الفصل السابع

رواية هل يحبني الجزء السابع 7 بقلم دعاء فرج هل يحبنيرواية هل يحبني الحلقة السابعة مسرة//انا محتاجه اجازة بكرة……. باخد اجازة……مكنتش عوزه اقابله…..بعد اللي قاله… وعدم ردي…..اتوترت….مردتش عليه……يمكن خوفت اكتر……بخرج وانا بتمشي في الشارع…..مش عارفه رايحه فين؟؟؟ ……لكن بتمشي…..خايفة من الايام خايفة علي قلبي…….مكنتش عارفة امد ايدي!!!! …. اسيب الايام تصالحني بفرصة؟؟؟؟؟ …….لكن لو طلع اختيار غلط هعمل ايه!!!!

…..يمكن قلبي بيقولي انه مش غلط……روحي مرتاحه لوجودة……حاسة انه مألوف ليا مش غريب…..لكن……مشتته…..معنديش حد اسأله!!! مفيش حد ممكن يطمني دلوقتي……..قراري انا هاخده وهتحمل نتيجته……..بتمشي لحد ما رجلي بتاخدني للبحر…. مفيش ناس…..الجو هادي…..انا وصوت الموج بقعد وبحط شنطتي جمبي…….وانا بتنهد…..بتعب من كل حاجة حواليا مش قادره اكمل كده…….مش قادره اسيب ايديا بين ايديه…..ويوجعني!!!!

……يمكن قلبي حبه…..مش فاهمه ازاي وامتي……لكن روحي دايما بتميل عنده…….بتهدى #//ممكن اقعد هنا ولا هتضايقي مسرة//اتفضلي اكيد بتقرب مني ست شكلها كبير…..لكن ملامحها هادية…. مريحه…..في ايديها ورد……بتقعد…..وبعد لحظات بتقدملي الورد بأيدها مسرة//ايه ده؟؟؟ #//شوفتك من بعيد شكلك تايهه…..جبتهولك…. متقلقيش انا مش عرفاكي لكن دي عادة عندي من زمان اوي…..بنزل عند البحر….لما بشوف بنوته زيك بجبلها ورد……

مسرة//فعلاً تايهه شوية….او مشتته بشكل اصح #//بتحبي؟؟ مسرة//باين عليا كده؟؟؟ #//حسيت…….لو روحك مرتاحه متخافيش الروح عارفه واليفها مسرة//….حاسة ان فعلا روحي ألفت وجوده…هو كويس…..يمكن صعب شوية في الشغل….لكن مش حساه كده….عيونة بتفضحه…..حاسة انه اهداء او مش عارفه….. #//شكلك بتحبيه…..وموافقه يكون جمبك بس خايفه مسرة//شكلي مكشوفة اووي

#//لا…..لما تكبري هتفهمي مشاعر الناس من كلامهم من كتر ما هتسمعي وتشوفي…..وتحسي بحجات كتيرة مكنتيش تعرفي انها موجوده….. كنت بكلمها وانا عيوني علي ايدياا اللي بتلمس الورد لكن…..بحس ان مشاعري وصلتلهاا….كانت مريحه وهادية قادره تفهمني بشكل خلاني عوزه اكمل يمكن تقولي اقوله ايه!!!!!؟؟؟ نظراتي بتسيب الورد…..وبتكون عليها….وانا بحاول افهمها جوايا ايه!!! ……واني عوزة فعلا……لكن مش عوزه؟!!!!!

مسرة//ايوه انا فعلا خايفة….خايفة يتغير عليا بقسوة خايفة لما حبه ينتهي……وجوده كمان ينتهي……خايفة اشوف عنية مبقتش تحبني…..باخد بالي ان نظراته مختلفه….عنية فيها حاجة غريبه ليا….لمعة اعتقد مشوفتهاش قبل كدا……خايفة من حجات كتيره اوي #//وليه كل ده؟

…..يابنتي مهما كنتي جميلة وحلوة فيكي مميزات العالم كله…….اللي معندوش دين ولا اخلاق….معندوش مبدأ بالتالي هتتنسي مهما عملتي… ومش بيعمل كل اللي انتي خايفة منه غير عيل….لو شيفااه راجل…..عنده مسؤليه…..دين….متخافيش واتعاملي معااه باللي يرضي ربنا…سواء وانتوا مخطوبين او بقي جوزك…..صدقيني وقتها هتبقي اهدى

مسرة//ونعم بالله…..هو كويس بصراحة…..لكن مش عارفة مش قادره اعاني منه…….مش قادره اتخذل واحس لتاني مرة اني بتكسر من الايد اللي المفروض تطبطب عليا…….اللي واخدااه واخترته بنفسي سند ليا وشريك عمري…..بدل ما يكون معايا ضدد الدنيا يكون هو والدنيا ضددي……

#//صلي استخارة…..خلي الملجأ ليكي ربنا…. متخافيش من حاجة….او امر وكلتي فيه ربنا……الاب لما بيتقدم لبنته شاب….بيسأل بدل المره الف….بيطلع عينه عشان يديهاله……تخيلي لله المثل الاعلي مش هتخلي وكيلك…..إلا وتخدي اللي يحطك في عنية……. لو روحك ارتاحت……كملي متخافيش سيبيها لله التعلق بالبشر بيعذب….سيبي قلبك لله واللي يرضيه اعمليه هترتاحي….

بنتكلم كتير…..كلامها بيريحني فعلا……وبيهدى قلبي للحظة بحس ان ربنا بعتهاالي……عشان تطمني بتسيبني وبتمشي…..وانا بفضل مكاني لثواني عيوني للبحر والسماء…..ولطف الله اللي حواليا…..بقرر اقعد نص ساعه وبعدها امشي…..وبختار الحمد…وبذكر الله وانا قلبي هادي……وكل ما برتاح…..بحس ان خوفي قل واني موافقة!!!!!!!! مهدي//اعتقد رفضت زمزم//ليه بتقول كده؟؟؟ مهدي//مردتش عليا…..سابتني ومشيت حسيت انها اتكسفت ترفض زمزم//مش اتكسفت منك مثلا؟؟؟؟؟

يابني طبيعي اغلب البنات بتعمل كده…..مش عشان رفضتك لكن عشان اتوترت…..اتكسفت…..انت متعاملتش مع بنات قبل كدا مهدي//اكيد مش كل يوم بسأل بنت تتجوزيني ولالا زمزم//بس بس ده انت خيبه خالص……. مهدي//المفروض بقي اعمل ايه يعني اعرف ردها منين هتبعتلي حمام زاجل زمزم//ممكن تكون محتاجة وقت تفكر…..لو مكسوفة وفكرت وقررت توافق….هتبعتلك مسدج عشان متسألهاش وانت قدامها مهدي//ولو مبعتتش؟؟؟؟

زمزم//سهله كرر العرض مره تانية واسألها ردها ايه لو بتحبها فعلا….ممكن تكون خايفة…..اغلب البنات بتخاف من الخطوة دي……وعادي خالص تبان مدلوق انت الراجل يعني البداية عندك في كل حاجة مهدي//هو انا هعضها؟؟؟؟؟؟ تخاف ليه ده انا حتي رومانسي زمزم//اه انت هتقولي عارفة….. مهدي//يعني لو مبعتتش حاجة اسألها تاني زمزم//بقولك ايه لو مبعتتش هات رقمها انا هكلمها مهدي//قد ايه انتي اخت……خدي بوووسة

زمزم//بس بس بقرف…..اي الجديد خيري عليكم طول عمري…..لو وافقت بس عوزة علبه جاتو لوحدي مهدي//توافق بس…..دي عنيده اوي زمزم//حاسه انها هتوافق…..وبعدين هتلاقي زيك فين ده انت مهندس عارف يعني اي مهدي//سؤال بس…..ما هي لو مكسوفة برضو مش هترد عليا تاني مره زمزم//قبل ما تنام ابعتلها مسدج…..ومتبعتش حاجة إلا لما توريني لتعملك بلوك…..او تحطك في الفريند زون ايهم اقرب مهدي//يعني اعتمد كلامك ان ده مكنش رفض؟؟ زمزم//هتعرف اكتر مني؟؟؟؟

….تعاله خد مكاني واشتغل شغلي بقي ده اللي ناقص كنت مبسوطه انه بيحبها……كانت اخر حاجة ممكن اتوقعها ان مهدي يحب بنت ويسألني يعمل معاها ايه!؟؟ ……يمكن لاول مره اسمع نبرة صوته دي وهو بيكلمني عنها…… زمزم//لو وافقت هتعمل ايه بقي مهدي//هعمل ايه…..هتقدملها هو في حاجة المفروض تتعمل قبل!!!؟؟؟؟ زمزم//لا بسالك……اصل انت بتقول انها عنيدة وكده يعني…..مش محتاج تفكر شويه؟؟؟ مهدي//…….اعتقد انها مش بالشكل ده؟؟؟ زمزم//يعني ايه؟

مهدي//……المفروض اشرح بقي…..ونشيل ذنوب كلنا… عوزاني اوصفلك بنت مش مراتي؟؟؟؟؟ زمزم//ما انا بنت زيها!!! مهدي//وانا مضاف اليه؟؟ ….. مسرة//ابعت……مبعتش……اقوله……مقولش؟؟؟؟؟؟؟ كنت سهرانه….بصلي استخارة….وبدعي كتير…..وانا بسأل ربنا يطمن خوفي….ويبعده لو مش خير وخلاص وانا هرضى…..كان بالنسبالي انه يبعد دلوقتي احسن واخف علي قلبي…….بقعد علي سريري…..وبقرأ الأذكار وبمسك موبايلي بعدها…….وانا متردده…..ابعت ولالا؟؟

مكنتش مستعده انه يسألني تاني وهو قدامي؟؟؟؟ بتوتر…..بتكسف…..بحس إني مستحيل ارد عليه…كنت عارفه اللي هيحصل واني هسيبه وامشي تاني…. وفي نفس الوقت مش عارفه اقوله ايه؟؟؟؟ …..وخايفه من عامر…..خايفة يرفضه…..او يعمل حاجة……مش قادره اطمن لرد فعله ولا قادره افهمه…..كان هو اكبر همومي….. مسرة//……ده رقم بابا

ببعتها وبقفل الموبايل بسرعة……..وقلبي بيدق….قررت وسيبتها علي ربنا……فكرت في كلام الست اللي قابلتها وقررت اوكل امري لله…….مكنتش واثقه في عامر وخايفة لكن……كنت واثقه في امر الله……وفهمتني ان سواء الموضوع كمل او لا……لينا نصيب مش هناخد غيره زمزم//هي؟؟ مهدي//ايوة كنت سهران……علي امل انها تبعت اي حاجة…… نظراتي للموبايل…..بين لحظة والتانية……وبتشتت نفسي عشان اضيع وقت…..وانا جوايا قلقان…..ممكن تكون فعلا خايفة مني؟؟!!!!

……او فاهمه من الشغل اني عصبي؟؟؟ ……حجات كتيره بسأل نفسي عليها…. وللحظة بحس انها هترفض…..وبقرر مشغلش احساسي تاني…..واسكت…..لكن كنت قربت افقد الامل واناااام……قبل ما اسمع صوت الرساله علي الموبايل مهدي//بعتتلي رقم ابوها؟؟؟؟؟؟؟ ….بس مقالتش هي موافقه ولالا؟؟؟؟؟ زمزم//يااااااااااااااني عليااااااااا…….هتكون بعتالك رقم ابوها ليه؟؟؟ …….ها رد ليه؟؟؟؟ ……تلعبوا دومينو مثلاا وبعدين انت مستنيها تقولك موافقه كده صريحه!!!

الله يكون في عونها مهدي//في ايه هو انا قولت حاجة غلط سألت سؤال واستنيت رد……ليه الشفرات دي زمزم//انها تبعت رقم ابوها ده شفرة؟؟؟؟؟؟؟؟ اللهم لا تجعل مصيبتي في زوجي مهدي//يعني وافقت!!!!؟؟ زمزم//ايييييوه يا مهدي…..رفعتلي الضغط ده لو موسي وبعتتله نقطة هيقول اكيد دي النقطة المشتركه بينا ووافقت مهدي//خلصتي تنمر……هكلمه بكرة…..هي اصلا واخده اجازة بكرة زمزم//لازم تعمل كده……اكيد انبهرت منك ومش عوزه تشوف وشك

مهدي//ارد عليها اقول ايه؟؟ زمزم//متردش مهدي//مردش عليها؟؟؟؟؟؟؟؟؟ زمزم//متردش عشان حراااااااااااااام هي بعتتلك رقم ابوها لما تبقي تكلم ابوها وتخطبها……..ولا دي كمان وقتها هتطلعلك ضوابط الخطوبة!!!!!!!! مهدي//احنا نكتب كتاب علي طول ليه خطوبه وفرهده ومناسبات ملهاش لازمه!؟؟؟ …..كتب كتاب ونروح بيتنا…..بس كده سهله زمزم//وانت فاكرها هتوافق؟؟؟ ……ليه توم كروز انت!!

مفيش بنت هتوافق علي الكلام ده يابني الانثي بفطرتها محتاجه تطمن……اتجاه اي حاجة بقي حتي ابسط الامور…..تخيل لو هتتجوز بقي…..ومنك يعني حاجة منتهى القلق بصراحة…… مهدي//مالي مالي ياحبيبتي…….متخلنيش اقوملك

زمزم//يابني لازم تاخد وقتها…..متحاولش تستعجلها عشان تحس انك دايرة آمان ليها……لو مش عوزة يبقي بلاش…..مش مطمنه يبقي خلاص هي اهم من الشي اللي انت بتعرضه عليها…….يعني من الاخر اتعامل بهدوء وحنية…..خلي عندك رحمه هاا…..لان حسب ما انت بتحكيلي يعني شخصيتها مش من النوع اللي لما تشد هتكسبها……اعتقد انك هتخسرها بشكل سريع جدا لو عملت كده……يعني من الاخر اديها محبة تديك الشوق ياسكر مهدي//بت انتي عرفتي الحجات دي منين؟؟؟؟؟؟؟

زمزم//كويس انك قولت بنت دي…..سبحان الله فطرة مثلا من عند الله……يابني هو انا معشر بني كُلايب ما انا من البنات مهدي//طيب شكلك هتطلعي مفيدة ليا…….اعمل ده ازاي بقي مع ضوابط الخطوبة يااناصحه زمزم//ده احلا وقت قولي ليه…..واسألني بأدب مهدي//فين الشبشب

زمزم//لا وسع خلقك معانا الله يكرمك ده في جيرل داخله حياتك…….بص ياسيدي الطبيعي للانسان للبنات اللي زي مسرة انها مش هتحب علاقتك بيها تكون بتطور بشكل سريع ده هيوترها…..هيحسسها ان كل حاجة بسرعة….حتي النهاية….ودي مهمه لانها المفروض متحسش ان وجودك هينتهي مع الوقت وانك هتبعد وتسيبها…..وجودك مش ثابت يعني ده مينفعش…….فترة الخطوبة اصلا لوحدها بتكون ضغط في كل حاجة…..بتجهز حاجتها…..وبرضو بتركز معاك وده هيضغطها

مهدي//اعمل ايه اجهز بدالها يعني

زمزم//ياامصبر الوحش علي الجحش…….يابني ارحم امي……يعني خلي توتر اقل…….متحسسهاش ان مطلوب منها حجات كتيرة ولو قصرت او نسيت حاجة تبقي غلطانه بالعكس سيب الامور بينكم سهله طول ما الحاجه دي ينفع تعدي عديها…….لو كلمتك في حاجه خلي تركيزك عليها مش علي الحاجه…….تفهم انها اهم عندك وان فين المشكلة لو غلطنا……..لما تعدي غلط عندها انت بتكسب نقطه معاها……لانك مش ملاك اكيد فيك عيب وهتغلط…..وقتها هي تعدي…..بل لما تكون كويس ممكن متاخدش

بالها اصلا من العيب اللي عندك حاول تحترمها علي قد ما تقدر وتخفف الامور خدها بشكل بسيط……هتلاقي البيت هادي…..وافعالك هتنعكس عليك وهيكون البيت محطه هدوء بالنسبالك مع زيادة المسؤليات والضغط……هتلاقي بترد الاحترام ده اضعاف……في حجات عند الستات نقط حمراء وكبيرة اوي انها تعملها……لو عملتها معاك اعرف انك توم كروز بجد

مهدي//حجات ايييييه يخربيت التفاصيل زمزم//امممممممم مثلاا يعني مش هتلاقي ست متقبله فكرة انها تقبل ايد زوجها بسهولة…..دايما هتلاقي زوجها ده حنين……بيحترمها…..مش بتهون عليه حجات كتيره ومواقف اكتر استغلالها صح هيخليها تحطك في استثناء لكل القواعد عادي لكن اعتقد هيبقي عندك مشكلة صغننه مهدي//هو لسه في مشاكل اكبر من كده

زمزم//انها هتكون حساسة اتجاهك سيكا……يعني هتزعل منك علي قد حبها ليك…….لانك مكنتش متوقعه تهون عليك…..او انك تزعلها اصلا لذالك حاول تصلح الامور بسرعة عشان تتنسي…….هتسيبها مع نفسها مره مع التانية هتبدا تنسحب تاني تدريجي مهدي//انا فرهدت والله زمزم//اتعامل بقلبك معاها….وسيبها علي الله انت كده كده دبش وهيتنكد عليك في الاول عشان تتعلم داوود//الحمدلله زمزم بقت احسن اهو

عمران//الحمدلله مش قادر اقولك ازاي بدأت ارتاح اخر جلسة معادها بكرة داوود//عقبال ما نفرح بيها…… عمران//اطمن عليها ووالله ده كفاية داوود//يعني لو طلبتها منك دلوقتي مش هتوافق عمران//تطلبها مني؟؟؟ ….. داوود//لابني مهاب…….فكر وخد وقتك اسيا//ولو زمزم شايفة انها محتاجة تاخد وقت خصوصا الفترة دي براحتها مش لازم ترد دلوقتي بتول//مهاب زي ولادنا……وعارفينه كويس وربنا يعلم انا بحبه ازاي….

عمران//هنكد عليكي وربنا…….انتي غاوية تعصبي فيا داوود//بدأنا…….يابني انت مجنون بتول//ساب انه زي ابني وخد الكلام اللي علي مزاجه عمران//انا باخد كلام علي مزاجي؟؟؟؟؟ نور//مسرة…..سيدرة الحقوني مسرة//في ايييه بفوق علي صوتها……بتعيط….بتنادي علينا…بخرج من الأوضة بسرعة وبندخل عندها……وبنشوف عامر اللي نايم علي السرير……وللحظة مش بفهم في ايه؟؟؟؟ سيدرة//مالك في ايه؟؟ نور//مش بيتنفس……تعب مره واحده

سدي//حد فيكم معااه رقم الدكتور اللي تحت؟؟ للحظة بحس ان كل واحد بيتعامل بهدوء ولا مبلاة غريبه…….غريبه للشكل الظاهري وان ابونا تعب…..لكن للواقع الغريب لو حد اتخض عليه……زي نور اللي كانت مصدر استغراب لينا!!!!!!!! بنكلم الدكتور…….مع اعتذرات كتيرة ان بنكلمه بدري كده!! ……بما ان محدش فينا كان هيعرف ينزله مستشفى او…….محدش كان مهتم اووي……او قلقان #//البقاء لله انا قولت انه علمني القسوة صح؟؟؟

……مكنتش عارفة افتكر حاجة غير ايده اللي ضربتني……صورتي في المرايا وملامحي مكسورة ومجروحه……الأيام اللي وقعت فيها وكنت محتاجه وجوده……كل مره شوفت فيها حنية اب وايده بتلمس شعر بنته بهدوء وخوف عليها……وشوفت بعدها قسوتة…….وايده بتترفع عليا!! مكنش سايب ذكرى واحده بس تزعلني عليه……او تخلي قلبي يلين……حسيت ان عدم وجوده دلوقتي احسن علي الاقل محدش هيستغل قسوتة ويقسي عليا……..ولا حد هيعرف هو كان ايه……ويفهم نقطة ضعفي……

سيدرة//متاكد يا دكتور؟؟؟ نور//ممكن تكون غيبوبة…..متاكد يا دكتور اكشف تاني مكنتش فاهمه عوزاه عايش ليه؟؟؟؟؟ ……قلقانه عليه بجد!!!!! …..امرها غريب…..الدكتور بيمشي…..وبقف للحظات علي باب الأوضة……وبرجع تاني بدخل اوضتي…..بتغطي……بنهار!!!!!!!!!!

بعيط وكأني بقالي سنين ممنوع دمعة واحده تنزل……. مكنتش زعلانه عليه……قد ما زعلت علي نفسي…..كل حاجة عملها وفي الاخر مشي من غير ما يصلح حاجة يمكن مكنتش هقبلها منه……بس حتي محاولة مكنتش موجوده……..صوته في بالي……لكن مربوط بالحده والوجع!؟؟؟؟؟ ……الخوف اللي قلبي كان عايش فيه بسببه……

كالعاده مش بلاقي……غير ايدي تطبطب عليا….. تحضني…..تهون عليا……وسريري اللي شاف كل يوم دموعي نزلت فيه……وانا بحاول اقوم تاني ومحدش يشوفني غير بصورة واحده……. عمران//لسه صاحية ياحبيبتي زمزم//ايوة……رحيم قالي هيخلص شغل علي اللاب ويجي يقعد معايا عمران//ده النهار طلع……نامي عشان متتعبيش زمزم//……..في حاجة؟؟

بيقعد قدامي……وانا بسيب الموبايل جمبي……بيبتسم وهو ايده علي راسي…..مؤخرا بقيت علي طول لابسه كابيشو…..مازال جوايا حاجز قوي اني اشوفني كده لكن اعتقد مشكلتي دي مكنتش مع حد غيري……. عمران//……مهاب طلب ايدك زمزم//!!!!!!!!!!!! عمران//مكنتش ناوي اعرفك دلوقتي……لكن قولتلك عشان تاخدي وقتك……مش مطلوب منك رد دلوقتي خالص…..فكري براحه……ولو مش مرتاحه من غير تردد تعرفيني وانا هتصرف……. زمزم//………..حاضر

عمران//زمزم……فكري كويس مش معني انه ابن داوود اني هوافق بسهولة عليه…..داوود واسطه عشان كده فكرت اصلا……لو وافقتي انا هتصرف معااه بقي ولو مش موافقه…..هتصرف برضو لكن…..الحالتين مش زي بعض عشان كدا فكري براحتك زمزم//انت رأيك ايه؟؟ عمران//مهاب محترم…..وكويس بيخاف ربنا….مش هخاف عليكي معاه…..لانه مش طايش…..وقد المسؤليه…..لكن في النهاية ده قرارك انتي زمزم//وانا واثقه في رأيك…..

عمران//برضو فكري…..صلي استخارة….شوفي مرتاحه ولالا…..وجميع الاحوال انا معاكي….ولو بقيتي مش قادره تحددي رايك…..انا موجود عرفيني زمزم//………….حاضر اعتقد بيفهم اني اتكسفت…….وبيخرج……وانا فعلا بكون اتكسفت جدا……يمكن واخده بالي منه….لكن مكنتش متوقعه شيء زي ده دلوقتي؟؟؟ ……بغطي وشي وانا بكلمني ان مفيش حد غيري دلوقتي هناا كمحاولة لتقليل حالة الكسوف اللي حصلت مره واحده

وان كأن مفيش حاجة…….فكري براحه ومش لازم اوافق……يمكن جزء جوايا كان مبسوط……مكنتش خايفة……وجوده الفترة اللي فاتت بشكل هادي من غير ما يقرب ويزعجني…..ومن غير ما يبعد خالص…… اعتقد خلاني مش خايفة بنسبه كبيرة…….خوف اقل قادره افكر وانا مرتاحه مهدي//صباح الخير يشباب مالكم فارس//……مفيش بنتفق هنروح لمسرة امتي مهدي//مسرة؟؟؟ ليه!! فارس//هو انت متعرفش؟؟ ….والدها اتوفي امبارح مهدي//اتوفي خالص؟؟ فارس//اومال نص نص

لثواني بيحضر في بالي كلام زمزم…..هي اهم؟ ….وده اللي حسيت بيه……مكنتش مشكلتي مع انه ميت في وقت غلط جدا الصراحة……قد ما كانت مشكلتي معاها وانا بالنسبالي حالها مجهول بخرج تاني من مكتبي……وبقرر اروح للعنوان اللي موجود في الورق بتاعها…….وبظبط المنبه علي معاد جلسة زمزم……بوصل….ومش بكون محتاج اسأل… باين من الناس اللي موجودة…… مهدي//انا موجود تحت

بتشوف الرسالة……لكن مش بترد…..وانا مكنتش مستني ترد…..عارفها…يمكن دي مشكلتي معاها….وهي اني عارفها مسرة//خلاص خلصوا….. سيدرة//طيب يلاا عشان يلحقوا الصلاة عليه بعد الضهر بيعرفونا ان لو حد حابب يدخل يودعه…….قبل ما يغطوا وشه…….بفضل مكاني…..سيدرة وسدى بيدخلوا وانا…….بكون بره……كنت خايفة اشوفو اسامحه!!!!!!؟ خايفة ميهونش عليا……وانا هونت عادي…….مش هنكر ان كان جوايا خوف……عليه…..من سؤال ربنا وحسابة

الامانة اللي ضيعها……خاطري اللي اتكسر…..الوجع والتعب اللي عيشت فيه وهو عايش……..حسابة علي كل حد فينا…….ضربه ليا…..وظلمه……قسوته…..حجات كتيره مكنتش عارفة هيقول لربنا ايه عليها لكن اللي كنت عرفااه اني مش عوزه اسامح……مش عوزه اشوفو……. باخد بالي من رساله مهدي…..اللي بطمن بوجوده…..فكرة انه موجود كانت هادية…..لاول مره احس ان معايا حد؟؟؟!!!!! …..حتي لو بشكل غير مباشر……كان موجود

بيخرج……وبننزل المسجد…….وانا شايفة مهدي….كل اللي في الشغل بكتشف انهم موجودين؟!!!!! ……لكن نظراته عليا……اهتمامه وكأنه مش فاهم انا متاثرة ولالا……حالتي بالنسباله كانت مجهوله…..وكانت مجهوله عليا انا كمان بنخلص دفن……..وبفتكر امبارح في نفس الوقت صوته العالي……كلامه……تصرفاته……كل حاجة…..بس لو كان عارف انه قريب جداا من حسابة!!!! …….وانه مش لازم يتعب……ويحس…..كفاية ربنا يأذن مهدي//البقاء لله مسرة//………….ماشي مهدي//؟؟؟؟؟؟؟

مسرة//اصل انت اول حد يقولي كده لسه معرفش بيردوا يقولو ايه…… مهدي//انتي كويسة؟؟ مسرة//…تعبت نفسك ياابشمهندس….. مهدي//مفيش تعب ده واجبي…..وزمايلك كلهم هنا مسرة//واخده بالي…..بعد اذنك بسيبه وبمشي……وانا فعلا مش كويسة…..مش مرتاحه في وجوده…..ومش فهماني في غيابه……حدود كتيره بيني وبين مهدي دلوقتي……..حدود للكلام وكل حاجة يمكن وافقت انه يتقدم……لكن……مازالت علاقتنا ببعض بلا صفه……

بدخل اوضتي……وبره بيجهزوا للعزاء……وانا مقرره اني مش هبقي موجودة……مكنتش قادره…..ومش عارفه بيقولو ايه للبقاء لله…….. عشان كده بقرر انزل قبل ما الناس تبدا تيجي…ونور تاخد بالها مني……لاني مكنتش قادره اتجادل معاها او اسمع وجهة نظرها عن اي حاجة نديم//نخلي الفرح اخر الشهر تكوني خلصتي امتحانات كده حلو؟؟؟؟ عفراء//وليه نستعجل هي الدنيا طارت نديم//نستعجل ايه بقالنا قد ايه احنااا

عفراء//……يعني ايه…..لا خلاص الغوا رحلتي انا كنت بتسلا انت واخد الموضوع جد كده ليه؟؟؟؟؟ نديم//بتسلا؟؟؟؟؟؟ عفراء//لا ياعم بيت ومسؤليه وعيال……وتيجي من الشغل عاوز غداء بقي ومصاريف ومرتب شهر لالالالالا نديم//لا ياحبيبتي خلاص قضي الامر مع الاسف كتبنا الكتاب……انتي فاكرة ولاد الناس لعبة وبعدين بكلمك انتي ليه انا كلامي مع ابوكي عفراء//ما بابا هيسألني نديم//وانتي ناويه تقولي لا ولا ايييييه عفراء//….ايوه؟؟؟

مسرة//واضح ان لينا لقاء مجددا بقعد علي البحر…….نفس المكان اللي قعدت فيه امبارح كنت واخده بالي انه ماشي ورايا…….من بعيد…… مكنتش فاهمه تصرفه…..لكن اعتقد اي حد طبيعي مكاني هيكون في مشكلة عنده……..وان وفاة الاب عادتا مش بتكون حاجة سهلة……بتنهد وانا بحاول مفكرش في حاجة……اهدى وبس…….مش عارفه اللي جاي عامل ازاي……… ولا ايامي هتمشي ازاي بظبط…….لكن كنت بهون علي نفسي بأن كل شيء بيد الله و…….بسيطة هتتحل #//لابسة اسود ليه

مسرة//……واضح اني نصيبي اقابلك تاني……بتيجي في اوقات غريبه #//قاصدك اوقات مناسبة مسرة//يعني…….حاجة زي كده #//مالك مسرة//والدي مات…….بالمناسبة وافقت عليه…..لكن #//كل حاجة وقفت بموته صح؟؟؟ مسرة//اايوه…….لكن موقفتش بالمعني الحرفي…. اعتقد انها هتمشي احسن مكنتش مرتاحه اصلا لرد فعله…..او ممكن يعمل ايه……. #//هو اللي واقف بعيد؟؟؟ مسرة//……ايوه….مش فاهمه تصرفه اوي لكن اعتقد مستحرم يعرفني انه موجود

#//امشي وراء قلبك……مش دايما القلب بيكون صح لكن اعتقد المرادي قلبك قادر يحدد هو عاوز ايه زمزم//حاسة اني مبسوطه اووي…..هعيط رحيم//انتي تفرحي تعيطي تزعلي تعيطي زمزم//هي دموعي بتنزل لوحدهاا…….طعمها حلو موسي//طعمها حلو؟؟؟؟؟؟؟ باخد اخر جلسة…..بحس ان قلبي مبسوط…..دموعي بتنزل فعلا من احساسي ان أخيراً خلصت…….كل حاجة بتوجعني انتهت……. رحيم//نخرج بقي.

زمزم//لما بنخرج بنصرف كتير…….ممكن ندفع الفلوس دي لحد محتاج نفس الجلسات لكن فلوسها كتير عليه ونبقي نسهر في البيت احلا الفكرة بتعجبهم…..وفعلا بنشوف كشف المستشفى والحالات المستحقه وبندفع الفلوس لطفلة؟؟؟؟ ….. وسنها وحالتها……بتخلينا ندفع اكتر من جلسة….. ورحيم بياخد رقم عشان يقدر يرجع لنفس الحاله بعد فتره يدفعلها باقي الجلسات

كنت فاكره للحظة ان ابتلائي مؤلم……لحد ما بشوف الناس اللي حواليا…..وعدد الأسماء المستحقة في قائمه الانتظار؟؟؟؟؟؟ …..وقتها بفهم ان حتي ابتلائي كان هين……لكن نفسي شافته عظيم بنرجع البيت……بدخل اوضتي وانا بقعد علي السرير…. وببدا اعيط تاني؟؟؟ ……وانا مش مصدقة ان معقول مفيش جلسات تانية؟؟؟ ……خلاص كده!!! بحس ان بدأت ارجع لحياتي العاديه…..وقد ايه العادي ده تحفة….. عمران//بتعملي ايه زمزم//كنت هقوم اصلي…..انا فكرت في موضوع مهاب

عمران//ورأيك ايه زمزم//يعني اللي تشوفو…..انت قولت كويس فتمام عمران//اللي اشوفو اااه……تمام اعتقد بيفهم قصدي………بيخرج من الأوضة…وانا بتوضي واصلي……وبحمد ربنا…..وبدعي ان لو طريقي مع مهاب مش صح……يرزقني البصيره وابعد عنه كل حاجة بعدها بتمشي بسرعة غريبه!!! ….وتيسير مختلف…….لحد ما بلاقي نفسي يوم الفرح؟؟؟؟؟؟ شعري طول شوية…..نوعا ما…….بقعد قدام المرايا عيوني عليا…….مش عارفة كل ده ازاي حصل بسرعة كده؟؟؟؟

………لابسة فستان…..دقايق وهيبقي شريكي للعمر كله……هنكتب الكتاب!!!! …….للحظة بفكر ازاي عدت الفتره دي علي تعبي؟؟؟؟ ……كأنه كان امبارح ببعد عن الدوشة……وانا بكلم المستشفى……وبأكد عليهم فلوس الجلسات وصلت ولالا!!!!! ……انا ومهدي قررنا نلغي الفرح…..ويكون كتب كتاب في مسجد بسيط………وفلوس الفرح……اللي مبالغ فيها مقابل ساعة نتجمع فيها…….في ناس احق بيها……في ناس وجودهم في البيت رفاهية؟؟؟ …….

♕//بارك الله لكما وبارك عليكما وجمع بينكم في خير صوت الزغاريط فجاة بيكون حواليا……ناس بتبارك والضحكه علي وشهم……صوتنا كان هو فرحتنا….. مفيش أغاني……مفيش غير صوت قلبي…….بقف علي مسافة بينا…..مكنتش خايفة…..يمكن كنت حاسة بفرحه بس……لاول مره عيونه تبصلي كده……قد انتهت ضوابط الخطوبة……وذهب غض البصر مهاب//شكلك عسول اوي…..

بيقرب مسافة بسيطة…..عشان اسمعه…..بحاول اداري شكلي ووشي……اللي اتكسف……كأن محصلش حاجة ولا كأنه قال حاجة…….وكأن قلبي متخطفش من زمان لازم نتقل شوية!!!!!!! مهدي//ممكنتش متوقع تيجي مسرة//ليه….الف مبروك مهدي//الله يبارك فيكي….عقبالك سيدرة//مامتك فين عوزين نسلم عليها مهدي//ااتفضلي……هناك اهي….شوفتيها سدي//خلاص شوفناها…….بعد إذنك مهدي//لحظة…… مسرة//في حاجة؟؟؟ مهدي//لسه موافقه؟؟؟ ……. مسرة//……………….مش بتتعلم من اخطائك

بسيبه وبمشي…….زي اول مره…….مش معقول تكرار الغلط بشكل كريتيڤ…….بجد مستني اقوله موافقة؟؟؟ سُدي//ازيك……الف مبروك بتول//حبيبتي عاملة ايه……مبسوطه اني شوفتك رحيم//………..اتفضلي اقعدي موسي//احم…..اتفضلي انتي كمان يا انسة اقعدي ليه واقفه؟؟ سيدرة//شكراً باخد بالي من نظرات مهدي ليهم…….اللي بيكون شك في تصرفاتهم…..وانا كمان بكون بعيد….نظراتي عليهم اعتقد انه اعجاب متبادل؟؟؟؟؟؟ عفراء//نديم…..كنت فين

نديم//كنت بجيب الفاقد اللي ماشي وراء البنات ده عفراء//متقولش علي ابني كده…. مهدي//واعاهد الله ان اعاملها معاملة الاسلام….. رحيم//وانا قبلت زواجها….. موسي//والله علي ما اقول شهيد #//بارك الله لكما وبارك عليكما وجمع بينكم في خير سدي//علي فكرة انا مش بحبك….. رحيم//رومانسية ما بعد الفرح دي غريبه اوي….انا لسه قافل الباب سدي//انا بتكلم بجد…..وربنا هعيط دلوقتي انا بتلكك

رحيم//لا حول ولا قوة إلا بالله…….ليه يا ماما مش بتحبيني واكل ورثك سدي//معلش يعني واحبك ليه؟؟؟؟ رحيم//وجهه نظر برضو سدي//قصدي انك معملتش حاجة عشان احبك عليها فاهم؟؟؟ رحيم//فاهمك…….وبعدين طبيعي ياا سدي يا حبيبتي انا نفسي مش بحبك سدي//؟!!!!!!!!!!!!!! رحيم//الفتره اللي بينا يعني معتقدش كانت كفايه عشان احبك وانتي تحبيني والكلام ده……. سدي//يعني انت مش بتحبني؟؟؟؟؟ رحيم//لا…….لكن مرتاحلك

سدي//طيب ياحبيبي خد راحتك دي ونام علي الكنبة رحيم//ايه ده؟؟؟؟؟ ……هو حلو ليكي ووحش ليا سدي//اووووووف…….انا اللي قولت……مش انت رحيم//فرقت ما نفس المعني سدي//لا طبعاً……انا مش بقولها بالمعني الحرفي اني مش بحبك……انا بقولها بمعني اني لسه قلقانه من نحيتك……او محتاجه افعال اكتر تطمني ليك…..انما انت قاصد كلامك……. رحيم//!!!!!!!!!!!!!!!!

سدي//نااااااااام هناااااا……..يا…..ياااغشاش قال مش بتحبني قال……هو انت اصلااااااااا اصلاااا اصلاااا تطول…….وعلي فكرة انا كمان مش بحبك بمعني بكرهك رحيم//طيب يعني بتعيطي ليه دلوقتي اعمل ايه مش فاااااااهم سدي//انت كمان بتعلي صووووووتك…..طلقني رحيم//سدي يا حبيبتي تعالي نصلي ونتكلم بعدها سدي//مش هصلي معاك ابعد عني رحيم//معلش خليكي انتي الاحسن سدي//لا……..صلي لوحدك

بعد معاناة بيني وبينه……واني كنت فعلا مش طيقااه بقرر نصلي مع بعض…….بغير الفستان….بلبس اسدال اللي بيكون بالنسبالي جنه…..لاني مكنتش مرتاحه في الفستان…….يمكن الحب بالنسبالي مكنش مهم لاي علاقه…..والاهم انه يحترمني ويفهمني…..لكن اضايقت لما قالي انه مش بيحبني؟!!!!! موسي//ده انا هرنك علقه…….انا اتمرمط بالشكل ده؟؟؟؟؟؟؟؟ ……. سيدرة//نهاااااارك ابيض…..انت عاوز تضربي؟؟؟؟؟ موسي//……هتقلبي الطربيزة هكسرها فوق دماغك

سيدرة//لا ياحبيبي تعاله راجل لراجل…….هو عشان لبست فستان هتتغر فيا ولا ايييه؟؟؟؟؟؟؟؟ موسي//راجل لراجل؟؟؟؟؟؟؟؟؟؟؟؟؟ ……ده انتي يومك شبهك سيدرة//والله كنت عارفة انك انتاج صيني في الاخر وهندم عليييييك……..ياااغشاش يااااااااااااااااكداااااب موسي//انزليييي من علي الكنبة…….لو حصلها حاجة هفطسك سيدرة//كمان خايف علي الكنبة مش عليا!!!!!!!!! الكنبة اهم مني؟؟؟؟ …….طلقنييييي

موسي//اطلق مين….ده عند ام ترتر انتي عارفة انا ماضي قايمه بكام؟؟؟؟؟؟ سيدرة//منك لله يابن بتول…….شكلي صليت استخارة في قبلة عكس….. موسي//اانا هروح اكل……يا تلحقي الاكل يا براحتك سيدرة//موووسي…..تعاله ساعدني انزل موسي//هساعدك عشان الفستان بس مش اكتر فلوسه واجعه قلبي لسه سيدرة//يارتني صدقت كلام زمزم انك منعدم المشاعر موسي//بقولك جعاان تقوليلي مشاعر؟؟؟؟؟؟؟ سيدرة//الصلاة يااااااا……المفروض نصلي يا واد

موسي//محدش قالك ان مكروه الصلاة لو جعانه والاكل جاهز؟؟؟؟؟؟ سيدرة//عاملي فيها تامر هجرس في الخطوبة اي حرام وخلاص دي ذنوبي عرفاها……..سيب الزتون يلاااا مسرة//هنصلي؟؟ مهدي//مش هتغيري الفستان الاول؟؟ مسرة//………..لا هصلي بيه مهدي//اللي يريحك بيجيب المصلية……بتاعته…..معنديش فكرة بقالها قد ايه معااه…..او ليه بيحبها كده ومش حابب يغيرها او يصلي علي غيرها…..وبيجيب بتاعتي…..وبنبدا صلاة

مكنتش اعرف ان صوته حلو عموما…..فكرته عصبي بس؟!!!! …….هادي….كأنه شخص تاني…..حسيت اني فهمته غلط وانه مش عصبي……مش قادره افهم ليه لكن احساسي ده جالي……حاجة جوايا عرفتني….. نفس الحاجه اللي كانت بتهدى خوفي…….يمكن ملاحظتي انه بيخاف ربنا ده……خلاني مش خايفة منه…..وحاسة ان كل حاجة مهما كبرت مش هتأذي بسجد…..ولاول مره اذكر حد في دعائي حبا!!!!!!! ….. اول ساجدة كانت من نصيبه هو؟؟ …..وكأنه عارف اني بدعيلة وطول في السجود؟! ……..

سجودي التاني……كان لعامر…..بعد قراري اني اسامحه؟؟؟!!!!!!! ……اللي كان غريب جدا بالنسبالي وعمري ما كنت اتخيل اني اسامحه…….بقرر اقفل الماضي بكل حاجة فيه……وابدأ من تاني….بداية هو اول سطر فيها……بيت هادي…..وعيلة…..واحساسي لاول مره بأني ممكن……يكون عندي بيت وعيلة الخوف مش عارف طريقهم……وقرارهم بدايته عند ربنا!!!! مهدي//السلام عليكم ورحمة الله……..السلام عليكم ورحمة الله

بيفضل مكانه…..بيدعي……وانا بدعي…..لكن بخلص امر الدين والدنيا……وولادي اللي لسه مشوفتهمش….وهو لسه بيدعي؟؟؟؟؟؟؟ …….وحقيقي مكنتش عارفة بيقول ايه كل ده؟؟؟؟؟؟ ……….فبقرر ادعيلة ان ربنا يستجيب دعائه ««بعد4سنين»» موسي//سيدرة……يا اخرة صبري سيدرة//سمعت الجيران صوتك موسي//سيدرة ياحبيبتي عرفت قيمتك خلاص هاتي عنك انا هجهز الغداء…..وانتي اقعدي مع عيالِك سيدرة//عيااااالَك………عشان لما اقولك متعبين متجادلش معايا

بتعدي السنين……وبلاقي عوض ايامي بيه……بيت مش هادي خاالص……وعدم هدوئه نعمه…..صوت الولاد اللي في كل ركن……متعبين…..لكن فكرة اني مش معاهم لوحدي……كانت مخففة التوتر عني…. قادرة استحمل ضغط……..واعيش معاهم الايام اللي مش هترجع تاني رحيم//سدي انتي كويسة؟؟؟ سدي//ايوه الحمدلله رحيم//هو انا مش قولت نبطل لعب بالصابون ده بسند علي ايده وانا بقوم من علي الأرض……..كالعاده كل واحد فينا بيقع مره……بشكل كريتيف من العابهم

يمكن متجوزناش عن حب…..لكن مع الأيام بقي بينا الحب اللي جاي من المواقف……والعشرة……وبينا ولاد يمكن بيطلعوا عيني…..لكن كل يوم بحمد ربنا اني قدرت اختار ليهم اب حنين……. حجات كتيره مكنتش اعرف انها موجودة فيه…..بتظهر مع الايام والمواقف…….حنين…..قادر يفهمني…..يمكن فاشل في المواساة……لكن بيحاول يطمني دايما بتصرفات بسيطة…….لكن في قلبي كبيرة رحيم//مالك بصالي كده ليه؟؟ سدي//انا تقولي مش بحبك….لكن مرتاحلك

رحيم//……لسه زعلانه؟؟؟؟؟؟؟؟؟؟؟؟؟؟؟ سدي//والله مهما تعمل ده انا هقولها لاحفادي مهدي//السلام عليكم ورحمة الله…… بيسلم من الصلاة……وانا كمان…..مش بيعدي يوم من غير ما نصلي مع بعض…..ويمكن لسبب ده بنتصالح كل مره بنزعل فيها……او بشكل اصح….هو اللي بيصالح وللغريب…..مبقتش مسامحه عامر بس…..بقيت دايما ادعيله…..ويمكن دعائي هو اللي خلاني متصالحه من جوايا بشكل غريب معااه؟؟؟ ……ودايما بيجي في بالي «سامحت بيك ايامي…….صالحت بيك الزمن»

بخرج من درج جمبي تيست……وهو كالعاده بيدعي وانا بدعيله ان ربنا يستجيب دعائه…….يمكن دلوقتي نوعا ما عارفة بيدعي بأيه……عدت اربع سنين علينا من غير ولاد…….ولما قررت اكتشف……كانت الصدمة بالنسبالي ان حتي فرصة العلاج مستحيله……. يمكن ابتلائي كان تربية لصبري……واعتقد حصلت المعجزة دلوقتي……..بقرب وانا بحط التيست في ايده اعتقد مكنش فاهم…..او مش مستوعب؟؟؟؟؟؟ انا كمان مكنتش فاهمه اصلا……..لدرجة اني جربت عشر مرات؟؟؟؟؟؟؟؟؟؟

…….بما اني اصلا استودعت الله ولاغيت الفكرة من دماغي لان حتي الاسباب مكنتش موجودة عشان اخد بيهااا……مفيش علاج!!!! مهدي//ده بجد؟؟؟؟؟ كان جبرا لقلبي بشكل عجيب……..بما اني كنت بدات افكر ان مهدي ممكن يتجوز؟؟؟؟ …..وانها انانية مني لو رفضت لان مستحيل يبقي عندي ولاد……..كنت فاهمه معني ان مش هبقي ام…..غريزة بتتولد في روحي بيبان عليه الفرحة جداا…….مكنتش عارفة انه مستني اليوم ده لدرجة؟؟

…..مكنش باين ان الموضوع فارق بالشكل ده بالنسباله؟؟؟؟ …….يمكن مكنش عاوز يجرحني!!! ……لكن الموقف ده…..والسنين اللي مسمعتش فيها كلمه واحده تجرحني……كانت كفاية عشان اتاكد اني مستحيل ايامي يكون فيها آمان من غيره……ولا روحي هتشوف ونس للعمر إلا بيه شهور وكل الحيطان….هتسمع صوت طفل صغير…. البيت هيكمل……هنبقي عيله……مع اللي اخترته حبيب للعمر مهاب//نصلي بقي شكر لله مسرة//اتمني تكون بنت……هتلاقي اب هايل

مهاب//كفاية عندي انها جزء منك انتي سواء بنت او ولد مسرة//عايشين ببركة نصايح زمزم….