الفصل الرابع والعشرون

رواية ليتها تكون لي الجزء الرابع والعشرون 24 بقلم فضة الشرقاوي ليتها تكون ليرواية ليتها تكون لي الحلقة الرابعة والعشرون _عند ريان _أثناء عودته للمنزل أمسك بهاتفه وطلب يعقوب وقال له:هنتقابل النهارده بليل هعملك كل اللي إنتَ عاوزه _يعقوب بشك :ولو حسيت بغدر منك _ريان:بلغ عني البوليس _يعقوب بابتسامة خبيثه :هو ينفع ابلغ عن شخصيه وهميه _علم ريان أنه يبدأ في تنفيذ تخطيطه وأنه سوف يفضحه بالفعل إذا لم يعطيه المبلغ المطلوب منه

_ريان بعصبية:أنا هوصل بعد ساعتين ،بعد ساعتين تكون قدامي في نفس المكان _يعقوب:ده مكانك إفرض عملت ليا حاجه _ريان:هو اللي عاوز يقتل حد هيقتله ساعة المغرب يعني لازم يكون بليل . _علم يعقوب بعد حديث ريان أنه معرض للخطر ،فهذا المكان لا يوجد بها أفراد فالمنطقه بعيدة تماما عن منطقة السكان . _يعقوب:تمام بعد ساعتين هكون عندك _أكمل ريان طريقه وهو يتوعد ليعقوب وعلي ما قاله وأنه سيفضحه بالفعل لا بد من إنهاء حياته .

_وصل ريان إلي المكان المحدد ووجد يعقوب بانتظاره . _ريان:تعالي اركب _يعقوب:حاضر _وذهب يعقوب إلي سيارة ريان وجلس علي الكرسي المقابل لريان وأغلق الباب . _ريان:بقا أنا بعد ما نضفتك عاوز تفضحني ده إنت مكنتش لاقي رغيف العيش ونضفتك عشان تبقي تحت رجلي طول العمر مش بمجرد ما تترفع تعلي عليا أنا وتهددني. _يعقوب ببرود : محدش نضفني أنا نضفت نفسي إنت جيت عرضت عليا الشغل وأنا قبلت يبقا أنا اللي نضفت نفسي _نظر

له يعقوب بشر وقال:ويوم ما تفكر تغدر بيا هكون أنا غدرت بيكي . _ريان:مش هتقدر ده أنا اللي عملتك ي بني آدم وأنا اللي بفكرلك فعمرك ما هتسبقني _يعقوب: أنا كنت بخطط معاك لو فاكر _ريان :وأنا النهارده مستغني عن خدماتك _يعقوب:هلاقي ألف يشغلني . _أخرج ريان المسدس من جيبه وقال:للأسف مش هتلحق _نظر له يعقوب بخوف:إنت أكيد بتهزر صح مش هتقتلني _ريان بابتسامة:أنا قلبي ميت وإنت عارف . _فوجئ ريان بسيارة البوليس ورجال الشرطه يحاوطونه .

_نظر ريان إلي يعقوب بغضب وقال:بلغت البوليس عليا تمام _لم ينتظر ريان وضغط علي زناد المسدس ….. ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ _عند نداء _نورين بعصبيه:إنتي اللي ماشيه من دماغك ما بتسمعيش الكلام أنا قولتلك مش هيتعدل _نداء ببكاء :طب أعمل إي قوليلي لو قولت طلقتي هياخد عيالي مني

_نورين:أما ريان يجي هبقا أتكلم معاه بس مش عاوزه أتكلم معاه أصلا بس هو الوحيد اللي هيجيبلك حقك وأقوله ،وإن شاء الله خير . _نداء :بسرعه أنا مش هقدر أتحمل أقعد مع البني آدم ده دقيقه واحده بعد النهارده. _نورين بسخرية :مش عارفه إي الفايده إنك تتجوزي واحد كبير وأكبر منك بكتير طبيعي تكون دي النهاية ،لي ما تتجوزيش واحد الفرق بينكم يكون بسيط تقدرو تتفاهمو؟ _نداء:اللي حصل بقا _نورين :كلمتي بابا _نداء

بعصبية:قولتلك مش هسامحه مستحيل _نورين : يعني مسامحه جوزك ومش مسامحه أبوكي ده مهما عمل فيكي بيفضل باباكي ولازم تسامحيه _نداء:نبقا نشوف الموضوع ده بعدين _نورين : دلوقتي _نداء:سلام يا نورين _وأغلقت نداء الهاتف وظلت تنظر إلي أطفالها وهم يلعبون حولها ،وتفكر فيهم وكيف ستجعلهم يستمرون في حياتهم بدون أب مثلها تماما وكأن الزمن يعيد نفسه من البداية ،وقالت

لنفسها:هو هحرمهم من أبوهم زي م أنا اتحرمت منه أنا مش عاوزه عيالي يعيشو نفس حياتي ،عاوزاهم يعيشو في عيلة مستقرة ،استقرار مش مادي معنوي بس ،وده هيخليهم أحسن ناس في الدنيا ،بس ده مش أب يقدرو يعيشو معاه الاستقرار ده ،كان نفسي أختار صح ،عشان عيالي بس ،ياريته بيعامل عياله حلو وبيعاملني أنا وحش وكنت اتحملت،إنما ده مفيش رحمه لعياله حتي ،وأخذت نفسا عميقا وقالت يارب. _دق محمد الباب

ودخل إلي الغرفه وقال :إي هو هتخليكي محبوسه هنا كتير ولا إي . _نداء: أنا براحتي في بيتي _محمد:مش بيتك لوحدك _نداء بسخرية:أمال فين العروسه ولا سابتك وطفشت من قرفك،هي لحقت _محمد ببرود:لي بس يا قمر هو حد عايش زيك أحسن عيشه _نداء:دي عيشه هباب مش عاوزاها _محمد ببرود:عادي ممكن تسيبي العيال واطلقك وأمشي وحرمي المصون هتربيهم _نداء:إنتَ اتجننت إنت عاوزني أسيب عيالي لمرات أبوهم تربيهم ،ده لا يمكن يحصل في أحلامك حتي

_محمد:يبقا لسانك ده يتقص وصوتك يوطي مش عشان سيبتك يومين بمزاجك تيجي هنا تعلي صوتك ،ولا هي ماما وصاتك قبل ما تموت عشان تترمي في الشارع وتبقي مطلقه زيها _نداء بعصبيه:أنا سيرة أمي ما تجيش علي لسانك أني أحسن واحدة في الدنيا وهي السبب إني أرجعلك تاني ياريتها عايشه وسمعت كلامك ده ،عشان تقتنع إنك عمرك ما هتتغير _جذبها من شعرها وقال:قولت وطي صوتك ما تخلنيش أربيكي من أول وجديد يا محترمه ،وكان الاطفال يبكون ويقفون إلي

جانب والدتهم محمد بعصبيه:ما تسكتو بقا إي القرف ده وتركهم وغادر الغرفة. _جلست نداء وضمت أطفالها إليها وظلت تيكي بحرقه علي ما قاله محمد ،عاد محمد مرة أخري وقال:علي فكرة أنا ما اتجوزتش التالته أنا كنت عاوز أكسرك وأشوفك وإنتي مكسورة وكرامتك متهانه وكفايه إني شوفت الكسرة في عينك إنتِ آخرك الشارع بس هسيبك عشان تربي عيالي ،وخرج من الغرفه وعلي شفتيه ابتسامة انتصار أما نداء

فلم تجييه واكتفت بقول :حسبي الله ونعم الوكيل ربنا علي الظالم والمفتري وهياخدلي حقي منك ربنا مش هيسيبني ،وأخذت تكررها حسبي الله ونعم الوكيل ،حسبي الله ونعم الوكيل ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ _عند رولا _جلست رولا تنظر للبحر وهي شاردة تفكر إن كانت علي حق أم لا . _كانت

تحادث نفسها وقالت:خليه يحاول خليه يعافر لو حلف بعمره كله إنه هيستمر معايا عمري ما هوافق أنا مش بديل في حياة حد لازم أكون الاختيار الاول لأي حد واللي بيحبني عمره ما هيشوف غيري وإذا شاف غيري يبقا عمر ما كان في قلبه حب ليا . _عادت رولا إلي منزلها ووجدت والدتها في انتظارها وعلمت رولا أن والدتها رفضت ما فعلته وأنها تريد يوسف فعلمت أن سيحدث شجار الآن ولكن هي علي أتم الاستعداد لذلك _رولا بحب :ازيك يا مامتي عامله إي _سندس

بضيق:مش كويسه خالص _رولا :ماما أنا عمري ما هبقي كويسه لو وافقت طول عمرك بيهمك راحتنا فبالله عليكي أنا مش عاوزاه _سندس :هو بيحبك يا بنتي وعاوزك _رولا :ماما هو في حد بيحب حد في خلال يوم بس _سندس:لا يا بنتي مستحيل _رولا:لو حد حب شخص من أول يوم ده يبقي انبهار صح _سندس بتساؤل :آه طبعا هو في حب بيجي في يوم ؟

_رولا:أهو ده اللي حصل في اللي يوسف سابني عشانها هخليني أستحمله العمر كله وهو كل ما يشوف واحده أحسن مني ينبهر بيها وهبقا أنا في النهايه علي الرف كل ما يجي سامحيني أسامحه أضيع عمري كله مع واحد ما بيحبنيش _سندس:يا بنتي اديله فرصه دي أول فرصه

_رولا:الفرصة التانيه أما يكون خلاف بينا ،إنما ده حب واحده تانيه ده مش خلاف أبدا،وأنا لو شوفت حبه ليا كنت وافقت إنما هو عمره ما حبني ولا عمري ما حسيت ده في تصرفاته ،الحب بالتصرفات عمر الحب ما كان بالكلام ،أكيد لازم يقولي بحبكك بس قبل ما يقولها هكون عرفتها من تصرفاته وإنه مش مجرد كلام ،فحقيقي أنا رافضه العلاقه دي بكل المقاييس مش عاوزاه . _سندس

بعدم اقتناع : المهم راحتك وده قرارك إنتِ وإنتِ اللي هتعيشي ربنا يريح قلبك يا بنتي . _تركتها رولا وذهبت إلي غرفتها . ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ _بدلت رولا ملابسها بسرعه واتصلت علي غزل _أجابتها غزل ببكاء :هيقول لأهلي يا رولا هيحصل إي _رولا بصدمة :اهدي وما تخافيش مش هيحصل حاجه فهميني اللي حصل طيب عشان نشوف حل _حكت

لها غزل كل شئ وقالت: بس ده كل اللي حصل . _رولا بحزن:طب هو يعرف البيت منين _غزل:ما أنا قولتله مكان البيت عشان يجي يتقدملي _رولا :لي كده يا غزل هي مقفوله اوي بس خير ما تخافيش _غزل ببكاء :مش عارفه إي اللي عملته في نفسي ده ،بس ربنا هيخرجني من المشكله دي أنا متأكده _رولا :أكيد إن شاء الله بصي اقفلي تليفونك خالص عشان ما يعرفش يوصلي _غزل:ما هو مش هيوصلي هو عاوز يوصل لأهلي

_رولا :غزل إنتي كنتي مفكرة النهايه هتكون خطوبة وجواز وما اتخيلتيش إنها تكون كده صح _غزل يبكاء وخوف :آه والله ما كنتش متوقعه كده _رولا:لا يا غزل مفيش حاجه في ديننا اسمها ارتباط ،الارتباط ده حرام وعمره ما هينتهي بالجواز زي ما انتي مفكره ،وحتي بعض الحالات اللي بتنتهي بالجواز بيفشل إنتي كنتي غلط ،وحتي لو مش هيفشل دي حاجه ربنا حرمها ،لي احنا البشر نخليها حلال ،احنا هنا عشان نعبد ربنا وبس _غزل

ببكاء :أنا عارفه إني غلطت بس أنا مش عارفه أتصرف ازاي _رولا : كفايه إنك عارفه إنك غلطتي يا غزل وربنا هيسامحك وهيساعدك ،بس اهدي ولازم تعرفي غلطك فين وربنا هيسامحك _غزل:يارب ،يعني أهلي مش هيعرفو _رولا بتمني:إن شاء الله _غزل : يارب ما يعرفوش _رولا:إن شاء الله _غزل:يارب _رولا:ما تخافيش هتتحل _غزل:يارب _رولا:فكي بقا واضحكي ما حكتلكيش اللي حصل _غزل:إي اللي حصل _حكت لها ما حدث عن خطبة يوسف لها وأنها رفضت وحكت لها كل شئ

_غزل:رفضتي لي ما تديه فرصه تاني _رولا:لا طبعا أدي لمين فرصه ، قصدك أديه فرصه يكسر قلبي تاني،أما أدي فرصه أديها لحد يستحق ،مش لحد يكسر قلبي . _غزل:بس هو بيحبك يا رولا _رولا:لا يا غزل _غزل:ربنا يوفقك _رولا:هو لسه ما بعتلكيش رسايل _غزل:لا _رولا:ما تخافيش خير _غزل بخوف:بعت رساله يا رولا _رولا بخوف:إيي الرساله _غزل ببكاء وصدمه :أنا جاهز وجاي أقابل باباكي عشان أعرفه الحقيقه كلها وإن بنته مشيها شمال ………. _رولا

بخوف ولكن تحاول تهدئتها:اهدي يا غزل مش هيجي _غزل:يارب ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ _عاد يوسف إلي منزله في غاية الحزن ووضع الخاتم علي مكتبه وجلس ووضع رأسه بين يديه _يوسف بحزن:لي تخذلني ،أنا عاوز فرصه تانيه وهبينلها إني بحبها ،أنا فعلا بحبها _ظل يوسف بغرفته هذا اليوم ولم يخرج منها أبدا ولم يأكل شئ

_دقت سميه الباب وسمح لها بالدخول وقالت:يا بني إنت مكلتش حاجه النهارده _يوسف:مش هاكل غير لما رولا توافق _سميه :يا ابني هي مش عاوزاك خلاص _يوسف:هخليني وراها لآخر يوم في حياتي _سميه:يا ابني اعمل اللي عاوزه بس اتغدا طيب مكلتش النهارده _يوسف:لا بردو مش هاكل حاجه سيبوني لوحدي _خرجت سمية من الغرفه بحزن علي حال ولدها فهو من فعل ذلك بنفسه . _ظل يوسف حزينا ويفكر ماذا يفعل لكي تعود رولا له ثانية .

ــــــــــــــــــــــــــــــــــــــــــــــــــــــــــــــــــــــــ لا تحكم علي حُبك وقت الانبهار انتظر عندنا يذهب الانبهار وسيظهر علي حقيقته ومن هنا ستستطيع الحكم ان كان حُبًا ام شئٍ آخر . ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ _عند ريتال

_كانت ريتال تنتظر الوقت المناسب لخروجهم جميعا من الغرفة حتي تقوم بمهمتها ،انتظرت كثيرا ولكن لا أحد يتركها ويرحل . _ريتال:ماما أنا كويسه م تخافيش نامي شويه _والدة ريتال:لا يا بنتي افرض كنتي عاوزه حاجه لا طبعا _ريتال:بابا معايا أهو ارتاحي شوية _وافقت والدتها وبالفعل غفت قليلا علي سرير آخر.

_انتظرت ريتال قليلا وطلبت من والدها أن يأتي لها بماء فوافق وذهب لإحضار الماء ،فاستغلت ريتال الفرصة وقامت بإخراج السكين لتقتل نفسها……….. ــــــــــــــــــــــــــــــــــــــــــــــــــــــــــــــــــــــــ