الفصل الثاني والعشرون

رواية في قلب القريه الجزء الثاني والعشرون 22 بقلم نوسة حمد في قلب القريهرواية في قلب القريه الحلقة الثانية والعشرون

مشيت لي عماد طليق اشتياق في الشغل وبعد جدال مع السكرتيره بتاعتو حتي قدرت اصل ليهو وهنا جا دوري امثل مثلت ليهو اني فاقده السند ومحتاجه شغل ونزلت لي دمعتين قال لي اي شغل بتشتغلي قلت ليهو اي شي ان شاء الله انظف ليكم قال لي لا انا محتاج لمساعد مالي رايك شنو قلت ليهو موافقه قال لي انا اهم شي عندي الامانه واداني محاضره طويله وعريضه تحلف تقول هو ما جايبا بي حق المسكينه دي قلت ليهو العفو انا مستحيل ادخل علي قرش حرام قال لي

دا العاوزو ونادا البت الشغاله جات تدلع وتتنايص انا م عارفه البنات ديل عقلن بمش وين عشان القروش الواحده تهبل بي نفسها وناسيه انو البجيها دا بي دلع ولا بدون دلع بجيها وغير نصيبك م بتاخد بس العقليه لمن تكون كعبه وفاهمه الرزق غلط تبقا مشكله ولا احتمال تكون طمعانه في حاجات تانيه وعايزه توقعو المهم م ارتحت ليها وهي كمان م ارتاحت لي ودتني الحسابات وعرفتهم بي وهم شكلهم اخسس منها نهاي م رحبو بي م ركزت معاهم حاولت افهم منهم

الشغل واحد فيهم داير يفهمني ماف مسكت الدفاتر وما ناقشه الحبه حاولت افهم حرف غلبني في واحد كده حسيتو مركز في شغلو مشيت اتكلمت معاهو قال لي معليش انا م تبع الحسابات انا امين مخازن الحسابات ماسكها علي دا واشر لي عليهو قلت ليهو طيب هو ما عاوز يوريني الشغل قال لي حاوليهو مشيت سلمت عليهو كنت شايله لي دفتر حسابات قلت ليهو مرحبا انا نسيبه المساعد بتاعك بزهج قلع مني الدفتر قال لي م طلبت محاسب اقعدي في الكرسي داك قلت ليهو ممكن

تديني فرصه انا شاطره وانا وانا بقيت احنس فيهو قال لي يا استاذه انا م طلبت مساعد خلي المدير. يشوف ليك وظيفه تاني شيلت الدفتر القلعو مني قلت ليهو م علي كيفك انا هنا وظيفتي مساعدك لي بكره او بعدو ح تتقبلني بقا يتنفس بصعوبه وحمر لي لمن خوفتا رجعت للموظف السالتو اول قعد اضحك قال لي لو خلاك تشتغلي معاهو تعالي تفي لي في وشي ونصيحتي ليك شوفي اي وظيفه تانيه بيني وبينك الزول دا ما امين اعملي حسابك احتمال يلبسك اي شي وبالذات

انتي مافاهمه طبيعه الشغل قلت ليهو علي منو انا ح استاذن المدير اشيل الدفتر معاي البيت وافهم طبيعه الشغل وتاني يا انا يا هو قال لي حره بس اعملي حسابك الشغل فيهو الخساسه كلامو حسسني اني في حرب بس كل م اتزكر حق اشتياق اقول هو دا زاتو الح يوصلني لحق اشتياق قال لي اسمك منو قلت ليهو نوسه وانت قال لي انا عزام من شرق الجزيره قلت ليهو هي ولد بلدي انا من الجزيره قال لي ي سلام اتشرفت بيك والله قلت ليهو انا كمان قال لي بما انك بت

بلدي عاوز اديك وصايا اول شي حافظي علي نقابك وكوني قدرو وتاني شي احزري بتاع الحسابات دا والسكرتيره اما باقي الاستاف كلو كويس ونسيت اقول ليك صاحب الشركه دا احزري منو تماما اوعك تضعفي عشان القروش مثلي جزيرتنا بكل عاداتنا وتقاليدنا قلت ليهو اطمن يا عزام وكلامك فوق راسي انا جابتني الحوجه ولو عاوزه الفارغه كان في دقايق جبتا قروش بس انا جيت هنا عندي هدف ابشرك م ح اخزلك قال لي تمام واذنك دوامي خلص وع ما اعتقد انتي كمان دوامك

خلص وما تشيلي الدفتر من غير م تستاذني وارح معاي انا ماشي اسلمو الاوراق دي قلت ليهو تمام مشيت معاهو وبتاع الحسابات اعاين لي ساي واحمر لي وانا جبتا قوه القلب من وين م عارفه ولا شغاله بيهو مشيت معاهو للمدير ووريتو بالحصل قال لي م عليك انا بكره ح اتفاهم معاهو طلبت منو اشيل الدفتر عشان افهم الشغل قال لي ممكن هنا تطلعي عليهو ممنوع حاجه بتخص الشغل تطلع بره قلت ليهو تمام انا كل يوم ح احاول افهم طبيعه الشغل قال لي تمام وطلعت

مشيت البيت لاقاني ابراهيم سلم علي قلت ليهو امك كيف قال لي كويسه انتي كيف ووين كونتي قلت ليهو نزلت شغل قال لي شغل شنو وليه قلت ليهو انت نسيت انا علي رسوم جامعه وعلي فكره اتحولت في جامعه النييلين قال لي كويس والله جنب المكتب بتاعي لمن تكوني ماشه الشغل ح اسوقك معاي قلت ليهو م بتقصر وما عايزه اتعبك قال لي العفو ي نوسه البينا اكبر شكرتو ودخلت لي امو سلمت عليها واتونست معاها كتير واشتياق جاتني ومشينا البيت كانت متشوقه

عاوزه تعرف الحصل شنو مشينا البيت وبقت تسال فيني قالت لي عماد كيف كويس صريت ليها وشي قلت ليها بتحبي لسه سكتت ما ردت علي قلت ليهو شوفي يا اشتياق سبب واحد بخليك تحني لحيوان زي دا ماف وبعدين انا م عارفه كنتي مغشوشه فيهو كيف وابشرك مرتو الفضلا عليك ما ماليه عينو شكلو عندو حاجه مع الشغاله ليهو في الاستقبال وانا اعاين لي ساي واتعرفت علي ولد من شرق الجزيره الوحيد الرحب بي وعماد عيني مع بتاع الحسابات مساعده بس بتاع الحساباات

ما راضي وشكلو سافيهو سف خليني بس امسك عليهو شي واهددو تاني برجع ليك حقك بمزاج قالت لي كيف لكن قلت ليها ما شغلتك خلي علي انا الكلام دا انتي بس عايني قالت لي نوسه خايفه عليك قلت ليها م تخافي يا اشتياق انا عندي فضول م طبيعي وحاسه بسبب فضولي دا ح تحصل لي حاجه بس م عليك متوكله علي ربنا وفضولي بجري ورا الحق في حين انو مفترض اسكت بس يا اشتياق ما بقدر عديل قالت لي نوسه كدي ح تهلكي نفسك طاقتك دي محتاجه ليها في حياتك وفريها

قلت ليها هم تلاته حاجات لازم اصل معاهم لحل اول شي حقك وحاسه اني ح اتوفق شديد واحمد اخوي يعرف حقيقه مهاد ولازم وتالت شي القريه الادتني درس عمري ما انساهو قالت لي نوسه القريه مالك ومالا قلت ليها ما مالي ومالا ديل عايشين في جهل غريب كأنهم غجر رغم انو بقيه القري م زيهم قالت لي اها وح تعملي شنو قلت ليها م عليك بتصرف هسي انا شغاله عشان اتم قرايتي واجيب ليك حقك قالت لي ربنا يوفقك قلت ليها امين

حاولت انوم بس التفكير شاليني شل بالجلاله حتي نومتا وصحيت جهزتا مشيت الجامعه حضرت المحاضرات وجريت علي الشغل وصلت مع الزمن الاداني ليهو المدير لاقاني علي في وشي سلمت عليهو ما ردا علي وفات عزام شافني من بعيد اشر لي مشيت سلمت عليهو قال لي نوسه والله علي م بخليك تشتغلي معاهو قلت ليهو م عليك انت راغب بس شيلت الدفتر وقعدت اراجع في الحسابات من اوب صفحه حسيت في فرق في الحسابات وفرق واضح الصفحه التانيه برضو وبقيت عندي فضول

احسب الفرق مشيت جبتا لي دفتر وقلم بديت اطلع في الفرق علي شافني جا قلع مني الدفتر طقيت ليهو الطربيزه قلت ليهو انا موظفه هنا زيي زيك وتم تعيني في الحسابات ما من حقك تشيل مني الدفتر المدير شكلو سمعنا جا قال ليهو ياعلي خير فشنو قال ليهو انا شايل الشغل دا من بديت انت شغلك يوم واحد احتجت فيهو لي مساعد ماف وما بحب زول يشتغل معاي قلت ليهو مابتحب دي تقولا في حاجه بتخصك بس انا صاحب الشركه عيني انت خايف من حاجه لا سمح الله

واديتو نظره حاده لمن حسيتو بقا يتمتم عماد قال ليهو انا كلامي م بتكسر وح تشتغل معاك جيت شيلت الدفتر من يدو ورجعت الطربيزه وجبتا الاله الحاسبه عماد واقف اعاين لي ساي ومحتار في البت الشخصيتا قويه دي قال لي عفارم عليك وفات وعلي هناك داير يموت والمكان برد هو مسخن اتهبب وعرقو نازل حسيتو خاف مني شديد وانا طلعت كل الفروقات في اقل من تلاته ساعات وجيت قعدتا قصادو في الكرسي قلت ليهو ممكن اتناقش معاك قال لي تتناقشي مع منو انتي

صدقتي ولا شنو قلت ليهو صدقت شنو دا شغلي وممكن اعرف الفروقات الفي الحسابات دي فاتت وين قال لي فروقات شنو وبقا يتمتم واقش في عرقو قلت ليهو عرفت ليه ما عاوزني اشتغل معاك بس لقيتني كيف لو لي بكره راجعت باقي الحسابات ح اقعد مكانك وانت ح تترفد قال لي بتحلمي يا استاذه قلت ليهو اكيد بحلم والبحلم بيهو الله لا وراك ليهو جا قريب مني وقال لي اسمعيني عندي ليك حل لكن ع شرط تسكتي قلت ليهو اشوف حلك اول قال لي م هنا انتي اطلعي

انتظريني في المطعم الجنب الشركه انا بجي لاحقك قلت ليهو طيب زمني انتهي شيلت شنطتي وطلعت انتظرتو في المطعم جا سلم علي وقال لي انتي قصتك شنو قلت ليهو قصه شنو م عندي قصه زوله جات اشتغلت ومن اول دوام اكتشفت فساد الح تشتغل معاهو تسكت عشان يلبسها كل الفساد مت حقي اعرف الفروقات دي مشت وين قال لي انا عندي ليك حل بدل تسالي من الفروقات مشت وين انتي طالبه وكادحه ومحتاجه للجنيه رايك شنو نص الفروقات دي اديك ليهم وع شرط تسكتي صلحت

قعدتي قلت ليهو دي فروقات دفتر واحد لسه في غيرو وغيرو لو ح تقسم لي الفروقات بالنص انا م عندي مانع قال لي موافق بس اقل كلام يطلع منك ما برحمك قلت ليهو اكلم منو خشمي وعندي بس ما ح اوقع علي اي شغل ولا حسابات فيها فروقات قال لي موافق انتي بس خشمك وعندك انا عماد دا صاحبي عارف العز الفيهو دا من وين وحلال علينا البنشيلو قلت ليهو كيف ما فهمت قال لي عماد دا غشا علي زميلتنا في الشغل واتزوجا وشال كل قروشها وغدر بيها ونهايتا

مجدوعه في مصحه وهو مستمتع في نعيم عرق جبينا ابقا كلنا حقنا ولا شنو قلت ليهو اي كلامك صاح والسرقه فيهو م حرام قال لي عليك نور نخت يدنا في يد بعض وبشبعك شبع قلت ليهو موافقه وشرطو اني م اكلم زول قلت ليهو نهاي قال لي بالذات عزام لانو عامل فيها شريف وما بدخل عليهو قرش حرام قلت ليهو اطمن طلعت من المطعم ويارب توصلني لي اشتياق حكيت ليها القصه من الاول قالت لي علي شغال معاهو قلت ليها اي قلت ليها شفتي السهوله الح اطلع بيها حقك

ومن غير م انجس يدي قالت لي نوسه انتي مبالغه

قلت ليها دي كلها تساهيل من ربنا وراغبي الظلمك وهو بيدمر قالت لي يستاهل ما اخدت مجهود ولا وقت في اني القا طريقه وارجع بيها حق اشتياق وح امسك علي من يدو البتوجعو وكل مره اسحب منو مبلغ كبير لغايه ما الحق يرجع لي ستو

مرت الايام وبقيت في دوامه الجامعه والشغل وعلي بقا خايف مني قبل يدخل عليهو حاجه بديني نصها من غير م اوسخ يدي انا بس بجمع ليهو ملفات المشتريات وكده وهو شغال يزوغ في الحسابات والغبي الاسمو عماد يمضي في الشيكات ويصرف واي حاجه بديني ليها بجيبا لي اشتياق بتنزلا في حسابا حق البنك

مرت الايام وابراهيم لقيتو منتظرني في الشارع قال لي نوسه ممكن دقايق من وقتك قلت ليهو خير قال لي مافي الشارع ارح نمشي اقرب مطعم قلت ليهو تمام مشينا مكان بتاع عصاير وطلب لي عصير وجا قعد قال لي نوسه انا عايز اسالك من شخصيه شفتها مره معاها راجل داخله بيتكم قلت ليهو ياتو شخصيه قال لي انا التقطت ليها صوره بس م واضحه واكيد انتي ح تعرفيها لانو مره شفتها داخله بيتكم قلت ليهو وينا طلع تلفونو وفتح الاستديو وراني صوره وشكلها دي مهاد قال لي دي بتقرب ليك شنو انا قلبي قال شح وغلبني اررد ………تفتكرو ابراهيم عرف مهاد من وين وقصتها شنو المره دي خمنو صاح