تحميل رواية «جنان في جنان» PDF

ن

الام :

قومي بقي يا بنتي كل ده نوم عندك شغل

ترد البنت و هي نايمه علي السرير و تقول

حاضر حاضر قايمه اهو

الام :

انتي حره بقي انا زهقت و مش هصحيكي تاني يكش تترفدي من شغلك يا خايبه

البنت :

حاضر حاضر صحيت اهو و بعدين يا ماما انا مش خايبه انا دكتوره

تتكلم الام و تقول

دكتوره بلا نيله ده انتي دكتوره مجانين يا مجنونه

اتكلمت البنت و بتقول

ماما لو سمحت انا دكتوره نفسيه مش مجانين

اتكلمت الام و قالت

نفس المجال يا اختي اتوكسي

اتكلمت البنت و قالت

طيب بعد ازنك بقي يا ماما عشان الحق البس و نزل المستشفي

و يادوب خلصت من ماما جتلي تيته و هي للاسف بتسمع الكلام اللي علي مزاجها بس وبقيت الكلام مش بتسمعه يعني سماعها تقيل واول ما جت قالت

مستشفي مستشفى ايه يا بت مين فيكوا تعبان

اتكلمت و قولت

لا يا تيته انا دكتوره و شغاله في مستشفى

اتكلمت تيته و قالت

طيب يا حبيبتي ربنا يشفي

و بعد كده سابتني تيته و خرجت و كملت لبس عادي و بقيت علي سنجه عشره و اول ما خرجت من الاوضه لقيت ماما و تيته و اخويا قاعدين علي السفره بيفطروا و قفت عملت سندوتش علي السريع عشان متأخرة و قولت لماما

معلش يا حبيبتي ممكن تشوفيلي معاكي فلوس لحد القبض بس

اتكلمت ماما وهي بتاكل و قالت

وانتي مش معاكي فلوس

قولتلها

لا معايا يا ماما بس عايزه بزياده مش اكتر

قالتلي

مش معايا فلوس اخر فلوس خدتها ستك يا اختي

لفيت وشي لتيته و قولتلها

تيته حبيبتي عايزه فلوس

اتكلمت تيته و قالت

لبوس! لبوس ايه ده يا بت اللي عايزه مني هو انا بتاعت لبوس

اتكلمت و قولت

لبوس اه دلوقتي سمعك راح مش كده انا عارفه اني مش هعرف اخد منكوا حاجه انا ماشيه و مش عايزه حاجه منكوا

المهم سبتهم و نزل اجري و ماسكه في ايدي سندوتش و الايدي الثانيه ماسكه كتابين و لبسه شنطه علي كتفي المهم نزلت الشارع و حولت اخد اي مواصلات من قدام البيت بس معرفتش المهم و قفت تكسي و اول ما ركبت لقيت واحد فاتح الباب التاني و بيركب معايا بصيت عليه و قولتله

نعم

قالي

نعمله عليكي انا اللي مواقف التكسي انتي اللي نعم

قولت

نعم لا بقولك ايه انا مش نقصاك خلاص علي الصبح انا فيا اللي مكفيني

قالي

انا مالي انا باللي بتقوليه ده انا مستعجل جدا و مش هينفع اتاخر

قولت

وانا كمان متاخره جدا وده تاني يوم ليا و مستحيل انزل من العربيه

اتكلم السواق و قال

خلاص يا جماعه انا هوصلكوا انتو الاتنين و بقوا اقسموا الاجره مع بعضكوا انتوا نازلين فين

وافقنا و بعد كده كل واحد فينا قال هو نازل فين و بعدين اتكلم السواق و قال

طيب يا استاذه كده الاستاذ هو الأقرب

قولت

يعني ايه

قالي

يعني هنوصل الاستاذ الاول و بعد كده هوصل حضرتك

اتكلمت وانا بنفخ و قولت

هو يوم باين من أوله طيب بسرعه بعد اذنك

سكت و فضلت باصه من الشباك و اتحركت العربيه و هو اتكلم و قال

حامد

بصتله باستغراب و قولت

نعم

اتكلم و هو عامل ايده علي اساس أنه بيسلم و قالي

اسمي حامد

بصتله بقرف و من غير ما اسلم عليه و قولتله

اهلا و سهلا

لم ايده و قالي

وانتي اسمك ايه

قولتله

وانت مالك

قالي

عادي يعني مش انا قولتلك علي اسمي

قولتله

هو انا اللي سالتك ولا انت اللي قولت من نفسك

لقيته بصلي بقرف و قالي

انا غلطان اني اتكلمت معاكي اصلا

قولتله

ايوه انت فعلا غلطان خليك في حالك بقي

و بعد كده كل واحد بص من شباكه و فضلنا ساكتين لحد ما وصلنا للمكان اللي مفروض هنزل فيه و قال السواق

انا هنزل هنا يا سطا بعد ازنك

و لما السواق وقف قاله

الله يكون في عونك

و بعد كده فتح باب العربيه و نزل و انا كملت مشواري و قبل ما انزل طلعت نص الاجره عشان ادفعها زي ما اتفقنا لقيت السواق بيقولي

انا اسف يا استاذه بس انا عايز فلوس كلها

قولت

نعم هو مش احنا اتفقنا أن كل واحد هيدفع نص الاجره و بس

قالي

مهو يا فندم الاستاذ نزل و مدفعش حاجه

قولت

طيب وانا مالي انا

قالي

طيب انا ذنبي ايه يا استاذه

قولت

انت ملكش ذنب هو يوم منيل من أوله اتفضل يا اسطا

دفعتله الفلوس و نزلت و فعلا انا كنت مخنوقه و علي أخري وربنا بس هعمل ايه بقي ما علينا

طيب تعالوا بقي اقولكم انا مين و ايه حكايتي بالظبط بصوا بقي انا اسمي "رقيه" بس دلعي روكا و بحب اسم الدلع جدا و لسه طالبه في طب طب نفسي و ركزوا في نفسي دي مش عقلي المهم انا والدي متوفي و عايشه مع ماما و اخويا و تيته اهو الناس كلها كوم و تيته دي كوم تاني خالص محدش عرف لها حاجه مره تعبانه و مره لا مره عندها زهايمر و مره لا مره بتسمع كويس و مره لا المهم اخويا اسمه احمد وهو فاشل ايوه فاشل مش نافع في أي حاجه لا دراسه ولا حتي شغل هو في أولي جامعه تجاره بس يعتبر مش بيروح اصلا و كل ما يروح شغل يتخانق فيه و يمشي و هو دلوع امي جدا و ستي كمان المهم انا بقي نازله تدريب في مستشفي امراض نفسيه و عقليه و الدكتور بتاعي عاملي حاجه كده زي القبض اه هو رمزي جدا و مش بيكفي حتي لنص الشهر بس ما علينا و اكتر كلمه الدكاتره بيقولها لي و هي اني فشله و مش عارفه ليه يمكن عشان باجي متأخر مش عارفه المهم اني كنت مستعجله و نسيت اجيب البالطو الابيض و طبعا ما ينفعش دكتور من غير البالطو الابيض ودي اول حاجه من فشلي و اول ما دخلت مكتب الدكتور عشان اعرفه اني حضرت و لما شافني قالي

روكا اتفضلي بره و متجيش تاني من غير البالطو بتاعك يا دكتوره وانا هعتبرك مجتيش انهارده

رديت و انا باخد نفسي من الجري ما انا طبعا داخله المستشفى بجري ما علينا المهم اتكلمت و قولت

معلش يا دكتور انا بس عشان نزله مستعجله نسيت البالطو انا اسفه و اوعد حضرتك مش ها تتقرر تاني

رد عليا الدكتور و هو باصص لدفتر قدامه علي المكتب و قالي

بره يا روكا

كنت لسه هتكلم راح خابط بايده علي المكتب و اتكلم بعصبية و قالي

بره و مش عايز اسمع منك حاجه

بصراحه كده خوفت اتكلم تاني يحدفني باي حاجه في ايده عشان كده خرجت من المكتب و من غير ما اقول اي كلمه و طبعا كنت مضايقه جدا فا قولت أخرج اقعد في الجنينه بتاعت المستشفى شويه اشم هواه و بعد ما قعدت بدقائق لقيت الكل بيجري اتجاه مبنى كبير و سامعه ناس بتصوت قومت جريت انا كمان و روحت اشوف ايه اللي بيحصل و لما روحت و بصيت لفوق شوفت واحد واقف في اخر دور و عايز يرمي نفسه من فوق و كل الدكاتره و الناس اللي واقفين حوليا بيقوله

ارجع يا مجنون انت

و فجأة لقيت نفسي دخلت المبني ده بجري و لحد ما طلعت عنده و انا واقفه وراه قولتله

ممكن تهدي شويه

لقيته بصلي و قالي

انتي طلعتي ليه انا كده كده هرمي نفسي انا مش عايزه اعيش في الدنيا دي

اتكلمت و قولت

طيب اهدي بس و قولي انا عايز ترمي نفسك ليه و كاره الدنيا ليه بس

قالي

و انا هحب ايه في الدنيا الناس كلها بتقولي يا مجنون وانا هفضل مجنون لحد امته انا خلاص كرهت من ناس دي

ضحكت و قولته

انت عايز تنتحر عشان ناس بتقول عليك مجنون امال لو ناس بتقول عليك انك فاشل هتعمل ايه

لقيته سكت كده شويه و بعدين اتكلم و هو بيضحك و بيقول

هنتحر بردو

سكت شويه و قولته

خلاص مدام كده هتنتحر و كده هتنتحر بيقي استني انتحر معاك انا كمان

قالي

انتي بتقولي ايه انتي مجنونه

ضحكت و قولته

لا فاشله و كده كده الدكتور بتاعي مش هيحسب لي اليوم النهارده

بصلي باستغراب و قالي

انا مش فاهم حاجه

قولته

مش مهم المهم دلوقتي انك لقيت حد هنتحر معاك

و بعد كده قربت منه و طلعت وقفت جانبه علي السور و بصيت لتحت وانا كنت مرعوبه المنظر كان صعب جدا بس حولت أتمالك اعصابي و طبعا ما بينش الخوف عليا و فجأة و بدون مقدمات حصلت حاجه مش متوقعه منه و هي ...................

و فجأة و بدون مقدمات حصلت حاجه مش متوقعه منه و هي ...................

بدأ يتكلم معايا و يقنعني أني مينفعش انتحر و قالي

انت هتنتحري ليه ممكن اعرف

بتكلم معاه وانا اصلا مرعوبه و مش قدره ابص تحت من شده الارتفاع المهم قولته

ما انا قولتلك كلهم شايفني فاشله

لقيته اتكلم بعصبية و قالي

و عشان كده عايزه تنطي يا فاشله

اتكلمت و قولتله

امال اعمل ايه

قالي

انزلي و اثبتي للكل انك مش فاشله

قولتله

حلو تعال ننزل سوا وانت كمان عيش حياتك و اثبت للكل انك عاقل مش مجنون

اتعصب عليا اكتر و قالي

لا انا لازم انط من هنا

قولت أقوله كلمه حلوه و حساسه اني واقفه معاه و مش هسيبه عشان اقنعه ينزل بس حصل العكس قولتله

خلاص وانا مش هسيبك ولو هتنط يبقي هنط سوا

اول ما قولتله كده لقيته فرح اووي و مسك ايدي و قالي

طيب يلا

اتكلمت وانا مرعوبه و في نفس الوقت ندمانه و عايزه اضرب نفسي علي الكلمه اللي قولتها دي المهم قولته

لا استني بس يلا ايه اهدي و خلينا نتكلم شويه

لقيته مسك ايدي جامد وقالي

متخافيش مش هيحصل حاجه

قولتله

طبعا هو هيحصل ايه تاني اكتر من الموت اسمعني بس

لقيته فرحان جدا و بيضحك بطريقه غريبه اووي و بيبص تحت و انا بصوت و بتشاهد جانبه و فجأة جه عشان ينط الحمدلله حصلت حاجه معجزه من ربنا وهي أن انا كنت لبسه الشنطه بتاعتي علي صدري يعني كنت لفاها حوليا واول ما كان هينط الشنطه اتعلقت في حديده موجوده علي السطح و الحمدلله بدل ما نقع تحت وقعنا علي السطح وانا قولت خلاص انا موت فضلت فتره مغمضه عيني لحد ما لقيته هو بيحركني و بيقولي

قومي قومي قومي

فتحت عيني و قولته

اده احنا مامتناش

لقيته ضحك و قالي

لا انا ممتش لسه عايش

حاولت افهم ايه اللي بيحصل و قولتله

انت مبسوط عشان لسه عايش

قالي و هو فرحان جدا

ايوه طبعا فرحان عشان أنقذت حياتك

اتكلمت باستغراب و قولتله

انت أنقذت حياتي انا

قالي

ايوه مش انت كنتي هتنتحري وانا أنقذت حياتك

و فجأة لقيته قام وقف و كان بيرقص و بيقول

أنقذت حياتك انا أنقذت حياتك يا فاشله

و فضل يضحك و كان فرحان جدا و سابني و نزل و قبل ما يمشي قالي

اوعي تفكري تعملي كده تاني الحياه حلوه و جميله عيشي حياتك

و بعدها سابني و مشي و انا قومت و مكنتش عارفه اعمل فيه ايه بعد الخضه دي قومت و نظفت هدومي و نزلت و اول ما شافني الدكتور بتاعي قالي

شاطره يا روكا عرفتي تقنعيه أنه ما ينتحرش لا وكمان اقنعتيه أن هو اللي انقذ حياتك

رديت وانا بتوجع من الخبطه و قولتله

شكرا يا دكتور انا معملتش حاجه ده واجبي

لقيته ابتسم و مشي من غير ما يقول حاجه روحت وراه و قولتله

بعد ازنك يا دكتور ممكن احضر انهارده و استلف اي بالطو من اي حد تاني

لقيته بصلي و الابتسامه اتشالت و قالي

لا انتي يعتبر مش موجوده معانا النهارده و يكون احسن ليكي انك تمشي روحي يا روكا

قال الكلمتين دول و سابني و مشي و بعدها قول

و ربنا انتوا كلهم مجانين حتي الدكاترة لا حوله و لا قوه الا بالله العلي العظيم

و بعدها مشيت و خرجت من المستشفى و يا دوب مشيت خطوتين لقيت الشاب اللي كان راكب معايا فكرينه طبعا ما عليا لقيت واقف الاتجاه التاني من الشارع عديت الشارع بسرعه و جريت لحد ما روحت له و بعدين قولتله

انت يا نصاب

راح لف وشه و بصلي و قالي

انتي تاني

قولتله

ايوه انا يا نصاب يا حرامي

قالي

نصاب و حرامي طيب ليه الغلط طيب و بعدين انا سرقت منك ايه

اتكلمت و انا مسكاه من قميصه و بقوله

فضلت تتكلم و كنت عايز تتعرف عليا عشان بس تنزل و ما تدفعش الاجره يا حرامي

كنت بتكلم و انا متعصبه و فعلا بتخانق معاه وهو اول ما قولتله كده لقيته ضحك جامد و قالي

اه معلش والله انا كنت مستعجل جدا و نسيت فعلا و بصراحه مصدقت نزلت عشان متأخر يعني

قولتله

نسيت

قالي

طيب اهدي بس و نزلي ايدك عيب انا راجل محترم و بعدين خلاص يا ستي متزعلش انا هرجعلك الاجره كلها مش نصها

اتكلمت وانا بنزل ايدي و قولتله

لا يا سيدي شكرا انت ادفع اللي اتفقنا عليه و بس مش كلها

اتكلم و هو بيطلع المحفظه بتاعته و بيطلع منها فلوس و بيقولي

لا عيب انا الراجل و ده واجبي اتفضلي يا ست البنات

خت منه الفلوس و طلعت منها نص الفلوس بس و رجعت له الباقي و قولتله

شكرا انت مش هتبقشش عليا بعد ازنك

سبته و مشيت و سمعته بيتكلم بس مفهمتش كان بيقول ايه اكيد شتم بس مش مشكله مشيت بعيد عنه و فضلت واقفه مستنيه اي عربيه اركب فيها عشان اروح و لكن مفيش فايده لحد ما لقيته جي و راكب عربيه حلوه اوي و بيقولي

اتفضلي يا استاذه اوصلك هنا مش هتلاقي مواصلات كتيره

رديت و قالت

لا شكرا انا هتصرف

ضحك و قالي

هتتصرفي ازاي يعني صدقيني مفيش مواصلات دلوقتي و الاحسن تركبي وانا اوصلك

بصتله و بعدين فتحت باب العربيه و ركبت قال يعني مضطره بس بيني و بنكوا هيبقي احسن بكتير لما يوصلني واركب العربيه الجميله دي لحد البيت المهم بعد ما ركبت لقيته بيقولي

عايز اسال حضرتك سؤال بس متفهمنيش غلط

قولت اسال

قالي

هو حضرتك خارجه من المستشفى ليه بالظبط

ضحكت و قولتله

متخفش انا دكتوره نفسيه و التدريب بتاعي هنا في المستشفى دي

قالي

طيب الحمدلله طمنيني الله يطمنك

قولتله

انا عارفه و متاكده انك قولت عليا مجنونه

قالي

بصراحه انا قولت كده فعلا

ضحكت و قولتله

والله ضحكتني انا مش قادره اضحك

قالي

ليه كده يا دكتور اضحكي محدش واخد من الدنيا حاجه

قولت

بعيد عنك انا انهارده شوفت يوم ما يعلم بيه اللي ربنا

قالي

و طبعا بدأ من الصبح مش كده

قولت

اه والله فعلا ده من اول ما صحيت من النوم

قالي

اه و الله يا دكتور مش لوحدك بردو اليوم انهارده كان وحش اوي و مش عارف اصتبحت بوش مين

ضحكت و بعدها بشويه سكت و بصتله كده بصه و قولتله

انت قصدك ايه بالظبط

كان لسه هيتكلم قولتله

انت خت عليا اووي علي فكره وانا مسمحلكشي اتفضل بقي نزلني علي جنب

قالي

اهدي بس هو انا قولت ايه لكل ده

قولت وانا متعصبه

يعني انت تقصد ايه بكلمت اصتبحت بوش مين يعني

اتكلم باستغراب و قالي

ايوه وانتي ايه اللي مزعلك في حاجه زي كده مش فاهم

اتكلمت و قولت

يعني ايه ايه اللي مزعلني هو انت اصتبحت بوش مين يعني

سكت شويه و بعدين اتكلم و قال

اهاااا لا انتي فهمتي غلط انا مش قصدي انتي خالص انا قبلت حد تاني قبل ما اشوفك

قولت

اهااااا ماشي

ضحك و قالي

انا عايز اسألك سؤال تاني

اتكلمت و قولت

لا كده كتير مش عشان رديت عليك و ركبت معاك العربيه تفضل تسال عن حياتي مش اسلوب يعني

سكت و بعدها قالي

طيب خلاص انا اسف مش هسال اي حاجه تانيه

بصيت من الشباك و قولت في سري

استغفر الله العظيم من كل ذنب عظيم

و بعدين بصتله و قولتله

ممكن اسالك سؤال

قالي

انا مش هعمل زيك و لا حتي هقولك نفس الكلام اللي انتي قولته اتفضلي اسالي براحتك يا دكتوره

قولت

هي دي عربيتك ولا

ضحك و قال

ولا ايه اكيد مش سرقها يعني دي عربيتي

اتعدلت كده و اتكلمت بعصبية و قولتله

مدام انت عندك عربيه ليه ركبت معايا التكسي الصبح و اتخنقت معايا

قالي

هو انتي علي طول متعصبه كده ما تهدي شويه بقي و بعدين العربيه كانت في الصيانه و انا كنت متاخر جدا و مكنش هينفع انزل من التكسي خلاص

قولتله

تمام ماشي انا هنزل الشارع الجاي ده أن شاءالله

قالي

تمام اتفضلي

و بعدها ركن علي جانب و كان ساكت و انا فتحت الباب و نزلت و بقفل الباب قولتله

انا متشكره جدا

بصلي و قالي

العفوا انا تحت امرك في اي وقت

قولتله

مع السلامه

قالي

سلام

و بعدها مشيت و طلعت البيت و فضلت واقفه شويه اخبط علي باب الشقه و محدش فتح و بعدها طلعت مفاتيح و فتحت الباب و لما دخلت الشقه كانت الصدمه بالنسبالي ...........

لما دخلت الشقه كانت الصدمه بالنسبالي ...........

و مش بس صدمه دي مصيبه كمان اول ما حطيت رجلي في الشقه كانت الشقه كلها غرقانه ايوه بالظبط كده و لما دخلت لقيت تيته قاعده بكل براءة علي الكنبه و بتتفرج علي التلفزيون اول ما شوفتها قولتلها

خير يا تيته ايه اللي حصل

بصتلي و قالتلي

المايه كانت قاطعه وانا كنت عايزه اعمل كوبايه شاي

حطيت ايدي على راسي وقلت لها

يعني يا تيته عشان تعملي كوبايه شاي تغرقي الشقه كلها امال ماما و اخويا راحوا فين

قالتلي

ما اعرفش يا اختي امك خدت اخوك ومشي سابوني لوحدي

قولتلها

و طبعا ماما ما غسلتش المواعين والحوض مسدود وحضرتك فتحت الحنفيه وسبتيها

لقتها بصتلي و قالتلي

ادخلي يا بنت اعملي لي كوبايه شاي عايزه اشرب شاي من بدري

قلت

يا رب صبرني

و سبتها و دخلت على جوه دخلت شنطتي و شمرت هدومي و بدات اروق و اظبط الدنيا اللي تيته عكيتها دي وكانت كل ما تشوف وشي رايحه او جايه من قدامها تنده عليا وتقول لي يا بنتي اعملي الشاي لحد ما زهقت ودخلت عملت لها كوبايه الشاي واول ما شافتني قالت لي

جايبه لي شاي دلوقتي انت ايه ما عندكيش نظر مش شايفه ان قد ايه انا تعبانه وعايزه انام حسبي الله ونعم الوكيل فيكوا وفي اهمالكوا

وبعد كده سابتني ودخلت الاوضه بتاعتها تنام وانا من كتر ما انا كنت متضايقه مش عارفه اعمل اي حاجه قعدت مكانها وفضلت اشرب انا كوبايه الشاي فعلا كنت خلاص تعبت من كتر الترويق وبعد ما خلصت كوبايه الشاي وخلصت ترويق دخلت قفلت الغاز وقفلت محبس الميه وقفلت باب الشقه بالمفتاح عشان تيته ما تخرجش وقفلت كل حاجه ممكن تيته تخربها او تاذيها ودخلت نمت وما حسيتش بنفسي ولا حسيت بالوقت وفين وفين لقيت ماما واقفه بتصحيني وبتقول لي

اصحي يا روكا والحقي ستك

فتحت عينيا قلت

يا فتاح يا عليم

وبعدها بصيت لماما و قلت لها

خير يا ماما في ايه بس

انت بتتكلم بقلق وبتقول لي

ستك مش في البيت يا رقيه الحقيني

انت مفزوعه من السرير وقلت لها

ازاي انا قافله الباب بالمفتاح وقفلت عليها ما فيش اي مكان تخرج منه خرجت ازاي ثاني

تعالوا نقف هنا واحكي لكم على حاجه بسيطه وبعدين نرجع نك

لما اي حد فينا يزعل ستي تسيبي البيت وتمشي ودائما بنروح نلاقيها قاعده في المدفن بتاع جدي وبتقعد تتكلم معاه بالساعات يمكن كمان يكون هو الشخص الوحيد اللي هي فاكره وفكره كل لحظه عشتها معاه وكانت دايما بتقعد تحكي لنا اتعرفت عليه ازاي و حبوا بعض امتى يمكن يكون كلنا حفظنا القصه بتاعتهم عين الدكاتره كلهم اجمعوا انها عندها زهايمر بس الفتره الوحيده اللي فاكراها هي الفتره اللي كان جدي موجود فيها تحسه زي ما يكون دفنت نفسها في الذكريات ورفض الواقع اللي عايشين فيه هي بس عايشه على الماضي

المهم نرجع تاني ماما ردت عليا وقالت لي

احنا لما جينا فتحنا كل حاجه ولقيناها صاحيه وقاعده على السرير بتاعها وماسكه صوره جدك ولما سالتها تحبي يا ماما اعمل لك حاجه تشربيها او تاكليها ردت عليا وقالت لي اعملي لي كوبايه شاي عشان بنتك ما رضيتش تعملي وبعدين سبتها ودخلت اعمل لها كوبايه الشاي رجعت ما لقيتهاش ولقيت باب الشقه مفتوح وهي مش موجوده

ردت عليه وقلت لها

بسيطه يا ماما هتلاقيها راحت عند جدي زي كل مره

قلت لك كلمتين وبدات افرد جسم على السرير واعدل البطانيه واتغطى وهكمل نومي عادي لقيت ماما صوتها عالي شويه وبتقول لي

انت هتنامي يا عديمه القلب و عديمه الرحمه قومي فزي روح هاتي ستك

رديت عليه وقلت لها

يا ماما انا تعبانه طول اليوم كفايه اللي ستي عملته فيا ابوس ايدك سيبيني اكمل نوم وخلي اخويا هو اللي يروح يجيبها ومش هو الراجل

ردت عليا وبتقول لي

اخوك كمان تعبان كفايه انه كان معايا طول اليوم ما رضيناش نزعج جنابك

قلت لها وانا متعصبه

تزعجيني ازاي بس وانا كنت في الشغل وهو اللي قاعد و مرزي هنا انا مش عارفه ده ما بيشتغلش ليه

قالت لي

هو انتي عشان دكتوره هتشوفي نفسك علينا بقول لك ايه هتقومي دلوقتي تجيبي ستك ولا البس انا واروح اجيبها

قمت وانا متعصبه من على السرير وقلت لها

لا يا ست الكل خليكي مرتاحه انا اللي هلبس اروح اجيبها يا رب امتى بقى تخلصني من البيت ده

ردت عليا ماما وقالت لي

اتجوزي يا اختي واخلصي وخلصينا ولا اقول لك سيبينا وروحي عيشي مع شويه المجانين المفروض بتعالجيهم والنبي يا رقيه انت اللي محتاجه تتعالجي

امي قالت لك كلمتين وطلعت من باب الاوضه وانا فضلت ابصلها كده ومذهوله انت بتقولي ايه يا ست الكل انا محتاجه اتعالج الله يسامحك

المهم سبتها و روحت علي الدولاب و طلعت لبس و لبست و نزلت و روحت عند تيته و فعلا لقتها قاعده جانب مدفن جدي و اول ما شوفتها قولتلها

تيته ايه يا حبيبتي اللي جابك هنا بس

بصتلي باستغراب و قالتلي

انتي مين

اقعد اضحك جامد اووي و قولتلها

لا بصي مش وقته خالص الليل قرب يليل علينا و مستحيل افضل هنا ولا حتي هسيبك هنا المهم دلوقتي نمشي وانا هبقي اقولك انا مين ماشي

قالتلي

ماشي بس بشرط

قولتلها

كمان ماشي يا ستي قولي

قالتلي

وديني علي الكورنيش و هاتيلي حمص الشام

قولتلها

يا سيدي علي الطلبات ماشي يا تيته من عيوني يلا بينا بقي

ختها و مشينا و فعلا عملتلها اللي هي عايزه كله و بعدها روحنا البيت و هي دخلت علي الاوضه بتاعتها و نامت وانا لما اتأكد انها كويسه روحت نمت انا كمان و طبعا صحيت تاني يوم متاخره كالعادة و نزلت اجري بس المره دي مركبتش تاكسي ركبت اتوبيس و كان زحمه جدا بس لقيت كرسي فاضي جانب ست كبيره قعد جانبها لحد ما وصلت للمستشفى و اول ما قولت للسواق

علي جانب يا اسطا انا هنزل هنا

لقيت كل اللي في العربيه بصولي جامد ولا كاني انا اللي مجنونه بس مش مشكله المهم لبست البالطو و دخلت عند الدكتور بتاعي و قولتله

صباح الخير يا دكتور

بصلي بقرف كده و قالي

صباح الخير يا هانم

قولتله

جبت البالطو اهو

لقيته بيبص في الساعه و بعد كده بصلي وقالي

جايه متاخره يا فاشله يعني اليوم اللي تجيبي فيه البالطو تيجي متاخره ابقي قابليني لو فلحتي

رديت و قولتله

طيب يا دكتور اروح ولا اروح اشوف شغلي

بصلي بقرف برضوا و قالي

اتفضلي امضي هنا و بعدين روحي شوفي شغلك

و فعلا مضيت و مشيت و بعد ما خرجت ملقتش اي حاجه اعملها عشان طبعا لسه مش معايا حالات و كل شويه الدكتور يقولي

اتعلمي من زمايلك و ادخلي معاها ولما اتأكد أني ممكن اعتمد عليكي ساعتها بس ممكن اديكي حالات تتبعيها

المهم فضلت اتمشي و انا حاطه ايدي في جيبي ولا كاني بتمشي في جنينه لحد ما قبلت واحد زميلي دكتور برضوا و اول ما شافني قالي

ايه يا روكا عامله ايه

قولت

مازن اخبارك ايه

قالي

اه هو الدكتور لسه مش عايز يديكي حالات

قولتله

لا مش راضي مع اني مش عارفه ليه هو محسسني أن انا هجننهم بذياده

فضل يضحك و بعدين قالي

طيب بصي انا هعمل فيكي جميله

قولتله

خير

قالي

انا عندي انهارده تلات حالات ممكن تاخدي منهم حاله أو حالتين

قولتله

قول كده بقي بس ماشي هاخد حاله واحده بس

قالي

تمام ماشي و انا يا ستي هديكي اسهل حاله

قولتله

سهله فعلا ولا هتدبسني

قالي

لا والله سهله جدا و كل مشكلتها بس انها مش بتتكلم

قولتله باستغراب

نعم يعني خرسه

قالي

لا طبعا خرسه ايه بس هي كانت بتتكلم بس مره واحده سكتت و مش عايزه تتكلم و اهلها هما اللي جبوها هنا و محدش عارف يخليها تتكلم ولا حتي حالتها اتحسنت 10%

قولتله

هي دي كده و سهله

قالي

خلاص في حاجه تانيه لكن مجنون بجد

قولتله

لا لا خلاص دي حلو اوي بس هنعمل ايه مع الدكتور

قالي

يا ستي ملكيش دعوه انا هقوله أني اديتك الحاله دي وخلاص انا هتصرف متقلقيش

قولتله

تمام

و بعدها ادني رقم الاوضه بتاعت الحاله و ادني بيانات عنها بس مش كتير بصراحه بس و فعلا انا فرحت جدا و لاول مره احس ان الدكتوره بجد و اخذت البيانات بتاعتها واخذت كل حاجه تخص الحاله وراحت جري على الاوضه بتاعتها واول ما دخلت حصلت حاجه عمركم ما تتخيلوها ابدا

الاوضه بتاعتها واول ما دخلت حصلت حاجه عمركم ما تتخيلوها ابدا

تعالوا بقي لما اقولكم ايه حكايه الست دي بس قبل ما احكي اي حاجه عايزاكم تصلوا علي النبي كده عشان قصتها حقيقيه يلا بينا

اول ما روحت و فتحت باب الاوضه بتاعتها لقيتها قاعده علي كرسي قدام الشباك و مديه ظهرها للباب المهم هي ست كبيره يعني في حدود 55 أو 60 كده مثلا انا بصراحه معرفش سنها بالظبط كام المهم دخلت و قولت

صباح الخير

و طبعا هي مردتش عليا

روحت دخله لحد عندها و قولتلها

ممكن اتكلم معاكي شويه مع أن عارفه انك مش عايزه تتكلم بس انا مش هسيبك و عايزه اعرف منك انتي كل حاجه عنك

هي طبعا فضلت ساكته و حتي مبصتش عليا ولا تحركت المهم كملت كلامي و قولتلها

انا عارفه و متاكده انك مش تعبانه و لا حتي مجنونه و يمكن انتي اعقل واحده هنا

اول ما قولتلها كده لقتها بصتلي جامد اوي و راحت قايمه واقفه مره واحده و مسكتني من ايدي و مشيت معايا لحد الباب و راحت مطلعاني بره و قفلت باب الاوضه تاني فضلت واقفه بره شويه كده و بعدين سبتها و مشيت و بعد ساعه تقريبا كده روحت لها تاني و قولتلها

لو كنتي فاكره أن اللي بتعمليه ده هيدخل عليا تبقي غلطانه و انا مش هسكت و هكتب فيكي تقرير انك مش مجنونه و هتخرجي من هنا و ساعتها هترجعي اللي انتي خايفه منه تاني

قولتلها الكلمتين دول و مشيت و قبل ما اطلع من الاوضه لقتها وقفت ورايا اتكلمت و قالت

انتي مش هتعرفي تعملي كده مش هسمحلك

بصتلها و قولتلها

يبقي انا صح و لو انتي متكلمتيش صدقيني هكون السبب انك هتخرجي من هنا و بلا رجعه تاني

لقتها رجعت و بصت علي الشباك تاني و قعدت مكانها و قالت

روحي يا بنت الناس شوفيلك حاله تانيه اتكلمي معاها و سبيني في حالي

روحت رايحه قافله باب الاوضه و روحت جبت كرسي و قعد جانبها و قولتلها

هاااا

بصتلي و قالتلي

هااا ايه

قولتلها

احكيلي بقي انتي مين اللي جابك هنا

اتعصبت و قالت

انتي مالك اخرجي انا عايزه ابقي لوحدي

اتعصبت اكتر منها و قولتلها

مش هخرج من هنا قبل ما اعرف منك كل حاجه و صدقيني انا مش هسيبك في حالك

لقتها خافت شويه و بعدين اتكلمت و قالت

عايزه تعرفي ايه

قولتلها كل حاجه

قالتلي

عيالي هم اللي جابوني هنا

استغربت شويه وبعدين قلت لها

عيالك طب ليه وازاي

قالت

انا اسمي سوزي وكنت شغاله شغلانه حلوه قوي وقبضي كبير قوي وكنت متجوزه واحد كفرني حياتي مش بس كان بخيل لا وكمان عينه زايغه كان عصبي جدا صبحني بعلقه ويمسيني بعلقه يوم ما مات كان يوم فرح بالنسبه لي خلفت منه اربع عيال ثلاث ولاد وبنت وكانوا هم كل حاجه ليا في الدنيا ما كنتش مخليهم محتاجين حاجه كنت مدلعهم اخر دلع قلت اعوضهم عن الاب اللي راح والبخل اللي كان معيشنا فيه كنت بشتغل ليه النهارده عشان اصرف عليهم وكل حاجه كانوا بيطلبوها كنت بجيبها لهم

قطعتها في الكلام وبعدين قلت لها

وكان رد جميل انهم يجيبوك هنا واضح انك ربيتي فعلا

ضحكت وقالت

ما هو انا كنت فاكره ان انا ربيت لحد اما كبروا كل واحد فيهم اشتغل الا ابن الوسطاني حتى البنت كانت بتشتغل انا اللي شغلتهم في اماكن نظيفه وكانوا بيقبضوا قبض حلو قوي

بس ابن الوسطاني للاسف الشديد اتلم على شله شربه مخدرات شويه شويه بقى مدمن فكنت عايزه يتعالج خدته وحجزته في مصحه عشان يتعالج بس هو فهمني غلط كنت بصرف عليه لحد اما فجاه هرب من المستشفى وجالي على البيت وكان شبه المجنون فعلا وقعد يتخانق معايا علشان ياخذ مني فلوس وساعتها هنتم معاه وقلت له لا مش هديك سابني ومشي وراح لاخواتي

اتكلمت و قولت

و طبعا خد منهم فلوس مش كده

لقتها بصتلي و قالتلي

مهو يا اما انتي تتكلمي يا اما اتكلم انا

قولتلها

انا اسفه اتفضلي كملي انتي

قالت

صح راح و خد منهم فلوس انا ساعتها زعلت جدا و كلمتهم و قولتلها محدش يديله فلوس انا بعمل كده عشان مصلحته لقيتهم بيقولولي احنا مش هنعرف نعمل ده قولتلهم انتوا كده هتموتوه اسمعوا كلامي بس برده ما فيش فايده ما حدش سمع كلامي

وفجاه لقيتها سكتت وراحت واخده بعدها وقايمه راحت عند السرير نامت واتغطت وانا كنت قاعده مستغربه جدا من اللي هي بتعمله ده قمت قلت لها

ايه تعبتي ولا مش عايزه تكملي ولا في ايه بالظبط

ما ردتش علي رحت انا متكلمه وقايله

ماشي انا هسيبك دلوقتي وهرجع لك تاني بس المره الجايه مش هخليك تهربي واخليك تكملي اللي حصل بعد كده ايه

خط عندي وطلعت من الاوضه وقفلت الباب ورايا ثاني فضلت اتمشى في المستشفى شويتين ثلاثه رحت عند الجنينه وفضلت قاعده هناك وفضلت افكر في كلامهم وافكر في الطريقه اللي لا اقدر اساعدها بيها جت فكره في دماغي ان انا اوصل لعيالها بس عشان اعرف اوصل لهم و اساعدها كان لازم اعرف منها ايه اللي حصل بعد كده وعيالها عملوا معاها ايه بالظبط المهم بعد ساعتين كده بالظبط طلعت لها تاني فتحت الباب دخلت لقيتها نامت رحت طالعه و قافله الباب واخذت بعدي و روحت وثاني يوم صحيت بدري و لبست و نزلت بسرعه جدا و طبعا روحت المستشفى بدري ده حتي قبل الدكتور بتاعي المهم جريت و رحت عندها علي طول ما انا عايزه اثبت نفسي بقي اول ما دخلت لقتها لسه نايمه روحت علي الستاره و فتحتها و فتحت الشباك و قولتلها

يلا يا ست الكل صحصحي بقي

يا دوب كانت بتفوق كده و قالتلي

اده انتي ايه اللي جابك دلوقتي

قولتلها جيت افطر معاكي و بالمره نكمل موضوعك

قالتلي

لا ده انتي مجنونه

قولتلها

ياااااا انتي لسه شوفتي حاجه يلا يا ست الكل فوقي كده

و فعلا قامت و دخلت الحمام و انا طلبت اكل من الداده و بعد شويه الاكل جه و حطيته علي الترابيزاه و هي طلعت و قعدنا ناكل و اول ما جيت اتكلم و قولتلها

هااااا كملي يا ست الكل

لقتها بتقولي

مفيش كلام علي الاكل استني لما نخلص و بعدين هقولك انتي مستعجله ليه كده

قولتلها

ده احلي كلام بيتقال علي الاكل و بعدين ده ليه فيده كبيره اسمعي مني بس

لقتها بتقولي

هششششششش

المهم سكت و كملنا اكل عادي جدا و كان الدكتور بتاعي جه و سأل عني و استغرب جدا لما الداده قالت له اني هنا من بدري و لما قالت له مكان جه علي طول عشان يتاكده و اول ما شافني دخل و قال

لا معقوله انتي يا روكا موجوده هنا و من بدري لا و كمان قاعده مع حاله و بتفطري معاها

روحت قايمه و اقفه و قولتله

لا يا دكتور و مش بس كده انا كمان لبسه البالطو الابيض مش واخد بالك ولا ايه

اتكلم بتريقه و قالي

هي الدنيا حصل فيها ايه

قولتله

كل حاجه بتتغير و الناس كمان بتتغير يا دكتور

قالي

ماشي لما نشوف هتوصلي لحد فين مع الحاله بتاعتك دي

قولته

هوصل لكل خير ان شاء الله

و بعدين بصيت لمدام سوزي و قولتله

مش كده ولا ايه يا استاذه سوزي

و هي طبعا مقلتش اي حاجه ولا حتي بصتلي

لما عملت كده فهمت أنها مش عايزه حد يعرف انها بتتحسن أو بتتكلم اصلا المهم الدكتور قالي

لا مهو باين ربنا يسترها و تفلحي في حاجه

بعدها سابني و مشي و اول ما خرج من الاوضه روحت و قفلت الباب و قولتلها

دلوقتي تقدري تتكلمي

لقتها بصتلي و ضحكت و قالت ليا

انا متشكره انك احترمتي اني مش عايزه حد يعرف اني كويسه وانا اسفه جدا لو احرجتك قدم الدكتور بتاعك

قولتلها

ولا يهمك بس انا عايزه اقولك علي حاجه انتي كمان بتساعديني يعني أنا محتجالك زيك بالظبط و يمكن اكتر منك كمان

قالت

ازاي بقي

قولتلها

انا لازم اثبت نفسي و اثبت اني دكتوره شاطره مش بس عشان الدكتور لا كمان عشان الشهاده بتاعتي عشان كده انا مش هسيبك هنا كتير أن شاءالله

قالتلي

انا مش عايزه أخرج من هنا يا روكا مش اسمك روكا برضو

كنت لسه هرد عليها بس دخل علينا حد و هي اول ما شافته قامت و حصلت المصيبه ................

كنت لسه هرد عليها بس دخل علينا حد و هي اول ما شافته قامت و حصلت المصيبه ................

اول ما الشخص ده دخل قال

ماما حبيبتي

قال كده و جري عليها و خدها بالحضن لكن هي متحركتش ولا قالت ولا كلمه لكن وشها اتحول وكانت مضايقه جدا و شوفت في عيونها كسره كبيره و حزن ملوش اخر المهم اتكلمت انا و قولت

خير يا فندم مين حضرتك

اتكلم و قال

انا ابنها انتي مين

بصيت عليه من فوق لتحت كده و كان شكله غريب شويه لابس بنطلون مقطع من كذا حته و موقف شعره لفوق و لبس قميص ملون كذا لون و مفتوح من الصدر و لابس سلسله في رقبته الدلوع ما علينا المهم رديت و قولت

انا الدكتورة المتخصصة بتاعته

اتكلم بتناكه و قال

طيب هي حالتها مش بتتحسن ليه لو حضرتك مش شايفه شغلك كويس نشوف غيرك أو حتي ننقلها من هنا

رديت و قولت

اولا انا لسه جديده معاها

ثانيا بعد كده لما حضرت تحب تشوفها لازم تعرفني انا الاول

اتكلم بعصبية و قال

نعم

ربعت ايدي و قولتله

زي ما سمعت كده بالظبط

قالي

لا والله انتي مجنونه ولا ايه

رفعت ايدي اتجاه الباب و قولتله

اتفضل بقي مع السلامه

قالي

والله مش هسكت انا هكلم مدير المستشفى و هنشوف بقي ساعتها هتعمل ايه

قولتله

اعمل اللي انت عايزه مش فارق معايا

قالي

بقي كده ماشي

سابني و خرج من الاوضه و بعدها روحت اقفل الباب وراه و اول ما رجعت سوزي اترمت في حضني و فضلت تعيط بطريق غريبه جدا سبتها تعيط لحد ما خلصت خالص و هديت و بعدين قاعتها و قولتلها

هو ده ابنك اللي سبب في كل حاجه صح

متكلمتيش هزت راسها و قالت

اه

قولتلها

طيب هي دي اول مره ييجي هنا ولا جه قبل كده

اتكلمت و هي بتعيط و قالت

جه قبل كده مره و كان بيمضيني علي اوراق و طبعا عرف يذبت اني مجنونه

قولتلها

و اكيد طبعا جي انهارده عشان مصلحه بردو صح

قالت

اكيد

قولتلها

طيب انا عايزه اسألك سؤال بس معلش

قالت

اتفضلي

قولتلها

هتفضلي كده لحد امته ناويه تخسري ايه تاني

قالت

ما انا خسرت كل حاجه خلاص

قولت

لسه قدامك فرصه و اوعي تخسري نفسك

ضحكت ضحكه فيها سخريه كبيره و قالت

هو انا لسه مخسرتش نفسي

قولتلها

لا انتي تستاهلي تكسبي نفسك و حياتك و يولع اي حد تاني

قالت

حتي لو عيالي

ضحكت و قولت

عيالك هما اللي رموكي هنا و بسببهم خسرتي كل حاجه عندك ايه تاني تخسريه يعني

قالت

عندك حق

قولت

ضربوا الاعور علي عينه قالك خربانه خربانه بس المهم انها تخربه علي عنيهم هما مش انتي بصي اسمعي كلامي و اشتري نفسك و طظ في الكل

و كنا لسه بنتكلم و عيونك ما تشوف الا النور فجأة لقينا بابا الاوضه بيتفتح علي طول و دخل مدير المستشفى و ابنها و معاهم الدكتور بتاعي و شويه دكاتره كتير كده المهم قومت وقفت انا و هي و بعدها اتكلم ابنها و قال

هي دي يا دكتور

و بعد كده اتكلم مدير المستشفى و قال

انتي اسمك ايه

قولتله

روكا

قالي

نعم ده اسمك

قولتله

لا اسمي رقيه بس الدلع روكا و ده بحبه اكتر

لقيته بيزعق و بيقولي

اخلصي هو انا هنسبك

قولتله

تمام انا اسفه خير يا دكتور

قالي

انتي مين اللي سمحلك تتكلم كده مع اهلي مريض عندي في المستشفى

قولتله

اولا انا دلوقتي الدكتورة المتخصصة للمريضه دي و من أقل حقوقي اني امنع عنها الزياره

اتعصب و قال

ده لما تكوني دكتوره بجد. مش تحت التدريب

قولتله

انا اسفه جدا في كلتا الحالتين دكتوره وانا اللي بعالجها و مسؤوله عنها هنا حتي لو لسه في التدريب

بص للدكتور بتاعي و قاله

هما دول التلامذة بتوعك يا دكتور

و بعدها شاور لبقي الدكاتره زميلي و قال لهم

طلعوها بره ... وابقي قابليني لو عرفتي تدخل المستشفى دي تاني ولا اي مستشفى بعد كده انا هقطع رجليكي من اي مستشفى و هتشوفي

جم زميلي اتجاهي عشان ياخدوني بره راحت جت سوزي و وقفت بنا واخيرا اتكلمت و قالت

محدش يقرب منها

الكل كان واقف مصدوم و انا كمان مكنتش متخيله أنها ممكن تتكلم قدام حد اه انا كنت مصدومه بس في نفس الوقت مبسوطه جدا جدا اني نجحت معاها وانا الوحيده اللي قصرت فيها و اتكلمت أخيراً اتكلم ابنها و هو بيتحرك اتجاها و قال

ماما انتي اتكلمتي اخيرا

و اول ما اقرب منها راحت رفع اديها و ضربته بلقلم جامد جدا و اتكلمت و قال

اخرص مش عايزه اسمع صوتك خالص انا لا امك ولا أعرف و اللي هيقرب من الدكتورة بتاعتي انا اللي هقفله فاهمين

اتكلمت و قولت

ربنا يباركلك يارب

اتكلم مدير المستشفى و قال

يا فندم حضرتك متاكده من اللي انتي بتقوليه ده حضرتك مستوعبه يعني

اتكلمت و قالت

ايوه مستوعبه و انا عقله جدا و عارفه انا بعمل ايه و بقول ايه كويس جدا

اتكلمت و قولت

يا دكتور بما اني انا الدكتورة بتاعتها احب اقول

لحضرتك أنها مش مريضه ولا فيها أي حاجه و أنها عقله جدا جدا و يمكن اعقل مني و منك كمان و وجودها هنا ملوش لازمه

اتكلم و قال

مش اووي كده يا دكتوره رقيه لازم دكاترة متخصص هي اللي تحدد حالتها مش حضرتك

اتكلمت و قالت

كلام الدكتورة رقيه صح انا مش مريضه ابني و اخواته هما اللي رموني هنا عشان ياخدوا مني فلوسي بس انا خلاص مش هسكت تاني انا بقالي سنتين ساكته و مرميه هنا و بسببكوا خسرت كل حاجه بس كفايه لحد هنا

مش هسكت تاني

بصلي ابنها و قال

انتي اللي قسيتي امي عليا وانا مش هسيبك و هحبسك

راحت سوزي ضربته تاني و قالت

اطلع بره انا مش عايزه اشوف وشك تاني و حقي هاخده منك انت و اخواتك و لو اخر يوم في عمري فاهم

ابنها خرج من الاوضه و طبعا و رآه مدير المستشفى و فضل الدكتور بتاعي و زميلي و اخيرا اتكلم الدكتور و قال

حمدالله على سلامتك يا مدام سوزي

و بعدها بصلي و ضحك و قال

ألف مبروك يا دكتوره رقيه

فرحت جدا جدا من كلامه و حسيت اني نجحت و عملت إنجاز المهم رديت و قولت

الله يبارك في حضرتك يا دكتور

بعد كده خرج و هو مبسوط مني جدا و بعدها كل زميلي باركولي و بعدها هما كمان خرجوا و انا حضنت سوزي اووي و قولتلها

انا متشكره جدا جدا

قالتلي

انا اللي متشكره بجد علي اللي عملتيه معايا بسببك انا قدرت اتكلم و اتغلب على خوفي

قولتلها

ده واجبي المهم قوليلي انتي فعلا ناويه تعملي اللي قولتي عليه ولا ده كان مجرد تهديد و كلام بس

قالتلي

لا مش مجرد كلام انا فعلا ناويه اخد حقي و علي رايك هخسر ايه يعني اكتر من اللي خسرته في حياتي المهم بس انا عايزاكي تفضلي معايا عشان اكيد هيطلعني مجنونه

قولتلها

معاش ولا كان اللي يقول عليكي مجنونه انا معاكي و في ظهرك متخافيش و افضل معاكي لحد ما تاخدي حقك بس اهم حاجه لازم تخرجي من هنا

قالتلي

وانتي فكراها سهله كده

قولتلها

سهل ده ايه دي هتقوم حرب بسبب الموضوع ده و خصوصا كمان لو ابنك دافع و ما ظبط مدير المستشفى

قالتلي

طيب هتعملي ايه

قولتلها

لسه مش عارفه المهم بس دلوقتي عايزاكي ترجعي تسكتي تاني و لو اي حد غيري يدخلك ترفضي تتكلمي معاه عقبال ما اتصرف و اشوف هعرف اعمل حاجه لوحدي ولا هحتاج للمساعده من حد

قالتلي

حد حد زي مين يعني

قولتلها

سبيني افكر بس وانا أن شاءالله هحل كل حاجه

قالتلي

ماشي المهم انك متسبينيش

قولتلها

انا اسيبك بصي الحاجه الوحيده اللي ممكن اسيبك فيها بعد ما تاخدي حقك و ترجعي تعيشي حياتك تاني

قالتلي

ربنا يخليك يا بنتي

و دي اول مره طبعا تقولي يا بنتي فرحت جدا و بعدين قولتلها

طيب هسيبك تريحي شويه و هرجعلك تاني

و فعلا سبتها و روحت علي طول علي مدير المستشفى و كنت لسه هخبط علي المكتب لكن سمعت كلام يودي في داهيه سمعت ................

رواية جنان في جنان الفصل السادس

لكن سمعت كلام يودي في داهيه سمعت ................

اتفاق بين ابن سوزي و مدير المستشفى أن يخليها في المستشفى بمقابل مبلغ مالي كبير جدا و طبعا المدير وافق و انا طلعت تلفوني و سجلت كل حاجه المهم بعد كده خت بعضي و روحت عند الدكتور بتاعي و قولتله

بعد ازنك يا دكتور انا عايزه من حضرتك مساعده

بصلي و قالي

هو انا مش هخلص منك بقي يا بنتي

قولتله

معلش انا محتاجه مساعدتك جدا

قالي

خير قولي

قعدت و قولتله علي كل حاجه و قولتله

انا عايزه أخرج سوزي من المستشفى

ضحك و قالي بسيطه

هكتبلك تقرير انها حالتها اتحسنت و تقدر تخرج و تتعامل مع الناس عادي

قولتله

مش بسهوله كده هي مينفعش تخرج رسمي

قالي

مش فاهم قصدك ايه انتي عايزني اهربها من المستشفى انتي اتجننتي باين كده القاعده مع المجانين قصرت عليكي اووي

قولتله

اسمعني بس مدير المستشفى مش هيقبل انها تخرج صدقني

قالي

انا هقنعه ملكيش دعوه انتي

قولتله

افهمني بس انت مهما حاولت معاها مش هيسمعك

وقف و جه نحيتي و قالي

اشمعنا بقي

قولتله

عشان هتفق مع ابنها علي كده

قالي

مش فاهم

قلت له

ابنها اتفق معاه انه هيدي له فلوس كثيره جدا بس بشرط يخلي امه في المستشفى اطول وقت ممكن

اتعصب جامد وقال لي

ازاي تقول كده على مدير المستشفى انتي عارفه انا تهمه كبيره

قلت له

انا مش بتهم حد انا عندي الدليل

قال لي

انتي اكيد اتجننتي يا رقيه

قلت له

طيب اسمع الدليل

قالي

انا مش عايز اسمع حاجه و انا كل اللي اقدر اسعدك بيه أن اقنع المدير انها تخرج اكتر من كده لا

قولتله

وانا موافقه بس لو موافقش هتسمعني للآخر ماشي

قالي

ماشي استنيني هنا

قولتله

حاضر

و فعلا فضلت انا في المكتب و هو خرج و بعد حوالي ربع ساعة كده رجع تاني و قالي

فين الدليل اللي معاكي

قولتله

رفض مش كده

عايز اسمع الدليل يا رقيه

قولتله

حاضر

و طلعت التلفون و سمعته اللي سجلته و بعدها قالي

مفيش وقت

قولتله

ليه يا دكتور هو ايه اللي حصل

قالي

ده هيمنع اي دكتور يدخل عندها و كمان هيعرضها للعلاج الكهربائي

قولتله

طيب و هنعمل ايه

قالها

لازم نبلغ الوزاره نفسها و هما هيبعته دكتور متخصص من بره المستشفى يكشف عليها

و هو اللي هيقرر حالتها

قولتله

طيب و ده هيحصل في قد ايه

قالي مش عارف احنا هنبعت و نبلغ دلوقتي و نشوف هيردو امته

قولتله

احنا لسه هنستني يا دكتور عقبال ما ده يحصل هيكوني هما خبوهاا مننا

قالي

طيب هتعملي ايه

قولتله

مش عارفه و عشان كده انا هنا عند حضرتك ساعدني يا دكتور و نبي

قالي

طيب روحي و خليكي عندها وانا هحاول اعمل حاجه

قولتله

ماشي يا دكتور

و بعدين سبته و مشيت روحت عندها و لكن كان فات الاوان لما روحت الاوضه بتاعتها مكنتش موجوده فيها و لما سألت الداده قالتلي

جه المدير و معاه اتنين ممرضين و خدوها بس راحوا فين مش عارفه

روحت جريت علي الدكتور بتاعي و قولتله

خدوها يا دكتور خدوها

قالي

هحاول اعرف مكانها

قولتله

انا مش هستني

قالي

هتعملي ايه

قولتله

هتشوف يا دكتور

و بعدها سبته و طلعت علي القسم و عملت فيهم محضر و الظابط جه معايا علي المستشفى علي طول و اول ما دخلنا علي المدير قاله

السلام عليكم ورحمه الله وبركاته ممكن اعرف مدام سوزي فين

اتكلم المدير و قال

مين مدام سوزي يا فندم

اتكلم الظابط و قال

المريضه اللي كانت هنا

قال المدير

معنديش مريض اسمه سوزي يا فندم

كنت واقفه مصدومه و قولتله

ازاي يا فندم انا كنت الدكتوره المتخصصة ليها

بصلي المدير و قالي

مين حضرتك

قولتله

كمان ايه يا دكتور حضرتك متعرفنيش بجد

قالي و هو بيبتسم

انا اول مره اشوفك هنا يا فندم

لقيت الظابط بصلي و قالي

حضرتك متاكده انك دكتوره هنا

قولتله

ايوه يا فندم انا هنا تحت التدريب و كنت بعالج مدام سوزي هنا

قالي

عندك اي دليل علي كلامك ده

قولتله ايوه طبعا

و خرجت تلفوني و كانت فيه كل حاجه تخص سوزي و بصوتها هي و بعد ما سمع الكلام ده قالي

ايوه فين الدليل انك شغاله هنا و أن المريضه دي موجوده هنا

قولتله

ممكن تسأل الدكتور المسؤول عني هنا

قالي

و هو فين

قولتله

اكيد في مكتبه

روحنا مكتبه و اول ما دخلنا الظابط قاله

مساء الخير يا فندم ممكن اخد من وقت حضرتك شويه

قاله

اه طبعا اتفضل

قاله

حضرتك تعرف الدكتورة رقيه و هل هي فعلا شغاله مع حضرتك تحت التدريب

لقيت دكتور بتاعي بصلي و بعدين بص تاني لظابط و قاله

لا يا فندم انا معرفش الدكتوره رقيه ممكن تكون جديده هنا او تابعه لاي دكتور تاني

و هنا كانت الصدمه بالنسبة ليا بجد حتي انت يا دكتور طلعت زيهم بصلي الظابط و قالي

اي رايك في الكلام ده يا دكتوره رقيه

قولتله

انا معايا حاجات لازم حضرتك تسمعها

قالي بعصبية

ايه تاني

قولتله

معلش ده اخر حاجه و بعد كده انا هستسلم و حضرتك اعمل اللي انت عايزه

قالي

ماشي وريني ايه اللي عندك يا دكتوره

الاول طلعته اللي متسجل فيه اتفاقت المدير

و طبعا كانت صدمه و المدير كان مرعوب بصله الظابط و قاله

مش ده صوت حضرتك يا دكتور ولا ايه

المدير مقدرش يتكلم ولا يقول اي حاجه اتكلم الظابط و قالي

عندك حاجه تانيه يا دكتوره

قولتله

ايوه عندي

و ساعتها شغلت سجل تاني بس كان للدكتور بتاعي لما رجع من عند المدير مش عارفه ليه مكنتش مرتاحه للدكتور و قولت اكيد مش هيبيع المدير و يشتريني انا و عشان كده سجلت كل حاجه حصلت بيني و بينه و المره دي كانت فديو

الكل كان مصدوم و الدكتور بتاعي بصلي و قالي

حقك

اتكلم الظابط و قال

اتفضلوا معايا انتو الاتنين

و فعلا خدهم و بعد التحقيق قدرت اوصل لسوزي اخيرا و جابوا دكتور تاني خالص كشف عليها و أكد أنها مش مجنونه و عقله جدا مساعده اتكلمت سوزي وقالت على كل اللي حصل معاها واللي عيالها عملوه فيها عملت فيهم كلهم محضر ورفعت قضيه والظابط قبض عليهم وجابهم عشان يحقق معاهم و شويه شويه الموضوع اتعمل قضيه كبيره وطبعا هتاخد وقت بس مش مهم المهم سوزي اتكلمت عشان حقها يرجع

حقك مش هيرجع طول ما انت ساكت اتكلم ما تخافش

اوعى تكونوا فاكرين ان الحكايه خلصت على كده اكيد لا بعد ما كنت ما ليش قيمه وسط اصحابي بقيت اشطر دكتوره بالنسبه لهم وطبعا سبت المستشفى دي ورحت مستشفى تانيه عشان نكمل مسيرتي بس الموضوع ما كانش سهل طبعا عشان للاسف الشديد مدير المستشفى الثانيه كان عنده علم باللي حصل معايا في المستشفى الاولانيه وطبعا رفضت ان انا اتدرب عنده فرجعت الجامعه تاني وطلبت من دكتور معايا في الجامعه أنه يرشح لي اي مستشفى تانيه عشان اتدرب فيها و هو بصراحه و قف معايا جدا و قالي

انا عاجبني النزاهه اللي انت فيها و عشان كده هودبكي مستشفي كبيره بس خالي بالك مدير المستشفى ده اخويا و اوعي تعملي مشاكل هناك انتي فاهمه

قولتله

اطمن يا دكتور انا مش بتاعت مشاكل صدقني

قالي

ايوه ما انا عارف انتي هتقوليلي

قولت

احم طيب ايه يا دكتور اطلع بره ولا اعمل ايه

قالي

روحي علي طول علي المستشفي دي و قوليله انك جيه من طرفي و ابقي كلميني و انتي هناك وانا هكلمه بنفسي

فرحت جدا و قولتله

متشكره جدا جدا يا دكتور وان شاء الله هكون عند حسن ظن حضرتك

قالي

اتمني ده يلا روحي عشان تلحقيه قبل ما يمشي

قولتله

حاضر يا دكتور بعد اذن حضرتك

و فعلا سبته و مشيت و اول ما خرجت من الجامعه حصلت معايا و..................

و فعلا سبته و مشيت و اول ما خرجت من الجامعه حصلت معايا و..................

حادثه ايوه عملت حادثه و محصتش بنفسي و بعد شويه فوقت و لقيت نفسي نايمه في المستشفى علي سرير و لقيت واحد زي القمر واقف حاجه كده تقول للقمر قوم وانا اقعد مكانك طول بعرض و ابيض و شعره اسود سايح و قالي

انتي كويسه

قولتله

اه الحمدلله كويسه انت مين

قالي

انا اسف جدا بس والله انتي اللي خرجتي قدامي مره واحده

قولتله

انت اللي خبطني

قالي

انا اسف جدا وانا تحت امرك في كل اللي تطلبيه

قولتله

لا لا محصلش حاجه انا الحمدلله كويسه جدا

و بعدين افتكرت اني كنت رايحه علي مستشفى عشان الشغل روحت قايله بسرعه

اه صح هي الساعه كام

رد و قالي

الساعه 2 الظهر

قولتله

يا لهوي ده انا عندي مشوار مهم

قالي

طيب قوليلي انتي رايحه فين وانا هوصلك

قولتله علي اسم المستشفى لقيته بيضحك و بيقولي

بسيطه

قولتله

انت بتضحك على ايه

قالي

احنا موجودين في المستشفي دلوقتي

قولتله

لا والله

قالي

اه والله

قولتله

ايوه بس انا عايزه اروح الأمراض النفسية و العقليه

لقيته بيبص لي بصه غريبه شويه و قالي

انتي ....

ضحكت و قولتله

انا دكتوره رقيه و بيقولولي يا روكا

ضحك و قالي

اه ماشي يا روكا و انا يوسف دكتور تجميل و ابن مدير المستشفى دي

قولتله

لا والله

قالي

اه والله

قولتله

طيب انا عايزه اشوف والدك

قالي

نعم

قولتله

ايه عايزه اشوف والدك و اتعرف عليه هو الموضوع صعب اووي كده ولا ايه

قالي

لا مش صعب ولا حاجه بس هو مش موجود هنا انهارده

قولتله

اده انا كنت عايزاه ضروري انهارده

قالي

ليه خير يا دكتوره

قولتله

الدكتور في الجامعه عندي قالي أنه هيكلمه عشان اعرف اشتغل هنا

قالي

اهااااا وسطه يعني

قولتله

مش بظبط يعني

قالي

طيب علي العموم هو مش موجود النهارده وانا اللي موجود مكانه لو كده ممكن تسيبي رقمك و لما يجي هعرفه و هنبقي نكلمك يعني

قولتله

ماشي

و بعد كده أديتوا الرقم و قولتله

انا عايزه اروح القسم اشوفه ممكن

قالي

طلباتك كترت بس ماشي اتفضلي

و فعلا خدني و روحنا القسم و كنا بنتمشي و بنتكلم وانا بصراحه كنت مبسوطه اووي لحد ما روحنا القسم و هو سابني و انا فضلت اتمشي لوحدي لحد ما وقفت قدام اوضه واحده صغيره في سن ماسكه مخده و بتتعامل معاها كأنها بنتها و لقتها بتقول

نامي يا روحي و متخافيش محدش هياخدك مني نامي يا حبيبتي هو هو هو

كنت واقفه علي الباب و بتفرج عليها فقولت ادخل و اول ما خبط علي الباب لقتها بصت عليا بخوف و حضنت المخده اوووي و قالت

انتي مين و عايزه ايه

قولتلها

انا اسمي روكا وانتي

لقتها لسه خايفه مني و بتقولي

وانتي مالك انتي عايزه تاخدي بنتي مني صح

قولتلها

لا لا انا مش عايزه اي حاجه من بنتك انا عايزه اتعرف عليكي انتي و بعدين انا بعيده اهو مش هقرب من بنتك متخافيش

قالتلي

خليكي بعيده اتكلمي وانتي واقفه مكانك و قوليلي عايزه ايه

قولتها

مش عايزه حاجه انا عايزه اتعرف عليكي عشان انا معنديش أصحاب بس

قالتلي

احلي حاجه ان معندكيش أصحاب هما مش حلوين اصلا

قولتلها

هما مين اللي مش حلوين

قالتلي

الاصحاب احسن حاجه خليكي لوحدك من غير صحاب

لقيت كلاهما كبير و عميق جدا ردت و قولتلها

ايوه بس ليه

قالتلي

عشان مياخدوش منك كل حاجه

قولتلها

كل حاجه زي ايه انا معنديش حاجة يخدوها

لقتها بتقولي

دول ممكن ياخدو منك بنتك

و بعدين سكتت شويه و قالت

بنتي .... بنتي.... متخافيش محدش هياخدك مني

كنت لسه هتكلم لقيت دكتوره تانيه دخلت و بتقولي

انتي مين

قولتلي

انا واحده جايه ازورها

قالتلي

طيب اتفضلي بره دي ممنوع عنها الزياره

و هي خدتني و طلعنا من الاوضه و بعديها قولتلها

ممكن اسال حضرتك سؤال

قالتلي

اتفضلي

قولتلها

هو ايه اللي حصل معاها بالظبط

قالتلي

انتي مين بالظبط

قولتلها

انا دكتوره نفسيه و كنت عايزه اسال عن حالتها

قالتلي

اده انتي الدكتورة المتخصصة اخيرا جيتي يا دكتور

طبعا انا مش فاهمه حاجه و بس قولت لنفسي استغلي الفرصه عشان تعرفي ايه قصتها المهم قولتلها

اه انا هي هنا ليه و مين اللي جابها هنا

قالتلي

والله انا مش عارفه مين اللي جابها هنا و كل اللي اعرفه عنها تقريبا حد خد منها بنتها و رموها هنا

قولت

و اللي عملت كده تبقي اعز صحابها تقريبا

قالتلي

مش عارفه

قولتلها .

طيب هو في حد بيجي يزورها

قالت لها

لا من ساعت ما جت هنا محدش جلها خالص

معلش بقي انا لازم امشي و اهلا بيك معانا يا دكتور بعد ازنك

و هي سابتني و مشيت و انا كنت واقفه مش عارفه اعمل ايه و في نفس الوقت مش هاين عليا أسبها و امشي بس لا بليد حيله

مشيت و و كنت طول الوقت بفكر فيها و كنت كل ما اغمض عيوني اشوف منظرها قدامي روحت البيت و دخلت الاوضه بتاعتي و من غير كلام مع اي حد و بعد تفكير طويل طول الليل قررت اساعدها و اول ما طلع الصبح قومت اصلي ركعتين لله و بعدين لبست و خرجت من الاوضه لقيت ستي قاعده بتدعي ربنا فقولتلها

صباح الخير يا تيته

قالت

صباح النور يا قلب تيته علي فين كده يا مصيبه انتي

قولتلها

ملحقتش افرح بقلب تيته و الله بس ما علينا انا رايحه الشغل يا قلب المصيبه ونبي يا تيته ادعيلي لحسن انا داخله علي ليله كبيره اووي

قالت

ربنا يسترها عليكي خالي بالك من نفسك يا بت

قربت منها شويه و قولتلها

انتي خايفه عليا يا تيته

قالتلي

اقولك على حاجه يا بت انتي

قولتلها

قولي يا تيته

قالت

انا عارفه أن انتي اللي شايله الهم هنا و بتسعدي الكل بس انا خايفه عليكي لحسن الناس اللي بتتعملي معاهم دول يأثروا عليكي و تتهبلي اكتر من اللي انتي فيه

قولتلها

اتهبل

قالتلي

ايوه ونبي انتي هبله فكره نفسك جمعه الشوال عشان تساعدي الناس اتنيلي علي عينك

قولتلها

تصدقي يا تيته والله انا اللي غلطانه اني واقفه بتكلم معاكي سلام ضيعتي وقتي وخلاص

قالت

ضيعت وقتك طيب يا اختي روحي لما نشوف هتعملي ايه قال يعني انتي اللي هتعدلي المايله

المهم سبتها و نزلت و روحت علي المستشفى و روحت سالت علي الدكتور مدير المستشفى و دخلت اتكلمت معاه و الحمد لله وافق و طبعا عشان خاطر الدكتور صاحبه بس ما علينا و بعديها علي طول طلبت أن اخد البنت اللي شوفتها دي و ابدا في علاجها و هو وافق بس قالي

انا مش عايز مشاكل يا دكتور رقيه

قولتله

متقلقش يا دكتور ربنا يقدرني و اكون عند حسن ظن حضرتك

قالي

اتمني ده اتفضلي

و اول ما خرجت من عنده روحت جري عندها لكن للاسف مكنتش فكراني و اتعاد نفس الموقف الاول مره تانيه المهم قولتلها

بنتك عامله ايه

قالتلي

انتي بتسالي عليها ليه انتي عايزه تاخدي ها مني صح

قولتلها

هي معاكي وانا مش هاجي جانبها انا بطمن عليها بس

قالتلي

هي كويسه و انا نفسي اشوفها اووي

استغربت من كلامها اووي و قولتلها

انتي مشوفتهاش بقالك قد ايه

قالتلي

من ساعت ما جيت هنا

قولتلها

و انتي جيتي هنا ازاي و مين اللي جابك هنا

كانت لسه هتتكلم دخلوا اتنين من الممرضين عشان ياخدوها و لما سألتهم قالو

عندها جلسه كهربه دلوقتي

قولتلهم

يعني ايه جلسه كهربه

لقتها بتقولي

متخلهمش ياخدوني ونبي انا مش مجنونه و مش عايزه اكهرب

هما اتكلموا و قالو

دي أوامر الدكتور اللي كان مسؤل عن حالتها قبل كده

قولتلها

ده كان الأول وانا دلوقتي المسؤاله عنها و مستحيل استعمل الجلسات دي في العلاج

واحده منهم اتكلمت و قالت

مدير المستشفى بنفسه وافق علي كده شكلك يا دكتوره لسه جديده و متعرفيش أن ده الحل الوحيد عشان تنام و تبطل صويت بليل

قولتلها

اللي هيقرب منها هبلغ عنه و هتهمكوا بالتعذيب فاهمين

تكلمت و قالت

احنا هنبلغ المدير بكلامك ده

قولت

قوليله وانا المسؤوله عن قراري اتفضلوا بره

و فعلا سابوني و مشيوا و كنت لسه هتكلم معاها لقتها مسكت ايدي و قالتلي

شكرا بجد شكرا

قولتلها

العفوا بس انا عايزه اساعدك عشان تخرجي من هنا

كانت لسه هتتكلم بس دخل المدير و معاه الممرضين اللي كانوا عايزين يخدوهااا و ساعتها بس اتاكد اني مرفوضه من اول يوم و اول حاجه قالها هي .................

رواية جنان في جنان الفصل الثامن

دخل المدير و معاه الممرضين اللي كانوا عايزين يخدوهااا و ساعتها بس اتاكد اني مرفوضه من اول يوم و اول حاجه قالها هي .................

خير يا دكتوره في ايه

قولتله

والله يا دكتور في أسلوب علاج مش عاجبني و لما اتكلمت مع الممرضين اعترضوا علي كلامي و قالولي أن حضرتك موافق على الطريقه دي

قال

موافق علي ايه بس

اتكلمت واحده من الممرضين و قالت

علي طريقة العلاج اللي بكهربه يا دكتور

اتكلم الدكتور و قال

مش انا اللي قررت كده ده الدكتور اللي كان مسؤل عن حالتها و هو اللي قال إن العلاج ده هو الحل الوحيد لشفاها

قولت

طيب يا دكتور ممكن انا اللي احدد ايه هو العلاج المناسب ليها ده من بعد اذن حضرتك طبعا

اتكلم الدكتور و قال

اكيد طبعا يا دكتوره

و بعدين بص للممرضين و قال لهم

من هنا و رايح الدكتورة رقيه هي اللي مسؤوله عن الحاله دي و كل اللي تقوله أنا موافق عليه و من غير ما ترجعلي و مش عايز اي حد يقف في طريقها

اول ما قال الكلمتين دول انا فرحت جدا جدا و قولتله

انا متشكره جدا يا دكتور وان شاء الله هكون عند حسن ظن حضرتك

لقيته بصلي و قالي

أن شاءالله

و بعدين سابني و خرج و هما خرجوا معاه و بعدها بصيت للبنت و قولتلها

كده محدش هيقدر يعمل معاكي اي حاجه من غير ما يرجع لي فيها الاول

اتكلمت و قالت

انا مش عايزه اي حد في حياتي ولا حتي انتي اطلعي بره

طبعا انا استغربت جدا من رد فعلها معايا بس ده طبيعي جدا رديت و قولتلها

لو فضلتي كده مش هعرف اقف معاكي بالعكس انتي هتخليهم يبعدوني انا عنك و هيتعملوا معاكي بنفسهم

قالت

يعني هرجع للكهربه تاني

قولتلها

للاسف ايوه عشان هما شايفين أن ده العلاج الصح ليكي

قالتلي

طيب وانتي

قولتلها

انا عايزه مصلحتك و عايزه اقف جامبك انا لو زيهم مكنتش منعتهم بالعكس كنت وقفت معاهم

قالتلي

طيب وانتي عايزه مني ايه

قولتلها

عايزاكي تتكلمي عشان اقدر اساعدك و انا متاكده انك عقله جدا

قالتلي

انا مش مجنونه انا بس ........

قولتلها

اتكلمي و متخافيش و خليكي متاكده أن انا اكتر واحده اعرف اساعدك

قالتلي

بس انا خايفه

قولتلها

متخافيش اتكلمي و مفيش اي حد هيعرف حاجه عن كلامك

قالتلي

يعني مش هتقولي لحد خالص

قولتلها

لا مش هقول لحد

قالتلي

ولا حتي امل

قولتلها

ولا حتي امل انا اصلا معرفش امل مين دي

اتكلمت و هي بتقعد علي السرير و قالتلي

أمل دي صاحبت عمري و اكتر واحده كنت بثق فيها و كنت بحبها جدا جدا والله انا عمري متخيلت انها ممكن تعمل فيا كده

قولتلها

طيب هي عملت فيكي ايه بالظبط

اتكلمت بعصبية و قالتلي

دي .. دي خدت مني كل حاجه انا بسببها اترميت هنا

قولتلها

طيب براحه كده و قوليلي انتي هنا بسببها ازاي و ايه الحاجات اللي خدتها منك

لقتها بتبصلي و بتقولي

و ايه لزمتها هو اللي بيروح بيرجع تاني خلاص بقي منها لله اهم حاجه أن بنتي معايا

قولتلها

طيب هي فين بنتك دي

لقتها بتبص حواليها و بدور عليها و بتقولي

هي فين ..... بنتي فين

قولتلها

بنتك مش هنا

قالت

امال فين بنتي فين

قولتلها

بنتك مش هنا قوليلي مين اللي خد بنتك وانا هجبهالك متخافيش قوليلي

قالت

امل هي السبب بس مش لوحدها هي و خالد

قولتلها

خالد مين

قالتلي

جوزي حب حياتي بس هو خاين

قولتلها

خانك مع امل

قالت

لا هي اللي سرقته مني و خدت بيتي و بنتي هي خدت كل حاجه مني خدت كل حاجه

بعد الكلمتين دول فضلت تعيط جامد و راحت نامت علي السرير و غطت و شها و علقت علي كلمه خدت كل حاجه

سبتها و خرجت من الاوضه و قفلت الباب و طلبت من الممرضه غير الاتنين اللي كانو في الاول المهم قولتلها

عايزه منك تفضلي معاها و متعمليش معاها اي حاجه من غير ما ترجعيلي الاول

قالت

حاضر يا دكتوره

قولتلها

سبيها تعيط و تخرج اللي جوها كله لو نامت خلاص انما لو ما نمتش عرفيني

قالتلي

حاضر بس حضرتك هتكوني فين

قولتلها

هكون في الجنينه تحت

قالتلي

حاضر لو حصل حاجه هبلغ حضرتك علي طول

قولتلها

ماشي

و بعد كده سبتها و مشيت نزلت الجنينه تحت و قعدت افكر ازاي

ازاي ممكن حد يعمل كده في حب حياته ولا صاحبت عمرها دي كمان و مين اللي غلطان طيب حتي لو هي اللي غلطانه هل تستاهل يتعمل فيها كده و هما فين اصلا و فين بنتها دي كمان ياربي الموضوع المره دي صعب اووي و مش عارفه هقدر اساعدها ولا لا يارب قدرني

بعد كده فضلت قاعده شويه و بعدين طلعت فوق عندها لقيت الممرضه بتقولي

يا دكتوره في واحد جت و سالت علي الحاله سلمي

قولتلها

سلمي مين

قالتلي

سلمي المريضه اللي تبع حضرتك يا دكتوره

قولتلها

اه مين دي اللي سالت عليها و هي فين

قالتلي

هي ما قلتشي اسمها و مش عارفه بصراحه هي راحت فين

قولت

امال هي جت ليه

قالتلي

مش عارفه والله يا دكتوره هي كانت عايزه تدخل عندها وانا منعتها و بعدين مشيت

قولتلها

طيب لو جت تاني متخليهاش تمشي قبل ما اشوفها

قالتلي

حاضر ..... بس يا دكتوره هي دي معقوله تبقي قريبتها

قولتلها

مش عارفه بس اشمعنا بتقولي كده

قالت

اصلها بصراحه يعني أموره و لبس و ريحه حلوه و عربيه ايه تحفه و ربنا

قولتلها

لا والله

قالتلي

اه و نعمه يا دكتوره

قولتلها

وانتي بقي شوفتي عربيتها فين

قالتلي

هو انا بس يا دكتوره دي المستشفي كلها شافتها

قولتلها

طيب هي لسه نايمه ولا صحيت

قالتلي

هي فضلت تعيط كده شويه و بعدين راحت في النوم خالص

قولتلها

طيب سبيها نايمه بس خليكي معاها و مدخليش حد عندها خالص

قالتلي

حاضر يا دكتوره

طيب انا ماشيه و لو حصل ابقي كلمني ماشي

قالتلي

حاضر بس هكلمك ازاي يعني

طلعت من جيب البلطو ورقه صغيره و قلم و كتبتلها رقمي و قولتلها

رقمي اهو لو حصل اي حاجه ابقي كلمني و في اي وقت

قالتلي

خلاص ماشي يا دكتوره

قولتلها

سلام

و سبتها و مشيت و خرجت من المستشفى و روحت البيت و كنت تعبانه جدا فا نمت علي طول و تقريبا كده لحد صبح و صحيت علي رنت تلفوني لقيت رقم غريب رديت و انا نايمه و قولت

الو

لقيت و احده بترد بسرعه و بتقولي

الحقي يا دكتوره الحقي

قولت

في ايه مين معايا

قالتلي

انا الممرضه بتاعتي سلمي و سلمي عايزه تنتحر يا دكتوره

قومت مفزوعه من علي السرير و قولتلها

كلمي بتاع الأمن بسرعه و اوعي تسبيها وانا جايه علي طول

قومت و لبس اي حاجه قدامي و خت البلطو و نزلت جري و روحت علي المستشفى و طلعت علي الاوضه بتاعتها علي طول لقتها مليانه ناس الممرضين و الدكاتره و بتوع الأمن و اول ما دخلت لقت الممرضه بتقولي

الحقي يا دكتوره

روحت كلمت سلمي و قولتلها

سلمي معقوله مش عايزه تشوفي بنتك

لقت سلمي بصتلي و بتقولي

بنتي و هي فين بنتي دي

قولتلها

انا هجبهالك و عايزاكي تثقي فيا بس

قالتلي

انا مش عايزه اثق في اي حد و مش عايزه حد سبوني في حالي

قولتلها

طيب و بعد ما نسيبك في حالك هترجعلك بنتك

قالتلي

وانتي بقي اللي هتعرفي ترجعي بنتي

قولتلها

هعرف بس لو انتي ساعتيني في كده

قالتلي

اساعدك ازاي

قولتلها

تعالي و حطي ايدك في أيدي و خلينا نرجع بنتك يا سلمي

و فعلا سمعت كلامي و حطت اديها في أيدي و بعد كده قولت لكل اللي في الاوضه بعد اذن كل اللي موجود ممكن تتفضلوا بره و بعديها بصيت للمدير و قولتله

انا متاسفه جدا بس بعد اذن حضرتك ممكن تتفضلوا وانا هتصرف

اتكلم المدير و قالي

ربنا يعينك و لو احتاجتي اي حاجه ياريت تعرفيني علي طول

قولتله

حاضر يا دكتور متشكره جدا

و بعد كده بص للكل و قال

اتفضلوا يا جماعه و سيبوا الدكتورة رقيه هي هتتصرف

و فعلا الكل خرج من الاوضه و بعدها روحت قفلت الباب و قولتلها

ممكن اعرف ايه اللي حصل معاكي و وصلك تعملي في نفسك كده

بدأت تتكلم و تقولي علي اللي حصل معاها و كان فعلا مفاجأة بالنسبة ليا و ليها طبعا و اللي قالته كان ....................

ن

بدأت تتكلم و تقولي علي اللي حصل معاها و كان فعلا مفاجأة بالنسبة ليا و ليها طبعا و اللي قالته ...................

قالتلي

انا طلبت من الممرضه انزل اقعد في الجنينه تحت شويه عشان زهقت من الأوضه راحت هي وافقت و فعلا نزلت معايا و بعد شويه في دكتور تاني نده عليها و هي قالتلي خليكي قاعده هنا وانا شويه و جيه تاني و انا والله سمعت كلامها و متحركتش من مكاني

قولتلها

مصدقاكي والله من غير ما تحلفي كملي ايه اللي حصل تاني

قالتلي

و بعديها جت هي جت و و و

و بدأت تتعصب و تتشنج و كانت خايفه جدا روحت قفلت الشباك كويس و قفلت الباب بس طبعا براحه عشان مخوفهاش مني و بعدها روحت مسكت اديها و قولتلها

اتكلمي براحه و مش عايزاكي تخافي من اي حاجه ولا من أي حد أنا معاكي كملي هي مين اللي جت

قالتلي

امل هي اللي جت امل انا معملتش حاجه والله هي اللي جت

قولتلها

طيب انتي مش غلطانه هي اللي غلطانه بس هي قالتلك ايه عشان تحاولي تنتحري يا سلمي

قالتلي

هي قالتلي انتي ملكيش مكان في الدنيا دي انتي عايشه ليه انتي مفيش حد بيحبك خالد سابك عشان انتي مجنونه و كمان بنتك مش بتحبك انا عارفه أن مفيش حد بيحبني هو انا فعلا عايشه ليه انا عايزه اموت انا مجنونه عايزه اسيب الدنيا دي

قولتلها

ممكن تهدي شويه امل هي المجنونه مش انتي و بنتك بتحبك ازاي عايزه تموتي و تسيبي بنتك لامل هي تربيها انتي عارفه أن هي كده هتبقي بنت امل مش بنتك انتي

اتعصبت و قالت

انا عايزه اموت انا مجنونه محدش بيحبني

بعت عنها و قولتلها

طيب يعني انتي عايزه تموتي

قالتلي

اه انا مفيش حد بيحبني

قولتلها

و مش عايزه تاخدي حقك

قالتلي

لا مش عايزه

قولتلها

ولا عايزه ترجعي خالد

سكتت شويه و بدأت تهدي و قالت

خالد

قولتلها

اه خالد حبيبك

قالتلي بعصبية

لا خالد مش حبيبي ده خاين هو خني مع امل

قولتلها

طيب وانتي مش عايزه تاخدي حقك منه

قالتلي

هستفاد ايه بعد ما اخد حقي منه

قولتلها

كل واحد فيهم لازم يتعاقب علي اللي عملوه معاكي سواء كان خالد أو امل

قالتلي

ايوه و بعدين

قولتلها

بعد كده تعيشي حياتك مع بنتك في امان و ترجعي حقك و ترفعي راسك وسط الناس علي الاقل عشان تبقي الام اللي تتباها بيها بنتك في يوم من الايام

اتكلمت و هي بتتعصب و قالت

انا مش عايزه حد ولا عايزه اخد حقي من حد سبيني في حالي

روحت جبت كرسي و قعدت قدمها و ربعت ايدي و حطيت رجلي علي التانيه و قولتلها

ماشي و انا هسيبك في حالك و عندي استعداد أخرج من هنا و مش هخليكي تشوفي وشي تاني و انتي لو عايزه تنتحري روحي اعملي اللي انتي عايزه

قالتلي

يعني مش هتمنعيني

قولتلها

لا مش همنعك مش انتي قولتلي سبيني في حالي انا سيباكي اهو اعملي بقي اللي انتي عايزه

كانت بتبصلي و هي مستغربه جدا و بعدين بصت علي الشباك و رجعت بصت علي تاني و قالتلي

انتحر

قولتلها

انتي عايزه ايه

سكتت و رجعت بصت علي الشباك تاني و قالتلي

مش عارفه بس انا تعبت

و بعدين قعدت في الأرض و فضلت تعيط جامد جدا و كأن في حاجه جوها مكسوره فعلا و هي بتعيط كانت بتقولي

انا عايزه ارتاح يا دكتوره انا تعبانه

و بعدين رفعت وشها من الأرض و بصتلي و قالتلي

انا تعبانه ساعديني اوعي تسبيني انتي كمان و نبي

بعد ما قالت كده والله قلبي تعبني عليها بس طبعا ما بينتش ده روحت قمت من علي الكرسي و قومتها من علي الأرض و قولتلها

عايزني اساعدك

قالتلي

ياريت

قولتلها

يبقي تسمعي كلامي بالحرف فاهمه

قالتلي

حاضر والله هسمع كلامك

قولتلها

اول حاجه انا مش عايزه موضوع الانتحار ده تاني

هزت راسها على أساس انها موافقه

قولتلها

لا عايزه اسمع صوتك عشان لو الموضوع ده اتكرر تاني والله مش هساعدك و فعلا هسيبك اللي كان معاكي قبل مني و ترجعي للكهرباء تاني ماشي

قالتلي

لا لا و الله مش هعمل كده تاني خالص

قولتلها

لازم تبقي قويه مش بحب الشخص الضعيف و كمان لازم تاخدي حقك و ترجعي بنتك فاهمه

قالتلي

حاضر والله هبقي قويه و مش هعمل حاجه غير اللي هتقوليلي عليها

قولتلها

طيب انا هسيبك دلوقتي هروح اشوف المدير و هرجعلك تاني ماشي

قالتلي

ماشي

سبتها و خرجت و بعد كده روحت الممرضه و قولتلها

ايه اللي حصل

قالتلي

والله مش عارفه انا كنت معاها و بعدين الدكتور نده عليا روحت كلمته رجعت لقتها بتقولي انا عايزه ارجع الاوضه بتاعتي قولتلها طيب يلا و اول ما دخلنا الاوضه جريت علي الشباك و حولت تنتحر مسكتها بس هي فضلت تصوت و تعيط و المستشفي كلها اتلمت علينا و بعدين كلمتك علي طول

قولتلها

ماشي

و سبتها و كنت لسه هامشي راحت قالتلي

ادخلها يا كتوره

قولتلها

لا بس خليكي هنا بعد ازنك

قالتلي

حاضر

و بعدين سبتها و مشيت روحت دخلت الحمام فضلت اعيط جامد جدا بجد سلمي صعبت عليا و ضعها صعب جدا خصوصا أن مفيش حد عايزها في الدنيا و هي كمان هتتمسك في الدنيا ليه البنت دي شافت كتير اووي في حياتها

بعد شويه مسحت دموعي و قولت لنفسي

انا لازم اوصل للي اسمه خالد ده بأي تمن سلمي لازم تاخد حقها منهم هما الاتنين بس لازم اعرف هل خالد فعلا كان بيحبها ولا ما صدق سابها و فعلا خرجت من الحمام و كنت ماشيه في طرقه طويله شويه و بعدين شوفت قدامي ابن صاحب المستشفى ايوه يوسف اكيد فاكرينه زي بالظبط المهم اول ما شفني ابتسم و قالي

روكا عامله ايه

قولتله

ازاي حضرتك يا دكتور يوسف

قالي

ايه دكتور دي مش احنا اصحاب ولا ايه يا دكتوره

قولتله

اكيد طبعا

قالي

طيب يبقي خليها يوسف بس من غير دكتور

قولتله

ماشي يا يوسف المهم قولي انت عامل ايه

قالي

انا الحمدلله بخير الحمدلله المهم انتي المستشفى كلها بتتكلم عنك

قولتله

عني انا ليه بقي

قالي

ايوه الكل بيقول انك واخده اصعب حاله هنا و سمعت كمان أنها كانت بتتعالج بالكهربه عشان حالتها دي

قولتله

اه فعلا بس أن شاءالله مش هسيبها غير لما تتعالج و تخرج من هنا

ضحك ضحكه سخيفه شويه و بعدين قالي

اتمني ده

ضحكت نفس الضحكه و قولتله

هتشوف بس اذنك يا يوسف

سبته و مشيت وانا كرها نظرته دي بس قولت بعد النظره دي لازم اثبت ان انا صح و بعد ما مشيت شويه لقيت مدير المستشفى جي في وشي قولت لنفسي هو انا اخلص من ابنك تطلعلي انت المهم لقيته قرب و اتكلم و قالي

دكتوره رقيه عامله ايه دلوقتي

قولتله

الحمدلله بخير و حضرتك

قالي

انا الحمدلله المهم طمنيني علي الحاله سلمي

قولتله

هي الحمدلله بخير و انا بطمن حضرتك أن شاءالله اللي حصل ده مش هيحصل تاني

قالي

انا متاكد يا بنتي و ربنا يعينك يارب

قولتله

ربنا يخليك يا دكتور شكرا جدا لحضرتك

قالي

لو احتجتي حاجه عرفيني و أنا معاكي و في اي حاجه و في اي وقت

قولتله

متشكره جدا

قالي

بعد اذنك

و بعدها سابني و مشي وانا كنت متحمسه جدا و فرحانه بكلامه و تشجيعه ليا جدا المهم روحت الاوضه عند سلمي لقتها قاعده علي السرير و اول ما دخلت قالتلي

ايه اتاخرتي ليه

قولتلها

في حاجه ولا ايه

قالتلي

انا خايفه اقعد لوحدي يا دكتوره

قولتلها

مفيش حاجه اسمها خايفه و مش عايزه اسمع الكلمه دي تاني و انتي المفروض تقعدي معظم الوقت لوحدك عشان تفكري هتخرجي من هنا ازاي ماشي

قالتلي

ماشي

قولتلها

المهم قوليلي خالد عايش فين ولا شغال فين بالظبط

قالتلي

علي مكان سكنه بس قالتلي ده مشي من هناك زمان و قالتلي علي مكان شغله المهم قولتلها

طيب متعرفيش مكان تاني عايش فيه

قالتلي

علي مكان شقتها هي و قالتلي يمكن تلاقيه عايش هناك

قولتلها

لا احكيلي بقي عشان انا كده تهت منك و مش فاهمه حاجه ازاي شقتك و هو اللي عايش فيها

قالتلي

خالد كان زميلي في الجامعه و كانت معانا امل انا كنت معجبه بخالد جدا و المفروض أن هو كمان كان بيحبني و اتخطبنا و بعد الخطوبه بشهرين ماما توفت وانا مكنش ليا حد غيرها عشان بابا كمان كان متوفي من زمان و بصراحه هو فضل واقف جامبي و كمان امل و انا محستش اني وحيده ولا حتي يتيمه و بعد كده ........

سكتت و انا اتكلمت و قولتلها

و بعد كده ايه

قالتلي

انا عايزه انام و لما اصحي ابقي هقولك

مردتش اتقل عليها و فهمت انها بتهرب و مش هتقدر تكمل المهم قولتلها

ماشي انا هسيبك دلوقتي و هبقي ارجعلك تاني يلا روحي نامي

و هي فعلا راحت علي السرير و نامت و بعدين طلعت و ندهت علي الممرضه و قولتلها

خليكي معاها و اوعي تسبيها لوحدها خالص

قالتلي

ماشي حاضر يا دكتوره

قولتلها

انا همشي دلوقتي و لو حصل اي حاجه اتصلي بيا علي طول فاهمه

قالتلي

فاهمه و ربنا

و بعدين قلعت البالطو و خت بعضي و خرجت من المستشفى و انا مستعجله و لسه هامشي شويه لقيت عربيه و ..................

ن

و بعدين قلعت البالطو و خت بعضي و خرجت من المستشفى و انا مستعجله و لسه هامشي شويه لقيت عربيه و ..................

كانت هتخبطني بس الحمدلله جت سليمه و تخيلوا بقي مين اللي راكب فيها حامد اكيد نسينه هفكركوا بيه حامد اللي كان راكب معايا في التاكسي فكرينه ايوه هو ده المهم

ر حدوحت رايحه عند الشباك و قولتله

ايه يا عم مش تفتح

ضحك و قالي

انتي تاني يا دكتوره

عملت نفسي مش عارفه و قولتله

دكتوره اده انت تعرفني

قالي

ايه حضرتك نسيتيني ولا ايه

قولتله

ما علينا ممكن اطلب منك خدمه

قالي

يا سلام انتي تامري اتفضلي

قولتله

انا عايزاك معايا في مشوار مهم جدا

قالي

اتفضلي

و بعدها فتحلي باب العربيه و بعدها ركبت معاه و قولتله

شكرا

قالي

العفوا بس هو انتي فعلا مش فكراني

ضحكت و قولتله

لا يا عم فكراك

قالي

بقي كده امال عملتي انك مش عرفاتي ليه

قولتله

مكنتش واخده بالي في الاول بس بعد كده عرفتك خلاص

قالي

ماشي يا ستي المهم هتروحي فين

قولتله عنوان شغل خالد جوز سلمي و بعدها قالي

عايزه مين من هناك

قولتله

عايزه واحد اسمه خالد

قالي

خالد ايه

قولتله

مش عارفه كل اللي انا اعرفه اسمه خالد

قالي

في هنا اتنين اسمهم خالد عايزه أنه واحد

قولتله

و انت تعرف منين

قالي

انا في واحد صاحبي هناك اسمه خالد عشان كده بسالك

قولتله

اللي انا عايزه كان متجوز واحده اسمها سلمي

قالي

لا مش عارف بصراحه

قولتله

طيب مراته دلوقتي اسمها امل

قولتله

لا معرفش اسم مراته ايه يا بنتي

قولتله

مش انتوا أصحاب

قالي

احنا مش صحاب مقربين يعني احنا مجرد زمايل مش اكتر

قولتله

ماشي

قالي

هو في حاجه معاه ولا ايه

قولتله

هو كان جوز حاله عندي في المستشفى و حابه اتكلم معاه شويه بس

قالي

ماشي بس هتتكلمي معاه في ايه مهي مراته خلاص اتجننت

قولتله وانا متعصبه

اولا مين اللي قالك أنها مجنونه

ثانيا حتي لو هي مجنونه يسبها و بعدين ايه السبب اللي خلاها تتجنن و مين السبب في ده

قالي

اهدي بس يا دكتور انا مكنش قصدي ازعلك والله انا بس بسال مش اكتر

قولتله

انا اسفه لو أنفعلت عليك وانت ملكش ذنب بس الموضوع مضايقني اووي وعلي الأغلب هو السبب في كده

قالي

معقوله ممكن يكون هو السبب في حاجه زي كده ده جوزها

قولتله

مهو انا بقي عايزه اتكلم معاه عشان اعرف ايه اللي حصل

قالي

ماشي علي العموم انا هوصلك لحد هناك

قولتله

ماشي

و بعد شويه وصلنا للمكان و هو قالي

هو ده المكان اللي قولتيلي عليه اتفضلي

فتحت باب العربيه و نزلت و هو قالي

طيب تحبي استناكي ولا امشي

قولتله

لا لا كتر خيرك اووي لحد كده اتفضل انت وانا لما اخلص امشي

قالي

ماشي براحتك مع السلامه

قولتله

متشكره جدا تعبتك معايا

قالي

لا عادي ولا يهمك تعبك راحه مع السلامه

قولتله

سلام

المهم هو مشي وانا دخلت الشركه و سالت علي خالد قالي الرجل الأمن

ان فيه اتنين خالد حضرتك عايزه خالد مين

قولتله

انا بصراحه مش عارفه اسمه خالد ايه كل اللي اعرفه ان اسمه خالد

قالي

طيب بصي هما في اتنين خالد بس في واحد منهم مش موجود فا انا هجبلك استاذ خالد اللي موجود

قولتله

تمام ماشي

و بعدها سابني و راح اتصل بالاسمه خالد ده و بعد شويه رجع و قالي

ثواني و هو نازل

قولتله

تمام ماشي

و بعدين رجعت و قولتله

ممكن اسالك حضرتك سؤال

قالي

اه طبعا اتفضلي

قولتله

هو الاستاذ خالد متجوز

قالي

ايوه طبعا متجوز

قولتله

طيب معلش هو اسم مراته امل

قالي

لا والله مش عارف اسم المدام بتاعته ايه علي العموم الاستاذ خالد جي هناك اهو تقدري حضرتك تسأليه براحتك

قولتله

خلاص ماشي شكرا

و بعدها مشي و جه الاستاذ خالد لقيت واحد طول بعرض و شكه يعني الي حد ما كويس المهم قرب مني و قالي

ايوه مين حضرتك

قولتله

انا الدكتورة رقيه ممكن نتكلم مع بعض شويه

قالي

ايوه بخصوص ايه بقي

قولتله

معلش هي مرات حضرتك اسمها امل

قالي

ايوه حضرتك صاحبتها

قولتله

لا انا صاحبت سلمي

قالي

سلمي سلمي مين

قولتله

حضرتك مكنتش متجوز واحده اسمها سلمي قبل مدام امل

قالي

اه سلمي

قولتله

ايوه ممكن نتكلم شويه

قالي

انا اسف جدا بس انا عندي شغل و مش فاضي للكلام ده

و سبني و لف وشه و روحت متكلمه و قولتله

ازاي قدرت تعمل كده في واحده كانت بتحبك

قالي

انا معملتش معاها اي حاجه بالعكس أنا استحملتها و استحملت جننها

قولتله

و مين السبب في جننها ده

قالي

وانا مالي

قولتله

و جالك قلب ازاي تتجوز صاحبتها يعني خلاص ملقتش غير اعز أصحابها

قالي

لقيت مع امل اللي كان ناقصني

قولتله

معقوله مش فاكر اي حاجه حلوه سلمي عملتها معاك

قالي

بقولك ايه انا مش ناقص مواعظ و مش عايز اتكلم في الموضوع ده تاني و سلمي انا خلاص طلقتها و معنديش غير زوجه واحده بس و أنا مرتاح في حياتي اتفضلي بقي مع سلامه

و بعدها لف وشه تاني روحت قايله كلمه و هي طلعت مني من غير ما اقصد بس الحمدلله طلعت في مصلحتي المهم قولتله

انا كده هطر ابلغ الشرطه

وقف تاني و قالي

نعم هتبلغي الشرطه علي ايه بقي

قولتله

علي الحاجات اللي اخذتها من سلمي غصب عنها

قالي

نعم حاجات ايه بقي أن شاءالله

و انا طبعا كنت بتكلم علي بنتها بس شكل كده في بلاوي كتيره فا قولت اتكلم من غير ما احدد و قولت

سلمي قالتلي علي كل حاجه و لو حضرتك مش عايز تتكلم معايا ممكن حضرتك تتكلم مع الشرطه اي رايك

قالي

انا مش بتهدد

قولتله

لا ده مش تهديد انا بعرفك اللي هعمله

قالي

طيب ممكن نتكلم بعدين عشان فعلا أنا مشغول جدا

قولتله

تمام

و بعدين طلعت كرت بتاعي و قولتله

ده فيه كل ارقامي اتصل بيا في أي وقت

قالي

تمام اكيد هتصل بيكي

قولتله

تمام في انتظار حضرتك

قالي

تمام بعد ازنك

قولتله

استاذ خالد اتمني ميكنش فيه اي تجاوزات انا مش لوحدي اكيد فهمتني

قالي

تمام بعد اذنك

قولتله

اتفضل

و بعد ما مشي مشيت انا كمان و خرجت من الشركه و لقيت حامد كان مستني و راكن علي جنب و هو اول ما شافني نزل من العربيه و نده عليا و قالي

تاكسي يا دكتوره

ضحكت و قولتله

فاضي يا اسطا

قالي

في انتظار حضرتك يا دكتوره

قولتله

ماشي يا عم يلا بينا

روحت و ركبت العربيه و هو كمان ركب و بدأ يسوق و اتكلم و قال

ايه خلصت الموضوع ولا لسه

قولتله

لا ده الموضوع صعب شويه مش هيخلص كده

قالي

ليه كده متكلمش ولا ايه

قولتله

لا مقالش حاجه و بعدين اتهرب مني

قالي

اه طيب و ده معناه ايه بقي

قولتله

معناه أن انا صح

قالي

يعني ايه برضو

قولتله

يعني أن انا ماشيه في الطريق الصح و شكله كده عامل مصايب

قالي

معلش هو انتي بتعملي كده مع كل الحالات اللي عندك

قولتله

بص يا حامد انا مقتنعه جدا أن كل الحالات اللي موجوده في المستشفى وراها سبب مخليها توصل لكده وانا بحكم وظيفتي تخليني اقف مع كل حاله لحد ما تتحسن

قالي

ربنا يباركلك والله يا دكتوره

قولتله

ربنا يخليك يا استاذ حامد

قالي

ماشي المهم قوليلي تحبي تنزلي فين

قولتله

نزلني قدام المستشفى وانا هبقي اخد مواصله تانيه لحد البيت

ضحك و قالي

طيب ما وصلك لحد البيت و خلاص

قولتله

والله يبقي كتر خيرك

و فعلا وصلني لحد البيت و اول ما روحنا لحد هناك لقيت الناس كلها ملمومه قدام بيتي نزلت جري و قولتلهم...................