الفصل السادس

رواية هل يحبني الجزء السادس 6 بقلم دعاء فرج هل يحبنيرواية هل يحبني الحلقة السادسة اسيا//قلقتني عليك مشيت علي طول ليه ومعرفتنيش داوود//رحيم كلمني وجيت لعمران…..زمزم تعبانة بيبدأ يحكيلي كل حاجة…….وانا مش في بالي غير مهاب…..بيأكد عليا اجي بكرة…..وبقفل الموبايل وانا بفكر…..هعمل ايه وهقوله ايه؟؟؟ …..يمكن هو فاهم انه مخبي عليا……محدش عارف……لكن…..نسي اني امه وان مش لازم يقول…..عشان افهم…..انه بيحبها…..

مش بيجيب سيرتها….ولا بيفكر يجي معايا لما بنرجع شقتنا……لكن عنيه بتفضحه……تبريرات غير منطقية عشان ميبقاش موجود ويشوفها!!! …….يمكن فاهمه احساسة بأنه مش حابب يعمل شيء هو فاهم انه حرام…..وفي نفس الوقت هيكون صعب تواجدها وهو فاهم مشاعره……ومش عارف عيونه متقابلهاش اسيا//مهاااب…..نمت!!! مهاب//لسه……في حاجة؟؟؟ اسيا//لا مفيش….ده انا هروح بيتنا التاني وعوزاك توصلني الصبح مهاب//ليه!!! ……هتعملي ايه هناك

اسيا//هنقعد شوية لحد ما نطمن علي زمزم مهاب//زمزم!!!!!! ……هي تعبانه؟؟ اسيا//ايوه……المهم متنساش الصبح مهاب//استني…..هي تعبانه ازاي كنت واثقه انه هيسأل قبل ما اخرج……يمكن مكنتش حابه اقوله حاجة……لكن……اعتقد كده كده هيعرف… بعرفة…..وكذبتش لما قولت عيونة بتفضحه…….كل حاجة بتظهر علي ملامحه……حتي فشله انه يداري ومحاولة ظهور انه مجرد زعل لانها بنت عمه!!!!!!

مسرة//انا غلطانه ان سمعت كلامكم……فضلتوا تقولو لسه بدري لحد ما الوقت اتاخر…… سدي//خلاص ياا مسرة ما احنا رجعنا ومحصلش حاجة اهو سيدرة//بس تعرفوا يوم تحفهههه……اينعم كان ممكن نتعلق لو عامر كان جه قبلنا….لكن لاول مره مكنش هيبقي عندي مشكلة….. مسرة//عارفين مش هترتاحوا إلا لما نطرد سيدرة//هو مين اللي كان قاعد يلعب مع مهدي ده؟؟ مسرة//بتسالي ليه؟؟؟ سيدرة//عادي فضول…..شبه بعض ف حسيت انهم اخوات

مسرة//باين اوي انهم اخوات…….امهم كانت موجودة اخوه ومراته…..يبقي التاني ده مين؟؟؟؟؟؟ سيدرة//اوف منك….. بكون واثقه انها خدت بالها منه……عيونه كانت عليها رغم انه مكنش قريب مننا……لكن كان واخد باله من وجودها…..يمكن عصبني شوية……لكن واضح ان إحداهن خدت بالها…..واهتمت!!!!!! زمزم//ماما…… بتول//لو عليا هضربك…..عشان تخبي عني كويس لكن…….مش عارفه

باخد بالي من عمران اللي واقف علي الباب…..اعتقد هو اللي كلمها…..عشان تكون قدامي هاديه نوعا ما كده بتقعد جمبي…..وهي بتحضني……ونظراتها علي رحيم اللي بيتهرب من عنيها وبيعد نجوم…….اعتقد الكل شخصنها معااه بتول//عد النجوم حلو…..حسابك معايا بعدين رحيم//لا معلش……خدي معاد مع مدير اعمالي عشان عندي ضغط الفترة دي….. بتمشي ايدها علي شعري……وهي هادية….مكنتش متخيلة رد فعلها ده نهائي…..اعتقد كنت اوڤر!!! ….او عمران حل المشكلة دي؟

……..هدوئها فعلا كان غريب الامر بالنسبالها بسيط؟؟؟؟؟ …….او هي بتظهر ده!!! مهدي//مكنتش ناوي اعبرك اصلا ياا بارده زمزم//منمتش استنيتك…. رحيم//وانا جبتلك بطانية جمبي بيدخل مهدي الاوضة……وبيقعد بعيد…..وانا في حضن بتول لكن عيوني عليه……نظراته عليا…..بيحاول يعاند او يكون مش متاثر!!!!!! …….لكن اعتقد كان باين عليه! زمزم//مش هتيجي تاخد حضن انت كمان…..لو قررت ابيعهم هبقي مليونيرة!!!! مهدي//شكرا بقرف…….. زمزم//احسن وفرت……

مهدي//خلاص تعالي جتك القرف بت رخمه كنت واثقه انه بيعاند وخلاص……مش بيحب يظهر قدامنا بشكل معين!!!! ….او عاطفي بوجه عام…..لكن اعتقد تظاهر اللامبلاة المرادي مكنش منطقي….. وفي الواقع عنده حق حد يبقي عنده انا وميتأثرش؟!!!!!!! رحيم//خلصنا عواطف….انا جعان جداااااااااااا بتول//جاعت الامله في راسك رحيم//انا بغشل شعري بڤاتيكا…..املة ايه اللي هتبقي فيه!!!!!! مهدي//مش هقول جعان عشان مش ضامن ردها بصراحة

بتول//النهاردة الجمعة اطلبوا اكل رحيم//علي اساس انه لو الخميس كنتي هتعملي موسي//خايف اخد واحده بتدخل المطبخ يوم وتاخد اجازة باقي الأسبوع……. نقاشات وجدال طويييل عن هياكلوا ايه؟؟؟؟ …..مع القليل من شبشب بتول…….الطائر….ودفاع عمران عنها وضرب ثلاثي الابعاد لاي كلمه مش عجبااااه….. وحقيقي مبدأ هايل…..ليه نتناقش لما ممكن نضرب!!!! بيطلبوا اكل……وكل واحد بيفرش جزء من الارض…. بعد قرارهم انهم هيناموا هنا!!!

……تحت بند ان العيان بنام عنده وحقيقي مش عارفة مين اخترع القانون ده؟!!!!!! ….بيخرج عمران…..ومعاااه بتول…..وبنشغل إضاءة خفيفه…..وبنشغل انمي وكل واحد بيتفرج تحت التهديد……بما اني مش بحب الافلام مهدي//بيتزا شبه وشك يا رحيم رحيم//يسلام علي وسامتك شروخان بيتكلم مهدي//لالالالا فوق ياحبيبي لنفسك انا مهندس موسي//بدأنا بقي……ياعم عرفنا مش انسان عادي نديم//سمعة المهندسين راحت في داهية بسببك رحيم//هي كده كده في داهية من بدري

مهدي//انا حاسس اني هقوم اطبق وشك…… نديم//اقعدوا ساكتين بقي الاكل ليه احترام رحيم//هو من احترام الاكل تمسك الفون؟؟؟؟ نديم//بكلم my wife موسي//لا سبب مقنع فعلااا زمزم//نص الحلقه خلص وانتوا بتتخانقوا!!!!!!! رحيم//احكي طيب حصل ايه في البتاع ده موسي//مش عارف ليه حاسس بحاجه حرام يعني تقريباً في إله في الموضوع رحيم//استغفرالله يااعم لا إله إلا الله

ببدا اشرح الانمي…..وكل واحد فيهم الغباء بيخرج من عنيه…..وعاملين نفسهم فاهمين…..وانا مش بحاول افهمهم اكتر لان كنت عوزه اتفرج……بيخلصوا اكل… وكل واحد بيسحب البطانية……وبيبداو تنمر بما انهم مش فاهمين القصة!!!!!!! …..بينمروا علي ابطال القصة؟؟ ومشكلتي مكنتش هنا مشكلتي مع ضحكم علي نكت وتعليقات اصلا سخيفه!!!!!!!!

…..مش بضحك….كل واحد فيهم بيضحك علي طريقه ضحك التاني……لحد ما بيتعبوا ويناموا…….وحقيقي كنت محتاجة اصورهم واعمل منها استيكر علي الواتس…… مهاب//صباح الخير اسيا//صباح النور كنت فكراك نايم….. مهاب//لا صاحي من بدري……هتنزلي امتي اسيا//نفطر وننزل…… مهاب//تمام هلبس علي ما تجهزي الفطار عشان منتأخرش مكنتش فاهمه نتأخر ازاي!!!!

……لكن فاهمه استعجاله اللي بيداريه…..بجهز الفطار….وبعمله سندوتشات عشان عارفه اللي هيحصل…..وبلبس…..وبخرج وبيبدا كل حاجة اتوقعتهاا تحصل مهاب//لو جهزتي الفطار ممكن نفطر في العربية اسيا//وليه يابني ما هنفطر هناا وبعدين ننزل الدنيا مش هطير مهاب//قصدي ان عشان الطريق بيبقي زحمه وكده نلحق نمشي بدري عشان متضايقيش…..ونفطر في العربية الحاح وزن…..لحد ما بننزل وبنفطر فعلاً في العربية…. وانا بتفرج علي الطريق اللي شبه فاضي!!!!!!

….اللي ممكن يكون زحمه لدرجه منعرفش نمشي؟؟؟؟؟؟ اسيا//ده اللي بيبقي زحمه!!!! مهاب//استني ساعه واتفرجي عليه بيكون زحمه جدا اعتقد مكنش في زحمه غير دماغه…..اللي بتفكر كتير بستعجال…..ولان الطريق طويل…بنام…..ومش بفوق غير لما بنوصل……بقاله كتير مش بيجي هناا…..عيونه كانت علي المكان بستغراب…..اعتقد احساسه بأن المكان اتغير كان قوي…. مهاب//هتطلعي….؟ اسيا//بتنا……..اكيد مش هنروح للناس دلوقتي مهاب//هجيب الشنط طيب واطلع وراكي

زمزم//نبذة عن تصعيد الامور عندك يا رحيم رحيم//بت العبي وانتي ساكته بيفوقو بدري عكس الطبيعي…..بيدخل مهدي وموسي يعملوا فطار….بما ان بتول مش بتفوق دلوقتي…. وانا ورحيم بنلعب…..ونديم عايش مع عفراء علي موبايله

اعتقد اكتر شخص بيقعد معايا رحيم…….اغلب المجسمات والاشكال اللي في الأوضة بتاعتي…..انا وهو اللي عملناها مع بعض……بما اني قعدت من الشغل لحد ما اكون كويسه……ووقتي كله فاضي…الايام بتعدي علياا بسرعة……بشكل غريب عكس ما كنت متوقعة………مكنتش متخيلة ايامي تعدي اصلا…. ولا كنت عارفة هكمل ازاي….لكن وجودهم خلاها تعدي بشكل حنين…..

……..يمكن فيها حجات كتيره بشعة…..شعري اللي وقع……شكلي اللي نوعا ما غريب بالنسبالي……. مكنتش عرفاني…..تايهه….لكن نظراتهم اللي مفيهاش شفقه…..تعامل مع الشيء انه طبيعي وان مفيش مشكلة…….خلاني انا كمان شيفااه عادي؟!!!!! …..مجرد وقت ويطلع تاني احسن من الاول يمكن للحظات احيانا بحس اني مش عرفاني……لكن في ناس حواليا عرفاني!!

……أشخاص مكنتش هاخد بالي منهم في ايامي العادية…….وبين كل الأشخاص والايام…….مهاب…..اللي ظهر فجاة….بشكل غريب يمكن لاني مؤخرا مفرطه في التفكير خدت بالي منه…. رغم انه دايما بعيد!! ……لكن موجود…… وجود مختلف مكنتش فاهمه ازاي قادر يبقي موجود كده……من غير ما يقرب…..ولا يعلق علي شيء…..من غير ما يضايقني بحضورة….لكن كنت واخده بالي وجود هادي……ساكت من بعيد…..لكن بالغلط عرفني انه مهتم!!!!!!!!!

بتعدي جلسات كتيرة…..وانا بعد الايام….في انتظار اخر جلسة لياا……مكنتش مصدقة امتي كل ده يخلص زمزم//رحيم…….رحيم بدخل الاوضة بتاعته…..في رحلة بحث عنه…..لكن بيوقفني…..نتيجة متعلقه جمب السرير…….بين كل يومين تاريخ…..ودايرة صغيرة علي يوم معين!!!! …. اعتقد ده معاد اخر جلسة ليا…..بما انها قربت؟؟؟ بقيت حساسة وبعيط كتير مؤخرا!!!!!

……مش عارفة هرجع اعصبهم تاني ازاي……بخرج من الأوضة قبل ما اعيط اكتر…….موسي……متبلد المشاعر بتاعنا……هو انسب شخص ليا دلوقتي……قادر يحول مشاعري لغضب غريب؟!!!!! بدخل الاوضة بتاعته وانا بستغفر من الناس اللي بتختفي فجاة من غير ما تقولي………هو كمان مش موجود!!!! …..قرر يتجوز من ورانا؟؟؟ …….لكن اعتقد متفقين عليا النهاردة!!! …….بلمح في الدولاب الضفيرة بتاعتي!!

…..صُنعت بألم العالم كله…..بما انها كانت اخر لقاء بيني وبين شعري……عملتها عشان اقصة!!!!!!!! مربوطه في وردة……..وفي شنطة شفافه……حتي موسي!!! ……هتخانق مع مين دلوقتي؟؟ …..بخرج واعتقد بقي عندي اكتر من سبب للبكاء!!!!! …..

وبقرر ادخل الاوضة بتاعتي محاولتش اشوف في حد تاني ولالا………لكن بسمع صوت اسيا وزمزم في البلاكونة……اعتقد دي اطول فتره قعدتها اسيا في شقتها جمبنا…….قربتهم من بعض جدا…….تقريبا بدأو يكونو شبه بعض من كتر قعدتهم مع بعض بدخل الاوضة بتاعتي….بفتح اللاب…..وانا بضيف جزء جديد للرواية بتاعتي……هواية اكتشفتها من قعدتي في البيت……حبيتها……بضيف فيها لمسات خفيفة من الواقع……ابطالها…..كانوا ابطال حياتي الواقعية!!!!

بين السطور….بكتب غضب رحيم….ونظراته الساخره مني احيانا…..مهدي اللي بيعمل نفسه مش فارق معااه حاجة وبليل بيدخل بهدوء يطمن عليا……موسي منعدم المشاعر….الرومانسي……نديم اللي واخد اتيتيود البابي من دلوقتي مع عفراء…… مهاب……الوجود الهادي…..التعامل بينا لا يتخطي كلمتين كل شهر…..مضاد حيوي تقريباً……نظراته اللي مش بتقابلني…..واللي مكنتش مستغربة تصرفاته بشكل كبير……لكن كنت مستغربة وجود مشاعر اصلا!!!

حالة الطوارئ اللي حصلت في البيت دي طلعت لطيفة! رحيم//ززززززمززززززم زمزم//بسم الله الرحمن الرحيم رحيم//بما اني انا ربنا يحميني ولكن…..انا حجزت اول جلسة…لذالك حجزت اخر جلسة….وربنا يحميني ويجوزني برضو موسي//وانا كنت معاااه…… مهدي//ده علي اساس اني مضاف اليه…….ده حتي تم التحمرش بياا زمزم//ايه؟؟؟؟ مهدي//والله يا اوختشي…..الانسة كانت عوزه النمبر نديم//الدنيا مبقتش امان…..البس محتشم يابني الستات مبهدله الدنيا بره

رحيم//ايوه صح ما انت اللي لابس ليها نص كم وبتاع والانسان برضو ضعيف مهدي//هقولها لام العيال ازاي دلوقتي….. زمزم//مشكلة فعلاً……هتفكرك مش محترم مهدي//يعني انا اللي قولتلها تحمرشي بيااا رحيم//انت اللي لبستلها نص كم….العيب عندك زمزم//بعد اذن كلام الفيسبوك ده ممكن نهتم للجلسة بتاعتي بنبدا نأسس طموحات لاخر يوم جلسة…..وان لازم نخرج!!!

…….ونسهر…ونعمل كل الممنوعات اللي عمران بيمنعها…..وزي اول يوم عرفوا فيه…….بيقرروا يناموا في الأوضة بتاعتي تاني……..وكل واحد عامل حسابة واتعلم من اخر مره……بما ان الارض مش مريحه….. بيبدا مهدي يخرج روح المنهدس اللي فاهم كل حاجة علينا……. مهدي//مسرة…. مسرة//خير في مشكلة في الورق مهدي//لو اتقدمتلك توافقي؟!