح النور، كرار اني الليل كله منمت افكر بحجيك ، وتوصلت القرار

كرار.. من هسه اكولج طلاك ماطلكج فاتن

فاتن.. لا لتخاف لان اني اصلا ماكدر اعيش بدونك ، اني موافقه تتزوج حوراء بس بشروط

كرار.. هيه كالت موافقه واني بداخلي اريد اكمز من السعادة ، كلتلها شنو الشروط   ؟

فاتن.. اول متصير حامل بعد متتقرب عليها وتروحلها واول ماتجيب الطفل يسجل بإسمي وطلكها

كرار.. انتي بس وافقي بگلبي وعود الله كريم، طبعا حجيت هيج حته توافق ، وصدك اني احب فاتن وماريد اعوفها بنفس الوقت احب حوراء ، بس مستحيل اعوفها اذا تزوجتها او اأذيها

كلتلها ماشي بس اريدج انتي تخطبيلي حته لحد يكول ظلمتج او يكولون عافها وتزوج عليها ، ماريد احد يتشمت بيج اريدج قويه وبالاخير اني متزوج ع مود الطفل مو ع مود شي ثاني ،

فاتن .. ها نسيت اكولك قبل متزوج اني اسافر لان ماتحمل اشوفك ويه وحده غيري ، ولادكولي بيا يوم راح تتزوج حته ماانقهر

كرار.. ادللي وراح احجزلج انتي وامج لايران مو تريدين تروحين

حوراء.. الليل كله اني بقلق وخايفه الشي الوحيد الي اتخيله اني مذبوحه ، اغفه شويه والكوابيس تخوفني وافز ،

صار الصبح وزمن دكت عليه جاوبتها كمت ابجي واشهك ، زمن تسكت بيه كالت جايتج هسه ،

كلتلها لا لتجين هسه يكولون اكو شي ، مااعتقد فاتن تقبل ،بس ردت افصفض الج شويه بقلمي ميديا الفهد

سديت الخط شويه ارتاحين من حجيت الزمن ،نزلت جوة عادي كمت انظف واساعد مرت خالي ، لعصر اندك الباب

كرار.. صار العصر وبلكوه قنعت فاتن تجي ويايه لبيت اهلي حته تحجي ويه حوراء، بس اتفقت وياها مدكول شي من الي حجيناه انو ناخذ الطفل من حوراء

وصلنه البيت اهلي بيج #قصص_من_حياتناM& T

حوراء.. كاعدين بالهول واندك الباب راح حمودي يفنح الباب وجان يدخلون كرار وفاتن ، اويلي ربي بس لا وافقت شلون بيه

كرار.. دخلنه للبيت واباوع ع حوراء كاعده بالهول من شافتنه وجها صار اصفر ، ابتسمت ودخلنه بقلمي ميديا الفهد

حوراء.. دخلوا سلموا علينه سلمت وكمت اريد اصعد لغرفتي

فاتن.. حوراء لاتصعدين اريدج بوضوع تعالي كعدي

حوراء.. 😱😰😨

…………………………………………………………………

صباح الخير حبايبي ،، يلا تفاعلكم وتوقعاتكم للبارت البعده ، اريدكم تتفاعلون مو بس كملي كملي ،اريد اشوف توقعاتكم

شراح يصير وشلون حوراء راح تتصرف ، راح دكول اني مو بنيه وتحجي قصتها لو تسكت؟؟

قراءة ممتعة أعزائي... الكاتبة ميديا الفهد

#مرارة_الايام

البارت ال 13

بقلمي #ميديا_الفهد

#قصص_من_حياتناM& T

فاتن.. حوراء لاتصعدين اريدج بوضوع تعالي كعدي

حوراء..😱😰😨

يمه عزة وصخام بعيني اريد امشي ماكدر رجلية صارت خيوط ميشيلن جسمي ، بلعت ريكي ورجعت كعدت ، والكل كاعد ، خالي ومرت خالي وحيدر وكرار ومها ، كلتلها خير وصوتي بلكوة يطلع

فاتن.. باعي من الاخير ،، الكل هنا عرف ودروا بيه اني ماخلف وكرار من حقه يصير أب، ومو من حقي اعارض، فاليوم اجيت وكدام الكل اخطبج الرجلي، شنو ردج

كرار.. مو طلبت تسمع بإذنها وهاي سمعت بعد شنو حجتها

حوراء.. يارب اريد اتنفس ماكو انقطع نفسي ،مااعرف شحجي

فاتن.. هاا شگلتي شو ساكته

ام كرار.. السكوت علامة الرضا ، كلللووووش على خير عليكم 3 لان جهال كرار ان شاء الله هم جهال فاتن وحوراء

كرار.. شكرا يمه الله يتمم ع خير 😊

فاتن.. عمتي هلهلت واني سجاجين بگلبي ودكول ع الخير 😞

حوراء.. شو هذوله هلهلوا وزوجني وخلوني اخلف واني كاعده ، حوراء احجي طلعي صوت ليش ساكته، 😔 كولي لا مااتزوج ، يارب شلون اكول مموافقه واني البارحه كلتلهم اذا سمعت من فاتن موافقه، بذاك الوقت اوافق اني ، هسه شنو حجتي بيج قصص من حياتنا M&T

كرار.. اباوع ع حوراء وهيه مدنكه ومستحية فدوة للتستحي

فاتن.. اباوع ع كرار مكيف ويضحك كام باس امه وابوه ، واني ميته بنار غيرتي ، ويباوع ع الحية مسويه روحها فقيرة 😠

حوراء.. اني مدنكه واجتي مها باركتلي وبوستني ، شاورتني ،

مها.. حوراء شبيج مستحيه كومي سلمي ع امي وابويه ديباركولج وانتي ساكته ، هسه امي اطنگر عليج

حوراء.. كمت بوست خالي ومرته ،حيدر باركلي وكرار حته ماباوعت عليه ، عفتهم وصعدت الغرفتي ، اتصلت على زمن ماعندي احد غيرها اشكيله لا ام ولا أب 😭

📞الوو هلو حوراء شلونج

😭😭😭📞

📞هااي شبيج حوراء ليش تبجين شصاير يمج احجي راح اموت من الخوف

📞لج زمن وافقت وافقت 😭

📞شنو منو الي وافقت

📞لج فاتن اجتي هسه وخطبتني بنفسها الكرار 😭

📞صخام الصخمني ولج حوراء كوليلهم احجي الحقيقه ، والله ربج ميعوفج تنظلمين

📞اكثر من هذا الظلم ولج انذبح وتتطلكين

📞معليج بيه يطبني مرض المهم انتي ، والله اذا سكتي انوب تسوء الامور بالزايد

📞ولج شحجي وشكول ولج أقل شي يسوونه يروحون لمنطقتنه ولج تذكرين اهل المنطقة شلون طردونه وسولنه عرس منوره ابو عزيز والتهمه الي ذبها علينه ،لونسيتي

📞والعمل شلون ،والله اني اكول انو تحجين الخالي والله حباب وراح ياخذ حقج من  أبو عزيز

📞لج زمن تره احنه كاعدين بكربلا مو باريس حته يتقبلون الموضوع عادي ولج هذا شرف تعرفين شنو يعني شرف 😭

📞خلص اني اجي واحلف ع القرآن انو انتي مظلومه ،

📞ديري بالج تحجين ودخلين نفسج واذا نفضحت اني سوي روحج متدرين بيه ماريدج تنضرين بسببي ولج جايج طفل ، والله ياخذوه منج ويشمروج بالشارع ، هاي اذا ماذبحونه

📞حوراء راح اموت ولج من الخوف بطني كامت توجعني

📞لاتخافين حبيبتي والله كرار حباب ويحبني اكيد راح يصدكني،

احجي هيج اريد اطمنها خاف يصير بيها شي وهيه حامل

📞هاي خالتي زينب تصيحني ولج شلون اسد التلفون كون هسه عندي جناح واجي عليج

📞روحي ولاتبينين اكو شي عاد اذا صار شي لا سامح الله وحده من عدنه تطلع سلامات ولازم هاي الوحده انتي لان خطية ابنج يتربه بدون ام ،، اي شي يصير يازمن متفتحين حلكج بأي كلمة ،، يلا روحي بااي

📞الله وياج ، حوراء اي شي يصير اتصلي عليه زين

📞اي ميخالف يلا روحي ليحسون عليج

كرار.. حوراء سلمت على امي وابويه وعافتنه وصعدت حته مباوعت بوجهي ، معقوله مستحية لو لان فاتن كاعده

فاتن.. كرار يلا وديني لاهلي احس نفسي اختنكت ماكدر ابقة هنا

كرار.. وديتها لاهلها وطول الطريق ماحجت شي اباوع عليها بس تبجي، انقهرت عليها ،بقلمي ميديا الفهد

فاتن ليش تبجين ؟ دموعج غاليه عليه مادام بعدنه ع البر ابطل الخطوبه وكلشي انهي، اهم شي متقهرين نفسج

فاتن.. لا كرار اني هم اريد هذا الطفل اكثر منك ،توكل على الله هيه كلها فتره قصيرة ونخلص منها، مو هيج اتفقنه

كرار.. اي طبعا مثل متريدين ،بيج قصص من حياتنا M&T

وصلتها لاهلها ورجعت طاير ع بيت اهلي وجبت سيد ويايه

حوراء.. احس نفسي ميته ، مادري شسوي انتحر ،خاف يكولون عدها شي وانتحرت واختي تنضر اويلي والله محد كاسر ظهري غير بس زمن ، ماانسى وصية امي وهيه ع فراش الموت توصيني عليها،

اندكت الباب مسحت دموعي وفتحت الباب

مها.. ولج حوراء هذا كرار المخبل جايب سيد وكالي صيحي حوراء لبسي شالج ونزلي بسرعه ، لا لا وخري خلي احضرج واخليلج مكياج ، وين الفستان الوردي ؟

حوراء .. فتحت الباب والصدمه الحقيقيه جايب سيد وجاي الشغله صارت صدك ياربي،

مها دفعتني وطبت  فتحت الكنتور وطلعت الفستان ،ودكولي يلا بدلي واني بس اباوع عليها والدمعه بطرف عيني

مها.. ولج حوراء مو وكت صفنات ، هو حقج تتفاجئين لان الاخ سواها مفاجئة بس لازم نستعجل يلا يلا لبسي

حوراء.. لبست الفستان وگلبي مقبوض ، ياربي من هسه اخذ امانتك وريحني ، نزلت واني ارجف بلكوه اجر النفس

كرار.. جبت السيد ورحت البيت اهلي ودزيت مها على حوراء تصيحها ، شويه تأخروا واني كاعد على نار ، وره شويه نزلت اويلي طالعه تجنن بالفستان الوردي ،بقلمي ميديا الفهد

حوراء.. السيد عقدلنه يمكن  سبع مرات عاد عليه الجمله حته ماتذكر شكال، خالتي ام كرار كالت احجي بصوت عالي لان ورة الباب كاعدين ميسمعوج

كرار.. بلكوة كالت نعم ،  واني على نار اريد بس اعقد وتصير حوراء مرتي ، امي كامت تهلهل

حوراء.. بهل لحظه احتاجيت زمن وامي الله يرحمها ويايه اريد ابجي بحضنها، طلع  السيد 

كرار.. عقدنه وخليت حيدر يوصل السيد ابويه باركلي وبقه كاعد ، غمزت الامي ، حته اطلعه لزك ع گلبي 😁

حوراء.. راح السيد ومرت خالي اخذت خالي وطلعت بقينه بس اني وكرار كاعدين ، بسرعة كمت اريد اطلع

كرار.. شو هاي كامت تريد تروح، واني ابويه بلكوه طلعته ، ركضت وسديت الباب وكفت

حوراء.. كمت اطلع شو هذا سد الباب وكف كمت ارجف،

كرار وخر اريد اطلع

كرار.. باوعتلها هيج😳 ، لا والله ولج بعد ماكو مستحه وخوف صرتي مرتي 😍، اليوم اريد اشبع منج ، صارلج سنه كامله تتهزمين مني

حوراء.. هو يحجي واني ارجف اريد اتبخر واختفي كون ، فدوة وخر

كرار.. شوف هاي اكوللها مشتاقلج واريد اشبع منج دكولي وخر اريد أطلع ، بابا بعد اي حركه تتحركيها لازم بعلمي وبأمري 🙃 تعالي هنا وأاشر ع صدري

حوراء.. كرار كلش ماخذ راحته بالحجي واني گلبي نزل بلكاع من القلق انوب يكولي تعالي بحضني ،بقيت واكفه ومدنكه

كرار.. اهوو رجعت ع الخجل ولج قبل ميجي ابويه انطيني بوسه 😘

حوراء.. لااراديا باوعت عليه باستغراب 😳 جان يبوسني حيل من حلكي ، دفعته حيل وفتحت الباب وطلعت ،يمكن الا شويه يغمى عليه من التوتر والرجفه البيه

كرار.. اويلي هيج البوسه ولا بلاش 😌

حوراء.. مرت الأيام ركض ، مرت خالي اشترتلي جهاز وذهب ، وفرغت غرفه حيدر لان اكبر من غرفتي وكرار جاب غرفة نوم تركية كلش حلوة بس ابد لا فرحانه ولا  شي احس خلص قربت نهايتي وموتي ،

وكرار يوميه بيت اهله،حته يبات ويضل يحجي حجي اصلا مينحجي طبعا اللبس شال يمه وهو يتخبل ميقبل،،

عرفت من مها انو مسفر فاتن لايران اسبوعين ،  

كرار.. فاتن سفرتها لايران هيه وامها اسبوعين حته بين مااحضر واخلص العرس وتجهيزاتها احس الايام تمشي ع كيف حلزون مو ايام الإسبوع واني اتكرضم انتظر يوم يوم واحسبله حته اتزوج حوراء ،

انوب هاي بلكوة انفرد بيها والضيم الاكبر لابسة حجابها وكاعده يمي ، ولج خبلتيني ذبي هاي الربطه من راسج مو من يمي اختنكت

تسريع للأحداث.......

حوراء.. اجه موعد العرس يعني اجة موعد موتي وفضيحتي مااعرف شراح يتلكاني من ضيم وقهر ، زمن ترجف خايفه عليه وعلى نفسها من المجهول ،

ام صالون .. تره لعبتي نفسي شنو مغصوبه ع العريس كافي بجي اريد اعرف اخلي مكياج صار مرتين اعيده

مها.. حبيبتي على كيفج وياها تره البنية يتيمه واكيد مشتاقه الامها وتبجي ،

زمن.. حوراء حبيبتي كافي بجي مو دكولين كرار حباب ويحبج بعد ليش هل بجي ،،بقلمي ميديا الفهد

حوراء.. مو بيدي عيوني وحدهن يجرن ويبجن ، بگلبي خايفه شنو ردت فعل كرار اذا عرف شراح يسوي وشيكول

كرار.. عزمت كرايبنه عمامي وخوالي واصدقائي وصرفت صرف عبالك هذا اول زواج الي مو الثاني ، وادك واركص ويه اصدقائي الفرحه البيه متنوصف، هاي اول مرة احب والاحبها صارت الي الف الحمد لله والشكر ربي

حوراء.. طلعنه من الصالون اجه حيدر اخذنه وصلت لبيت خالي اويلي احس روحي طلعت من جسمي احسن نفسي بس جثة بدون روح ، اجة كرار يركض نزلني من السياره

كرار.. اروح فدوة لهل جمال ولج شطالعه بالبدله البيضه اليوم شيخلصج من جوه ايدي ، شاورتها ،شو هاي كامت ترجف وتبجي ضحكت😂 ولج اشاقه اشاقه كلشي ماسويلج لاتخافين

حوراء.. كرار عباله مستحيه وخجلانه من موضوع الزواج ميدري الجاي اعظم وهذا البجي خوف ورهبة 

كرار.. العالم اتعشت والنسوان بالبيت يهوسن ويركصن واني اللوب شوكت تفض،

زين ابقوا اكلوا وركصوا واني اخذ مرتي واروح طبعا احجي بگلبي لان اذا يسمعوني جماعتي يلعبون بيه جقة شبر همه بدون كلشي وداكيلي طبل عاد يسمعون هذا الحجي مااخلص من اللسانهم ،،بيج قصص من حياتنا M&T

حوراء.. النسوان يهوسن ويركصن واني كاعده ابجي وزمن لازمه ايدي وكاعده بصفي ،

اجتي خالتي زينب لبستني البرنس ، لان راح يطبون الولد يزفون كرار واني ارجف ، خاله لاتخافين بعد هذا صار رجلج يعني سترج وغطاج ديري بالج عليه واسمعي كلامه الرجال يحب المرة العاقلة الرزنه

كرار.. واخيرا راح يزفوني مو طكت روحي من الأنتظار هسه مرة و رجال يتزوجون هاي العالم شكو خابصه نفسها بلا 🤔

حوراء.. دخلت الهوسه والزلم واني البرنص نازل ع وجهي كلشي ماشوف بس اسمع صوت الهوسات ،

يعني اسعد يوم بحياة  اي بنية صار اتعس يوم بحياتي ربي يطلعها بيك وبعرضك ابو عزيز الكلب

كرار.. اخذت حوراء وخليتها بالسيارة والزفه ورانه والعينتين بس تبجي ، اوف بس لو اعرف ليش العروس بيوم عرسها تبجي جان ارتاحيت ،

حوراء.. شو هذا اخذني وطلع والزفه ورانه ، اصلا ماكال حاجز بالفندق يجوز يفتر ويرجع ،

كرار.. مطلع اغاني دك وركص ، افترينه بالشارع ونزلنه طكينه صور يم المصوره ،اي مصورة مو مصور اني اخلي واحد يشوف الكمر مالتي 😍

حوراء.. طلعنه من المصور الزفه ماكو بس سيارة حيدر باقيه ، طبعا زمن ومها نزلوا ويايه يم المصور، صعدني كرار للسيارة ،، وزمن ومها راحو ويه حيدر ، مشت السيارة شويه ونزلنه يم بيت

كرار.. طبعا جبت وحده نظفت البيت ماريد اتزوج بيت اهلي والهوسه والجهال ردت اخذ راحتي مادام فاتن ماكو نخلص عشرة أيام بالبيت اني وحوراء ،

حوراء.. دخلنه للبيت كلش حلو والاثاث يجنن صح مو بكبر بيت خالي كمال بس حلو ومرتب ونظيف عرفت هذا بيته ، مها وزمن دخلني للغرفه نزعوني البدله لان إيجار مرت خالي مقبلت اشتري كالت هو يوم واحد وتذبيها ،

ولبست ثوب ستن ابيض وطويل بس الظهر كله طالع والصدر يعني مفضوح، كلتلهن عزة والله مالبسه طلعلي غير شي شنو هذا

مها.. هههههه دروحي بابه لعد شتلبسين بلا عباية لو بوشيه كعدي هنا وسكتي ومسحي دموعج عبالك رايحة لمنصة الاعدام

حوراء.. بگلبي منصة الاعدام ارحملي من هذا اليوم ،كعدت ع الجرباية، والرعب والخوف متملكاتني ،

كرار.. شو ذني طبن وبعد ماطلعن شنو ناويات يباتن ويانه بالغرفه ، دكبت الباب يلا عيني فضنها شنو متن اريد اشوف مرتي يلا ،بيج قصص من حياتنا M&T

مها.. عيني هياتها مرتك قابل اكلناها انخلي الملابس بالكنتور ونطلع عبوسي المستعجل

كرار.. ام اللسان راح اجي اكص اللسانج  يلا طلعن تره بديتن تحمضن على گلبي

حوراء.. كرار يحجي واني ارجف ،، بقلمي #ميديا_الفهد

زمن.. راح اروح بس بالي يمج  ، طمنيني اي شي يصير وياج، مابدي اعوفج والله ، ربي يحنن گلب كرار عليج ويتفهم ويصدكج

حوراء.. آمين ادعيلي زمن الله عليج

كرار.. كللووووش واخيرا انفتحت الجبسة وطلعتن

حوراء.. راحن مها وزمن وبقيت اني ارجف ياربي ألطف بحالي سمعت كرار سد البيبان وطب للغرفه

كرار.. وصلت مها وزمن وحيدر للباب وسديت الباب وراهم ورحت ع حوراء طاير ، طبعا عدنه غرفه جوة بيها غرفة نوم عرسي القديمه فرشتها وعدلتها  . مانطاني گلبي انام ع فراش فاتن ،

دخلت للغرفه اويلي كمر وكاعد لا الكمر مو حلو مابي مثل ملامح حوراء ، انوب لابسة ثوب ابيض يموت عليها طالعه تشگ شگ 😍

حوراء.. دخل كرار واني مدنكة وارجف گلبي يريد يطفر من مكانه ، كمت ارجف خلص راح يغمى عليه اصلا صار يومين لا ماكله ولاشاربه من الخوف

كرار.. يمعوده شبيج شدعوة هل الرجف شنو كاعدة يم طنطل ، لاتخافين حبيبتي اليوم اونسج والله هل يوم ماتنسي طول عمرج ،ولج صار سنه احلم بهذا اليوم وحضنتها حيل

حوراء.. بگلبي اي صدك هذا اليوم ماانساه طول عمري الله اليعلم شراح تسوي بيه بعد متعرف اني مو بنية ، كام يحضن ويبوس بيه واني ارجف كمت ابجي واشهك

كرار.. حوراء شبيج؟ لاتخافين والله شغله عادية متخوف حبيبتي فدوة اروحلج لا تبجين حضنتها وهيه مستمرة بالبجي ، استغربت من بجيها لان مو طببعي ، كلت بداخلي هيه من النوع التستحي فأكيد خايفه

حوراء.. من حضني حسيت بالأمان وشلون يحجي ويايه بحب ردت احجي بس ماكدرت اكو شي ربط اللساني وماخلاني احجي ويمكن عندي امل انو اني بعدني بنيه مااعرف ليش هيج احس ،، بيج #قصص_من_حياتناM& T

كرار.. شفتها هدءت شويه بديت اتقرب منها بس هيه كلش متشنجه وخايفة ،

نمت وياها وحسيت ماكو شي 😧 معقوله الي براسي صدك

………………………………………………………………………………

مساؤؤؤؤؤ على الحلوين ،، يلا تفاعلكم وينه، وأهم شي توقعاتكم كلش احب اقرة  توقعاتكم الحلوة ،

الكاتبة ميديا الفهد

#مرارة_الايام

البارت ال 14

بقلمي #ميديا_الفهد

#قصص_من_حياتناM& T

كرار.. نمت وياها وحسيت ماكو شي ، كلت يجوز متوهم  مرة مرتين وكلشي ماكو ، تخبلت

حوراء.. سلمتله نفسي واتشاهدت على روحي بنفس الوقت

كرار.. كمت على حيلي واباوع عليها وهيه تبجي ،، ممصدك نفسي ولا اريد اصدكها ،

حوراء باوعيلي ،،بعياط

حوراء.. وخر مني وبقه يباوع عليه اني دنكت وكمت ابجي ، جان يعيط عليه حسيت الغرفه انرجت رج متت بذيج الساعه

كرار.. ولج تريدين تضحكين عليه  ساقطة، ولج كل هل الفترة اني مخدوع بيج  ، ولج تمثلين عليه المستحه والخوف وانتي لاعبة لعب ، اليوم اذبحج بنت الكلب

حوراء.. والله مظلومه وروح امي وروح ابويه مظلومه ،مالي ذنب

كرار.. ردتها دكول واكعه وفقدت عذريتي اي شي بس لادكول مظلومه ومالي ذنب

حسيت الدنيا افترت بيه ولج اني كرار الملعب انتي تلعبين عليه اليوم احرك اهلج واحد واحد،

حوراء.. تخبل كام يعيط ويكسر بغراض الغرفه ، اريد افهمه واكله ع الصار مينطي مجال ،

كرار.. اني متخبل وهيه تريد تحجي واني ماشوفها بعيني ، فقدت عليها ،

حوراء.. كرار والله مظلومه بس اسكت  واسمعني ،بعدني ممكمله ومااحس الا الراشديات من كل جهة

كرار.. واكفه كبالي وبكل صلافة تريد تبرر وتجذب عليه بعد ، كمت اركع بيها راشديات اريد ابرد نار گلبي سحلتها من شعرها

حوراء.. وكعت بالكاع منوره قوة الراشدي جان يسحلني من الغرفه لباب البيت يريد يطلعني بالشارع واني بثوب مدلع وممستوره،

فدوة كرار ابوس رجلك لاطلعني بالشارع خلي البس عباية وهو مستمر يسحل بيه ميسمعني ، كمت اعيط فقدت، عوفني كرار بس باعلى صوت يمكن الجوارين كلهم سمعوا

كرار.. اريد اطلعها بالشارع ماتحمل خلقتها الزفرة الكلبة الحقيرة ، كامت تتوسل بيه وانوب كامت تعيط فضحتني  شلتها وخليت ايدي ع حلكها كطعت نفسها بيدي، وطببتها جوة وقفلت الباب وشمرتها بالكاع ،

نفس واحد مااسمع منج تكطعين النفس نهائيا

حوراء.. رجعني جوه بس ردت اموت بيده شمرني بلكاع وكالي نفس واحد مااسمع ، دموعي تنزل واشرتله براسي اي

كرار.. اباوع عليها وجها مدمي وثوبها الابيض كله دم ، كعدت بالكاع وهيه كاعده بزاويه كبالي وتبجي

حوراء.. كعدت بالكاع وكرفصت  وضميت راسي بين رجليه وابجي وخايفه منه اكيد راح يموتني ، ربي ساعدني

كرار.. ليش هيج سويتي بيه ؟؟

حوراء.. يحجي ويايه واني اخاف ارفع راسي ،بس ابجي

كرار.. احجي وياج جاوبيني ، بعياط

حوراء.. رجع يعيط مااعرف شسوي ، والله مالي ذنب انظلمت،

نسيت كل الكلام من الخوف ماضل ع لساني بس هل كلمتين مظلومه ومالي ذنب،

كرار.. احجيلي شلون وشوكت وين ومنو الي ضحك عليج وسوة عملته

حوراء.. حجيتله كلشي صار ويايه ، بس عيونه ونظراته يخوفن ،

كرار.. تحجي واني الدم يغلي بعروكي اريد اموتها واخلص عليها

انتي جذابة وماصدك باي حرف كلتي ، مااعرف شلون نخدعت بيج وحبيتج ،

حوراء.. حجيتله كلشي ويكولي انتي جذابة ،

مستعدة احلفلك بأي نبي وامام ، هذا الي صار ويايه ومامجذبة بحرف واحد ربي يشهد عليه

كرار.. هيه الي تسوي عملتج تعرف الله تعرف نبي ، امي كالت هاي ماعدها أصل واني عاندت الكل واخذتج ، لو حجيج صدك ليش ماحجيتي ليش ماكلتي

حوراء.. خفت لاطردونه اني واختي ، هيه امي تزوجت ع سنة الله ورسوله وابوها واخوتها تبروا منها ، اني يمكن يذبحوني

كرار.. انتي حته الذبح قليل بحقج ، وحده ادب سزز وبلا شرف واخلاق تفوو عليج وع تربيتج النكسة

حوراء.. كعد يسب ويغلط عليه، راح للمطبخ ، كلت خلص راح يجيب السجينه ويذبحني ، ركضت للغرفه طبيت وقفلت الباب ، بس ارجف من الخوف والرعب حيلي راح من الضرب واني مماكله شي كعدت ع الجرباية وبعد ماحسيت ،بقلمي ميديا الفهد

كرار.. باوعت ع ايدي تقطر دم ، الظاهر من كسرت الغراض انجرجت رحت للمطبخ اغسلها ولفيتها بوصله ، رجعت لكيتها ماكو عبالي نهزمت ركضت لباب الشارع لكيته مقفول رجعت للغرفه افتح بالباب مقفول من جوة

حوراء فتحي الباب، ادك حيل وهيه مالها حس تخبلت كلت بس لا سوت شي بنفسها انوب الغرفه كلها كزاز ، اعيط اريدها تجاوب ماكو اركع بالباب لا ينفتح ولا ينكسر ، انجنيت عندي حديده بالحديقه ركضت جبتها وبقبت احاول اكسر القفل ، تقريبا عشر دقايق واني احاول وهيه ماكو مالها حس

ولج حوراء بس سمعيني حركه منج لاتخوفيني ،احجي ويه نفسي ماكو اي صوت بالغرفه انهاريت كمت اضرب بالباب حيل انكسر الباب ودخلت لكيتها صايرة صفره ونفسها ضعيف احرك بيها واعيط حوراء جاوبيني فتحي عيونج وجها مورم من الضرب شلتها وخليتها بالحمام جوة الدوش ومي بارد ،

حوراء.. احس احد يصيحني بس الصوت بعيد وماكدر افتح عيوني وراها اختفه الصوت فتحت عيني لكيت نفسي بالحمام جوة المي البارد وفوك راسي كرار يكعد بيه

كرار.. فتحت عينها ، حضنتها بدون وعي عبالي متي خوفتيني وكمت ابجي هاي اول مرة بحياتي ابجي

حوراء.. حضني وكام يبجي واني هم ابجي حالتنه اثنينه تبجي الصخر شالني وداني للفراش ولبسني هدوم غير هدومي الي كلهن دم ومبللات

كرار.. من شفتها فاقده انقهرت عليها شلتها ولبستها غير هدوم وعفتها وطلعت يمكن هل الحجي ب3 الفجر ، ماعرف وين اروح  ،،بيج قصص من حياتنا M&T

حوراء.. بدلي ملابسي حسيته بعده يحبني ، بس عافني وطلع ، بقيت خايفه بس لا راح البيت خالي وراح انفضح ، ويذبحوني ، طلعت اشوفه لكيته قافل الباب ورايح بقيت وحدي بالبيت وخايفه كلت خلص هسه راح يجون ويذبحوني ،

ادور ع تلفوني اريد ادك ع زمن اتذكرت التلفون مها انطته الكرار

كرار.. بقيت افتر بالمنطقة وابجي ونار بصدري ، معقوله حوراء  طلعت هيج ،

ليش ياربي خليتني احبها ليش، هيه هاي الي  كتلت نفسي عليها حته تصير الي ، وهو غيري لاعب بيها وعايفها 

بدت توضح الصورة اكثر واتذكر من حضنتها قبل وكالت انتو الزلم كلكم بلا شرف، اكيد الي سوه وياها اتخلى عنها، لا واني الغبي مكيف جانت ترفض الي يتقدمولها ع مودي هههههه😏 وهيه تريد تضم عارها حته متنكشف ،

اوووف نار بگلبي نار مااعرف شلون تطفه منو يتحمل الي يصير بيه يا رجال الي يتحمل

حوراء.. كعدت بالغرفه وحدي وخايفه أتوقع ع ساعه يطبون ويموتوني ، ابجي وماحسيت الا وصار الصبح وكرار ماكو

كرار.. بقبت كاعد بالسيارة ماكدر انام صار الصبح ، كلت خلي ارجع للبيت قبل ليجون اهلي ، بالطريق دكيت ع امي

ام كرار.. نايمه الصبح ودك تلفوني ياستار ياربي هاي منو دك عليه من الصباحيات ، يمه هذا كرار شبيه

📞الوو ها يمه شبيك

📞الوو يمه لاتجين الصبح وتجيبين ريوك

📞ليش يمه شصاير

📞مصاير شي بس احنه طالعين لاربيل 10 ايام لايضل بالكم

📞ولك موتتني عبالي بيكم شي ، بشر كملت شغلتكم

📞اي اي ، يلا يمه مع السلامة

📞مع السلامة حبيبي

حوراء .. مانمت ولاضكت طعم النوم، ايدي ع گلبي وكاعده ، حسيت الباب انفتح ومااعرف وين اروح واختل اكيد اجوي يذبحوني بقيت اركض بالبيت مثل المخبله ركضت ع الحمام طبيت وقفلت الباب ،

كرار.. دخلت للبيت واني طاكه روحي وماريد اشوف حوراء كبال عيني ، باوعت ع الغرفه ماكو مموجوده، صحت حيل حوراء وينج

حوراء.. ختلت بالحمام وسمعته يعيط حيل ويصيحني ، طلعت بسرعه ، شفته وحده الحمد لله ماكو خوالي ، هاا

كرار.. باعي سوالف التختل ومااعرف شنو تره ماحبهن راح تبقين عشرة ايام هنا بين ميطيب وجهج ، وراح ارجعج البيت ابويه وبعد ماريد اشوف خلقتج الزفره ، يعني اذا اجيت بيوم البيت اهلي اريد تتبخرين ، نهائيا ماشوفج ، اذا شفتج معناها هاي نهايتج ، راح اخليج مثل الجلبه مربوطه لا انتي مطلكه ولا انتي متزوجه، اندمج ع كل الجذب الي جذبتيه عليه ، قندرة

حوراء.. لزمني من ثوبي ، وينطي تعاليم، حمدت الله وشكرته يعني ما راح يفضحني وراح يسكت

كرار.. ها نسيت تعالي خابري اختج احجي وياها ثبرتني بتصالاتها ، اكيد تريد تعرف شصار ، ويمكن مثل اخلاقج بس جعفر فقير وعلى نياته وعبرت عليه

حوراء.. من حجى ع زمن تخبلت ، كلتله الله هو الي يعرف احنه شنو وشلون انظلمنه ، البشر ما يرحم بس الله يرحم

كرار.. لج انتي ميفيد الحجي وياج ،مو كتلج ماريد اسمع صوتج انتي حمارة متفهمين ، وجريتها من شعرها حيل وشمرتها ،،بقلمي ميديا الفهد

حوراء.. كرار يطلع من الصبح لل1 لو لل2 باليل يلا يرجع ماعرف وين يروح ، فهم الكل انو احنه باربيل  ، حته محد يوصل للبيت ، يطلع يقفل عليه الباب ويروح والبيت خلص مابي لا اكل ولا شرب ومن يجي لازم اضل بالغرفه ممنوع يشوفني ، بقيت 3 كتلني الجوع والله من الجوع اكل ورد من الحديقه البيت فارغ عبالك ماجانت اكو مرة بي لاتمن ولا خبز ولا اي شي

كرار.. ماكدر بعد الي صار اتقبلها وبنفس الوقت ماريدها تنفضح خليتها بالبيت واني اطلع من الصبح ولليل يلا ارجع في سبيل ماشوفها ، اصعد بغرفتي ،وغرفة فاتن وانام بيها ،

حوراء.. متت جوع كلت اليوم من يجي بالليل اكوله ماكو اكل،

كرار.. رجعت بالليل ولكيتها غافيه ع التخم ، اتقربت منها ، احبها مو بيدي بس الشي السوته مو هين ، ماكدر اسامحها مستحيل

انتي هيييي كومي شعندج نايمه هنا

حوراء .. انتظره وهو ماكو كل عادة ، ماحسيت وغفيت ، نمنت ومااحس الا واحد يعيط فتحت عيني لكيته كرار ، صار -4 ايام مشايفته ، كالي شعندج نايمه هنا

كلتله داانتظرك ،

كرار.. شتريدين اني مو كتلج ماريد اشوفج نهائيا، ليش تعاندين ،

حوراء.. البيت مابي اكل صار 4 ايام وانت تطلع الصبح ومترجع الا بالليل

كرار.. دتطبي جوة وماريد اشوف خلقتج واكل ماكو اني اريد اموتج من الجوع ، بيج قصص من حياتنا M&T

حوراء.. من حجة هيج انقهرت وحسيت بالذل، اني انزل نفسي ع مود اكل امداني ، عفته وطبيت للغرفه وكعدت ابجي ، ربي معقوله تقبل بهل الظلم شنو الي سويته حته هيج تعاقبني ، مكافي السواه ابو عزيز انوب هسه قهر كرار عليه ، بابه تعال شوف بنتك شلون انذلت من بعد عينك ، واليسوه والميسوة يسحل بيها ويهينها ، بابة يوم اخذوني يمكم والله تعبت من الحياة ومرارتها 😭

كرار.. كعدت ثاني يوم الصبح جبتهلها اكل وخبز شمرته عليها

حوراء.. كاعده بالغرفه وطب كرار بيده علاليك وشمرهن عليه وطلع، حسيت اني ولا شي بهل الدنيا ، اخذتهن وكعدت اكل بس كومه اكلت من الجوع ، بحيث معدتي متحملت راسا كمت استفرغت كل الي اكلته ،

كرار .. شمرت عليها العلاليك وكعدت بالهول اتفرج ع التلفزيون ورة سويه اسمعها بالحمام تستفرغ من معدتها ، رحت عليها ،

حوراء.. صار4 ايام اكل ورد ومعدتي فارغه ، من اكلت متحملت استفرغت ، وحسيت واحد ورايه 

كرار.. شبيج مريضه؟ اخذج للطبيبه

حوراء.. لا مابيه شي لان مماكله واكلت هواي معدتي متحملت ، وعافني راح

تسريع للأحداث.....

خلصن العشرة أيام وذبني بيت خالي وسلم وراح،

ام كرار.. وين رايح تعال اتغدة يمه

كرار.. لا يمه اليوم راح تجي فاتن اروح اجيبها من المطار

حوراء.. عفتهم  وصعدت طبيت للغرفه ممتعلمه عليها تعلمت ع غرفتي القديمة انطوها الحيدر

تمدتت شويه واندك الباب

كمت فتحته ، مرت خالي، هلو خاله تعالي طبي

ام كرار.. شكو شبيكم مو ع بعضكم لا انتي ولاكرار شصاير ،متعاركين ؟

حوراء.. لا خاله ماكو شي،بيج قصص من حياتنا M&T

ام كرار.. باعي حوراء تره قبلت كرار يتزوجج لان يحبج وماردت اكسر گلبه ، بس تضوجين ابني لا والله لو مادري منو تصيرين اعاديج واكرهج بحياتج وانتي تعرفيني كلش زين، ابني ماعرفته متغير وجها ذبلان بعشرة ايام حالة انكلب بعد كم شهر شتسوين بي تموتي

حوراء.. خاله ماكو شي وروحي سألي الكرار اذا مضوجته شتريدين سوين بيه سوي

ام كرار.. ع كلاً ديري بالج ع كرار تره تعب هواي ويه فاتن واريده يرتاح فلا شلعين گلبه

حوراء.. صار خاله الي تريدي يصير ع عيني ، اريد بس اخلص منها اني روحي طاكه ومتلي خلك نفسي

كرار.. رجعت للبيت صلحت الباب قبل مترجع فاتن ، وبالي كله ويه حوراء وشلون طلعت وحدة استغفر الله ماريد اذكر هل الموضوع

حوراء.. بقيت شهر بيت خالي وكرار أبد ماشفته طبعا انمنعت من الطلعه ومن التلفون يعني صرت مسجونه ، مسجونه ولا مذبوحه ،

بس طول هل الشهر واني معدتي توجعني ميته منها وساكته ،

حيدر .. الكل مستغرب من كرار ذب حوراء وشهر كامل ماوصل للبيت ولاشافها ولا هيه تشتكي او تحجي ساكته،

رمضان وصايمين ، متعلم كل رمضان اني اسوي العصاير والألبان واكفين بالمطبخ امي وحوراء يطبخون واني اخبط باللبن

حوراء.. صايمه وتعبانه ومعدتي توجعني عبالي من الصيام ، بس الألم يزيد بعد متحملت كعدت بالكاع وكمت اعيط

حيدر.. فزيت من عاطت وتصيح بطني بطني ، شلتها من الكاع وخليتها بالسيارة وصحت مها تجي ويانه  ، ادك ع كرار ميجاوب ، دكيت ع فاتن

📞الو هلو فاتن كرار يمج

📞 اي هذا ليش

📞انطينياه

📞الووو ها حيدر شبيك ، شنو هل عياط اليمك

📞كرار مرتك تخربطت وتصيح بطني واني بالطريق رايحين للمستشفى تعال بسرعه

كرار.. من كال حوراء متخربطه تخبلت

فاتن.. شكو شبيك شصاير

كرار.. حوراء مادري شبيها ،وخري خلي اروح

قراءة ممتعة احبائي الكاتبة ميديا الفهد

#مرارة_الايام

البارت ال 15

بقلمي #ميديا_الفهد

#قصص_من_حياتناM& T

فاتن.. شكو شبيك شنو صاير ؟

كرار.. حوراء مادري شبيها ، وخري خلي اروح

فاتن.. معقوله حامل ، ع واه حته من تجيب اخلص منها، ولو وجودها وعدمه نفس الشي، لان كرار يحبني إلي والدليل صار شهر كاعد يمي ويبات بحضني حته ميسأل عليها ويروحلها ، وجنت ظالمته، بس بالي يمه دائما ضايج ومهموم طول هل اشهر معقوله يحس بتأنيب الضمير ؟؟

كرار.. معقوله تطلع حوراء حامل، وين شلون ومنين واني اصلا ماكملت وياها رأساً كمت ومتأكد من نفسي، غير اذا حامل وحق من خلق السما والكاع بالمستشفى واخلص عليها واموتها بيدي، بقلمي ميديا الفهد

حوراء.. وصلنه للمستشفى واني اعيط الوجع موتني ، راااح اموت ااااخ

حيدر.. تعيط واني شايلها تكسر الگلب ،كرار أتأخر خلوها ع السرير واني طلعت برة ومها وياه بقت

كرار.. دخلت للمستشفى وشفت حيدر واكف ركضت عليه ، هااا شببها حوراء ،بيج قصص من حياتنا M&T

حيدر.. مادري واكفين بالمطبخ وكعت وكامت تصيح بطني،

كرار.. بقيت واكف برة ويه حيدر واعصابي تلفت

مها.. حوراء تعيط وتبجي من الوجع،انطتها الممرضه ابرة مسكنة شويه وسكتت ، الاطباء سوو تحاليل وفحوصات ، شكو مصران اعور

كرار.. رحت الطبيب كلتله شبيها المريضه؟

كالي مابيها شي صاير عدها جرثومه بمعدتها ولازم هل الايام متاكل اكل دسم والاحسن تاكل بس شوربه وتشرب سوائل

من كال بيها جرثومه شوية هدئت وارتاحيت ،

حوراء.. طلعنه من المستشفى والطبيب كال عندي جرثومة بالمعدة ، ومنعني من الصيام كال موزين عليج ،انطاني علاج ،

كرار.. طلعت من المستشفى واني واكف برة اباوع عليها بلكوة تمشي ينكسر خاطري عليها بس رأساً اذكرت ليله عرسنه السوده ، رجعلي احساس الكره والغضب

حوراء.. طلعت من المستشفى بلكوه امشي مها لازمتني ، باوعت هذا كرار گلبي راد يوكف من الخوف ، مشينه وصلنه يمه

حيدر.. كرار شبيك متشوف مرتك وتتحمدلها ع سلامتها ، شبيكم شصاير وياكم

كرار.. حيدر لا تدخل ماكو شي مو هاي كدام عينك تمشي مابيها شي، يلا اخذوها وروحوا ، وانطيني الراجيته حته اجيب العلاج

حوراء.. اني مدنكة وهو هيج يحجي متت قهر ، صعدت بسيارة حيدر ، ورجعنه للبيت

كرار.. اخذت العلاج وديته طبيت للبيت ، انطيته لمها وطلعت

حوراء.. مرت الايام وصار شهر معدتي الحمد لله صارت زينه صار العيد ، طبعا منع التلفون عليه اخابر ع زمن من تلفون مها واحجي وياها ،

كرار.. صار العيد ولازم اروح البيت اهلي اعايدهم ، اخذت فاتن ورحت ، دخلت البيت اهلي هوسه والبنات كلهن جايات ناس عايدت ناس ، حوراء ماكو احسن ماريد اشوف خلقتها

حوراء.. اجوي البنات ونزلت عايدتهم وكاعدين ع سالفه ع ضحكة شويه غيرت جو ، شويهه والجهال كامو يصيحون اجه خالو كرار ،، بسرعه كمت وصعدت لغرفتي خاف يشوفني وتصير مشكله

فاتن.. دخلنه لبيت عمي كمال ، واني كلش ضايجة ماريد اشوف حوراء سليمه التاخذها اكرها مجرد اسمع اسمها اتخبل

كرار.. عايدت امي وابويه ، ابويه صاحني ،رحتله

ابو كرار.. تعال كرار صار شهرين اني عايفك ع راحتك ، واكول يجوز الخاطر فاتن متريد تضوجها عايف حوراء وحته متسأل عليها، ابني حرام عليك لازم تعدل بين نسوانك ، هاي يتيمه ومسكينه وماعدها ظهر وكعت مريضه وانت حته ماكلفت نفسك واجيت شفتها  ،بيج قصص من حياتنا M&T

كرار.. يابة اني اتزوجتها ع مود الطفل ماكدر اعوف فاتن وابقه يمها ، حجيت هيج حته ابويه ميشك بشي

ابو كرار.. البنية مكسورة وحاله يقهر يلا كدامي اصعد عايدها وطيب من خاطرها ،

كرار.. صار يابة تآمر

حوراء.. كعدت بالغرفه وحدي ، واسمع الضحك والهوسه ، واني وحدي كاعده كاتلني القهر ، انفتح الباب ، باوعت كرار  ،خفت

كرار.. صعدت لحوراء ، فتحت الباب ولكيتها كاعده ولابسه ومتكشخة وخاله مكياج تخبلت ،

هااي شنو بوجهج

حوراء.. دخل بدون سلام ولا عايدني ولاشي ،

شنو شبي وجهي ؟

كرار .. هاي المن خاله مكياج ولابسة ؟

حوراء.. غير عيد ، اجاوبه وارجف هسه يضربني مثل ذاك اليوم

كرار.. كومي يلا مسحي وجهج ولبسي دشداشه

حوراء.. اي ان شاء الله ، وبقيت كاعده

كرار.. شنو أن شاء الله اكولج كومي هسه سوي الي كتلج عليه ، خاف مستحية مني وخجلانه ؟ 😏 تستحين من رجلج بس الغريب من سلمتي نفسج وانطيتي شرفج مستحيتي

حوراء.. من حجه هيج كمت ابجي ، ليش ميصدك بيه ويفهم اني مظلومه ومو بيدي الي صار غصبا عليه

كرار.. يلا عيني دموع التماسيح مالتج ميمشن ويايه يلا مسحي وجهج وغيري هدومج ،،بقلمي ميديا الفهد

حوراء.. يريدني اغير ملابسي كدامه ، واني الحد هسه اعتبره غريب ،بقيت كاعده ماكدر ابدل كدامه

كرار.. انتي الظاهر جسمج اطبع ع الضرب ،ماتمشين  الا بكفخه يلا كومي

حوراء.. كمت غصبا عليه ، هو كلشي بحياتي غصبا عليه بقت ع تغير الملابس ، انزع هدومي ودموعي تنزل

كرار.. نزعت واباوع عليها شلون جسم ابيض ومقسم يخبل ، وبظهرها وحمه حمرة تمووت

ردت اكوم عليها واحضنها اسوي وياها مثل اي رجال ومرة ، بس ماكدرت اكو شي بداخلي يمنعني

حوراء.. واكفه ابدل وحسيته طلع وسد الباب ، اوف الحمد لله والشكر من طلع ،

فاتن.. كاعدين كلنه بالاستقبال وعمي صاح كرار شويه ورجع عمي وحده بدون كرار ، تخبلت اكيد راح ع حوراء احسن نار تطلع من رأسي اريد اصعد عليها واسحلها واموتها كرار بس الي وحدي ، بقيت كاعده ع اعصابي ماكدر احجي اني بيدي خطبتها وزوجتها اله شحجي وشكول

كرار.. عفتها وطلعت لان اذا اضل ثانيه وحده يصير غير شي ، نزلت واشوف فاتن عيونها تريد تطلع من مكانها اجيت كعدت يمها وكمشت ايدها ، بس بالي كله فوك يم حوراء والوحمة الي نرسمت بدماغي

حوراء.. اجتي مرت خالي وكامت تحجي عليه ،

ام كرار..ليش عازله نفسج وكاعده وحدج يلا نزلي  جوة تعالي ساعدي البنات ديحضرن غدة

حوراء.. خاله فدوة خليني كاعده هنا ماريد فاتن اتشوفني

ام كرار.. وانتي شعليج بفاتن ، كومي يلا لادوخيني

حوراء.. نزلت رحت للمطبخ لكيتها واكفه سلمت عليها داعايدها وخرت مخلتني اسلم عليها ،انقهرت فشلتني كدام البنات ، وعافتنه وطلعت ،

صبينه الغدة وكعدنه ناكل ماردت اكعد وياهم بس مها سحلتني سحل ، بس خايفه من كرار ، كعدت وهمه كاعدين كبالي هو وفاتن ، اوف شلون موقف ، كرار يخزر بيه وفاتن كدام الكل كاعده وتوكل بكرار حته تغيضني ، صار الغده عليه سم وزقنبوت حابسة دمعتي وكاعده احس الأنظار كلها عليه

ام كرار.. كرار انت ليش متجي ع مرتك وتسأل عليها ، صار شهرين ماوصلت لهنا شنو لازم اكو احد مانعك

فاتن ..عمتي تعتب ع كرار كدامي ودكوله خاف اكو احد مانعك وتباوعلي صفح ردت اكوم اتعارك وياها

حوراء.. عزة بعيني شحجاج الخاطر الكعبة ، يمه شراح يحجي كرار

كرار.. يمه شبيج شنو هل حجي

ام كرار.. والله زوجناك انريد نفرح بيك ونشوف جهالك ، وانت من تزوجت لليوم ماشفناك مدكلي مرتك شلون تصير حامل

كرار.. من حجت امي كمت ع حيلي وكلت الفاتن يلا كومي حته غدة ماريد ، اخذتها ورحت للبيت

حوراء.. كرار اخذ فاتن وراح والكل يباوع عليه ، بقيت ساكته ومدنكه ، بيج قصص من حياتنا M&T

خالي صاحني هو ومرته وكعدوا  يستجوبون بيه شبي كرار وليش عايفج شنو صاير بيناتكم ،كمت ابجي وكلتلهم كلشي مصاير سألوا ابنكم ، اريد بس اطلع نفسي من هل الورطه

تسريع للأحداث..........

حوراء.. صار ع زواجنه 3 اشهر واني ع نفس حالي كاعده بيت خالي والعيون كلها عليه ويريدون يعرفون ليش هيج كرار ميجيني ، ولايسأل عليه ، مرات من ضغط مرت خالي روحي اطك واكول احجي احسن حته اخلص ،

كامت تضوجني وتسمعني حجي كرهت العيشة بالبيت ، اتندمت لو ادري من اول يوم طبيت لهذا البيت حاجية قصتي وهمه شيريدون يسوون خلي يسوون احسن من هذا القلق والخوف المستمر الي صارله فوك السنة عايش وياية ع مود شي مالي ذنب بي ، بقلمي ميديا الفهد

حيدر .. كاعد بالهول لازم تلفوني واگلب بي ، ومااحس الا وشي خطف من يم سريع رفعت راسي هاي حوراء يمكن سوت الدرج خطوتين ضحكت عليها حسيتها مثل الطفله ركضت، مسكينة هل الحوراء احسها شايله هموم تهد جبال

حوراء. . واكفه بالمطبخ اسوي عشه وشفت باب الشارع انفتح وطب كرار ، اتذكرت حجية انو من يجي البيت اهله لازم اختفي وميشوفني ابد ، عزة ابقة بالمطبخ لو اصعد لغرفتي ، طفيت الطباخ وركضت ع السريع وصعدت الدرج

كرار.. عندي شغله ومريت ع بيت اهلي طبيت شفت حوراء ع الدرج تصعد والدشداشة مقسمه ع جسمها وضابة عبالك سمنانه شويه انتبهت هذا حيدر يباوع عليها ويضحك تخبلت صعدت طاير عليها

حيدر .. صافن واضحك ع ركضت حوراء ومااحس الا وكرار ع الدرج طاير وراها ، يارب سترك شبي هذا لا سلم لا حجه

حوراء.. الحمد لله مشافني طبيت وكعدت ،كلت من يروح انزل اكمل العشه ، ومااحس الا والباب اندفر عليه

كرار.. صعدت وراها مثل الطلقه اريد اشرب من دمها القندرة قفلت الباب وكمت اعيط عليها

لج شعندج وياه كولي شعندج تفرين ب.... كدامه وهو يتمضحك

حوراء.. دفر الباب وانوب قفله والنار تطلع من عيونه ويعيط ويكلي شعندج وياه

هو منوه والله ماعندي شي ويه اي احد

كرار.. لج انتي ساقطة ودواج الذبح لزمتها ملختها اشيلها واركعها بالكاع

حوراء.. مااعرف شبي هجم عليه موتني كتل اريد اعرف شمسويه وهيج يضربني ،كمت اصيح لحكوني راح اموت 😭

كرار.. تصيح واني مستمر بضربي وكمت ادفر بيها حيل ، لج متعلمه متكدرين تعيشين اذا ماتلعبين بذيلج ولج تريدين تفرين عقل اخويه مثل مالعبتي بعقلي وخليتيني احبج ساقطة اليوم انهيج ، شنو متشبعين اليوم اني الج

حوراء.. والله ماعندي شي ويه اخوك عوفني راح اموت كرار فدوة ، اني احجي وياه وهو يزيد بالضرب

كرار.. لابسة الضيق وتتمشين ماخذة راحتج كرار ماكو وتلعبين ع حل شعرج، لزمت الدشداشه سويتها وصل ، انتي تحبين الاهانة واني اعرف شلون اهينج ، واغتصبتها

حوراء.. ملخ الثوب العلية وخنكني بثنين ايده اريد اتنفس ماكو عيوني طلعت برة ، انوب اغتصبني

حيدر.. صعد كرار وصار عياط هو يعيط وحوراء تعيط وتصيح راح اموت ، صعدت يارب شصرف امي وابويه مو بالبيت ،

مها.. هاي شكو شبيهم ذوله

حيدر.. مادري ديتعاركون، بيج قصص من حياتنا M&T

مها.. حيدر سوي شي راح تموت البنية هذا كرار مخبل

حيدر .. ادك بالباب واعيط ع كرار ، يمعود افتح الباب راح تموت بيدك البنية ،كرار افتح الباب اكولك

كرار.. موتتها ضرب وغتصبتها وكمت تفلت عليها وهيه سابحة بدمها وتبجي ، ولبست هدومي وطلعت ، لكيت حيدر ومها واكفين

حيدر.. لك شبيك تخبلت شلون هيج تسوي بالبنية مو حرام عليك هااي بشر

كرار.. انت مالك دخل ، اني ومرتي انت معليك وعطت عليه وشفت امي وابويه واكفين ، #قصص_من_حياتناM&T

مها.. طلع كرار واني دخلت ع حوراء منظهرها يخوف وجها مدمة وهدومه  مشككه وتبجي ،جريت الجرجف ولفيته بيها

ام كرار.. هاي شكو شنو هل عياط شصاير

حيدر.. يمه ابنج ضرب البنية روحي شوفيها لليتيمه خاف ماتت

ام كرار..ركضت ع غرفة حوراء تخوف عبالك طالعه من انفجار ، صحت ع مها ، بسرعه طلعي هدوم وحضري عبايتها ، شلناها اني ومها ودخلناها للحمام سبحناها وجسمها كله مطبع اطبع بلكوه كدرنه نسبحها اباوع ع ايدها منفوخه عبالك تريد تنفجر

كرار.. استلمني ابويه يحجي عليه واني حيلي كله خلص منورة القندرة حوراء ، كلتله لحد يسألني ليش هاي وحده ساقطه وتستاهل اسوي بيها كثر

نزلت امي

ام كرار.. ولكم لحكوا وكعت علينه بالحمام وكاطعه النفس، ولك شمسوي بالبنية مجرم  ،بقلمي ميديا الفهد

كرار.. صعدت ركض واباوع عليها واكعه بالكاع خفت لا صدك صاير بيها شي لبستها دشداشتها ولفيتها بالعباية واخذناها إني وحيدر وامي للمستشفى

حوراء.. كعدت لكيت نفسي بالمستشفى جسمي كله يوجعني واكثر شي ايدي احس عبالك قطار دايس ع جسمي كله،

كرار.. وديتها للمستشفى طلعت ايدها مكسورة الدكتور مقبل يستلم حالتها يكول لازم تحقيق المريضه متعرضه للضرب المبرح

حوراء.. كعدت اون اخ ايدي ، ايدي توجعني ، واكفين يمي مرت خالي وحيدر

حيدر..صحت حوراء وكامت تبجي من ايدها ، كمت اعيط ع الدكتور ، يمعود تعال شوفها واني بنفسي اسوي محضر البنية متوجعه

حوراء.. اجة الدكتور فحصني وطلعهم  كلهم

الطبيب.. بنتي منو سوه بيج هيج

حوراء.. محد اني وكعت من الدرج ، وهيج صار بيه

الطبيب .. الدرج ميسوي هيج كدمات ، لاتخافين احجي ماخلي احد يتقرب عليج

حوراء.. الطبيب يحجي واني بس ابجي ، كال هو هذا السكوت الي يخلي الرجال يستقوي ع المرة ،

كرار.. طلع الطبيب كال وين زوجها ، 

اني زوجها دكتور ،

المريضه عدها كسر بايدها ورضوض قوية ، اتقي الله بيها ، اني سكتت شريد احجي

حوراء.. چبسوا ايدي وانطوني ابره مسكن للألم ، وفات كرار شفته فزيت

كرار.. دخلت عليه وفزت من شافتني وكامت تبجي، باوعت عليها ايدها مچبسة  ووجها متشوه من الضرب ،

اني شمسوي بيها لمت نفسي

حوراء شلونج ؟؟

حوراء.. هومشبعني ضرب ومدميني وكاسر أيدي ويكولي حوراء شلونج ، مجاوبته درت وجهي منه

كرار.. بقينه يوم بالمستشفى ثاني يوم العصر طلعنه رجعتها للبيت

ابو كرار.. تعال كرار اليوم متطلع منا اذا متحجيلي شصاير وياكم ماكو رجال يسوي بمرته مثل ما انت سويت الا اكو سبب جبير

كرار.. بقى ابويه يلح ويريد يعرف شنو صاير ، كعدت سولفتله ع الصار كام يدك ع راسه

ابو كرار.. شلون ماحجيت من البداية ولك مصيبه هاي ، صيح حوراء،

كرار.. يابة خليها اليوم ستوها راجعه من المستشفى وحالتها تعبانه

ابو كرار.. كلتلك صيحها خلي افتهم منها

حوراء.. نزلت وعرفت خالي كمال عرف بسالفتي ، كمت ارجف ، شلت القرآن ونزلت ، كعدوا يعيطون محد يصدكني يعني ليش ميصدكون المرة ليش دائما هيه الملامة الوحيدة ،

شلت القرآن وحلفت عليه انو ابو عزيز اغتصبني واخذ شرفي ،صارت هوسه وجابوا زمن ، طبعا زمن جابت ولد وسمته امجد ع اسم ابويه الله يرحمه ،

كرار.. صارت هوسه عمامي كلهم التمو وعماتي اثنينهن ، جابوا زمن ، وكعدت حجت وحلفت انو هذا ابو عزيز مغتصب حوراء  وغصباً عليها 

اسمع بيهم واني افور ناس يكولون نذبحها ونخلص منها وناس دكول مظلومه خلي نتأكد بالاول ،

ابويه كال ،، نروح ع هذا الي اسمه ابو عزيز وكلشي راح يبين

حوراء.. الدنيا نكلبت عليه والكل يحجي ويعيط واني بالنص ارجف وخايفه وزمن هم ، بيج قصص من حياتنا M&T

كرار.. اتفقنة نروح ع ابو عزيز ، رحنه اني وعمامي اثنين، بلكوه يلا ندلينه منعرف المناطق كلها البلحلة ، كمنه نسأل عليهم عرفنه بيهم شايلين ومحد يندلهم ، ماخليت واحد يعتب عليه وماسألته ردت بس اشوفه واشرب من دمه اذا صدك هو هيج مسوي بحوراء والله ارمي ازرفه تزرف ، بس ربك ماراد يريح گلبي ،رجعنه لكربلا مثل مارحنه

حوراء.. كرار وخوالي اثنين راحوا يسألون ع ابو عزيز ، متعرفون كمية الخوف والقلق الي عشت بيه بذيج الايام ، فوك الكتل وجهي معالمه مختفية انوب انفضحت وعميت ع اختي

ام جعفر.. عيني احنه جنتنه مالها دخل بالموضوع وعدها طفل يرضع اخاف ع حفيدي ، اني اخذها واروح

زمن.. خاله فدوة العمرج شلون تريديني اعوف اختي وهيه بهل حاله

حوراء.. زمن روحي معليج بيه ، ربج راح يظهر برائتي متأكدة

راحت زمن ويه خالتي ودمعتها ع عينها ،

كرار وخوالي  بقوا يوم كامل بالحله اني صبري راح، ولا واحد طايقني ،

رجعوا المغرب كرار وخوالي ، اتوقعت راح يجيبون ابو عزيز ويسحلوا ، بس مصار الي توقعته، طلع النذل بايع بيته وشايل ومحد يندل طريقه، هو هذا حظي المصخم هسه شراح يصير بيه اني ، راح يذبحوني ماكو غيرها 😱

………………………………………

قراءة ممتعة،، الكاتبة #ميديا_الفهد

#مرارة_الايام

البارت ال 16 والاخير

بقلمي #ميديا_الفهد

#قصص_من_حياتناM& T

حوراء.. هو هذا حظي المصخم هسه شراح يصير بيه، أكيد راح يذبحوني ماكو غيرها 😱

كرار.. التمينه كلنه اجوي عمامي ، وكالوا الأبويه احنه مالنه دخل بيها انت خليتهن يبقن هنا انت وستار تحددون مصيرها ، تريدون تذبحوها تخلوها بكيفكم ،

من كالو تذبحوها تخبلت ، مهما صار ماخلي احد بتقرب عليها ويمس شعره منها ، هاي اول حب بحياتي ، لا تستاهل خانتني وماحجت من البداية لو هيه صدك مظلومه جان كالت حته ناخذلها حقها ،

اووف الف فكرة دور براسي مااعرف شنو اقرر انوب هيه بركبتي لازم اقرر ، راحوا عمامي وابويه ساكت

ام كرار.. متبقى ع ذمتك كرار طلكها شلون تخلي هيج وحده ع ذمتك هاي شلون تربي جهالك بعد يومين هل فاسدة

حوراء.. كاعده ع الدرج اسمعهم وانتظر كرار شيقرر ، اصلا هو ممتحملني اكيد راح يتخلى عني ، ربي كلها تخلت عني ماعندي غيرك ،

كرار.. يمه الله يخليج كافي لاضغطين عليه اني روحي طافرة رحمه الاهلج

عفتهم وطلعت رجعت للبيت ، تلكتني فاتن بلسانها الماينجرع

فاتن.. صرلك يومين يمها كاعد واني هنا مشمورة ادك عليك ترفض مكالماتي ، وين حبك وين الحجي الوعدتني بي

كرار.. يمعوده انتي شبيج ترة روحي طافرة وخري من يمي لا اخربلج وجهج

فاتن.. هاي اول مرة كرار يحجي ويايه هيج صح نتعارك ويكسر الغراض بس ابد ميهدد انو يضربني تخبلت ،،

اي عيني هاي حبيبة الگلب حوراء خانم گلبتك عليه بيومين  طلعت موقليله، بس انت لو رجال مو النسوان يمشنك ، امك كلتلك ليش عايف مرتك رحت تركض ركض عبالك ممصدك

كرار.. كمت عليها ولزمت وجها حيل ، كلتلها ولج منو المو رجال ادب سزز اني رجال وغصبا ع  الخلفوج ، بقت تتلاسن ويايه روحي طفرت روحي مناك حوراء والفضيحة الصارتلي منوراها ومنا هااي القندرة الي متسكت

فاتن.. انت تمد ايدك عليه لك اليوم اخلي اخوتي يموتوك نذل

كرار.. انعل ابوج لابو اخوانج روحي ع خوانج اريد اشوف كلب يوصل هنا ،،قصص من حياتنا M&T

فاتن .. تغلط ع ابويه نذل طلكني ماابقه وياك دفيقه وحده

كرار.. تغلط عليه وتهددني باخوانها ع مود عصرت وجها ودفعتها، وحوراء دميتها وكسرت ايدها وهيه ساكته 

عفتها وطلعت وصلت للباب وسمعتها دكولي

فاتن.. انت اذا رجال طلكني

كرار.. اني رجال وسيد الزلم .وانتي طالق

فاتن.. 😨😨😨

كرار.. كل مرة تسوي هيج وانقهر عليها واكول حالتها النفسيه واصالحها واراضيها بس فوك ضيمي انوب هيج تحجي مليت منها ،وطلكتها

رجعت البيت اهلي محد موجود الكل بغرفهم ، رجليه اخذتني فوك ع حوراء،، بقلمي #ميديا_الفهد

حوراء.. كرار راح واني تعبانه من الضرب صار يومين وجسمي كله يوجعني وايدي أحس العظم يصل عليه ، اباوع ع وجهي بالمراية أخوف عيوني الكبار بالكوة مبينات منورة الورم وشفتي مجروحه حيل كمت ابجي ونمت

كرار.. دخلت للغرفه لكيتها نايمة ويمها الادويه المسكنة ، شكلها متغير عبالك غير وحده ، اني شلون هيج سويت بيها واني ادري بيها ماعدها شي وفقيرة بس ماكدر اثق بيها بعد شلون هيج تصدمني صدمة ، شسوي بيج يا حوراء لا بيه احبج وانسه الصار ولا بيه اكرهج واعوفج ، مااعرف شريد 😔

حوراء.. كعدت الصبح وفزيت فزة شفته متمدد يمي ، هذا شجابة هنا وشيريد 😣 اريد اكوم واخاف يحس عليه ويكعد ياربي شسوي ، بقيت جامده بمكاني شويه وخله ايده عليه وحضني ، كمت ارجف اريد انهزم منه ماكدر اباوع عليه وابقه وياه بنفس المكان ياربي خلصني

كرار.. كعدت لكيت نفسي حاضنها وهيه نايمه بقيت اشتم بيها ، اووف شكد ارتاحيت من شميت عطرها ردت الروح بيه ، خلي اكوم قبل لتكعد ماريد ابينلها حبي

حوراء.. حسيت بي بدة يصحه رأسا غمضت عيني وسويت روحي نايمة ، كام يشتم بشعري  واني ارجف بس لا هم 🔞

كرار.. كمت نزلت وشافتني امي وتخبلت ، كامت تحجي عليه ودكولي شسوي يم هاي العاهرة

يمه الله يخليج روحي طافرة منا مصيبتي ومنا فاتن رحمه الوالديج لاتصيرين أنتي هم ضدي البيه مكفيني ،

ام كرار.. ليش شبيها فاتن

كرار.. طلكتها بلكي ترتاحين

ام كرار.. ولك اطلك الشريفه العفيفه ومطلك الساقطة ام الزلم

كرار.. يمه شلون يعني اهج واخلص تعبت والله تعبت كافي رحموا بحالي لكم ياناس ياعالم اني هم بشر

حوراء .. سمعت كرار يعيط خفت ، يمه شراح يصير ليش يعيط

كرار.. اجه ابويه كام يحجي عليه وكال العصر تحضر نفسك وتجي ويايه ترجع مرتك

تسريع للأحداث..........

حوراء.. صار شهر ع موضوعي وفضيحتي محد بعد حجى  ، كرار رجع مرته بس شرطت عليه ميجي عليه ، اني بقيت شهر اخدم ومحد يباوع بوجهي ، ومرت خالتي مطينة عيشتي وكل شويه تهين وتعيرني واني ساكته ومتحملة ، طبعا زمن رجلها منعها تشوفني او تتصل بيه ، ومها امها وابوها ميخلوها تحجي ويايه او تكعد يمي خاف اعلمها ع سوالفي الموزينه إلي اني بنفسي مااعرف شسويت ،الكل يصيحوني« هيه لو انتي» ، اصلا نسيت عندي  اسم ، اتمرمرت بهل الشهر ، بس حيدر شويه زين ويايه صح اني ماعندي حجاية وياه بس ابد مسمعني حجاية تغثني لو ضوجني ، من تتعارك مرت خالي ويايه هو يدافعلي وميقبل عليها

كرار.. دك عليه حيدر

📞هلوو حيدر شلونك

📞هلو كرار الحمد لله، اكولك كرار تره حوراء صار فوك الشهر ايدها مچبسة تعال وديها يفتحوها الها

📞اليوم ماكدر عود باجر اوديها

كرار.. رحت ثاني يوم الصبح ع بيت اهلي ، وكلت الحوراء تلبس عبايتها اوديها للمستشفى،بقلمي ميديا الفهد

حوراء.. رحنه للمستشفى ، كعد الطبيب يفتح الچبس  وريحة الديتول والمستشفى تلعب النفس ، بعده يفتح بيها واني بعد متحملت وخرت ايده وركضت ع سطلة الزبل يم الباب وتقيئت كومه

كرار.. واكف انتظرها تخلص شو هاي دفعت الطبيب وكامت تستفرغ بالسطل ، رحت عليها

شبيج حوراء ؟؟

حوراء .. مابية شي لعبت نفسي من ريحة الديتول ، رجعت كمل الطبيب فتح ايدي ولفها باندج كالي عوفيها اسبوع بالباندج ، وسوي هذا التحليل وجيبلياه،

استغربت ليش عود اسوي تحليل هو كسر شعليه بالتحليل ،المهم سويت التحليل

كرار.. كعدنه ننتظر التحليل يطلع، وحوراء كاعده بصفي وتباوع ع ايدها،

شنو بعدها توجعج؟  بيج قصص من حياتنا M&T

حوراء.. اي شويه توجعني

كرار.. لزمت ايدها اريد اشوفها مورمه لولا

حوراء.. لزم ايدي واني رأسا سحبتها ودرت وجهي

كرار.. ضجت من سوت هيج، صاحوا اسمها حوراء امجد

كمت استملت التحليل ، ام المختبر كالتلي مبروك حامل 😳

منو الحامل ؟

الممرضه.. حوراء امجد ،هذا تحليلها والنتيجة حامل

بقيت بين المصدوم وبين الفرحان صار ست سنوات انتظر هاي اللحظه الي يصير عندي بيها طفل

حوراء.. راح كرار جاب التحليل ولزمني من ايدي واخذني للطبيب، ع كيفك كرار راح اوكع ، عوفني اني امشي

كرار.. طبيت للطبيب وانطيته الورقه ،

الطبيب .. مثل متوقعت ، حامل الدوة الكتبته الج ممنوع تاخذي مو زين عليج راح اكتبلج فيتامينات وفولك اسد يوميه حبايه الصبح ، وتراجعين طبيبة نسائية كل شهر

كرار.. ماصدكت بكلام الممرضه جريتها ورحت للطبيب وهم كال حامل ردت اطير من الفرحة

حوراء.. الطبيب يحجي واني واكفه مصدومه منو هاي الحامل

كرار.. اخذتلها العلاج ورحت افرح اهلي

حوراء.. رجعنه للبيت وبيت خالي كلهم كاعدين بالهول ، كرار مكيف لان اني حامل بس اني مافرحانه ،

كرار.. يمه البشارة حوراء حامل ، امي كيفت كامت تهلهل وتبوس بيه ، ابويه هم باركلي

حوراء.. ياربي شنو مصير هل الطفل خاف ينظلم ويايه لان امه بنظرهم وحده مو زينه 😔

كرار.. من الفرحة مااعرف شسوي اريد العالم كله يعرف راح يصير عندي طفل ، كلت الفاتن حسيتها مافرحت مو مهم المهم أني فرحان

تسريع للأحداث.....بقلمي ميديا الفهد

حوراء.. كرار بس اول اشهر فرحان وداير باله عليه ويومية يجي يشوفني، تعودت يومه اشوفه خلال اربع اشهر ، وراها كطع كام بس بيوم موعد الدكتورة يجي يوديني يعني اشوفه بالشهر مرة وحده جنت انقهر حيل ومنا مرت خالي ع نفس عداوتها ويايه تحاسبني ع كلشي ،

9 اشهر ولا شايفه زمن ولا سامعه صوتها گلبي يوجعني عليها رجلها حالف عليها يمين الطلاك اذا حجت ويايه ، رادت تعوفه بس اني حجيت وياها بالتلفون وكلتلها اني مصيري مجهول ،هاي قبل ماعرف إني حامل، ، كلتلها ابقي يم رجلج وابنج ومعليج بيه

كرار.. بالليل دكت عليه امي وكالتلي احنه باجر كلنه رايحين نزور ، وهاي راح تبقه حدها ، انت مو متقبل تبقى وحدها،

يمه اخذيها وياج واني هم راح اجيب فاتن ونجي

حوراء.. كالتلي مرت عمي باجر حضري نفسج راح نروح للزيارة

كيفت صار كومه ما زايرة ، مجنت ادري فاتن جاية ويانه

كرار.. كعدنه الصبح ،رحنه البيت اهلي اني وفاتن

حوراء.. كعدنة اني ومرت خالي حضرنه الاكل وترمز الجاي ، جان يدخلون فاتن وكرار ، ضجت من شفتها ، هيه مرتاحه وعايشه حياتها واني مذلوله وعايشه بالاهانات ، تباوع عليه ، اني هم ما سلمت عليها

كرار.. دخلنه اني وفاتن واباوع ع حوراء وفاتن وحده تريد تاكل الثانيه بالنظرات صدك ضراير

ابويه اخذ امي ومها وخواتي الصغار ، واني ويايه حيدر وحمودي وفاتن وحوراء

حوراء.. صعدت ويه كرار بعناد فاتن كاعدين وبيني وبينها حمودي ،

فاتن.. شلونه حسن ؟؟

حوراء.. صفنت عليها ياحسن هذا ؟

فاتن .. حسن ابني الي بطنج ، ليش ماكلج كرار اول مجيبين راح ياخذة منج ويسجله بإسمي😌

حوراء.. انتي شتحجين ، كرار هاي شتحجي والله ع جثتي تاخذون مني ابني ، الدنيا اگلبها عليكم

كرار.. كافي بس شكد تگرشن دوختني ،

فاتن.. ليش انت مفهمتها انو هذا الطفل الي ،انت مو هيج كلتلي ولهذا وافقت اجي بنفسي اخطبج اله

حوراء.. فاتن تحجي واني تخبلت اني احمل واتعذب وتالي هيه تاخذ ابني مستحيل،

نزلني هنا كرار تسوي اتفاقيات منوراية لان ماعندي احد يوكفك عند حدك هيج تسوي بيه ، كلشي احبة انسلب مني انوب لحكتوني ع روحي ، هذا الطفل روحي واني من سابع المستحيلات اتخلى عن روحي

حيدر.. كافي يمعودات شنو السالفه رايحين انزور لو نتعارك ،

.

كرار.. وصلنه والنار تطلع من عيون حوراء ، وفاتن لازمه ايدي وتمشي وحوراء ورانه كلساع اندار عليها وهيه تبجي

حوراء.. وصلنه شفت الامام الحسين كمت ابجي وانخيه ، انوب رحت ع امام العباس ، دخيلك يابو فاضل انظلمت هواي بهل الدنيا بستر زينب عليك اريد براءتي منكم انتو اهل البيت بجاهكم عد الله كون برائتي تظهر واريد اشوف حوبتي بكل واحد ظلمني 😭

سجاد.. رحت لكربلا ازور ،وشفت بنية تشبه حوراء معقوله هاي حوراء ، اي هاي حوراء، شبيها بلكوه تمشي

حوراء.. زرت ورجعت كعدت واقره دعاء وفاتن لازكه بكرار عبالك راح يطير 😏

طبعا كل شويه اروح للحمام بشهري وكل شويه انحصر ، رحت للحمامات ، كملت وطلعت واشوف واحد كبالي 😳 سجاد كمت ارجف

سجاد.. شلونج حوراء ، وين صفه بيج الدهر ؟

حوراء .. إني اتخيل لو هذا سجاد كدامي واكف ،بقيت صافنه واباوع عليه

سجاد.. حوراء من بعد مارحتي المصايب مافاركتنه وابويه اخرف واعترف بكلشي سواه بيج ، تندمت لان ماصدكت بيج

حوراء.. هو يحجي واني ابجي ،احس الدنيا تفتر بيه

سجاد.. احجي اي شي سبي اغلطي ليش ساكته حاجيني ،

حوراء.. شحجي وانتو هدمتوا حياتي ودمرتوها حسبي الله ونعم الوكيل عليك وع ابوك ان شاء الله حوبتي متتعداكم

كرار.. حوراء راحت للحمامات وأتأخرت ضل بالي عليها ،كمت اشوفها وين راحت وشفتها واكفه تحجي ويه ولد ، تخبلت ركضت عليهم ، بيج قصص من حياتنا M&T

حوراء.. سجاد يحجي ويايه ويكولي سامحيني غلطت بحقج ومااشوف الا كرار هجم ع سجاد ولزمه من ياخته

كرار.. لك انت منو وشعندك ويه مرتي ؟ احجي

حوراء.. العالم التمو علينه عفتهم وركضت ع حيدر صحته حته يجي انوب هذا هم لزم سجاد وكاموا يضربون بيه،

كرار.. اجه حيدر كلتله الزمه ولاتهده، حوراء واكفه لزمتها من ايدها ولج هذا منو احجي لا اموتج

حوراء.. هذا سجاد ابن ابو عزيز 😭

كرار.. تخبلت من عرفت هذا ابن الكلب ابو عزيز جلبت بيه كلتله ولك الله جابك الي من السما ولك صار اشهر ماخليت مكان مادورت بي ع ابوك اليوم شيخلصك مني

حوراء.. رجعنه للبيت وسجاد ويانه موتوا كتل ،

انجمعوا خوالي وحجة سجاد ع كل شي

والحمد لله ظهرت برائتي اهل البيت ماقصروا دخيلهم

كرار.. احجيلي ولك صدك ابوك هيج سوه بحوراء

سجاد.. اي صح ، بالبداية احنه منعرف بعملته وكال هنه يريدن يقشمرني حته ميدفعن أجار وصدكناه وره 3 اشهر اختي انهزمت ويه واحد وخلت راسنه بالطين ، بعنه بيتنه ورحنه لبغداد   وابويه كام يكول هاي حوبة حوراء ولي سويته بيها ، شويه شويه وفقد عقله  ،

كرار.. انت راح تبقه هنا منعوفك لحد مناخذ حق حوراء منكم ،

دك ع اهلك وعمامك يجون هنا ويقتص الي غلط بحق بنتنه، وكللهم الكم مهلة يومين ويجون واذا ماجوي انت تدفع ثمن غلطة ابوك

حوراء.. سجاد بالاستقبال يحجي واني واكفه وره الباب بس لشتي كلها تهتز ماعرف اوصف احساسي بذيج اللحظه، احس الله بعد هل تعب كله اخذلي حقي وظهر برائتي ، ربي الف حمد وشكر ربي من نصفنتني وظهرت برائتي ،

سجاد اتصل ع اهله وبنفس اليوم اجوي كرايبه شيوخ وعمايم وجايبين النكس ابو عزيز وياهم ، بدي اطب واموته بيدي حته الموت قليل بحقه ، كل عذابي وقهري بسببه كل الي صار بي ميكفيني ويريح گلبي ، شكد انضربت ونهنت وانبذت من الكل تسعة اشهر واني عايشه بقهر وذل الموت اهون عليه من الي شفته بحياتي امي ماتت بسببه   وانحرمت من اختي حبيبتي ، اوف ماكدر اصبر اريد اطب اموته اريد اشلع عيونه بيدي ،

كرار.. دخل ابو عزيز إني مااعرفه كلتله منوه ابوك ، كالي ابو دشداشه الجوزي ، كمت عليه موته دك بوكسيات بلكوه شلعوني منه دميت وجه ، ولك بسببك تدري شسويت بمرتي وحبيبتي ماصدكتها وهنتها وضربتها ورادت تموت بيدي منورة عملتك السودة ولك اليوم اشرب من دمك ، اني احجي واعيط واضرب بي وهو يضحك ويعيب بلسانه ، طلع صدك فاقد عقلة ومخرف ،

حوراء.. سمعت عياط وضرب وخالي يصيح ع كرار عرفت بي ضرب ابو عزيز ، اوف اي اخذلي حقي منه الكلب النذل ،

صار حجي وفصلوهم بمبلغ جبير ، اني ميهمني لا فلوس ولا غيره الي يهمني برائتي الي ظهرت هاي اغلى من كل فلوس الدنيا ،

وفصلوهم مرة ،طبعا فصل المرة شي شكلي بس كدام العالم انو احنه كسرنه خشومهم بس لا خوالي اخذوا مرة منهم ولاشي ،

كرار.. بعد الي صار مااعرف شلون حوراء راح تسامحني ، المفروض مااتسرع واصدكها بس هيه وصلتني لهل مرحلة من بقت ساكته يمكن لو صارحتني من البداية جان صدكت بيها وكفت وياها ، الله يلعنك ياالشيطان ،

حوراء.. راحوا بيت ابو عزيز بس تمنيت يسلموه بيدي حته اشرب من دمه الخسيس ،

اجة كرار وشايل كومه فلوس ونطانياهن ، كلتله شنو هاي

كرار.. هذا حقج

حوراء.. اخذهن الك اني حقي رجعلي بيوم ظهرت برائتي كدام الكل ماريدهن

كرار..صعدت الفلوس بغرفتها وصحتها حوراء تعالي

حوراء.. صعدت بس صدك بعد إلي صار احس نفسي مااحتاج الاحد رجعت حوراء القوية الي ما عندي شي اخاف منه

ها كرار شتريد

كرار.. تعالي كعدي هنا اريد احجي وياج

حوراء مااعرف راح تسامحيني بعد كل الي صار لو لا بس ثقي بالله الي سويته بيج غصبا عليه ماكو رجال بالدنيا يتحمل انو مرته تطلع مو بنية ويكتشف بنفسه يمكن لو حاجيتلي جان ماصار الي صار

حوراء.. 😏 يمكن مو ، بعد إلي صار صار الزمن بعد ميرجع ليورة ، اني مسامحتك ع كلشي سويته بيه ، بس عمرك وحياتك ماراح تكون زوج إلي انت مجرد أب الهذا الي بطني

كرار.. حوراء تدرين بيه احبج واموت عليج انطيني فرصه اعوض عليج والله اعيشج احسن عيشة

حوراء.. كرار صعب ماكدر ، احجي وياه واحس بألم مو طبيعي اصلا من سمعت صوت ابو عزيز واني بطني كامت توجعني بس ع كيف عبالي من الخوف اتشنجت بطني بس كام الوجع يزيد كمت اعيط وكفت ع حيلي

كرار.. احجي وياها وكامت تعيط وتصيح بطني ، وكفت ومي جواها كمت اصيح ع امي عبالي بيها شي ،

ام كرار.. يمه جيب الجنطة مال ملابس الطفل مرتك راح تجيب

كرار.. دكولي مرتك تريد اجيب كمت مااندل طريقي انخبصت واروح منا واجي منا ، وحوراء بس تعيط ، لبستها امي العباية وصعدتها بالسيارة ورحت للمستشفى واكف انتظر برة شو ذوله أتأخروا يارب شوكت تطلع امي متت خوف ، بقيت الوب شويه وامي احتي وشايله بيدها ابني ، شلته ممصدك كبرت بإذنه

حوراء.. شفت الموت بعيني الله يساعد امهاتنة صدك اصعب شي بالدنيا الولادة ، بس من جبت وشفت الطفل خلوه بحظني كلشي نسيت يمه يخبل مثل الملاك ويشبه ابوه نسخة من كرار يخبل ، طلعوني خلوني بغرفه وحدي كلش حلوة اصلا المستشفى اجنن وخاصة بس للولادة ، كرار يمي شايل الطفل وباس راسي ومرت خالي فرحانه واني اضحك بس شنو الفايدة هاي فرحتي طولت اسبوع واحد ، ممكتوبلي الفرح ويه مرارة الايام الي معيشتني بتعاسة ووجع

كرار.. مر اسبوع وفاتن خبلتني تريد الطفل ماعرف شسوي ، دكولي انت وعدتني انت مو؟ رجال كون كد كلمتك ، وسجل الطفل بإسمي ، حوراء تكدر تخلف بعد وتصير ام مرة ومرتين وتلاثه بس اني ماكدر اصير لاتحرمني من هذا الاحساس ،

انقهرت عليها بس شلون اقنع حوراء وماصدكت رضت عليه وسامحتني ،

حوراء.. كاعدة بالغرفه ابدل بعلاوي يمه شلون حلو وناعم اريد اخلي بگلبي وماطلعه منه ، صعد كرار بس وجه مو طبيعي كالي جيبب علاوي فاتن تريد تشوفه

كلتله مانطيك ابني تريد خلي هيه تجي  تشوفه مستحيل انطيكياها ،

كرار.. حوراء ادري بيج انتي عاقله وفاهمه ، خطية فاتن راح تموت ع مود ريحة طفل والله تحبه وتشيله بعيونها ، وانتي تكدرين تخلفين غيره والله شتريدين انطيج حته بيت اذا تريدين اسجله بإسمج

حوراء..كرار انت صاحي دتشوف نفسك شتحجي ولك شايلته بطني 9 اشهر تريد تاخذة مني ، ولك ليش هيج تسوي كل ما اكول يحبني وتغير تطعني الف طعنه ليش هيج تسوي، اني بشنو اذيتك حته هيج تأذيني ،

كرار.. حوراء قابل راح ابيعه هو ابنج ويبقه ابنج مجرد ما فاتن تربي واصلا افكر ابيع البيت واشتري واحد اكبر واقسمه وكل وحده منجن بيت ، يعني هو يمج  يبقه تكسبين أجر بهاي اليتيمه

حوراء.. اني هم يتيمة وماريد اكسب اجر ، ابني  عزيز ع گلبي مانطي 

كرار.. لج ليش متفهميني هو راح يعيش وياجن نفس البيت ، حوراء والله تعبت من المشاكل اريد ارتاح واستقر كافي شحططه انتي بمكام واني بمكان كافي اريد ننجمع بيت ونستقر، انتي متريدين تستقرين ويصير عندج بيت وبراحتج تعيشين بيه بدون مااحد يضوجج

حوراء.. كرار عليه لسان واسلوب ، خلاني اوافق وفعلا اشتره بيت جبير وقسمه واثثه ، دخلت للبيت يجنن الأثاث حلو ، علي بحضني وفاتن اجتي عليه سلمت وبوستني استغربت بس ادريها بيها مو ع مودي ،

بالبداية شويه تاخذة والليل  يمي ع هذا الحجي شهر واحد كامت تنطي ممه الصبح وبالليل يخبلني ميقبل يرضع مني يريد ممه كطع صدري وبقه ع الممه

كرار.. حوراء والله دخت خلي اودي يم فاتن هيه تعرف تسكته ولج والله مشتاقلج متحسين

حوراء.. بدة يسوي نفسه يضوج  ومجلب يمي ميروح يم فاتن مادري هاي خطة عليه حته ياخذون ابني مني ، اكوله سويله جنسيه وهو يوميه يكولي اي وميسوي ، مر شهرين وطلعت حامل كله نعسانه ومالي خلك اريد بس انام ولعبانه نفسي ،بقة علاوي يم فاتن قليل يجي يمي لان مالي خلك نساوتي قوية ، عدت ال3 اشهر علاوي صار عمرة 6 اشهر كام ميريدني يستغرب مني ويضل يبجي ، اموت قهر واني اشوف ابني فرحتي الاولى وهو ميريدني ويستغرب مني مرت الاشهر وبالصدفه شفت المستمسكات ولكيت جنسية علاوي ومسجل بإسم فاتن تخبلت كمت ادك والطم ،بقلمي ميديا الفهد

كرار.. نايم الظهر واسمع حوراء تبجي وتعيط ،عبالي بيها شي ركضت شفتها كاعده بالكاع ومحفظتي بيدها ، اووف ، حضنتها كامت ادفع بيه وتضرب بقت شهر متحجي ويايه ،

حوراء.. علاوي ميريدني ويبجي وكرار ماكدر اباوع بوجه صح ممقصر ويايه ومعيشني احسن عيشة بس ماكدر انسه غدرة وشلون اخذ ابني مني ،

بااليل نايمه واجتني الطلوكه دكيت ع كرار وداني للمستشفى وجبت احمد صح فرح بس مو مثل فرحتي الاولى الي متهنيت بيها ، اتأقلمت ويه الوضع الجهال كبروا جهالي اثنينهم يصحولي ويصيحون لفاتن ماما ، كرار يوم يمي ويوم يم فاتن  ، مصدكون اذا كلتلكم اني وفاتن صرنه مثل الخوات تحب جهالي ومساعدتني بيهم اعتبرت نفسي هديتلها علاوي ، 

مها تخرجت وتزوجت، وزمن صار عدها بنيه تخبل وحجزتها الاحمد هههههه ، حيدر رجع لبغداد واتزوج واستقر هناك ،

فلوس الفصل مال بيت ابو عزيز تبرعت بيهن كلهن للأيتام بثواب روح امي وابويه ،

هسه عندي احمد وبنين ، صح علاوي ميعرف اني امه بس يحبني ويحب اخوته بس بقى علاوي حسره بگلبي

…………………………………………………………………………………

لهنا وخلصت قصتنا مرارة الايام، صح قصة حزينه بس بيها هواي مواعض وعبر ،اتمنى استفاديتوا من القصه ومتكون مجرد قصة عابرة مرت عليكم، وانو مو كلشي نسمعه او نشوفه نصدكه وبالتالي نظلم الي نحبهم ،لازم نحكم عقلنه، ومن انحب لازم منخلي العاطفه تاخذنه المكان الغلط، قراءة ممتعة أعزائي ربي يحميكم ويحفظكم من كل شر،

انتظروني بقصة جديدة ورة العيد ،، الكاتبة #ميديا_الفهد