الفصل الثالث والعشرون

رواية في قلب القريه الجزء الثالث والعشرون 23 بقلم نوسة حمد في قلب القريهرواية في قلب القريه الحلقة الثالثة والعشرون

ابراهيم قال لي نوسه عاوزك في موضوع قلت ليهو شنو قال لي خلينا نمشي اي مكان نقعد فيهو مشينا مطعم وطلب عصير وبعد سلم علي واطمئن علي حالي قال لي نوسه انا عاوز اسالك من بت شفتها مره داخله بيتكم قلت ليهو طوالي فتح الاستديو وفتح لي صوره ما واضحه سمح بس كانت مهاد قلبي بقا يدق قلت ليهو دي مهاد قال لي بتعرفيها من وين زميلتك ولا شنو لانو حسب معلوماتي البت دي بتقرا معاك في الجامعه سكتا ومافتحت خشمي وابيت ارد عليهو قلت لازم اعرف

هو سالني منها ليه عشان لو قلت ليهو دي مرت اخوي ما ح يتكلم قال لي ردي قلت ليهو اي صاحبتي في شنو ومالا قال لي ممكن اطلب منك طلب قلت ليهو جدا قال لي ممكن تقطعي علاقتك بيها قلت ليهو ليه ما ح اقطعها قال لي نوسه البت دي م بتشبهك انا بعرفك وبعرف صفاتك قلت ليهو ليه يعني مالا قال لي زوله م كويسه وبعد ربنا سترها واداها راجل بعد غلطت ما احترمتو ولا قدرتو قلت ليهو كيف قال لي بس م كويسه ي نوسه اسمعي كلامي لو مره انا عاوز ليك

الخير البت دي احتمال توقعك في طريقا قلت ليهو ابراهيم ناهيك عن اي شي بس انا امي الولدتني لو كانت ماشه في الغلط وانا ما عايزاهو ما ح امشي فيهو خلي كمان دي قال لي انا واثق من انك انتي واعيه بس البشوفك معاها وانا من لحظه شفتها معاك عاوز اسالك منها بس ما جات فرصه قلت ليهو طيب ممكن سؤال انت بتعرفها من وين قال لي بعرفها دي بت بلدي انخلعت وقلبي دقاتو زادت قلت ليهو انت من القريه الفلانيه قال لي جدي منها فجاه اتزكرت خالتو سعاد

انها بتشبه نسيبتي شديد قلت ليهو جدك الماحي قال لي اي بتعرفي من وين انتي بتعرفي قريتنا دي سكتا وغلبني ارد والعبره خنقتني انا عارفه الدنيا دواره بس مالي الدرجه دي قلت ليهو خليك من عرفتهم وين احكي لي مالا مهاد قال لي نوسه بتزكر مهاد دي كانت واقعه ليها في مشكله وانها حامل بالحرام وشنو ما عارف وامها اتصلت علي طلعتها بكفاله قلت ليهو حرام عليك طلعتها ليه كان تخليها وكنت ببكي قال لي نوسه بسم الله مالك ممكن تهدي هي موش صحبتك

مفترض تفرحي اني طلعتها وع فكره ي نوسه انا لمن طلعتها كنت مصدق انها مظلومه والضابط زميلي لمن قلت ليهو دي بت بلدي طلعها طوالي وتحت تحت عرفت انها فعلا حملت بالحرام وانا لسه كانت دموعي جاريه قلت ليهو انت عارف بي حركتك دي ظلمت انسان طاهر قال لي ظلمت منو ي نوسه ما تحسسيني بالذنب وبعدين انا قلت ليك افتكرت انها مظلومه وخلاص بعد اتزوجت قلنا ربنا يهديها بس شكلو المتعلم علي الفجور ما بخليهو قلت ليهو مالا يعني الجديد شنو قال لي

اتصلت علي هي زاتا وكانت في حاله صعبه وشكلها متلمه ليها علي بنات م كويسات ومأجرين شقه والجيران شكو منهم وبلغو عنهم المهم الشرطه لمن جات البيت لسوء حظها لقو معاها ولد والولد اظنو ولد وزير وطلع منها في ثواني وبدل يطلعها معاهو خلاها وقضيتهم كبيره شديد اتصلت علي عشان اجي اترافع عنها ومشيت ليها في السجن وقلت ليها انا اخر واحد اترافع عنك ودا مكانك الاساسي وجيت منها قلت ليهو ابراهيم الكلام دا متين قال لي امس القريبه دي قومتا

علي حيلي قلت ليهو انا لازم امش البلد ووريني هي مسجونه وين قال لي دقيقه علاقه البلد بتاعتكم بمهاد شنو قلت ليهو ابراهيم انا ح احكي ليك لكن توعدني انك تساعدني قال لي م عايز ليها وعد انا اخدمك بروحي وحسيت نظراتو لي حنينه بس اتجاوزتها قال لي نوسه احكي انا حاسي في قصه كبيره قلت ليهو اكبر مما تتصور ابداها ليك من وين قال لي ابديها لي من جدي حسيت انو عايز اعرف انا بعرف جدو من وين قلت ليهو حاجه ثريا خالتك صاح قال لي اي عندهم

وفاه كانت قالو بت محمد ولدها ضربتا كهرباء قلت صحي الشينه منكوره قلت ليهو خالتو سعاد مشت قال لي لا امي نحنا موقفنها من البلد نهاي وديل اخوانها اولاد ابوها ومن زمان علاقتهم م شديده قلت ليهو الاعراس ما بتجوهم قال لي بالعكس اي عرس حضرناهو الا عرس محمد الاول ابوي كان متوفي م مشينا ليهم حسيت انو علاقتهم بيهم ما شديده قلت ليهو انا مرت محمد الما حضرتو عرسها قال لي شنو بتهظري صاح قلت ليهو دي حاجه بهظرو فيها قال لي طيب انتي م

مجنونه واعيه قلت ليهو كيف قال لي سمعنا انو مرتو مجنونه وقتلت طفلتها في بطنها انا لمن جاني طمام وجريت الحمام استفرغتا الحسره والوجع ووجع بتي الماتت بسبب غباء زوجي وابراهيم واقف جنب الحمام وبقول لي نوسه انتي كويسه نوسه افتحي الباب انا اسف والله اسف وانا لسه بطني طامه وشغاله استفرغ غسلت وشي وطلعت من الحمام لمن برجف وحيلي ما شايلني وبقيت ماسكه في الحيطه عشان اصل الطربيزه إبرآهيم مسكني من يدي قال لي نوسه حاسيك ح تقعي وفي

مره من بعيد شافتني لمن دخلت استفرغ جات قالت ليهو ما تخاف بتكون حامل ربنا اتمو ليها ابراهيم ابتسم وقال ليها تسلمي يمه وصلت بقدره قادر الطربيزه وابراهيم مخلوع قال لي نوسه انا اسف اقسم بالله لو عارف كده خشمي ما افتحو قلت ليهو ابراهيم لخير قلت ليهو والله ثلاثه مرات ح اقول الحق قال لي م محتاج تحلفي بقيت احكي ليهو من لحظه اتزوجت محمد لمن اطلقت منو وهربتا الخرطوم

بقا يعتزر لي وقال لي نوسه بجد انا اسف والله لو كنت بعرفك ما كان صدقت اكاذيبهم دي وعلي فكره انصدمت في محمد قلت ليهو دا كوم ولا بتو الماتت بالكهرباء دا كوم تاني قلت ليهو بتعرف وليد قال لي اي ولد خالتي بتعرفي قلت ليهو وليد دا اكتر زول وقف معاي بعد محمد طلقني قال لي وليد كويس شديد ما زيهم بختلف عنهم تماما قلت ليهو ظاهر وبقيت احكي ليهو بالاغتصاب لمن بقا اتعوذ قلت ليهو حكا لي وليد واخوهو العمل كده قال لي الصغير صاح قلت

ليهو ياهو قال لي دا ما نافع شماسي قلت ليهو دا سبب البلاوي ووليد قال خاصم امو عشان طلبت منهم يطلعو قال لي يطلع كيف دا مفترض ينعدم قدام الناس عشان يكون عظه وعبرة لاي زول نفسو ضعيفه قلت ليهو يستاهل والله البت وجعتني قال لي يا نوسه في الاخر دا اهمال امها وين قلت ليهو امها وين دا المشكله الطلقتني من محمد ياخ الناس ديل فارغين ومخهم فاضي بقيت احكي ليهو قال لي والله محمد خسر بت ادب وفهم قلت ليهو الحمد لله انو وصلت لكده لاني

كنت ح اضيع وسط الهمجيه الهم فيها والبت دي كانت تكون بتي بس لخير قال لي الحمد لله يا نوسه بس لسه مندهش ومخلوع قلت ليهو زيي تماما قلت ليهو دا كلو ما الموضوع انا عاوزه احكي ليك الاهم مهاد دي م صحبتي مهاد دي زوجه احمد اخوي الاتزوجها غصبا عنها وبسبب تحاريشا طلعتني مجنونه والمصيبه الاكبر انها عندها قسيمه من الولد المبارياهو قال لي قسيمه قسيمه شنو بقيت احكي ليهو في الدرامات الحصلت في الجامعه لمن ختا يدو في راسو قال لي سؤال

اخوك وين ي نوسه قلت ليهو دا العاوزاهو منك عليك الله انقذ اخوي انا كل م حاولت انقذو بتطعني هي في ضهري كانها شيطان ممكن تخلينا نمش الحله وافهم احمد اخوي ويجي يشوفا في السجن عشان يقتنع قال لي جدا والله هسي لو ماشه امش معاك الساكت عن الحق شيطان وانا عندي ما يثبت انها م كويسه م تخافي ي نوسه اخوك بعد يعرف الحقيقه مستحيل يخليها يوم في عصمتو قلت ليهو بس انا من زمان بفتش لطريقه اوقعا بيها قال لي وانا بساعدك قلت ليهو نمش البيت

وتكلم امك عشان ما تشفق وانا اوري اشتياق عشان تقعد مع امك قال لي انا عندي ليك فهم بنمشي بكره الصباح قلت ليهو خايفاها تطلع قال لي والله ساعيين لي انو يطلعوها قلت ليهو بس ماف زمن لازم نمش ونجي ف نفس اليوم ونجيب احمد يشوف بعينو قال لي تمام مشينا البيت انا وريت اشتياق بالحقيقة وابراهيم قال لي قلت لي امي عندي قضيه ومشينا بعربيه ابراهيم طول السكه دموعي م وقفت ابراهيم قال لي اطمني يا نوسه كلو بتحلا انتي بس روقي قلت ليهو في

مصيبه تالته بس خلينا ننتهي من ديل اول واحكيها ليك قال لي تمام وصلنا حلتنا وقلبي دقاتو زايده شديد وصلنا بيتنا وطقينا الباب وسمعت صوت امي وخطواتها جايه علي الباب وانا دموعي سيل وبتقول منو ما ردينا عليها لمن فتحت الباب لمن شافتني لمن انخلعت ………نشوف الحلقه الجايه هل نوسه وابراهيم ح ينجحو يقنعو احمد انو يمش يشوف مرتو مرميه في السجن ولا ما ح يلحقو ويلقوها طلعت من السجن اغلبيه التوقعات كانت كلها صحيحه بالذات ف حلقه اليوم

نشوف توقعاتكم للحلقه الجايه باذن الله كونو بخير