الفصل الثامن والعشرون

رواية ليتها تكون لي الجزء الثامن والعشرون 28 بقلم فضة الشرقاوي ليتها تكون ليرواية ليتها تكون لي الحلقة الثامنة والعشرون _كانت وعد في هذه المرة تحاول أن تفكر هل توافق أم لا هل ستخوض التجربة ثانيا أم لا ؟ حسمت وعد موقفها بالموافقه النهائيه . _استأذنت غزل ودخلت إلي الغرفه وقالت:ها وافقتي _وعد بتردد:اه _غزل :إنتِ اللي متردده ي دكتورة يا اللي بتعالجي الناس

_وعد :أنا قبل ما أكون دكتورة أنا بشر ،وزي ما بساعد الناس أكيد في وقت هاجي وهقع وهحتاج اللي يساعدني مفيش إنسان ما بيزعلش علي التجربه ،مش عشان دكتورة نفسية وبعالج يبقا هعرف أعدي الموقف بالسهولة اللي إنتِ بتتكلمي بيها دي . _غزل باقتناع :عندك حق ،بس أنا عاوزه البس فستان _وعد بابتسامة:اطلعي بره _غزل:خلاص خلاص هسكت ،بس أنا لسه خايفه _وعد:الموضوع بسيط غلطتي وندمتي ولو جه هنقف كلنا جنبك ما تخافيش . _غزل:هو الموضوع عادي بجد

_وعد:إنتِ عارفه وأنا عارفه إنه حرام وأول حاجه تعمليها إنك تتوبي لربنا،بس وربنا هيدبرلك كل حاجه بعد كده. _غزل بتردد:متأكده _وعد بابتسامه:متأكده خليكي واثقه في ربنا بس _غزل :يارب ،مش هتروحي شغلك _وعد:هو بروح دلوقتي يعني _غزل:تصدقي صح _خرجت غزل من الغرفة وهي ما زالت خائفه من مستقبلها المجهول الذي لا تعرفه . ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

_عند رولا _أمسكت بهاتفها وبدأت في التحدث مع غزل _غزل بابتسامة:السلام عليكم لسه _رولا:وعليكم السلام ورحمه الله وبركاته ،لسه فاكره كويس _غزل بابتسامة:أمال هخليني ناسية علي طول لازم أبدأ بالسلام _رولا:عامله إي دلوقتي _غزل: الحمدلله كويسه،وم تسأليش خايفه ولا لا عشان طبيعي خايفه _رولا:ربنا هيدبرها المهم إن عرفتي غلطتك فين _غزل باستنكار :هو أنا بغلط ؟ إنتي عارفه إني ما بغلطش _رولا:لا طبعا عيب عليكي عمرك ما بتغلطي

_غزل:بس دي غلطه كبيرة مش صغيرة،مش قادرة أتخطي اللي عملته ،ربنا يسامحني _رولا بحزن :هيسامحك إن شاء الله _غزل وهي تمسح دموعها:المهم إنتي عامله إيي _أخذت رولا نفسا عميقا وقالت بانكسار :كويسه _غزل :متأكده _رولا ببكاء هستيري :لا ، مش كويسه ومش عارفه أبقا كويسه _غزل والدموع تسقط من عينيها هي الأخري:اهدي يا رولا خير إن شاء الله،في إي اتكلمي ما تسكتيش

_رولا :مش عارفه أكون كويسه مش عارفه أتخطاه ،مش عارفه أعمل إيي هو أنا أذيته أنا اتنازلت عن حاجات كتير عاوزاها عشان بحبه هو في أقرب محطه سابني أنا معملتش حاجه فيه بس هو عمل إيي ،عارفه إن كلامي ملخبط بس إنتي فاهماني صح . _غزل :فهماكي اتكلمي أنا بسمعك _رولا وهي تأخذ نفس عميق :مكنتش مستنيه منه أي تنازل والله أنا كنت بحبه بجد من قلبي ،كان فيها إي لو مكنش خطبني أصلا ،أنا مأذتهوش في حاجة والله،وأطلقت العنان لدموعها _غزل

بحزن :م تعيطيش حقك عليا أنا محدش يستاهل دموعك ،أنا مش عارفه أقولك إي والله بس إنتي قولتي والله ما هرجعله بدأتي تحني تاني . _ردت رولا مسرعة وهي تكفكف دموعها: والله لو آخر يوم في عمري ما هوافق ،هو لو كان بيحبني مكنش هيسيبني ،مكنش هيبص لغيري ،عينه مش هتشوف غيري أصلا. _غزل :يبقا لازم تشغلي وقتك ما تفكريش فيه حاولي تتخطيه _رولا بنبرة يطغي عليها الحزن :حاولت والله بس مش عارفه ولسه بحاول وهفضل أحاول لحد ما أنساه فعلا . _غزل

بتفكير:طب ما هو عرف إنه بيحبك ما ترجعيله بقا _ألجمت الصدمه رولا وقالت بصدمه:أرجعله؟ عشان يكسرني تاني _غزل وهي تلوم نفسها علي هذه الكلمه فهي تعرف أنها لن تعود وقالت : مش قصدي اللي قصدت إنك تديه فرصه تانيه بس،وهو عرف إنه بيحبك ومش هيسيبك تاني _كفكفت رولا دموعها وقالت بثقه : والله لو بيحبني مكنش هيروح يحب غيري ،والله لو جاء لي بنجوم السماء لا أريده لقد أذي قلبي وأذي القلب لا يغتفر. _غزل

بتفكير: طب حاولي تسامحيه وإنتي هتنسيه . _رولا :اسمها لو نسيته هسامحه _حاولت غزل الخروج من هذا الحوار لتخفف عنها وقالت :بس احنا بنتنا إي هتنساه عشان هي استرونج _ابتسمت رولا ابتسامه بسيطه وقالت : الامتحانات قربت بقا هتذاكري امتي _غزل :يمكن يوم يمكن أكتر لسه بفكر _رولا بابتسامة حزينه:يارب توصلي بالسلامه _وأكمل الاثنان حديثهم وانتهت المكالمه …. _”والله إن جئت حاملاً لي القمر بيديك لا أريدك “♥️ _فضه الشرقاوي

_ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ _كانت تسير عزيزة من مكان إلي مكان وهي لا تري أمامها من كثرة البكاء ،ذهبت إلي أكثر من محامي ورفض القضيه ويخبرونها بأنه معدوم لا محاله ،ولا فرصه عنده غير التوبه ،أما هي فلم تيئس وتعلم أن هناك من سيقبل بهذه القضيه،وأخيرا تم قبول القضيه من قبل محامي مبتدأ يريد أن يكون له اسم كبير من المحاميين ….

_وأخيرا ذهبت إلي منزلها وجلست أرضًا تطلع إلي كل ركن من أركان المنزل

بحزن وقالت وهي تبكي بشدة :البيت رجع حزين تاني من بعدك يا ولدي ،لي تعمل فيا كده ده أنا ربيتك أحسن التربيه،كان نفسي تكون إنتَ الولد الصالح اللي يدعيلي بعد ما أموت أنا وأبوك ،كان نفسي تطلع راجل …راجل بجد مش أطلع بلطجي يقتل في الناس ،وأصعب حاجه في الدنيا تقتل بني آدم تحرق قلب أم لكن دلوقتي يا ابني أنا اللي قلبي محروق عليك ،هما نارهم هتبرد بمجرد إعدامك لكن أنا ناري هتخليها العمر كله . _كانت عزيزه

تردد بتوسل وتناجي ربها :يارب يارب ….يارب …يارب سامحه يارب سامحه _ظلت عزيزه تجلس في مكانها طيلة هذا اليوم وليس علي لسانها سوا الدعاء لولدها . -وليكُن قلبك قلب مؤمِن؛ إن عصى الله تألم . ــــــــــــــــــــــــــــــــــــــــــــــــــــــــــــــــــــــــــــــــــــــــــ _استيقظت نورين من نومها علي صوت والدها وهو يوقظها . _نورين بنعاس: صباح الخير _إسماعيل وهو يطالعها بحب : صباح النور ،أنا آسف سامحيني _قامت نورين

باحتضان والدها وقالت:يا بابا أنا مسامحاك والله ما تعتذرش تاني _إسماعيل بحزن:أنا فاكر يوم ما طلعتك قولتيلي عمري في حياتي ما هسامحك . _ابتسمت نورين وقالت :من أول مرة كلمتني فيها والله سامحتك،كنت بدعيلك دايما والله وربنا استجاب وأنا فرحانه إنه استجاب دعائي يا بابا. _لم يتحدث إسماعيل ودل يبكي بحرقه ويتذكر ما فعله بها ،وبكت نورين هي الأخري _نورين وهي تمسح دموع والدها: والله يا بابا مسامحاك _إسماعيل

وهو يعتدل في جلسته :ربنا يرضي عنك ويديمك ليا _نورين بابتسامه:ويديمك لينا يا بابا _إسماعيل بتوتر وحزن: ونداء _نورين بتساؤل :عاوز تكلمها _إسماعيل :مش هتوافق تكلمني _نورين بابتسامة:هتاخد وقت بس هتسامحك يا بابا هي قلبها طيب وهتسامحك . _إسماعيل بحزن:عمرها ما هتسامحني يمكن أذيتها أكتر منك _نورين بابتسامة:ما تقولش كده هحاول أخليها تسامحك _إسماعيل :هجيبلك تاكلي بقا عشان تاخدي دواكي ،وتعرفيني كل اللي حصلك الفترة اللي فاتت

_نورين :حاضر _خرج إسماعيل من الغرفه وطلبت نورين رقم نداء . _أجابت نداء علي نورين وهي في حالة سيئه:ازيك _نورين: وحشتيني _نداء ببكاء :أنا قولتلك تعالي معايا كنت عارفه إنه هيعمل حاجه بس إنتي رفضتي ،هو عاوز يأذيني عاوزني أكون معاه وأشتغل خدامه بس والله مش هسكت تاني والله لأدفعه التمن _نورين بحزن:اتطلقي وسامحيه لي تدفعيه التمن ! في ربنا أحسن من الكل. _نداء

بقهر :عاوزه أبرد نار قلبي أنا عمري ما أذيته وكنت جنبه دايما ومستنيه رپنا يصلح حاله ،وهو في النهاية بيحاول يعمل إي ولا حاجه وبتقوليلي أخد تمن إي ،عاوزه أخد تمن عمري اللي ضاع ساعتها هرتاح . _حاولت نورين الخروج عن الموضوع وقالت :إي رئيك تيجي البيت ي نداء هنا بيتنا _نداء بنفاذ صبر:لا مش هاجي أنا اتأذيت من أي حد قريب مني إلا ماما وأكملت ببكاء بس خلاص هي مش هترجع تاني ،كنت عاوزه أموت قبلها أنا ما أقدرش أعيش من غيرها _بكت

نورين وقالت :ربنا يرحمها ادعيلها بالرحمه _نداء بصوت متقطع:مش قادره أتخيل إن خلاص بتخيلها في كل ركن والله. _نورين ببكاء:ربنا يرحمها ويصبرنا علي فراقها ،تعالي البيت _كفكفت نداء دموعها وقالت :قولت لا يعني ،هو آذاني يوم ولا أسبوع ولا شهر ده آذاني عُمر كامل. _نورين بتوتر:طب كلميه تليفون بس…. _لم تكمل نورين ما تريد قوله حتي أجابتها نداء بعصبيه :مش عاوزه أكلمه مش مسامحه خلاص بقا ارحموني .

_حاولت نورين تهدئتها ولكن دون جدوي لقد تعرضت لضغط كبير في هذه الفترة فقامت نداء بإغلاق الخط ،وخرجت من الغرفه كان محمد يجلس علي الأريكه. _نظرت له نداء نظرة احتقار من رأسه إلي قدمه وقالت بعصبيه:إنتَ عاوز مني إي ،عيالك وما بتحبهمش وأنا ومش طايقني بترجعنا لي ،ولا مش لاقي حد يشتغل _أجابها محمد ببروده المعتاد:قالت أنا كلمتك مكالمه عبارة عن دقيقه إنتِ اللي جيتي بمزاجك محدش جبرك . _تساقطت الدموع من عيني نداء ولم تتفوه

بأي كلمه فأكمل هو حديثه :إي أنا رنيت غير مرة وقولتلك ارجعي بس وإنتِ ما صدقتي وإنتِ عارفه إني مش بحبك. _نداء بصدمه:خلاص بطلت بتحبني _ظهرت ابتسامه علي وجهه وقال: بطلت…لا أنا عمري ما حبيتك أصلا ،إنسان وعاوز يتجوز ويستقر بس،هو إنتي مفكراني فاضي للحب وكلام الصغار ده _كانت نداء تقف تسمع كلامه والدموع تتساقط من عينيها وهي غير مصدقه ما يقول فقالت :بتضحك عليا ازاي ،هو كمان الحب بيتمثل . _ابتسم

وقال:لا انتي اللي هبله بتصدقي أي حاجة وصدقتي إني اتغيرت هو هتغير من يوم ولا إي ،وضحك بشده وهي تنظر إليه بصدمه _اقتربت منه نداء دون وعي منها و هي تمسك برقبته ولكنه دفعها بعيدا عنه وقال بابتسامة :إي ده هتقتليني عندك السكينه في المطبخ ،وخرج من المنزل وتركها

_جلست تبكي بحرقه زفرت بضيق وحزن يعبر عن حالتها و علي ما اكتشفته فكانت تتحمل كل هذا لأنها تحبه وهو يحبها ولكنها اكتشفت أنه لا يحبها أبدًا ،وفي هذا الوقت خرج أطفالها من الغرفه وجلسوا بجوارها _بكي حمزه وقال:ماما تعالي نمشي أنا بكره بابا ده أوي _عائشه:وأنا كمان يا ماما ،تعالي نبعد عنه هو وحش بيزعل ماما _ضمتهم نداء إليها وقالت:هنمشي يا حبايبي هنمشي مينفعش نقعد أصلا هنا تاني . وَعوضهُ إذا حَل أنساك ما فقدت !

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ _كانت ريتال تحاول أن تتخطي تجربة يوسف بسرعة حتي يساعد في تعافيها السريع ،”هي لم تنساه لا أحد ينسي من أحب بسهولة ” _استأذن الظابط للدخول عند ريتال ليسألها مرة أخري عن هذا الحادث . _الظابط :السلام عليكم _الجميع:وعليكم السلام _الظابط بجديه:ممكن اسأل ريتال شوية أسئله

_كريم:طبعا اتفضل اقعد _الظابط :كانت محاولة انتحار _ريتال بابتسامة:لا والله هو حد يحب إنه يخسر آخرته بسبب تصرف في وقت غلط ،احنا جينا الدنيا عشان نعيشها صح ونعمل لآخرتنا . _الظابط : يعني محاولة قال مقصوده _ابتسمت ريتال وقالت:أنا متنازلة عن القضيه دي _نظر لها الظابط باستعجاب وقال:تتنازلي! ده كان هيقتلك _ريتال :القتل مش عمد وأنا متنازلة ومسامحه _كريم:هتضيعي حقك _ريتال:هو أكيد مكنش يقصد _استدار الظابط إلي كريم وقال:أتنازل

_كريم:اتنازل هي عاوزه كده خلاص . _اعترضت والدة ريتال بشدة وقالت:تتنازلو عن إي دي حياة بني آدم ودي بنتي وأنا عاوزه حقها . _كريم :بنتك مسامحه ومتنازله ،وده قتل خطأ يعني مش هياخد إع..دام ولا م..ؤبد حتي _اختلف الثلاثه علي الرأي وكل منهم مصمم علي رأيه . _الظابط بعصبيه :عندي شغل أما تخلصوا خناق هجيلكم القضيه موجوده لو عاوزين تتنازلو ابقو تعالو اتنازلو ،وتركهم وغادر .

لا تدري لعل ما فقدته يعود لك بشكل دائم وفي أحسن الظروف ..اصبر 💛 ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ _كان جاد ما يزال يجلس في منزله يفكر ما يجب عليه فعله فكان يشعر بأنه تائه ولا يعلم ماذا يفعل . _وفي الجانب الآخر كان شريكه في الملهي الليلي طلب هاتفه كثيرا لكنه كان مغلقا فقد وقع من الهاتف في سيارته.

_كان جاد في عالم آخر يفكر في حياته وفي ما قاله الشيخ ،حتي أنه لم ينتبه أن صديقه دخل ٱلي المنزل وأصبح أمامه . _محمود بخوف :إنتَ كويس _جاد بانتباه :لا مش كويس لكن عاوز أبقا كويس نفسي أبقا كويس _محمود بعدم فهم:بتقول إي _كان جاد يعلم أن محمود لم ولن يساعده أبدا _فأجابه جاد:آه كويس بس عاوز أرتاح شويه _محمود بتساؤل:إي اللي عمل فيك كده إنتَ مش كنت كويس _جاد :أما ارتاح هحكيلك اطلع عاوز أنام

_محمود :طب احكيلي طيب حصلك إي طمني عليك _جاد :عاوز تطمن أنا كويس . _محمود باستغراب:متأكد إنك كويس مش حاسس إنك مخبي حاجه عليا _جاد بعصبيه :قولت مش مخبي اطلع بقا .. _خرج محمود من الغرفه وهو حزين وهو لا يعرف ما أصاب صديقه . _ظل جاد طيلة اليوم بهيئته هذه لم يأكل ولم ينام لقد أخذ كلام ذاك الشيخ تفكيره كله . _في آخر اليوم وفي ميعاد عمله ذهب إليه محمود وقال:مش هتيجي الشغل _جاد ببرود:تعبان مش نازل _محمود

باستغراب:من امتي ده دايما بتكون تعبان وبت… _لم يجعله جاد يكمل حديثه وقال بعصبيه:قولت مش هقدر إي ما بتفهمش _خرج محمود من الغرفه ثم من هذا البيت راقبه جاد حتي خرج وركب سيارته،انتهز جاد الفرصه ونزل من البيت هو الآخر وسار في طريقه …… ليست الأمراض في الأجساد فقط بل في الأخلاق، لذا إذا رأيت سيء الخلق فَادعُ لهُ بالشفاء و احمد الله الذي عافاك مما إبتلاه!

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ _ذهبت ريما إلي عملها وبدأت تفهم العمل الذي ستعمل به،لكنها ما زالت خائفه من أن يراها أحد ،تخاف من الأذي التي ستتعرض له ،كانت تطمئن نفسها دائما بأنها اختارت الطريق الصواب وأنها إذا ماتت سوف تكوت علي هذا الطريق ،طريق الحق الذي أصبح الكثير يجهله .

ــــــــــــــــــــــــــــــــــــــــــــــــــــــــــــــــــــــــــــــــــــــــــ